rKTs

e-texts navigator

Volume

Page

121b₁ pas yongs su gtad pa ni bcom ldan 'das ngo mtshar te/ bde bar gshegs pa ngo mtshar to/ /bcom ldan 'das byang chub sems dpa'i theg pa la yang dag par zhugs pas ji ltar gnas par bgyi/ ji ltar bsgrub par bgyi/ ji ltar sems rab tu gzung bar bgyi/ de skad ces gsol
121b₂ pa dang / bcom ldan 'das kyis tshe dang ldan pa rab 'byor la 'di bka' stsal to/ /rab 'byor legs so legs so/ /rab 'byor de de bzhin no/ /de de bzhin te/ de bzhin gshegs pas byang chub sems dpa' sems dpa' chen po rnams la phan gdags pa'i dam pas phan btags so/ /
121b₃ de bzhin gshegs pas byang chub sems dpa' sems dpa' chen po rnams yongs su gtad pa'i dam pas yongs su gtad do/ /rab 'byor de'i phyir nyon la legs par rab tu yid la zung shig dang / byang chub sems dpa'i theg pa la yang dag par zhugs pas ji ltar gnas par bya ba dang /
121b₄ ji ltar bsgrub par bya ba dang / ji ltar sems rab tu gzung bar bya ba ngas khyod la bshad do/ /bcom ldan 'das de de bzhin no zhes gsol nas tshe dang ldan pa rab 'byor bcom ldan 'das kyi ltar nyan pa dang / bcom ldan 'das kyis 'di skad ces bka' stsal to/ /rab 'byor 'di la byang chub
121b₅ sems dpa'i theg pa la yang dag par zhugs pas 'di snyam du bdag gis ci tsam sems can du bsdu bar bsdus pa sgo nga las skyes pa'am/ mngal nas skyes pa'am/ drod gsher las skyes pa'am/ brdzus te skyes pa'am/ gzugs can nam/ gzugs med pa'am/ 'du shes
121b₆ can nam/ 'du shes med pa'am/ 'du shes med 'du shes med min nam/ sems can gyi khams ji tsam sems can du gdags pas btags pa de dag thams cad phung po'i lhag ma med pa'i mya ngan las 'das pa'i dbyings su yongs su mya ngan las 'da'o/ /de ltar sems can tshad med pa yongs su
121b₇ mya ngan las 'das kyang sems can gang yang yongs su mya ngan las 'das par gyur pa med do snyam du sems bskyed par bya'o/ /de ci'i phyir zhe na/ rab 'byor gal te byang chub sems dpa' sems can du 'du shes 'jug na/ de byang chub sems dpa' zhes mi bya ba'i phyir ro/ /de ci'i phyir zhe na/ rab

_{iiif viewer powered by OpenSeadragon}

121a - 122a

Texts on this page