rKTs

e-texts navigator

Volume

Page

11a₁ nams dpag tu med pa yongs su 'dzin/ /sangs rgyas kyis bshad rab tu spyod cing rab bstan pa'i/ /chos 'di thams cad brjod pa tsam du zad shes nas/ /bskal pa bye ba khrag khrig mang por brjod byas kyang / /chos kyi dbyings la zad pa med cing
11a₂ 'phel ba med/ /rgyal ba rnams kyi pha rol phyin ces bya ba gang / /chos de rnams kyang ming tsam du ni yongs su bsgrags/ /yongs bsngo rlom sems med pa'i byang chub sems dpa' ni/ /nyams pa med cing sangs rgyas byang chub mchog reg 'gyur/ /'bru mar snying
11a₃ po 'bar ba phrad pa dang po yis/ /snying po tshig min de med par yang de mi tshig /me lce phrad pa tha mas snying po tshig min la/ /me lce tha ma med par snying po tshig min ltar/ /dang po'i sems kyis byang chub mchog reg ma yin la/ /de med par yang de la reg par nus ma
11a₄ yin/ /tha ma'i sems kyis byang chub zhi ba thob min la/ /de med par yang de thob nus pa ma yin no/ /sa bon las ni myu gu me tog 'bras bu 'byung / /de yang 'gags la shing yang med pa der min ltar/ /de bzhin dang po'i sems kyang byang chub rgyu yin te/ /de yang
11a₅ 'gags la byang chub med pa de ma yin/ /chu yi thigs pas bum pa dang po tha ma'i bar/ /rim gyis nyung ngu nyung ngus de yongs 'gengs pa ltar/ /de bzhin dang po'i sems kyang byang chub mchog rgyu ste/ /rim gyis dkar po'i yon tan rdzogs pa'i sangs rgyas
11a₆ 'gyur/ /stong pa mtshan med smon pa med pa'i chos spyod cing / /mya ngan 'das la mi reg mtshan mar mi spyod pa/ /dper na mnyan pa mkhas pa phar 'gro tshur 'gro yang / /mtha' gnyis mi gnas rgya mtshor gnas pa med pa bzhin/ /de ltar spyod pa'i byang chub sems
11a₇ dpa' 'di snyam bdag / stobs bcus lung bstan byang chub reg 'gyur rlom sems med/ /'di la ci yang med ces byang chub skrag pa med/ /de ltar spyod pa bde gshegs shes rab spyod pa yin/ /'jig rten dgon pa'i lam dang mu ge nad bcas par/ /mthong

_{iiif viewer powered by OpenSeadragon}

10b - 11b

Texts on this page