rKTs

e-texts navigator

Volume

Page

116a₁ shes pa la 'khrul pa'i rgyu dmigs so/ /rnam par shes pa la 'khrul pa'i rgyu dmigs pas rnam par shes pa la 'khrul pa med pa'i chos yang dag par sgrub bo/ /rnam par shes pa la 'khrul pa med pa'i chos yang dag par sgrub pas rnam par shes pa la 'khrul pa
116a₂ med pa'i rgyu 'thun pa'i chos yang dag par sgrub ste/ des rnam par shes pa la 'khrul pa dang / 'khrul pa med pa'i chos snga nas yang dag par bsgrubs pa yin no/ /de rnam par shes pa la 'khrul pa med pa'i chos dang / 'khrul pa med pa'i rgyu 'thun pa'i chos la brten nas
116a₃ sangs rgyas kyi chos thams cad sgom mo/ /sems can rnams kyang yongs su smin par byed do/ /sangs rgyas kyi zhing yang yongs su sbyong ngo / /myur du bla na med pa yang dag par rdzogs pa'i byang chub kyang mngon par rdzogs par 'tshang rgya'o/ /byang chub sems dpa' rnam par shes
116a₄ pa la de ltar ston na/ yang dag par ston par rig par bya'o/ /rab 'byor byang chub sems dpas gzugs la dam pa'i chos nye bar bsgrub pa'i byams pa dang / 'jig rten pa'i bde ba nye bar bsgrub pa'i byams pa dang / 'jig rten las 'das pa'i bde ba nye bar bsgrub pa'i
116a₅ byams pa dang / byams pa dang / byams pa chen po dang / byams pa rnam pa lnga bsgom par bya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la dam pa'i chos nye bar bsgrub pa'i byams pa dang / 'jig
116a₆ rten pa'i bde ba nye bar bsgrub pa'i byams pa dang / 'jig rten las 'das pa'i bde ba nye bar bsgrub pa'i byams pa dang / byams pa dang / byams pa chen po dang / byams pa rnam pa lnga bsgom par bya'o/ rab 'byor byang chub sems dpas gzugs la mi sdud pa'i snying rje
116a₇ dang / 'du ba'i snying rje dang / 'bral ba'i snying rje dang / snying rje dang / snying rje chen po dang / snying rje rnam pa lnga bsgom par bya'o/ /rab 'byor byang chub sems dpas tshor ba dang / 'du shes dang / 'du byed rnams dang / rnam par shes pa la mi sdud pa'i snying rje dang /

_{iiif viewer powered by OpenSeadragon}

115b - 116b

Texts on this page