rKTs

e-texts navigator

Volume

Page

107b₁ grub pa yin no/ /de dmigs pa de la gnas na nyan thos dang / rang sangs rgyas kyi theg pas nges par 'byung bar 'gyur gyi theg pa chen pos ni ma yin no/ /rab 'byor gang yang tshor ba dang / 'du shes dang / 'du byed rnams dang / rnam par shes pa la rnam par shes pa tsam
107b₂ dang / sdug bsngal tsam du yang dag par rjes su mthong ba de rnam par shes pa la bdag tu mi dmigs so/ /gang rnam par shes pa la bdag tu mi dmigs pa de rnam par shes pa la bdag tu lta bar mi dmigs so/ /gang rnam par shes pa la bdag tu lta bar mi dmigs pa de
107b₃ rnam par shes pa la thams cad mi dmigs so/ /gang rnam par shes pa la thams cad mi dmigs pa de rnam par shes pa la thams cad dmigs so/ /gang rnam par shes pa la thams cad mi dmigs pa na thams cad dmigs pa de'i dmigs pa de yongs su grub pa yin no/ /de mi dmigs
107b₄ pa de la gnas na/ nyan thos kyi theg pa dang / rang sangs rgyas kyi theg pas nges par 'byung bar 'gyur gyi theg pa chen pos ni ma yin no/ /rab 'byor gang la la zhig gzugs la yang dag pa ma yin pa kun brtags pa tsam dang / 'khrul pa tsam du yang dag par rjes su mi mthong ba de
107b₅ gzugs la gzugs su dmigs so/ /gang gzugs la gzugs su dmigs pa de gzugs la gzugs su lta bar dmigs so/ /gang gzugs la gzugs su lta bar dmigs pa de gzugs la thams cad dmigs so/ /gang gzugs la thams cad dmigs pa de gzugs la
107b₆ thams cad mi dmigs so/ /gang gzugs la thams cad dmigs pa na thams cad mi dmigs pa de'i dmigs pa de yongs su grub pa yin no/ /de dmigs pa de la gnas na nyan thos kyi theg pa dang / rang sangs rgyas kyi theg pas kyang nges par 'byung bar mi 'gyur na theg pa chen pos
107b₇ lta smos kyang ci dgos/ rab 'byor gang yang tshor ba dang / 'du shes dang / 'du byed rnams dang / rnam par shes pa la yang dag pa ma yin pa kun brtags pa tsam dang / 'khrul pa tsam du yang dag par rjes su mi mthong ba de rnam par shes pa la rnam par shes par dmigs so/ /

_{iiif viewer powered by OpenSeadragon}

107a - 108a

Texts on this page