| e-texts navigator |
| བོད་ཡིག |
104a1 @#/ /rgya gar skad du/ Ar+ya pany+tsa sha ti kA pradz+nyA pA ra mi tA/ bod skad du/ 'phags pa shes rab kyi pha rol tu phyin pa lnga brgya pa/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa
104a2 dus gcig na/ bcom ldan 'das rgyal po'i khab na/ bya rgod kyi phung po'i ri la dge slong gi dge 'dun chen po dang / byang chub sems dpa'i tshogs chen po dang thabs cig tu bzhugs te/ de nas bcom ldan 'das kyis tshe dang ldan pa rab 'byor
104a3 la bka' stsal pa/ rab 'byor gzugs ni dngos po med pa/ dngos po ngan pa/ dngos po yod pa'o/ /rab 'byor tshor ba dang / 'du shes dang / 'du byed rnams dang / rnam par shes pa ni dngos po med pa/ dngos po ngan pa/ dngos po yod
104a4 pa'o/ /rab 'byor mig dang / gzugs rnams dang / mig gi rnam par shes pa dang / rna ba dang / sgra rnams dang / rna ba'i rnam par shes pa dang / sna dang / dri rnams dang / sna'i rnam par shes pa dang / lce dang / ro rnams dang / lce'i rnam
104a5 par shes pa dang / lus dang / reg bya rnams dang / lus kyi rnam par shes pa dang / yid dang / chos rnams dang / yid kyi rnam par shes pa ni dngos po med pa/ dngos po ngan pa/ dngos po yod pa'o/ /de ltar gzugs de le'u gsum du byis pa so
104a6 so'i skye bo rnams kyis yang dag pa ji lta ba bzhin du rab tu mi shes pas gzugs de la mngon par zhen to/ /mngon par sgrub bo/ /sgrib par byed do/ /de dag gzugs de la mngon par zhen cing mngon par sgrub ste/ sgrib par byed pas nyan thos kyi
104a7 theg pa'am/ rang sangs rgyas kyi theg pas kyang nges par 'byung bar mi 'gyur na/ theg pa chen pos lta smos kyang ci dgos/ de ltar mngon par zhen cing mngon par sgrub ste/ sgrib par byed pas/ 'di lta ste/ sems can dmyal ba rnams dang / dud 'gro
iiif viewer powered by OpenSeadragon
Texts on this page
D15 - 'phags pa shes rab kyi pha rol tu phyin pa lnga brgya pa