rKTs

e-texts navigator

Volume

Page

52a₁ des smras pa/ de lta na de ni bden na bdag gis chu btsag pa'i slad du byin gyi/ thams cad kyi thams cad du byin pa ni ma yin no zhes des ma byin pas de phongs par gyur pa'i skabs de dge slong dag gis bcom ldan 'das la gsol pa dang / bcom ldan 'das kyis bka' stsal pa/ dge slong
52a₂ gang la chu tshags med pa des dge slong grogs po la khyod la chu tshags yod dam med ces dri bar bya'o/ / gal te yod do zhes zer na des ji bdag la sbyin nam mi sbyin zhes brjod par bya'o// gal te sbyin no zhes zer na gal te khyod slar ldog par gyur tam/ gzhan du 'gro bar gyur na sbyin nam mi sbyin zhes brjod
52a₃ par bya'o/ / gal te sbyin no zhes zer na 'gro bar bya'i gzhan du na 'gro bar mi bya'o// sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe tshe dang ldan pa nye ba 'khor gyis sangs rgyas bcom ldan 'das la zhus pa/ btsun pa chu
52a₄ tshags ma mchis par gtsug lag khang gzhan nam/ grong gzhan du mchir gnang ngam/ nye ba 'khor mi gnang ngo // gal te der song nas phongs par mi 'gyur na gnang ngo // sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so//
52a₅ de'i tshe tshe dang ldan pa nye ba 'khor gyis sangs rgyas bcom ldan 'das la zhus pa/ btsun pa chu tshags gcig gis gnyis ljongs rgyu zhing mchir gnang ngam/ nye ba 'khor gal te der song nas phongs par mi 'gyur na gnang ngo // btsun pa chu tshags gcig gis mang po rnams sam/ dge 'dun dag ljongs
52a₆ rgyu zhing mchir gnang ngam/ nye ba 'khor gal te der song nas phongs par mi 'gyur na gnang ngo // btsun pa chu tshags ma mchis par chu klung gi 'gram nas mchir gnang ngam/ nye ba 'khor gnang ste/ mgyogs pa la gal te chu gzhan dang 'dres par ma gyur na rgyang grags re re zhing brtag par bya'o//
52a₇ chu gzhan dang 'dres par gyur na gang dang gang du len pa de dang der brtag par bya'o// mi mgyogs pa la ni 'gram dang 'gram du brtag par bya'o// de la mgyogs pa ni rgyun myur ba'o// mi mgyogs pa ni rgyun bul ba'o// btsun pa 'gram gyi nye 'khor gang lags/ nye ba 'khor 'dom

_{iiif viewer powered by OpenSeadragon}

51b - 52b

Texts on this page