| e-texts navigator |
| བོད་ཡིག |
205b1 gis chos gos bcags shing rab tu bcags pa dag bcang bar mi bya'o zhes bka' stsal pa dang / bram ze dang khyim bdag dad pa can dag dge slong rnams la chos gos bcags shing rab tu bcags pa dag 'bul ba na dge slong rnams kyis ma blangs nas/ de dag gis
205b2 smras pa/ 'phags pa dag gang gi tshe sangs rgyas bcom ldan 'das 'jig rten du ma byung ba de'i tshe ni mu stegs can rnams sbyin gnas lags/ bcom ldan 'das 'jig rten du byung na da ltar khyed sbyin gnas lags na/ gal te khyed mi bzhes na ci bdag cag
205b3 'jig rten 'di nas 'jig rten pha rol tu dge ba'i lam rgyags ma mchis par mchi'am zhes zer ba'i skabs de dge slong rnams kyis bcom ldan 'das la gsol pa dang / bcom ldan 'das kyis bka' stsal pa dang / de lta bas na gnang gis blang bar bya zhing
205b4 blangs nas 'tsher ba yal bar byas te yongs su longs spyod par bya'o/ / de dag gis lag pas mnyes nas yal bar ma nus nas/ bcom ldan 'das kyis bka' stsal pa/ zil pa la bzhag ste yal bar bya'o// zil pa la bzhag ste yal bar byas na
205b5 'on kyang thams cad kyi thams cad du yal bar ma gyur nas/ bcom ldan 'das kyis bka' stsal pa/ chu'i nang du bsug par bya'o// dge slong dag gis chu'i nang du bsugs na 'on kyang yal bar ma gyur nas/ bcom ldan 'das kyis bka' stsal pa/ de ltar byas
205b6 kyang ma yal na yongs su longs spyad par bya ste/ 'di la 'gyod par mi bya'o// de bzhin du bram ze dang khyim bdag dad pa can dag gis dge 'dun la chos gos bcags pa dang rab tu bcags pa dag phul na de la yang rim pa 'di nyid kyis yongs su longs spyad par
205b7 bya'o/ / sangs rgyas bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na bzhugs so// de'i tshe mnyan yod kyi bram ze dang khyim bdag rnams rtog khang du 'dus shing 'khod nas bar skabs kyi gtam 'di lta bu dag gleng ste/ dge
iiif viewer powered by OpenSeadragon
Texts on this page
D6 - 'dul ba phran tshegs kyi gzhi