| e-texts navigator |
| བོད་ཡིག |
192b1 dus gzhan zhig na khyim bdag des bsams pa/ 'phags pa bdag gi gtsug lag khang byed kyis re zhig song la de na ci dag byed blta'o snyam mo// de song ba dang ji tsam na ci yang mi snang nas/ des smras pa/ 'phags pa bdag gi gtsug lag khang
192b2 cung zad kyang ma bgyis sam/ bsod snyoms pas smras pa/ re zhig gtsug lag khang gi mkhar len pa'i lag spyad kyang med na cis bya/ 'phags pa kye ma kAr ShA pa Na dag gar mchis/ khyim bdag mdzod na 'dug go// 'phags pa de nyid las mkhar len pa'i
192b3 lag cha bgyid du stsol cig/ khyim bdag ngas ji ltar phyogs bzhi pa'i nor gyis mkhar len pa'i lag cha byed du gzhug/ 'phags pa gtsug lag khang 'di yang phyogs bzhi'i dge slong dag kho na'i slad du bgyid na 'di la ci zhig 'gal/ khyim bdag bcom ldan 'das
192b4 la zhu'o/ / 'phags pa de bzhin mdzod cig/ des gnas skabs de dge slong rnams la bsnyad pa dang / dge slong rnams kyis bcom ldan 'das la gsol to// bcom ldan 'das kyis bka' stsal pa/ nor de nyid las mkhar len pa'i lag spyad bya ste/ 'di la
192b5 'gyod par mi bya'o/ / bsod snyoms pa de gtsug lag khang byed cing bsod snyoms la yang rgyu ba dang / khyim bdag gis smras pa/ 'phags pa bdag gis gtsug lag khang mdzad cing bsod snyoms la yang rgyu'am/ 'di nyid las mkhar len pa'i bsod snyoms
192b6 su mdzod cig dang bdag gis kAr ShA pa Na gzhan dag kyang dbul lo/ / khyim bdag mkhar len pa'i nor las ji ltar bsod snyoms su bya/ 'phags pa 'di bdag nyid kyi sems kyis bag yangs su bgyis pas mdzod cig/ 'di la 'gal ba ci zhig mchis/ des
192b7 smras pa/ bcom ldan 'das la zhu'o// 'phags pa de bzhin mdzod cig/ des gnas skabs de dge slong rnams la bsnyad pa dang / dge slong rnams kyis bcom ldan 'das la gsol to// bcom ldan 'das kyis bka' stsal pa/ mkhar len byed pas mkhar
iiif viewer powered by OpenSeadragon
Texts on this page
D6 - 'dul ba phran tshegs kyi gzhi