Wylie

e-texts based on the ACIP/ALL Input

@##། །རྒྱ་གར་སྐད་དུ། ཙྪནྡ་རཏྣཱ་ཀ་ར་ནཱ་མ། བོད་སྐད་དུ། སྡེབ་སྦྱོར་རིན་ཆེན་འབྱུང་གནས་ཞེས་བྱ་བ། གསུང་གི་དབང་ཕྱུག་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ། །ནང་གི་མཚན་མོ་བཤེས་བྲལ་གྱི། །ནང་གི་ཉིན་བྱེད་ཐུབ་པ་ནི། །སྣང་བ་མཆོག་གི་བདག་ཉིད་ཅན། །རྒྱལ་བ་ཉི་མ་ལ་ཕྱག་འཚལ། །རང་གི་སྙན་ངག་དང་གཞན་གྱི་སྙན་ངག་རྣམས་ལ་ཇི་ལྟར་བྱ་བ་བྱེ་བྲག་ཏུ་རྟོགས་པར་འགྱུར་བའི་ཕྱིར་བསྟན་བཅོས་བརྩམ་མོ། །དེ་ལ་དམར་སེར་གྱི་སྡེབ་སྦྱོར་རྩ་བའི་མདོ་དང་དེའི་དཔེར་བརྗོད་ནི་རྒྱལ་བའི་ལྷས་མཛད་དོ། །དེ་དག་གིས་མཛད་དུ་ཟིན་ཀྱང་དེ་ཡོན་བརྒྱད་རྣམས་ཀྱིས་ཤིན་ཏུ་དབེན་པར་གྱུར་ཏེ། དེ་ལྟར་ནི་དེ་ལ་པྲཱསྟཱ་ར་ལ་སོགས་པ་རྣམས་ལ་མདོར་བསྡུ་བ་མེད་པ་དང་། ལྕི་ཡང་གི་མིང་ལ་སོགས་པ་རྣམས་ལ་ཚིགས་སུ་བཅད་པས་མ་བཅིངས་པ་དང་། ཕལ་ཆེར་མི་གསལ་བ་ཉིད་དང་། ངོ་མཚར་བའི་སྦྱོར་བ་བསྟན་པ་ཡང་མ་མཛད་པ་དང་། ངལ་བསོ་དང་། ལུས་དང་། མིང་གི་མིང་འདྲེས་པ་དང་སླ་བ་ཡང་མེད་དོ།

CLOSE WINDOW