Wylie

e-texts based on the ACIP/ALL Input

།སྔོན་གྱི་དེ་ཁོ་ན་བཞིན་དུ་བྱས་ལ། སྟོང་པ་ཉིད་བསྒོམས་པའི་རྗེས་སུ་སྣ་ཚོགས་ཀྱི་པདྨ་དང་ཟླ་བ་ལ་མཾ་ཡིག་ལྗང་གུ་ཡོངས་སུ་གྱུར་པ་ལས་འཕགས་མ་རྨ་བྱ་ཆེན་མོ་མདོག་ལྗང་གུ་ཞལ་གསུམ་མ། ཕྱག་དྲུག་མ། ཞལ་སོ་སོ་ལ་སྤྱན་གསུམ་གསུམ་མོ། །ནག་པོ་དང་དཀར་པོ་ནི་གཡས་དང་ཅིག་ཤོས་ཀྱི་ཞལ་ལོ། །གཡས་པའི་ཕྱག་གསུམ་རྣམས་སུ་གོ་རིམས་བཞིན་དུ་རྨ་བྱའི་གཞུག་སྒྲོ་དང་། མདའ་དང་། མཆོག་སྦྱིན་པའོ། །དེ་བཞིན་དུ་གཡོན་པའི་ཕྱག་གསུམ་རྣམས་སུ་རིན་པོ་ཆེའི་རྔ་ཡབ་དང་། གཞུ་དང་། འཇོང་བར་བཀན་ནས་གནས་པ་ལ་བུམ་པའོ། །སྣ་ཚོགས་ཀྱི་རྒྱན་དང་གོས་འཆང་བ། སྒེག་ཅིང་ལང་ཚོ་ལ་བབ་པའི་ཆ་ལུགས་ཅན། ཟླ་བའི་གདན་དང་ཟླ་བའི་རྒྱབ་རྟེན་ཅན། སྐྱིལ་ཀྲུང་ཕྱེད་མ་ཅན། དོན་ཡོད་གྲུབ་པས་དབུ་རྒྱན་བྱས་པ། སྐད་ཅིག་གིས་བདག་ཉིད་ཡོངས་སུ་རྫོགས་པར་བྱས་ལ། དེའི་སྤྱི་བོ་དང་། མགྲིན་པ་དང་། སྙིང་ག་དང་། ལྟེ་བ་དང་། ཟླ་བ་ལ་གནས་པ་ཇི་ལྟ་བའི་གོ་རིམས་བཞིན་དུ་ཨོཾ་ཨཱཿམཱཾ་ཧཱུཾ་ཞེས་བྱ་བའི་ཡི་གེ་བཞི་བསྒོམས་ལ་སྤྲོ་བར་བྱའོ། །དེ་ནས་སྐྱོན་སྔགས་བཟླས་པར་བྱའོ། །འདི་ལྟ་སྟེ་ཨོཾ་མ་ཧཱ་མཱ་ཡུ་རཱི་བིདྱཱ་རཱ་ཛྙཱི་ཧཱུཾ་ཧཱུཾ་ཕཊ་ཕཊ་ཅེས་བྱའོ། །འཕགས་མ་རྨ་བྱ་ཆེན་མོའི་སྒྲུབ་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་བའོ།།[་]@##། །རྒྱ་གར་སྐད་དུ། མ་ཧཱ་སཱ་ཧ་སྲ་པྲ་མརྡ་ནཱི་སཱ་དྷ་ནཾ། བོད་སྐད་དུ། སྟོང་ཆེན་མོ་རབ་ཏུ་འཇོམས་མ་ཞེས་བྱ་བའི་སྒྲུབ་ཐབས། འཕགས་མ་སྟོང་ཆེན་མོ་རབ་ཏུ་འཇོམས་མ་ལ་ཕྱག་འཚལ་ལོ། །སྔོན་བཞིན་ཁོ་ནར་ཐམས་ཅད་བྱས་ལ། སྟོང་པ་ཉིད་ཀྱི་རྗེས་སུ་སྟོང་ཆེན་མོ་རབ་ཏུ་འཇོམས་མ་དཀར་མོ་ཞལ་གཅིག་མ། ཕྱག་དྲུག་པ། གཡས་པའི་ཕྱག་གསུམ་རྣམས་སུ་གོ་རིམས་ཇི་ལྟ་བར་རལ་གྲི་དང་། མདའ་དང་མཆོག་སྦྱིན་པའོ། །གཡོན་པའི་ཕྱག་གསུམ་རྣམས་སུ་གཞུ་དང་། ཞགས་པ་དང་དགྲ་སྟའོ། །སྣ་ཚོགས་པའི་ཆ་ལུགས་ཀྱི་ན་བཟའ་དང་། རྒྱན་དང་། དབུ་རྒྱན་དང་། ལང་ཚོ་ལ་བབས་པའི་གཟུགས་སྒེག་པ་ལ་སོགས་པའི་ཡོན་ཏན་ཅན་རྣམ་པར་སྣང་མཛད་ཀྱི་དབུ་རྒྱན་ཅན། བྲུཾ་གྱི་ས་བོན་ལས་བྱུང་བའི་ཟླ་བའི་གདན་དང་ཟླ་བའི་རྒྱབ་རྟེན་ཅན་ནོ། །ོཾ་བྲུཾ་ཞེས་པའི་སྔགས་བརྗོད་པར་བྱའོ། ། འཕགས་མ་སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་སོ།།[་]@##། །རྒྱ་གར་སྐད་དུ། མ་ཧཱ་མནྟྲ་ཨ་ནུ་དྷཱ་རི་ཎི་སཱ་དྷ་ནཾ། བོད་སྐད་དུ། གསང་སྔགས་རྗེས་སུ་འཛིན་མ་ཆེན་མོའི་སྒྲུབ་ཐབས་འཕགས་མ་གསང་སྔགས་རྗེས་སུ་འཛིན་མ་ལ་ཕྱག་འཚལ་ལོ། འཕགས་མ་སྟོང་ཆེན་མོ་རབ་ཏུ་འཇོམས་མའི་སྒྲུབ་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་སོ།།[་]@##། །རྒྱ་གར་སྐད་དུ། མ་ཧཱ་མནྟྲ་ཨ་ནུ་དྷཱ་རི་ཎི་སཱ་དྷ་ནཾ། བོད་སྐད་དུ། གསང་སྔགས་རྗེས་སུ་འཛིན་མ་ཆེན་མོའི་སྒྲུབ་ཐབས་འཕགས་མ་གསང་སྔགས་རྗེས་སུ་འཛིན་མ་ལ་ཕྱག་འཚལ་ལོ། །གསང་སྔགས་རྗེས་སུ་འཛིན་མ་ཞལ་གཅིག་མ། ཕྱག་བཞི་མ། ནག་མོ་གཡས་ཀྱི་ཕྱག་གཉིས་ན་ཇི་ལྟ་བུའི་སྦྱོར་བས། རྡོ་རྗེ་དང་། མཆོག་སྦྱིན་པའི་ཕྱག་གོ། །གཡོན་པའི་ཕྱག་གཉིས་ན་དགྲ་སྟ་དང་ཞགས་པའོ། །ཧཱུཾ་གི་ས་བོན་ཅན་མི་བསྐྱོད་པའི་དབུ་རྒྱན་དང་ལྡན་པ། །གསང་སྔགས་རྗེས་སུ་འཛིན་མ་ཞལ་གཅིག་མ། ཕྱག་བཞི་མ། ནག་མོ་གཡས་ཀྱི་ཕྱག་གཉིས་ན་ཇི་ལྟ་བུའི་སྦྱོར་བས། རྡོ་རྗེ་དང་། མཆོག་སྦྱིན་པའི་ཕྱག་གོ། །གཡོན་པའི་ཕྱག་གཉིས་ན་དགྲ་སྟ་དང་ཞགས་པའོ། །ཧཱུཾ་གི་ས་བོན་ཅན་མི་བསྐྱོད་པའི་དབུ་རྒྱན་དང་ལྡན་པ། ཉི་མའི་གདན་དང་། རྒྱབ་རྟེན་ལ་སོགས་པ་དང་ལྡན་པ་སྔོན་བཞིན་ནོ། །གསང་སྔགས་ཆེན་མོ་རྗེས་སུ་འཛིན་མའི་སྒྲུབ་པའི་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་སོ།། །། ཉི་མའི་གདན་དང་། རྒྱབ་རྟེན་ལ་སོགས་པ་དང་ལྡན་པ་སྔོན་བཞིན་ནོ། །གསང་སྔགས་ཆེན་མོ་རྗེས་སུ་འཛིན་མའི་སྒྲུབ་པའི་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་སོ།། །། @##། །རྒྱ་གར་སྐད་དུ། མ་ཧཱ་ཤཱི་ཏ་བ་ཏཱི་སཱ་དྷ་ནཾ། བོད་སྐད་དུ། བསིལ་བའི་ཚལ་ཆེན་མོའི་སྒྲུབ་པའི་ཐབས། འཕགས་མ་བསིལ་བའི་ཚལ་ཆེན་མོ་ལ་ཕྱག་འཚལ་ལོ། །བསིལ་བའི་ཚལ་ཆེན་མོ་ཞལ་གཅིག་མ། ཕྱག་བཞི་པ་མདོག་དམར་བ། གཡས་པའི་ཕྱག་གཉིས་ན་ཕྲེང་བ་དང་། མཆོག་སྦྱིན་པའི་ཕྱག་རྒྱའོ། །གཡོན་པའི་ཕྱག་གཉིས་ན་རྡོ་རྗེ་ལྕགས་ཀྱུ་དང་། སྙིང་གར་གནས་པའི་པོ་ཏི་ཕྱག་ནའོ། །ཛྲྀཾ་གི་ས་བོན་ནོ། །འོད་དཔག་མེད་པའི་དབུ་རྒྱན་ཅན། སྐྱིལ་ཀྲུང་ཕྱེད་པ། ན་བཟའ་དང་རྒྱན་ལ་སོགས་པ་དང་། ཉི་མའི་རྒྱབ་རྟེན་དང་གདན་དང་ལྡན་པའོ། །བཟླས་པའི་སྔགས་ནི། ཨོཾ་ཛྲྀཾ་སྭཱ་ཧཱ། བཟླའོ། །འཕགས་མ་བསིལ་བའི་ཚལ་ཆེན་མོའི་སྒྲུབ་པའི་ཐབས་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་བའོ།།[་]@##། །རྒྱ་གར་སྐད་དུ། མ་ཧཱ་པྲ་ཏྱཾ་གཱི་ར་སཱ་དྷ་ནཾ། བོད་སྐད་དུ། ཕྱིར་བཟློག་མ་ཆེན་མོའི་སྒྲུབ་ཐབས། འཕགས་མ་ཕྱིར་བཟློག་མ་ཆེན་མོ་ལ་ཕྱག་འཚལ་ལོ། །ཕྱིར་བཟློག་མ་ཆེན་མོ་ནག་མོ་ཞལ་གཅིག་ཕྱག་དྲུག་མར་འདོད་དོ། །རལ་གྲི་དང་། ལྕགས་ཀྱུ་དང་། མཆོག་སྦྱིན་པ་ནི་གཡས་ཀྱི་ཕྱག་གོ། །པདྨ་དམར་པོ་དང་། རྩེ་གསུམ་དང་། སྙིང་གར་གནས་པའི་ཞགས་པ་དང་བཅས་པའི་སྡིགས་མཛུབ་དང་ལྡན་པ་ནི་གཡོན་པའི་ཕྱག་གོ།

CLOSE WINDOW