Wylie

e-texts based on the ACIP/ALL Input

@##། །རྒྱ་གར་སྐད་དུ། བྷྲྀ་ཀུ་ཊཱི་སཱ་དྷ་ནཾ། བོད་སྐད་དུ། ཁྲོ་གཉེར་ཅན་གྱི་སྒྲུབ་པའི་ཐབས། འཕགས་མ་ཁྲོ་གཉེར་ཅན་ལ་ཕྱག་འཚལ་ལོ། །སྔོན་དུ་བསྟན་པའི་ཆོ་གས་རང་གི་སྙིང་གར་ཟླ་བའི་དབུས་སུ་ས་བོན་དྲུག་པའི་བཞི་པ་དང་པོའི་བརྒྱད་པས་བཀང་བའོ། །སྟོང་པའི་ལྷས་མནན་ཅིང་ཟླ་ཕྱེད་ཀྱིས་དབུ་བརྒྱན་པའོ། །དེ་ཉིད་ལས་ཡོངས་སུ་རྫོགས་པའི་ཁྲོ་གཉེར་ཅན་མདོག་སེར་མོ་ཕྱག་བཞི་པ། རལ་པའི་ཅོད་པན་འཆང་ཞིང་ཞི་བ། གཡས་པ་ན་མཆོག་སྦྱིན་པ་དང་ཕྲེང་བ་འཆང་བ། གཡོན་པ་ན་དབྱིག་པ་དང་རིལ་བ་སྤྱི་བླུགས་བསྣམས་པའོ། ། པདྨ་དང་ཟླ་བའི་གདན་ལ་བཞུགས་པ་བསྒོམ་པར་བྱའོ། །དེ་ནས་ཕྱག་རྒྱ་བཅིང་བར་བྱ་སྟེ། ལག་པ་གཉིས་བརྐྱང་སྟེ་མཐེབ་ཆེན་གྱིས་མཐེའུ་ཆུང་གི་སེན་མོ་མནན་ཏེ། ལྷག་མ་སོ་སོར་བྱས་པ་ནི་རྡོ་རྗེའི་མཚན་ཉིད་དོ། །འདི་ནི་ཁྲོ་གཉེར་ཅན་གྱི་ཕྱག་རྒྱའོ། །ཕྱི་ནས་སྔགས་བཟླས་པར་བྱ་སྟེ། ཨོཾ་བྷྲྀ་སྭཱ་ཧཱ། ཁྲོ་གཉེར་ཅན་གྱི་སྒྲུབ་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་དགེ་སློང་བ་རིས་བསྒྱུར་ཅིང་ཞུས་པའོ།།[་]@##། །རྒྱ་གར་སྐད་དུ། མཻ་ཏྲི་ཡ་སཱ་དྷ་ནཾ། བོད་སྐད་དུ། བྱམས་པའི་སྒྲུབ་ཐབས། རྒྱལ་བ་བྱམས་པ་ལ་ཕྱག་འཚལ་ལོ། །སྔོན་དུ་བསྟན་པ་ཐམས་ཅད་ཉིད་བྱས་ཏེ།

CLOSE WINDOW