Wylie

e-texts based on the ACIP/ALL Input

@##། །རྒྱ་གར་སྐད་དུ། ཀལྤོཀྟཾ་མཱ་རཱི་ཙྱཻ་སཱ་དྷ་ནཾ། བོད་སྐད་དུ། རྟོག་པ་ནས་གསུངས་པའི་འོད་ཟེར་ཅན་གྱི་སྒྲུབ་ཐབས། འཕགས་མ་འོད་ཟེར་ཅན་ལ་ཕྱག་འཚལ་ལོ། །བླ་མེད་བདེ་བས་ཞེན་པ་ཡི། །ཤེས་རབ་ཕ་རོལ་ཕྱིན། །ཕྱག་འཚལ་རྟོག་པའི་འོད་ཟེར་ཅན། ། སྒྲུབ་ཐབས་ད་ལྟ་བྲི་བར་བྱ། །དེ་ལ་དང་པོ་རེ་ཞིག་རྣལ་འབྱོར་པས་འགྲོ་བ་མ་ལུས་པ་འདོན་པར་འདོད་པའི་བསམ་པ་ཅན་གྱིས། ཨོཾ་ཕཊ་ཅེས་པའི་སྔགས་ཀྱིས་སྙིང་ག་དང་། མགྲིན་པ་དང་། སྤྱི་བོ་རྣམས་སུ་ཁྲོ་བོའི་ཁུ་ཚུར་སྦྱིན་པར་བྱའོ། །ོཾ་མཱ་རཱི་ཙྱཻ་བིགྷྣཱཾ་ནུ་ད་ས་ད་ཡ་ཧཱུཾ་ཕཊ་ཅེས་བྱ་བའི་སྔགས་ཀྱིས་བགེགས་བསྐྲད་ནས་རང་གི་སྙིང་གར་ཨོཾ་ཡོངས་སུ་གྱུར་པ་ལས་ཉི་མའི་དཀྱིལ་འཁོར་ལ་མཾ་སེར་པོ་བསམས་ལ། དེ་ལས་བྱུང་བའི་འོད་ཟེར་གྱི་ཚོགས་ཀྱིས་ནམ་མཁའ་ནས་སྤྱན་དྲངས་ཏེ། བཅོམ་ལྡན་འདས་མ་མདུན་དུ་བཞུགས་སུ་གསོལ་ལོ། །དེ་ཡང་མདོག་གསེར་ལྟ་བུ་སེར་པོ་ཞལ་གསུམ་པ། ཕྱག་བརྒྱད་པ། སྤྱན་གསུམ་པ། སེ་འབྲུའི་མེ་ཏོག་ལྟ་བུ་དམར་བ་ནི་གཡས་ཀྱི་ཞལ་ལོ། །ིནྡྲ་ནཱི་ལ་ལྟ་བུའི་ཞལ་འགྱུར་བའི་ཕག་ཞལ་ནི་གཡོན་པའོ། །རྡོ་རྗེ་དང་། ལྕགས་ཀྱུ་དང་། མདའ་དང་། ཁབ་ནི་གཡས་ཀྱི་ཕྱག་བཞི་ན་བསྣམས་པའོ། །མྱ་ངན་མེད་ཀྱི་ཡལ་ག་དང་། གཞུ་དང་། སྐུད་པ་དང་། སྡིགས་མཛུབ་ནི་གཡོན་གྱི་ཕྱག་ནའོ། །རྣམ་པར་སྣང་མཛད་ཀྱི་དབུ་རྒྱན་ཅན། སྣ་ཚོགས་པའི་རྒྱན་གྱིས་ཡང་དག་པར་བརྒྱན་པ། མཆོད་རྟེན་གྱི་ཁོང་ན་གནས་པ་གོས་དམར་པོའི་ཤ་འགག་དང་། སྟོད་གཡོགས་དང་ལྡན་པ། དྲིལ་བུ་གཡེར་ཁའི་དྲ་བའི་རྐང་གདུབ་ཅན། རྒྱན་ལ་སོགས་པ་དང་བཟང་པོའི་ཕྲེང་བ་རིན་པོ་ཆེ་ལ་སོགས་པས་དཔུང་པ་རྣམ་པར་བརྒྱན་པ་གཡོན་བརྐྱང་བའི་ཞབས་ཀྱིས་ཕག་བདུན་གྱི་ཤིང་རྟ་མནན་པ། ཡཾ་ལས་སྐྱེས་པའི་རླུང་གི་དཀྱིལ་འཁོར་ལ། ཧཾ་ལས་སྐྱེས་པའི་ཟླ་བ་དང་། ཉི་མ་འཛིན་པའི་གཟའ་ཆེན་པོ་རཱ་ཧུས་བྱིན་གྱིས་བརླབས་པ་ལ་གནས་པའི་ཤིང་རྟའི་དབུས་སུ་ལྷ་མོ་རྣམ་བཞིས་བསྐོར་བ་སྟེ། དེ་ལ་ཤར་གྱི་ཕྱོགས་སུ་བཏྟཱ་ལི་དམར་པོ་ཕག་གི་གདོང་པ་ཅན་ཕྱག་བཞི་པའོ། །ཁབ་དང་ལྕགས་ཀྱུ་ནི་གཡས་ཀྱི་ཕྱག་ནའོ། །ཞགས་པ་དང་མྱ་ངན་མེད་པའི་ཡལ་ག་ནི་གཡོན་པའི་ཕྱག་ནའོ། །ཤ་འགག་དམར་པོ་ཅན་ནོ། །དེ་བཞིན་དུ་ལྷོ་ཕྱོགས་སུ་བ་ཏཱ་ལི་སེར་མོ། མྱ་ངན་མེད་དང་ཁབ་ནི་གཡས་ཀྱི་ཕྱག་ནའོ། །རྡོ་རྗེ་དང་ཞགས་པ་ནི་གཡོན་པའི་ཕྱག་ནའོ། །ལང་ཚོ་སར་པ་ལ་བབ་པའི་གཞོན་ནུ་མ་རྒྱན་ཐམས་ཅད་དང་ལྡན་པའོ། །དེ་བཞིན་དུ་ནུབ་ཕྱོགས་སུ་བ་རཱ་ལི་དཀར་མོ་རྡོ་རྗེ་དང་ཁབ་ནི་གཡས་ཀྱི་ཕྱག་ནའོ། །ཞགས་པ་དང་མྱ་ངན་མེད་པ་ནི་གཡོན་གྱི་ཕྱག་ནའོ། །གཡོན་བརྐྱང་བའི་ཞབས་ཅན་ལེགས་པའི་གཟུགས་ཅན་མའོ། །དེ་བཞིན་དུ་བྱང་ཕྱོགས་ཀྱི་ཆ་རུ་བཱ་རཱ་ཧཱ་མུ་ཁི་དམར་པོ་སྤྱན་གསུམ་ཕྱག་བཞི་མ། རྡོ་རྗེ་དང་མདའ་ནི་གཡས་ཀྱི་ཕྱག་ནའོ། ། ཞགས་པ་དང་མྱ་ངན་མེད་པ་ནི་གཡོན་གྱི་ཕྱག་ན་སྟེ། མཛེས་པའི་གཟུགས་ཅན་མའོ། །དེ་ལྟར་བསམས་ནས་མཆོད་པ་དང་། ཕྱག་འཚལ་བ་དང་། བསྟོད་པ་དང་། སྡིག་པ་བཤགས་པ་དང་། བསོད་ནམས་ལ་རྗེས་སུ་ཡི་རང་བ་དང་། བསྔོ་བ་དང་། གསོལ་བ་བཏབ་པ་དང་། སྐྱབས་སུ་འགྲོ་བ་དང་། བྱང་ཆུབ་ཏུ་སེམས་བསྐྱེད་པ་དང་། ལམ་བསྟན་པ་ལ་སོགས་པ་བྱས་ལ། བྱམས་པ་དང་སྙིང་རྗེ་དང་། དགའ་བ་དང་། བཏང་སྙོམས་ཏེ་ཚངས་པའི་གནས་བཞི་བསྒོམ་པར་བྱའོ། །ོཾ་ཤཱུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོུ྅ཧཾ། ཞེས་བྱ་བས་ཏིང་ངེ་འཛིན་དམིགས་པར་བྱའོ། །དེ་ནས་ཉི་མའི་དཀྱིལ་འཁོར་ལ་ཨོཾ་གྱི་ས་བོན་ཡོངས་སུ་གྱུར་པ་ལས་རྣམ་པར་སྣང་མཛད་སེང་གེའི་ཁྲི་ལ་བཞུགས་པ་དཀར་པོ་རལ་པའི་ཅོད་པན་འཆང་བ། བྱང་ཆུབ་མཆོག་གི་ཕྱག་རྒྱ་ཅན་ཞི་བ་རྒྱན་ཐམས་ཅད་ཀྱིས་བརྒྱན་པའོ། །དེའི་ཐུགས་ཁར་ཟླ་བ་ལ་ཡི་གེ་ཉི་ཤུ་རྩ་ལྔས་བསྐོར་བའི་མཾ་གི་ས་བོན་ལས་ཡོངས་སུ་རྫོགས་པའི་མྱ་ངན་མེད་པའི་ཡལ་གའོ། །དེའི་སྟེང་དུ་ཟླ་བ་ལ་ཨོཾ་གྱི་ས་བོན་ནོ། །དེ་ཐམས་ཅད་ཡོངས་སུ་གྱུར་པ་ལས་ཇི་སྐད་གསུངས་པའི་མཚན་ཉིད་ཅན་གྱི་འོད་ཟེར་ཅན་ཀྱི་གཟུགས་སུ་བདག་ཉིད་སྐད་ཅིག་གིས་བསམ་མོ། །ོཾ་མཱ་རཱི་ཙྱཻ་བཏྟཱ་ལི་བ་དཱ་ལི་བ་རཱ་ལི་བཱ་རཱ་ཧཱ་མུ་ཁི་ཨཱ་ཀཪྵ་ཡ་ཛཿསྭཱཧཱ། ཞེས་བྱ་བ་འདིས་བཏྟཱ་ལི་ཤར་ཕྱོགས་སུ་དགོད་དོ། །དེ་བཞིན་དུ་ཨོཾ་མཱ་རཱི་ཙྱཻ་བཏྟཱ་ལི་བ་དཱ་ལི་བ་རཱ་ལི་བཱ་རཱ་ཧཱ་མུ་ཁི་སརྦ་དུཥྚཱ་པྲ་ནཾ་དུཥྚཱ་ནཾ་མུ་ཁཾ་བནྡྷ་བནྡྷ་ཧཱུ~ཾ་སྭཱ་ཧཱ། ཞེས་བྱ་བས་བ་དཱ་ལི་ལྷོ་ཕྱོགས་སུའོ། །དེ་བཞིན་དུ་ཨོཾ་མཱ་རཱི་ཙྱཻ་བཏྟཱ་ལི་བ་དཱ་ལི་བ་རཱ་ལི་བཱ་རཱ་ཧཱ་མུ་ཁི་སརྦ་དུཥྚཱ་ནཾ་མུ་ཁཾ་སྟཾ་བྷ་ཡ་བཾ་སྭཱ་ཧཱ། ཞེས་བྱ་བས་བ་རཱ་ལི་ནུབ་ཕྱོགས་སུ་དགོད་དོ། །དེ་བཞིན་དུ་ཨོཾ་མཱ་རཱི་ཙྱཻ་བཏྟཱ་ལི་བ་དཱ་ལི་བ་རཱ་ལི་བཱ་རཱ་ཧཱ་མུ་ཁི་སརྦ་སཏྭཱ་ན་བ་ཤ་མཱ་ན་ཡ་ཧོཿསྭཱ་ཧཱ། ཞེས་བྱ་བས་ནི་བ་རཱ་ཧཱ་མུ་ཁི་བྱང་ཕྱོགས་སུ་དགོད་པར་བྱའོ། །ོཾ་མཱ་རཱི་ཙྱཻ་མཱཾ་ཧཱུ~ཾ་ཧཱུ~ཾ་ཕཊ་ཕཊ་སྭཱ་ཧཱ། ཞེས་བྱ་བ་བསྒོམས་པའི་རྗེས་སུ་བཟླས་པ་བྱའོ། །དེ་ལྟར་དུས་གསུམ་དུ་བྱིན་གྱིས་བརླབས་ལ་ལྷའི་རྣལ་འབྱོར་དུ་གནས་པར་བྱའོ། །རྟོག་པ་ལས་གསུངས་པའི་འོད་ཟེར་ཅན་གྱི་སྒྲུབ་ཐབས་རྫོགས་སོ། །པཎྜི་ཏ་དོན་ཡོད་རྡོ་རྗེ་དང་། ཁམས་པ་ལོ་ཙཱ་བ་བ་རི་དགེ་སློང་གིས་བསྒྱུར་བའོ།།[་]@##། །རྒྱ་གར་སྐད་དུ། ཀལཔོཀྟ་བི་དྷི་ནཱ་སཱི་ཏ་མཱ་རཱི་ཙྱཻ་སཱ་དྷ་ནཾ།

CLOSE WINDOW