Wylie

e-texts based on the ACIP/ALL Input

།[་]@##། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །མི་བཟད་གདོན་གྱིས་ཉེན་པའི་སེམས་ཅན་ལ་ཕན་ཐོགས་པར་འདོད་པའི་སྒྲུབ་པ་པོ་དམ་ཚིག་དང་ལྡན་པས། ཀླུ་ཆེན་པོ་བརྒྱད་མཆོད་པར་འདོད་པའི་དཀྱིལ་འཁོར་སྔ་མ་བཞིན་དུ་བཞེངས་ལ་རལ་གྲི་དང་། མདའ་རྣམས་ཀྱིས་མཐའ་མ་བསྐོར་ལ། དབུས་སུ་གཙོ་བོའི་བུམ་པ་བཙུགས་ལ། གཟུངས་ཐག་གིས་གདགས། པདྨའི་འདབ་མ་རྣམས་ཀྱི་སྟེང་དུ་ཀླུ་སོ་སོའི་གཟུགས་བརྙན་བཀོད་པ་དང་། སོ་སོའི་གཏོར་མ་དཀར་གསུམ་མངར་གསུམ་དང་། རྩི་སྨན་སྣ་ཚོགས་པ་དང་ལྡན་པར་ཡང་བཤམ་མོ། །དཀོན་མཆོག་དང་ཀླུ་རྣམས་མཆོད་པའི་ལྷ་བཤོས་དང་། མར་མེ་ལ་སོགས་པ་མཆོད་པའི་བྱེ་བྲག་ཅི་འབྱོར་པ་རྣམས་བཤམ་མོ། །ཕྱོགས་སྐྱོང་དང་བགེགས་རྣམས་ལ་གཏོར་མ་བཤམ་ཞིང་གཏང་ངོ་། །དེ་ནས་ཀླུ་ཆེན་པོ་རྣམས་སོ་སོའི་གནས་སུ་སྤྱན་དྲང་བ་ནི། ཧཱུཾ་རྒྱ་མཚོ་ཡངས་པའི་དཀྱིལ་འཁོར་ནས། །མཐའ་ཡས་འཇོག་པོ་ཀརྐོ་ཊ། །ུ་ལི་ཀ་དང་ནོར་རྒྱས་དང་། །པདྨ་དང་ནི་བ་སུ་ན། །ཀླུ་ཆེན་བརྒྱད་པོ་འཁོར་དང་བཅས། །བཙུན་མོ་རྣམས་ཀྱིས་མགུལ་ནས་འཁྱུད། །ཡབ་ཡུམ་སྲས་དང་བཅས་པ་རྣམས། །འདིར་གཤེགས་སྤྱན་འདྲེན་མཆོད་པར་འབུལ། ཨོཾ་ཕུཿསྭཱ་ཧཱ། ས་མ་ཡཱ། དེ་ནས་བསྟོད་ཅིང་གཏོར་མ་དབུལ་བ་ནི། ཧཱུཾ་ཤར་ཕྱོགས་ཀླུ་རྒྱལ་མཐའ་ཡས་ནི། །སྐུ་མདོག་སེར་ལ་འོད་ཟེར་འབར། །ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་གྱིས་བརྒྱན། །དེ་ལ་མཆོད་ཅིང་བསྟོད་པར་བགྱི་ཧཱུཾ། །ལྷོ་ཕྱོགས་ཀླུ་རྒྱལ་འཇོག་པོ་ནི། །ཞལ་གཅིག་ཕྱག་གཉིས་རོ་སྨད་སྦྲུལ། །སྐུ་མདོག་དཀར་ལ་འོད་ཟེར་འབར། །ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་གྱིས་བརྒྱན། །དེ་ལ་མཆོད་ཅིང་བསྟོད་པར་བགྱི། །ནུབ་ཕྱོགས་ཀླུ་དབང་ཀརྐོ་ཊ། ཞལ་གཅིག་ཕྱག་གཉིས་རོ་སྨད་སྦྲུལ། །སྐུ་མདོག་དམར་ལ་འོད་ཟེར་འབར། །ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་ཀྱིས་བརྒྱན། །དེ་ལ་མཆོད་ཅིང་བསྟོད་པར་བགྱི། །བྱང་ཕྱོགས་ཀླུ་རྒྱལ་ཨུ་ལི་ཀ་།ཞལ་གཅིག་ཕྱག་གཉིས་རོ་སྨད་སྦྲུལ། །སྐུ་མདོག་དམར་སྐྱ་འོད་ཟེར་འབར། ། ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་གྱིས་བརྒྱན། །དེ་ལ་མཆོད་ཅིང་བསྟོད་པར་བགྱི། །ཤར་ལྷོར་ཀླུ་རྒྱལ་ནོར་རྒྱས་ནི། །ཞལ་གཅིག་ཕྱག་གཉིས་རོ་སྨད་སྦྲུལ། །སྐུ་མདོག་སེར་སྐྱ་འོད་ཟེར་འབར། །ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་གྱིས་བརྒྱན། །དེ་ལ་མཆོད་ཅིང་བསྟོད་པར་བགྱི། །ལྷོ་ནུབ་ཀླུ་རྒྱལ་དུང་སྐྱོང་ནི། །ཞལ་གཅིག་ཕྱག་གཉིས་རོ་སྨད་སྦྲུལ། ། སྐུ་མདོག་སེར་ལ་འོད་ཟེར་འབར། །ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་གྱིས་བརྒྱན། །དེ་ལ་མཆོད་ཅིང་བསྟོད་པར་བགྱི། །ནུབ་བྱང་ཀླུ་རྒྱལ་པདྨ་ནི། །ཞལ་གཅིག་ཕྱག་གཉིས་རོ་སྨད་སྤྲུལ། །སྐུ་མདོག་སྔོ་སྐྱ་འོད་ཟེར་འབར། །ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་གྱིས་བརྒྱན། །དེ་ལ་མཆོད་ཅིང་བསྟོད་པར་བགྱི། །བྱང་ཤར་ཀླུ་རྒྱལ་བ་ར་ཎ། ། ཞལ་གཅིག་ཕྱག་གཉིས་རོ་སྨད་སྦྲུལ། །སྐུ་མདོག་དམར་སྔོ་འོད་ཟེར་འབར། །ཕྱག་མཚན་པདྨ་ཞགས་པ་བསྣམས། །སྤྱི་གཙུག་ཡིད་བཞིན་ནོར་བུ་དང་། །སྦྲུལ་མགོ་བདུན་གྱི་གདེངས་ཀ་ཅན། །སྦྲུལ་དང་རིན་ཆེན་རྒྱན་ཀྱིས་བརྒྱན། །དེ་ལ་མཆོད་ཅིང་བསྟོད་པར་བགྱི། ། སོ་སོའི་ཡུམ་ཀྱི་སྐུ་མདོག་ནི། །རང་རང་ཡབ་དང་མཐུན་པ་ལ། །རིན་ཆེན་ཕྲེང་བའི་དོ་ཤལ་ཅན། །གཡས་གཡོན་ཡབ་ཀྱི་མགུལ་ནས་འཁྱུད། །ཁ་རླངས་དུག་ཏུ་འཁྱིལ་བར་བྱེད། །དེ་ལ་མཆོད་ཅིང་བསྟོད་པར་བགྱི། །དེ་དག་སོ་སོའི་སྲས་རྣམས་ནི། །སྐུ་མདོག་འདི་འདྲ་མ་ངེས་ཏེ། ། མཛེས་ཤིང་སྡུ་གུ་འོད་འབར་བ། །ལ་ལ་ཆུ་སྲིན་ཁ་ནས་འབྱུང་། །དེ་བཞིན་སྦྲུལ་དང་སྦལ་པ་དང་། །ཆུ་གླང་ཆུ་རྟ་ཁ་ནས་འབྱུང་། །སྣ་ཚོགས་འགྱུར་བའི་གཟུགས་རྣམས་ལ། །མཆོད་པ་འབུལ་ཞིང་བསྟོད་པར་བགྱིད། །གཞན་ཡང་ཀླུ་བྲན་འབུམ་གྱི་ཚོགས། །བྱོལ་སོང་གཟུགས་བརྙན་སྣ་ཚོགས་སྟོན། །འདབ་ཆགས་ཚོགས་དང་ལྟོས་འགྲོ་དང་། །རྐང་མངས་དང་ནི་རྐང་མེད་དང་། །སྡིག་སྲིན་གཟུགས་བརྙན་སྟོན་པ་ལ། །མཆོད་ཅིང་བསྟོད་ནས་གཏོར་མ་འབུལ། །བདག་གི་ལས་ཀྱི་འབྲས་བུ་རྣམས། །ཇི་ལྟར་འདོད་པ་ཇི་བཞིན་དུ། །ཁྱེད་ཀྱིས་འདོད་དོན་གྲུབ་པར་མཛོད། །ཅེས་ཀླུ་བརྒྱད་ཀྱི་སྙིང་པོ་བརྒྱ་རྩ་བཟླས་ལ་གཏོར་མ་གཏོང་ཞིང་སྙིང་པོ་རྒྱས་བསྡུས་ཀྱི་བུམ་པའི་ཆུས་ཁྲུས་བྱའོ། །དེ་ནས་དཀྱིལ་འཁོར་བསྡུ་ཞིང་བཀྲ་ཤིས་གསོལ་ལོ། །ཀླུ་ཆེན་པོ་བརྒྱད་མཆོད་པས་མི་བཟད་པའི་ནད་ཡམས་དྲག་པོ་ལས་ཐར་བར་བྱེད་པ། དཔལ་མར་མེ་མཛད་བཟང་པོས་མཛད་པ་རྫོགས་སོ། །[་]@##། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །ཀླུ་ཆེན་པོ་རྣམས་བསྒྲུབས་ཏེ་མི་བཟད་པ་ཙི་ཙི་ཛྭ་ལའི་ནད་ལས་ཐར་བར་འདོད་པའི་སྒྲུབ་པ་པོ་དམ་ཚིག་དང་ལྡན་པས། དཀྱིལ་འཁོར་སྔ་མ་བཞིན་དུ་བྲིས་ལ་མཆོད་པ་ཇི་ལྟར་འབྱོར་པ་བཞིན་བཤམས་ལ།

CLOSE WINDOW