Wylie

e-texts based on the ACIP/ALL Input

ཡང་ན་ཆུ་བོ་ཆེན་པོ་ལ་བསྐུར་རོ། །མཆོད་རྟེན་གདབ་པ་ཤི་བའི་སྡིག་པ་བྱང་བར་བྱེད་པ། རང་བྱུང་འཇིགས་བྲལ་ཞེས་བྱ་བ། དཔལ་མར་མེ་མཛད་ཀྱིས་མཛད་པ་རྫོགས་སོ།།[་]@##། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །ཚེ་དང་དཔལ་བསྐྱེད་པར་འདོད་པའི་སྒྲུབ་པ་པོ་དམ་ཚིག་དང་ལྡན་པས། གནས་ཁང་ཡིད་དང་མཐུན་པར་དཀྱིལ་འཁོར་འཁོར་ལོ་རྩིབས་བཞི་པ་ཁ་དོག་སེར་པོ་ལྟེ་བ་སྔོན་པོ་མུ་ཁྱུད་ལྗང་གུ་སྒོ་བཞི་རིགས་དང་འདྲ་བ་བྲིས་ལ། དེ་ལ་ལྷའི་མཚན་མས་བཏབ་ལ། བུམ་པ་ཚད་དང་ལྡན་པ་ལ་ལྷ་ལྔའི་མཚན་མས་བཏབ་ལ། འབྲུ་གཙང་མའི་ཕྱེ་ལ་ཚེ་བཤོས་ཟླ་གམ་ལ་མར་ལ་སོགས་པའི་རོ་མཆོག་རྣམས་ཀྱིས་བརྒྱན་ལ་ཚོན་སྣ་ལྔའི་སྐུད་པས་གཟུངས་ཐག་བཏགས། སྙིང་པོ་རྒྱས་བསྡུས་གང་ལ་མོས་པའི་གཞུག་ལ། ཨོཾ་བཛྲ་ཧཱུཾ་བྷྲཱུཾ། ཨོཾ་བུདྡྷ་ཨོཾ་བྷྲཱུཾ། ཨོཾ་རཏྣ་སྭཱ་བྷྲཱུཾ། ཨོཾ་པདྨ་ཨཱཿབྷྲཱུཾ། ཨོཾ་ཀརྨ་ཧཱ་བྷྲཱུཾ་ཞེས་བཟླས་ལ་རྡོ་རྗེ་རྣམ་པར་འཇོམས་པ་སྐུ་མདོག་དཀར་པོ་ཚེའི་རྒྱུན་འབེབས་པ། ཁམས་གསུམ་གྱི་ཚེ་ཉམས་པ་གསོ་བར་བྱེད་པ། ཡེ་ཤེས་ཚེ་ལ་ལོངས་སྤྱོད་པར་བསྐྱེད་ལ། དེའི་ཐུགས་ཀའི་ཟླ་བ་ལ་དམིགས་ལ་སྔགས་བཟླས་སོ། །ཁམས་གསུམ་ཚེའི་བཅུད་བུམ་པར་བསྡུས་པར་དམིགས་ལ། ལྷ་ལྔའི་མཚན་ནས་བརྗོད་ཅིང་ཆེ་གེ་མོའི་ཚེ་ཁུག་ཅེས་བརྗོད་ཅིང་བསྟིམས་ལ་དབང་བསྐུར་རོ། །སེམས་ཅན་ཚེ་ཟད་པ་སྲིང་པའི་ཆོ་ག་བསྒྲུབ་པ་པདྨ་དབྱིག་སྒྲུབ་ཅེས་བྱ་བ། སློབ་དཔོན་ཡེ་ཤེས་རྡོ་རྗེས་མཛད་པ་རྫོགས་སོ།།[་]@##། །དཔལ་རྡོ་རྗེ་རྣམ་པར་འཇོམས་པ་ལ་ཕྱག་འཚལ་ལོ། །འབྱོར་པའི་དོན་ཕུན་སུམ་ཚོགས་པ་བསྒྲུབ་པར་འདོད་པའི་སྒྲུབ་པ་པོ་དམ་ཚིག་དང་ལྡན་པས། རིལ་བ་སྤྱི་བླུགས་ཀྱི་ནང་དུ་ཆུ་དང་འོ་མས་བཀང་ལ་རྡོ་རྗེ་རྣམ་པར་འཇོམས་པའི་ལུགས་མའི་སྤྱི་བོ་ནས་སྦྲེང་ཞིང་གོང་ལྟར་ཤིན་ཏུ་སྙིང་པོ་བསྡུས་པ་ལ་བརྒྱ་ཕྲག་བཟླས་ཤིང་སྐྱ་རེངས་དང་པོ་ཤར་བའི་དུས་ན་བྱས་པས་རང་གི་འདོད་པ་དང་འབྱོར་པ་ཐམས་ཅད་ཕུན་སུམ་ཚོགས་པར་འགྱུར་རོ།

CLOSE WINDOW