Wylie

e-texts based on the ACIP/ALL Input

།སྤྱན་རས་གཟིགས་བཅུ་གཅིག་པའི་ཞལ་ཅན་གྱི་སྒྲུབ་ཐབས་རྫོགས་སོ།།[་]།།བཅོམ་ལྡན་འདས་སྤྱན་རས་གཟིགས་ཡེ་ཤེས་འཁོར་ལོ་ལ་ཕྱག་འཚལ་ལོ། །དེ་ནས། དཔལ་ལྡན་ཡེ་ཤེས་དཀྱིལ་འཁོར་བདག་།ཅེས་འབྱུང་བའི་སྒྲུབ་ཐབས་བཤད་པར་བྱའོ། ། འཛུམ་བཅས་དབུས་བཞུགས་ཟླ་བའི་ཞལ་མངའ་དཔལ་ཆེན་དོན་ཡོད་ཞགས་པ་འཆར་ཀའི་མདོག་།བདུད་འཇོམས་རྟ་མཆོག་མེ་ལྕེའི་ཁ་དོག་ཁྲོས་མདུང་མདོག་སྐར་མའི་འོད་ལྡན་བྷྲྀ་ཀུ་ཊཱི། །ལྕགས་ཀྱུ་ཞགས་པ་ལྕགས་སྒྲོག་དྲིལ་འཛིན་ཉི་ཤུ་དང་ནི་བཅུ་དྲུག་མཆོད་པའི་ལྷ་མོས་བརྒྱན། ། མཉམ་མེད་ཡེ་ཤེས་འཁོར་ལོ་ཆེ་ལ་སྤྱི་བོས་གཏུགས་བཏུད་ས་འདི་དེ་རིང་བཀྲ་ཤིས་གྱུར། །དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་ཐུགས་རྗེ་རྣམ་པར་འཕྲུལ་པ་ལས་སྐུ་གསུང་ཐུགས་ཉེ་བར་བཀོད་པའི་བཅོམ་ལྡན་འདས་སྤྱན་རས་གཟིགས་འཁོར་ལོ་དང་བཅས་པ་བསྒྲུབ་པར་འདོད་པས། ཐོག་མར་སྙིང་རྗེ་ཆེན་པོ་གོམས་པར་བྱའོ། །ཡིད་དང་རྗེས་མཐུན་ལ་སོགས་གནས། །བྱང་ཆུབ་མཆོག་ཞུགས་སེམས་བཟུང་བས། །སྙིང་གི་འོད་ཀྱིས་རྟེན་བཀུག་ལ། །བསོད་ནམས་ཕུང་པོ་ཡོངས་རྫོགས་བྱ། །ོཾ་སྭ་བྷཱ་བ་ཤུདྡྷཱཿསརྦ་དྷརྨཱཿསྭ་བྷཱ་བ་ཤུདྡྷོུ྅ཧཾ། ཆོས་རྣམས་རང་གི་མཚན་ཉིད་ཀྱིས། །རང་གི་རང་བཞིན་སྟོང་པ་ཉིད། །མཁའ་ལྟར་མཉམ་པར་བཞག་ནས་ནི། །དེ་ནས་བདག་ལུས་དཀྱིལ་འཁོར་བསྒོམ། །ལུས་གང་ཡིན་དེ་གཞལ་མེད་ཁང་། །སེམས་འདིར་ལྷ་ཡི་བདག་ཉིད་དེ། །སྔགས་པའི་ངག་ནི་སྔགས་ཡིན་ལ། །ཀུན་ནི་དྲི་མ་མེད་རྟོག་སྤངས། །ཧྲཱིཿ་པདྨོ་བཞི་དབུས་འཇིག་རྟེན་མགོན། །ཞལ་གཅིག་ཕྱག་གཉིས་གཡས་དང་གཡོན། །མཆོག་སྦྱིན་པདྨོ་འཛིན་དཀར་ཞིང་། །ཆོས་དབྱིངས་ཡེ་ཤེས་རང་བཞིན་ནོ། །ཧཿ། ཤར་གྱི་འདབ་མར་དོན་ཡོད་ཞགས། །ཕྱག་བཞི་ཞགས་པ་ལྕགས་ཀྱུ་དང་། །རྡོ་རྗེ་ཕྲེང་ཐོགས་རབ་ཞི་དམར། །མེ་ལོང་ཡེ་ཤེས་བདག་ཉིད་དོ། །ཧཱུཾ། ལྷོ་ཡི་འདབ་མར་རྟ་མཆོག་ཞལ། །ཕྱག་བཞི་དབྱིག་པ་འཁོར་ལོ་དང་། །སྡིགས་མཛུབ་པདྨ་འཆང་ཁྲོས་པ། །མཉམ་ཉིད་ཡེ་ཤེས་བདག་ཉིད་དོ། །པ། ནུབ་ཀྱི་འདབ་མར་རལ་པ་གཅིག་།ཕྱག་བཞི་གྲི་གུག་ཐོད་པ་དང་། །རལ་གྲི་ཨུཏྤལ་བསྣམས་རྔམ་ནག་།ཀུན་རྟོག་ཡེ་ཤེས་ངོ་བོའོ། །ཊ། བྱང་གི་འདབ་མར་ཁྲོ་གཉེར་ཅན། །ཕྱག་བཞི་དབྱིག་པ་ཕྲེང་བ་དང་། །པདྨ་རིལ་པ་ལྡན་ཁྲོ་སྐྱ། །དོན་གྲུབ་ཡེ་ཤེས་དངོས་ཉིད་དོ། ། ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཾ་ཨཿཔི་ཝང་གླིང་བུ་རྫ་རྔ་རྔ་ཟླུམ་བཞད་མ་དང་། །སྒེག་མོ་གླུ་མ་གར་མ་མེ་ཏོག་བདུག་སྤོས་མ། །མར་མེ་དྲི་དང་གཟུགས་མ་རོ་མ་རེག་མ་དང་། །ཆོས་ལྡན་ལྷ་མོ་བཅུ་དྲུག་རྒྱན་སྤུད་ཁྱམས་བཞིར་དགོད། །ཀ་ཁ་ག་གྷ་ང་། ཙ་ཚ་ཛ་ཛྷ་ཉ། ཊ་ཋ་ཌ་ཌྷ་ཎ། ཏ་ཐ་ད་དྷ་ན། ཕ་ཕ་བ་བྷ་མ། ཡ་ར་ལ་ཝ། ཤ་ཥ་ས་ཧ། ཀྵཿ། གཏོར་མ་ལ་སོགས་སྤྲིན་འཛིན་པར། །སུམ་ཅུ་ཉེ་བའི་མཆོད་པ་ཡི། །ལྷ་མོའང་དེ་བཞིན་ཁྱམས་ཀྱི་མཐར། །མཁས་པས་དེ་བཞིན་དགོད་པར་བྱ། །ཛཿཧཱུཾ་བཾ་ཧོཿ། ལྕགས་ཀྱུ་དཀར་དང་ཞགས་པ་སེར། །ལྕགས་སྒྲོག་དམར་པོ་དྲིལ་བུ་ལྗང་། །ཤར་ལ་སོགས་པའི་སྒོ་བཞི་ནི། །གཙོ་བོ་ལས་ཕྱུང་རིམ་བཞིན་བཞུགས། །དེའི་འོག་ཏུ་དམ་ཚིག་གི་དཀྱིལ་འཁོར་གསལ་བར་བཀོད་པ་ལ། ཡེ་ཤེས་པ་བཅུག་ནས་ནམ་མཁའ་ཇི་སྙེད་པའི་སེམས་ཅན་ལ་ཕན་པར་འདོད་པས། རང་རང་དང་རྗེས་སུ་མཐུན་པའི་འོད་ཀྱི་ཕྲེང་བ་སྤྲོ་ཞིང་དོན་གཉིས་ཅིག་ཅར་སྒྲུབ་པའི་སེམས་ཀྱིས་སྔགས་བརྗོད་པར་བྱའོ། །ོཾ་ཨཱཿཧྲཱིཿནམཿས་མནྟ་བུ་དྡྷཱ་ནཱཾ་སརྦ་ཏ་ཐཱ་ག་ཏ་ཨ་བ་ལོ་ཀི་ཏེ་མ་ཧཱ་ཀཱ་རུ་ཎི་མཱུརྟ་ཡེ་ཧཱུཾ། ཛཿསྭཱ་ཧཱ། བཅོམ་ལྡན་འདས་ཀྱི་སྙིང་པོའོ། །ོཾ་ཧྲཱིཿཏྲཻ་ལོ་ཀྱ་བི་ཛ་ཡ། ཨ་མོ་གྷ་པཱ་ཤ་ཡ། ཨ་པྲ་ཏི་ཧ་ཏ་ཧྲཱིཿཧ་ཧཱུཾ་ཕཊ་སྭཱ་ཧཱ། དོན་ཡོད་ཞགས་པའི་སྙིང་པོའོ། །ན་མཿས་མནྟ་བུདྡྷཱ་ནཱཾ་ཧཾ་ཁཱ་ད་བྷཱུཾ་ཛཾ་སཱ་ངཱ་ཡ་སྭཱ་ཧཱ། རྟ་མགྲིན་གྱི་སྙིང་པའོ། །ོཾ་ཨེ་ཀ་ཛ་ཊི་མ་ཧཱ་རོ་ཥ་ཎི་ཏྲཱ་ས་མ་ཡེ་པྲ་ས་མ་ན་ཧཱུཾ་ཧཱུཾ་ཕཊ་ཕཊ་སྭཱ་ཧཱ། རལ་གཅིག་མའི་སྙིང་པོའོ། །ན་མཿས་མནྟ་བུདྡྷཱ་ནཱཾ། སརྦ་བྷ་བ་སནྟྲ་ར་ན་ཧཱུཾ་ཕཊ་པ་ཏཱ་ཡ་སྭཱ་ཧཱ། ཁྲོ་གཉེར་ཅན་གྱི་སྙིང་པོའོ། །སྤྲོས་པས་ཏིང་འཛིན་ངལ་བ་ནི། །དཀྱིལ་འཁོར་མཆོག་གཅིག་དྲི་མ་མེད། །ལྷ་དང་སྔགས་སོགས་རྣམ་གྲོལ་བ། །ཡེ་ཤེས་མཆོག་ལ་མཉམ་གནས་བྱ། །རྩེ་གཅིག་པ་ཡིས་རྣམ་པར་འབྱེད། །བཀྲམ་པ་དང་ནི་སྡུད་པ་དང་། །རྗེས་འགྲོ་ལྷན་ཅིག་སྤྱོད་པ་ཡི། །རིམ་པས་རྫོགས་པར་ཤེས་པར་བྱ། ། དེ་ལྟར་བསམ་གཏན་ལ་སེམས་རྟོན་པའི་རྣལ་འབྱོར་པ་སྟོང་པ་ཉིད་དང་སྙིང་རྗེ་ཆེན་པོས་ཡོངས་སུ་ཟིན་པའི་ཆོ་ག་ཇི་སྲིད་སྐྱོ་བར་མ་གྱུར་གྱི་བར་དེ་སྲིད་དུ་ཡོངས་སུ་བསྒོམས་ནས་ལྡང་བར་འདོད་པ་ན། བཀུག་པ་དང་བསྐྱེད་པའི་འཁོར་ལོ་གཤེགས་པར་བྱ་བ་དང་། དམིགས་པ་ཐིམ་པའི་མན་ངག་གིས་བཟོད་པར་གསོལ་བ་དང་། དགེ་བའི་རྩ་བ་ཐམས་ཅད་གཞན་དུ་མ་གྱུར་པར་ཡོངས་སུ་བསྔོ་བར་བྱའོ། །དཔལ་ལྡན་ཡེ་ཤེས་འཁོར་ལོ་མཆོག་གི་ནི། །གནས་མཐོང་བླ་མའི་ཞལ་གྱི་དྲིན་ཐོབ་ནས། །ཇི་བཞིན་མདོར་བསྡུས་སྒྲུབ་ཐབས་འདི་བྲིས་པས། །སྐྱེས་ཀུན་ཐུགས་རྗེ་ཆེ་མངའ་ཞལ་མཐོང་ཤོག་། དཔལ་ཁརྶ་པཱ་ཎ་ཡེ་ཤེས་ཀྱི་འཁོར་ལོའི་སྒྲུབ་ཐབས་རྫོགས་སོ།།[་]@#། །འཕགས་པ་སྤྱན་རས་གཟིགས་དབང་ཕྱུག་ཡིད་བཞིན་ནོར་བུ་ལ་ཕྱག་འཚལ་ལོ། །དེ་ནས། ཡིད་བཞིན་ནོར་བུ་དཀྱིལ་འཁོར་འཁོར་ལོ་ཆེ། །ཞེས་འབྱུང་བའི་སྒྲུབ་ཐབས་བཤད་པར་བྱའོ།

CLOSE WINDOW