Wylie

e-texts based on the ACIP/ALL Input

།ཇི་ལྟར་ནང་དུ་ཆུས་གང་ཀ་ལི་པ། །མཁའ་ལ་རྒྱུན་མི་འཆད་འཇོ་ཀ་ན་པ། །རྣལ་འབྱོར་སྡོམ་པའི་ཚོགས་ལ་མཆོད་པ་འབུལ། །གཎྜ་རིའི་གླུ་རྫོགས་སོ།།[་]@##། །སངས་རྒྱས་ལ་ཕྱག་འཚལ་ལོ། །མེ་ཏོག་གཅིག་རྒྱས་ཁ་དོག་སྣ་ཚོགས་པ། །སྟོང་པའི་ལྗོན་ཤིང་དག་ལས་ཤིན་ཏུ་རྒྱས། །བཙན་པོ་དཔེ་མེད་མེ་ཏོག་རབ་རྒྱས་པ། །རིན་ཐང་མེད་པའི་མེ་ཏོག་འདི་སྣོམས་ཤིག་།དེ་ཤིང་རྩ་བ་ཡལ་ག་ལོ་མ་མེད། །ལྟོས་དང་ཟླ་ཉལ་འགྲོ་ནི་བཟང་པོའི་དུས། །བཙན་པོ་དཔེ་མེད་མེ་ཏོག་རབ་རྒྱས་པ། །རིན་ཐང་མེད་པའི་མེ་ཏོག་འདི་སྣོམས་ཤིག་། གེ་སར་གཅོད་མཁས་སྒྱུ་མའི་མཁན་པོ་ཡིན། །ཆོས་དབྱིངས་རྡོ་རྗེ་དབང་ཕྱུག་མཆོད་པ་འབུལ། །བཙན་པོ་དཔེ་མེད་མེ་ཏོག་རབ་རྒྱས་པ། །རིན་ཐང་མེད་པའི་མེ་ཏོག་འདི་སྣོམས་ཤིག་།མཆོག་དགའ་དང་ནི་དགའ་བྲལ་གཞིག་ནས་ལོངས། །ཡང་དག་བླ་མའི་ཞབས་བཏུད་ནན་ཏན་གྱིས། །བཙན་པོ་དཔེ་མེད་མེ་ཏོག་རབ་རྒྱས་པ། །རིན་ཐང་མེད་པའི་མེ་ཏོག་འདི་སྣོམས་ཤིག་།མ་ཏི་ཙི་ཏྲིའི་གླུ་རྫོགས་སོ།།[་]@##། །སངས་རྒྱས་ལ་ཕྱག་འཚལ་ལོ། །འདས་དང་མ་འོངས་ད་ལྟར་གྱི།

CLOSE WINDOW