Wylie

e-texts based on the ACIP/ALL Input

།རྣམ་རྟོག་སྤང་བའི་གླུ་ཞེས་བྱ་བ་སློབ་དཔོན་ལི་ལ་པས་མཛད་པ་རྫོགས་སོ།།[་]@##། །རྒྱ་གར་སྐད་དུ། ཀརྨ་ཙཎྜ་ལཱི་ཀ་དོ་ཧ་གཱི་ཏི་ནཱ་མ། བོད་སྐད་དུ། ལས་ཀྱི་གཏུམ་མོའི་དོ་ཧ་མཛོད་ཀྱི་གླུ་ཞེས་བྱ་བ། དོན་ཐམས་ཅད་གྲུབ་པ་ལ་ཕྱག་འཚལ་ལོ། ། ནང་ནས་གཏུམ་མོའི་མེ་སྦར་བས། །དབུས་ནས་བདུད་རྩི་འབབ་པར་བྱེད། །རང་བྱུང་སྡོང་བུ་སྐྱེས་པ་ཡིས། །རྩེ་མོའི་རི་ལ་ཕྱིན་ཏེ་གནས། །མགོན་པོའི་བདུད་རྩི་འབབ་པར་བྱེད། །འཁོར་བའི་སྡུག་བསྔལ་ཡུན་རིང་བཅོམ། །གཤིན་རྗེར་འགྲོ་བའི་འཇིགས་པ་སྤངས། །སངས་རྒྱས་ཡོན་ཏན་ཕྲེང་བ་འབྱུང་། །བདེ་བ་ཆེན་པོ་རྒྱས་པ་ཡིས། །ཐམས་ཅད་ཀྱིས་ནི་ཁྱབ་པར་འགྱུར། །འཁོར་བའི་སྡུག་བསྔལ་ཡུན་རིང་བཅོམ། །གཤིན་རྗེར་འགྲོ་བའི་འཇིགས་པ་སྤངས། །རྡོ་རྗེས་བརྐོས་ཤིང་བགོས་པ་ལ། །ཉི་ཟླ་གཉིས་ནི་བསྲེས་བྱས་ནས། །ནམ་མཁའི་དབྱིངས་སུ་ཐིམ་པར་འགྱུར། །བདེ་བ་ཆེན་པོའི་གྲོང་དུ་ཕྱིན། །ཀུན་དབུས་སངས་རྒྱས་ཡོན་ཏན་གྱིས། །རིན་ཆེན་འབྱུང་བའི་གནས་སུ་བརྟོལ། །འཁོར་བའི་སྡུག་བསྔལ་ཡུན་རིང་བཅོམ། །གཤིན་རྗེར་འགྲོ་བའི་འཇིགས་པ་སྤངས། །འབྱུང་རྒྱུའི་རླུང་ནི་བཀག་པ་ཡིས། །རིན་ཆེན་གསལ་བའི་གནས་སུ་ཕྱིན། །བརྟགས་ཤིང་བརྟགས་ཤིང་དཔྱད་པ་ཡིས། །བི་རཱུ་བདག་གིས་འགྲུབ་པར་འགྱུར། །འཁོར་བའི་སྡུག་བསྔལ་ཡུན་རིང་བཅོམ། །གཤིན་རྗེར་འགྲོ་བའི་འཇིགས་པ་སྤངས། །ལས་ཀྱི་གཏུམ་མོའི་དོ་ཧ་མཛོད་ཀྱི་གླུ་ཞེས་བྱ་བ་སློབ་དཔོན་བི་རཱུ་པས་མཛད་པ་རྫོགས་སོ། །[་]@##། །རྒྱ་གར་སྐད་དུ། བྷ་བ་ན་དྲྀཥྚི་ཙཱཪྻ་ཕ་ལ་དོ་ཧ་གཱི་ཏི་ཀ་ནཱ་མ། བོད་སྐད་དུ། ལྟ་སྒོམ་སྤྱོད་པ་འབྲས་བུའི་དོ་ཧའི་གླུ་ཞེས་བྱ་བ། འཕགས་པ་འཇམ་དཔལ་ལ་ཕྱག་འཚལ་ལོ། །དངོས་པོ་སྣ་ཚོགས་རང་གི་སེམས་ཉིད་ཡིན། །

CLOSE WINDOW