Wylie

e-texts based on the ACIP/ALL Input

།ཟླ་གཅིག་རྫོགས་ནས་མཐོང་བར་འགྱུར་རོ། །གྲུབ་ནས་ཉི་མ་རེ་རེ་ལ་དོན་ཉི་ཤུ་རྩ་ལྔ་སྟེར་རོ། །གྲུབ་ཟིན་ནས་ཚེས་བརྒྱད་དང་བཅུ་བཞིའམ་ཉི་ཤུ་དགུ་ལ་ཟན་ལྷག་རྡོག་པོ་གཅིག་ལ་སྔགས་བཟླས་ལ་དབུལ་ལོ་ཞེས་སོ། །འདྲེ་ནག་པོའི་སྒྲུབ་ཐབས་རྫོགས་སོ། །[་]@##། །རྒྱ་གར་སྐད་དུ། པི་ཤཱ་ཙ་ཧ་ན་མ་སཱ་དྷ་ནཾ། བོད་སྐད་དུ། ཤ་ཟ་མོ་ཧ་ན་མའི་སྒྲུབ་ཐབས། ཨོཾ་ཧ་ན་ནེ་ཚིན་ནི་ཧི་ལི་ཧི་ལི་སྭཱ་ཧཱ། ཞེས་སོ། །བསྟན་པའི་རྒྱུན་མ་ཞེས་བྱ་བའི་སྒྲུབ་པ་ནི། བ་རུ་རའི་ཤིང་གི་འོག་ཏུ་ཐུན་གསུམ་དུ་བརྒྱ་རྩ་བརྒྱད་བརྒྱ་རྩ་བརྒྱད་བཟླས་པས། ལྷ་མོའི་གཟུགས་ཅན་མའི་འདྲེ་མོ་འོང་བར་འགྱུར་རོ། །དེས་འཇིག་རྟེན་གསུམ་ན་ཅི་ཡོད་པ་རྣམ་པར་ཤོད་པར་བྱེད་ཅིང་། དི་ན་ར་སྟོང་ཕྲག་སྟེར་རོ། །ཧ་ན་མ་ཞེས་བྱ་བའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། ཨ་ལུ་ཀ་ནཱ་མ་སཱ་དྷ་ནི། བོད་སྐད་དུ། ཨ་ལུ་ཀ་ཞེས་བྱ་བའི་སྒྲུབ་ཐབས། ཨོཾ་ཨ་ལུ་ཀེ་བེ་ལུ་ཀེ་གྲྀཧྞ་པི་ཎ་ཌཾ་པི་ཤཱ་ཙ་ནི་སྭཱ་ཧཱ། བསྙེན་པ་འབུམ་ཕྲག་གཅིག་བཟླས་ལ། དེ་ནས་སྒྲུབ་པ་བརྩམ་པར་བྱས་ཏེ་རང་ཟན་ཟ་བའི་ཕུད་ལ་སྔགས་ལན་བདུན་བཟླས་ཏེ་རྒྱབ་ཏུ་བོར་ན། ཞག་བདུན་ནས་རང་གི་རྣ་བར་གཏམ་གཤོད་དུ་འོང་ངོ་། ། གལ་ཏེ་སྒྲུབ་པ་དང་པོ་ལ་མ་བྱུང་ན་ཡི་ཆད་པར་མི་བྱ་སྟེ། སྒྲུབ་པ་གཉིས་ལ་བྲམ་ཟེ་བསད་ཀྱང་གྲུབ་པར་འགྱུར་བ་ལ་ཐེ་ཚོམ་མེད་དོ། །དེ་མ་ཡིན་ན་དཔལ་རྡོ་རྗེ་འཆང་གི་བཀའ་བཅག་པས་མགོ་གས་སམ་འཆི་བར་འགྱུར་རོ། ། ལུ་ཀ་ཞེས་བྱ་བའི་སྒྲུབ་ཐབས་རྫོགས་སོ།། །། @##། །རྒྱ་གར་སྐད་དུ། ཨ་ལ་གུཔྟ་སཱ་དྷ་ནཾ། བོད་སྐད་དུ། ཨ་ལ་གུཔྟ་ཞེས་བྱ་བའི་སྒྲུབ་ཐབས། ཨོཾ་ཨ་ལ་གུཔྟེ་གྲྀཧྞ་པི་ཎ་ཌཾ་པི་ཤཱ་ཙི་ནི་སྭཱ་ཧཱ། ཞེས་སོ། །ཟླ་བ་གཅིག་ཟན་ལྷག་གི་ཆང་བུ་ལ་སྔགས་བཟླས་ནས་གོང་ནས་གོང་བཞིན་དུ་སྒྲུབ་པ་བྱས་ན་དི་ན་ར་རེ་རེ་སྟེར་རོ། ། ལ་གུཔྟ་ཞེས་བྱ་བའི་སྒྲུབ་ཐབས་རྫོགས་སོ། །[་]@##། །རྒྱ་གར་སྐད་དུ། ཁར་མུ་ཁཱི་སཱ་དྷ་ནི། བོད་སྐད་དུ། བོང་བུའི་གདོང་ཅན་མའི་སྒྲུབ་ཐབས། ཨོཾ་ཁ་ར་མུ་ཁཱི་པི་ཤཱ་ཙི་ནི་ཧི་ཧི་ད་ད་པ་ཡ་སྭཱ་ཧཱ། ཞེས་སོ། །ཟླ་བ་གཅིག་ཏུ་ཟན་ལྷག་གི་ཆང་བུ་ལ་སྔགས་ཉེར་གཅིག་བཟླས་ཏེ་བསྒྲུབ་པ་བྱས་ན་པ་ཎི་ཉི་ཤུ་སྟེར་རོ། །བོང་བུའི་གདོང་ཅན་མའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། ཨ་ལུམ་ནི་པི་ཤཱ་ཙི་སཱ་དྷ་ནཾ། བོད་སྐད་དུ། ཤ་ཟ་ཨ་ལུམྦི་ནིའི་སྒྲུབ་ཐབས། ཨོཾ་ལུམྦི་ནི་བི་ལུམྦི་ནི་ཤཾ་ཤ་པི་ཤཱ་ཙ་ནི་སྭཱ་ཧཱ། ཞེས་སོ། །ཁྱིམ་སྟོང་པར་ནག་པོའི་ཕྱོགས་ཀྱི་ཚེས་གཅིག་ནས་མགལ་བའི་མེ་བྱས་ཏེ། །བོང་བུའི་གདོང་ཅན་མའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། ཨ་ལུམ་ནི་པི་ཤཱ་ཙི་སཱ་དྷ་ནཾ། བོད་སྐད་དུ། ཤ་ཟ་ཨ་ལུམྦི་ནིའི་སྒྲུབ་ཐབས། ཨོཾ་ལུམྦི་ནི་བི་ལུམྦི་ནི་ཤཾ་ཤ་པི་ཤཱ་ཙ་ནི་སྭཱ་ཧཱ། ཞེས་སོ། །ཁྱིམ་སྟོང་པར་ནག་པོའི་ཕྱོགས་ཀྱི་ཚེས་གཅིག་ནས་མགལ་བའི་མེ་བྱས་ཏེ། ལས་ཐམས་ཅད་པའི་ཐབ་ཁུང་དུ་རང་གི་ཁྲག་དང་། རང་བྱུང་བའི་ཁྲག་དང་། སྒོག་སྐྱ་དང་། བྱི་ལའི་བྲུན་དང་། ཆང་དང་། ཐོད་པ་དུམ་བུ་ལྔ་པ་དང་། བ་གླང་གི་ཁྲག་གིས་བྱུགས་པའི་སེང་ལྡེང་གི་སོ་ཤིང་སྟོང་ཕྲག་གཅིག་ལ་བཀའ་བསྒོ་ཞིང་གཅེར་བུར་བྱས་པས་སྦྱིན་སྲེག་བྱས་ཏེ་མཐོང་ནས་མའམ་སྲིང་མོར་གྱུར་ཏེ། ལས་ཐམས་ཅད་པའི་ཐབ་ཁུང་དུ་རང་གི་ཁྲག་དང་། རང་བྱུང་བའི་ཁྲག་དང་། སྒོག་སྐྱ་དང་། བྱི་ལའི་བྲུན་དང་། ཆང་དང་། ཐོད་པ་དུམ་བུ་ལྔ་པ་དང་། བ་གླང་གི་ཁྲག་གིས་བྱུགས་པའི་སེང་ལྡེང་གི་སོ་ཤིང་སྟོང་ཕྲག་གཅིག་ལ་བཀའ་བསྒོ་ཞིང་གཅེར་བུར་བྱས་པས་སྦྱིན་སྲེག་བྱས་ཏེ་མཐོང་ནས་མའམ་སྲིང་མོར་གྱུར་ཏེ། ནིས་ཀ་བཅུ་དྲུག་སློང་ན་བརྒྱད་སྟེར་རོ། །རང་གི་ཁྲག་དང་ཆང་བསྲེས་པས་མོ་བྱུང་བའི་དུས་སུ་མཆོད་ཡོན་ཕུལ་ལོ། ། ལུམྦི་ནི་ཞེས་བྱ་བའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། ཨུཙྪུཥྨཱ་ནཱ་མ་སྔདྷ་ནཾ། བོད་སྐད་དུ། ནིས་ཀ་བཅུ་དྲུག་སློང་ན་བརྒྱད་སྟེར་རོ། །རང་གི་ཁྲག་དང་ཆང་བསྲེས་པས་མོ་བྱུང་བའི་དུས་སུ་མཆོད་ཡོན་ཕུལ་ལོ། ། ལུམྦི་ནི་ཞེས་བྱ་བའི་སྒྲུབ་ཐབས་རྫོགས་སོ།།[་]@##། །རྒྱ་གར་སྐད་དུ། ཨུཙྪུཥྨཱ་ནཱ་མ་སྔདྷ་ནཾ། བོད་སྐད་དུ། ཨུཙྪུཥྨཱ་ཞེས་བྱ་བའི་སྒྲུབ་ཐབས། ཨོཾ་ཨུཙྪུཥྨཱ་ཡཻ་སྭཱ་ཧཱ། ཞེས་སོ། །འདིའི་ཆོ་ག་ནི་ཉའི་དུས་ནས་ཕྱི་མའི་ཚེས་བཅུ་བཞིའི་བར་དུ་བསོད་སྙོམས་བསླངས་པའི་ཟན་ལ་ཆང་བུ་གཅིག་ལ་སྔགས་བཟླས་ལ་རང་བཟའ། གཉིས་པ་ལ་བཟླས་ལ་ཆུ་ལ་མར་བསྒྱུར་ལ་བཏང་། ཞག་ཉེར་གཅིག་ན་གདོལ་པ་མོའི་གཟུགས་སུ་བྱས་ནས་སྒྲུབ་པོ་ལ་ལུང་སྟོན་ཏེ། དེ་ལ་སྐྱུག་བྲོ་བར་མི་བལྟའོ། །དེ་ནས་རང་གི་གཟུགས་ཀྱིས་གནས་ཏེ་མའམ་སྲིང་མོའམ་ཆུང་མར་གྱུར་ཏེ་དམ་བཅའ་བྱས་ནས་རྗེས་སུ་འབྲང་བར་འགྱུར་རོ། །ཚོགས་བསགས་པའི་གང་ཟག་གིས་ཞག་བདུན་ན་འགྲུབ་བོ། །བསོད་ནམས་ཆུང་བས་ཀྱང་ཞག་ཉི་ཤུ་རྩ་གཅིག་གིས་བྲམ་ཟེ་བསད་དུ་ཟིན་ཀྱང་འགྲུབ་པར་འགྱུར་རོ། །གྲུབ་ནས་དི་ན་ར་ལྔ་ཉི་མ་རེ་རེ་ལ་སྟེར་རོ། །ཟན་གྱི་ཆང་བུ་སྟེར་བའི་དུས་སུ་མི་མེད་པར་ཟན་བཟའ། མཚན་མོ་གཅིག་པུར་ཉལ་བར་བྱའོ། །ུཙྪུཥྨཱ་ཞེས་བྱ་བའི་སྒྲུབ་ཐབས་རྫོགས་སོ།། @##། །རྒྱ་གར་སྐད་དུ། ཀྴུ་ཀྴུ་སེ་རི་ཀུནྡ་རི་སཱ་དྷ་ནཾ། བོད་སྐད་དུ། ཀྴུ་ཀྴུ་སེ་རི་ཀུནྡའི་སྒྲུབ་ཐབས། ན་མོ་པི་ཤཱ་ནི་ཀྴ་ཀྴ་སེ་རི་ཀུནྡ་རི་སྭཱ་ཧཱ། ཞེས་སོ། །དུར་ཁྲོད་ཀྱི་སོལ་བས་ཁང་པའི་ཤར་ཕྱོགས་ཀྱི་རྩེག་པ་ལ་འདྲེ་མོའི་གཟུགས་བྲིས་ཏེ། དེའི་ནང་མེ་མི་གཏང་བར་བྱས་ཏེ་ཉི་མ་རྒས་པ་དང་གཟུགས་དེའི་མདུན་དུ་འདུག་སྟེ།

CLOSE WINDOW