Wylie

e-texts based on the ACIP/ALL Input

བཅུ་དྲུག་ཞབས་ཅན་དཔའ་བོ་ཆེ། །མིག་སྨན་བདར་འདྲའི་སྒུ་མཆོག་ནི། །འཇིགས་དུས་མེ་འདྲའི་གཤིན་རྗེ་གཤེད། །གནག་དང་དམར་དང་སེར་ཞལ་དབུས། །དཀར་དང་དུད་མདོག་གནག་ཞལ་གཡོན། །སྔོ་དང་དམར་དང་སེར་ཞལ་གཡས། ། ཞལ་དགུས་སྲིད་གསུམ་གསོལ་བ་པོ། །གྲི་གུག་རྩེ་གཅིག་གཏུན་ཤིང་དང་། །ཆུ་གྲི་རྡོ་རྗེ་དགྲ་སྟ་མདུང་། །མདའ་དང་ལྕགས་ཀྱུ་དབྱུག་ཏོ་དང་། །ཁ་ཊྭཱཾ་འཁོར་ལོ་རྡོ་རྗེ་དང་། །ཐོད་པ་རལ་གྲི་ཌ་མ་རུ། །གཡས་པའི་ཕྱག་ན་བསྣམས་པའོ། །ཐོད་པ་མགོ་བོ་ཕུབ་དང་རྐང་། །ཞགས་པ་གཞུ་དང་རྒྱུ་མ་དང་། །དྲིལ་བུ་ལག་པ་དུར་རས་དང་། །གསལ་ཤིང་ཕུབ་དང་མེ་ཐབ་དང་། །རོ་སྣོད་སྡིགས་མཛུབ་བ་དན་དང་། །རླུང་རས་ཕྱག་གཡོན་བསྣམས་པའོ། །གཉིས་ནི་གླང་ཆེན་ཀོ་རློན་གོན། །མི་དང་མ་ཧེ་གླང་དང་ནི། །བོང་བུ་རྔ་མོ་ཁྱི་དང་ལུག་།ཅེ་སྤྱང་གཡས་ཀྱིས་ཞབས་བརྒྱད་གནོན། །བྱ་རྒོད་འུག་པ་བྱ་རོག་དང་། །སེང་གེ་ཁྲ་དང་གོ་བོ་དང་། །སྔགས་ཅན་བཞད་བྱ་བརྒྱད་པོ་ལ། །གཡོན་ཞབས་འཇིགས་ལ་ཕྱག་འཚལ་ལོ། །མཉམ་ཉིད་མི་གཡོ་དུར་ཁྲོད་རྗེ། །ལྟུང་བའི་ལྷ་གཉིས་སྡིག་པའི་སྐུ། །སྡིགས་མཛུབ་དྲག་པོས་གདུལ་དཀའ་འདུལ། །གོ་བཟློག་མནན་ནས་རབ་ཏུ་གསོལ། །ལིངྒ་ལངས་ཤིང་རྟོག་པ་སྤངས། །དཔའ་བོ་གནས་ན་གཉིས་མེད་རོལ། །ལྷ་མིན་ཀུན་སོགས་དབང་པོས་བཏུད། །མུན་སེལ་ཐུགས་ཀྱི་མངོན་གྱུར་པ། །རྣམ་རྟོག་གཤིན་རྗེ་འདྲ་བ་རྣམས། །ཉིད་རོལ་པ་ཡི་རྣམ་རྟོག་གིས། །གར་མཁན་རལ་གྲི་འབར་བ་ཡིས། །གཉུག་མའི་གནས་ལ་འགོད་པའོ། །འཇམ་དབྱངས་ཡེ་ཤེས་སྙིང་རྗེ་ཁྲོ། །ེ་མ་སྲིད་གསུམ་གདུག་པ་སེལ། །བུ་ལ་མ་བྱམས་གཤེ་བ་ལྟར། །བཅོས་མའི་ཁྲོ་བྱང་ཁྱོད་ཕྱག་འཚལ། །དེ་ཉིད་ལྔ་པའི་བསྟོད་པ་རྫོགས་སོ། ། །།[་]ན་མོ་བཛྲ་བྷཻ་ར་བཱ་ཡ། སྟོང་ཉིད་ལས་བྱུང་ནམ་མཁའི་དབྱིངས་ན་བཞུགས། །འཇམ་དཔལ་ཐུགས་རྗེ་ཁྲོས་པའི་རྡོ་རྗེ་འཇིགས་བྱེད་ནི། །དུར་ཁྲོད་བརྒྱད་ཀྱིས་བསྐོར་ཞིང་གར་དགུའི་ཉམས་དང་ལྡན། །ཁྲོ་རྒྱལ་དུས་མཐའི་མེ་ལྟར་འབར་ལ་ཕྱག་འཚལ་ལོ། ། །།[་]ན་མོ་བཛྲ་བྷཻ་ར་བཱ་ཡ། སྟོང་ཉིད་ལས་བྱུང་ནམ་མཁའི་དབྱིངས་ན་བཞུགས། །འཇམ་དཔལ་ཐུགས་རྗེ་ཁྲོས་པའི་རྡོ་རྗེ་འཇིགས་བྱེད་ནི། །དུར་ཁྲོད་བརྒྱད་ཀྱིས་བསྐོར་ཞིང་གར་དགུའི་ཉམས་དང་ལྡན། །ཁྲོ་རྒྱལ་དུས་མཐའི་མེ་ལྟར་འབར་ལ་ཕྱག་འཚལ་ལོ། །ཞལ་དགུ་ཕྱག་ནི་སུམ་ཅུ་རྩ་བཞི་ཞབས་བཅུ་དྲུག་།མཐིང་ནག་མིའུ་ཐུང་གཟུགས་ཅན་གཅེར་བུ་མ་ཧེའི་ཞལ། །ཕེཾ་དང་ཧ་ཧ་ཧི་ཧི་དྲག་པོའི་སྒྲ་དང་ལྡན། །མི་འགྱུར་འཇམ་དཔལ་བདེ་ཆེན་ཁྱོད་ལ་ཕྱག་འཚལ་བསྟོད། །དྲག་པོའི་སྟོབས་ཀྱིས་བདུད་བཞི་འཇོམས་མཛད་གཤིན་རྗེའི་གཤེད། །ཞལ་དགུ་ཕྱག་ནི་སུམ་ཅུ་རྩ་བཞི་ཞབས་བཅུ་དྲུག་།མཐིང་ནག་མིའུ་ཐུང་གཟུགས་ཅན་གཅེར་བུ་མ་ཧེའི་ཞལ། །ཕེཾ་དང་ཧ་ཧ་ཧི་ཧི་དྲག་པོའི་སྒྲ་དང་ལྡན། །མི་འགྱུར་འཇམ་དཔལ་བདེ་ཆེན་ཁྱོད་ལ་ཕྱག་འཚལ་བསྟོད། །དྲག་པོའི་སྟོབས་ཀྱིས་བདུད་བཞི་འཇོམས་མཛད་གཤིན་རྗེའི་གཤེད། །གྲུབ་ཆེན་བརྒྱད་ཀྱི་དབུགས་འབྱིན་སྐྱེ་མཆེད་མཆོག་སྦྱིན་མཛེས། །སེམས་ཅན་རེ་སྐོང་ལས་མཛད་བྱམས་པ་ཐུགས་རྗེ་ཅན། །ཟག་མེད་བདེ་རྒྱས་མཉམ་མཆོག་ཁྱོད་ལ་ཕྱག་འཚལ་ལོ།། །།[་]@##། །རྒྱ་གར་སྐད་དུ། ཤྲཱི་བཛྲ་བྷཻ་ར་བ་སྟུ་ཏི། །གྲུབ་ཆེན་བརྒྱད་ཀྱི་དབུགས་འབྱིན་སྐྱེ་མཆེད་མཆོག་སྦྱིན་མཛེས། །སེམས་ཅན་རེ་སྐོང་ལས་མཛད་བྱམས་པ་ཐུགས་རྗེ་ཅན། །ཟག་མེད་བདེ་རྒྱས་མཉམ་མཆོག་ཁྱོད་ལ་ཕྱག་འཚལ་ལོ།། །།[་]@##། །རྒྱ་གར་སྐད་དུ། ཤྲཱི་བཛྲ་བྷཻ་ར་བ་སྟུ་ཏི། བོད་སྐད་དུ། དཔལ་རྡོ་རྗེ་འཇིགས་བྱེད་ཀྱི་བསྟོད་པ། དཔལ་རྡོ་རྗེ་འཇིགས་བྱེད་ལ་ཕྱག་འཚལ་ལོ། །མི་ཐུང་སྒེག་པོ་སྤྲིན་འདྲའི་མདོག་།འོད་ཟེར་བྱེ་བ་འཕྲོས་པས་བཞེངས། །མཚན་མ་འགྲེང་བ་མ་ཧེའི་ཞལ། །གཉིས་མེད་སྦྱོར་བས་ཁྱོད་རྒྱལ་མཛད། །བྱོལ་སོང་མ་ལུས་ཐམས་ཅད་ཀུན། །བཅུ་དྲུག་ཞབས་ཀྱིས་ཐམས་ཅད་མནན། །བརྐྱང་བསྐུམ་ཞབས་ནི་བརྗིད་པར་གནས། །སྟོབས་ལྡན་ཁྱོད་ལ་ཕྱག་འཚལ་ལོ། །གླང་པོའི་པགས་པ་ཕྱག་གཉིས་འཛིན། །གཡས་ཀྱི་དང་པོ་གྲི་གུག་སྟེ། །གཉིས་པས་མཚོན་རྩེ་གཅིག་པ་འཛིན། །གསུམ་པའི་ཕྱག་གིས་གཏུན་ཤིང་བསྣམས། །བཞི་པ་ཆུ་གྲི་བཟང་པོ་འཛིན། །ལྔ་པ་རྡོ་རྗེ་རྩེ་གཅིག་བསྣམས། །དྲུག་པའི་ཕྱག་གིས་སྟ་རེ་འཛིན། །བདུན་པའི་ཕྱག་གིས་མདུང་འཛིན་ཏེ། །བརྒྱད་པའི་ཕྱག་གིས་མདའ་འཛིན་ཏོ། །དགུ་པ་འགུགས་དོན་ལྕགས་ཀྱུ་འཛིན། །བཅུ་པ་ཁྱབ་འཇུག་དབྱུག་ཏོ་བསྣམས། །བཅུ་གཅིག་རྟོག་འཇོམས་ཁ་ཊྭཱཾ་ག་། ཆོས་འཁོར་བསྐོར་བ་བཅུ་གཉིས་པ། །བཅུ་གསུམ་ཡེ་ཤེས་རྡོ་རྗེ་འཛིན། །བཅུ་བཞི་བརྡུངས་དོན་ཐོ་བ་བསྣམས། །བཅོ་ལྔ་དགྲ་གསོད་རལ་གྲི་འཛིན། །བཅུ་དྲུག་ཅང་ཏེའུ་གཉིས་མེད་བརྡུང་། །དེ་ལྟར་འཛིན་ལ་ཕྱག་འཚལ་བསྟོད། །གཡོན་གྱི་དང་པོས་ཐོད་པ་འཛིན། །གཡོན་གྱི་གཉིས་པས་ཚངས་མགོ་བསྣམས། །གསུམ་པ་ཤེས་རབ་ཕུབ་འཛིན་ཏེ། །བཞི་པ་བསྒྲུབ་བྱའི་རྐང་པ་འཛིན། །ལྔ་པ་བཅིང་དོན་ཞགས་པ་འཛིན། །དྲུག་པ་གཞུ་འཛིན་ཐབས་ཀྱི་དོན། །བདུན་པ་ཉོན་མོངས་རྒྱུ་མ་འཛིན། །བརྒྱད་པ་ཤེས་རབ་དྲིལ་བུ་འཁྲོལ།

CLOSE WINDOW