| Wylie | e-texts produced with ocr Programm |
། ཞུ་ཆེན་གྱི་ཙ་བ་བན་དྷེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། ཙྱ། རྒྱ་གར་སྐད་དུ། ད་ཤ་བུ་དྷ་ཀན་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། སངས་རྒྱས་བཅུ་པ་ཞེས་བྱ་བ་ཐེག་པ་ཆེན་པོའི་མདོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ་དགེ་སློང་གི་དགེ་འདུན་སྟོང་ཉིས་བརྒྱ་ལྔ་བཅུ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་ཕྲག་རབ་ཏུ་མང་པོ་དང་ཐབས་ཅིག་ཏུ་བཞུགས་སོ། ། དེའི་ཚེ་འཁོར་དེ་ཉིད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡུལ་ཡངས་པའི་ལི་ཙ་བྱི་གཞོན་ནུ་ཡོ། ཏན་རིན་ཆེན་མེ་ཏོག་རྒྱས་པ་ཞེས་བྱ་བ་འདུས་པར་གྱུར་ཏེ་འདུག་གོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པ་བསྟན་ལས་ལངས་ཏེ། ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་གང་ན་བདེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། གལ་ཏེ་བདག་གིས་ཞུ་བ་ཞུས་པས། བཅོམ་ལྡན་འདས་ཀྱི་ཐུགས་རངས་པ་ལྟ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། ། དེ་སྐད་རྗེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པ་ལ་འདི་སྐད་ཅེས་བཀའ་སྩལ་ཏོ། ། ཡོན་ཏན་རིན་ཆེན་མེ་ཏོག་རྒྱས་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་གང་དང་གང་འདོད་པ་དྲིས་ཤིག་དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་ལ་ལས་འཇིག་རྟེན་གྱི་ཁམས་གཞན་དག་ན་ད་ལྟར་བཅོམ་ལྡན་འདས་བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་པ་གང་དག་གི་མཚན་བཟུང་ན། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བ་མཆིས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པ་ལ་འདི་སྐད་ཅེས་བཀའ་སྩལ་ཏོ། ། ཡོན་ཏན་རིན་ཆེན་མེ་ཏོག་རྒྱས་པ་ལེགས་སོ་ལེགས་སོ།། ཡོན་ཏན་རིན་ཆེན་མེ་ཏོག་རྒྱས་པ་ཁྱོད་འདི་ལྟར་འདྲིར་ལྷགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ལྷ་དང་། མི་དང་། སྐྱེ་བོ་མང་པོ་རྣམས་ཀྱི་དོན་དང་། ཕན་པ་དང་། བདེ་བ་དང་། འཇིག་རྟེན་ལ་སྙིང་བརྩ་བའི་ཕྱིར་ཞུགས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དོན་འདི་ཡོངས་སུ་འདྲི་བར་སེམས་པ་ཡོན་ཏན་རིན་ཆེན་མེ་ཏོག་རྒྱས་པ་ཁྱོད་ཡང་ལེགས་སོ། ། ཡོན་ཏན་རིན་ཆེན་མེ་ཏོག་རྒྱས་པ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། ངས་ཁྱོད་ལ་བཤད་པར་བྱའོ།། བཅོམ་ལྡན་འདས་དེ་ལྟར་འཚལ་ལོ་ཞོས་གསོལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པས་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། ། ཡོན་ཏན་རིན་ཆེན་མེ་ཏོག་རྒྱས་པ་ཤར་ཕྱོགས་ལོགས་ན། ཡོན་ཏན་ཐམས་ཅད་རྣམ་པར་དག་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེ་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་བསྐལ་པ་དཔག་ཏུ་མེད་པ་ལས་འདས་པ་ཞེས་བྱ་བ་ད་ལྟར་བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་ཏོ།། བསྐལ་པ་དེ་ནི་ཐམས་ཅད་ཉེ་བར་བསགས་ཤིང་བརྩེགས་པ་ཞེས་བྱའོ།། དེ་ན་སེམས་ཅན་རྣམས་ཀྱི་ཚེ་ཡང་དཔག་ཏུ་མེད་དོ།། བཅོམ་ལྡན་འདས་དངག་ཏུ་མེད་པ་དེའི་འཁོར་ཐམས་ཅད་ཀྱང་ཐེག་པ་ཆེན་པོ་ལ་ཡང་དག་པར་ཞུགས་པ་ཤློ་སྟག་སྟེ། རིགས་ཀྱི་བུ་འམ། རིགས་ཀྱི་བུ་མོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་བསྐལ་པ་དཔག་ཏུ་མེད་པ་ལས་འདས་པ་ཞེས་བྱ་བ་དེའི་མཚན་བཟུང་ན། བསྐལ་པ་སྟོང་ཕྲག་དྲུག་ཅུར་འཁོར་བ་ལ་རྒྱབ་ཀྱིས་ཕྱོགས་པར་བྱེད་དོ།། ཤི་འཕོས་ནས་ཀྱང་སྒྲིབ་པ་མེད་པའི་གཟུངས་ཞེས་བྱ་བ་འཐོབ་པར་འགྱུར་རོ།། སངས་རྒྱས་ཀྱི་ཞིང་བྱེ་བ་ཕྲག་བཅུའི་སངས་རྒྱས་བཅོམ་ལྡན་འདས་རྣམས་ཀྱིས་ཀྱང་སྤོབས་པ་ཡང་དག་པར་སྐྱེད་དོ། ། ཆོས་སྟོན་པ་ནའང་ཁེངས་པར་མི་འགྱུར་རོ།། དེ་ལ་འདི་སྐད་ཅེས་བྱ་སྟེ། གང་གིས་སྐྱོབ་པའི་མཚན་ནི་བཟུང་བྱས་ན།། དེ་ལ་བྱང་ཆུབ་དམ་པ་རྙེད་བླ་ཞིང་། བདེ་བར་གཤེགས་པའི་ཡོན་ཏན་གཞན་རྣམས་དང་།། ཡོན་ཏན་དྲི་མེད་འདི་དག་མང་འཐོབ་འགྱུར།། ཡོན་ཏན་རིན་ཆེན་མེ་ཏོག་རྒྱས་པ་ལྷོ་ཕྱོགས་ལོགས་ན། ཡོན་ཏན་རིན་ཆེན་བཀོད་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རིན་ཆེན་བཀོད་པའི་དཔལ་གཟི་བརྗིད་ཀྱི་ཕུང་པོའི་བསྐལ་པ་ཞེས་བྱ་བ་ད་ལྟར་བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་ཏོ།། བསྐལ་པ་དེ་ནི་ཡོན་ཏན་རྒྱ་ཆེ་བ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡོན་ཏན་རིན་ཆེན་བཀོད་པའི་དཔལ་གཟི་བརྗིད་ཀྱི་ཕུང་པོའི་བསྐལ་པ་ཞེས་བྱ་བ་དེའི་མཚན་བཟུང་ན། ཤི་འཕོས་ནས་ཉི་མའི་དཀྱིལ་འཁོར་འོད་ཀྱི་མཐས་ཀླས་པ་ཞེས་བྱ་བའི་ཏིང་ངེ་འཛིན་འཐོབ་པར་འགྱུར་རོ།། སངས་རྒྱས་ཀྱི་ཞིང་ཡོན་ཏན་བཀོད་པ་དཔག་ཏུ་མེད་པ་རྣམས་ཡོངས་སུ་འཛིན་པར་འགྱུར་རོ། ། སངས་རྒྱས་ཀྱི་ཞིང་གང་དང་གང་དུ་སྨོན་ལམ་བཏབ་པ་དེ་དང་དེར་སྐྱེ་བར་འགྱུར་རོ།། བླ་ན་མེད་པ་ཡང་དགྲ་པར་རྫོགས་པའི་སངས་རྒྱས་ཀྱང་སྐྱེ་བ་གཅིག་གིས་ཐོགས་སོ། ། ཤི་འཕོས་ན་ས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱང་འཐོབ་པར་འགྱུར་རོ།། དེ་ལ་འདི་སྐད་ཅེས་བྱ་སྟེ། ཁྱིམ་བདག་མཚན་འདི་སུས་བཟུང་བ།། མཐས་ཀླས་པ་ཡི་ཏིང་ངེ་འཛིན།། འོད་ནི་ཉི་མའི་དཀྱིལ་འཁོར་ཅན།། མཚན་རྣམས་བཅས་ཏི་ཤི་བ་འཐོབ། ཡོན་ཏན་རིན་ཆེན་མེ་ཏོག་རྒྱས་པ་ནུབ་ཕྱོགས་ལོགས་ན། སྦྱོར་བས་མུན་པ་ཐམས་ཅད་དང་བྲལ་བ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ལ་སྤོབས་པ་བཀོད་པའི་དཔལ་ད་ལྟར་བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་ཏོ།། བསྐལ་བ་དེ་ནི་ཤཱཀྱའི་རྒྱལ་པོ་བཀོད་པ་ཞེས་བྱའོ། ། རིགས་ཀྱི་བུ་འམ།། རིགས་ཀྱི་བུ་མོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ལ་སྤོབས་པ་བཀོད་པའི་དཔལ་ཞེས་བྱ་བ་དེའི་མཚན་བཟུང་ན། མཚོན་ཆ་དང་། མེ་དང་། ཆུ་དང་། དུག་གིས་འཆི་བའི་དུས་བྱེད་པར་མི་འགྱུར་ཞིང་། རྫུས་ཏེ་སྐྱེ་བར་འགྱུར་རོ།། ཤི་འཕོས་ནས་ཤུགས་བརྒྱ་པ་ཞེས་བྱ་བའི་ཏིང་ངེ་འཛིན་ཐོབ་པར་འགྱུར་རོ།། དེ་ལ་འདི་སྐད་ཅེས་བྱ་སྟེ། རྒྱལ་བ་དེ་ཡི་མཚན་ནི་སུས་བཟུང་བ།། མེ་དང་ཆུ་དང་དུག་གིས་མི་འཆི་ཞིང་། ། འདི་ལ་མཚོན་གྱིས་མི་ཚུགས་མཁས་པ་དང་།། མངལ་དུ་མི་སྐྱེ་གཟུངས་རྣམས་མི་ངེས་འཐོབ།། ཡོན་ཏན་རིན་ཆེན་མེ་ཏོག་རྒྱས་པ་བྱང་ཕྱོགས་ལོགས་མ་མུན་པ་དང་རྡུལ་དང་བྲལ་བ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པ་དཔག་ཏུ་མེད་པ་བཀོད་པ་ཡང་དག་པར་སྤྱོད་པ་ཞེས་བྱ་བ་ད་ལྟར་བཞུགས་ཏེ་འཚོ་ལ་གཞེས་ཤིང་ཆོས་ཀྱང་སྟོན་ཏོ། ། བསྐལ་པ་དེ་ནི་རིན་ཆེ་བ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོབས་པ་དཔག་ཏུ་མེད་པ་བཀོད་པ་ཡང་དག་པར་སྤྱོད་པ་ཞེས་བྱ་བ་དེའི་མཚན་བཟུང་ན། སངས་རྒྱས་བྱེ་བ་ཁྲག་ཁྲིག་དྲུག་ཅུ་མཉེས་པར་བྱེད་དོ།། ཐམས་ཅད་ཀྱི་རྗེས་སུ་སྤོང་བ་ཞེས་བྱ་བའི་གཟུངས་འཐོབ་པར་འགྱུར་རོ།། སྒྱུ་མ་ལྟ་བུ་ལས་ངེས་པར་འབྱུང་བ་ཞེས་བྱ་བའི་ཏིང་ངེ་འཛིན་འཐོབ་པར་འགྱུར་རོ། ། མི་ཟད་པའི་ཟ་མ་ཏོག་ཅེས་བྱ་བའི་ཏིང་ངེ་འཛིན་འཐོབ་པར་འགྱུར་རོ།། བླ་ན་མེད་པ་ཡང་དག་པར་རྫོགས་པའི་སངས་རྒྱས་སུ་མ་གྱུར་ཀྱི་བར་དུ་ནམ་ཡང་ངན་སོང་གསུམ་དུ་མི་སྐྱེ་ཞིང་མི་སྤྲོད་པར་འགྱུར་རོ། ། སངས་རྒྱས་ཀྱི་ཞིང་གང་དང་གང་དུ་སྐྱེས་པ་དེ་དང་དེར་སེམས་ཅན་ངན་སོང་དུ་སོང་བ་ཐམས་ཅད་ཡོངས་སུ་གྲོལ་བར་བྱེད་ཅིང་། དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་བྱེད་དོ།། དེ་ལ་འདི་སྐད་ཅེས་བྱ་སྟེ། བདེར་གཤེགས་དེ་ཡི་མཚན་ནི་སུས་བཟུང་བ།། སེམས་ཅན་མཐའ་ཡང་བྱང་ཆུབ་བསྐྱེད་པ་དང་།། གཟུངས་དང་ཏིང་ངེ་འཛིན་རྣམས་ཐོབ་པ་དང་།། ངན་འགྲོ།། སྐྱེ་བས་འཇིགས་པར་མི་འགྱུར་རོ།། ཡོན་ཏན་རིན་ཆེན་མེ་ཏོག་རྒྱས་པ་ཤར་ལྷོའི་ཕྱོགས་མཚམས་ལོགས་ན། ཡུན་རིང་པོར་བདེ་བ་བཀོད་པ་ཞེས་བྱ་བའི་འཇིག་རྟེན་གྱི་ཁམས་ཡོད་དོ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་འབྲུག་སྒྲ་སྒྲ་དབྱངས་སྟོང་པ་ཞེས་བྱ་བ་ད་ལྟར་བཞུགས་ཏེ། འཚོལ་གཞེས་ཤིང་ཆོས་ཀྱང་སྟོན་ཏོ། ། བསྐལ་པ་དེ་ནི་ཡོན་ཏན་འབྱུང་བ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤྲིན་གྱི་འབྲུག་སྒྲ་སྒྲ་དབྱངས་སྟོང་པ་ཞེས་བྱ་བ་དེའི་མཚན་བཟུང་ན། དེ་ཤི་འཕོས་ནས་སོ་སོ་ཡང་དག་པར་རིག་པ་བཞི་འཐོབ་པར་འགྱུར་རོ།། མི་འཇིགས་པ་བཞི་འཐོབ་པར་འགྱུར་རོ།། བྱམས་པ་ཆེན་པོ་དང་སྙིང་རྗེ་ཆེན་པོ་འཐོབ་པར་འགྱུར་རོ།། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འཐོབ་པར་འགྱུར་རོ།། ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱི་འཇིག་རྟེན་གྱི་ཁམས་བདེ་བ་ཅན་དེ་འདྲ་བའི་སངས་རྒྱས་ཀྱི་ཞིང་ཡོན་ཏན་བཀོད་པ་རྣམས་འཐོབ་པར་འགྱུར་རོ། ། བུད་མེད་ཀྱང་ཤི་འཕོས་ན་སྐྱེས་པའི་དངོས་པོ་འཐོབ་ཅིང་། སངས་རྒྱས་བཅོམ་ལྡན་འདས་ཀྱི་ཞལ་མཐོང་བར་སྐྱེ་བར་འགྱུར་རོ།། དེ་ལ་འདི་སྐད་ཅེས་བྱ་སྟེ། གང་གིས་མཚན་འདི་དག་ནི་བཟུང་བྱས་ན། ། འོད་དཔག་མེད་འདྲའི་ཞིང་དག་འཐོབ་པ་དང་།། བུད་མེད་ཕོར་འགྱུར་བསམ་གྱིས་མི་ཁྱབ་པའི།། ཡོན་ཏན་འདི་དང་གཞན་ཡང་འཐོབ་པར་འགྱུར་ཡོན་ཏན་རིན་ཆེན་མེ་ཏོག་རྒྱས་པ་ལྷོ་ནུབ་ཀྱི་ཕྱོགས་མཚམས་ལོགས་ན། ཡོན་ཏན་དཔག་ཏུ་མེད་པ་བཀོད་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པར་གྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི་མའི་འོད་དམ་པ་དཔལ་གྱི་གཟི་བརྗིད་འབྱུང་བ་ཞེས་བྱ་བ་ད་ལྟར་བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་ཏོ།། བསྐལ་པ་དེ་ནི་ཡིད་བདེ་བ་ཡང་དག་པར་བསྐྱེད་པ་ཞེས་བྱའོ། ། རིགས་ཀྱི་བུ་འམ། རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉི། མའི་འོད་དམ་པ་དཔལ་གྱི་གཟི་བརྗིད་འབྱུང་བ་ཞེས་བྱ་བ་དེའི་མཚན་ཐོས་ན། མཚན་དེ་དག་ཐོས་པ་ཙམ་གྱིས་སངས་རྒྱས་བྱེ་བ་མཉེས་པར་འགྱུར་རོ།། ཐམས་ཅད་དུ་མདངས་ལྟ་བུ་ཞེས་བྱ་བའི་ཏིང་ངེ་འཛིན་པ་ཐོབ་པར་འགྱུར་རོ། ། རིགས་ཀྱི་བུ་འམ། རིགས་ཀྱི་བུ་མོས་མཚན་དེ་དག་རྒྱུན་དུ་བཟུང་བ་བྱས་ན། ཤི་འཕོས་ནས་སེམས་ཅན་ཐམས་ཅད་མདངས་ལྟ་བུ་ཞེས་བྱ་བའི་ཏིང་ངེ་འཛིན་ལ་འཇོག་པར་བྱེད་ཅིང་། ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་རོ།། རྒྱུ་གང་དང་རྐྱེན་གང་གིས་སེམས་ཅན་ཐམས་ཅད་མདངས་ལྟ་བུ་ཞེས་བྱ་བའི་ཏིང་ངེ་འཛིན་འཐོབ་པར་བྱེད་ཅིང་། ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་ཞེ་ན། རིགས་ཀྱི་བུ་འམ། རིག་རིགས་ཀྱི་བུ་མོ་གང་ལ་ལས་ཏིང་ངེ་འཛིན་འདི་ལ་གནས་ཤིང་ཆོས་བསྟན་ན། དེ་ལྟར་ཆོས་བསྟན་པས་ཏིང་ངེ་འཛིན་འདི་འཐོབ་པར་འགྱུར་ཞིང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེའི་སེམས་ཅན་ཇི་སྙེད་པ་དེ་དག་ཐམས་ཅད་ཀྱང་བདེ་བར་འགྱུར་རོ། ། དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཡིད་དུ་འོང་བ་ཞེས་བྱ་བའི་ཞིང་ན། སེམས་ཅན་རྣམས་བདེ་བ་ལ་གཅིག་ཏུ་བཀོད་པ་དང་། ངན་སོང་དུ་སོང་བའི་སེམས་ཅན་རྣམས་ཀྱང་ཡོངས་སུ་གྲོལ་བར་བྱེད་ཅིང་། ལྷ་དང་མིའི་ངོ་བོ་ཉིད་འཐོབ་པར་བྱེད་པ་དང་། དེ་དག་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་བྱེད་པ་བཞིན་ནོ།། དེ་ལ་འདི་སྐད་ཅེས་བྱ་སྟེ། གང་གིས་མགོ་དེའི་མཚན་ནི་བཟུང་བྱས་ན། ། ཕྱི་རོལ་མ་ཡིན་རྟོགས་པར་བྱེད་པ་དང་།། མདངས་ལྟ་བུ་ཡི་ཏིང་ངེ་འཛིན་འཐོབ་ཅིང་།། དེ་དང་གཞན་དུ་མང་པོ་སྐྱེད་པར་བྱེད།། ཡོན་ཏན་རིན་ཆེན་མེ་ཏོག་རྒྱས་པ་ནུབ་བྱང་གི་ཕྱོགས་མཚམས་ལོགས་ན། ངན་སོང་སྤངས་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དགུ་པར་རྫོགས་པའི་སངས་རྒྱས་རྣམ་པ་མང་པོའི་གཟི་བརྗིད་ཀྱི་རྒྱལ་པོ་དཔལ་འབྱུང་བ་ཞེས་བྱ་བ་ད་ལྟར་བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་ཏོ། ། བསྐལ་པ་དེ་ནི་དགེ་བ་རྒྱ་ཆེ་བ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམ་པ་མང་པོའི་གཟི་བརྗིད་ཀྱི་རྒྱལ་པོ་དཔལ་འབྱུང་བ་ཞེས་བྱ་བ་དེའི་མཚན་བཟུང་ན། ཤི་འཕོས་ནས་སྤོབས་པ་དཔག་ཏུ་མེད་པ་བཀོད་པ་ཞེས་བྱ་བའི་གཟུངས་འཐོབ་པར་འགྱུར་རོ།། ཚོགས་ཆུང་ངུས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱི་སངས་རྒྱས་ཀྱི་ཞིང་ཡོན་ཏན་ཕུན་སུམ་ཚོགས་པ་བཀོད་པ་ཡོངས་སུ་འ་པར་འགྱུར་རོ། ། སྐྱེ་བ་གཅིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འགྲུབ་པར་འགྱུར་རོ།། སངས་རྒྱས་བྱེ་བ་དྲག་དགུ་བཅུས་ཆོས་བསྟན་པའང་ཐོས་པར་འགྱུར་རོ།། དེ་ལ་འདི་སྐད་ཅེས་བྱ་སྟེ། གང་གིས་རྒྱལ་བའི་མཚན་དེ་བཟུང་བྱས་ན།། སྐྱེ་བ་གཅིག་གིས་བྱང་ཆུབ་འཐོབ་པ་དང་།། འོད་དཔག་མེད་དང་མཉམ་པའི་ཞིང་དག་དང་།། གཟུངས་ཀྱང་སེམས་ཅན་དེ་ཡིས་འཐོབ་པར་འགྱུར། ། ཡོན་ཏན་རིན་ཆེན་མེ་ཏོག་རྒྱས་པ་བྱང་ཤར་གྱི་ཕྱོགས་མཚམས་ལོགས་ན། མྱ་ངན་གྱི་གནོད་པ་ཐམས་ཅད་དང་བྲལ་བ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་བྱེ་བ་གྲངས་མེད་པར་ཀུན་ཏུ་འབྱུང་བ་ཞེས་བྱ་བ་ད་ལྟར་བཞུགས་ཏེ། འཚོ་ལ་གཞེས། ཤིང་ཆོས་ཀྱང་སྟོན་ཏོ།། བསྐལ་པ་དེ་ནི་སྤོབས་པ་བཀོད་པ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བསྐལ་པ་གྲངས་མེད་པར་ཀུན་ཏུ་འབྱུང་བ་ཞེས་བྱ་བ་དེའི་མཚན་བཟུང་ན། ཤི་འཕོས་ནས་སྒྲ་དབྱངས་ཡན་ལག་དྲུག་ཅུ་དང་ལྡན་པའི་སྤོབས་པ་ཕུན་སུམ། ཚོགས་པ་འཐོབ་པར་འགྱུར་རོ།། སངས་རྒྱས་བྱེ་བ་ཕྲག་བརྒྱད་ཅུ་ལས་དགེ་བའི་རྩ་བ་སྐྱེད་པར་འགྱུར་རོ།། དེ་ལ་འདི་སྐད་ཅེས་བྱ་སྟེ། གང་གིས་རྒྱལ་བའི་མཚན་དེ་དག་ནི་བཟུང་བྱས་ན། ། རྒྱལ་བ་བྱེ་བ་ཁྲག་ཁྲིག་བརྒྱད་ཅུ་མཆོད་པ་ཡི།། བསོད་ནམས་དེ་དག་དེ་ལ་ཆུང་བར་མི་འགྱུར་ཞིང་།། སྒྲ་དབྱངས་ཕུན་སུམ་ཡན་ལག་དྲུག་ཅུར་ལྡན་པ་འཐོབ།། ཡོན་ཏན་རིན་ཆེན་མེ་ཏོག་རྒྱས་པ་སྟེང་གི་ཕྱོགས་ལོགས་ན། གཟི་བརྗིད་དཔག་ཏུ་མེད་པ་བཀོད་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་བ་གསེར་གྱི་ནམ་མཁའ་ངེས་པར་སྒྲོགས་པ་བཀོད་པའི་དཔལ་གྱི་གཟི་བརྗིད་འབྱུང་བ་ཞེ་བྱ་བ་ད་ལྟར་བཞུག་ཏེ། འཚོ་ལ་གཞེས་ཤིང་ཆོས་ཀྱང་སྟོན་ཏོ། ། བསྐལ་པ་དེ་ནི་སྣང་བ་ཤིན་ཏུ་གསལ་བ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དགེ་པ་གསེར་གྱི་ནམ་མཁའ་ངེས་པར་སྒྲོགས་པ་བཀོད་པ་དཔལ་གྱི་གཟི་བརྗིད་འབྱུང་བ་ཞེས་བྱ་བ་དེའི་མཚན་བཟུང་ན། ཚུལ་ཁྲིམས་ཀྱི་ཕུང་པོ་དཔག་ཏུ་མེད་པ་ཡོངས་སུ་དག་པ་དང་། ཏིང་ངེ་འཛིན་གྱི་ཕུང་པོ་དཔག་ཏུ་མེད་པ་དང་། ཤེས་རབ་ཀྱི་ཕུང་པོ་དཔག་ཏུ་མེད་པ་དང་། རྣམ་པར་གྲོལ་བའི་ཕུང་པོ་དཔག་ཏུ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་དཔག་ཏུ་མེད་པ་ཡོངས་སུ་དག་པར་བྱེད་དོ།། ས་ན་ས་ས་ཐོབ་པར་འགྱུར་རོ།། འཇིག་རྟེན་དང་འཇིག་རྟེན་ལས་འདས་པའི་ཡེ་ཤེས་མཆོག་འཐོབ་པར་འགྱུར་རོ། ། གཉེན་གྱི་སྟོབས་དང་རྒྱལ་སྲིད་འཐོབ་པར་འགྱུར་རོ།། སྤོབས་པ་མི་བུལ་བ་འཐོབ་པར་འགྱུར་རོ།། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། ། སེམས་ཅན་ཐམས་ཅད་ཀྱང་འཆི་འཕོ་དང་། སྔོན་གྱི་གནས་རྗེས་སུ་དྲན་པ་དང་། བརྡ་སྐད་ཤེས་པ་འཐོབ་པར་འགྱུར་རོ། ། སྤོབས་པ་རྒྱུན་མི་འཆད་པ་འཐོབ་པར་འགྱུར་རོ།། རིགས་མཐོན་པོ་འཐོབ་པར་འགྱུར་རོ།། རིགས་ཆེན་པོ་འཐོབ་པར་འགྱུར་རོ།། ཚེ་རབས་དྲན་པར་འགྱུར་རོ། ། མངོན་པར་ཤེས་པ་ལྔ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་འཐོབ་པར་འགྱུར་རོ།། དེ་ལ་འདི་སྐད་ཅེས་བྱ་སྟེ། གང་གིས་སངས་རྒྱས་མཚན་དེ་དག་ནི། བཟུང་བྱས་ན།། ཡན་ལག་ཀུན་དང་ལྡན་པའི་ཕུན་སུམ་ཚོགས་པ་དང་།། བྱང་ཆུབ་དམ་པ་སངས་རྒྱས་རིང་པོར་མི་ཐོགས་ཤིང་།། འཇིག་རྟེན་རྣམས་ཀྱིས་ཤེས་པ་བླ་མེད་འཐོབ་པར་འགྱུར། ། ཡོན་ཏན་རིན་ཆེན་མེ་ཏོག་རྒྱས་པ་འོག་ཕྱོགས་ལོགས་ན། རྡུལ་ཐམས་ཅད་འདུས་པ་ཞེས་བྱ་བའི་འཇིག་རྟེན་གྱི་ཁམས་ཡོད་དེ། དེ་ན་དེ་བཞིན་གཤེགས་པ་དག་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ཀྱི་ཚུལ་རྣམ་པར་འཕྲུལ་པའི་གཟི་བརྗིད་འབྱུང་བ་ཞེས་བྱ་བ་ད་ལྟར་བཞུགས་ཏེ། འཚོ་ལ་གཞེས་ཤིང་ཆོས་ཀྱང་སྟོན་ཏོ། ། བསྐལ་པ་དེ་ནི་འཇིག་རྟེན་ཀུན་ཏུ་བསགས་པ་ཞེས་བྱའོ།། རིགས་ཀྱི་བུ་འམ། རིགས་ཀྱི་བུ་མོས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཐམས་ཅད་ཀྱི་ཚུལ་རྣམ་པར་འཕྲུལ་པའི་གཟི་བརྗིད་འབྱུང་བ་ཞེས་བྱ་བ་དེའི་མཚན་བཟུང་ན། ཟླ་བའི་གཟུངས་ཞེས་བྱ་བ་འཐོབ་པར་འགྱུར་རོ།། སྐྱེ་བ་གཅིག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཐོབ་པར་འགྱུར་རོ། ། སངས་རྒྱས་བྱེ་བ་ཕྲག་དགུ་བཅུས་ཆོས་བསྟན་པ་ཐོས་པར་འགྱུར་རོ།། ཐོས་ནས་ཀྱང་ཐམས་ཅད་ཀུན་ཏུ་འཛིན་པར་འགྱུར་རོ། ། དེ་ལ་འདི་སྐད་ཅེས་བྱ་སྟེ། གང་གིས་མགོན་དེའི་མཚན་འདི་བཟུང་བྱས་ན།། སངས་རྒྱས་བྱེ་བའི་ཆོས་ནི་འཛིན་བྱེད་ཅིང་། སྐྱེ་བ་གཅིག་གིས་བྱང་ཆུབ་དམ་པ་དང་།། ཟླ་བ་ཞེས་བྱའི་གཟུངས་ནི་འདིས་ཐོབ་འགྱུར།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པ་དོང་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་ཐམས་ཅད་དགའ་བས་གཟུངས་ཐོབ་པར་གྱུར་ཏོ། ། བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་ནི་ཕྱིར་མི་ལྡོག་པ་ལ་གནས་པས་གནས་པར་གྱུར་ཏོ། ། ལྷ་དང་མི་ཁྲི་བྲག་དཔག་ཏུ་མེད་པས་ནི་བླ་ན་མེད་པའི་བྱང་ཆུབ་ཏུ་སེམས་བསྐྱེད་དོ།། བཅོམ་ལྡན་འདས་དགྱེས་ཤིང་དེ་སྐད་ཅེས་བཀའ་སྩལ་ནས། བྱང་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་རིན་ཆེན་མེ་ཏོག་རྒྱས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་ཐམས་ཅད་དགའ་བ་དང་། བྱང་ཆུབ་སེམས་དཔའ་དང་། དགེ་སློང་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་རྣམས་ཡི་རངས་ཏེ། བཅོམ་ལྡན་འདས་ཀྱི་གསུངས་པ་ལ་མངོན་པར་དགའ་བོ་སངས་རྒྱས་བཅུ་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ། ། །། རྒྱ་གར་གྱི་མཁན་པོ་པྲཛྙཱ་ཝརྨ་ལ་སོགས་པ་དང་། ཞུ་ཆེན་གྱི་ལོ་ཙ་བ་བནྡེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།
CLOSE WINDOW