| Wylie | e-texts produced with ocr Programm |
མདོ་འདི་ལ་མཁས་པ་བློ་ཐོས་ཁྲིམ་མོས་དགོངས་འཚལ། རྒྱ་གརཿད་དུ། ཨཱརྱ་མཱ་ཡོ་པམ་ས་མཱ་དྷི་ནཱ་མ་མ་ཧཱ་ཡཱན་སུཏྲ། བོད་དུ་དུ། འཕགས་པ་སྒྱུ་མ་ལྟ་བུའི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་མདོ།། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་གྲོང་ཁྱེར་ཝཱ་རཱ་ཎཱ་སི་ན། དྲང་སྲོང་ལྷུང་བ་རི་དྭགས་ཀྱི་ནགས་ན། དགྲ་བཅོམ་པ་ཉི་ཁྲིའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་ཁྲི་ཉིས་སྟོང་ལ། འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེའི་སེང་གེ་དང་། སེང་གེ་བློ་གྲོས་དང་། ལེགས་པར་གནས་པའི་བློ་གྲོས་དང་། དཔེ་མེད་བློ་གྲོས་དང་། ས་འཛིན་དང་། མེས་བྱིན་དང་། ཆུ་ལྷ་དང་། དཀོན་མཆོག་འབྱུང་གནས་དང་། ཕུག་སྲས་དང་། བ.རང་སྐྱོང་དང་། གྲོག་ལྷ་དང་། རྣམ་པར་སྣང་བྱེད་དང་། འཇམ་དཔལ་གཞོན་ནུར་གྱུར་པ་དང་། ཡེ་ཤེས་འབྱུང་གནས་དང་། བརྩོན་པ་མི་གཏོང་དང་། མཐོང་བ་དོན་ཡོད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ་ཁྲི་ཉིས་སྟོང་དང་ཐབས་གཅིག་ཏུ་བཞུགས་སོ།། ལྷའི་བུ་མཚམས་བཟངས་དང་། ལེགས་པར་གནས་པའི་བློ་གྲོས་ལ་སོགས་པ་ཐམས་ཅད་ཀྱང་ཐེག་པ་ཆེན་པོ་ལ་ཡང་དག་པར་ཞུགས་པ་ཉི་ཁྲི་དང་ཡང་ཐབས་གཅིག་གོ། དེ་ནས་བཅོམ་ལྡན་འདས་འཁོར་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ཏེ་ཆོས་སྟོན་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་གཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། ། དེ་སྐད་ཅེས་གསོལ་ནས། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོ་ལ་འདི་སྐད་ཅེས་བཀའ་སྩལ་ཏོ།། པདྨའི་དཔལ་གྱི་སྙིང་པོ་ཁྱོད་ལ་དེ་བཞིན་གཤེགས་པས་དྲིས་པ་ལུང་བསྟན་པའི་ཕྱིར་རྟག་ཏུ་སྐབས་ཕྱེས། པདྨའི་དཔལ་གྱི་སྙིང་པོ་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཅི་དང་ཅི་འདོད་པ་དྲིས་ཤིག་དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རང་བར་བྱའོ།། དེ་སྐད་ཅེས་བཀའ་སྩལ་ནས། བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང་། མངོན་པར་ཤེས་པ་ལྔ་དང་ལྡན་པ་དང་སྒྱུ་མ་ལྟ་བུའི་ཏིང་ངེ་འཛིན་ཀྱང་འཐོབ་ཅིང་། ཏིང་ངེ་འཛིན་དེ་ཐོབ་མ་ཐག་ཏུ་ཇི་ལྟ་ཇི་ལྟར་སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་རྫོགས་པར་འགྱུར་བ་དེ་ལྟ་དེ་ལྟར་ལུས་མངོན་པར་སྤྲུལ་ནས། སེམས་ཅན་རྣམས་ཀྱི་མོས་པ་ཇི་ལྟ་བ་དེ་བཞིན་དུ་ཆོས་སྟོན་པ་དང་། ཅི་ནས་མྱུར་དུ་ཐ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་ལགས། དེ་སྐད་ཅེས་གསོལ་ནས། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོ་ལ་འདི་སྐད་ཅེས་བཀའ་སྩལ་ཏོ།། པདྨའི་དཔལ་གྱི་སྙིང་པོ་ལེགས་སོ་ལེགས་སོ།། པདྨའི་དཔལ་གྱི་སྙིང་པོ་ཁྱོད་ནི་འདི་ལྟར་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། དགེ་བའི་རྩ་བ་བསགས་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་མང་པོ་ལ་བསྙེན་བཀུར་བྱས་པ་སྟེ། ཁྱོད་འདི་ལྟར་སེམས་ཅན་ཐམས་ཅད་ལ་སྙིང་བརྩེ་བ་དང་སྙིང་རྗེ་བར་ཞུགས་པས། པདྨའི་དཔལ་གྱི་སྙིང་པོ་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དོན་འདི་འདྲི་བར་སེམས་པ་ནི་ལེགས་སོ།། པདྨའི་དཔལ་གྱི་སྙིང་པོ་ཁྱོད་དེའི་། ཕྱིར་ལེགས་པར་རབ་ཏུ་ཉོན་ལ་ཡིད་ལ་སྲུང་ཞིག་དང་ངས་ཁྱོད་ལ་བཤད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས། བཅོམ་ལྡན་འདས་ལ་ལེགས་སོ།། ཞེས་གསོལ་ནས། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། སྤྱནའི་དཔལ་གྱི་སྙིང་པོ་ཆོས་གཅིག་དང་ལྡན་ན།། བྱང་ཆུབ་སེམས་དཔའ་སེམས་དཔའ་ཆེན་པོས་ནིམེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ་དང་། མངོན་པར་ཤེས་ལྔ་དང་ལྡན་པ་དང་། སྒྱུ་མ་ལྟ་བུའི་ཏིང་ངེ་འཛིན་ཀྱང་འཐོབ་ཅིང་། ཏིང་ངེ་འཛིན་དེ་ཐོབ་མ་ཐག་ཏུ་ཇི་ལྟ་ཇི་ལྟར་སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་རྫོགས་པར་འགྱུར་བ་དེ་སྟེ་དེ་ལྟར་ལུས་མངོན་པར་སྤྲུལ་ནས། སེམས་ཅན་རྣམས་ཀྱི་མོས་པ་ཇི་ལྟ་བ་དེ་བཞིན་དུ་ཆོས་སྟོན་པ་དང་། ཅི་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། ། ཆོས་གཅིག་པོ་གང་ཞེ་ན། པདྨའི་དཔལ་གྱི་སྙིང་པོ་འདི་ལ་བྱང་ཆུབ་སེམས་དཔའ་ཁམས་གསུམ་པ་ཐམས་ཅད་ལ་མི་གནས་པ་ཡིན་ཏེ། ནང་ངམ་ཕྱི་རོལ་ལ་གནས་པར་མི་བྱེད་དོ། ། དེ་གནས་པ་མེད་པས་ཡང་དག་པ་མཐོང་བར་འགྱུར། ཡང་དག་པ་མཐོང་བས་ཡང་དག་པ་ལ་སྦྱོར་བར་འགྱུར་རོ།། ཡང་དག་པ་ལ་སྦྱོར་བས་ཅི་ལ་ཡང་བློ་ཐོགས་པར་མི་འགྱུར་རོ།། དེ་བྲེ་ཐོགས་པ་མེད་པས་ཡང་དག་པའི་བྱ་བ་ལ་སྤྱོད་དོ།། ཡང་དག་པའི་བྱ་བ་ལ་སྤྱོད་པ་དེ་གང་ཤེ་ན། འདི་ལྟ་སྟེ། ཆོས་ཐམས་ཅད་ནི་རྟེན་ཅིང་འབྲེལ་བར་འབྱུང་བ་སྟེ། ཆོས་གང་ཡང་ཐེར་ཟུག་ཏུ་གནས་པ་ཡིན་ནོ། ། ཆོས་ཐམས་ཅད་ནི་རྐྱེན་ལས་འབྱུང་བ་སྟེ། རྐྱེན་མེད་པར་འབྱུང་བའི་ཆོས་ནི་གང་ཡང་མེད་དོ།། ཆོས་གང་རྟེན་ཅིང་འབྲེལ་བར་འབྱུང་བ་དེ་ནི་མ་སྐྱེས་པའོ།། དེ་ལྟར་ན་ཆོས་ཐམས་ཅད་ནི་སྐྱེ་བ་མེད་པ་སྟེ། ཆོས་ཐམས་ཅད་མ་སྐྱེས་པར་རྟོགས་པར་གྱུར་པ་དེ་ནི། བྱང་ཆུབ་སེམས་དཔའ་ལམ་ལ་འཇུག་པ་རྟོགས་པ་འཐོབ་བོ།། འདི་ལྟར་སེམས་ཅན་ཐམས་ཅད་ལ་ཕན་པའི་དངོས་པོ་དང་སྙིང་རྗེའི་སེམས་ཀྱི་རྗེས་སུ་འཇུག་པ་རབ་ཏུ་འཐོབ་དེ་དེ་ལྟར་མོས་པས་ཆོས་ཐམས་ཅད་སྒྱུ་མ་ལྟ་བུར་རབ་ཏུ་ཤེས་སོ། ། ཆོས་ཐམས་ཅད་ནི་ཡོངས་སུ་བརྟགས་པས་སྤྲུལ་པ་སྟེ། ཡོངས་སུ་བརྟགས་པ་དེ་ཡང་ཤིན་ཏུ་སྟོང་པ་། ཆོས་ཐམས་ཅད་སྟོང་པར་རྟོགས་པ་དེ་ནི། སྒྱུ་མ་ལྟ་བུའི་ཏིང་ངེ་འཛིན་འཐོབ་སྟེ། ཏིང་ངེ་འཛིན་དེ་ཐོབ་མ་ཐག་ཏུ་ཇི་ལྟ་ཇི་ལྟར་སེམས་ཅན་རྣམས་དགེ་བའི་རྩ་བ་རྣམས་ཡོངས་སུ་རྫོགས་པར་འགྱུར་བ་དེ་ལྟ་དེ་ལྟར་ལུས་མངོན་པར་སྤྲུལ་ནས། སེམས་ཅན་རྣམས་ཀྱི་མོས་པ་ཇི་ལྟ་བ་དེ་བཞིན་དུ་ཆོས་སྟོན་པ་དང་། ཅི་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། ། དེ་སྐད་ཅེས་བཀའ་སྩལ་ནས། བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྱུ་མ་ལྟ་བུའི་ཏིང་ངེ་འཛིན་འདི་ཐོབ་པ་གང་ལ་ལ་དག་འཁོར་འདིར་འདུས་པ་ལྟ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་གྱི་སྙིང་པོ་འཁོར་དྲི་ན་བསམས་བཞིན་དུ་གོ་ཆ་བགོས་པ་གང་དག་སྒྱུ་མ་ལྟ་བུའི་ཏིང་ངེ་འཛིན་འདི་ཐོབ་པ་སྐྱེས་བུ་དམ་པ་དྲུག་ཅུ་ཡོད་དེ། བྱང་ཆུབ་སེམས་དཔའ་སེམས་དཔར་ཆེན་པོ་བྱམས་པ་དང་། འཇམ་དཔལ་གཞོན་ནུར་གྱུར་པ་ལ་སོགས་པ་སྐྱེས་བུ་དམ་པ་དྲུག་ཅུ་པོ་དག་སྒྱུ་མ་ལྟ་བུའི་ཏིང་ངེ་འཛིན་འདི་ཐོབ་པ་ཡིན་ནོ།། གསོལ་བ། བཅོམ་ལྡན་འདས་སྐྱེས་བུ་དམ་པ་འདི་དས་གིས་འཇིག་རྟེན་གྱི་ཁམས་འདི་ཉིད་དུ་སྒྱུ་མ་ལྟ་བུའི་ཏིང་ངེ་འཛིན་འདི་ཐོབ་པ་ལགས་སམ། འོན་ཏེ་འཇིག་རྟེན་གྱི་ཁམས་གཞན་དག་ན་ཡང་གང་དག་སྒྱུ་མ་ལྟ་བུའི་ཏིང་ངེ་འཛིན་འདི་ཐོབ་པའི་སྐྱེས་བུ་དམ་པ་དག་ཀྱང་མཆིས། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་གྱི་སྙིང་པོ་སངས་རྒྱས་ཀྱི་ཞིང་འདི་ནས་ནུབ་ཀྱི་ཕྱོགས་ཆ་ལོགས་སུ་སངས་རྒྱས་ཀྱི་ཞིང་བྱེ་བ་བརྒྱ་སྟོང་འདས་པ་ན་འཇིག་རྟེན་གྱི་ཁམས་བདེ་བ་ཅན་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཅེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ལ་ཆོས་ཀྱང་སྟོན་ཏོ།། སངས་རྒྱས་ཀྱི་ཞིང་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ཅེས་བྱ་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཅེས་བྱ་བ་དང་གཉིས་ཏིང་ངེ་འཛིན་འདི་ཐོབ་པ་ཡིན་ཏེ། པདྨའི་དཔལ་གྱི་སྙིང་པོ་སྐྱེས་བུ་དམ་པ་དེ་གཉིས་ལས་བྱང་ཆུབ་སེམས་དཔའ་སེམས་དཔའ་ཆེན་པོ་གང་གཞན་དག་ནུབ་བདུན་དུ་འདྲི་བའི་ལན་ཉན་པ་དེ་དག་སྒྱུ་མ་ལྟ་བུའི་ཏིང་ངེ་འཛིན་ཐོབ་བོ། ། དེ་སྐད་ཅེས་བཀའ་སྩལ་པ་དང་བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་སངས་རྒྱས་ཀྱི་ཞིང་དེ་ན་སྒྱུ་མ་ལྟ་བུའི་ཏིང་ངེ་འཛིན་ཐོབ་པར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་མང་དུ་མཆིས་སོ། ། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་སངས་རྒྱས་ཀྱི་ཞིང་དེར་སྐྱེས་པའི་བྱང་ཆུབ་སེམས་དཔའི་སེམས་དཔའ་ཆེན་པོ་དེ་དག་ནི་བསྒྲིམ་མི་འཚལ་བར་སྐྱེས་བུ་དམ་པ་དེ་གཉིས་ལས་ཆོས་འདྲི་བིར་ལན་ཉན་པའི་སླད་དུའོ། ། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་གྱི་སྙིང་པོ་ཇི་སྐད་ཟེར་བ་དེ་དེ་བཞིན་ཏེ། དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་སྒྱུ་མ་ལྟ་བུའི་ཏིང་ངེ་འཛིན་ལ་གནས་པ་དག་ནི་ཚད་མེད་གྲངས་མེད་དོ། ། དེ་སྐད་ཅེས་བཀའ་སྩལ་ནས། བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ཇི་ལྟ་བུའི་སེམས་ཀྱི་མཚན་མ་བསྟན་པས། སྐྱེས་བུ་དམ་པ་དེ་གཉིས་འཇིག་རྟེན་གྱི་ཁམས་མི་མཇེད་འདིར་མཆི་བར་འགྱུར་པ་དང་། བདེ་བ་ཅན་གྱི་འཇིག་རྟེན་གྱི་ཁམས་དེ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེ་ཡང་འཇིག་རྟེན་གྱི་ཁམས་འདི་ན་གདའ་བར་འགྱུར་བ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ་ལེགས་པར་མཛད་དུ་གསོལ། དེ་ཅིའི་སླད་དུ་ཞེ་ན། བཅོམ་ལྡན་འདས་སྐྱེས་བུ་དམ་པ་དེ་གཉིས་སངས་རྒྱས་ཀྱི་ཞིང་འདིར་མཆིས་ན་@#། བྱང་ཆུབ་སེམས་དཔའི་ཐེག་ས་པའི་རིགས་ཀྱི་བུ་དང་། རིགས་ཀྱི་བུ་མོ་རྣམས་ཀྱང་དགེ་བའི་རྩ་བ་ཡོངས་སུ་རྫོགས་པར་འགྱུར། སྐྱེས་སུ་དམ་པ་དེ་གཉིས་ལས་ཆོས་འདྲི་བ་ལན་ཐོས་པ་སྒྱུ་མ་ལྟ་བཱའིརི་ཏིང་ངེ་འཛིན་ཀྱང་ཐོབ་པར་འགྱུར། སངས་རྒྱས་ཀྱི་ཞིང་འདི་ནས་འཇིག་རྟེན་གྱི་ཁམས་བདེ་བ་ཅན་དེ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེ་ཡང་མཐོང་སྟེ། མཐོང་ནས་ཀྱང་རིགས་ཀྱི་བུ་འམ་རིགས་ཀྱི་བུ་མོ་དག། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་སངས་རྒྱས་ཀྱི་ཞིང་དེར་སྐྱེ་བར་སྨོན་ལམ་འདེབས་པ་དང་། དེར་སྐྱེས་མ་ཐག་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་བའི་སླད་དུའོ། ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས་གསོལ་བ་བཏབ་པར་མཁྱེན་ནས། མཛོད་སྤུ་ནས་འོད་རབ་ཏུ་བཀྱེ་སྟེ། འོད་དེས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་གསེར་གྱི་ཁ་དོག་གི་སྣང་བ་ཆེན་པོས་ཁྱབ་པར་གྱུར་ཏོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་རིའི་ཚོགས་དང་། ཤིང་ལྗོན་པ་དང་། རིའི་རྒྱལ་པོ་རི་རབ་དང་། རི་བཏང་བཟུང་དང་། བཏང་བཟུང་ཆེན་པོ་དང་། ཁོར་ཡུག་དང་། ཁོར་ཡུག་ཆེན་པོ་གང་དག་ཡོད་པ་དང་། གང་དག་འཇིག་རྟེན་གྱི་བར་གྱི་མུན་པ་མུན་ནག་དེ་དག་ཐམས་ཅད་ཀྱང་གསེར་གྱི་ཁ་དོག་གི་སྣང་བ་དེས་ཁྱབ་པར་གྱུར་ཏོ།། ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་དབང་ཆེ་བར་གྲགས་པ་འདི་དག་ཀྱང་མིག་གི་དབང་པོ་ལ་སྣང་བར་མ་གྱུར་ཏོ།། ནུབ་ཕྱོགས་ལོགས་སུ་སངས་རྒྱས་ཀྱི་ཞིང་བྱེ་བ་བརྒྱ་སྟོང་ལས་ཐལ་ནས། འཇིག་རྟེན་གྱི་ཁམས་བདེ་བ་ཅན་དེ་ཐམས་ཅད་གསེར་གྱི་ཁ་དོག་གི་སྣང་བ་ཆེན་པོས་ཁྱབ་པར་གྱུར་ཏོ། ། དེ་ནས་འོད་དེ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱི་ཞབས་ལ་ཕྱག་འཚལ་ཏེ། ལན་བདུན་བསྐོར་བ་བྱས་ནས། བཅོམ་ལྡན་འདས་དེའི་སྤྱན་སྔར་མི་སྣང་བར་གྱུར་ཏོ།། དེ་ནས་གང་དག་འཇིག་རྟེན་གྱི་ཁམས་བདེ་བ་ཅན་དེར་སྐྱེས་པའི་སེམས་ཅན་རྣམས་དང་། བྱང་ཆུབ་སེམས་དཔའ་རྣམས་དང་། ཉན་ཐོས་དེ་དག་གིས་ཀྱང་འཇིག་རྟེན་གྱི་ཁམས་མི་མཇེད་འདི་མཐོང་ཞིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་། ཉན་ཐོས་ཀྱི་དགེ་འདུན་གྱིས་མདུན་གྱིས་བལྟས་པ་དེ་ཡང་མཐོང་སྟེ། དཔེར་ན་སྐྱུ་རུ་རའི་འབྲས་བུ་ལག་མཐིལ་དུ་བཞག་པ་ལྟར་མཐོང་ནས། དེ་དག་དགའ་བ་དང་མཆོག་ཏུ་དགའ་བ་རྒྱ་ཆེར་སྐྱེས་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ་ཞེས་ཚིག་དེ་སྐད་ཀྱང་བརྗོད་དོ།། འཇིག་རྟེན་གྱི་ཁམས་མི་མཇེད་འདིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་འཁོར་གྱི་དཀྱིལ་འཁོར་དུ་གང་དག་འདུས་པ། དགེ་སློང་དང་། དགེ་སློང་མ་དང་དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁར་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་མི་དང་། མི་མ་ཡིན་པ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། བྱང་ཆུབ་སེམས་དཔའ་འདུས་པ་དེ་དག་གིས་ཀྱང་འཇིག་རྟེན་གྱི་ཁམས་བདེ་བ་ཅན་དེ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་བྱང་ཆུབ་སེམས་དཔའི་ཚོགས་ཀྱིས་ཡོངས་སུ་བསྐོར་ཅིང་། ཉན་ཐོས་ཀྱི་དགེ་འདུན་གྱིས་མདུན་གྱིས་བལྟས་ཏེ། རིའི་རྒྱལ་པོ་བཞིན་དུའབར་བ་དེ་དང་། ཐམས་ཅད་དང་ལྡན་པའི་སངས་རྒྱས་ཀྱི་ཞིང་དེ་ལངས་ལེར་མཐོང་སྟེ། འདི་ལྟ་སྟེ། དཔེར་ན་སྐྱེས་བུ་མིག་དང་ལྡན་པས་འདོམ་གང་ཙམ་གྱིས་ཕྱོགས་ན། སྐྱེས་བུ་ཅིག་ཤོས་ཀྱི་བཞིན་གྱི་དཀྱིལ་འཁོར་བསྒྲིམ་མི་དགོས་པར་མཐོང་བ་དེ་བཞིན་དུ། འཇིག་རྟེན་གྱི་ཁམས་འདི་དང་། སངས་རྒྱས་ཀྱི་ཞིང་འདི་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པབ་མཐོང་ངོ་། ། འཇིག་རྟེན་གྱི་ཁམས་བདེ་བ་ཅན་ཡོན་ཏན་བྱེ་བ་ཁྲག་ཁྲིག་བརྒྱ་སྟོང་དུ་མས་གང་བ་ཡོན་ཏན་གྱི་བཀོད་པ་ཆེན་པོ་དང་ལྡན་པ་དེ་ཡང་སྣང་ངོ་།། མཐོང་ནས་ཀྱང་དགའ་བ་དང་། མཆོག་ཏུ་དགའ་བ་རྒྱ་ཆེན་པོ་སྐྱེས་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་ཏུ་མེད་པ་ལ་ཕྱག་འཚལ་ལོ་ཞེས་ཚིག་དེ་སྐད་ཀྱང་བརྗོད་དོ།། སངས་རྒྱས་ཀྱི་ཞིང་ཡང་དག་པར་བསྟན་པ་མཛད་པ་ན། སངས་རྒྱས་ཀྱི་ཞིང་འདི་ན་སྔོན་སེམས་མ་སྐྱེད་པའི་སྲོག་ཆགས་བརྒྱད་ཁྲི་བཞི་སྟོང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ།། འཇིག་རྟེན་གྱི་ཁམས། བདེ་བ་ཅན་དུ་སྐྱེ་བར་འགྱུར་པ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དགེ་བར་རྩ་བ་ཡོངས་སུ་བསྔོའོ།། འཇིག་རྟེག་གྱི་ཁམས་བདེ་བ་ཅན་དེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་དང་། ཉན་ཐོས་ཆེན་པོ་གང་དག་འཁོད་པ་དེ་དག་གིས། འཇིག་རྟེན་གྱི་ཁམས་མི་མཇེད་འདི་མཐོང་ནས་ངོ་མཚར་དུ་གྱུར་ཏེ་ཐལ་མོ་སྦྱར་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ཞིང་ཚིག་འདི་སྐད་ཅེས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ་ཞེས་ཀྱང་བརྗོད་དོ། ། བྱང་ཆུབ་སེམས་དཔའ་སེམས་དཔའ་ཆེན་པོ་དང་། ཉན་ཐོས་ཆེན་པོ་དེ་དག་གིས་ཚིག་དེ་བརྗོད་མ་ཐག་ཏུ། དེའི་ཚེ་ཐམས་ཅད་དང་ལྡན་པའི་འཇིག་རྟེན་གྱི་ཁམས་དེ་རྣམ་པ་དྲུག་ཏུ་འགུལ། རབ་ཏུ་འགུལ། ཀུན་ཏུ་རབ་ཏུ་འགུལ། གཡོས། རབ་ཏུ་གཡོས། ཀུན་ཏུ་རབ་ཏུ་གཡོས། ལྡེག། རབ་ཏུ་ལྡེག། ཀུན་ཏུ་རབུ་ལྡེག། འུར་འུར། རབ་ཏུ་རུར་རུང་། ཀུན་ཏུ་རབ་ཏུ་རུར་རུར། འཁྲུགས།། རབ་ཏུ་འཁྲུགས། ཀུན་ཏུ་རབ་ཏུ་འཁྲུགས། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་ཆེམ་ཆེམ་མོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཞེ་ས་དང་བཅས་པར་ཕྱོགས་གཅིག་ཏུ་འཁོད་དོ།། སྐྱེས་བུ་དམ་པ་དེ་གཉིས་ཕྱོགས་གཅིག་ཏུ་འཁོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་མཐུ་བརྟན་པ་བརྙེས་པ་ནི་བཅོམ་ལྡན་འདས་ངོ་མཚར་ཏོ། ། བདེ་བར་གཤེགས་པ་ངོ་མཚར་ཏོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེའི་མཚན་བརྗོད་པ་ཙམ་གྱིས། སེམས་མ་མཆིས་པའི་དོགས་ས་འདི་ཡང་རྣམ་པ་དྲུག་ཏུ་གཡོས་པའི་སླད་དུའོ། ། དེ་སྐད་ཅེས་གསོལ་པ་དང་། དེ་བཞིན་གཤེགས་པ་འོད་དཔག་མེད་ཀྱིས། སྐྱེས་བུ་དམ་པ་དེ་གཉིས་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་དག་སངས་རྒྱས་ཀྱི་ཞིང་འདི་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་མཚན་བརྗོད་པར་མ་ཟད་ཀྱི། སངས་རྒྱས་ཀྱི་ཞིང་གཞན་དུ་མ་དག་ན་ཡང་བཅོམ་ལྡན་འདས་དེའི་མཚན་ཡོངས་སུ་བརྗོད་དོ། ། སངས་རྒྱས་ཀྱི་ཞིང་དེ་དག་ཐམས་ཅད་ཀྱང་འོད་དེས་རེག་པས་རྣམ་པ་དྲུག་ཏུ་རབ་ཏུ་གཡོས་སོ།། སངས་རྒྱས་ཀྱི་ཞིང་དེ་དག་ན་སེམས་ཅན་ཚད་མེད་གྲངས་མེད་བ་དག་དེ་བཞིན་གཤེགས་པ་ཤཱཀྱ་ཐུབ་པའི་མཚན་ཐོས་ནས། དགེ་བའི་རྩ་བ་ཡོངས་སུ་རྫོགས་པར་གྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་གྱུར་ཏོ།། དེ་ནས་བྱང་ཆུབ་སེམས་དཔའི་འཁོར་དེ་ལས་བྱང་ཆུབ་སེམས་དཔའ་བྱེ་བ་ཕྲག་བཞི་བཅུས། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པའི་མཚན་ཐོས་སོ།། ཐོས་ནས་ཀྱང་དེ་དག་ཐམས་ཅད་འདུས་ནས་མགྲིན་གཅིག་ཏུ་དགེ་བའི་རྩ་བ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོའོ། ། དེ་དག་ཀྱང་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་ལུང་བསྟན་ཏོ།། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེས་སྔོན་མ་མཐོང་མ་ཐོས་པའི་འོད་འདི་བཏང་བ་རྒྱུ་མ་མཆིས་རྐྱེན་མ་མཆིས་པར་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་འདི་ལྟར་ཡིད་དུ་མཆིས་པ་དང་། འདི་ལྟར་བལྟ་ན་སྡུག་པའི་འོད་མི་གཏོང་ན་གང་གི་སླད་དུ། བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེས་འདི་ལྟར་ཡིད་དུ་མཆིས་པ་དང་། འདི་ལྟར་བལྟ་ན་སྡུག་པའི་འོད་བཀྱེ་བ་འདིའི་རྒྱུ་ནི་གང་ལགས། རྐྱེན་ནི་ཅི་ལགས། དེ་སྐད་ཅེས་གསོལ་པ་དང་། དེ་བཞིན་གཤེགས་པ་འོད་དཔག་མེད་ཀྱིས། སྐྱེས་བུ་དམ་པ་དེ་གཉིས་ལ་འདི་སྐད་ཅེས་བཀའ་སྩལ་ཏོ། ། རིགས་ཀྱི་བུ་དག་ཇི་སྐད་སྨྲས་པ་དེ་དེ་བཞིན་ཏེ། རྒྱུ་མེད་རྐྱེན་མེད་པར་བཅོམ་ལྡན་འདས་དེས། འདི་ལྟར་ཡིད་དུ་འོང་བ་དང་། འདི་ལྟ། བལྟ་ན་སྡུག་པའི་འོད་མི་བཀྱེའོ།། དེ་ཅིའི་ཕྱིར་ཞེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ། དེང་བྱང་ཆུབ་སེམས་དཔའི་འཇུག་པ་ཞེས་བྱ་བའི་ཏིང་ངེ་འཛིན་རིན་པོ་ཆེ་བསྒྲུབ་པའི་ཆོས་ཀྱི་རྣམ་གྲངས་སྟོན་པར་འགྱུར་ཏེ། དེའི་ཕྱིར་བཅོམ་ལྡན་འདས་ཤཱཀྱ་ཐུབ་པ་དེས་ཆོས་བསྟན་པ་དེའི་སྔ་ལྟས་སུ་འདི་ལྟར་ཡིད་དུ་འོང་བ་དང་། འདི་ལྟར་བལྟ་ན་སྡུག་པའི་འོད་འདི་བཀྱེའོ། ། དེ་ནས་དེ་བཞིནི་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་པག་མཽད་དེ་ལ། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཀྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་བལྟ་བ་དང་། ཕྱག་བགྱི་བ་དང་། མཆོད་པ་དང་། བསྙེན་བཀུར་བགྱི་བ་དང་། ཆོས་བསྟན་པ་དེ་ཡང་ཉན་པའི་སླད་དུ། བཅོམ་ལྡན་འདས་བདག་ཅག་འཇིག་རྟེན་གྱི་ཁམས་མི་མཇེད་དེར་མཆིའོ།། བཀའ་སྩལ་པ། རིགས་ཀྱི་བུ་དག་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེ་ཁྱེད་ཉིད་ལས་བརྩམས་ཏེ་ཆོས་སྟོན་པར་འགྱུར་གྱིས། དེའི་དུས་ལ་དབབ་པར་ཤེས་ན་ཁྱེད་དེང་ཞིག་ཅེས་སྐབས་ཕྱེ་བས། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཀྱིས། བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་དེའི་ཉེ་འཁོར་ན་འཁོད། པའི་བྱང་ཆུབ་སེམས་དཔའ་བྱེ་བོ་ཕྲག་བཞི་བཅུ་པོ་རྣམས་ལ་སྨྲས་པ། རིགས་ཀྱི་བུ་དག་ཚུར་ཤོག། ཁྱེད་ཀྱང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་བལྟ་བ་དང་། ཕྱག་བྱ་བ་དང་། མཆོད་པ་དང་། བསྙེན་བཀུར་བྱ་བ་དང་། ཆོས་བསྟན་པ་དེ་ཡང་མཉན་པའི་ཕྱིར། འཇིག་རྟེན་གྱི་ཁམས་མི་མཇེད་དེར་འདོང་ངོ་།། དེ་ཅིའི་ཕྱིར་ཞེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ནི། སངས་རྒྱས་ཀྱི་ཞིང་ཡོངས་སུ་དག་པ་གཞན་དང་གཞན་དག་ན་ཡོད་པ་སྤངས་ནས། སྨོན་ལམ་དང་ཐུགས་རྗེ་ཆེན་པོས་སངས་རྒྱས་ཀྱི་ཞིང་ཉོན་མོངས་པ་ཅན་དེར་བྱུང་སྟེ། སེམས་ཅན་དམན་པ་ལ་མོས་པ། འདོད་ཆགས་ཀྱི་ཤས་ཆེ་བ། ཞེ་སྡང་གི་ཤས་ཆེ་བ། གཏི་མུག་གི་ཤས་ཆེ་བ་རྣམས་ཀྱི་ནང་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ནི་དཀའ་བ་མཛད་པའི་ཕྱིར་རོ། ། སྐྱེས་བུ་དམ་པ་དེ་གཉིས་ཀྱིས་ཚིག་འདི་སྨྲས་མ་ཐག་ཏུ། འཇིག་རྟེན་གྱི་ཁམས་བདེ་བ་ཅན་དེའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ལྷན་ཅིག་འདུས་ནས་མགྲིན་གཅིག་ཏུ་ཚིག་སྨྲས་པ། བཅོམ་ལྡན་འདས་སེམས་ཅན་གང་དག་གིས་བཅོམ་ལྡན་འདས་དེ་བཞིན་གཤེགས་པ་ཤཱཀྱ་ཐུབ་པ་དེའི་མཚན་ཐོས་པ་དེ་དག་ཀྱང་རྙེད་པ་ལེགས་པར་རྙེད་པ་ལགས་ན། གང་དག་གིས་ཤའི་མིག་གིས་དེ་མངོན་སུམ་དུ་མཐོང་ལ། མཐོང་ནས་ཀྱང་དད་པ་རྙེད་པ་དག་ལྟ་སྨོས་ཀྱང་ཅི་འཚལ། བཅོམ་ལྡན། འདས་བདག་ཅག་ཀྱང་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་ལ་བལྟ་བ་དང་། ཕྱག་བགྱི་བ་དང་། བསྙེན་བཀུར་བགྱི་བ་དང་། ཆོས་བསྟན་པ་དེ་ཡང་མཉན་པའི་སླད་དུ། འཇིག་རྟེན་གྱི་ཁམས་མི་མཇེད་དེར་མཆིའོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་ཁྱེད་དེའི་དུས་ལ་དྲ་བབ་པར་ཤེས་ན་དེང་ཞིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ། བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་རྩ་བཞིས་ཡོངས་སུ་བསྐོར་ནས་མདུན་དུ་བདར་ཏེ། འཇིག་རྟེན་གྱི་ཁམས་བདེ་བ་ཅན་དེ་ནས་དོང་ངོ་།། དེ་ནས་དེའི་ཚེ་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་པས། བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་རྩ་བཞི་པོ་དེ་དག་ཐམས་ཅད་རེ་རེ་ལ་ཡང་ཁང་པ་བརྩེགས་པ་བྱེ་བ་ཕྲག་བརྒྱད་ཅུ་རྩ་བཞི་སྤྲུལ་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་སོ། ། ཁང་པ་བརྩེགས་པ་དེ་དག་ཀྱང་གྲུ་བཞི་ལྷམ་པ། ཀ་བ་བཞི་ཐུག་པ། ཆ་མཉམ་པ། ལེགས་པར་རྣམ་པར་ཕྱེ་བ། ལེགས་པར་ཟིན་པ་ཤ་སྟག་གོ།། ཁང་པ་བརྩེགས་པ་རེ་རེ་ཡང་འལང་དུ་ནི་དཔག་ཚད་བཅུ་གཉིས། རྒྱར་ནི་དཔག་ཚད་བརྒྱད་དོ།། ཁང་པ་བརྩེགས་བདག་གསེར་ལས་བྱས་པ་དག་ཀྱང་ཡོད། དངུལ་ལས་བྱས་པ་དག་ཀྱང་ཡོད། བཻཌཱུཪྻ་ལས་བྱས་པ་དག་ཀྱང་ཡོད། ཤེལ་ལས་བྱས་པ་དག་ཀྱང་ཡོད། མུ་ཏིག་དམར་པོ་དང་། རྡོའི་སྙིང་པོ་དང་། སྤུག་ལས་བྱས་པ་དག་ཀྱང་ཡོད། རིན་པོ་ཆེ་གསེར་དང་། དངུལ་དང་། སྣ་གཉིས་པ་དག་ཀྱང་ཡོད། རིན་པོ་ཆེ་གསེར་དང་། དངུལ་དང་། བཻ་ཌཱུཪྻ་དང་། སྣ་གསུམ་པ་དག་ཀྱང་ཡོད། རིན་པོ་ཆེ་གསེར་དང་། དངུལ་དང་། བཻ་ཌཱུཪྻ་དང་། ཤེལ་དང་། སྣ་བཞི་པ་དག་ཀྱང་ཡོད། རིན་པོ་ཆེ་གསེར་དང་། དངུལ་དང་། བཻ་ཌཱུཪྻ་དང་། ཤེལ་དང་། མུ་ཏིག་དམར་པོ་དང་། སྣ་ལྔ་པའི་ཁང་པ་བརྩེགས་པ་དག་ཀྱང་ཡོད། རིན་པོ་ཆེ་གསེར་དང་། དངུལ་དང་། བཻ་ཌཱུཪྵ་དང་། ཤེལ་དང་། མུ་ཏིག་དམར་པོ་དང་། སྤུག་དང་། སྣ་དྲུག་པའི་ཁང་པ་བརྩེགས་པ་དག་ཀྱང་ཡོད། རིན་པོ་ཆེ་གསེར་དང་། དངུལ་དང་། བཻ་ཌཱུཪྻ་དང་། ཤེལ་དང་། མུ་ཏིག་དམར་པོ་དང་། སྡུག་དང་། རྡོའི་སྙིང་པོ་དང་། སྣ་བདུན་པའི་ཁང་པ་བརྩེག་པ་དག་ཀྱང་ཡོད། ཙན་དན་དམར་པོ་ལས་བྱས་པའི་ཁང་པ་བརྩེགས་པ་དག་ཀྱང་ཡོད། ཙན་དན་སྦྲུལ་གྱི་སྙིང་པོ་ལས་བྱས་པ་དག་ཀྱང་ཡོད། ཨ་ཀ་རུ་དང་ཅན་དན་ལས་བྱས་པ་དག་ཀྱང་ཡོད། ཨ་ཀ་རུ་ནག་པོ་དང་ཙན་དན་ལས་བྱས་པ་དག་ཀྱང་ཡོད། ཙན་དན་ཐམས་ཅད་ལས་བྱས་པའི་ཁང་པ་བརྩེགས་པ་དག་ཀྱང་ཡོད། མེ་ཏོག་ཨུཏྤ་ལ་དང་། པདྨ་དང་། ཀུ་མུ་དཱ་དང་། པདྨ་དཀར་པོ་ལས་བྱས་པའི་ཁང་པ་བརྩེགས་པ་དག་ཀྱང་ཡོད། སྣ་མའི་མེ་ཏོག་དང་། བ་ར་ཤ་ཀ་དང་། ཙམ་པ་ཀ་དང་། སྐྱ་སྣར་དང་། ཨ་ཏི་མུག་ཏ་ཀ་དང་། ཏ་ར་ནི་དང་། གོ་ཏ་ར་ནི་ལས་བྱས་པའི་ཁང་པ་བཅགས་བ་དག་ཀྱང་ཡོད། མེ་ཏོག་ནུཀ་རི་ལས་བྱས་པའི་ཁང་པ་བརྩེགས་པ་དག་ཀྱང་ཡོད། མེ་ཏོག་མནྡར་དང་། མནྡར་ཆེན་པོ་ལས་བྱས་པའི་ཁང་པ་བརྩེགས་པ་དག་ཀྱང་ཡོད། མེ་ཏོག་པ་རུ་ཤ་ཀ་དང་པ་རུ་ཤ་ཀ་ཆེན་པོ་དང་། མན་ཛུ་ཤ་ཀ་དང་། མ་མཛུ་ཤ་ཀ་ཆེན་པོ་དང་། མདོག་མཛེས་དང་། མདོག་མཛེས་ཆེན་པོ་དང་། མེ་ཏོག་འཁོར་ལོ་དང་། འཁོར་ལོ་ཆེན་པོ་དང་། ཀུན་ཏུ་འཁོར་ལོ་དང་། ཤིན་ཏུ་འཁོར་ལོ་དང་། ཤིན་ཏུ་མཛེས་པའི་འཁོར་ལོ་དང་། མེ་ཏོག་ཟླ་བ་དང་། ཟླ་བ་ཆེན་པོ་དང་། ཤིན་ཏུ་མཛེས་པའི་སླ་བ་དང་། ཟླ་བ་མཆོག་དང་། སྒྲ་ལ་དང་། སྒྲ་ལ་ཆེན་པོ་དང་། ཤིན་ཏུ་མཛེས་པའི་སྒྲ་ལ་ལས་བྱས་པའི་ཁང་པ་བརྩེགས་པ་དག་ཀྱང་ཡོད། མེ་ཏོག་ཐམས་ཅད་ལས་བྱས་པའི་ཁང་པ་བརྩེགས་པ་དག་ཀྱང་ཡོད། ཁ་དོག་དུ་མ་པ། ཁ་དོག་སྣ་ཚོགས་པ། ཁ་དོག་བརྒྱ་སྟོང་དུམ་པ། བཀྲ་བ། བལྟ་ན་སྡུག་པ། ཡོངས་སུ་དག་པ། འོད་གསལ་བ་དག་ཀྱང་ཡོད་དོ།། ཁང་པ་བརྩེགས་པ་རེ་རེར་ཡང་ལྷའི་བུ་མོ་བརྒྱད་ཁྲི་བཞི་སྟོང་མངོན་པར་སྤྲུལ་ཏེ། དེ་ན་ལྷའི་བུ་མོ་ཁ་ཅིག་ནི་ལག་ན་དུང་དང་། རྔ་བོ་ཆེ་དང་། རྫ་རྔ་དང་། འཁར་ང་དང་། པི་ཝང་རྒྱུད་གཅིག་པ་དང་། གླུ་དབྱངས་སྒྲ་སྙན་པ་དང་། གླིང་བུ་དང་། རྒྱུད་ཅན་པི་ཝང་དང་། པི་ཝང་རྒྱུད་གསུམ་པ་རྣམས་ཐོགས་ཏེ། སིལ་སྙན་དང་། གླུ་དབྱངས་དང་། རོལ་མོའི་སྒྲ་སྐད་རྣམ་པ་མང་པོ་དེ་ལྟ་བུ་ལེན་ཅིང་འཁོད་དོ། ། ལྷའི་བུ་མོ་ཁ་ཅིག་ནི་ཙན་དན་དམར་པོའི་ཕྱེ་མའི་ཕུར་མ་ཐོགས་ཤིང་འཁོད་དོ།། ལྷའི་བུ་མོ་ཁ་ཅིག་ནི་ཙན་དན་སྦྲུལ་གྱི་སྙིང་པོའི་ཕྱེ་མའི་ཕུར་མ་ཐོགས་ཤིང་འཁོད་དོ།། ལྷའི་བུ་མོ་ལ་ཅིག་ནྡྷ་ཨ་ཀ་ཪྠ་ང་ཅན་དྲན་གྱི་ཕྱེ་མའི་ཕུར་མ་ཕྱོགས་ཤིང་འཁོད་དོ། ། ལྷའི་བུ་མོ་ལཅིག་ནི་ཨ་ཀ་རུ་ནག་པོ་དང་། ཙན་དན་གྱི་ཕྱེ་མའི་རྣ་མ་ཐོགས་ཤིང་འརྗོད་དོ།། ལྷུའི་བུ་མོ་ཁ་ཅིག་ནི་ཙུན་སྐུ་ཐམས་ཅད་ཀྱི་ཕྱེ་མའི་ཕུར་མ་ཐོགས་ཤིང་འཁོད་དོ། ། ལྷའི་བུ་མོ་ཁ་ཅིག་ནི་ཨུཏྤ་ལ་དང་། པདྨ་དང་། ཀུ་མུ་དཱ་དང་། པདྨ་དཀར་པོའི་མེ་ཏོག་གི་ཕུར་མ་ཐོགས་ཤིང་འཁོད་དོ།། ལྷའི་བུ་མོ་ཁ་ཅིག་ནི་མེ་ཏོག་མནྡ་ར་དང་། མནྡར་ཆེན་པོ་དང་། བ་རུ་ཤ་ཀ་དང་། བ་རུ་ཤ་ཀ་ཆེན་པོ་དང་། མན་ཛུ་ཤ་ཀ་དང་། མན་ཛུ་ཤ་ཀ་ཆེན་པོ་དང་། མེ་ཏོག་མདོག་མཛེས་དང་། མདོག་མཛེས་ཆེན་པོ་དང་། མེ་ཏོག་འཁོར་ལོ་དང་། འཁོར་ལོ་ཆེན་པོ་དང་། ཀུན་ཏུ་འཁོར་ལོ་དང་། ཤིན་ཏུ་མཛེས་པའི་འཁོར་ལོ་དང་། མེ་ཏོག་ཟླ་བ་དང་། ཟླ་བ་ཆེན་པོ་དང་། ཤིན་ཏུ་མཛེས་པའི་ཟླ་བ་དང་། ཟླ་བ་མཆོག་དང་། སྒྲ་ལ་དང་། སྦ་ལ་ཆེན་པོ་དང་། ཤིན་ཏུ་མཛེས་པའི་སྒྲ་ལའི་མེ་ཏོག་གི་ལུར་མ་ཐོགས་ཤིང་འཁོད་དོ།། ལྷའི་བུ་མོ་ཁ་ཅོག་ནི་མེ་ཏོག་ཐམས་ཅད་དང་། འདུག་པ་དང་། སྤོས་དང་། མེ་ཏོག་འཕྲེང་དང་། བྱུག་པ་ཕྱེ་མའི་ཕུར་མ་ཐོགས་ཤིང་འཁོད་དོ། ། ཁང་པ་བརྩེགས་པ་རེ་རེར་ཡང་བཀོད་པ་ཆེན་པོའི་སེང་གེའི་ཁྲི་ལ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་སྐུ་ལེགས་པར་བརྒྱན་པའི་དེ་བཞིན་གཤེགས་པའི་སྐུ་མངོན་པར་སྤྲུལ་ཏོ། ། ཁང་པ་བརྩེགས་པ་རེ་རེར་ཡང་མུ་ཏིག་དཀར་པོ་དང་། མུ་ཏིག་དམར་པོ་དང་། མུ་ཏིག་མཐོན་ཀའི་མུ་ཏིག་གི་འཕྲེང་བ་བརྒྱད་ཁྲི་བཞི་སྟོང་མངོན་པར་སྤྲུལ་ཏོ།། ཁང་པ་བརྩེགས་པརེ་ར་ཡང་ལྷའི་རས་བཅོས་སུའི་རྒྱལ་མཚན་གསེར་གྱི་གྱིལ་བུ་གསེར་ཀ་རི་དྲ་བས་གཡོགས་པ་བརྒྱད་ཁྲི་བ་ནི་སྟོང་མངོན་པར་སྤྲུལ་ཏོ། ། ཁང་པ་བརྩེགས་པ་རེ་རེར་ཡང་ཐོས་ཀྱི་སུ་མ་བརྒྱན་ཀྱི་པ་ནི་སྟོང་མངོན་པར་སྤྲུལ་ཏོ། ། ཁང་པ་བརྩེགས་པ་རེ་རེར་ཡང་གདུག་ཁ་དོག་དུ་མ་པ། ཁ་དོག་སྣ་ཚོགས་པ།། བ་དོག་བརྒྱ་སྟོང་དུ་མ། བཀྲབ། བལྟ་ན་སྡུག་པ། ལེགས་པར་ལས་སུ་བྱས་པ། དབྱིབས་ཤིན་ཏུ་ལེགས་པ་བརྒྱད་ཁྲི་བཞི་སྟོང་མངོན་པར་སྤྲུལ་ཏོ། ། ཁང་པ་བརྩེགས་པ་རི་ར་ཡང་ཤིང་ཏ་ལའི་འཕྲེང་བ་བརྒྱད་ཁྲི་བཞི་སྟོང་མངོན་པར་སྤྲུལ་ཏོ།། ཁང་པ་བརྩེགས་པ་རེ་རེར་ཡང་རིན་པོ་ཆེའི་ཤིང་ལྗོན་པ་བརྒྱད་ཁྲི་བནི་སྟོང་མངོན་པར་སྤྲུལ་ཏོ། ། ཁང་པ་བརྩེགས་པ་རེ་རེར་ཡང་དྲིལ་བུ་གཡེར་ཀ་རི་དྲ་བ་གང་དག་རླུང་གིས་བསྐྱོད་ན་འདི་ལྟ་བུའི་སྒྲ་དག་འབྱུང་བ་འདི་ལྟ་སྟེ། དཔེར་ན་ལྷའི་སིལ་སྙན་ཡན་ལག་བྱེ་བ་བརྒྱ་སྟོང་དང་ལྡན་བ་མཁས་པ་དག་གིས་ལེགས་པར་བླངས་ནས་སྒྲ་འབྱུང་བ་དེ་བཞིན་དུ། དྲིལ་བུ་གཡེར་ཀའི་དྲ་བ་དེ་དག་ཀྱང་རླུང་གི་སྤྱོད་ན་སྒྲ་སྙན་པ་ཡིད་དུ་འོང་བ་དག་འབྱུང་བ་བརྒྱད་ཁྲི་བཞི་སྟོང་མངོན་པར་སྤྲུལ་ཏོ།། ཁང་པ་བརྩེགས་པ་རེ་རེར་ཡང་རྫིང་བུ་ཞིག་གསེར་གྱི་བྱེ་མ་བདལ་བ། བཻ་ཌཱུརྱ་དང་ཤེལ་གྱིས་སྨྲས་པ། རིན་པོ་ཆེ་སྣ་བདུན་གྱི་ཁ་ཁྱེར་གྱིས་བསྐོར་བ། མེ་ཏོག་ཨུཏྤ་ལ་དང་། སྨཱ་དང་། ཀུ་མུ་དཱ་དང་། པདྨ་དཀར་པོས་གང་བ། ངུར་པ་སྒྲ་བྱིན་པ། ཡན་ལག་བརྒྱད་དང་ལྡན་པའི་ཆུས་གང་བ། བྱ་རོག་གིས་བཏུང་དུ་རུང་བར་མུ་དང་ཁང་ཆད་དུ་གང་བ་དག་སྤྲུལ་ཏེ། ཁང་པ་བརྩེགས་པ་རེ་རེར་ཡང་རིན་པོ་ཆེའི་ཤིང་ལྗོན་པའི་འཕྲེང་བ་རིམ་པ་བདུན་གྱིས་བསྐོར་ཏོ། ། རིན་པོ་ཆེའི་སྐུད་པ་བརྒྱད་ཁྲི་བཞི་སྟོང་གིས་ཀུན་ནས་དཀྲིས་སོ།། རིན་པོ་ཆེའི་ཁང་པ་བརྩེགས་པ་རེ་རེའི་འོད་ཀྱིས་ཀྱང་དཔག་ཚད་བརྒྱད་ཁྲི་བཞི་སྟོང་དུ་སྣང་བར་གྱུར་ཏོ།། དེ་བཞིན་དུ་ཁང་པ་བརྩེགས་པ་ཐམས་ཅད་ཀྱི་བཀོད་པ་དག་སོ་སོར་བྱས་སོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་གི་ཁང་པ་བརྩེགས་པ་བཀོད་པ་ཇི་སྙེད་ཡོད་པ། ཁང་པ་བརྩེགས་པ་དེ་དག་ཐམས་ཅད་ཀྱི་ནང་ན་བཀོད་པ་ཆེན་པོ་གང་དག་ཡོད་པ་དེ་དག་ཐམས་ཅད་ཁང་པ་བརྩེགས་པ་རེ་རར་མངོན་པར་སྤྲུལ་ཏོ། ། སྔ་མ་བཞིན་དུ་སྦྱར་ཏེ། ཁང་པ་བརྩེགས་པ་རེ་རེར་ཡང་དེ་ལྟར་བཀོད་པ་རྣམས་མངོན་པར་སྤྲུལ་ནས། བཀོད་པ་དེ་ལྟ་བུ་དེས་བྱང་ཆུབ་སེམས་དཔའ་བྱེ་བ་ཕྲག་བརྒྱད་ཁྲི་བཞི་སྟོང་དང་ལྷན་ཅིག་ཏུ་འདི་ལྟ་སྟེ། དཔེར་ན་སྐྱེས་བུ་སྟོབས་དང་ལྡན་པའི་ལག་པ་བསྐུམ་པ་ལས་བརྐྱང་བ་དང་། བརྐྱང་བ་ལས་བསྐུམ་པ་ཙམ་གྱིས་དེ་དག་སྐད་ཅིག་ཐང་ཅིག་ཡུད་ཙམ་གྱིས་འཇིག་རྟེན་གྱི་ཁམས་བདེ་བ་ཅན་དེ་ནས་མི་སྣང་བར་གྱུར་ཏེ། འཇིག་རྟེན་གྱི་ཁམས་མི་མཇེད་འདིར་ཕྱིན་ཏོ།། དེ་ནས་བྱང་ཆུབ་སེམས་དཔའ་དེ་གཉིས་ཀྱིས་དེའི་ཚེ་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་པས། འཇིག་རྟེན་གྱི་ཁམས་མི་མཇེད་འདི་འང་ལག་མཐིལ་བཞིན་དུ་མཉམ་པར་གྱུར་པ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་སོ། ། བྱང་ཆུབ་སེམས་དཔའ་དེ་དག་ཀྱང་ཁང་པ་བརྩེགས་པ་བྱེ་བ་ཕྲག་བརྒྱད་ཅུ་རྩ་བཞིས་ཡོངས་སུ་བསྐོར་ཏེ་མདུན་དུ་འདར་ནས། ཡོན་ཏན་གྱི་བཀོད་པ་ཆེན་པོ་དང་ལྡན་པས་ཤིན་ཏུ་ལྷག་གེའོ། ། ཁང་པ་བརྩེགས་པ་དེ་དག་གི་འོད་ཀྱིས་ཀྱང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་སྣང་བས་ཁྱབ་པར་གྱུར་ཏོ།། དེ་ནས་བྱང་ཆུབ་སེམས་དཔའ་དེ་གཉིས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་ཞབས་ལ་མགོ་བོས་ཕྱག་འཚལ་ནས། ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ།། ཕྱོགས་གཅིག་ཏུ་འཁོད་ནས། སྐྱེས་བུ་དམ་པ་དེ་གཉིས་ཀྱིས་ཚིག་འཐུན་པར་སྒྲ་དབྱངས་གཅིག་ཏུ། བཅོམ་ལྡན་འདས་ལ་ཚིགས་སུ་བཅད་པ་འདི་དག་གིས་མངོན་པར་བསྟོད་དོ།། གཟི་བརྗིད་མཚུངས་མེད་ཡོན་ཏན་ཕུང་པོ་གཅིག་ལ་ཕྱག་འཚལ། ལོ།། དྲང་སྲོང་ཆེན་པོ་ཀུན་མཁྱེན་ཡོན་ཏན་ཀུན་གྱི་ཕ་རོལ་གཤེགས།། ཐམས་ཅད་ཟིལ་གནོན་སྲིད་པ་གསུམ་གྱི་ཆགས་པའི་ལམ་ལས་འདས།། ཤཱཀྱ་ཁྱུ་མཆོག་དྲི་བྲལ་བླ་བའི་ཞལ་ལ་ཕྱག་འཚལ་ལོ། ། ཉི་མ་དྲི་མེད་ལྟ་བུའི་སྐུ་དང་ལྡན་པ་རྣམ་པར་མཛེས།། མཚན་མཆོག་སུམ་ཅུ་རྩ་གཉིས་དག་གི་གོ་ཆ་མནབས་གྱུར་ཅིང་།། དཔེ་བྱད་བཟང་པོ་རྣམས་ཀྱིས་སྦས་པ་འཇིག་རྟེན་ཀུན། ཏུ་གསལ།། མི་མཆོག་ཁྱོད་མཚུངས་འཇིག་རྟེན་གསུམ་ན་གང་ཡང་ཡོང་མ་མཆིས།། བདེ་བར་གཤེགས་པའི་སྐུ་ཡི་འོད་ཀྱིས་གང་ཚེ་རེག་གྱུར་པ།། དེའི་ཚེ་འཇིག་རྟེན་ཉི་མ་ཟླ་བ་ནོར་བུ་ཞུགས་རྣམས། དང་།། བརྒྱ་བྱིན་ཚངས་པ་ལྔ་དང་དེ་བཞིན་མི་ཅི་རྣམས་ཀྱི་འོད།། སྣག་ཚར་ཕུང་པོ་བཞིན་དུ་མོག་མོ་ག་མི་སྣང་གསལ་མ་མཆིས།། རྒྱལ་བ་ཞིང་གཅིག་ན་ནི་ཡང་དག་བཞུགས་པར་གདའ་བཞིན་དུ།། འགྲོ་བའི་དོན་དུ་སྐད་ཅིག་གཅིག་གིས་མཐའ་ཡས་ཞིང་དུ་གཤེགས། ། སྟོན་པའི་བཞུད་དང་བྱོན་པ་འཚལ་བ་སུ་ཡང་ཡོང་མ་མཆིས།། མཛད་པ་དག་དང་འདུལ་བ་སྣ་ཚོགས་དག་གིས་སེམས་ཅན་འདུལ།། སྤུ་ཡི་ཁུང་གཅིག་ནང་དུ་མཐའ་ཡས་ཞིང་རྣམས་སྟོན་མཛད་ཀྱང་། ། འཕེལ་བ་དང་ནི་བྲོ་བར་གྱུར་པ་གང་ཡང་ཡོང་མ་མཆིས།། འདི་ནི་ཇི་བཞིན་ལས་དང་བྱེད་པ་རྒྱུ་དང་འབྲས་གདའ་ལ།། སེམས་ཅན་རྣམས་ལ་གནོད་པ་མ་མཆིས་འདྲེས་པར་གྱུར་མ་མཆིས། ། གང་ན་སེམས་ཅན་དམྱལ་བདུད་འགྲོ་ཡི་དགས་མ་མཆིས་ཤིང་།། རྒྱལ་བའི་སྲས་པོ་གྲགས་པ་ཆེན་པོ་དག་གིས་ཡོངས་གང་ལ།། མི་ཁོམ་བརྒྱད་པོ་དག་དང་བྲལ་ཏེ་མཆོག་ཏུ་ཉམས་དགའ་བའོ། ། ཡོངས་དག་ཞིང་དེ་དག་ཀྱང་མི་མཆོག་ལ་ལར་སྟོན་པ་མཛད།། ལྷ་མི་གང་དག་མི་འཇིགས་བག་མ་མཆིས་པ་བསྲང་སྲད་དུ།། སེམས་དམྱལ་དུད་འགྲོ་ཡི་དགས་འགྲོ་བ་ཤིན་ཏུ་མི་བཟད་པའི། ། ཀུན་ནས་ཉོན་མོངས་ཞིང་རྣམས་ལ་ལ་དག་ཀྱང་བསྟན་མཛད་ནས།། དེ་དག་ཐམས་ཅད་བདེ་བར་གཤེགས་ལ་སྐྱབས་སུ་ཉེ་བར་མཆི།། ཞིང་གཞན་ལ་ལ་དག་ཀྱང་ནམ་མཁའ་ལྟ་བུར་སྟོན་པ་མཛད། ། དེ་བཞིན་གཞན་ཡང་ཐུགས་ཀྱི་བལྟམ་ཞིང་མེ་ལྕེ་འཁྲུགས་པ་དང་།། ཞིང་གཞན་དག་ཀྱང་ཆབ་ཀྱིས་ཡོངས་སུ་བལྟམ་པར་སྟོན་པ་མཛད།། རྣམ་འཕྲུལ་འདི་ནི་ཐམས་ཅད་མཁྱེན་པའི་ཡེ་ཤེས་ཡུལ་ལགས་སོ། ། འདུལ་བའི་དོན་དུ་གཟུགས་ཀྱི་རྣམ་པ་མཐརའ་ཡས་སྟོན་མཛད་པ།། ལ་ལར་འདོད་པའི་དབང་ཕྱུག་འདོད་ཆགས་གཟུགས་དང་ལྡན་པར་འགྱུར།། ཚངས་པའི་བདག་པོ་མཆོག་ཏུ་ཞི་བའི་ཏིང་འཛིན་རྙེད་པ་དང་། ། སུམ་ཅུ་རྩ་གསུམ་དབང་ཕྱུག་མིག་སྟོང་རྡོ་རྗེ་འབར་བ་དང་།། སྲོག་ཆགས་བརྒྱ་ཕྲག་མང་པོ་རབ་ཏུ་དགའ་བས་མཆོད་བགྱིད་ཅིང་།། དགེ་བ་བཅུ་པོ་དག་གིས་སེམས་ཅན་མཐའ་ཡས་འདུལ་བགྱིད་པ། ། བློན་པོ་ཚོང་དཔོན་དག་དང་བཀའ་ལ་གཏོགས་པའི་གཙོར་གྱུར་ཅིང་།། ཤིན་ཏུ་འཇིགས་མེད་དགྲ་ཚོགས་ཕབ་ནས་ཆད་པས་མི་གཅོད་ལ།། བསྡུ་བའི་དངོས་པོ་བཞི་པོས་སེམས་ཅན་རྣམས་ནི་སྡུད་བགྱིད་ཅིང་། ། རྫོགས་པའི་བྱང་ཆུབ་ལམ་ལ་སེམས་ཅན་རབ་ཏུ་འཇོག་བགྱིད་པ།། བསོད་ནམས་ལས་ཀྱིས་རིན་ཆེན་བདུན་དང་ལྡན་པར་གྱུར་པ་ཡི།། གླིང་བཞི་དག་གི་དབང་ཕྱུག་འཁོར་ལོས་སྒྱུར་བ་དག་ཏུ་གྱུར། ། འཇིག་རྟེན་འདི་ན་ལ་ལརབལྟམ་པ་ལྟ་བུར་སྟོན་མཛད་དེ།། དོག་ས་ལ་ནི་གོམ་པ་བདུན་དག་བོར་ཞིང་གཤེགས་ནས་ཀྱང་།། ང་ནི་སྐྱེས་ནས་སྐྱེ་དང་འཆི་བའི་ཐ་མར་དབྱུང་ངོ་ཞེས། ། ཡིད་འོང་ཡན་ལག་བརྒྱད་དང་ལྡན་པའི་གསུང་མཆོག་བརྗོད་པ་མཛད།། མར་མེ་མཛད་པ་ཚུན་ཆད་དྲི་མ་ཐམས་ཅད་སྤངས་ལགས་ཀྱང་།། འགྲོ་རྣམས་སངས་རྒྱས་ཡེ་ཤེས་མཆོག་ལ་། ཡོངས་སྨིན་མཛད་སླད་དུ།། ལ་ལར་སེམས་ཅན་དག་པ་བཙུན་མོའི་འཁོར་ན་བཞུགས་པར་གདརའ།། མི་ཡི་དབང་པོ་བཙུན་མོ་དག་དང་སྲས་ཀྱང་སྟོན་པ་མཛད།། ཡབ་ཡུམ་དག་དང་གཉེན་གྱི་རྩ་ལག་སྡུག་པའི།། འཁོར་རྣམས་དང་།། ཡུལ་འཁོར་འབྱོར་དང་རིན་ཆེན་གཏེར་མཛོད་མང་པོ་བདང་མཛད་ནས།། བརྒྱ་བྱིན་ཚངས་པ་དག་དང་ལྷ་མིན་རྣམས་ཀྱིས་ཕྱག་བགྱིས་ཤིང་།། དྲང་སྲོང་ཆེན་པོ་མངོན་པར་བྱུང་སྟེ་ནགས་ན་བཞུགས་པར་གདའ། ། འགྲོ་ལ་སྨན་སླད་དགུང་ལོ་དྲུག་ཏུ་དཀའ་བ་སྤྱད་ནས་ནི།། བསམ་གཏན་མཁའ་ཁྱབ་རིན་ཆེན་མཆོག་ལ་བསམ་གཏན་མཛད་པར་གདའ།། མུ་སྟེགས་ཅན་གྱི་ཚོགས་རྣམས་ཐམས་ཅད་ཚར་གཅང་མཛད་སླད་དུ། ། སེམས་ཅན་དག་པ་བྱང་ཆུབ་ཤིང་དྲུང་དུ་ཡང་གཤེགས་པར་གདའ།། འགྲོ་རྣམས་སངས་རྒྱས་ཡེ་ཤེས་མཆོག་ཏུ་ཡོངས་སྨིན་མཛད་སླད་དུ།། མི་དབང་སྒྱུ་མ་ལྟ་བུའི་ཏིང་འཛིན་མཆོག་ལ་བཞུགས་མཛད་ནས། ། སྐུ་ཡི་ཚུལ་ནི་གང་གིས་འཇིག་རྟེན་རྣམ་པར་འདུལ་འགྱུར་བ།། རྒྱལ་བ་དེ་འདྲ་ཉིད་ཀྱི་སྐུ་ཡི་ཆ་ལུགས་འཛིན་པ་མཛད།། ཇི་ལྟར་སྒྱུ་མ་མཁན་གྱིས་འ་གྲོ་བ་རྨོངས་པར་བགྱིད་སླད་དུ། ། སྒྱུ་མ་མང་པོའི་རྣམ་པར་འཕྲུལ་པ་རབ་ཏུ་སྟོན་བགྱིད་པ།། དེ་བཞིན་འགྲོ་བའི་སྒྲོན་མས་སེམས་ཅན་འདུལ་བར་མཛད་སླད་དུ།། སངས་རྒྱས་ཉིད་ཀྱི་རྣམ་པར་འཕྲུལ་པ་མང་པོ་རྣམས་ཀྱང་སྟོན།། ཐུབ་པ་དཔའ་བོ་ལ་ལར་དཔུང་དང་བཅས་པའི་བདུད་འདུལ་སྟོན།། གང་ལ་ཕ་རོལ་མུ་སྟེགས་ཚོགས་ཀྱི་འགྲོ་བ་མ་མཆིས་ཤིང་།། རྡུལ་བྲལ་མྱ་ངན་མ་མཆིས་ཐམས་ཅད་མཁྱེན་པ་ཉིད་ཐོབ་པ།། བླ་ན་མེད་པ་འགྱུར་བ་མ་མཆིས་འཁོར་ལོ་རབ་ཏུ་བསྐོར། ། ཁྱོད་ཀྱིས་བསྐལ་པ་བྱེ་བ་ཁྲག་ཁྲིག་མང་ནས་བྱང་ཆུབ་བརྙེས།། ཕྱོགས་ཀྱིས་ལམ་རྣམས་ཐམས་ཅད་དུ་ཡང་འཁོར་ལོ་སྐོར་བ། མཛད།། མི་ཡི་དབང་པོ་ཀུན་ནས་ཞལ་ལྡན་ཆུ་ཟླ་བཞིན་དུ་ཞུགས།། བདེ་གཤེགས་རང་བྱུང་མཐའ་ཡས་ཡུལ་ལ་བདག་ཅག་ཕྱག་འཚལ་ལོ།། ལ་ལ་དག་ལ་སངས་རྒྱས་ཆོས་ཀྱི་སྐུ་ནི་སྟོན་མཛད་པ། ། རྟག་པ་བརྟན་པ་ཐེར་ཟུག་འགྱུར་བ་མ་མཆིས་གྱུར་པ་དང་།། མ་བགྱིས་མ་སྐྱེས་དྲི་མ་མ་མཆིས་འགོག་པ་མ་མཆིས་ཆོས།། མིག་ཡོར་འདྲ་བས་ཕྱོགས་བཅུ་དག་ནི་ཤིན་ཏུ་རྒྱས་པར་འགེངས།། ། རིང་པོར་མི་ཐོགས་པར་ནི་སྡུག་པ་དག་དང་བྲལ་འགྱུར་གྱིས།། འདུས་བྱས་འདི་ལ་ཁྱེད་ཅག་ཡིད་བརྟན་བྱ་བའི་མི་རིགས་ཞེས།། འགྲོ་བ་ཐམས་ཅད་རྨི་ལམ་སྒྱུ་མ་སྨིག་རྒྱུ་འདྲ་བ་དང་།། མི་རྟག་མི་བརྟན་སྐད་ཅིག་པར་ཡང་ལ་ལ་དག་ལ་སྟོན། ། བདེ་གཤེགས་སྐུ་ཡི་འཕྲིན་ལས་མཐའ་དང་ཕ་རོལ་ཡོང་མ་མཆིས།། གསུང་དང་ཐུགས་ཀྱི་འཇུག་པའི་སྤྱོད་ཡུལ་དག་ཀྱང་དཔག་མི་ལང་།། ནམ་མཁའ་ལྟ་བུར་རྒྱ་ཆེ་ཚ། མ་མཆིས་པ་སྟོན་མཛད་དེ།། རྒྱལ་བ་སྤྱོད་ཡུལ་སེམས་ཅན་རྣམས་ཀྱིས་འཚལ་བར་ནུས་མ་ལགས།། ཕྱོགས་བཅུ་དག་ན་མཆིས་པའི་སེམས་ཅན་མ་ལུས་ཇི་སྙེད་པ།། དེ་དག་ཤཱ་རིའི་བུ་དང་འདྲ་བར་ཤེས་རབ་ལྡན་གྱུར་ཀྱང་། ། རྒྱལ་བ་ཆོས་ཀྱི་རྒྱལ་པོའི་དབང་པོའི་ཡུལ་ཚད་མ་མཆིས་པ།། རྒྱལ་བའི་སྤྱོད་ཡུལ་ཐམས་ཅད་དེ་དག་རྣམས་ཀྱིས་རིག་མི་ནུས།། རྫོགས་སངས་རྒྱས་ཀྱི་ཡེ་ཤེས་མཁར་འདྲ་བ་རོལ་མཐའ་མ་མཆིས། ། དེ་ལྟར་རྒྱལ་བའི་ཡུལ་ནི་བསམ་གྱིས་མི་ཁྱབ་མ་ལུས་པ།། འདི་ནི་རྒྱལ་བའི་སྲས་རྣམས་ཀུན་དང་ཉན་ཐོས་རྣམས་དང་ནི།། རྐྱེན་གྱི་རྒྱལ་བ་འདུས་པ་རྣམས་ཀྱིས་འཚལ་བར་ནུས་མ་ལགས།། དེ་ལྟར་འདི་དག་ལ་སོགས་མཐའ་ཡས་ཐབས་དང་ལྡན་པ་ཡིས།། འདུལ་བའི་དོན་དུ་སྐུ་ཡི་མཛད་པ་མཐའ་ཡས་སྟོན་པར་མཛད།། ནམ་མཁའི་ཁམས་དང་མཚུངས་པར་མཐའ་ཡས་སྐུ་དང་ལྡན་གྱུར་པ།། མགོན་པོ་རྟོག་དང་རྣམ་པར་རྟོག་དང་བྲལ་ལ་ཕྱག་འཚལ་ལོ། ། སྡུག་བསྔལ་རྒྱ་མཚོ་རྒྱ་ཆེན་ཕ་རོལ་རབ་ཏུ་བརྒལ་གྱུར་པ།། ཉོན་མོངས་ཐུལ་བ་རྒྱལ་བ་འགྲོ་བའི་གཙོ་ལ་བསྟོད་པ་ཡི།། བསོད་ནམས་ཅི་མཆིས་དེས་ནི་འདི་ན་འགྲོ་བ་མ་ལུས་པ། ། བྱང་ཆུབ་རིན་ཆེན་རབ་མཆོག་ཞི་ཞིང་བདེ་ལ་རེག་པར་ཤོག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཀྱིས་ཚུལ་དང་འཐུན་པའི་ཚོགས་སུ་བཅད་པ་དག་གིས། བཅོམ་ལྡན་འདས་ལ་མངོན་པར་བསྟོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་བཅོམ་ལྡན་འདས་ལ་གནོད་པ་ཆུང་ངམ་ཞེས་སྙུན་གསོལ་ལོ། ། ཉམ་ང་བ་ཉུང་ངམ། བསྐྱོད་པ་ཡང་ངམ། སྟོབས་དང་ལྡན་ནམ། བདེ་བར་རེག་པ་ལ་གནས་སམ་ཞེས་ཀྱང་སྙུན་གསོལ་ལོ།། འདི་སྐད་ཅེས་བཅོམ་ལྡན་འདས་ཀྱི་ཉན་ཐོས་དག་འཇིག་རྟེན་གྱི་ཁམས་ཉམས་དགའ་བ་ལ་ལྟར་སྩོལ་ཅིག་ཅེས་ཀྱང་གསུང་ངོ་།། དེ་ནས་འཇིག་རྟེན་གྱི་ཁམས་མི་མཇེད་འདིའི་བྱང་ཆུབ་སེམས་དཔའ་དང་། ཉན་ཐོས་ཆེན་པོ་དེ་དག་གིས་འཇིག་རྟེན་གྱི་ཁམས་འདི་ཁང་པ་བརྩེགས་པའི་བཀོད་པ་ཆེན་པོ་དེས་ཡོངས་སུ་ཁྱབ་པ་དང་། རིན་པོ་ཆེ་སྣ་ཚོགས་དག་ཀྱང་མཐོང་ནས་ངོ་མཚར་དུ་འཛིན་ཅིང་། དེ་དག་འདི་སྙམ་དུ་སེམས་ཏེ། གང་དག་འཇིག་རྟེན་གྱི་ཁམས་བདེ་བ་ཅན་ནས་འདིར་ལྷགས་པ་འདི་དག་ཅི་དེ་བཞིན་གཤེགས་པ་མཐུ་འམ། འོན་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་གི་མཐུ་ཡིན་སྙམ་མོ།། དེ་ནས་དེའི་ཚེ་སངས་རྒྱས་ཀྱིས་མཐུས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། འདི་ལྟར་འཇིག་རྟེན་གྱི་ཁམས་མི་མཇེད་འདིར་ཁང་པ་བརྩེགས་པ་སྣ་ཚོགས་དུ་མས་བརྒྱན་ཅིང་ཡོངས་སུ་ཁྱབ་པར་གདའ་བ་ནི། བཅོམ་ལྡན་འདས་ངོ་མཚར་ཏོ། ། བདེ་བར་གཤེགས་པ་མཆོག་ཏུ་ངོ་མཚར་ཏོ།། གང་དག་འཇིག་རྟེན་གྱི་ཁམས་བདེ་བ་ཅན་ནས་འཇིག་རྟེན་གྱི་ཁམས་མི་མཇེད་འདིར་ལྷགས་པ་དག་ཅི་དེ་བཞིན་གཤེགས་པའི་མཐུ་ལགས་སམ། འོན་ཏེ་བྱང་ཆུབ་སེམས་དཔའ་འདི་དག་གི་མཐུ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོ་ལ་འདི་སྐད་ཅེས་བཀའ་སྩལ་ཏོ། ། པདྨའི་དཔལ་གྱི་སྙིང་པོ་འཇིག་རྟེན་གྱི་ཁམས་མི་མཇེད་འདི་རིན་པོ་ཆེ་སྣ་ཚོགས་ཀྱི་ཁང་པ་བརྩེགས་པ་དུ་མས་བརྒྱན་ཅིང་ཡོངས་སུ་ཁྱབ་པར་སྣང་བ་འདི་ན།། དེ་བཞིན།། གཤེགས་པའི་མཐུ་མ་ཡིན་གྱི། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་ཀྱི་མཐུ་ཡིན་ནོ།། གསོལ་པ་འདི་ལྟར་འདི་དག་གི་མཐུས། འཇིག་རྟེན་གྱི་ཁམས་མི་མཇེད་འདི་རིན་པོ་ཆེ་སྣ་ཚོགས་ཀྱི་ཁང་པ་བརྩེགས་པ་དུ་མས་བརྒྱན་ཅིང་ཡོངས་སུ་ཁྱབ་པར་གདའ་བ་ནི། སྐྱེས་བུ་དམ་པ་འདི་གཉིས་ཀྱི་སྨོན་ལམ་དག་དང་། དགེ་བའི་རྩ་བ་དག་ཡོངས་སུ་སྦྱངས་པ་བསམ་གྱིས་མི་ཁྱབ་སྟེ། བཅོམ་ལྡན་འདས་ངོ་མཚར་ཏོ།། བདེ་བར་གཤེགས་པ་མཆོག་ཏུ་ངོ་མཚར་ཏོ།། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་གྱི་སྙིང་པོ་ཇི་སྐད་སྨྲས་པ་དེ་དེ་བཞིན་ཏེ། སྐྱེས་བུ་དམ་པ་འདི་གཉིས་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་ནས་དགེ་བའི་རྩ་བ་དག་ཡོངས་སུ་སྤངས་པ་ཡིན་ནོ། ། པདྨའི་དཔལ་གྱི་སྙིང་པོ་སྐྱེས་བུ་དམ་པ་འདི་གཉིས་ནི་སྒྱུ་མ་ལྟ་བུའི་ཏིང་ངེ་འཛིན་ཐོབ་པ་ཡིན་ཏེ། འདི་གཉིས་སྒྱུ་མ་ལྟ་བུའི་ཏིང་ངེ་འཛིན་ལ་གནས་ནས། རྫུ་འཕྲུལ་གྱི་རྣམ་པར་སྤྲུལ་པ་འདི་ལྟ་བུ་འདི་དག་སྟོན་ཏོ། ། པདྨའི་དཔལ་གྱི་སྙིང་པོ་ཁྱོད་ཡང་ཤར་ཀྱི་ཕྱོགས་ཆ་ལོགས་སུ་དེ་ན་ཅི་སྣང་ལྟོས་ཤིག། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས།། བྱང་ཆུབ་སེམས་དཔའི་ལྷའི་མིག་སྒྲིབ་པ་མེད་པས་བལྟས་ན། ཤར་ཕྱོགས་སུ་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་ན། སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་མ་སྙེད་མཐོང་ངོ་།། སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་ནབས་ལ། བྱང་ཆུབ་སེམས་དཔའ་སེམས་དཔར་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་སེམས་དཔའར་ཆེན་པོ་མཐུ་ཆེན་ཐོང།། གཉིས་ཕྱག་འཚལ་ནས་ཚིག་འདི་སྐད་ཅེས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད། བཅོམ་ལྡན་འདས་ལ་གནོད་པ་ཆུང་ངམ་ཞེས་སྐུན་གསོལ་ལོ། ། ཉམ་ང་བཟུང་ངམ། བསྐྱོད་པ་ཡང་ངམ། སྟོབས་དང་བདེ་བར་རེག་པ་ལ་གནས་སམ་ཞེས་ཀྱང་སྙུན་གསོལ་ལོ་ཞེས་སྨྲའོ།། དེ་བཞིན་དུ་ལྷོའི་ཕྱོགས་ཆ་དང་། དེ་བཞིན་དུ་ནུབ་དང་། དེ་བཞིན་དུ་བྱང་དང་། དེ་བཞིན་དུ་འོག་དང་། དེ་བཞིན་དུ་སྟེང་དང་། དེ་བཞིན་དུ་ཕྱོགས་བཅུ་ཀུན་ཏུ་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་ན། རིན་པོ་ཆེ་སྣ་ཚོགས་ཀྱི་ཁང་པ་བརྩེགས་པའི་བཀོད་པ་ཆེན་པོ་དུ་མས་བརྒྱན་ཅིང་ཡོངས་སུ་ཁྱབ་པར་མཐོང་ངོ་། ། སངས་རྒྱས་ཀྱི་ཞིང་དེ་དག་ཐམས་ཅད་ན། སངས་རྒྱས་བཅོམ་ལྡན་འདས་དག་ཀྱང་མཐོང་ངོ་།། སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་སྤྱན་སྔ་ན། སྐྱེས་བུ་དམ་པ་དེ་གཉིས་ཞབས་ལ་ཕྱག་འཚལ་བར་ཡང་མཐོང་ངོ་། ། མཐོང་ནས་ཀྱང་དེ་ཤིན་ཏུ་ངོ་མཚར་ཆེར་འཛིན་པར་གྱུར་ཏོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོ་ངོ་མཚར་དུ་གྱུར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། འདི་ལྟར་སྐྱེས་བུ་དམ་པ་འདི་གཉིས་ཀྱིས་སྒྱུ་མ་ལྟ་བུའི་ཏིང་ངེ་འཛིན་མངོན་པར་བསྒྲུབས་པ་ནི་བསམ་གྱིས་མི་ཁྱབ་སྟེ། བཅོམ་ལྡན་འདས་ངོ་མཚར་ཏོ།། བདེ་བར་གཤེགས་པ་མཆོག་ཏུ་ངོ་མཚར་ཏོ། ། དེ་ཅིའི་སླད་དུ་ཞེ་ན། འདི་ལྟར་སྐྱེས་བུ་དམ་པ་འདི་གཉིས་ཏིང་ངེ་འཛིན་ལ་གནས་ཏེ། སངས་རྒྱས་ཀྱི་ཞིང་ཐམས་ཅད་ན་གདའ་བའི་སླད་དུའོ།། དེ་ནས་དེའི་ཚེ་བཅོམ་ལྡན་འདས་ཀྱིས་ཇི་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་མཛད་པས། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་དག་མཐོང་བ་དང་། སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་དག་དང་། སྐྱེས་བུ་དམ་པ་དེ་གཉིས་སངས་རྒྱས་བཅོམ་ལྡན་འདས་ཀྱི་ཞབས་ལ་ཕྱག་འཚལ་བ་མཐོང་བ་དང་། དེ་བཞིན་དུ་ཐམས་ཅད་དང་ལྡན་པའི་འཁོར་དེས་ཀྱང་ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་དག་མཐོང་བ་དང་། སངས་རྒྱས་ཀྱི་ཞིང་དེ་དག་ན་སངས་རྒྱས་བཅོམ་ལྡན་འདས་ངག་དང་། སྐྱེས་བུ་དམ་པ་དེ་གཉིས་སངས་རྒྱས་བཅོམ་ལྡན་འདས་ངག་གི་ཞབས་ལ་ཕྱག་འཚལ་བ་མཐོང་བ་དང་། མཐོང་ནས་ཀྱང་བཅོམ་ལྡན་འདས་ཀྱིས་འཁོར་སྲོག་ཆགས་སུམ་ཁྲི་ཉིས་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་པ་དེ་ལྟ་བུའི་རྫུ་འཕྲུལ་མངོན་པར་འདུ་མཛད་པ་མངོན་པར་འདུ་མཛད་དོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་སྐྱེས་བུ་དམ་པ་འདི་གཉིས་དེ་བཞིན་གཤེགས་པ་གང་ལས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས་ཇི་སྲིད་ཅིག་ལགས། དེའི་མཚན་ནི་ཅི་ཞེས་བགྱི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་ལེགས་པར་བསྟན་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འདི་ལྟར་བྱང་ཆུབ་སེམས་དཔའ་གཞན་དག་ཀྱང་དེའི་བྱ་བ་དང་། དེའི་སྤྱོད་པ་དང་། དེའི་སྨོན་ལམ་ཡོངས་སུ་རྫོགས་པར་བྱེད་པར་འགྱུར་ཏེ། དེ་ལྟ་བས་ན་པདྨའི་དཔལ་གྱི་སྙིང་པོ་ཁྱོད་ཤིན་ཏུ་ལེགས་པར་ཉོན་ལ་ཡིད་ལ་ཟུང་ཞིག་དང་བཤད་དོ།། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས། བཅོམ་ལྡན་འདས་ལེགས་སོ་ཞེས་གསོལ་ཏེ། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། པདྨའི་དཔལ་གྱི་སྙིང་པོ་སྔོན་བྱུང་བ་འདས་པའི་དུས་ན། བསྐལ་པ་གྲངས་མེད་པའི་ཡང་ཆེས་གྲངས་མེད་པ། ཡངས་པ། ཚད་མེད་པ། བསམ་གྱིས་མི་ཁྱབ་པ། འཇིག་རྟེན་གྱི་ཁམས་བརྒྱ་སྟོང་གི་རྡུལ་ཕྲ་རབ་ཇི་སྙེད་ཡོད་པ། དེ་སྙེད་དུ་ཚད་མེད་པ། དེ་སྐད་དུ་བསམ་གྱིས་མི་ཁྱབ་པ། རྡུལ་ཕྲ་རབ་ཀྱི་རྡུལ་ཇི་ཙམ་ཡོད་པ་དེ་བས་ཀྱང་ཆེས་མང་བའི་བསྐལ་པ་བྱུང་བ་དེའི་ཚེ་དེའི་དུས་ན། འཇིག་རྟེན་གྱི་ཁམས་ཡོན་ཏན་རིན་ཆེན་བསགས་པ་དཔག་ཏུ་མེད་པ་བདེ་བ་ཀུན་ཏུ་སྟོན་པ་ཞེས་བྱ་བ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་བ་ལོ་སྒྱུར་བ། བླ་ན་མེད་པ། ལྷ་དང་མིའི་སྟོན་པ། སངས་རྒྱས་བཅོམ་ལྡན་འདས་གསེར་འོད་སེང་གེ་རྣམ་པར་རོལ་པའི་རྒྱལ་པོ་ཞེས་བྱ་བ་བྱུང་སྟེ། པདྨའི་དཔལ་གྱི་སྙིང་པོ་བཅོམ་ལྡན་འ་དས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སེང་གེ་རྣམ་པར་རོལ་པའི་རྒྱལ་པོ་ཞེས་བྱ་བ་དེའི་སངས་རྒྱས་ཀྱི་ཞིང་ན་ཡོན་ཏན་བཀོད་པ་གང་དག་ཡོད་པ་དེ་དག་དཔེ་ཅུང་ཟང་ཙམ་གྱིས་ཅུང་ཟད་ཅིག་བརྗོད་པར་བྱས་ཉོན་ཅིག། པདྨའི་དཔལ་གྱི་སྙིང་པོ་འདི་ཇི་སྙམ་དུ་སེམས། འཇིག་རྟེན་གྱི་ཁམས་བདེ་བ་ཅན་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་ཀྱིས་བྱས་ཀྱི་ཞིང་གི་ཡོན་ཏན་བཀོད་པ་མང་ངམ། གསོལ་པ། བཅོམ་ལྡན་འདས་མང་ལགས་སོ།། བསམ་གྱིས་མི་ཁྱབ་ཚད་མ་མཆིས་ཏེ། ངག་གི་ལས་ཀྱིས་ལན་གདབ་པར་སླ་བ་མ་ལགས་སོ།། ། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་གྱི་སྙིང་པོ་འདི་ལྟ་སྟེ། དཔེར་ན་མི་ལ་ལ་ཞིག་གིས་སྐྲའི་རྩེ་མོ་བརྒྱར་གཤེགས་པའི་རྩེ་མོས་རྒྱ་མཚོ་ཆེན་པོ་ལས་ཆུའི་ཐིགས་པ་གཅིག་བླངས་ན། པདྨའི་དཔལ་གྱི་སྙིང་པོ་འདི་ཇི་སྙམ་དུ་སེམས། རུ་བླངས་པ་དང་ལྷག་མ་ལུས་པ་དེ་གང་མང་། གསོལ་པ། བཅོམ་ལྡན་འདས་བླངས་པ་ནི་ཉུང་། ལྷག་མ་ལུས་པ་ནི་ཚད་མ་མཆིས་སོ།། བཀའ་སྩལ་པ། པདྨའི་དཔལ་གྱི་སྙིང་པོ་ཁྱེད་མོས་པར་བྱའོ། ། ཁྱོད་ཀྱི་ཁོང་དུ་ཆུད་པར་བྱའོ།། མི་དེས་སྐྲའི་རྩེ་མོ་བརྒྱར་བཤགས་པའི་རྩེ་མོ་དེས་རྒྱ་མཚོ་ཆེན་པོ་ལས་ཆུའི་ཐིགས་པ་གཅིག་བླངས་པ་ཇི་སྙེད་པ་དེ་ཙམ་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་སངས་རྒྱས་ཀྱི་ཞིང་གི་ཡོན་ཏན་བཀོད་པར་བལྟའོ། ། རྒྱ་མཚོ་ཆེན་པོའི་ཆུའི་ཕུང་པོ་ཇི་སྙེད་པ་དེ་ཙམ་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སེང་གེ་རྣམ་པར་རོལ་པའི་རྒྱལ་པོ་དེའི་སངས་རྒྱས་ཀྱི་ཞིང་ཡོན་ཏན་རིན་ཆེན་བསགས་པ་དཔག་ཏུ་མེད་པ། བདེ་བ་ཀུན་ཏུ་སྟོན་པའི་འཇིག་རྟེན་གྱི་ཁམས་ཀྱི་ཡོན་ཏན་བཀོད་པར་བལྟའོ། ། དེའི་ཉན་ཐོས་ཀྱི་དགེ་འདུན་ཡང་དཔག་ཏུ་མེད་དེ། ཇི་ལྟར་ད་ལྟ་ན་དེ་བཞིན་གཤེགས་པ་འོད་དཔག་མེད་ཀྱི་ཉན་ཐོས་ཀྱི་དགེ་འདུན་དཔག་ཏུ་མེད་དོ་ཞེས་བྱ་ན། དེ་ལས་བརྒྱ་སྟོང་དུ་བསྒྲེས་པ་བས་ཀྱང་། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སེང་གེ་རྣམ་པར་རོལ་པའི་རྒྱལ་པོ་དེའི་ཉན་ཐོས་ཀྱི་དགེ་འདུན་ཆེས་མང་ངོ་། ། དེ་བཞིན་དུ་བྱང་ཆུབ་སེམས་དཔའི་དགེ་འདུན་ཀྱང་དེ་སྙེད་དོ།། བཅོམ་ལྡན་འདས་དེ་བཞིན་གཤེགས་པ་དེ་ནི་ཐེག་པ་གསུམ་ཁོ་ན་ལས་བརྩམས་ཏེ་ཆོས་སྟོན་ཏོ། ། པདྨའི་དཔལ་གྱི་སྙིང་པོ་ངས་བསྐལ་པ་གངྒཱའི་ཀླུང་གི་བྱེ་མ་སྙེད་དུ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སེང་གེ་རྣམ་པར་རོལ་པའི་རྒྱལ་པོ་དེའི་སངས་རྒྱས་ཀྱི་ཞིང་གི་ཡོན་ཏན་བཀོད་པ་དང་། ཉན་ཐོས་ཀྱི་ཡོན་ཏན་བཀོད་པ་དང་། བདེ་བའི་རྒྱུ་ལས་བརྩམས་ཏེ་ཆོས་བསྟན་པར་འདོད་ཀྱང་། ངའི་སྤོབས་པ་ཡང་ཟད་པར་མི་འགྱུར། སངས་རྒྱས་ཀྱི་ཞིང་གི་ཡོན་ཏན་བཀོད་པ་དེའི་མཐར་ཕྱིན་པར་ཡང་མི་འགྱུར་རོ།། པདྨའི་དཔལ་གྱི་སྙིང་པོ་དེའི་ཚེ་དེའི་དུས་ན། བཅོམ་ལྡན་འདས་དེ་བཞིན་གཤེགས་པ་། གསེར་འོད་སེང་གེ་རྣམ་པར་རོལ་པའི་རྒྱལ་པོ་དེའི་གསུང་རབ་ལ། འཇིག་རྟེན་གྱི་ཁམས་སྟོང་གི་དབང་ཕྱུག་ཆོས་དང་ལྡན་པ་ཆོས་ཀྱི་རྒྱལ་པོ་དཔལ་གྱི་གཟི་བརྗིད་ཅེས་བྱ་བའི་རྒྱལ་པོ་ཞིག་བྱུང་སྟེ། པདྨའི་དཔལ་གྱི་སྙིང་པོ་རྒྱལ་པོ་དཔལ་གྱི་གཟི་བརྗིད་དེ་ལ་བུ་བྱེ་བ་ཕྲག་བརྒྱ་ཡོད་དེ། རྒྱལ་བུ་གཞོན་ནུ་དེ་དག་ཐམས་ཅད་ཀྱང་སྐྱེས་བུ་ཆེན་པོའི་མཚན་ཉི་ཤུ་རྩ་བརྒྱད་དང་ལྡན་པར་གྱུར་ཏོ།། དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་ཞུགས་པར་གྱུར་ཏོ། ། པདྨའི་དཔལ་གྱི་སྙིང་པོ་རྒྱལ་པོ་དཔལ་གྱི་གཟི་བརྗིད་ཀྱི་ཡོངས་སུ་ལོངས་སྤྱོད་པའི་སྐྱེད་མོས་ཚལ་ནི་བདུན་ཁྲི་དྲུག་སྟོང་ཡོད་དོ། ། རྒྱལ་བུ་རེ་རེ་ལ་ཡང་ལོངས་སྤྱོད་ཀྱི་སྐྱེད་མོས་ཚལ་ཁྲི་ཁྲི་ཡོད་དོ།། བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་སངས་རྒྱས་ཀྱི་ཞིང་དེ་ན་བུད་མེད་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་གྱི་སྙིང་པོ་དེ་ནི་མེད་དོ།། སངས་རྒྱས་ཀྱི་ཞིང་དེ་ན་བུད་མེད་ཀྱི་མིང་ཡང་མི་གྲག་སྟེ། རྒྱལ་པོ་གཞོན་ནུ་དེ་དག་ཐམས་ཅད་ཀྱང་ཚངས་པར་སྤོང་པ་ལས་གྱུར་པ་རྫུས་ཏེ་བྱུང་བ་ཤ་སྟག་གོ།། སེམས་ཅན་དེ་དག་ཐམས་ཅད་ཀྱང་བསམ་གཏན་གྱི་དགའ་བ་དང་། ཆོས་ཀྱི་དགའ་བའི་ཟས་ཅན་ཡིན་ཏེ། སངས་རྒྱས་ཀྱི་ཞིང་དེ་ནི་ཁ་ཟས་རགས་པོ་མེད་པར་གྱུར་ཏོ།། པདྨའི་དཔལ་གྱི་སྙིང་པོ་རྒྱལ་པོ་དཔལ་གྱི་གཟི་བརྗིད་དེ་ནི་ལས་གཞན་མེད་དེ། བུ་དེ་རྣམས་དང་ལྷན་ཅིག་བཅོམ་ལྡན་འདས་དེ་ལ་ལོ་བྱེ་བ་སྟོང་ཕྲག་བརྒྱད་ཁྲི་བཞི་སྟོང་གི་བར་དུ་བསྙེན་བཀུར་བྱས་སོ། ། བཅོམ་ལྡན་འདས་དེ་བཞིན་གཤེགས་པ་དེས་དེའི་ལྷག་པའི་བསམ་པ་མཁྱེན་ནས། ཚད་མེད་པའི་ཕྱག་རྒྱ་ཞེས་བྱ་བའི་ཆོས་ཀྱི་ཚུལ་ལ་མཁས་པ་ཡང་དག་པར་རབ་ཏུ་བསྟན་ཏོ། ། པདྨའི་དཔལ་གྱི་སྙིང་པོ་ཚད་མེད་པའི་ཕྱག་རྒྱ་ཞེས་བྱ་བའི་ཆོས་ཀྱི་ཚུལ་ལ་མཁས་པ་གང་ཞེ་ན། པདྨའི་དཔལ་གྱི་སྙིང་པོ་འདི་ལ་བྱང་ཆུབ་སེམས་དཔའ་ཆེན་པོས་སྤྱོད་པ་ཚད་མེད་པ་དག་དོན་དུ་གཉེར་བར་མི་བྱ་བ་དེ་གང་ཡང་མེད་དོ། ། རྡུལ་བ་ཚད་མེད་པ་གང་དག་བརྩམ་པར་མི་བྱ་བ་དེ་གང་ཡང་མེད་དོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་རྣམས་ཀྱི་སྦྱིན་པ་ནི་ཚད་མེད། ཚུལ་ཁྲིམས་ནི་ཚད་མེད། བཟོད་པ་ནི་ཚད་མེད། བརྩོན་འགྲུས་ནི་ཚད་མེད། བསམ་གཏན་ནི་ཚད་མེད། ཤེས་རབ་ནི་ཚད་མེད། འཁོར་བ་ཡོངས་སུ་འཛིན་པ་ནི་ཚད་མེད། སེམས་ཅན་དག་ལ་བྱམས་པ་ནི་ཚད་མེད། ཞིང་གི་བཀོད་པ་དག་ནི་ཚད་མེད། ཉན་ཐོས་དག་ནི་ཚད་མེད། གཟུགས་ཡོངས་སུ་གྲུབ་པ་ནི་ཚད་མེད། དབྱངས་ནི་ཚད་མེད། སྤོབས་པ་ནི་ཚད་མེད་པའི་ཕྱིར་རོ།། པདྨའི་དཔལ་གྱི་སྙིང་པོ་བྱང་ཆུབ་སེམས་དཔའ་ནི་ཐ་མ་སེམས་བསྐྱེད་པ་གཅིག་གིས། དགེ་བའི་རྩ་བ་གང་ཅི་མངོན་པར་འདུ་བྱེད་པ་དེ་དག་ཐམས་ཅད་ཚད་མེད་པ་ཉིད་དུ་ཡོངས་སུ་སྔོའོ།། ཇི་ལྟར་ཡོངས་སུ་བསྔོས་པས་ཚད་མེད་པར་འགྱུར་ཞེ་ན། གང་གི་ཚེ་སེམས་ཅན་ཐམས་ཅད་ལ་ཡོངས་སུ་སྔོ་བར་བྱེད་པ་དེའི་ཚེ་སེམས་ཅན་འདི་དག་ཐམས་ཅད་སྐྱེ་བ་མེད་པར་མངོན་སུམ་དུ་བྱེད། སངས་རྒྱས་ཀྱི་ཡོངས་སུ་མྱ་ངན་ལས་འདའ་བས་ཡོངས་སུ་མྱ་ངན། ལས་འདའ་བར་འགྱུར་བ་འདི་ནི། རིགས་ཀྱི་བུ་ཡོངས་སུ་སྔོ་བ་ཚད་མེད་པ་ཞེས་བྱའོ།། སྟོང་པ་ཉིད་ཚད་མེད་པའོ།། མཚན་མ་མེད་པ་ཚད་མེད་པའོ།། སྨོན་པ་མེད་པ་ཚད་མེད་པའོ།། མངོན་པར་འདུ་བྱ་བ་མེད་པ་ཚད་མེད་པའོ། ། དེ་ལྟར་ན་འདོད་ཆགས་དང་བྲལ་བ། ཡང་དག་པའི་མཐའ། ཆོས་ཀྱི་དབྱིངས་རྣམ་པར་གྲོལ་བ། མ་སྐྱེས་པ། དབེན་པ། བྲལ་བ། མྱ་ངན་ལས་འདས་པ། ཚད་མེད་པ་སྟེ། རིགས་ཀྱི་བུ་མདོར་ན་ཆོས་ཐམས་ཅད་ནི་ཚད་མེད་པའོ།། དེའི་ཕྱིར་ཆོས་ཐམས་ཅད་ནི་མ་སྐྱེས་པ་མ་འགགས་པ་ཞེས་བྱའོ།། གང་མི་སྐྱེ་མི་འགག་པ་དེ་ནི་ཚད་མེད་པའོ།། པདྨའི་དཔལ་གྱི་སྙིང་པོ་དེ་བཞིན། གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སེང་གེ་རྣམ་པར་རོལ་པའི་རྒྱལ་པོས་དེ་ལྟར་རྒྱལ་པོ་དཔལ་གྱི་གཟི་བརྗིད་དེ་ལ་ཚད་མེད་པའི་ཕྱག་རྒྱ་ཞེས་བྱ་བའི་ཆོས་ཀྱི་ཚུལ་ལ་མཁས་པ་འདི་ཡང་དག་པར་རབ་ཏུ་བསྟན་ཏོ། ། དེས་ཀྱང་ཆོས་ཚད་མེད་པ་དག་ལ་ངེས་པར་སེམས་པར་བྱས་པར་གྱུར་ཏོ།། དེ་ནས་རྒྱལ་པོ་དཔལ་གྱི་གཟི་བརྗིད་ཀྱིས། བཅོམ་ལྡན་འདས་དེ་ལས་ཆོས་དཔག་ཏུ་མེད་པ་བསྟན་པ་འདི་ཐོས་ནས། ཚིམ་ཞིང་མགུ་སྟེ་ཡི་རངས་ནས་རབ་ཏུ་དགའ་སྟེ། དགའ་བ་དང་ཡིད་བདེ་བ་སྐྱེས་ནས། བུ་དེ་དག་དང་ལྷན་ཅིག་ཏུ་བཅོམ་ལྡན་འདས་དེ་ལ་ཚིགས་སུ་བཅད་པ་དག་གིས་མངོན་པར་བསྟོད་པ། འདྲེན་པ་ཆོས་རྣམས་ཀུན་ལ་དབང་སྒྱུར་བ།། སྨྲ་བའི་ཚོགས་ཀུན་ཡང་དག་རབ་ཏུ་འཇོམས།། བདུད་ཀྱིས་རྩོ་དང་ཉོན་མོངས་ཀུན་སེལ་བ།། མཚུངས་མེད་ཡེ་ཤེས་མཚོ་ལ་ཕྱག་འཚལ་ལོ། ། ཉི་ཟླ་དག་དང་མེ་ཡི་འོད་རྣམས་དང་།། བརྒྱ་བྱིན་ཚངས་པ་ནོར་བུ་གྲོག་འོད་རྣམས།། བདེ་གཤེགས་གཟི་བརྗིད་ཀྱིས་ནི་མོག་མོག་གྱུར།། མི་མཆོག་འོད་མཛད་པ་ལ་ཕྱག་འཚལ་ལོ། ། ཐུབ་པ་བསྐལ་པ་རྒྱ་མཚོ་འདས་པར་ཡང་།། དཀའ་བ་རྣམ་པ་དུ་མ་སྤང་བ་མཛད།། འཕྲིན་ལས་དེ་ཡི་འབྲས་བུ་ཡིད་འོང་སྟེ། དེས་ན་འགྲོ་བས་བལྟས་ན་ངོམས་མི་འགྱུར། ། སྐྱེ་དང་རྒ་དང་ན་དང་འཆིས་གཙེས་ཤིང་།། སེམས་ཅན་སྡུག་བསྔལ་མང་བས་གཟིར་གཟིགས་ནས།། དེ་དག་རྣམས་ལ་ཐུབ་ཆེན་ཐུགས་རྗེ་སྟེ།། རྟག་ཏུ་མི་འཕོ་ཞི་བའི་ཆོས་ཀྱང་སྟོན།། སྲིད་གསུམ་སྲོག་ཆགས་ཀུན་གྱི་སྨན་པ་འདྲ།། འདོད་ཆགས་ཞེ་སྡང་མུན་པ་ཐམས་ཅད་སྦྱོང་།། ཐུགས་རྗེ་བསྐྱེད་པ་མཛད་ནས་ཆོས་ཀྱི་སྨན།། ཞི་བ་བླ་ན་མེད་པ་རབ་ཏུ་སྟོན།། སེམས་ཅན་ཀུན་གྱི་སྤྱོད་པ་རབ་ཏུ་མཁྱེན། ། རབ་འབྱམ་ཞིང་རྣམས་ཀུན་ན་སྲོག་ཆགས་ཀྱི།། མཁྱེན་ནས་གང་གིས་མྱ་ངན་འདས་མཆོག་ལ།། རེག་པར་འགྱུར་བ་དེ་འདྲའི་ཆོས་ཀྱང་སྟོན།། མི་མཆོག་ཁྱོད་ཀྱི་ཐུགས་རྗེཅི་འདྲ་བ། ། ཇི་སྙེད་རབ་འབྱམ་ཞིང་གི་ཉན་ཐོས་དང་།། རྐྱེན་བྱུང་ཐུབ་པ་མ་ལུས་དེ་དག་ལ།། དེ་འདྲ་བ་ཡི་སྙིང་རྗེ་ཡོངས་མ་མཆིས།། བསོད་ནམས་ཕུང་པོ་མཚན་མཆོག་རྣམས་དང་ལྡན། རྒྱལ་བའི་སྐུ་ནི་གསེར་གྱི་རི་བོ་འདྲ།། བྱེ་བ་གཉིས་ལས་ལྷག་པའི་གཟི་མངའ་བ།། མི་མཆོག་མཚུངས་མ་མཆིས་ལ་ཕྱག་འཚལ་ལོ།། ཆོས་སྤྲིན་རྒྱས་ལས་ཆོས་ཆར་འབེབས་པ་ན།། གང་དག་རྒྱ་ཆེན་མོས་པ་སྤྱོད་ཡུལ་བ། ། སྔོན་གྱི་སངས་རྒྱས་སྤྱོད་ལ་འཇིགས་མ་མཆིས།། དེ་དག་རྟག་ཏུ་བདེ་གཤེགས་མདུན་ན་མཆིས།། བསྐལ་པ་བྱེ་བ་ཁྲག་ཁྲིག་བསམ་ཡས་སུ།། མི་མཆོག་མཐོང་བ་རྙེད་པར་ཤིན་ཏུ་དཀའ། ། བསོད་ནམས་ལས་ཀྱིས་བསམ་པ་ཡོངས་སྦྱངས་པ།། དེ་དག་མིག་ལམ་རྣམ་པར་འདྲེན་རྣམས་གདའ།། རྒྱལ་བའི་སྐུ་ནི་ཆོས་དབྱིངས་རྒྱས་པར་འགེངས།། ཞིང་རྣམས་རབ་འབྱམ་ཐམས་ཅད་ན་ཡང་གདའ། ། བཞུད་དང་བྱོན་པར་མངོན་པ་ཡོད་མ་མཆིས།། འོན་ཀྱང་འཇིག་རྟེན་དག་ན་སྣོད་བཞིན་གདའ།། བདེན་པ་གཟིགས་ཤིང་དོན་དམ་སྟོན་པ་པོ།། ཆོས་ཀྱི་སྦྱིན་བདག་ཞི་བའི་ཐུགས་ལྡན་པ། ། བརྒལ་ནས་སྲོག་ཆགས་བཅིངས་གྱུར་གཞན་སྒྲོལ་བ།། བདེ་བར་གཤེགས་པ་ཁྱོད་ལ་ཕྱག་འཚལ་ལོ།། ཁྱོད་ཀྱིས་སྐྱེ་བའི་ཤིང་ལྗོན་རྩ་ནས་བཏོན།། ང་རྒྱལ་རི་བོ་སྲ་བོ་རྡུལ་དུ་བརླགས། ། རྒོད་པ་མི་མངའ་གཡོ་དང་སྒྱུ་དང་བྲལ།། རབ་ནི་ཐུགས་དང་ལྡན་ལ་ཕྱག་འཚལ་ལོ།། མི་མཆོག་ཆགས་པ་ཐམས་ཅད་ཡོང་མི་མངའ།། དགོངས་པ་ས་དང་ཆུ་དང་མེ་དང་འདྲ།། རྒྱལ་བ་སེམས་ཅན་ཀུན་ལ་སྙོམས་ཐུགས་ལྡན། ། རླུང་དང་ནམ་མཁའ་འདྲ་ལ་ཕྱག་འཚལ་ལོ།། ཐུབ་པ་ཆེན་པོ་ཡོན་ཏན་འདི་འདྲའི་གཏེར།། བསོད་ནམས་རྒྱ་མཚོ་ལས་བྱུང་སྐུ་དང་ལྡན།། བསྐལ་པ་ཁྲག་ཁྲིག་དག་ཏུ་དེ་བརྗོད་ཀྱང་། ། ཡོན་ཏན་རྒྱ་མཚོ་ཟང་པར་ནུས་མ་ལགས།། ཡོན་ཏན་མངའ་བ་ལྷ་མིས་མཆོད་པ་ལ།། བདག་ནི་བུ་དང་བཅས་ཏེ་མཆོད་པ་བགྱིད།། རྒྱལ་བ་མཆོད་པའི་བསོད་ནམས་ཅི་མཆིས་སསྷོ། ། ། སསུ་ཀྵ། ན་རྒྱ་རྣས་པས་ནས་ཤི་ས་པ་ཀླུ་ས་གཡོན་ནས་དུས་ལྷྭམ་སྒྱུ་། ཟུགཔས་སྱཱདྷཱ་།། སྣ་དེ་གཉིས་སས་སུ་ད་ཆེན་མཆོག་ཅེས་ཀྱ་བ་གཉིས་རྫུས་ཏེ་ཟུང་ནས་སྐྱིལ་མོ་ཀླུངསས་ཏེ་འདུག་གོ། ། འ་པལ་གྱི་སྙིང་པོ་དེ་ལྟར་རྒྱལ་པོ་དཔལ་གྱིགའི་ཧྲཱི་དེ་ཏིང་ངེ་ཛིན་དེ་ལས་ལ་སྤྱན། ཀྱེརུ་གཉིས་སྐྱིལ་མོ་བཅས་ཏེ་འདུག་པ་མཐོང་ངོ་། ། མཐོང་ནས་ཀྱང་ཚིགས་སུ་བཅད་པ་འདི་སྨྲས་སོ།། ཁྱོད་གཉིས་ལྷ་རམ་ཀླུ་ཡིན་ནམ།། གནོད་སྦྱིན་དྲི་ཟ་མི་འམ་ཅི།། མི་འམ་མི་མ་ཡིན་ནམ་ཊི།། དྲིས་པ་སྨོས་ཤིག་གྲོགས་པོ་དག། པདྨའི་དཔལ་གྱི་སྙིང་པོ་དེ་ལྟར་རྒྱལ་པོ་དཔལ་གྱི་གཟི་བརྗིད་ཀྱི་གཡས་ཕྱོགས་སུ་བྱུང་བའི་ཁྱེའུ་གང་ཡིན་པ་དེས། རྒྱལ་པོ་དཔལ་གྱི་གཟི་བརྗིད་དེ་ལ་ཚིགས་སུ་བཅད་དེ་སྨྲས་པ། གྲགས་པོ་ཆོས་ཀུན་སྟོང་པ་ཡི། ། མིང་ནི་འདྲི་བར་བྱེད་དམ་ཅི།། ཆོས་རྣམས་ཐམས་ཅད་མིང་མེད་ན།། གང་ནི་མིང་ནི་འདྲི་བར་བྱེད།། སྟོང་ཉིད་གང་ལ་ལྔ་མེད་ཅིང་།། ཀླུ་མེད་སྲིན་པོ་ཡོད་མ་ཡིན།། མེ་འམ་མིམ་ཡིན་ཡང་རུང་། ཐམས་ཅད་དེན་མོང་མེད་དོ།། འདྨའི་དཔལ་གྱི་སྙིང་ངོ་པོ།། དེ་ནས་བྱེ་ཅིག་ཤོས་དེས། རྒྱལ་པོ་དཔལ་གྱི་གཟི་བརྗིད་དེ་ལ་ཚིགས་སུ་བཅད་དེ་སྨྲས་པ། མིང་ནི་མིང་གིས་སྟོང་བསྟེ། མིང་ལ་མིང་ནི་ཡོད་མ་ཡིན།། ཆོས་རྣམས་ཐམས་ཅད་མིང་མེད་དེ།། འོན་ཀྱང་མིང་གིས་ཡོངས་སུ་བརྗོད།། མིང་གི་རང་བཞིན་གང་ཡིན་པ།། དེས་ནི་མ་མཐོང་མ་ཐོས་སོ།། ལས་ཀྱིས་འགགས་པ་མ་ཡིན། ན།། འདི་ན་གང་གི་མིང་ཞིག་འདྲི།། ཐ་སྙད་དུ་ནི་མིང་བྱས་ནས།། མིང་བཏགས་བྱས་ཏེ་བསྟན་པ་ནི།། ཁོ་བོའི་མིང་ནི་རིན་ཆེན་སེམས།། ཅིག་ཤོས་རིན་ཆེན་མཆོག་ཅེས་བྱ།། པདྨའི་དཔལ་གྱི་སྙིང་པོ་དེ་ལྟར་ཁྱེའུ་གཉིས་ཀྱིས་ཚིགས་སུ་བཅད་པ་འདི་དག་སྨྲས་ཏེ། མངོན་པར་ཤེས་པ་ལྔ་བསྒྲུབས་ནས།། རྒྱལ་པོ་དཔལ་གྱི་གཟི་བརྗིད་དེ་དང་ལྷན་ཅིག་ཏུ།། བཅོམ་ལྡན་འདས་དེ་བཞིན་གཤེས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གསེར་འོད་སོང་གི་རྣམ་པར་རོལ་པའི་རྒྱལ་པོ་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཐལ་མོ་སྦར་ཏེ་ཕྱོགས་གཅིག་ཏུ་འཁོད་དོ། ། པདྨའི་དཔལ་གྱི་སྙིང་པོ་དེ་ལྟར་ཁྱེའུ་དེ་གཉིས་ཀྱིས་དབྱངས་གཅིག་ཏུ་ཚིགས་སུ་བཅད་དེ་གསོལ་བ། པདྨ་དག་དང་དྲི་བདའ་དང་།། མེ་ཏོག་འཕྲེང་དང་ན་བཟའ་འམ། ། འོན་ཏེ་ཟས་དང་སྐོམ་གྱིས་སམ།། རྒྱལ་བ་ཇི་ལྟར་མཆོད་པར་བགྱི།། རྫོགས་པའི་སངས་རྒྱས་རྐང་གཉིས་གཙོ།། ཇི་ལྟར་མཆོད་པར་གྱུར་པ་ལགས།། དོན་འདི་ལེགས་པར་བསྟན་དུ་གསོལ། ། འདྲེན་པ་ཐོས་ནས་འཚལ་བར་བགྱི།། པདྨའི་དཔལ་གྱི་སྙིང་པོ།། དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེས། ཁྱེའུ་དེ་གཉིས་ལ་ཚོགས་སུ་བཅད་དེ། བཀའ་སྩལ་པ། ལུས་ཅན་ཀུན་ལ་ཕན་པའི་ཕྱིར།། བྱང་ཆུབ་ཏུ་ནི་སེམས་བསྐྱེད་ན།། མཚན་མཆོག་སུམ་ཅུ་གཉིས་ལྡན་པའི།། སངས་རྒྱས་དག་ལ་མཆོད་པར་འགྱུར།། མི་གང་ཞིག་གིས་སངས་རྒྱས་ཞིང་། ། གངྒཱའི་བྱེ་མའི་གྲངས་སྙེད་དག། མེ་ཏོག་རྣམས་ཀྱིས་བཀང་བྱས་ཏེ།། འཇིག་རྟེན་མགོན་པོ་ཕུལ་བ་བས།། གང་གིས་འདིར་ནི་ཐལ་སྦྱར་ནས།། བྱང་ཆུབ་ཏུ་ནི་སེམས་བཏུད་ན། ། འདི་ནི་བསོད་ནམས་ཆེས་མང་སྟེ།། དེ་ལ་ཚད་ནི་ཡོད་མ་ཡིན།། བྱང་ཆུབ་སེམས་ནི་ཅི་འདྲ་བ།། དེ་ལྟར་བློ་མཆོག་གིས་བསྟན་པ།། དེ་འདྲའི་མཆོད་པ་གང་ཡང་མེད།། དེ་འདྲ་བ་ཡི་དཔལ་ཡང་མེད། ། པདྨའི་དཔལ་གྱི་སྙིང་པོ་དེ་ལྟར་ཁྱེའུ་དེ་གཉིས་ཀྱིས། སླར་ཡང་བཅོམ་ལྡན་འདས་དེ་ལ་ཚིགས་སུ་བཅད་དེ་གསོལ་པ། འཇིག་རྟེན་མགོན་པོའི་སྤྱན་སྔར་ནི།། བདག་ཅག་ཡི་དམ་ཡང་དག་འཆས།། བླ་ན་མེད་པའི་སེང་གེའི་སྒྲ།། ལྷ་དང་མི་དག་གསན་མཛོད་ཅིག། ཇི་སྲིད་དུ་ནི་འཁོར་བ་ཡི།། སྔོན་གྱི་མཐར་ནི་མི་དམིགས་པ།། དེ་སྲིད་བསྐལ་པ་དུ་མར་ཡང་།། སེམས་ཅན་ཕྱིར་ནི་སྤྱད་པར་བགྱི།། ཇི་ཙམ་སྔོན་གྱི་མཐའ་དྲན་པ།། རྣམ་གྲངས་འདི་ཡི་ཚུལ་དག་གིས།། སེམས་ཅན་ཀུན་ལ་ཕན་པའི་ཕྱིར།། དེ་སྲིད་བསྐལ་པར་སྤྱད་པར་བགྱི།། གལ་ཏེ་དེ་རིང་སླན་ཆད་དུ།། འདོད་རླུགས་ཀྱི་ནི་སེམས་བྱུང་ན། ། ཕྱོགས་བཅུ་དག་ན་བཞུགས་པ་ཡི།། སངས་རྒྱས་རྣམས་ནི་བསླུས་པར་འགྱུར།། དེ་ལྟར་ཞེ་སྡང་གཏི་མུག་དང་།། ཕྲག་དོག་སེར་སྣའང་དེ་བཞིན་ནོ།། རྟག་ཏུ་བདེན་པའི་ཚིག་སྨྲ་ཞིང་། ། བརྫུན་གྱི་ཚིག་ནི་སྤང་བར་བགྱི།། གལ་ཏེ་དེ་རིང་སྲན་ཆད་དུ།། རྡུལ་མེད་བྱང་ཆུབ་མ་ཐོབ་པར།། བདག་ཅག་ཉན་ཐོས་སེམས་གྱུར་ན།། དུས་ནི་བརྫུན་དུ་སྨྲ་བར་འགྱུར།། ནམས། ཀྱང་རང་སངས་རྒྱས་སུ་ནི།། བདག་ཅག་དགའ་བར་མི་བགྱིད་དེ།། སེམས་ཅན་རྣམས་ལ་སྙིང་རྗེ་ཞིང་།། བསྐལ་པ་བྱེ་བར་སྤད་པར་བགྱི།། ཇི་ལྟར་འདྲེན་པ་ཁྱོད་ཀྱི་ཞིང་།། གྲུབ་པ་རྣམ་པ་འདི་དག་ལས། ། གཞན་དུ་ཡོན་ཏན་བྱེ་བ་སྙེད།། ཕུན་སུམ་ཚོགས་པའི་ཞིང་དུ་བགྱི།། དེ་ན་ཉན་ཐོས་གང་ཡང་མེད།། རང་རྒྱལ་འདྲེན་པ་དག་ཀྱང་མེད།། དེ་ཚེ་བྱེ་བའི་ཚད་མེད་པའི།། བྱང་ཆུབ་སེམས་དཔའ་འབའ་ཞིག་གནས། ། བདེ་བ་འདི་དང་ལྡན་པ་ཡི།། སྐྱེ་བོ་དྲི་མ་མེད་པར་འགྱུར།། སངས་རྒྱས་མཛོད་ནི་བཟུང་བས་ན།། སངས་རྒྱས་ཆོས་རྣམས་ཚར་ཕྱིན་ཏོ།། གལ་ཏེ་འདི་དག་གཞན་མིན་པར། ། དེ་བཞིན་དུ་ནི་འགྱུར་དེས་ན།། རྒྱ་མཚོར་བཅས་དང་རིར་བཅས་པའི།། ས་འདི་ཐམས་ཅད་གཡོས་པར་ཤེཤོག། ཚིག་འདི་སྨྲས་པའི་མོད་ལ་ནི།། ས་ཡང་རབ་ཏུ་གཡོས་པར་གྱུར།། ། སིལ་སྙན་དག་ནི་མ་དཀྲོལ་བར།། དེ་ན་ཐམས་ཅད་སྒྲ་ཡང་འབྱིན།། སྟོང་ཕྲག་བྱེ་བའི་ལྷ་རྣམས་ཀྱིས།། མེ་ཏོག་ཆར་དང་ཕྱེ་མའི་ཆར།། སྤོས་ཀྱི་ཆར་ནི་ཡིད་འོང་དང་།། ན་བཟའ་བྱེ་བ་རབ་ཏུ་ཕག། པདྨའི་དཔལ་གྱི་སྙིང་པོ་དེའི་ཚེ་དེའི་དུས་ན། རྒྱལ་པོ་དཔལ་གྱི་གཟི་བརྗིད་ཅེས་བྱ་བར་གྱུར་པ་དེ་གཞན་ཞིག་ཡིན་པ་སྙམ་དུ་དོགས་སམ་ཡིད་གཉིས་ཟ་ན། དེ་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་འདི་དེའི་ཚེ་དེའི་དུས་ན། རྒྱལ་པོ་དཔལ་གྱི་གཟི་བརྗིད་ཅེས་བྱ་བར་གྱུར་ཏོ།། པདྨའི་དཔལ་གྱི་སྙིང་པོ་དེའི་ཚེ་དེའི་དུས་ན། ཁྱེའུ་རིན་ཆེན་སེམས་དང་། རིན་ཆེན་མཆོག་ཅེས་བྱ་བ་དེ་གཉིས་གཞན་ཞིག་ཡིན་པ་སྙམ་དུ་འཛིན་ན། དེ་ཡང་དེ་ལྟར་མི་བལྟའོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་འདི་ནི་ཁྱེའུ་རིན་ཆེན་མཆོག་ཅེས་བྱ་བར་གྱུར་ཏོ། ། བྱང་ཆུབ་སེམས་དཔའ་སེམས་དཔའ་ཆེན་པོ་མཐུ་ཆེན་ཐོབ་འདི་ནི་ཁྱེའུ་རིན་ཆེན་སེམས་ཤེས་བྱ་བར་གྱུར་ཏོ།། རིགས་ཀྱི་བུ་འདི་གཉིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དང་པོ་སེམས་བསྐྱེད་པ་ནི་དེ་ཡིན་ནོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ། ། བཅོམ་ལྡན་འདས་སྐྱེས་བུ་དམ་པ་འདི་གཉིས་ཇི་ཙམ་དུ་ཟབ་མོ་ལ་མོས་པར་གྱུར་པ་དང་། གང་གི་མིང་ཡང་མ་དམིགས་པ་དེ་སྲིད་དུ། འདི་གཉིས་བྱང་ཆུབ་ཏུ་སེམས་བསྐྱེད་པར་གྱུར་པ་ངོ་མཚར་ཏོ། ། བཅོམ་ལྡན་འདས་སྐྱེས་བུ་དམ་པ་འདི་གཉིས་ཀྱིས་དེ་བཞིན་གཤེགས་པ་དེའི་ཕ་རོལ་ན། སངས་རྒྱས་ཇི་སྐད་ཅིག་ལ་རིམ་གྲོ་བགྱིས་པར་གྱུར། བཀའ་སྩལ་པ། རིགས་ཀྱི་བུ་གངྒཱའི་ཀླུང་གི་བྱེ་མ་ནི་བགྲང་བས་མཐའ་རྟོགས་པར་ནུས་ཀྱི། སྐྱེས་བུ་དམ་པ་འདི་གཉིས་ཀྱིས་དེ་བཞིན་གཤེགས་པ་དེའི་ཕ་རོལ་ན། སངས་རྒྱས་དག་ལ་བསྙེན་བཀུར་བྱས་པའི་སངས་རྒྱས་བཅོམ་ལྡན་འདས་དེ་དག་ནི་དེ་ལྟ་མ་ཡིན་ཏེ། དེ་སྲིད་དུ་འདི་གཉིས་ཀྱིས་བྱང་ཆུབ་ཏུ་སེམས་བསྐྱེད་དོ།། སྐྱེས་བུ་དམ་པ་འདི་གཉིས་ནི་བསམ་གྱིས་མི་ཁྱབ་པའི་གོ་ཆ་བགོས་ཤིང་ཡོན་ཏན་དཔག་དུ་མེད་པ་དང་ལྡན་ཏེ། འདི་གཉིས་ཀྱི་ཡོན། ཏན་དག་གི་མཐའ་རྟོགས་པར་མི་ནུས་སོ།། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། འཇིག་རྟེན་གྱི་ཁམས་ཡོན་ཏན་རིན་ཆེན་བསགས་པ་དཔག་ཏུ་མེད་པ། བདེ་བ་ཀུན་ཏུ་སྟོན་པ་ཞེས་བགྱི་བ་དེ་དང་། བཅོམ་ལྡན་འདས་དེ་བཞིན་གཤེགས་པ་གསེར་འོད་སེང་གེ་རྣམ་པར་རོལ་པའི་རྒྱལ་པོ་ཞེས་བགྱི་བ་གང་ལགས་པ་དེ་འདི་ནས་ཕྱོགས་གང་ལོགས་ན་མཆིས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ནུབ་ཕྱོགས་ལོགས་ན་སྟེ། འཇིག་རྟེན་གྱི་ཁམས་བདེ་བ་ཅན་དེ་ཉིད་དེའི་ཚེ་དེའི་དུས་ན། འཇིག་རྟེན་གྱི་ཁམས་ཡོན་ཏན་རིན་ཆེན་བསགས་པ་དཔག་ཏུ་མེད་པ། བདེ་བ་ཀུན་ཏུ་སྟོན་པ་ཞེས་བྱ་བར་གྱུར་ཏོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྐྱེ་བོ་མང་པོ་ལ་སྨན་པ་དང་། འཇིག་རྟེན་ལ་ཐུགས་བརྩེ་བ་དང་། སྐྱ་བོ་ཕལ་པོ་ཆེ་དང་། ལྷ་དང་། མི་ནམས་ཀྱི་དོན་དང་། སྨན་པ་དང་། བདེ་བར་བགྱི་བའི་སླད་དུ། སྐྱེས་བུ་དམ་པ་དེ་གཉིས་ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཅི་འདྲ་བར་འགྱུར་བ་དང་། ཉན་ཐོས་ཕུན་སུམ་ཚོགས་པ་ཅི་འདྲ་བ་དང་། ཚེ་ཙམ་པ་དང་། ལོངས་སྤྱོད་ཅི་འདྲ་བ་དང་། འོད་ཅི་འདྲ་བ་དང་། སྐྱེས་བུ་དམ་པ་དེ་གཉིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། མཚན་ཇི་སྐད་ཅེས་བགྱི་བ་དེ་དག་ལེགས་པར་བསྟན་དུ་གསོལ། དེ་ཅིའི་སླད་དུ་ཞེ་ན། འདི་ལྟར་དེ་བཞིན་གཤེགས་པས་སྐྱེས་བུ་དམ་པ་འདི་གཉིས་ཀྱི་སྨོན་ལམ་ཆེན་པོ་བཤད་པ་ཐོས་ནས།། བྱང་ཆུབ་སེམས་དཔའ་གཞན་དག་ཀྱང་སྨོན་ལམ་ཆེན་པོ་ཡོངས་སུ་རྫོགས་པར་འགྱུར་པའི་སླད་དུའོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོ་ལ་འདི་སྐད་ཅེས་བཀའ་སྩལ་ཏོ། ། པདྨའི་དཔལ་གྱི་སྙིང་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་དོ།། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་བཅོམ་ལྡན་འདས་ལེགས་སོ་ཞེས་གསོལ་ཏེ། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀར་སྩལ་ཏོ།། རིགས་ཀྱི་བུ་དེ་བཞིན་གཤེགས་པ་འོད་དཔག་མེད་ཀྱི་ཚེའི་ཚད་ནི་དཔག་ཏུ་མེད་དེ། དེའི་མཐར་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་གི་བར་དུ་བཤད་ཀྱང་རྟོགས་པར་སླ་བ་མ་ཡིན་ནོ།། རིགས་ཀྱི་བུ་དེ་བཞིན་གཤེགས་པ་འོད་དཔག་མེད་ཀྱི་ཚེ་དཔག་ཏུ་མེད་དུ་ཟིན་ཀྱང་། འདུས་བྱས་ཐམས་ཅད་མི་རྟག་པ། མི་བརྟན་པ། ཐེར་ཟུག་མ་ཡིན་པ། ཡུན་དུ་གནས་པ་མ་ཡིན་པ་སྟེ། རིགས་ཀྱི་བུ་མ་འོངས་པའི་དུས་འདས་པ་དེའི་ཚེ་དེའི་དུས་ན་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་དཔག་མེད་དེ་ཡོངས་སུ་མྱ་ངན་ལས་འདས་པར་འགྱུར་རོ། ། དེ་ཡོངས་སུ་མྱ་ངན་ལས་འདས་ནས་ཀྱང་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་བརྒྱད་ཅུ་རྩ་བཞིའི་བར་དུ་དེའི་དམ་པའི་ཆོས་གནས་ཏེ། ཇི་ལྟར་བཞུགས་པ་དེ་བཞིན་དུ་ཡོངས་སུ་མྱ་ངན་ལས་འདས་ནས་ཀྱང་། སེམས་ཅན་རྣམས་ཀྱི་དགེ་བའི་རྩ་བ་ཡོངས་སུ་འགྲུབ་སྟེ། ལྷག་ཆད་མེད་པར་འགྱུར་རོ།། གཞན་དུ་ན་སེམས་ཅན་རྣམས་དེ་བཞིན་གཤེགས་པ་དེ་མཐོང་བ་མེད་པར་ཟད་དོ།། བྱང་ཆུབ་སེམས་དཔའ་དེ་དག་ཀྱང་སངས་རྒྱས་རྗེས་སུ་དྲན་པའི་ཏིང་ངེ་འཛིན་འཐོབ་པར་འགྱུར། དེ་དག་རྟག་ཏུ་རྒྱུན་མི་འཆད་པར་སངས་རྒྱས་མཐོང་བ་དང་མི་འབྲལ་བར་འགྱུར་རོ།། རིགས་ཀྱི་བུ་འོད་དཔག་མེད་ཡོངས་སུ་མྱ་ངན་ལས་འདས་ནས་ཀྱང་། རིན་པོ་ཆེ་སྣ་བདུན་གྱི་པདྨ་དག་དང་། ཤིང་ལྗོན་པ་དག་གིས་དེ་བཞིན་གཤེགས་པ་དེ་ཇི་ལྟར་ཆོས་སྟོན་པ་དེ་བཞིན་དུ། པདྨ་དག་དང་། ཤིང་ལྗོན་པ་དེ་དག་ལས་ཀྱང་ཆོས་ཀྱི་སྒོ་བརྒྱ་ཕྲག་དུ་མ་འབྱུང་བར་འགྱུར་རོ། ། རིགས་ཀྱི་བུ་དེ་ལྟར་དེ་བཞིན་གཤེགས་པ་འོད་དཔག་མེད་ཡོངས་སུ་མྱ་ངན་ལས་འདས་ནས། དམ་པའི་ཆོས་ནུབ་མ་ཐག་པའི་མཚན་མོ་སྐྱ་རེངས་འཆར་བའི་དུས་ཀྱི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་རིན་པོ་ཆེ་དུ་མ་བཀོད་པའི་བྱང་ཆུབ་ཀྱི་ཤིང་དྲུང་དུ་འདུག་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ། ། དེ་མངོན་པར་རྫོགས་པར་སངས་རྒྱས་ནས། འོད་གཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་ཞེས་བྱ་བར་འགྱུར་རོ།། དེ་བཞིན་གཤེགས་པའོད། གཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་དེའི་སངས་རྒྱས་ཀྱི་ཞིང་གི་ཡོན་ཏན་བཀོད་པར་འགྱུར་བ་གང་ཡིན་པ་དེ་དག་ནི་དེ་བཞིན་གཤེགས་པས་བསྐལ་པ་གངྒཱའི་ཀླུང་གི་བྱེ་མ་སྙེད་དུ་བསྟན་ཀྱང་མཐར་རྟོགས་པར་མི་ནུས་སོ། ། སངས་རྒྱས་ཀྱི་ཞིང་དེའི་བདེ་བའི་རྒྱུ་དང་། ཡོན་ཏན་གྱི་རྒྱུ་ནི་དེ་སྙེད་དུ་འགྱུར་མོད་ཀྱི། འོན་ཀྱང་རིགས་ཀྱི་བུ་དཔེ་ཙམ་དུ་ཅུང་ཟད་ཅིག་བཤད་པར་བྱའོ།། བཅོམ་ལྡན་འདས་དེ་བཞིན་གཤེགས་པ་གསེར་འོད་སེང་གེ་རྣམ་པར་རོལ་པའི་རྒྱལ་པོ་དེའི་སངས་རྒྱས་ཀྱི་ཞིང་ན་ཡོན་ཏན་བཀོད་པ་གང་དག་ཡོད་པ། ཡོན་ཏན་གྱི་བཀོད་པ་སྔ་མ་དག་ནི་ཡོན་ཏན་བཀོད་པ་འདི་དག་གི་བརྒྱའི་ཆར་ཡང་མི་ཆོག། སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། དཔེ་དང་། རྒྱུར་ཡང་མི་བཟོད་དོ།། སངས་རྒྱས་ཀྱི་ཞིང་དེ་ན་ཉན་ཐོས་དང་རང་སངས་རྒྱས་ཀྱི་མིང་ཡང་མེད་པར་འགྱུར་ཏེ། སངས་རྒྱས་ཀྱི་ཞིང་དེ་ནི་བྱང་ཆུབ་སེམས་དཔའ་འབའ་ཞིག་གིས་གང་བར་འགྱུར་རོ། ། རིགས་ཀྱི་བུ་ད་ལྟར་བཅོམ་ལྡན་འདས་འོད་དཔག་མེད་ཀྱི་ཉན་ཐོས་དང་། རང་སངས་རྒྱས་དང་། བྱང་ཆུབ་སེམས་དཔའ་ཇི་སྙེད་པ་དེ་དག་ཐམས་ཅད་བསྡུས་ཀྱང་། བཅོམ་ལྡན་འདས་དེ་བཞིན་གཤེགས་པ་འོད་ཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་དེའི་བྱང་ཆུབ་སེམས་དཔའི་དགེ་འདུན་གྱི་བརྒྱའི་ཆར་ཡང་མི་ཆོག་སྡེ་སྟོང་གི་ཆ་དང་། བརྒྱ་སྟོང་གི་ཆ་དང་། གྲངས་དང་། དཔེ་དང་། རྒྱུར་ཡང་མི་བཟོད་དོ།། དེའི་ཚེའི་ཚད་ནི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དགུ་བཅུ་རྩ་དྲུག་ཏུ་འགྱུར་རོ།། དེའི་དམ་པའི་ཆོས་ནི་བསྐལ་པ་བྱེ་བ་དྲུག་ཅུ་རྩ་གསུམ་དུ་གནས་པར་འགྱུར་རོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇིག་རྟེན་གྱི་ཁམས་དེའི་མིང་ཡང་བདེ་བ་ཅན་ཞེས་བགྱི་བར་འགྱུར་རམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་ནི་མ་ཡིན་ཏེ། འཇིག་རྟེན་གྱི་ཁམས་ད་ནི་རིན་ཆེན་ཀུན་ནས་བསགས་པ་ཞེས་བྱ་བར་འགྱུར་རོ། ། རིགས་ཀྱི་བུ་དེ་བཞིན་གཤེགས་པ་འོད་ཟེར་ཀུན་ནས་འཕགས་པའི་དཔལ་བརྩེགས་རྒྱལ་པོའི་ཚེ་ཇི་སྲིད་གནས་པ་ནས་བཟུང་སྟེ། ཡོངས་སུ་མྱ་ངན་ལས་འདས་པ་དེ་སྲིད་དུ། བྱང་ཆུབ་སེམས་དཔར་མཐུ་ཆེན་ཐོབ་མཆོད་པ་བྱེད་པར་འགྱུར་རོ། ། ཡོངས་སུ་མྱ་ངན་ལས་འདས་ནས་ཀྱང་དེའི་དམ་པའི་ཆོས་འཛིན་པར་འགྱུར་ཏེ། དམ་པའི་ཆོས་ཡུན་རིང་པོར་གནས་པར་བྱ་བའི་ཕྱིར་སྤྲོ་བར་འགྱུར་རོ།། ཕྱི་མའི་དུས་སུ་དེར་དམ་པའི་ཆོས་ནུབ་ནས། སངས་རྒྱས་ཀྱི་ཞིང་དེར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་ས་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཡོན་ཏན་ཤིན་ཏུ་གནས་པ་ནོར་བུ་བརྩེགས་པའི་རྒྱལ་པོ་ཞེས་བྱ་བར་འཇིག་རྟེན་དུ་འབྱུང་བར་འགྱུར་རོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་དེའི་བྱང་ཆུབ་སེམས་དཔའ་ཕུན་སུམ་ཚོགས་པ་དང་། སྣང་བ་ཕུན་སུམ་ཚོགས་པ་ཅི་འདྲ་བ་དེ་ལྟར། བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཤིན་ཏུ་གནས་པ་ནོར་བུ་བརྩེགས་པའི་རྒྱལ་པོ་དེའི་ཡང་དེ་དང་འདྲ་བར་འགྱུར་ཏེ། ལྷག་ཆད་མེད་ཅིང་ཤིན་ཏུ་ལྷག་པ་མེད་པར་འགྱུར་རོ།། ཚེའི་ཡུན་དང་དམ་པའི་ཆོས་གནས་པ་ཡང་དེ་སྲིད་དུ་འགྱུར་རོ། ། རིགས་ཀྱི་བུ་དང་། རིགས་ཀྱི་བུ་མོ་གང་ལ་ལ་དག་བཅོམ་ལྡན་འདས་དེ་བཞིན་གཤེགས་པ་འོད་གཟེར་ཀུན་ནས་འཕགས་པའི་དཔལ་བརྩེགས་རྒྱལ་པོ་དེ་དང་། བཅོམ་ལྡན་འདས་དེ་བཞིན་གཤེགས་པ་ཡོན་ཏན་ཤིན་ཏུ་གནས་པ་ནོར་བུ་བརྩེགས་པའི་རྒྱལ་པོ་དེའི་མཚན་ཐོས་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། ། པདྨའི་དཔལ་གྱི་སྙིང་པོ་བུད་མེད་གང་ལ་ལས་བཅོམ་ལྡན་འདས་དེ་བཞིན་གཤེགས་པ་གསེར་འོད་སེང་གེ་རྣམ་པར་རོལ་པའི་རྒྱལ་པོ་ཡོངས་སུ་མྱ་ངན་ལས་འདས་པ་དེ་དང་། མ་འོངས་པ་དེ་གཉིས་ཀྱི་མཚན་ཐོས་ན། དེ་བུད་མེད་ཀྱི་རང་བཞིན་དུ་མི་འགྱུར་རོ།། བསྐལ་པ་བྱེ་བ་ཕྲག་བཞི་བཅུར་འཁོར་བ་བསྙིལ་བར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར། སངས་རྒྱས་མཐོང་པ་དང་། ཆོས་ཉན་པ་དང་། དགེ་འདུན་ལ་བསྙེན་བཀུར་བྱེད་པ་དང་མི་འབྲལ་བར་འགྱུར། ཚེ་བརྗེས་ནས་ཀྱང་རབ་ཏུ་འབྱུང་བ་འཐོབ་པར་འགྱུར། ཚེ་རབས་དྲན་པ་དང་། སྤོབས་པ་ཐོགས་པ་མེད་པར་འགྱུར། གཟུངས་ཀྱང་ཐོབ་པར་འགྱུར་རོ།། དེ་ནས་འཁོར་དེའི་ནང་ནས་ལྷ་དང་། མི་དང་། སྐྱེ་དགུའི་སྲོག་ཆགས་བྱེ་བ་ཕྲག་དགུ་བཅུ་རྩ་དྲུག་གིས་མགྲིན་གཅིག་ཏུ་ཚིག་སྨྲས་པ། གང་དག་མ་གྱོན་པ་དེ་དག་དང་། གང་དག་དཎྜ་བཞུགས་པ་འཚོ་ཞིང་གཞེས་པ་དེ་དག་དང་། ཕྱོགས་བཅུ་ན་གང་དག་ཡོངས་སུ་མྱ་ངན་ལས་འདས་པའི་དེ་བཞིན་གཤེགས་པ་དེ་དག་ལ་ཕྱག་འཚལ་ལོ།། དེ་དག་གི་མཚན་གང་ལགས་པ་དེ་དག་ལ་ཡང་རྗེས་སུ་ཡི་རང་ངོ་། ། ཚིག་འདི་སྐད་ཅེས་ཀྱང་སྨྲས་ཏེ། བཅོམ་ལྡན་འདས་བདག་ཅག་ལྷན་ཅིག་ཚོགས་པ་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིའོ་ཞེས་སྨྲས་སོ།། དེ་དག་ཀྱང་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། སྲོག་ཆགས་ཁྲག་ཁྲིག་བརྒྱ་ཕྲག་བརྒྱད་ཅུ་རྩ་བཞི་ནི་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་རྣམ་པར་དག་གོ། དགེ་སློང་བདུན་སྡོང་ནི་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ།། དེ་ནས་དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་དང་། བྱང་ཆུབ་སེམས་དཔའ་མཐུ་ཆེན་ཐོབ་ཀྱིས་ཇི་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུ་བྱས་པས། ཐམས་ཅད་དང་ལྡན་པའི་འཁོར་གྱིས་ཕྱོགས་བཅུ་ན། བཅོམ་ལྡན་འདས་དཔག་ཏུ་མེད་གྲངས་མེད་པ་དེ་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་པ་མཐོང་བ་དེ་ལྟ་བུའི་རྫུ་འཕྲུལ་མངོན་པར་འདུ་བྱ་བ་མངོན་པར་འདུས་བྱས་སོ། ། མཐོང་ནས་ཀྱང་ཚིག་འདི་སྐད་ཅེས་འཛེར་ཏེ། བཅོམ་ལྡན་འདས་ཇི་ཙམ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་གཉིས་སངས་རྒྱས་བཅོམ་ལྡན་འདས་དག་གིས་ལེགས་པར་ཡོངས་སུ་བཟུང་བ་ལགས་ཏེ། འདི་ལྟར་སྐྱེས་བུ་དམ་པ་འདི་གཉིས་སངས་རྒྱས་བཅོམ་ལྡན་འདས་འདི་སྙེད་ཅིག་གིས་ལུང་སྟོན་པ་ནི་ངོ་མཚར་ཏོ། ། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་དེ་བཞིན་གཤེགས་པས་གསུངས་པའི་མདོ་སྡེ་ཟབ་མོ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དེའི་བསོད་ནམས་ཇི་སྙེད་ཅིག་འཕེལ་བར་འགྱུར། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཁྱོད་ཀྱིས་དེ་བཞིན་གཤེགས་པ་ལ་ཡོངས་སུ་འདྲི་བའི་གཏམ་འདིས་ཅི་ཞིག་བྱ། དེ་ཅིའི་ཕྱིར་ཞེ་ན། རིགས་ཀྱི་བུ་སེམས་ཅན་དམན་པ་ལ་མོས་པ་དེ་དག་ནི་དེ་བཞིན་གཤེགས་པས་གསུངས་པ་ལ་ཡིད་མི་ཆེས་པར་འགྱུར་བའི་ཕྱིར་ཏེ། དེ་ལྟར་འདི་དག་ཡུན་རིང་པོར་གནོད་པ་དང་། ཕན་པ་མེད་པ་དང་། བདེ་བ་མེད་པ་དང་། ལོག་པར་ལྟུང་བར་འགྱུར་རོ།། གསོལ་པ། བཅོམ་ལྡན་འདས་འཁོར་འདི་ན་རིགས་ཀྱི་བུ་དང་། རིགས་ཀྱི་བུ་མོ་དག་རྒྱ་ཆེན་པོ་ལ་མོས་པ་དང་། མོས་པ་མང་བ་དག་ཀྱང་མཆིས། སྲང་མའི་སྐྱེ་བོ་རྣམས་ལ་ཡང་སྣང་བ་གྱིས་པར་འགྱུར་ན། དེ་བཞིན་གཤེགས་པས་སྐྱེ་བོ་མང་པོ་ལ་སྨན་པ་དང་། སྐྱེ་བོ་མང་པོ་ལ་བདེ་བའི་སླད་དུ་བཤད་པར་གསོལ། བཅོམ་ལྡན་འདས་ཀྱིས་བཀའ་སྩལ་པ། པདྨའི་དཔལ་གྱི་སྙིང་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་བཤད་དོ། ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས། བཅོམ་ལྡན་འདས་ལ་ལེགས་སོ་ཞེས་གསོལ་ཏེ། བཅོམ་ལྡན་འདས་ཀྱི་ལྟར་ཉན་པ་དང་།། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་འདི་ལ་མི་གང་ལ་ལ་སྟོབས་དང་ལྡན་པ། མཐུ་དང་ལྡན་པ། བསོད་ནམས་ཀྱི་ཕུང་པོ་ཆེན་པོ་དང་ལྡན་པ་ཞིག་བྱུང་སྟེ། ཇི་ཙམ་སེམས་ཅན་གྱི་ཁམས་སུ་གདགྲངས་བཏག་པའི་སེམས་ཅན་གྱི་ཁམས་དེ་ནི་དེ་བཞིན་གཤེགཔ་ཆེས་མང་བར་གསུངས་ཀྱི། སའི་ཁམས་ནི་དེ་ལྟ་མ་ཡིན་ཏེ། སེམས་ཅན་དེ་དག་ཐམས་ཅད་བསྐལ་པ་བྱེ་བ་མཐའ་ཡས་མུ་མེད་པར་མགོ་བོ་འམ། ཕྲག་པ་འམ། ལག་པ་ན་ཐོགས་ཏེ། ཇི་སྲིད་འཚོའི་བར་དེ་དག་ལ་གོས་དང་ཟས་དག་བྱིན་ཏེ། བདེ་བའི་ཡོ་བྱད་ཐམས་ཅད་ཀྱིས་རིམ་གྲོར་བྱེད། བླ་མར་བྱེད་ན། པདྨའི་དཔལ་གྱི་སྙིང་པོ་མི་དེ་གཞི་དེ་ལས་བསོད་ནམས་ཀྱི་ཕུང་པོ་མང་དུ་འཕེལ་ལམ། གསོལ་པ། སེམས་ཅན་གཅིག་ལ་ཡང་སེ་གོལ་གཏོགས་པ་ཙམ་ཞིག་བྱམས་པའི་སེམས་ཀྱིས་ཁྱབ་པར་བགྱིས་ན། དེ་ཙམ་གྱིས་ཀྱང་བསོད་ནམས་མང་དུ་སྐྱེད་ན། བསྐལ་པ་བྱེ་བ་མཐའ་ཡས་མུ་མ་མཆིས་པར་སེམས་ཅན་ཐམས་ཅད་བཟུང་སྟེ། བདེ་བའི་ཡོ་བྱད་ཐམས་ཅད་ཀྱིས་རིམ་གྲོ་བགྱིས་པ་ལྟ་སྨོས་ཀྱང་ཅི་འཚལ། བཀའ་སྩལ་པ། པདྨའི་དཔལ་གྱི་སྙིང་པོ་ཁྱོད་མོས་པར་བྱའོ།། ཁྱོད་ཀྱིས་ཁོང་དུ་ཆུད་པར་བྱའོ། ། གང་དེ་བཞིན་གཤེགས་པས་གསུངས་པའི་མདོ་སྡེ་འདི་ལྟ་བུ་འདི་བྱང་ཆུབ་ཀྱི་སེམས་ལ་གནས་ཏེ་ལེན་པ་དང་། འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་རྒྱ་ཆེར་ཡང་དག་པར་རབ་ཏུ་སྟོན་པའི་རིགས་ཀྱི་བུ་དང་། རིགས་ཀྱི་བུ་མོ་དད་པ་ལ་ཞུགས་པ། མོས་པ་མང་བ་དག་གཞི་དེ་ལས་བསོད་ནམས་ཀྱི་ཕུང་པོ་ཆེས་མང་དུ་སྐྱེད་དོ། ། དེ་ནས་བཅོམ་ལྡན་འདས་ལ། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པས་གསུང་པའི་མདོ་སྡེ་འདི་ལྟ་བུ་འདི་དེ་བཞིན་གཤེགས་པ་ཡོངས་སུ་མྱ་ངན་ལས་འདས་ནས་ཀྱང་བདག་གིས་བླང་བར་བགྱི། གཟུང་བར་བགྱི། བཅང་བར་བགྱི། བཀླག་པར་བགྱི། ཀུན་རླབ་པར་བགྱི། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་པར་བགྱིའོ།། དེ་ནས་བྱང་ཆུབ་སེམས་དཔའ་པདྨའི་དཔལ་གྱི་སྙིང་པོས་ཚིག་དེ་སྐད་ཅེས་སྨྲས་པ་དང་། བྱང་ཆུབ་སེམས་དཔར་བྱེ་བ་ཕྲག་དགུ་བཅུ་རྩ་དྲུག་གིས་དབྱངས་གཅིག་ཏུ་ཚིག་འདི་སྐད་ཅེས་སྨྲས་སོ། ། བཅོམ་ལྡན་འདས་བདག་ཅག་གིས་ཀྱང་མདོ་སྡེ་འདི་ལྟ་བུ་འདི་བླང་བར་བགྱི། གཟུང་བར་བགྱི། བཅང་བར་བགྱི། བཀླག་པར་བགྱི། ཀུན་ཆུབ་པར་བགྱི། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བསྟན་པར་བགྱིའོ།། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་པདྨའི་དཔལ་གྱི་སྙིང་པོ་ལ་འདི་སྐད་བཀའ་སྩལ་ཏོ།། པདྨའི་དཔལ་གྱི་སྙིང་པོ་ཆོས་ཀྱི་རྣམ་གྲངས་འདི་བུད་མེད་ཀྱིས་ཐོས་མ་ཐག་ཏུ་བུད་མེད་ཀྱི་དངོས་པོ་ལས་འགྱུར་ཏེ། རྒྱུ་གཉིས་མ་གཏོགས་པ་ནི་འདི་ལྟ་སྟེ། ཕྲག་དོག་དང་། སེར་སྣའོ།། དེ་ནས་ལྷའི་དབང་པོ་། བྱིན་དང་། མི་མཇེད་ཀྱི་བདག་པོ་ཚངས་པ་དང་། རྒྱལ་པོ་ཆེན་པོ་བཞི་དང་། ལྷའི་བུ་བརྒྱ་སྟོང་དུ་མ་དག་གིས་ལྷའི་མེ་ཏོག་མནྡ་ར་བ་དག་བཅོམ་ལྡན་འདས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་མངོན་པར་གཏོར་ཏོ། ། ལྷའི་སིལ་སྙན་བྱེ་བ་ཁྲག་ཁྲིག་བརྒྱ་སྟོང་གསིལ་ནས་ཚིག་འདི་སྐད་ཅེས་ཀྱང་འཛེར་རོ།། ཆོས་ཀྱི་རྣམ་གྲངས་འདི་གང་དག་གི་རྣ་ལམ་དུ་གྲགས་པ་དང་། ལེགས་པར་སྟོན་ནས་འཛིན་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟེན་པའི་སེམས་ཅན་དེ་དག་གིས་ནི་རྙེད་པ་ལེགས་པར་རྙེད་པར་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དག་ཇི་སྐད་སྨྲས་པ་དེ་དེ་བཞིན་ཏེ། ཆོས་ཀྱི་རྣམ་གྲངས་འདི་གང་དག་གི་ལག་ན་འདུག་པ་དང་། གང་དག་ཐོས་ནས་མོས་པར་འགྱུར་རིང་སེམས་ཅན་དེ་དག་ནི། སངས་རྒྱས་ཁྲི་ལ་དགེ་བའི་རྩ་བ་བསྐྱེད་པར་འགྱུར་རོ།། དེ་ནས་སྲིང་མོ་རྡུལ་དང་བྲལ་ཞེས་བྱ་བ་འཁོར་དེར་འདུས་པར་གྱུར་ཏེ་འདུག་པ་དེ་སྟན་ལས་ལངས་ནས། ལྷག་པའི་བསམ་པས་ཚིག་འདི་སྐད་ཅེས། བཅོམ་ལྡན་འདས་བདག་གིས་ཀྱང་ལྷག་པའི་བསམ་པས་ཕྲག་དོག་དང་སེར་སྣ་སྤངས་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིའོ།། བཅོམ་ལྡན་འདས་དེ་བཞིན་གཤེགས་པ་ནི་མེད་པ་གསུངས་པ་ལགས་ན། བཅོམ་ལྡན་འདས་གལ་ཏེ་བདག་སངས་རྒྱས་སུ་འགྱུར་ཞིང་། བུད་མེད་གཞན་གང་གིས་ཆོས་ཀྱི་རྣམ་གྲངས་འདི་ཐོས་ན། ཐོས་པའི་མོད་ལ་བུད་མེད་ཀྱི་དངོས་པོ་ལས་འགྱུར་བ་ལྟ་ན་བཅོམ་ལྡན་འདས་དེའི་སླད་དུ་ཕུང་པོ་འདི་ཉིད་ལ་བུད་མེད་ཀྱི་དབང་པོ་མི་གདའ་བར་གྱུར་ཏེ། སྐྱེས་པའི་དབང་པོ་བྱུང་བར་གྱུར་ཅིག་ཅེས་སྨྲས་སོ།། དེ་ནས་སྙིང་མོ་དེ་དེ་ཉིད་དུ་བུད་མེད་ཀྱི་དབང་པོ་མི་སྣང་བར་གྱུར་ཏེ་སྐྱེས་པའི་དབང་པོ་བྱུང་བར་གྱུར་ཏོ། ། དེ་ཡང་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་ཅིང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཉོན་མོངས་པ་ཐམས་ཅད་ཀློག་པ་ཞེས་བྱ་བར་འགྱུར་རོ་ཞེས་ལུང་བསྟན་ཏོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་པདྨའི་དཔལ་གྱི་སྙིང་པོ་དང་། དགེ་སློང་དེ་དག་དང་། བྱང་ཆུབ་སེམས་དཔའ་མང་པོ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། ། འཕགས་པ་སྒྱུ་མ་ལྟ་བུའི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་ཡང་རྫོག་སོ།། ། རྒྱ་གར་གྱི་མཁན་པོ་དཱ་ན་ཤཱི་ལ་ལ་སོགས་པ་དང་།
CLOSE WINDOW