| Wylie | e-texts produced with ocr Programm |
འཕགས་པ་ལྕགས་མཆུ་ཞེས་བྱ་བའི་གཟུངས་རྫོགས་སོ།། །། རྒྱ་གར་སྐད་དུ། ཨཱརྱ་ལོ་ཏ་དུཏྟེ་ནཱ་མ་དྷཱ་ར་ཎི། བོད་སྐད་དུ། འཕགས་པ་ལྕགས་ཀྱི་མཆུ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་ཡུལ་མ་ག་དྷ་ནས་རྒྱུ་ཞིང་ཨ་མྲའི་ཚལ་དུ་གཤེགས་ཏེ་བྱོན་ནས། ཨ་མྲའི་ཚལ་དུ་ལུས་འཕགས་རྀའི་དབང་པོའི་བྲེག་ཕུག་ན་བཞུགས་སོ།། དེ་ནས་ལྷའི་དབང་པོ་བརྒྱ་བྱིན་གྱིས་བཅོམ་ལྡན་འདས་ག་ལ་པ་དེར་སོང་སྟེ་ཕྱིན་ནས། བཅོམ་ལྡན་འདས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་ནས་ལྷའི་དབང་པོ་བརྒྱ་བྱིན་གྱིས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ལྷ་མ་ཡིན་རྣམས་ནི་རབ་ཏུ་ལྷ་རྣམས་ཀྱི་ཡུན་རིང་པོའི་དགྲ་ལགས་ན། དེ་ལ་བཅོམ་ལྡན་འདས་ཀྱིས་དྲན་པའི་ཆོས་བསྟན་དུ་གསོལ། འཛམ་བུའི་གླིང་པའི་འཇིག་རྟེན་ཤཱཀྱ་ཐུབ་པའི་ཞིང་ཁམས་ན་མིར་གྱུར་པའི་སེམས་ཅན་རྣམས་ཀྱི་འཁོར་ན་དགེ་སློང་ཕ་དང་། དགེ་སློང་མ་དང་། དགེ་ཚུལ་ཕ་དང་། དགེ་ཚུལ་མ་དང་། དགེ་བསྙེན་པ་དང་། དགེ་བསྙེན་མ་དང་། དམ་པའི་ཆོས་འཇིག་པ་ལ་སྲུང་བའི་ཐབས་བསྟན་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ། ། ལྷའི་དབང་པོ་ཁྱོད་ཀྱིས་ལྕགས་ཀྱི་མཆུའི་གཟུངས། ཐམས་ཅད་སྐྲག་པར་བྱེད་པ། ལྷ་མ་ཡིན་ལ་ཐོག་སྨད་ལྔ་འབེབས་པ། འཇིག་རྟེན་གྱི་རིམས་ནད་ཞི་བར་བྱེད་པ། འཇིག་རྟེན་ཐམས་ཅད་དུ་ཞི་བར་བྱེད་པ། དུག་ཐམས་ཅད་འཇིལ་བ། མཚོན་ཐམས་ཅད་རེངས་པར་བྱེད་པ། རྐང་མེད་དང་། རྐང་གཉིས་པ་དང་། རྐང་བཞི་ཐམས་ཅད་རེངས་པར་བྱེད་པ། དགྲ་ཐམས་ཅད་ཕུང་བར་བྱེད་པ། ལྷ་མ་ཡིན་དང་། ནམ་མཁའ་ལྡིང་དང་། སྦྱིན་བྱེད་མའི་བུ་དང་། ཤ་ཟ་དང་། བརྗེད་བྱེད་དང་། སྨྱོ་བྱེད་དང་། འགྲོ་བ་དྲག་ཤུལ་དུ་སྤྱོད་པ་རབ་ཏུ་འཇིགས་པར་བྱེད་པ། འཐབ་པ་དང་། རྩོད་པ་དང་། འགྱེད་པ་དང་། མཚང་འབྲུ་བ་ཐམས་ཅད་རབ་ཏུ་ཞི་བར་བྱེད་པའི་འཕགས་པ་ལྕགས་ཀྱི་མཆུ་འདི་ཟུང་ཞིག། ཐམས་ཅད་མི་འཇིགས་པའི་ལྕགས་ཀྱི་མཆུའི་གཟུངས་ཀྱི་རིག་སྔགས་བརྗོད་པར་བྱའོ།། ཏདྱ་ཐཱ། བ་ག་ཙ་ནི། ཤུ་ཏི་ཤུ་མ་ལི། ག་ཤ་ཤ་ཤ་ཏ་ཏ་བཱི་ར་ཏི། ཧུ་ཡུ་ཧུ་ཡུ་རི་ཏ་སྭཱ་ཧཱ། རྒྱ་མཚོལ་བར་ལི་ཏི་གཏོར་རོ།། ཇི་ལྟར་འདོད་པ་འབབ་བོ།། ཀླུའི་གནས་སུ་ཕུར་བུ་ལ་ས་ཡ་བྱེ་བ་གྲངས་མེད་པ་བཟླས་ལ་ཀླུའི་གནས་སུ་བཏབ་ན། སེར་བ་དང་ཐོག་ཇི་ལྟར་འདོད་པ་བཞིན་དུ་འབབ་བོ། ། སརྦ་ནཱ་གཱ་ནཱ་ཨ་པ་བཱིརྱ་ཕོ་བ། ནཱ་ག་ཤར་ཤར་པོ་བ། ནཱ་ག་རཀྟ་ཕོབ། ར་ཙི་སྲི་བཛྲ་ཧཱུཾ་ཕཊ། དྲག་པོ་ཡུལ་ཁམས་ཀྱི་དགྲར་གྱུར་པ་ཟློག་པ། མེས་གཏོར་བའི་ཐོག་སྨད་ལྔ་འབེབས་པ། ལྷའི་དབང་པོ་ཐམས་ཅད་ཟིལ་གྱིས་མནན་པའི་ལྕགས་ཀྱི་མཆུའི་གཟུངས་འདིས་ལྷ་མ་ཡིན་རྨོངས་སུ་འཇུག་པ། འཁོར་རྣམ་བཞི་སྲུང་བ། ཐེག་པ་ཆེན་པོའི་ཆོས་དགྲ་སྲུང་བའོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ལྷའི་དབང་པོ་བརྒྱ་བྱིན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་ལྕགས་མཆུའི་གཟུངས་རྫོགས་སོ། ། །། རྒྱ་གར་སྐད་དུ། ཨཱརྱ་ས་དྷཱ་ཤ་ཨ་ཡ་ཨོཉྫ། བོད་སྐད་དུ། འཕགས་པ་ལྕགས་མཆུ་ནག་པོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།
CLOSE WINDOW