| Wylie | e-texts produced with ocr Programm |
། རྒྱ་གར་སྐད་དུ། ཨཱརྱ་པྲ་ཤཱན་ཏ་བི་ནི་ས་ཙ་ཡ་པྲ་ཏི་ཧརྱ་ནཱ་མ་ས་མཱ་དྷི་མརྠ་སཱ་ན་སཱུ་ཏྲ། བོད་སྐད་དུ། འཕགས་པ་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་མདོ།། བམ་པོ་དང་པོ།། །། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ། དགེ་སློང་སྟོང་ཉིས་རྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་བྱང་ཆུབ་སེམས་དཔའ་དང་ཐབས་གཅིག་ཏུ་བཞུགས་པ་ལ་འདི་ལྟ་སྟེ། བྱང་ཆུབ་སེམས་དཔའ་བའཇམ་དཔལ་གཞོན་ནུར་གྱུར་པ་དང་། སྤྱན་རས་གཟིགས་དབང་ཕྱུག་དང་། སྨན་གྱི་རྒྱལ་པོ་དང་། སྨན་ཡང་དག་བྱུང་དང་། སྨན་མངོན་བསྒྲགས་དབྱངས་རྒྱལ་པོ་དང་། ལག་ན་པདྨོ་དང་། ཉི་མའི་འོད་དང་། རྡུལ་མེད་རྣམ་པར་གནོན་དང་། ངན་སོང་སྤོང་དང་། ཡེ་གེས་བླ་མའི་ཡེ་ཤེས་ལྡན་དང་། རིན་ཆེན་བླ་མའི་ཡེ་ཤེས་ལྡན་དང་། སེམས་ཅན་གྱི་སྐད་ཡེ་ཤེས་ལྡན་དང་། མེ་ཏོག་བླ་མའི་ཡེ་ཤེས་ལྡན་དང་། ཟླ་བའི་བླ་མའི་ཡེ་ཤེས་ལྡན་དང་།། དྲི་མ་མེད་པའི་བླ་མའི་ཡེ་ཤེས་ལྡན་དང་། རྡོ་རྗེ་བླ་མའི་ཡེ་ཤེས་ལྡན་དང་། རྡུལ་མེད་བླ་མའི་ཡེ་ཤེས་ལྡན་དང་། རྣམ་པར་སྣང་བྱེད་བླ་མའི་ཡེ་ཤེས་ལྡན་དང་། སྐར་མའི་རྒྱལ་མཚན་དང་། རིན་པོ་ཆེའི་རྒྱལ་མཚན་དང་། ལྷུན་པོའི་རྒྱལ་མཚན་དང་། ཆགས་མེད་རྒྱལ་མཚན་དང་། མེ་ཏོག་རྒྱལ་མཚན་དང་། དྲི་མ་མེད་པའི་རྒྱལ་མཚན་དང་། ཉི་མའི་རྒྱལ་མཚན་དང་། མཛེས་པའི་རྒྱལ་མཚན་དང་། རྡུལ་བྲལ་རྒྱལ་མཚན་དང་། རྣམ་པར་སྣང་བྱེད་རྒྱལ་མཚན་དང་། སའི་གཟི་བརྗིད་དང་། རིན་ཆེན་གཟི་བརྗིད་དང་། བློ་གྲོས་ཆེན་པོའི་གཟི་བརྗིད་དང་། ཡེ་ཤེས་རྡོ་རྗེའི་གཟི་བརྗིད་དང་། དྲི་མ་མེད་པའི་གཟི་བརྗིད་དང་། ཉི་མའི་གཟི་བརྗིད་དང་། བསོད་ནམས་རི་བོའི་གཟི་བརྗིད་དང་།། ཡེ་ཤེས་སྣང་བའི་གཟི་བརྗིད་དང་། མཚུངས་མེད་དཔལ་གྱི་གཟི་བརྗིད་དང་། སའི་སྙིང་པོ་དང་། ནམཁའི་སྙིང་པོ་དང་། རིན་པོ་ཆེའི་སྙིང་པོ་དང་། པདྨའི་སྙིང་པོ་དང་། ཉི་མའི་སྙིང་པོ་དང་། ཡོན་ཏན་རྣམ་པར་དག་པའི་སྙིང་པོ་དང་། ཆོས་ཀྱི་ཕྱག་བརྒྱའི་སྙིང་པོ་དང་། རྣམ་པར་སྣང་བྱེད་ཀྱི་སྙིང་པོ་དང་། ལྟེ་བའི་སྙིང་པོ་དང་། པདྨའི་དཔལ་གྱི་སྙིང་པོ་དང་། ཉི་མའི་མིག་དང་། རྣམ་པར་དག་པའི་དྲི་མ་མེད་པའི་མིག་དང་། རྣམ་པར་སངས་པའི་མིག་དང་། ཆགས་པ་མེད་པའི་མིག་དང་། ཀུན་ཏུ་ལྟ་བའི་མིག་དང་། ཤིན་ཏུ་རྣོ་བའི་མིག་དང་། རྡོ་རྗེའི་མིག་དང་། རིན་པོ་ཆེའི་མིག་དང་། ནམ་མཁའི་མིག་དང་། ཀུན་ནས་མིག་དང་། ལྷའི་ཅོད་པན་དང་། ཆོས་ཀྱི་དབྱིངས་སྣང་བའི་ནོར་བུའི་ཅོད་པན་དང་། བྱང་ཆུབ་ཀྱི་སྙིང་པོའི་ཅོད་པ་ན་དང་། རྣམ་པར་སྣང་བྱེད་ཅོད་པ་ན་དང་། སངས་རྒྱས་ཐམས་ཅད་བྱུང་བའི་སྙིང་པོའི་ཅོད་པན་དང་། འཇིག་རྟེན་གྱི་ཁམས་ཐམས་ཅད་ལས་མངོན་པར་འཕགས་པའི་ཅོད་པན་དང་། དུས་ཐམས་ཅད་དུ་མངོན་པར་འཕགས་པའི་ཅོད་པན་དང་། ཀུན་ཏུ་རྣམ་པར་སྣང་བྱེད་ཅོད་པན་དང་། ཟིལ་གྱིས་མི་གནོན་པའི་ཅོད་པན་དང་། ཆོས་ཐམས་ཅད་ཀྱི་སྙིང་པོའི་དེ་བཞིན་གཤེགས་པའི་སེང་གེའི་ཁྲི་འཛིན་པའི་ཅོད་པན་དང་། ཀུན་ནས་ཆོས་ཀྱི་དབྱིངས་ན་མཁའ་སྣང་བའི་ཅོད་པན་དང་ཚངས་པའི་དབང་པོའི་གཙུག་བུད་དང་། ཀླུའི་དབང་པོའི་གཙུག་པུད་དང་། སངས་རྒྱས་འཕྲུལ་པ་ཐམས་ཅད་སྣང་བའི་གཙུག་པུད་དང་། བྱང་ཆུབ་ཀྱི་སྙིང་པོའི་གཙུག་པུད་དང་། སྨོན་ལམ་རྒྱ་མཚོ་ཐམས་ཅད་ཀྱི་དབྱངས་ནོར་བུ་རིན་ཆེན་རྒྱལ་པོའི་གཙུག་པུད་དང་། དུས་གསུམ་ཐམས་ཅད་ཀུན་ནས་དབྱངས་ཀྱི་གཙུག་པུད་དང་། དེ་བཞིན་གཤེགས་པ་ཐམས་ཅད་རྣམ་པར་འཕྲུལ་པའི་སྣང་བའི་རྒྱལ་མཚན་ནོར་བུ་རིན་པོ་ཆེ་དྲ་བས་བྲེས་པའི་གཙུག་པུད་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་འཁོར་ལོའི་དབྱངས་ཀྱི་གཙུག་པུད་དང་། དེ་བཞིན་གཤེགས་པ་ཐམས་ཅད་ཀྱི་འོད་ཀྱི་དཀྱིལ་འཁོར་རབ་ཏུ་གཏོང་པ་ནོར་བུ་རིན་པོ་ཆེ་མངོན་པར་བསྒྲགས་པའི་གཙུག་བུད་དང་། ནམ་མཁའི་དབྱིངས་ཐམས་ཅད་དབྱེར་མེད་པ་རྣམ་པར་ཤེས་པའི་ནོར་བུ་རིན་པོ་ཆེས་བརྒྱན་པའི་གཙུག་པུད་དང་། འོད་ཆེན་དང་། དྲི་མ་མེད་པའི་འོད་དང་། རིན་པོ་ཆེའི་འོད་དང་། རྡུལ་དང་བྲལ་བའི་འོད་དང་། སྣང་བའི་འོད་དང་། ཆོས་ཀྱི་འོད་དང་། ཞི་བའི་འོད་དང་། ཉི་མའི་འོད་དང་། རྣམ་པར་འཕྲུལ་པའི་འོད་དང་། ལྷའི་འོད་དང་། བསོད་ནམས་འོད་དང་། བསོད་ནམས་ཀྱི་ཏོག་དང་།། ཡེ་ཤེས་ཀྱི་ཏོག་དང་། ཆོས་ཀྱི་ཏོག་དང་། མངོན་པར་ཤེས་པའི་ཏོག་དང་། འོད་ཀྱི་ཏོག་དང་། མེ་ཏོག་གི་ཏོག་དང་། ནོར་བུའི་ཏོག་དང་། སངས་རྒྱས་ཀྱི་ཏོག་དང་། ཚངས་པའི་ཏོག་དང་། ཀུན་ནས་སྣང་བའི་ཏོག་དང་། ཚངས་པའི་དབྱངས་དང་། སའི་སྒྲ་དབྱངས་དང་།། རྒྱ་མཚོའི་དབྱངས་དང་། འཇིག་རྟེན་དབང་པོའི་དབྱངས་དང་། རི་དབང་རྒྱལ་པོ་རྡོབ་པའི་དབྱངས་དང་། ཆོས་ཀྱི་དབྱིངས་ཐམས་ཅད་རྒྱས་པར་འགེངས་པའི་དབྱངས་དང་། ཆོས་རྒྱ་མཚོ་ཐམས་ཅད་བསྒྲགས་པའི་དབྱངས་དང་། རྒྱ་མཚོའི་དཀྱིལ་འཁོར་ཐམས་ཅད་རབ་ཏུ་ཀློངས་པའི་དབྱངས་དང་། སྙིང་རྗེ་ཆེན་པོའི་ཚུལ་གྱི་འབྲུག་སྒྲ་བསྒྲགས་པའི་དབྱངས་དང་། འགྲོ་བ་སྡུག་བསྔལ་བ་ཐམས་ཅད་དབུགས་འབྱིན་པའི་དབྱངས་དང་། ཆོས་འཕགས་དང་། ཁྱད་པར་འཕགས་དང་།། ཡེ་ཤེས་འཕགས་དང་། བསོད་ནམས་རི་རབ་འཕགས་དང་། ཡོན་ཏན་བསོད་ནམས་འཕགས་དང་། གྲགས་པ་འཕགས་དང་། ཀུན་ནས་སྣང་བ་འཕགས་དང་། བྱམས་པ་ཆེན་པོ་འཕགས་དང་། ཡེ་ཤེས་འབྱུང་བ་འཕགས་དང་། དེ་བཞིན་གཤེགས་པ་རུས་རིས་འཕགས་དང་། སྣང་བའི་དཔལ་དང་། མཆོག་གི་དཔའ་དང་། ཡང་དག་འཕགས་པའི་དཔལ་དང་། རྣམ་པར་སྣང་བྱེད་དཔལ་དང་། ཟླ་བའི་དཔལ་དང་། ཚོགས་ཀྱི་དཔལ་དང་། ནམ་མཁའི་དཔལ་དང་། རིན་པོ་ཆེའི་དཔལ་དང་། ཏོག་གི་དཔལ་དང་ཡེ་ཤེས་དཔལ་དང་། ས་ལའི་དབང་པོའི་རྒྱལ་པོའི་དཔལ་དང་། འགྲོ་བའི་དབང་པོའི་རྒྱལ་པོ་དང་། ཚངས་པའི་དབང་པོའི་རྒྱལ་པོ་དང་། རིའི་དབང་པོའི་རྒྱལ་པོ་དང་། མི་གཡོ་བའི་དབང་པོའི་རྒྱལ་པོ་དང་། ། ཁྱུ་མཆོག་གི་དབང་པོའི་རྒྱལ་པོ་དང་། བློ་མཆོག་གི་དབང་པོའི་རྒྱལ་པོ་དང་། རབ་ཏུ་ཞི་བའི་ང་རོ་དང་། ཆགས་མེད་ང་རོ་དང་། ས་དབྱངས་ང་རོ་དང་།། རྒྱ་མཚོ་འབྲུག་སྒྲགས་ང་རོ་དང་། སྔོན་གྱི་སྨོན་ལམ་གྱིས་ཚུལ་བའི་ང་རོ་དང་། རྒྱ་མཚོའི་དཀྱིལ་འཁོར་སྒྲའི་ང་རོ་དང་། ཡེ་ཤེས་ལྷུན་པོའི་བློ་དང་། ནམ་མཁའི་བློ་དང་། དྲི་མ་མེད་པའི་བློ་དང་། ཆགས་པ་མེད་པའི་བློ་དང་། རྣམ་པར་སྤངས་པའི་བློ་དང་། དུས་གསུམ་སྣང་བའི་བློ་དང་། རླབས་པོ་ཆེའི་བློ་དང་། རིན་པོ་ཆེའི་བློ་དང་། ཡངས་པའི་བློ་དང་། ཀུན་ཏུ་ལྟ་བའི་བློ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི། དབྱིངས་ཀྱི་ཚུལ་སྣང་བའི་བློ་དང་། དེ་དག་ལ་སོགས་པ་སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་ཀྱང་ཕྱིར་མི་ལྡོག་པ་ནམ་མཁའི་དབྱིངས་ལྟར་ཚད་མེད་པའི་ཆོས་དང་ལྡན་པ། ཆོས་ཀྱི་དབྱིངས་སྒྲིབ་པ་མེད་པ་མཉམ་པར་གནས་པ་དང་ལྡན་པ།། ཡང་དག་པའི་མཐའ་དང་ཆོས་ཀྱི་དབྱིངས་མཉམ་པ་ཉིད་དང་ལྡན་པ། ལས་ལས་ཀུན་ཏུ་འབྱུང་བའི་རྣམ་པར་སྨིན་པ་ཇི་ལྟ་བ་བཞིན་དུ་མོས་པ། རྒྱུ་ལས་ཀུན་ཏུ་འབྱུང་བའི་འབྲས་བུ་ཇི་ལྟ་བ་བཞིན་དུ་མོས་པ། རྒྱའི་འབྲུར་འབྱུང་བ་ལྟ་བུའི་ཆོས་ཐམས་ཅད་མཉམ་པ་ཉིད་དུ་ཤེས་པ་དང་ལྡན་པ། ། མིག་ཡོར་དང་གཟུག་བརྟན་ལྟར་སྣང་བའི་ཆོས་མཉམ་པ་ཉིད་དང་ལྡན་པ། སྒྲ་སྐད་རྣམ་པར་རིག་པ་བྲག་ཆ་དང་མཚུངས་པའི་ཆོས་ཐམས་ཅད་དང་ལྡན་པ་ཤ་སྟག་གོ།། ཐམས་ཅད་ཀྱང་རྣམ་པར་ཐར་པ་བསམ་གྱིས་མི་ཁྱབ་པའི་ཏིང་ངེ་འཛིན་ཐོབ་པ། ། དཔའ་བར་འགྲོ་བའི་ཏིང་ངེ་འཛིན་ཐོབ་པ། སངས་རྒྱས་ཀྱི་སྐུའི་ཁ་དོག་མཐའ་ཡས་པ། ཡོངས་སུ་གྲུབ་པ་སྒྲུབ་པའི་གཟུངས་ལ་རབ་ཏུ་གནས་པ། སྒྲ་ཙམ་གྱི་ཁྱོན་ཅིག་ལ་སངས་རྒྱས་ཀྱི་ཞིང་ཐམས་ཅད་ཀུན་ཏུ་སྟོན་པ་ལ་མཁས་པ། སྒྲ་ཙམ་གྱི་ཁྱོན་ཅིག་ལ་འཆི་འཕོ་དང་། སྐྱེ་བ་དང་། ཚེ་དང་མངོན་པར་འབྱུང་བ་དང་དཀའ་བ་སྤྱོད་པ་སྟོན་པ་དང་། བྱང་ཆུབ་ཀྱི་སྙིང་པོར་འགྲོ་བ་དང་། མངོན་པར་རྫོགས་པར་བྱང་ཆུབ་པ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དང་། ཡོངས་སུ་མྱ་ངན་ལས། འདས་པ་ཆེན་པོ་ཀུན་ཏུ་སྟོན་པ།། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་སྐྱིལ་མོ་ཀྲུང་གཅིག་གིས་རྒྱས་པར་འགེངས་པའི་ཡེ་ཤེས་དང་ལྡན་པ།། ཞིང་ཐམས་ཅད་ཀྱི་རྒྱན་ཞིང་གཅིག་ཏུ་ཀུན་ཏུ་སྟོན་པའི་ཡེ་ཤེས་དང་ལྡན་པ། ཞིང་གཅིག་གི་རྒྱན་བཀོད་པ་ཞིང་ཐམས་ཅད་དུ་སྟོན་པ་དང་ལྡན་པ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་དེ་བཞིན་གཤེགས་པ་ཐམས་ཅད་ཀྱི་འ། དེ་བཞིན་གཤེགས་པ་གཅིག་གི་འཁོར་དུ་སྟོན་པ།། དེ་བཞིན་གཤེགས་པ་གཅིག་གི་འཁོར། དེ་བཞིན་གཤེགས་པ་ཐམས་ཅད་ཀྱི་འཁོར་དུ་སྟོན་པ།། ཆོས་ཐམས་ཅད་མཐའ་དང་དཔུང་མེད་པར་སྟོན་པ་ལ་མཁས་པ། ཆོས་ཐམས་ཅད་མཐའ་ཡས་པའི་མཐར་གྱུར་པ།། མཐའ་དང་དཔུང་མེད་པ་སྒྱུ་མའི་དྲ་བ་ལྟ་བུར་རབ་ཏུ་སྟོན་པ། བསྐལ་པ་མཐའ་ཡས་མུ་མེད་པར་སེམས་ཅན་ཐམས་ཅད་ཐ་དད་པ་མེད་པར་ཀུན་ཏུ་སྟོན་པ། ། སེམས་ཅན་ཐམས་ཅད་ཀྱི་ལུས་རང་གི་ལུས་སུ་བྱིན་གྱིས་རློབ་པའི་མོས་པའི་འཇུག་པ་ལ་མཁས་པ། སངས་རྒྱས་ཐམས་ཅད་ཀྱི་སྐུ། སྐུ་གཅིག་ཏུ་མོས་པ་འཇུག་པ་ལ་མཁས་པ། སངས་རྒྱས་གཅིག་གི་སྐུ་སངས་རྒྱས་མ་ལུས་པ་ཐམས་ཅད་ཀྱི་སྐུར་འཇུག་པར་སེམས་ཅན་གཞན་ལ་ཀུན་ཏུ་སྟོན་པར་མཁས་པ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རང་གི་ལུས་ཀུན་ཏུ་སྟོན་པ་ལ་མཁས་པ། དུས་གསུམ་ཐམས་ཅད་ཆོས་ཀྱི་སྐུ་གཅིག་གིས་ཁྱབ་པར་སེམས་ཅན་ལ་ཀུན་ཏུ་སྟོན་པ། ལུས་གཅིག་གི་ཏིང་ངེ་འཛིན་ལ་སྙོམས་པར་ཞུགས་ལ་ལུས་མཐའ་ཡས་པ་ལས་ལྡང་བར་སེམས་ཅན་ལ་ཀུན་ཏུ་སྟོན་པ། ལུས་གཅིག་གིས་མངོན་པར་རྫོགས་པར་བྱང་ཆུབ་ལ་སེམས་ཅན་ཐམས་ཅད་སྙེད་ཀྱི་ལུས་ཀུན་ཏུ་སྟོན་པ། སེམས་ཅན་ཐམས་ཅད་ཀྱི་ལུས་སེམས་ཅན་གཅིག་གི་ལུས་སུ་ཀུན་ཏུ་སྟོན་པ། སེམས་ཅན་གཅིག་གི་ལུས་སེམས་ཅན་ཐམས་ཅད་ཀྱི་ལུས་སུ་ཀུན་ཏུ་སྟོན་པ། སེམས་ཅན་གྱི་ལུས་ཆོས་ཀྱི་སྐུར་ཀུན་ཏུ་སྟོན་པ། ཆོས་ཀྱི་སྐུ་སེམས་ཅན་གྱི་ལུས་སུ་སྟོན་པ། བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་རང་གི་སྨོན་ལམ་དུ་བྱིན་གྱིས་རློབ་པ་ལ་མཁས་པ། བྱང་ཆུབ་སེམས་དཔའ་རྣམས་ལ་སངས་རྒྱས་ཐམས་ཅད་མངོན་པར་རྫོགས་པར་བྱང་ཆུབ་པ་དང་། སྨོན་ལམ་དང་། སྟོབས་དང་། མངོན་པར་རྫོགས་པར་འཚང་རྒྱ་བ་ཀུན་ཏུ་སྟོན་པ། ཡོངས་སུ་སྨིན་པའི་སེམས་ཅན་ལ་དུལ་བ་ཇི་ལྟ་བ་བཞིན་དུ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀུན་ཏུ་སྟོན་པ།། བསྐལ་པ་གྲངས་མེད་པ་ཐམས་ཅད་དུ་སྨོན་ལམ་གྱི་རྒྱུན་མི་འཆད་པ།། རྣམ་པར་ཤེས་པའི་ལུས་ལས་བསྐྱོད་ནས། ཡེ་ཤེས་ཀྱི་སྐུ་ལ་འཇོག་པར་དབང་བྱེད་པར་སེམས་ཅན་གྱི་ཚོགས་ཐམས་ཅད་ལ་ཀུན་ཏུ་སྟོན་པ། རང་གི་ལུས་ཀྱི་རྒྱུན་བཅད་ནས་སེམས་ཅན་གྱི་ཚོགས་གཞན་གྱི་སྨོན་ལམ་ཡོངས་སུ་རྫོགས་པར་བྱེད་པར་ཀུན་ཏུ་སྟོན་པ། ། སེམས་ཅན་ཐམས་ཅད་ཡོངས་སུ་སྨིན་པར་བྱེད་པའི་སྨོན་ལམ་ལ་འཇུག་པ། འཇིག་རྟེན་གྱི་ཁམས་གཅིག་ན་བསྐུལ་པ་བགྲངས་པ་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་རྒྱུན་མི་བཅོད་པ་མངོན་པར་རྫོགས་པར་བྱང་ཆུབ་པར་སྨོན་ལམ་བཏབ་པའི་སྟོབས་ཀྱིས་སྒྱུ་ཙམ་གྱི་ཁྱོན་ཅིག་ལ། སངས་རྒྱས་ཀྱི་ཞིང་ཐམས་ཅད་རྒྱས་པར་འགེད་པའི་འཇིག་རྟེན་གྱི་ཁམས་བརྗོད་དུ་མེད་པ་ཀུན་ཏུ་སྟོན་པ། འཇིག་རྟེན་གྱི་ཁམས་གཅིག་ཏུ་ལུས་དུ་མ་ཀུན་ཏུ་སྟོན་པ། ཆོས་ཀྱི་ཚིག་གཅིག་བརྗོད་པས་ཆོས་ཀྱི་དབྱིངས་མ་ལུས་པར་རྒྱས་པར་འགེངས་པའི་ཆོས་ཀྱི་སྤྲིན་ཆེན་བོཔོ་ལས་བྱུང་བའི་བདུད་རྩིའི་ཁུ་བའི་ཆར་པ་འབེབས་ལ། རིག་པ་དང་རྣམ་པར་གྲོལ་བའི་གློག་བྱུང་ཞིང་ཡང་དག་པ་དེ་ཁོ་ནའི་འབྲུག་བསྒྲགས་པས་སེམས་ཅན་གྱི་ཁམས་ཐམས་ཅད་ཚིམ་པར་བྱེད་ཅིང་སྨོན་ལམ་ཆེན་པོ་ཡོངས་སུ་རྫོགས་པར་བྱེད་པ་ཀུན་ཏུ་སྟོན་པ། བསམ་གཏན་དང་། རྣམ་པར་ཐར་པ་དང་། མངོན་པར་ཤེས་པ་དང་། རིག་པ་དང་ཡེ་ཤེས་ལ་འཇུག་པའི་སྤྱོད་ཡུལ་བ། སེམས་བསྐྱེད་པ་གཅིག་གིས་ཕྱོགས་བཅུའི་འཇིག་རྟེན་གྱི་ཁམས་རབ་འབྱམས་ཐམས་ཅད་དུ་འགྲོ་བའི་སྐྱེ་བ་ཐམས་ཅད་སྐྱེས་པའི་སེམས་ཅན་ཐམས་ཅད་ཀྱི་ལུས་ཀུན་ཏུ་སྟོན་པ། རང་གི་སེམས་ཤེས་པ་དང་། གཞན་གྱི་སེམས་ཤེས་པ་ཆགས་པ་མེད་པས། སེམས་ཅན་གཅིག་དང་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་དང་གཡོ་བ་ཤེས་པ་ལ་མཁས་པ། དེ་བཞིན་གཤེགས་པའི་སྟོབས་བཅུ་ལ་སྐད་ཅིག་གཅིག་གིས་འཇུག་པའི་ཡེ་ཤེས་ལ་མཁས་པ། དུས་གསུམ་དུ་གཏོག་པ་ཐམས་ཅད་ཀྱི་གྲངས་ལ་ཆགས་པ་མེད་པའི་ཡེ་ཤེས་འཇུག་པ། སེམས་ཅན་གཞན་གྱི་རྒྱུད་ལ་ཡང་དག་པར། ཐོབ་པར་བྱེད་པའི་ཡེ་ཤེས་ལ་མཁས་པ། སེམས་ཀྱི་སྐད་ཅིག་སེམས་ཀྱི་སྐད་ཅིག་ལ། ཕྱོགས་བཅུའི་འཇིག་རྟེན་གྱི་ཁམས་རབ་འབྱམ་ཐམས་ཅད་དུ་སེམས་ཅན་ལ་མངོན་པར་རྫོགས་པར་བྱང་ཆུབ་པ་ཀུན་ཏུ་སྟོན་པ་ལ་མཁས་པ། སེམས་ཅན་གཅིག་གི་འདུ་ཤེས་ཀྱིས་སེམས་ཅན་མ་ལུས་པ་ཐམས་ཅད་ཀྱི་ལས་ཀྱི་བྱ་བ་ལ་མངོན་སུམ་དུ་འཇུག་པའི་ཡེ་ཤེས་ལ་མཁས་པ། སེམས་ཅན་གཅིག་གི། སྒྲ་སྐད་ཀྱིས།། སེམས་ཅན་ཐམས་ཅད་ཀྱི་སྐད་ལ་འཇུག་པར་སྟོན་པའི་ཡེ་ཤེས་ལ་མཁས་པ། ལུས་གཅིག་ལ་དམིགས་ལ། སེམས་ཅན་ཐམས་ཅད་ཀྱི་ལུས་ལ་དམིགས་པར་ཀུན་ཏུ་སྟོན་པ་ལ་མཁས་པ། དེ་བཞིན་གཤེགས་པ་གཅིག་གི་འཁོར་གྱི་དཀྱིལ་འཁོར་དུ་འཇུག་ལ། དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་ན་ཆོས་སྟོན་པ་ཀུན་ཏུ་འཛིན་པ་ལ་མཁས་པ་ཤ་སྟག་གོ། ཐམས་ཅད་ཀྱང་གཟུངས་ཐམས་ཅད་ཐོབ་པ། ཤིན་ཏུ་རྣམ་པར་ངེས་པའི་སྤོབས་པ་སྟོན་ཅིང་། སེམས་ཅན་གྱི་ཁམས་ཐམས་ཅད་ཀྱི་དབང་པོ་འཛིན་པར་འཇུག་པ་ལ་མཁས་པ། སེམས་ཅན་གཅིག་གི་སེམས་ལ་དམིགས་པས་བརྗོད་དུ་མེད་པའི་རྒྱུད་དུ། བྱང་ཆུབ་རྣམ་པར་འཚང་རྒྱ་ཞིང་སེམས་ཅན་ཐམས་ཅད་ཀྱི་སེམས་ལ་འཇུག་པའི་ཡེ་ཤེས་ལ་མཁས་པ།། སྐད་ཅིག་གིས་འཇིག་རྟེན་གྱི་ཁམས་ཐམས་ཅད་དུ་གོ་བར་བྱེད་ཅིང་། ། སེམས་ཅན་ཐམས་ཅད་ཀྱི་བསམ་པའི་རིམ་པ་ཤེས་ལ། སེམས་ཅན་གཞན་གྱི་རྒྱུད་ལ་ཡང་དག་པར་ཐོག་པར་བྱེད་པའི་ཡེ་ཤེས་ལ། མཁས་པ། སྔོན་གྱི་མཐའི་མུའི་བསྐལ་པ་མཐའ་ཡས་པའི་འགྲོ་བ་ཐམས་ཅད་ཀྱི་སེམས་བསམ་གྱི་མི་ཁྱབ་པ་རྗེས་སུ་དྲན་པ་ལ་འཇུག་པ་ལས་དང་བྱ་བ་དང་འབྲས་བུ་རྣམ་པར་སྨིན་པ་ཇི་ལྟ་བ་བཞིན་དུ་མངོན་སུམ་དུ་སེམས་ཅན་ལ་སྟོན་ཅིང་། སེམས་ཅན་ལ་ཤེས་པར་བྱེད་པ་ལ་མཁས་པ། འཇིག་རྟེན་གྱི་ཁམས་ཐམས་ཅད་བརྒྱན་པ་ལ་མཁས་པ། འཇིག་རྟེན་གྱི་ཁམས་ཐམས་ཅད་ཀུན་ཏུ་འཇུག་པ་ལ་མཁས་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་སྨོན་ལམ་དང་། བདག་གི་སྤྱོད་པ་དང་། སྨོན་ལམ་ཡང་དག་པར་བསྐྱེད་ཅིང་། ཆོས་ཀྱི་སྣང་བ་རབ་ཏུ་གཏོང་བ་ལ་མཁས་པ། རྡུལ་ཕྲ་རབ་ཀྱི་རྡུལ་གཅིག་ལ་བསྐལ་པ་དང་། འཇིག་རྟེན་གྱི་ཁམས་བརྗོད་དུ་མེད་པ་ལ་འཇུག་པ་ལ་མཁས་པ།། རྡུལ་ཕྲ་རབ་ཀྱི་རྡུལ་གཅིག་ལ་འཇིག་རྟེན་གྱི་ཁམས་ཐམས་ཅད་ཀྱི་ཚད་ཙམ་གྱིས་སངས་རྒྱས་ཀྱི་ཞིང་གཅིག་ཀུན་ཏུ་སྟོན་པ་ལ་མཁས་པ། མཚོ་ཆེན་པོ་རྒྱ་མཚོའི་ཆུའི་ཕུང་པོ་ཐམས་ཅད་སྤུའི་ཁུང་བུ་གཅིག་ཏུ་བཅུག་སྟེ། ཆོས་ཀྱི་དབྱིངས་ཀྱི་ཚད་ཙམ་གྱི་འཇིག་རྟེན་གྱི་ཁམས་ཐམས་ཅད་དུ་འགྲོ་ཡང་སེམས་ཅན་རྣམས་ལ་གནོད་པ་མེད་པ་ལ་མཁས་པ། འཇིག་རྟེན་གྱི་ཁམས་བརྗོད་དུ་མེད་པ་རང་གི་ལུས་སུ་འཇུག་ཅིང་། སེམས་ཅན་གྱི་བྱ་བ་ཐམས་ཅད་ཀུན་ཏུ་སྟོན་པ་ལ་མཁས་པ་ཁོར་ཡུག་དང་། ཁོར་ཡུག་ཆེན་པོ་དང་། རི་ཆེན་པོ་གཞན་གྲངས་མེད་ཅིང་བསམ་གྱིས་མི་ཁྱབ་ལ་མཚུངས་པ་མེད་ཅིང་གཞལ་དུ་མེད་དེ། ཚད་མེད་པ་ལ་བརྗོད་ཏུ་མེད་པའི་ཡང་བརྗོད་དུ་མེད་པ་དག་སྤུའི་ཁུང་བུ་གཅིག་ཏུ་བཅུག་སྟེ། ཆོས་ཀྱི་དབྱིངས་ཀྱི་ཚད་ཙམ་གྱིས་འཇིག་རྟེན་གྱི་ཁམས་ཐམས་ཅད་དུ་འགྲོ་ཡང་སེམས་ཅན་རྣམས་སྐྲག་པར་མི་འགྱུར་བ་ལ་མཁས་པ། བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པ་བསྐལ་པ་གཅིག་ཏུ་བྱིན་གྱིས་རློབ་ཅིང་། བསྐལ་པ་གཅིག་ཀྱང་འཇིག་པ་དང་འཆག་པའི་བསྐལ་པ་བརྗོད་དུ་མེད་པའི་ཡང་བརྗོད་དུ་མེད་པར་ཀུན་ཏུ་སྟོན་པ་ལ་མཁས་པ། འདུལ་བ་ཇི་ལྟ་བ་བཞིན་དུ་སེམས་ཅན་ཐམས་ཅད་ལ་འཇིག་རྟེན་གྱི་ཁམས་ཐམས་ཅད་ཆུས་འཇིག་པ་དང་མེས་འཇིག་པ་དང་། རླུང་གིས་འཇིག་པར་ཀུན་ཏུ་སྟོན་པ་ལ་མཁས་པ། འཇིག་རྟེན་གྱི་ཁམས་གྲངས་མེད་བསམ་གྱིས་མི་ཁྱབ་པ་རྐང་པའི་མཐེ་བོས་མནན་ཀྱང་། སེམས་ཅན་ལ་གནོད་པ་མེད་པར་མཁས་པ་ཤ་སྟག་གོ།། ཐམས་ཅད་ཀྱང་ཆོས་ཀྱི་སྤྲིན་གྱིས་ཐོབ་པ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་རྣམས་ལ་འདུལ་བ་ཇི་ལྟ་བ་བཞིན་དུ་འཚེ་བ་དང་བཅས་པ་དང་། གནོད་པ་དང་བཅས་པ་དང་། མུ་གེགི་མྱ་ངན་ཆེན་པོ་བྱིན་གྱིས་རློབ་པ་ཀུན་ཏུ་སྟོན་པ་ལ་མཁས་པ། སེམས་ཅན་གཞན་ལ་རྣམ་པར་འཚེ་བ་མེད་པ། མངོན་པར་ཤེས་པ་སངས་རྒྱས་མི་བཞུགས་པའི་འཇིག་རྟེན་གྱི་ཁམས་སུ་སངས་རྒྱས་འབྱུང་བར་ཀུན་ཏུ་སྟོན་པ་ཤ་སྟག་སྟེ། བཟང་བསྐྱོང་ལ་སོགས་པ་བྱང་ཆུབ་སེམས་དཔའ་ལྔ་བརྒྱ་ཐམས་ཅད་ཀྱང་ཕྱིར་མི་ལྡོག་པ་ཤ་སྟག་གོ།། ཡང་དེའི་ཚྭ་ཡངས་པ་ཅན་གྱི་གྲོང་ཁྱེར་ཆེན་པོ་ནས། ལི་ཙ་བྱཾ་གཞོན་ནུ་དཀོན་མཆོག་འབྱུང་གནས་ཞེས་བྱ་བ། ལྀ་ཙ་བྱི་གཞོན་ནུ་ཉི་ཁྲི་ཆིག་སྟོང་གིས་ཡོངས་སུ་བསྐོར་ཏེ། མདུན་དུ་བདར་ནུས་ལྡན་ཅིག་ཏུ་བྱ་རྒོད་ཕུང་པོའི་རིག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། གཡས་ཕྱོགས་ལོགས་སུ་འདུག་ནས། ཐམས་ཅད་ཀྱང་མིག་མི་འཛུམ་པར་བཅོམ་ལྡན་འདས་ལ་ལྟ་ཞིང་འཁོད་པར་གྱུར་ཏོ། ། ག་ཡའི་གློང་ཁྱེར་ཆེན་པོ་ནས་ཁྱིམ་བདག་སྔོ་བསངསནྡན་ཞེས་བྱ་བ་དགེ་བསྙེན་ལྔ་བརྒྱས་ཡོངས་སུ་བསྐོར་ཏེ་མདུན་དུ་བདར་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། མིག་མི་འཛུམས་པར་བཅོམ་ལྡན་འདས་ལ་ལྟ་ཞིང་ཕྱོགས་གཅིག་ཏུ་འདུག་གོ།། ཁྱིམ་བདག་བཟང་སྐྱོང་ཡང་ཁྱིམ་བདག་ལྔ་སྟོང་གིས་ཡོངས་སུ་བསྐོར་ཏེ། མདུན་དུ་བདར་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱུག་འཚལ་ཏེ་ཕྱོགས་གཅིག་ཏུ་འདུག་ནས་ཐམས་ཅད་ཀྱང་མིག་མི་འཛུམས་པར་བཅོམ་ལྡན་འདས་ལ་ལྟ་ཞིང་འཁོད་པར་གྱུར་ཏོ། ། ཁྱིམ་བདག་ལེགས་སྦྱིན་ཡང་ཁྱིམ་བདག་ལྔ་སྟོང་གིས་ཡོངས་སུ་བསྐོར་ནས། བཅོམ་ལྡན་འདས་ཀ་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། ཐམས་ཅད་མིག་མི་འཛུམས་པར་བཅོམ་ལྡན་འདས་ལ་ལྟ་ཞིང་འཁོད་པར་གྱུར་ཏོ། ། ཁྱིམ་བདག་དེད་དཔོན་བཟང་པོ་ཡང་གཡོག་མང་པོ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་མིག་མི་འཛུམ་པར་ལྟ་ཞིང་འདུག་གོ།། ཙམ་པའི་གྲོང་ཁྱེར་ཆེན་པོ་ནས་ཀྱང་ཚོང་དཔོན་གྱི་བུ་ལག་བཟངས་ཚོང་དཔོན་གྱི་བུ་བརྒྱད་ཁྲི་བཞི་སྟོང་གིས་ཡོངས་སུ་བསྐོར་ཏེ། མདུན་དུ་བདར་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་མིག་མི་འཛུམ་པར་ལྟ་ཞིང་འདུག་གོ།། བྲམ་ཟེའི་ཁྱེའུ་མིས་བྱིན་ཡང་བྲམ་ཟེའི་ཁྱེའུ་ལྔ་བརྒྱས་ཡོངས་སུ་བསྐོར་ཏེ། མདུན་དུ་བདར་ནས། བཅོམ་ལྡན་འདས་གལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། ཐམས་ཅད་ཀྱང་བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་འཁོད་པར་གྱུར་ཏོ། ། བྲམ་ཟེའི་ཁྱེའུ་དགའ་བའི་ཟླ་བ་ཡང་གཡོག་བྲམ་ཟེའི་ཁྱེའུ་ལྔ་བརྒྱ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱུག་འཚལ་ཏེ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་འདུག་གོ།། ལུས་འདུགས་མོའི་བུ་ཡུལ་མ་ག་དྷཱའི་རྒྱལ་པོ་མ་སྐྱེས་དགྲ། ཡང་སྲོགས་ཆགས་ལྔ་སྟོང་གིས་ཡོངས་སུ་བསྐོར་ཏེ། མདུན་དུ་བདར་ནས། གླང་པོའི་དབང་པོ་ནོར་སྐྱོང་ལ་ཞོན་ཏེ། བཅོམ་ལྡན་འདས་ག་ལ་བ་དེར་སོང་ནས། དེ་གཞོན་དུ་རུང་བའི་ས་ཇི་ཙམ་པ་དེ་ཙམ་དུ་ནོར་སྐྱོང་ལ་ཞོན་ཏེ། ཁང་བུ་བརྩེགས་མར་སོང་ནས་བཞོན་པ་ལས་བབས་ཏེ། རྐང་གིས་བྱ་རྒོད་ཀྱི་ཕུང་པོའི་རི་ལ་འཛེགས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། སྲོག་ཆགས་ལྔ་སྟོང་དང་ལྷན་ཅིག་ཏུ་ཕྱོགས་ཅིག་ཏུ་འདུག་ནས། བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་འདུག་གོ།། གྲོང་ཁྱེར་ཆེན་པོ་ཝཱ་ར་ཎཱ་ས་ནཱས་ཚོང་དཔོན་གྱི་བུ་ཡུལ་འཁོར་བཟང་པོ་ཞེས་བྱ་བ་ཡང་ཚོང་དཔོན་གྱི་བུ་ལྔ་རྒྱུས་ཡོངས་སུ་བསྐོར་ཏེ། ། མདུན་དུ་བདར་ནས། བཅོམ་ལྡན་འདས་ག་ལ་བ་དར་སོང་སྟེ་ཕྱིན་པ་དང་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་འདུག་གོ།། ལྷའི་དབང་པོ་བརྒྱ་བྱིན་དང་། མི་མཇེད་ཀྱི་བདག་པོ་ཚངས་པ་དང་འཇིག་རྟེན་སྐྱོང་བ་བཞི་དང་། ལྔའི་བུ་དབང་ཕྱུག་ཆེན་པོ་དང་། ཞྭའི་བུ་ཟླ་བ་དང་། ལྷའི་བུ་ཤིན་ཏུ་རྣམ་པར་གནོན་སེམས་དང་། ལྷའི་བུ་མཚན་བཟངས་དང་། ལྷའི་བུ་གཞན་ཡང་ས་ཀྱི་མི་ཐུངས་རྒྱས་པ་མེད་པཐམ་དུམ་། ། དངག་། རྒྱང་མ་པ་སྨྲ་ལ་སད་ས་སོས་དྷའི་ག་ས་ཐིག་ལག་རྦྷ་སྟོང་དང་། ཅོས་རྒྱུན་འདས་པ་ལཱ་བ་དྷཱ་ས་། ནས། ལྷའི་བུ་རེ་རེས་ཀྱང་བཅོམ་ལྡན་འདས་ལ་ཚུལ་དང་འཐུན་པའི་མཆོད་པ་བསམ་གྱིས་མི་ཁྱབ་པ་བྱས་ཏེ། ཕྱོགས་གཅིག་ཏུ་འདུག་ནས། ཐམས་ཅད་ཀྱང་བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་འཁོད་པར་གྱུར་ཏོ། ། ཡང་དེའི་ཚེ་བཅོམ་ལྡན་འདས་སྤུའི་ཁུང་བུ་རེ་རེ་དང་། དཔེ་བྱད་བཟང་པོ་དང་། མཚན་རེ་རེ་ནས་ཀྱང་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་འོད་བྱུང་སྟེ། འོད་གཟེར་དེ་རེ་རེས་ཀྱང་ཕྱོགས་བཅུའི་ཕྱོགས་རེ་རེང་སངས་རྒྱས་ཀྱི་ཞིང་བྱེ་བ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་སྣང་བ་ཆེན་པོས་ཁྱབ་པར་བྱས་སོ།། འཇིག་རྟེན་གྱི་ཁམས་རེ་རེ་ནས་ཀྱང་བྱང་ཆུབ་སེམས་དཔའ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་པ་འོངས་ཏེ། བྱང་ཆུབ་སེམས་དཔའ་རེ་རེ་ཡང་རིན་པོ་ཆེའི་ཁང་པ་བརྩེགས་པ་ཆེན་པོ་ནང་རྒྱར་དཔག་ཚད་བྱེ་བ་བརྒྱ་སྟོང་ཡོད་པ་རིན་པོ་ཆེའི་ཁ་ཁྱེར་གྱིས་བསྐོར་བའི་ནོར་བུ་དང་། མུ་ཏིག་དང་། རིན་པོ་ཆེའི་ལྡ་ལྡིས་མཛེས་པར་བྱས་པ། རྒྱལ་མཚན་དང་། བ་དན་སྒྲེང་བའི་ནང་ན་གནས་ཤིང་། ལྷའི་བུ་མོ་བྱེ་བ་ཁྲག་ཁྲིག་བརྒྱ་སྟོང་གྲངས་མེད་བསམ་གྱིས་མི་ཁྱབ་པས་ཡོངས་སུ་བསྐོར་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། ལྷའི་མེ་ཏོག་གི་སྤྲིན་དང་། རིན་པོ་ཆེའི་སྤྲིན་དང་། ན་བཟའི་སྤྲིན་དང་། ཙན་དན་སྦྲུལ་གྱི་སྙིང་པོ་དང་། ཨ་ག་རུ་དང་། སྤོས་ཀྱི་སྤྲིན་དང་། ལྷའི་རོལ་མོ་དང་། ཕེག་རྡོབ་པ་དང་། ཀླུའི་སྤྲིན་འཇིག་རྟེན་གྱི་ཁམས་ཀྱི་ཚད་ཙམ་གཏོར་ནས་ཕྱོགས་གཅིག་ཏུ་འཁོད་དེ། བཅོམ་ལྡན་འདས་ལ་མིག་མི་འཛུམས་པར་ལྟ་ཞིང་འཁོད་པར་གྱུར་ཏོ།། ཡང་དེའི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཐ་ན་སྐྲའི་རྩེ་མོའི་ཆ་ཤས་ཀྱི་ཕྱོགས་ཙམ་ཡང་ལྷ་དང་། ཀླུ་དང་གནོད་སྦྱིན་དང་། ། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་།། ལྟོ་འཕྱེ་ཆེན་པོ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། མི་དང་མི་མ་ཡིན་པ་དང་།། བྱང་ཆུབ་སེམས་དཔའ་རྒྱ་ཆེ་བ་རྒྱ་ཆེ་བ་དག་གིས་མ་ཁེབས་པར་གྱུར་པ་མེད་དོ།། ཡང་དེའི་ཚེ་བྱང་ཆུབ་སེམས་དཔའ་བཟང་སྐྱོང་ཞེས་བྱ་བ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས།། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱི་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ།། བཟང་སྐྱོང་ཁྱོད་ཅི་དང་ཅི་འདོད་པ་དྲིས་ཤིག་དང་། ངས་དྲིས་པ་དེ་དང་དེའི་ལུང་བསྟན་པས་ཁྱོད་ཀྱི་སེམས་རངས་པར་བྱའོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་བྱང་ཆུབ་སེམས་དཔའ་བཟང་སྐྱོང་གིས་འདི་སྐད་ཅེས་གསོལ་ཏོ།། བཅོམ་ལྡན་འདས་གནས་གང་དང་། སྤྱོད་པ་ཇི་ལྟ་བུ་དང་། ཚུལ་ཇི་ལྟ་བུ་དང་། ཁྱད་པར་ཇི་ལྟ་བུ་དང་། དགེ་བའི་རྩ་བ་ཇི་ལྟ་བུ་དང་། བརྩོན་འགྲུས་ཇི་ལྟ་བུ་དང་། རབ་ཏུ་ཞི་བ་ཇི་ལྟ་བུ་དང་། ཡེ་ཤེས་ལ་མཁས་པ་ཇི་ལྟ་བུ་དང་། དྲན་པ་ཇི་ལྟ་བུ་དང་།། རྟོགས་པ་ཇི་ལྟ་བུ་དང་། བློ་གྲོས་ཇི་ལྟ་བུ་དང་། ཁྲེལ་མཆིས་པ་ཇི་ལྟ་བུ་དང་། མོས་པ་ཇི་ལྟ་བུ་དང་། གོ་ཆ་ཇི་ལྟ་བུས་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་མི་ཉམས་ཤིང་ཡོངས་སུ་མི་ཉམས་པ་ལགས། ཇི་ལྟར་ན་དེ་བཞིན་གཤེགས་པའི་སྤྱོད་པས་བྱུང་བ་ལགས། ཇི་ལྟར་ན་དེ་བཞིན་གཤེགས་པའི་ཡེ་ཤེས་ལ་བརྩོན་འགྲུས་སྦྱངས་པ་ལགས། ཇི་ལྟར་ན་ཤེས་རབ་ཆེ་བ་ལགས།། ཇི་ལྟར་ན་ཡེ་ཤེས་ཆེན་པོ་ལ་མཁས་པ་ལགས།། ཇི་ལྟར་ན་ཚུལ་ཁྲིམས་རྣམ་པར་དག་པ་ལགས། ཇི་ལྟར་ན་ཇི་ལྟར་ཐོས་པའི་ཆོས་རྣམས་མི་བསྐྱོད་པས་དྲན་པ་དང་ལྡན་པ་ལགས།། ཇི་ལྟར་ན་དགེ་བའི་རྩ་བ་ཇི་ལྟར་བགྱིས་པ་བཞིན་དུ་སྐྱེས་པས་ཚེ་རབ་དྲན་པ་ལགས། ཇི་ལྟར་ན་སེམས་ཅན་གཞན་ལ་བསྐུལ་བས་སྔོན་གྱི་གནས་པ་ལ་མཁས་པ་ལགས། ཇི་ལྟར་ན་དབང་པོའི་ཁྱད་པར་ལ་མཁས་པས་བློ་དང་ལྡན་པ་ལགས། ཇི་ལྟར་ན་མཚན་དང་ལྡན་པ་ལགས། ཇི་ལྟར་ན་སངས་རྒྱས་ལ་ལྟ་བ་དང་། ཆོས་ལ་ཉན་པ་དང་། དགེ་འདུན་ལ་བསྙེན་བཀུར་བགྱིད་པ་དང་མི་འབྲལ་བ་ལགས། ཇི་ལྟར་ན་འཇིག་རྟེན་གྱི་ཁམས་གཞན་ན་བཞུགས་པའི་སངས་རྒྱས་བཅོམ་ལྡན་འདས་རྣམས་མཐོང་ཞིང་། ། འཇིག་རྟེན་གྱི་ཁམས་མཐའ་ཡས་མུ་མ་མཆིས་པར་དེ་དག་གི་ཆོས་ཀྱང་ཐོས་ལ། ཐམས་ཅད་ཀྱང་ཀུན་ཏུ་འཛིན་ཀུན་ཆུབ་པར་བགྱིད། གཞན་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་ལགས། ཇི་ལྟར་ན་མི་དགེ་བའི་རྩ་བ་ཐམས་ཅད་སྲེག་པས་མེ་ལྕེ་ལྟ་བུ་ལགས། ཇི་ལྟར་ན་ཆོས་དཀར་པོ་ཐམས་ཅད་ཁོང་དུ་ཆུད་པས་ཟླ་བ་ལྟ་བུ་ལགས་ཇི་ལྟར་ན་མ་རིག་པའི་མུན་པ་ཐམས་ཅད་སེལ་བས་ཉི་མ་ལྟ་བུ་ལགས། ཇི་ལྟར་ན་དགེ་བའི་རྩ་བ་ཐམས་ཅད་ཀྱིས་འཕགས་པས་རི་བོའི་དབང་པོའི་རྒྱལ་པོ་ལྟ་བུ་ལགས། ཇི་ལྟར་ན་ཟབ་མོ་ལ་བཟོད་པ་ནི། ཕྱེད་པས་རྡོ་རྗེ་ལྟ་བུ་ལགས། ཇི་ལྟར་ན་ལྷུན་པོ་བརྩེག་པ་དང་མཚུངས་ཤིང་འདྲ་བས་མི་འཇིག་པ་ཐོག་པ་ལགས། ཇི་ལྟར་ན་སྤོབས་པ་ཐོགས་པ་མ་མཆིས་པས་དབྱངས་ཤིན་ཏུ་ཡོངས་སུ་དག་པ་ལགས། ཇི་ལྟར་ན་ཚིག་ཐམས་ཅད་རབ་ཏུ་དབྱེ་བ་རྣམ་པར་ངེས་པ་ལ་མཁས་པས་ཐོས་པ་མང་བ་ལགས། ཇི་ལྟར་ན་ཁྲོ་གཉེར་མ་མཆིས་ལ་བཞིན་འཛུམ་ཞིང་ཤིན་ཏུ་གསལ་བ་ལགས། ཇི་ལྟར་ན་འཇིག་རྟེན་གྱི་ཆོས་ཐམ་ཅད་ཀྱིས་མགོས་པ་ལགས། ཇི་ལྟར་ན་འཇིག་རྟེན་གྱི་ཁམས་མཐའ་ཡས་པ་དབྱངས་ཀྱི་གོ་བར་བགྱིད། ཇི་ལྟར་ན་འཇིག་རྟེན་གྱི་ཁམས་མཐའ་ཡས་མུ་མ་མཆིས་པ་སྤུའི་ཁུང་བུ་ཅིག་ཏུ་སྩལ་ཀྱང་སེམས་ཅན་རྣམས་ཀྱིས་བདག་ཅག་གང་དུ་མཆིས་པ་ཡང་མ་མཚལ་ལ། བགྱིད་པ་དེ་ཡང་མ་འཚུལ། ཇིསྟར་ནཱ་སེམས་ཅན་ཡོངས་སུ་སྦྱིནྡྲ་པར་བགྱིད་པས་ཕྱོགས་བཅུའི་དེ་བཞིན་གཤེགས་པ་ཐམས་ཅད་ཀྱི། འཁོར་གྱི་དཀྱིལ་འཁོར་རྣམས་ན་ཡང་ཀུན་ཏུ་གདའ་ལ།། གནས་ནས་ཡང་མི་གཡོ།། ཇི་ལྟར་ན་སྐྲ་ཙམ་གྱི་ཁྱོན་ཅིག་ལ་དགའ་ལྡན་གྱི་གནས་ན་གནས་པ་དང་། འཆི་འཕོ་བ་དང་། མངལ་དུ་འཇུག་པ་དང་། བཙས་པ་དང་། མངོན་ཏུ་འབྱུང་བ་དང་། དཀའ་བ་སྤྱོད་པ་ལ་སྤྱོད་པ་དང་། བྱང་ཆུབ་ཀྱི་སྙིང་པོར་འཆི་བ་དང་། བདུད་ལས་རྒྱལ་བ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དང་། ཡོངས་སུ་མྱ་ངན་ལས་འདས་པབ་ཆེན་པོ་ཀུན་ཏུ་སྟོན་ཅིང་། བསྟན་པ་གནས་པར་ཀུན་ཏུ་བསྟན་པ་ཡང་སྟོན། ཇི་ལྟར་ན་སེམས་ཀྱི་སྐད་ཅིག་གཅིག་གིས་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་རབ་ཏུ་འཚལ་བ་ལགས།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་བཟང་སྐྱོང་ལ་འདི་སྐད་ཅེས་བཀའ་སྩལ་ཏོ།། བཟང་སྐྱོང་ལེགས་སོ་ལེགས་སོ།། བཟང་སྐྱོང་ཁྱོད་འདི་ལྟར་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བའི་ཕྱིར་བཞུགས་ཤིང་། འཇིག་རྟེན་ལ་སྙིང་བརྩེ་བ་དང་། ལྷ་དང་། མིའི་སྐྱེ་བོ་ཕལ་པོ་ཆེའི་དོན་དང་ཕན་པ་དང་། བདེ་བའི་ཕྱིར་འདི་ལྟར་ཁྱོད་སྙིང་རྗེ་ཆེན་པོ་དང་ལྡན་ཞིང་། བཟང་སྐྱོང་ཁྱོད་དེ་བཞིན་གཤེགས་པ་ལ་དོན་འདི་འདྲི་བར་སེམས་པ་ནི། བཟང་སྐྱོང་ཁྱོད་ཡང་ལེགས་སོ།། བཟང་སྐྱོང་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། ངས་བཤད་དོ།། བྱང་ཆུབ་སེམས་དཔའ་བཟང་སྐྱོང་གིས་བཅོམ་ལྡན་འདས་ལ་ལེགས་སོ་ཞེས་གསོལ་ཏེ། བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ། ། བཟང་སྐྱོང་བྱང་ཆུབ་སེམས་དཔའི་སྤྱོད་པ་སངས་རྒྱས་ཀྱིས་རབ་ཏུ་ཞི་བ་རྣམ་པར་ངེས་པའི་ཆོས་འཕྲུལ་ཞེས་བྱ་བའི་ཏིང་ངེ་འཛིན་ཡོད་དོ།། དེ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཡོན་ཏན་གྱི་ཁྱད་པར་འདི་དག་དང་། གཞན་རྣམས་ཀྱང་འཐོབ་བོ།། བཟང་སྐྱོང་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་ཞེས་བྱ་བའི་ཏིང་ངེ་འཛིན་གང་ཞེ་ན། འདི་ལྟ་སྟེ། ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་ཁོང་དུ་ཆུད་པ་དང་། མཚན་ཉིད་རབ་ཏུ་རྟོགས་པ་དང་། ཕྱིན་ཅི་ལོག་གི་མཚན་ཉིད་ཡང་དག་པར་འཇོམས་པ་དང་། བདག་གི་བག་ཆགས་ཀྱི་ས་ཡོངས་སུ་མི་འཛིན་པ་དང་། ། གཞན་མི་དམིགས་པ་དང་། སྲོག་ལ་རློམ་སེམས་མེད་པ་དང་།། འཁོར་བ་ལ་མི་འཇུག་པ་དང་། དངོས་པོ་ཡོངས་སུ་ཤེས་པ་དང་། ཞི་གནས་སྒོམ་པ་དང་། ལྷག་མཐོང་མངོན་སུམ་དུ་བྱེད་པ་དང་། ། སེམས་གནས་པ་དང་། དྲན་པ་མི་གཡེང་བ་དང་། རྟོག་པ་དང་། དཔྱོད་པ་ཉེ་བར་ཞི་བ་དང་། དགེ་བའི་ཕྱོགས་ལ་ཡང་དག་པར་སྟེན་པ་དང་།། མི་དགེ་བའི་ཕྱོགས་རབ་ཏུ་སེལ་བ་དང་། འདོད་ཆགས། དང་། ཞེ་སྡང་དང་། གཏི་མུག་རབ་ཏུ་ཞི་བ་དང་། མ་རིག་པ་སེལ་བ་དང་། རིག་པ་ལ་ཡང་དག་པར་སྟེན་པ་དང་། རྒྱུ་ཡོངས་སུ་ཤེས་པ་དང་། ལྟ་བ་ཡང་དག་པར་འཇོམ་པ་དང་། རྣམ་པར་ཤེས་པ་དང་བྲལ་བ་དང་ཡེ་ཤེས་འབྱུང་བ་དང་། སྲེད་པ་ཟད་པ་དང་། དགའ་བའི་འདོད་ཆགས་སྤོང་བ་དང་། སངས་རྒྱས་ལ་གཅིག་ཏུ་ངེས་པ་དང་། ཆོས་ལ་ནེམ་ནུར་མེད་པ་དང་། དགེ་འདུན་ལ་རྣམ་པར་མི་རྟོག་པ་དང་། མི་འབྱེད་པའི་ཚིག་དང་། འཐུན་པར་སྡུམས་བྱེད་པ་དང་། དབེན་པ་ལ་གཞོལ་བ་དང་། བཀའ་བློ་བདེ་བ་དང་། མུ་ཅོར་དུ་མི་སྨྲ་བ་དང་། ཟང་ཟིང་མེད་པ་དང་། ཁ་ན་མ་ཐོ་བ་སྤོང་བ་དང་། སྡིག་པ་ཐམས་ཅད་མི་བྱེད་པ་དང་བྲལ་བ། ། མངོན་དུ་བྱེད་པ་དང་། འདུ་བ་མི་བྱེད་པ་དང་། འཇིག་རྟེན་གྱི་ཡ་མཚན་ལ་མངོན་པར་དགའ་བ་མེད་པ་དང་། འཁོར་བ་ལ་ཉེས་དམིགས་སུ་ལྟ་བ་དང་།། མྱ་ངན་ལས་འདས་པ་ལ་ཕན་ཡོན་དུ་ལྟ་བ་དང་། ལྷག་པའི་བསམ་པས་ཡོངས་སུ་མྱ་ངན་ལས་འདས་པའི་དབྱིངས་འདོད་པ་དང་། གཡོ་མེད་པ་དང་། གྱ་གྱུ་མེད་པ་དང་། སྒྱུ་མེད་པ་དང་། ཚུལ་འཆོས་པ་མེད་པ་དང་། ཁ་གསག་མེད་པ་དང་། གཞོག་སློངས་མེད་པ་དང་། ཐོབ་ཀྱིས་འཇལ་བ་མེད་པ་དང་། རྙེད་པ་དང་བཀུར་སྟི་ཡོངས་སུ་སྤོང་བ་དང་། བརྩོན་འགྲུས་བརྩམས་པ་དང་། ཤིན་ཏུ་བཟོད་པ་དང་ལེ་ལོ་མེད་པ་དང་། སྒྲིབ་པ་སྤོང་བ་དང་། དགེ་བ་བཅུའི་ལས་ཀྱི་ལམ་དང་ལྡན་པ་དང་། ཚུལ་ཁྲིམས་ཀྱི་ཕུང་པོ་སྐྱོན་མེད་པ་དང་། ཏིང་ངེ་འཛིན་གྱིས་ཕུང་པོ་ལས་མི་གཡོ་བ་དང་། ཏིང་ངེ་འཛིན་དང་། སྙོམས་པར་འཇུག་པ་རྣམས་ལ་མི་གནས་པ་དང་། ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པས་མི་ངོམས་པ་དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པས་རྣམ་པར་འཕྲུལ་པ་དང་། རྫུ་འཕྲུལ་གྱི་རྐང་པས་ཇི་ལྟར་འདོད་པ་བཞིན་དུ་རྣམ་པར་ཅན་པ་དང་།། ཐམས་ཅད་མཁྱེན་པའི་ཡེ་ཤེས་ལ་དབང་བསྒྱུར་བ་དང་། བློ་ཐ་དད་པ་མེད་པ་དང་། བེམས་པོ་མ་ཡིན་པ་དང་། མི་འོན་མི་ལྐུགས་པ་དང་། གཞན་གྱི་དྲིང་ལ་མི་འཇོག་པ་དང་། ཀུན་ནས་མནར་སེམས་ཀྱི་དངོས་པོ་རྣམ་པར་སྤོང་བ་དང་། སྐྱེས་བུ་དམ་པའི་གནས་ཐོབ་པ་དང་། སྐྱེས་བུ་ངན་པ་ལ་མི་ལྟ་བ་དང་། བྱིས་པ་རྣམས་རྣམ་པར་སྤོང་བ་དང་།། མཁས་པ་རྣམས་དང་འགྲོགས་པ་དང་། དྲན་པའི་སྟོབས་བསྐྱེད་པ་དང་། ཡེ་ཤེས་ཀྱི་སྟོབས་བསྐྱེད་པ་དང་། ཁྱིམ་པ་དང་རབ་ཏུ་བྱུང་བ་རྣམས་དང་མི་འདྲེ་བ་དང་། དབེན་པ་ལ་གནས་པ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དང་། ཆོས་རྣམས་ལ་བཟོད་པ་དང་། ཆོས་ཐམས་ཅད་ཇི་ལྟ་བ་བཞིན་དུ་རབ་ཏུ་རྟོགས་པ་སྟེ། འདི་ནི་བཟང་སྐྱོང་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་ཞེས་བྱ་བའི་ཏིང་ངེ་འཛིན་ཅེས་བྱའོ།། ཏིང་ངེ་འཛིན་འདི་ལ་སློབ་པའི་བྱང་ཆུབ་སེམས་དཔའ་ནི་ཆོས་ཐམས་ཅད་ལ་སྒྲིབ་པ་མེད་པས་ཤེས་པ་འཐོབ་བོ། ། བཟང་སྐྱོང་གཞན་ཡང་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་ཅེས་བྱ་བ་ནི་འདི་ལྟ་སྟེ། ཆོས་ཐམས་ཅད་མཉམ་པ་ཉིད་དུ་ཤེས་པ་དང་། ཚིག་ཐམས་ཅད་ལ་མཚམས་སྦྱར་བར་ཤེས་པ་དང་། ཁྱིམ་གྱི་དངོས་པོ་ཡོངས་སུ་གཏོང་བ་དང་། ཁམས་གསུམ་ལ་མངོན་པར་མི་དགའ་བ་དང་། སེམས་མ་ཞུམ་པ་དང་། ཆོས་ཐམས་ཅད་ལ་མངོན་པར་མ་ཞེན་པ་དང་། དམ་པའི་ཆོས་ཡོངས་སུ་འཛིན་པ་དང་། ཆོས་སྦེད་པ་དང་། ལས་ཀྱི་རྣམ་པར་སྨིན་པ་ལ་ཡིད་ཆེས་པ་དང་། འདུལ་བ་ལ་མཁས་པ་དང་། རྩོད་པ་ཉེ་བར་ཞི་བ་དང་། འཐབ་པ་མེད་པ་དང་། འགྱེད་པ་མེད། པ་དང་། བཟོད་པ་ཡང་དག་པར་འཛིན་པ་དང་། རྟོགས་པ་ཡང་དག་པར་འཛིན་པ་དང་། རྟོག་པ་མཉམ་པ་ཉིད་དང་། ཆོས་ཉིད་རབ་ཏུ་དབྱེ་བ་ལ་མཁས་པ་དང་།། ཆོས་གཏན་ལ་དབབ་པ་ལ་མཁས་པ་དང་། ཆོས་ཀྱི་ཚིག་ལ་མཁས་པ་དང་། ཆོས་ཀྱི་ཚིག་རབ་ཏུ་དབྱེ་བ་ཤེས་པ་དང་། སྔོན་གྱི་མཐའ་ཤེས་པ་དང་། ཕྱི་མའི་མཐའ་ཤེས་པ་དང་། ད་ལྟར་བྱུང་བ་ཤེས་པ་དང་། དུས་གསུམ་མཉམ་པ་ཉིད་དུ་ཤེས་པ་དང་། ། འཁོར་གསུམ་ཡོངས་སུ་དག་པ་ཤེས་པ་དང་། ལུས་ཀྱི་གནས་ཤེས་པ་དང་། སེམས་ཀྱི་གནས་ཤེས་པ་དང་། སྤྱོད་ལམ་སྲུང་བ་ཤེས་པ་དང་།། ལས་རྣམ་པར་དག་པ་དང་། སྒྲིབ་པ་ལས་ཤིན་ཏུ་འདའ་བ་དང་། ། ཕུང་པོ་ཡོངས་སུ་ཤེས་པ་དང་། ཁམས་མཉམ་པ་ཉིད་དུ་ཤེས་པ་དང་། སྐྱེ་མཆེད་སེལ་བ་དང་། སྲེད་པ་སྤོང་བ་དང་། མི་སྐྱེ་བའི་བཟོད་པའི་བྱ་བའི་འཇུག་པ་དང་། རྒྱུ་སྟོན་པ་དང་། ལས་དང་འབྲས་བུ་ཆུད་མི་གསོན་པ་དང་། ཆོས་མཐོང་བ་དང་། ལམ་བསྒོམ་པ་དང་། དེ་བཞིན་གཤེགས་པ་རྣམས་དང་ཕྲད་པ་དང་། ཤེས་རབ་རྣོ་བ་དང་། ཚིག་རབ་ཏུ་དབྱེ་བ་ཤེས་པ་དང་སྒྲ་ཡོངས་སུ་ཤེས་པ་དང་། མཆོག་ཏུ་དགའ་བ་ཐོབ་པ་དང་། ཆོས་ཀྱི་དགའ་བ་རྗེས་སུ་མྱོང་བ་དང་། དྲང་བ་དང་། གཉེན་པ་དང་།། དང་བདེ་བ་དང་། ཁྲོ་གཉེར་མེད་པ་དང་། ངེས་པ་དང་། བགྲོགས་ན་བདེ་བ་དང་། ཚིག་འཇམ་པ་དང་། གསོང་པོར་སྨྲ་བ་དང་། ཚུར་ཤོག་ལེགས་པར་འོངས་སོ་ཞེས་སྨྲ་བ་དང་། སྙོམས་ལས་མེད་པ་དང་། བླ་མ་ལ་གུས་པ་དང་། བླ་མ་ལ་སྲི་ཞུ་ཆེ་བ་དང་། སྐྱེ་བ་ལ་མི་དགའ་བ་དང་། ཆོས་དཀར་པོས་མི་ངོམས་པ་དང་། འཚོ་བ་རྣམ་པར་དག་པ་དང་། དགོན་པའི་གནས་མི་གཏོང་བ་དང་། ས་རྣམ་པར་འཇོག་པ་དང་། དྲན་པ་ཆུད་མི་གསོན་པ་དང་། ། ཕུང་པོ་ལ་མཁས་པ་དང་། ཁམས་ལ་མཁས་པ་དང་། སྐྱེ་མཆེད་ལ་མཁས་པ་དང་། མངོན་པར་ཤེས་པ་མངོན་དུ་བྱ་བ་ལ་འཇུག་པ་དང་། ཉོན་མོངས་པ་སེལ་བ་དང་། བག་ཆགས་ཀྱི་མཚམས་སྦྱོར་བ་ཡང་དག་པར་འཇོམ་པ་དང་། ཁྱད་པར་དུ་འགྲོ་བ་དང་སྒོམ་པའི་རྒྱུ་འཐུན་པ་དང་། ལྟུང་བ་ལས་འབྱིན་པ་ལ་མཁས་པ་དང་། ཀུན་ནས་དཀྲིས་པ་རྣམ་པར་གནོན་པ་དང་། བག་ལ་ཉལ་སྤོང་བ་དང་། སྲིད་པ་ལས་ཤིན་ཏུ་འདའ་བ་དང་། ཚེ་རབས་དྲན་པ་དང་།། ལས་ཀྱི་རྣམ་པར་སྨིན་པ་ལ་ཐེ་ཙོམ་མེད་པ་དང་། ལས་ལ་སེམས་པ་དང་། སྐྱེ་བ་ལ་ཡིད་མི་རྟོན་པ་དང་། ལས་མངོན་པར་འདུ་མི་བྱེད་པ་དང་། ནང་གི་སྐྱེ་མཆེད་ཡིད་ལ་མི་བྱེད་པ་དང་། ཕྱིའི་སྐྱེ་མཆེད་རྣམས་ལ་ཀུན་ཏུ་མི་རྒྱུ་བ་དང་། བདག་ལ་མི་སྟོང་པ་དང་།། གཞན་ལ་མི་སྨོད་པ་དང་། མི་དགའ་བ་ལ་མ་ཞེན་པ་དང་། སོ་སོའི་སྐྱེ་བོ་ལ་ཡིད་མི་རྟོན་པ་དང་། ཚུལ་ཁྲིམས་ཀྱི་རྒྱུ་འཐུན་པ་དང་། བསྟན་པར་དཀའ་བ་དང་། གཟི་བརྗིད་ཆེ་བ་དང་། བདག་ཤེས་པ་དང་། ཉམས་པ་མེད་པ་དང་། སྤྱོད་ལམ་ཕུན་སུམ་ཚོགས་པ་ལ་གནས་པ་དང་། གནོད་སེམས་མེད། ། པ་དང་། ཚིག་མི་བླང་བ་དང་། གཞན་ལ་མི་གནོད་པ་དང་། མཛའ་བོ་རྫས་སུ་སྲུང་བ་དང་། རྣམ་པར་མི་འཚེ་བའི་ངང་ཚུལ་དང་ལྡན་པ་དང་། སེམས་ཅན་ལ་གནོད་པ་མི་བྱེད་པ་དང་། ཚིག་འཇམ་པ་དང་། ཁམ་གསུམ་པ་ལ་མི་གནས་པ་དང་། གསང་བའི་ཚིག་རྣམས་སྲུང་བ་དང་། ཆོས་ཐམས་ཅད་ལ་སྟོང་པ་ཉིད་དང་མཐུན་པར་བཟོད་པ་དང་། ཐམས་ཅད་མཁྱེན་པ་ཉིད་ཀྱི་ཡེ་ཤེས་ལ་ཤིན་ཏུ་འདུན་པ་དང་། ཡེ་ཤེས་གསལ་བ་དང་། ཚུལ་ཁྲིམས་བརྟན་པ་དང་། སྙོམས་པར་འཇུག་པ་ལ་འཇུག་པ་དང་། གཅིག་པུར་དགའ་བ་དང་། ཅུང་ཟད་ཤེས་པས་ཆོག་པར་མི་འཛིན་པ་དང་། སེམས་ཞུམ་པ་མེད་པ་དང་། ལྟ་བར་གྱུར་པ་རྣམ་པར་སྤོང་བ་དང་། གཟུངས་ཐོབ་པ་དང་། ཡེ་ཤེས་ཐོབ་པ་དང་། གནས་དང་གནས་མ་ཡིན་པ་ལ་ནན་ཏན་བྱེད་པ་དང་། གཏན་ཚིགས་དང་། རིགས་པ་དང་། ཚུལ་གྱི་སྒོར་གྱུར་པ་དང་། འདེམས་པ་དང་། རྗེས་སུ་སྟོན་པ་དང་། སྤྱོད་པ་དང་མཐུན་པར་བཟོད་པ་དང་། བཟོད་པའི་ས་དང་ལྡན་པ་དང་། མི་བཟོད་པ་མེད་པ་དང་། ཡེ་ཤེས་ཀྱི་ས་དང་ལྡན་པ་དང་། མི་ཤེས་པ་སྤོང་བ་དང་། ཡེ་ཤེས་ལ་གནས་པ་དང་། རྣལ་འབྱོར་སྤྱོད་པའི་ས་དང་། བྱང་ཆུབ་སེམས་དཔའི་སྤྱོད་ཡུལ་བ་དང་། ཆོས་ཐམས་ཅད་ཀྱི་ངོ་བོ་ཉིད་ཁོང་དུ་ཆུད་ཅིང་རབ་ཏུ་རྟོགས་པ་ཤེས་པ་དང་། སེམས་ངེས་པར་སེམས་པ་དང་། སྐྱེ་བར་ཉིང་མཚམ་མི་སྦྱོར་བ་དང་ཉིང་མཚམས་མི་སྦྱོར་བ་ཤེས་པ་དང་། ཁུར་བོར་བ་དང་། དེ་བཞིན་གཤེགས་པའི་ཡེ་ཤེས་དང་། འདོད་ཆགས་སྤོང་བ་དང་།། ཞེ་སྡང་དང་། བྲལ་བ་དང་། གཏི་མུག་སྤོང་བ་དང་། རྣལ་འབྱོར་ལ་བརྩོན་པ་དང་། མི་རིགས་པ་དང་བྲལ་བ་དང་། དགེ་བའི་ཆོས་ལ་འདུན་པ་དང་། ལྷག་པའི་བསམ་པ་ལ་ནན་ཏན་བྱེད་པ་དང་། མཚན་མོ་མི་ཉལ་བ་དང་། སྤོང་བ་མི་གཏོང་བ་དང་། ཆོས་དཀར་པོ་རྣམས་ཀུན་ཏུ་སྲུངས་པ་དང་། དགེ་བའི་རྩ་བ་སྔོན་དུ་འགྲོ་བ་དང་།། ཐབས་ལ་མཁས་པ་ཤེས་པ་དང་། མཚན་མ་སྤོང་བ་དང་། འདུ་ཤེས་ལས་ལྡོག་པ་དང་། མདོ་སྡེ་མངོན་པར་བསྒྲུབ་པ་དང་། འདུལ་བ་ལ་མཁས་པ་དང་། བདེན་པ་ལ་རྣམ་པར་ངེས་པ་དང་། རྣམ་པར་གྲོལ་བ་ལ་མངོན་སུམ་དུ་བྱ་བ་ལ་འཇུག་པ་དང་། ཚིག་གཅིག་ཏུ་ངེས་པ་དང་། གཙིགས་པར་སྨྲ་བ་དང་། ཡེ་ཤེས་ཇི་ལྟ་བ་བཞིན་དུ་མཐོང་བ་དང་། ཐོས་པ་ཡོངས་སུ་ཚོལ་བ་དང་། ཡེ་ཤེས་ཀྱི་མི་ངོམས་པ་དང་། སེམས་ཡོངས་སུ་དག་པ་དང་། ལུས་ཡོངས་སུ་དག་པ་དང་། ངག་ཡོངས་སུ་དག་པ་དང་། དོགས་པ་མེད་པའི་ཚིག་དང་། སྟོང་པ་ཉིད་ལ་ཀུན་ཏུ་སྟོན་པ་དང་།། མཚན་མ་མེད་པ་ལ་སྟེན་པ་དང་། སྨོན་པ་མེད་པའི་ངོ་བོ་ཉིད་ཀྱིས་མི་དམིགས་པར་ཤེས་པ་དང་། མི་འཇིགས་པ་ཐོབ་པ་དང་། སྡུག་བསྔལ་བ་རྣམས་ལ་མི་རྙས་པ་དང་། དེ་དག་ལ་ནོར་སྦྱིན་པ་དང་། དབུལ་པོ་རྣམས་ལ་ཁྱད་དུ་མི་གསོད་པ་དང་། ཚུལ་ཁྲིམས་འཆས་པ་རྣམས་པ་སྙིང་རྩེ་ཞིང་སྙིང་རྗེ་བའི་བློ་དང་ལྡན་པ་དང་། ཕན་པའི་དངོས་པོ་དང་ལྡན་པ་དང་། ཆོས་ཀྱིས་ཕན་འདོག་པ་དང་། ཟང་ཟིང་ཡོངས་སུ་གཏོང་བ་དང་། ཚུལ་ཁྲིམས་དང་ལྡན་པ་ལ་གཡོ་བ་མེད་པར་སྟེན་པ་དང་། བདོག་པ་ཐམས་ཅད་ཡོངས་སུ་གཏོང་བ་དང་། ལྷག་པའི། བསམ་པས་མགྲོན་དུ་གཉེར་བ་དང་།། ཇི་སྐད་སྨྲས་པ་བཞིན་དུ་བྱེད་པ་དང་། ཕྱིར་ཞིང་བརྩོན་པ་དང་། བསྟི་སྟང་བྱས་པས་དགའ་བ་མྱོང་བ་དང་། དཔེ་ཤེས་པ་དང་། སྔོན་བྱུང་བ་ལ་མཁས་པ་དང་མིང་དང་བརྡར་གདག་པ་ལ་འཇུག་པ་ཤེས་པ་དང་། བཏག་པ་ཀུན་ཏུ་འཇོམ་པ་དང་། བཀུར་སྟི་བྱེད་པ་ལ་མངོན་པར་དགའ་བ་མེད་པ་དང་། བཀུར་སྟི་མི་བྱེད་པ་ལ་གཏང་སྙོམས་སུ་བྱེད་པ་དང་རྙེད་པ་དོན་དུ་མི་གཉེར་བ་དང་། མ་རྙེད་པས་སྲོ་ཤི་བར་མི་འགྱུར་བ་དང་། གྲགས་པ་ལ་མངོན་པར་འདོད་པ་མེད་པ་དང་། མ་གྲགས་པ་ལ་ཁོང་ཁྲོ་བ་མེད་པ་དང་། བསྔགས་པ་ལ་རྗེས་སུ་ཆགས་པ་མེད་པ་དང་། སྨད་པ་ལ་སྤ་གོང་བར་མི་འགྱུར་བ་དང་། བདེ་བ་ལ་མངོན་པར་མི་ཆགས་པ་དང་། སྡུག་བསྔལ་གྱིས་མི་སྐྱོ་བ་དང་། འདུ་བྱེད་ཀུན་ཏུ་མི་འཛིན་པ་དང་། ཡང་དག་པའི་བསྔགས་པ་ལ་མི་ཆགས་པ་དང་། ཡང་དག་པ་མ་ཡིན་པའི་བརྗོད་པ་དང་དུ་ལེན་པ་དང་། སྤྱོད་ཡུལ་མ་ཡིན་པ་རྣམ་པར་སྤོང་བ་དང་། སྤྱོད་ཡུལ་ལ་འཇུག་པ་དང་། ཆོ་ག་ཕུན་སུམ་ཚོགས་པ་དང་། མི་ཚུལ་བ་རྣམ་པར་སྤོང་དང་། སེམས་ཅན་གྱི་དགེ་བའི་རྩ་བ་ཆུང་ངུ་ལ་མི་སྨོད་པ་དང་། བསྟན་པ་ཀུན་ཏུ་སྲུང་བ་དང་། སྨྲ་བ་ཉུང་བ་དང་། མཉེན་པ་དང་། སྐབས་ཀྱི་ཚིག་ལ་མཁས་པ་དང་། ཕྱིར་རྒོལ་བ་ཚར་གཅོད་པ་དང་། དུས་སུ་འགྲོ་བ་དང་། སྤྱོད་ལམ་བཏབས་པ་མ་ཡིན་པ་དང་། སྤྱོད་ལམ་མཛེས་པ་དང་། དོན་དང་དོན་མ་ཡིན་པ་ཤེས་པ་ལ་མཁས་པ་དང་། འཇིག་རྟེན་ཤེས་པ་དང་། བསྟན་བཅོས་ཤེས་པ་དང་། གསལ་བར་སྨྲ་བ་དང་། ལག་རྐྱོང་བ་དང་།། སེམས་ཤིན་ཏུ་འཛིན་པ་དང་། ཁྲེལ་ཡོད་པ་དང་། ངོ་ཚ་ཤེས་པ་དང་། མི་དགེ་བའི་སེམས་ལ་སྨོད་པ་དང་། སྦྱངས་པའི་ཡོན་ཏན་མི་གཏོང་བ་དང་། སྤྱོད་པ་ཡང་དག་པར་འཛིན་པ་དང་། མཛེས་པར་ཀུན་ཏུ་རྒྱུ་བ་དང་། བླ་མ་ལ་ལྡང་བ་དང་། སྟན་གདིང་བ་དང་། ང་རྒྱལ་ཚར་གཅོད་པ་དང་། སེམས་ཡང་དག་པར་འཛིན་པ་དང་། དོན་རབ་ཏུ་རྟོགས་པར་ཤེས་པ་དང་། ཡེ་ཤེས་སྐྱེད་པ་དང་། མི་ཤེས་པ་དང་བྲལ་བ་དང་། སེམས་ལ་འཇུག་པ་ཤེས་པ་དང་། སེམས་ཀྱི་ངོ་བོ་ཉིད་ཁོང་དུ་ཆུད་ཅིང་ཤེས་པ་དང་། སྒྲུབ་པ་དང་མི་སྒྲུབ་པ་བསྒྲུབ་པ་ལ་མཁས་པའི་ཡེ་ཤེས་དང་ལྡན་པ་དང་། སེམས་ཅན་ཐམས་ཅད་ཀྱི་སྐད་ཤེས་པ་དང་། ངེས་པའི་ཚིག་རྣམ་པར་གཞག་པ་ཤེས་པ་དང་། དོན་རྣམ་པར་ངེས་པ་ཤེས་པ་དང་། དོན་མ་ཡིན་པ་རྣམ་པར་སྤོང་བ་དང་། བསམ་གཏན་རྣམ་པར་བསྒྲུབ་པ་དང་། དེ་དག་གི་རོ་མྱོང་བར་མི་བྱེད་པ་དང་། སེམས་ཅན་ཐམས་ཅད་ཀྱི་སེམས་ལ་རྣམ་པར་ལྟ་ཞིང་སོ་སོར་རྟོག་པ་དང་། སེམས་ཅན་གྱི་དབང་པོ་མཆོག་དང་མཆོག་མ་ཡིན་པར་ཤེས་པ་དང་། གནས་དང་གནས་མ་ཡིན་པ་ལ་རྣམ་པར་ལྟ་བ་དང་། ལས་ཐམས་ཅད་འབྱེད་པ་དང་། ལས་དང་རྣམ་པར་སྨིན་པ་མེད་པ་ལ་འཇུག་པ་ཤེས་པ་དང་། མོས་པ་སྣ་ཚོགས་ལ་འཇུག་པ་དང་། བརྗེད་ངས་པ་མེད་པ་དང་། ཁམས་སྣ་ཚོགས་དང་། ཁམས་དུ་མ་མངོན་སུམ་དུ་གྱུར་པ་དང་། རྡོ་རྗེ་ལྟ་བུའི་ཏིང་ངེ་འཛིན་ཀུན་ཏུ་མཐོང་བ་དང་། ཚངས་པའི་དབྱངས་ཀྱི་ཏིང་ངེ་འཛིན་ལ་རྣམ་པར་བརྩོན་པ་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་གཅིག་པ་དང་། མིང་མེད་པ་དང་། སྔོན་གྱི་གནས་རྗེས་སུ་དྲན་པར་ཤེས་པ་དང་། ཀུན་ཏུ་འགྲོ་བའི་ལམ་ཤེས་པས་ལྟ་བ་དང་། ཟག་པ་ཟང་པ་དང་། སྤོང་བ་དུས་གཅིག་ཏུ་ཐོབ་པ་ཤེས་པ་དང་། ལྷའི་མིག་གི་ཐོགས་པ་མེད་པས་ལྟ་བ་དང་། གཟུགས་ཐམས་ཅད་ཀུན་ཏུ་སྟོན་པས་རྣམ་པར་ཅན་པ་དང་། གཟུགས་དང་གཟུགས་མེད་པ་མཉམ་པ་ཉིད་དུ་འཇུག་པ་ཤེས་པ་དང་། དབྱངས་ཀྱི་ཡན་ལག་གི་ཚུལ་གྱི་གཟུངས་ལ་འཇུག་པ་ཤེས་པ་དང་། སྐད་ཐམས་ཅད་བྲག་ཆའི་སྐད་དང་མཚུངས་པ་ཉིད་དུ་ཤེས་པ་དང་། ཅི་རིགས་པར་ཆོས་སྟོན་པ་དང་། སེམས་ཅན་ཐམས་ཅད་ལ་ལེགས་པར་བཤད་པས་ཚིམ་པར་བྱེད་པ་དང་། དབང་པོ་རྗེ་བ་ཤེས་པ་དང་དུས་དང་དུས་མ་ཡིན་པར་རྣམ་པར་ལྟ་བ་དང་།། ཡང་དག་པའི་མཐའ་དང་། རྗེས་སུ་འཇུག་པ་ཤེས་པ་དང་། འབྲས་བུ་ཡོད་པའི་ཆོས་སྟོན་པ་དང་། ཕ་རོལ་ཏུ་ཕྱིན་པ་ཐམས་ཅད་ཡོངས་སུ་རྫོགས་པ་དང་། སེམས་ཅན་ཐམས་ཅད་ཡོངས་སུ་འཛིན་པ་དང་། ཚར་གཅོད་པ་མཁས་པར་ཤེས་པ་དང་། བརྟགས་པ་མ་ཡིན་པའི་སྤྱོད་ལམ་དང་ལྡན་པ་དང་། ཆོས་ཀྱི་དབྱིངས་འདྲེས་པ་མེད་པར་ཡང་དག་པར་འདུལ་བ་ལ་འཇུག་པ་ཤེས་པ་དང་། རྟོག་པ་དང་། རྣམ་པར་རྟོག་པ་དང་། ཡོངས་སུ་རྟོག་པ་ཐམས་ཅད་ཡང་དག་པར་འཇོམས་པ་དང་། སྐད་ཅིག། གིས་དེ་བཞིན་གཤེགས་པ་ཐམས་ཅད་ཀྱི་ཞབས་ཀྱི་དྲུང་དུ་ལུང་སྟོན་པ་དང་། འཇིག་རྟེན་གྱི་ཁམས་ཐམས་ཅད་དུ་མིག་ཡོར་ལྟ་བུའི་ལུས་རྣམ་པར་འཕྲུལ་པ་དང་། དེ་བཞིན་གཤེགས་པ་ཐམས་ཅད་ཀྱི་ཆོས་ཐམས་ཅད་བསྟན་པ་ཀུན་ཏུ་འཛིན་ཅིང་བརྗེད་པ་མེད་པ་དང་། ཐེག་པ་ཆེན་པོ་ལས་མི་ཉམས་པ་དང་། ཐེག་པ་ཐམས་ཅད་ཀྱི་ངེས་པར་འབྱུང་བ་སྟོན་པ་ལ་མཁས་པ་དང་དཀོན་མཆོག་གསུམ་གྱི་རིགས་ཡང་དག་པར་འཛིན་པ་དང་། སྐྱེ་བའི་གནས་ཐམས་ཅད་དུ་བྱ་བ་ཅི་རིགས་པར་ཀུན་ཏུ་སྟོན་པ་དང་། ཕྱི་མའི་མཐའི་བསྐལ་པ་བྱེ་བར་གོ་ཆ་གྱོན་ཀྱང་ཡོངས་སུ་མི་སྐྱོ་བ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་ལ་མཁས་པར་ཤེས་པ་དང་། དབྱངས་ཀྱི་ཡན་ལག་ཐམས་ཅད་མངོན་པར་བསྒྲུབ་པ་ཤེས་པ་དང་། བསྐལ་པ་གཅིག་བསྐལ་པ་གྲངས་མེད་པ་ལ་འཇུག་པ་ཤེས་པ་དང་། ཆོས་ཐམས་ཅད་ལས་མངོན་པར་བྱུང་བའི་གནས་ཤེས་པ་དང་། ཞིང་ཐམས་ཅད་ཡང་དག་པར་འདུལ་བ་ལ་འཇུག་པ་ཤེས་པ་དང་། བསྐལ་པ་གྲངས་མེད་པ་བསྐལ་པ་གཅིག་ལ་འཇུག་པ་ཤེས་པ་དང་། ཞིང་གཅིག་ཞིང་ཐམས་ཅད་དུ་སྟོན་པ་ཤེས་པ་དང་། སེམས་ཅན་གཅིག་གིས་ལུས་ལ་སེམས་ཅན་ཐམས་ཅད་ཀྱི་ལུས་ཡང་དག་པར་འདུལ་བ་ལ་འཇུག་པ་ཤེས་པ་དང་། སྐྲ་ཙམ་གྱི་ཁྱོན་གཅིག་ལ་སངས་རྒྱས་ཀྱི་ཞིང་བསམ་གྱིས་མི་ཁྱབ་པ་འཇུག་པ་ཤེས་པ་དང་། རང་གི་ལུས་ཀྱི་སྤུའི་ཁུང་བུའི་ཕྱོགས་གཅིག་ཏུ་འཇིག་རྟེན་གྱི་ཁམས་གྲངས་མེད་བསམ་གྱིས་མི་ཁྱབ་གཞལ་དུ་མིད་པ་འཇུག་བ་ཤེས་པ་དང་། སངས་རྒྱས་ཀྱི་ཞིང་ཐམས་ཅད་ནམ་མཁའ་དང་མཚུངས་པ་ཉིད་དུ་ཁོང་དུ་ཆུད་ཅིང་ཤེས་པ་དང་། རང་གི་ལུས་ཀྱི་སངས་རྒྱས་ཀྱི་ཞིང་མ་ལུས་པ་ཐམས་ཅད་རྒྱས་པར་དགང་བ་ཤེས་པ་དང་། ཆོས་ཐམས་ཅད་མཚན་ཉིད་མེད་པར་རྟོག་པར་ཤེས་པ་ལ་མཁས་པར་ཤེས་པ་དང་། ལུས་ཐམས་ཅད་ལ་ལུས་འཇུག་པ་ཤེས་པ་དང་། སྐད་གཅིག་བརྗོད་པས་སྐད་ཐམས་ཅད་ངེས་པར་སྒྲོག་པ་ཤེས། པ་དང་། ཐབས་མཁས་པ་ཐམས་ཅད་ཀྱི་ཚུལ་རྟོགས་པར་ཤེས་པ་དང་། ཚིག་གཅིག་ལ་བརྩམས་ཏེ་བསྐལ་པ་བྱེ་བ་གྲངས་མེད་བསམ་གྱིས་མི་ཁྱབ་གཞལ་དུ་མེད་པ་སྟོན་པ་ཤེས་པ་དང་། སྤོབས་པ་རྒྱུན་མི་འཆད་པ་དང་། བསྒྲུབ་པ་དང་མི་བསྒྲུབ་པ་ཤེས་པ་ལ་རྣམ་པར་དཔྱོད་པ་དང་། ཕྲུགས་དང་།། ཆ་དང་སྣརེལ་ཞིའི་འབྱེད་པ་བསྟན་པ་ཤེས་པ་དང་། ཐབས་དང་ཤེས་རབ་ཆེན་པོའི་འོད་ཟེར་རབ་ཏུ་གཏོང་བ་ཤེས་པ་དང་། བདུད་ཀྱི་ལས་ཐམས་ཅད་ལས་ཤིན་ཏུ་འདའ་བ་ཤེས་པ་དང་། ལུས་དང་ངག་དང་ཡིད་ཀྱི་ལས་ཀྱི་སྔོན་དུ་ཡེ་ཤེས་འགྲོ་བ་དང་། སོ་སོ་ཡང་དག་པར་རིག་པ་བཞིས་སེམས་ཅན་གྱི་ཁམས་ཐམས་ཅད་ཚིམ་པར་བྱེད་དང་། བསོད་ནམས་མངོན་པར་འདུ་བྱེད་པས་རྫུ་འཕྲུལ་ཐོབ་པ་དང་། ཆོས་ཀྱི་དབྱིངས་ཐམས་ཅད་དུ་རྣམ་པར་འཕྲུལ་པ་ཀུན་ཏུ་སྟོན་པ་དང་། འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་རྣམས་ཀྱི་བརྗོད་པ་ཁོང་དུ་ཆུད་པ་དང་། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་སེམས་ཅན་ཐམས་ཅད་བསྡུ་བའི་དངོས་པོ་བཞིས་སྡུད་པ་དང་། སྒྱུ་མ་ལྟ་བུའི་ཆོས་བསྒྲུབ་པ་ལ་ཐེ་ཙོམ་མེད་པ་དང་། ཡོ་བྱད་ལ་དབང་ཐོབ་པ་དང་། སྐྱེ་བ་ཐམས་ཅད་ལ་དབང་ཐོབ་པ་ཡོངས་སུ་རྫོགས་པ་དང་། ཚུལ་ཁྲིམས་འཆལ་པ་དང་ཚུལ་ཁྲིམས་དང་ལྡན་པ་མཚུངས་པ་སྦྱིན་པའི་གནས་སུ་སེམས་པ་ཤེས་པ་དང་། སེམས་ཅན་ཐམས་ཅད་ཀྱི་བསམ་པ་ཆོས་དང་ལྡན་པ་ཡོངས་སུ་རྫོགས་པར་བྱེད་པ་དང་། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་སྤྲུ་བུ་གཅིག་གི་འོད་ཟེར་གྱི་དྲ་བས་ཁེབས་པར་བྱེད་པ་དང་། བྱང་ཆུབ་སེམས་དཔའ་ཐམས་ཅད་ཀྱི་གསང་བ་ཐོབ་པ་དང་། མཚོ་ཆེན་པོ་རྒྱ་མཚོའི་གཏིང་ཚོད་མཐའ་ཡས་པ་ཤེས་པ་དང་། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་འོད་ཟེར་ཆེན་པོའི་དྲ་བ་རབ་ཏུ་གཏོང་བ་ཤེས་པ་དང་། སེམས་ས་དང་། ཆུ་དང་། མེ་དང་། རླུང་དང་། མཉམ་པ་དང་། དེ་བཞིན་གཤེགས་པའི་ས་ལ་འཇུག་པ་ཤེས་པབ་དང་། ཚིག་དང་། ངེས་པའི་ཚིག་བསྟན་པ་ཐམས་ཅད་ལ་ཆོས་ཀྱི་འཁོར་ལོ་བསྐོར་བ་དང་། མ་བསྟན་པར་རང་གིས་བཟོད་པ་ཐོབ་པ་ཤེས་པ་དང་། སྤུའི་ཁུང་བུ་གཅིག་ནས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་རྒྱ་མཚོའི་ཆུའི་ཕུང་པོ་རབ་ཏུ་འཐོར་བ་ཤེས་ཤིང་སེམས་ཅན་ལ་ཆུས་གནོད་པ་ཡང་མེད་པ་དང་། སེམས་རིན་པོ་ཆེ་ལྟ་བུ་དང་།། ཉོན་མོངས་པའི་དྲི་མ་ཐམས་ཅད་སེལ་བ་ཤེས་པ་དང་། དགེ་བའི་རྩ་བ་དང་བསོད་ནམས་ཚད་མེད་པ་ལ་སོགས་པ་དུས་གསུམ་དུ་ཡོངས་སུ་བསྔོ་བ་ལ་མཁས་པའི་ཆོ་ག་ཤེས་པ་དང་། སངས་རྒྱས་ཀྱི་ཆོས་ཐམས་ཅད་མངོན་པར་རྫོགས་པར་བྱང་ཆུབ་པས་དབུགས་འབྱིན་པ་འཐོབ་པ་དང་། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་སྤྲུལ་པའི་བྱིན་གྱི་རླབས་ཤེས་པ་དང་། སངས་རྒྱས་ཀྱི་སྤྱོད་ཡུལ་ཐམས་ཅད་ལ། འཇུག་པ་ཤེས་པ་དང་། རང་གི་སྨོན་ལམ་རྒྱན་རྩ་གཅོད་ཅིང་། ། སེམས་ཅན་ཉེ་བར་འཛིན་པའི་སྤྱོད་པའི་བྱིན་གྱི་བརླབ་པ་ཀུན་ཏུ་སྟོན་པ་ཤེས་པ་དང་། དེ་བཞིན་གཤེགས་པའི་ཡེ་ཤེས་ལ་རྣམ་པར་ལྟ་བ་མངོན་སུམ་དུ་ཤེས་པ་དང་། དེ་བཞིན་གཤེགས་པའི་གསང་བ་ལ་འཇུག་པ་ཤེས་པ་དང་། སེམས་ཞི་ཞིང་རབ་ཏུ་ཞི་ལ་ཉེ་བར་ཞི་བ་དང་།། འདུལ་བ་ཇི་ལྟ་བ་བཞིན་དུ་སེམས་ཅན་ཐམས་ཅད་ལ་དགའ་བ་དང་། རྩེ་བ་དང་། ལོངས་སྤྱོད་ཐམས་ཅད་ཀུན་ཏུ་སྟོན། པ་ཤེས་པ་དང་། ཐོས་པ་ཚད་མེད་པ་འཛིན་པ་ཡང་དག་པར་རྫོགས་པ་དང་། ཐོས་པ་ཐམས་ཅད་ཀྱིས་མི་ངོམས་ཤིང་མི་ཆོག་ལ་རྒྱུན་མི་གཅོད་པ་དང་། ཆོས་ཐམས་ཅད་མི་དམིགས་པ་དང་། འཇིག་རྟེན་གྱི་བྱ་བ་དང་། ཚུལ་སྣ་ཚོགས་ལ་འཇུག་པ་དང་། འཇིག་རྟེན་གྱི་ཆོས་ཐམས་ཅད་ཀྱིས་མི་གོས་པ་དང་། འདུལ་བ་ཇི་ལྟ་བ་བཞིན་དུ་སེམས་ཅན་ཡོངས་སུ་སྨིན་པར་བྱེད་པ་དང་། ལྐུགས་པ་སྣ་མི་གསང་ལ་གྲུམ་པོ། ། གླེན་པ་འོན་པ། ལོང་བ་ཐམས་ཅད་ལ་སྤྱོད་ལམ་ཀུན་ཏུ་སྟོན་པ་དང་། བསྐལ་པ་གྲངས་མེད་པ་སེ་གོལ་གཅིག་གཏོགས་པ་སྲིད་དུ་བྱིན་གྱིས་རློབ་ཅིང་ཆོས་སྟོན་པ་ཤེས་པ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཟིལ་གྱིས་གནན་པའི་ཕྱིར་ལག་ན་རྡོ་རྗེ་བརྒྱ་སྟོང་གྲངས་མེད་བསམ་གྱིས་མི་ཁྱབ་གཞལ་དུ་མེད་དཔག་ཏུ་མེད།། ཚད་མེད་པ་ཕྱི་བཞིན་དུ་འབྲང་བ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་དབུལ་པོ་དང་། སྡུག་འཕོང་པ་བྱིན་གྱིས་རློབ་པ་དང་། སངས་རྒྱས་ཐམས་ཅད་ཀྱི་བྱང་ཆུབ་རང་བྱུང་གི་ཡེ་ཤེས་ལ་ལྟ་བ་ལ་མངོན་སུམ་དུ་ཤེས་པ་དང་། ཉན་ཐོས་@དང་། རང་སངས་རྒྱས་ཐམས་ཅད་ཀྱི་སྤྱོད་ལམ་ཀུན་དུ་སྟོན་པ་དང་། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་ཕྱིར་མི་ལྡོག་པའི་ཆོས་ཀྱི་འཁོར་ལོ་བསྐོར་བ་བྱིན་གྱིས་རློབ་པ་ཤེས་པ་དང་། སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་འཇིག་རྟེན་གྱི་ཁམས་གྲངས་མེད་ཅིང་བསམ་གྱིས་མི་ཁྱབ་པ་མཚུངས་པ་མེད་ཅིང་གཞལ་དུ་མེད་དེ། ཚད་མེད་པའི་རྡུལ་ཕྲ་རབ་ཀྱི་རྡུལ་སྙེད་ཀྱི་བསྐལ་པ་བྱེ་བ་ཁྲག་ཁྲིག་བརྒྱ་སྟོང་དག་སེམས་ཀྱིས་སྐད་ཅིག་གཅིག་ལ་བསྟན་པ་ཐོག་པ་མེད་པ་ཤེས་པ་དང་། ཉན་ཐོས་དང་།། རང་སངས་རྒྱས་ཐམས་ཅད་ཀྱི་ཁ་དོག་དང་སྤྱོད་ལམ་བསྐལ་པར་ཀུན་ཏུ་སྟོན་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར། བྱང་ཆུབ་སེམས་དཔའི་སྤྱོད་པ་ཐམས་ཅད་རྒྱུན་མི་གཅོད་པ་དང་། བསམ་གཏན་མཁའ་ཁྱབ་ལ་བསམ་གཏན་བྱེད་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར། འཁོར་ལྷའི་བུ་མོ་གླུ་ལེན་ཅིང་རོལ་མོའི་དབྱངས་སྒྲ་དང་། སིལ་སྙན་སྣ་ཚོགས་དང་།། ཕེག་རྡོབ་པ་དང་། གླུ་དབྱངས་ལེན་པ་བྱེ་བ་ཁྲག་ཁྲིག་བརྒྱ་སྟོང་དག་དངའཇིག་རྟེན་གྱི་ཁམས་རབ་འབྱམ་ཐམས་ཅད་དུ་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་འགྲོ་བ་ཤེས་པ་དང་། གནས་གང་ནས་ཀྱང་གཡོ་བ་མེད་ལ།། དེ་བཞིན་གཤེགས་པ་ཐམས་ཅད་ལ་ལྟ་ཞིང་། ། བསྙེན་བཀུར་བྱ་བ་དང་། མཆོད་པའི་ལས་རྒྱུན་མི་གཅད་པ་ཤེས་པ་དང་། སེམས་ཅན་མཐའ་ཡས་པ་ཡོངས་སུ་སྨིན་པར་བྱ་བའི་ཕྱིར།། མཐོང་བ་དང་ཐོས་པ་དོན་ཡོད་པ་འདོད། ཅིང་གནས་པ་དང་། སེམས་ཅན་ཡོངས་སུ་སྨིན་པ་རྣམས་ཇི་ལྟ་བ་བཞིན་དུ་གདུལ་བའི་ཕྱིར་སེམས་ཀྱིས་སྐད་ཅིག་ལ་དགའ་ལྡན་གྱི་གནས་ན་གནས་པ་དང་། འཆི་འཕོ་བ་དང་། སྐྱེ་བ་དང་། མངོན་པར་འབྱུང་བ་དང་། དཀའ་བ་སྤྱོད་པ་ཀུན་ཏུ་སྟོན་པ་དང་། བྱང་ཆུབ་ཀྱི་སྙིང་པོར་འགྲོ་བ་དང་། བདུད་འདུལ་བ་ཀུན་ཏུ་སྟོན་པ་དང་། མངོན་པར་རྫོགས་པར་བྱང་ཆུབ་པ་དང་། ཆོས་ཀྱི་འཁོར་ལོ་རབ་ཏུ་བསྐོར་བ་དང་། ཡོངས་སུ་མྱ་ངན་ལས་འདས་པ་ཆེན་པོ་ཀུན་ཏུ་སྟོན་པ་ནས་ཇི་ཙམ་དུ་དམ་པའི་ཆོས་གནས་པ་དང་། ནུབ་པའི་བར་ཕྱོགས་བཅུ་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་དག་ཀུན་ཏུ་སྟོན་པ་ཡང་ཤེས་ལ་ཤིན་ཏུ་མངོན་པར་རྫོགས་པར་ཡང་འཚང་མི་རྒྱ་བ་སྟེ། བཟང་སྐྱོང་འདི་ནི་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་ཅེས་བྱའོ།། །། བམ་པོ་གཉིས་པ།། ། ། བཟང་སྐྱོང་ཏིང་ངེ་འཛིན་འདིའི་ཡོངས་སུ་སྦྱང་བ་བྱས་པ་གང་ཞེ་ན། བཟང་སྐྱོང་གང་ཡང་ཀུན་ཏུ་འཛིན་པ་མི་འདོར་བ།། མི་འཇོག་པ་འདུ་བྱེད་ཐམས་ཅད་རབ་ཏུ་ཞི་བ།། ཆོས་ཐམས་ཅད་ཇི་ལྟ་བཞིན་དུ་ཁོང་དུ་ཆུད་པ། ཆོས་ཐམས་ཅད་ཀྱི་མཉམ་པ་ཉིད་ལ་འཇུག་པ། ཆོས་ཐམས་ཅད་ལ་མི་རྟོག་པ།། རྣམ་པར་མི་རྟོག་པ་རྣམ་པར་མི་བསྒྲུབ་པ་ཀུན་ནས་མི་སློང་བ། མི་སྐྱེད་པ།། རྟོག་པ་དང་། རྣམ་པར་རྟོག་པ་དང་། ཀུན་ཏུ་རྟོག་པར་ཡང་དག་པར་གཅོད་པ། སེམས་ཀྱི་དམིགས་པ་ཡིད་ལ་མི་བྱེད་པ། རྣམ་པར་ཤེས་པ་ཡང་དག་པར་གཅོད་པ།། འདོད་ཆགས་དང་། ཞེ་སྡང་དང་། གཏི་མུག་ཡང་དག་པར་གཅོད་པ། ། མཐའ་དང་མཐའ་མེད་པ་ཡིད་ལ་མི་བྱེད་པ།། ཡིད་ལ་བྱེད་པ་ཡང་དག་པར་གཅོད་པ། ཕུང་པོ་དང་ཁམས་དང་།། སྐྱེ་མཆེད་ཀྱི་རང་བཞིན་ཤེས་པ། དྲན་པ་དང་། བློ་གྲོས་དང་། མོས་པ་དང་། རྟོག་པ་དང་། ངོ་ཚ་ཤེས་པ་དང་། སྤྱོད་པ་དང་། ཆོ་ག་དང་། སྤྱོད་ཡུལ་ལ་ནན་ཏན་དུ་བྱེད་ཅིང་གནས་པ། ཉོན་མོངས་པ་མེད་པའི་ས་དང་ལྡན་པ། ཞི་པའི་ས་དང་ལྡན་པ། སྤྲོས་པ་ཐམས་ཅད་ཡང་དག་པར་གཅོད་པ། བྱང་ཆུབ་སེམས་དཔའི་བསླབ་པ་ཐམས་ཅད་དང་། དེ་བཞིན་གཤེགས་པའི་སྤྱོད་ཡུལ་ཐམས་ཅད་དང་། ཡོན་ཏན་ཐམས་ཅད་ཡོངས་སུ་སྒྲུབ་པ་འདི་ནི། ། བཟང་སྐྱོང་ཏིང་ངེ་འཛིན་འདིའི་ཡོངས་སུ་སྦྱང་བར་བྱའོ།། བཟང་སྐྱོང་བྱང་ཆུབ་སེམས་དཔའ་ནི་ཆོས་ལ་སེམས་ཤིང་།། ཆོས་སྤྱོད་པ་ཡིན་ཏེ། དེས་ནི་དེ་བཞིན་གཤེགས་པ་ཆོས་ཀྱི་སྐུར་ཡང་དག་པར་རྗེས་སུ་མི་མཐོང་ན། ཆོས་ཀྱི་སྐུ་ལས་གཞན་དུའང་དམིགས་པ་ལྟ་ཅི་སྨོས། བཟང་སྐྱོང་འདི་ལ་བྱང་ཆུབ་སེམས་དཔའ་འདི་ལྟར་སོ་སོར་བརྟག་པར་བྱ་སྟེ། དེ་བཞིན་གཤེགས་པ་ཞེས་བྱ་བའི་ཚིག་འདིའི་དོན་ཇི་ལྟ་བུ། ཅི་གཟུགས་དེ་བཞིན་གཤེགས་པ་ཡིན་ནམ། འོན་ཏེ་གཟུགས་ལས་གཞན་ཞིག་དེ་བཞིན་གཤེགས་པ་ཡིན་སྙམ་དུ་དེ་ལྟར་དཔྱོད་པ་ལ་མཁས་པར་བྱའོ།། དེ་འདི་ལྟར་སོ་སོར་རྟོག་སྟེ། གཟུགས་ཀྱང་དེ་བཞིན་གཤེགས་པ་མ་ཡིན་ལ་གཟུགས་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། གཟུགས་ནི་བེམས་པོ་གཡོ་བ་མེད།། སྤྱོད་པ་མེད། རྩཝ་དང་རྩིབ་པ་དང་། ཤིང་དང་བོང་བ་དང་། མིག་ཡོར་ལྟ་བུ་ངན་པ། དབུ་བ་རྡོས་པ་ལྟ་བུ་ཡིན་ཞིང་། འབྱུང་བ་ཆེན་པོ་བཞི་ཕན་ཚུན་ནས་བསྡུས་པ་ནི་གཟུགས་ཞེས་བྱའོ།། གཟུགས་ནི་རྟེན་ཅིང་འབྲེལ་པ་ལས་འབྱུང་ངོ་། ། གང་རྟེན་ཅིང་འབྲེལ་པར་འབྱུང་བ་དེ་མི་རྟག་པའོ།། གང་མི་རྟག་པ་ནི་སྡུག་བསྔལ་བའོ།། གང་སྡུག་བསྔལ་བ་དེ་བདག་མེད་པའོ།། གང་བདག་མེད་པ་དེ་རང་བཞིན་མེད་པའོ།། གང་རང་བཞིན་མེད་པ་དེ་སྣང་བ་མེད་པའོ།། གང་སྣང་བ་མེད་པ་དེ་ཡང་དག་པ་མ་ཡིན་པའོ།། གང་ཡང་དག་པ་མ་ཡིན་པ་དེ་བརྫུན་པ་སླུ་བའི་ཆོས་སོ།། གང་བརྫུན་པ་བསླུ་བའི་ཆོས་དེ་མི་བདེན་པའོ།། གང་མི་བདེན་པ་དེ་དེ་བཞིན་ཉིད་མ་ཡིན་ནོ།། གང་དེ་བཞིན་ཉིད་མ་ཡིན་པ་དེ་དེ་བཞིན་གཤེགས་པ་མ་ཡིན་ནོ།། དེ་བཞིན་གཤེགས་པ་ནི་བདེན་པ་ཡང་དག་པ་དེ་བཞིན་ཉིད་མ་ནོར་བ་དེ་བཞིན་ཉིད།། གཞན་མ་ཡིན་པ་དེ་བཞིན་ཉིད། མ་ལོག་པ་བདེན་པ་སྨྲ་བ། ཡང་དག་པ་སྨྲ་བ། ཤེས་པ་སྨྲ་བ། ཡེ་ཤེས་ཀྱི་མཚོན་ཆ་ཅན།། ཡེ་ཤེས་མཐའ་ཡས་པ་དང་ལྡན་པ། ཐམས་ཅད་མཁྱེན་པ། ཐམས་ཅད་གཟིགས་པ་སྟོབས་ཅུ་དང་ལྡན་པ། ། མི་འཇིག་པ་བཞི་དམ་པའི་ཕ་རོལ་ཏུ་ཕྱིན་པ་ཐོབ་པ། མི་རྟོག་པ། རྣམ་པར་མི་རྟོག་པ། མི་གོས་པ། ནམ་མཁའ་དང་མཚུངས་པ། གྲངས་ཀྱི་ཆོས་རྣམས་ཀྱིས་མི་འགྲངས་པ། མ་བྱས་པ་མ་སྐྱེས་པ། མ་འགགས་པ། འཇུག་པ་མེད་པ།། མཐའ་ཡས་པ། གནས་མེད་པ། རྣམ་པར་མི་རིག་པ། རྣམ་པར་ཤེས་པར་བྱ་བ་མ་ཡིན་པ། ཀུན་ཏུ་རྒྱུ་བ་མེད་པ། ཤིན་ཏུ་དག་པ། ཉོན་མོངས་པ་མེད་པ། མབྱུང་བ། སྤྱོད་པ་མེད་པ། གནས་མེད་པའོ་སྙམ་མོ།། དེ་འདི་ལྟར་སོ་སོར་རྟོག་སྟེ། གཟུགས་དེ་བཞིན་གཤེགས་པ་མ་ཡིན། གཟུགས་ལས་གཞན་པ་ཡང་། མ་ཡིན་ནོ།། དེ་ཅིའི་ཕྱིར་ཞེ་ན། གལ་ཏེ་གཟུགས་ལས་གཞན་པ་ཞིག་དེ་བཞིན་གཤེགས་པ་ཡིན་ན་ནི་ནམ་མཁའ་ཡང་དེ་བཞིན་གཤེགས་པར་འགྱུར་རོ།། དེ་ཅིའི་ཕྱིར་ཞེ་ན། ནམ་མཁའ་ནི་གཟུགས་མམེམད་པ་བསྟན་དུ་མེད་པ། ། ཐོགས་པ་མེད་པ།། རྣམ་པར་མི་རིག་པ།། གནས་མེ་དང་།། གཟུང་དུ་མེད་པ།། གནས་མེད་པ།། མཚན་ཉིད་མེད་པའོ་སྙམ་མོ།། དེ་འདི་ལྟར་སོ་སོར་རྟོག་སྟེ། གལ་ཏེ་གཟུགས་དེ་བཞིན་གཤེགས་པ་མ་ཡིན། ། གཟུགས་ལས་གཞན་པ་ཡང་མ་ཡིན་ན།། ཅི་ཚོར་བ་དེ་བཞིན་གཤེགས་པར་འགྱུར་རམ། འོན་ཏེ་ཚོར་བ་ལས་གཞན་པ་ཞིག་སྙམ་མོ།། དེ་འདི་ལྟར་སོ་སོར་རྟོག་སྟེ། ཚོར་བ་དེ་བཞིན་གཤེགས་པ་མ་ཡིན། ཚོར་བ་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པས་ནི་གང་ཅི་ཚོར་ཡང་རུང་སྟེ། དེ་ཐམས་ཅད་སྡུག་བསྔལ་བའོ། ། གང་སྡུག་བསྔལ་བ་དེ་རྟོག་པའི་མཚན་ཉིད་དོ།། རྟོག་པའི་མཚན་ཉིད་གང་ཡིན་པ་དེ་དེ་བཞིན་གཤེགས་པ་མ་ཡིན་ཏེ། ཚོར་བ་ནི་ཆུའི་ཆུ་བུར་ལྟ་བུའོ།། ངན་པའོ།། རྟེན་ཅིང་འབྲེལ་པར་འབྱུང་བའོ། ། རེག་པ་འདུས་པ་ལས་བྱུང་བའོ།། རེག་པ་ལས་སྐྱེས་པ་ནི་ཚོར་བའོ་ཞེས་གསུངས་ནས།། དེ་བཞིན་གཤེགས་པ་ནི་ཆུའི་ཆུ་བུར་ལྟ་བུ་མ་ཡིན།། ངན་པ་མ་ཡིན།། རྟེན་ཅིང་འབྲེལ་བར་འབྱུང་བ་མ་ཡིན། ། དེ་བཞིན་གཤེགས་པ་ནི་རེག་པ་ལས་སྐྱེས་པ་མ་ཡིན།། རེག་པ་འདུས་པ་ལས་བྱུང་བ་མ་ཡིན། ཚོར་བ་ཇི་ལྟ་བ་བཞིན་དུ་རེག་པ་ལས་སྐྱེས་པ་མ་ཡིན་ནོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་ཚོར་བ་ཐམས་ཅད་འགོག་པའི་ཏིང་ངེ་འཛིན་ལ་སྙོམ་པར་ཞུགས་པ་སྟེ། ཚོར་བ་དང་བྲལ་བ། ཚོར་བ་ཐམས་ཅད་ཀྱི་མཆོག་བརྙེས་པ། གདུང་བ་ཐམས་ཅད་ཤིན་ཏུ་སྦྱངས་པ་ཉོན་མོངས་པ་དང་། གཙེ་བ་དང་། གནོད་པ་ཐམས་ཅད་སྤངས་པ། མ་བཅིངས་པ། མ་གྲོལ་བ། ཡོངས་སུ་མྱ་ངན་ལས་མ་འདས་པ། ཡོངས་སུ་མྱ་ངན་ལས་འདས་པའི་དབྱིངས་རྙོག་པ་མེད་པའོ།། ། དེ་བཞིན་གཤེགས་པ་ནི་མ་སྐྱེས་པ། རྣམ་པར་མི་རྟོག་པ།། མི་མཐོང་བ། མི་ཐོས་པ། བསྣམ་དུ་མེད་པ། མྱང་དུ་མེད་པ། རེག་པར་བྱར་མེད་པ། མཚན་མར་མེད་པ། རྣམ་པར་མི་རིག་པ། རྣམ་པར་ཤེས་པར་བྱ་བ་མ་ཡིན་པའོ་སྙམ་མོ། ། དེས་དེ་ལྟར་སོ་སོར་བརྟགས་ན། ཚོར་བ་དེ་བཞིན་གཤེགས་པ་མ་ཡིན། ཚོར་བ་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། གལ་ཏེ་ཚོར་བ་ལས་གཞན་ཞིག་དེ་བཞིན་གཤེགས་པར་འགྱུར་ན་ནི། རྩཝ་དང་། ཤིང་གེལ་བ་དང་། སྨན་དང་། འཁྲི་ཤིང་དང་། ནགས་ཚལ་ཐམས་ཅད་ཀྱང་དེ་བཞིན་གཤེགས་པར་འགྱུར་རོ།། དེ་ཅིའི་ཕྱིར་ཞེ་ན། རྩཝ་དང་། ཤིང་གལ་བ་དང་སྨན་དང་། འཁྲི་ཤིང་འཛིངས་པ་དང་། ནགས་ཚལ་ཐམས་ཅད་ནི་ཚོར་བ་མེད་པའོ་སྙམ་མོ།། དེ་འདི་ལྟར་སོ་སོར་རྟོག་སྟེ། གལ་ཏེ་ཚོར་བ་དེ་བཞིན་གཤེགས་པ་མ་ཡིན། ཚོར་བ་ལས་གཞན་པ་ཡང་མ་ཡིན་ན། ། ཅི་འདུ་ཤེས་དེ་བཞིན་གཤེགས་པ་འམ།། འོན་ཏེ་འདུ་ཤེས་ལས་གཞན་པ་ཞིག་གམ་སྙམ་མོ།། དེ་འདི་ལྟར་སོ་སོར་རྟོག་སྟེ། འདུ་ཤེས་དེ་བཞིན་གཤེགས་པ་མ་ཡིན་པ་འདུ་ཤེས་ལས་གཞན་པ་ཡང་མ་ཡིན་ནོ། ། དེ་ཅིའི་ཕྱིར་ཞེ་ན། འདུ་ཤེས་ནི་སྨིག་རྒྱུ་ལྟ་བུ།། མིག་དང་གཟུགས་དང་། སྣང་བ་དང་ཡིད་ལ་བྱེད་པ་འདུས་པ་ལས་ངེས་པར་བྱུང་བའོ།། དེ་བཞིན་གཤེགས་པ་ནི་འདུ་ཤེས་མ་ཡིན་ཏེ། སྨིག་རྒྱུ་ལྟ་བུ་མ་ཡིན།། མིག་དང་གཟུགས་དང་། སྣང་བ་དང་། ཡིད་ལ་བྱེད་པ་ལས་ངེས་པར་བྱུང་བ་མ་ཡིན། འདུ་ཤེས་ཇི་ལྟ་བ་བཞིན་དུ། མིག་དང་གཟུགས་དང་།། སྣང་བ་དང་། ཡིད་ལ་བྱེད་པ་འདུས་པ་ལས་བྱུང་བ་མ་ཡིན་ནོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་བསམ་གྱིས་མི་ཁྱབ་པ། བསམ་པར་བྱ་བ་མ་ཡིན་པ། སེམས་པ་མེད་པ། སེམས་པ་དང་བྲལ་བ། ། སེམས་མཚུངས་པ་མེད་པ།། འགྲོ་བར་འཇུག་པ་མེད་པ། འོང་བར་འཇུག་པ་མེད་པ།། འགྲོ་བ་མེད་པ། འགྲོ་བ་ཡང་དག་པར་གཅོད་པ།། པགས་པ་མ་ཡིན་པ། གཅད་དུ་མེད་པ། བུ་ག་མེད་པ། རྫས་མ་ཡིན་པ། ཐ་དད་པ་མ་ཡིན་པ། དབྱེར་མེད་པ།། ཡང་དག་པ། རྩོམ་པ་མེད་པ། གཞུགས་པ་མེད་པ། རེག་པར་བྱར་མེད་པའོ།། སྙམ་མོ།། དེ་འདི་ལྟར་སོ་སོར་རྟོག་སྟེ། འདུ་ཤེས་དེ་བཞིན་གཤེགས་པ་མ་ཡིན། འདུ་ཤེས་ལས་གཞན་པ་ཡང་མ་ཡིན་ནོ།། གལ་ཏེ་འདུ་ཤེས་ལས་གཞན་པ་ཞིག་དེ་བཞིན་གཤེགས་པར་གྱུར་ན་ནི། ཤིང་དང་། བོང་བ་ཐམས་ཅད་ཀྱང་དེ་བཞིན་གཤེགས་པར་འགྱུར་རོ། ། དེ་ཅིའི་ཕྱིར་ཞེ་ན། ཤིང་དང་བོང་བ་ཐམས་ཅད་ནི་འདུ་ཤེས་མེད་པའོ་སྙམ་མོ།། དེ་འདི་ལྟར་སོ་སོར་རྟོག་སྟེ། གལ་ཏེ་འདུ་ཤེས་དེ་བཞིན་གཤེགས་པ་མ་ཡིན།། འདུ་ཤེས་ལས་གཞན་པ་ཡང་མ་ཡིན་ན། ཅི་འདུ་བྱེད་རྣམས་དེ་བཞིན་གཤེགས་པ་འམ། འོན་ཏེ་འདུ་བྱེད་རྣམས་ལས་གཞན་པ་ཞིག་གམ་སྙམ་མོ།། དེ་འདི་ལྟར་སོ་སོར་རྟོག་སྟེ། འདུ་བྱེད་རྣམས་དེ་བཞིན་གཤེགས་པ་མ་ཡིན། ། འདུ་བྱེད་རྣམས་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། འདུ་བྱེད་རྣམས་ནི་དངོས་པོ་མེད་པ། བརྫུན་པ་སླུ་བའི་ཆོས་ཅན། མ་རིག་པ་འདུས་པ་ལས་བྱུང་བའོ།། འདུ་བྱེད་རྣམ་ནི་མ་རིག་པ་འདུས་པ་ལས་སྐྱེས་པ་ཡིན་ནོ། ། དེ་བཞིན་གཤེགས་པ་ནི་དངོས་པོ་མེད་པ་མ་ཡིན། བརྫུན་པ་མ་ཡིན།། སླུ་བའི་ཆོས་མ་ཡིན། འདུ་བྱེད་རྣམས་ཇི་ལྟ་བ་བཞིན་དུ། མ་རིག་པ་འདུས་པ་ལས་སྐྱེས་པ་མ་ཡིན་ནོ། ། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་མ་རིག་པ་འགོག་པའི་ཏིང་ངེ་འཛིན་ལ་སྙོམས་པར་ཞུགས་པ་སྟེ། གཟུགས་ན་སྤྱོད་པའི་ཏིང་ངེ་འཛིན་མཚན་མ་དང་བཅས་པ་དང་། མི་གཡོ་བའི་ཏིང་ངེ་འཛིན་ལས་ཤིན་ཏུ་འདས་ནས། འདུ་ཤེས་དང་ཚོར་བ་འགོག་པ་ཉེ་བར་བསྒྲུབས་ཏེ་གནས་པའོ།། དེ་བཞིན་གཤེགས་པ་ནི་ཞི་བའོ།། མི་སྣང་བའོ།། བལྟར་མི་མཐོང་བའོ།། མཐའ་ཡས་པའོ།། སྤྲིན་དང་མཚུངས་པའོ།། རབ་ཏུ་ཞི་བའོ།། རབ་ཏུ་ཞི་བ་མ་ཡིན་པའོ།། ཞི་བ་དང་བྲལ་བའོ།། ཞི་བ་མེད་པའོ།། དག་པའོ།། ཉོན་མོངས་པ་མེད་པའོ།། ལེན་པ་མེད་པའོ།། བྱམས་པ་མེད་པའོ།། འཁོར་བྱེད་པ་མེད་པའོ།། འཁོར་བྱེད་པ་དང་བྲལ་བའོ།། མི་གནས་པའི་ཚུལ་གྱིས་གནས་པའོ།། མདུད་པ་མེད་པའོ།། འཆི་པོ་མེད་པའོ།། འཆིའོ།། བར་མི་འགྱུར་བའོ།། ཆོས་མ་ཡིན་པའོ།། ཆོས་མ་ཡིན་པ་ཡང་མ་ཡིན་པའོ།། ཞིང་མ་ཡིན་པའོ།། ཞིང་མ་ཡིན་པ་ཡང་མ་ཡིན་པའོ།། མི་ཟོད་པའོ།། མི་ཟད་པ་ཡང་མ་ཡིན་པའོ།། ཟད་པ་དང་བྲལ་བའོ། ། སྐད་ཅིག་པའོ།། མི་འཁྲུགས་པའོ་སྙམ་མོ།། དེ་འདི་ལྟར་སོ་སོར་རྟོག་སྟེ། འདུ་བྱེད་རྣམ་དེ་བཞིན་གཤེགས་པ་མ་ཡིན། འདུ་བྱེད་རྣམས་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ནགལ་ཏེ་འདུ་བྱེད་རྣམས་ལས་གཞན་པ་ཞིག་དེ་བཞིན་གཤེགས་པར་གྱུར་ན་ནི། དེ་བཞིན་གཤེགས་པ་དངོས་པོ་མེད་པར་འགྱུར་རོ།། དེ་ཅིའི་ཕྱིར་ཞེ་ན། དངོས་པོ་མེད་པ་ནི་འདུ་བྱེད་པ་མ་ཡིན་པའི་ཕྱིར་རོ། ། དེ་འདི་ལྟར་སོ་སོར་རྟོག་སྟེ། གལ་ཏེ་འདུ་བྱེད་རྣམས་དེ་བཞིན་གཤེགས་པ་མ་ཡིན། འདུ་བྱེད་རྣམས་ལས་གཞན་པ་ཡང་མ་ཡིན་ན།། ཅི་རྣམ་པར་ཤེས་པ་དེ་བཞིན་གཤེགས་པར་འགྱུར་རམ། འོན་ཏེ། རྣམ་པར་ཤེས་པ་ལས་གཞན་པ་ཞིག་གམ་སྙམ་མོ།། དེ་འདི་ལྟར་སོ་སོར་རྟོག་སྟེ། རྣམ་པར་ཤེས་པ་དེ་བཞིན་གཤེགས་པ་མ་ཡིན། རྣམ་པར་ཤེས་པ་ལས་གཞན་པ་ཡང་མ་ཡིན་ནོ།། དེ་ཅིའི་ཕྱིར་ཞེ་ན། རྣམ་པར་ཤེས་པ་ནི་སྒྱུ་མ་ལྟ་བུ། གསོག་གསོབ་ཡང་དག་པ་མ་ཡིན་པ། འདུ་བྱེད་འདུས་པ་ལས་སྐྱེས་པ། ཚུལ་བཞིན་མ་ཡིན་པ་ཡིད་ལ་བྱེད་པ།། འདུས་པ་ལས་བྱུང་བ་ཡིན་ནོ།། དེ་བཞིན་གཤེགས་པ་ནི་གསོབ་མ་ཡིན། ཡང་དག་པ་མ་ཡིན་པ་མ་ཡིན།། ཚུལ་བཞིན་མ་ཡིན་པ་ཡིད་ལ་བྱེད་པ།། འདུས་པ་ལས་ངེས་པར་སྐྱེས་པ་མ་ཡིན་རྣམ་པར་ཤེས་པ་ཇི་ལྟ་བ་བཞིན་དུ། ཚུལ་བཞིན་མ་ཡིན་པ་ཡིད་ལ་བྱེད་པ། འདུས་པ་ལས་བྱུང་བ་མ་ཡིན་ནོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ནི་སེམས་དང་ཡིད་དང་རྣམ་པར་ཤེས་པ་དང་བྲལ་བ། ཡི་གེ་མེད་པ། སྒྲ་མེད་པ། ཡུལ་མེད་པ། དངོས་པོ་མེད་པ་སེམས་མེད་པ། ། ལྡན་པ་མ་ཡིན་པ།། མི་ལྡན་པ་ཡང་མ་ཡིན་པ། བློ་གྲོས་མེད་པ།། བློ་གྲོས་མེད་པ་ཡང་མ་ཡིན་པ།། རྟོགས་པ་མེད་པ། རྟོགས་པ་མེད་པ་ཡང་མ་ཡིན་པ།། འགྲོ་བ་མེད་པ།། འགྲོ་བ་མེད་པ་ཡང་མ་ཡིན་པ། ། གཉིས་སུ་མེད་པ། གཉིས་ལྟ་བུར་བྱ་བ་མ་ཡིན་པ། མི་འདའ་བ། མཚན་ཉིད་མེད་པ།། མཚན་ཉིད་དང་བྲལ་བ། མཚན་ཉིད་མ་ཡིན་པ། མ་སྤྲོས་པ། སྒོ་མ་ཡིན་པ། ཆགས་པ་མེད་པཆགས་པ་དང་བྲལ་བ། འཐུན་པར་བྱེད་པ། དེ་བཞིན་ཉིད་ཀྱིས་རབ་ཏུ་ཕྱེ་བ། དེ་ཁོ་ན་མ་ཡིན་པ། དེ་ཁོ་ན་མ་ཡིན་པ་ཡང་མ་ཡིན་པའོ་སྙམ་མོ།། དེ་འདི་ལྟར་སོ་སོར་རྟོག་སྟེ། རྣམ་པར་ཤེས་པ་དེ་བཞིན་གཤེགས་པ་མ་ཡིན། རྣམ་པར་ཤེས་པ་ལས་གཞན་པ་ཡང་མ་ཡིན་ནོ།། གལ་ཏེ་རྣམ་པར་ཤེས་པ་ལས་གཞན་པ་ཞིག་དེ་བཞིན་གཤེགས་པར་གྱུར་ན་ནི། མིག་ཡོར་ཡང་དེ་བཞིན་གཤེགས་པར་འགྱུར་རོ། ། དེ་ཅིའི་ཕྱིར་ཞེ་ན། མིག་ཡོར་ནི་རྣམ་པར་ཤེས་པ་མ་ཡིན་པའི་ཕྱིར་རོ།། དེ་འདི་ལྟར་སོ་སོར་རྟོག་སྟེ། དེ་བཞིན་གཤེགས་པ་ནི་འདས་པ་ལས་མི་དམིགས། མ་འོངས་པ་ལས་མ་ཡིན། ད་ལྟར་བྱུང་བ་ལས་མི་དམིགས་སོ།། མི་དམིགས་པས་མི་རྟོག་གོ།། རྣམ་པར་མི་རྟོག་གོ།། མི་རྟོག་ན་སོ་སོར་མི་གནས་སོ།། སོ་སོར་མི་གནས་ན་འཕྲོ་བར་མི་བྱེད་དོ།། མི་འཕྲོ་ན་ཞུམ་པར་མི་འགྱུར་རོ།། ཞུམ་པ་མེད་ན་ཡོངས་སུ་གདུང་བ་མེད་དོ།། ཡོངས་སུ་གདུང་བ་མེད་ན། ཀུན་ཏུ་གདུང་བ་མེད་དོ།། ཀུན་ཏུ་གདུང་བ་མེད་ན་རྗེས་སུ་གདུང་བ་མེད་དོ།། གང་རྗེས་སུ་གདུང་བ་མེད་ན་དེ་མི་གདུང་བའོ། ། གང་མི་གདུང་བ་དེ་ཀུན་ཏུ་མི་རྒྱུག་གོ།། རྣམ་པར་མི་རྒྱུག་གོ། གང་མི་རྒྱུག་པ་དེ་རྣམ་པར་མི་རྒྱུག་གོ། རྣམ་པར་མི་རྒྱུག་པ་དེ་མི་ཉམས་སོ།། གང་མི་ཉམས་པ་དེ་རྣམ་པར་མི་འཁྱམ་མོ། ། གང་རྣམ་པར་མི་འཁྱམ་པ་དེ་འཁྱམ་པ་མེད་དོ།། གང་འཁྱམ་པ་མེད་པ་དེ་འཁྱམ་པ་མ་ཡིན་པའོ།། གང་འཁྱམ་པ་མ་ཡིན་པ་དེ་རློམ་སེམས་མེད་པའོ།། གང་རློམ་སེམས་མེད་པ་དེ་བག་ཡོད་པའོ། ། གང་བག་ཡོད་པ་དེ་འཕགས་པའོ།། གང་འཕགས་པ་དེ་དགྲ་བཅོམ་པའོ།། གང་དགྲ་བཅོམ་པ་གང་ཡིན་པ་དེ་ལ་བདག་གི་རྡུལ་མེད་དོ།། སེམས་ཀྱི་རྡུལ་མེད་དོ།། སྲོག་གི་རྡུལ་མེད་དོ། ། གང་ཟག་གི་རྡུལ་མེད་དོ།། ཕུང་པོའི་རྡུལ་མེད་དོ།། ཁམས་ཀྱི་རྡུལ་མེད་དོ།། སྐྱེ་མཆེད་ཀྱི་རྡུལ་མེད་དོ།། དངོས་པོའི་རྡུལ་མེད་དོ།། རྒྱུའི་རྡུལ་མེད་དོ།། རྐྱེན་གྱི་རྡུལ་མེད་དོ།། དམིགས་པའི་རྡུལ་མེད་དོ། ། ཀུན་ཏུ་འབྱུང་བའི་རྡུལ་མེད་དོ།། ང་རྒྱལ་གྱིས་ལྷག་པར་བྱེད་པའི་རྡུལ་མེད་དོ།། ཚོར་བའི་རྡུལ་མེད་དོ།། འདོད་ཆགས་ཀྱི་རྡུལ་མེད་དོ།། ཞེ་སྡང་གི་རྡུལ་མེད་དོ།། གཏི་མུག་གི། དྲུལ་མེད་དོ།། ཁྲོ་བའི་རྡུལ་མེད་དོ།། ཁོན་དུ་འཛིན་པའི་རྡུལ་མེད་དོ།། དཀྱུལ་ཀྱི་རྡུལ་མེད་དོ།། ང་རྒྱལ་དང་འཇབ་པ་དང་ཡོངས་སུ་གདུང་བའི་རྡུལ་མེད་དོ།། ངརྒྱལ་དང་ལྷག་པའི་རྒྱལ་གྱི་རྡུལ་མེད་དོ།། སེམས་ཅན་དམྱལ་བ་དང་། དུད་འགྲོ་དང་། ཡི་དགས་ཀྱི་རྡུལ་མེད་དོ།། གཤིན་རྗེའི་འཇིག་རྟེན་གྱི་རྡུལ་མེད་དོ།། འདོད་པའི་ཁམས་ཀྱི་རྡུལ་མེད་དོ།། གཟུགས་ཀྱི་ཁམས་ཀྱི་རྡུལ་མེད་དོ།། གཟུགས་མེད་པའི་ཁམས་ཀྱི་རྡུལ་མེད་དོ། ། འཁོར་བའི་རྡུལ་མེད་དོ།། རྣམ་པ་དེ་ལྟ་བུར་རྡུལ་མི་དམིགས་ཏེ། གང་འདོད་ཆགས་དང་བྲལ་ཞིང་རྡུལ་མེད་པ་དེ་དག་འཕགས་པ་ཞེས་བྱ།། དགྲ་བཅོམ་པ་ཞེས་བྱ།། གྲོལ་བ་ཞེས་བྱ། ། རྣམ་པར་གྲོལ་བ་ཞེས་བྱ།། ལྷའི་དམ་པ་ཞེས་བྱ།། རྟག་ཏུ་མཉམ་པར་བཞག་པ་ཞེས་བྱ། སངས་རྒྱས་ཞེས་བྱ་སྟེ། དེ་ཆོས་གང་ལ་ཡང་རློམ་སེམས་མེད་དོ།། རློམ་སེམས་མེད་པས་ཀུན་ནས་ཉོན་མོངས་པར་མི་འགྱུར་རོ། ། ཀུན་ནས་ཉོན་མོངས་པ་མེད་ན། ཀུན་ཏུ་གདུང་བ་མེད་དོ།། ཀུན་ཏུ་གདུང་བ་མེད་ན་རང་བཞིན་ཐོབ་པར་འགྱུར་རོ།། རང་བཞིན་ཐོབ་ན་ཆོས་གང་ལ་ཡང་མི་སྤྱོད་དོ།། མི་སྤྱོད་ན་འདི་ལྟར་ཅི་གཟུགས་བྱང་ཆུབ་མངོན་པར་རྫོགས་པར་འཚང་རྒྱ་འམ། འོན་ཏེ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་བྱང་ཆུབ་མངོན་པར་རྫོགས་པར་འཚང་རྒྱ་འམ། སུ་ཞིག་བྱང་ཆུབ་མངོན་པར་རྫོགས་པར་འཚང་རྒྱ། ཅི་ཕུང་པོ་ལྔ་ཆོས་སྟོན་ཏམ།། ཕུང་པོ་ལྔ་ནི་ཡང་དག་པ་མ་ཡིན་པ། སྒྱུ་མ་ལྟ་བུ། གསོབ་གསོག། དངོས་པོ་མེད་པ། ཚུལ་བཞིན་མ་ཡིན་པ་ཡིད་ལ་བྱེད་པ་འདུས་པ་ལས་བྱུང་བའོ། ། ཆོས་ཀྱི་དབྱིངས་ནི་གསོབ་མ་ཡིན།། གསོག་མ་ཡིན། ཡང་དག་པ་མ་ཡིན།། ཚུལ་བཞིན་མ་ཡིན་པ་ཡིད་ལ་བྱེད་པ་ལས་བྱུང་བ་མ་ཡིན།། སྒྱུ་མ་ལྟ་བུ་མ་ཡིན། སྨིག་སྤུ་ལྟ་བུ་མ་ཡིན། ཆུ་ཟླ་ལྟ་བུ་མ་ཡིན།། བྲག་ཆ་ལྟ་བུ་མ་ཡིན་ན། སུ་ཞིག་ཆོས་འདི་སྟོན།། དེ་ཅིའི་ཕྱིར་ཞེ་ན། བཟང་སྐྱོང་ཆོས་ཀྱི་དབྱིངས་ནི་དག་པ། བདེན་པ། ཡང་དག་པ། གཞན་མ་ཡིན་པ་དེ་བཞིན་ཉིད། མ་ནོར་བ་དེ་བཞིན་ཉིད་ཡིན་ན།། དེ་སྟོན་པ་སུ་ཡིན།། ཕུང་པོ་ལྔ་རྣམས་ནི་མི་རྟག་པ། སྡུག་བསྔལ་བ་སྟོང་པ། བདག་མེད་པ།། རྟེན་ཅིང་འབྲེལ་པར་འབྱུང་བ། ངན།། པ་འཇིག་པའི་ཆོས་ཅན་ནོ།། བྱང་ཆུབ་ནི་ཇི་ལྟ་བ་བཞིན་དུ་སྤྲོས་པ་མེད་དེ། གཟུང་དུ་མེད་པ། སྒྲ་མེད་པ། མི་སྣང་བ།། ལྟར་མེད་པ།། མཚན་མ་མེད་པ།། མཐའ་ཡས་པ། ནམ་མཁའ་དང་མཚུང་པ་མཉམ་པ་མེད་པ། མི་མཉམ་པ་དང་མཉམ་པ། སེམས་དང་ཡིད་དང་རྣམ་པར་ཤེས་པ་དང་བྲལ་བ།། སྒྲ་སྐད་ཐམས་ཅད་ཀྱི་རྗེས་སུ་ཞུགས་པ།། ཡུལ་ན་མི་གནས་པ།། ཕྱོགས་ན་མི་གནས་པ་བརྟག་ཏུ་མེད་པ། བསྟན་དུ་མེད་པ། ཞི་བ་ཞི་པ་དང་བྲལ་བ། བསིལ་བར་གྱུར་པ། ཀུན་གཞི་མེད་པ།། གནས་མེད་པ། འདུས་མ་བྱས་པ།། མི་སྐྱེ་བ་མི་འགོག་པ། མི་གཉིས་པ་ལ་གནས་པ།། དེ་བཞིན་ཉིད།། གཞན་མ་ཡིན་པ། དེ་བཞིན་ཉིད། མི་འགྱུར་བ་དེ་བཞིན་ཉིད། མ་འོངས་པ་དེ་བཞིན་ཉིད། འགྲོ་བ་མེད་པའི་དེ་བཞིན་ཉིད། འཁོར་བ་དང་མྱ་ངན་ལས་འདས་པ་མཉམ་པའོ།། བཟང་སྐྱོང་དེ་བཞིན་ཉིད་ནི་ཀུན་ནས་ཉོན་མོངས་པ་མ་ཡིན། ། རྣམ་པར་བྱང་བ་མ་ཡིན། རྣམ་པར་དག་པ་མ་ཡིན་ནོ།། དེ་བཞིན་ཉིད་ནི་འཁོར་བ་མ་ཡིན།། ཡོངས་སུ་མྱ་ངན་ལས་འདས་པ་མ་ཡིན་ནོ།། དེ་བཞིན་ཉིད་ནི་སྐྱེ་བ་མ་ཡིན།། འགག་པ་མ་ཡིན་ནོ།། དེ་བཞིན་ཉིད་ནི་ཐ་མ་མ་ཡིན།། འབྲིང་མ་ཡིན། མཆོག་མ་ཡིན། དེ་བཞིན་ཉིད་ཅེས་བྱ་བ་ནི་ཆོས་ཀྱི་དབྱིངས་ཏེ། ཆོས་ཀྱི་དབྱིངས་ནི་བདག་དང་ཆོས་ཀྱི་ངོ་བོ་ཉིད་ཀྱི་གནས་མ་ཡིན་ཆོས་ཀྱི་རང་བཞིན་གྱི་གནས་མ་ཡིན། ཆོས་ཐམས་ཅད་ཀྱི་གནས་མ་ཡིན་ཏེ། སྟོང་པ་ཉིད་སྟོང་པ་ཉིད་ཀྱི་གནས། དོན་དམ་པ་སྟོང་པ་ཉིད་ཀྱི་གནས།། ཆེན་པོ་སྟོང་པ་ཉིད་ཀྱི་གནས། མཆོག་གི་སྟོང་པ་ཉིད་ཀྱི་གནས་ཤིན་ཏུ་གནས་པའི་གནས་སོ། ། ཆོས་ཀྱི་དབྱིངས་ནི་མི་གཡོ་བ། མི་གནས་པ། གནས་པ་མེད་པ། རང་བཞིན་མེད་པ། རྒྱུ་བ་མེད་པ། བླང་བ་མེད་པ། དོར་བ་མེད་པ། ཁས་ལེན་པ་མེད་པ། འཛིན་པ་མེད་པའོ། ། གང་ཆོས་འདི་ཤེས་ཤིང་ཤེས་པ་ལ་ཡང་རློམ་སེམས་མེད་པ་དེ་ནི་ཆོས་ཀྱི་དབྱིངས་ཞེས་བྱའོ།། ཆོས་ཀྱི་དབྱིངས་ནི་སངས་རྒྱས་ཏེ། སངས་རྒྱས་ནི་ཡང་དག་པའི་མཐའོ།། རྡུལ་མེད་པའོ།། ཞི་བའོ།། བསིལ་བར་གྱུར་པའོ།། མ་སྐྱེས་པའོ།། མ་འགག་པའོ།། ཕུང་པོ་ནི་སྤྲོས་པ་དང་བཅས་པའོ།། དེ་དག་ལ་བྱང་ཆུབ་སེམས་དཔའ་འདི་ལྟར་སོ་སོར་རྟོག་སྟེ། སྤྲོས་པ་དང་བཅས་པའི་ཕུང་པོ་ལྔ་ཇི་ལྟར་བྱང་ཆུབ་མངོན་པར་རྫོགས་པར་འཚང་རྒྱ་སུམ་ནས། ། དེ་འདི་ལྟར་སོ་སོར་རྟོག་སྟེ། ཅི་གཟུགས་བྱང་ཆུབ་མངོན་པར་རྫོགས་པར་འཚང་རྒྱ་འམ།། འོན་ཏེ་ཚོར་བ་དང་། འདུ་ཤེས་དང་། བདུ་བྱེད་དང་། རྣམ་པར་ཤེས་པ་བྱང་ཆུབ་མངོན་པར་རྫོགས་པར་འཚང་རྒྱ། གཟུགས་ནི་བེམས་པོ།། གཡོ་བ་མེད་པ། སེམས་པ་མེད་པ། རྩཝ་དང་། བརྩིག་པ་དང་ཤིང་དང་། མིག་ཡོར་ལྟ་བྱ་སྟེ། དེ་ནི་བྱང་ཆུབ་མངོན་པར་རྫོགས་པར་འཚང་མི་རྒྱའོ། ། ཚོར་བ་ནི་ཆུའི་ཆུ་བུར་ལྟ་བུ། ངན་པ་རེག་པ་འདུས་པ་ལས་བྱུང་བ་སྟེ། དེ་ཡང་བྱང་ཆུབ་མངོན་པར་རྫོགས་པར་འཚང་མི་རྒྱུའོ།། འདུ་ཤེས་ནི་སྨིག་རྒྱུ་ལྟ་བུ་སྟེ། མིག་དང་གཟུགས་དང་། སྣང་བ་དང་།། ཡིད་ལ་བྱེད་པ་འདུས་པ་ལས་བྱུང་བ་སྟེ། དེ་ཡང་བྱང་ཆུབ་མངོན་པར་རྫོགས་པར་འཚང་མི་རྒྱའོ།། འདུ་བྱེད་རྣམས་ནི་དངོས་པོ་མེད་པ། བརྫུན་པ་སླུ་བའི་ཆོས་ཅན།། མ་རིག་པ་འདུས་པ་ལས་བྱུང་བ་སྟེ། དེ་དག་ཀྱང་བྱང་ཆུབ་མངོན་པར་རྫོགས་པར་འཚང་མི་རྒྱའོ།། རྣམ་པར་ཤེས་པ་ནི་སྒྱུ་མ་ལྟ་བུ། གསོབ་གསོག། ཡང་དག་པ་མ་ཡིན་པ། འདུ་བྱེད་འདས་པ་ལས་ངེས་པར་སྐྱེས་པ། ཚུལ་བཞིན་མ་ཡིན་པ་ཡིད་ལ་བྱེད་པ་འདུས་པ་ལས་བྱུང་བ་སྟེ། དེ་ཡང་བྱང་ཆུབ་མངོན་པར་རྫོགས་པར་འཚང་མི་རྒྱའོ་སྙམ་མོ།། བཟང་སྐྱོང་བྱང་ཆུབ་སེམས་དཔའ་དེ་འདི་ལྟར་སོ་སོར་རྟོག་སྟེ། གལ་ཏེ་ཕུང་པོ་ལྔ་བྱང་ཆུབ་མངོན་པར་རྫོགས་པར་འཚང་མི་རྒྱན། མཚན་གྱིས་བྱང་ཆུབ་མངོན་པར་རྫོགས་པར་འཚང་རྒྱ་འམ། ཅི་ཆོས་ཀྱིས་མངོན་པར་རྫོགས་པར་འཚང་རྒྱ་འམ། འོན་ཏེ་དགེ་བའི་རྩ་བས་སམ། དེ་ཇི་ལྟ་བུ་ཞིག་སྙམ་མོ།། དེ་འདི་ལྟར་སོ་སོར་རྟོག་སྟེ། མཚན་གྱིས་བྱང་ཆུབ་མངོན་པར་རྫོགས་པར་འཚང་མི་རྒྱའོ།། གལ་ཏེ་མཚན་གྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་མྱུར་ན་ནི། འཁོར་ལོ་བསྒྱུར་བའི་རྒྱལ་པོ་ཡང་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ།། དེ་ཅིའི་ཕྱིར་ཞེ་ན། འཁོར་ལོ་སྒྱུར་བ་ཡང་མཚན་སུམ་ཅུ་ཅུ་གཉིས་དང་ལྡན་པའི་ཕྱིར་རོ་སྙམ་མོ།། དེ་འདི་ལྟར་སོ་སོར་རྟོག་སྟེ། གལ་ཏེ་མཚན་གྱིས་བྱང་ཆུབ་མངོན་པར་རྫོགས་པར་འཚང་མི་རྒྱན། ཅི་ཆོས་ཀྱིས་མངོན་པར་རྫོགས་པར་འཚང་རྒྱ་འམ་སྙམ་མོ།། དེ་འདི་སྙམ་དུ་སེམས་ཏེ། ཆོས་ཀྱི་ཀྱང་ཀྱང་ཆུབ་མངོན་དུ་རྫོགས་པར་འཆང་འི་རྒྱའོ། ། དེ་ཅིའི་ཕྱི་ཤེས། ཆོས་ནི་གཟུགས་སང་བ། བས་དུ་མེང་པ། ཐགས་པ་ཟོད་པ། རྣམ་པར་རིག་པ་ཅིད་པ། ཀུནས་མ་པ། སྣང་བ་མེང་པ། མེད་པ་བལྟར་མི་མཐོང་བ། མ་སྐྱེས་པ། མ་འགགས་པ། ནམ་མཁའ་དང་མཚུངས་པ་སྟེ། དེ་ཡང་བྱང་ཆུབ་མངོན་པར་རྫོགས་པར་འཚང་མི་རྒྱའོ་སྙམ་མོ།། དེ་འདི་ལྟར་སོ་སོར་རྟོག་སྟེ། གལ་ཏེ་ཆོས་ཀྱིས་བྱང་ཆུབ་མངོན་པར་རྫོགས་པར་འཚང་མི་རྒྱ་ན། དགེ་བའི་རྩ་བས་བྱང་ཆུབ་མངོན་པར་རྫོགས་པར་འཚང་རྒྱ་འམ། དེ་ཇི་ལྟ་བུ་ཞིག་སྙམ་མོ།། དེ་འདི་སྙམ་དུ་སེམས་ཏེ། དགེ་བའི་རྩ་བས་ཀྱང་བྱང་ཆུབ་མངོན་པར་རྫོགས་པར་འཚང་མི་རྒྱའོ། ། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའི་དགེ་བའི་རྩ་བ་བསྡུས་ནས།། བྱང་ཆུབ་ཀྱི་སྙིང་པོ་ལ་མི་འདུག་ལ། སངས་རྒྱས་ཉིད་བཟུང་ནས་ཀྱང་མི་ལྡང་སྟེ། རྒྱུ་གཞན་དང་གཞན་ལ་སོ་སོར་བརྟགས་ནམ་དམིགས་པ་དང་། བྱང་ཆུབ་མངོན་པར་རྫོགས་པར་འཚང་རྒྱ་བ་དེ་སུ་ཞིག་སྙམ་མོ།། དེས་དེ་ལྟར་སོ་སོར་བརྟགས་ན། དགེ་བའི་རྩ་བ་ཡང་མ་དམིགས་ནས། ཅི་དགེ་བའི་རྩ་བ་རྣམས་གཟུགས་ཀྱིས་བསགས་པ་ཞིག་གམ། འོན་ཏེ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པས་སམ། གཟུགས་ནི་བེམས་པོ།། གནོ། བ་མེད་པ། སེམས་པ་མེད་པ་སྟེ། དེས་ཀྱང་དགེ་བའི་རྩ་བ་མ་བསགས། ཚོར་བ་ནི་ཆུའི་ཆུ་བུར་ལྟ་བུ་ངན་པ། རྟེན་ཅིང་འབྲེལ་པར་འབྱུང་བ། རེག་པ་འདུས་པ་ལས་བྱུང་བ་སྟེ། དེས་ཀྱང་དགེ་བའི་རྩ་བ་མ་བསགས། འདུ་ཤེས་ནི་སྨིག་རྒྱུ་ལྟ་བུ། མིག་དང་། གཟུགས་དང་། སྣང་བ་དང་། ཡིད་ལ་བྱེད་པ་འདུས་པ་ལས་བྱུང་བ་སྟེ། དེས་ཀྱང་དགེ་བའི་རྩ་བ་མ་བསགས། འདུ་བྱེད་ནི་དངོས་པོ་མེད་པ། བརྫུན་པབ་སླུ་བའི་ཆོས་ཅན། མ་རིག་པ་འདུས་པ་ལས་བྱུང་བ་སྟེ། དེ་དག་གིས་ཀྱང་དགེ་བའི་རྩ་བ་མ་བསགས། རྣམ་པར་ཤེས་པ་ནི་སྒྱུ་མ་ལྟ་བུ། གསོབ་གསོག། ཡང་དག་པ་མ་ཡིན་པ། འདུ་བྱེད་འདུས་པ་ལས་ངེས་པར་སྐྱེས་པ། ཚུལ་བཞིན་མ་ཡིན་པ་ཡིད་ལ་བྱེད་པ་འདུས་པ་ལས་བྱུང་བ་སྟེ། དེས་ཀྱང་དགེ་བའི་རྩ་བ་མ་བསགས་སོ་སྙམ་ནས། དེ་དེ་ལྟར་བརྟགས་པ་དང་། གང་གིས་དགེ་བའི་རྩ་བ་བསགས་པ་དེ་མི་དམིགས་སོ། ། དེས་དེ་ལྟར་བརྟགས་ན་མི་དམིགས་ཏེ། མི་དམིགས་སོ་སྙམ་པའི་རློམ་སེམས་ཀྱང་མེད་དོ།། གང་བྱང་ཆུབ་ཀྱི་སྙིང་པོ་ལ་འདུག་པ་དེ་ཡང་མི་དམིགས་ཏེ། མི་དམིགས་སོ་སྙམ་པའི་རློམ་སེམས་ཀྱང་མེད་དོ། ། དེས་བྱང་ཆུབ་ཀྱང་མི་དམིགས་ཏེ། མི་དམིགས་སོ་སྙམ་པའི་རློམ་སེམས་ཀྱང་མེད་དོ།། འདི་ལ་སུ་ཞིག་མངོན་པར་རྫོགས་པར་འཚང་རྒྱ་བ་དེ་ཡང་མི་དམིགས་ཏེ། མི་དམིགས་སོ་། ཉམ་པའི་རློམ་སེམས་ཀྱང་མེད་དོ།། དེས་དེ་ལྟར་སསོར་བརྟགས་ནས། བྱང་ཆུབ་ཀྱི་རློམ་སེམས་ཀྱ་ད། སེམས་ཅན་གྱི་རློམ་སེམས་ཀྱང་མེད། སངས་རྒྱས་ཀྱི་ཡེ་ཤེས་ཀྱི་རློམ་སེམས་ཀྱང་མེད་པ་དེ། བཟང་སྐྱོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་སྟེ། དེ་ཆོས་གང་ལ་ཡང་རློམ་སེམས་མེད་དོ།། དེ་ཅིའི་ཕྱིར་ཞེ་ན། དེ་ཆོས་གང་ཡང་སྐྱེ་བ་ཡང་མི་མཐོང་།། འགག་པ་ཡང་མི་མཐོང་སྟེ། ཡང་དག་པ་ཇི་ལྟ་བ་བཞིན་དུ་ཞི་བའི་གནས་ཁོང་དུ་ཆུད་པས། དེའི་ཕྱིར་སངས་རྒྱས་ཞེས་བྱ་སྟེ། དེ་ནི་རྟོག་པ་དང་། རྣམ་པར་རྟོག་པ་དང་། ཀུན་ཏུ་རྟོག་པ་ཐམས་ཅད་ལ་མི་འཇུག་སྟེ། དེ་ནི་ཞི་བའོ།། བསིལ་བར་གྱུར་པའོ།། སེམས་དང་ཡིད་དང་། རྣམ་པར་ཤེས་པ་དང་བྲལ་བ་ནི། སངས་རྒྱས་ཞེས་བྱ་སྟེ། བཟང་སྐྱོང་འདི་ནི་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་ཞེས་བྱ་བའི་ཏིང་ངེ་འཛིན་ཏོ།། བཟང་སྐྱོང་ཏིང་ངེ་འཛིན་འདི་ལ་སློབ་པའི་བྱང་ཆུབ་སེམས་དཔའ་ནི། ཏིང་ངེ་འཛིན་ཐམས་ཅད་ཀྱིས་མངོན་པར་འབྱུང་བ་ཡིན་ནོ།། དེ་ནས་བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་འདི་སྐད་གསོལ་ཏོ།། བཅོམ་ལྡན་འདས་གང་སངས་རྒྱས་བཅོམ་ལྡན་འདས་རྣམས་མ་སྐྱེས་མ་འགགས་ཀྱང་། སྐྱེ་ཞིང་འགག་པ་ཀུན་ཏུ་གདའ་བ་དང་། ཡི་གེ་གཅིག་ཀྱང་མི་བརྗོད་ལ། འཁོར་བྱེ་བ་གྲངས་མ་མཆིས་པ་ལ་ཆོས་སྟོན་པར་ཡང་ཀུན་ཏུ་གདའ་བའི་སངས་རྒྱས་རྣམས་ཀྱི་ཐབས་ལ་མཁས་པ་ནི་ངོ་མཚར་ཏོ། ། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་གང་ཡོན་ཏན་གྱི་སྙིང་པོ་བཅུ་གཉིས་ཀྱིས་མངོན་པར་འཕགས་པའི་སངས་རྒྱས་ཀྱི་ཞིང་དུ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལ་བསྐལ་པ་སྙིགས་མ་ཡང་ཀུན་ཏུ་སྟོན་པ་དང་། ། དུས་སྙིགས་མ་དང་། སེམས་ཅན་སྙིགས་མ་དང་། ཉོན་མོངས་པ་སྙིགས་མ་དང་།། ཚེ་སྙིགས་མ་དང་། ཐེག་པ་ཐ་དད་པ་དང་། ཀུན་ནས་ཉོན་མོངས་པ་ཅན་གྱི་སངས་རྒྱས་ཀྱི་ཞིང་ཉེ་བར་སྟོན་པ་དང་། ། ཆོས་སྟོན་པ་སྣ་ཚོགས་དང་། སེམས་ཅན་ཡོངས་སུ་སྨིན་པར་བྱེད་པ་སྣ་ཚོགས་དང་། གཞན་མུ་སྟེགས་ཅན་གྱིས་ཀུན་ནས་དཀྲུགས་པའི་ཉོན་མོངས་པ་དང་། བདུད་དང་བདུད་ཀྱི་ཉེ་བའི་ཉོན་མོངས་པ་དང་། བདུད་ཀྱི་ལས་དང་། ཕ་རོལ་གྱི་དམིགས་ཚོགས་ཀྱིས་གཙེ་བའི་ཉེ་བའི་ཉོན་མོངས་པ་དང་། ཡུལ་འཁྲུག་པ་དང་། ཁྲག་ཁྲུག་དང་། ཆོམ་པོའི་ཉེ་བའི་ཉོན་མོངས་པ་དང་། ཀླ་ཀློས་དཀྲུགས་པ་དང་། རྐུན་པོས་དཀྲུགས་པ་དང་། མུ་གེས་དཀྲུགས་པ་དང་། གནོད་སྦྱིན་དང་། སྲིན་པོ་དང་། ཡི་དགས་དང་། ཤ་ཟ་དང་། གྲུལ་བུམ་དང་། ལུས་སྲུལ་པོའི་འཁྲུག་པ་ཡང་ཀུན་ཏུ་སྟོན་ཅིང་། སངས་རྒྱས་ཀྱི་ཞིང་དེ་ན་ཉེས་པ་དེ་དག་ཀྱང་མེད་ལ། དེ་བཞིན་གཤེགས་པའི་སྔོན་གྱི་དགེ་བའི་རྩ་བ་དང་། སྤྱོད་པ་དང་། སྨོན་ལམ་དང་། ཐབས་ལ་མཁས་པའི་སྟོབས་ཀྱི་བྱིན་གྱིས་བརླབས་ཀྱིས་འདུལ་བ་ཇི་ལྟ་བ་བཞིན་དུ་སེམས་ཅན་ཡོངས་སུ་སྨིན་པར་བྱེད་པས། ། སེམས་ཅན་རྣམས་ཀྱི་བྱ་བ་དེ་དག་ཤེས་ཀྱང་དེ་བཞིན་གཤེགས་པ་ནི་ཐམས་ཅད་དུ་བཏང་སྙོམས་པ་སྟེ། རྣམ་པར་མི་རྟོག་པ་འདི་ཡང་དེ་བཞིན་གཤེགས་པའི་ཐབས་མཁས་པར་བལྟའོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ་འཇམ་དཔལ་གཞོན་ནུར་གྱུར་པས་དི་སྐད་ཅེས་གསོལ་ཏོ།། སངས་རྒྱས་ཀྱི་ཞིང་དེ་ཡོན་ཏན་གྱི་སྙིང་པོ་གང་དག་དང་ལྡན་པ་དང་། ཡོན་ཏན་གང་དག་དང་ལྡན་ན།། སངས་རྒྱས་ཀྱི་ཞིང་དེར་སངས་རྒྱས་བཅོམ་ལྡན་འདས་རྣམས་མངོན་པར་རྫོགས་པར་འཚང་རྒྱ་པབའི་ཡོན་ཏན་གྱི་སྙིང་པོ་བཅུ་གཉིས་པོ་དེ་བཅོམ་ལྡན་འདས་ཀྱིས་བཤད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། འཇམ་དཔལ་སངས་རྒྱས་ཀྱི་ཞིང་དེ་ནི་བསྐལ་པའི་སྙིང་པོ་དང་ལྡན་པ་ཡིན། དུས་ཀྱི་སྙིང་པོ་དང་ལྡན་པ་ཡིན། སེམས་ཅན་གྱི་སྙིང་པོ་དང་ལྡན་པ་ཡིན།། ཞིང་གི་སྙིང་པོ་དང་ལྡན་པ་ཡིན།། ཐེག་པའི་སྙིང་པོ་དང་ལྡན་པ་ཡིན། སའི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེ་བསྟན་པའི་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེར་གཞན་མུ་སྟེགས་ཅན་སྤྱོད་པ་དང་། ཀུན་ཏུ་རྒྱུ་བ་དང་། གཅེར་བུ་པ་རྣམས་མི་རྒྱུ་བ་ཡིན། སངས་རྒྱས་ཀྱི་ཞིང་དེ་བསམ་པ་དང་། ལྷག་པའི་བསམ་པ་དང་ལྡན་པ་ཡིན། སངས་རྒྱས་ཀྱི་ཞིང་དེ་ནི་རང་བཞིན་གྱིས་དཀར་པོའི་ཆོས་དང་ལྡན་པའི་སེམས་ཅན་རྣམས་གནས་པ་ཡིན།། སངས་རྒྱས་ཀྱི་ཞིང་དེ་འཕགས་པའི་སྐྱེ་བོ་སྙིང་པོ་དང་ལྡན་པ་ཡིན། སངས་རྒྱས་ཀྱི་ཞིང་དེར་སྔོན་གྱི་དེ་བཞིན་གཤེགས་པ་རྣམས་གཤེགས་ཤིང་རྗེས་སུ་གཤེགས་པ་ཡིན་ཏེ། འཇམ་དཔལ་སངས་རྒྱས་ཀྱི་ཞིང་དེ་ནི་ཡོན་ཏན་གྱི་སྙིང་པོ་བཅུ་གཉིས་པོ་དེ་དག་དང་ལྡན་པ་ཡིན་ནོ། ། དེར་སངས་རྒྱས་བཅོམ་ལྡན་འདས་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ།། འཇམ་དཔལ་ཁྱོད་ཀྱིས་རྣམ་གྲངས་འདིས་ཀྱང་ངའི་སངས་རྒྱས་ཀྱི་ཞིང་ན། ཉན་ཐོས་དང་། རང་སངས་རྒྱས་ཀྱི་ཐེག་པ་ཐ་དད་པ་རྣམ་པར་གཞག་པ་མེད་པར་རིག་པར་བྱའོ།། དེ་ཅིའི་ཕྱིར་ཞེ་ན། ཐ་དད་པའི་འདུ་ཤེས་དང་བྲལ་བའི་ཕྱིར་རོ། ། འཇམ་དཔལ་གལ་ཏེ་དེ་བཞིན་གཤེགས་པ་སེམས་ཅན་ཁ་ཅིག་ལ་ནི་ཐེག་པ་ཆེན་པོ་སྟོན། ཁ་ཅིག་ལ་ནི་རང་སངས་རྒྱས་ཀྱི་ཐེག་པ་དང་། སེམས་ཅན་ཁ་ཅིག་ལ་ནི་ཉན་ཐོས་ཀྱི་ཐེག་པ་སྟོན་ཏམ། དེ་ལྟར་གྱུར་ན་དེ་བཞིན་གཤེགས་པ་སེམས་ཡོངས་སུ་མ་དག་པར་འགྱུར། སེམས་མི་སྙོམས་པར་འགྱུར།། མངོན་པར་ཆགས་པར་འགྱུར་དེ་བཞིན་གཤེགས་པ་ཉི་ཚེ་བའི་སྙིང་རྗེ་དང་ལྡན་པར་འགྱུར་དེ་བཞིན་གཤེགས་པ་སྣ་ཚོགས་པ་འདུ་ཤེས་ཀྱི་སྐྱོན་ཏུ་ལྟུང་བར་འགྱུར། དེ་བཞིན་གཤེགས་པ་སློབ་དཔོན་ཆོས་ཀྱི་དཔེ་མཁྱུད་བྱེད་པར་འགྱུར་རོ།། འཇམ་དཔལ་དེ་བཞིན་གཤེགས་པ་ཆོས་གང་ཅི་སྟོན་ཀྱང་རུང་། ཆོས་དེ་དག་ཐམས་ཅད་ཀྱང་ཐེག་པ་ཆེན་པོ་ལ་གཞོལ་བ། ཐེག་པ་ཆེན་པོ་ལ་འབབ་པ། ཐེག་པ་ཆེན་པོ་ལ་བབ་པ། ཐམས་ཅད་མཁྱེན་པའི་ཡེ་ཤེས་བསྒྲུབ་པ། ཐམས་ཅད་མཁྱེན་པའི་ཡེ་ཤེས་ཐོབ་པར་བྱེད་པ། ཐམས་ཅད་མཁྱེན་པའི་ཡེ་ཤེས་ཐོབ་པར་བྱ་བའི་ཕྱིར་འཇུག་པ་སྟེ། འཇམ་དཔལ་དེའི་ཕྱིར་སངས་རྒྱས་ཀྱི་ཞིང་དེ་ན་ཐེག་པ་ཐ་དད་པ་རྣམ་པར་བཞག་པ་མེད་དོ། ། འཇམ་དཔལ་གྱིས་གསོལ་པ། བཅོམ་ལྡན་འདས་གལ་ཏེ་ཐེག་པ་ཐ་དད་པ་རྣམ་པར་བཞག་པ་མ་མཆིས་ན། འདི་ནི་ཉན་ཐོས་ཀྱི་ཐེག་པའོ།། འདི་ནི་རང་སངས་རྒྱས་ཀྱི་ཐེག་པའོ།། འདི་ནི་ཐེག་པ་ཆེན་པོའོ་ཞེས། བཅོམ་ལྡན་འདས་ཀྱིས་སེམས་ཅན་རྣམས་ལ་ཐེག་པ་གསུམ་བསྟན་པ་དེ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ།། འཇམ་དཔལ་ཐེག་པ་ཐ་དད་པ་ཞེས་བྱ་བ་དེ་ནི་ས་རྣམ་པར་བཞག་པའི་ཚིག་བླ་དགས་སོ། ། འཇམ་དཔལ་རབ་འབྲིང་ཐ་མའི་ཆོས་བསྟན་པ་ཞེས་བྱ་བ་དེ་ནི། དེ་བཞིན་གཤེགས་པས་ཆོས་ཀྱི་མཚན་ཉིད་རྣམ་པར་བཞག་པར་བསྟན་ཏོ།། ། དེ་ནི་དེ་བཞིན་གཤེགས་པས་གང་ཟག་རྣམ་པར་བཞག་པར་བཞག་གོ། ཚོགས་ཆུང་ངུ་བསགས་པའི་སེམས་ཅན་རྣམས་དང་། བསོད་ནམས་ཀྱི་ཚོགས་ཚད་མེད་པ་བསགས་པའི་སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ཐེག་པ་ཐ་དད་པར་བཞག་གི། ཐེག་པ་ནི་ཐ་དད་དུ་དབྱེར་མེད་དོ།། དེ་ཅིའི་ཕྱིར་ཞེ་ན། ཆོས་ཀྱི་དབྱིངས་དབྱེར་མེད་པའི་ཕྱིར་རོ།། འཇམ་དཔལ་ཐེག་པ་བསྟན་པ་ཞེས་བྱ་བདེ་ནི། དེ་བཞིན་གཤེགས་པས་སྒྲིབ་པ་མེད་པར་གསུངས་སོ།། འཇམ་དཔལ་འདི་ལྟ་སྟེ་དཔེར་ན། འཕོང་གི་སློབ་དཔོན་མཁས་པ། འཕོང་ཤེས་པའི་མཆོག་གི་ཕ་རོལ་ཏུ་ཕྱིན་པ་ཐབས་དང་སྤྱོད་ལམ་རྣམ་པ་སྣ་ཆགས་དང་། འབད་པ་དང་། སྤྱོད་ལམ་སྣ་ཚོགས་སྟོན་ཅིང་སློབ་མ་ལ་འཕོང་སློབ་ཀྱང་།། འཕོང་ཤེས་པ་དེ་གཅིག་ཡིན་པ་དེ་བཞིན་དུ། འཇམ་དཔལ་དེ་བཞིན་གཤེགས་པ་ཆོས་ཀྱི་འཕོང་གི་སློབ་དཔོན་མཁས་པ་ཡང་ཆོས་ཀྱི་ཚུལ་སྣ་ཚོགས་ལ་འཇུག་པས་ཁམས་དང་། བསམ་པ་དང་མོས་པ་ཐ་དད་པར་སེམས་ཅན་རྣམས་ལ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་གཅིག་ལས་ཐེག་པ་གསུམ་དུ་སྟོན་ཏོ། ། འཇམ་དཔལ་འདི་ལྟ་སྟེ་དཔེར་ན།། མེ་སྟག་ཆུང་ངུ་ཡར་པ་ཡང་རྩའི་རྒྱུ་དང་ལྡན་ཞིང་མཆེད་ན།། སྲེགས་པའི་བསྐལ་པའི་མེ་ལྟ་བུར་ཚིག་པར་ནུས་པར་འགྱུར་རོ། ། འཇམ་དཔལ་དེ་བཞིན་དུ་ཕྱིར་མི་ལྡོག་པའི་ཡེ་ཤེས་ཀྱི་སྣང་བའི་མ་སྟག་གཅིག་པོ་དེ་ཡང་ཉོན་མོངས་པ་ཐམས་ཅད་བསྲེག་པའི་ཕྱིར། མཐར་གྱིས་མཆེད་ཅིང་དེ་བཞིན་གཤེགས་པའི་ཡེ་ཤེས་ཆེན་པོའི་སྣང་བའི་བར་དུ་བྱེད་ནུས་པར་འགྱུར་རོ། ། འཇམ་དཔལ་འདི་ལྟ་སྟེ་དཔེར་ན། རི་དགས་ཕྲ་མོ་ཐམས་ཅད་རི་དགས་ཀྱི་རྒྱལ་པོ་སེང་གེ་རལ་པ་ཅན་གྱི་མདུན་ན་འདུག་པར་ནུས་པ་མེད་དོ། ། འཇམ་དཔལ་དེ་བཞིན་དུ་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་དང་། གཅེར་བུ་པ་དང་། འཚོ་བ་ཅན་ཐམས་ཅད་དེ་བཞིན་གཤེགས་པའི་མདུན་ན་འདུག་པར་རམ། ཚིག་སྨྲ་བར་ནུས་པ་མེད་དེ། སྟོབས་བཅུའི་སྟོབས་དང་། མི་འཇིགས་པ་བཞིས་འཇིགས་པ་མེད་པའི་སྐྱེས་བུ་ཆེན་པོའི་སྐྱེས་བུ་ཆེན་པོའི་སེང་གེའི་མདུན་དུ་སྒྲ་སྒྲོག་པར་འགྱུར་བ་དེ་ལྟ་བུའི་གནས་མེད་དེ། སེམས་ཅན་ཡོངས་སུ་སྨིན་པར་བྱ་བའི་ཕྱིར། དེ་བཞིན་གཤེགས་པས་བྱིན་གྱིས་བརླབས་པ་ནི་མ་གཏོགས་སོ།། འཇམ་དཔལ་འདི་ལྟ་སྟེ་དཔེར་ན།། ཉི་མའི་དཀྱིལ་འཁོར་ཤར་བ་འོད་ཟེར་གྱི་དྲ་བ་བརྒྱ་སྟོང་གྲངས་མེད་པ་རབ་ཏུ་འགྱེད་པས། སྲིན་བུ་མེ་ཁྱེར་ཐམས་ཅད་འོད་མེད་ཅིང་། ལྷམ་མེ་མ་ཡིན། ལྷང་ངེ་མ་ཡིན་ཏེ། མཛེས་པ་མ་ཡིན་ནོ།། འཇམ་དཔལ་དེ་བཞིན་དུ་དེ་བཞིན་གཤེགས་པའི་བླ་ན་མེང་པའི་ཡེ་ཤེས་ཆེན་པོའི་ཉི་མའི་དཀྱིལ་འཁོར་ཤར་ནས། ཡེ་ཤེས་ཆེན་པོའི་འོད་ཟེར་བརྒྱ་སྟོང་གྲངས་མེད་པ་རབ་ཏུ་བཀྱེ་བས།། གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་བ་དང་། གཅེར་བུ་པ་ལ་སོགས་པ་ཐམས་ཅད་འོད་མེད་པར་འགྱུར་ཏེ། ལྷམ་མ་མ་ཡིན། ལྷང་ངེ་མ་ཡིན་ཞིང་།། མཛེས་པ་མ་ཡིན་པ་འདི་ནི་དེ་བཞིན་གཤེགས་པའི་བྱིན་གྱི་རླབས་སུ་ཤེས་པར་བྱའོ། ། དེ་བཞིན་གཤེགས་པའི་ཐབས་ལ་མཁས་པའི་ཡུལ་ད་ནི་བསམ་གྱིས་མི་ཁྱབ་སྟེ། དེས་ན་སངས་རྒྱས་ཀྱི་ཞིང་དེར་གཞན་མུ་སྟེགས་ཅན་སྤྱོད་པ་པ་དང་། ཀུན་ཏུ་རྒྱུ་བ་དང་། གཅེར་བུ་པ་རྣམས་ཀུན་ཏུ་སྣང་ངོ་།། དེ་ཅིའི་ཕྱིར་ཞེ་ན། གཞན་མུ་སྟེགས་ཅན་གྱི་སྒོ་དེ་དག་ཐམས་ཅད་ནི་རྣམ་པར་ཐར་པ་དང་། ཏིང་ངེ་འཛིན་བསམ་གྱིས་མི་ཁྱབ་པ་ལ་གནས་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་ངེས་པར་བྱུང་བ། ། ཐབས་མཁས་པ་ཆེན་པོས་རྣམ་པར་རྩེན་པ། སངས་རྒྱས་དང་། ཆོས་དང་། དགེ་འདུན་ཡིད་ལ་བྱེད་པ་དང་མ་བྲལ་བ། སེམས་ཡོངས་སུ་སྨིན་པར་བྱེད་པའི་མཆོག་གི་ཕ་རོལ་ཏུ་སོན་པ་སྟེ། སེམས་ཅན་ཡོངས་སུ་སྨིན་པར་བྱ་བའི་ཕྱིར། དེ་བཞིན་གཤེགས་པའི་བྱིན་གྱི་རླབས་ཀྱིས་བྱིན་གྱིས་བརླབས་པ་དག་གོ།། འཇམ་དཔལ་འདི་ལྟ་སྟེ། དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་སེམས་ཅན་དེ་དག་སེམས་ཅན་རེ་རེ་ནས། འཛམ་བུའི་གླིང་ལ་དབང་བའི་རྒྱལ་པོར་གྱུར་ཏེ། དེ་དག་ཐམས་ཅད་ཀྱིས་ཚིག་འདི་སྐད་ཅེས་བདག་ཅག་གིས་ཐེག་པ་ཆེན་པོ་གང་ལེན་པ་དང་། འཛིན་པ་དང་། ཀློག་པ་དང་། ཀུན་ཆུབ་པར་བྱེད་པ་དེའི་ཤ་ལས་ཉི་མཱ་རེ་རེ་ཞིང་ཡང་སྲང་ལྔ་ལྔ་སྟེན་མོས་གཅད་པར་བྱ་སྟེ། དེ་ཚུལ་དེ་ལྟ་བུས་སྲོག་དང་དཔྲལ་ལོ་ཞེས་སྨྲ་བ་ལ། འཇམ་དཔལ་གལ་ཏེ། བྱང་ཆུབ་སེམས་དཔའ་དེ་སྐད་སྨྲ་བས་མི་སྐྲག་གོ། མི་དངང་དངང་བར་མི་འགྱུར་ཏེ། ཐ་ན་སྐྲག་པའི་སེམས་ཀྱང་མི་སྐྱེད། ཞུམ་པ་མེད། གོང་བ་མེད།། ཐེ་ཙོམ་མེད་ལ། ཕྱིར་ཞིང་ཆོས་ཡོངས་སུ་བཟུང་བ་ལ་བརྩོན་ཏེ། ཀློག་པ་དང་། ཁ་ཏོན་བྱེད་པ་ལ་བརྩོན་པར་འགྱུར་བའི་བྱང་ཆུབ་སེམས་དཔའ་དེ་ནི།། འཇམ་དཔལ་སེམས་དཔའ་བ། སྦྱིན་པ་ལ་དཔའ་བ། ཚུལ་ཁྲིམས་ལ་དཔའ་བ། བཟོད་པ་ལ་དཔའ་བ། བརྩོན་འགྲུས་ལ་དཔའ་བ། བསམ་གཏན་ལ་དཔའ་བ། ཤེས་རབ་ལ་དཔའ་བ། ཏིང་ངེ་འཛིན་ལ་དཔའ་བ་ཞེས་བྱའོ། ། འཇམ་དཔལ་གལ་ཏེ་བྱང་ཆུབ་དཔའ་དེ་གསོད་པའི་མི་དེ་དག་ལ་མི་ཁྲོ་ཞིང་། ཐ་བ་དང་ཞེ་སྡང་གི་སེམས་མི་སྐྱེད་ན། འཇམ་དཔལ་བྱང་ཆུབ་སེམས་དཔའ་དེ་ནི་ཚངས་པ་དང་མཚུངས་པ། དབང་པོ་དང་མཚུངས་པ། ལྷུན་པོ་དང་མཚུངས་པ།། མི་གཡོ་བ། སྙིང་རྗེ་དང་ལྡན་པ། བྱམས་པ་ལ་གནས་པ། སེམས་ཅན་ཐམས་ཅད་ཀྱི་བསམ་པ་གསོ་བ་ལ་མོས་པ་ཕྱིར་མི་ལྡོག་པའི་སྤྱོད་ཡུལ་བ། སེམས་ས་དང་མཚུངས་པ། སེམས་མེ་དང་མཚུངས་པ། སེམས་ནམ་མཁའ་དང་མཚུངས་པ་ཞེས་བྱ་སྟེ། སེམས་ཅན་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་དང་། ཐ་བ་སེལ་བའི་ཕྱིར་ཞུགས་པའོ།། འཇམ་དཔལ་གང་གིས་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་རྣམས་ལས་སངས་རྒྱས་རེ་རེ་ལ་ཡང་གངྒཱའི་ཀླུང་གི་བྱེ་མ་སྙེད་ཀྱི་སངས་རྒྱས་ཀྱི་ཞིང་ནོར་བུ་རིན་པོ་ཆེ་དབང་གི་རྒྱལ་པོས་རབ་ཏུ་བཀང་སྟེ། དབུལ་བ་ཕུལ་ལ། དེ་ལྟར་དབུལ་བས་གངྒཱའི་ཀླུང་གི་བྱེ་མ་སྙེད་ཀྱིས་བསྐལ་པར་དབུལ་བ་ཕུལ་བ་བས། འཇམ་དཔལ་བྱང་ཆུབ་སེམས་དཔའ་གཞན་གང་གིས་རྣམ་པ་འདི་ལྟ་བུའི་ཆོས་འདི་ཐོས་ནས། ། ཕྱོགས་གཅིག་ཏུ་སོང་སྟེ། འདི་ལྟར་སེམས་ཀྱིས་མངོན་པར་རྟོག་ཅིང་འདི་ལྟ་བུའི་ཆོས་ལ་བསླབ་པར་བྱའོ་ཞེས་སློབ་པར་འདོད་ན། དེས་མ་བསླབས་སུ་ཟིན་ཀྱང་བསོད་ནམས་ཆེས་མང་དུ་སྐྱེད་དེ། བྱང་ཆུབ་སེམས་དཔའ་ནོར་བུ་རིན་པོ་ཆེ་དབང་གི་རྒྱལ་པོ་སྦྱིན་པའི་བསོད་ནམས་ནི་དེ་ལྟ་མ་ཡིན་ནོ།། དེ་ཅིའི་ཕྱིར་ཞེ་ན། དེའི་སེམས་བསྐྱེད་མ་ཐག་ཏུ་དེས་ཆོས་བཞི་ཡོངས་སུ་འཛིན་པའི་ཕྱིར་ཏེ་བཞི་གང་ཞེ་ན། བྱམས་པ་ཡོངས་སུ་བཟུང་བ་ཡིན། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་བཀའ་དང་མི་འགལ་བར་བྱ་བ་ཡིན། དེ་ནན་ཏན་སྙིང་པོར་བྱེད་པ་ཡིན།། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་ཡིན་ཏེ། ཆོས་བཞི་པོ་དེ་དག་ཡོངས་སུ་འཛིན་ཏོ།། གཞན་ཡང་ཆོས་བཞི་ཡོངས་སུ་འཛིན་ཏེ། བཞི་གང་ཞེ་ན། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་།། སོ་སོ་ཡང་དག་པར་རིག་པ་བཞི་དང་། སྒྲིབ་པ་མེད་པའི་བློའི་རྣམ་པར་ཐར་པ་ཡོངས་སུ་འཛིན་པ་སྟེ། བཞི་པོ་དེ་དག་གོ།། འཇམ་དཔལ་ཆོས་བཞི་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱ་སྟེ། བཞི་གང་ཞེ་ན། དུས་སུ་སྦྱིན་པ་དང་། གཡོ་མེད་ཅིང་སྒྱུ་མེད་པ་དང་། ལྷག་པའི་བསམ་པས་བྱང་ཆུབ་ཏུ་སེམས་བསྐྱེད་པ་དང་མི་འབྲལ་བ་དང་། སེམས་དང་པོ་བསྐྱེད་པའི་བྱང་ཆུབ་སེམས་དཔའ་ལ་ཡང་ཤིན་ཏུ་གུས་པ་སྟེ། ཆོས་བཞི་པོ་དེ་དག་དང་ལྡན་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱའོ།། འཇམ་དཔལ་གལ་ཏེ་བྱང་ཆུབ་སེམས་དཔའ་ལ་རྒྱལ་པོ་འམ། བློན་པོ་ཆེན་པོ་གང་ཞིག་འདི་སྐད་ཅེས་གལ་ཏེ། ཁྱོད་སེམས་ཅན་གཅིག་གི་དོན་ཏུ་དགེ་བའི་རྩ་བ་གཅིག་ཡང་དག་པར་བསྒྲུབས་ཏེ། ཐ་ན་དུད་འགྲོའི་སྐྱེ་གནས་སུ་སོང་བ་ལ་ཟན་ཆང་གཅིག་ཙམ་སྦྱིན་ཞིང་བསྒྲུབ་ན་ཡང་།། དེའི་ཕྱིར་ངས་ཁྱོད་ཀྱིས་ཤ་སེན་མོས་གཏོགས་ཏེ་མེད་པར་བྱའོ་ཞེས་ཟེར་ལ། གལ་ཏེ་བྱང་ཆུབ་སེམས་དཔའ་དེ་སྐད་ཟེར་བ་ལ་མི་སྐྲག་མི་དངང་དངང་བར་མི་འགྱུར་ཞིང་འཇིག་པ་མེད་ཀྱི། འདི་ལྟར་སེམས་བསྐྱེད་དེ། གངྒཱའི་ཀླུང་གི་བྱེ་མ་སྙེད་ཀྱི་ལུས་ཀྱི་ཤ་སེན་མོས་བཅད་དེ་བོར་ཡང་བདག་སྤྲོ་བར་བྱའི། བདག་སེམས་ཅན་གཅིག་གི་ཕྱིར་ཡང་ཇི་ཙམ་དུ་ཆུང་ཡང་དགེ་བའི་རྩ་བ་གཅིག་ཡང་དག་པར་མི་བསྒྲུབ་ཏུ་མི་གཏང་ངོ་སྙམ་ནས། སེམས་བསྐྱེད་པ་གཅིག་པོ་དེས། བྱང་ཆུབ་སེམས་དཔའ་དེས་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་སྙེད་ཀྱི་གཏན་པ་མེད་པའི་མཆོད་སྦྱིན་ཟིལ་གྱིས་གནོན་ཏོ།། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀྱི་བྱང་ཆུབ་སེམས་དཔའ་རྣམས་ཀྱི་སྦྱིན་པ་ལས་བྱུང་བའི་དགེ་བའི་རྩ་བ་རྣམས་ཀྱང་ཟིལ་གྱིས་གནོན་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་འགྱུར་རོ། ། གངྒཱའི་ཀླུང་གི་བྱེ་མ་སྙེད་ཀྱི་འཁོར་ལོ་སྒྱུར་བའི་རྒྱལ་པོ་ཡང་མྱོང་བར་འགྱུར་རོ།། དེ་བཞིན་དུ་གངྒཱའི་ཀླུང་གི་བྱེ་མ་སྙེད་ཀྱི་བརྒྱ་བྱིན་དང་ཚངས་པ་འཐོབ་ཅིང་མྱོང་བར་འགྱུར་རོ། ། དེ་ཅིའི་ཕྱིར་ཞེ་ན། འཇམ་དཔལ་བྱང་ཆུབ་སེམས་དཔའ་གང་གིས་སེམས་ཅན་རྣམས་ལ་སྙིང་རྗེ་བསྐྱེད་ན་དེ་སྙིང་རྗེ་དང་ལྡན་པའི་དགེ་བའི་རྩ་བ་དེས་ཆོས་བཞི་ཡོངས་སུ་འཛིན་ཏེ། བཞི་གང་ཞེ་ན། བརྟན་པའི་སེམས་ཡོངས་སུ་འཛིན་པ་དང་། ཁོང་ཁྲོ་བ་མེད་པའི་སེམས་དང་། སྙིང་རྗེ་ཆེན་པོ་ཡོངས་སུ་འཛིན་པ་དང་། ཕྱིན་ཅི་ལོག་གི་ཤེས་པ་སྤངས་ནས་ཕྱིན་ཅི་མ་ལོག་པའི་ཡེ་ཤེས་འཐོབ་པའོ།། གཞན་ཡང་ཆོས་བཞི་ཡོངས་སུ་འཛིན་ཏེ། བཞི་གང་ཞེ་ན། ཚུལ་ཁྲིམས་ཕུན་སུམ་ཚོགས་པ་མཆོག་ཡོངས་སུ་འཛིན་ཏེ། ཚུལ་ཁྲིམས་ཕུན་སུམ་ཚོགས་པ་མཆོག་དེ་དང་ལྡན་པས། བྱང་ཆུབ་སེམས་དཔའ་ལྷ་གཞན་ལ་རྟོན་པར་མི་འགྱུར་བ་དང་། དྲན་པ་ཕུན་སུམ་ཚོགས་པ་མཆོག་འཐོབ་སྟེ། དྲན་པ་ཕུན་སུམ་ཚོགས་པ་མཆོག་དེ་དང་ལྡན་པས།། བྱང་ཆུབ་སེམས་དཔའ་སྐྱེ་བར་སྐྱེ་ན། ཚེ་རབས་དྲན་པར་འགྱུར་བ་དང་། དགེ་བའི་བཤེས་གཉེན་ཕུན་སུམ་ཚོགས་པ་མཆོག་ཡོངས་སུ་འཛིན་ཏེ། དགེ་བའི་བཤེས་གཉེན་ཕུན་སུམ་ཚོགས་པའི་མཆོག་དེ་དང་ལྡན་པས། བྱང་ཆུབ་སེམས་དཔའ་སངས་རྒྱས་འབྱུང་བ་དང་འབྲལ་བར་མི་འགྱུར། སངས་རྒྱས་འབྱུང་བ་དང་མི་འབྲལ་བའི་སངས་རྒྱས་ཀྱི་ཞིང་དུ་སྐྱེ་བར་འགྱུར། གལ་ཏེ་སངས་རྒྱས་ནི་མ་བྱུང་ལ། འཛམ་བུའི་གླིང་དུ་སྐྱེས་ན་ཡང་སྐྱེས་བུ་དམ་པར་འགྱུར། འཛམ་བུའི་གླིང་ན་སྦྱིན་པའི་གནས་གཅིག་པུར་འགྱུར། རང་སངས་རྒྱས་དང་། གཞན་མངོན་པར་ཤེས་པ་ལྔ་དང་ལྡན་པ་དང་། འདོད་པའི་འདོད་ཆགས་དང་བྲལ་བ་དེ་དག་མགུ་བར་བྱེད་པར་འགྱུར། དེ་དག་མགུ་བར་བྱས་ན་བསོད་སྙོམས་འབུལ་བར་འགྱུར་བ་དང་། ལྷ་རྣམས་ཀྱིས་ཡོངས་སུ་བཟུང་བར་འགྱུར་ཏེ། ནམ་བག་མེད་པར་འགྱུར་བ་དེའི་ཚེ་ཡང་གནས་གཙང་མའི་རིས་ཀྱི་ལྷའི་བུ་རྣམས་ཀྱིས་བསྐུལ་བར་འགྱུར། བསྐུལ་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བརྩོན་འགྲུས་རྩོམ་པར་འགྱུར། དེའི་དྲན་པ་ཆུད་མི་ཟ་བར་འགྱུར། བྱང་ཆུབ་ཡང་དག་པར་འགྲུབ་པའི་རྒྱུར་བརྩོན་འགྲུས་རྩོམ་པར་འགྱུར་རོ། ། འཇམ་དཔལ་བྱང་ཆུབ་སེམས་དཔའ་དེ་སེམས་བསྐྱེད་པ་དེས་རྣམ་པར་དག་པར་བྱེད་པའི་ཆོས་ལྔ་ཡོངས་སུ་འཛིན་ཏེ། ལྔ་གང་ཞེ་ན། ཚུལ་ཁྲིམས་རྣམ་པར་དག་པ་ཡོངས་སུ་འཛིན་པ་དང་། ལུས་རྣམ་པར་དག་པ་དང་། མཚན་ཕུན་སུམ་ཚོགས་པ་འཐོབ་པ་རྣམ་པར་དག་པ་དང་། དགེ་བའི་རྩ་བ་སྦྱངས་པ་རྣམ་པར་དག་པ་དང་། སངས་རྒྱས་ལ་བརྟེན། ཆོས་ལ་བརྟེན།། དགེ་འདུན་ལ་བརྟེན།། བྱང་ཆུབ་སེམས་དཔའ་ལ་བརྟེན།། བྱང་ཆུབ་ཏུ་སེམས་བསྐྱེད་པ་ལ་བརྟེན་པ་ཡོངས་སུ་འཛིན་པ་ཡིན་ཏེ། བཇམ་དཔལ་རྣམ་པར་དག་པར་བྱེད་པའི་ཆོས་དེ་དག་ཡོངས་སུ་འཛིན་པར་འགྱུར་རོ། ། འཇམ་དཔལ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་འཛམ་བུ་གླིང་པའི་སེམས་ཅན་ཐམས་ཅད་ཀྱི་སྲོག་བཅད་དེ། དེ་དག་གི་བདོག་པ་ཐམས་ཅད་ཐོགས་པ་བས་འཇམ་དཔལ་རིགས་ཀྱི་བུ་འམ། རིགས་ཀྱི་བུ་མོ་གང་གཞན་ཞིག་གིས་བྱང་ཆུབ་སེམས་དཔའ་དགེ་བའི་རྩ་བ་གཅིག་གི་སེམས་བསྐྱེད་པ། ཐ་ན་དུད་འགྲོའི་སྐྱེ་གནས་སུ་སོང་བ་ལ་ཟན་ཆང་གཅིག་བྱིན་པ་དང་ལྡན་པའི་དགེ་བའི་རྩ་བའི་བར་ཆད་བྱས་ན། དེ་དེ་བས་ཆེས་སྡིག་པ་གྲངས་མེད་པར་སྐྱེད་དོ།། དེ་ཅིའི་ཕྱིར་ཞེ་ན། སངས་རྒྱས་འབྱུང་བ་བསྐྱེད་པའི་དགེ་བའི་རྩ་བའི་བར་ཆད་བྱེད་པར་གནས་པའི་ཕྱིར་རོ། ། འཇམ་དཔལ་རིགས་ཀྱི་ཁུ་བམ། རིགས་ཀྱི་བུ་མོ་གང་ལ་ལས་མདོ་སྡེ་དཀོན་མཆོག་སངས་རྒྱས་ཀྱི་ཡེ་ཤེས་སྐྱེད་པ་རྣམ་པ་འདི་ལྟ་བུ་འདི་ལ་མོས་པའི་བྱང་ཆུབ་སེམས་དཔའ་ལ་སྤྱོད་ཅིང་བསྔགས་པ་མ་ཡིན་པ་བརྗོད། ། འདུམ་པར་མི་བྱེད། དགེ་བའི་རྩ་བ་དང་བྲལ་བར་བྱེད། དགེ་བའི་རྩ་བ་ལ་མོས་པ་དང་བྲལ་བར་བྱེད་ཅིང་བར་ཆད་བྱེད་ན།། དེ་མི་དགེ་བའི་རྩ་བ་བསགས་པ་དེས་སེམས་ཅན་དམྱལ་བ་ཆེན་པོ་རྣམས་སུ་སྐྱེ་བར་འགྱུར་རོ།། དེ་དེར་སྐྱེས་ནས་ལུས་དཔག་ཚད་ལྔ་བརྒྱ་པ་འགྲུབ་བོ།། ལུས་དེ་ལ་ཡང་མགོ་ལྔ་བརྒྱར་འགྱུར་རོ།། མགོ་བོ་རེ་རེ་ལ་ཡང་ལྕེ་ལྔ་བརྒྱ་ལྔ་བརྒྱར་འགྱུར་རོ།། ལྕེ་རེ་རེ་ལ་ཡང་ཐོང་གཤོལ་ལྔ་བརྒྱ་ལྔ་བརྒྱས་རྨོ་བར་འགྱུར་ཏེ། བསྐལ་པ་ཇི་སྙེད་ཅིག་གི་བྱང་ཆུབ་སེམས་དཔའ་དེ་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བ་དེ་སྙེད་ཀྱི་བསྐལ་པར་སེམས་ཅན་དམྱལ་བ་ཆེན་པོ་རྣམས་སུ་སྐྱེས་ནས། སྡུག་བསྔལ་ཆེན་པོ་མྱོང་བར་འགྱུར་རོ།། དེ་ཅིའི་ཕྱིར་ཞེ་ན། དེ་སངས་རྒྱས་འབྱུང་བའི་བར་ཆད་བྱ་བར་ཞུགས་པའི་ཕྱིར་རོ། ། གང་སངས་རྒྱས་འབྱུང་བའི་བར་ཆད་བྱ་བའི་ཕྱིར་ཞུགས་པ་དེ། སངས་རྒྱས་ཀྱི་རིགས་གཅོད་པའི་ཕྱིར་ཞུགས་པའོ།། ཆོས་ཀྱི་རིགས་གཅོད་པའི་ཕྱིར་ཞུགས་པའོ། ། དགེ་འདུན་གྱི་རིགས་གཅོད་པའི་ཕྱིར་ཞུགས་པའོ།། དེ་ལྷའི་རིགས་གཅོད་པའི་ཕྱིར་ཞུགས་པའོ།། དེ་ཚངས་པ་ཐམས་ཅད་ཀྱི་རིགས་གཅོད་པའི་ཕྱིར་ཞུགས་པའོ།། དེ་མིའི་རིགས་གཅོད་པའི་ཕྱིར་ཞུགས་པའོ།། དེ་སེམས་ཅན་ཐམས་ཅད་ཀྱི་བདེ་བ་སྦྱར་བ་ཐམས་ཅད་གཅོད་པའི་ཕྱིར་ཞུགས་པའོ།། འཇམ་དཔལ་གང་ལ་ལ་བྱང་ཆུབ་སེམས་དཔའི་དགེ་བའི་རྩ་བ་གཅོད་པའི་ཕྱིར་འཇུག་པ་དེ་ལ། རྣམ་པ་དེ་ལྟ་བུའི་སྡུག་བསྔལ་ཆེན་པོ་སྐྱེ་བར་འགྱུར་རོ།། དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་དེ་དག་ཐམས་ཅད་ནི་དགེ་བའི་རྩ་བའི་ཚོགས་ཐམས་ཅད་ཀྱིས།། བྱང་ཆུབ་མངོན་པར་རྫོགས་པར་འཚང་རྒྱའོ།། མངོན་པར་རྫོགས་པར་སངས་རྒྱས་ནས་ཀྱང་།། སེམས་ཅན་རྣམས་ལ་ཆོས་ཀྱི་འཁོར་ལོ་རབ་ཏུ་བསྐོར་རོ།། ཆོས་ཐོས་ནས་ཀྱང་རྒྱུན་ཏུ་ཞུགས་པར་འགྱུར། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པར་འགྱུར།། རང་རྒྱལ་བར་འགྱུར།། རྒྱལ་པོ་ཆེན་པོ་བཞིར་འགྱུར།། སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷར་འགྱུར། ཟླ་བ་དང་ཉི་མར་འགྱུར། སྐར་མ་དང་།། རྒྱུ་སྐར་དང་། ཚོགས་དང་། ཚོགས་ཀྱི་བདག་པོ་ཆེན་པོར་འགྱུར། དྲག་པོ་དང་། དྲག་པོ་ཆེན་པོ་དང་། དྲག་པོ་སྔོན་པོར་འགྱུར། སངས་རྒྱས་ལ་རྟེན་ཏེ། ཚངས་པར་འགྱུར། ཚངས་པ་ཆེན་པོར་འགྱུར། ཚངས་པའི་མདུན་ན་འདོན་དུ་འགྱུར། འོད་ཆུང་དང་། ཚད་མེད་འོད་དང་། འོད་གསལ་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། སྤྲིན་མེད་དང་། བསོད་ནམས་སྐྱེས་དང་། འབྲས་བུ་ཆེ་དང་། མི་ཆེ་བ་དང་། མི་གདུང་བ་དང་། གྱ་ནོམ་སྣང་དང་། ཤིན་ཏུ་མཐོང་དང་། འོག་མིན་གྱི་ལྷ་རྣམས་སུ་འགྱུར། སངས་རྒྱས་ལ་བརྟེན་ཏེ་འཁོར་ལོ་སྦྱར་བའི་རྒྱལ་པོར་འགྱུར། སྟོབས་ཀྱི་འཁོར་ལོ་སྦྱར་བར་འགྱུར།། རྒྱལ་ཕྲན་དུ་འགྱུར། དྲང་སྲོང་མངོན་པར་ཤེས་པ་ལྔ་ཅན་འཇིག་རྟེན་ཏུ་འབྱུང་བར་འགྱུར། སངས་རྒྱས་ལ་བརྟེན་ཏེ་དགེ་བ་བཅུའི་ལས་ཀྱི་ལམ་འཇིག་རྟེན་དུ་སྣང་བར་འགྱུར། སངས་རྒྱས་ལ་བརྟེན་ཏེ། མིའི་འཇིག་རྟེན་འབྱུང་བར་འགྱུར། སངས་རྒྱས་ལ་བརྟེན་ཏེ་སྐྱིད་པ་དང་། ནོར་ཆེ་བ་དང་། མཛོད་མང་བ་དང་། ལུས་ཤིན་ཏུ་འཇམ་པར་འགྱུར། གླང་པོ་ཆེས་འགྲོ་བར་འགྱུར། རྟས་འགྲོ་བ་དང་། དཔུང་བུ་ཆུང་གིས་འགྲོ་བར་འགྱུར་རོ།། འཇམ་དཔལ་བྱང་ཆུབ་སེམས་དཔའ་གང་ལ་ལ་གཞན་གྱི་ཁྱིམ་རྣམས་སུ་བྱང་ཆུབ་སེམས་དཔའ་ལ་ཕྲག་དོག་དང་སེར་སྣ་བྱེད་ན། དེས་དེའི་ཚེ་གཞི་དེ་ལས་འཇིག་པ་ཆེན་པོ་གསུམ་ཤེས་པར་བྱ་སྟེ། གསུམ་གང་ཞེ་ན། སམ་ཅན་དམྱལ་བར་སྐྱེ་བའི་འཇིགས་པ་དང་། དམུས་ལོང་གི་འཇིགས་པ་དང་། ཡུལ་མཐའ་འཁོབ་ཏུ་སྐྱེ་བའི་འཇིག་པ་སྟེ། འཇིགས་པ་གསུམ་མོ།། འཇམ་དཔལ་གལ་ཏེ་བྱང་ཆུབ་སེམས་དཔའ་བསོད་སྙོམས་བླངས་ཏེ། རིད་པ་དང་། ཕོངས་པ་དང་། སྤྲང་པོ་དང་། སློང་བ་རྣམས་ལ་བགོས་ཏེ་བྱིན་ན་དེ་དགེ་བའི་རྩ་བ་དེས་ཚེ་རྗེས་ནས། འཁོར་ལོ་སྒྱུར་བའི་རྒྱལ་པོ་རྫུ་འཕྲུལ་ཆེན་པོ་དང་ལྡན་པར་འགྱུར་། འཇམ་དཔལ་གལ་ཏེ་བྱང་ཆུབ་སེམས་དཔའ་ཁྱིམ་པ་ལ་ཆོས་སྟོན་ཅིང་སྙིང་རྗེ་བས་དོན་དུ་འདོད་ཕན་པར་འདོད། སེམས་ཅན་དེ་དག་ལ་བདེ་བ་དང་གྲུབ་པར་འདོད་ཀྱི། རྙེད་པ་དང་། བཀུར་སྟི་དོན་ཏུ་མི་གཉེར་ན། དེ་དགེ་བའི་རྩ་བ་དེས་ཤེས་རབ་རྣོ་བར་འགྱུར། འཁོར་ལོ་སྒྱུར་བའི་རྒྱལ་པོ་རྫུ་འཕྲུལ་ཆེན་པོ་དང་ལྡན་པར་འགྱུར། བརྒྱ་བྱིན་རྫུ་འཕྲུལ་ཆེན་པོ་དང་ལྡན་པར་འགྱུར། ཚངས་པ་རྫུ་འཕྲུལ་ཆེན་པོ་དང་ལྡན་པར་འགྱུར། མིའི་དམ་པ་སངས་རྒྱས་སུ་འགྱུར་རོ།། འཇམ་དཔལ་གལ་ཏེ་བྱང་ཆུབ་སེམས་དཔའ་སྡུག་བསྔལ་བའི་སེམས་ཅན་མཐོང་ན་སྙིང་རྗེ་སྐྱེད་ཅིང་བདེ་བའི་སེམས་ཅན་མཐོང་ན་མཆོག་ཏུ་དགའ་བ་སྐྱེད་ན། དེ་ཚེ་རྗེས་ནས་དགེ་བའི་རྩ་བ་དེས་ལུས་གསེར་གྱི་མདོག་ཅན་དུ་འགྱུར་རོ།། །། བམ་པོ་གསུམ་པ་སྟེ་ཐ་མའོ།། །། དེ་ནས་བཅོམ་ལྡན་འདས་ལ། འཇམ་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ།། བཅོམ་ལྡན་འདས་གང་དུ་འཕགས་པའི་ལམ་བརྗོད་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། འདུ་བྱེད་ཡོད་པ་ལ་འཕགས་པའི་ལམ་བརྗོད་པར་འགྱུར་རོ། ། འཕགས་པའི་ལམ་ཡང་གནས་པ་མེད་པའོ།། གནས་མེད་པ་ལ་རྣམ་པར་ཤེས་པ་གནས་པ་མེད་དོ།། རྣམ་པར་ཤེས་པ་གནས་པ་མེད་ན། འཕགས་པའི་ལམ་ལ་གནས་པ་ཞེས་བྱའོ། ། འཕགས་པའི་ལམ་གྱི་གནས་གང་ཡིན་པ་དེ་ནི། མིག་གི་གནས། རྣ་བའི་གནས། སྣའི་གནས། ལྕེའི་གནས།། ལུས་ཀྱི་གནས། ཡིད་ཀྱི་གནས་སོ།། དེ་ཅིའི་ཕྱིར་ཞེ་ན། མིག་ནི་མིག་གིས་དབེན་ནོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་ཡིད་ཀྱིས་དབེན་ནོ།། ཅིས་དབེན་ཞེ་ན། འདས་པས་དབེན་ནོ།། མ་འོངས་པས་དབེན་ནོ།། ད་ལྟར་བྱུང་བས་དབེན་ནོ། ། མིག་གི་དབེན་པ་ལ་མིག་གི་དབེན་པ་ཡོད་པ་ཡང་མ་ཡིན། མེད་པ་ཡང་མ་ཡིན་ནོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་དབེན་པ་ལ་ཡིད་ཀྱི་དབེན་པ་ཡོད་པ་ཡང་མ་ཡིན། མེད་པ་ཡང་མ་ཡིན་ནོ།། གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་ཀྱི་དབེན་པ་ལ་ཆོས་ཀྱི་དབེན་པ་ཡོད་པ་ཡང་མ་ཡིན། མེད་པ་ཡང་མ་ཡིན་ནོ། ། དེ་ཅིའི་ཕྱིར་ཞེ་ན། བདག་དང་། བདག་གི་དང་། རྟག་པ་དང་། བརྟན་པ་དང་། ཐེར་ཟུག་དང་། མི་འགྱུར་བའི་ཆོས་ཅན་ཤིན་ཏུ་དབེན་པའི་ཕྱིར་ཏེ། སྟོང་པ་ཞེས་ཀྱང་མི་བརྗོད། མི་སྟོང་པ་ཞེས་ཀྱང་མི་བརྗོད་ཀྱི། དེ་ནི་འདས་པ་ཞེས་ཀྱང་བརྗོད་ལ་འདས་པ་མ་ཡིན་པ་ཞེས་ཀྱང་མི་བརྗོད་དོ།། མ་འོངས་པ་ཞེས་ཀྱང་བརྗོད་ལ།། མ་འོངས་པ་མ་ཡིན་པ་ཞེས་ཀྱང་མི་བརྗོད་དོ། ། ད་ལྟར་བྱུང་བ་ཞེས་ཀྱང་བརྗོད་ལ། ད་ལྟར་བྱུང་བ་མ་ཡིན་པ་ཞེས་ཀྱང་མི་བརྗོད་དོ།། འདི་ནི་འདས་པ་དང་། མ་འོངས་པ་དང་། ད་ལྟར་བྱུང་བ་ཞེས་ཀྱང་བརྗོད་ལ་བརྗོད་པ་ཡང་མ་ཡིན་ནོ། ། དེ་ཅིའི་ཕྱིར་ཞེ་ན། འདི་ནི་འདས་པས་སྟོང་ངོ་།། མ་འོངས་པས་སྟོང་ངོ་།། ད་ལྟར་བྱུང་བས་སྟོང་ངོ་།། གང་འདས་པས་སྟོང་པ་དང་། མ་འོངས་པས་སྟོང་པ་དང་། ད་ལྟར་བྱུང་བས་སྟོང་པ་དེ་ནི་འདས་པས་དག་པའོ། ། མ་འོངས་པས་དག་གོ། ད་ལྟར་བྱུང་བས་དག་གོ། འཇམ་དཔལ་འདི་ཇི་སྙམ་དུ་སེམས།། གང་གཞོམ་པ་མ་ཡིན་པ་དེ་གཞོམ་པར་ནུས་སམ། གསོལ་པ། བཅོམ་ལྡན་འདས་དེ་ནི་མི་ནུས་སོ།། དེ་ཅིའི་སླད་དུ་ཞེ་ན། དེ་ནི་མཉམ་པ་ལགས་ཏེ། ནམ་དུ་ཡང་མི་མཉམ་པར་མི་འགྱུར་རོ།། འཇམ་དཔལ་དེ་བཞིན་ཏེ། དེ་བཞིན་གཤེགས་པས་མི་མཉམ་པ་མེད་པར་ཆོས་བསྟན་ཏོ། ། འཇམ་དཔལ་གང་མི་མཉམ་པ་མེད་ན་མི་གཞོམ་པའོ།། གང་གཞོམ་པ་མ་ཡིན་ཞིང་། མཉམ་པ་དེ་ནི་མི་མཉམ་པ་མེད་པའོ།། ལྟོས་པ་མེད་པའོ།། འཇུག་པ་མེད་པའོ།། འགྲོ་བ་མེད་པའོ།། འགྲོ་བ་ཡང་དག་པར་ཆད་པའོ།། ཤེས་པར་བྱ་བ་མ་ཡིན་པའོ།། གང་དག་གིས་ཤེས་པར་བྱ་བ་མ་ཡིན་ཞེ་ན། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་རྣམས་ཀྱིས་ཤེས་པར་བྱ་བ་མ་ཡིན་ནོ། ། འདུ་བྱེད་དུ་གྱུར་པ་ཐམས་ཅད་ཀྱིས་ཤེས་པར་བྱ་བ་མ་ཡིན་ནོ།། དེ་ནི་ལུས་ཀྱི་འདུ་བྱེད་དང་། ངག་གི་འདུ་བྱེད་དང་། ཡིད་ཀྱི་འདུ་བྱེད་འགགས་པའོ།། ཅིའི་རྒྱུས་འགག། ཅི་སྔོན་བྱུང་ལ་དེ་དག་ཕྱིས་འགགས་པ་ཞིག་གམ། འོན་ཏེ་འདས་པ་ན་ཞིག་པས་འགགས་སམ། གང་ཞིག་པས་འགགས། དེ་སྔོན་མི་ཤེས་པ་ལ་རབ་ཏུ་གནས་པས་མི་དགེ་བའི་ལས་མངོན་པར་འདུ་བྱེད་དོ། ། དེ་ཤེས་ནས་མངོན་པར་འདུ་བྱེད་དོ།། གང་སྔོན་འཕགས་པའི་ཆོས་ལ་མ་རྟེན་ཏེ། མི་ཤེས་པ་ལ་རབ་ཏུ་གནས་པས་མི་དགེ་བའི་ལས་བྱེད་པ་དེ། འཕགས་པའི་ལམ་ལ་མ་བརྟེན་ཏེ། ཡེ་ཤེས་ཀྱིས་རྟོགས་ནས་མངོན་པར་འདུ་མི་བྱེད་དོ།། གང་ཡེ་ཤེས་ཀྱིས་སྟོང་པ་དེ་སྟོང་པ་ཉིད་དེ། མིག་ནི་ཡེ་ཤེས་ཀྱིས་སྟོང་ངོ་།། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་བཞིན་ནོ།། ། དེ་ཅིའི་ཕྱིར་ཞེ་ན། ཡེ་ཤེས་ནི་ཡེ་ཤེས་ཀྱིས་སྟོང་སྟེ།། སྟོང་པ་ཉིད་མིག་དང་། རྣ་བ་དང་། སྣ་དང་། ལྕེ་དང་། ལུས་དང་ཡིད་དོ།། ཡིད་མི་དམིགས་པས། མིག་མིག་ལ་མི་གནས་སོ།། དེ་ཅིའི་ཕྱིར་ཞེ་ན། ཤིན་ཏུ་མ་སྐྱེས་པའི་ཕྱིར། མིག་མི་གནས་ཏེ། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་བཞིན་ནོ།། ཡིད་མི་དམིགས་པས། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་ཡིད་ལ་མི་གནསོ། ། དེ་ཅིའི་ཕྱིར་ཞེ་ན། མིག་ཤིན་ཏུ་མ་སྐྱེས་པའི་ཕྱིར་སྟེ། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་མི་གནས་སོ།། དེ་མི་གནས་པས་བསིལ་བར་འགྱུར་པ། དབེན་པའི་སེམས་ཀྱིས་གནས་སོ།། དབེན་པ་ཅི་ཞེ་ན། བཇམ་དཔལ་གང་ཆོས་ཐམས་ཅད་མཉམ་པ་ཉིད་ཀྱི་མཐའ་དང་། གཉིས་སུ་མེད་པའི་མཐའ་དང་། ཡང་དག་པའི་མཐའ་དང་། ཤིན་ཏུ་འབྱུང་བ་མེད་པའི་མཐའ་དེ་ནི་དབེན་པ་ཞེས་བྱའོ།། འཇམ་དཔལ་དབེན་པ་ལ་ནི།། སྐྱེ་བ་དང་། རྒ་བ་དང་། འཆི་འཕོ་བ་མེད་དོ།། གང་ལ་སྐྱེ་བ་དང་། རྒ་བ་དང་། འཆི་བ་མེད་པ་དེ་ལ་སྡུག་བསྔལ་མེད་དོ། ། གང་ལ་སྡུག་བསྔལ་མེད་པ་དེ་ལ་སྡུག་བསྔལ་མི་འབྱུང་ངོ་།། གང་ལ་སྡུག་བསྔལ་མི་འབྱུང་བ་དེ་འཇིགས་པ་མེད་དོ།། གང་འཇིགས་པ་མེད་པ་དེ་སེམས་དང་རྣམ་པར་ཤེས་པ་དང་བྲལ་བའོ། ། གང་སེམས་དང་རྣམ་པར་ཤེས་པ་དང་བྲལ་བ་དེ་ནི་མ་སྐྱེས་པ་མ་འགགས་པའོ།། གང་མ་སྐྱེས་པ་མ་འགགས་པ་དེ་དབེན་པ་སྟེ། དེ་དང་དེས་གནས་པས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དབེན་པར་གནས་པ་ཞེས་བྱའོ། ། འཇམ་དཔལ་དེ་བཞིན་གཤེགས་པ་ནི་གནས་པ་མེད་པའོ།། དེ་བཞིན་གཤེགས་པར་བཏགས་པ་ནི་བཏགས་པ་མེད་པའོ། ། ཆོས་ཐམས་ཅད་མི་མཐོང་བ་ནི་དེ་བཞིན་གཤེགས་པ་མཐོང་བའོ།། དེ་བཞིན་གཤེགས་པའི་ཚིག་ནི་ཚིག་ཐམས་ཅད་ལས་འདས་པ་སྟེ། བསྟན་དུ་མེད་པའོ།། དེ་ཅིའི་ཕྱིར་ཞེ་ན། འཇམ་དཔལ་ངས་ནི་ཆོས་ཐམས་ཅད་ཀྱི་ཡི་གེ་དང་ངེས་པའི་ཚིག་གིས་བསྟན་པ་འགག་པའི་ཕྱིར་ཆོས་བསྟན་གྱི། འཇམ་དཔལ་དེ་བཞིན་གཤེགས་པ་ནི་ཡི་གེ་གཅིག་ཀྱང་མི་བརྗོད་དོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་ལ་སེམས་ཀྱི་འཇུག་པ་མེད་དོ།། སེམས་ཀྱི་ལས་མེད་དོ།། སེམས་ངེས་པར་སེམས་པ་མེད་དོ།། སེམས་ཀྱི་རྒྱུ་བ་མེད་དོ།། སེམས་ཡོངས་སུ་རྟོགས་པ་མེད་དོ།། སེམས་ཀྱི་ཞིང་གནས་མེད་དོ།། སེམས་ཀྱི་རྗེས་སུ་འབྲང་བ་རྣམ་པར་ཤེས་པ་མེད་དོ།། རང་གི་སེམས་ཀྱི་གནས་མེད་དོ།། གཞན་གྱི་སེམས་ཀྱི་གནས་མེད་དོ།། དེ་བཞིན་གཤེགས་པ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ལ་གནས་པའི་སེམས་མེད་དོ།། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་གནས་པའི་སེམ་མེད་དོ། ། དེ་བཞིན་གཤེགས་པའི་གཟུགས་དང་། སྒྲ་དང་། དྲི་དང་། རོ་དང་། རེག་བྱ་དང་། ཆོས་ལ་གནས་པའི་སེམས་མེད་དོ།། དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པ་ནི་ཞི་བའོ། ། བསིལ་བར་གྱུར་པའོ།། རྟག་ཏུ་མཉམ་པར་བཞག་པའོ།། མི་སྣང་བའོ།། བལྟར་མེད་པའོ།། མཐའ་ཡས་པའོ།། སྤྲིན་དང་མཚུངས་པའོ།། དེ་ལྟ་མོད་ཀྱི་འོན་ཀྱང་སེམས་ཅན་རྣམས་སྔོན་དགེ་བའི་རྩ་བའི་སྟོབས་བསྐྱེད་པ་དང་། དེ་བཞིན་གཤེགས་པའི་སྔོན་གྱི་སྨོན་ལམ་དང་། སྤྱོད་པའི་བྱིན་གྱི་རླབས་ཀྱིས་དེ་བཞིན་གཤེགས་པ་མཐོང་ངོ་།། ངེས་པར་སེམས་སོ།། ཀུན་ཏུ་འདྲིའོ།། གང་དག་ཇི་ལྟར་དབང་པོ་ཡོངས་སུ་སྨིན་པའི་སེམས་ཅན་རྣམས་དང་། གང་དག་ཇི་ལྟར་འདུལ་བ་དེ་དག་གིས་དེ་བཞིན་གཤེགས་པ་དེ་ལྟར་གསུང་འབྱིན་པར་ཤེས་སོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པ་མ་སྐྱེས་མ་འགགས་པའི་ཕྱིར་རོ།། གང་ཆོས་ཐམས་ཅད་ཀྱི་རང་བཞིན་མི་མཐོང་བ་དེ་ནི་དེ་བཞིན་གཤེགས་པ་མཐོང་བའོ།། གང་ཆོས་གང་ཡང་མི་མཐོང་བ་དེ་ནི་དེ་བཞིན་གཤེགས་པ་མཐོང་བའོ། ། དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པ་ནི་ཆོས་ཐམས་ཅད་སྤངས་པ་སྟེ། ཆོས་གང་གིས་ཀྱང་བརྗོད་པ་ཡང་མ་ཡིན་མི་བརྗོད་པ་ཡང་མ་ཡིན་ནོ། ། དེ་ཅིའི་ཕྱིར་ཞེ་ན། ཆོས་ཐམས་ཅད་དམིགས་སུ་མེད་པའི་ཕྱིར་རོ།། གང་ཆོས་ཐམས་ཅད་དང་། ཆོས་མ་ཡིན་པ་རྣམས་དང་། འདུས་བྱས་རྣམས་དང་། འདུས་མ་བྱས་རྣམས་མི་དམིགས་པ་དེ་ནི་དེ་བཞིན་གཤེགས་པ་མཐོང་བའོ། ། དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པ་ནི་ཆོས་ཐམས་ཅད་སྤངས་པ་སྟེ། ཆོས་གང་ཡང་ཁས་མི་ལེན་ཏོ།། ཉེ་བར་མི་ལེན་ཏོ། ། ཆོས་སུ་བཏགས་པར་ཡང་མི་འགྲོའོ།། འཇམ་དཔལ་ཆོས་ཐམས་ཅད་ཤིན་ཏུ་འགག་པ་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཏེ། ཆོས་ཐམས་ཅད་ཡང་དག་པ་ཇི་ལྟ་བ་བཞིན་དུ་མཐོང་བ་དེ་བཞིན་གཤེགས་པ་མཐོང་བའོ། ། དེ་ཅིའི་ཕྱིར་ཞེ་ན། འཇམ་དཔལ་དེ་བཞིན་གཤེགས་པ་ནི་ཆོས་གང་གིས་ཀྱང་མཐོང་བར་མི་འགྲོ་སྟེ། དེ་བཞིན་གཤེགས་པ་དེ་ལྟར་མཐོང་ན་ཆོས་ཐམས་ཅད་ནི་དེ་བཞིན་གཤེགས་པའོ་ཞེས་འཇུག་པར་འགྱུར་རོ། ། ཆོས་ཐམས་ཅད་ནི་དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་།། ། མ་སྐྱེས་པ་དང་། མ་འགགས་པའོ་ཞེས་འཇུག་པར་འགྱུར་རོ།། ཡུལ་མེད་པ། ཡུལ་དང་བྲལ་བ་ནི་དེ་བཞིན་གཤེགས་པའི་ཡུལ་ལོ་ཞེས་འཇུག་པར་འགྱུར་རོ།། འཇམ་དཔལ་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་སེམས་གཅིག་གིས་སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་རབ་ཏུ་ཤེས་སོ། ། དེ་རང་གི་སེམས་མཉམ་པ་ཉིད་ཀྱི་ཕྱིར་སེམས་ཅན་ཐམས་ཅད་ཀྱི་སེམས་མཉམ་པ་ཉིད་དུ་ཁོང་དུ་ཆུད་པར་འགྱུར་རོ། ། སེམས་ཅན་ཐམས་ཅད་ཀྱི་སེམས་མཉམ་པ་ཉིད་ཀྱི་ཕྱིར། རང་གི་སེམས་མཉམ་པ་ཉིད་ཁོང་དུ་ཆུད་པར་འགྱུར་རོ།། དེ་ཅིའི་ཕྱིར་ཞེ་ན། སེམས་སྒྱུ་མ་ལྟ་བུའི་ཕྱིར་རོ། ། སེམས་ཅན་ཐམས་ཅད་ཀྱི་སེམས་རང་བཞིན་གྱིས་འོད་གསལ་བའི་ཕྱིར་རོ།། དེ་རང་གི་ལུས་ཆོས་ཉིད་ཀྱི་ཕྱིར། སེམས་ཅན་ཐམས་ཅད་ཀྱི་ལུས་ཆོས་ཉིད་དུ་ཁོང་དུ་ཆུད་པར་འགྱུར་རོ། ། སེམས་ཅན་ཐམས་ཅད་ཀྱི་ལུས་ཆོས་ཐམས་ཅད་ཀྱི་ལུས་ཆོས་ཉིད་ཀྱི་ཕྱིར་རང་གི་ལུས་ཆོས་ཉིད་དུ་ཁོང་དུ་ཆུད་པར་འགྱུར་རོ།། དེ་ཅིའི་ཕྱིར་ཞེ་ན། ལུས་ཐམས་ཅད་ནི་གཟུགས་བརྙན་ལྟ་བུའི་ཕྱིར། གང་གི་ལུས་ལ་སེམས་ཅན་ཐམས་ཅད་ཀྱི་ལུས་འཇུག་ཅིང་ཡང་དག་པར་འདུའོ།། སེམས་ཅན་ཐམས་ཅད་ཀྱི་ལུས་ལ་ཡང་རང་གི་ལུས་རྗེས་སུ་འཇུག་ཅིང་ཡང་དག་པར་འདྲའོ།། འདུལ་བ་ཇི་ལྟ་བ་བཞིན་དུ་སེམས་ཅན་ཐམས་ཅད་ཀྱི་ལུས་ལ་སངས་རྒྱས་ཀྱི་སྐུ་བྱིན་གྱིས་རློབ་སྟེ། ཉན་ཐོས་དང་། རང་སངས་རྒྱས་ཀྱི་ཐེག་པ་ཡང་དེ་བཞིན་ནོ།། རང་གི་ལུས་དང་། རང་གི་ལུས་མ་ཡིན་པ་དང་།། ཞིང་གི་ཚོགས་བྱིན་གྱིས་རློབ་པོ། ། དེ་བཞིན་དུ་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཀྱང་ཇི་ལྟར་འདོད་པ་དེ་བཞིན་དུ་བྱིན་གྱིས་རློབ་སྟེ། ཆུའི་ཁམས་དང་། སའི་ཁམས་དང་། མེའི་ཁམས་དང་། རླུང་གི་ཁམས་སུ་བྱིན་གྱིས་རློབ་བོ།། མེའི་ཁམས་དང་། སའི་ཁམས་དང་། ཆུའི་ཁམས་དང་། རླུང་གི་ཁམས་སུ་བྱིན་གྱིས་རློབ་བོ།། རླུང་གི་ཁམས་དང་། སའི་ཁམས་དང་། ཆུའི་ཁམས་དང་། མེའི་ཁམས་སུ་བྱིན་གྱིས་རློབ་པོ།། དེའི་བྱིན་གྱི་རླབས་དེ་ནི་བརྒྱ་བྱིན་ནམ། ཚངས་པ་འམ། བདུད་དམ། གཞན་གང་གིས་ཀྱང་འཇིག་རྟེན་ན་ཆོས་དང་མཐུན་པར་བསྐུལ་བ་འམ། སྤྱོད་པར་ནུས་པ་དེ་ལྟ་བུའི་གནས་མེད་དེ།། འཇམ་དཔལ་སྤྱོད་པ་འདི་ལ་མོས་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་གཟུགས་ལ་སོ། སོ་ཡང་དག་པར་རིག་པ་བཞི་དང་། མངོན་པར་ཤེས་པ་དྲུག་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། བྱིན་གྱི་བརླབས་བཞི་ཡང་དག་པར་འཇུག་གོ། འཇམ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ལ་སོ་སོ་ཡང་དག་པར་རིག་པ་བཞི་དང་། མངོན་པར་ཤེས་པ་དྲུག་དང་། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། བྱིན་གྱི་རླབས་བཞི་ཇི་ལྟར་ཡང་དག་པར་འཇུག་ཅེ་ན། འཇམ་དཔལ་གང་གཟུགས་མི་དམིགས་པའི་ཤེས་པ་དེ་ནི།། དོན་སོ་སོ་ཡང་དག་པར་རིག་པའོ།། གང་དོན་ཇི་ལྟ་བ་བཞིན་དུ་སྟོན་པ་དེ་ནི། ཆོས་སོ་སོ་ཡང་དག་པར་རིག་པའོ།། གང་ཆོས་མི་སྐྱེ་མི་འབྱུང་མི་འགག་པར་རྟོག་པ་དེ་ནི། ངེས་པའི་ཚིག་སོ་སོ་ཡང་དག་པར་རིག་པའོ།། གང་ངེས་པའི་ཚིག་གིས་ངེས་པར་རྟོག་པ་དེ་ནི། སྤོབས་པ་སོ་སོ་ཡང་དག་པར་རིག་པའོ།། གང་གཟུགས་རྣམ་པར་མཐོང་བ་ན་ཁམས་རྣམས་དང་། སྐྱེ་མཆེད་རྣམས་ལ་མིག་ཆགས་པ་མེད་ཅིང་སྒྲིབ་པ་མེད་པ་དེ་ནི། དེའི་མིག་གི་མངོན་པར་ཤེས་པ་ཉམས་པ་མེད་པའོ།། གང་གཟུགས་ལ་ཡི་གེ་གཅིག་བརྗོད་པས་གཟུགས་ཀྱི་དོན་ཐམས་ཅད་ཐོས་པ་དེ་ནི། དེའི་རྣ་བ་མངོན་པར་ཤེས་པ་ཉམས་པ་མེད་ཅིང་ཆགས་པ་མེད་དེ་སྒྲིབ་པ་མེད་པའོ།། གང་གཟུགས་ལ་སེམས་ཅན་ཐམས་ཅད་ཀྱི་སེམས་དང་། སེམས་ལས་བྱུང་བ་རྣམས་ལ་ཆགས་པ་མེད་ཅིང་དབྱེར་མེད་པར་སེམས་ཀྱི་སྤྱོད་པ་ལ་འཇུག་པ་ཤེས་པ་དེ་ནི། དེའི་ཕ་རོལ་ཀྱི་སེམས་ཤེས་པའི་མངོན་པར་ཤེས་པ་ཉམས་པ་མེད་ཅིང་ཆགས་པ་མེད་དེ། སྒྲིབ་པ་མེད་པའོ།། གང་གཟུགས་ལ་སེམས་ཅན་ཐམས་ཅད་ཀྱི་སེམས་སྣང་བ་ལ་གཅིག་ཏུ་མཉམ་པ་ཉིད་དུ་འཇུག་པ་དེ་ནི། སྔོན་གྱི་གནས་རྗེས་སུ་དྲན་པའི་མངོན་པར་ཤེས་པ་ཉམས་པ་མེད་ཅིང་ཆགས་པ་མེད་དེ། སྒྲིབ་པ་མེད་པའོ།། གང་གཟུགས་ཀྱི་སྔོན་དང་། ཕྱི་མའི་མིང་དང་། ངེས་པའི་ཚིག་མཐའ་ཡས་པ་ལ་མི་དམིགས་པའི་ཚུལ་ཁྲིམས་ཀྱིས་ལྷག་པའི་བསམ་པས་འཇུག་པ་དེ་ནི་དེའི་རྫུ་འཕྲུལ་རྣམ་པར་འཕྲུལ་པའི་མངོན་པར་ཤེས་པ་ཉམས་པ་མེད་ཅིང་ལྷུན་གྱིས་གྲུབ་སྟེ། ཆགས་པ་མེད་ཅིང་སྒྲིབ་པ་མེད་པའོ།། གང་འདས་པ་དང་། མ་འོངས་པ་དང་། ད་ལྟར་བྱུང་བའི་དུས་ལ་འདོད་ཆགས་མེད་ཅིང་། འདོད་ཆགས་དང་བྲལ་བའི་ཚུལ་གྱིས་གཟུགས་ལ་འདོད་ཆགས་དང་། ཞེ་སྡང་དང་། གཏི་མུག་གིས་མི་གོས་པར་ཤེས་པ་དེ་ནི་དེའི་ཟག་པ་ཟད་པའི་ཤེས་པ་མངོན་སུམ་དུ་བྱ་བའི་མངོན་པར་ཤེས་པ་ཉམས་པ་མེད་ཅིང་ཆགས་པ་མེད་དེ། སྒྲིབ་པ་མེད་པའོ།། གང་མཉམ་པ་ཉིད་དུ་ཤེས་པའི་ཚུལ་གྱིས་གཟུགས་ལ་མི་སྐྱེ་མི་འགག་མི་གནས་པར་ཤེས་པ་དེ་ནི་དེའི་ལུས་ལ་ལུས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་ཞེས་བྱའོ། ། གང་མཉམ་པ་ཉིད་ཀྱི་ཚུལ་གྱིས་གཟུགས་ལ་མྱོང་བ་སྐྱེ་བ་མེད་པར་ཤེས་པ་དེ་ནི། དེའི་ཚོར་བ་ལ་ཚོར་བའི་རྗེས་སུ་ལྟ་བ་དྲན་པ་ཉེ་བར་གཞག་པ་ཞེས་བྱའོ། ། མཉམ་པ་ཉིད་ཀྱི་ཚུལ་གྱིས་གང་གཟུགས་ལ་དམིགས་པ་དེ་དང་དེ་ལ་སེམས་མེད་ཅིང་། སེམས་ཡོད་པ་མ་ཡིན་ཏེ། སེམས་དང་བྲལ་བ་དེ་ནི་སེམས་ལ་སེམས་ཀྱིས་རྗེས་སུ་ལྟ་བའི་དྲན་པ་ཉེ་བར་གཞག་པ་ཞེས་བྱའོ། ། མཉམ་པ་ཉིད་དུ་ཤེས་པའི་ཚུལ་གྱིས་གང་སྐྱེ་མཆེད་བཅུ་གཉིས་ལ་འདུ་ཤེས་ཕྱིན་ཅི་ལོག་མེད་པ་དང་། སེམས་ཕྱིན་ཅི་ལོག་མེད་པ་དང་། ལྟ་བ་ཕྱིན་ཅི་ལོག་མེད་པ་དང་། གདག་པ་མེད་པ་དང་། གཞག་པ་མེད་པ་དེ་ནི་ཆོས་ལ་ཆོས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་ཞེས་བྱའོ།། ཆོས་ཀྱི་དབྱིངས་དབྱེར་མེད་པའི་ཚུལ་གྱིས་གང་གཟུགས་ལ་མི་སྐྱེ་བ་དང་། མི་འགག་པ་དང་། གནས་མེད་པར་ཤེས་ཤིང་དགེ་བ་དང་མི་དགེ་བའི་འདུ་ཤེས་དང་ཡང་མི་འདུ་བ་དེ་ནི་སྡིག་པ་མི་དགེ་བའི་སེམས་དང་སེམས་ལས་བྱུང་བའི་ཆོས་སྐྱེས་པ་རྣམས་སྤང་བའི་ཡང་དག་པར་སྤོང་བ་ཞེས་བྱའོ། ། ཡིད་ལ་བྱེད་པ་མེད་པའི་ཚུལ་གྱིས་གང་གཟུགས་ལ་མི་སྐྱེ་བ་དང་མི་འགག་པ་དང་། གནས་པ་མེད་པར་ཤེས་ཤིང་། སྡུག་བསྔལ་ལས་ཤིན་ཏུ་མི་འདའ་བའི་ཚུལ་གྱིས་གདགས་པ་མེད་ཅིང་གཞག་པ་མེད་ལ། སྡིག་པ་ལ་གནས་མེད་དེ་སྤོང་བ་དེ་ནི།། སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཡང་དག་པ་སྤོང་བ་ཞེས་བྱའོ།། ཡིད་ལ་བྱེད་པ་མེད་པའི་ཚུལ་གྱིས་གང་གཟུགས་མཐོང་ནས། ཁམས་དང་། སྐྱེ་མཆེད་མི་སྐྱེ་བ་དང་། མི་འགག་པ་དང་། གནས་མེད་པར་ཤེས་ཤིང་ཆོས་ཀྱི་དབྱིངས་མཉམ་པ་ཉིད་མི་སྐྱེ་བའི་ཚུལ་གྱིས་གདེག་པ་མེད་ཅིང་གཞག་པ་མེད་ལ། མི་དགེ་བ་མི་དམིགས་ཤིང་དག་པའི་ཆོས་མ་སྐྱེས་པ་རྣམས་སྐྱེད་པ་དེ་ནི། དགེ་བའི་ཆོས་མ་བསྐྱེད་པ་རྣམས་བསྐྱེད་པའི་ཡང་དག་པར་སྤོང་བ་ཞེས་བྱའོ།། ཡིད་ལ་བྱེད་པ་མེད་པའི་ཚུལ་གྱིས་གང་གཟུགས་ལ་སྐྱེ་བ་མེད་པ་དང་། འགག་པ་མེང་པ་དང་། གནས་པ་མེད་པར་ཤེས་ཤིང་། གནས་མེད་པ་དང་། སྐྱོ་བ་མེད་པ་དང་། འགག་པ་མེད་པ་དང་། གནས་པ་མེད་པའི་ཚུལ་གྱིས་གདེག་པ་མེད་ཅིང་གཞག་པ་མེད་ལ། དགེ་བ་མི་དམིགས་པར་དགེ་བ་སྦྱོར་བ་དེ་ནི། དགེ་བའི་ཆོས་རྣམས་གནས་པར་བྱ་བ་ཡང་དག་པར་སྤོང་བ་ཞེས་བྱའོ།། ཉམས་པ་མེད་པའི་ཚུལ་གྱིས་གཟུགས་ལ་གནས་མེད་ཅིང་། སྒྲིབ་པ་མེད་པར་འདུན་ལ།། ཆོས་ཀྱི་དབྱིངས་མཉམ་པ་ཉིད་ཀྱི་ཚུལ་གྱིས་ཁ་དོག་གི་སྣང་བ་ཐམས་ཅད་ཀྱིས་གཟུགས་ཁྱབ་ལ། ཇི་ལྟར་ཡོངས་སུ་སྨིན་པ་བཞིན་དུ་འདུལ་བར་འདུན་པ་དེ་ནི། འདུན་པའི་ཏིང་ངེ་འཛིན་རྫུ་འཕྲུལ་གྱི་རྐང་པ་ཞེས་བྱའོ།། རྒྱུན་མི་འཆང་བའི་ཚུལ་དང་། ཕྱི་མའི་མཐའི་མུར་རྒྱུན་མི་གཅོད་པའི་ཚུལ་དང་། གཞག་པ་མེད་པའི་ཚུལ་གྱིས་གང་གཟུགས་ལ་བླང་བ་མེད་པ་དང་། དོར་བ་མེད་པའི་བརྩོན་འགྲུས་དང་། མངོན་པར་འདུ་མི་བྱེད་པའི་རྫུ་འཕྲུལ་གྱིས་འདུལ་བ་ཡོངས་སུ་སྨིན་པ་བཞིན་དུ་འདུལ་བར་སྤྲོ་བ་འདི་ནི། ཆོས་ཉིད་དབྱེར་མེད་པས་བརྩོན་འགྲུས་ཀྱི་ཏིང་ངེ་འཛིན་དེ་བཞིན་གཤེགས་པའི་ཡེ་ཤེས་ཐོབ་པ་མེད་པའི་ཚུལ་གྱིས་རྫུ་འཕྲུལ་གྱི་རྐང་པ་ཞེས་བྱའོ།། གང་གཟུགས་ལ་སེམས་མི་འཛིན་ཅིང་སྦྱོར་བ་མེད་པས་མཉམ་པ་ཉིད་དང་། དམིགས་པ་ལས་ཤིན་ཏུ་འདའ་བ་དང་། དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱ་ལ་གནས་པ་དང་། བསམ་གཏན་མཁའ་ཁྱབ་ལ་སྙོམས་པར་འཇུག་པ་དེ་ནི་དེ་བཞིན་གཤེགས་པའི་རྫུ་འཕྲུལ་ཐོབ་པར་བྱེད་པའི་སེམས་རྫུ་འཕྲུལ་གྱི་རྐང་པ་ཞེས་བྱའོ། ། དཔྱོད་པ་མེད་པའི་ཡེ་ཤེས་ཀྱི་ཚུལ་གྱིས་གཟུགས་ལ་སྐྱེ་བ་མེད་པར་ཤེས་པ་ལ་གཅིག་ཏུ་ངེས་པ་དང་། དབྱེར་མེད་པའི་ཚུལ་གྱིས་མཚན་ཉིད་ཐམས་ཅད་མཚན་ཉིད་གཅིག་ཏུ་རྟོག་པར་དཔྱོད་པ་དང་། དེ་བཞིན་གཤེགས་པའི་ཡེ་ཤེས་དཔྱོད་པས་རྣམ་པར་འཕྲུལ་པ་དེ་ནི། སེམས་ཅན་ཐམས་ཅད་ཀྱི་སེམས་ཚིམ་པར་བྱེད་པས་དཔྱོད་པ་རྫུ་འཕྲུལ་གྱི་རྐང་པ་ཞེས་བྱའོ། ། ཆོས་ཐམས་ཅད་ཐོབ་པ་མེད་པའི་ཚུལ་གྱིས་གང་གཟུགས་ལ་དམིགས་པ་ཐམས་ཅད་གནས་མེད་པར་དད་པ་དང་། དབང་པོ་ལ་རྟོག་པ་དང་། གཟུགས་དང་གཟུགས་མེད་པ་མཉམ་པ་ཉིད་དུ་གྱུར་པའི་ཆོས་རྣམས་ལ་དད་པ་དང་། དབང་པོ་ཞུམ་པ་མེད་པས་དེ་བཞིན་གཤེགས་པའི་ཡེ་ཤེས་ལ་དད་པ་དེ་ནི། དད་པའི་དབང་པོ་ཞེས་བྱའོ། ། གདེག་པ་མེད་པ་དང་། གཞག་པ་མེད་པའི་ཚུལ་གྱིས་གང་གཟུགས་ལ་དམིགས་པ་ཐམས་ཅད་མགོ་གཅིག་ཏུ་གྱུར་པ་དང་། རྣལ་འབྱོར་གྱི་རྒྱུན་མི་གཅོད་པ་དེ་ནི་བརྩོན་འགྲུས་ཞེས་བྱ་སྟེ། མི་དམིགས་པའི་ཚུལ་གྱིས་དེ་བཞིན་གཤེགས་པའི་ཡེ་ཤེས་རྒྱུན་མི་གཅོད་པ་དེ་ནི། བརྩོན་འགྲུས་ཀྱི་དབང་པོ་ཞེས་བྱའོ།། དེ་བཞིན་གཤེགས་པའི་གནས་ལ་དབང་པོ་འཇུག་པའི་ཚུལ་གྱིས་གང་གཟུགས་ལ་དྲན་པ་མེད་ཅིང་། ཡིད་ལ་བྱེད་པ་མེད་པའི་ཚུལ་གྱིས་དམིགས་པ་ལས་ཤིན་ཏུ་འདས་ནས་གཅིག་དྲན་ཏེ། དུས་གསུམ་མཚན་ཉིད་གཅིག་ཏུ་དྲན་པ་དེ་ནི་དྲན་པ་ཞེས་བྱ་སྟེ། སེམས་ཅན་ཐམས་ཅད་ཀྱི་སེམས་སེམ་སུ་མཚུངས་པས། དམིགས་པ་གཅིག་གིས་སེམས་ཅན་གྱི་ཁམས་ཐམས་ཅད་ཁྱབ་པ་དང་། དེ་བཞིན་གཤེགས་པ་མཐོང་བའི་བྱིན་གྱི་རླབས་དེ་ནི་དྲན་པའི་དབང་པོ་ཞེས་བྱའོ། ། སྐྱེ་བ་མེད་པ་དང་། འགག་པ་མེད་པ་དང་། གཡེང་བ་མེད་པའི་ཚུལ་གྱིས་གང་གཟུགས་ལ་ཡིད་ལ་བྱེད་པ་ཐམས་ཅད་གཅིག་པ་དང་། གཟུགས་དང་། གཟུགས་མེད་པའི་ཏིང་ངེ་འཛིན་དམིགས་པ་གཅིག་པ་དང་། མཚན་ཉིད་ཐམས་ཅད་མཚན་ཉིད་གཅིག་སྟེ། གཡེང་བ་མེད་པ་དང་། དེ་བཞིན་གཤེགས་པའི་དབང་པོ་ལ་འཇུག་པའི་ཡེ་ཤེས་དང་། རྡོ་རྗེ་ལྟ་བུའི་ཏིང་ངེ་འཛིན་ཐུན་མོང་མ་ཡིན་པ་དེ་ནི་ཏིང་ངེ་འཛིན་ཅེས་བྱ་སྟེ། ཏིང་ངེ་འཛིན་ཐམས་ཅད་སྐྱེ་བ་མེད་པའི་ཚུལ་དང་། གཡེང་བ་མེད་ཅིང་མི་ཐུལ་བས། ཏིང་ངེ་འཛིན་ཀྱི་དབང་པོ་ཞེས་བྱའོ། ། གང་གཟུགས་ལ་གནས་མེད་པའི་ཤེས་རབ་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་དང་། སྐྱེ་བ་མེད་པའི་མཐར་ཡང་དག་པར་འདུས་པའི་དཔྱོད་པ་དང་།། ཆོས་ཐམས་ཅད་སྐྱེ་བ་མེད་པ་ལ་འཇུག་པའི་ཤེས་རབ་ཀྱིས་འདུས་བྱས་དང་། འདུས་མ་བྱས་གཉིས་ལས་ཤིན་ཏུ་འདའ་བ་དང་། གཉེན་པོ་མེད་པའི་ཚུལ་གྱིས་གཟུགས་དེ་ལ་གཟུགས་མཚན་ཉིད་གཅིག་ཏུ་འཇུག་པ་དེ་ནི་ཤེས་རབ་ཅེས་བྱ་སྟེ། ཉི་ཚེ་བའི་ཤེས་པས་མི་ཐུལ་བའི་ཚུལ་གྱིས་ཤེས་རབ་ཀྱི་དབང་པོ་ཞེས་བྱའོ།། གང་གཟུགས་ལ་ཆགས་པ་མེད་ཅིང་དམིགས་པ་མེད་པས་མི་ཐུལ་བའི་དོན་དང་། ད་པས་འཕྲོགས་པ་མེད་པའི་དོན་ད་ནི་དེད་པའི་སྟོབས་ཞེས་བྱའོ།། གང་གཟུགས་ལ་ཀུན་ཏུ་འགྲོ་བའི་བྱིན་གྱི་རླབས་ལ་སྤྲོ་བ་དང་། སྟོབས་དང་། སྟོབས་མ་ཡིན་པའི་འདུ་ཤེས་ལས་ཤིན་ཏུ་འདའ་བ་དང་། ཁམས་ལ་དེ་ལྟར་དེ་བཞིན་གཤེགས་པའི་སྟོབས་སུ་སྒྲུབ་པ་དེ་ནི་བརྩོན་འགྲུས་ཀྱི་སྟོབས་ཞེས་བྱའོ།། གང་གཟུགས་ལ་རྣམ་པར་མི་རྟོག་པ་དང་། རྣམ་པར་མི་སྒྲུབ་པ་དང་། ལྷུན་གྱིས་གྲུབ་པའི་དྲན་པའི་ཤེས་པ་དང་། ཤིན་ཏུ་མཐར་ཐུག་པ་ལ་འཇུག་པའི་མཆོག་དང་། ཡང་དག་པའི་མཐའ་དང་མཚུངས་པ་དང་། དེ་བཞིན་གཤེགས་པའི་ཆོས་ཀྱི་སྐུ་ལ་དྲན་པ་ཉེ་བར་གཞོག་པ་དང་། ཉན་ཐོས་དང་། རང་སངས་རྒྱས་ཐམས་ཅད་ཀྱིས་མི་ཐུལ་བའི་ཤེས་པ་དེ་ནི་དྲན་པའི་སྟོབས་ཞེས་བྱའོ།། གང་གཟུགས་ལ་དེ་བཞིན་གཤེགས་པའི་ཡེ་ཤེས་ཀྱི་མཐར་ཐུག་དང་། ཆོས་ཀྱི་དབྱིངས་ཀྱི་ལུས་ཡང་དག་པར་སྒྲུབ་པ་དང་། དེ་བཞིན་གཤེགས་པའི་ཏིང་ངེ་འཛིན་ལྷུན་གྱིས་གྲུབ་པ་ཐོབ་པ་དང་། ཕྱིན་ཅི་ལོག་ཐམས་ཅད་ལ་གཡེང་བ་མེད་པ་ཤེས་པ་དེ་ནི་མི་ཐུལ་བའི་ཕྱིར། ཏིང་ངེ་འཛིན་གྱི་སྟོབས་ཞེས་བྱའོ། ། གང་གཟུགས་ལ་ཆོས་ཀྱི་དབྱིངས་འཁྲུག་པ་མེད་པར་རྟོག་པ་དང་།། མཐའ་དང་མཐའ་མ་ཡིན་པ་གཉིས་སུ་མེད་པར་རབ་ཏུ་ཤེས་པ་དང་།། རྣམ་པར་གཞག་པའི་མཐའ་ལ་ལྷུན་གྱིས་གྲུབ་པའི་དྲན་པའི་ཤེས་པ་དང་། གནས་མེད་པའི་དངོས་པོ་རབ་ཏུ་ཤེས་པ་དེ་ནི་ཤེས་རབ་ཀྱི་སྟོབས་ཞེས་བྱའོ།། གང་གཟུགས་ལ་གནས་མེད་པའི་དྲན་པ་མངོན་ཏུ་ཡང་དག་པར་རྟོགས་པ་དང་། དེ་བཞིན་གཤེགས་པའི་སྤྱོད་ཡུལ་དང་མཐུན་པ་དང་། སྐྱེ་བ་མེད་པ་ལ་ཞུགས་པ་རྣམས་ཀྱི་དྲན་པ་ཡིད་ལ་བྱེད་པ་མེད་པའི་ཚུལ་མངོན་པར་རྫོགས་པར་བྱང་ཆུབ་པ་དེ་ནི་དྲན་པ་ཡང་དག་བྱང་ཆུབ་ཀྱི་ཡན་ལག་ཅེས་བྱའོ། ། གང་གཟུགས་ལ་ཆོས་ཀྱི་དབྱིངས་སུ་རབ་ཏུ་ཤེས་པ་དང་། མི་དམིགས་པའི་རྣལ་འབྱོར་གྱི་ཤེས་པས་རབ་ཏུ་རྣམ་པར་འབྱེད་པ་ལ་མཁས་པ་དང་། ཆོས་དང་ཆོས་མ་ཡིན་པ་གཉིས་ཁོང་དུ་ཆུད་པ་དེ་ནི་ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་ཅེས་བྱའོ། ། གང་གཟུགས་ལ་རང་བཞིན་གྱིས་ཆོས་ཀྱི་སྐུ་ཡིན་པས། མི་ཐུལ་བར་མངོན་ཏུ་ཡང་དག་པར་རྟོགས་པ་དང་། ཆོས་ཉིད་མངོན་པར་རྫོགས་པར་བྱང་ཆུབ་པར་བྱ་བའི་ཕྱིར་བརྩོན་འགྲུས་མི་འདོར་བ་དེ་ནི། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་ཅེས་བྱའོ།། གང་གཟུགས་ལ་དབྱེ་མེད་པར་རབ་ཏུ་རྣམ་པར་འབྱེད་པ་ལ་མཁས་པ་དང་། དཔྱོད་པའི་ཤེས་པ་དང་། ལྷུན་གྱིས་གྲུབ་པ་རབ་ཏུ་རྣམ་པར་འབྱེད་པ་བྱ་བ་གནས་མེད་པའི་ཤེས་པ་ཡང་དག་པར་འགྲུབ་པ་དང་། ཤིན་ཏུ་སྦྱངས་པའི་ཏིང་ངེ་འཛིན་དང་། བཏང་སྙོམས་དང་ཡེ་ཤེས་ཀྱི་དགའ་བ་མྱོང་བའི་ཤེས་པ་དེ་ནི་དགའ་བ་ཡང་དག་བྱང་ཆུབ་ཀྱི་ཡན་ལག་ཅེས་བྱའོ།། གང་གཟུགས་ལ་དམིགས་པ་ཐམས་ཅད་ཡིད་ལ་བྱེད་བ་རྒྱུན་མི་གཅོད་པའི་ཤེས་པ་དང་། རྣམ་པར་གྲོལ་བའི་སྐྱེ་མཆེད་ཐམས་ཅད་ལ་དངོས་པོ་དང་དངོས་པོ་མེད་པ་མཉམ་པ་ཉིད་དུ་ཤེས་པ་དེ་ནི་ཤིན་ཏུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་ཅེས་བྱའོ།། གང་གཟུགས་ལ་རྣམ་པར་བལྟས་ནས། ། ཆོས་ཐམས་ཅད་མཉམ་པ་ཉིད་དུ་ཤེས་པ་དང་། བྱང་ཆུབ་ཀྱི་ཡན་ལག་སྒྲིབ་པ་མེད་པའི་རྐྱེན་དང་། ཏིང་ངེ་འཛིན་དང་། སྙོམས་པར་འཇུག་པ་ཐམས་ཅད་གཅིག་ཏུ་མངོན་པར་རྫོགས་པར་བྱང་ཆུབ་པ་དེ་ནི། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་ཅེས་བྱའོ།། གང་གཟུགས་ལ་དངོས་པོ་མེད་པའི་རང་བཞིན་མཉམ་པ་ཉིད་དུ་མངོན་ཏུ་ཡང་དག་པར་རྟོག་པ་དང་གཟུགས་དང་གཟུགས་མེད་པ་ཐམས་ཅད་མཉམ་པ་ཉིད་དང་། རབ་ཏུ་འཛིན་པ་དང་། རྩོད་པ་དང་། རྣམ་པར་འབྱེད་པ་ལ་བཏང་སྙོམས་པ་དང་། ལྷུན་གྱིས་གྲུབ་པ་དང་། འདུ་ཤེས་དང་ཡེ་ཤེས་ལ་མཉམ་པ་ཉིད་དང་། ཐོབ་པའི་ཆོས་ཐམས་ཅད་མི་སྐྱེད་པ་དང་།། རྒྱུ་བ་མེད་པ་དང་། ཏིང་ངེ་འཛིན་དང་། བཏང་སྙོམས་ཤེས་པ་དང་། བྱང་ཆུབ་ཀྱི་ཡན་ལག་རྣམས་དང་། ལམ་རྣམས་སྐྱེ་བ་མེད་པའི་མཐའ་དང་། ཐོབ་པ་རྣམས་མི་ཚོལ་བ་དེ་ནི་བཏང་སྙོམས་ཡང་དག་བྱང་ཆུབ་ཀྱི་ཡན་ལག་ཅེས་བྱའོ། ། གང་གཟུགས་མཐོང་ནས་ཁམས་དང་། སྐྱེ་མཆེད་རྣམས་ལ་དངོས་པོ་མེད་པའི་རང་བཞིན་དུ་མཐོང་ཞིང་། ཡན་ལག་དང་། ཡན་ལག་མེད་པའི་ཚུལ་གྱིས་མཉམ་པ་ཉིད་དུ་མཐོང་བ་དང་། འཕགས་པའི་ལམ་རྣམས་ལམ་མེད་པའི་ཚུལ་གྱིས་ལྟ་བ་དང་། མི་འགྲོགས་པ་དང་། འཕགས་པའི་ལམ་རྣམས་དང་། ལྟ་བར་གྱུར་པ་ཐམས་ཅད་མཚན་ཉིད་མེད་པར་གཅིག་པའི་ཚུལ་གྱིས་ལྟ་བ་དང་མི་འགྲོགས་པ་དང་། མི་འཁྲུགས་པའི་ཚུལ་གྱིས་ལྟ་བ་ཡང་དག་པ་ཞེས་བྱ་བ་དང་། ཆོས་ཐམས་ཅད་མཐོང་བའི་ཚུལ་གྱིས་ལྟ་བ་ཞེས་བྱ་བ་དང་། མི་སྐྱེ་བའི་ཐོབ་པའི་ཚུལ་གྱི་ལམ་ཞེས་བྱ་བ་འམ། མཉམ་པ་ཉིད་ཀྱི་ཚུལ་གྱིས་ཡང་དག་པ་ཞེས་བྱ་བ་དང་། སྒྲིབ་པ་མེད་པའི་ཚུལ་གྱིས་ལྟ་བ་ཞེས་བྱ་བ་དང་། ལམ་དང་ལམ་མ་ཡིན་པ་ཐམས་ཅད་ལ་འཇུག་པའི་ཚུལ་གྱི་ས་ལམ་ཞེས་བྱ་བ་དེ་ནི་ཡང་དག་པའི་ལྟ་བ་ཞེས་བྱའོ། ། གང་གཟུགས་ལ་རྟོག་པ་དང་། རྣམ་པར་རྟོག་པ་ཐམས་ཅད་གཅིག་པ་སྟེ། འདི་ལྟ་སྟེ། དངོས་པོར་མི་རྟོག་པ་དང་། དངོས་པོ་མེད་པར་མི་རྟོག་པ་དང་། ཆད་པར་མི་རྟོག་པ་དང་། རྟག་པར་མི་རྟོག་པ་དང་། སྐྱེ་བར་མི་རྟོག་པ་དང་། མི་སྐྱེ་བར་མི་རྟོག་པ་དང་། རྟོག་པ་དང་། མི་རྟོག་པ་ལ་མི་རྟོག་པ་དང་། རྟོག་པ་མེད་པ་དང་། རྣམ་པར་མི་རྟོག་པ་དང་། ཡང་དག་པའི་ལཱམ་ལ་མི་རྟོག་པ་དེ་ནི་ཡང་དག་པའི་རྟོག་པ་ཞེས་བྱའོ།། གང་གཟུགས་ལ་ཆོས་ཐམས་ཅད་བརྗོད་དུ་མེད་པ་དང་། བརྗོད་པ་མེད་པ་དང་། དབྱངས་དང་། དབྱངས་མེད་པ་མཉམ་པ་ཉིད་དང་། མིང་མེད་པ་དང་། མིང་དུ་བརྗོད་པ་མེད་པ་དང་། ཚོལ་བ་མེད་པ་དང་། ལམ་གྱི་ཡན་ལག་མ་ཡིན། པ་དང་། ཡང་དག་པ་ཞེས་བྱ་བ་དག་གི་ལམ་ཐམས་ཅད་ལ་ཀུན་ཏུ་མི་རྒྱུ་ཞིང་མི་བརྗོད་པ་དང་། ལམ་ཞེས་བྱ་བའི་ཆོས་མ་ལུས་པ་བརྗོད་པ་དེ་ནི་ཡང་དག་པའི་ངག་ཅེས་བྱའོ།། གང་གཟུགས་ལ་ལས་ཐམས་ཅད་ཀྱི་རང་བཞིན་ལ་ལས་མེད་པར་མངོན་པར་ཞེན་པ། འདི་ལྟ་སྟེ། མངོན་པར་འདུ་བྱ་བ་མེད་པ་ལ་མངོན་པར་ཞེན་པ་དང་། མངོན་པར་འདུ་བྱ་བ་མེད་པ་ཐོབ་པ་རྣམས་ལ་ཚོལ་བ་མེད་པ་དང་ཡང་དག་པ་ཚོལ་བའམ། ། ལོག་པ་ཚོལ་བའམ། ལས་ཚོལ་བ་འམ། ལས་མ་ཡིན་པ་ཚོལ་བ་འམ། ལས་དང་ལས་མ་ཡིན་པ་ཐམས་ཅད་ཁས་མི་ལེན་པ་དེ་ནི། ངེས་པ་དང་། མ་ངེས་པ་དང་། ཡང་དག་པ་ཉིད་དང་། ལོག་པ་ཉིད་དང་། དགེ་བ་དང་། མི་དགེ་བ་དང་། ལུང་དུ་མི་སྟོན་པ་དང་། མི་གཡོ་བ་མངོན་པར་འདུ་མི་བྱེད་པ་དང་།། ལམ་དང་ལམ་མ་ཡིན་པ་མཐའ་ཡས་པ་སྐྱེ་བ་མེད་པས་བསྡུས་པ་དང་། མིག་ཡོར་ལྟ་བུའི་ཚུལ་གྱིས་ལས་ཀྱི་མཐའ་ཐམས་ཅད་མི་བྱེད་པས་ཡང་དག་པའི་ལས་ཀྱི་མཐའ་ཞེས་བྱའོ།། གང་གཟུགས་ལ་ཀུན་ཏུ་ལོངས་སྤྱོད་པ་དང་། ཀུན་ཏུ་ལོངས་སྤྱོད་པ་མ་ཡིན་པ་ཤེས་པ་དང་། དེ་ལ་གནས་པ་ཆོས་ཀྱི་དབྱིངས་མཉམ་པ་ཉིད་ཀྱི་ཚུལ་གྱིས་ཡང་དག་པ་དང་། ལོག་པའི་འཚོ་བ་མི་དམིགས་པ་དང་། མི་དམིགས་པའི་འཚོ་བ་དང་། ལས་འཇིག་པ་དེ་ནི་ཡང་དག་པའི་འཚོ།། བ་ཞེས་བྱ་སྟེ། ཡང་དག་པ་ཞེས་བྱ་བ་དེ་ནི་མཉམ་པ་ཉིད་ཀྱི་ཚིག་གོ།། འཚོ་བ་ཞེས་བྱ་བ་དེ་ནི་འཕགས་པའི་ཆོས་འཛིན་པའི་ཚིག་གོ། ལམ་ཞེས་བྱ་བ་དང་། ལམ་མ་ཡིན་པ་ཞེས་བྱ་བ་དེ་ནི་མི་ཚོལ་བའི་དོན་གྱིས་ལམ་ཞེས་བྱའོ། ། འཚོ་བ་དང་། འཚོ་བ་མ་ཡིན་པའི་འདུ་ཤེས་ལ་རྣམ་པར་མི་རྟོག་པའི་དོན་གྱིས་འཚོ་བ་ཞེས་བྱའོ།། ཡང་དག་པ་ཞེས་བྱ་བ་དེ་ནི་མཉམ་པ་ཉིད་ལ་གནས་པ་ཞེས་བྱ་བའི་དོན་ཏེ། དེ་ནི་ཡང་དག་པའི་འཚོ་བ་ཞེས་བྱའོ།། ཆོས་ཀྱི་དབྱིངས་མཉམ་པ་ཉིད་ཀྱི་ཚུལ་གྱིས་གང་གཟུགས་ལ་ལུས་དང་ངག་དང་ཡིད་ཀྱི་རྩོལ་བ་མེད་པ་ནི་ཆོས་ཀྱི་དབྱིངས་ལ་རྩོལ་བ་མེད་པ་སྟེ། ཡང་དག་པ་ཞེས་བྱ་བ་དེ་ནི་མི་སྐྱེ་བ་ལ་གནས་པའི་ཆོས་རྣམས་བླང་བ་མེད་པ་དང་། དོར་བ་མེད་པའི་ཚིག་བླ་དགས་སོ།། རྩོལ་བ་ཞེས་བྱ་བ་དེ་ནི་ལུས་དང་། ངག་དང་། ཡིད་མི་དམིགས་པའི་ཚིག་གོ། ལམ་ཞེས་བྱ་བ་དེ་ནི་བླང་བ་མེད་པ་དང་།། དོར་བ་མེད་པའི་ཚུལ་དང་།། མི་ཚོལ་བའི་ཚུལ་གྱིས་འཕགས་པའི་དོན་ཚོལ་བ་སྟེ། དེ་ནི་ཡང་དག་པའི་རྩོལ་བ་ཞེས་བྱའོ།། གང་གཟུགས་ལ་དྲན་པས་མི་དམིགས་པ་མཉམ་པ་ཉིད་ནི་དྲན་པ་མེད་པ། དྲན་པ་མེད་པའི་ཚུལ་གྱིས་དྲན་པ་ལ་སྦྱོར་བ་སྟེ། ཡང་དག་པ་ཞེས་བྱ་བ་དེ་ནི་དམིགས་པ་མེད་པ་མཉམ་པ་ཉིད་སྒྲོ་བཏགས་པ་མེད་པའི་ཚིག་གོ། ། དྲན་པ་ཞེས་བྱ་བ་དེ་ནི། ཕུང་པོ་དང་། ཁམས་དང་། སྐྱེ་མཆེད་རྗེས་སུ་དྲན་པའི་ཚིག་གོ། སྟོང་པ་ཉིད་རྗེས་སུ་དྲན་པའི་ཚིག་དང་། མཚན་མ་མེད་པ་དང་། སྨོན་པ་མེད་པ་རྗེས་སུ་དྲན་པའི་ཚིག་དང་། དེ་ལྟར་དེ་བཞིན་གཤེགས་པའི་ཏིང་ངེ་འཛིན་ལྷུན་གྱིས་གྲུབ་པའི་རྗེས་སུ་དྲན་པའི་ཚིག་དེ་ནི་ཡང་དག་པའི་དྲན་པ་ཞེས་བྱའོ།། གང་གཟུགས་ལ་དབྱེར་མེད་པར་ཤེས་པ་དེ་ནི་མཉམ་པ་ཉིད་དང་། ཏིང་ངེ་འཛིན་གྱི་ལས་ཡང་དག་པར་བསྒྲུབས་པ་སྟེ། གཟུགས་གང་དང་མཉམ་པ།། ཚོར་བ་དང་འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཡང་དེ་དང་མཉམ་ཞིང་ཕུང་པོ་གང་དང་མཉམ་པ་ཏིང་ངེ་འཛིན་ཀྱང་དེ་དང་མཉམ་པར་ཡང་དག་པར་རྗེས་སུ་མཐོང་ངོ་། ། དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་ཀྱང་དེ་དང་མཉམ་པར་ཡང་དག་པར་རྗེས་སུ་མཐོང་ངོ་། ། དེ་བཞིན་གཤེགས་པའི་རིགས་ཀྱི་ཏིང་ངེ་འཛིན་གང་དང་མཉམ་པར་ཡང་དག་པར་རྗེས་སུ་མཐོང་ངོ་།། ཆོས་ཐམས་ཅད་ཀྱང་དེ་དང་མཉམ་པར་ཡང་དག་པར་རྗེས་སུ་མཐོང་ངོ་། ། སངས་རྒྱས་ཀྱི་ཆོས་ཐམས་ཅད་གང་དང་མཉམ་པར་ཡང་དག་པར་རྗེས་སུ་མཐོང་བ། བྱིས་པ་སོ་སོའི་སྐྱེ་བོའི་ཆོས་ཐམས་ཅད་ཀྱང་དེ་དང་མཉམ་པར་ཡང་དག་པར་རྗེས་སུ་མཐོང་ངོ་།། བྱིས་པ་སོ་སོའི་སྐྱེ་བོའི་ཆོས་ཐམས་ཅད་གང་དང་མཉམ་པར་ཡང་དག་པར་རྗེས་སུ་མཐོང་བ། ཏིང་ངེ་འཛིན་ཀྱང་དེ་དང་མཉམ་པར་ཡང་དག་པར་རྗེས་སུ་མཐོང་ངོ་།། ཏིང་ངེ་འཛིན་གང་དང་མཉམ་པ་འདས་པའི་ཕུང་པོ་དང་། ཁམས་དང་། སྐྱེ་མཆེད་རྣམས་ཀྱང་དེ་དང་མཉམ་པར་ཡང་དག་པར་རྗེས་སུ་མཐོང་ངོ་།། མ་འོངས་པ་དང་། ད་ལྟར་བྱུང་བའི་ཕུང་པོ་དང་། ཁམས་དང་། སྐྱེ་མཆེད་རྣམས་ཀྱང་དེ་བཞིན་དུ་ཡང་དག་པར་རྗེས་སུ་མཐོང་ངོ་། ། ཕུང་པོ་དང་། ཁམས་དང་། སྐྱེ་མཆེད་རྣམས་ཇི་ལྟ་བ་བཞིན་དུ། ལས་དང་རྣམ་པར་སྨིན་པ་ཡང་དེ་ལྟར་ཡང་དག་པར་རྗེས་སུ་མཐོང་སྟེ། དུས་གསུམ་མཉམ་པའི་ཏིང་ངེ་འཛིན་གྱི་རིགས་ལ་ཞུགས་པ་དེ་ནི་ཡང་དག་པའི་ཏིང་ངེ་འཛིན་ཅེས་བྱའོ། ། གང་གཟུགས་ལ་དེ་ཁོ་ན་ཤེས་པ་དང་། དེ་བཞིན་ཉིད་ཤེས་པ་ནི་བདེན་པ་ཤེས་པ་སྟེ། ཆོས་ཉིད་ཀྱི་རང་བཞིན་གང་ཡིན་པ་དེ་ནི། ཕུང་པོ་དང་། ཁམས་དང་། སྐྱེ་མཆེད་རྣམས་ཀྱི་རང་བཞིན་ནོ།། ཆོས་ཉིད་ཀྱི་རང་བཞིན་མེད་པ་ནི། ཕུང་པོ་དང་། ཁམས་དང་། སྐྱེ་མཆེད་ཀྱི་རང་བཞིན་མེད་པར་བདེན་པ་ཉིད་དུ་མོས་སོ། ། བྱིན་གྱིས་བརླབས་ཞེས་བྱ་བ་དེ་ནི་སླུ་བ་མེད་པའི་ཆོས་ཀྱི་ཚིག་བླ་དགས་སོ།། དེ་ཅིའི་ཕྱིར་ཞེ་ན། མི་སླུ་བ་གང་ཡིན་པ་དེ་བདེན་པའི་ཕྱིར་རོ།། དེ་ལ་གནས་པ་ནི་ཡང་དག་པའི་སྨོན་ལམ་བརྗོད་པ་དང་། ལས་ཡང་དག་པར་སྤྱོད་པ་མངོན་སུམ་དུ་འགྱུར་ཏེ།། ཕུང་པོ་དང་། ཁམས་དང་། སྐྱེ་མཆེད་དེ་དག་ལ་དེ་བཞིན་གཤེགས་པའི་རྣམ་པར་འཕྲུལ་པ་ཀུན་ཏུ་སྟོན་པར་བྱིན་གྱིས་བརློབ་བོ། ། སའི་བདེན་པ་ཉིད་གང་དང་མཉམ་པ། ཆུ་དང་མེ་དང་། རླུང་གི་བདེན་པ་ཉིད་ཀྱང་དེ་དང་མཉམ་མོ།། ནམ་མཁའ་དང་། ཆོས་དང་། སྒྲ་དང་། མིག་ཡོར་དང་། གཟུགས་བརྙན་དང་། མཚན་ཉིད་དང་བཅས་པ་དང་། མཚན་ཉིད་མེད་པ་དང་། ཆགས་པ་དང་བཅས་པ་དང་། ཆགས་པ་མ་ཡིན་པ་དང་། བསྡུས་པའི་བསྐལ་པ་དང་། རྒྱ་ཆེ་བའི་བསྐལ་པ་དང་། གྲངས་ཡོད་པའི་བསྐལ་པ་དང་། གྲངས་མེད་པའི་བསྐལ་པ་དང་། སངས་རྒྱས་དང་བཅས་པའི་བསྐལ་པ་དང་། སངས་རྒྱས་མི་འབྱུང་བ་འི་བསྐལ་པ་དང་། འདས་པའི་བསྐལ་པ་དང་། མ་འོངས་པའི་བསྐལ་པ་དང་། མ་འོངས་པ་དང་། འདས་པའི་བསྐལ་པ་དང་། ད་ལྟར་བྱུང་བ་དང་།། མ་འོངས་པ་དང་། འདས་པའི་བསྐལ་པ་དང་། འདས་པ་དང་།། མ་འོངས་པ་དང་། ད་ལྟར་བྱུང་བའི་བསྐལ་པ་ཡང་དེ་དང་མཉམ་སྟེ། ཀུན་ནས་ཉོན་མོངས་པའི་བསྐལ་པ་ལ་རྣམ་པར་བྱང་བའི་བསྐལ་པ་དང་། རྣམ་པར་བྱང་བའི་བསྐལ་པ་ལ་ཀུན་ནས་ཉོན་མོངས་པའི་བསྐལ་པ་དང་། བྱིན་གྱིས་བརླབས་ཀྱིས་བསྐལ་པར་མཉམ་པ་ཉིད་ཀྱི་བསྐལ་པ་འཇུག་སྟེ། འཇུག་པ་ཤེས་པ་དེ་ལ་མངོན་པར་ཞེན་པ་མེད་པ་དེ་ནི། ཆོས་ཀྱི་དབྱིངས་བདེན་པ་ཉིད་ཀྱི་ཕྱིར། བདེན་པའི་བྱིན་གྱིས་བརླབས་ཞེས་བྱ་སྟེ། གཟུགས་ཉིད་བདེན་པའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཉིད་བདེན་པའོ།། དེ་ལ་གནས་པའི་བདེན་པའི་ངག་གང་ཡིན་པ་དེ་བྱིན་གྱིས་བརླབས་ཏེ། ད་ནི་བདེན་པའི་བྱིན་གྱིས་བརླབས་ཞེས་བྱའོ།། གང་མཉམ་པ་ཉིད་ཀྱི་ཚུལ་གྱིས་གང་གཟུགས་ལ་འཛིན་པ་མེད་པ་དང་། མཆོག་ཏུ་འཛིན་པ་མེད་པ་དང་། གཏོང་བ་དང་དོར་བ་དེ་ནི་གཏོང་བའི་བྱིན་གྱིས་བརླབས་ཞེས་བྱའོ། ། གང་གཟུགས་ལ་བླང་བ་མེད་པ་དང་། དོར་བ་མེད་པས་ཤེས་པ་དེ་ནི་གཡོ་བ་དང་འགུལ་བ་ཐམས་ཅད་ཞི་བའོ།། བྱིན་གྱིས་བརླབས་ཞེས་བྱ་བ་དེ་ནི་ཞི་བ་དེ་ལ་གནས་ནས། ཀུན་ནས་ཉོན་མོངས་པ་ནི་རྣམ་པར་བྱང་བར་བྱིན་གྱིས་རློབ་པ་དང་། རྣམ་པར་བྱང་བ་ནི་ཀུན་ནས་ཉོན་མོངས་པར་བྱིན་གྱིས་རློབ་ཅིང་། ཞི་བ་དེ་ལ་གནས་ནས་སྤྱོད་ལམ་ཀུན་ཏུ་བསྟན་པས་ཚངས་པ་ཉེ་བར་ཞི་བའི་སྤྱོད་ལམ་ཅན་རྣམས་ཀྱང་འདོད་པ་བསྐྱེད་པ་དང་། ལག་ན་རྡོ་རྗེའི་གཟུགས་ཀུན་ཏུ་བསྟན་པས། མ་ཞི་བའི་སྤྱོད་ལམ་ཅན་རྣམས་སམ། བདུད་ཐམས་ཅད་ཀྱང་ཉེ་བར་ཞི་བའི་བྱིན་གྱི་རླབས་ལ་མོས་པར་བྱེད་པའོ། ། ཉེ་བར་ཞི་བའི་བྱིན་གྱིས་བརླབས་ནི་བྱིས་པ་སོ་སོའི་སྐྱེ་བོ་ཐམས་ཅད་ཤིན་ཏུ་ཞི་བ་དང་། ཉེ་བར་ཞི་བ་དང་། རབ་ཏུ་ཞི་བ་སྟེ། ཉེ་བར་ཞི་བའི་བྱིན་གྱིས་བརླབས་ཐོབ་པར་ཡང་དག་པར་རྗེས་སུ་མཐོང་བ་དེ་ནི། ཉེ་བར་ཞི་བའི་བྱིན་གྱི་ས་བརླབས་ཞེས་བྱའོ།། གང་གདག་པ་མེད་པ་དང་། གཞག་པ་མེད་པའི་ཚུལ་གྱིས་གཟུགས་ལ་ཆོས་ཀྱི་དབྱིངས་དང་དབྱེར་མེད་པར་ཤེས་ཤིང་། སྤྲོས་པ་དང་བྲལ་བའི་ཤེས་རབ་ཀྱིས་ཤིན་ཏུ་ཞི་བ་དང་། ཉེ་བར་ཞི་བ་དང་། སྤྲོས་པ་མེད་པའི་ཆོས་ཐམས་ཅད་ཕུང་པོ་དང་། ཁམས་དང་། སྐྱེ་མཆེད་ཐམས་ཅད་ལ་ཐམས་ཅད་མཁྱེན་པ་ཉིད་དུ་བྱིན་གྱིས་རློབ་པ་དེ་ནི་ཤེས་རབ་ཀྱི་བྱིན་གྱི་རླབས་ཞེས་བྱའོ། ། ཡང་ན་བྱིན་གྱི་རླབས་ཞེས་བྱ་བ་དེ་ནི། ཐམས་ཅད་མཁྱེན་པའི་རྗེས་སུ་འགྲོ་བ་ནི་ཤེས་རབ་ཀྱི་གནས་ཏེ། དེའི་ཕྱིར་བདག་གི་ལུས་འདོམ་གང་ཙམ་པོ་འདི་ལ་འཇིག་རྟེན་གདགས་པར་བྱའོ།། འཇིག་རྟེན་ཀུན་འབྱུང་བ་དང་། འཇིག་རྟེན་འགོག་པ་དང་། འཇིག་རྟེན་འགོག་པར་འགྲོ་བའི་ལམ་དང་། ཐམས་ཅད་མཁྱེན་པའི་ཡེ་ཤེས་ཀྱི་བར་ཡང་གདགས་པར་བྱའོ་སྙམ་པ་སྟེ། དེ་ནི་ཤེས་རབ་ཀྱི་བྱིན་གྱིས་བརླབས་ཞེས་བྱའོ།། དེ་ནས་བཅོམ་ལྡན་འདས་ལ་འཇན་དཔལ་གཞོན་ནུར་གྱུར་པས་འདི་སྐད་ཅེས་གསོལ་ཏོ། ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་དག་པའི་ཡེ་ཤེས་ཀྱི་སྟོབས་དུ་ཞིག་དང་ལྡན་ན། རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་འདི་འཐོབ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་དག་པའི་ཡེ་ཤེས་ཀྱི་སྟོབས་སུམ་ཅུ་རྩ་དྲུག་དང་ལྡན་ན། རབ་ཏུ་ཞི་བ་རྣམ་པར་ངེས་པའི་ཏིང་ངེ་འཛིན་འདི་འཐོབ་སྟེ། སུམ་ཅུ་རྩ་དྲུག་གང་ཞེ་ན། འདི་ལྟ་སྟེ། ལྷག་པའི་བསམ་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། སྨོན་ལམ་རྣམ་པར་དག་པའི་ཡེ་ཤེས་ཀྱི་སྟོབས་དང་། དགེ་བའི་རྩ་བ་རྣམ་པར་དག་པའི་ཡེ་ཤེ་ཀྱི་སྟོབས་དང་། ཡོངས་སུ་བསྔོ་བ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཐོས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། ལས་ཀྱི་སྒྲིབ་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཆོ་ག་དང་སྤྱོད་ཡུལ་རྣམ་པར་དག་པའི་ཡེ་ཤེས་ཀྱི་སྟོབས་དང་། དྲན་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཐབས་ལ་མཁས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། སེམས་ཅན་ལ་དམིགས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། མཚན་མ་ལ་དམིགས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། གཏོང་བ་རྣམ་པར་དག་པའི་ཡེ་ཤེས་ཀྱི་སྟོབས་དང་། སེམས་ཅན་རྗེས་སུ་འཛིན་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། བྱམས་པ་ཆེན་པོ་ཡང་དག་པར་འགྲུབ་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། སྙིང་རྗེ་ཆེན་པོ་རྣམ་པར་དག་པའི་ཡེ་ཤེས་ཀྱི་སྟོབས་དང་། དགའ་བ་དང་བཏང་སྙོམས་ཆེན་པོ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཚུལ་ཁྲིམས་རྣམ་པར་དག་པའི་ཡེ་ཤེས་ཀྱི་སྟོབས་དང་། ཚུལ་ཁྲིམས་ཀྱིས་རྗེས་སུ་འཛིན་པ་རྣམ་པར་དག་པའི་ཡེ་ཤེས་ཀྱིས་སྟོབས་དང་། བཟོད་པར་རྣམ་པར་དག་པའི་ཡེ་ཤེས་ཀྱི་སྟོབས་དང་། བཟོད་པས་རྗེས་སུ་འཛིན་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། བརྩོན་འགྲུས་ཀྱི་བསམས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། བརྩོན་འགྲུས་ཡང་དག་པར་ལེན་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཁམས་ལ་མཁས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། བསམ་གཏན་ལ་མཁས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཞི་གནས་ལ་མཁས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཤེས་རབ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཐོས་པ་རྣམ་པར་ངེས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། འཇིག་རྟེན་དང་འཇིག་རྟེན་ལས་འདས་པའི་རྣམ་པར་ངེས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། ཤེས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། འདུས་བྱས་དང་། འདུས་མ་བྱས་རྣམ་པར་དག་པའི་ཡེ་ཤེས་ཀྱི་སྟོབས་དང་། ལྷག་མཐོང་ལ་མཁས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། རིག་པ་དང་རྣམ་པར་གྲོལ་བ་རྣམ་པར་དག་པའི་ཡེ་ཤེས་ཀྱི་སྟོབས་དང་། མི་སྐྱེ་བ་ལ་བཟོད་པ་རྣམ་པར་དག་པའི་ཨེ་ཤེས་ཀྱི་སྟོབས་དང་། མཚན་ཉིད་མེད་པར་མཚན་ཉིད་གཅིག་པར་རྣམ་པར་དག་པའི་ཡེ་ཤེས་ཀྱི་སྟོབས་དང་། དོན་དམ་པ་དང་། ཀུན་རྫོབ་རྣམ་པར་དག་པའི་ཡེ་ཤེས་ཀྱི་སྟོབས་དང་། འདུན་པ་དང་། བརྩོན་འགྲུས་ཚད་མེད་པ་རྣམ་པར་དག་པའི་ཡེ་ཤེས་ཀྱི་སྟོབས་ཏེ། འཇམ་དཔལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པར་དག་པའི་ཡེ་ཤེས་ཀྱི་སྟོབས་སུམ་ཅུ་རྩ་དྲག་པོ་དེ་དང་ལྡན་ན། རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱིས་ཏིང་ངེ་འཛིན་འདི་འཐོབ་བོ།། འཇམ་དཔལ་ཡོངས་སུ་བརྟག་པ་ཉེ་བར་བཟུང་སྟེ། བྱང་ཆུབ་སེམས་དཔའ་གང་ལ་ལས་འཇིག་རྟེན་གྱི་ཁམས་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་བསྐལ་པར་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་དུ་འཇིག་རྟེན་གྱི་ཁམས་རེ་རེར་ཡང་སངས་རྒྱས་དང་བྱང་ཆུབ་སེམས་དཔའ་དང་བཅས་པ། ། ཉན་ཐོས་དང་རང་སངས་རྒྱས་དང་བཅས་པ། གངྒཱའི་ཀླུང་གི་བྱེ་མ་སྙེད་རྣམས་ལ་ལྷའི་ཟས་དང་ལྷའི་རས་བཅོས་བུའི་། ན་བཟའ་རྣམས་ཕུལ་བ་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་རྡུལ་སྙེད་ཀྱི་འཇིག་རྟེན་གྱི་ཁམས་རྣམས་ནོར་བུ་རིན་པོ་ཆེ་དབང་གི་རྒྱལ་པོས་རབ་ཏུ་བཀང་སྟེ། དབུལ་བ་ཕུལ་བ་དང་། དེ་བཞིན་གཤེགས་པ་རེ་རེའི་ཕྱིར་ཡང་ནོར་བུ་རིན་པོ་ཆེ་སྣང་བ་ཐམས་ཅད་ཡང་དག་པར་བསགས་པའི་མཆོད་རྟེན་ཚད་འཛམ་བུའི་གླིང་ཙམ་ཡོད་པ། སྲིད་པའི་རྩེ་མོར་ཐུག་པ། ནོར་བུ་རིན་པོ་ཆེ་གློག་གི་སྒྲོན་མའི་ཁ་ཁྱེར་གྱིས་ཡོངས་སུ་བསྐོར་བ། ། ནོར་བུ་རིན་པོ་ཆེ་དབང་གི་རྒྱལ་པོའི་དྲ་བས་བྲེས་པ། རྒྱལ་མཚན་དང་བ་དན་བསྒྲང་པ་ཙན་དན་སྦྲུལ་གྱི་སྙིང་པོའི་བྱུག་པས་བསྐུས་པ།། འཇིག་རྟེན་གྱི་ཁམས་བཅུའི་རྡུལ་ཕྲ་རབ་ཀྱི་རྡུལ་སྙེད་དག་བྱས་ཏེ། མཆོད་རྟེན་རེ་རེ་ལ་ཡང་སངས་རྒྱས་ཀྱི་ཞིང་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་བསྐལ་པར། ལྷའི་མཆོད་པ་མཚུངས་པ་མེད་པར་བྱས་ཀྱང་བྱང་ཆུབ་སེམས་དཔའ་གཞན་གང་གིས་དད་པས་ཏིང་ངེ་འཛིན་འདི་ལ་མོས་པས། ། ཐ་ན་དུད་འགྲོའི་སྐྱེ་གནས་སུ་སོང་བའི་སེམས་ཅན་ལ་ཟན་ཆང་གཅིག་ཙམ་བྱིན་ན། བསོད་ནམས་མངོན་པར་འདུ་བྱེད་པ་དེ་ལ་བསོད་ནམས་མངོན་པར་འདུ་བྱ་བ་སྔ་མས་བརྒྱའི་ཆར་ཡང་ཉེ་བར་མི་འགྲོའོ། ། སྟོང་གི་ཆ་དང་། བརྒྱ་སྟོང་གི་ཚེ་དང་། བྱེ་བ་བརྒྱའི་ཆ་དང་། བྱེ་བ་སྟོང་གི་ཆ་དང་། བྱེ་བ་བརྒྱ་སྟོང་གི་ཆ་དང་། དཔེ་དང་རྒྱུར་ཡང་མི་བཟོད་དོ།། འཇམ་དཔལ་བྱང་ཆུབ་སེམས་དཔའ་གང་ལ་ལ་ཏིང་ངེ་འཛིན་འདི་ལ་དད་དེ། ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་རྡུལ་ཕྲ་རབ་ཀྱི་རྡུལ་སྙེད་ཀ་ཡི་སངས་རྒྱས་བཅོམ་ལྡན་འདས་རྣམས་ལ་བདེ་བར་སྦྱར་བ་ཐམས་ཅད་ཀྱིས་བསྙེན་བཀུར་བྱས་པ་བས་བྱང་ཆུབ་སེམས་དཔའ་གཞན་གང་ཏིང་ངེ་འཛིན་འདི་ལ་མཆོག་ཏུ་འཇུག་ནད་དེ་བས་བསོད་ནམས་ཆེས་གྲངས་མེད་པར་སྐྱེད་དོ། ། འཇམ་དཔལ་བྱང་ཆུབ་སེམས་དཔའ་གང་ལ་ལ་ཞིག་གིས་བསྐལ་པ་ཁྲིར་དཀོན་མཆོག་གསུམ་ལ་དབུལ་བ་ཕུལ་བ་བས།། བྱང་ཆུབ་སེམས་དཔའ་གཞན་གང་གིས་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་འདིའི་མིང་ཐོས་ཏེ། ཐོས་ནས་ཀྱང་ཐ་ན་ཡུད་ཙམ་ཞིག་ཉན་འདོད་པར་གྱུར་ན། དེ་ད་པས་སངས་རྒྱས་ཀྱི་ཡེ་ཤེས་ཐོབ་པར་བྱེད་པའི་བསོད་ནམས་ཆེས་གྲངས་མེད་པར་སྐྱེད་པར་འགྱུར་རོ། ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། དྲན་པ་ལྡན་ཞིང་བློ་གྲོས་ལྡན། ། ཤེས་རབ་ལྡན་པ་མི་འཇིག་པ།། དེ་ནི་ཚེ་རབས་ཐམས་ཅད་དུ།། བྱང་ཆུབ་སྤྱད་པ་སྤྱོད་པར་འགྱུར།། སངས་རྒྱས་འབྱུང་བ་རབ་མཛེས་པ།། སྐད་ཅིག་གཅིག་ལ་མཉེས་བྱེད་ན། ། གང་དག་ངས་ནི་སྔོན་བཤད་པ།། མི་ཁོམ་བརྒྱད་རྣམས་རྣམ་པར་སྤོང་།། གཟུགས་དང་ཁ་དོག་ཕུན་སུམ་ཚོགས།། མཚན་རྣམས་ཀྱིས་ཀྱང་ལེགས་པར་བརྒྱན།། མཐུ་སྟོབས་དང་ཡང་རབ་ཏུ་ལྡན། ། ལེ་ལོ་འདོད་པར་མྱོང་མི་འགྱུར།། སྐྱིད་ཅིང་ནོར་ཡང་ཆེན་པོར་འགྱུར།། བསོད་ནམས་ལྡན་ཞིང་རྫུ་འཕྲུལ་ཆེ།། འཇིག་རྟེན་སྣང་བྱེད་མཐོང་ནས་ཀྱང་།། ཕྱི་ཕྱིར་ཞིང་ནི་མཆོད་བྱེད་པ། ། བདག་མེད་སྟོང་པ་ཐོས་ནས་ཀྱང་།། དེ་ནི་ཆོས་ལ་མི་རྨོངས་ཏེ།། ཆོས་རྣམས་ཇི་བཞིན་མཁས་པ་ནི།། དད་པ་མྱུར་དུ་རབ་ཏུ་འཐོབ།། རིགས་ཀྱི་མཆོག་དང་མོད་པ་དྲང་། ། སྐྱིད་པ་དག་ཏུ་སྐྱེ་བར་འགྱུར།། སྦྱིན་པའི་བདག་པོ་དཔའ་བོར་འགྱུར།། སེར་སྣ་མེད་ཅིང་སྡུག་པར་གཏོང་།། གང་དག་ལ་ལ་འཛམ་གླིང་དུ།། ཁྱད་པར་འཕགས་པར་མཛེས་པར་རིགས། ། དེར་ནི་བརྟན་པ་སྐྱེས་པ་དང་།། སྨད་པའི་འགྲོ་བར་མ་ཡིན་དང་།། སྐྱེ་བ་ཀུན་ཏུ་འདི་ལྟ་བུར།། ཁྱིམ་བདག་དབང་ཆེར་གྲགས་པ་དང་།། དཔལ་དང་གཟི་བརྗིད་འཕགས་པ་ཡང་།། ཚུལ་འདིར་ཡི་རང་སྤྱད་པར་འགྱུར།། བྲམ་ཟེ་སཱ་ལ་ཆེ་འདྲ་བ།། ཚུལ་ཁྲིམས་ལྡན་དང་མང་ཐོས་འགྱུར།། རྒྱལ་རིགས་སཱ་ལ་ཆེ་འདྲ་བ།། སྐྱིད་ཅིང་ནོར་ཡང་ཆེན་པོར་འགྱུར།། བསོད་ནམས་མཛོད་ཀྱི་འཕགས་པ་ཡི། ། རྒྱལ་པོ་རྫུ་འཕྲུལ་ཆེར་འགྱུར་ཏེ།། རྒྱ་མཚོར་བཅས་དང་རིར་བཅས་ཀྱི།། ས་ལ་ཆོས་ཀྱིས་སྟོན་པར་འགྱུར།། རིན་ཆེན་བདུན་གྱི་དབང་ཕྱུག་ཆེ།། འཁོར་ལོ་སྒྱུར་བ་རྒྱལ་དབང་འགྱུར།། རྒྱལ་པོར་གནས་ནས་སངས་རྒྱས་ལ།། ཕྱི་ཕྱིར་བསྟི་སྟང་བྱེད་པར་འགྱུར།། ཤི་འཕོས་ནས་ནི་མཐོ་རིས་འགྲོ།། སངས་རྒྱས་བསྟན་ལ་དད་པར་འགྱུར། ། རི་རབ་རྩེ་མོའི་དབང་ཕྱུག་པོ།། ལྷ་ཡི་དབང་པོ་བརྒྱ་བྱིན་འགྱུར།། ལྷ་དབང་འཐབ་བྲལ་རབ་ཏུ་འགྱུར།། དེ་བཞིན་ཡོངས་སུ་དགའ་ལྡན་འགྱུར།། ལྷ་དབང་རབ་ཏུ་འཕྲུལ་པ་དང་དབང་བྱེད་འཇིགས་པ་མེད་པར་འགྱུར། ། ཚུལ་འདིར་ཡི་རང་བྱས་པ་ནི།། ཚངས་པའི་འཇིག་རྟེན་ཚངས་པའི་མཆོག། མཁས་པ་ལྷ་རྣམས་བྱེ་བ་ཡིས།། མཆོད་པ་བྱ་བའི་དབང་ཕྱུག་འགྱུར། ། གང་ཞིག་མདོ་སྡེ་དཀོན་མཆོག་འདིར།། ཕྱི་ཕྱིར་རྗེས་སུ་ཡི་རང་ན།། སུས་ཀྱང་དེ་ཡི་ཡོན་ཏན་མཐའ།། བརྗོད་པར་ནུས་པ་མ་ཡིན་ནོ།། བྱང་ཆུབ་ཏུ་ནི་སེམས་བསྐྱེད་ན། ། བསྐལ་པ་བྱེ་བ་རྣམས་སུ་ཡང་།། ནམ་དུའང་ལོང་ཐེང་མི་འགྱུར་ཏེ།། སྟོན་པ་བླ་ན་མེད་པར་འགྱུར།། རྩཝ་ཤིང་རི་དང་སྡོང་པོ་དང་།། འཁྲི་ཤིང་སྨན་ཡང་དེ་བཞིན་ཏེ།། མེ་ཏོག། འབྲས་ལྡན་ལྗོན་ཤིང་ཡང་།། གང་དུ་འགྲོ་བར་འདུད་པར་འགྱུར།། མར་མེ་མཛད་ནས་བཟུང་ནས་སུ།། བརྟུལ་ཤུགས་བཟང་པོ་གར་འགྲོ་བར།། ཕྱོགས་བཅུ་དག་གིས་འཇིག་རྟེན་ཁམས།། མཐའ་ཡས་འོད་ཀྱི་སྣང་བར་བྱེད།། གང་དག་འདས་པའི་བར་དེ་དང་།། གང་དག་མ་འོངས་ཤིང་རྣམས་ཀྱི།། མེ་ཏོག་འབྲས་བུ་ལོ་མ་དག། དེ་དག་རྣམ་པར་ཤེས་པར་ནུས།། སངས་རྒྱས་བྱེ་བ་ཕྲག་སྟོང་དང་། ། ཁྲག་ཁྲིག་ཕྲག་བརྒྱ་རྣམས་ཀྱིས་ཀྱང་།། དེ་དག་གི་ནི་ཡོན་ཏན་མཐའ།། བརྗོད་པར་ནུས་པ་མ་ཡིན་ནོ།། བྱང་ཆུབ་སེམས་དཔའ་གང་དག་ནི།། མདོ་འདི་ཕྱིར་ཞིང་མོས་བྱེད་པ། ། དེ་ཡི་བསྔགས་པའི་འཕྲེང་བ་ཡི།། མཐའ་མ་བརྗོད་པར་མི་ནུས་སོ།། མདོ་སྡེ་ཡོན་ཏན་གང་བརྗོད་པ།། དེ་དག་ཐམས་ཅད་དེ་དང་ལྡན།། དེ་བས་རབ་ཏུ་ལྷག་ཡོད་དེ།། དེ་ཡི་ཡོན།། ཏན་མཐར་ཐུག་མེད།། མི་གང་དེ་ལ་དགའ་བར་མི་བྱེད་ཅིང་།། ཡོད་པ་མིན་དང་བསྔགས་པ་མི་སྨྲ་དང་།། མི་གང་ཁྲོས་ནས་མི་སྙན་སྨྲ་བ་འམ།། ཡང་ན་དེ་ལ་འཁྲུག་པ་བྱེད་པ་དག། སེམས།། ཅན་དམྱལ་བར་སྐྱེ་འགྱུར་ཏེ།། ལུས་ནི་ཆེན་པོར་གྱུར་ནས་སུ།། དེ་ནི་སྡུག་བསྔལ་མྱོང་འགྱུར་ཏེ།། ཡིད་རབ་མི་བདེ་མ་རུང་འགྱུར།། དཔག་ཚད་ལྔ་བརྒྱའི་ཚད་ཙམ་དུ།། དེ་ཡི་ལུས་ནི་སྐྱེ་བར་འགྱུར། ། སྡིག་པའི་ལས་ཀྱིས་རྟག་ཏུ་ཡང་།། བྱེ་བས་བསྐོར་ནས་ཟ་བར་འགྱུར།། བསྐལ་པ་དག་ནི་དུ་མར་ཡང་།། ལུས་ནི་དཔག་ཚད་ལྔ་བརྒྱར་འགྱུར།། དེ་ལ་མགོ་ཡང་ལྔ་བརྒྱ་སྟེ། དེ་ལས་ཉུང་བར་མི་འགྱུར་རོ།། མགོ་རྣམས་རེ་རེ་དག་ལ་ཡང་།། ལྔ་བརྒྱའི་ལྕེ་ལས་མི་ཉུང་སྟེ།། ལྕེ་གཅིག་ལ་ཡང་ཐོང་གཤོལ་ནི།། ལྔ་བརྒྱར་ཚང་སྟེ་མི་ཉུང་བ།། འབར་བས་དེ་ལ་རྨོ་བྱེད་དོ། ། སྐུར་འདེབས་སྡིག་པའི་ལས་ཀྱིས་སོ།། ཚིག་རྩུབ་དག་ནི་སྨྲས་པས་ན།། ཤིན་ཏུ་ཚ་བར་སྲེགས་པར་འགྱུར།། གང་དག་སྡོམ་པར་མི་བྱེད་ཅིང་།། བྱང་ཆུབ་སེམས་དཔའ་གནོད་བྱེད་པ། ། དེ་ནི་སེམས་ཅན་དམྱལ་སྐྱེ་སྟེ།། དུད་འགྲོའི་སྐྱེ་གནས་འགྲོ་བར་འགྱུར།། ཚུལ་འདི་སྤོང་བར་བྱེད་པ་ནི།། བསྐལ་པ་བྱེ་བ་སྟོང་རྣམས་དང་།། བརྒྱ་དང་ཁྲག་ཁྲིག་རྣམས་སུ་ཡང་། ། མནར་མེད་པར་ནི་སྡུག་བསྔལ་རྙེད།། དེ་ནས་ཤི་འཕོས་རབ་འདུག་ཅིང་།། ཤིན་ཏུ་མི་བཟད་སྦྲུལ་དུ་འགྱུར།། བཀྲེས་ཤིང་སྐོམ་པས་མངོན་གཟིར་ཀྱང་།། ཤིན་ཏུ་མི་བཟད་ལས་རྣམས་བྱེད། ། བཟའ་བ་རྙེད་ཀྱང་སྡིག་པ་ཡིས།། ནམ་སྣང་ཚིམ་པར་མི་འགྱུར་རོ།། གལ་ཏེ་དེ་ནས་ཤི་འཕོས་ནུས།། མི་ཡི་ནང་དུ་སྐྱེས་ན་ཡང་།། ཡིད་མི་གཞུངས་ཤིང་དམུས་ལོང་འགྱུར། ། གནོད་པར་སེམས་ཤིང་སྡོམ་པ་མེད།། ཉེས་པའི་ཚིག་རྣམས་སྨྲས་ནས་ནི།། འཕགས་པ་མཉེས་པར་མི་བྱེད་པ།། མི་ཡི་ནང་ནས་ཤི་འཕོས་ནས།། སླར་ཡང་ངན་འགྲོར་འགྲོ་བར་འགྱུར། ། བསྐལ་པ་བྱེ་བ་སྟོང་རྣམས་སུ།། ནམ་ཡང་སངས་རྒྱས་མཐོང་མི་འགྱུར།། གང་ཞིག་བྱང་ཆུབ་སེམས་དཔའ་ལ། གནོད་པར་མི་བྱེད་རབ་བསྡམས་དང་གང་ཞིག་ཆོས་དང་ལྡན་པ་ཡི། ། ཆོས་སྨྲ་དེ་དག་སྲུང་བྱེད་པ།། ངན་འགྲོ་རྣམས་ནི་ཀུན་སྤངས་ནས།། བརྒྱ་བྱིན་རྫུ་འཕྲུལ་ཆེན་པོར་འགྱུར།། ཚངས་པ་འཐབ་བྲལ་དགའ་ལྡན་དང་།། དབང་བྱེད་པར་ཡང་དེ་འགྱུར་རོ། ། གལ་ཏེ་མིར་ནི་གྱུར་ན་ཡང་།། རྟག་ཏུ་འཁོར་ལོ་སྒྱུར་བར་འགྱུར།། ཚོང་དཔོན་དང་ནི་ཁྱིམ་བདག་འགྱུར།། རྟག་ཏུ་སྐྱིད་ཅིང་ནོར་ཆེར་འགྱུར།། ཇི་ལྟར་གངྒཱ་བྱེ་སྙེད་ཀྱི། ། བསྐལ་པ་དེ་སྙེད་རྟག་ཏུ་ཡང་།། འཇིགས་མེད་དྲན་པ་ཕུན་སུམ་ཚོགས།། བདེ་དང་ལྡན་ཞིང་གནོད་པ་མེད།། ཚེ་རབས་ཚེ་རབས་ཕྱི་ཕྱིར་ཞིང་།། རྟག་ཏུ་སངས་རྒྱས་མཆོད་པར་འགྱུར། ། རྡོ་ལྡན་གང་ཞིག་སངས་རྒྱས་ལ།། བསྐལ་པ་དེ་སྙེད་མཆོད་པ་བས།། ཕྱི་དུས་ཆོས་ནི་འཇིག་པ་ན།། གང་དག་མདོ་སྡེ་འདི་འཛིན་པ།། ཆོས་གང་འཇིག་རྟེན་མགོན་པོ་ཡིས། བསྟན་པའི་མདོ་སྡེ་འདི་ལ་དེས།། ཉིན་ཞག་གཅིག་ཏུ་བཟུང་བ་ཡི།། དེ་ནི་བསོད་ནམས་ཁྱད་པར་འཕགས།། ཕྱོགས་བཅུའི་སངས་རྒྱས་གང་བཞུགས་པ།། དེ་དག་ཀུན་ལ་མཆོད་པར་འགྱུར་མདོ་སྡེ་འདི་འདྲ་འཛིན་པ་ནི། ། གང་དག་མ་འོངས་སྤངས་རྒྱས་དང་།། འདས་པའི་སངས་རྒྱས་གང་དག་དང་།། དེ་དག་དེ་ཡིས་མཆོད་པར་འགྱུར།། འཇམ་དཔལ་བྱང་ཆུབ་སེམས་དཔའ་གང་ལ་ལ་ཞིག། རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་ལ་མོས་པའི་བྱང་ཆུབ་སེམས་དཔའ་ལ་གནོད་སེམས་དང་། ཐ་བ་དང་། ཁྲོ་བ་སྐྱེད་དམ། འདུམ་པར་མི་བྱེད་དམ། ། བརྙས་ཐབས་གང་ཡང་རུང་བས་བརྙས་ཏེ།། ངན་པའི་རིགས་སུ་སྐྱེས་པ་ཞེ་འམ།། རྙེད་པ་ཆུང་བ་ཞི་བ་མ།། ཡིད་གཞུངས་པ་ཆུང་བཞི་བ་མ། ཤེས་རབ་ཆུང་བ་ཞེས་བརྙས་སམ། ཅི་ཡང་རུང་སྟེ། ཚུལ་ཁྲིམས་ཀྱི་ཡན་ལག་ཉམས་པ་ཞ་འམ། མདོག་ངན་པ་ཞེ་འམ། གཟུགས་དང་མི་ལྡན་པ་ཞེ་འམ། གཟི་བརྗིད་ཆུང་བ་ཞེས་བརྙས་སམ། ཐ་ན་ཡུད་ཙམ་ཞིག་ཁྲོས་ཏེ་ལྟ་ན་ཡང་དེ་མི་དགེ་བའི་ལས་དེས་བསྐལ་པ་བྱེ་བ་གྲངས་མེད་པ་ཚང་བར་ངན་སོང་རྣམས་སུ་སྲེག་པར་འགྱུར་རོ། ། འཇམ་དཔལ་ངས་ནི་ཇི་ལྟར་བྱང་ཆུབ་སེམས་དཔའ་ལ། ཁོང་ཁྲོ་བའི་སེམས་གཅིག་བསྐྱེད་པ་ལས་ཁ་ན་མ་ཐོ་བ་ཆེ་བའི་ཆོས་དེ་ལྟ་བུ་གཅིག་ཀྱང་མ་མཐོང་ངོ་།། འཇམ་དཔལ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་སེམས་ཅན་ཐམས་ཅད་ལ་མཚོན་གྱིས་བཏབ་བམ། དབྱུག་པས་བརྡེགས་པ་བས། རིགས་ཀྱི་བུ་འམ། རིགས་ཀྱི་བུ་མོ་གཞན་གང་གིས་ཐེག་པ་ཆེན་པོ་ལ་མོས་པའི་བྱང་ཆུབ་སེམས་དཔའ་ལ། ཐ་ན་གནོད་སེམས་སམ། ཐ་བའམ།། ཞེ་སྡང་གི་སེམས་གཅིག་བསྐྱེད་དམ། ཁྲོས་ཏེ་བརྙས་པའི་སེམས་བསྐྱེད་ན། དེ་དེ་བས་སྡིག་པ་ཆེས་མང་དུ་སྐྱེད་དོ།། འཇམ་དཔལ་བྱང་ཆུབ་སེམས་དཔས་བྱང་ཆུབ་སེམས་དཔའ་ལ། ཁོང་ཁྲོ་བའི་སེམས་བསྐྱེད་པ་འོམ། བརྙས་པའི་སེམས་བསྐྱེད་པ་ཇི་ཙམ་པ་དེ་སྙེད་ཀྱི་བསྐལ་པར་བྱང་ཆུབ་སེམས་དཔའ་དེས། སེམས་ཅན་དམྱལ་བ་རྣམས་སུ་གནས་པར་གོ་ཆ་བགོ་བར་བྱའོ།། འཇམ་དཔལ་བྱང་ཆུབ་སེམས་དཔའ་ལ་སྐུར་པོ་བཏབ་པ་མ་གཏོག་པར། བྱང་ཆུབ་སེམས་དཔའ་ལས་གཞན་གང་གིས་ཀྱང་ལོག་པར་ལྟུང་བར་བྱེད་མི་ནུས་སོ།། འཇམ་དཔལ་འདི་ལྟ་སྟེ་དཔེར་ན། ནོར་བུ་རིན་པོ་ཆེ་རྡོ་རྗེ་ནི་རྡོ་རྗེ་ཉིད་མ་གཏོག་པར་ཤིང་ངམ་བོང་བ་འམ། དབྱུག་པའམ། རྡོ་བ་འམ། མཚོན་ཆས་གཅག་པར་མི་ནུས་སོ།། འཇམ་དཔལ་དེ་བཞིན་དུ། བྱང་ཆུབ་སེམས་དཔའ་ཡང་བྱང་ཆུབ་སེམས་དཔའ་ལ་བསྐུར་པ་བཏབ་པ་མ་གཏོགས་པར། ལས་གཞན་གྱིས་ལོག་པར་ལྟུང་བར་བྱེད་མི་ནུས་སོ།། འཇམ་དཔལ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་ལྷའི་བསྐལ་པ་བྱེ་བར་ཕྱོགས་བཅུའི་འཇིག་རྟེན་གྱི་ཁམས་རེ་རེར་འཁོར་བཞི་ལ་ཅི་འདོད་པར་སྦྱིན་པ་བྱིན་པ་བས། རིགས་ཀྱི་བུ་འམ།། རིགས་ཀྱི་བུ་མོ་གང་གཞན་གྱིས་མཐུན་པར་བྱ་བའི་དོན་དུ་གཡོས་དེ་བཞིན་གཤེགས་པ་ནི་རྟག་པའོ།། དེ་བཞིན་གཤེགས་པ་ནི་གཡུང་དྲུང་ངོ་ཞེས་ཚིག་ཏུ་སྨྲ་ན་ཡང་། དེ་དེ་བས་ཆེས་བསོད་ནམས་གྲངས་མེད་པར་སྐྱེད་དོ།། འཇམ་དཔལ་བྱང་ཆུབ་སེམས་དཔའ་གང་ལ་ལས་ལྷའི་ལོ་སྟོང་དུ་དཀོན་མཆོག་གསུམ་ལ་ཅི་དགོས་པ་བྱིན་པ་བས། ། བྱང་ཆུབ་སེམས་དཔའ་གང་གཞན་ཞིག་ཐ་ན་ས་གོལ་གཏོག་པ་སྲིད་དུ།། འདུ་བྱེད་ཐམས་ཅད་ནི་མི་རྟག་པའོ།། འདུ་བྱེད་ཐམས་ཅད་ནི་སྡུག་བསྔལ་བའོ། ། འདུ་བྱེད་ཐམས་ཅད་ནི་སྟོང་པའོ།། འདུ་བྱེད་ཐམས་ཅད་ནི་བདག་མེད་པའོ་སྙམ་དུ་དཔྱོད་ན། དེ་དེ་བས་བསོད་ནམས་ཆེས་གྲངས་མེད་པར་སྐྱེད་དོ།། ཆོས་ཀྱི་རྣམ་གྲངས་འདི་བཤད་པ་ན། ། ལྷའི་བུ་བརྒྱད་སྟོང་ནི་བྱང་ཆུབ་ཏུ་སེམས་སྐྱེད་དོ།། དགེ་སློང་མ་ལྔ་བརྒྱ་ནི་ཐེག་པ་གཅིག་ཏུ་ཡང་དག་པར་འདུ་བའི་ཏིང་ངེ་འཛིན་ཐོབ་བོ།། བྱང་ཆུབ་སེམས་དཔའ་སྟོང་ཉིས་བརྒྱ་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ། ། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ཡང་རྣམ་པ་དྲུག་ཏུ་རབ་ཏུ་གཡོས་སོ།། ཆོས་ཀྱི་རྣམ་གྲངས་འདི་དང་། བཅོམ་ལྡན་འདས་ཤཱཀྱ་ཐུབ་པ་ལ་མཆོད་པའི་ལས་ཀྱི་ཕྱིར། སྟེང་གི་བར་སྣང་ལས་ལྷའི་མེ་ཏོག་ཨུཏྤལ་དང་། པདྨ་དང་། ཀུ་མུ་དཱ་དང་། པདྨ་དཀར་པོ་རྣམས་ཀྱི་ཆར་ཆེན་པོ་ཡང་རབ་ཏུ་བབ་བོ།། ཙན་དན་སྦྲུལ་གྱི་སྙིང་པོའི་སྤོས་ཀྱི་ཆར་ཆེན་པོ་ཡང་མངོན་པར་རབ་ཏུ་བབ་བོ།། གོས་ཀྱི་ཆར་དང་། རིན་པོ་ཆེའི་ཆར་དང་། རྒྱན་གྱི་ཆར་ཆེན་པོ་ཡང་རབ་ཏུ་བབ་བོ།། འཇིག་རྟེན་གྱི་ཁམས་གྲངས་མེད་བརྗོད་དུ་མེད་པའི་རྡུལ་ཕྲ་རབ་ཀྱི་རྡུལ་སྙེད་ཀྱི། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་རེ་རེས་ཀྱང་ཕྱོགས་བཅུའི་སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་རྡུལ་སྙེད་ཀྱི་ལག་པ་མངོན་པར་སྤྲུལ་ཏེ། ལག་པ་རེ་རེས་ཀྱང་ལྷའི་འཇིག་རྟེན་གྱི་ཁམས་ཀྱི་ཚད་ཙམ་གྲངས་མེད། བསམ་གྱིས་མི་ཁྱབ། མཚུང་པ་མེད། གཞལ་དུ་མེད་པའི་གདུགས་ཀྱི་སྤྲིན་དང་། རྒྱལ་མཚན་གྱིས་སྤྲིན་དང་། བ་དྲན་གྱི་སྤྲིན་དང་། མེ་ཏོག་གི་སྤྲིན་དང་། ཙན་དན་སྦྲུལ་གྱི་སྙིང་པོའི་སྤྲིན་དང་། རྒྱན་གྱི་སྤྲིནྡ་དང་། སེང་གེའི་རྒྱལ་མཚན་ཟླ་བའི་སྤྲིན་དང་། ནོར་བུ་རིན་པོ་ཆུ་སྣང་བ་ཐམས་ཅད་བསགས་པའི་སྤྲིན་དང་། ནོར་བུ་རིན་པོ་ཆེ་དབང་གི་རྒྱལ་པོའི་སྤྲིན་རྣམས་ཀྱིས་ཆོས་ཀྱིས་རྣམ་གྲང་འདི་ལ་མཆོད་དོ། ། བཅོམ་ལྡན་འདས་ཤཱཀྱ་ཐུབ་པ་ལ་ཡང་གཏོར་ཅིང་མངོན་པར་གཏོར་ནས། ཚིག་འདི་སྐད་ཅེས་བཅོམ་ལྡན་འདས་ལེགས་པར་གསུངས་སོ།། བདེ་བར་གཤེགས་པས་ལེགས་པར་གསུངས་ཏེ། ཆོས་ཀྱི་རྣམ་གྲངས་འདི་འཇིག་རྟེན་དུ་རིང་དུ་གནས་པར་གྱུར་ཅིག་ཅེས་སྨྲས་སོ།། སངས་རྒྱས་ཀྱི་ཞིང་བརྗོད་དུ་མེད་པ་བྱེ་བ་ཕྲག་བཅུའི་རྡུལ་ཕྲ་རབ་ཀྱི་རྡུལ་སྙེད་ཀྱི་ལྷའི་བུ་བྱེ་བ་ཁྲག་ཁྲིག་བརྒྱ་སྟོང་དང་། ལྷའི་བུ་མོ་བྱེ་བ་ཁྲག་ཁྲིག་བརྒྱ་སྟོང་གྲངས་མེད། བསམ་གྱིས་མི་ཁྱབ། གཞལ་དུ་མེད། བརྗོད་དུ་མེད་པ་རྣམས་ཀྱིས་ཀྱང་། ལྷའི་མ་ཏོག་མནྡ་ར་ཝ་དང་། མནྡ་ར་ཝ་ཆེན་པོ་དང་། མཉྫུ་ཤ་ཀ་དང་། ཡིད་དགའ་དང་། པ་རུ་ཤ་ཀ་དང་། ཏ་ར་ཎི་དང་། བལ་ལ་ཀི་དང་། ཀོ་ཏ་ར་ཎི་དང་། དྲི་མཆོག་དང་། དྷ་ཎུ་སྐ་རི་དེ་བ་དང་། ཨུཏྤལ་དང་། པདྨ་དང་། ཀུ་མུ་དཱ་དང་། པདྨ་དཀར་པོ་དང་། མེ་ཏོག་འཁོར་ལོ་དང་། འཁོར་ལོ་ཆེན་པོ་ལ་སོགས་པ་དང་། ལྷའི་མེ་ཏོག་གི་ཆར་ཆེན་པོ་རབ་ཏུ་ཕབ་པོ། ལྷའི་གོས་དང་གདུགས་དང་། རྒྱལ་མཚན་དང་། བ་དན་གྱིས་ཆར་རབ་ཏུ་ཕབ་པོ།། ལྷའི་ཙན་དན་སྦྲུལ་གྱི་སྙིང་པོའི་ཆར་དང་། རིན་པོ་ཆེའི་སྤྲིན་གྱིས་ཆར་དང་། རྒྱན་གྱི་སྤྲིན་གྱི་ཆར་རབ་ཏུ་ཕབ་པོ། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་བྱེ་བ་ཁྲག་ཁྲིག་བརྒྱ་སྟོང་བགྲང་བ་ལས། ཤིན་ཏུ་འདས་པ་གྲངས་མེད་པས་ཀྱང་།། ཆོས་ཀྱི་རྣམ་གྲངས་འདི་ལ་མཆོད་པའི་ལས་ཀྱི་ཕྱིར་འཛམ་བུའི་གླིང་གི་ཚད་ཙམ་གྱི་མེ་ཏོག་གི་སྤྲིན་དང་། གོས་ཀྱི་སྤྲིན་དང་། རིན་པོ་ཆེའི་སྤྲིན་གྱི་ཆར་རབ་ཏུ་ཕབ་བོ།། དེ་བཞིན་དུ་ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ན་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་གྲངས་མེད། བསམ་གྱིས་མི་ཁྱབ།། གཞལ་དུ་མེད། ཚད་མེད་པ་དག་གིས་ཀྱང་ལྷའི་མེ་ཏོག་གི་ཆར་དང་། སྤོས་དང་། གོས་དང་། རིན་པོ་ཆེའི་ཆར་མངོན་པར་ཕབ་སྟེ། ལྷའི་རོལ་མོའི་དབྱངས་སྨྲ་བསམ་གྱིས་མི་ཁྱབ་པ་བྱས་ནས། ཚིག་འདི་སྐད་ཅེས་བཅོམ་ལྡན་འདས་ལེགས་པར་གསུངས་སོ། ། བདེ་བར་གཤེགས་པས་ལེགས་པར་གསུངས་ཏེ། ཀྱེ་མའོ་བདག་ཅག་གིས་སྔོན་མ་ཐོས་པའི་ཆོས་ཀྱི་རྣམ་གྲངས་འདི་ཐོས་སོ།། ཀྱེ་མའོ་ཆོས་ཀྱི་རྣམ་གྲངས་འདི་ཡུན་རིང་དུ་གནས་པར་གྱུར་ཅིག་ཅེས་སྨྲས་སོ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།། འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་གྲངས་མེད་པ་དག་དང་། བཟང་སྐྱོང་ལ་སོགས་པ་དགེ་བསྙེན་སྟོང་ཕྲག་དཔག་ཏུ་མེད་པ་དག་དང་། ཉན་ཐོས་ཆེན་པོ་དག་དང་། ལྷ་དང་ཀླུ་དང་། གནོད་སྦྱིན་དང་། དྲི་ཟ་དང་།། ལྷ་མ་ཡིན་དང་། ནམ་མཁའ་ལྡིང་དང་། མི་བམ་ཅི་དང་། ལྟོ་འཕྱེ་ཆེན་པོ་བརྒྱ་ཕྲག་གྲངས་མེད་པ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་རབ་ཏུ་ཞི་བ་རྣམ་པར་ངེས་པའི་ཆོ་འཕྲུལ་གྱི་ཏིང་ངེ་འཛིན་ཅེས་བྱ་བ་ཐེག་པ་ཆེན་པོའི་མདོ་རྫོགས་སོ། ། །། རྒྱ་གར་གྱི་མཁན་པོ་ཛི་ན་མི་ཏྲ་དང་། དཱ་ན་ཤཱི་ལ་དང་།
CLOSE WINDOW