| Wylie | e-texts produced with ocr Programm |
ཞུ་ཆེན་གྱི་ལོ་ཙ་བ་བན་དྷེ་ཡེ་ཤེས་སྡེ་ལ་སོགས་པས་བསྒྱུར་ཅིང་ཞུས་ཏེ་གཏན་ལ་ཕབ་པ།། ། རྒྱ་གར་སྐད་དུ། ཨཱརྱ་དྷརྨྨ་སཱ་ག་ར་ནཱ་མ་དྷཱ་ར་ཎི། བོད་སྐད་དུ། འཕགས་པ་ཆོས་ཀྱི་རྒྱ་མཚོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཝཱ་རཱ་ཎཱ་སི་ན་དྲང་སྲོང་སྨྲ་བ་རི་དགས་ཀྱི་ནགས་ན། དགེ་སློང་ལྔ་བརྒྱ་ཐམ་པའི་དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས། དགེ་སློང་རྣམས་ལ་བཀའ་སྩལ་པ་དང་། དགེ་སློང་དེ་དག་གིས་བཅོམ་ལྡན་འདས་ལ་ཉན་པ་དང་། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ།། དགེ་སློང་དག་ངས་ནི་ཆོས་ཟབ་མོ་མཐོང་བར་དཀའ་བ། རྟོགས་པར་དཀའ་བ། ཆ་ཕྲ་བ། བརྟགས་པ། མཁས་ཤིང་ཤེས་པ་ས་རིག་པར་བྱ་བ་རྟོགས་སོ། ། ངས་ནི་སྐྱེ་བོ་མང་པོ་ལ་ཕན་པ་དང་། སྐྱེ་བོ་མང་པོ་ལ་བདེ་བ་དང་། འཇིག་རྟེན་ལ་སྙིང་བརྩེ་བ་དང་། སྐྱེ་བོ་ཕལ་པོ་ཆེའི་དོན་དང་། ལྷ་དང་མི་རྣམས་ལ་ཕན་པ་དང་བདེ་བའི་ཕྱིར་ཆོས་ཀྱི་འཁོར་ལོ་བསྐོར་ཏོ། ། ངས་ཐོགས་པ་མེད་པའི་ཆོས་ཀྱི་འཁོར་ལོ་བསྐོར་བའི་ཕྱིར་ངེས་པ་ཁོ་ནར་བསྒྲུབ་པར་བྱའོ།། དགེ་སློང་དག་ཆོས་ཀྱི་རྒྱ་མཚོའི་གཟུངས་ཞེས་བྱ་བའི་ཆོས་ཀྱི་རྣམ་གྲངས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དྲན་པའི་བློ་དང་ལྡན་པ། བློ་གྲོས་ཀྱི་བློ་དང་ལྡན་པ། རྟོགས་པའི་བློ་དང་ལྡན་པ། བརྟན་པའི་བློ་དང་ལྡན་པ། ཤེས་རབ་ཀྱི་བློ་དང་ལྡན་པ། གསུང་གི་མཆོག་དང་ལྡན་པ་སྤོབས་པ་མཆོག་དང་ལྡན་པ། མཁྱེན་ཅིང་གཟིགས་པ་དག་གིས་བསྟན་ཅིང་བཤད་པ་ཡོད་དེ། གང་དག་དེ་ཤེས་པ་དང་། གང་དག་དེ་འཛིན་པ་དེ་དག་གིས་ནི་མྱུར་བ་ཁོ་ནར་ཆོས་ལྔ་ཐོབ་པར་འགྱུར་རོ།། ལྔ་གང་ཞེ་ན། འདི་ལྟ་སྟེ། ཐོས་པ་འཛིན་པའི་དྲན་པ་དང་ལྡན་པར་འགྱུར་རོ།། བརྗེད་ངས་པ་མེད་པའི་དྲན་པ་དང་ལྡན་ཞིང་། ཆོས་བཟུང་བ་རྣམས་ཆུད་ཟ་བར་མི་འགྱུར་བའི་བློ་གྲོས་དང་ལྡན་པར་འགྱུར་བ་དང་། རྣོན་པོ་ཐོབ་པའི་རྟོགས་པ་དང་ལྡན་པར་འགྱུར་བ་དང་། ཡི་གེ་དང་། དོན་དང་། ཚིག་ལ་འཇུག་པའི་སྤོབས་པ་ཐོགས་པ་མེད་པ་དང་ལྡན་པར་འགྱུར་བ་དང་། སེམས་ཅན་རྣམས་ཀྱི་རྒྱུའི་ལམ་མངོན་པར་ཤེས་ནས་སྔོན་གྱི་གནས་རྗེས་སུ་དྲན་པ་ལ་མཁས་པར་འགྱུར་བ་སྟེ། ཆོས་ལྔ་པོ་འདི་དག་ནི་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བཞག་གོ། ད་ལྟར་ངའང་འཇོག་གོ།། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཆོས་ཐམས་ཅད་ཀྱི་སྡོམ་གྱི་གཞི་བསྡུ་བ་ཁྱོད་ལ་བསྟན་པར་བྱ་སྟེ། དེས་ན་ཁྱོད་ཀྱིས་མ་ཐོས་པའི་ཆོས་རྣམས་ཐོས་པར་འགྱུར་རོ།། ཐོས་པའི་ཆོས་རྣམས་འཛིན་པར་འགྱུར་རོ།། བཟུང་བའི་ཆོས་རྣམས་ནི་ཉམས་སུ་ལེན་པར་འགྱུར་རོ།། ཉམས་སུ་བླངས་པའི་ཆོས་རྣམས་ནི་གཞན་དག་ལ་ཁོང་དུ་ཆུད་པར་བྱེད་དོ།། ཚིག་གི་རབ་ཏུ་དབྱེ་བ་ལྔ་ནི། འདི་ལྟ་སྟེ། འདུ་བྱེད་ཀྱི་ཚིག་གི་རབ་ཏུ་དབྱེ་བ་དང་། དེ་བཞིན་དུ་མ་ཐོས་པའི་ཆོས་ཀྱི་ཚིག་གི་རབ་ཏུ་དབྱེ་བ་དང་། བླ་ན་མེད་པའི་ཚིག་གི་རབ་ཏུ་དབྱེ་བ་དང་། ས་ནས་ས་བརྟགས་པའི་ཡི་གེའི་ཚིག་གི་རབ་ཏུ་དབྱེ་བ་དང་། ངེས་པའི་ཚིག་དང་བརྡ་སྣ་ཚོགས་ཀྱི་ཚིག་གི་རབ་ཏུ་དབྱེ་བའོ། ། དེ་ལ་འདི་དག་ནི་གཟི་བྱིན་བརྟན་པར་བྱེད་པའི་ཚིག་རིག་སྔགས་དང་ལྡན་པ་སྟེ། གླིང་བཞི་པའི་འཇིག་རྟེན་གྱི་ཁམས་ཀྱི་གནོད་སྦྱིན་དང་། སྲིན་པོ་དང་། གྲུལ་བུམ་དང་། ཡི་དགས་དང་། ཤ་ཟ་འཛམ་བུའི་གླིང་དུ་ལྷགས་པ་ཐམས་ཅད་ཀྱིས་གང་ཟག་དེ་ལ་ཟས་ཀྱི་རྣམ་གྲངས་རྣམས་དང་སྨན་རྣམས་སྦྱིན་པར་འགྱུར་རོ།། དེ་ལ་གསང་སྔགས་ཀྱི་ཚིག་ཆོས་ལས་བྱུང་བ་གཞན་དག་ལ་མི་གནོད་པ། དེ་བཞིན་གཤེགས་པས་གསུངས་པ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་ཀྱིས་མནོས་པ་བསྟན་པ་ཡོངས་སུ་འཛིན་པ་ནི་འདི་དག་ཡིན་ཏེ། ཀུན་དགའ་བོ་གསང་སྔགས་ཀྱི་ཚིག་འདི་དག་ཉོན་ཅིག། ཁྱོད་ཕྱིས་འགྱོད་ཏ་རེ། སྱཱད་ཡ་ཐེ་དན། ཀརྨ་ཀེ་ཏ་མ་ནུད་ཙེ། ར་ཏི་རུ་ཏ་གྲནྟྲ་མ། ཟུམ་ན། ནཻ་ལ་ཏ། ཨ་སཾ་ཀུ་ལ་སྠཱ་བུ་མི་ཨ་ནུ་སྨ་རི། ཨི་ཤཾ་ག་མ་ཨི་ཤ་བྷཱུ། ཀླེན་ཨ་ནུ་ག་ཏེ། ཡཱ་མུ་ལ་གུ་མ་བྷེ། པ་བྷེ་མ་གུར་པ་ཡ་པ། ཨ་སྱ་བཱཀྱ་སྱ་བི་ལཾ་ག། བེ་ལ་མ་ཐ། ཤྲཱི་བ་བ་རཱི་པཉྩ་ཀ། པྲ་ས་ཏེ། ཨ་བ་བེ་ལ། ཨ་གྲ་བེ་ལ། ནི་ཤི་ཁུ་ཨུ་ཙེ་ཛུ་མེ། ཨུ་ཛེ་ཛུ་མེ། ཀུན་དགའ་བོ་འདི་དག་ནི་གནོད་སྦྱིན་གྱི་དབབ་པ་གྲུབ་པ་དང་། གནོད་སྦྱིན་གང་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུངས་མཐོང་ལ་བསྙེན་བཀུར་ཡང་བྱེད་བྱེད། རིམ་གྲོའང་བྱེད་བྱེད་པ་རྣམས་འཆིང་སྟེ། ཀུན་དགའ་བོ་ཁྱོད་ཀྱིས་གནོད་སྦྱིན་བབ་པ་གྲུབ་པ་དེ་བཞིན་གཤེགས་པས་གསུངས་པ་རྣམས་བཟུང་ཞིག། ཀུན་དགའ་བོ་གང་ལ་ལ་གསང་སྔགས་ཀྱི་ཚིག་སྐྱོན་མེད་པའི་ཚིག་འདི་དག་འཛིན་པ་དང་། འཆང་བ་དང་། ཀུན་ཆུབ་པར་བྱེད་པ་དེ་ལ་ནི་རྒྱལ་པོ་ཆེན་པོ་བཞི་སེམས་བཞིན་དུ་གནས་སོ།། ཀུན་དགའ་བོ་གསང་སྔགས་ཀྱི་ཚིག་འདི་དག་བཟུང་བས་ནི་དྲན་པ་དང་ལྡན་པར་འགྱུར་རོ།། སངས་རྒྱས་རྣམས་དང་བྲལ་བར་མི་འགྱུར་རོ། ། ཀུན་དགའ་བོ་ཤར་གྱི་ལུས་འཕགས་ཀྱི་གླིང་ན་ནི་གནོད་སྦྱིན་སྲིད་པ་སྣང་བྱེད་ཅེས་བྱ་བ་གནས་སོ།། ཀུན་དགའ་བོ་ནུབ་ཀྱི་བ་ལང་སྤྱོད་ཀྱི་གླིང་ན་ནི་གནོད་སྦྱིན་ཆེར་སྤྱོད་ཅེས་བྱ་བ་གནས་སོ།། ཀུན་དགའ་བོ་བྱང་གི་སྒྲ་མི་སྙན་གྱི་གླིང་ན་ནི་གནོད་སྦྱིན་རྣམ་གྲགས་ཞེས་བྱ་བ་གནས་སོ། ། ཀུན་དགའ་བོ་འཛམ་བུ་གླིང་ན་ནི་གནོད་སྦྱིན་གྲགས་ཐོབ་ཅེས་བྱ་བ་གནས་ཏེ། ཀུན་དགའ་བོ་གནོད་སྦྱིན་དེ་དག་གིས་ཀྱང་རྗེས་སུ་དྲན་པར་འགྱུར་རོ།། ཀུན་དགའ་བོ་གནོད་སྦྱིན་གཞན་གཟི་བརྗིད་ཟ་བ་གང་ཡིན་པ་དེ་དག་ཀྱང་དད་པ་ཐོབ་པར་འགྱུར་རོ། ། དད་པ་ཐོབ་པར་གྱུར་ནས་ཀྱང་དད་པ་མི་ཕྱེད་པར་ཐོབ་པར་བྱ་བའི་ཕྱིར་འགྲོ་བར་བྱེད་དོ།། ཀུན་དགའ་བོ་དེ་ལ་འདི་དག་ནི་དེ་བཞིན་གྱི་ཚིག་དྲང་སྲོང་གིས་བསྟན་པ་དག་ཡིན་ཏེ། ཀུན་དགའ་བོ་ཁྱོད་ཀྱིས་དེ་བཞིན་གཤེགས་པ་དྲང་སྲོང་གི་མཆོག་གི་ཚིག་གི་མཆོག། སྲོག་ཆགས་འབྱུང་པོ་ཐམས་ཅད་ལ་རྣམ་པར་མི་འཚེ་བའི་ཚིག་རྣམས་ཟུང་ཞིག་དང་ངས་བཤད་དོ།། ཀུན་དགའ་བོ་དེ་ལ་ངའི་ཕྱིན་འབྲང་བའི་གནོད་སྦྱིན་གང་ཡིན་པ་དེ་དག་གིས་ཀྱང་བར་ཆད་བྱེད་མི་ནུས་སོ།། སྱཱད་ཡ་ཐེ་དན། དན་དྷ་ར་མ་ཧཱ་ཧ་ར། ཧ་ར་མ་བ་ར་ན། རུད་དྲ་ཏྲ། ཀུ་མ་ཏི་དྲི་ཏྲ། ཨིན་དྲ་མན་ཏུ་ཀེ། ཨ་བ་ཏེ། ས་ཧ་རཱ། ས་དྷཱ་མ་ཏི། ཨི་ལ་ལ་བ་མ་ཏི། ཨ་བི་ཏ། ཏ་ར་པ་ར། ཡི་བིཥྚ་ས་ད་བིཥྚ། ཨ་བ་ཏིཥྛ། པ་རི་བརྟ། ཨི་ཤ་བརྟ། ས་ད་བརྟ། ཀྲ་མ་ཀྲ་མ་ཏི་རན། ཨ་སི་བ་མ་ལ་བི་ན་ཧ་ཐི། ཐ་ཤ་སུ་རེ། དྷུ་ར་དྷུ་ར། ཨགྣ་མུམྦ། ཨུཧྨ་པ་ཏི། བི་ས་ར་གྲ་མ་ཏི། ཐམས་ཅད་དང་ལྡན་པའི་གླིང་བཞི་པ་ཆེན་པོའི་འཇིག་རྟེན་གྱི་ཁམས་ཀྱི་གནོད་སྦྱིན་དང་། འབྱུང་པོ་དང་། རྡུལ་བུམ་དང་། ཡི་དགས་དང་། སྲུལ་པོ་དང་། ཀླུ་དང་། དྲི་ཟ་དང་། ཤ་ཟ་གནས་པ་གང་ཡང་རུང་བ་དེ་དག་གིས་ཁྱིམ་གྱི་ནང་ན་གནས་པ་དང་། ལམ་དུ་ཞུགས་པ་རྣམས་ཀྱིས་དེ་བཞིན་གཤེགས་པས་གསུངས་པའི་ཚིག་འདི་དག་ཐོས་ནས་དགའ་བར་འགྱུར་རོ།། ཀུན་དགའ་བོ་ཁྱོད་ཀྱིས་གཟུངས་སྔགས་ཀྱི་ཚིག་འདི་དག་ཟུང་ཞིག། ཕྱིས་འགྱོད་ཏ་རེ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་བཀའ་སྩལ་ཏོ།། གནོད་སྦྱིན་གྲུབ་པ་འདི་དག་ནི།། གླིང་བཞི་དག་ན་གཙོ་ཞེས་བྱ།། གསང་སྔགས་འདི་དག་སུ་འཆང་བ། ། དེ་ཡི་དྲན་པ་འཕེལ་བར་འགྱུར།། སངས་རྒྱས་རྣམས་ཀྱིས་གསུངས་པ་ཡི།། གནོད་སྦྱིན་དེ་དག་ལྷགས་ནས་ནི།། ཆོས་རྒྱལ་རྣམས་ཀྱིས་བསྟན་པ་དག། ཉམས་པར་གྱུར་པ་དེ་ལ་སྟོན།། དཔག་ཚད་བརྒྱ་ཕྲག་མང་པོ་ཡང་།། མཐར་གྱིས་སུ་ནི་སོང་ནས་ཀྱང་།། ཟབ་ཅིང་དོན་དང་ལྡན་པ་ཡི།། ཚིག་འདི་དག་ནི་མཉན་པར་བྱ།། འདི་དག་ཆོས་ཀུན་རྩ་བ་སྟེ།། དེ་དག་མཁས་རྣམས་ཉན་པར་གྱིས། ། དྲག་པོ་དག་གིས་ཐོས་ནས་ཀྱང་།། ཕྱི་ནས་མཆོག་ཏུ་དགའ་བ་སྟེ།། གང་ལ་བདེ་དང་སྡུག་བསྔལ་མེད།། དེ་ལ་དེ་ནི་དགའ་བར་འགྱུར།། ས་འདི་ཆགས་པ་མེད་པ་སྟེ།། སངས་རྒྱས་ས་ནི་བསམ་མི་ཁྱབ། ། ཆགས་པ་མེད་པར་བསྟན་པ་ཡི།། བསམ་ཡས་ས་དེ་ཐོབ་གྱུར་ནས།། ཉི་མ་སྤྲིན་ལས་བྱུང་བ་ལྟར།། དེ་ནི་ས་སྟེང་དེ་བཞིན་སྣང་།། འདི་ལ་སྐྱེ་མཆེད་ཕུང་པོ་རྣམས།། བདེན་དང་བྱང་ཆུབ་ཡན་ལག་དབང་། ། དགེ་བའི་ཆོས་ནི་ཟབ་མོ་རྣམས།། སངས་རྒྱས་གསུངས་པ་ཅི་ཡང་ཡོད།། དེ་ཡི་ཐོས་པའི་ཚོགས་རྣམས་གང་།། ནམས་ཀྱང་ཆུད་ཟར་མི་འགྱུར་ཏེ།། མ་ཐོས་ཆོས་རྣམས་དེ་དག་ཐོས། ། ཉེས་དང་ཉེས་མིན་རྣམས་ལ་མཁས།། རྟོགས་པར་ཁོང་དུ་ཆུད་པའི་མཆོག། མིག་བཟང་རྣམས་ཀྱང་དག་པར་འགྱུར།། འཆང་བ་དང་ནི་སྟོན་བྱེད་པ།། དེ་ནི་རྟག་ཏུ་སངས་རྒྱས་བསྔགས།། སངས་རྒྱས་ཀྱི་ནི་ཆོས་རྣམས་ལ། ། ཐེ་ཙོམ་མི་མངའ་བདེན་པ་གང་།། བདེན་དེས་བདག་ལ་ལུང་མནོས་པ།། ཅི་ཡོད་ཐམས་ཅད་གནས་གྱུར་ཅིག། སངས་རྒྱས་རྣམས་ནི་འབྱུང་རྣམས་ལ།། བྱམས་པས་གནས་པའི་བདེན་པ་དེས། ། རང་གི་སེམས་དང་གཞན་སེམས་ལ།། སྟོན་པར་རབ་ཏུ་གནས་གྱུར་ཅིག་གླིང་བཞིའི་གནས་ཀྱི་གནོད་སྦྱིན་དག། མ་དད་པ་དང་དད་པར་བསྟན།། གང་ལ་རྟོགས་པ་མི་སྣང་བ། ། དེ་ལ་དེ་ཀུན་དོན་སྟོན་འགྱུར།། གནོད་སྦྱིན་སྐར་གདོང་གང་ཡིན་དང་།། གླང་ཆེན་སྣང་དང་ཁྱད་པར་སྟོབས།། དྲག་པོ་དགའ་བྱེད་གསོད་བྱེད་དང་།། ཟླ་བ་མགོ་མེད་ལུས་གསོད་པ།། དཔའ་སྡེ་དང་ནི་ལག་དཔའ་དང་། ། སྲིན་པོ་དང་ནི་ས་འཛིན་པ།། ལྗང་ཁུ་ཁ་དང་སྣ་བཟང་དང་།། རལ་གྲིའི་སྤུ་ཅན་བོང་བུ་རྣམས།། ཐམས་ཅད་གྲུབ་པར་བྱེད་པར་ཤོག། གསང་སྔགས་འདི་དག་སུ་འཛིན་ལ།། གནོད་སྦྱིན་སྲིན་པོ་དེ་དག་ནི། ། སྤྲོ་བར་གྱུར་ནས་འཛུད་པར་བྱེད།། རྟག་ཏུ་དེ་ནི་སྤོབས་པ་དང་།། ཚིག་རྣམས་དང་ནི་ལུང་བསྟན་དང་།། ངེས་པའི་ཚིག་དང་ཆོས་ཀུན་དང་།། ཡི་གེ་རྣམས་ལ་མཁས་པར་འགྱུར།། ལུང་མནོས་པ་ཡང་ཆུད་མི་ཟ། ། རྟོགས་པ་མཐའ་ཡས་འཕེལ་བར་འགྱུར།། རྟག་ཏུ་དོན་དང་ཡི་གེ་ལ།། དེ་ཡི་ཤེས་པ་འཕེལ་བར་འགྱུར།། སུམ་ཅུ་རྩ་གསུམ་ལྷ་རྣམས་དང་།། མི་མཇེད་བདག་པོ་ཚངས་པ་ཡང་།། དེ་ཡི་ལེགས་བཤད་ཉན་པ་རྣམས། ། དེ་ཡི་མོད་ལ་དྲན་པར་བྱེད།། སྱཱད་ཡ་ཐེ་དན། ཧུ་ཀུན། མུ་ཀུ་ན། ཧ་ར་ན། བི་ཧ་ར་ན། ཨི་ཤ་ས་ཀྲ་མ་ན། ཨོཾ་སུ་མུ་ཁ། ཏ་ཀ་ཎ། ཨ་ག་ཎ། ཨ་པྲི་ཡ། ཨུསྠཱ་མེ། ཀོ་བ་ཧ་རེ། ཨུ་ནུ་བ། པྲ་བ་ཎ་ཏ་ན། སརྦ་མེ་བ་ཧ་ཛ་ག་རེ། པྲ་ཤི་ག་རེ། གུདྦྷ་བ་ནེ། ཨུད་ཏ་ན། བི་ཀུ་ཎ། ཨི་ཤ་ཀུན། ཨ་ཏུ་ལ་ཏུ་ལ། ཨ་ཊི་བ་ཊི། བ་རི་ཙ་མོ་ཤ། ཧ་ར། ཛ་ག་ཏ། ཨེ་བ་སེ་པྲ་མུ་ཁེ་ཨག་བྷ་རེ། ཋ་ཧུ་ས་སུ། ཨི་ཏི་ཡ། ཐཱ་ཧུ། ཙ་ཏྲ་ར་དྭཱི་བི་ཀ་ཡན། ཋ་སུམ་ཧུ། ཨུགྣ་ཧུ། དྷ་ར་ས་ཧུ། སཾ་གྲ་ཧ། ཨ་བི་ནརྦ་ཧ། ཨ་བི་ན་གྲ་ཧ། པྲཛྙཱ་བྲིད་དྷི་ཡེ། ཥ་ཧྲ་ས་ཧུ། ཀར་ཀུ་རུ། དྷ་ས་ཧུ། དེ་ལ་འདི་སྐད་ཅེས་བྱ་སྟེ། གསང་སྔགས་ཀྱི་ནི་ཚིག་འདི་དག། གང་གི་ལག་དང་ལུས་ལ་ཡོད།། དེ་ནི་ཐོས་ལ་རྨོངས་པ་མེད།། དེ་ནི་ཤེས་རབ་མེད་མི་འགྱུར།། སྐེར་མདའ་ཇི་བཞིན་ཉི་མ་བཞིན། ཟླ་བ་ཇི་ལྟར་སྣང་བ་བཞིན།། དེ་ལྟར་ཐོས་དང་དོན་གྱིས་ཀྱང་།། མྱ་ངན་འདས་པའི་བར་ལ་རེག། དེ་ནས་བཅོམ་ལྡན་འདས་ཀྱིས་དེའི་ཚེ་གསང་སྔགས་འདི་དག་བཀའ་སྩལ་ཏོ།། སྱཱད་ཡ་ཐེ་དན། ཙ་ར་དྷེ་པི་ཙ་ར་དྷེ་ཨ་མཾ་ཀུ་ཏེ། ཨ་ཏི་མི་ཏི། པ་ར་ཧ་རེ། གྷ་ཎ་བྷེ། ཧི་པ་ར་མེ། མཱ་ཧཱ་པྲ་ཏི་བཱ་ཧཱ་ནེ། ཛ་ཡ་ཛ་ཡ། མ་ནུ་ཀེ། བ་ལ་པ་ལེ། ཨུག་གྲ་བ་ཏི། སྭ་ར་སྭ་ར། ཨ་བི་ས་རེ། གུ་གུནི་དེ། པྲ་བི་བ་དྷེ། ས་མེ་ཨཛ་ཏ་ཛ་ཡ། ནུབ་ལ་སུ། ཁོ་མ་སུ་སན་དྷི་ནི་ཀུ་མ་ནོ།། སཀྵེ། ཙཱ་པེ་ཙཱ་པེ། ཙུ་པེ། ཙུ་ལུ་ཙུ་ལུ། པུ་ལུ་པུ་ལུ། བྱ་བ་པྲ་ས་རེ། ཀ་ར་ཀ་བྷིན་དྷེ། བི་ཛྙཱ་བི་ཛེ། ཨ་པྲ་ཏི་སན་དྷི། ནཱ་ནཱ་ནུ་མ་ཏི། པྲ་ན་ནུ་མ་ཏེ། ཨ་རི་ད་སི། ཛེཥྚ་ནུ་བ་ནི་དེ། ཨ་སཾ་གྲ་ཨ་བ་ཏི། རིག་སྔགས་བསྡུས་པའི་གསང་སྔགས་ཀྱི་ཚིག་འདི་དག་ལུས་ལ་ཐོགས་ཏེ་འཆང་ན། གླིང་བཞི་པ་ཆེན་པོའི་འཇིག་རྟེན་གྱི་ཁམས་ན་གནོད་སྦྱིན་དང་། སྲིན་པོ་དང་། གྲུལ་བུམ་དང་། ཡི་དགས་དང་། ཤ་ཟ་གནས་པ་དེ་དག་ཐམས་ཅད་དབང་དུ་འགྱུར་ཞིང་། དབང་དུ་མ་གྱུ་པ་རྣམས་ཀྱང་དབང་དུ་འགྱུར་རོ།། གདོན་ཐམས་ཅད་ཀྱང་དེ་བཞིན་གཤེགས་པས་གནང་བ་བཞིན་དུ་འཚོ་བའི་མཐར་ཐུག་གི་བར་དུ་འཆི་བར་མི་འགྱུར། དེ་ལ་ཆོ་ག་ནི་འདི་ཡིན་ཏེ། དགོན་པར་འདུག་ལ་གཟུངས་སྔགས་འདི་དག་ཐམས་ཅད་ཞག་བདུན་གྱི་བར་དུ་བརྗོད་དེ། ཉིན་ལན་གསུམ་མཚན་ལན་གསུམ་དུ་དྲན་པར་བྱའོ།། དེ་ནས་ཞག་བདུན་ལོན་པའི་འོག་ཏུ་བསམ་པ་ཐམས་ཅད་འགྲུབ་པར་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།། ཚེ་དང་ལྡན་པ་ཀུན་དགའ་བོ་དང་། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་ཆོས་ཀྱི་རྒྱ་མཚོ་ཞེས་བྱ་བའི་གཟུངས་རྫོགས་སོ།།
CLOSE WINDOW