| Wylie | e-texts produced with ocr Programm |
། ཚོགས་པར་བསྟེན་ནས་བཟའ་བར་བྱ།། རེ་རེ་བསྙེན་ཡང་ཉེས་པ་མེད།། དམ་རྫས་རྨད་དུ་བསྒྱུར་ཏེ་བསྟེན་པའི་ཆོ་ག་རྫོགས་སོ།། ། ནད་མེད་རྣམས་ཀྱི་བྱང་ཆུབ་གྲུབ་རྟགས་བཤད་པའོ། ། ། དཔལ་རྡོ་རྗེ་འཇིགས་བྱེད་ལ་ཕྱག་འཚལ་ལོ།། དེ་ནས་ཡང་དག་བཤད་བྱ་བ།། བཅོམ་ལྡན་ཉིད་ཀྱི་སྐུ་གསུང་ཐུགས།། རྡོ་རྗེ་རྣམས་ལས་བྱུང་བ་ཡི།། རྡོ་རྗེ་འཇིགས་བྱེད་ཆེན་པོ་ཡིས།། ལྷོ་ཕྱོགས་རྒྱ་མཚོ་པར་བརྒལ་ནས།། དེ་ན་གཤིན་རྗེའི་གྲོང་ཁྱེར་ནི།། ག་ལ་བ་ཡི་གནས་སུ་བྱོན།། མི་ཟད་ཞབས་ནི་བཅུ་དྲུག་གིས། ལྕགས་མཁར་སྒོ་མེད་བཅུ་དྲུག་བརྫིས། ། ཡེ་ཤེས་རྩེ་གཅིག་མཚན་མ་ཡིས།། དབུས་ཀྱི་ལྕགས་མཁར་ཆེན་པོ་བརྫིས།། དེ་ཚེ་བདུད་ཆེན་ལས་རྒྱལ་ནས།། ཧ་ཧ་ཧི་ཧི་སྒྲ་སྒྲོགས་པས།། ཆོས་ཀྱི་རྒྱལ་པོ་ལ་སོགས་པ།། གིཟེར་བཞིན་དུ་ནི་རབ་སྨྲས་པ།། དཔའ་བོ་ཆེན་པོ་ག་ལ་ཅི།། དཔའ་བོའི་དགོངས་པ་བདག་གིས་བགྱི།། བདག་ཅག་སྲོག་གི་སྙིང་པོ་རྣམས།། ཚུལ་བཞིན་འབུལ་གྱིས་དཔའ་བོ་བཞེས།། ལྷ་མ་ཡིན་སྡེ་བརྒྱད་ཀྱི་སྲོག་གི་ཡང་སྙིང་ཕུལ་པ་ནི། ། གཤིན་རྗེས་ཡ་ཕུལ་མ་མོས་མ།། སྲིན་པོས་ར་ཕུལ་གནོད་སྦྱིན་ཀྵེ།། མེ་ཡིས་ན་ཕུལ་ས་བདག་ས།། བཙན་གྱིས་རྩ་ཕུལ་བདུད་ཀྱིས་ད།། དེ་རྣམ་གཅིག་ཏུ་ཟིལ་བ་ནི། ། བྲན་དུ་ཡང་ནི་ཁས་བླངས་སོ།། གཏན་ཚིགས་ཆེན་པོ་དེ་ཡི་ཕྱིར།། ཡེ་ཤེས་ལྷ་ཡི་དགོངས་པ་དང་།། བསྙེན་པ་ཉམས་འོག་རབ་ཆུད་ནས།། ལྷ་ཡི་བསྙེན་པ་རབ་ཆུང་ནས། སྔོན་གྱི་ཐུགས་དམ་ལས་མི་འདའ།། མི་འགྲུབ་པ་ནི་མི་སྲིད་དོ།། ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་སོ་ནི་ར་ཡ་ཀཱ་ཡ། ཡཀྵེ་ཡཙྪ་ནི་རཱ་མ་ཡ་ཧཱུཾ་ཧཱུ་ཕཊ། ཕཊ།། དེ་སྐད་སྨྲས་པ་དང་།། རྡོ་རྗེ་འཇིགས་བྱེད་ཆེན་པོ་ཡིས།། ཆོས་ཀྱི་རྒྱལ་པོ་ལ་སོགས་པ།། གཤིན་རྗེའི་ཕོ་ཉ་ལ་སོགས་ཀུན།། སྒྲོལ་བའི་གང་དུ་བྱིན་གྱིས་བརླབས།། མ་དང་སྲིང་མ་བུ་། མོ་དང་།། འཁོར་བཅས་ཀུན་ལ་བཀའ་བསྒོ་བ།། ལྔ་བརྒྱ་དུས་ཀྱི་མཐའ་མ་ལ།། ང་ཡི་བསྟན་པ་འབྱུང་བའི་ཚེ།། རྣལ་འབྱོར་རིག་འཛིན་ལྡན་པ་ལ།། བཀའ་བསྒོའི་ལས་རྣམས་ཚུལ་བཞིན་གྱིས།། ཞེས་པས་དམ་བཅས་པས་དང་། མནན་བཞིན་དུ་མནའ་བོར་རོ།། གཏམ་རྒྱུད་ཀྱི་རྟོག་པ་རྫོགས་སོ།། རྒྱ་གར་སྐད་དུ། ཡ་མཱ་རི་ཀྲྀཥྞ་ཀརྨ་སརྦ་ཙཀྲ་སིདྡྷ་ཀ་ར་ནཱ་མ་ཏནྟྲ་རཱ་ཛ།
CLOSE WINDOW