རྒྱ་གར་སྐད་དུ། ཤྲཱི་བཛྲ་ཧྲི་ད་ཡ་ཨ་ལཾ་ཀཱ་ར་ཏནྟྲ་ནཱ་མ། བོད་སྐད་དུ། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ཅེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་སྙིང་པོ་བུད་མེད་བཅུའི་དཀྱིལ་ན་ཆ་ཤས་ལྔ་པའི་ཚུལ་དུ་བཞུགས་སོ།། བརྗོད་དུ་མེད་པའི་ཡང་བརྗོད་དུ་མེད་པའི་འཁོར་རྡོ་རྗེ་དང་པདྨར་སྦྱོར་བ་ལ་བཞུགས་པ་འདི་ལྟ་སྟེ། དམ་ཚིག་ཡོངས་སུ་སྤྱོད་པ་ཞེས་བྱ་བའི་རྡོ་རྗེ་མཁའ་འགྲོ་དང་། ཡེ་ཤེས་ཀྱི་ལུས་ཡོངས་སུ་འགྲུབ་པ་ཞེས་བྱ་བའི་རྡོ་རྗེ་མཁའ་འགྲོ་དང་། སྒྲ་བརྙན་ལྟ་བུའི་རྡོ་རྗེའི་གསུང་འབྱུང་བ་ཞེས་བྱ་བའི་རྡོ་རྗེ་མཁའ་འགྲོ་དང་། གཞན་གྱིས་ཤེས་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། རྩེ་གཅིག་ཏུ་འདྲིས་པ་ཞེས་བྱ་བའི་རྡོ་རྗེ་མཁའ་འགྲོ་དང་། གཞན་ལས་འཕགས་པ་ཞེས་བྱ་བའི་རྡོ་རྗེ་མཁའ་འགྲོ་དང་། རྟེན་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། རླན་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་སྨིན་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། སྐྱོད་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། གོ་འབྱེད་པར་བྱེད་པ་ཞེས་བྱ་བའི་རྡོ་རྗེ་མཁའ་འགྲོ་དང་། ཧཱ་ར་ནུ་པཱུ་ར་ལ་སོགས་པས་མཛེས་པ་ཞེས་བྱ་བའི་རྡོ་རྗེ་མཁའ་འགྲོ་དང་། གི་ཏཱ་མགྲིན་ལ་སོགས་པའི་གླུ་མཁན་ཞེས་བྱ་བའི་རྡོ་རྗེ་མཁའ་འགྲོ་དང་། སྦྲུལ་གྱི་སྙིང་པོ་ལ་སོགས་པའི་དྲི་ལྡན་མ་ཞེས་བྱ་བའི་རྡོ་རྗེ་མཁའ་འགྲོ་དང་། ཚོང་མ་སྣ་ཚོགས་ཟ་བའི་རོ་ལྡན་མ་ཞེས་བྱ་བའི་རྡོ་རྗེ་མཁའ་འགྲོ་དང་། རྩེན་པ་སྣ་ཚོགས་ཀྱིས་འཁྱུད་མཁན་མ་ཞེས་བྱ་བའི་རྡོ་རྗེ་མཁའ་འགྲོ་མ་དང་། གསུམ་རིག་པར་བྱེད་པ་དངོས་མེད་མ་ཞེས་བྱ་བའི་རྡོ་རྗེམ་འགྲོ་མ་ལ་སོགས་པ་རི་རབ་ཀྱི་རྡུལ་དང་མཉམ་པའི་རྡོ་རྗེ་མཁའ་འགྲོ་ཐམས་ཅད་དང་། རྡོ་རྗེ་མཁའ་འགྲོ་ཆེན་མོ་ནམ་མཁའི་དབྱིངས་དང་མཉམ་པ་འདི་ལྟ་སྟེ། གཟུགས་ཀྱི་མཚན་ཉིད་ཞུ་བ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། ཚོར་བའི་མཚན་ཉིད་སིམ་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། འདུ་ཤེས་ཀྱི་མཚན་ཉིད་ནུབ་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། འདུ་བྱེད་ཀྱི་མཚན་ཉིད་ལ་རྟོགས་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་དང་། རྣམ་པར་ཤེས་པའི་མཚན་ཉིད་བསྡུས་པ་ཞེས་བྱ་བའི་རྡོ་རྗེ་མཁའ་འགྲོ་ཆེན་པོ་ལ་སོགས་པ་ནམ་མཁའི་དབྱིངས་དང་མཉམ་པ་རྣམས་ཀྱིས། སངས་རྒྱས་ཀྱི་ཞིང་འདི་ཏིལ་གྱི་གང་བུ་ལྟ་བུར་གང་བར་སྣང་ངོ་།། དེ་ནས་རྡོ་རྗེ་མཁའ་འགྲོ་དེ་དག་ཐམས་ཅད་གཅིག་ཏུ་འདུས་ནས། མཁའ་འགྲོ་ཆེན་པོ་རྡོ་རྗེ་འཛིན་པ་ཆེན་པོ་ལ་མཆོད་པའི་སྤྲིན་སྤྲོས་པ་དུ་མ་ཡིད་ལས་བྱུང་བ་ལྷ་དང་མིའི་མཆོད་པ་ལས་ཁྱད་པར་དུ་འཕགས་པས་མཆོད་ནས་ཕྱག་འཚལ་ཏེ་འདི་སྐད་ཅེས་གསོལ་ཏོ། ། དེ་བཞིན་གཤེགས་པ་རྣམས་ཐམས་ཅད་ཀྱི། གསང་གསུམ་བསྡུས་པའི་སྤྱོད་པའི་མཆོག། རྡོ་རྗེ་སྙིང་པོའི་རྒྱན་གྱི་རྒྱུད།། འདྲེན་པ་མཆོག་གིས་བཤད་དུ་གསོལ།། དེ་ནས་རྡོ་རྗེ་ཆེན་པོས་གསོལ་བ་བཏབ་པའི་ཚིགས་གསན་ནས། མཁའ་འགྲོ་ཐམས་ཅད་རྣམ་པར་བལྟས་ཏེ་ཅང་མི་གསུང་བར་བཞུགས་སོ། ། དེ་ནས་བྱང་ཆུབ་སེམས་དཔའི་རྡོ་རྗེ་མཁའ་འགྲོ་དེ་དག་ཐམས་ཅད་ཀྱིས་ཀྱང་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་གིས་ཡོན་ཏན་ཁྱད་པར་དུ་འཕགས་པའི་རྡོ་རྗེ་མཁའ་འགྲོ་ཆེན་པོ་ལ་སོགས་པའི་འཁོར་དུ་འཆད་དུ་མི་བཞེས་པ་དེ་བདག་ཅག་ལ་མི་དགྱེས་སུ་མ་མཛད་ཅིག། དེ་ནས་བཞིན་གཤེགས་པའི་བདག་པོ་རྡོ་རྗེ་འཛིན་པ་ཆེན་པོས། འཁོར་གྱི་དཀྱིལ་འཁོར་ལ་རྣམ་པར་བལྟས་ཏེ་ཚིགས་སུ་བཅད་པ་གསུངས་པ། སེམས་དཔའ་ཆེན་པོས་ཞུས་པ་ལེགས།། ས་འོག་མ་ཡི་སངས་རྒྱས་ཀྱང་། ། འདི་ཡི་གཞུང་གིས་སེམས་རྨོངས་ན། སེམས་དཔའ་གཞན་ནི་སྨོས་ཅི་དགོས།། སངས་རྒྱས་ཆོས་ཉིད་དག་པ་འདི།། བྱིས་པ་རྣམས་ཀྱིས་མི་རྟོགས་ཕྱིར།། བྱིན་གྱིས་བརླབས་ནས་འཆད་པ་ནི། ། སྟོན་པ་རྣམས་ཀྱིས་ཆོས་ཉིད་དོ།། དེ་ནས་རྡོ་རྗེ་མཁའ་འགྲོ་དེ་དག་ཐམས་ཅད་རབ་ཏུ་དགའ་ནས་ཡང་མཆོད་པའི་ཚོགས་ཀྱིས་མཆོད་དེ་ཕྱག་འཚལ་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་ལེགས་སོ་ལེགས་སོ། ། དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་གིས་བདག་ཅག་བྱིན་གྱིས་བརླབ་པར་མཛད་དུ་གསོལ། དེ་བཞིན་གཤེགས་པ་ཐམས་ཅད་ཀྱི་གསང་བ་ཐུན་མོང་མ་ཡིན་པ་བསྟན་ཅིང་རྣམ་པ་ཐམས་ཅད་ཀྱི་དབང་ཕྱུག་གིས་བདག་ཅག་བྱིན་གྱིས་བརླབ་པར་མཛད་དུ་གསོལ། དེ་ནས་དེ་བཞིན་གཤེགས་པ་ཐམས་ཅད་དབང་ཕྱུག་གི་རྡོ་རྗེ་མཁའ་འགྲོ་དེ་དག་གིས་གསོལ་བ་བཏབ་པ་མཁྱེན་ནས། སེམས་དཔའ་ཐམས་ཅད་བྱིན་གྱིས་རློབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་གསང་བ་བསྡུས་པ་ཞེས་བྱ་བའི་སྙིང་པོ་འདི་རང་གི་ཐུགས་ཀ་ལས་ཕྱུང་ངོ་། ། ཨོཾ་ཨཱཿཧཱུཾ་ས་མ་ཡ་བཛྲ། དེ་ནས་ཕྱུང་མ་ཐག་ཏུ་དེའི་འོད་ཟེར་གྱིས་རྡོ་རྗེ་མཁའ་འགྲོའི་འཁོར་དེ་དག་ཐམས་ཅད་བསྡུས་ནས་རང་གི་སྙིང་ཁར་བཙུད་ནས། བུད་མེད་ཀྱི་དཀྱིལ་ན་ཐམས་ཅད་བརྒྱལ་བལྟར་གནས་སོ། ། དེ་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་གིས་དེ་བསྲུང་བའི་ཕྱིར་མཁའ་འགྲོ་ཐམས་ཅད་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། ། སྙོམས་པར་ཞུགས་མ་ཐག་ཏུ་དེ་དག་དྲན་པ་སླར་ཐོབ་ཅིང་ཇི་ལྟ་བ་བཞིན་དུ་གནས་སོ།། དེ་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་གིས་འཁོར་ལོ་རྣམ་པར་དགོད་པ་ཞེས་བྱ་བའི་ཏིང་འཛིན་ལ་སྙོམས་པར་ཞུགས་ནས། སྙོམས་པར་ཞུགས་མ་ཐག་ཏུ་རྡོ་རྗེ་མཁའ་འགྲོ་དེ་དག་ཐམས་ཅད་རང་རང་གི་གནས་ཇི་ལྟ་བ་བཞིན་དུ་འཁོད་པར་གྱུར་ཏོ།། དེའི་ཚེ་བཅོམ་ལྡན་འདས་རྡོ་རྗེ་འཛིན་པ་ཆེན་པོའི་ཕྱི་གྱི་རླབས་ཀྱིས་ནམ་མཁའི་དབྱིངས་ན་གནས་པ་ཇི་སྙེད་པ་དེ་དག་ཐམས་ཅད་ཀྱང་བདེ་བ་དང་ཡིད་བདེ་བ་མྱོང་བར་གྱུར་ཏོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་གིས་རྡོ་རྗེ་སྙིང་པོ་རྒྱན་གྱིས་རྒྱུད་འབྱུང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སེམས་ཅན་གྱི་ཁམས་ཐམས་ཅད་མཉམ་པ་ཉིད་དུ་དམིགས་ཏེ། དབུགས་རྔུབ་པར་མི་མཛད། འབྱུང་བར་མི་མཛད། ལུས་འགྱུར་བར་ཡང་མི་མཛད། ལུས་གནས་པར་ཡང་མི་མཛད། དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་མི་གཟིགས། མི་དགོངས། ཉེ་བར་མི་འཇིག་གོ། ཐབས་དང་ཤེས་རབ་སྟོང་པར་ཡང་མི་མཛད། ཤིན་ཏུ་འགལ་བ་ཅན་ཡང་དག་པར་འཛུད་པར་མི་མཛད། མཐོ་རིས་ལའང་མི་འཇོག། མ་དད་པ་རྣམས་དད་པར་ཡང་མི་མཛད། མ་དུལ་བ་རྣམས་དུལ་བར་ཡང་མི་མཛད། ཉེ་བར་འཚེ་བ་ཞི་བར་ཡང་མི་མཛད། མ་འགག་པ་རྣམས་འགག་པར་ཡང་མི་མཛད། མ་བསྐུལ་བ་རྣམས་བསྐུལ་བར་ཡང་མི་མཛད། མ་རྒྱས་པ་རྣམས་རྒྱས་པར་ཡང་མི་མཛད། རྣམ་པར་རྨོངས་པ་རྣམས་རྨོངས་པ་སེལ་བར་ཡང་མི་མཛད། དགའ་བར་གྱུར་པ་རྣམས་མི་དགའ་བར་ཡང་མི་མཛད། མི་དགའ་བ་རྣམས་དགའ་བར་ཡང་མི་མཛད། མ་ཁྲོས་པ་རྣམས་ཁྲོས་པར་ཡང་མི་མཛད། མི་སྡུག་པ་རྣམས་སྡུག་པར་ཡང་མི་མཛད། དྲག་པོ་མ་རུངས་པ་ཆེན་པོ་དང་། གཏུམ་པོ་ཆེན་པོ་དང་། ལྷ་དང་། ལྷ་མ་ཡིན་དང་། ལོག་འདྲེན་དང་། གདུག་པ་ཆེན་པོ་དང་། ཡི་དགས་དང་། ཤ་བ་དང་། གནོད་སྦྱིན་དང་། སྲིན་པོ་དང་། ཤིན་ཏུ་གདུག་པའི་དུག་ཆེན་པོ་དང་། ཚ་བའི་གདོན་དང་། ནད་དང་། སྦྲུལ་དང་། སེམས་ཅན་ཐམས་ཅད་ལ་འཚེ་བར་བྱེད་པ་རྣམས་ཉེ་བར་ཞི་བར་ཡང་མི་མཛད་དོ། ། རྣམ་པར་དུལ་བར་ཡང་མི་མཛད་དོ།། དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ཏེ། བརྗིད་པ་དང་བཅས་པར་གར་མཛད་ཅིང་ཞལ་འཛུམ་པ་དང་། འདོར་བ་དང་། བསྐུམ་པ་དང་། འགྱེད་པ་དང་། སྤྱན་མཛེས་པས་སྨིན་རིངས་བསྐྱོད་ཅིང་བསྒྱུར་བ་དང་། པདྨའི་ཕྱག་གི་སོར་མོ་གཡས་གཡོན་གར་གྱི་འཕྲེང་བའི་ཚུལ་གྱིས་སའི་ངོས་ལ་ཞབས་འཕེན་ཅིང་བསྒྱུར་བ་དང་། འདོར་ཞིང་བསྐུལ་བ་དང་། འཇོག་ཅིང་འདེགས་པའི་རྣམ་པར་གནོན་པའི་ནམ་མཁའི་དཔྱིང་འདི་ཐམས་ཅད་ཀུན་ཏུ་ཁྱབ་པར་མཛད་དེ། རླུང་གི་ཁམས་ཆེན་པོར་ཀུན་ཏུ་ཁྱབ་པར་མཛད། དེ་ལ་ཁྱབ་ནས་མེའི་ཁམས་ཆེན་པོར་ཀུན་ཏུ་ཁྱབ་པར་མཛད་དེ། དེ་ནས་ཆུའི་ཁམས་ཆེན་པོར་ཀུན་ཏུ་ཁྱབ་པར་མཛད། དེ་ནས་སའི་ཁམས་ཆེན་པོར་ཀུན་ཏུ་ཁྱབ་པར་མཛད་དོ། ། དེའང་ཀུན་ཏུ་ཁྱབ་ནས་བཅོམ་ལྡན་འདས་བྱང་ཆུབ་སེམས་ལ་ཀུན་ཏུ་ཁྱབ་པར་མཛད་དོ།། རི་དང་སེམས་ཅན་ཐམས་ཅད་དང་།། སྣ་ཚོགས་ཕྲ་བ་སྦོམ་པོ་དང་།། བུད་མེད་གཞོན་ནུ་རྒན་པ་དང་། ། སྐྱེས་པ་དང་ནི་མ་ནིང་དང་།། ལྷ་དང་ཀླུ་དང་གནོད་སྦྱིན་དང་།། གདོན་དང་སྐར་མ་གཤིན་རྗེ་དང་།། ཆུ་བདག་བརྒྱ་བྱིན་ལ་སོགས་དང་།། འབྱུང་དང་འབྱུང་འགྱུར་ཐམས་ཅད་ལ།། བཅོམ་ལྡན་འདས་ནི་བདེ་ཆེན་པོ། ། ཀུན་ཏུ་བཟང་པོ་རྡོ་རྗེ་འཛིན།། ཀུན་ཏུ་ཁྱབ་པར་བྱས་ཏེ་གནས།། དཔལ་རྡོ་རྗེ་སྙིང་པོའི་རྒྱན་གྱི་རྒྱུད་ལས། རྡོ་རྗེ་མཁའ་འགྲོ་བྱིན་གྱིས་རློབ་པའི་ལེའུ་སྟེ་དང་པོའོ། ། །། དེ་ནས་གཞན་ཡང་བཤད་བྱ་བ།། ལས་ཀྱི་མཆོག་རྣམས་འགྲུབ་བྱེད་པའི།། གསང་སྔགས་རྣམས་ནི་བཤད་པར་བྱ།། རྩེ་གཅིག་སེམས་ཀྱིས་མཉན་བཔར་བྱའོ། ། ཨོཾ་ཨ་ཀཱ་རོ་མུ་ཁཾ་སརྦ་དྷརྨཱ་ཎཱཾ་ཨཱ་དྱ་ནུཏྤ་ན་ན་ཏྭཱ་ཏ། གཏོར་མའི་སྔག་སོ།། ཨ་ཧཱ། ཨི་ཨཱི། ཨུ་ཨཱུ། ཨེ་ཨཱཾ། ཨོཾ་ཨཱ~ཾ། ཨོཾ་ཨཿ། བུད་མེད་དོ།། རྀ་རཱྀ། ལྀ་ལཱཾ། མ་ནིང་ངོ་།། ཀ་ཁ་ག་གྷ་ང། ཙ་ཆ་ཛྙཉ། ཊ་ཥ་ཌ་ཌྷ་ཎ། ཏ་ཐ་ད་དྷ་ན། པ་ཕ་བ་བྷ་མ། སྐྱེས་པའི་འོ།། ཡ་ར་ལ་ཝ། འབྱུང་བའི་འོ།། ཤ་ཥ་ས་ཧ། འཇིགས་པ་ལ་སོགས་པའོ།། ཀྵཿཆོས་ཀྱི་དབྱིངས་ཀྱི་ས་བོན་ནོ།། བཛྲབྷཱུ། ཧཱུཾ། དཾ་ན་ཛི་ཀཛྫ། རཏྣ་དྷྲྀཀྵས~ཾ། ཨཱ་རོ་ལི་ཀ་དྷཱི། པྲ་དྷྲྀཀཱ་ལ~ཾ། མཁའ་འགྲོ་ཆེན་པོ་ལྟའིའོ།། དེ་ལྟ་ཏིནཱ~ཾ། སོ་ས་ར་ཏྟི་ལཱྀ། རག་ཏི་། བཛྲ་དྷི་ཏྲཱ~ཾ། རོ་མ་འགྲོ་རྟེན་པ་པ་ལ་སོགས་པའིའོ། ། ཀྵི་ཏི་གདྷ་ཀྵི། བཛྲ་པཱ་ཏི་ཛཱི། ག་ག་ནག་དྷཱ་ཁཾ་ལོ་ཀེ་ཤྭ་རཱ་ཡ་ག། ནཻ་བ་ར་ཎཱ་བཞི་སྠཱ་ནི་ཀཾ། ས་མནྟ་བྷཛས། རྡོ་རྗེ་མཁའ་འགྲོ་དམ་ཚིག་སྤྲད་པ་ལ་སོགས་པའིའོ། རཱུ་པ་བཛྲཱཿཤཱཥྛ་བཛྲ་ཧཱུ~ཾ། གན་རྫ་བཛྲ་བ། རས་བཛྲ་ཧོཿ། སཱར་ཤ་བཿཥེ། ཐམ་དྷ་ཏུ་བཛྲར། རྡོ་རྗེ་མཁའིའ་འགྲོ་མཛེས་པར་བྱེད་པ་ལ་སོགས་པའིའོ།། ཡ་མཱནྟ་ཀྵེ)། པྲཛྙཱན་ཀྲྀཏྟ། པདྨཱ་ན་ཀྲྀ། བིགྷྣ་ཏ་ཀྲྀཿ། ཀིནནཱི་ཡང་དྡྷ། མ་ཧཱབ་ལ། ཨ་ཙ་ཡེ་ཀན་སྭདྷན~ཾ་དྷ། ཙཀྲ་བི་དྷི་ནི་ཧཱུ~ཾ་ཛྫ། རྡོ་རྗེ་མཁའ་འགྲོ་གཤིན་རྗེ་གཤེད་ལ་སོགས་པའིའོ།། ཝཱ་ར~ཾ་ཛི་ན་བྷྲཱུཾ། ཏེ་ཛོ་གྷརྦྷ་བྷྲཱུ~ཾ། ཙཀྲྀ་བྷྲཱུཾ། བ་ར་དྷ་ན་བྷཱུཾ། བི་ས་ར་ཎ་བྷྲཱུཾ། བི་ར་ཛི་ན་བྷྲཱུཾ། ཀ་རོ་བྷཱ་བ་བྷྲཱུ~ཾ། རྡོ་རྗེ་མཁའ་འགྲོ་གཙུག་ཏོར་རྒྱལ་བ་ལ་སོགས་པའིའོ།། ཧཱུཾ་ཧྲཱིཿཁ། རྡོ་རྗེ་མཁའ་འགྲོའི་འོ།། ཨོཾ་མེ་དེ་ནི་འཛྲི་གྲི་བ་བ་འམཛྫ་ཧཱུཾ། སའི་མི་ཨོཾ་བཛྲ་པྲཀཱ་རེ་ཎནཱརྦ་དྷུ། ར་བའིའོ།། ཨོཾ་བཛྲ་བལྟར་ཧཱུཾ་ལ་ཧཱུ~ཾ། དྲ་བའིའོ།། ཨོཾ་བཛྲ་བི་ཏཱན་དྷུ་ཥེ་ཧཱུ~ཾ། གུར་གྱིའོ།། ཨོཾ་བཛྲ་ཤ་རང་ས་ཛཱ་ས་ཏཱཾ། མངའིའོ།། མི་ཡཱན་ལཱརྐ་ནཱཾ་ཧཱུཾ་ཧཱུཾ། འོད་ཀྱིའོ།། ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོཧཾ། སྟོང་པ་ཉིད་ཀྱི་སྔགས་སོ།། ཨོཾ་དྷརྨཱ་དྷཱ་ཏུ་སྭ་བྷཱ་བ་ཨཱཏྨ་ཨེཿ། ཆོས་ཀྱི་དབྱིངས་ཀྱི་སྔགས་སོ།། ཨོཾ་སརྦ་ཏ་ཐཱ་ག་ཏ་ཀ་ས་ཙིཏྟ་བཛྲ་སྭ་བྷཱ་བ་ཨཱཏྨ་ཀོཧཾ། སྐུ་ལ་སོགས་པ་བྱིན་གྱིས་བརླབ་པའི་འོ།། བཛྲ་ས་མ་ཡ་སཱུ་ཏྲཾ་མཱ་ཏི་ཀྲ་མ་ཧཱུཾ། ཐིག་གདབ་པའི་འོ།། བཛྲ་ཙི་ཏྲ་ས་མ་ཡ་ཧཱུཾ། མཚོན་དགྱེ་བའིའོ།། ཧཱུཾ་ཧཿཱ་ཛྫཿ། དབབ་པའིའོ།། བཛྲ་ཀཱི་ལ་ཡ་མུད་ག་ར་ཨཱ་ཀོ་ཊ་ཡ་ཧཱུཾ་ཕཊ། ཕུར་བུས་བརྡུང་བའི་འོ།། དེ་ལ་སོགས་པའི་མཐའ་ཡས་པ།། འཇིག་རྟེན་གསུམ་དུ་རྙེད་དཀའ་བའི།། སྔགས་ཀྱི་ཚོགས་རྣམས་ཇི་སྙེད་པ། ། དེ་ཀུན་སྔོན་དུ་རྒྱས་པ་རུ།། གསང་བ་དང་ནི་འཛེགས་བྱེད་དང་།། བདེ་མཆོག་སོགས་ལ་ང་ཡིས་ནི།། ལས་དང་བཅས་པར་རབ་བཤད་པ།། རྣལ་འབྱོར་རྟོགས་པས་ཤེས་བྱའོ་དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། སྔགས་ཀྱི་ལེའུ་སྟེ་གཉིས་པའོ།། ། དེ་ནས་མཁའ་འགྲོ་གྲོང་ཁྱེར་མཆོག། དཀྱིལ་འཁོར་འཇིགས་པ་བྲི་བར་བྱ།། ལས་ཀྱི་ཆོ་ག་ཤེས་པ་ཡིས། ། ཅི་རིགས་པར་ནི་ལས་རྣམས་བྱ།། ཉི་ཤུ་རྩ་ལྔའི་སྲད་བུ་ནི།། སེམས་མེད་ལས་བྱུང་བྱས་ནས་སུ།། བྱིན་རླབས་མི་བསྐྱོད་རྟག་པ་རུ།། བྱས་ཏེ་ཐིག་ནི་གདབ་པའོ།། གྲུ་བཞི་པ་ལ་སྒོ་བཞི་པ། ། ཏཱ་ར་ཎ་བཞིས་བརྒྱན་པ་སྟེ།། དར་དང་མེ་ཏོག་འཕྲེང་བས་གྲུབས།། སྲད་བུ་བཞི་དང་རབ་ལྡན་པ།། ཐུར་གྱི་ཆ་ནི་ཐམས་ཅད་དུ།། ཟླ་བ་རིན་ཆེན་རྡོ་རྗེ་དགོད།། ལས་ཀྱི་བྱེ་བྲག་ཤེས་པ་ཡིས་བློཐོ་དང་ལྡན་པས་ཕྱག་རྒྱ་དགོད། ། ཨིནྡྲ་ནཱི་ལ་ལྟ་བུ་ཡི།། འཇིགས་བྱེད་རྡོ་རྗེ་དབུས་སུ་བྲི། ཤར་དུ་ལྕེ་བརྒྱད་འཁོར་ལོ་དཀར།། ལྷོ་རུ་རིན་ཆེན་གྲུར་དགུ་ལྗང་།། ནུབ་ཏུ་འདབ་བརྒྱད་པདྨ་མར། ཐུང་ངུརལ་གྲི་སྔོན་པོ་བྲི།། མེ་ཡི་མཚམས་སུ་འཁོར་ལོ་སྟོན།། བདེན་ཐལ་ཨུཏྤལ་དམར་པོ་དང་།། རླུང་གི་མཚམས་སུ་པདྨ་དམར།། དབང་ལྡན་ཨུཏྤལ་སེར་པོ་སྟེ།། རྡོ་རྗེ་ཐོབ་ཤར་གྱིས། ལྷོ་ཡི་སྒོ་རུ་རྡོ་རྗེ་དབྱུག། པདྨའི་སྡོང་བུ་ནུབ་ཀྱི་སྒོ།། བྱང་སྒོ་རྡོ་རྗེ་ཁ་བྱེ་བ།། སྦྱོར་བ་ལྡན་པས་དགོད་པར་བྱ།། རྣམ་པ་ཉི་ཤུ་རྩ་ལྔར་ནི།། ཚོན་རྩི་དག་ཀྱང་བསྒོམ་བྱ་སྟེ།། རྡུལ་ཚོན་ལྔ་ལ་སོགས་པ་རྣམས། ། རིམ་པ་བཞིན་དུ་གདབ་པར་བྱ།། དེ་ནས་བུམ་པ་གཟུང་བྱ་བ།། རྩ་བ་ནག་ནོག་མེད་པ་ཡི།། ཞབས་བརྟན་མགྲིན་རིང་མཆུ་འཕྱང་བ།། ལྷ་ཡི་གྲངས་ཙམ་སྟ་གོན་གནས།། མགུལ་པར་རས་ཀྱིས་ཡང་དག་དཀྲིས། ། ལྡུམ་བུ་ཡིས་ནི་ཁ་མཛེས་པ།། རིན་ཆེན་སྨན་འབྲུ་སྣ་ལྔ་དང་།། སྤོས་ཆུ་ཡིས་ནི་རབ་བཀང་ནས།། བུམ་པ་མངོན་པར་བསྔགས་པར་བྱ།། རྣམ་རྒྱལ་བུམ་པ་དཀྱིལ་འཁོར་གྱི།། བདག་པོ་ལྷ་མོ་རྣམས་ཀྱི་བཞི།། ལྷ་རྣམས་ཀྱི་ནི་བུམ་པ་བཞི།། སྒོ་ཡི་ཕྱོགས་ཀྱི་བུམ་པ་ནི།། ལས་ཀུན་བྱེད་པས་བཟླས་བྱས་ཏེ།། ཀུ་ཤའི་ཆུན་པོས་སེམས་ཅན་ཆེ།། འཇུག་པ་ཀུན་ལ་གཏོར་བར་བྱ། ཡོན་དང་གཏོར་མ་མཆོད་ཕུལ་ནས།། དེ་དག་ཕྱི་གྲཝར་རབ་བཀོད་དེ།། གཡས་སུ་རྒྱལ་བ་སྤྱན་དྲང་ངོ་།། དེ་ནས་ལྷ་རྣམས་རབ་གནས་པའི།། བསམ་པའི་སྦྱོར་བས་བསམ་བྱ་སྟེ།། ཕྱག་རྒྱ་བྲལ་བ་སྦྱོར་བ་ནི། ། ལུས་ཅན་བྱིན་གྱིས་མི་རློབ་པས།། བུ་མོ་གཟུགས་བཟང་ལང་ཚོས་བརྒྱན།། དབང་ཐོབ་ལུས་རྒྱས་ཐོབ་པ་མོ།། གཡོན་མ་རྒྱན་གྱིས་རབ་བརྒྱན་ཏེ།། དེ་ཡིས་འཁོར་ལོ་སྤྲུལ་པར་བྱ། དེ་ལ་མར་མེ་བརྒྱ་སོགས་པའི།། མཆོད་པ་ཕུལ་ནས་བསྟོད་བྱ་སྟེ།། བཤང་གཅི་ཁུ་བ་ཁྲག་རྣམས་ནི།། དུང་ཆེན་པོ་རུ་བཞག་བྱ་སྟེ།། ལྔ་རྣམས་ལ་ནི་དབུལ་བར་བྱ།། དེ་ནས་མཁའ་འགྲོ་གྲོང་མཆོག་ཏུ། ། སློབ་མ་རྣམས་ནི་གཞུག་བྱ་སྟེ།། རྡོ་རྗེ་ཡེ་ཤེས་རབ་ཐོབ་པའི།། དེ་བཞིན་གཤེགས་པ་ཐམས་ཅད་ཀྱི།། ཕོ་བྲང་དཀྱིལ་འཁོར་དམ་པ་འདིར།། བདག་གིས་སློབ་མ་གཞུག་པར་བྱ། ། དེ་ནས་སློབ་མ་དེ་ཡིས་ཀྱང་།། མེ་ཏོག་སྔགས་འདིས་གཏོར་བའོ།། པྲ་ཏིཙྪ་བཛྲ་ཧོཿཞེས་བྱ།། དེ་ནས་ཚིག་འདིས་གདོང་གཡོགས་དགྲོལ།། དེ་རིང་དད་པའི་ཤུགས་ཀྱིས་ནི།། དཀྱིལ་འཁོར་དུ་འདིར་བལྟ་བར་བྱ། ། སངས་རྒྱས་རིགས་སུ་ཁྱོད་སྐྱེས་སོ།། སྔགས་དང་ཕྱག་རྒྱས་ཁྱོད་བྱིན་བརླབ།། དངོས་གྲུབ་ཐམས་ཅད་ཕུན་སུམ་ཚོགས།། དམ་ཚིག་མཆོག་ཏུ་འགྲུབ་པར་བྱེད།། རྡོ་རྗེ་པདྨོ་རོལ་པའི་མཆོག། སྔགས་ཀྱི་བདག་འད་ཤེས་པར་བྱ།། པ་ཤྱ་བཛྲ། གང་དག་མེ་ཏོག་གསང་བ་སྟེ།། དེ་དེ་དེ་ཡི་ལྷ་ཡང་དག། དེ་ཡི་སྦྱོར་བ་རབ་སྦྱིན་ཏེ།། དེ་ཡི་ནན་ཏན་དུ་སྒྲུབ་པོ།། དུང་ཆེན་བདུད་རྩི་ལྔ་བྲུདྲུང་དེ། ། དམྱལ་བའི་ཆུ་འདིས་ཁྱོད་ལ་ནི།། དམ་ཚིག་འདས་ན་སྲེག་པར་བྱེད།། དམ་ཚིག་བསྲུངས་ན་དངོས་གྲུབ་པའི།། འཐུང་ཞིག་རྡོ་རྗེ་བདུད་རྩིའི་ཆུ།། བཛྲ་ཨུ་ད་ཀ། དེ་ནས་སངས་རྒྱས་ཐམས་ཅད་ཀྱི། ། དམ་ཚིག་དང་ནི་སྡོམ་པ་རྣམས།། བླ་མས་སློབ་མ་སྡིག་བྲལ་ལ།། ཇི་ལྟ་བ་བཞིན་བསྒྲག་པར་བྱ།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། རི་མོའི་དཀྱིལ་འཁོར་གྱི་ལེའུ་སྟེ་གསུམ་པའོ། ། །། དེ་ནས་གཞན་ཡང་བཤད་བྱ་བ།། དབང་བསྐུར་བ་ཡི་ཆོ་གའི་མཆོག། གང་གིས་ལེགས་པར་བྱེད་འགྱུར་ན།། དེ་ནི་སངས་རྒྱས་ཉིད་དུ་འགྲུབ།། སློབ་དཔོན་མཚན་ཉིད་ཐམས་ཅད་ལྡན།། ཡང་དག་ཤེས་ཤིང་རྒྱུད་ཤེས་པ།། དེ་ཉིད་བཅུ་ལ་སོགས་པ་ཡི།། གསང་རིག་ཆོ་ག་ཤེས་པ་པོས།། བསྒྲིམས་ཏེ་སློབ་མ་ཡང་དག་གཟུང་།། བླ་མ་ལ་གུས་ད་པའོ། ། དགེ་སྒོམ་ལྷ་རྣམས་མཆོད་བྱེད་པ།། གཏོང་ཕོད་ཡོན་ཏན་ལྡན་པའོ།། དེ་ནས་སློབ་མ་དེ་ཡིས་ཀྱང་།། ལངས་ཏེ་ཞབས་ལ་མགོས་གཏུགས་ནས།། རྒྱལ་པོ་དབང་ཕྱུག་བདེ་དམ་པ།། གོས་དང་རྒྱན་གྱིས་ལེགས་པར་བགོས། ། སྟེང་དུ་བླ་རེ་བྲེ་བར་བྱ།། གདུགས་དང་རྒྱལ་མཚན་པ་ངན་དང་།། ལཱམ་དང་ཚངས་པའི་སྐུད་པ་དང་།། གདུ་བུ་དག་དང་སྐ་རགས་དང་།། བཀྲ་ཤིས་ཚིགས་བཅད་སྣ་ཚོགས་ཀྱིས།། སློབ་མ་སྡིག་དང་བྲལ་བ་ལ། ། སློབ་དཔོན་གྱིས་ནི་དབང་བསྐུར་རོ།། དང་པོ་རྣམ་རྒྱལ་བུམ་པ་དང་།། དེ་ནས་ལྷ་མོ་བཞི་རྣམས་དང་།། ལྷ་རྣམས་ཀུན་གྱི་བཞི་པོ་བཞིས།། བཀྲ་ཤིས་ཚིགས་བཅད་གླུ་སྒྲ་དང་།། རྡོ་རྗེ་དྲིལ་བུ་གསིལ་བ་ཡིས། ། སྐྱོབ་པའི་དཀྱིལ་འཁོར་མངོན་སུམ་དུ།། ཏིལ་གྱི་གང་བུ་བཞིན་གང་བའི།། རྒྱལ་བས་བུམ་པ་བཟུང་ནས་ནི།། དེ་ཉིད་ལ་ནི་དབང་བསྐུར་བར།། དཀྱིལ་འཁོར་དེ་ཉིད་རིག་པར་བས་དེ་ལྟ་བུ་ནི་བསམས་ནས་ཀྱང་། ། ཆོས་ཀྱི་མཚན་ཉིད་བསྟན་པར་བྱ།། དེ་ནས་ཡིད་འོང་བུ་མོ་ནི།། ལེགས་པར་གོམས་པ་དབང་ཐོབ་པ།། རྒྱན་གྱིས་རབ་བརྒྱན་རབ་མཛེས་པ།། བཙལ་ཏེ་བླ་མ་ལ་ཕུལ་ནས། དེ་ནས་རྒྱལ་དབང་སློབ་མ་དེ།། ནང་ནི་སྦས་པ་བཏུས་པ་ཡི།། གསང་བ་མཉམ་པར་འཇུག་པ་ཡི།། སྦྱོར་དང་ལྡན་པས་དབང་བསྐུར་བྱ།། རྡོ་རྗེ་པདྨོ་ལས་དྲང་བ།། སྦོམ་པོ་མཐའ་ལྟལྷག་རྩེ་སྦྱར་ནས། ། རྐན་དུ་རྡོ་རྗེ་གཞག་པར་བྱ།། ཀྱེ་མའོ་བདེ་བ་བདེ་བ་ཆེ།། ཀྱེ་མའོ་དམ་ཚིག་བདེ་བརྗོད་ཅིང་།། ཀྱེ་མའོ་བདེ་བ་བླང་བར་བྱའོ།། འདི་ནི་གསང་བ་ཞེས་བྱ་བའི།། དེ་དབང་བསྐུར་བའི་ཐབས་མཆོག་གོ། ཡང་ན་ཤིན་ཏུ་དང་བ་དང་།། གཟུགས་བཟང་སྒྲུབ་ལ་དགའ་བ་དང་།། སྦྱོར་གོམས་བླ་མ་ལ་ནི་དབུལ།། བླ་མས་བྱིན་བརླབས་ལྷ་མོ་དང་།། སྒྲུབ་པ་དེ་ལ་སྦྱིན་པར་བྱ།། དེ་ཡིས་བླངས་ནས་བརྩོན་པའི་ཚོགས། ། ཇི་སྐད་གསུངས་བཞིན་རབ་བྱས་ནས།། རང་གི་ལྷ་དང་སངས་རྒྱས་དང་།། བྱང་ཆུབ་སེམས་དཔའི་ཚོགས་རྣམས་ཀུན།། མཉེས་བྱེད་ཆོ་གས་སེམས་བརྟགས་ཏེ།། མངོན་སུམ་བདེ་བ་རང་བྱུང་བ། ། གཞན་གྱིས་གང་དུ་བསྒྲག་མི་ནུས།། གོ་བའི་ཡུལ་དེ་བདེ་བ་ཆེ།། བླ་མ་དེ་ལ་དབུལ་བར་བྱ།། བླ་མ་གཞན་ལ་དེ་བཞིན་དུ།། ཅི་དགའ་བ་ཡི་ཡོན་ཡང་དབུལ།། སློབ་དཔོན་ཅུང་ཟད་ཅི་འདོད་པ། ། ཡིད་ལ་བསམས་པ་དབུལ་བར་བྱ།། དམ་ཚིག་འདའ་བས་འཇིགས་པའི་ཕྱིར།། བསྒྲིམས་ཏེ་དེ་བཞིན་དབུལ་བར་བྱ།། སློབ་དཔོན་གྱི་ནི་ཡུལ་གྱི་མཆོག། རིགས་ཀྱི་ཁྱད་པར་གྱིས་ནི་ལྔ།། བུམ་པའི་དབང་སོགས་དབྱེ་བ་ཡིས།། ཡང་ན་གསུམ་དུ་འགྱུར་བ་ཡིན།། རང་གི་མ་དང་སེང་གེའི་གདན།། ཡོན་གྱི་མཆོག་སྟེ་སངས་རྒྱས་རིགས།། གསེར་དང་གླང་པོ་རིན་ཆེན་དང་།། སྲིང་མ་བླ་མ་ལ་དབུལ་བ། ། རྡོ་རྗེ་སེམས་དཔའི་རིགས་ཡིན་ཏེ།། ཡོན་ཏེ་ཡོན་གྱི་མཆོག་ཡིན་ནོ།། ཤིང་རྟ་རྟ་ནི་ཤིན་ཏུ་བརྒྱན།། རང་གི་ཆུང་མ་དབུལ་བྱ་སྟེ།། རིན་ཆེན་སྣ་ཚོགས་རྣམ་དག་པ། ཡོན་དེ་རིན་པོ་ཆེ་ཡི་རིགས།། མུ་ཏིག་འཕྲེང་བ་ཤིན་ཏུ་མཛེས།། བུ་མོ་རིན་ཆེན་འདྲ་བ་ཡིས།། བརྒྱན་ཏེ་བླ་མ་ལ་དབུལ་བ།། ཡོན་དེ་པདྨའི་རིགས་ཡིན་ནོ།། རྒྱལ་པོ་དང་ནི་དབང་ཕྱུག་དང་།། ཆུང་མ་འཕྲུལ་གྱི་བཞོན་པ་སོགས། ། གླང་པོ་རྟ་ནི་ཤིན་ཏུ་བརྒྱན།། དེ་བཞིན་གཤེགས་པ་ཀུན་གྱི་རྗེ།། ནན་ཏན་བླ་མ་དབུལ་བྱ་བ།། སྣ་ཚོགས་རྡོ་རྗེའི་རིགས་ཡིན་ནོ།། དེ་རྣམས་བཞི་དང་འགྱུར་བ་དང་།། མི་འགྱུར་བ་ཡི་བྱེ་བྲག་གིས། ། གསུམ་དུ་ཤེས་བྱ་བླ་མ་ལ།། བློ་ལྡན་རྡོ་རྗེ་སློབ་མ་ཡིས།། ཅི་སྟེ་བདེ་བ་ཀུན་འདོད་ན།། དད་མོས་སེམས་ཀྱིས་དབུལ་བར་བྱ།། ཡིད་ལ་གང་བསམས་མ་ཕུལ་ལམ།། ཁས་བླངས་དེ་ནི་མ་ཕུལ་ན།། ཡི་དགས་དམྱལ་བ་རྣམ་གཉིས་སུ།། ངེས་པར་སྐྱེས་ཏེ་རླག་པར་འགྱུར།། དེ་བས་དེ་རྣམས་རབ་ཕུལ་ནས།། གསོལ་བ་དག་ནི་རབ་ཏུ་གདབ།། རྡོ་རྗེ་དཀྱིལ་འཁོར་ཆེན་པོ་ཡི། ། དཀྱིལ་འཁོར་དུ་ནི་བདག་ཞུགས་སོ།། སྦྱོར་བའི་དཀྱིལ་འཁོར་ཆེན་པོ་ཡི།། དཀྱིལ་འཁོར་དུ་ནི་བདག་ཞུགས་སོ།། སྦྱོར་བའི་དཀྱིལ་འཁོར་ཆེན་པོ་ཡི།། དཀྱིལ་འཁོར་བདག་གིས་དེ་རིང་མཐོང་། ། གསང་བའི་དཀྱིལ་འཁོར་ཆེན་པོ་ཡི།། དཀྱིལ་འཁོར་དུ་ནི་བདག་དབང་བསྐུར།། དེ་ནས་བླ་མ་དེ་ཡིས་ཀྱང་།། དེ་ལ་དབང་བསྐུར་སྦྱིན་བྱ་སྟེ།། དྲི་དང་མེ་ཏོག་འཕྲེང་བས་བརྒྱན།། བསྒྲིམས་ཏེ་ཡང་དག་བརྟག་པར་བྱ།། དང་པོ་ལ་ནི་བུས་པའི་དང་།། གཉིས་པ་ལ་ནི་གསང་བའི་དབྱུང་།། གསུམ་པ་ཤེས་རབ་ཡེ་ཤེས་ཏེ།། བཞི་པ་དེ་ཡི་ཡེ་ཤེས་ཏེ། བླ་མ་ལས་ནི་ཐོབ་པའོ།། དཔལ་རྡོ་རྗེ་སྙིང་པོ་རྒྱན་གྱིས་རྒྱུད་ལས། ཕན་ཡོན་དང་བཅས་པར་དབང་བསྐུར་བའི་ལེའུ་སྟེ་བཞི་པའོ།། །། གང་གིས་ཐབས་ཀྱིས་རིགས་ལྔའི་དོན། ། རང་གི་དོན་གྱུར་ཀུན་ཏུ་བཟང་།། འདི་དག་གཞན་ལ་རབ་བདེའི་ཕྱིར།། རྡོ་རྗེ་སེམས་དཔའི་སྒྲུབ་ཐབས་བཤད།། ཡིད་འོང་དབེན་པའི་ས་ཕྱོགས་སུ།། ཅི་བདེར་གནས་ལ་ནམ་མཁའ་ཀུན། ། སེམས་ཀྱིས་ཁྱབ་པར་བྱས་ནས་སུ།། རྣམ་བརྟགས་ཨེ་མའོ་འཇིག་རྟེན་ཀུན།། སྡུག་བསྔལ་ཆོས་ཀྱིས་ཀུན་ནས་གཙེས།། བྱང་ཆུབ་སེམས་ཉམས་སེམས་ཅན་རྣམས།། ཀུན་ལས་འབྱུང་ཞེས་དམ་བཅས་པའི།། སྔགས་པས་སྤྱི་བོར་གཞག་པ་ནི།། ཨཱཿསེམས་ཀྱི་རྡུལ་ཕྲན་ཆ་དྲུག་རྣམས།། ཕྱོགས་བཅུ་དག་ཏུ་ཕྱེ་ནས་སུ།། ཆོས་ཀྱི་དོན་རྣམས་ངེས་བསལ་ནས།། ཤིན་ཏུ་དྲི་མང་སེམས་དག་པ། ། འདས་དང་མ་འོངས་པ་ཡི་སེམས།། ད་ལྟར་ཡང་ནི་དམིགས་སུ་མེད།། གཉིས་མེད་དེ་ལ་གཉིས་མེད་མེད།། ནམ་མཁའ་ཞེས་པའང་གནས་པ་མེད།། དེ་ལྟར་ཀུན་ཏུ་བརྟགས་ནས་སུ།། འགྲོ་བ་ཐམས་ཅད་ཤིན་ཏུ་སྟོང་། ། དྲི་མེད་རྣལ་འབྱོར་ཉིད་ཀྱི་ཡིན།། དངོས་པོ་མེད་པར་རང་སེམས་བསམ།། འགྲོ་བ་འདི་ནི་དེ་ལྟ་བུའི།། དངོས་པོ་གང་དག་ཡོད་མིན་ན།། སྡུག་བསྔལ་སྣ་ཚོགས་གང་དག་ལགས།། སེམས་ཉམས་སེམས་ཅན་འབྱུང་བར་སྒོམ། ། འོན་ཀྱང་སྔོན་གྱི་སྨོན་ལམ་ཤུགས།། དབྱངས་ཡིག་སྤེལ་བའི་གླུ་ལྡན་བྱ།། རིན་ཆེན་སེམས་ནི་རྨུགས་པ་ལ།། བདེ་གཤེགས་རྣམས་ཀྱིས་བསྐུལ་བར་སྣང་།། ཤཱུནྟ་ཏཱི་ཏི་ཡོ་ག་བཱརྡ་། སྭཱཧཱ། པྲ་བྷཱ་བཱི་ཨཱ་ཀཱ་ཤཱ་ཏ་མཱ་པ་ག་ཏ་ས་མ་ཡ། ཨུ་པ་ཏ་པ་ཡནྟི་སུག་ཏ་སུ་ག་ཏེ་ཤྲཱི་བཛྲ་སྭཱ་ཧཱ། པཱུ་པུ་སྟྭཾ་ཧཾ། རྣམ་རྟོག་ཀུན་སྤངས་དྲི་མེད་པའི།། རྣམ་པར་མི་རྟོག་སྒོམ་པའི་སེམས།། སྔགས་ཀྱི་དེ་ཉིད་བསྐྱོད་བྱས་ལ། ཧཱུཾ་ཞེས་པ་ཡི་གཟུགས་སུ་བརྟག། ཏིང་ངེ་འཛིན་གྱིས་དབང་འགྱུར་ན།། གང་ཕྱིར་དེ་ནི་བསྒོམས་པས་ཐོབ།། དམ་པ་ནམ་མཁའི་དབྱིངས་ལ་གནས།། བྱང་ཆུབ་སེམས་ཚོགས་དེར་བཅས་ལ།། རྣལ་འབྱོར་ཡིད་ཀྱིས་ཀུན་བསམས་ནས། ། རྒྱས་པར་རྣམ་པར་བརྟག་པར་བྱ།། ཡི་གེ་བྲུཾ་གྱིས་ལྷ་ཡི་གནས།། རྡོ་རྗེ་རིན་ཆེན་གྱིས་ནི་བརྒྱན།། སྒོ་ཁྱུད་རྟ་བབས་ཀ་བ་དག། དར་གྱི་འཕྲེང་བས་རྣམ་པར་ཀླུབས།། གྲུ་བཞི་པ་ལ་སྒོ་བཞི་པ།། དྲིལ་བུའི་དྲ་བ་ངག་གིས་བརྒྱན།། རྟག་པར་དོ་ཤལ་མ་ལོང་དང་།། མེ་ཏོག་འཕྲེང་བས་རྒྱན་རྣམས་བྲེས།། དེ་ཡི་དབུས་སུ་སེང་གེའི་གདན།། སེང་གེ་བརྒྱད་ཀྱིས་རྣམ་པར་བརྒྱན།། སྨོན་ལམ་དབང་གིས་དེ་དག་ཀུན། བྱང་ཆུབ་སེམས་དཔའ་མཐུ་བོ་ཆེ།། ཤར་ཕྱོགས་པ་གླང་ཤིན་ཏུ་རྒྱས།། ལྷོ་ཕྱོགས་རྟ་ཡི་གདན་བཟང་སྟེ།། ནུབ་ཕྱོགས་སུ་ནི་རྨ་བྱ་བཤད།། དེ་བཞིན་བྱང་ཕྱོགས་ནམ་མཁའ་ལྡིང་།། མི་བསྐྱོད་ཁྲོ་བོ་བསམ་པ་ནི།། མཐིང་ཁ་དཀར་པོ་དམར་པོའི་ཞལ།། རྡོ་རྗེ་ཕྱག་རྒྱ་ཐུགས་ཀ་ན།། མཐིང་ཁ་ཁ་དོག་གསལ་ལ་བཟང་།། གཡས་ན་རིན་ཆེན་འཁོར་ལོ་སྟེ།། རལ་གྲི་པདྨ་གཡོན་པ་ན།། འཇིག་རྟེན་ཁམས་ནི་ཀུན་འཁྲུག་པའོ།། བརྟུལ་ཞུགས་ཅན་གྱིས་ཞལ་གསུམ་བསམ། ། དང་པོ་ཡི་ནི་སྟོང་པ་ཉིད།། གཉིས་པ་དེ་བཞིན་མཚན་མ་མེད།། གསུམ་པ་སྨོན་པ་མེད་པ་ཡི།། ཞལ་དུ་མཁས་པས་རིག་པར་བྱ།། ཕྱག་དྲུག་རྟག་ཏུ་འབར་བར་སྒོམ། ། མཚོན་ཆ་སྣ་ཚོགས་རྣམས་དང་ལྡན།། པདྨ་ལ་ནི་མཉམ་བཞག་ནས།། ཡེ་ཤེས་ཕྱག་རྒྱ་སྙིང་ཁ་ནས།། དབུས་ཀྱི་གནས་སུ་བསམ་པ་ནི།། རྡོ་རྗེ་སྐྱིལ་མོ་ཀྲུང་དུ་གནས།། ཤར་གྱི་གནས་སུ་བསམ་པ་ནི། ། སྔགས་པས་རྣམ་སྣང་ཐུབ་པ་སྟེ།། དཀར་དང་མཐིང་ཁ་དམར་བའི་ཞལ།། འཁོར་ལོ་ཕྱག་རྒྱ་སྙིང་ཁ་ན།། རྡོ་རྗེ་འབར་སོགས་འོད་གསལ་བ།། རིན་ཆེན་རྡོ་རྗེ་གཡས་པ་ན།། རལ་གྲི་པདྨ་གཡོན་པ་ན།། རྣལ་འབྱོར་ཅན་གྱིས་རྟག་པར་བསམ། ། ཐོར་ཙུགས་དབུ་རྒྱན་དག་གིས་བརྒྱན།། རིན་ཆེན་མགོན་པོ་ལྷོ་ཕྱོགས་ན།། སེར་དང་མཐིང་ཁ་དཀར་བའི་ཞལ།། རིན་ཆེན་ཕྱག་རྒྱ་སྙིང་ཁ་ན།། མར་གང་ལྟ་བུར་སྣང་བའོ།། གཡས་ན་འཁོར་ལོ་རལ་གྲི་སྟེ།། རྡོ་རྗེ་པདྨ་གཡོན་ནའོ།། རྟག་པར་རྣལ་འབྱོར་པས་བསམ་པ།། རིན་ཆེན་ཆར་དུ་འབེབས་པའོ།། ནུབ་ཕྱོགས་གནས་སུ་དགོད་བྱ་བ།། སྣང་བ་མཐའ་ཡས་བསམ་པ་ནི།། དམར་དང་མཐིང་ཁ་དཀར་བའི་ཞལ།། པདྨ་རཱ་གའི་མདོག་ལྟ་བུ།། པདྨའི་ཕྱག་རྒྱ་སྙིང་ཁ་ན།། རྡོ་རྗེ་རིན་ཆེན་གཡས་པ་ན།། འཁོར་ལོ་རལ་གྲི་གཡོན་པ་ན།། པདྨ་ལ་ནི་མཉམ་གཞག་བསམ།། བྱང་ཕྱོགས་གནས་སུ་དོན་གྲུབ་ནི། ། ལྗང་ཁུ་མཐིང་ཁ་དཀར་བའི་ཞལ།། རལ་གྲི་ཕྱག་རྒྱ་སྙིང་ཁ་ན།། འབར་བའི་འཕྲེང་བས་མཉམ་པའོ།། པདྨ་རྡོ་རྗེ་གཡས་པ་ན།། འཁོར་ལོ་རིན་ཆེན་གཡོན་པ་ན།། ཟླ་བའི་དཀྱིལ་འཁོར་དབུས་གནས་པ། ། བྱང་གི་གནས་སུ་བསམ་པར་བྱ།། སྔགས་པས་ཕྱག་དྲུག་བསམ་པ་ནི།། སྤྱན་དེ་ཞལ་གསུམ་དཀར་མོ་ཡི།། རྣམ་པར་སྣང་མཛད་ཕྱག་རྒྱ་བཞིན།། དེ་ཡི་དོན་དུ་རྣམ་པར་སྒོམ།། སཱ་མ་ཀཱི། ཡང་བསམ་པ་ནི།། ཨུཏྤལ་དང་ནི་མཐིང་འདྲ་བ།། ཞལ་གསུམ་ཕྱག་དྲུག་ཆགས་པ་སྟེ།། མི་བསྐྱོད་ཕྱག་རྒྱ་མཆོག་འཛིན་པའོ།། ཆགས་པས་ཆགས་པ་རིགས་ཀྱི་སྔགས།། ཞལ་གསུམ་ཕྱག་དྲུག་དགེ་བ་སྟེ།། སྦྱོར་བའི་ས་ནི་དཀར་མོ་བསམ། ། པདྨ་རཱ་གའི་ཕྱག་རྒྱའོ།། སྒྲོལ་མ་ཁ་དོག་སར་མོ་སྟེ།། འཁྲིལ་བག་རྒྱན་གྱིས་རབ་ཏུ་བརྒྱན།། ཞལ་གསུམ་ཕྱག་དྲུག་རབ་ཏུ་བསམ།། ཐོགས་མེད་རྒྱལ་པོའི་ཕྱག་རྒྱའོ།། སྒོ་བཞི་སྒོ་སྲུངས་དགོ་བྱ་བ་སྒོ་རྣམས་སུ་ནི་ཁྲོ་བོ་བསམ། ། ཁྲོ་བོ་ཆེན་པོ་གཤིན་རྗེ་གཤེད།། གཞན་གྱིས་མི་ཐུབ་དེ་བཞིན་ཏེ།། ཐུབ་པར་དགའ་བ་རྟ་མགྲིན་དང་།། ཁྲོ་བོ་བདུད་རྩི་འཁྱིལ་པ་བསམ།། དེ་དག་ཀུན་ཀྱང་ཞལ་གསུམ་པ་དྲག་ཅིང་དྲག་པོར་གནོན་པའོ། ། མཐིང་ཁ་སེར་པོ་དེ་བཞིན་དམར།། ལྗང་ཁུ་དག་ནི་ཁ་དོག་ཏུའོ།། མཚོན་ཆ་སྣ་ཚོགས་འཛིན་པ་སྟེ།། ཐོད་པའི་འཕྲེང་ཐོགས་དེ་བཞིན་ནོ།། གདོན་རྣམས་ཐམས་ཅད་སྐྲག་བྱེད་པ་གནོད་སྦྱིན་སྲིན་པོ་འཕྲ་མན་མ། ། མ་ཧེ་སེང་གེ་སྟག་རྣམས་དང་།། བ་ལང་ཞོན་པ་རྣམ་བཞིའོ།། རྣམ་པར་འགྱུར་བའི་ཁྲོ་གཉེར་ཅན།། ཁྲོ་བོ་སྤྱན་ནི་ཀུན་ནས་བསྡུས།། སྔགས་འདི་རྣམས་ཀྱིས་བསམ་པ་ནི། གཤིན་རྗེ་གཤེད་ལ་སོགས་པའོ།། སྔགས་ཀྱི་དེ་ཉིད་རྗེས་མཐུན་པར།། སྔགས་པས་དཀྱིལ་འཁོར་བསྒྲུབས་ནས་སུ།། ས་ཡི་སྙིང་པོ་ལ་སོགས་པ།། སེམས་དཔའ་རྣམས་ནི་དེར་གནས་བསམ།། ལུས་དང་ངག་དང་སེམས་@དེ་ཉིད། ། ཧཱུཾ་ཞེས་བྱ་བའི་ཡི་གེ་མཆོག། སེམས་ནི་དེ་རུ་ཞུགས་པར་བསམ།། མི་བསྐྱོད་པ་ནི་བདག་ཉིད་ཆེ།། དབང་པོའི་ལམ་དུ་བྱུང་ནས་སུ།། དང་བའི་དཀྱིལ་འཁོར་གྱིས་ནི་བརྒྱས་བདག་ཉིད་གཅིག་ཅིང་གཅིག་འགྱུར་བར། ། སྐད་ཅིག་གིས་ནི་བརྟག་པར་བྱ།། ཁྱོད་ནི་རྡོ་རྗེ་སེམས་ཞེས་བྱ།། དེ་ལ་སོགས་པས་བསྟོད་པར་བྱེད།། དེ་ནས་རྣམ་སྣང་མཛད་ལ་སོགས།། རང་གི་སྙིང་ཁར་རབ་ཏུ་གཟུང། ། གཟུགས་རྣམས་ཀྱི་ནི་རང་བཞིན་དུ།། རྣམ་པར་སྣང་མཛད་ཐུབ་པ་བཞུགས།། ཚོར་བ་རིན་ཆེན་མགོན་པོ་ཡིན།། མཐའ་ཡས་འོད་ནི་འདུ་ཤེས་སུའོ།། འདུ་བྱེད་ཀུན་ཏུ་གདོན་མི་ཟ། མི་བསྐྱོད་པ་ནི་ཕུང་པོ་ལྔར།། དེ་བཞིན་གཤེགས་པ་ལྔ་རྣམས་ནི།། སྔགས་འདི་རྣམས་ཀྱིས་བཞུགས་པར་བསམ།། ས་ཡི་ཁམས་ཀྱི་རང་བཞིན་དུ།། དེ་ནས་སྤྱན་ནི་བཞུགས་བྱ་སྟེ།། རྣལ་འབྱོར་ཡིད་ཀྱིས་བསམ་པ་ནི། ། དེ་ཡང་སྤྲོ་བར་གནས་པར་བསམ།། མཱ་མ་ཀཱི་ཡང་ཆུ་ཡི་ཁམས།། བརླན་ཞིང་ཁྲག་ནི་རྒྱུ་བའི་ཕྱིར།། རྣལ་འབྱོར་པས་ནི་ཡིད་ཀྱིས་བསམ།། དེ་ཡི་ལུས་ནི་རྒྱས་པར་འགྱུར།། མེ་ཡི་ཁམས་ཀྱི་རང་བཞིན་དུ།། གོས་དཀར་མོ་ཡང་བཞུགས་པར་བྱ།། ཀུན་ཏུ་ཁྱབ་པར་ཞུགས་པ་ཡི།། འོད་རྣམས་སུ་ནི་དེར་འགྱུར་རོ།། སྒྲོལ་མ་རླུང་གི་རང་བཞིན་དུ།། བཞུགས་པར་དེ་ནི་བསམ་པར་བྱ། ། རླུང་ནི་རྣམ་པ་ལྔ་རུ་འགྱུར།། དེ་བཞིན་ཡིད་མགྱོགས་རྫུ་འཕྲུལ་འགྲུབ།། རྡོ་རྗེ་དབྱིངས་ཀྱི་དབང་ཕྱུག་མ།། ནམ་མཁའི་རང་བཞིན་དག་ཏུ་འཇུག། དེ་ལུས་ཁོང་སྟོང་ཉིད་ལ་ནི། ། རང་སེམས་ཡོན་ཏན་སྒོམ་པའི་སེམས།། ནམ་མཁའི་དབྱིངས་ཀྱི་རྣལ་འབྱོར་གྱིས།། སངས་རྒྱས་སྒྱུ་མའི་སྦྱོར་བས་སུ།། དག་པའི་བདག་ཉིད་ཅི་འདོད་པར།། དེ་ནས་རི་རབ་ཕུལ་ནས་འགྲོ། ། ས་ཡི་སྙིང་པོ་བདག་ཉིད་ཆེ།། སངས་རྒྱས་སྤྱན་ནི་བདག་ཉིད་དེ།། མིག་གི་ཕྱོགས་སུ་ཞུགས་ནས་ནི།། འཕྲུལ་གྱི་མིག་ཏུ་རྟག་ཏུ་འགྱུར།། ཕྱག་ན་རྡོ་རྗེ་བདག་ཉིད་ཆེ།། རྣ་བའི་རྣམ་ཤེས་སྦྱོར་བས་ན། ། སྒྲ་རྣམས་ཐམས་ཅད་ཤེས་པ་དེ།། རྣ་བའི་རྣམ་ཤེས་དེ་བཞིན་འགྱུར།། ནམ་མཁའི་སྙིང་པོ་བདག་ཉིད་ཆེ།། སྣ་ཡི་རྣམ་ཤེས་སྦྱོར་བས་ན།། སངས་རྒྱས་ཤངས་ནི་བདག་ཉིད་ཤེས། དེ་ཡང་དེ་ཡི་ངོ་བོར་འགྱུར།། འཇིག་རྟེན་དབང་པོར་རབ་ཆགས་པ།། རྡོ་རྗེ་རྩེ་ཡི་སྦྱོར་བས་སུ།། རོ་ཡི་དངོས་པོ་མྱོང་བ་དེས།། སྐད་ཅིག་གཅིག་ལ་དེ་རུ་འགྱུར།། བློ་ལྡན་སྒྲིབ་པ་ཐམས་ཅད་ནི། རྣམ་པར་སེལ་བའི་མིང་དང་ལྡན།། ཉོན་མོངས་ཐམས་ཅད་རྣམ་པར་སེལ།། ཉེ་བའི་ཉོན་མོངས་པ་ཡང་འཇིག། མེ་ལོང་གི་ནི་རྣམ་པ་ལྟར།། རྟེན་པའི་ཚུལ་གྱིས་འབྱུང་བ་ནི།། གཟུགས་བརྙན་གྱི་ནི་སྦྱོར་བས་སུ། ། སྐད་ཅིག་གིས་ནི་དེ་རུ་འགྱུར།། བཅོམ་ལྡན་རྡོ་རྗེ་སེམས་དཔའ་དཔལ།། རྣམ་པ་བཅུ་དང་དྲུག་ཏུ་དང་།། སྦྱོར་བ་དེ་ནི་བྱིན་བརླབས་ནས།། སྔགས་པས་དེ་ནི་སེམས་ལ་གཞུག། ཁྲོ་བོ་ལྕགས་ཀྱུ་དཔུང་པ་ཡིས།། ཞགས་པ་ལྟ་བུ་གཉིས་པའོ།། སུ་གུ་རྒྱུད་ཀྱི་ཁ་སྤྲད་གསུམ།། རྒྱལ་མཚན་གཞུག་པར་ཁྱབ་པར་གཞག། དེ་ལྟར་དོན་རྣམས་རབ་ཏུ་ཞུགས། སངས་རྒྱས་ཀུན་གྱི་ངོ་བོར་བདག། རྡོ་རྗེ་ཕྱག་རྒྱ་དང་ལྡན་པ།། གཡོན་པ་དྲིལ་བསྣམས་སྟ་ཟུར་བརྟེན།། རྡོ་རྗེ་སེམས་དཔའ་དེ་གནས་འགྱུར།། རྣལ་འབྱོར་ཆེན་པོ་དཀར་བའི་གཟུགས། ། དཀར་དང་མཐིང་ཁ་དམར་པོའི་དབུ།། སྟོང་ཉིད་ལ་སོགས་བདག་སྦྱོར་བ།། རྡོ་རྗེ་སེམས་དཔའ་ཞེས་སུ་སྨྲ།། རྡོ་རྗེ་ཕྱག་རྒྱ་རྗེས་སུ་ཆགས་པ་ལ།། ཨོཾ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོཧཾ། སངས་རྒྱས་མཆོད་པ་ལ། ཨོཾ་སརྦྦ་ཏ་ཐཱ་ག་ཏ་པཱུ་ཛ་བཛྲ་སྭ་བྷཱ་བ་ཨཱཏྨ་ཀོཧཾ། རང་གི་དཀྱིལ་འཁོར་སྔ་མ་བཞིན།། མདུན་དུ་བསམས་ནས་ནམ་མཁའ་ལ། ། ཁྱབ་པའི་སྦྱོར་བས་གཅིག་བྱས་ཏེ།། དཀྱིལ་འཁོར་སྔ་མ་བཞིན་བསམས་བཟླས།། བཅོམ་ལྡན་མི་མཉམ་གཞུག་བཅིང་བཞུགས།། རྡོ་རྗེ་ཕྱག་རྒྱ་ཐུགས་ཀར་བསྣམས།། གཡས་པར་འཁོར་ལོ་རིན་པོ་ཆེ།། པདྨ་རལ་གྲི་གཡོན་པའོ།། དེ་ཉིད་གསུམ་གྱི་ཚུལ་གྱིས་ནི།། ཅི་ཙམ་ནུས་པར་བཟླས་པ་བྱ།། སྐྱོ་ན་ཡིད་ཀྱིས་དྲངས་ནས་ནི།། དེ་དག་ཐམས་ཅད་སྙིང་ཁར་གཞུག། མཉམ་པ་ཉིད་ཀྱི་གནས་འདུག་ན།། ལུས་ཀྱིས་ཅི་ཙམ་བསྐྱོད་པ་དང་།། ཚིག་ཏུ་རབ་ཏུ་འཕྲོ་བའི་རྣམས།། དེ་དག་སྔགས་དང་ཕྱག་རྒྱར་འགྱུར།། རྟག་ཏུ་སྒོམ་པའི་སྦྱོར་བས་ནི།། དེ་ལ་སེམས་དཔའི་གཞན་མ་ཡིན།། རྣལ་འབྱོར་ངོ་བོ་གཟུགས་ཅན་ལ།། ལྷ་མོ་རྣམས་ཀྱང་དེ་ལ་འཛིན།། དབང་པོ་ལམ་དུ་གང་གྱུར་པ།། དེ་དང་དེ་ཡི་ངོ་བོ་དག། ཤིན་ཏུ་མཉམ་གཞག་སྦྱོར་བས་སུ། ། བདག་ཉིད་ལྷག་པའི་ལྟར་བྱའོ།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། ལྷའི་ལེའུ་སྟེ་ལྔ་པའོ།། ། དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོ་སྐུ། དང་། གསུང་དང་། ཐུགས་རྡོ་རྗེའི་དེ་བཞིན་གཤེགས་པ་ལ། དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་ཐམས་ཅད་ཀྱིས་ཚིག་འཐུན་པར་སྒྲ་དབྱངས་གཅིག་གིས་གསོལ་བ་བཏབ་པ། བཅོམ་ལྡན་དེ་བཞིན་གཤེགས་ཀུན་གྱི།། ཡེ་ཤེས་གཅེས་པ་དྲི་མེད་པ།། བྱང་ཆུབ་སེམས་ནི་རིན་པོ་ཆེ།། བླ་ན་མེད་པ་བཤད་དུ་གསོལ།། དེ་ནས་བཅོམ་ལྡན་འདས་ལ་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པར་ཐུགས་སུ་ཆུད་ནས། བྱང་ཆུབ་སེམས་དཔའ་རྣམས་ལ་འདི་སྐད་ཅེས་བཀའ་སྩལ་ཏོ།། སེམས་ནི་ལུས་ཀྱི་རྣམ་པ་ཡིན་ལ། ལུས་ཀྱང་སེམས་ཀྱི་རྣམ་པ་ཡིན་ཞིང་། སེམས་ཀྱང་ཚིག་གིས་རབ་ཏུ་བརྗོད་པ་ཡིན་ནོ།། དེ་ནས་བྱང་ཆུབ་སེམས་དཔའ་དེ་དག་གིས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་སྦྱོར་བ་ཐོབ་ནས་ཆེད་དུ་བརྗོད་པ་འདི་ཆེད་དུ་བརྗོད་དོ། ། ཀྱེ་མ་ཀུན་ཏུ་བཟང་པོ་འདི།། སྐུ་གསུང་ཐུགས་ཀྱི་རྡོ་རྗེ་ཅན།། ཆོས་རྣམས་སྐྱེ་བ་མེད་པ་སྟེ།། གཡོ་བ་མེད་རང་གནས་མེད་པ།། རྟོག་པའི་དྲི་མ་སྤངས་པ་ཡིན། ། བསྐྱེད་པར་བྱ་ཞེས་རབ་ཏུ་གསུངས།། དེ་ནས་བཅོམ་ལྡན་འདས་མི་འཁྲུགས་པ་དེ་བཞིན་གཤེགས་པ་གསུང་སྤྲོས་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པ་ཞུགས་ནས། བྱང་ཆུབ་ཀྱི་སེམས་འདི་གསུང་ངོ་།། དངོས་པོ་འདི་དག་མ་སྐྱེས་ཏེ།། ཆོས་ཅན་མེད་ཅིང་ཆོས་ཉིད་མེད།། ནམ་མཁའ་བཞིན་དུ་དམིགས་མེད་པའི།། བྱང་ཆུབ་སེམས་ནི་བསྟན་པ་ཡིན། ། ཞེས་བཅོམ་ལྡན་འདས་དེ་བཞིན་གཤེགས་པ་རྡོ་རྗེ་མི་འཁྲུགས་པས་གསུངས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་རིན་ཆེན་འབྱུང་གནས་ཀྱིས་བཞིན་གཤེགས་པ་ཐམས་ཅད་དམིགས་སུ་མེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་ཀྱི་སེམས་འདི་གསུང་ངོ་།། དངོས་པོ་འདི་དག་དངོས་མེད་དེ།། ཆོས་ཀྱི་མཚན་ཉིད་སྤངས་པ་ཡིན། ། བདག་མེད་ཆོས་ལས་ལེགས་བྱུང་བའི།། བྱང་ཆུབ་སེམས་ནི་བརྟན་པ་ཡིན།། ཞེས་བཅོམ་ལྡན་འདས་རིན་ཆེན་ཏོག་གིས་གསུངས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་འོད་དཔག་མེད་ཀྱིས་རྡོ་རྗེ་མེ་ལྕེ་འབར་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་ཀྱི་སེམས་འདི་གསུངས་སོ།། དངོས་པོ་སྐྱེ་བ་མེད་པ་སྟེ།། དངོས་པོ་ངོ་བོ་ཡོད་མིན་པས་སནམ་མཁའི་གོ་འཕང་ཐོབ་པོ་ཞེས། ། དངོས་རྣམས་རབ་ཏུ་བརྗོད་པ་ཡིན།། ཞེས་བཅོམ་ལྡན་འདས་འོད་དཔག་མེད་ཀྱིས་གསུངས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་དོན་ཡོད་གྲུབ་ཀྱིས་དེ་བཞིན་གཤེགས་པ་ཐམས་ཅད་ཀྱི་བླ་མའི་ཡང་བླ་མའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། བྱང་ཆུབ་ཀྱི་སེམས་འདི་གསུངས་སོ།། ཆོས་རྣམས་རང་བཞིན་འོད་གསལ་བ། ། གཟོད་ནས་དག་ཅིང་རྙོག་པ་མེད།། སེམས་ཅན་མེད་ཅིང་སྲོག་ཀྱང་མེད།། སངས་རྒྱས་ཉིད་དང་བྱང་ཆུབ་མེད།། རྨི་ལམ་སྒྱུ་མ་ལྟར་སྣང་བའི།། བྱང་ཆུབ་སེམས་ནི་བརྟན་པ་ཡིན།། ཞེས་བཅོམ་ལྡན་འདས་དོན་ཡོད་གྲུབ་ཀྱིས་གསུངས་སོ།། དེ་ནས་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་དེ་བཞིན་གཤེགས་པའི་བྱང་ཆུབ་ཀྱི་སེམས་རྣམ་པར་དག་པ་ཐོབ་ནས་ངོ་མཚར་སྐྱེས་པར་གྱུར་ཏེ་ཚད་དུ་བརྗོད་པ་འདི་ཆེད་དུ་བརྗོད་དེ།། ཀྱེ་མའོ་སངས་རྒྱས་ཀྱེ་མའོ་དག། ཀྱེ་མའོ་ཆོས་ནི་བསྟན་པ་རྣམས། ། བདག་མེད་ཆོས་ལས་ལེགས་བྱུང་བ།། བྱང་ཆུབ་སེམས་ཁྱོད་ཕྱག་འཚལ་ལོ།། བྱང་ཆུབ་སེམས་ཀྱི་སྒོམ་པ་ཡི།། མི་གཡོ་ཡི་གེ་ལས་བྱུང་ཞིང་།། རྨི་ལམ་ལ་སོགས་མ་སྐྱེས་པ།། བྱང་ཆུབ་སེམས་ཁྱོད་ཕྱག་འཚལ་ལོ།། གནས་དང་སྟན་ནི་རྣམ་བསམས་ཏེ།། སེམས་དཔའི་སྐྱིལ་མོ་ཀྲུང་བཅས་ནས།། དང་པོར་རང་བཞིན་དག་གོ་ཞེས།། དག་པའི་ཆོས་ཀྱི་ཚུལ་ལ་གནས།། ཡིད་ཀྱིས་ཧཱུཾ་བྱས་རྡོ་རྗེ་ཅན། ། རྡོ་རྗེ་སེམས་མས་བྱིན་གྱིས་བརླབ།། རིན་ཆེན་ལུས་མྱ་ང་རྒྱལ་བྱ།། ལག་པོ་སྟོང་དེ་བསྐོར་བ་ནི།། ལྕགས་ཀྱུ་ཡིས་ནི་སྤྱན་ཡང་དྲང་།། བྱིན་ནས་དྲང་པོར་ཕྱོགས་བཅིང་སྟེ། དམ་ཚིག་མཆོག་ཀྱང་དབུལ་བར་བྱ། ། གདན་རྣམས་སོ་སོར་ཕུལ་ནས་སུ།། མཆོད་ཡོན་འདུལ་བའི་སྦྱོར་བ་བྱ།། དབང་བསྐུར་མཚོན་ཆ་གོ་ཆ་སོགས།། སིལ་སྙན་མཆོད་སོགས་ངོ་བོ་བྱ།། རྣམ་པ་ཀུན་གྱིས་མཉེས་བྱ་བ། རྣལ་འབྱོར་བདག་ཉིད་ཅན་གྱི་བདག། རྣལ་འབྱོར་རྣམ་གསུམ་ཤེས་བྱ་སྟེ།། བྱིན་གྱིས་བརླབས་དང་ཡོངས་བརྟགས་དང་།། གཟུགས་ཉིད་ཡོངས་སུ་རྫོགས་པ་དག། རྣལ་འབྱོར་ཡིན་ཞེས་སངས་རྒྱས་གསུངས། ། སྔགས་ཀྱིས་བྱིན་བརླབས་ང་རྒྱལ་བསྐྱེད།། རྣལ་འབྱོར་བྱིན་རླབས་ཡིན་པར་གསུངས།། བྱང་ཆུབ་སེམས་ནི་དག་པ་དང་།། གསང་སྔགས་ས་བོན་སྐྱེ་བ་ཆེ།། ཕྱག་རྒྱ་ཚོགས་སུ་བརྟག་པ་ཡི། ། རིམ་གྱིས་གཟུགས་ཀྱི་རྫོགས་བྱ་བ།། དེ་ནི་བརྟགས་པས་བརྗོད་པ་སྟེ།། རྣལ་འབྱོར་ཆོ་ག་ཡིན་པར་གསུངས།། བསྡུ་དང་སྤྲོ་བར་བྱ་བ་ལས།། རྣམ་པའི་མཆོག་ཀུན་ལྡན་པ་དང་།། སྐད་ཅིག་ཡེ་ཤེས་ཀྱིས་རྫོགས་པ། ། རྫོགས་པའི་རྣལ་འབྱོར་ཞེས་བརྗོད་དོ།། དང་པོར་དམ་ཚིག་བྱིན་བརླབས་པར།། རྣལ་འབྱོར་རིག་པ་དག་གིས་བརྟག། རབ་ཏུ་རྫོགས་པར་བྱ་བ་དག། འདི་ནི་རྣལ་འབྱོར་ཆོ་གར་བཤད། ། ཉོན་མོངས་དྲི་མར་བཅས་པའི་སེམས།། བྱང་ཆུབ་སེམས་ཀྱིས་དག་བྱ་སྟེ།། དེ་ནི་རང་བཞིན་དག་པའོ་ཞེས།། བརྗོད་ཅིང་ཐལ་མོ་གསུམ་གྱིས་སྦྱར།། ངག་གྱུར་དེ་ནས་བློ་ཡིས་ནི།། སེམས་ལ་སོ་སོར་བརྟག་པར་བྱ།། སེམས་ལ་སོ་སོར་བརྟགས་ནས་ཀྱང་།། ཕྱི་རོལ་རང་བཞིན་སྟོང་པར་བྱ།། སེམས་ཙམ་ལ་ནི་གནས་ནས་སུ།། བྱང་ཆུབ་ཚོགས་ཀྱི་བག་ཆགས་དེས།། བསྒོམ་པར་བྱ་བའི་ངོ་བོ་དག་ཟླ་བའི་གཟུགས་སུ་རྣམ་པར་བརྟག། དག་པའི་པདྨ་ལ་གནས་པ།། ཨོཾ་གྱི་མྱུ་གུས་བསྐྲུན་པ་ཡི།། ཡན་ལག་ཀུན་གྱི་མཚན་ཉིད་གཟུགས།། རྡོ་རྗེ་སྐུ་ནི་བསྒོམ་པར་བྱ།། ཨཱཿཞེས་བྱ་བའི་སྤྲོས་མེད་གསུང་། སེམས་ནི་ཧཱུཾ་ཞེས་བྱ་བར་སྤྲུལ།། ཡི་གེ་གསུམ་གྱིས་བྱིན་བརླབས་ལུས།། སྙིང་ལ་གནྡྷ་པ་ཟླ་བའི་གཟུགས།། དེ་ལ་རང་གི་ཡི་གེ་ནི།། མདོག་གཟུགས་འོད་ནི་བྱེད་བསམས་ཏེ།། ང་རྒྱལ་བསྐྱེད་ནས་དེ་ལ་ནི། ། རྡོ་རྗེའི་བདག་ཉིད་བདག་ཉིད་བརྗོད།། རྒྱན་ཀུན་ཡོངས་སུ་རྫོགས་པ་དང་།། འོད་ཀྱི་དཀྱིལ་འཁོར་གྱིས་བརྒྱན་པ།། ཆ་ཤས་ཀྱིས་ནི་དྲ་བ་ཅན།། ཡེ་ཤེས་སེམས་དཔའ་རྫོགས་པར་བརྟག། དེ་འོག་ལག་པའི་ཕྱག་རྒྱ་ཡིས། ། གོ་ཆ་མཚོན་ཆ་ལ་སོགས་བྱ།། རྫོགས་སངས་རྒྱས་ལྔ་དབང་བསྐུར་ཏེ།། ཅོད་པན་འཕྲེང་བ་རྣམས་ཀྱིས་ཀླུབས།། དེ་ནས་དེ་འོག་སངས་རྒྱས་ཀྱི།། སྤྲུལ་པ་མཛད་པའི་སྒྱུ་མ་འཕྲོ། ། ཡན་ལག་བཞི་པ་དཔུང་ལྡན་པའི།། ཕྱོགས་བཅུར་ཁྲོ་བོ་བཅུ་དག་དང་།། བསྙེམས་མ་དང་ནི་ཏོག་ལྡན་མ།། མཚོན་ཆ་མ་དང་རྩེད་མོ་ཅན།། སྒྱུ་མའི་ཆ་བྱད་རྣམ་པའོ།། རྣམ་པར་འཕྲུལ་པ་བྱིན་གྱིས་བརླབ། ། ཀུན་ལ་ཁྱབ་པར་བྱེད་པ་ཡི།། སྣ་ཚོགས་དབུས་སུ་གཞག་ནས་ནི།། དེ་ཉིད་ཆེན་པོ་བདག་ཉིད་ལྔས།། ཕྱོགས་བཞི་འཁོར་ལ་ཁྱབ་བྱ་སྟེ།། དགའ་བས་དགའ་བྱེད་བཞི་ཡང་སྤྲོ། ། ཏིང་འཛིན་ཀུན་གྱི་དགའ་བ་ལ།། འོས་པར་བྱེད་པའི་སྔགས་པ་ཡིས།། འཁོར་ལོ་དང་ནི་རྡོ་རྗེའི་གཟུགས།། པདྨའི་གཟུགས་ལ་དེ་དག་ནི།། འཁོར་ལོ་ཀུན་ལ་པདྨ་ཡི།། ངོ་བོ་ཡིས་ནི་རོལ་པ་དང་། ། ཨེ་ཞེས་བྱ་བ་འཕྲོ་བ་ལས།། མདོག་ལྡན་བདག་ཉིད་གཟུགས་སུ་བྱ།། མཛེས་པའི་རྒྱན་རྣམས་ཀུན་ལྡན་པའི།། ཉིད་ཀྱི་གདན་ལ་བཞུགས་པར་ལྟ།། སྒེག་དང་གླུ་དང་གར་རྣམས་དང་། རྒྱལ་མཚན་ལ་སོགས་མཚོན་དགྱེ་དང་།། སིལ་སྙན་མཆོད་པའི་རྣམ་པ་ནི།། སྣ་ཚོགས་རྣམས་ཀྱིས་མཆོད་པ་བྱ།། རྣམ་པ་ཀུན་དང་ལྡན་པར་ནི།། བདག་ཉིད་ཀྱི་ནི་ལུས་བསྒོམས་ནས་མྱུར་ཆེས་བྱ་བ་བུལ་བ་དང་། ། མི་གསལ་གུག་ཀྱང་ཉམས་པ་དང་།། རྟོག་པ་ངན་པ་རྣམ་པར་སྤངས།། དེ་ནས་གསང་སྔགས་བཟླས་བརྗོད་བྱ།། བཟླས་པས་སྐྱོན་ལག་གཡས་ཀྱིས།། བསྒྲིམས་ནས་རྡོ་རྗེ་གསོར་ནས་སུ། ། གཡོན་པས་དྲིལ་བུ་ལ་གསིལ་ཞིང་།། རྡོ་རྗེ་གྲུ་ཚུལ་སྣ་ཚོགས་དང་།། བ་ངན་ཚུལ་དུ་བྱས་པས་མཆོད།། བཟླས་པ་ཡིས་ནི་མཇུག་བརྟུལ་ནས།། གཤེགས་སུ་གསོལ་དང་རང་ཉིད་འགྲུབ། ། ལུས་དང་ངག་དང་སེམས་བསྒོམས་ཏེ།། བརྟན་པོར་ཅི་བདེར་འགྲོ་བར་བྱ།། བར་ཆད་དུ་ནི་གྱུར་ནས་ཀྱང་།། ཡི་གེ་བརྒྱ་པས་བྱིན་གྱིས་བརླབ།། དེ་ལྟར་བསྒོམས་པས་སྒོམ་བྱེད་པ། རྡོ་རྗེ་ཐེག་པས་རབ་རྫོགས་པའི།། བྱང་ཆུབ་དེ་ནི་མྱུར་ཐོབ་ནས།། ཟླ་ཉི་དཀྱིལ་འཁོར་ལྟ་བུར་སྣང་།། སྣ་ཚོགས་ལས་ཀྱི་ཐོབ་འདྲེན་ཅིང་།། རིན་ཆེན་རྒྱལ་མཚན་རབ་དགའ་བྱེད།། རྒྱལ་བྱེད་པདྨའི་གདུང་བརྒྱུད་ཅན། ། གནས་ཚན་འཇིག་རྟེན་དབང་ཕྱུག་འགྱུར།། དཔལ་ལྡན་རིག་སྔགས་ཀུན་གྱི་གཙོ།། དགའ་ཆེན་འདོད་དགུར་ལྕགས་ཀྱུ་འགྱུར།། སྒྱུ་མ་བཞིན་དུ་ཀུན་ཤེས་ཤིང་།། དྲེགས་པ་འཇོམས་བྱེད་ཁྲོ་བོར་འགྱུར།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། བྱང་ཆུབ་ཀྱི་སེམས་སྒོམ་པའི་ཡེ་ཤེས་སྒྲུབ་པའི་ལེའུ་སྟེ་དྲུག་པའོ།། ། སྦྱིན་སྲེག་དེ་ཉིད་ལ་གནས་པའི། ། མེ་ནི་ལྷ་ཡི་ཞལ་ཡིན་པས།། སྣ་ཚོགས་ལས་རྣམས་གྲུབ་བྱེད་པའི།། སྦྱིན་སྲེག་ལས་ནི་རབ་ཏུ་བཤད།། སྦྱིན་སྲེག་ལས་ནི་ལྷ་རྣམས་ཚིམ།། ཚིམ་པར་གྱུར་ན་དངོས་གྲུབ་སྟེར་གསང་སྔགས་ལྷག་ཆད་གང་ཡིན་པ། ། ཐམས་ཅད་སྦྱིན་སྲེག་དག་གིས་བསྐོངས།། དེ་ཕྱིར་སྐུ་གསུང་ཆོས་མཆོག་གིས།། སྦྱིན་སྲེག་རབ་ཏུ་བསྔགས་པར་མཛད།། གཙུབ་ཤིང་ལས་ནི་བྱུང་བའི་མེ། ། དགེ་བ་ཡི་ནི་ལས་རྣམས་བྱེད།། གདོལ་པའམ་དུར་ཁྲོད་བྱུང་བ་ཡི།། མེ་ནི་ལས་རྣམས་རབ་ཏུ་སྒྲུབ།། ཐབ་ཁུང་ཟླུམ་པོ་གྲུ་བཞི་དང་།། ཟླ་གམ་དང་ནི་ཟུར་གསུམ་དང་། དཀྱིལ་འཁོར་གྱི་ནི་ཁ་ཁྱེར་ལ། ། རྡོ་རྗེ་མཚན་མ་དག་གིས་བརྒྱན།། སྦྱིན་སྲེག་དེ་ཉིད་ཚུལ་རིགས་པས།། ཐབ་ཁུང་རྣམས་ཀྱི་དབུས་སུ་ནི།། པདྨའི་སྟེང་གནས་གཙུག་ཏོར་དང་། རྡོ་རྗེ་རིན་ཆེན་པདྨ་གཞག་ཇི་ལྟར་དམིགས་པས་འདུག་ནས་སུ། ། ལག་གཉིས་པུས་མོའི་བར་བཞག་སྟེ།། དགང་གཟར་མར་གྱིས་བཀང་ནས་ནི།། བླུགས་གཟར་བཀང་སྟེ་དེ་བཞིན་སྲེག། སྦྱིན་སྲེག་ལ་དགོས་གཡས་སུ་གཞག་གཡོན་དུ་ཆུ་ཡི་སྣོད་དགང་ངོ་། ། ལས་ཀུན་བྱེད་པས་བཟླས་ནས་སུ།། བསང་གཏོར་དང་ནི་འཐོར་འཐུང་བྱ།། ཀུ་ཤ་རྩེ་མོ་རྣོན་པོ་ཡིས།། ཐབ་ཁུང་ཁོར་ཡུག་བསྐོར་བར་བྱ།། མེ་ནི་འབར་བར་ཤེས་པ་དང་། གཡས་པ་མི་འཇིགས་ཐོབ་སྤྱོད་ཅིང་།། གསང་སྔགས་འདིས་ནི་ཆོ་ག་བཞིན།། མེ་ཡི་ལྷ་ནི་སྤྱན་དྲང་ངོ་།། ཚུར་སྤྱོན་ཚུར་སྤྱོན་འབྱུང་པོ་ཡི།། ལྷ་ཡི་དྲང་སྲོང་བྲམ་ཟེ་མཆོག། སྲེག་བླུགས་ཞལ་ཟས་པཞེས་ནས་ཀྱང་། ། འདི་ཉིད་དུ་ནི་བཞུགས་སུ་གསོལ།། ཨོཾ་ཨགྣ་ཡེ་ཨཱ་དི་བྱཱ་ཨཱ་བི་ཤེ་ཨཱ་བི་ཤེ་མ་ཧཱ་ཤྲི་ཡེ་ཧ་བྱ་ཀ་བྱ་བཱ་ཧཱ་ནཱ་ཡ་སྭཱ་ཧཱ། ཕྱག་གཡོན་རྡོ་རྗེ་བསང་གཏོར་ཏེ།། མཆོད་ཡོན་མཆོད་པ་རྣམ་ལྔ་དབུལ། ། མེ་ཡི་ཕྱོགས་ནས་བོས་པ་ཡིན།། གསུས་པོ་ཆེ་ལ་མིག་གསུམ་པ།། གདོང་བཞི་པ་ལ་ལག་བཞིར་ལྡན།། མདོག་དམར་རལ་པའི་ཐོར་ཙུགས་ཅན།། མེ་ཡི་དཀྱིལ་འཁོར་ལ་གནས་ཤིང་ལས་ཀྱི་འོད་ཟེར་རྣམས་ཀྱིས་བརྒྱན། ། ལག་པ་དང་པོ་མཆོག་སྦྱིན་ལ།། གཉིས་པ་ན་ནི་སྔགས་ནོར་འཕྲེང་།། གཡོན་པ་རིལ་བ་སྤྱི་བླུགས་ཏེ།། གཉིས་པ་ན་ནི་བེ་ཅོན་ཉིད།། མདོག་དམར་རྒྱན་ནི་མེད་པ་ལ། ། དྲང་སྲོང་རྣམས་ཀྱིས་ཡོངས་བསྐོར་བ།། འདི་ལྟའི་གཟུགས་ནི་བསམས་ནས་ཀྱང་།། ཐབ་ཀྱི་དབུས་སུ་བཞུགས་སུ་གསོལ།། དེ་ལ་སྦྱིན་སྲེག་ལ་དགོས་པ།། ཀུན་ལ་ལན་གསུམ་སྲེག་བླུགས་དབུལ། ། དེ་ནས་འཐོར་འཐུང་བྱས་ནས་སུ།། འབར་བའི་རྣམ་པར་བསྒྱུར་བར་བྱ།། རིམ་པ་འདི་ཡི་ཚུལ་གྱིས་ནི།། མཁས་པས་ལྷ་རྣམས་ཚིམ་པར་བྱ།། ལེགས་པར་ཚིམ་བྱས་བཟོད་གསོལ་ཏེ།། འདོད་པའི་དངོས་གྲུབ་གསོལ་བ་གདབ། ། བུམ་པ་རྒྱལ་མཚན་རྡོ་རྗེ་གདུགས།། པདྨའི་ལྕགས་ཀྱུའི་རྣམ་པ་དང་།། མེ་ལྕེ་མདོག་དཀར་སྣང་བ་དང་།། འཁྱིལ་བའི་མཚན་མས་མཁའ་ལས་བརྟག། དེས་ནི་མྱུར་དུ་འབྱུང་འགྱུར་བ། ། བསྒོམ་དང་བཟླས་ལ་འབད་པར་བྱ།། ཞི་དང་རྒྱས་དང་དབང་ལ་ནི།། ཨོཾ་ཞེས་པ་དང་སྭཱ་ཧཱ་མཐར།། དབྱངས་ཀྱི་རྒྱུད་ནི་སྲིང་པ་ནི།། བར་ཆད་མེད་པའི་དབྱངས་ཀྱིས་སྦྱར།། ཞི་བའི་སེམས་ནི་ཞི་བ་ལ་འབྱོར་པས་རྒྱས་པ་མངོན་པར་སྤེལ། ། དྲེགས་བདེ་སྟབས་ཚུལ་བཅས་པ་དང་།། དབང་དུ་གྱུར་པས་དབང་དུ་བྱའོ།། དྲག་ཤུལ་སྤྱོད་ཚུལ་ལ་གནས་པ།། ཧཱུཾ་ཞེས་པ་དང་ཕཊ་དང་བཅས།། ལུས་ནི་མེ་ལྕེ་འབར་བ་དང་། ། འཇིག་རྟེན་གསུམ་པོ་བཟར་བསམས་ནས།། བསྐུལ་བའི་ཚིག་དང་སྤེལ་བ་ཡི།། གསང་སྔགས་ཡི་གེ་ངེས་པར་སྦྱོར།། སྔགས་གྲུབ་ཆོ་ག་ཤེས་པ་ཡིས།། སྦྱིན་སྲེག་ཆོ་ག་ཐམས་ཅད་ལ། ། སྣ་ཚོགས་ལས་དང་ལྡན་པ་ཡི།། ཡང་དག་ཡིན་པར་མཆོད་པར་བྱ།། སྦྱིན་སྲེག་དེ་ཉིད་ལ་བསྐུལ་ཞིང་།། དང་པོ་དགོང་བླུགས་སྲེག་ཅིང་དབུལ།། ཕྱིས་ནི་རིམ་བཞིན་རྣམ་པབཔར་སྤེལ། ། ཞི་དང་རྒྱས་དང་དབང་རྣམས་ལ།། དགེ་བའི་རྫས་རྣམས་སྦྱིན་སྲེག་བྱ།། བཤང་གཅི་ཁྲག་རྐང་རུས་པ་དང་།། ཤ་ཆེན་དག་ཀྱང་སྦྱིན་སྲེག་བྱ།། ཅི་སྟེ་ཡེ་ཤེས་སེམས་དཔའི་ཞལ།། མི་གཙང་བ་ཡིས་བཀང་ན་གོ། ཇི་ལྟར་སྡིག་པ་སྐྱེ་མི་འགྱུར།། གལ་ཏེ་སྡིག་འགྱུར་འབྲས་བུ་གང་།། སེམས་ཅན་མི་ཤེས་པས་རྨོངས་པ།། ཐབས་དང་ཤེས་རབ་རྣམ་སྤངས་ཤིང་།། ཕྱི་རོལ་དངོས་ལ་མངོན་ཞེན་པ།། རྣམ་རྟོག་དྲ་བས་བླུགས་བྱས་གང་། ། དེ་དག་གིས་ནི་དགེ་སྡིག་གི། ཕུང་པོ་གཉིས་སུ་རྣམ་པར་བརྟགས།། ཆོས་འདི་རང་བཞིན་གྱིས་དག་སྟེ།། སྐྱེ་བ་མེད་ཅིང་གནས་མེད་ཀྱང་།། སེམས་ཅན་ཤེས་པ་སྤེལ་བའི་ཕྱིར།། སངས་རྒྱས་རྣམས་ཀྱིས་ཐབས་སུ་བསྟན།། དམ་པའི་དོན་དུ་དགེ་སྤངས་ནས།། བསོད་ནམས་མིན་པ་ཅི་ཞིག་སྨོས།། དཔེར་ན་མི་གང་ཆུ་ཀླུང་གི། ཕ་རོལ་འགྲོ་བའི་སེམས་ཅན་དག། རྩཝ་དང་ཤིང་ལ་སོགས་བསྡུས་ནས། ། ཆུ་ལ་རྒལ་བའི་གཟིངས་བྱས་ཏེ།། དེ་ལ་འཇུག་སྟེ་ལེགས་བརྒལ་ནས། བོར་ཏེ་བདེ་བར་འགྲོ་བ་ལྟར།། དེ་བཞིན་འཁོར་བའི་ཕ་རོལ་གྱི།། ཆོས་ཀྱི་ལམ་གྱི་བསྐྱེད་བྱས་ཀྱང་། ། ཆོས་དང་ཆོས་མིན་རྣམ་སྤངས་ནས།། བྱང་ཆུབ་བདེ་བ་ཐོབ་པ་ནི།། དེ་ཕྱིར་རྣམ་རྟོག་རྣམ་སྤངས་ལ།། ཟབ་མོ་ཡི་ནི་ཆོས་སྤེལ་ཏེ།། དེ་བཞིན་གཤེགས་པས་གསུངས་རྣམས་ལ།། སྔགས་རིག་རྣམ་རྟོག་མ་བྱེད་ཅིག། རྣམ་རྟོག་རྨོངས་པ་ཆེན་པོ་སྟེ།། འཁོར་བའི་རྒྱ་མཚོར་ལྟུང་བྱེད་པས།། ནམ་མཁའ་ལྟ་བུར་དྲི་མེད་པའི།། རྣམ་པར་མི་རྟོག་ཏིང་འཛིན་གནས།། དབང་པོ་གཉིས་ནི་མཉམ་སྦྱར་ཏེ། ། ལུས་དང་ངག་དང་སེམས་བསྡུས་ནས།། ངའོ་སྙམ་པས་གཟི་སྐྱེད་ལུས།། རྣམ་པ་ཀུན་གྱིས་རྣམ་བརྒྱན་ན།། རྣལ་འབྱོར་ལྡན་པས་ཚེ་འདི་ལ།། ཡེ་ཤེས་རྫོགས་པ་ཉིད་དུ་འགྱུར།། ལས་ལས་བྱུང་བར་བསྟན་པ་ཡི། ། སྐྱེས་པ་བུད་མེད་གཟུགས་མངལ།། མཉེས་པ་ཉིད་དུ་མི་བྱ་འདི།། རྡོ་རྗེ་ལུས་ཅན་དམ་ཚིག་ཡིན།། ངན་རྟོག་བཟང་རྟོག་དྲ་བ་ཡི།། སེམས་ཀྱིས་སེམས་ཅན་རྣམས་ལ་ནི།། སྣ་ཚོགས་གདུང་བས་སུན་མི་འབྱུང་། ། རྡོ་རྗེ་དང་ལྡན་དམ་ཚིག་ཡིན།། སྲེད་པས་བསྐྱེད་རྩུབ་ཕྲ་མ་ཡི།། ཚིག་དག་རྣམ་པར་མི་སྨྲ་ཞིང་།། མཉན་ན་བདེ་བ་བྱེད་པ་འདི།། རྡོ་རྗེ་ངག་ཅན་དམ་ཚིག་ཡིན།། རྣམ་པར་སྣང་མཛད་ཆེན་འཁྲུག་མཆོག། ཤ་ཡི་ཁམས་ལ་གནས་པ་ཡིན།། རྐང་ལ་མི་འཁྲུགས་རྒྱས་པ་སྟེ།། ཁྲག་ལ་རིན་ཆེན་འབྱུང་བ་གཙོ།། སེམས་ཅན་རྣམས་ཀྱི་རུས་ཕུང་གི། རུས་གོང་ལ་ནི་འོད་དཔག་མེད།། རྩ་ཡི་ཚོགས་རྣམས་རྣམ་འབྲེལ་ལ། ། ཐུབ་པ་སྐྱེས་མཆོག་དོན་ཡོད་ལ།། དམ་ཚིག་ཤེས་པ་རྣམས་ལ་ནི།། གསང་ཆེན་པ་ཡིས་བསྟན་པ་འདི།། བློ་ལྡན་རྡོ་རྗེ་རྣམས་ཀྱིས་ནི།། རྟག་ཏུ་བསྟེན་ཅིང་བསྒོམ་པར་བྱ།། འདོད་ཆགས་དེ་བཞིན་གཏི་མུག་རྨོངས། ། སྲེད་དང་འདུ་བྱེད་རྣམ་སེལ་བའི།། ཆོས་ནི་རྣམ་པ་ལྔ་པོ་འདི།། ཐུབ་པ་སྐྱེས་མཆོག་རྣམས་ཀྱིས་གསུངས།། བཤང་གཅི་ཁུ་ཆུ་མཆིལ་མ་ཁྲག། འཛག་པ་འབྱུང་བ་བཞིས་བསྡུས་པ། ། སྒོམ་པའི་བློ་གྲོས་རྟོགས་པ་ཡིས།། དམ་ཚིག་བརྟན་པར་བྱ་བ་སྟེ།། རྟག་ཏུ་བཟའ་ཞིང་སྦྱིན་པར་བྱ།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། སྦྱིན་སྲེག་གི་ལེའུ་སྣ་བདུན་པའོ།། ། དེ་ནས་གཞན་ཡང་བཤད་བྱ་བ།། འགྲོ་བ་མི་ཤེས་མུན་བསལ་ཕྱིར།། ཡེ་ཤེས་ཉི་མ་ཤར་བ་ལས།། བཀག་པུ་མུན་པ་བསལ་ཚུལ་གསུངས།། གཤིན་རྗེ་གཤེད་ལ་སོགས་པ་ཡི། ། མདོག་དང་ཕྱག་མཚན་ལ་སོགས་པ།། དེ་ཀུན་མངོན་དུ་རྒྱས་པ་རུ།། བྱེ་བྲག་གིས་ནི་རྒྱས་པར་བསྟན།། དེ་ནི་ལས་ཀྱི་ཁྱད་པར་གྱི།། དབང་དུ་བྱས་པ་ཁྲོ་བོ་ཚོགས།། གཞན་དུ་མ་གསུངས་གང་ཡིན་པས་དེ་དག་འདི་རུ་བཤད་པར་བྱ། ། བྲུཾ་གྱི་ཡེ་ཤེས་ལས་བྱུང་བ།། གཙུག་ཏོར་གཟི་བརྗིད་ཕུང་པོ་སྟེ།། ཞལ་གསུམ་སེར་པོ་མདངས་དང་ལྡན།། ཕྱག་དྲུག་ཉི་མ་ལ་སོགས་པ།། འཛིན་ཅིང་སྐྱིལ་མོ་ཀྲུང་བཅས་པ། ། རལ་པའི་གཙུག་ཏོར་གྱིས་བརྒྱན་ཅིང་།། འཇིག་རྟེན་ཁམས་ཀུན་འཁྲུག་བྱེད་པའི།། གཟུགས་ཀྱི་སྤྲོས་པས་ནམ་མཁའི་གར།། རིག་མས་སྐུ་ལ་རབ་འཁྱུད་པས།། ཆགས་ཕྱིར་སྤྲོ་བའི་རྩོལ་བ་ཅན། ། འདི་འདྲ་སྒོམ་པར་བྱེད་པ་ལ།། བགེགས་ཀྱིས་གནོད་པ་ཡོད་དགོས།། སྐྱོན་མེད་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ཡང་ནི་བྲུཾ་གྱི་ཡེ་ཤེས་ལས།། བྱུང་བ་སྔགས་ཀྱི་འཁོར་ལོ་ཅན།། ཞལ་གསུམ་གསར་འདྲ་མདངས་པོ་ཆེ།། ཕྱག་དྲུག་འཁོར་ལོ་ལ་སོགས་པ།། རལ་པའི་གཙུག་ཏོར་གྱིས་བརྒྱན་པ།། འཛིན་ཅིང་སྟག་གིས་སྨད་གཡོགས་ཏེ། ཐོད་པའི་འཕྲེང་བས་སྐུ་ལ་བརྒྱན།། རིག་མ་དང་ལྡན་ཆགས་པ་པོ།། འཇོ་སྒེག་ཉམས་ཀྱི་སྦྱོར་བ་མཛད།། འདི་སྒོམ་སྤྲོ་བར་བྱེད་པ་ལ།། ཉིན་དང་མཚན་དུ་རྡོ་རྗེ་སེམས།། འཁོར་བཅས་གནས་སུ་བྱོན་ནས་སུ། ། རྟག་ཏུ་སྲུང་བ་ཉིད་དུ་བྱེད།། བཀའ་བཞིན་བྱེད་པས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། དེ་བཞིན་བྲུཾ་གྱི་ཡེ་ཤེས་ལས།། བྱུང་བའི་ཁྲོ་བོ་གཙུག་ཏོར་རྒྱལ།། ཞལ་གསུམ་སེར་པོ་མདངས་དང་ལྡན། ། ཕྱག་དྲུག་ལྕགས་ཀྱུ་ལ་སོགས་པ།། འཛིན་ཅིང་སྦྲུལ་གྱིས་ཡང་དག་བརྒྱན།། འོག་ཏུ་བགེགས་ཀྱི་གཙོ་མནན་ནས།། གད་མོའི་སྒྲས་ནི་འདེབས་པར་བྱེད།། རལ་པའི་གཙུག་ཏོར་གྱིས་བརྒྱན་པ། ། ཁྲོ་བོ་འདི་འདྲ་སྒོམ་བྱེད་པའི།། རྣལ་འབྱོར་གང་ལ་སངས་རྒྱས་ཀྱི།། སྤྲུལ་པའི་བགེགས་ཀྱང་རླག་བྱེད་ན།། གཞན་མ་རྣམས་ནི་སྨོས་ཅི་དགོས།། སྙིང་འགུགས་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། ། བྲུཾ་ལས་ཡང་ནི་བྱུང་བ་ཡི།། གཙུག་ཏོར་དམ་ཚིག་སྤྱོད་པ་ཅན།། ཞལ་གསུམ་གསེར་ཞུན་མདངས་ལྡན་པ།། ཕྱག་དྲུག་ཀ་པཱ་ལ་སོགས་པ།། འཛིན་ཅིང་སྣ་ཚོགས་རབ་ཏུ་འབར།། རལ་པའི་གཙུག་ཏོར་གྱིས་བརྒྱན་པ།། ཞབས་རྣམས་བསྒྱུར་ཞིང་རྣམ་པར་འཕེན།། སྤྲོ་དང་བསྡུ་བའི་བློ་གྲོས་ཅན།། འདི་འདྲ་གང་ཞིག་སྒོམ་པ་ལ།། བི་ན་ཡ་ཀ་ལ་སོགས་པའི།། བགེགས་ཀྱིས་སྐབས་ནི་མི་རྙེད་ཕྱིར། ། ཇི་བཞིན་རབ་ཏུ་བསྒོམ་པར་བྱ།། གཞན་གྱིས་མི་ཐུབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། བྲུཾ་གྱི་ཡི་གེ་ལས་ཀྱང་བྱུང་།། མིང་གི་གཙུག་ཏོར་རྣམ་པར་མཐོང་།། ཞལ་གསུམ་གསེར་ནི་བཙོམ་འདྲ། ། ཕྱག་དྲུག་ཏྲི་ཤཱུ་ལ་སོགས་པ།། འཛིན་ཅིང་སྲོག་སོང་སྟེང་ན་གནས།། རོལ་པའི་སྟབས་ཀྱིས་བགེགས་མཆུ་བཅིངས།། རལ་པའི་གཙུག་ཏོར་གྱིས་བརྒྱན་པ།། སངས་རྒྱས་སྤྲིན་ནི་སྤྲོ་བའོ། ། གང་ཞིག་དེ་འདྲ་སྒོམ་བྱེད་པའི།། རྣལ་འབྱོར་དེ་ཡིས་གོ་ཆ་བགོས།། སྲ་བའི་ངང་ཚུལ་ཅན་ཡིན་པས།། བགེགས་ལུས་གང་གིས་མི་གཡོའོ།། བགེགས་ལས་རྒྱལ་བའི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། ། བྲུཾ་གྱི་ཡེ་ཤེས་མཐུ་ལས་བྱུང་།། གཙུག་ཏོར་རྣམ་པར་འཇོམས་པའི་མཆོག། ཞལ་གསུམ་གསེར་འདྲའི་ཉི་འོད་མཚུངས།། ཕྱག་དྲུག་རྡོ་རྗེ་ལ་སོགས་པ།། འཛིན་ཅིང་ཚེམས་ཀྱིས་སྒྲོས་མནན་ཏེ། ། ཆགས་ལྡན་རིག་མས་འཁྱུད་པའོ།། རལ་པའི་གཙུག་ཏོར་གྱིས་བརྒྱན་པ།། ཁྲག་ཅན་ལྗགས་ཀྱང་འདྲིལ་བ་སྟེ།། བླ་མེད་བྱང་ཆུབ་ཐོབ་འདོད་པ།། འདི་འདྲ་སྒོམ་པར་བྱེད་པ་ལ། ། བསྐལ་པ་བརྒྱད་བཅུའི་བར་དུ་ཡང་།། བགེགས་ཀྱིས་གནོད་པ་ཡོང་མི་འོང་།། བགེགས་ཀྱི་སྟོང་པ་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། ཡང་ནི་བྲུཾ་གྱི་ཡེ་ཤེས་ལས།། ཡང་དག་བྱུང་བའི་སྐབས་དཀར་པོ། ། ཞལ་གསུམ་གསེར་ཞུན་ལྟ་བུར་གནས།། ཕྱག་དྲུག་གདུགས་ལ་སོགས་འཛིན་ཅིང་།། སྐྱབས་མེད་འཕོངས་པའི་སྐྱབས་མཛད་ཅིང་།། མ་ནིང་རྣམས་དང་ཟ་མ་ལ། ། བུ་ནི་སྦྱིན་པར་བྱེད་པ་པོ།། རལ་པའི་གཙུག་ཏོར་གྱིས་བརྒྱན་པ།། རིམ་མ་དང་ལྡན་སྐུ་ཆེན་འདི།། རྣལ་འབྱོར་གང་གིས་སྒོམ་བྱེད་ཅིང་།། བཟླས་པ་རྩེ་གཅིག་ཏུ་བྱེད་ན།། བགེགས་ཀྱི་གནོད་པས་དེ་མི་བརྗི། ། རིམ་ཆེན་གྱི་སྐབས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ།། རྣལ་འབྱོར་ཁྱད་པར་ཅན་གྱིས་ནི།། འདི་རྣམས་བྱང་ཆུབ་ཐོབ་པའི་ཕྱིར།། འཁོར་ལོ་གཙོ་བོར་རབ་བསྒོམས་ན།། 8་གི་བགེགས་ཀྱིས་ཡོང་མི་ཚུགས། ། བྱང་ཆུབ་སྙིང་པོ་དོན་གཉེར་བས།། འདི་འདྲའི་འཁོར་ལོ་ཅན་བསྒོམས་ན།། བསྒྲིམས་ནས་རྣལ་འབྱོར་བསྒོམས་པ་ཡིས།། རིང་པོ་མི་ཐོགས་འདོད་པ་འཐོབ།། དཔལ་རྡོ་རྗེ་སྙིང་པོ་རྒྱན་གྱིས་རྒྱུད་ལས། བྱང་ཆུབ་ཀྱི་སྙིང་པོའི་རྒྱན་གཙུག་ཏོར་འབྱུང་བའི་ལེའུ་སྟེ་བརྒྱུད་པའོ།། ། དེ་ནས་ཡང་རྡོ་རྗེ་མཁའ་འགྲོ་མ་ཐམས་ཅད་འདུས་ནས། དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པ་ལ་ཕྱག་འཚལ་ནས་འདི་སྐད་ཅེས་གསོལ་ཏོ།། འདི་ཡི་དཔལ་ནི་གང་ཞིག་ལགས།། རྡོ་རྗེ་དང་ནི་སྙིང་པོ་དང་།། དེ་བཞིན་རྒྱན་གྱི་དོན་ནི་ཅི། ། ཀྱེ་ཧེ་མཆོག་དེ་བསྟན་དུ་གསོལ།། དེ་ནས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་རྡོ་རྗེ་འཛིན་པས། དེ་དག་ལ་འདི་སྐད་ཅེས་བཀའ་སྩལ་ཏོ།། འདི་ནི་ཐུན་མོང་མ་ཡིན། པའི་གསང་བའི་རྒྱུད་དུ་རབ་སྦས་པ།། ཇི་བཞིན་གནས་པའི་དེ་ཁོ་ན།། ཡང་དག་བསྟན་གྱིས་རྩེ་གཅིག་ཉོན།། ལུས་ངག་ཡིད་གསུམ་བདེ་དམ་པས།། ལྷ་མོ་ལས་ནི་བསྐྱེད་བྱ་སྟེ།། བྱང་ཆུབ་ཆེན་པོ་བདེ་བ་ཡིས། ། ཚུལ་བཞིན་དུ་ནི་སྔགས་པས་བྱ།། བསྐུལ་བའི་སྙིང་པོས་འདི་སྨྲ་སྟེ།། ཛཿཞེས་སྐད་ཅིག་སྐད་ཅིག་ཏུ།། རང་གི་གནས་ན་གནས་པ་ཡིས།། དེ་ཉིད་ལྷ་ཉིད་བསྐྱེད་པར་བྱ།། བཅུ་དྲུག་ཆ་དང་ཡང་དག་ལྡན།། ཟླ་བ་གསང་བའི་ཐིག་ལེ་ལ།། མེ་ཏོག་དང་ནི་འདྲ་བ་ཉིད།། རླུང་གིས་ཕུལ་བས་བསྐྱེད་པར་བྱ།། དེ་བཞིན་བསྐྱོད་པས་བསྒྲུབ་པར་བྱ།། དེ་བཞིན་དུ་ཡང་བསྐལ་བྱ། བས་རྒྱུད་ཀྱི་འཕྲེང་ནི་འོད་གསལ་བཞིན།། སྟེང་དང་མདུན་དུ་རྩ་གཉིས་ལས།། བཅུ་དྲུག་གནས་སུ་ཡང་དག་གནས།། དེ་ལས་སྙིང་དབུས་རབ་ཞུགས་ཏེ།། རླུང་གི་སྦྱོར་བས་ཕུལ་བྱས་པས།། སྟེང་དང་མདོག་རབ་མཛེས་རྫོགས་སྐུ། ། བདག་གི་དཔལ་དུ་ཤེས་པར་བྱ།། དེ་ལས་བྱུང་བའི་དངོས་གྲུབ་ཆེ།། ནོར་བུ་ལ་གནས་རྟོག་བྲལ་བ།། ཐིག་ལེ་ཡིག་མེད་བསྡུས་པའི་སྐུ།། ལྷན་ཅིག་སྐྱེས་པར་ཤེས་པར་བྱ། ། དེ་ལ་དེ་ཡི་གཟུགས་ཀྱི་སྐུ།། ནམ་མཁའི་ཁམས་ཀུན་གང་བ་ཡི།། བྲལ་བའི་ཤེས་པས་དོན་བྱེད་པ།། གཞན་གྱི་དཔལ་དུ་ཤེས་པར་བྱ།། དེ་རྣམས་རྒྱུ་ལས་བྱུང་བ་ཡི།། ཡེ་ཤེས་ཤེས་རབ་ཤིན་ཏུ་གསང་། ། གསང་བ་རྣམ་པར་འགྲུབ་པ་ཡི།། རྡོ་རྗེ་སྙིང་པོའི་རྒྱན་ཅེས་བྱ།། ལྷ་མོ་ལས་བྱུང་བདེ་དང་ལྡན།། འཇའ་ཚོན་ལྟར་གསལ་རྒྱུད་དག་པ།། སྣང་བའི་སྐུ་དེ་མི་ཤིགས་པ།། རྡོ་རྗེ་ང་ཡིས་ཡང་ངག་བསྒྲགས། ། སྣང་ཞིང་སྲིད་པའི་ཆོས་རྣམས་ཀུན།། བསྡུས་ཕྱིར་བསགས་པའི་སྐུ་དམ་པ།། རྟོག་བྲལ་རྒྱུད་དུ་སིམ་གནས་པ།། འབྱུང་ཕྱིར་སྙིང་པོ་ཞེས་སུ་བསྒྲགས། དག་དང་མ་དག་ཐམས་ཅད་ལ།། འཁོར་བ་ཇི་སྲིད་པར་སྣང་བ།། གཉིས་ཀ་མཛེས་པར་བྱེད་པས་ན།། རྒྱུན་དུ་ཡང་དག་བསྒྲགས་པ་ཡིན།། དཔལ་དང་རྡོ་རྗེ་སྙིང་པོ་དང་།། རྒྱན་ཅེས་བྱ་བ་བཞི་པོ་ནི།། འབྲེལ་ཅིང་གྲུབ་པར་བྱེད་པའི་ཕྱིར། ། རྒྱུད་ཅེས་བྱ་བར་བཤད་པའོ།། ཆོས་ཀྱི་ཕུང་པོ་བརྒྱད་ཁྲི་དང་།། བཞི་སྟོང་གི་ནི་གྲངས་སྙེད་ཀྱི།། མཚན་གྱི་དོན་ནི་འདི་དོན་དུ།། ཡང་དག་འདུས་པར་ངས་བཤད་དོ།། གཞན་དུ་དོན་ནི་མ་བསྒྲགས་པ།། བླ་མ་ལ་ནི་གུས་པ་ཡི།། སློབ་མ་ལ་ནི་མ་རྟོགས་པའི།། རྒྱུད་གཞན་དག་ཏུ་སྦས་པའོ།། དོན་འདི་ཡང་དག་མ་ཤེས་ན།། ཇི་སྙེད་དོན་ནི་བསམ་ཡས་པ། ཤེས་ཀྱང་དེ་ཡི་འབྲས་བུ་མེད། ། དེ་འདོད་མཉེས་བྱས་ཡང་དག་བླང་།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། ཡེ་ཤེས་གསུམ་གྱི་མཚན་འབྱུང་བ་ཞེས་བྱ་བའི་ལེའུ་སྟེ་དགུ་པའོ།། །། རྟག་པར་མི་ཕྱོགས་སྨྲ་བ་དང་། ། བླ་མ་སྨོད་བྱེད་བརྩོན་པ་ལ།། དམ་ཚིག་ཕྱིར་ནི་ཡོངས་བསྒྲལ་བྱ།། དེ་ཡི་ཤ་ཁྲག་ཀླད་པ་རྣམས།། དྲངས་ཏེ་ཚོགས་ཀྱི་སྟོན་མོ་བྱ།། དེ་ལྟར་མ་བྱས་སྡུག་བསྔལ་ཚོགས།། གཏི་མུག་ཅན་དེས་ཐོབ་པར་འགྱུར། ། ནད་ཐམས་ཅད་དང་ཁྲོས་ཆེན་དང་།། འཇིགས་དང་ཉེ་བར་འཚེ་བ་ཡི།། བསྐལ་པ་གྲངས་མེད་བྱེ་བ་རུ།། སྡུག་བསྔལ་ཆེན་པོ་རབ་རྙེད་ཅིང་།། འི་དོད་འབོད་པས་སྦྲུལ་གྱིས་བརྒྱན།། བསྟིར་མེད་ཆེན་པོར་རྟག་པར་འགྲོ།། དེ་བས་ལས་འདིས་རྒྱས་གདབ་བོ།། བདག་ཉིད་རྡོ་རྗེ་མཁའ་འགྲོ་ཡི།། ཁྲོ་བོ་གཟུགས་ཅན་ཉིད་གྱུར་ནས།། ཨུཏྤལ་མཐིང་ཁ་འདྲ་བ་ཡི།། ཞལ་གསུམ་པ་ལ་ཕྱག་དྲུག་པ། ། རྡོ་རྗེ་ཏྲི་ཤཱུ་ལ་ཕུར་བུ་དང་།། ཐོད་པ་གྲི་གུག་འཁོར་ལོ་འཛིན།། མི་སྡུག་ཁྲོས་པ་ལྕེ་ལྔ་པ།། བསམས་ནས་དེ་འོག་ནམ་མཁའ་ལ།། བསྒྲུབ་བྱ་རྒྱས་པར་དམིགས་ནས་སུ།། རྡོ་རྗེ་ཕུར་པ་ལ་སོགས་པ། ། སེམས་ཅན་དཀྱིལ་འཁོར་གནས་པ་ལ།། སྒྲུབ་པོས་དེ་ཡི་ཉེས་པ་བསྒོ།། དེ་ནས་ཕྱག་མཚན་ཏྲི་ཤཱུ་ལ་དང་།། ཕུར་བུ་དྲག་པོ་མཆོག་དག་གིས།། མགོ་དང་སྙིང་ཁ་ལྟེ་བ་དང་།། རྐང་པ་གཉིས་དང་ལག་པ་ཡི། ། གནས་ལྔ་རབ་ཏུ་ཕུག་བྱ་སྟེ།། རྩེ་ལྔའི་འོད་ཟེར་ལྔ་པོ་ཡིས།། སྲིན་བུ་འཛའ་ལུ་ཀ་བཞིན་དུ།། ཁྲག་ཀུན་སྔགས་ཀྱིས་དྲངས་ནས་སུ།། ཐོད་པར་ཕབ་ནས་བཏུང་བར་བྱ།། དེ་བཞིན་ཤ་རྣམས་ཡང་བསྡུས་ནས།། བཟའ་བ་རུ་ནི་རབ་ཏུ་བརྟག། རུས་པ་རྣམས་ཀྱང་འཆོས་བྱས་ནས།། ཤེས་པ་རྡོ་རྗེ་པདྨར་སྦྱར།། འདི་ནི་དོན་གྲུབ་རབ་བྱེད་པས།། ཟླ་བ་ཕྱེད་ནི་ཚུན་ཆད་ཀྱིས།། རྡོ་རྗེ་འཛིན་པ་ཆེན་པོ་ཡང་།། འཆི་བར་འགྱུར་བར་གདོན་མི་ཟ།། རྡོ་རྗེ་གསང་བ་འདི་ལྟ་བུ།། བསྒྲུབ་བྱ་ལེགས་པར་བསྒྲུབ་བྱས་ནས།། ལས་ངན་བདག་གིས་དེ་མི་འཁོར།། སངས་རྒྱས་སུ་ནི་སྐྱེ་བ་འགྱུར། ། རྣལ་འབྱོར་དེ་ཡང་དེ་ཡི་མཐུས།། ཁྲོ་བོ་མཁའ་འགྲོ་ཞེས་འགྱུར་ཏེ།། ཁམས་གསུམ་གསང་དང་གསོ་བ་དང་།། སེམས་ཀྱི་རྡོ་རྗེ་བརྟན་བྱས་ནས།། སྐད་ཅིག་ཙམ་དུ་བྱེད་པར་འགྱུར། གསལ་བར་ནུས་པ་གདོན་མི་ཟ།། དཔལ་རྡོ་རྗེ་སྙིང་པོ་རྒྱུན་གྱི་རྒྱུད་ལས། རྡོ་རྗེ་མཁའ་འགྲོ་ཁྲོ་བོའི་སྦྱོར་བས་དགྲ་གསད་པའི་ལེའུ་སྟེ་བཅུ་པའོ།། དེ་ནས་གཞན་ཡང་བཤད་བྱ་བ། ། འདོད་ཆགས་ཐབས་ཆེན་པོ་ཡི་རྒྱུད།། གང་གིས་ལེགས་པར་ཤེས་ན་ནི།། ཚེ་འདི་དངོས་གྲུབ་སྦྱིན་པར་བཤད།། གསང་བ་འདུས་པ་སྟོང་ཕྲག་གཅིག། རྡོ་རྗེ་འཕྲེང་བ་འབུམ་ཕྲག་གསུམ། ། དགོངས་པ་ལུང་སྟོན་སྟོང་ཕྲག་བཞི།། ལྷ་མོ་བཞིས་ལུས་བརྒྱ་བདུན་ཅུ།། ཨུ་དར་ཏན་ཏྲ་ཉིས་བརྒྱ་བརྒྱད།། དེ་ཡི་ཉེ་བར་བཤད་པའི་རྒྱུད།། དམ་ཚིག་ཆེན་པོ་ལྔ་བཅུ་ལྔ།། རྡོ་རྗེ་ལྔ་འདུས་སྟོང་ཕྲག་གཅིག། ཀུན་ལས་བཏུས་པ་འབུམ་ཕྲག་གཅིག། མཉམ་ཉིད་རྣམ་རྒྱ་མི་ཉིས་བརྒྱ་བཅུ།། ཟླ་གསང་ཐིག་ལེ་སྟོང་བདུན་བརྒྱ།། རྡོ་རྗེས་འོག་བརྒྱ་ཉི་ཤུ།། ཅོད་པན་རྡོ་རྗེ་བདུར་བརྒྱ་ལྔ།། ཁྲོ་བ། ཐིག་ལེ་འབུམ་ཕྲག་ལྔ།། རྡོ་རྗེ་རྣམ་རྒྱལ་བརྒྱ་དགུ་བརྒྱ།། མཉམ་ཉིད་གསང་བ་སྟོང་ཕྲག་ལྔ།། རྡོ་རྗེ་གསང་རྒྱུན་སྟོང་ཕྲག་ལྔ།། རྡོ་རྗེ་གསང་མཛོད་སྟོང་ཕྲག་བདུན།། ནོར་བུ་གསང་ཐིག་འབུམ་ཕྲག་གཅིས་སྣང་མཛད་སྒྱུ་འཕྲུལ་སྟོང་དང་བརྒྱ། ། རྡོ་རྗེས་དབརྒྱན་སྟོང་ཕྲག་གཅིག། རྡོ་རྗེ་ཐོད་པཉིས་བརྒྱ་བརྒྱ།། དེ་ཉིད་བརྒྱ་སྟོང་བརྒྱ་སྟོང་བདུན།། དམ་ཚིག་མངོན་ཅན་སྟོང་ཕྲག་འབུམ།། འཇམ་དཔལ་བོའི་འབུམ་ཕྲག་གཅིག། གསང་ཆེན་བསྡུས་པ་བརྒྱ་ལྔ་བཅུ།། རིན་ཆེན་སྡོང་པོ་དགུ་བརྒྱ་བདུན།། དུས་ཀྱི་ཐིག་ལེ་བརྒྱ་བརྒྱད་ཅུ།། ལྷ་མོ་བསྟན་ཆོས་ལྔ་བརྒྱ་བདུན།། འདི་རྣམས་དགོས་པའི་བྱེ་བྲག་གིས་ང་ཡིས་ཡང་དག་བསྟན་པར་བྱ། ། འདི་ནི་གཉིས་པོ་འཁྱུད་པ་ཡི།། རྒྱུད་ཀྱི་དབྱེ་བ་བསྟན་པའོ།། དེ་བཞིན་དུ་ནི་ལག་བཅངས་དང་།། དགོད་དང་བལྟ་བས་ཤེས་པར་བྱ།། དེ་བཞིན་ཞེ་སྡང་གཏི་མུག་གི། རྒྱུད་རྣམས་ཀུན་ཀྱང་ཤེས་པར་བྱ།། མཁའ་འགྲོ་མ་ཡི་རྒྱུད་ཀུན་ཡང་།། འདི་ཡི་རིམ་པས་ཤེས་པར་བྱ།། ཕྱི་ནང་དབྱེ་བ་ཤེས་པ་ཡིས།། རྒྱུད་ཀྱི་དབྱེ་བ་ཤེས་པར་བྱ།། ནང་དུ་བསྟན་པ་བླ་མའི་ལས།། ། ཡང་དག་བླངས་ཏེ་བསྒྲུབ་པར་བྱ།། ཇི་བཞིན་གནས་པ་ལ་དགོངས་ཏེ།། བདེ་བར་གཤེགས་པས་རྒྱུད་ཀུན་བསྟན།། རྡོ་རྗེ་སྙིང་པོ་རྒྱན་གྱི་རྒྱུད།། མཁའ་འགྲོ་མ་དང་མཁའ་འགྲོ་བ།། རྒྱུད་རྣམས་ཀུན་གྱི་ཕྱི་མོ་སྟེ། ། གཞན་དུ་མ་བསྒྲགས་དོན་གང་ཞིག། འདི་རུ་ཡང་དག་བསྟན་པ་སྟེ།། རྣལ་འབྱོར་གང་ཞིག་ལེན་པ་འམ།། སྒོམ་པར་བྱེད་དམ་འཆད་པ་འམ།། ཀློག་པར་བྱེད་པ་རྣལ་འབྱོར་ཆེ།། དེ་ཡང་ང་དང་འདྲ་བར་འགྱུར། ། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ཐམས་ཅད་ཀྱི་དབྱེ་བའི་ལེའུ་སྟེ་བཅུ་གཅིག་པའོ།། །། དེ་ནས་གཞན་ཡང་བཤད་བྱ་བ།། སྣ་ཚོགས་མདོ་དང་རྒྱུད་རྣམས་ཀྱི། ། སྡོམ་པ་ཡང་དག་ཤེས་འགྱུར་ན།། མཁའ་འགྲོ་ཆེན་པོར་འགྱུར་བར་བཤད།། གང་གིས་ཉན་ཐོས་རབ་འབྱིན་པ།། སྤོང་བ་ལྟུང་བའི་བྱེ་བྲག་བཤད།། བསླབ་པ་དང་ནི་རྫས་གྲགས་ཀྱིས། ། འདི་རུ་ཤེས་ཀྱང་ཡོངས་རྫོགས་བྱེད།། ཚུལ་ཁྲིམས་ཀྱི་ནི་བསླབ་པ་གསུམ།། དགེ་པའི་ཆོས་ནི་སྡད་པ་དང་།། སྡོམ་པ་ཉི་ཤུ་ལ་སོགས་དང་།། སེམས་ཅན་དོན་བྱེད་པའི་ཚུལ་ཁྲིམས། ། བྱང་ཆུབ་སེམས་དཔའ་རབ་འབྱིན་པ།། ལུས་ངག་ཡིད་གསུམ་རབ་བྱུང་བའི།། སྡོམ་པ་དེས་ཀྱང་མཁའ་འགྲོ་ཡི།། རྒྱུད་རྣམས་ཡང་དག་སྦྱོར་བར་བྱེད།། ཟླ་བ་སྙམ་དང་གཙང་སྦྲ་བསྡམ། ། གྲོང་དང་གནག་ལྷས་ཐང་ལ་ཡང་།། ངག་ལུས་ཡིད་ཀྱིས་སེམས་ཅན་ལ།། གནོད་པ་དག་ནི་ཡོང་མི་བྱེད།། དེ་བཞིན་གཤེགས་པའི་སྡོམ་པ་མཆོག། བླ་ན་མེད་པའི་བྱང་ཆུབ་སེམས། ། འགྲོ་བའི་དོན་བྱེད་བྱང་ཆུབ་སེམས།། བདེ་གཤེགས་ཐོབ་ཕྱིར་རབ་ཏུ་གཟུང་།། རྡོ་རྗེ་མི་བསྐྱོད་རིགས་ཆེན་པོ།། རྡོ་རྗེ་དང་ནི་དྲིལ་བུ་དང་།། སློབ་དཔོན་ཡང་ནི་བཟུང་བྱས་པས།། དེ་ཡི་ཡོན་ཏན་ཐོབ་པར་བྱེད། ། རིན་ཆེན་ཏོག་གི་རིགས་མཐོན་པོ།། ཉིན་མོ་མཚན་མོ་ལན་གསུམ་དུ།། ཟང་ཟིང་མི་འཇིགས་ཆོས་དང་དབང་།། བྱིན་པས་དེ་ཡི་ཡོན་ཏན་འཐོབ།། པདྨོ་སྣང་བའི་རིགས་དག་ལཕྱི་དང་ནང་དང་གསང་བ་ཡི། ། དམ་ཚིག་རབ་ཏུ་གཟུང་བ་ཡིས།། བླ་མེད་བྱང་ཆུབ་ཐོབ་པར་བྱེད།། རྔ་སྒྲ་ལས་ཀྱི་རིགས་མང་པོ།། དམ་ཚིག་དང་ནི་སྡོམ་པར་ལྡན།། བསྙེན་བཀུར་མཆོད་པ་སེམས་ཅན་དོན། ། བྱས་པ་དེ་ཡིས་ཡོན་ཏན་ཐོབ།། སྲོག་མི་གཅོད་ཅིང་གཡེམ་མི་བྱ།། མ་བྱིན་མི་བླང་བརྫུན་མི་སྨྲ།། ཕྲ་མ་འཁྱལ་པའི་ཚིག་རྩུབ་མོས།། སྨྲ་བར་མི་བྱ་བ་རྣབ་སེམས་དང་།། གནོད་སེམས་ལོག་པར་ལྟ་བ་རྣམས། ། ནམ་ཡང་བྱ་བ་མ་ཡིན་ནོ།། དཀོན་མཆོག་གསུམ་ནི་ཡོང་མི་སྤང་།། ལྷ་དང་བླ་མ་དེ་བཞིན་ནོ།། ཉེས་པ་ཀུན་གྱི་རྩ་བའི་ཕྱིར།། ཆང་ཡང་རྣམ་པར་སྤང་བར་བྱ།། ཕྱག་རྒྱ་བཞོན་པ་མཚོན་ཆ་སོགས།། མཚན་མ་འམ་ནི་ལྷ་ཡི་གྲིབ།། འགོམ་དང་བཟའ་བར་མི་བྱ་བ།། དེ་ལ་སོགས་པ་མཐའ་ཡས་པའི།། སྡོམ་པ་གང་དེ་གསུངས་པ་རྣམས།། འདི་རུ་དང་པོའི་ལས་ཅན་ལ། ། དེ་ཡིས་ཡང་དག་འཇུག་པར་བྱེད།། ཐུན་མོང་མ་ཡིན་པས་ཕམ་པ།། བཅུ་བཞིར་གྲགས་པ་གང་འདི་ནི།། སྔགས་པས་དོན་ཀུན་འགྲུབ་བྱེད་པས།། སྤང་ཞིང་དོར་བར་མི་བྱའོ། ། སློབ་དཔོན་སྙིང་ནས་སྨོད་པ་དང་།། བད་གཤེགས་བཀའ་ལས་འདའ་བྱེད་དང་།། ཞེ་སྡང་གིས་ནི་མཆེད་སུན་འབྱིན།། བྱམས་སེམས་མེད་པར་སེམས་ཅན་སྤངས།། བྱང་ཆུབ་སེམས་ཆེན་འདོར་བ་དང་། ། བདག་གཞན་གྲུབ་པའི་མཐའ་སྨོད་བྱེད།། སྣོད་མི་རུང་ལ་གསང་བ་བསྟན།། རྒྱལ་བའི་བདག་ཉིད་ཕུང་པོ་སྨོད།། དག་པའི་ཆོས་ལ་སོམ་འི་བྱེད།། གསུམ་ལྡན་ཁྲོ་ལ་བྱམས་ལྡན་ཏེ། ། སྟོང་པ་ཐལ་བྱུང་ལ་རྟོག་པ།། དད་ལྡན་སེམས་ནི་སུན་འབྱིན་བྱེད།། དམ་ཚིག་དང་ལྡན་གཙོ་མི་བྱེད།། ཤེས་ལྡན་བུད་མེད་སྨོད་པར་བྱེད།། སྔགས་པས་དེ་དག་ཡོངས་སྤངས་ན།། ངེས་པར་དངོས་གྲུབ་ཐོབ་པར་བྱེད། ། དེ་ལ་སྔགས་པ་ཡོང་འདས་ན།། ངེས་པར་བདུད་དང་ཕྲད་པར་འགྱུར།། ནད་དང་སྡུག་བསྔལ་འཕེལ་འགྱུར་ཏེ།། བསྟིར་མེད་སྤྱིའུ་ཚུགས་དམྱལ་བར་འགྲོ།། སྦོམ་པོ་ལྟུང་བྱེད་ཉེས་དམིགས་ཀྱང་།། དེ་དང་འདྲ་བར་ཤེས་པར་བྱ།། དམ་ཚིག་མི་ལྡན་རིག་མར་བསྟེན།། ཚོགས་ཀྱི་འཁོར་ལོར་རྩོད་པར་བྱེད།། གསང་བའི་ཆོས་ནི་སྟོན་པ་དང་།། དང་ལྡན་རྣམས་ལ་གཞན་དུ་སྟོན། ། ཉན་ཐོས་ནང་དུ་ལྷན་རིངས་གནས།། སྣོད་མི་རུང་ལ་གསང་བ་བསྟན།། ཁ་ན་མཐོ་སྡོམ་འགྱུར་ཏེ།། སྔགས་པ་དེ་ཡི་དམ་སྨོས་ཟད་།། ཟད་པས་འགྲུབ་པར་ཡོང་མི་འགྱུར། ། དེ་བས་ཉིན་ལན་གསུམ་དུ།། ཁ་ཏོན་གྱིས་ནི་བཀླག་པར་བྱ།། དཀྱིལ་འཁོར་མཐོང་དང་ཞུགས་པ་དང་།། དབང་བསྐུར་བ་ལ་སོགས་ཚུལ་གྱི།། རྡོ་རྗེ་མཁའ་འགྲོ་ཐོབ་པ་བཞིན། ། བྱང་ཆུབ་སེམས་དང་ཉན་ཐོས་དང་།། བྱང་དང་གཉིས་ཀ་རྣལ་འབྱོར་རྒྱུད།། དགོངས་གསུངས་རྣམས་ཀྱིས་དེ་ལྟ་མིན།། དེ་ལྟ་བས་ནཱ་སྡོམ་པའི་མཆོག། ང་ཡིས་ཡང་དག་བསྟན་པར་བྱ། དྲི་ཆེན་དྲི་ཆུར་ཀྟ་དང་།། ཤེས་དང་བྱང་ཆུབ་སེམས་རྣམས་ནི།། བཟའ་བའི་སྦྱོར་བས་ཡང་དག་བཟའ།། བྷོ་ཡི་ཡེ་ཤེས་མེས་སྦྱངས་ཕྱིར།། ཕྱི་རོལ་ཟས་ལས་ཁྱད་པར་འགྱུར།། དེ་བཞིན་གྲང་ཆེན་ཤ་དང་། ། བཾ་ལང་ཁྱི་ཤ་ཤ་ཆེན་རྣམས།། ཡེ་ཤེས་ལྔ་ཡི་ངོ་བོའི་ཕྱིར།། དགའོ་བའི་སེམས་ཀྱིས་བཟའ་བར་བྱ།། དེ་བཞིན་སེམས་ཅན་གསད་པར་བྱ།། མ་བྱིན་པར་ཡང་བྲང་བར་བྱའོ།། བུད་མེད་ཐམས་ཅད་འདོད་པ་སྤྱད། ། བརྫུན་ཚིག་དག་ཀྱང་སྨྲ་བར་བྱ།། དེ་ལྟར་བྱས་པས་སངས་རྒྱས་དང་།། བྱང་ཆུབ་སེམས་དཔའ་མཉེས་པར་འགྱུར།། སེམས་ཅན་རྣམས་ཀྱང་ཚིམ་ཞིང་དགའ།། དེ་བཞིན་རྣལ་འབྱོར་སྐྱེང་ཡིས། ། སངས་རྒྱས་དང་ནི་བྱང་ཆུབ་སེམས།། རང་འདྲེན་ཉན་ཐོས་སྐུ་གཟུགས་སོགས།། རང་ཉིད་དག་པ་གསུམ་སྦྱོར་བས།། ཕྱག་བྱས་ན་ནི་མི་རུང་འགྱུར།། ཀུན་ཏུ་རྡོ་རྗེ་སེམས་དཔའ་ཡི།། ལུས་ངག་ཡིན་དཀྱིལ་འཁོར་ལས། ། རང་ཉིད་བསམ་གཏན་གསུམ་སྦྱོར་བས།། དབྱེར་མེད་བློ་ཡིས་མི་བྱའོ།། དཀྱིལ་འཁོར་དག་ཀྱང་མི་བྲིའོ།། གླེགས་བམ་དག་ཀྱང་མི་བཀླག་གོ། མཆོད་རྟེན་ལས་ཀྱང་ཡོང་མི་བྱ།། ལག་པའི་ཕྱག་རྒྱ་རྣམས་ཀྱང་སྤང་། ། ཉིན་རེ་ཞིང་ནི་དུས་བཞི་རུ།། བུ་མོ་ལེགས་པར་གོམས་པ་ལས།། ག་པུར་ཙན་དན་ཁས་བླངས་ཏེ།། ཆོ་ག་བཞིན་དུ་ལུས་འཁོར་མཆོད།། རོལ་མོའི་ཐབས་ནི་སྣ་ཚོགས་པ།། ང་ཡི་རྒྱུད་ལས་རབ་བསྟན་པས།། བཅུ་དྲུག་ཐིག་ལེ་ངལ་སོ་ལས།། སྔགས་ཀྱི་སྙིང་པོ་བརྟག་པར་བྱ།། བླ་མ་དམ་པ་ཐུགས་རྗེ་ཆེས།། ཡང་དག་བསྟན་པ་ལ་དམིགས་པས།། ཕྱིན་ཅི་ལོག་ཁུར་ཡོངས་འདོད་དེ།། རྡོ་རྗེ་འཛིན་པ་ང་འདྲར་འགྱུར།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། དམ་ཚིག་དང་སྡོམ་པ་དབྱེ་བའི་ལེའུ་སྟེ་བཅུ་གཉིས་པའོ།། ། དེ་ནས་རོ་ལངས་ཆེན་མོ་ཡི།། སྒྲུབ་པ་ཡང་ད་བཤད་པར་བྱ། ། སྒྲུབ་པོས་ལེགས་པར་ཤེས་གྱུར་ན།། དངོས་གྲུབ་ཐོབ་པར་འགྱུར་བའོ།། ནག་པོ་ཡི་ནི་ཚེས་བརྒྱད་དང་།། ཡང་ན་བཅུ་བཞི་གང་ཡང་རུང་།། ཤིང་གཅིག་དུར་ཁྲོད་མ་མོ་འམ།། ཡང་ན་མི་མེད་གྲོང་བར་དུ། སྔོན་དུ་སྒྲུབ་པའི་བདག་ཉིད་ཅན།། ལས་ཀུན་འགྲུབ་པར་བྱེད་པ་སྒྲུབ།། མདའ་མཁན་མ་དང་སྨེ་ཤ་ཅན།། གདོལ་པ་མོ་དང་གར་མཁན་སོགས།། མདུན་གྱི་སོ་ལ་ལྷག་ཡོད་པ།། བྱད་དང་མདངས་ལྡན་རྨ་མེད་མ། ། ལོ་ནི་སུམ་ཅུ་རྩ་གཉིས་བསྔགས།། ཡང་ན་ཉི་ཤུ་རྩ་ལྔའོ།། ཡང་ན་ཆུ་དང་དང་པོར་སྐྱེས།། སྦྱངས་ནས་ཤི་བ་མ་སྦགས་པ།། ཡང་དག་བླངས་ཏེ་ཕ་བོང་སྟེང་།། གཞན་ཡང་བུ་མོ་སྒྲ་བཟུང་སྟེ། ། ལྷ་བཞད་དང་ནི་དབང་པོ་ལག། དཀར་པོ་དང་ནི་རི་སྒྲ་དང་།། གྲུ་གནོན་ཆུ་ཡིས་བཀྲུ་བར་བྱས།། དེ་ནས་ཙན་དན་དཀར་པོ་ཡིས།། བུ་མོ་ལུས་བྱུགས་རྒྱན་དང་གོས། ། ཡང་དག་བརྒྱན་ཏེ་མདུན་བཞག་ནས།། དཀྱིལ་འཁོར་འཇིགས་པ་བྲི་བྱ་སྟེ།། རྩ་སོགས་གསང་སྔགས་རབ་ཏུ་བཟླ།། འབྱུང་པོའི་གཏོར་མ་ཡང་བྱིན་ཏེ།། ཤ་ནི་ནག་པོ་མདངས་དང་ལྡན།། མྱོས་བྱེད་བསྲེགས་པ་རོ་ཡི་ཁར། ། མཚན་གཅིག་ཐོག་ཐག་སྦྱིན་སྲེག་བྱ།། དེ་ནས་ཐོ་རངས་དུས་སུ་ཡང་།། ཁྲག་ཆེན་ཕྱོགས་བཞིར་གཏོར་ནས་ནི།། མར་ཁུ་ཆེན་པོ་རོ་ལ་བཀུ།། དེ་ནས་རོ་དེ་ལངས་འགྱུར་ཏེ།། ཁྲོ་དང་ལྡན་པའི་ཨག་ཙར་གྱིས། ། ས་གསུམ་མོ་ཡི་སྒྲས་འགེངས་བྱེད།། ད་ཆ་སྒྲུབ་པོ་སྐྲག་མི་བྱ།། མཱ་མ་ཀཱི་ཡི་སྦྱོར་བ་སོགས།། སྲུང་བའི་འཁོར་ལོས་བསྲུང་བར་བྱ།། སྐྲག་ན་དེ་མ་ཐག་ཏུ་གསོད།། དེ་ཚེ་སྲུང་བས་བསྲུང་བྱས་ནས། ། བདག་ཉིད་ལངས་ཏེ་དེ་ཡི་རོར།། ཡུངས་ཀར་གྱིས་ནི་བརྡེག་པར་བྱ།། དེ་ནས་དེ་ནི་བབས་གྱུར་ཏེ།། སྒྲུབ་པ་པོ་ཡི་མདུན་གནས་ནས།། བཀའ་ནོད་འདི་སྐད་སྨྲ་བར་བྱད།། སེམས་ཅན་ཆེན་པོ་ཁྱོད་ཅི་འདོད། ། བདག་ལ་ཡང་དག་བཀའ་སྩོལ་ཅིག། རལ་གྲི་མིག་སྨ་ན་ས་འོག་གམ།། རྐང་མགྱོགས་དེ་བཞིན་བཅུད་ཀྱིས་ལེན།། མི་སྣང་འགུགས་པ་ལས་གང་དག། བདག་གིས་གཅིག་ཅིག་སྦྱར་བར་བྱ། ། དེ་ནས་སྒྲུབ་པོ་དེ་ཡིས་ཀྱང་།། གང་འདོད་སྨྲས་ནས་ཅང་ཏེའུ་བརྡུང་།། དེ་ནས་རོ་ལངས་ཁ་དེ་ནས།། དུ་བ་འཐུལ་ཞིང་མེ་འབར་བ།། དེ་ནས་སྦྲུལ་ནག་ལྟ་བུ་རུ།། རོ་ཡི་ཁ་ནས་འབྱུང་བར་བྱེད། ། དེ་དེ་སྒྲུབ་པས་ཁ་ཡིས་བླང་།། བྱུང་སྟེ་གསེར་གྱི་རལ་གྲིར་འགྱུར།། དེ་ཐོགས་ཚངས་པའི་འཇིག་རྟེན་ཁམས།། སྟེང་དུ་ངེས་པར་འགྲོ་བར་བྱེད།། དེ་བཞིན་ཀུན་ཏུ་འགྲོ་བར་བྱེད།། དེ་བཞིན་རྫས་ཀུན་གང་ལ་བསྟན། ། ཐམས་ཅད་གསེར་འགྱུར་རྩི་ལྟ་བུ།། དེ་བཞིན་ཐབས་སྒྲུབ་དེ་བྱས་ནས།། རོ་ནི་སྔ་མཁོ་བཞིན་འགྱུར་ཏེ།། དེ་ཡི་སྦྱིན་སྲེག་རབ་བྱས་ནས།། དཀྱིལ་འཁོར་ཡང་དག་ཚིམ་པར་བྱ།། དེ་བས་འདི་ནི་སྒྲུབ་པའི་མཆོག། དོན་ཀུན་ཡང་དག་འགྲུབ་བྱེད་པ།། ལས་ཐམས་ཅད་ཀྱི་གཙོ་བོ་སྟེ།། བཅོམ་ལྡན་རྡོ་རྗེ་སེམས་དཔས་གསུངས།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། རོ་ལངས་ཆེན་མོའི་ལེའུ་སྟེ་བཅུ་གསུམ་པའོ། ། །། ད་ནི་ང་ཡི་སྒྲུབ་པོ་ཡི།། དངོས་གྲུབ་སློབ་དཔོན་ལས་བྱུང་ཕྱིར།། རྒྱུད་རྣམས་ཀུན་ལས་གསུངས་པ་ཡི།། སློབ་དཔོན་བཀུར་བའི་ཆོ་ག་བཤད།། སློབ་དཔོན་མེད་པར་གྱུར་ན་ནི།། དངོས་གྲུབ་ཐོབ་པར་མི་འགྱུར་བས།། སློབ་དཔོན་གྲངས་དང་མཚན་ཉིད་ནི།། ཡིད་གཅིག་བསྡུས་ལ་མཉན་པར་གྱིས།། དམ་སྡོམ་གྱི་ནི་སྣོད་གཙང་ལ།། སློབ་དཔོན་མཚན་ཉིད་ཡོངས་རྫོགས་པར། ། བྱེད་ཅིང་དང་པོ་ལས་འཇུག་པར།། བྱེད་པ་རྒྱུ་ཡི་སློབ་དཔོན་ནོ།། རི་བོང་འཛིན་པ་སྐུལ་བྱེད་ཅིང་།། དེ་ཡིས་སྒྲུབ་པོ་ཞིང་དག་ཅིང་།། ཡེ་ཤེས་སྒྱུ་མའི་སྣོད་རུང་བྱེད།། རྐྱེན་གྱི་སློབ་དཔོན་ཆེན་པོའོ། ། ལྷན་ཅིག་ཉན་པར་གང་གྱུར་པ།། དེ་ལས་དགའ་བ་ཡང་དག་ཐོབ།། ཐོས་པས་ཡང་དག་རབ་མཐར་ཕྱིན།། ལྷན་ཅིག་བྱེད་པའི་སློབ་དཔོན་ནོ།། མི་འགྱུར་བྱམས་ལྡན་ཤེས་རབ་ཅན།། སྔགས་རྒྱུད་སྦྱོར་ཤེས་དཀྱིལ་འཁོར་མཁས། ། དེ་ཉིད་བཅུ་ཤེས་ཐེག་ཆེན་དགའ།། གསང་བ་ཟུངས་ཐུབ་སློབ་དཔོན་ཡིན།། མིག་བཟང་ཡ་སོ་བཅུ་དྲུག་པ།། ཁུ་འཁྲིག་རྟོག་པ་ཡང་དག་སྤངས།། བླ་མ་དགའ་བ་དང་མོས་ཅན།། ཤིན་ཏུ་རྒྱན་གྱིས་རབ་བརྒྱན་པ།། དད་ལྡན་སྦྱོར་བ་ལ་གོམས་པ།། གཟུགས་བཟང་འདོད་ཆགས་ཀྱིས་མྱོས་བྱེད།། ཤིན་ཏུ་འདུལ་བ་ཁྱད་པར་ཅན།། བསྐུལ་བའི་གནས་སུ་ཡང་དག་བླངས། ། དགེ་དང་སྒོམ་པ་ལ་དགའ་བ།། རྟག་ཏུ་བླ་མ་ལ་གུས་པའི།། སློབ་མས་བླ་མ་འདི་ལྟར་བལྟ།། བླ་མ་སངས་རྒྱས་ཀུན་དང་མཉམ།། དེ་ཉིད་རྟག་ཏུ་རྡོ་རྗེ་འཆང་།། དེ་བཞིན་གཤེགས་པ་རིན་ཆེན་འབྱུང་། ། དེ་ནི་ཡེ་ཤེས་རྒྱ་མཚོ་ཆེ།། ཡིད་བཞིན་ནོར་བུ་རིན་ཆེན་སྦྱིན།། དེ་ཡི་ཡོན་ཏན་ཐམས་ཅད་གཟུང་།། སྐྱོན་ཀུན་སེམས་ཀྱིས་ཀྱང་མི་བསམ།། ཡོན་ཏན་གཟུང་ན་དངོས་གྲུབ་ཐོབ།། སྐྱོན་གྱིས་དངོས་གྲུབ་ཉམས་པར་བྱེད། ། མཆོད་རྟེན་བཤིག་དང་སྡིག་འདྲའི་ཕྱིར།། དེ་ཡི་གྲིབ་མའང་མི་འགོམ་སྟེ།། སྟན་དང་ལྷམ་དང་བཞོན་པ་དང་།། འགོམ་པར་བྱ་བ་སྨོས་ཅི་དགོས།། རྒྱུ་བ་དང་ནི་མི་རྒྱུ་བའི།། མཆོག་ཀུན་ད་ཡིས་སྤངས་པར་འགྱུར། ། སློབ་དཔོན་སྨོད་པར་བྱེད་པ་དེ།། རྨི་ལམ་དུ་ཡང་མཐོང་མི་བྱ།། དེ་ནི་བགེགས་དང་ལོག་འདྲེན་དང་།། རིམས་དང་སྤུག་དང་གཤིན་རྗེས་འཛིན།། འཆི་བར་རབ་ཏུ་འགྱུར་བ་སྟེ།། ངན་པ་གཏུམ་པོ་བླུན་ཆེན་ཏེ།། ཕྱོགས་བཞི་དག་ཏུ་སོང་གྱུར་ཀྱང་།། བློ་ལྡན་རྣམས་ཀྱིས་མི་བསྲུང་བར།། མདུང་ལ་སོགས་པའི་མཚོན་ཆ་ཡིས།། ཁ་ན་མ་ཐོ་བྱེད་པ་བསད།། མདོ་སོགས་བསྟན་པའི་དམྱལ་བ་རུ། ། སློབ་དཔོན་སྨོད་པར་བྱེད་པ་དེ།། གནས་པར་འགྱུར་བར་ང་ཡིས་བསྟན།། དེ་བས་བླ་མའི་ཞབས་དྲུང་དུ།། བག་མ་བཞིན་དུ་ངོ་ཚ་སྲུང་།། གླལ་དང་དགོད་པ་ལུད་པ་སོགས།། ཁ་ལ་ལག་པས་བཀབ་ནས་སུ།། ཤིན་ཏུ་འཇམ་པར་སྨྲ་བར་བྱ།། མགོ་ཐོད་བཅིང་དང་ཚོན་བྱུག་པ།། བླ་མའི་དྲུང་དུ་མི་བྱའོ།། བྲོ་བརྡུང་བ་དང་བརྐམ་ཚིག་དག། ཐོས་པའི་ཡུལ་ནས་མི་བྱའོ།། མདུན་འགྲོ་བ་དང་རྐང་པ་བརྐྱང་།། ཡང་དག་ཉིད་དུ་མི་བྱའོ།། ལས་ནི་གང་དག་བྱེད་པ་འམ།། མཉན་པར་ལ་སོགས་འདོད་པ་ལ།། གཟུང་ཕྱིར་ཐལ་མོ་མ་བཤིག་པར།། གནས་ནས་ལངས་ཏེ་མཐོང་ཡུལ་དུ། ། རྒྱབ་ཀྱིས་ཕྱོགས་པར་མི་བྱ་སྟེ།། མཚན་མོ་དང་ནི་ཆུ་རྒལ་དང་།། གཅོང་རོང་དག་ཏུ་གནས་གྱུར་ན།། བཀའ་ལུང་གཉེར་དུ་དགུམ་པའི་ཕྱིར།། མདུན་དུ་འགྲོ་བ་ཉེས་མི་འགྱུར།། དེ་བས་ཐབས་ནི་ཐམས་ཅད་ཀྱིས། ། རྡོ་རྗེ་འཛིན་པ་བླ་མ་མཆོག། རྗེས་སུ་འཐུན་པས་མཉེས་པར་བྱ།། དེ་མཉེས་སངས་རྒྱས་ཐམས་ཅད་མཉེས།། གང་གིས་སློབ་དཔོན་ཡང་དག་སྨད།། དེ་ཡིས་རྒྱུད་ཀུན་སྒྲུབ་པའི་མཆོག། གཉིད་དང་འདུ་འཛི་རྣམས་སྤངས་ཏེ།། བསྐལ་པ་སྟོང་དུ་ལེགས་བསྒྲུབས་ཀྱང་།། དམྱལ་སོགས་སྒྲུབ་པར་བྱེད་པའོ།། དེ་ཕྱིར་ཀུན་གྱིས་རབ་བསྒྲིམས་ཏེ།། བསམ་པ་འབྲས་བུ་སྨིན་བྱེད་པའི།། སངས་རྒྱས་འབྲས་བུ་འདོད་པ་ཡིས།། སེམས་ཅན་དང་དང་ལྡན་པས་མཆོད།། དཔལ་རྡོ་རྗེ་སྙིང་པོ་རྒྱན་གྱིས་རྒྱུད་ལས། བླ་མ་བཀུར་བའི་ལེའུ་སྟེ་བཅུ་བཞི་པའོ།། ། རྡོ་རྗེ་པདྨོ་སྤྱོད་པ་ལས། ། ཡང་དག་ཡེ་ཤེས་སྐྱེ་འགྱུར་བས།། སྒྱུ་མའི་མཆོག་ནི་བུད་མེད་དེ།། དེ་ཡི་མིང་དང་མཚན་ཉིད་བསྟན།། ཧ་སྟི་ནཱི་དང་ཤང་ཁི་ནཱི།། ཀ་མ་ལཱ་དང་ཙི་ཏྲན།། ཐམས་ཅད་རིགས་ནི་བཞིར་འགྱུར་ཏེ། ། ཧསྟི་རཀྟ་རོ་ཚ་བ།། སྦོམ་མོ་འདོད་ཆགས་ཡང་དག་ཆེ།། པད་ཡངས་ཁ་ནས་ཤ་རུལ་བྲོ།། དཀར་འཆང་མཐའ་ཕྲ་གོ་སྦོམ་བྱེད།། ཤང་ཁི་རཀྟ་རོ་སྒྱུར་བ།། རྐེད་པྲ་སྣ་ལགས་ཅུང་ཟད་ཁྲོ། ། ཁ་ནས་དུད་འགྲོ་འགྲོས་དལ་ལེགས།། དཀར་འཆང་དཔལ་གྱི་འབྲས་བུ་འདྲ།། ཀ་མའི་རཀྟའི་རོ་དམར་ཞིང་།། ཤང་ཁི་རཀྟི་རོ་སྒྱུར་བ།། ཕྲ་སྦོམ་རན་པ་དམར་མོ་སྟེ།། འདོད་ཆགས་མིག་ནི་མི་འཛུམས་བལྟ། ། དཀར་འཆང་ཨ་རི་ཤ་འདྲ་བ།། ཙི་ཏྲ་རཀྵ་རོ་མངར་ཞིང་།། ཐུན་རུན་ཁྲོ་བག་དང་བཅས་པ།། ཆགས་མིན་ལྟ་བྱེད་ངོ་གནག་པ།། དཀར་འཆང་གཡས་གཡོན་དགྱེ་བ་སྟེ། ། འདི་རྣམས་ཡང་དག་ཕྲད་གྱུར་ན།། སྒྲུབ་པ་པོ་ལ་ཚེ་འདི་རུ།། དངོས་གྲུབ་ཡང་དག་སྟེར་བ་སྟེ།། དེ་བས་འདི་རྣམས་འབད་པས་བཙལ།། ཡང་དག་རྙེད་ནས་གང་རུང་དུ།། བ་ལང་བཟའ་ནི་མངའ་ཡི་ནང་། ། བཏུང་བས་ཤེལ་ཁམས་རྣམ་པར་འཕེལ།། དེ་ནི་ཐབས་ཀྱིས་སྟེན་པ་ཡིས།། ཡང་དག་ཏུ་ནི་རང་བཞིན་བརྟག། རང་བཞིན་ནམ་མཁའ་ལྟ་བུ་སྟེ།། དངོས་པོ་ཐམས་ཅད་ཟད་པ་སྟེ། ། རྣམ་པར་རྟོག་པ་ཐམས་ཅད་དང་།། བྲལ་བའི་དགའ་བ་ཡང་དག་ཟབ།། བསམ་མེད་ཟད་མེད་ཕྲ་མོ་སྟེ།། དམ་པ་ཞི་བ་རྣམ་དག་པ།། འཆི་མེད་རྡོ་རྗེ་བདུད་རྩི་བརྗོད།། གང་གི་དབུས་སུ་འདབ་བརྒྱད་པ། ། སྙིང་པོ་ལྔ་ཡིས་ཡང་དག་བརྒྱན།། དེ་དབུས་དེ་གནས་ཆ་ནས་ལྔ།། ཆ་གཉིས་པ་ནི་བརྒྱད་མཐར་དབྱུང་།། སུམ་ཅུ་བཅུ་པ་ལྔ་ཡི་ནི།། ཆ་གཉིས་ལྔ་པ་དྲུག་པ་ཡི།། ཐིག་ལེ་རུ་ནི་གཞུག་པ་སྟེ།། སྐྱེས་བུ་གང་གིས་དེ་ལ་ནི།། མིག་གིས་འོད་ཟེར་གྱིས་བལྟ་བ།། དེ་ལ་ཇི་བཞིན་གནས་པ་ཡི།། ཡེ་ཤེས་སྐྱེ་བ་ཐེ་ཙོམ་མེད།། ནམ་ཞིག་འགོག་པའི་སེམས་གྱུར་ན།། སངས་རྒྱས་ཀུན་གྱི་མཆོག་འཛིན་པ།། དཔལ་ལྡན་མཁའ་འགྲོ་འདྲ་བར་འགྱུར།། དེ་རིང་ཕན་ཆད་བུ་ཁྱོད་ནི།། དཀྱིལ་འཁོར་ཡང་དག་འདྲི་བ་དང་།། སྒྲུབ་པོ་རྒྱུད་པ་ཡི།། སློབ་དཔོན་ཆེན་པོ་ཉིད་དུ་འགྱུར། ། འདི་ནི་སངས་རྒྱས་ཀུན་གྱིས་ཀྱང་།། དབང་བསྐུར་བར་ནི་རབ་བསྔགས་ཏེ།། ཐམས་ཅད་སྔགས་ནི་སྒྲུབ་འགྱུར་ཏེ།། ལས་མཆོག་ཁྱད་པར་ཅན་ཡང་འགྲུབ།། བུ་མོ་འདི་ནི་ཁྱོད་དང་འཐུན།། སེམས་ཅན་ཁྱོད་ཀྱིས་འདོད་པ་གྱིས།། ཡིད་དུ་འོང་བའི་རིག་མ་འདི།། བདེ་གཤེགས་ཀུན་གྱིས་ཁྱོད་སྤྱོད་གནས།། སྟོང་པ་ལ་ནི་སེམས་སྦྱོར་ན།། ཁྱོད་ནི་ཡང་དག་དམ་པར་འགྱུར།། འདི་ནི་བདེ་གཤེགས་བདེ་མཛད་པ། ། ཁྱོད་ཉིད་འདི་ལས་རབ་བྱུང་ངོ་།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། དམིགས་པ་དང་བཅས་པའི་ཤེས་རབ་ཀྱི་མཚན་ཉིད་བརྟག་པའི་ལེའུ་སྟེ་བཅོ་ལྔ་པའོ།། ། ། དེ་ནས་ཡང་ནི་བཤད་བྱ་བ།། དངོས་ཀུན་ཆོག་ཤེས་མེད་ན།། སྒྲུབ་པོ་དངོས་གྲུབ་འབྱུང་མི་འགྱུར།། དེ་ཕྱིར་འདིར་ནི་བརྟུལ་ཞུགས་བསྟན།། སྦྱོར་བའི་རྩོལ་བ་ཐམས་ཅད་ནི།། དེ་ཉིད་རིག་པས་སྤང་བར་བྱ། ། རྡོ་རྗེ་སེམས་དང་དེས་འདུག་པ།། སྤངས་ནས་གཞན་དུ་མི་བྱའོ།། དག་པ་དེ་ཉིད་ལ་གནས་པས།། སྦྱོར་བ་རྣམས་ཀྱང་མི་བྱ་སྟེ།། བདག་མེད་གནས་པའི་སྦྱོར་བ་ཡིས། ། ཇི་སྲིད་བར་དུ་སོ་སོར་བརྟག། དངོས་མེད་གོ་འཕང་ལ་གནས་དང་།། ཐབས་བཟང་དག་དང་ལྡན་པ་ཡིས།། རྒྱུད་ལས་གང་ཅི་འབྱུང་བ་རྣམས།། མ་བརྟགས་པས་ནི་འབྱུང་བར་འགྱུར།། སྒོམ་པའི་སྦྱོར་བའི་སྟོབས་ཀྱིས་ནི།། དངོས་གྲུབ་མཚན་ཉིད་གང་ཡང་རུང་།། དེ་ཀུན་སྐད་ཅིག་ཙམ་ལ་ནི།། རང་ཉིད་གནས་པར་གྱུར་པ་ཡིན།། དེ་བས་དགེ་སློང་དངོས་གནས་དང་།། དེ་བཞིན་རྟོག་དགའ་རྒན་པོ་དང་། ། རང་གི་བུ་དང་རྒྱལ་པོ་ལ།། དེ་ཉིད་ཡང་དག་བཤད་མི་བྱ།། ཇི་ལྟར་མར་མེ་བུམ་ནང་གནས།། ཕ་རོལ་ཏུ་ནི་འོད་མི་གསལ།། བུམ་པ་དེ་ཉིད་ཆག་པར་གྱུར།། དེ་འོག་མར་མེ་གསལ་བར་འགྱུར།། དེ་བཞིན་རང་ལུས་བུམ་པ་ཉིད།། དེ་ཉིད་མར་མ་ཉིད་ལྟ་བུ།། བླ་མའི་ཁ་ཡིས་ལགས་བཅག་ནས།། སྦྱོར་བའི་དེ་ཉིད་སྟོན་པ་ཡིན།། སྦྱོར་བ་དེ་ཉིད་ལ་གནས་ན།། གང་ཚེ་བརྟན་པ་མི་རྟག་ལ།། གནས་ཤིང་འཇིག་རྟེན་པ་སྤངས་ཏེ། ། སྤྱོད་པ་ཐམས་ཅད་བྱས་ན་ནི།། དེ་ལ་དེ་ཚེ་སངས་རྒྱས་གཟིགས།། ཀུན་ཏུ་ཐེ་ཙོམ་གཅོད་པ་ཡི།། རིག་པས་བྱིས་པ་བཞིན་དུ་སྤྱད།། གང་ཚེ་ཆགས་མེད་རྣལ་འབྱོར་པ།། དེ་ཚེ་ཕུན་སུམ་ཚོགས་འཕེལ་འགྱུར། ། སྡིག་པ་མ་ལུས་ལྡན་པ་དང་།། གཏི་མུག་སྒྲིབ་པ་རབ་གནས་པ།། སྨོན་པའི་རྣལ་འབྱོར་སྦྱོར་བ་ཡིས།། ཟླ་དྲུག་གིས་ནི་དོན་ཡོད་གྲུབ།། རང་ཉིད་སངས་རྒྱས་ཀུན་མཐོང་ཞིང་།། འདོད་པ་ཀུན་གྱིས་རབ་ཏུ་འགེངས།། ཟད་མེད་གཞོམ་དུ་མེད་པ་དང་།། དང་བའི་སྐུ་ཚེ་འབྱུང་བར་འགྱུར།། བླ་ན་མེད་པའི་བྱང་ཆུབ་མཆོག། འབད་པ་མེད་པར་ཡང་དག་འཐོབ།། འདོད་པ་ཀུན་གྱི་དགའ་མོས་རྣམས། ། འབད་བྲལ་བས་ནི་འགྲུབ་པར་འགྱུར།། འགྲོ་དང་འདུག་དང་གནས་པ་ན།། མཆོག་ཏུ་ཟབ་པའི་གནས་ལ་བརྟག། འོད་གསལ་ཡེ་ཤེས་ལམ་མཁན་པ།། མཚན་ཉིད་རྟོག་པའི་རྣལ་འབྱོར་པའི། ། བསམ་གཏན་སྦྱོར་བ་འདི་ཡིས་ནི།། སེམས་ཀྱི་རིན་ཆེན་བརྟན་པར་འགྱུར།། སངས་རྒྱས་བྱང་ཆུབ་རབ་བཞུགས་པ།། བྱིན་གྱིས་བརླབ་པའང་མཛད་པར་འགྱུར།། དེ་ལྟར་གྱུར་པས་ཞུགས་ནས་ཀྱང་། ། ཇི་སྲིད་སེམས་ནི་མི་སྐྱོ་བར།། མཉམ་གཞག་ཡིད་ནི་བཟང་པོ་དང་།། དེ་ལ་འབད་པས་བསྒོམ་པར་བྱ།། དེ་འོག་ལ་ནི་ཅི་དགའ་གའི།། སྤྱད་པ་ཡིས་ནི་གཅིག་བྱས་ན། ། ཅུང་ཟད་སྤྱན་ཕྱེ་བ་ཡི་མཚན།། བྱང་ཆུབ་རྒྱ་ཆེན་ཐོབ་པར་འགྱུར།། དགོད་དམ་སྨྲ་འམ་འགུག་པ་འམ།། ལ་ལ་རབ་ཏུ་གར་བྱེད་པར།། ཇི་སྲིད་སྐྱོ་བར་མི་འགྱུར་བར།། སྒོམ་པའི་སེམས་ལ་ཞེན་པར་བྱ། ། དེ་ལྟའི་དམ་ཚིག་ལྡན་གྱུར་ཅིང་།། རྣམ་པར་མི་རྟོག་སྔགས་པ་ཡིས།། དུས་ཀྱི་ངེས་པས་ཡོངས་སྤངས་ནས།། བླ་མེད་བྱང་ཆུབ་ཐོབ་པར་འགྱུར།། དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས། ཤེས་བྱེད་ཀུན་ཏུ་སྤྱོད་པའི་ལེའུ་སྟེ་བཅུ་དྲུག་པའོ།། །། དེ་ནས་མཁའ་འགྲོ་དེ་དག་ཐམས་ཅད་གཅིག་ཏུ་འདུས་ཏེ། བཅོམ་ལྡན་འདས་རྡོ་རྗེ་འཛིན་པ་ལ་ཚིགས་སུ་བཅད་པས་བསྟོད་པ། སངས་རྒྱས་ཀུན་གྱི་རང་བཞིན་ལས།། འབྱུང་བའི་ལྷ་སྟེ་ཁྱོད་མཆོག་པས།། སེམས་དཔའ་ཀུན་གྱི་ཕྱག་རྒྱ་ཆེ།། མཁའ་འགྲོ་ཆེན་པོ་ཕྱག་འཚལ་ལོ། ། གཏི་མུག་ཐམས་ཅད་འོད་གསལ་བ།། མཁའ་འགྲོ་སངས་རྒྱས་ཆེན་པོ་སྟེ།། གཟུགས་སྣང་ཆོས་ནི་རྣམ་དག་པ།། བདེ་གཤེགས་མཁའ་འགྲོ་ཁྱོད་ཕྱག་འཚལ།། ང་རྒྱལ་ཐམས་ཅད་འོད་གསལ་བ།། མཁའ་འགྲོ་ར་འདོད་སྐོང་བ་སྟེ།། སིམ་སོགས་ཆོས་ནི་རྣམ་དག་པ།། རིན་ཆེན་མཁའ་འགྲོ་ཁྱོད་ཕྱག་འཚལ།། འདོད་ཆགས་ཐམས་ཅད་འོད་གསལ་བ།། སྐྱོན་གྱིས་གོས་མེད་མཁའ་འགྲོ་ཆེ།། མཚན་མར་འཛིན་པ་རྣམ་དག་པ།། པདྨོ་མཁའ་འགྲོ་ཁྱོད་ཕྱག་འཚལ།། ཕྲག་དོག་ཆོས་ནི་འོད་གསལ་བ།། མཁའ་འགྲོ་སྣ་ཚོགས་ལས་བྱེད་པ།། མངོན་པར་འདུ་བྱེད་ཆོས་ཀུན་དག། སྣ་ཚོགས་མཁའ་འགྲོ་ཕྱག་འཚལ་བསྟོད།། མཚན་མཆོག་འདི་ཡིས་ཁྱོད་བསྟོད་པས།། གང་ཟག་འདི་ཡང་བསོད་ནམས་ཚོགས།། ཡེ་ཤེས་ཚོགས་ཆེན་ཡོངས་རྫོགས་ནས། ། སངས་རྒྱས་འགྱུར་བར་ཐེ་ཙོམ་མེད།། དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་ཀུན་ཏུ་བཟང་པོའི་བདེ་བ་ཆེན་པོ་ནམ་མཁའི་དབྱིངས་ཐམས་ཅད་དུ་ཁྱབ་པའི་བདག་ཉིད་ཆེན་པོས་དེ་བཞིན་གཤེགས་པ་ཐམས་ཅད་ཀྱི་སྙིང་པོ་མི་ཤིགས་པའི་ཟླ་བ་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ། རང་གི་ཐུགས་ཀའི་མི་ཤིགས་པའི་ཐིག་ལེ་ལས་ཤིན་ཏུ་དགྱེས་པ་ཆེན་པོ་ཞེས་བྱ་བའི་འོད་ཟེར་གྱི་ཚོགས་ཕྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ཟླ་བའི་ཐིག་ལེའི་དབུས་སུ་རྒྱས་པར་བྱས་ཏེ། ནམ་མཁའི་དབྱིངས་ཐམས་ཅད་དུའང་སྣང་བར་བྱས་ནས་སྟེང་འོག་ཏུའང་བཞུགས་ཏེ། མ་ལུས་ཤིང་ལུས་པ་མེད་པའི་རི་དང་། སེམས་ཅན་ཐམས་ཅད་ལ་གསལ་བར་བྱས་ནས་ཤིན་ཏུ་དགྱེས་པ་ཆེན་པོའི་བདེ་བས་མཉེས་པར་བྱས་ཏེ་སླར་ལོག་ནས། བཅོམ་ལྡན་འདས་ཤིན་ཏུ་དགྱེས་པ་ཆེན་པོའི་བདེ་བའི་བདག་པོའི་སྙིང་པོའི་མཆོག་གི་ཟླ་བའི་ཐིག་ལེའི་དབུས་ན་བདེ་བར་བཞུགས་སོ།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་འོད་ཟེར་གྱི་ཚོགས་ཀྱི་ཕྲེས་པ་མཆོག་ཏུ་བདེ་བར་གྱུར་པའི་སྙིང་པོ་དེས་བསྐུལ་བ་ན་གར་མཛད་ཅིང་རང་རང་གི་ཏིང་ངེ་འཛིན་དུ་དམིགས་ནས། བཅོམ་ལྡན་འདས་དཔལ་ཀུན་ཏུ་བཟང་པོའི་ཐུགས་ཀའི་ཟླ་བའི་ཐིག་ལེའི་དབུས་སུ་གསང་བའི་དགྱེས་པ་ཆེན་པོའི་བདེ་བར་གཅིག་ཏུ་བསྡུས་པར་གྱུར་ཏེ། རང་རང་གི་སྐུ་བུད་མེད་ཀྱི་ཚུལ་དུ་བསྐྱེད་ནས་བཅོམ་ལྡན་འདས་ཀྱི་ཐུགས་ཀ་ནས་མངོན་པར་བྱུང་བར་གྱུར་ཏོ། ། དེ་ནས་མཁའ་འགྲོའི་ཚོགས་དེ་དག་ཐམས་ཅད་རབ་ཏུ་དགའ་ནས་ཅ་ཅོའི་སྒྲ་ཡང་དག་པར་འབྱིན་ཅིང་དཔྱད་ཆེན་པོ་བརྗོད་པར་གྱུར་ཏོ།། ཀྱེ་མའོ་རྡོ་རྗེ་སེམས་དཔའ་ཡི།། རྡོ་རྗེ་ཤིན་ཏུ་དགྱེས་ཆེན་པོ།། ཀྱེ་མའོ་སྣ་ཚོགས་ཐབས་ནི་བདེ་བྱེད་ཆེ།། སྣ་ཚོགས་ཡེ་ཤེས་བདེ་བ་ཆེ།། ཀྱེ་མའོ་ཀུན་ཏུ་བཟང་པོ་ཡི།། དགེ་བའི་ཡེ་ཤེས་བདེ་བྱེད་ཆེ།། གང་བདེའི་ཕྱིར་ནི་རིག་མ་ཡི།། པདྨོ་ལ་ནི་གནས་པར་མཛོད།། ཀྱེ་མའོ་རེག་པ་ཤིན་ཏུ་ཟབ།། ཤེས་རབ་ཕ་རོལ་ཕྱིན་མ་འདི།། སེམས་ཅན་ཀུན་ལ་ཤེས་རབ་ཀྱིས།། མུན་པ་ཐིབས་པོ་སེལ་བར་མཛད། ། ཀྱེ་མ་འོ་ཐམས་ཅད་ངོ་མཚར་ཆེ།། མཁའ་འགྲོ་དྲ་བར་གར་མཛད་ཅིང་།། རྣམ་པར་སྣང་མཛད་མྱང་བ་དང་།། མཉེ་བ་དང་ནི་འཕྲོག་པ་མཆོག། ཀྱེ་མའོ་ཤིན་ཏུ་རབ་ཏུ་དགྱེས། ། སྐལ་ལྡན་སྐལ་སྤྱོད་པ་དང་ནི།། སྣ་ཚོགས་སྐལ་བས་བདེ་བྱེད་ཆེ།། སྣ་ཚོགས་རྡོ་རྗེ་ཤིན་ཏུ་མཛེས།། དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་ཆེན་པོས་ཏིང་ངེ་འཛིན་ལས་བཞེངས་ཏེ་འཁོར་གྱི་དཀྱིལ་འཁོར་ལ་རྣམ་པར་བལྟས་ཏེ་འདི་སྐད་ཅེས་བཀའ་སྩལ་ཏོ། ། ཨཱ་ལི་དང་ནི་ཀཱ་ལི་དང་།། དེ་བྱུང་ཟླ་བ་རྣམ་པ་གཉིས།། མེ་ལོང་ལྟ་བུའི་ཡེ་ཤེས་ཏེ། གཅིག་ཏུ་གྱུར་པ་མཉམ་ཉིད་དོ།། ས་བོན་མཚན་མར་གྱུར་པ་ནི།། སོ་སོར་རྟོག་པར་ངས་པ་ཤད་དོ།། དེ་བྱུང་སངས་རྒྱས་ཐམས་ཅད་ཀྱིས།། འགྲོ་དོན་བྱེད་པ་བྱ། ན་ཏན།། གཟུགས་བརྙན་རྫོགས་པ་ཆོས་དབྱིངས་ཏེ།། ལྷ་ཡི་དབང་པོ་སངྱས་བསྐྱོད།། དེ་ལ་བར་མས་ཁུ་བས་བསྐྱེད།། བསྐུར་བས་རང་གི་ལྷར་བསྐྱེད་ནས།། བྱིན་གྱིས་བརླབ་པར་བྱ་བ་ནི།། རྒྱུད་རྣམས་ཀྱི་ནི་ཐུན་མོང་ངོ་། ། གསང་དང་གསང་ཆེན་ཤིན་ཏུ་གསང་།། རྣལ་འབྱོར་རྣལ་འབྱོར་ཆེན་པོ་དང་།། རྗེས་སུ་རྣལ་འབྱོར་ཞེས་བྱ་དང་།། སྟོང་པ་དང་ནི་ཤིན་ཏུ་སྟོང་།། ཆེན་པོ་སྟོང་པ་ཞེས་བྱ་དང་།། དགའ་དང་དགའ་བ་བར་མ་དང་། ། དགའ་བྲལ་གྱི་ནི་དགའ་བ་རྣམས།། རྒྱུད་རྣམས་ཀུན་གྱི་སྤྱི་བོའོ།། ཕྱིར་བཟློག་གཉིས་ཀྱི་ཆོ་ག་དང་།། གསང་དང་ཤེས་རབ་ཡེ་ཤེས་དང་།། ཁ་སྦྱོར་འབྱེད་པའི་ཆོ་ག་དང་། གཏོར་མ་རྡོ་རྗེའི་བཟླས་པ་དང་།། དྲག་ཤུལ་སྒྲུབ་པའི་ཆོ་ག་དང་།། རབ་ཏུ་གནས་དང་དཀྱིལ་འཁོར་སྒྲུབ།། གསང་བའི་དེ་ཉིད་བཅུ་ཡིན་ནོ།། དཀྱིལ་འཁོར་ཏིང་འཛིན་ཕྱག་རྒྱ་དང་།། སྟང་སྟབས་འདུག་སྟངས་བཟླས་བརྗོད་དང་། ། སྦྱིན་སྲེག་མཆོད་པ་ལས་སྦྱར་དང་།། སླར་སྡུད་པ་ཡི་རྣམ་པ་ནི།། ཕྱི་ཡི་དེ་ཉིད་བཅུ་ཡིན་ནོ།། ཡང་དག་དེ་ཉིད་དངོས་པོ་མི་ཤེས་པར།། གསང་སྔགས་སྨྲ་བ་པ་ཡིན་ཞེས་བརྗོད། པ་དེ་དག་མངོན་པའི་ང་རྒྱལ་གསང་སྔགས་ཆོ་ག་འཆད།། དེ་ནི་དམ་ཉམས་འདི་དང་ཕ་རོལ་བརླག། ཉམས་པས་བདུད་ཀྱིས་བཟུང་ནས་ཤི་ནས་དམྱལ་བར་འགྲོ།། སེམས་ཅན་རྣམས་ལ་རབ་བརྟེན་ཏེ།། བྱང་ཆུབ་དམ་པ་ཐོབ་འགྱུར་བ།། སེམས་ཅན་སླུ་བར་མི་བྱ་སྟེ།། བདེ་གཤེགས་ལས་ལ་སེམས་ཅན་སྦྱར།། གང་ཞིག་སྦྱོར་འདི་མི་བརྩོན་པས།། རྐང་ལག་མིག་སོགས་སྦྱིན་པ་དང་།། དཀའ་ཐུབ་ཅི་འདྲ། སྤྱད་བྱས་ཀྱང་།། བདུད་རྩི་རོ་ཐོབ་མི་ནུས་སོ།། རྣལ་འབྱོར་གཅིག་ཅིག་ཤེས་བྱས་ནས།། དབེན་པར་སོང་སྡེ་རབ་འབད་ན།། སྡིག་དག་ཚེ་འདིར་སངས་རྒྱས་འགྲུབ།། ཆོས་བདག་མེད་པར་རབ་བསྒོམས་ནས། ཐམས་ཅད་མཁྱེན་པ་ཁོང་དུ་ཆུད།། ཐབས་ཤེས་གཉིས་ཀྱི་འཇོ་སྒེག་གིས།། གསང་བ་ལྔ་ཡིས་བདག་ཉིད་མཆོད།། དངོས་པོ་ཐམས་ཅད་དངོས་མེད་པར།། བཞི་བཅུའི་དོན་ནི་རྟོགས་པ་དང་།། རྡོ་རྗེ་པདྨ་དབང་བསྐུར་བ། ། བདུད་རྩི་ཡིས་ནི་དགའ་བར་བྱེད།། གསང་བར་བྱ་བའི་ཆོས་གསང་བས།། གསང་ཞིང་སྦས་ཏེ་སྤྱད་པར་བྱ།། འདོད་པའི་ཡོན་ཏན་ལྔ་ལ་ནི།། རྣལ་འབྱོར་སེམས་པས་སྤྱད་བྱ་ཞིང་། ། དེ་བཞིན་བཟའ་དང་བཏུང་བྱས་ནས།། སེམས་ཅན་ཐམས་ཅད་དབང་དུ་བྱེད།། འདི་ལ་ཁྲུས་དང་གཙང་སྦྲ་མེད།། དེ་མཆོད་ཕྱིར་ཐོབ་པ་ཡང་མེད།། དཀྱིལ་འཁོར་སྦྱིན་སྲེག་མེད་དེ་དུས་དང་གཟའ་ཚེས་མེད། ། གཏོར་མ་ལ་སོགས་བྱ་བར་བྱ་བ་མེད་དེ་མཆོག་གི་མཆོག་དང་བ།། རྡོ་རྗེ་སེམས་དཔའི་སྒྲུབ་པ་ཡང་དག་འདི་ཉིད་ཡིན་ཏེ་བརྩོན་པར་བྱ།། དེ་ནས་མཁའ་འགྲོ་དེ་དག་ཐམས་ཅད་རབ་ཏུ་དགའ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོ་ལ་ལེགས་སོ་ཞེས་གསོལ་ཏེ། ལེགས་སོ་ལེགས་སོ་བདེ་བྱེད་ཆེ།། ལེགས་སོ་ལེགས་སོ་ཡེ་ཤེས་ཆེ།། ལེགས་སོ་ལེགས་སོ་བདེ་བ་ཆེ།། ལེགས་སོ་ལེགས་སོ་སྣ་ཚོགས་ཆ། ། ལེགས་སོ་ལེགས་སོ་དགྱེས་པ་ཆེ།། དེ་ནས་བཅོམ་ལྡན་འདས་རྡོ་རྗེ་འཛིན་པ་ཆེན་པོས་ཐུགས་རྗེ་ཆེན་པོའི་ཐུགས་རང་གི་ཐུགས་ཡང་དག་པ་ལ་དམིགས་ནས་ཅང་མི་གསུང་བར་བཞུགས་སོ།། དཔལ་རྡོ་རྗེ་སྙིང་པོ་རྒྱུན་གྱི་རྒྱུད་རྣལ་འབྱོར་ཆེན་པོའི་དེ་ཁོ་ན་ཉིད་ངེས་པ་ཞེས་བྱ་བ་དཔལ་ཡོ་རྒྱན་གྱི་གསང་བའི་དགོན་པ་ནས་བྱུང་བ་རྫོགས་སོ།། ། རྒྱ་གར་གྱི་མཁན་པོ་ཀ་མ་ལ་གུཔྟ་ད་བོང་གྱི་ལོ་ཙབ་ཆེན་པོ་མངའ་བདག་ལྷ་ཡེ་ཤེས་རྒྱལ་མཚན་གྱིས་བསྒྱུར་ཅིང་ནུས་ཏེ་གཏན་ལ་བབག།

CLOSE WINDOW