@རྒྱ་གར་སྐད་དུ། བཛྲ་ཨ་མྲྀ་ཏ་ཏནྟྲ། བོད་སྐད་དུ། རྡོ་རྗེ་བདུད་རྩིའི་རྒྱུད། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་སྙིང་པོ་རྡོ་རྗེ་བདུད་རྩི་གསང་བའི་པདྨ་ལ་བཞུགས་སོ།། གཞལ་ཡས་བརྩེགས་པའི་ཁང་པ་ན།། མཱ་མ་ཀཱི་དང་ཐབས་ཅིག་ཏུ། ། བཅོམ་ལྡན་རྡོ་རྗེ་ཅར་རོལ་ཏེ།། དེ་ནས་ལྷ་མོས་དེ་ཞུས་པ།། གསང་ཆེན་ཞེས་བྱ་ཆེར་གནས་པའི།། རྡོ་རྗེ་བདུད་རྩི་རྒྱུད་ཀྱི་མཆོག། སྔོན་དུ་ལྷ་ཁྱོད་ཀྱིས་གསུངས་པ། བདུད་རྩི་ཡི་རི་སྒྲུབ་པའི་ཐབས།། བདེ་བ་ཆེན་པོས་བཀའ་སྩལ་འཚལ།། དེ་ནས་བཅོམ་ལྡན་རྡོ་རྗེས་བཤད།། རྡོ་རྗེ་བདུད་རྩི་བདེ་ཆེན་པོ།། བསམ་མེད་ཟས་མེད་ཕྲ་མོ་སྟེ།། དོན་ཡོད་དབང་པོ་ལས་འདས་པ། ། དམ་པ་ནི་བ་རྣམ་དག་པ།། རྡོ་རྗེ་བདུད་རྩི་བརྗོད་པ་ཡིན།། དེ་ནས་བཅོམ་ལྡན་རྡོ་རྗེ་ཡིས།། མཱ་མ་ཀཱི་ཆགས་དང་ལྡན་ནས།། རྡོ་རྗེ་བདུད་རྩིའི་ཏིང་འཛིན་གྱིས།། གསང་ཆེན་མངོན་སུམ་དུ་ནི་མཛད། ། རྒྱུད་རྣམས་ཀུན་ལ་གསང་བ་ཡི།། ཡེ་ཤེས་རྡོ་རྗེ་བདུད་རྩི་མཆོག། དེ་ནི་བདག་གིས་བཤད་པར་བྱ།། བརྟན་པོར་འཁྱུད་དང་འོ་བྱེད་དང་།། དགའ་བའི་རོལ་པས་མཉམ་སྦྱོར་དང་།། དབྱངས་དང་སིལ་སྙན་གར་རྣམས་ཀྱིས།། རྡོ་རྗེ་བདུད་རྩི་རྒྱུད་ཀྱི་མཆོག། དེ་ལྟར་མྱུར་དུ་འགྲུབ་པར་འགྱུར།། བདུད་རྩི་ཁུ་བ་ཞེས་གསུངས་ཏེ།། འགྲོ་བ་གསུམ་རིནི་དེས་བསྐྱེད་དོ། ། ཁྱོད་ལ་དགའ་མ་ཞལ་བཟང་མ།། དེ་ཡི་སྒྲུབ་པ་བདག་གིས་བཤད།། ཉོན་ཅིག་དེ་ཡི་སེམས་ཀྱི་ཆོག། མདོར་བསྡུས་ནས་ནི་བཤད་པར་བྱ།། སེམས་ཅན་དོན་དུ་ཕར་དོར་དུ།། སྦྱོར་བའི་རྡོ་རྗེ་བདུད་རྩི་མཆོག། རྣལ་འབྱོར་གང་གིས་ཤེས་གྱུར་ན།། འཁོར་བའི་བཅིངས་ལས་མྱུར་བར་གྲོལ།། བསྟན་དུ་མེད་ཅིང་ཡེ་ཤེས་ཆེ།། དངོས་གྲུབ་འཇིག་རྟེན་གསུམ་བསྒྲུབ་བོ།། སྐུ་གསུང་ཐུགས་ཀྱི་བསྒྲུབ་དོན་དུ།། སྒྲུབ་པ་པོས་ནི་བདེ་བ་སྤྱོད།། རྡོ་རྗེ་པདྨ་མཉམ་སྦྱོར་བས།། རྡོ་རྗེ་བདུད་རྩི་ཕྱུང་བར་བྱ།། བྷ་གའི་པདྨར་འོ་བཏ་བ་སྟེ།། རྡོ་རྗེ་པད་ཟེར་མཱ་མ་ཀཱི་སི།། འོབཏབ་རྡོ་རྗེ་བདུད་རྩི་བདེ་བ་ཆེ།། བཅོམ་ལྡན་རྡོ་རྗེས་དེ་གསུངས་སོ།། བྷ་གའི་པདྨར་འོ་བཏབ་པས།། དེ་ཚེ་དགའ་བའི་ལྷ་མོ་དེས།། རྡོ་རྗེ་བདུད་རྩི་ལས་བྱུང་བའི།། ཉམས་དགའ་གསང་བའི་དཀྱིལ་འཁོར་ཞུས། ། ཆོ་གའི་རིམ་པ་གང་གིས་ནི།། མཆོད་པ་དཀྱིལ་འཁོར་བརྩམ་པར་བྱ།། འདིར་ནི་མཆོད་པ་ཇི་ལྟར་ཏེ།། དེ་བཞིན་དཀྱིལ་འཁོར་ཇི་ལྟར་ལགས།། དགའ་བ་ཆེན་པོ་ཐོབ་དཀའ་བ། ། རབ་ཏུ་དགྱེས་ནས་བཀའ་སྩལ་འཚལ།། དེ་ནས་བཅོམ་ལྡན་རྡོ་རྗེ་ཡིས།། རྡོ་རྗེ་བདུད་རྩི་བདེ་བ་ཆེ།། འོ་བཏབ་པས་ནི་དགར་འགྱུར་ཏེ།། བཞད་ནས་འདི་སྐད་བཀའ་རྩལ། ཏེ། སྐུ་གསུང་ཐུགས་ཀྱི་བསྒྲུབ་དོན་དང་།། འཁོར་བའི་རྒྱ་མཚོ་བསྒྲལ་བའི་ཕྱིར།། དགའ་བ་ཆེན་པོ་སྦྱོར་བ་ཡིས།། མཱ་མ་ཀཱི་ས་ནི་འདིར་དྲིས་པ།། ཟུར་གསུམ་དཀྱིལ་འཁོར་བྲིས་ནས་སུ།། གསང་བའི་པདྨ་མཱ་མ་ཀཱི།། ནང་དུ་སྙིང་པོ་དང་ལྡན་པའི།། པདྨ་འདབ་བརྒྱད་པ་ནི་བྱ།། དེ་དབུས་གསང་ཆེན་རིག་མ་དང་།། གཙོ་བོ་ཞལ་གསུམ་ཕྱག་དྲུག་པ།། དང་པོའི་ཞལ་ནི་ནག་པོ་སྟེ།། གཡས་པ་ལ་ནི་དཀར་པོ་འདོད།། གཡོན་དུ་དམར་པོར་རབ་གསུངས་ཏེ།། ལྷ་ཡི་རྒྱན་གྱི་ས་བརྒྱན་བྱས་པ།། ལྷ་ཡི་ན་བཟའ་མེ་ཏོག་འཕྲེང་།། ལྷ་ཡི་དྲི་ཡིས་བྱུག་བྱེད་པ།། ལྷ་ཡི་དངོས་གྲུབ་བྱེད་ཞིག་སྐུ་གསུང་ཐུགས་ཀྱི་རྡོ་རྗེ་ཅན། ཕྱི་རོལ་དུ་ནི་དཀྱིལ་འཁོར་ཡང་།། སྒོ་བཞི་པ་ནི་རབ་ཏུ་བརྟགས།། ཤར་དུ་ཁྲོ་གཉེར་མ་བཞག་སྟེ།། ལྷོ་ན་འཇིགས་པར་འཇིགས་བྱེད་མ།། རུབ་ན་རྟ་ཡི་གཟུགས་ཅན་མ། ། བྱང་དུ་ཚོགས་ཀྱི་འདྲེན་མ་མོ།། མཁས་པས་པདྨ་འདབ་བརྒྱད་ལ།། རིག་མ་བརྒྱད་ནི་མཉམ་པར་བྲི།། མཛེས་པ་མོ་དང་ཞི་བའི་ཞལ།། ཟླ་མོ་དང་ནི་དུང་ཅན་མོ།། རི་བོང་འཛིན་དང་དཀྱིལ་འཁོར་མོ། ། རི་བོར་འཛིན་རི་མོ་ཡིད་དགའ།། ཡིད་ལ་བདེ་བར་བྱེད་མ་དག། རིག་མ་བརྒྱད་དང་དགེ་མ་བརྒྱད།། ཐམས་ཅད་ཞལ་གསུམ་ཕྱག་དྲུག་པ།། སྣ་ཚོགས་གཟུགས་ནི་ཡང་དགའ་མ། ། ཕྱོགས་རྣམས་དང་ནི་མཚམས་དག་ལ།། རྟག་པ་རུ་ནི་བྲི་བར་བྱ།། མཆོད་པ་པི་ཝང་རྔ་དེ་བཞིན།། དེ་བཞིན་སྤྲོས་དང་མེ་ཏོག་སོགས།། དབྱངས་དང་གར་དང་མདོར་པ་ནི། ། དགའ་ཕ་རོལ་པ་སྦྱོར་བ་ཡིས།། རྡོ་རྗེ་བདུད་རྩི་བདེ་བ་ཆེ།། གསང་བའི་འཁོར་ལོ་བསྒྲུབ་པར་བྱ།། མ་དང་བྲན་མོ་བུ་མོ་དང་།། སྲིང་མོ་གཉེན་མོ་དེ་བཞིན་ཏེ།། རྡོ་རྗེ་བདུད་རྩི་དེ་དག་ལས། ། བླངས་ནས་གསང་བའི་དཀྱིལ་འཁོར་མཆོད།། མ་ལས་བདུད་རྩི་བླངས་པས་ནི།། རྡོ་རྗེ་བདུད་རྩི་དང་མཉམ་འགྱུར།། སྲིང་མོ་ནད་མེད་ན་སོ་གཞོན།། བུ་མོ་ཡི་ནི་འདོད་ཀུར་སྦྱིན།། བྲན་ཟེར་མོའི་ནི་དོན་ཡོད་གྲུབ། ། གསང་བའི་དཀྱིལ་འཁོར་ལ་འདོད་བྱས།། ལྕེ་ནི་དྲིལ་བར་བྱས་ནས་སུ།། ཁ་ཡིས་པདྨར་བླང་བར་བྱ།། རྡོ་རྗེ་བདུད་རྩི་བདེ་བ་ཆེ།། དེ་ནས་མྱུར་བར་དངོས་གྲུབ་བོ།། བུང་བརྩེ་བའི་ཚུལ་གྱིས་ནི། ། བུད་མེད་ཐམས་ཅད་འདོད་པ་སྤྱོད།། འདུས་དང་གྲུབ་མོ་དང་བརྐྱང་བ།། ཡར་བཏེག་ཟེར་ནི་ཤིན་ཏུ་བརྐྱང་།། བྱེད་པའི་བཅིང་བ་སྦྱོར་བ་ཡིས།། ས་གསུམ་དག་ནི་བསྒྲུབ་པར་བྱ། ། ཤ་ཆེན་དང་མི་ཟག་ཆེན་གྱིས།། དེ་བཞིན་བཤང་གཅི་ཁུ་བ་དག། དེ་དག་རྡོ་རྗེ་བདུད་རྩི་ལྔ།། ཉིན་དང་ཉིན་དུ་བསྒྲུབ་པར་བྱ།། རྡོ་རྗེ་བདུད་རྩི་བདེ་བ་ཆེ།། གལ་ཏེ་དངོས་གྲུབ་བདག་བའདོད་ན། ། དེ་ཡིས་དོན་རྣམས་ཐམས་ཅད་ནི།། སྒྲུབ་པ་པོས་ནི་མཆོག་ཏུ་བསྒྲུབ།། དབང་དགུག་པ་དང་འཐབ་པ་དང་།། གསོང་དང་བསྐྲད་པ་ལ་སོགས་པ།། རྡོ་རྗེ་བདུད་རྩི་བདེ་ཆེན་པོས། བྱ་བ་ཐམས་ཅད་ཀུན་ཏུ་བྱ།། རྡོ་རྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེས་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེས་ཆེན་པོའི་རྡོ་རྗེ་བདུད་རྩི་རྒྱུད་ཀྱི་རྒྱལ་པོ་ལས། གསང་བའི་དཀྱིལ་འཁོར་བྱེད་པའི་མངོན་ཚུལ་བསྟན་པའི་ལེའུ་དང་པོའོ།། ། དེ་ནས་མགུ་བའི་ལྷ་མོ་དེ།། པདྨ་རྒྱས་པའི་མཱ་མ་ཀཱི། ། བརྟན་པོ་འཁྱུད་པ་བྱས་ནས་སུ།། དབང་པོ་ཐམས་ཅད་ལ་འོ་བཏབ།། མ་མཆུ་སོས་བཟུང་འོ་བཏབ་སྟེ།། སིད་སྒྲ་སྔགས་ནི་བརྗོད་པར་བྱ།། རྡོ་རྗེ་བཅིངས་པས་སྐུ་ཡང་འཛིན།། རྡོ་རྗེ་ཅན་གྱིས་གསང་བྱས་ཏེ།། པདྨར་རྡོ་རྗེ་བཅུག་ནས་སུ།། ཆགས་ན་དགའ་སྟེ་འདོད་པར་བྱས།། སིང་སྒྲ་སྙན་པོ་སྒྲ་རྣམས་དང་།། ཀོ་ཀི་ལ་དང་གླིང་བུ་སོགས།། ལྷ་མོ་མཱ་མ་ཀཱི་དང་རྩེ།། རྡོ་རྗེ་བདུད་རྩི་བདེ་ཆེན་པོས། ། ནུ་མ་ཟུང་ལ་གཟིར་བྱས་ཏེ།། སེན་མོ་རེ་མོས་གདབ་པར་བྱ།། དེ་ཡང་གོས་ནི་ཕུད་བྱས་ཏེ།། སྟང་འོག་ལ་ཡང་བལྟ་བར་བྱ།། རྒྱས་པའི་པདྨར་འོ་བཏབ་ནས།། དགའ་བའི་ཚིག་ཀྱང་བརྗོད་པར་བྱ། ། རྒྱས་པའི་པདྨ་མཱ་མ་ཀཱི།། ལྷ་མོ་ཆེན་མོ་ལེགས་སོ་ལེགས།། གཏན་དུ་འདོད་ལ་ཆགས་པ་ཡིས།། བདག་གིས་ཁྱོད་ལ་དགའ་བར་བྱ།། གང་ཞིག་འདོད་པ་ཁྱོད་ཀྱིས་ཆུས། ། ཁྱོད་ལ་བདག་གིས་མཆོག་ཏུ་སྦྱིན།། དེ་ནས་ལྷ་མོ་མཱ་མ་ཀཱི།། ཚིག་འདི་དག་ནི་ཆེད་དུ་གསོལ།། བཅོམ་ལྡན་ཉིད་ཀྱིས་དེ་བཞིན་ཉིད།། བྱང་ཆུབ་སེམས་ཀྱིས་རྣམ་སྤྲུལ་པ།། ཕྲ་བས་ཤིན་ཏུ་ཕྲ་བ་ཡིས། ། ཟད་མེད་ཡེ་ཤེས་ཇི་ལྟར་རོལ།། དེ་འདྲ་ལྷ་ཡིས་དཔྱོད་པ་ནི།། དབང་པོ་གཉིས་ཀྱི་སྙོམས་འཇུག་པས།། དེ་དག་ཐེ་ཙོམ་འབྱུང་བས་ན།། བདག་ནི་ངོ་མཚར་དམ་པར་གྱུར། ། དེ་ནས་བཅོམ་ལྡན་རྡོ་རྗེ་ཡིས།། རྡོ་རྗེ་བདུད་རྩི་བདེ་ཆེན་བཤད།། ཉོན་ཅིག་དེ་ཉིད་མཱ་མ་ཀཱི།། ཡེ་ཤེས་སྦྱོར་བ་འབིགས་བྱེད་པ།། ཤིན་ཏུ་ཕྲ་བ་གསང་ཆེན་པོ། ཡེ་ཤེས་ཤེས་བྱ་ངོ་བོ་ཉིད།། དེ་ནི་བདག་གིས་བཤད་བྱ་སྟེ།། སངས་རྒྱས་བྱང་ཆུབ་རབ་སྒྲུབ་པ།། མི་འཇིགས་ཟད་མེད་རྟག་པ་ནི།། གདོད་མ་མེད་ཅིང་དབང་པོ་སྤོངས།། ཡོད་ཉིད་དང་ནི་མེད་ཉིད་ཀྱང་།། དབང་པོ་དང་བཅས་དབང་པོ་མེད།། འབྱུང་བ་ཀུན་ཏུ་མ་མཐོང་བ།། སྦྱོར་བ་ལམ་གྱིས་མཐོང་བའོ།། སྦྱོར་བ་རྣམ་པ་གཉིས་གསུངས་ཏེ།། ཕྱི་དང་ནང་དུ་བཅས་པའོ།། ཕྱི་ནི་གཟུགས་ཀྱི་ཕུང་པོ་སོགས། འབྱུང་བ་རྣམ་པ་ཀུན་རྫོགས་ཏེ།། སྣ་ཚོགས་གཡོ་དང་མི་གཡོ་བ།། ཁམས་གསུམ་དང་ནི་མ་ལུས་པར།། དེ་གཅིག་པུས་ནི་ཁྱབ་པ་སྟེ།། ཐམས་ཅད་རྣམ་ཤེས་ཁོ་ནའོ།། ཅི་ཕྱིར་སེམས་ཅན་བདག་མེད་རྣམས། ། རྣམ་ཤེས་ཕུང་པོ་རྟེན་པ་ཡིན།། ཐུན་སེམས་སྙིགས་མའི་མི་རྣམས་ཀྱིས།། འགའ་ཡང་ཤེས་པ་མ་ཡིན་ནོ།། སེམས་ལས་མ་བྱུང་སེམས་ཀྱི་ངོས།། ཡེ་ཤེས་ཤེས་བྱའི་ངོ་བོ་ཉིད། ཐམས་ཅད་རྣམ་ཤེས་གཅིག་ཉིད་དོ།། གང་ཚེ་ལུས་ལ་རྐྱེན་ཉིད་འགྱུར།། ཆོས་རྣམས་དང་ནི་ཆོས་གཅིག་འགྱུར།། དངོས་པོ་བདག་ནི་དེ་ཚེ་འགྱུར།། ཅི་ལྀ་ཕྱིར་ན་ཆོས་རྣམས་ཀྱི།། མང་པོ་ཉིད་དུ་ཆོས་རྣམས་ཀྱང་། ། མུ་རྒྱུན་བཞིན་དུ་རྒྱ་མཚོ་ལ།། ཐར་པ་ནི་གཅིག་ཁོ་ན་སྟེ།། མང་པོ་ཉིད་དུ་མི་རྙེད་དེ།། ཇི་ལྟར་ནང་དུ་མེར་གནས་པ།། བླ་མའི་ཞལ་ཁོ་ན་ལས་ཐོབ།། བྷ་གའི་པདྨར་ནམ་མཁའ་གང་། ནམ་མཁའ་ལྔ་ཡིས་བརྒྱན་པ་སྟེ།། སྙིང་དང་སྙིང་པོ་རྣམ་ལྡན་ཞིང་།། འདབ་མ་བརྒྱད་ཀྱིས་རྣམ་པར་ཀླུབས།། དེ་དབུས་རྡོ་རྗེ་ཅན་བཞུགས་ཏེ།། བྱང་སེམས་བདུད་རྩི་དང་ལྡན་པ།། ཆ་ཤས་ཆས་མིན་རྣམ་གྲོལ་བར། ། ཐིག་ལེ་དེ་ཡིས་རྣམ་པར་སྤངས།། དེ་ནས་རྟག་ཏུ་ཟག་པ་ནི།། བདུད་རྩི་བྱང་ཆུབ་སེམས་ཀྱི་གཟུགས།། ཁམས་རྣམས་ཀུན་གྱི་གཞི་ཡིན་པ།། སྟེང་འོག་ཏུ་ཡང་རྣམ་པར་ཁྱབ།། དེས་ནི་མཐོང་བ་ཐོས་པ་ཡང་། ། མནམས་པ་དང་ནི་མྱང་བ་ཡང་།། རེག་དང་བདེ་བའི་ལོངས་སྤྱོད་ནི།། ཟས་དང་མེ་ཏོག་འཕྲེང་བ་དང་།། རྒྱན་དང་གོས་ཀྱིས་བརྒྱན་པ་སྟེ།། ངག་གིས་སྣ་ཚོགས་གྲགས་པ་ཡང་།། བླངས་པ་དང་ནི་བཟུང་བ་རྣམས།། རོལ་དང་ཀུན་ཏུ་འགྲོ་བ་དང་།། འདུག་དང་དེ་བཞིན་ཉལ་བ་དང་།། སད་པ་དང་ནི་ལོག་པ་དང་།། ཐམས་ཅད་རྨི་ལམ་མཐོང་བ་སྟེ།། བཞད་དང་དེ་བཞིན་ཆོ་ངེ་དང་།། ཤིན་ཏུ་ཡིད་འཕྲོག་གར་དང་ནི།། རྔ་རྣམས་དག་ཀྱང་བརྡུང་བ་སྟེ།། སྣ་ཚོགས་པ་དག་འདིར་བརྗོད་པས།། སྨྱོན་པ་དང་ནི་མྱོས་པའི་གཟུགས།། གཏི་མུག་འདོད་ཆགས་དེ་དེ་ཉིད།། གཟུགས་མེད་མང་པོའི་གཟུགས་ཅན་དེ། ། ཕོ་དང་མོ་དང་མ་ནིང་རྣམས།། དུ་མའི་གཟུགས་ཅན་ཀུན་གྱི་བདག། སྣ་ཚོགས་གཟུགས་ནི་ནོར་བུ་བཞིན།། ཁྱབ་པའི་དངོས་ཀྱིས་ཁྱབ་ནས་སུ།། དེ་ཉིད་དམ་པ་ཆེར་གནས་སོ། དེ་བཞིན་ཉིད་དེ་མཱ་མ་ཀཱི།། བཟླས་མེད་འཛིན་པ་ཡང་མེད་དེ།། བགྲང་འཕྲེང་བྱ་བ་འགའ་ཡང་མེད།། ཟས་སྤངས་པ་ཡང་མི་བྱའོ།། བྷ་གའི་པདྨ་མཆོད་བྱས་ཏེ། མཁས་པས་བདུད་རྩི་བཟའ་བར་བྱ།། རྡོ་རྗེ་བདུད་རྩི་བདེ་བ་ཆེ།། དེ་ཡིས་དེ་ཉིད་འགྲུབ་པའོ།། གང་དེ་བདུད་རྩི་འབབ་པའི་རྩ།། བྷ་གའི་དབུས་སུ་པདྨ་སྟེ།། རྩ་གཞན་སུམ་ཅུ་རྩ་གཉིས་ལ།། དེ་གིཡི་དབུས་སུ་དེ་གཙོ་སྟེ། ། དེ་དག་ལས་གཞན་ཤིན་སུ་མཆོག། རྩ་དག་དགུ་ནི་རྣམ་པར་གནས།། སྒོ་དགུ་ལ་གནས་རིགས་པ་དག། སྒྲུབ་པ་པོས་ནི་མཆོད་པར་བྱ།། འདོད་པའི་ཡོན་ཏན་ལྔ་ལྷ་མོ།། རྟག་ཏུ་རྡོ་རྗེ་ཅན་མཉམ་བལྟ།། དེ་བས་དེ་དག་རབ་བྱེད་ན།། ཆགས་བྲལ་ཞེས་གསུངས་ཀུན་རིག་པས།། དེ་དག་གསང་ཆེན་མཆོག་རབ་ནི།། ཞལ་བཟང་མ་ཀྱེ་སྦྱོར་བར་བཤད།། སྣ་ཚོགས་རྣམ་སྣང་མཛད་སོགས་པ། ། དེ་བཞིན་གཤེགས་པས་མི་ཤེས་ཏེ།། གཏན་དུ་དགའ་བའི་ཡིད་བདེ་བ།། སྦྱོར་བས་དམ་པ་རབ་བསྟན་ཏོ།། གསང་བའི་པདྨ་མཐོང་ནས་དང་།། ཤིན་ཏུ་རྒྱས་པའི་མཱ་མ་ཀཱི། ། རྡོ་རྗེ་བདུད་རྩི་བདེ་བ་ཆེ།། དེ་ཉིད་བདག་གིས་བཤད་པར་བྱ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩིའི་རྒྱུད་ཆེན་པོ་ལས། དེ་བཞིན་ཉིད་སྦྱོར་བ་ཡེ་ཤེས་བསྟན་པ་ཞེས་བྱ་བའི་ལེའུ་གཉིས་པའོ།། །། དེ་ནས་མགུ་བའི་ལྷ་མོ་དེས།། ཧཱ་ར་ནུ་པུར་གྱིས་བརྒྱན་ཏེ། ། འདི་དག་དབྱངས་ནི་བླངས་ནས་སུ།། སེམས་དཔའ་ཆེན་པོ་དགྱེས་པར་བྱེད།། ཕྱུང་མཛད་བདེ་ཆེན་རྡོ་རྗེ་ལས།། བདག་གིས་མཆོག་གི་ཡིག་འབྲུ་འཚལ་བར་གྱི།། བྷ་གའི་པདྨར་བདེ་བ་ཆེན་པོ་སྟེ། ། རྡོ་རྗེའི་དོན་དེ་བདེ་བ་ཆེན་པོ་ལགས།། ས་འཛིན་པ་དང་སྐད་ཕྲན་དང་།། དྲུག་ལྡན་ལ་སོགས་མཐའ་འཁོབ་ཚུལ།། སྣ་ཚོགས་ཐུན་མོང་རྣམ་དག་གི། སྙན་པའི་སྒྲ་ཡིས་བླང་བར་བྱ། ། དེ་རྣམས་དབྱངས་དག་བླངས་ནས་སུ།། དགའ་ཡིད་བདེ་བ་རྣམ་སྤྲུལ་གྱིས།། རྡོ་རྗེ་བདུད་རྩི་བདེ་བ་མེ།། སངས་རྒྱས་བྱང་ཆུབ་བསྒྲུབ་པར་བྱ།། གསང་བའི་དཀྱིལ་འཁོར་བཀའ་སྩལ་པས། ། དེ་བཞིན་ཉིད་ཀྱིས་ཐེ་ཙོམ་བཅད།། རྡོ་རྗེ་ཅན་ཁྱོད་བཀའ་དྲིན་གྱིས།། རྟག་པར་ཡེ་ཤེས་བྱ་བ་བགྱི།། བཅོམ་ལྡན་ཆགས་པ་དང་བྲལ་བའི།། རྡོ་རྗེ་བདུད་རྩི་འབྱུང་བ་འདི།། རྡོ་རྗེ། ཐེག་པ་འབྱུང་བ་ཡི།། སྦྱོར་བ་བདག་གིས་བསྟན་པར་བགྱིས།། ད་དུང་བདག་ལ་ཐེ་ཚོམ་མཆིས།། ཕྱག་རྒྱ་གཉིས་ཀྱི་རྣམ་སྤྲུལ་པ།། ཇི་ལྟར་ཕྱག་རྒྱ་ཡང་དག་འབྱུང་།། དེ་དག་གི་སྔགས་རྗེ་ལྟར་ལགས། ། སྔགས་རྣམས་གང་ལས་སྐྱེ་བ་ལགས།། ཁྱད་པར་དུ་ནི་ལྷ་རྣམས་ཀྱང་།། ལཱ་ནི་དྲི་དག་ཐེ་ཙོམ་ན།། མདོར་བསྡུས་ནས་ནི་བདག་ལ་གསུངས།། རྡོ་རྗེ་བདུད་རྩི་བདེ་ཆེན་པོས།། བཅོམ་ལྡན་རྡོ་རྗེ་ཅན་འདི་གསུངས།། ཕྱོག་རྒྱ་ཐུགས་དཔ་འབྱུང་བནི།། བག་དང་རྟེན་ཚིགས་པ་འི།། རྒྱག་བྱམས་པ་གསུམ་ཤེསས་ཏེ།། མུ་དང་གསུང་དང་ཐུགས་པས་འབྱུང། བྱས་རྒྱ་མཆོག་འགྱུར་ཏེ།། གསུདུན་ཕྱག་ཏུ་རྟགས་ཀྱི་ལས།། ཐུགས་ཀྱི་མཚན་མ་དྷཱག་དྷཱ་ནཱ~ཾ།། བྱ་ལ་གཏན་མ་གཉིས་མེད་གནས།། རྡོརྗེ་བདུ་བའི་བྱུགས་ས་བྱ། ། མཚན་མའི་ཕྱག་སྣ་མ་ཟེའོ།། ཕྱག་ཏུ་མངོན་སམ་གཟུགས་ཡིན་ཏེ།། ལྷན་དྷ་མཛན་མེད་དོ།། དང་བ་ཐམས་ཅད་བདེ་བཅུ།། རྣ་གའི་པདྨ་མཆོད་པ་བངྒཱ་པམ་བྷྱོ་ཤིང་། ། ལས་བནས་ཅང་ནི་འགྲུབ་པར་བྱ། མྦྷ་གྲུ་པས་མ་ཤིང་ན་ཧཱུ~ཾ།། རྡུལ་ག་རྒྱ་དྲག་སྟོང་ཅན་དང་།། ས་དང་གདུང་བའི།། སུ་གྱུར་བ་བཛིན།། དེ་སྔར་བདུད་རྩི་འབབ་པའི་རྩ།། སྔགས་དང་དྲུག་རྒྱུའི་ཡུམ་ཡིན་ཏེ།། སྔགས་འདི་རྣམས་ཀྱི་སྐྱེ་བ་ནི།། ཐུ་གའི་དབུས་སུ་གནས་པའོ།། དེ་ནས་བཅོམ་ལྡན་རྡོ། ཅན།། རྡོ་རྗེ་བདུད་རྩི་བདེ་ཆེན་པོསོ།། རྡོ་རྗེ་བཅུག་ནས་མཱ་མ་ཀཱི།། ཉོན་ཅིག་སྔགས་རྣམས་མཚན་ཉིད་ནི།། དང་པོ་རྣམ་སྣང་མཛད་སྦྱོར་ཏེ།། ཨོཾ་བཛྲ་ཨ་མྲྀ་ཏ་མ་ཧཱ་ས་ཁྭ། ས་བྱོན་བའི་དང་མཉམ་ལྡན་ལ། ། སྭཱ་ཧཱ་ཡི་གེ་ཡང་སྦྱོར་རོ།། རྣམ་པར་སྣང་མཛད་ཡང་འབུལ་ཏེ།། ཡི་གེ་གཉིས་དང་བཞི་པ་སྟེ།། ངན་པོ་ཡོས་ནི་མཉམ་ལྡན་པ།། མཱ་མ་ཀཱི་ཡ~ཾ་སྙིང་པོའི་མཆོག་བརྒྱད་ལ་ཁོ་ནའོ་དབུས་མ་གང་། ། བརྒྱད་ལ་རྒྱན་གྱིས་རྣམ་པར་བརྒྱན།། འདབ་བརྒྱད་ལ་ནི་སྦྱར་བྱས་ཏེ།། ལྷ་མོ་སྔགས་ཀྱིས་སྔགས་ཕྱུང་ངོ་།། སྒོ་སྲུངས་དག་གི་སྔགས་རྣམས་ནི། ཉོན་ཅིག་སྐལ་བཟང་མཱ་མ་ཀཱི།། སྡེ་ཡི་ཐ་མ་སྔགས་ཕྱུང་སྟེ།། ས་བོན་བརྒྱད་ནི་སྔགས་རིག་པས།། སྟོང་པའི་ལཱུ་ཡིས་གནོན་བྱས་ཏེ།། རྣམ་པར་སྣང་མཛད་དང་ལྡན་ལ།། སྭཱ་ཧཱ་ཡི་གེ། མཉམ་པོར་ལྡན།། དངོས་གྲུབ་ཐམས་ཅད་རབ་སྦྱིན་རྣམས།། བཞི་ནི་སྒོ་སྲུངས་ཀྱི་ཡིན་ཏེ།། བཞི་ནི་སྤོས་དང་དུངྒེ་སོགས།། མ་ནིང་ཡི་གེ་ག་བཞི་ལ།། སྭཱ་ཧཱ་རྣམ་པར་སྣང་མཛད་ཀྱང་།། མོ་གསང་བའི་མཱ་མ་ཀཱི།། རྔ་སོགས་ཀུན་གྱིས་མཆོད་པར་བྱ།། རྡོ་རྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེས་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས། སྔགས་ཕྱུང་བའི་རིམ་པ་བསྟན་པ་ཞེས་བྱ་བ་ལེའུ་གསུམ་པའོ།། ། དེ་ནས་སྦྱིན་སྲེག་ལས་དག་གི། ཆོ་གའི་རིམ་པ་བཤད་པར་བྱ།། སྦྱོར་བའི་རྒྱུད་ཀྱི་ཆོ་ག་ཡིས།། སྐུ་གསུང་ཐུགས་ནི་བསྒྲུབ་པ་ཡིན།། ནི་བ་དང་ནི་རྒྱས་པའི་ལས།། དེ་བཞིན་དབང་དང་མངོན་སྤྱོད་དང་།། འཐབ་དང་། བསྐྲད་ཀྱང་དེ་བཞིན་དུ།། སྔགས་དང་ཕྱག་རྒྱའི་བསྒྲུབ་པ་རྣམས།། དེ་ཀུན་བདག་གིས་བཤད་པར་བྱ།། རྡོ་རྗེ་བདུད་རྩི་འབྱུང་བའོ།། རྡོ་རྗེ་སེམས་དཔའ་འགྱིང་བྱེད་པ།། དགུར་བརྟེན་བཅས་པས་གཉིས་གནཔ་གརྒྱན་ཐམས་ཅད་ཀྱིས་བརྒྱན་བྱས་ཏེ། ། སློབ་དཔོན་དཀྱིལ་འཁོར་འཇུག་པར་བྱ།། ཁམས་གསུམ་རྣམ་པར་རྒྱལ་གྱུར་ནས།། རྐང་གཉིས་གཡས་བརྐྱང་བྱ་བ་དང་། གཡོན་བརྐྱང་བྱ་བ་ཡང་བྱས་ཏེ།། རྐང་མཉམ་དང་ནི་ས་ག་ཡིས།། ས་ནི་སྐྱོང་བར་བྱེད་མ་ཐག། ས་ལ་རེག་ན་འཇམ་སྐྱེའོ།། དེ་ནས་བགེགས་རྣམས་བསྐྲད་ནས་སུ། གཞལ་ཡས་སྤྲུལ་པ་ལ་སོགས་པ།། གོང་དུ་བླ་མར་ཕྱག་འཚལ་ལོ།། ཕྱི་ནས་ས་ཡི་ལྷ་མོ་དགུག། ཨོཾ་ཨེ་ཧྱེ་ཧི་ལྷ་མོ་ཆེ།། ས་ཡི་བརྟན་མ་འཇིག་རྟེན་ཡུམ།། རིན་ཆེན་ཐམས་ཅད་རབ་རྫོགས་པའོ། ། ལྷ་ཡི་རྒྱན་གྱིས་རྒྱན་བྱེད་མ།། ཧ་རུ་ཎ་པུར་སྒྲ་འབྱིན་མ།། རྡོ་རྗེ་སེམས་དཔའ་རབ་ཏུ་མཆོད།། ཡོན་འདི་དག་ནི་བཞེས་ནས་སུ།། སྦྱིན་སྲེག་ལས་ནི་འགྲུབ་པར་མཛོད།། ཧྲི་ཧྲི་ཧྲིཧྣ་སྭཱ་ཧཱ། བཤང་གཅི་ཁྲག་དང་ཁུ་བ་ཡིས།། དཀྱིལ་འཁོར་ས་ལ་གཏོར་བར་བྱ།། བྱིན་བརླབས་བྱ་བའི་ཕྱིར་སྤྲོས་ནི།། ཤ་ཆེན་གྱིས་ནི་དབུལ་བར་བྱ།། དེ་ནས་རིག་མ་འཇུག་བྱས་ཏེ།། གདོལ་པ་མ་དང་སྨེ་ཤ་མ། ། གར་མཁན་མ་དང་བྲམ་ཟེ་མོ།། དེ་ཁོ་ན་བཞིན་རྒྱལ་མོ་དང་།། དམངས་རིགས་མོ་དང་རྒྱལ་རིགས་མོ།། དྲི་དང་སྤོས་ཀྱིས་མཆོད་བྱས་ཏེ།། ལྷ་ཡི་རྒྱན་གྱིས་བརྒྱན་པར་བྱ།། ཡན་ལག་ལྔ་ལ་ཡི་གེ་ཧྲཱིཿ། ། བྷ་གའི་དབུས་སུ་ཡི་གེ་བྲུཾ།། སྤྱན་མ་སྒྲོལ་མ་གོས་དཀར་མ།། ཡིད་དགའ་མ་བདག་བསྒོམ་པར་བྱ།། བྷ་གའི་དབུས་སུ་སློབ་དཔོན་གྱིས།། མེ་ཏོག་གཏོར་བ་ཁོ་ནར་བྱ། དེནས་སྔགས་པས་ཧོ་ཁུང་ནི།། ཚད་མར་ཀུན་ཏུ་བྲི་བྱ་སྟེ།། ཞི་ལ་ཟླུམ་པོར་བྱ་བ་སྟེ།། ཁྲུ་གང་ཙམ་དུ་ཐིག་གདབ་བོ།། ཁྲུ་ཕྱེད་ས་ལ་བརྐོས་ནས་སུ།། དཀར་རྩི་ཚོན་གྱིས་བྱུག་པར་བྲི།། ཀུ་ཏུ་འཁོར་ལོ་ཚུལ་ལྟར་ཡང་། ། གློ་རུ་མཉམ་པོར་བྲི་བའོ།། རྒྱས་པ་ལ་ནི་ཁྲུ་དོ་སྟེ།། དེ་ལ་ཁྲུ་གང་བརྐོ་བར་བྱ།། གྲུ་བཞི་པ་ནི་མཐའ་མཉམ་དུ།། མུགས་དང་བཙག་གིས་བྲི་བའོ།། མངོན་སྤྱོད་ལ་ནི་ཟུར་གསུམ་སྟེ། ། སོར་ཉི་ཤུ་ནི་ཡངས་པའི་ཚད།། ཉི་ཤུ་ཕྱེད་ནི་བརྐོ་བྱས་ན།། དབུས་སུ་རྡོ་རྗེ་རྒྱུ་གྲམ་ཡང་།། འབར་བ་འཕྲེང་གིས་འཁྲུགས་པ་བྲི།། དེ་བཞིན་དབང་དང་དགུག་པ་ལ།། ཟླ་གམ་ཡང་དག་བྲི་བའོ། ། ཧོ་ཁུང་ཡང་དག་སྟོན་ནས་སུ།། ཕྱོགས་ཀྱི་ཆ་ཡང་བསྟན་པར་བྱ།། བྱང་དུ་མངོན་དུ་ཁ་བསྒྱུར་ཏེ།། སྔགས་པས་ཞི་བ་བརྩམ་པར་བྱ།། རྒྱས་པ་ལ་ནི་ཤར་དུ་ཡང་།། མངོན་སྤྱོད་ལ་ནི་ལྷོ་ན་སྟེ། ། དབང་ནི་ནུབ་ཏུ་ཁོ་ན་བཤད།། དགུག་དང་བསྐྲད་ཀྱང་དེ་བཞིན་ནོ།། མངོན་སྤྱོད་རྟག་པར་ནག་པོ་སྟེ།། ཚེན་ལྔ་ཡིས་ནི་དབང་སོགས་བྱ།། འབྲས་དང་ཏིལ་དང་འོ་མ་དང་།། མར་དང་སྦྲང་རྩི་ལྷན་ཅིག་པར། ། བདུད་རྩི་ལྔ་དང་ལྡན་པ་ཡིས།། ཞི་བ་རྒྱས་པ་སྦྱིན་སྲེག་བྱ།། སྲེག་ཤིང་རྣམས་ཀྱང་ཐམས་ཅད་ལ།། དྲི་ཞིམ་འོ་མ་ཅན་ཤིང་ངོ་།། སྣ་ཚོགས་ཟས་སམ་གཏོ་མ་ཡང་། ། འབྱུང་པོ་ཐམས་ཅད་སྦྱིན་པར་བྱ།། གཏོར་མ་གང་ཡང་སྒྲུབ་པ་པོས།། ཁྲག་འཐུང་ཕྱག་རྒྱ་ཆེན་པོས་སྦྱིན།། གང་ཞིག་ཡིད་ཀྱིས་འདོད་པ་ནི།། རྟག་ཏུ་རྣལ་འབྱོར་པ་ཡིས་འགྲུབ། དབྱར་གྱི་དུས་ནི་ཞི་བ་སྟེ།། རྒྱས་པ་དེ་བཞིན་དགུན་གྱི་དུས།། དཔྱིད་ཀ་མངོན་སྤྱོད་ལས་རྣམས་ནི།། སྒྲུབ་པ་པོས་ནི་ཐམས་ཅད་བྱ།། ཤར་དུས་ཞི་བ་རབ་ཏུ་གསུངས།། རྒྱས་པ་དེ་བཞིན་སྲོད་ལ་སྟེ། ཉིན་ཕྱེད་ལ་འམ་ནམ་ཕྱེད་ལ།། རྟག་པར་མངོན་སྤྱོད་བྱ་བའོ།། ཧོ་ཁུང་དབུས་སུ་ཡི་དམ་ལྷ།། ཡི་གེ་ཧཱུཾ་གིས་བསྐྱེད་ནས་སུ།། ཞལ་ནི་གདངས་པ་བསམ་བྱས་ཏེ། སྦྱིན་སྲེག་དེ་ལ་དབུལ་བར་བྱ།། སྦྱིར་སྲེག་འབུམ་ཕྲག་འབུལ་འགྱུར་ན།། མདུན་དུ་མངོན་སུམ་ཁོ་ནར་འགྱུར།། དང་པོ་མེ་ནི་དགུག་བྱ་བ།། ལྷ་ཐམས་ཅད་ཀྱིས་མཆོད་པའི་གནས།། འོད་ཟེར་འཕྲེང་འཁྲུགས་དྲག་པོའི་ལྷ། ། སངས་རྒྱས་བྱང་ཆུབ་འགྲུབ་པའོ།། ཨོཾ་ཨེ་ཧྱེ་ཧི། འདིར་གཤེགས་གདོན་མི་ཟ་བར་ཁྱོད།། མེ་ལྷ་མངོན་སུམ་དངོས་གྲུབ་སྦྱིན།། དྲག་པོ་ཁམས་གསུམ་གྱི་མཆོད་པ། ། ཁྱབ་འཇུག་ཚངས་པས་ཕྱག་འཚལ་བ།། འདི་དག་ཡོན་ཡང་བཞེས་ནས་སུ།། ཞབས་གཡོན་བརྗེས་ཀྱང་རྡོ་རྗེ་ཅན།། ཨོཾ་ཧཱུཾ་ཧཱུཾ་ཧཱུཾ་ཕཊ་ཕཊ་ཕཊ་སྭཱ་ཧཱ། དང་པོ་ལ་ནི་ལོན་འབུལ་ཏེ། ། ཕྱི་ནས་ལྷ་བཤོས་མེ་ཏོག་འབུལ།། ཨོཾ། ལྷ་ཡི་མེ་ཏོག་ཤིན་ཏུ་དམར།། དྲི་ཞི་མ་ཤིན་ཏུ་མཛེས་པ་ནི།། མེ་ཏོག་དེ་རིང་བཞེས་ནས་སུ།། འདི་ལ་བྱིན་གྱིས་བརླབ་པར་གསོལ།། ཧཱུཾ་མ་ཏོག་གི་སྔགས་སོ། ། ཨོཾ། མར་མེ་འོད་ཟེར་འབར་བ་ནི།། ངན་འགྲོ་འཇིགས་པ་འཇོམས་བྱེད་པ།། ལྷ་ཡི་མིག་བྱེད་བཀྲ་ཤིས་པས།། མར་མ་ཁྱོད་ཀྱིས་བཞེས་སུ་གསོལ།། ཧཱུཾ་མར་མེའི་སྔགས་སོ། ། ཨོཾ་ཙན་དན་ག་པུར་དང་བཅས་པའི།། དྲི་ཞིམ་སྤོས་མེ་དགེ་བ་ནི།། མཐུ་དང་བཅས་པར་བྱ་བ་འདི།། བཞེས་ནས་བྱིན་གྱིས་བརླབ་ཏུ་གསོལ།། ཧཱུཾ་སྤོས་ཀྱི་སྔགས་སོ།། ཨོཾ། སྣ་ཚོགས་ལྷ་ཡི་དྲི་ཞིམ་པ། ། སྣ་ཚོགས་ག་པུར་རྣམ་བརྒྱན་པས།། སྣ་ཚོགས་ཡི་གེ་ཧཱུཾ་ལས་བྱུང་།། དྲི་འདི་འབུལ་ཏེ་བཞེས་སུ་གསོལ།། ཧཱུཾ་དྲིའི་སྔགས་སོ།། དང་པོར་མཆོད་པའི་ཆོ་ག་ནི།། ཐེ་ཙོམ་མེད། པར་མེ་ལ་བྱ།། ཕྱི་ནས་རང་གི་ཡི་དམ་ལྷའི།། བཟླས་སྔགས་རིག་པར་བརྗོད་པར་བྱ།། དབྱངས་དང་གར་དང་ཟས་རྣམས་ཀྱིས།། རྣམ་པ་དུ་མར་རོལ་བྱས་ཏེ།། རིག་མ་དང་ནི་སྒྲུབ་པ་པོས།། ཚོགས་ལ་མཆོད་པས་མཉེས་པར་བྱ། ། གལ་ཏེ་དངོས་གྲུབ་དག་འདོད་ན།། སྐུ་གསུང་ཐུགས་ནི་འགྲུབ་པའོ།། བླ་མ་མེ་ལྷ་རྡོ་རྗེ་འཛིན།། མཆོད་པར་བྱས་ནས་རྫོགས་པར་བྱ།། ཨོཾ་མེ་ལྷ་ལས་ནི་གྲུབ་པར་མཛད། ། སེམས་ཅན་ཐམས་ཅད་བདེ་བ་འདྲེན།། སྐུ་གསུང་ཐུགས་དངོས་གྲུབ་དོན་དུ།། ལྷ་རྣམས་ལས་ནི་རྗེས་སུ་སྐྱོབས།། མེ་ལྷ་ཞི་བར་གཤེགས་ནས་སུ།། ས་གཞི་ཞི་བར་མཛད་མཛོད་ཅིག། རྒྱུ་དང་མི་རྒྱུ་བཅས་པ་ཡིས།། སྒྲུབ་པ་པོ་དང་ཐམས་ཅད་དང་།། བདག་གི་བསོད་ནམས་འབྲས་འགྱུར་དང་།། སྔགས་ཀྱི་དངོས་གྲུབ་རབ་སྦྱིན་ཅིག། ཨ་ཨཱ། ཨི་ཨཱི། ཨུ་ཨཱུ། རི་རཱྀ། ལོ་ལཱ། ཨེ་ཨཻ། ཨོཾ་ཨོཾ། ཨཾ་ཨ། ཧཱུཾ་སྭཱ་ཧཱ། རྡོ་རྗེ་བདུད་རྩི་བདེ་བ་ཆེ།། བཅོམ་ལྡན་རྡོ་རྗེས་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོ་རྡོ་རྗེ་བདུད་རྩི་རྒྱུད་ཆེན་པོ་ལས། སྦྱིན་སྲེག་གི་ཆོ་ག་བསྟན་པ་ཞེས་བྱ་བའི་ལེའུ་བཞི་པའོ།། ཁྱོད་ལ་མིག་སྨན་བཤད་པར་བྱ།། ཚོལ་ཆེན་གྱི་ནི་སྙིང་པོ་ཡི། ། བན་ད་ལ་ནི་དུད་པ་བླངས།། འུག་པའི་མགོ་བོ་བསྲེགས་ནས་སུ།། ཁྲག་ཆེན་དང་ནི་བསྲེས་པར་བྱ།། མཚན་མོ་ལ་ནི་བཏགས་ནས་སུ།། ཞིབ་མོར་ཕྱེ་མར་ཁོ་ནར་བྱ། ། བྱ་རྒོད་རྗེ་ངར་བཀང་ནས་སུ།། མི་ཡི་རུས་པའི་ཐུར་མང་གིས།། མིག་ལ་བསྐུས་ནས་གཟུགས་ཀུན་གྱི།། རྟག་ཏུ་རྣལ་འབྱོར་པ་ཡིས་བྱེད།། རྡོ་རྗེ་བདུད་རྩི་ལས་བྱུང་བའི།། མིག་སྨན་དངོས་གྲུབ་སྦྱོར་བ་ནི།། ནག་པོའི་ཚེས་བརྒྱད་བཅུ་བཞི་ལ།། བྷ་གའི་དབུས་སུ་བསྒྲུབ་པར་བྱ།། ཞི་བ་དང་ནི་རྒྱས་པ་དང་།། དེ་བཞིན་དབང་འགུགས་ལས་བྱེད་དོ།། སྣ་ཚོགས་དྲག་པོའི་གདོན་རྣམས་དང་། ། ཞག་བཞི་པ་ཡི་རིམས་དང་དུག། ཐམས་ཅད་མེད་པར་བྱེད་ལྷ་མོ།། དགའ་མ་ཁྱོད་ལ་བདེན་པར་བཤད།། རྒྱལ་པོའི་ཁབ་ན་ཆེན་པོར་མཆོད།། དགྲ་བོ་རྣམས་ཀྱང་ཟད་བྱེད་དེ། ། དེ་བཞིན་བགེགས་ཀྱང་འགག་པར་བྱེད།། མིག་སྨན་ལྡན་པར་བཟླ་བར་བྱ།། ཨོཾ་འདོད་པའི་གཟུགས་ཅན་མིག་ཡངས་མ།། བཤང་གཅི་ཁྲག་ལ་དགའ་བྱེད་མ།། ཞལ་གསུམ་ཕྱག་དྲུག་པའི་ལྷ་མོ། ། དྲག་པོའི་གཟུགས་ཅན་མཱ་མ་ཀཱི།། ཧཱུཾ་ཧྲཱིཾ་ཧཱུཾ་ཧཱུཾ། ཨོཾ་ཨཿ་ཧ་ཧཱུཾ་སྭཱ་ཧཱ། དང་པོའི་ཞལ་ནི་ནག་པོ་སྟེ།། དེ་ཁོ་ན་བཞིན་གཡས་ནི་དཀར།། གཡོན་ནི་དམར་པོར་དེ་རིག་ནས། ། གཡས་ཕྱོགས་རལ་གྲི་འཁོར་ལོ་ཅན།། གཡོན་དུ་ཞགས་པ་དང་ལྕགས་ཀྱུ།། དེ་བཞིན་རྡོ་རྗེ་དྲིལ་བུ་ཡང་།། བྷ་གའི་དབུས་སུ་བསྒོམ་བྱས་ཏེ།། དེ་ལ་མིག་སྨན་བསྒྲུབ་པར་བྱ། ། བྷ་ག་གུར་ཀུམ་གྱིས་བཀང་ནས།། ཕྱི་ནས་ལིང་ག་གཞུག་པར་བྱ།། དེ་ལ་བརྗོད་པར་བྱ་སྔགས་ནི།། ཨོཾ་ལིག་སྐུ་ཡིག་ཕྱེ་བ་དང་།། བཛྲ་ཨ་མཱུ་ཏ་ཞེས་པ་ནོ།། སྒྲ་སྒྲོག་སྤྲིར་དང་ཕཊ་ཡིག་གོ། ། བདུད་རྩི་དང་ནི་མཉམ་ལྡན་པས།། བྷ་གའི་དབུས་ནས་དབྱུང་བར་བྱ།། དེ་ལ་སྔགས་འབུམ་བཟླས་ནས་སུ།། དེ་ཡིས་ཐིག་ལེ་ཁོ་ནར་བྱ།། བུད་མེད་ཀྱིས་ཁྱོ་འཁོལ་འགྱུར་མདུན་ནས་དོན་བཅས་རྒྱལ་པོ་ཡང་། ། སྐྱེས་པ་གང་གིས་དེ་བྱས་ན།། བུད་མེད་གང་ལ་སྐལ་ཅན་འགྱུར།། རྒྱལ་པོ་ཁབ་ཅན་ཆེན་པོར་ཆོད།། དགྲ་བོ་རྣམས་ནི་ཟད་བྱེད་དོ།། དུར་དུ་ར་ཨརྐའི་འབྲས་བླངས་ཏེ། ། བདུད་རྩི་དང་ནི་བསྲེས་བྱས་ན།། ཞལ་གསུམ་དྲག་པོའི་གཟུགས་དང་ནི།། གཤིན་རྗེ་གཤེད་ཁྲོ་བཟླས་ནས་སུ།། ཤ་ཆེན་དང་ནི་ལྡན་བྱས་ཏེ།། ཆང་དང་བསྲེས་ལ་སྦྱིན་པར་བྱ། ། རྟག་ཏུ་མྱོས་ནས་འཁོར་ནས་སུ།། མི་ནི་བསྐམས་ནས་ཤི་འགྱུར་རོ།། ཨོཾ་ཧྲཱིཾཥྚྲཱིཿཝི་ཀྲྀ་ཏཱ་ན་ན་སརྦ་ཤ་ཏྲཱུཾ་ན་ཤ་ཡ། སྟམ་བྷ་ཡ། མཱ་ར་ཡ་ཧཱུཾ་ཧཱུཾ་ཕཊ། སྔགས་པས་གིའུ་ཝང་བླངས་ནས། བྷ་ག་ལ་ནི་ཡིག་འབྲུ་བྲི།། ཙན་དན་གྱིས་ནི་མཉམ་བྱུགས་ནས།། ཁྱོ་དང་ལྷན་ཅིག་གནས་པར་བྱ།། གནས་མ་དག་ནི་བདེ་ཆེན་ཏེ།། འཁོར་གཡོག་དངོས་པར་འགྱུར་བར་རོ།། བཤང་གཅི་གཟུགས་བརྙན་བྱས་ནས་སུ། ། ཤ་ཆེན་གྱིས་ནི་སྤོས་དབུལ་ཏེ།། དགྲ་ཡི་སྭ་ཡིས་དཀྲིས་བྱས་ནས།། རུས་པའི་ཕྱེ་མས་བྱུག་པར་བྱ།། དགྲ་སྒོར་བརྐོས་ནས་སྦས་བྱས་ན།། ཞག་བདུན་གྱིས་ནི་ཤི་འགྱུར་རོ། ། བཤང་གཅི་ཁྲག་དང་བསྲེས་པ་ཡི།། ཤ་ཆེན་གྱིས་ནི་སྦྱིན་སྲེག་བྱ།། དུར་ཁྲོད་ཀྱི་ནི་སྲེག་ཤིང་ཡང་།། ཤིང་གཅིག་པ་དཔལ་མ་མངོན། ཨོཾ་སོམ་ཁུང་བྲིས་ནས་སུ།། ཉིན་ཕྱེད་ནམ་ཕྱེད་སྦྱིན་སྲེག་བྱ།། ཁྲོ་ཆེན་གཤིན་རྗེའི་གཤེད་པོ་ཡི།། སྐུ་ལ་ཐལ་བས་བསྡུས་པས་ནི།། བསྒོམས་ནས་དགྲལ་ཆེར་གནོན་ན།། མངོན་མི་ཟ་བ་འགྱུར་རོ། ། རྡོ་རྗེ་བདུད་རྩི་བ་ཆེན་པོས།། བཅོམ་ལྡན་རྡོ་རྗེས་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེས་མརྡོ་རྗེ་བདུད་རྩི་བདེ་བ་ཆེན་པོའི་ངོ་བདུད་རྩི་རྒྱུད་ཆེན་པོ་ལས། ལས་ཆེན་པོ་བསྟན་པ་ཞེས་བྱ་བ་ལེའུ་ལྔ་པའོ།། རྡོ་རྗེ་བདུད་རྩི་རྒྱུད་རྟེན་ལས།། དཔལ་ལྡན་རྡོ་རྗེ་ཧཱུཾ་མཛད་ཀྱི།། སྒྲུབ་པ་མདོར་བསྡུས་བཤད་། དཀྱིལ་འཁོར་ཆོ་གའི་རིམ་པ་ཡང་།། དེ་ཡི་དཀྱིལ་འཁོར་ཆོ་ག་ཞེས།། ཁམས་གསུམ་ནས་རྒྱལ་ལས་བྱུང་ཡིན།། གྲུབཞི་པར་ནི་ཐོག་གང་བ་སྟེ།། གྲཱ་གང་ཡང་ནི་ཁྲུ་ལ།། པྲ་དཀྱིལ་འཁོར་དང་འདྲ་བ། ། འོད་ཟེར་འབར་བ་འཁྲུགས་པ་ལ།། དཔལ་ལྡན་རྡོ་རྗེ་ཧཱུཾ་མཛད་གཞག། ཞལ་གསུམ་དེ་བཞིན་ཕྱུག་དྲུག་སྟེ།། རྒྱན་ཐམས་ཅད་ཀྱིས་ཡོངས་རྫོགས་པ། བྱ་ཡིས་ནི་ཕྱག་བརྒྱན་པ། ། རིག་མ་བནི་དང་མཉམ་ལྡན་པ།། ཨུ་མའི་སྲ་བའི་ནུ་མར་བཞུགས།། ཅུང་ཟད་མཆེ་བ་གཙིགས་པ་པོ།། ཁྲོ་དང་ལྡན་པར་བཞད་བྱེ་ཞལ།། གཡས་པ་ལ་ནི་མདའ་བྲིས་ཏེ། ། དེ་ཁོ་ན་བཞིན་གཡོན་ན་གཞུ།། ཕྱག་བཞི་པ་ནི་བྲིས་པ་ལ།། ཕྱག་གཉིས་པས་ནི་ནུ་མ་བསྣམས།། རིག་མ་ཐམས་ཅད་ཞལ་གསུམ་སྟེ།། དེ་བཞིན་སྒོ་སྲུངས་ལྕགས་ཀྱུ་དང་།། དེ་བཞིན་མེ་ཏོག་སྤོས་མེ་མ། ། དྲི་ཡང་ཡང་དག་བྲི་བར་བྱ།། སྒེག་མོ་འཕྲེང་བ་དེ་བཞིན་དབྱངས།། གར་མཁན་མ་ཡང་ཕྱག་དྲུག་ཉིད།། དེ་བཞིན་གླིང་བུ་མ་བྲི་སྟེ།། པི་ཝང་མ་དང་རྔ་ཆེན་མ།། རྫ་ཇ་མ་དང་སིལ་སྙན་ཀུན། ། དཀྱིལ་འཁོར་ལ་ནི་བྲི་བའོ།། རྡོ་རྗེ་བདུད་རྩི་རྒྱུད་ཆེན་ལས།། སྐལ་བ་བཟང་པོ་ཡང་བཞག་སྟེ།། ཕྱག་གཉིས་པ་ལ་ཞལ་གཅིག་པ།། བཟང་པོ་དེ་དག་ཁོ་ནའོ།། རྒྱན་ནི་ཐམས་ཅད་ཀྱིས་བརྒྱན་པ།། སྒྲུབ་པ་པོ་ཡང་མདུན་བྲིའོ།། བགྲང་འཕྲེང་དེ་བཞིན་རྡོ་རྗེ་དང་།། དྲིལ་བུ་འཛིན་པ་བྲི་བར་བྱ།། གཏོར་མའི་གཏོར་མ་མཆོད་རྫས་དང་།། ཆང་སྐྱེམས་རོ་དང་དགའ་སྟོན་མཆོད། ། ནག་པོ་བརྒྱད་དང་བཅུ་བཞི་ལ།། དཀྱིལ་འཁོར་ལ་ནི་རྡུལ་ཚོན་གདབ།། དབུས་སུ་གྲུ་བཞི་བྲི་བའོ།། གལ་ཏེ་དངོས་གྲུབ་མཆོག་འདོད་ན།། སྔགས་ཡིག་གཅིག་པ་གཙོ་བོ་ནི། ། རྡོ་རྗེ་ཧཱུཾ་མཛད་བསྒྲུབ་པར་བྱ།། ཕྱི་ནས་སློབ་དཔོན་ལ་མཆོད་པ།། བདག་གམ་རྒྱལ་སྲིད་དབང་ཉིད་དང་།། བྲན་མོ་བུ་མོ་དེ་བཞིན་དུ།། མ་དང་སྲིང་མོ་དབུལ་བར་བྱ།། སྲ་གསུང་ཐུགས་ཀྱི་བསྒྲུབ་པ་ཡི། ། དངོས་གྲུབ་གལ་ཏེ་བདག་འདོད་ན།། ཁམས་གསུམ་རྣམ་རྒྱལ་ལས་བྱུང་ནི།། སྔགས་པས་རྟག་ཏུ་བསྒྲུབ་པར་བྱ།། རྡོ་རྗེ་སེམས་དཔའི་དཀྱིལ་འཁོར་ནི།། ཀྱི་ལས་ཥྚཱ་། བདུ་ཀྱི་ལྡ་དང་མ་ལྡན་པ། སོ་ཐམས་ཅད་མ་བྱེད་པ་ས་རློསསྩོགས་བྱུ་རྣམ་གྱུར་པ་ད་ལ་འབྱོར་མའི། ། བྱང་སྐྱེམས་རྣམ་པར་སྤྲུལ་པ་ག་དུས། ལྡན་གྲས་དུམ་རིག་ས་ད་།། དཀྱིལ་འཁོ་དུ་འོམ་བར་བྱ།། རྟག་པ་དཐུས་ལ་རྒྱ་ཨུ0f7fསོ་པ། དཔའ་བོ་སྔགས་ལགནས། ། བཇམ་ཁ་མས་འོ་བྱས་ནས།། བདུད་ཅི་ལྕག་བོནར་བྱུང་།། ལྷག་པ་ཡིརྣཾས་སོལ།། གནས་དེ་ལ་ནི་ཥྚ་ཨུ0f7f། ལྡང་བར་གྱུ་ན་འཇིག་འགྱུ་ས། ཡང་འཇིགས་ནཱ་འབྲས་བུ་མེད།། རིག་མ་ཆེན་མོས་ཀྱང་ཕྱུང་ནས།། རྡོ་རྗེ་ལ་ཡང་འོ་གདབ་བོ།། དེའི་སངས་རྒྱས་ཅིང་དུ་འབྲུག། ཁུ་བའི་གཟུགས་ཅན་བདུད་ཅན།། རྡོ་རྗེ་བདུ་རྩི་བདེན་བཅོམ་ལྡན་རྡོ་རྫས་དེ་གསུངས་སོ། ། དེ་བཞིན་ག་ཤེགས་པ་སེམས་ཅད་ཀྱི་སྐུ་དང་། གསྨ་དང་། ཐས་གྱིར་རྐྱེན་རྡོརྗེ་བདུད་རྩི་བདེབཆེན་པོ་འརྡོ་རྗེ་བདྨ་ཀྱི་རྒྱུམས། བཛད་ཀྱི་སྒྲུབ་པ་བསྟན་པ་ཞེས་བྱ་བ་ལེན་དྲུག་པའོ།། དེ་ནས་མྦ་མཱ་ནཱ་མཱ་ཥྚ།། དཔའ་རློམ་པའི་ཆེར་བཟུགས་པས།། ཐལ་པོ་ཞེས་བྱག་བྱས་ནས།། ད་བདི་དག་ནི་ཆེད་དུ་འརྗོད། ། དཔའ་བོ་ཆུ་མྱོས་ལྡན་པོའི་བུ།། དཔའ་བོ་གཞན་གྱིས་ཡོངས་མནོར་ཞིང་།། ཕྱག་རྒྱ་མོ་ཚོགས་མཉམ་ལྡན་པའི། རྡོ་རྗེ་བདུན་ཀྱི་བདག་ཕྱག་འཚལ། ཨཱ་ནམ་མཁའ་དང་འདྲ་བ། ང་རོ་བུང་བ་སྒྲ་སྒྲོག་ལྟར།། བརྒལ་བར་བཞུགས་བསྐལ་བཟང་བ།། རྡོ་རྗེ་བདུད་རྩི་བདག་ཕྱག་འཚལ།། ཐམས་ཅད་མཁྱེན་པ་ཐམས་ཅད་མཛེས།། ཡང་དག་དབང་པོ་ལས་གྱིས་ནི། ། རྡོ་རྗེ་བདུད་རྩི་བདག་ཕྱག་འཚལ།། མ་ལུས་པ་ཡི་ཁམས་གསུམ་ལ།། རྡོ་རྗེ་བདུད་རྩི་དཔེ་མེད་པས།། ཉི་ཤུ་རྩ་བཞི་རིགས་ཆེན་མོ།། ཤིན་ཏུ་ཆགས་པས་དགའ་བྱེད་པ།། སེན་མོ་རྗེས་དང་བཅས་པའི་སྐུ།། རྡོ་རྗེ་བདུད་རྩི་བདག་ཕྱག་འཚལ།། ཨུཏྤལ་སྔོན་པོའི་འདབ་མ་ལྟ་བུར་ཕྱག་སྔོ་བ།། སངས་རྒྱས་དེ་བཞིན་གཤེགས་པ་རྡོ་རྗེ་ཁྱོད་ཀྱིས་བདག་དང་ནི། ཤིན་ཏུ་དགའ་བའི་རྗེས་སུ་ཆགས་པས་ལོངས་སྤྱོད་ཅིག། ཁམས་གསུམ་ལ་ནི་བསྒྲུབ་པར་བྱ་བའི་དོན་གྱི་ཕྱིར།། ཁྱོད་ནི་སྐྱོན་མེད་དམ་པའི་སྟོང་པ་ལས།། ཡིག་འབྲུས་རྡོ་རྗེས་གྱུར་པའི་མགོན་པོ་ཁྱོད། ། རྒྱུ་དང་མི་རྒྱུ་གང་གིས་ཁྱོད་མཐོང་ནས།། དེ་དག་འཁོར་བ་རུ་ནི་ག་ལ་འགྲོ།། དེ་ལྟར་དབྱངས་ནི་བླངས་ནས་སུ།། རྡོ་རྗེ་གར་ནི་རྣམ་པར་བྱེད།། རྐེད་པ་དང་ནི་རྐང་པ་དང་།། དཔུང་པ་དང་ནི་མགོ་བོའི་གར། ། གར་གྱི་གཞུང་གི་མཚན་ཉིད་དོ།། རྗེས་ཐབས་རྗེས་སུ་རིམ་པ་བསྟོད་པ་དང་ནི་འགྱིང་བག་སྟེ།། རྒྱས་དང་འདུད་དང་གསལ་པོ་རུ།། རྒྱས་པ་དང་ནི་སྨིན་བསྐྱོད་ག་ལག་པའི་ཕྱག་རྒྱ་སྦྱོར་བ་ཡིས། ། སྟོབས་བརྒྱད་ཀྱིས་ནི་གར་བྱེད་བྱ།། རྒྱས་པའི་པདྨ་མཱ་མ་ཀཱི།། གར་བྱས་ནས་ནི་ལྷ་མོ་དེས།། རྡོ་རྗེ་བཅིང་གིས་རྡོ་རྗེ་ནི།། རྡོ་རྗེ་བེ་ཅོན་པོ་བཏང་བྱེད།། དེ་ནས་བཅོམ་ལྡན་རྡོ་རྗེས་ཀྱང་། ། འོ་བཏབ་མཱ་མ་ཀཱི་པདྨར།། ཉོན་ཅིག་ལྷ་མོ་པདྨ་ནི།། དེ་ལ་མཆོད་པ་བརྩམ་པར་བྱ།། བཞུགས་ཤིག་མི་གཡོ་བར་རིག་མོ།། བདུད་རྩི་བསམ་གཏན་བརྩམ་པར་བགྱི། ། དེ་བཞིན་ཉིད་མཆོག་བརྩམ་པ་ནི།། བདུད་རྩི་ཐིག་ལེའི་གཟུགས་ཅན་ཏེ།། མཁའ་ཡི་དབུས་སུ་ཟླ་བ་འདྲ།། སྟོང་པ་དེ་ཉིད་ཆེད་དུ་བརྗོད།། འཇིགས་མེད་ཟད་མེད། ཕྲ་མོ་ནི།། རྡོ་རྗེ་སེམས་དཔའ་འཇོམས་བྱེད་པ།། ལྟེ་བའི་དབུས་སུ་གནས་ལྷ་མོ།། སྙིང་པོ་གསང་བའི་སྤྱོད་ཡུལ་ལ།། ཁུ་བའི་གཟུགས་ཀྱིས་ཟགས་ནས་སུ།། བྷ་ག་ལིང་གའི་དཀྱིལ་དུ་གནས།། འདི་ནི་སྲོག་ཆགས་རྣམས་ཀྱི་སྲོག། རྣམ་པར་ཤེས་པའི་ཕུང་པོ་བརྟེན།། སངས་རྒྱས་དེ་བཞིན་རྡོ་རྗེ་འཛིན།། ཚངས་པ་ཁྱབ་འཇུག་དབང་ཕྱུག་ཆེ།། ས་དང་ཆུ་དང་དེ་བཞིན་མེ།། རླུང་དང་ནམ་མཁའ་ལོ་ན་ཡང་། ། གཡོ་དང་མི་གཡོ་སྣ་ཚོགས་པའི།། ཁམས་གསུམ་ལ་ནི་མ་ལུས་པར།། དེ་ནི་བདག་གིས་རྟག་ཏུ་བསམ།། དེ་ལས་བསྐྱེད་དེ་བདག་དང་ཁྱོད།། ཚངས་པ་ལྷ་དབང་ཁྱབ་འཇུག་སོགས།། བྱང་ཆུབ་སེམས་དཔའ་དེ་བཞིན་གཤེགས། ། ཤེས་བྱ་ཤེས་པའི་བདག་ཉིད་གཙོ།། དེ་ཉིད་དམ་པ་དེ་བསམ་མོ།། སྐྱེ་བ་དང་ནི་ཤི་བ་དང་།། ཐམས་ཅད་དེ་ལ་འདུས་པ་ཡིན།། སྐྱེད་པ་བྱེད་པ་པོ་དེ་གཅིག། རང་བདག་གྱུར་པ་ལྷན་ཅིག་པ།། ཐམས་ཅད་མཁྱེན་པ་ཀུན་ནས་ཀུན།། ཞི་ནས་ཞི་བ་ཁྱབ་པ་པོ།། ཅི་ཕྱིར་ཁང་པ་དེ་བཀང་བས།། དེ་བས་སྐྱེས་བུར་བཤད་པ་ཡིན།། ལུས་ལ་གནས་ཕྱིར་ལུས་ཅན་ཏེ།། ཤེས་བྱེད་ཕྱིར་ན་ཤེས་པར་འདོད།། བདག་ལ་བདག་གིས་རིག་པའི་ལྷ།། དེ་ཕྱིར་ལྷ་ཞེས་འདོད་པ་ཡིན།། འཇུག་ལས་ཁྱབ་འཇུག་ཅེས་གསུངས་ཏེ།། ངག་གིས་རྡོ་རྗེ་འཛིན་དུ་འགྱུར།། སྟོན་དུ་མེད་པ་གསང་བ་འདི། ། ནན་ཏན་དུ་ནི་གསང་བར་བྱ།། སྐྱོན་ཅན་མིན་དང་གཡོན་ཅན་མིན།། དམ་ཚིག་ལ་ནི་མི་སྡང་བ།། ཆད་པར་ལྟ་བ་མེད་པ་ལ།། བླ་མ་ལ་ཆགས་འདུལ་བ་ཅན།། ཕྲག་དོག་ཆགས་པ་སྤོང་བྱེད་པ།། དཀྱིལ་འཁོར་ལ་ནི་ཞུགས་པ་དང་།། རྡོ་རྗེ་བསྟན་པའི་སློབ་མ་དག། དེ་ལ་རྒྱས་པའི་བསྟན་པ་འདི།། དེ་བཞིན་ཉིད་མཆོག་བཤད་པར་བྱ།། སློབ་དཔོན་རིག་མ་དང་ལྡན་ནས།། དེ་ལ་དབང་བསྐུར་སྦྱིན་པར་བྱ།། རྡོརྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེས་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་ཏུ་ཀྱི་རྒྱུད་ཆེན་པོ་ལས་དབྱངས་དང་། གར་དང་། དབང་བསྐུར་བ་དང་། དེ་བཞིན་ཉིད་ཆེར་དམིགས་པ་དག་བསྟན་པ་ཞེས་བྱ་བ་ལེའུ་བདུན་པའོ།། །། དེ་ནས་ལྷ་མོ་ཡང་ལངས་ནས། བཞད་ནས་འདི་དག་ཞུ་བ་སྟེ། ། བཅོམ་ལྡན་འདི་ལ་ཐེ་ཙོམ་ཟོས།། དམ་པའི་ངོ་མཚར་བདག་བསྐྱེད་དེ།། ཞི་གཟུགས་རྡོ་རྗེ་ཅན་དེ་ལས།། ཁྲོ་བོའི་གཟུགས་ནི་ཇི་ལྟར་འགྱུར།། དེ་ནས་བཅོམ་ལྡན་རྡོ་རྗེ་ཅན།། རྡོ་རྗེ་བདུད་རྩི་བདེ་ཆེན་པོས། ། རྡོ་རྗེ་པདྨ་མཉམ་སྦྱོར་ཏེ།། ཁྲོ་བོའི་གཟུགས་ནི་རྣམ་པར་ཕྱུང་།། འབར་བའི་འཕྲེང་འཁྲུགས་དྲག་པོ་ཅན།། འཇིགས་བྱེད་ལ་ཡང་འཇིགས་པར་བྱེད།། ཞལ་བཞི་ལ་ནི་ཕྱག་བརྒྱད་དེ། ། ཐོད་པའི་དབུ་རྒྱན་འཇིགས་པར་བརྒྱན།། ཁ་ཊྭཱཾ་ག་དང་མགོ་བསྣམས་ཏེ།། ཐོད་པ་དང་ནི་ཁྲག་དགའ་བ།། གཏུམ་པོ་རྒྱུ་མའི་འཕྲེང་འཁྲུགས་པ།། རིག་མ་བརྒྱད་ཀྱིས་ཡོང་སུ་བསྐོར། ། དུར་ཁྲོད་ཆེན་པོ་བཞིར་བཞུགས་པ།། ཕཊ་ཡིག་སྔགས་ཀྱི་ང་རོ་ཅན།། འབྱུང་པོ་རོ་ལངས་ཚོགས་པ་དང་།། དུར་ཁྲོད་ལ་ནི་རོལ་མཛད་པས།། དེ་འོག་དབང་དང་བཅས་པའི་ལྷ།། ཚངས་པ་ཁྱབ་འཇུག་དབང་ཕྱུག་ཆེ།། བཟའ་བྱེད་རྡོ་རྗེ་ཅན་ཆེན་མོ།། དཔལ་ལྡན་ཁྲག་འཐུང་གཟུགས་ནི་ཕྱུང་།། དང་པོའི་རིག་མ་འཇིགས་ཅན་མ།། མི་སྡུག་གདོལ་པ་སྨེ་ཤ་ཅན།། སེར་མོ་རིགས་ཅན་དྲག་མོ་དང་། ། འཇིགས་པར་བྱེད་མ་བརྒྱད་དུ་འདོད།། སྔགས་འདི་དག་ནི་བཟླ་བྱས་ཏེ།། གར་ཡང་བྱེད་ནས་དབྱངས་བླང་ངོ་།། འཇིགས་བྱེད་ཆེན་པོ་མཆེ་བ་གཙིགས།། རྒྱུ་མ་འཕྲེང་གི་རྒྱན་སྐུད་བརྒྱན།། ཤ་ཆེན་དག་ནི་གསོལ་བྱེད་པ།། དཔལ་ལྡན་ཁྲག་འཐུང་བདག་ཕྱག་འཚལ།། སྒྲུབ་པ་པོ་རྣམས་ཕན་བྱེད་ཕྱིར།། བཟླས་པའི་སྔགས་ནི་བཤད་པར་བྱ།། གསུམ་པ་ཡི་ནི་གསུམ་པ་ལ།། བདུན་པ་ཡི་ནི་བཞི་པ་སྦྱོར། ། བདུན་པ་ཡི་ཡང་གསུམ་པ་སྟེ།། གཉིས་ཀྱི་ཚིག་ནི་གཉིས་སུ་སྦྱོར།། ཀུན་ལ་དེ་བཞིན་ཉིད་ལྡན་ཏེ།། ཡི་གེ་ཕྱེད་ཀྱིས་རྣམ་པར་བརྒྱན།། དྲུག་པའི་བཞི་པ་བྱུང་བྱས་ཏེ། བདུན་པའི་དང་པོས་གདན་དུ་བྱ།། བཅུ་གསུམ་པ་ཡིས་སྟེང་གནོན་པའི།། སྭཱ་ཧཱ་མཐར་བཞག་སྔགས་ནི་ཕྱུང་།། དང་པོ་རྣམ་པར་སྣང་མཛད་དབུལ།། ཁྲག་འཐུང་རྩ་བའི་སྔགས་ཡིན་ནོ།། སྔགས་ཀྱི་རྒྱལ་པོ་འདི་ཉིད་ཀྱི། ། མཐུ་ཆེན་ཉོན་ཅིག་མཱ་ར་ཀཱི།། ལན་ཅིག་ཙམ་གྱིས་སྔགས་བཟླས་ནས།། སྐད་ཅིག་འཇིག་རྟེན་གསུམ་འཇིག་གོ།། ཁམས་གསུམ་མ་ལུས་པ་རྣམས་ཀྱང་།། ཟོས་པར་བྱེད་པར་ཐེ་ཙོམ་མེད། ། དེ་ཡིས་འདོད་པ་ཐམས་ཅད་སྦྱིན།། དཔལ་ལྡན་ཁྲག་འཐུང་མཉམ་འགྱུར་རོ།། རྡོ་རྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེས་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས། དཔལ་ལྡན་ཁྲག་འཐུང་བསྐྱེད་པ་བསྟན་པ་ཞེས་བྱ་བ་ལེའུ་བརྒྱད་པའོ།། ། དེ་ནས་བདུད་རྩི་འཁྱིལ་བ་ཡི།། གཟུགས་ནི་ཡང་དག་བཤད་པར་བྱ།། ཞལ་གསུམ་པ་ལ་ཕྱག་དྲུག་སྟེ།། དྲག་པོ་ནག་པོ་དུད་པའི་འོད།། འོད་ཟེར་འཕྲེང་བ་འཁྲུགས་པ་དང་། གཏུན་མོས་སྤྱན་ནི་དམར་པོ་ཅན།། དམར་བའི་སྨིན་མ་ཨག་ཚོམས་འབར།། དྲག་ཆེན་པོ་ནི་ཟིལ་གྱིས་གནོན།། ཕྱག་ན་དགྲ་སྟ་བསྣམས་བརྩོན་པ།། གཏུན་ཤིང་རྡོ་རྗེ་ཞགས་པ་དང་། གཡོན་གྱི་ཕྱག་གི་སྡིགས་མཛུབ་ཀྱིས།། སྡང་བ་ཐམས་ཅད་བསྡིགས་པར་བྱེད།། རལ་གྲི་ཕྱག་མཚན་བསྒོམ་པར་བྱ།། རིག་མ་བརྒྱད་དང་མཉམ་ལྡན་ཞིང་།། སྒོ་སྲུངས་དང་ཡང་ཡང་དག་ལྡན། གསང་བའི་པདྨ་བསྒོམ་བྱས་ཏེ།། འདབ་མར་རིག་མ་བརྒྱད་ནི་བཀོད།། བདུད་རྩི་མ་དང་བདུད་རྩི་ཞལ།། བདུད་རྩི་ཅན་དང་བདུད་རྩི་སྤྱན།། གྲངས་མེད་མ་དང་གཟུགས་བཟང་མ།། མཛེས་པའི་གཟུགས་ཅན་བདེ་གྲུབ་མ། ། ཐམས་ཅད་ཞལ་གསུམ་ཕྱག་དྲུག་སྟེ།། ཕྱོགས་དང་མཚམས་ལ་དགོད་པར་བྱ།། ཕྱག་གིས་པདྨ་བསྣམས་པར་བརྩོན།། དེ་དག་ལྷ་མོ་གར་བྱེད་ནས། ། སྣ་ཚོགས་གཟུགས་རྣམས་མཆོག་སྦྱིན་མ།། བཞད་ཅིང་རོལ་བར་མཛད་བྱེད་དོ།། སྔགས་ཀྱི་རྒྱལ་པོ་དབྱུང་བར་བྱ།། རྣམ་པར་སྣང་མཛད་ཡང་འབུལ་ནས།། ཚིག་འདི་ཡིས་ནི་ཡོངས་སུ་དགང་། ། དང་པོ་ཡི་ནི་གཉིས་པ་སྟེ།། སྟོང་པ་ཉིད་ནི་གདན་ལྡན་པ།། སྟོང་པས་སྟེང་ནས་གནོན་པའི་སྔགས།། མཐའ་ནས་སྭཱ་ཧཱ་སྦྱོར་བྱེད་དོ།། གཏན་དུ་ཤིན་ཏུ་དགའ་འབྱོར་ནས།། བདུད་རྩི་བདུད་རྩི་ཕྱུང་ནས་སུ། ། བདུད་རྩི་བདུད་རྩི་སྦྱོར་བ་ཡིས།། བདུད་རྩི་འཁྱིལ་བ་བསྒྲུབ་པར་བྱ།། དོན་ཀུན་དངོས་གྲུབ་ཐམས་ཅད་ཀྱང་།། དེ་ཡིས་མྱུར་བར་སྒྲུབ་པར་འགྱུར།། ཕོ་འམ་གལ་ཏེ་མོ་དག་གིས།། བདུད་རྩི་འཁྱིལ་བ་དྲན་བྱེད་ན། ། རྒྱུ་དང་མི་རྒྱུའི་འཇིག་རྟེན་གསུམ།། དེ་ཡི་ཕྱག་མཐིལ་ལ་ཀུན་གནས།། རྡོ་རྗེ་བདུད་རྩི་བདེ་ཆེན་པོ།། དུས་རྟག་པར་ནི་བསྒོམ་པར་བྱ།། དེ་བཞིན་གཤེགས་པ་ཐམས་ཅད་ཀྱིསྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས། དཔལ་བདུད་རྩི་འཁྱིལ་བ་འབྱུང་བ་ཞེས་བྱ་བ་ལེའུ་དགུ་པའོ།། དེ་ནས་རོ་ལངས་ཆེན་པོ་ཡི།། སྒྲུབ་པ་གཞན་ཡང་བཤད་པར་བྱ།། ནག་པོའི་ཚེས་བརྒྱད་བཅུ་བཞི་ལ།། ལིང་ག་གཅིག་དང་ལམ་མདོ་དང་།། ཤིང་གཅིག་དང་ནི་དུར་ཁྲོད་དང་།། རི་དང་ཆུ་འགྲམ་དེ་རྣམས་ལ།། ལས་ཐམས་ཅད་ནི་བསྒྲུབ་བྱ་སྟེ།། དེ་བཞིན་རོ་ལངས་སློང་བ་ནི།། འགགས་ནས་ཤི་བ་མོ་རྣམས་ནི།། མཚན་ཐམས་ཅད་ནི་ཀུན་རྫོགས་པ།། གདོལ་པ་མ་དང་སྨེ་ཤ་ཅར།། ཁྱིམ་ཆོས་མ་རྣམས་དེ་དག་ནི།། མཛེས་པ་བཟང་བ་རྨ་མེད་པ།། སུམ་ཅུ་རྩ་གཉིས་བསྔགས་པ་སྟེ།། ལོ་ནི་ཉི་ཤུ་རྩ་ལྔ་བསྐྱེད།། བུད་མེད་རོ་ལི་སྒྲ་བཟུང་སྟེ།། གཙང་བའི་ཆུ་ཡིས་བཀྲུ་བར་བྱ།། སྔགས་དང་སྨན་གྱི་རྡོ་ལེབ་ལ། ག་པུར་ཙན་དན་དཀར་པོ་ཡིས། ། དེ་ལ་བྱུག་པར་བུ་བྱས་ཏེ།། སྣ་ཚོགས་མེ་ཏོག་སྤོས་རྣམས་ཀྱིས།། མཆོད་ཅིང་གཏོར་མ་དབུལ་བར་བྱ།། མར་ཁུ་ཆེན་པོས་བསྐུས་ནས་སུ།། ཡུང་དཀར་ངོ་ལ་བརྒྱག་པར་བྱ། ། ཁྲག་འཐུང་ཞེས་བྱའི་སྒྲུབ་པ་པོས།། དེ་ལ་དཀྱིལ་འཁོར་ཡང་བྲི་སྟེ།། ཐོད་པ་ཞེས་བྱ་ཟླ་གམ་མམ།། གཞུ་ཡི་ཚུལ་གྱིས་བཀང་བར་བྱ།། ཐོད་པས་ཉེ་བར་རྒྱར་བྱེད་ཅིང་།། རིམ་པ་བརྒྱད་དང་ལྡན་པར་བྱ། ། ཤ་ཡི་ཁམས་ཅན་ཐོད་པ་དབང་།། ཁ་ཊྭཱཾ་ཐམས་ཅད་ཀྱིས་འཛིན་ཏེ།། ཞལ་གསུམ་པ་ལ་དྲག་པོའི་གཟུགས།། ཕྱག་དྲུག་རལ་གྲི་ཕྱག་ན་འཛིན།། དཀྱིལ་འཁོར་དེ་ཡི་ཕྱི་རོལ་དུ། སྒོ་སྲུངས་མ་ནི་རབ་ཏུ་བརྟགས།། གླང་རྣ་དང་ནི་གླང་ཆེར་རྣ།། ཞལ་མཛེས་དེ་བཞིན་ཞལ་གདུག་མ།། དྲག་མོ་ཞགས་པ་ལྕགས་ཀྱུ་འཛིན།། མི་སྡུག་འཇིགས་པས་འཇིག་བྱེད་རྣམས། ཞལ་གཅིག་པ་ལ་ཕྱག་གཉིས་སོ།། མེ་ཏོག་མཆོད་པ་ཡང་དག་བྲི།། རྣམ་པ་སྣ་ཚོགས་རིམ་པ་ཡང་།། དཀྱིལ་འཁོར་ལ་ནི་མཆོད་པ་བྲི།། དེ་ནས་དཔའ་བོ་སྒྲུབ་པ་པོས།། དུང་ཆེན་གྱིས་ནི་བརྒྱན་བྱས་པ། ། ཐོད་པའི་འཕྲེང་ཐོད་བཅིངས་པ་ཡི།། ཁྲག་འཐུང་གཟུགས་ནི་སྒོམ་བྱེད་པས།། དེ་ལ་ཅང་ཏེའུ་བརྡུངས་ནས་སུ།། གར་བྱེད་ཅིང་ནི་ཁང་པར་འཇུག། དེ་ཡི་སྙིང་ཁར་མནན་པའི་སྔགས། ། བྷྱོ་ཡིག་དེ་ལ་བཟླ་བྱ་སྟེ།། ལྷ་ཡི་དཀྱིལ་འཁོར་མཆོད་ནས་སུ།། ཁྲག་ཆེན་གྱིས་ནི་གཏོར་བར་བྱ།། དཔལ་ལྡན་ཁྲག་འཐུང་སྔགས་ཆེན་ནི།། སྒྲུབ་པ་པོས་ནི་བཟླས་མ་ཐག། ཁྲོ་དང་ལྡན་པའི་ཨག་བཙར་བྱ།། རོ་ལངས་ཀྱིས་ནི་གང་སྒྲོགས་བྱེད།། དེ་ཚེ་སྔགས་པས་མི་འཇིགས་ཏེ།། ཁྲག་འཐུང་སྔགས་ནི་དྲན་པར་བྱ།། ལངས་པའི་རོ་ལངས་དེ་ཡིས་ཀྱང་།། སྒྲུབ་པ་པོ་ལ་འདི་སྐད་སྨྲས། ། དཔའ་ཆེན་པོ་ཀྱེ་ལས་གང་ཡང་།། བདག་ལ་བཀའ་སྩོལ་རྡོ་རྗེ་ཅན།། རལ་གྲི་མིག་སྨན་ས་འོག་དང་།། མཁའ་ལ་རྒྱུ་བར་འདོད་པ་དག། སྒྲུབ་པ་པོས་ནི་གང་འདོད་པ།། ལས་དེ་དག་རི་གྲུབ་པར་བགྱི། ། དེ་ནས་སྒྲུབ་པ་པོ་ལ་ནི།། ཡིད་ལ་གང་དང་གང་འདོད་བསླང་།། དེ་ལྟར་ཐམས་ཅད་བསྒྲུབ་བྱ་བ།། རྒྱས་པའི་པདྨ་མཱ་མ་ཀཱི།། རོ་ལངས་སྒྲུབ་པའི་མཆོག་གྱུར་པ།། རྡོ་རྗེ་བདུད་རྩི་ལས་བྱུང་ཡིན། ། སྐུ་གསུང་ཐུགས་ཀྱི་བསྒྲུབ་དོན་དུ།། སྒྲུབ་པ་པོ་ཡི་བདེ་ཡང་འདྲེན།། རྡོ་རྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེས་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས། རོ་ལངས་སྒྲུབ་པ་བསྟན་པ་ཞེས་བྱ་བ་ལེའུ་བཅུ་པའོ།། ། དེ་ནས་བཅོམ་ལྡན་རྡོ་རྗེ་ཅན། ། རྡོ་རྗེ་བདུད་རྩི་བདེ་ཆེན་པོས།། རྡོ་རྗེ་པདྨ་མཉམ་སྦྱོར་ཏེ།། ཅང་མི་གསུང་བར་ཆེར་བཞུགས་སོ།། དབུགས་དགག་ཕྱིར་ནས་མི་གཡོ་ནས།། མི་འཇིགས་པ་དང་མི་གསུང་བར།། ཏིང་འཛིན་མཆོག་ལ་བཞུགས་པ་ལ། ། མཱ་མ་ཀཱིས་ནི་ཡང་ཞུས་ཏེ།། བཅོམ་ལྡན་རྡོ་རྗེ་ཕྲ་མོ་ནི།། སེམས་ཅན་ཀུན་གྱི་ཡིད་ལ་གནས།། ཇི་ལྟར་རྣམ་པ་གང་གིས་ནི།། དེ་བཞིན་ཉིད་དེ་ཐོབ་པར་བགྱི།། དེ་ནས་བཅོམ་ལྡན་རྡོ་རྗེ་ཅན། ། རྡོ་རྗེ་བདུད་རྩི་བདེ་ཆེན་པོས།། བཞད་པ་མཛད་ནས་གསུང་འདི་ནི།། སྤྱན་ཡང་ཕྱེ་ནས་བཀའ་སྩལ་པ།། དེ་ཉིད་སྔོན་བཞིན་བཤད་པ་སྟེ།། བདུད་རྩི་གཟུགས་ནི་ཁུ་བ་ཡིན།། བདུད་རྩི་ལྔ་དང་ལྡན་བྱས་ཏེ། ། རྟག་པར་རྒྱུན་དུ་མྱང་བར་བྱ།། རྫས་ནི་རེ་རེའི་མཐུ་དག་ནི།། བཤད་པ་ཉོན་ཅིག་མཱ་མ་ཀཱི།། ཡེ་ཤེས་ཤེས་བྱ་སྒྲུབ་བྱེད་པའི།། ཁུ་བ་དངས་པར་བཟའ་བར་བྱ།། སྐུ་གསུང་ཐུག་ཀྱི་བསྒྲུབ་དོན་དུ། ། ཁྲག་ཆེན་རབ་ཏུ་བསྒྲུབ་བྱ་སྟེ།། གང་ཞེ་བུད་མེད་རྣམས་ཀྱི་འམ།། བུ་མོ་ཡི་ནི་རྟག་ཏུ་བླང་།། ཁྲག་ཆེན་དེ་ནི་མཱ་མ་ཀཱི།། དོན་ནི་ཐམས་ཅད་བྱེད་པ་པོ།། དྲག་ཤུལ་ཤི་པ་རྙེད་ན་ནི།། ཤ་ཆེན་པོ་ཡང་བཟའ་བྱ་སྟེ།། གསལ་ཤིང་བཙུགས་དང་འགེགས་པ་འམ།། གཡུལ་དུ་བསད་པ་གང་དེ་ནི།། ཟབ་ཅིང་བརྟན་པས་ཟ་བྱེད་ན།། ཚེ་དང་ནད་མེད་འཕེལ་བར་འགྱུར།། དེ་བཞིན་འདོད། པའི་བདེ་བ་དང་།། སངས་རྒྱས་བྱང་ཆུབ་གྲུབ་པ་དང་།། རྡོ་རྗེ་སེམས་དཔའ་བཞིན་དུ་འཚོ།། འདོད་ཀུན་འབྲས་བུ་དེས་སྦྱིན་ནོ།། རྡོ་རྗེ་ཆུ་དང་བཤང་གཅི་ནི།། རང་གིས་བཟའ་བར་རིག་པར་བྱ།། ཕྱེ་མ་ཞིབ་མོར་བྱས་པ་ལ།། ཁྲག་ཆེན་གྱིས་ནི་བསྲེ་བར་བྱ།། སྔ་དྲོ་དེ་བཞིན་ཉིན་ཕྱེད་དང་།། ཕྱི་དྲོ་ལ་ནི་བཟའ་བར་བྱ།། དུས་གསུམ་ཟོས་ནས་རྣལ་འབྱོར་པས།། དེ་ནས་རྡོ་རྗེ་ཆུ་ནི་བཏུང་། ། ཉིན་དང་ཉིན་དུ་མཱ་མ་ཀཱི།། སྒྲུབ་པ་པོ་གང་སྒྲུབ་བྱེད་པ།། ལུས་ལ་ནད་ནི་མེད་འགྱུར་ཞིང་།། རྒས་པའི་ནད་ཀྱང་མེད་པར་བྱེད།། སྐལ་བཟང་རྒྱས་པའི་མདངས་ལྡན་པ།། རྒྱལ་པོའི་སྒོར་ཡང་རྒྱལ་བར་འདྲེན།། དེས་ན་འདོད་པ་ཀུན་སྦྱིན་པས།། མཆོག་རབ་དེ་ཉིད་ཐོབ་པ་ཡིན།། རྣལ་འབྱོར་དེ་ཡང་ཀུན་ཤེས་ཏེ།། རྡོ་རྗེ་སེམས་དཔའི་ཡོན་ཏན་ལྡན།། འདོད་ཆགས་ཞེ་སྡང་ལས་གྲོལ་ནས། ། བརྐམ་པ་ཕྲག་དོག་རྣམ་སྤངས་ནས།། རྡོ་རྗེ་བདུད་རྩི་བདེ་ཆེན་པོ།། དེ་ཡིས་སྒྲུབ་པ་འགྲུབ་པའོ།། རྡོ་རྗེ་བདུད་རྩི་རྒྱུད་འདི་ནི།། དོན་མང་གསང་བའི་རིམ་པ་ཅན།། མ་ལུས་རྡོ་རྗེ་ཐེག་པ་འདི། ། འདི་ལས་བྱུང་གྱུར་ལྷ་མོ་ཀྱེ།། རྒྱས་པའི་པདྨ་མཱ་མ་ཀཱིས།། འདོད་ཆགས་ཀྱི་ནི་བདེ་འགྱུར་བས།། ཁྱོད་ལ་དམ་པའི་དངོས་བསྟན་ན།། བདག་གིས་གང་ལ་ཡང་མི་སྟོན།། འདི་ནི་གསང་ཆེན་དམ་པ་ཡིན། ། ཡིད་དག་ཀུན་གྱི་བདག་ལ་གནས།། བྱང་ཆུབ་སེམས་དཔའ་མ་ཤེས་ཏེ།། གཟུགས་མེད་སྟོང་པར་མི་འགྱུར་བས།། དེ་ན་དེ་ཉིད་རིག་ཆེན་པོ།། རྡོ་རྗེ་སྤྱི་གཙུག་ནོར་བུ་འདོད།། ཤིན་ཏུ་གསང་ནས་གཟུངས་ལྷ་མོ།། ཕ་དང་བུ་ལའང་བསྟན་མི་བྱ།། གལ་ཏེ་དངོས་གྲུབ་མཆོག་འདོད་ན།། གདན་དུ་གསང་བ་བསྟན་པ་དང་།། བླ་མ་ལ་ཆགས་བརྟུལ་ཞུགས་བསྟན།། དེ་ལ་སྦྱིན་ནས་དེ་ཉིད་བསྟན། ། རྡོ་རྗེ་བདུད་རྩི་རྒྱུད་འདི་ནི།། བདེ་འགྲུབ་ཤིན་ཏུ་ཐོབ་དཀའ་བ།། ཡང་དག་རྫོགས་པས་སྐལ་བཟང་ཞིང་།། སྙིང་པོ་ཡེ་ཤེས་འདུས་པ་ཡིན།། རྡོ་རྗེ་བདུད་རྩི་རྒྱུད་ཆེན་ལས། སྒྲུབ་པ་པོ་གང་དབང་བསྐུར་བ། ། སངས་རྒྱས་བྱང་ཆུབ་སེམས་རྣམས་ཀྱི།། དེ་ལ་ཀུན་གྱིས་ཕྱག་བྱེད་དེ།། ཕྱག་ནི་ལན་གསུམ་བྱས་ནས་སུ།། རྡོ་རྗེ་སློབ་དཔོན་སྐལ་བཟང་མཆོག། དེ་ཉིད་སེམས་ཅན་ཐམས་ཀྱི། ། འཁོར་བ་ལས་འདྲེན་གཙོ་ཞེས་གསུངས།། རྡོ་རྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེས་དེ་གསུངས་སོ།། རྡོ་རྗེ་བདུད་རྩི་རྒྱུད་ཆེན་པོ།། སྟོན་པས་དགའ་མ་ལ་བསྟན་ནས།། ཕྲ་མོའི་གཟུགས་སུ་རྡོ་རྗེ་ཅན། ། དེ་ནས་བྷ་ག་ཆེར་བཞུགས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་ཀྱི་རྡོ་རྗེ་ཅན་རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩི་རྒྱུད་ཆེན་པོ་ལས། བདུད་རྩི་ལྔ་སྒྲུབ་པའི་ཐབས་བསྟན་པ་ཞེས་བྱ་བའི་ལེའུ་སྟེ་བཅུ་གཅིག་པ་རྫོགས་སོ། ། རྡོ་རྗེ་བདུད་རྩིའི་རྒྱུད་ལོ་ཙབ་གྱི་ཅོ་དྷཱུ་བའི་འོད་ཟེར་གྱིས་བསྒྱུར་ཅིང་ནུས་ཏེ་གཏན་ལ་ཕབ་པའོ།།

CLOSE WINDOW