Wylie | e-texts produced with ocr Programm |
ལོ་ཙ་བ་བན་དྷེ་ཡེ་ཤེས་སྙིང་པོས་བསྒྱུར། ནུ་ཆེན་གྱི་ལོ་ཙ་བ་བན་རྗེ་དཔལ་བརྩེགས་ཀྱིས་ཞུས་ཏེ་གཏན་ལ་ཕབ་པ།། བོད་སྐད་དུ། རྡོ་རྗེ་རྒྱལ་མཚན་གྱི་ཡོངས་སུ་བསྔོ་བ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། རྒྱུ་དང་མི་རྒྱུའི་འཇིག་རྟེན་སྨན་སླད་དུ།། བྱུང་དང་འབྱུང་བར་འགྱུར་དང་ད་ལྟར་གྱི།། རང་བྱུང་རྔུབ་དབང་ཐུགས་རྗེ་ལྡན་རྣམས་ལ། ། བདག་གིས་བདག་ཀུན་བཏུད་ནས་ཕྱག་འཚལ་ལོ།། ཆགས་དང་ཞེ་སྡང་གཏི་མུག་དབང་གིས་ནི།། བདག་གིས་ལུས་དང་ངག་དང་ཡིད་རྣམས་ཀྱིས།། སྲིད་པ་ཉམ་ངར་སྡིག་པ་ཅིངས། པ། སྡིག་པ་དེ་ཀུན་སོ་སོར་བཤགས་པར་བགྱི།། དེ་བཞིན་གཤེགས་ཀྱི་བསོད་ནམས་མཛོད་གང་དང་། བྱང་ཆུབ་སེམས་དཔའ་ལས་བྱུང་བསོད་ནམས་དང་།། གང་ཡང་ཉན་ཐོས་རྐྱེན་གྱི་ཐེག་ཅན་དང་།། འཇིག་རྟེན་བསོད་ནམས་དེ་ལ་ཡི་རང་ངོ་། ། བྱང་ཆུབ་སྙིང་པོར་ཐོག་མར་གང་སངས་རྒྱས།། པདྨ་རྒྱས་པའི་སྤྱན་འདྲ་སྤྱན་མངའ་བ།། སངས་རྒྱས་བླ་མེད་མཐའ་ཡས་དེ་དག་ལ།། ཆོས་ཀྱི་འཁོར་ལོ་དམ་པ་བསྐོར། བར་བསྐུལ།། ཕུང་པོ་མ་ལུས་མྱ་ངན་འདས་དབྱིངས་སུ།། གཤེགས་པར་གང་བཞེད་མི་དང་ལྷ་ཡི་ལྷ།། མགོན་པོ་དེ་དག་ཇི་སྙེད་སྨན་སླད་དུ།། བཞུགས་དང་སངས་རྒྱས་སྐུ་དོན་མཛད་པར་གསོལ། ཕྱག་འཚལ་བ་དང་བཤགས་པའི་བསོད་ནམས་དང་།། བསྐུལ་བ་དང་ནི་གསོལ་བ་བཏབ་པ་དང་།། དེ་བཞིན་ཡི་རང་བསོད་ནམས་ཅི་བསགས་པ།། བྱང་ཆུབ་དམ་པ་མཆོག་ཏུ་བསྔོ་བར་བགྱི།། བདག་གིས་བསོད་ནམས་དམ་པ་འདིས་རྟག་ཏུ། ། བྱང་ཆུབ་སེམས་ནི་བརྗེད་པར་མ་གྱུར་ཅིག། རྟག་ཏུ་སངས་རྒྱས་བྱང་ཆུབ་སེམས་དཔའ་དང་།། དགེ་བའི་བཤེས་རྣམས་མཉེས་པར་བྱེད་གྱུར་ཅིག། མི་ཁོམ་གནོད་པ་བརྒྱད་པོ་སྤོང་བར་ཤོག། བཟོད་དང་ལྡན་ཞིང་མཚན་གྱིས་ལུས་བརྒྱན་དང་།། རྟག་ཏུ་སྐྱེ་དྲན་སེམས་ནི་མི་རྨོངས་དང་།། རབ་དེས་ཕ་རོལ་ཕྱིན་པ་བརྩོན་གྱུར་ཅིག། དབང་ཕྱུག་མི་བརྫི་ཆོས་ཀྱི་དབང། ཕྱུག་དང་། ཡོན་ཏན་འབྱུང་གན་ཉིད་ནི་འགྱུར་མེད་ཤོག། གཡོ་ག་འཁོར་མང་པོ་འཐུན་པར་ལྡན་པ་དང་།། བསམ་པ་འཐུན་ཞིང་རྒྱ་ཆེར་དག་གྱུར་ཅིག། བསོད་ནམས་མི་ཟད་རྣམ་དག་བློ་དང་ལྡན།། ཆོ་ག་ཡོན་ཏན་དག། ལ་དགའ་བར་ཤོག། བསམ་གཏན་མངོན་ཤེས་སོ་སོ་ཡང་དག་རིག། དབང་བཅུ་དག་ལ་བདག་དབང་བྱེད་གྱུར་ཅིག། བྱང་ཆུབ་སེམས་དཔའ་གང་དག་ལམ་རྫོགས་པ།། དེ་དག་སངས་རྒྱས་གོ་འཕང་མྱུར་ཐོབ་ཤོག། དེ་ལ་གང་དག་ལམ་ཀུན་མ་རྫོགས་པ།། དེ་དག་ཚོགས་ཀྱིས་རྙེད་པ་རྙེད་གྱུར་ཅིག་སེམས་ཅན་ཐམས་ཅད་བླ་ན་མེད་པ་ཡི།། བྱང་ཆུབ་ཏུ་ནི་སྨོན་ལམ་མྱུར་འདེབས་ཤོག་དེ་ལ་དམ་བཅས་པས་ནི་བརྟན་གྱུར་ཅིང་། ། བྱང་ཆུབ་ཐོབ་མིན་དོན་གཞན་བྱེད་མ་གྱུར།། ལུས་ཀུན་དབང་པོ་དག་པས་རབ་རྒྱས་ཤིང་།། ནད་མེད་རིམས་ནད་མེད་ཅིང་མྱ་ངན་བྲལ།། ཚེ་རིང་ཞི་དང་སྒྲ་ནི་ཡིད་འོང་ལྡན།། སྡིག་ལས་ཟློག་ཅིང་དགེ་ལ་འཇུག་གྱུར་ཅིག། སེར་སྣ་བྲལ་ཞིང་ཟང་ཟིང་མེད་ཆོས་ཀྱིས།། རྟག་ཏུ་ཕན་ཚུན་ཕན་འདོགས་བྱེད་པར་ཤོག། གཞན་དུ་སྙིང་རྗེ་ཆེ་དང་ལྡན་གྱུར་ནས།། འདོད་པ་མི་མངའ་བདེ་བར་གཤེགས་གྱུར་ཅིག། འགྲོ་བ་སྡུག་བསྔལ་བྱིང་ལ་ཕན་བྱའི་ཕྱིར།། སངས་རྒྱས་བྱང་ཆུབ་བླ་ན་མེད་མཆོག་ཏུ།། རྡོ་རྗེ་རྒྱལ་མཚན་ཡོངས་བསྔོ་རྒྱལ་པོ་ལ།། དེས་ནི་རང་གི་བསོད་ནམས་ཡོངས་སུ་བསྔོ་བདེ་གཤེགས་ཀུན་ཏུ་བཟང་དང་མཁྱེན་པ་དག། ཀུན་ཏུ་བཟང་པོ་བསྡོད་གེ་ཇི་ལྟ་བར།། དེ་བཞིན་བདག་ཀྱང་ཀུན་ཏུ་བཟང་སྤྱོད་དང་།། རྒྱལ་བ་དམ་པ་ཀུན་ཏུ་བཟང་པོར་ཤོག། རྡོ་རྗེ་རྒྱལ་མཚན་གྱི་ཡོངས་སུ་བསྔོ་བ་རྫོགས་སོ། ། ། རྒྱ་གར་སྐད་དུ། སྭ་སྱཱ་ཡ་ན་གཱ་ཐ། བོད་སྐད་དུ། བདེ་ལེགས་སུ་འགྱུར་བའི་ཚིགས་སུ་བཅད་པ། དཀོན་མཆོག་གསུམ་ལ་ཕྱག་འཚལ་ལོ།
CLOSE WINDOW