| Wylie | e-texts produced with ocr Programm |
། གསེར་མདོག་གི་སྔོན་གྱི་སྦྱོར་བ་ཞེས་བྱ་བ་རྫོགས་སོ།། རྒྱ་གར་སྐད་དུ། ཨཱརྱ་སད་པུ་རུ་ཥ་སྱཱ་ཏམ། བོད་སྐད་དུ། འཕགས་པ་སྐྱེས་བུ་དམ་པའི་མདོ།། འཕགས་པ་འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྔ་པོ་འདི་དག་ནི་སྐྱེས་བུ་དམ་པའི་སྦྱིན་པ་དག་ཡིན་ཏེ། ལྔ་གང་ཞེ་ན། དགེ་སློང་དག་སྐྱེས་བུ་དམ་པ་ནི་དད་པས་སྦྱིན་པ་སྦྱིན་པར་བྱེད་པ་ཡིན། གུས་པར་བྱེད་དེ་རང་གི་ལག་པ་ནས་དང་།། དུས་སུ་གཞན་དག་ལ་མི་གནོད་པར་སྦྱིན་པ་སྦྱིན་པར་བྱེད་པ་ཡིན་ནོ།། དགེ་སློང་དག་དད་པས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན། དད་པས་སྦྱིན་པ་བྱིན་པས་ཕྱུག་པོར་འགྱུར་བ་ཡིན། ནོར་མང་བ་དང་། ལྗོངས་སྤྱོད་ཆེ་བ་ཡིན། ནོར་གྱི་ཡོ་བྱད་མང་བ་ཡིན། བདག་དབང་བའི་ལོངས་སྤྱོད་ཆེ་བ་ཡིན། ནོར་དང་། འབྲུ་དང་། དབྱིག་དང་། གསེར་དང་མཛོད་དང་། བང་བའི་ཚོགས་མང་བ་ཡིན། བྲན་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་མང་བ་ཡིན། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་ཡིན་ཏེ། དགེ་སློང་དག་དད་པས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ།། དགེ་སློང་དག་གུས་པར་བྱས་ཏེ་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན། གུས་པར་བྱས་ཏེ་སྦྱིན་པ་བྱིན་པས་ཕྱུག་པོར་འགྱུར་བ་ཡིན། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་ཡིན་པའི་བར་སྔ་མ་བཞིན་ནོ། ། བུ་དང་ཆུང་མ་དང་། བྲན་དང་བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དང་། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་དག་གིས་ཀྱང་གུས་པར་བྱས་པར་འགྱུར་བ་ཡིན་ཏེ། དགེ་སློང་དག་གུས་པར་བྱས་ཏེ། སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ།། དགེ་སློང་དག་རང་གི་ལག་པ་ནས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན། རང་གི་ལག་པ་ནས་སྦྱིན་པ་བྱིན་པས་ཕྱུག་པོར་འགྱུར་བ་ནས། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བ་ཡིན་པའི་བར་སྔ་མ་བཞིན་ནོ། ། དེའི་ཁྱིམ་གྱི་ལོངས་སྤྱོད་རྒྱ་ཆེན་པོ་དག་ལ་ཡང་སེམས་འཇུག་པ་ཡིན། ཟས་ཀྱི་ལོངས་སྤྱོད་རྒྱ་ཆེན་པོ་དག་དང་། ཐེག་པའི་ལོངས་སྤྱོད་རྒྱ་ཆེན་པོ་དག་དང་། གོས་ཀྱི་ལོངས་སྤྱོད་རྒྱ་ཆེན་པོ་དག་དང་། མལ་ཆའི་ལོངས་སྤྱོད་རྒྱ་ཆེན་པོ་དག་དང་། གཟུགས་དང་། སྒྲ་དང་། དྲི་དང་། རོ་དང་། རེག་བྱ་རྒྱ་ཆེན་པོ་དག་ལ་ཡང་སེམས་འཇུག་པ་ཡིན་ཏེ། དགེ་སློང་དག་རང་གི་ལག་པ་ནས་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ།། དགེ་སློང་དག་དུས་སུ་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན། དུས་སུ་སྦྱིན་པ་བྱིན་པས་ཕྱུག་པོར་འགྱུར་བ་ཡིན་པ་ནས། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བའི་བར་སྔ་མ་བཞིན་ནོ། ། དེའི་ནོར་དག་ཀྱང་དུས་སུ་ཐོབ་པ་དང་། མང་ཞིང་མཐུན་པ་མངོན་དུ་འབྱུང་བ་ཡིན་ཏེ། དགེ་སློང་དག་དུས་སུ་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་དེ་ལྟ་བུ་འདོད་པར་བྱའོ། ། དགེ་སློང་དག་གཞན་ལ་མི་གནོད་པར་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདོད་པར་བྱ་བ་གང་ཞེ་ན། གཞན་ལ་མི་གནོད་པར་སྦྱིན་པ་བྱིན་པས་ཕྱུག་པོར་འགྱུར་བ་ཡིན་པ་ནས། མཛའ་བོ་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་མང་བའི་བར་སྔ་མ་བཞིན་ནོ།། དེའི་ལོངས་སྤྱོད་གང་དག་བརྩོན་འགྲུས་བརྩམས་པས་ཐོབ་པ་ལག་མཐུས་བསྒྲུབས་པ་རྡུལ་མེད་ཅིང་དྲི་མ་ཆགས་ཆགས་སུ་བསྒྲུབས་པ་ཆོས་དང་ལྡན་པ། ཆོས་ཀྱིས་ཐོབ་པ་དེ་དག་ལྔ་ཡང་། རྒྱལ་པོ་འམ། རྐུན་པོ་འམ། མེ་འམ། ཆུའམ། མི་མཛའ་བ་བགོ་སྐལ་ལ་སྤྱོད་པའམ། གང་ནས་ཀྱང་བར་ཆད་མི་འབྱུང་བ་ཡིན་ཏེ། གཞན་ལ་མི་གནོད་པར་སྦྱིན་པ་བྱིན་པའི་འབྲས་བུ་རྣམ་པར་སྨིན་པ་འདི་འདོད་པར་བྱའོ།། བཅོམ་ལྡན་འདས་ཀྱིས་དྲི་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་ཅེས་གསུངས་ནས། འདི་ལྟར་སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ།། དྲད་ཅིང་གུས་པར་བྱས་ཏེ་རང་གི་ལག་པ་ནས། ། དུས་སུ་གནོད་པ་མེད་པར་མཁས་པ་སྦྱིན་པ་བྱེད། སྦྱིན་པ་རྒྱ་ཆེ་བ་དང་ཆེན་པོ་འདིར་བྱིན་ནས། ཀུན་འགེད་པ་དེ་ནི་བཟང་འགྲོར་གྲོ་བ་ཡིན།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་སྐྱེས་བུ་དམ་པའི་མདོ་རྫོགས་སོ།
CLOSE WINDOW