| Wylie | e-texts produced with ocr Programm |
རྒྱ་གར་སྐད་དུ། ཨཱརྱ་ད་ཤ་ས་ཧ་སྲི་ཀཱ་པྲཛྙཱ་པཱ། ར་མི་ཏཱ་ནཱ་མ་མ་ཧཱ་ཡཱ་ན་སཱུ་ཏཱ།། ། བོད་སྐད་དུ། འཕགས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཁྲོ་བ་ཞེས་བྱ་བ་ཐག་པ་ཆེན་པོའི་མདོ། @#བམ་པོ་དང་པོ། ། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འགྲུ་རྒྱལ་པོའི་ཁབ། བྱ་རྒོད་ཕུང་པོའི་རི་ལྔ། དགེ་སློང་སྟོང་ཕྲག་དུ་མའི་དགེ་སློང་གི་དགེ་འདུནི་ཆེན་པོ་དང་ཐབས་ཅིག་ཏུ་བཞུགས་ཏེ། ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། ཉོན་མོངས་པ་མེད་པ། དབང་དང་ལྡན་པར་གྱུར་པ། སེམས་ཤིན་ཏུ་རྣམ་པར་གྲོལ་བ། ཤེས་རབ་ཤིན་ཏུ་རྣམ་པར་གྲོལ་བ། ཅང་ཤེས་པ། གླང་པོ་ཆེན་པོ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། སེམས་ཐམས་ཅད་ཀྱི་དབང་གི་དམ་པའི་ཕ་རོལ་ཏུ་སོན་པ་ཤ་སྟག་སྟེ། གང་ཟག་གཅིག་མ་གཏོགས་པ་ནི། འདི་ལྟ་སྟེ། སློབ་པ་རྒྱུན་དུ་ཞུགས་པ། ཚེ་དང་ལྡན་པ་ཀུན་དགའ་བོའོ། ། དགེ་སློང་མ་ལྔ་བརྒྱ་ཙམ་དང་། དགེ་བསྙེན་དང་། དགེ་བསྙེན་མ་ཐམས་ཅད་ཀྱང་བདེན་པ་ཤ་སྟག་དང་། བྱང་@##ཆུབ་སེམས་དཔའ་སེམས་དཔའ་ཆེན་པོ་སྟོང་ཕྲག་དུ་མ་ཐམས་ཅད་ཀྱང་གཟུངས་ཐོབ་པ། ཏིང་ངེ་འཛིན་ཐོབ་པ། སྟོང་པ་ཉིད་ལ་གནས་པ། མཚན་མ་མེད་པའི་སྤྱོད་ཡུལ་བ། མ་བརྟགས་པའི་སྨོན་ལམ་དང་ལྡན་པ། མཉམ་པ་ཉིད་ཀྱི་བཟོད་པ་ཐོབ་པ། སྤོབས་པ་ཐོགས་པ་མེད་པ་ཐོབ་པ། ཐམས་ཅད་ཀྱང་མངོན་པར་ཤེས་པ་ལྔ་དང་ལྡན་པ།། གཟུང་བའི་ཚིག་དང་ལྡན་པ། ཚུལ་འཆོས་པ་མེད་པ། ཤེས་ཀྱི་ཁ་དང་། རྙེད་པ་དང་། བཀུར་སྟིའི་སེམས་དང་བྲལ་བ། ཟང་ཟིང་མེད་པའི་ཆོས་སྟོན་པ། ཆོས་ཟབ་མོ་ལ་བཟོད་པའི་ཕ་རོལ་ཏུ་ཕྱིན་པ། མི་འཇིགས་པ་ཐོབ་པ། བདུད་ཀྱི་ལས་ལས་ཡང་དག་པར་འདས་པ། ལས་ཀྱི་སྒྲིབ་པ་ཐམས་ཅད་ལས་རྣམ་པར་གྲོལ་བ། རྟེན་པའི་ཆོས་སྟོན་པས་བསགས་པ། བསྐལ་པ་གྲངས་མེད་པ་ནས་སྨོན་ལམ་ཤིན་ཏུ་བསགས་པ། བཞིན་འཛུམ་པ་དང་ལྡན་པ། གསོང་པོར་སྨྲ་བ། བཞིན་ཁྲོ་གཉར་མེད་པ། འཁོར་མཐའ་ཡས་པ་ཟིལ་གྱིས་གནོན་པའི་མི་འཇིགས་པ་དང་ལྡན་པ། བསྐལ་པ་བྱེ་བ་ཕྲག་དུ་མར་བསྟན་པས་ངེས་པར་འབྱུང་བ་ལ་མཁས་པ། ཆོས་ལ་སྒྱུ་མ་དང་། སྨིག་རྒྱུ་དང་། རྨི་ལམ་དང་། ཆུ་ཟླ་དང་། མིག་ཡོར་དང་། ནམ་མཁའ་དང་། བྲག་ཆ་དང་། དྲི་ཟའི་གྲོང་ཁྱེར་དང་། གཟུགས་བརྙན་དང་། སྤྲུལ་པ་ལྟ་བུར་མོས་པ། མི་འཇིགས་པ་ཚད་མེད་པ་དང་ལྡན་པ། སེམས་ཅན་ཐམས་ཅད་ཀྱི་སེམས་ཀྱི་སྤྱོད་པ་དང་། མོས་པ་དང་། ཕྲ་མ་མཁྱེན་པ། ཁོང་དུ་ཆུད་པར་བྱ་བ་ལ་མཁས་པ། སེམས་ཅན་ཐམས་ཅད་དང་ཞེ་འགྲས་པ་མེད་པའི་སེམས་དང་ལྡན་པ། བཟོད་པ་ཆེན་པོ་དང་ལྡན་པ། ཇི་ལྟ་བ་བཞིན་དུ་འཇུག་པ་ལ་མཁས་པ། སངས་རྒྱས་ཀྱི་ཞིང་མཐའ་ཡས་པར་སྨོན་ལམ་ཡོངས་སུ་བཟུང་བ། འཇིག་རྟེན་གྱི་ཁམས་གྲངས་མེད་པའི་སངས་རྒྱས་རྗེས་སུ་དྲན་པའི་ཏིང་ངེ་འཛིན་རྟག་ཏུ་རྒྱུན་མི་འཆད་པ་མངོན་དུ་གྱུར་པ། སངས་རྒྱས་དཔག་ཏུ་མེད་པ་ལ་གསོལ་བ་འདེབས་པ་ལ་མཁས་པ། བལྟ་བ་སྣ་ཚོགས་ཀྱིས་ཀུན་ནས་ལྡང་བའི་ཉོན་མོངས་པ་སྤོང་བ་ལ་མཁས་པ། ཏིང་ངེ་འཛིན་གྱིས་རྣམ་པར་རྩེ་བ་འབུམ་མངོན་པར་སྒྲུབ་པ་ལ་མཁས་པའི་བྱང་ཆུབ་སེམས་དཔའ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བཟང་སྐྱོང་དང་། དཀོན་མཆོག་འབྱུང་གནས་དང་། དེད་དཔོན་དང་། ན་ལས་བྱིན་དང་། གཟའ་ས་བྱིན་དང་། ཆུ་ལྷས་བྱིན་དང་དབང་པོས་བྱིན་དང་། བློ་གྲོས་རྒྱ་ཆེན་དང་། བློ་གྲོས་ཁྱད་པར་ཅན་དང་། བློ་གྲོས་འཕེལ་དང་། མཐོང་བ་དོན་ཡོད་དང་། ཤིན་ཏུ་ཡང་དག་ཞུགས་དང་རབ་ཀྱི་ཚལ་གྱིས་རྣམ་པར་གནོན་པ་དང་། རྟག་ཏུ་བརྩོན་དང་། བརྩོན་པ་མི་གཏོང་བ་དང་། ཉི་མའི་སྙིང་པོ་དང་། ཟླ་བའི་སྙིང་པོ་དང་། བློ་གྲོས་དཔེ་མེད་དང་། སྤྱན་རས་གཟིགས་དབང་ཕྱུག་དང་། འཇམ་དཔལ་དང་། ལག་ན་ཕྱག་རྒྱ་རིན་པོ་ཆེ་དང་། བྱང་ཆུབ་སེམས་དཔའ་རྟག་ཏུ་ལག་བརྐྱང་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་སྟོང་ཕྲག་དུ་མ་ཐམས་ཅད་ཀྱང་གཞོན་ནུར་གྱུར་པ་ཤ་སྟག་དང་ཐབས་ཅིག་གོ།། དེའི་ཚེ་བཅོམ་ལྡན་འདས་ཀྱིས། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་ཐམས་ཅད་ཀྱི་གཟི་བརྗིད་ཟིལ་གྱིས་མནན་ནས། འཁོར་བཞི་པོ་དག་གི་མདུན་ན་ལྷམ་མེ་ལྷན་ནེ་ལྷང་ངེ་ཞིང་། རྫུ་འཕྲུལ་གྱི་རྣམ་པར་འཕྲུལ་པའི་ཆོ་འཕྲུལ་རྣམ་པ་དུ་མ་ཡང་དག་པར་བསྟན་ཏོ། ། སྤུའི་ཁུང་བུ་རྣམས་ནས་ཀྱང་འོད་ཟེར་བྱེ་བ་ཁྲག་ཁྲིག་འབུམ་ཕྲག་དུ་མ་དག་བྱུང་བར་གྱུར་ཏོ།། ཡང་དེའི་ཚེ་ཚེ་དང་ལྡན་པ་ཤཱ་ར་དྭ་ཏིའི་བུ་འཁོར་དེར་འདུས་པར་གྱུར་ཏེ་འདུག་པ་དེས། དེ་བཞིན་གཤེགས་པའི་རྫུ་འཕྲུལ་གྱི་རྣམ་པར་འཕྲུལ་པའི་ཆོ་འཕྲུལ་དེ་ལྟ་བུ་མཐོང་ནས་དགའ་ཞིང་མགུ་ལ་ཡི་རངས་ཏེ། རབ་ཏུ་མགུ་ཞིང་དགའ་བ་དང་། ཡིད་བདེ་བ་སྐྱེས་ནས་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ན་ཞུ་བ་ལུང་བསྟན་པའི་སླད་དུ། བཙུན་པ་བཅོམ་ལྡན་འདས་ཀྱིས་བདག་ལ་སྐབས་བྱེ་ན། བཙུན་པ་བཅོམ་ལྡན་འདས་ལ་བདག་ཕྱོགས་འགའ་ཞིག་ཞུ་ལགས་སོ།། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་ཁྱོད་དེ་བཞིན་གཤེགས་པ་ལ་ཞུ་བའི་ཕྱིར་རྟག་ཏུ་སྐབས་ཕྱེ་ཟིན་གྱིས། ཁྱོད་དེ་བཞིན་གཤེགས་པ་ལ་ཅི་དང་ཅི་འདོད་པ་དྲིས་ཤིག་དང་། དྲིས་པ་དེ་དང་དེའི་ལན་བཏབ་པས་ཁྱོད་ཀྱི་སེམས་རངས་པར་བྱའོ།། དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཤཱ་ར་ཏྭ་ཏའི་བུས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་ན། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཆོས་གང་གི་ཕ་རོལ་ཏུ་ཕྱིན་པས། བྱང་ཆུབ་སེམས་དཔའ་རྣམས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ཕ་རོལ་ཏུ་སོན་པ་ལགས་ཤིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་ཡང་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་ལེགས་སོ་ཞེས་བྱ་བ་བྱིན་ཏེ་ཤཱ་ར་དྭ་ཏིའི་བུ་ལེགས་སོ་ལེགས་སོ། ། འདི་ལྟར་ཁྱོད་དེ་བཞིན་གཤེགས་པའི་བྱིན་གྱི་རླབས་ཀྱིས་ཞུ་བ་ཞུས་པ་མཛེས་སོ།། ཁྱོད་ཀྱི་ཡོངས་སུ་རྟོག་པ་བཟང་ངོ་།། དེའི་ཕྱིར་ཁྱོད་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པར་བྱའོ།། བཙུན་པ་དེ་ལྟར་འཚལ་ལོ་ཞེས་གསོལ་ཏེ། ཚེ་དང་ལྡན་པ་ཤཱ་ར་དྭ་ཏིའི་བུ་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས། དེ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བ་ནི། འདི་ལྟ་སྟེ། ཆོས་ཐམས་ཅད་ལ་མངོན་པར་ཞེན་པ་མེད་པ་ཡིན་ནོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའི་མངོན་པར་ཞེན་པ་མེད་པ་རྣམས་ནི། ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ། ། གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་གང་ལ་མངོན་པར་ཞེན་པར་མི་བགྱིད་པའི་ཆོས་དེ་དག་ཐམས་ཅད་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཆོས་ཐམས་ཅད་ཅེས་བྱ་བ་ནི། འདི་ལྟ་སྟེ། ཕུ་པོ་ལྔ་དང་། སྐྱེ་མཆེད་བཅུ་གཉིས་དང་། ཁམས་བཅོ་བརྒྱད་དང་། འཕགས་པའི་བདེན་པ་བཞི་དང་། རྟེན་ཅིང་འབྲེལ་བར་འབྱུང་བའི་ཡན་ལག་བཅུ་གཉིས་དང་། དྲན་པ་ཉེ་བར་གཞག་པ་བཞི་དང་ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒོ་སྟོང་པ་ཉིད་དང་། རྣམ་པར་ཐར་པའི་སྒོ་མཚན་མ་མེད་པ་དང་། རྣམ་པར་ཐར་པའི་སྒྲོ་སྨོན་པ་མེད་པ་ཉིད་དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། རྣམ་པར་ཐར་པ་བརྒྱད་དང་། མཐར་གྱིས་གནས་པའི་སྙོམས་པར་འཇུག་པ་དགུ་དང་། འདུ་ཤེས་དགུ་དང་། རྗེས་སུ་དྲན་པ་བཅུ་དང་། འདུ་ཤེས་ཀྱི་རྣམ་པ་དྲུག་དང་། ཆོས་ཤེས་པ་དང་། རྗེས་སུ་རྟོགས་པ་ཤེས་པ་དང་། ཕ་རོལ་གྱི་སེམས་ཤེས་པ་དང་། ཀུན་རྫོབ་ཤེས་པ་དང་སྡུག་བསྔལ་ཤེས་པ་དང་། ཀུན་འབྱུང་ཤེས་པ་དང་། འགོག་པ་ཤེས་པ་དང་། ལམ་ཤེས་པ་དང་། ཟད་པ་ཤེས་པ་དང་། མི་སྐྱེ་བ་ཤེས་པ་དང་། ཇི་ལྟ་བ་བཞིན་ཤེས་པ་དང་། དེ་བཞིན་དུ་རྟོག་པ་དང་ཅས་དཔྱོད་པ་དང་བཅས་པའི་ཏིང་ངེ་འཛིན་དང་། རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་དང་། མི་རྟོག་མི་དཔྱོད་པའི་ཏིང་ངེ་འཛིན་དང་། མི་ཤེས་པ་ཀུན་ཤེས་པར་བྱེད་པའི་དབང་པོ་དང་། ཀུན་ཤེས་པའི་དབང་པོ་དང་། ཀུན་ཤེས་པ་དང་ལྡན་པའི་དབང་པོ་དང་། ཟིལ་གྱིས་གནོན་པའི་སྐྱེ་མཆེད་བརྒྱད་དང་། བད་པར་གྱི་སྐྱེ་མཆེད་བཅུ་དང་། སྟོང་པ་ཉིད་བཅོ་བརྒྱད་དང་། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། དེ་བཞིན་དུ་ཐམས་ཅད་ཤེས་པ་ཉིད་དང་། ལམ་གྱི་རྣམ་པར་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་དང་། ཕ་རོལ་ཏུ་ཕྱིན་པ་དྲུག་དང་། མངོན་པར་ཤེས་པ་དྲུག་དང་། མིག་ལྔ་དང་། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་པོ་དག་སྟེ། གང་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མངོན་པར་ཞེན་པར་མི་བྱ་བའི་ཆོས་ཐམས་ཅད་ནི་དེ་དག་ཡིན་ནོ།། མངོན་པར་ཞེན་པ་མེད་པ་ནི་ཤེས་རབ་ཀྱི་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་ཡང་འགྱུར་རོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཕུང་པོ་ལྔ་གང་ལགས་ཤེས་བྱ་བ་ནས། རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་པའི་བར་དུ་དེ་བཞིན་དུ་སྦྱར་རོ། ། དྲན་པ་ཉེ་བར་གཞག་པ་བཞི་གང་ལགས་བྱ་བ་ནས། འཕགས་པའི་ལམ་ཡན་ལག་བརྒྱད་པའི་བར་དུ་དེ་བཞིན་དུ་སྦྱར་རོ།། རྣམ་པར་ཐར་པའི་སྒོ་སྟོང་པ་ཉིད་གང་ལགས་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དེ་བཞིན་དུ་སྦྱར་རོ།། ཕ་རོལ་ཏུ་ཕྱིན་པ་དྲུག་གང་ལགས་བྱ་བ་ནས། དེའི་བྱུང་བ་ཟང་པོ་བརྒྱད་ཅུ་པོ་དེ་དག་ཅེས་བྱ་བའི་བར་དུ་དེ་བཞིན་དུ་སྦྱར་རོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་ཕུང་པོ་ལྔ་ཞེས་བྱ་བ་ནི། འདི་ལྟ་སྟེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའོ།། དེ་ལ་སྐྱེ་མཆེད་བཅུ་གཉིས་གང་ཞེ་ན། ནང་གི་དྲུག་དང་། ཕྱིའི་དྲུག་སྟེ། དེ་དག་ནི་སྐྱེ་མཆེད་བཅུ་གཉིས་ཤེས་བྱའོ།། དེ་ལ་ནང་གི་སྐྱེ་མཆེད་དྲུག་གང་ཞེ་ན། འདི་ལྟ་སྟེ། མིག་གི་སྐྱེ་མཆེད་དང་། རྣ་བའི་སྐྱེ་མཆེད་དང་། སྣའི་སྐྱེ་མཆེད་དང་། ལྕེའི་སྐྱེ་མཆེད་དང་། ལུས་ཀྱི་སྐྱེ་མཆེད་དང་། ཡིད་ཀྱི་སྐྱེ་མཆེད་དེ། དེ་དག་ནི་ནང་གི་སྐྱེ་མཆེད་དྲུག་ཅེས་བྱའོ། ། དེ་ལ་ཕྱིའི་སྐྱེ་མཆེད་དྲུག་གང་ཞེ་ན། འདི་ལྟ་སྟེ། གཟུགས་ཀྱི་སྐྱེ་མཆེད་དང་། སྒྲའི་སྐྱེ་མཆེད་དང་། དྲིའི་སྐྱེ་མཆེད་དང་། རོའི་སྐྱེ་མཆེད་དང་། རེག་བྱའི་སྐྱེ་མཆེད་དང་། ཆོས་ཀྱི་སྐྱེ་མཆེད་དང་། དེ་དག་ནི་ཕྱིའི་སྐྱེ་མཆེད་དྲུག་ཅེས་བྱའོ།། དེ་ལ་ཁམས་བཅོ་བརྒྱད་གང་ཞེ་ན། འདི་ལྟ་སྟེ། མིག་གི་ཁམས་དང་གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་། སྣའི་ཁམས་དང་དྲིའི་ཁམས་དང་། སྣའི་རྣམ་པར་ཤེས་པའི་ཁམས་དང་། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དང་། ལུས་ཀྱི་ཁམས་དང་། རེག་བྱའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དང་། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་ཏེ། དེ་དག་ནི་ཁམས་བཅོ་བརྒྱད་ཅེས་བྱའོ།། དེ་ལ་འཕགས་པའི་བདེན་པ་བཞི་གང་ཞེ་ན། འདི་ལྟ་སྟེ། སྡུག་བསྔལ་འཕགས་པའི་བདེན་པ་དང་། ཀུན་འབྱུང་འཕགས་པའི་བདེན་པ་དང་། འགོག་པ་འཕགས་པའི་བདེན་པ་དང་། ལམ་འཕགས་པའི་བདེན་པ་སྟེ། དེ་དག་ནི་འཕགས་པའི་བདེན་པ་བཞི་ཞེས་བྱའོ།། དེ་ལ་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་གང་ཞེ་ན། འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད་རྣམས། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་གཟུགས་ཀྱི་སྐྱེ་མཆེད་དྲུག། སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ།། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་དགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་སྟེ། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་དག་འབྱུང་བར་འགྱུར་རོ། ། མ་རིག་པ་འགགས་པས་འདུ་བྱེད་འགག། འདུ་བྱེད་འགགས་པས་རྣམ་པར་ཤེས་པ་འགག། རྣམ་པར་ཤེས་པ་འགགས་པས་མིང་དང་གཟུགས་འགག། མིང་དང་གཟུགས་འགགས་པས་སྐྱེ་མཆེད་དྲུག་འགག། སྐྱེ་མཆེད་དྲུག་འགགས་པས་རེག་པ་འགག། རེག་པ་འགགས་པས་ཚོར་བ་འགག། ཚོར་བ་འགགས་པས་སྲེད་པ་འགག། སྲེད་པ་འགགས་པས་ལེན་པ་འགག། ལེན་པ་འགགས་པས་སྲིད་པ་འགྲག། སྲིད་པ་འགགས་པས་སྐྱེ་བ་འགག། སྐྱེ་བ་འགགས་པས་རྒ་ཤི་འགག། རྒ་ཤི་འགགས་པས་མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འགག་པར་འགྱུར། དེ་ལྟར་ན་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་དག་འགག་པར་འགྱུར་ཏེ། དེ་ནི་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་པ་ལུགས་དང་འཐུན་པ་དང་། ལུགས་དང་རྨི་མཐུན་པ་ཞེས་བྱའོ། ། དེ་ལ་དྲན་པ་ཉེ་བར་གཞག་པ་བཞི་གང་ཞེ་ན། འདི་ལྟ་སྟེ། ལུས་ལ་ལུས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་དང་། ཚོར་བ་ལ་ཚེར། བའི་རྗེས་སུ་ལྟ་བའི་དྲན་པ་ཉེ་བར་གཞག་པ་དང་། སེམས་ལ་སེམས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་དང་། ཆོས་ལ་ཆོས་ཀྱི་རྗེས་སུ་ལྟ་བའི་དྲན་པ་ཉེ་བར་གཞག་པ་སྟེ། དེ་དག་ནི་དྲན་པ་ཉེ་བར་གཞག་པ་བཞི་ཞེས་བྱའོ།། དེ་ལ་ཡང་དག་པར་སྤོང་བ་བཞི་གང་ཞེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྡིག་པ་མི་དག་པའི་ཆོས་མ་སྐྱེས་པ་རྣམས་མ་སྐྱེད་པའི་ཕྱིར། འདུན་པ་སྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང་། སྡིག་པ་མི་དགེ་བའི་ཆོས་སྐྱེས་པ་རྣམས་སྤང་བའི་ཕྱིར། འདུན་པ་སྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང་། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་བདུན་པ་སྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང་། དགེ་བའི་ཆོས་སྐྱེས་པ་རྣམས་གནས་པ་དང་། མི་རྗེད་པ་དང་། ཤིན་ཏུ་རྒྱས་པ་དང་། ཕྱིར་ཞིང་བསྒོམ་པ་ཡོངས་སུ་རྫོགས་པར་བྱ་བའི་ཕྱིར། བདུན་པ་སྐྱེད་ཅིང་འབད་ལ་བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་སྟེ། དེ་དག་ནི་ཡང་དག་པར་སྤོང་བ་བཞི་ཞེས་བྱའོ།། དེ་ལ་རྫུ་འཕྲུལ་གྱི་རྐང་པ་བཞི་གང་ཞེ་ན། འདི་ལྟ་སྟེ། བདུན་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང་། བརྩོན་འགྲུས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང་། སེམས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང་། སྤྱོད་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དང་། དེ་དག་ནི་རྫུ་འཕྲུལ་གྱི་རྐང་པ་བཞི་ཞེས་བྱའོ།། དེ་ལ་དབང་པོ་ལྔ་གང་ཞེ་ན། འདི་ལྟ་སྟེ། དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོ་སྟེ། དེ་དག་ནི་དབང་པོ་ལྔ་ཞེས་བྱའོ།། དེ་ལ་སྟོབས་ལྔ་གང་ཞེ་ན། འདི་ལྟ་སྟེ། དེ་བཞིན་དུ་དད་པའི་སྟོབས་དང་། བརྩོན་འགྲུས་ཀྱི་སྟོབས་དང་། དྲན་པའི་སྟོབས་དང་། ཏིང་ངེ་འཛིན་གྱི་སྟོབས་དང་། ཤེས་རབ་ཀྱི་སྟོབས་ཏེ། དེ་དག་ནི་སྟོབས་ལྔ་ཞེས་བྱའོ།། དེ་ལ་བྱང་ཆུབ་ཀྱི་ཡན་ལག་བདུན་གང་ཞེ་ན། འདི་ལྟ་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དང་། ཆོས་རབ་ཏུ་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང་། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང་། དགའ་བ་ཡང་དག་བྱང་ཆུབ་ཀྱི་ཡན་ལག་དང་། ཤིན་ཏུ་སྤངས་པ་ཡང་དག་བྱང་ཆུབ་ཀྱི་ཡན་ལག་དང་། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་དང་། བཏང་སྙོམས་ཡང་དག་བྱང་ཆུབ་ཀྱི་ཡན་ལག་སྟེ། དེ་དག་ནི་བྱང་ཆུབ་ཀྱི་ཡན་ལག་བདུན་ཞེས་བྱའོ། ། དེ་ལ་འཕགས་པའི་ལམ་ཡན་ལག་བརྒྱད་པ་གང་ཞེ་ན། འདི་ལྟ་སྟེ། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཏེ། དེ་དག་ནི་འཕགས་པའི་ལམ་ཡན་ལག་བརྒྱུད་པ་ཞེས་བྱའོ། ། དེ་ལ་རྣམ་པར་ཐར་པའི་སྒོ་སྟོང་པ་ཉིད་གང་ཞེ་ན། འདི་ལྟ་སྟེ། ཆོས་ཐམས་ཅད་རང་གི་མཚན་ཉིད་ཀྱིས་སྟོང་པར་སོ་སོར་རྟོག་པའི་སེམས་གནས་པ་རྣམ་པར་ཐར་པའི་སྒོ་སྟོང་པ་ཉིད་དེ། དེ་ནི་རྣམ་པར་ཐར་པའི་སྒོ་སྟོང་པ་ཉིད་ཅེས་བྱའོ།། དེ་ལ་རྣམ་པར་ཐར་པའི་སྒོ་མཚན་མ་མེད་པ་གང་ཞེ་ན། འདི་ལྟ་སྟེ། ཆོས་ཐམས་ཅད་རང་གི་མཚན་ཉིད་ཀྱིས་མཚན་མ་མེད་པར་སོ་སོར་ཀུན་ཏུ་རྟོག་པའི་སེམས་གནས་པ་རྣམ་པར་ཐར་པའི་སྒོ་མཚན་མ་མེད་པ་སྟེ། དེ་ནི་རྣམ་པར་ཐར་པའི་སྒོ་མཚན་མ་མེད་པ་ཞེས་བྱའོ།། དེ་ལ་རྣམ་པར་ཐར་པའི་སྒོ་སྨོན་པ་མེད་པ་གང་ཞེ་ན། འདི་ལྟ་སྟེ། ཆོས་ཐམས་ཅད་མངོན་པར་འདུ་བྱེད་པ་མེད་པ་ལ། མངོན་པར་འདུ་བྱེད་པ་མེད་པར་སེམས་གནས་པ་སྨོན་པ་མེད་པའི་རྣམ་པར་ཐར་པའི་སྒོ་སྟེ། དེ་ནི་རྣམ་པར་ཐར་པའི་སྒྲོ་སྨོན་པ་ཞེས་བྱའོ།། དེ་ལ་བསམ་གཏན་བཞི་གང་ཞེ་ན། འདི་ལྟ་སྟེ། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ་རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང་། དེ་རྟོག་པ་དང་དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས། རྟོག་པ་མེད་པ་དཔྱོད་པ་མེད་པའི་ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་གཉིས་པ་བསྒྲུབས་ཏེ་གནས་པ་དང་།། དེ་དགའ་བའི་འདོད་ཆགས་དང་བྲལ་བས་བཏང་སྙོམས་ལ་གནས་ཤིང་དྲན་པ་དང་ཤེས་བཞིན་ཅན་ཡིན་ཏེ། བདེ་བ་ལུས་ཀྱིས་མྱོང་ལ། འཕགས་པ་རྣམས་ཀྱིས་གང་དྲན་པ་དང་ལྡན་པ། བདེ་བ་ལ་གནས་པ། བཏང་སྙོམས་པའོ་ཞེས་བརྗོད་པ་སྟེ། དགའ་བ་མེད་པའི་བསམ་གཏན་གསུམ་པ་བསྒྲུབས་ཏེ་གནས་པ་དང་། དེ་བདེ་བའང་སྤངས་ཏེ། སྔ་ནས་སྡུག་བསྔལ་ཡང་སྤངས་ཤིང་། ཡིད་བདེ་བ་དང་ཡིད་མི་བདེ་བའང་ནུབ་པས། སྡུག་བསྔལ་བའང་མ་ཡིན། བདེ་བའང་མ་ཡིན། བཏང་སྙོམས་དང་དྲན་པ་ཡོངས་སུ་དག་པས་བསམ་གཏན་བཞི་པ་བསྒྲུབས་ནས་གནས་པ་སྟེ། དེ་དག་ནི་བསམ་གཏན་བཞི་ཞེས་བྱའོ།། དེ་ལ་ཚད་མེད་པ་བཞི་གང་ཞེ་ན། འདི་ལྟ་སྟེ། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ཏེ། དེ་དག་ནི་ཚད་མེད་པ་བཞི་ཞེས་བྱའོ།། དེ་ལ་གཟུགས་མེད་པའི་སྙོམས་པར་འཇུག་པ་བཞི་གང་ཞེ་ན། འདི་ལྟ་སྟེ། ནམ་མཁའ་མཐའ་ཡས་སྐྱེ་མཆེད་དང་། རྣམ་ཤེས་མཐའ་ཡས་སྐྱེ་མཆེད་དང་། ཅིའང་མེད་པའི་སྐྱེ་མཆེད་དང་། འདུ་ཤེས་མེད་འདུ་ཤེས་མེད་མ་ནི་སྐྱེ་མཆེད་དེ། དེ་དག་ནི་གཟུགས་མེད་པའི་སྙོམས་པར་འཇུག་པ་བཞི་ཞེས་བྱའོ། ། དེ་ལ་རྣམ་པར་ཐར་པ་བརྒྱད་གང་ཞེ་ན། འདི་ལྟ་སྟེ། གཟུགས་ཅན་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་དང་པོའོ།། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་རྣམས་ལ་ལྟ་བ་འདི་ནི་རྣམ་པར་ཐར་པ་གཉིས་པའོ། ། སྡུག་པ་ཉིད་དུ་མོས་པ་འདི་ནི་རྣམ་པར་ཐར་པ་གསུམ་པའོ།། དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་ཅིང་། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས།། ནམ་མཁའ་མཐའ་ཡས་སོ་སྙམ་ནས། ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བཞི་པའོ། ། དེ་རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། རྣམ་ཤེས་མཐའ་ཡས་སོ་སྙམ་ནས་རྣམ་ཤེས་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་ལྔ་པའོ། ། དེ་རྣམ་པ་ཐམས་ཅད་དུ་རྣམ་ཤེས་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། ཅིའང་མང་ངོ་སྙམ་ནས་ཅིའང་མེད་པའི་སྐྱེ་མཆེད་བསྒྲུབས་ཏེ་གནས་པ་འདི་ནི་རྣམ་པར་ཐར་པ་དྲུག་པའོ། ། དེ་རྣམ་པ་ཐམས་ཅད་དུ་ཅིའང་མེད་པའི་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་མེད་འདུ་ཤེས་མེད་མིན་མཆེད་ཉེ་བར་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བདུན་པའོ། ། དེ་རྣམ་པ་ཐམས་ཅད་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་དང་ཚོར་བ་འགོག་པ་བསྒྲུབས་ཏེ་གནས་པ་འདི་ནི་རྣམ་པར་ཐར་པ་བརྒྱད་པ་སྟེ། དེ་དག་ནི་རྣམ་པར་ཐར་པ་བརྒྱད་ཅེས་བྱའོ།། དེ་ལ་མཐར་གྱིས་གནས་པའི་སྙོམས་པ་འཇུག་པ་དགུ་གང་ཞེ་ན། འདི་ལྟ་སྟེ། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་དང་པོའོ། ། དེ་རྟོག་པ་དང་དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས། རྟོག་པ་མེད་པ་དཔྱོད་པ་མེད་པའི་ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་གཉིས་པ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་གཉིས་པའོ། ། དེ་དགའ་བའི་འདོད་ཆགས་དང་བྲལ་བས་བཏང་སྙོམས་ལ་གནས་ཤིང་། དྲན་པ་དང་ཤེས་བཞིན་ཅན་ཡིན་ཏེ། བདེ་བ་ལུས་ཀྱིས་མྱོང་ལ། འཕགས་པ་རྣམས་ཀྱིས་གང་དེ་དྲན་པ་དང་ལྡན་པ། བདེ་བ་ལ་གནས་པ། བཏང་སྙོམས་པའོ་ཞེས་བརྗོད་པ་སྟེ། དགའ་བ་མེད་པའི་བསམ་གཏན་གསུམ་པ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་གསུམ་པའོ།། དེ་བདེ་བའང་སྤངས་ཏེ། སྔ་ནས་སྡུག་བསྔལ་ཡང་སྤངས་ཤིང་།། ། ཡིད་བདེ་བ་དང་ཡིད་མི་བདེ་བ་ནུབ་པས། སྡུག་བསྔལ་ཡང་མ་ཡིན། བདེ་བའང་མ་ཡིན་པ། བཏང་སྙོམས་དང་དྲན་པ་ཡོངས་སུ་དག་པ།། བསམ་གཏན་བཞི་པ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་བཞི་པའོ། ། དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་པར་གྱུར་ཅིང་། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས། ནམ་མཁའ་མཐའ་ཡས་སོ་སྙམ་ནས། ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་སྙོམས་པར་འཇུག་བ་ལྔ་པའོ། ། དེ་རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། རྣམ་པར་ཤེས་པ་མཐའ་ཡས་སོ་སྙམ་ནས། རྣམ་ཤེས་མཐའ་ཡས་སྐྱེ་མཆེད་ཉེ་བར་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་དྲུག་པའོ། ། དེ་རྣམ་པ་ཐམས་ཅད་དུ་རྣམ་ཤེས་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། ཅིའང་མེད་དོ་སྙམ་ནས་ཅིའང་མེད་པའི་སྐྱེ་མཆེད་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་བདུན་པའོ། ། དེ་རྣམ་པ་ཐམས་ཅད་དུ་ཅིའང་མེད་པའི་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས། མེད་འདུ་ཤེས་མེད་མི་ནི་སྐྱེ་མཆེད་བསྒྲུབས་ཏེ་གནས་པ་འདི་སྙོམས་པར་འཇུག་པ་བརྒྱད་པའོ།། དེ་རྣམ་པ་ཐམས་ཅད་དུ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལས་ཡང་དག་པར་འདས་ཏེ། འདུ་ཤེས་དང་ཚོར་བ་འགོག་པ་བསྒྲུབས་ཏེ་གནས་པ་འདི་ནི་སྙོམས་པར་འཇུག་པ་དགུ་པ་སྟེ། དེ་དག་ནི་མཐར་གྱིས་གནས་པའི་སྙོམས་པར་འཇུག་པ་དགུ་ཞེས་བྱའོ།། དེ་ལ་འདུ་ཤེས་དགུ་གང་ཞེ་ན། འདི་ལྟ་སྟེ། རྣམ་པར་བམ་པའི་འདུ་ཤེས་དང་། རྣམ་པར་འབུས་གཞིག་པའི་འདུ་ཤེས་དང་། རྣམ་པར་དམར་བའི་འདུ་ཤེས་དང་། རྣམ་པར་རྣགས་པའི་འདུ་ཤེས་དང་། རྣམ་པར་བསྔོས་པའི་འདུ་ཤེས་དང་། རྣམ་པར་ཟོས་པའི་འདུ་ཤེས་དང་། རྣམ་པར་འཐོར་བའི་འདུ་ཤེས་དང་། རུས་གོང་གི་འདུ་ཤེས་དང་། རྣམ་པར་ཚིག་པའི་འདུ་ཤེས་ཏེ། དེ་དག་ནི་འདུ་ཤེས་དགུ་ཞེས་བྱའོ།། དེ་ལ་རྗེས་སུ་དྲན་པ་བཅུ་གང་ཞེ་ན། འདི་ལྟ་སྟེ། སངས་རྒྱས་རྗེས་སུ་དྲན་པ་དང་། ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། གཏོང་བ་རྗེས་སུ་དྲན་པ་དང་། ལྷ་རྗེས་སུ་དྲན་པ་དང་། ཉེ་བར་ཞི་བ་རྗེས་སུ་དྲན་པ་དང་། དབུགས་འབྱུང་བ་དང་རྔུབ་པ་རྗེས་སུ་དྲན་པ་དང་། ལུས་སུ་གཏོགས་པ་རྗེས་སུ་དྲན་པ་དང་། འཆི་བ་རྗེས་སུ་དྲན་པ་སྟེ། དེ་དག་ནི་རྗེས་སུ་དྲན་པ་བཅུ་ཞེས་བྱའོ།། དེ་ལ་འདུ་ཤེས། ཀྱི་རྣམ་པ་དྲུག་གང་ཞེ་ན། འདི་ལྟ་སྟེ། མི་རྟག་པའི་འདུ་ཤེས་དང་། སྡུག་བསྔལ་བའི་འདུ་ཤེས་དང་། བདག་མེད་པའི་འདུ་ཤེས་དང་། མི་སྡུག་པའི་འདུ་ཤེས་དང་། འཆི་བའི་འདུ་ཤེས་དང་། འཇིག་རྟེན་ཐམས་ཅད་ལ་མངོན་པར་མི་དགའ་བའི་འདུ་ཤེས་ཏེ། དེ་དག་ནི་འདུ་ཤེས་ཀྱི་རྣམ་པ་དྲུག་ཅེས་བྱའོ།། དེ་ལ་ཆོས་ཤེས་པ་གང་ཞེ་ན། ཕུང་པོ་ལྔ་པོ་རྣམས་ཡོངས་སུ་སྦྱང་བར་བྱ་བ་ལ་ཡོངས་སུ་གཅོད་པའི་ཤེས་པ་གང་ཡིན་པ་སྟེ། དེ་ནི་ཆོས་ཤེས་པ་ཞེས་བྱའོ།། དེ་ལ་རྗེས་སུ་རྟོགས་པའི་ཤེས་པ་གང་ཞེ་ན། མིག་མི་རྟག་གོ་ཞེས་བྱ་བར་ཤེས་པ་གང་ཡིན་པ་དང་། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། གཟུགས་དང་། སྒྲ་དང་། དྲི་དང་། རོ་དང་རེག་བྱ་དང་། ཆོས་རྣམས་མི་རྟག་གོ་ཞེས་བྱ་བར་ཤེས་པ་གང་ཡིན་པ་སྟེ། དེ་ནི་རྗེས་སུ་རྟོག་པ་ཤེས་པ་ཞེས་བྱའོ།། དེ་ལ་ཕ་རོལ་གྱི་སེམས་ཤེས་པ་གང་ཞེ་ན། སེམས་ཉིད་ཀྱིས་སེམས་ཅན་གཞན་རྣམས་དང་། གང་ཟག་གཞན་རྣམས་ཀྱི་སེམས་དང་སེམས་ལས་བྱུང་བའི་ཆོས་རྣམས་ལ་ཐེ་ཚོམ་མེད་པར་ཤེས་པ་སྟེ། དེ་ནི་ཕ་རོལ་གྱི་སེམས་ཤེས་པ་ཞེས་བྱའོ། ། དེ་ལ་ཀུན་རྫོབ་ཤེས་པ་གང་ཞེ་ན། ལམ་ཤེས་པ་གང་ཡིན་པ་སྟེ། དེ་ནི་ཀུན་རྫོབ་ཤེས་པ་ཞེས་བྱའོ།། དེ་ལ་སྡུག་བསྔལ་ཤེས་པ་གང་ཞེ་ན། སྡུག་བསྔལ་སྐྱེ་བ་དང་གནས་པར་ཤེས་པ་སྟེ། དེ་ནི་སྡུག་བསྔལ་ཤེས་པ་ཞེས་བྱའོ།། དེ་ལ་ཀུན་འབྱུང་ཤེས་པ་གང་ཞེ་ན། ཀུན་འབྱུང་བ་སྤོང་བ་གང་ཡིན་པ་སྟེ། དེ་ནི་ཀུན་འབྱུང་བ་ཤེས་པ་ཞེས་བྱའོ། ། དེ་ལ་འགོག་པ་ཤེས་པ་གང་ཞེ་ན། སྡུག་བསྔལ་འགོག་པ་ཤེས་པ་གང་ཡིན་པ་སྟེ། དེ་ནི་འགོག་པ་ཤེས་པ་ཞེས་བྱའོ།། དེ་ལ་ལམ་ཤེས་པ་གང་ཞེ་ན། འཕགས་པའི་ལམ་ཡན་ལག་བརྒྱད་པ་ཤེས་པ་གང་ཡིན་པ་སྟེ། དེ་ནི་ལམ་ཤེས་པ་ཞེས་བྱའོ།། དེ་ལ་ཟད་པ་ཤེས་པ་གང་ཞེ་ན། འདོད་ཆགས་དང་། ཞེ་སྡང་དང་། གཏི་མུག་རྣམས་ཟད་པར་ཤེས་པ་གང་ཡིན་པ་སྟེ། དེ་ནི་ཟད་པ་ཤེས་པ་ཞེས་བྱའོ།། དེ་ལ་མི་སྐྱེ་བ་ཤེས་པ་གང་ཞེ་ན། སྲིད་པའི་འགྲོ་བ་རྣམས་སུ་མི་སྐྱེ་བར་ཤེས་པ་སྟེ། དེ་ནི་མི་སྐྱེ་བ་ཤེས་པ་ཞེས་བྱའོ། ། དེ་ལ་ཇི་ལྟ་བ་བཞིན་ཤེས་པ་གང་ཞེ་ན། དེ་བཞིན་གཤེགས་པའི་ཐམས་ཅད་མཁྱེན་པ་ཉིད་ཀྱི་ཡེ་ཤེས་གང་ཡིན་པ་སྟེ། དེ་ནི་ཇི་ལྟ་བ་བཞིན་ཤེས་པ་ཞེས་བྱའོ།། དེ་ནི་ཇི་ལྟ་བ་བཞིན་ཤེས་པ་ཞེས་བྱའོ།། དེ་ལ་མི་ཤེས་པ་ཀུན་ཤེས་པར་བྱེད་པའི་དབང་པོ་གང་ཞེ་ན། གང་ཟག་སློབ་པ་མངོན་པར་རྟོགས་པར་མ་གྱུར་པ་རྣམས་ཀྱི་དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོ་གང་ཡིན་པ་སྟེ། དེ་ནི་མི་ཤེས་པ་ཀུན་ཤེས་པར་བྱེད་པའི་དབང་པོ་ཞེས་བྱའོ། ། དེ་ལ་ཀུན་ཤེས་པའི་དབང་པོ་གང་ཞེ་ན། གང་ཟག་སློབ་པ་མངོན་པར་རྟོགས་པར་གྱུར་པ་རྣམས་ཀྱི་དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོ་གང་ཡིན་པ་སྟེ། དེ་ནི་ཀུན་ཤེས་པའི་དབང་པོ་ཞེས་བྱའོ།། དེ་ལ་ཀུན་ཤེས་པ་དང་ལྡན་པའི་དབང་པོ་གང་ཞེ་ན། གང་ཟག་མི་སློབ་པ་འདི་ལྟ་སྟེ། དགྲ་བཅོམ་པ་རྣམས་དང་། རང་སངས་རྒྱས་རྣམས་དང་། བྱང་ཆུབ་སེམས་དཔའ་ས་བཅུ་པ་ལ་གནས་པ་རྣམས་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོ་སྟེ། དེ་ནི་ཀུན་ཤེས་པ་དང་ལྡན་པའི་དབང་པོ་ཞེས་བྱའོ།། དེ་ལ་རྟོག་པ་དང་བཅས་པ་དཔྱོད་པ་དང་བཅས་པའི་ཏིང་ངེ་འཛིན་གང་ཞེ་ན། འདོད་པ་དག་ལས་དབེན་པ། སྡིག་པ་མི་དགེ་བའི་ཆོས་དག་ལས་དབེན་པ། དགའ་བ་དང་བདེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་སྟེ། དེ་ནི་རྟོག་པ་དང་བཅས་པ་དཔྱོད་པ་དང་བཅས་པའི་ཏིང་ངེ་འཛིན་ཅེས་བྱའོ།། དེ་ལ་རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་གང་ཞེ་ན། བསམ་གཏན་དང་པོ་དང་། བསམ་གཏན་གཉིས་པའི་བར་གང་ཡིན་པ་སྟེ། དེ་ནི་རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་ཅེས་བྱའོ། ། དེ་ལ་མི་རྟོག་མི་དཔྱོད་པའི་ཏིང་ངེ་འཛིན་གང་ཞེ་ན། བསམ་གཏན་དང་པོ་ནས་བཟུང་སྟེ། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བར་དུ་སྙོམས་པར་འཇུག་པ་སྟེ། དེ་ནི་མི་རྟོག་མི་དཔྱོད་པའི་ཏིང་ངེ་འཛིན་ཅེས་བྱའོ།། དེ་ལ་ཟིལ་གྱིས་གནོན་པའི་སྐྱེ་མཆེད་བརྒྱད་གང་ཞེ་ན། འདི་ལྟ་སྟེ། ནང་གཟུགས་སུ་འདུ་ཤེས་པས་ཕྱི་རོལ་གྱི་གཟུགས་ཆུང་ངུ་ཁ་དོག་བཟང་པོ་དང་ཁ་དོག་ངན་པ་རྣམས་ལ་ལྟ་ཞིང་། ། གཟུགས་དེ་དག་ཟིལ་གྱིས་མནན་ནས་མཐོང་སྟེ། དེ་ལྟ་བུར་འདུས་ཤེས་པར་གྱུར་པ་དེ་ནི་ཟིལ་གྱིས་གནོན་པའི་སྐྱེ་མཆེད་དང་པོའོ། ། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་ཆེན་པོར་གྱུར་པ་ཁ་དོག་བཟང་པོ་དང་ཁ་དོག་ངན་པ་རྣམས་ལ་ལྟ་ཞིང་། གཟུགས་དེ་དག་ཟིལ་གྱིས་མནན་ནས་ཤེས་ཟིལ་གྱིས་མནན་ནས་མཐོང་སྟེ། དེ་ལྟ་བུར་འདུ་ཤེས་པར་གྱུར་པ་འདི་ནི་ཟིལ་གྱིས་གནོན་པའི་སྐྱེ་མཆེད་གཉིས་པའོ།། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སྔོན་པོ། ། ཁ་དོག་སྔོན་པོ།། སྔོན་པོ་ལྟ་བུར་སྟོན་པ། འོད་སྔོན་པོ་འབྱུང་བ་རྣམས་ལ་ལྟ་སྟེ། དཔེར་ན་ཟར་མའི་མེ་ཏོག་གམ། ཡུལ་ཝཱ་རཱ་ཎཱ་སའི་རས་ཕུན་སུམ་ཚོགས་པ་སྔོན་པོ། ཁ་དོག་སྔོན་པོ། སྔོན་པོ་ལྟ་བུར་སྟོན་པ། འོད་སྔོན་པོ་འབྱུང་བ་དེ་བཞིན་དུ། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སྔོན་པོ། ཁ་དོག་སྔོན་པོ། སྔོན་པོ་ལྟ་བུར་སྟོན་པ། འོད་སྔོན་པོ་འབྱུང་བ་རྣམས་ལ་ལྟ་བ་འདི་ནི་ཟིལ་གྱིས་གནོན་པའི་སྐྱེ་མཆེད་གསུམ་པའོ།། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སེར་པོ། ཁ་དོག་སེར་པོ། སེར་པོ་ལྟ་བུར་སྟོན་པ། འོད་སེར་པོ་འབྱུང་བ་རྣམས་ལ་ལྟ་སྟེ། དཔེར་ན་དོང་ཁའི་མེ་ཏོག་གམ། ཡུལ་ཝཱ་རཱ་ཎཱ་སིའི་རིས་ཕུན་སུམ་ཚོགས་པ་སེར་པོ། ། ཁ་དོག་སེར་པོ། སེར་པོ་ལྟ་བུར་སྟོན་པ། འོད་སེར་པོ་འབྱུང་བ་དེ་བཞིན་དུ། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་སེར་པོ། ཁ་དོག་སེར་པོ། སེར་པོ་ལྟ་བུར་སྟོན་པ། འོད་སེར་པོ་འབྱུང་བ་རྣམས་ལ་ལྟ་བ་འདི་ནི་ཟིལ་གྱིས་གནོན་པའི་སྐྱེ་མཆེད་བཞི་པའོ།། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་དམར་པོ། ཁ་དོག་དམར་པོ། དམར་པོ་ལྟ་བུར་སྟོན་པ། འོད་དམར་པོ་འབྱུང་བ་རྣམས་ལ་ལྟ་སྟེ། དཔེར་ན་བན་དུ་ཛི་བའི་མེ་ཏོག་གམ་ཡུལ་ཝཱ་རཱ་ཎཱ་སིའི་རས་ཕུན་སུམ་ཚོགས་པ་དམར་པོ་ཁ་དོག་དམར་པོ་དམར་པོ་ལྟ་བུར་སྟོན་པ། འོད་དམར་པོ་འབྱུང་བ་དེ་བཞིན་དུ། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་དམར་པོ། ཁ་དོག་དམར་པོ། དམར་པོ་ལྟ་བུར་སྟོན་པ། འོད་དམར་པོ་འབྱུང་བ་རྣམས་ལ་ལྟ་བ་འདི་ནི་ཟིལ་གྱིས་གནོན་པའི་སྐྱེ་མཆེད་ལྔ་པའོ།། ནང་གཟུགས་མེད་པར་འདུ་ཤེས་པས་ཕྱི་རོལ་གྱི་གཟུགས་དཀར་པོ། ཁ་དོག་དཀར་པོ། དཀར་པོ་ལྟ་བུར་སྟོན་པ། འོད་དཀར་པོ་འབྱུང་བ་རྣམས་ལ་ལྟ་སྟེ། དཔེར་ན་སྐར་མ་པ་ལྔ་སངས་ཀྱི་མདོག་དཀ་། ཁ་དོག་དཀར་པོ། དཀར་པོ་ག་བུར་སྟོན་པ། འོད་དཀར་པོ་འབྱུང་བ་དེ་བཞིན་དུ། ནང་གཟུགས་མེད་པར་འདུ་ཤེས་པས་རོལ་གྱི་གཟུགས་དཀར་པོ། ཁ་དོག་དཀར་པོ། དཀར་པོ་ལྟ་བུར་སྟོན་པ་འོད་དཀར་པོ་འབྱུང་བ་རྣམས་ལ་ལྟ་སྟེ། དེ་ནི་ཟིལ་གྱིས་གནོན་པའི་སྐྱེ་མཆེད་དྲུག་པའོ། ། དེ་རྣམ་པ་ཐམས་ཅད་དུ་གཟུགས་ཀྱི་འདུ་ཤེས་རྣམས་ལས་ཡང་དག་པར་འདས་ཏེ། ཐོགས་པའི་འདུ་ཤེས་རྣམས་ནུབ་པར་གྱུར་ཅིང་། སྣ་ཚོགས་ཀྱི་འདུ་ཤེས་རྣམས་ཡིད་ལ་མི་བྱེད་པས། ནམ་མཁའ་མཐའ་ཡས་སོ་སྙམ་ནས།། ནམ་མཁའ་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་ཟིལ་གྱིས་གནོན་པའི་སྐྱེ་མཆེད་བདུན་པའོ། ། དེ་རྣམ་པ་ཐམས་ཅད་དུ་ནམ་མཁའ་མཐའ་ཡས་སྐྱེ་མཆེད་ལས་ཡང་དག་པར་འདས་ཏེ། རྣམ་པར་ཤེས་པ་མཐའ་ཡས་སོ་སྙམ་ནས།། རྣམ་ཤེས་མཐའ་ཡས་སྐྱེ་མཆེད་བསྒྲུབས་ཏེ་གནས་པ་འདི་ནི་ཟིལ་གྱིས་གནོན་པའི་སྐྱེ་མཆེད་བརྒྱད་པ་སྟེ། ། དེ་དག་ནི་ཟིལ་གྱིས་གནོན་པའི་སྐྱེ་མཆེད་བརྒྱད་ཅེས་བྱའོ།། དེ་ལ་ཟད་པར་གྱི་སྐྱེ་མཆེད་བཅུ་གང་ཞེ་ན། འདི་ལྟ་སྟེ། ཟད་པར་ས་དང་། ཟད་པར་ཆུ་དང་། ཟད་པར་མེ་དང་། ཟད་པར་རླུང་དང་། ཟད་པར་ནམ་མཁའ་དང་། ཟད་པར་སྔོན་པོ་དང་། ཟད་པར་སེར་པོ་དང་། ཟད་པར་དམར་པོ་དང་། ཟད་པར་དཀར་པོ་དང་། ཟད་པར་རྣམ་པར་ཤེས་པ་སྟེ། དེ་དག་ནི་ཟད་པར་གྱི་སྐྱེ་མཆེད་བཅུ་ཞེས་བྱ་སྟེ། ཁམས་ཐམས་ཅད་སའི་ཁམས་སུ་མོས་པར་བྱེད་དེ། ཁམས་ཐམས་ཅད་ཀྱང་སའི་ཁམས་ཁོ་ནར་ཁམས་གཅིག་ཏུ་འགྱུར་རོ།། ཁམས་ཐམས་ཅད་ཆུའི་ཁམས་སུ་མོས་པར་བྱེད་དེ། ཁམས་ཐམས་ཅད་ཀྱང་ཆུའི་ཁམས་ཁོ་ནར་ཁམས་གཅིག་ཏུ་འགྱུར་རོ།། ཁམས་ཐམས་ཅད་མེའི་ཁམས་སུ་མོས་པར་བྱེད་དེ། ཁམས་ཐམས་ཅད་ཀྱང་མེའི་ཁམས་ཁོ་ནར་ཁམས་གཅིག་ཏུ་འགྱུར་རོ། ། ཁམས་ཐམས་ཅད་རླུང་གི་ཁམས་སུ་མོས་པར་བྱེད་དེ། ཁམས་ཐམས་ཅད་ཀྱང་རླུང་གི་ཁམས་ཁོ་ནར་ཁམས་གཅིག་ཏུ་འགྱུར་རོ། ། ཁམས་ཐམས་ཅད་ནམ་མཁའི་ཁམས་སུ་མོས་པར་བྱེད་དེ། དེ་ཐམས་ཅད་ཀྱང་ནམ་མཁའི་ཁམས་ཁོ་ནར་ཁམས་གཅིག་ཏུ་འགྱུར་རོ།། ཁམས་ཐམས་ཅད་སྔོན་པོར་མོས་པར་བྱེད་དེ། དེ་ཐམས་ཅད་ཀྱང་སྔོན་པོ་ཉིད་དུ་འགྱུར་རོ།། ཁམས་ཐམས་ཅད་སེར་པོར་མོས་པར་བྱེད་དེ། དེ་ཐམས་ཅད་ཀྱང་སེར་པོ་ཁོ་ནར་འགྱུར་རོ།། ཁམས་ཐམས་ཅད་དམར་པོར་མོས་པར་བྱེད་དེ། དེ་ཐམས་ཅད་ཀྱང་དམར་པོ་ཁོ་ནར་འགྱུར་རོ།། ཁམས་ཐམས་ཅད་དཀར་པོར་མོས་པར་བྱེད་དེ། དེ་ཐམས་ཅད་ཀྱང་དཀར་པོ་ཁོ། ནར་འགྱུར་རོ།། ཐམས་ཅད་རྣམ་པར་ཤེས་པར་མོས་པར་བྱེད་དེ། ཐམས་ཅད་ཀྱང་རྣམ་པར་ཤེས་པ་ཁོ་ནར་ཁམས་གཅིག་ཏུ་འགྱུར་རོ།། ས་དང་། ཆུ་དང་། མེ་དང་། རླུང་དང་། ནམ་མཁའ་དང་། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། རྣམ་པར་ཤེས་པ་ཐམས་ཅད་ཀྱང་གཅིག་ཁོ་ནར་འགྱུར་ཏེ། དེ་ནི་ཟད་པར་གྱི་སྐྱེ་མཆེད་རྣམས་ཤེས་བྱའོ།། ཟད་པར་དུ་སྐྱེ་བ་རྒྱས་པར་བྱེད་པས། དེ་ནི་ཟད་པར་གྱི་སྐྱེ་མཆེད་རྣམས་ཤེས་བྱའོ།། རེ་རེའང་སྐྱེ་མཆེད་ཐམས་ཅད་དུ་འགྱུར་ཏེ། དེའི་ཕྱིར་ཟད་པར་གྱི་སྐྱེ་མཆེད་རྣམས་ཤེས་བྱའོ།། དེ་ལ་སྟོང་པ་ཉིད་བཅོ་བརྒྱད་གང་ཞེ་ན། འདི་ལྟ་སྟེ། ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་དང་དངོས་པོ་མེད་པའི་ངོ་བོ་ཉིད་སྟོང་པ་ཉིད་དོ། ། དེ་ལ་ནང་སྟོང་པ་ཉིད་གང་ཞེ་ན། ནང་གི་ཆོས་རྣམས་ཤེས་བྱ་བ་ནི། འདི་ལྟ་སྟེ། མིག་དང་། རྣ་བ་དང་། སྣ་དང་ལྕེ་དང་། ལུས་དང་། ཡིད་དེ། དེ་ལ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། མིག་ནི་མིག་གིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ། ། དེ་བཞིན་དུ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། རྣ་བ་དང་། སྣ་དང་། ལྕེ་དང་། ལུས་དང་། ཡིན་ནི་ཡིད་ཀྱིས་སྟོང་ངོ་། ། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ནང་སྟོང་པ་ཉིད་ཅེས་བྱའོ།། དེ་ལ་ཕྱི་སྟོང་པ་ཉིད་ཅེས་བྱའོ།། དེ་ལ་ཕྱི་སྟོང་པ་ཉིད་གང་ཞེ་ན། ཕྱིའི་ཆོས་རྣམས་ཤེས་བྱ་བ་ནི། འདི་ལྟ་སྟེ། གཟུགས་དང་། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཏེ། དེ་ལ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། གཟུགས་རྣམས་ནི་གཟུགས་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ།། དེ་བཞིན་རྒྱུ་ཐེད་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཧྲཱི། སྭཱ་དང་། ཇི་དང་རོད་། རེག་པ་དང་། ཆོས་རྣམས་ནི་ཆོས་རྣམས་ཀྱིས་སྟོང་ངོ་།། དེ་ཅིས་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཕྱི་སྟོང་པ་ཉིད་ཅེས་བྱའོ།། དེ་ལ་ཕྱི་ནང་སྟོང་པ་ཉིད་གང་ཞེ་ན། ཕྱི་ནང་གི་ཆོས་རྣམས་ཤེས་བྱ་བ་ནི། ནང་གི་སྐྱེ་མད་དྲུག་དང་། ཕྱིའི་སྐྱེ་མཆེད་དྲུག་དང་། དེ་ལ་ཟེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ནང་གི་ཆོས་རྣམས་ནི་ནང་གི་ཆོས་རྣམས་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ།། ཟེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཕྱིའི་ཆོས་རྣམས་ཀྱང་ཕྱིའི་ཆོས་རྣམས་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཕྱི་ནང་སྟོང་པ་ཉིད་ཅེས་བྱའོ།། དེ་ལ་སྟོང་པ་ཉིད་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཆོས་ཐམས་ཅད་ཀྱི་སྟོང་པ་ཉིད་གང་ཡིན་པའི་སྟོང་པ་ཉིད་དེས་ཀྱང་། ཆོས་ཐམས་ཅད་ཀྱི་སྟོང་པ་ཉིད་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་སྟོང་པ་ཉིད་སྟོང་པ་ཉིད་ཅེས་བྱའོ། ། དེ་ལ་ཆེན་པོ་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཤར་ཕྱོགས་ནི་ཤར་ཕྱོགས་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་རོ།། དེ་བཞིན་དུ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ལྷོ་དང་། ཆུབ་དང་བྱང་དང་། ཕྱོགས་མཚམས་བཞི་སྟེ། ཕྱོགས་དེ་བརྒྱད་ཀྱང་དེ་བཞིན་ནོ།། སྟེང་གི་ཕྱོགས་ནི་སྟེང་གི་ཕྱོགས་ཀྱིས་སྟོང་ངོ་།། འོག་གི་ཕྱོགས་ནི་འོག་གི་ཕྱོགས་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཆེན་པོ་སྟོང་པ་ཉིད་ཅེས་བྱའོ།། དེ་ལ་དོན་དམ་པ་སྟོང་པ་ཉིད་གང་ཞེ་ན། དོན་དམ་པ་སྟོང་པ་ཉིད་ཅེས་བྱ་བ་ལ་དོན་དམ་པ་ཞེས་བྱ་བ་ནི་མྱ་ངན་ལས་འདས་པ་སྟེ། དེ་ལ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། མྱ་ངན་ལས་འདས་པ་ནི་མྱ་ངན་ལས་འདས་པས་སྟོང་ངོ་། ། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་དོན་དམ་པ་སྟོང་པ་ཉིད་ཅེས་བྱའོ།། དེ་ལ་འདུས་བྱས་སྟོང་པ་ཉིད་གང་ཞེ་ན། འདུས་བྱས་ཞེས་བྱ་བ་ནི་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཏེ། དེ་ལ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། འདོད་པའི་ཁམས་ནི་འདོད་པའི་ཁམས་ཀྱིས་སྟོང་ངོ་།། དེ་བཞིན་དུ་གཟུགས་ཀྱི་ཁམས་ནི་གཟུགས་ཀྱི་ཁམས་ཀྱིས་སྟོང་ངོ་།། གཟུགས་མེད་པའི་ཁམས་ནི། གཟུགས་མེད་པའི་ཁམས་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་འདུས་བྱས་སྟོང་པ་ཉིད་ཅེས་བྱའོ།། དེ་ལ་འདུས་མ་བྱས་སྟོང་པ་ཉིད་གང་ཞེ་ན། འདུས་མ་བྱས་སྟོང་པ་ཉིད་ཅེས་བྱ་བ་ནི་ཆོས་གང་ལ་སྐྱེ་བ་མེད་པ་དང་། གནས་པ་མེད་པ་དང་། འཇིག་པ་མེད་པ་དང་། གཞན་དུ་འགྱུར་བ་མེད་པ་སྟེ། དེ་ལ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། འདུས་མ་བྱས་ནི་འདུས་མ་བྱས་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་འདུས་མ་བྱས་སྟོང་པ་ཉིད་ཅེས་བྱའོ།། དེ་ལ་མཐའ་ལས་འདས་པ་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཆོས་གང་ལ་སྐྱེ་བ་ཤིན་ཏུ་མི་དམིགས་པའོ། ། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་མཐའ་ལས་འདས་པ་སྟོང་པ་ཉིད་ཅེས་བྱའོ།། དེ་ལ་ཐོག་མ་དང་ཐ་མ་མེད་པསྟོང་པ་ཉིད་གང་ཞེ་ན། ཟེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཆོས་གང་ལ་འོང་བ་མི་དམིགས་པའོ།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཐོག་མ་དང་ཐ་མ་མེད་པ་སྟོང་པ་ཉིད་ཅེས་བྱའོ།། དེ་ལ་དོར་བ་མེད་པ་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཆོས་གང་ལ་ཆོས་གང་ཡང་དོར་དུ་མེད་པའོ།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར། དེ་ནི་དོར་བ་མེད་པ་སྟོང་པ་ཉིད་ཅེས་བྱའོ།། དེ་ལ་རང་བཞིན་སྟོང་པ་ཉིད་གང་ཞེ་ན། ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། འདུས་བྱས་སམ། འདུས་མ་བྱས་ཀྱི་ཆོས་ཐམས་ཅད་ཀྱི་རང་བཞིན་གང་ཡིན་པ་དེ་ནི་ཉན་ཐོས་རྣམས་ཀྱིས་མ་བྱས། རང་སངས་རྒྱས་རྣམས་ཀྱིས་མ་བྱས། བྱང་ཆུབ་སེམས་དཔའ་རྣམས་ཀྱིས་མ་བྱས། སངས་རྒྱས་བཅོམ་ལྡན་འདས་རྣམས་ཀྱིས་མ་མཛད་པའོ། ། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་རང་བཞིན་སྟོང་པ་ཉིད་ཅེས་བྱའོ།། དེ་ལ་རང་གི་མཚན་ཉིད་སྟོང་པ་ཉིད་གང་ཞེ་ན། རང་གི་མཚན་ཉིད་ཅེས་བྱ་བ་ལ། གཟུགས་རྣམས་ཀྱི་མཚན་ཉིད་ནི་གཟུགས་སུ་རུང་བ། ཚོར་བའི་མཚན་ཉིད་ནི་མྱོང་བ། འདུ་ཤེས་ཀྱི་མཚན་ཉིད་ནི་ཀུན་ཏུ་ཤེས་པར་བྱེད་པ། འདུ་བྱེད་རྣམས་ཀྱི་མཚན་ཉིད་ནི་མངོན་པར་འདུ་བྱེད་པ། རྣམ་པར་ཤེས་པའི་མཚན་ཉིད་ནི་རྣམ་པར་ཤེས་པར་བྱེད་པ་སྟེ། འདུས་བྱས་ཀྱི་ཆོས་རྣམས་ཀྱི་མཚན་ཉིད་གང་ལགས་པ་དང་། འདུས་མ་བྱས་ཀྱི་ཆོས་རྣམས་ཀྱི་མཚན་ཉིད་གང་ཡིན་པའི་བར་དུ་དེ་བཞིན་དུ་སྦྱར་ཏེ། ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། མཚན་ཉིད་དེ་དག་ཐམས་ཅད་རང་གི་མཚན་ཉིད་ཀྱིས་སྟོང་ངོ་། ། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་རང་གི་མཚན་ཉིད་སྟོང་པ་ཉིད་ཅེས་བྱའོ།། དེ་ལ་ཆོས་ཐམས་ཅད་སྟོང་པ་ཉིད་གང་ཞེ་ན། ཆོས་ཐམས་ཅད་ཅེས་བྱ་བ་ནི་ཕུང་པོ་ལྔ་དང་། སྐྱེ་མཆེད་བཅུ་གཉིས་དང་། ཁམས་བཅོ་བརྒྱད་དང་། ཆོས་གཟུགས་ཅན་རྣམས་དང་། གཟུགས་མེད་པའི་ཆོས་རྣམས་དང་། འདུས་བྱས་ཀྱི་ཆོས་རྣམས་དང་། འདུས་མ་བྱས་ཀྱི་ཆོས་རྣམས་ཏེ། དེ་ལ་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཆོས་ཐམས་ཅད་ཆོས་ཐམས་ཅད་ཀྱིས་སྟོང་ངོ་།། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་ཆོས་ཐམས་ཅད་སྟོང་པ་ཉིད་ཅེས་བྱའོ། ། དེ་ལ་མི་དམིགས་པ་སྟོང་པ་ཉིད་གང་ཞེ་ན། དེ་ཡང་ཐེར་ཟུག་ཏུ་གནས་པ་མེད་པ་དང་། འཇིག་པ་མེད་པའི་ཕྱིར། ཆོས་ཐམས་ཅད་མི་དམིགས་པ་གང་ཡིན་པའོ། ། དེ་ཅིའི་ཕྱིར་ཞེ་ན། དེའི་རང་བཞིན་དེ་ཡིན་པའི་ཕྱིར་ཏེ། དེ་ནི་མི་དམིགས་པ་སྟོང་པ་ཉིད་ཅེས་བྱའོ།། དེ་ལ་དངོས་པོ་མེད་པ་སྟོང་པ་ཉིད་གང་ཞེ་ན། གང་ལ་དངོས་པོ་འགའ་ཡང་མི་དམིགས་ཏེ། དེ་ནི་དངོས་པོ་མེད་པ་སྟོང་པ་ཉིད་ཅེས་བྱའོ།། དེ་ལ་ངོ་བོ་ཉིད་སྟོང་པ་ཉིད་གང་ཞེ་ན། འདུས་པ་ལས་བྱུང་བའི་ངོ་བོ་ཉིད་གང་ཡང་མེད་པ་སྟེ་དེ་ནི་ངོ་བོ་ཉིད་སྟོང་པ་ཉིད་ཅེས་བྱའོ། ། དེ་ལ་དངོས་པོ་མེད་པའི་ངོ་བོ་ཉིད་སྟོང་པ་ཉིད་གང་ཞེ་ན། འདུས་པ་ལས་བྱུང་བའི་ངོ་བོ་ཉིད་འགའ་ཡང་མེད་པ་སྟེ། དེ་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱའོ།། ཤཱ་ར་དྭ་ཏིའི་བུ་གཞན་ཡང་དངོས་པོ་ནི་དངོས་པོས་སྟོང་ངོ་།། དངོས་པོ་མེད་པ་ནི་དངོས་པོ་མེད་པས་སྟོང་ངོ་།། ངོ་བོ་ཉིད་ནི་ངོ་བོ་ཉིད་ཀྱིས་སྟོང་ངོ་། ། གཞན་གྱི་དངོས་པོ་ནི་གཞན་གྱི་དངོས་པོས་སྟོང་ངོ་།། དེ་ལ་དངོས་པོ་གང་ཞེ་ན། དངོས་པོ་ཞེས་བྱ་བ་ནི། ཕུང་པོ་ལྔ་པོ་རྣམས་ཏེ། འདི་ལྟ་སྟེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟེ། དེ་ལ་དངོས་པོ་ནི་དངོས་པོས་སྟོང་ངོ་།། ཇི་ལྟར་ན་དངོས་པོ་མེད་པ་དངོས་པོ་མེད་པས་སྟོང་ཞེ་ན། དངོས་པོ་མེད་པ་ཞེས་བྱ་བ་ནི་འདུས་མ་བྱས་པ་སྟེ། དེ་ལ་འདུས་མ་བྱས་ནི་འདུས་མ་བྱས་ཀྱིས་སྟོང་ངོ་།། དེ་བཞིན་དུ་དངོས་པོ་མེད་པ་ནི་དངོས་པོ་མེད་པས་སྟོང་ངོ་། ། ཇི་ལྟར་ན་ངོ་བོ་ཉིད་ངོ་བོ་ཉིད་ཀྱིས་སྟོངཆོས་ཐམས་ཅད་ཀྱི་ངོ་བོ་ཉིད་གང་ཡིན་པ་དེ་ནི་ཤེས་པས་ཀྱང་མ་བྱས། མཐོང་བས་ཀྱང་མ་བྱས། གང་གིས་མ་བྱས་པ་སྟེ། དེ་ནི་ངོ་བོ་ཉིད་ཀྱིས་སྟོང་པ་ཞེས་བྱའོ།། ཇི་ལྟར་ན་གཞན་གྱི་དངོས་པོ་གཞན་གྱི་དངོས་པོས་སྟོང་ཞེ་ན། གང་དེ་བཞིན་གཤེགས་པ་རྣམས་བྱུང་ཡང་རུང་། དེ་བཞིན་གཤེགས་པ་རྣམས་མ་བྱུང་ཡང་རུང་། ཆོས་རྣམས་ཀྱི་ཆོས་གནས་པ་ཉིད་དང་། ཆོས་ཀྱི་དབྱིངས་དང་། ཆོས་སྐྱོན་མེད་པ་ཉིད་དང་།། དེ་བཞིན་ཉིད་དང་། ཕྱིན་ཅི་མ་ལོག་པ་དེ་བཞིན་ཉིད་དང་། གཞན་མ་ཡིན་དེ་བཞིན་ཉིད་དང་། ཡང་དག་པའི་མཐའ་ནི་གནས་པ་ཉིད་དེ། ཆོས་དེ་དག་གི་གཞན་གྱིས་སྟོང་པ་གང་ཡིན་པ་དེ་ནི་གཞན་གྱི་དངོས་པོ་གཞན་གྱིས་དངོས་པོས་སྟོང་པ་ཞེས་བྱ་སྟེ། ཤཱ་ར་དྭ་ཏིའི་བུ་གང་ལ་བྱང་ཆུབ་སེམས་དཔའ་སེམས་དཔའ་ཆེན་པོས་མངོན་པར་ཞེན་པར་མི་བྱ་བའི་ཆོས་ཐམས་ཅད་ནི་དེ་དག་ཡིན་ནོ། ། མངོན་པར་ཞེན་པ་མེད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང་། སྦྱར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་ལས། གླེང་གཞིའི་ལེའུ་སྟེ་དང་པོ་རྫོགས་སོ།། ། ཤེས་རབ་ཀྱི་ཕ་རོལ་ཕྱིན་པ་ཞི་བ་བམ་པོ་གཉིས་པ། ། ། དེ་ནས་ཡང་བཅོམ་ལྡན་འདས་ཀྱི་ཚེ་དང་ལྡན་པ་ཤཱ་ར་དྭ་ཏིའི་བུ་ལ་བཀའ་སྩལ་པ། ཤཱ་ར་དྭ་ཏིའི་བུ་དེ་ལ་དེ་བཞིན་གཤེགས་པའི་སྟོབས་བཅུ་གང་ཞེ་ན། འདི་ལྟ་སྟེ། དེ་བཞིན་གཤེགས་པས་གནས་ལའང་གནས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། གནས་མ་ཡིན་པ་ལའང་གནས་མ་ཡིན་པར་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། འདས་པ་དང་། མ་འོངས་པ་དང་། ད་ལྟར་བྱུང་བའི་ལས་རྣམས་དང་ལས་ཡང་དག་པར་ལེན་པ་རྣམས་ཀྱི་རྣམ་པར་སྨིན་པ་གནས་ཀྱི་སྒོ་དང་། རྒྱུའི་སྒོ་ནས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། འཇིག་རྟེན་དུ་ཁམས་སྣ་ཚོགས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། དེས་སེམས་ཅན་གཞན་དག་དང་། གང་ཟག་གཞན་རྣམས་ཀྱི་མོས་པ་སྣ་ཚོགས་ཉིད་དང་། མོས་པ་དུ་མ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། དེས་སེམས་ཅན་གཞན་དག་དང་། གང་ཟག་གཞན་རྣམས་ཀྱི་དབང་པོ་མཆོག་དང་མཆོག་མ་ཡིན་པ་ཉིད་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། ཐམས་ཅད་དུ་འགྲོ་བའི་ལམ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་དང་། རྣམ་པར་ཐར་པ་དང་། བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པའི་ཀུན་ནས་ཉོན་མོངས་པ་དང་། རྣམ་པར་བྱང་བ་དང་ལྡན་པ་ཤེས་པ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། སྔོན་གྱི་གནས་རྣམ་པ་དུ་མ་རྗེས་སུ་དྲན་པ་དང་། སེམས་ཅན་རྣམས་ཀྱི་འཆི་འཕོ་དང་སྐྱེ་བ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་པ་དང་། ཟག་པ་རྣམས་ཟད་པས་སེམས་རྣམ་པར་གྲོལ་བ་དང་། ཤེས་རབ་རྣམ་པར་གྲོལ་བ་ཚེ་འདི་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ནས་བསྒྲུངས་ཏེ་གནས་བདག་གི་སྐྱེ་བ་ནི་བད་དོ། ། ཚངས་པར་སྤྱོད་པ་ནི་སྤྱད་དོ།། བདག་གི་བྱ་བ་ནི་བྱས་སོ།། སྲིད་པ་འདི་ལས་གཞན་མི་ཤེས་སོ་ཞེས་བྱ་བ་སྟེ། ཤཱ་རདྣ་བུ་དེ་དག་ནི་དེ་བཞིན་གཤེགས་པའི་སྟོབས་བཅུ་ཡིན་ནོ། ། ཤཱ་ར་དྭ་ཏིའི་བུ་དེ་ལ་མི་འཇིགས་པ་བཞི་གང་ཞེ་ན། ང་ཡང་དག་པར་རྫོགས་པར་སངས་རྒྱས་སོ་ཞེས་དམ་བཅས་པ་ན། འདིར་ཆོས་འདི་དག་མངོན་པར་རྫོགས་པར་སངས་མ་རྒྱས་སོ་ཞེས་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ་སུའང་རུང་བ་འགའ་འཇིག་རྟེན་ན་ཆོས་དང་འཐུན་པར་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་སྟེ། ། ངས་རྒྱུ་དེ་ཡང་དག་པར་རྗེས་སུ་མ་མཐོང་བས་བདེ་བ་ཐོབ་སྟེ་གནས་ཤིང་བག་ཚ་བ་མེད་པ་ཐོབ་ལ། མི་འཇིགས་པ་ཐོང་སྟེ་གནས་ཀྱིས། ཁྱུ་མཆོག་རླབས་པོ་ཆེའི་གནས་སུ་དམ་བཅའ་འོ།། འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་གོ། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། སུས་ཀྱང་ཆོས་དང་འཐུན་པར་མ་བསྐོར་བ་རབ་ཏུ་བསྐོར་རོ་ཞེས་བྱ་བ་དང་། ང་ཟག་པ་ཟད་དོ་ཞེས་དམ་བཅས་ན། འདིར་ཟག་པ་འདི་དག་མ་ཟད་དོ་ཞེས། དགེ་སྦྱོང་ངམ། བྲམ་ཟེ་འམ། ལྔ་འམ་བདུད་དམ། ཚངས་པ་འམ། སུ་འང་རུང་བ་འགའ་ཞིག་འཇིག་རྟེན་ན་ཆོས་དང་འཐུན་པར་བདག་ལ་རྒོལ་བའི་རྒྱུ་དེ་ཡང་དག་པར་རྗེས་སུ་མ་མཐོང་སྟེ། ངས་རྒྱུ་དེ་ཡང་དག་པར་རྗེས་སུ་མ་མཐོང་བས་བདེ་བ་ཐོབ་སྟེ་གནས་ཤིང་། བག་ཚ་བ་མེད་པ་ཐོབ་ལ། མི་འཇིགས་པ་ཐོབ་སྟེ་གནས་ཀྱིས། ཁྱུ་མཆོག་རླབས་པོ་ཆེའི་གནས་སུ་དམ་བཅའ་འོ།། འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་གོ། ། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། སུས་ཀྱང་འཇིག་རྟེན་ན་ཆོས་དང་མཐུན་པར་མ་བསྐོར་བ་བསྐོར་རོ་ཞེས་བྱ་བ་དང་། ངས་བར་དུ་གཅོད་པའི་ཆོས་གང་དག་བཤད་པ་དེ་དག་སྟེན་ཀྱང་བར་དུ་གཅོད་པར་མི་འགྱུར་ཏེ། དེ་ནི་གནས་མེད་དོ་ཞེས་དང་བཅས་ན། འདིར་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། སུའང་རུང་བ་འགའ་ཞིག་འཇིག་རྟེན་ན་ཆོས་དང་མཐུན་པར་བདག་ལ་རྡོལ་བའི་རྒྱུ་དག་པར་རྗེས་མི་མཐོང་སྟེ། ངས་རྒྱུ་དེ་ཡང་དག་པར་རྗེས་སུ་མ་མཐོང་བས་བདེ་བ་ཐོབ་སྟེ་གནས་ཤིང་། བག་ཚ་བ་མེད་པ་ཐོབ་ལ། མི་འཇིགས་པ་ཐོབ་སྟེ་གནས་ཀྱིས། ཁྱུ་མཆོག་རླབས་པོ་ཆེའི་གནས་སུ་དམ་བཅའ་འོ། ། འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་གོ།། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། སུས་ཀྱང་འཇིག་རྟེན་དུ་ཆོས་དང་འཐུན་པར་མ་བསྐོར་བ་བསྐོར་རོ་ཞེས་བྱ་བ་དང་། ངས་ཉན་ཐོས་རྣམས་ལ་འཕགས་པ་ངེས་པར་འབྱིན་པ། ངེས་པར་འབྱེད་པ། དེ་བྱེད་པ་སྡུག་བསྔལ་ཡང་དག་པར་ཟད་པར་འགྱུར་བའི་ལམ་གང་བཤད་པ་བསྒྲུབས་ན། ངེས་པར་འབྱིན་པ་མ་ཡིན་ཞིང་། སྡུག་བསྔལ་ཡང་དག་པར་ཟད་པར་མི་འགྱུར་ཏེ། དེ་ནི་གནས་མེད་དོ་ཞེས་དམ་བཅས་ན། འདིར་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། སུའང་རུང་བ་འགའ་ཞིག་འཇིག་རྟེན་ན་ཆོས་དང་འཐུན་པར་རྒོལ་བའི་རྒྱུ་དེ་ཡང་དག་པར་རྗེས་སུ་མི་མཐོང་སྟེ། ངས་རྒྱུ་དེ་ཡང་དག་པར་རྗེས་སུ་མ་མཐོང་བས་བདེ་བ་ཐོབ་སྟེ་གནས་ཤིང་། བག་ཚ་བ་མེད་པ་ཐོབ་ལ། མི་འཇིགས་པ་ཐོབ་སྟེ་གནས་ཀྱིས། ཁྱུ་མཆོག་རླབས་པོ་ཆེའི་གནས་སུ་དམ་བཅའ་འོ། ། འཁོར་གྱི་ནང་དུ་སེང་གེའི་སྒྲ་ཡང་དག་པར་བསྒྲགས་གོ།། ཚངས་པའི་འཁོར་ལོ་སྔོན་དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ། སུས་ཀྱང་འཇིག་རྟེན་དུ་ཆོས་དང་འཐུན་པར་མ་བསྐོར་བའི་བར་དུ་བསྐོར་རོ་ཞེས་བྱ་སྟེ། དེ་དག་ནི་མི་འཇིགས་པ་བཞི་ཞེས་བྱའོ།། དེ་ལ་སོ་སོ་ཡང་དག་པར་རིག་པ་བཞི་གང་ཞེ་ན། འདི་ལྟ་སྟེ། དོན་སོ་སོ་ཡང་དག་པར་རིག་པ་དང་། ཆོས་སོ་སོ་ཡང་དག་པར་རིག་པ་དང་། ངེས་པའི་ཚིག་སོ་སོ་ཡང་དག་པར་རིག་པ་དང་། སྤོབས་པ་སོ་སོ་ཡང་དག་པར་རིག་སྟེ། དེ་དག་ནི་སོ་སོ་ཡང་དག་པར་རིག་པ་བཞི་ཞེས་བྱའོ།། དེ་ལ་བྱམས་པ་ཆེན་པོ་གང་ཞེ་ན། དེ་བཞིན་གཤེགས་པ་སེམས་ཅན་ཐམས་ཅད་ལ་དགྲ་བོ་དང་མཛའ་བཤེས་ལ་འདྲ་བར་མཛད་པ་གང་ཡིན་པ་སྟེ། དེ་ནི་བྱམས་པ་ཆེན་པོ་ཞེས་བྱའོ།། དེ་ལ་སྙིང་རྗེ་ཆེན་པོ་གང་ཞེ་ན། སེམས་ཅན་ཡོད་པ་མ་ཡིན་པའི་སེམས་ཅན་རྣམས་ལ་བྱམས་པ་མི་གཏོང་བ་གང་ཡིན་པ་སྟེ། དེ་ནི་སྙིང་རྗེ་ཆེན་པོ་ཞེས་བྱའོ།། དེ་ལ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་གང་ཞེ་ན། འདི་ལྟ་སྟེ། དེ་བཞིན་གཤེགས་པ་ལ་འཁྲུལ་པ་མེད་པ་དང་། ཅ་ཅོ་མེད་པ་དང་། བསྙེལ་བ་མེད་པ་དང་། ཐ་དད་པའི་འདུ་ཤེས་མེད་པ་དང་། སེམས་མཉམ་པར་མ་གཞག་པ་མེད་པ་དང་། སོ་སོར་མ་བརྟགས་པའི་བཏ་སྙོམས་མེད་པ་དང་། འདུན་པ་ཉམས་པ་མེད་པ་དང་། བརྩོན་འགྲུས་ཉམས་པ་མེད་པ་དང་། དྲན་པ་ཉམས་པ་མེད་པ་དང་། ཏིང་ངེ་འཛིན་ཉམས་པ་མེད་པ་དང་། ཤེས་རབ་ཉམས་པ་མེད་པ་དང་། རྣམ་པར་གྲོལ་བ་ཉམས་པ་མེད་པ་དང་། རྣམ་པར་གྲོལ་བའི་ཡེ་ཤེས་མཐོང་བ་ཉམས་པ་མེད་པ་དང་། ལུས་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང་། ངག་གི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང་། ཡིད་ཀྱི་ལས་ཐམས་ཅད་ཡེ་ཤེས་སྔོན་དུ་འགྲོ་ཞིང་ཡེ་ཤེས་ཀྱི་རྗེས་སུ་འབྲང་བ་དང་། འདས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་པ་དང་། མ་འོངས་པའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་པ་དང་། ད་ལྟ། བྱུང་བའི་དུས་ལ་མ་ཆགས་མ་ཐོགས་པའི་ཡེ་ཤེས་མཐོང་བ་འཇུག་པ་སྟེ། དེ་དག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཅེས་བྱའོ།། དེ་ལ་ཐམས་ཅད་ཤེས་པ་ཉིད་གང་ཞེ་ན། ཉན་ཐོས་དང་རང་སངས་རྒྱས་རྣམས་སྐྱེ་མཆེད་བཅུ་གཉིས་པོ་དག་ལ། གང་ཟག་ལ་བདག་མེད་པར་ཕྱོགས་གཅིག་ཤེས་པ་གང་ཡིན་པ་སྟེ། དེ་ནི་ཐམས་ཅད་ཤེས་པ་ཉིད་ཅེས་བྱའོ།། དེ་ལ་ལམ་གྱི་རྣམ་པ་ཤེས་པ་ཉིད་གང་ཞེ་ན། བྱང་ཆུབ་སེམས་དཔའ་ཐེག་པ་གསུམ་གྱི་ལམ་ཤེས་པ་དང་། ཉན་ཐོས་དང་རང་སངས་རྒྱས་ཀྱི་ཐེག་པས་དག་པར་མི་སེམས་ཀྱི། བྱང་ཆུབ་སེམས་དཔའི་ལམ་གྱིས་ངེས་པར་འབྱུང་བ་གང་ཡིན་པ་སྟེ། དེ་ནི་ལམ་གྱི་རྣམ་པ་ཤེས་པ་ཉིད་ཅེས་བྱའོ།། དེ་ལ་རྣམ་པ་ཐམས་ཅད་མཁྱེན་པ་ཉིད་གང་ཞེ་ན། དེ་བཞིན་གཤེགས་པས་དུས་གསུམ་པོ་དག་ཏུ་རྣམ་པ་ཐམས་ཅད་དུ་ཆོས་ཐམས་ཅད་ལ་ཐེ་ཚོམ་མེད་པར་མཁྱེན་པ་གང་ཡིན་པ་སྟེ། དེ་ནི་རྣམ་པ་ཐམས་ཅད་མཁྱེན་པ་ཉིད་ཅེས་བྱའོ།། དེ་ལ་ཕ་རོལ་ཏུ་ཕྱིན་པ་དྲུག་གང་ཞེ་ན། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། ཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། དེ་དག་ནི་ཕ་རོལ་ཏུ་ཕྱིན་པ་དྲུག་ཅེས་བྱའོ།། དེ་ལ་མངོན་པར་ཤེས་པ་དྲུག་གང་ཞེ་ན། འདི་ལྟ་སྟེ། བྱ་བ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། ལྷའི་མིག་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། ལྷའི་རྣ་བའི་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། ཕ་རོལ་གྱི་སེམས་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། སྔོན་གྱི་གནས་རྗེས་སུ་དྲན་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། ཟག་པ་ཟད་པ་ཤེས་པ་མངོན་སུམ་དུ་ཤེས་པའི་མངོན་པར་ཤེས་པ་སྟེ། དེ་དག་ནི་མངོན་པར་ཤེས་པ་དྲུག་ཅེས་བྱའོ།། དེ་ལ་མིག་ལྔ་གང་ཞེ་ན། འདི་ལྟ་སྟེ། ཤིའི་མིག་དང་། ལྷའི་མིག་དང་། ཤེས་རབ་ཀྱི་མིག་དང་། ཆོས་ཀྱི་མིག་དང་། སངས་རྒྱས་ཀྱི་མིག་སྟེ། དེ་དག་ནི་མིག་ལྔ་ཞེས་བྱའོ།། དེ་ལ་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་གང་ཞེ་ན། འདི་ལྟ་སྟེ། བཅོམ་ལྡན་འདས་ནི་ཞབས་ཤིན་ཏུ་གནས་པ་དང་ལྡན་པ་ཡིན་ནོ།། དེ་ལ་ཞབས་ཤིན་ཏུ་གནས་པ་ནི་འདི་ཡིན་ཏེ། ཞབས་ཀྱི་འོག་གི་མཐིལ་གཉིས་ཐམས་ཅད་ཀྱིས་ས་ལ་ཀུན་ཏུ་རེག་པ་སྟེ། དཔེར་ན་ཟ་མ་ཏོག་གི་ཞབས་མཉམ་ཞིང་ཞབས་ཕྱང་དེ་བ་ས་གཞི་ཤིན་ཏུ་མཉམ་པ་ལ་གཞག་ན། འོག་གི་ཞབས་ཐམས་ཅད་ཀྱིས་ས་ལ་ཀུན་ཏུ་རེག་པར་འགྱུར་བ་དེ་བཞིན་དུ། བཅོམ་ལྡན་འདས་ནི་ཞབས་ཤིན་ཏུ་གནས་པ་དང་ལྡན་པ་ཡིན་ནོ།། བཅོམ་ལྡན་འདས་ནི་མུ་ཁྱུད་ཁོར་ཡུག་དང་ལྡན་པ་ཡིན་ནོ།། དེ་ལ་མུ་ཁྱུད་ཁོར་ཡུག་དང་ལྡན་པ་ནི་འདི་ཡིན་སྟེ། ཞབས་ཀྱི་འོག་གི་མཐིལ་གཉིས་ལ་འཁོར་ལོའི་རྩིབས་སྟོང་དང་ལྡན་པ། ལྟེ་བ་དང་བཅས་པ། མུ་ཁྱུད་དང་བཅས་པ། རྣམ་པ་ཐམས་ཅད་ཡོངས་སུ་རྫོགས་པ། མཛེས་པར་སྐྱེས་པ་གང་དག་ཡིན་པའོ།། བཅོམ་ལྡན་འདས་ནི་ཕྱག་དང་ཞབས་འཇམ་ཞིང་གཞོན་ཤ་ཆགས་པ་ཡིན་ནོ།། དེ་ལ་ཕྱག་དང་ཞབས་འཇམ་ཞིང་གཞོན་ཤ་ཆགས་པ་ཉིད་ནི་འདི་ཡིན་ཏེ། དཔེར་ན་ཤིང་བལ་གྱི་འདའ་བ་འམ། རལ་བལ་གྱི་འདའ་བ་ལྟ་བུ་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ།། བཅོམ་ལྡན་འདས་ནི་སོར་མོ་རིང་བ་ཡིན་ནོ།། དེ་ལ་སོར་མོ་རིང་བ་ཉིད་ནི་འདི་ཡིན་ཏེ། དེའི་ཕྱག་དང་ཞབས་ཀྱི་སོར་མོ་དག་ལྷག་པར་རིང་བ་ཡིན་ཏེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ།། བཅོམ་ལྡན་འདས་ནི་ཕྱག་དང་ཞབས་དྲ་བ་དང་ལྡན་པ་ཡིན་ཏེ། དེའི་ཕྱག་དང་ཞབས་དྲ་བ་ལྷག་པ་དག་སྐྱེས་ཏེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ།། བཅོམ་ལྡན་འདས་ནི་རྟིང་པ་ཡངས་པ་དང་ལྡན་པ་ཡིན་ནོ།། དེ་ལ་རྟིང་པ་ཡངས་པ་ནི་འདི་ཡིན་ཏེ། དེའི་ཞབས་ཀྱི་རྟིང་པ་གཉིས་ཀྱི་མཐིལ་ནི་ཡངས་པ་སྟེ། ཇི་ལྟར་མི་གཞན་དག་ལ་མེད་པ་ལྟ་བུ་ཡིན་ནོ།། བཅོམ་ལྡན་འདས་ནི་ཞབས་ཁོང་མོའི་ཚིགས་མི་མངོན་པ་ཡིན་ནོ།། དེ་ལ་ཞབས་ལོང་བུའི་ཚིགས་མི་མངོན་པ་ཉིད་ནི་འདི་ཡིན་ཏེ། རྟིང་པ་ཡངས་པ་ལ་ཡང་དག་པར་སྦྱོར་ལ། རྟིང་པ་ཡངས་པའང་ཞབས་ལོང་བུའི་ཚིགས་མི་མངོན་པ་ལ་སྦྱོར་བ་སྟེ། ཇི་ལྟར་མི་གཞན་དག་ཁ་མེད་པ་དེ་ལྟ་བུ་ཡིན་ནོ། ། བཅོམ་ལྡན་འདས་ནི་བྱིན་པ་རི་དགས་ཨེ་ནྱ་ཡའི་ལྟ་བུ་དང་ལྡན་པ་ཡིན་ནོ།། དེ་ལ་བྱིན་པ་རི་དགས་ཨེ་ནྱ་ཡའི་ལྟ་བུ་ནི་འདི་ཡིན་ཏེ། དེའི་བྱིན་པ་བྱིན་གྱིས་ཕྲ་བར་སྐྱེས་ཤིང་བྱིན་གྱིས་ཕྲ་བར་ཡང་དག་པར་བྱུང་བ་སྟེ། དཔེར་ན་རི་དགས་ཀྱི་རྒྱལ་པོ་ཨེ་ནྱ་ཡའི་ལྟ་བུ་ཡིན་ནོ།། བཅོམ་ལྡན་འདས་ནི་བཞེངས་བཞིན་དུ་མ་བཏུད་པར་ཕྱག་པུས་མོར་སླེབ་པ་ཡིན་ནོ།། དེ་ལ་བཞེངས་བཞིན་དུ་མ་བཏུད་པར་ཕྱག་པུས་མོ་ལ་སླབ་པ་ནི་འདི་ཡིན་ཏེ། བཅོམ་ལྡན་འདས་ནི་བཞེངས་ན་སྐུ་མ་བཏུད་པར་ཕྱག་གི་མཐིལ་གཉིས་ཀྱིས་རང་གི་པུས་མོའི་ལྷ་ང་ལ་ཡང་དག་ངེས་པ་མཛད་ཅིང་ཀུན་ཏུ་ཉུག་པར་མཛད་པ་ཡིན་ནོ། ། བཅོམ་ལྡན་འདས་ནི་མདོམས་ཀྱི་སྦ་བསྦུབས་སུ་ནུབ་པ་ཡིན་ནོ།། དེ་ལ་མདོམས་ཀྱི་སྦ་བ་སྦུབས་སུ་ནུབ་པ་ཉིད་ནི་འདི་ཡིན་ཏེ། དཔེར་ན་རིགས་བཙུན་པའི་གླང་པོ་ཆེ་ཅང་ཤེས་སམ། ཧ་ཅང་ཤེས་ཀྱི་ལྟ་བུ་ཡིན་ནོ།། བཅོམ་ལྡན་འདས་ནི་སྤུ་རེ་རེ་ནས་མཛེས་པར་སྐྱེས་ཤིང་གཡས་སུ་འཁྱིལ་བ་ཡིན་ནོ།། དེ་ལ་སྤུ་རེ་རེ་ནས་མཛེས་པར་སྐྱེས་ཤིང་གཡས་སུ་འཁྱིལ་བ་ཉིད་ནི་འདི་ཡིན་ཏེ། དེའི་སྤུའི་ཁུང་བུ་རེ་རེ་ནས། སྤུ་རེ་རེ་མཐོན་མཐིང་ལ་ལྷུང་ལོར་འཁྱིལ་བ་འཇམ་ཞིང་སྣུམ་ལ་གཡས་སུ་འཁྱིལ་ཅིང་མཛེས་པར་སྐྱེས་པ་ཡིན་ནོ།། བཅོམ་ལྡན་འདས་ནི་སྐུའི་སྤུ་གྱེན་དུ་ཕྱོགས་པ་དང་ལྡན་པ་ཡིན་ནོ། ། དེ་ལ་སྐུའི་སྤུ་གྱེན་དུ་ཕྱོགས་པ་ཉིད་ནི་འདི་ཡིན་ཏེ། དེའི་སྐུ་དང་དབུ་ལས་སྐྱེས་པའི་དབུ་སྐྲ་དང་སྤུ་རྣམས་ནི་ཁ་གྱེན་དུ་བལྟས་ཤིང་། མཐོན་མཐི་ལ་ཀུན་ནས་ལྕང་ལོར་འཁྱིལ་བ་འཇམ་ཞིང་སྣུམ་ལ་གཡས་སུ་འཁྱིལ་བ་མཛེས་པར་སྐྱེས་པ་ཡིན་ནོ། ། བཅོམ་ལྡན་འདས་ནི་པགས་པ་སྲབ་ཅིང་འཇམ་ལ་སྡུམ་པ་ཡིན་ནོ།། དེ་ལ་པགས་པ་སྲབ་ཅིང་འཇམ་ལ་སྣུམ་པ་ནི་འདི་ཡིན་ཏེ། དེའི་སྐུ་ལ་ཆུའམ་རྡུལ་ཀུན་ཏུ་མ་ཚིགས་ཤིང་མི་གནས་པ་ཡིན་ནོ།། བཅོམ་ལྡན་འདས་ནི་མདོག་གསེར་ལྟ་བུ་དང་ལྡན་ཏེ། དཔེར་ན་འཛམ་བུའི་ཆུ་བོའི་གསེར་གྱི་མཆོད་སྡོང་ལ་རིན་པོ་ཆེ་སྣ་ཚོགས་ཀྱིས་སྤྲས་པ་ལྟ་བུར་གཟུགས་བཟང་ཞིང་མཛེས་ལ་བལྟ་ན་སྡུག་པ་ཡིན་ཏེ། དེས་ནི་གསེར་གྱི་ཁ་དོག་ལྟ་བུ་ཞེས་བྱའོ།། བཅོམ་ལྡན་འདས་ནི་བདུན་མཐོ་བ་ཡིན་ནོ། ། དེ་ལ་བདུན་མཐོ་བ་ཉིད་ནི་འདི་ཡིན་ཏེ། དེའི་ཞབས་གཉིས་ཀྱི་གོང་མཐོ་བ་གཉིས་གཟུགས་བཟང་ཞིང་མཛེས་ལ་བལྟ་ན་སྡུག་པ། ཤ་དང་ཁྲག་གིས་ཡོངས་སུ་རྒྱས་པར་གྱུར་པ་དང་། དེ་བཞིན་དུ་ཕྱག་གཉིས་ཀྱི་མཐོ་བ་གཉིས་གཟུགས་བཟང་ཞིང་མཛེས་ལ་བལྟ་ན་སྡུག་པ། ཤ་དང་ཁྲག་གིས་ཡོངས་སུ་རྒྱས་པར་གྱུར་པ་དང་། ཐལ་གོང་གཉིས་སུ་གཉིས་མཐོ་བར་གྱུར་པ་དང་། གཉར་གོང་དུ་མཐོ་བ་གཅིག་གཟུགས་བཟང་ཞིང་མཛེས་ལ་བལྟ་ན་སྡུག་པ། ཤ་དང་ཁྲག་གིས་ཡོངས་སུ་རྒྱས་པར་གྱུར་པ་ཡིན་ནོ།། བཅོམ་ལྡན་འདས་ནི་དཔུང་མགོ་ཤིན་ཏུ་ཟླུམ་པབ་དང་ལྡན་པ་ཡིན་ནོ། ། བཅོམ་ལྡན་འདས་ནི་ཐལ་གོང་རྒྱས་པ་དང་ལྡན་པ་ཡིན་ནོ།། བཅོམ་ལྡན་འདས་ནི་སྐུ་ཤིན་ཏུ་དྲང་པོར་འཁྲུངས་པ་ཡིན་ནོ།། བཅོམ་ལྡན་འདས་ནི་སྐུ་ནྱ་གྲོ་དྷ་ལྟར་ཆུ་ཞེང་གབ་པ་ཡིན་ནོ། ། དེ་ལ་ནྱ་གྲོ་དྷ་ལྟར་སྐུ་ཆུ་ཞེང་གབ་པ་ཉིད་ནི་འདི་ཡིན་ཏེ། ཆུར་ཇི་སྲིད་པ་ཞེང་དུའང་དེ་སྲིད་པ། ཞེང་དུ་ཇི་སྲིད་པ་ཆུར་ཡང་དེ་སྲིད་དེ། དེ་ནི་ནྱ་གྲོ་དྷ་ལྟར་ཆུ་ཞེང་གབ་པ་ཞེས་བྱའོ། ། བཅོམ་ལྡན་འདས་ནི་འགྲམ་པ་སེང་གེའི་དང་འདྲ་བ་ཡིན་ནོ།། བཅོམ་ལྡན་འདས་ནི་ཚེམས་བཞི་བཅུ་མངའ་བ་ཡིན་ནོ།། བཅོམ་ལྡན་འདས་ནི་ཚེམས་ཐགས་བཟང་བ་ཡིན་ནོ། ། བཅོམ་ལྡན་འདས་ནི་ཚེམས་རྩེ་མོ་མཐོ་ཞིང་རྣོ་ལ་དཀར་བ་ཡིན་ནོ།། བཅོམ་ལྡན་འདས་ནི་རོ་བྲོ་བའི་མཆོག་དང་ལྡན་པ་ཡིན་ཏེ། དེའི་མགུར་དྲང་པོར་མེད་པ་དྲང་ཞིང་མི་ཡོ་ལ། ཐོགས་པ་མེད་པར་མིད་དུ་རུང་བར་གྱུར་པ་ཡིན་ནོ།། བཅོམ་ལྡན་འདས་ནི་ལྗགས་རིང་ཞིང་སྲབ་པ་ཡིན་ནོ།། དེ་ལ་ལྗགས་རིང་ཞིང་སྲབ་པ་ཉིད་འདི་ཡིན་ཏེ། དེ་བཞིན་གཤེགས་པ་བཞེད་ན་ཞལ་ནས་ལྗགས་ཕྱུང་སྟེ། ཤངས་ཀྱི་ཁུང་བུ་གཉིས་དང་། སྤྱན་གྱི་ཁུང་བུ་གཉིས་དང་། སྙན་གྱི་ཁུང་བུ་གཉིས་སུ་རེག་པར་མཛད་ཅིང་། ཡོངས་སུ་ཉུག་པར་མཛད་ལ། དབུའི་མཚམས་སུ་ཐུག་པའི་ཞལ་གྱི་དཀྱིལ་འཁོར་ཐམས་ཅད་ཀྱང་འགེབས་པར་མཛད་པ་ཡིན་ནོ། ། བཅོམ་ལྡན་འདས་ནི་ཚངས་པའི་དབྱངས་དང་ལྡན་པ་ཡིན་ནོ།། བཅོམ་ལྡན་འདས་ནི་སྤྱན་ཡངས་ཤང་བའི་རྫ་ལྟ་བུ་ཡིན་ནོ། ། བཅོམ་ལྡན་འདས་ནི་སྤྱན་མཐོན་མཐིང་ལྟ་བུ་དང་ལྡན་པ་ཡིན་ནོ།། བཅོམ་ལྡན་འདས་ནི་སྤྱན་གྱི་ཚོགས་ཡོངས་སུ་རྫོགས་པ་ཡིན་ནོ།། བཅོམ་ལྡན་འདས་ནི་འོད་འདོམ་གང་བ་ཡིན་ནོ།། བཅོམ་ལྡན་འདས་ནི་ཞལ་ཟླ་བ་ཉ་བ་ལྟ་བུ་ཡིན་ནོ།། བཅོམ་ལྡན་འདས་ནི་མཛོད་སྤུ་སྨིན་མཚམས་སུ་འཁྲུངས་ལ་ཤིང་བ་ལ་ལྟར་འཇམ་ཞིང་། མེ་ཏོག་ཀུན་ད་དང་། ཟླ་བ་དང་། དུང་དང་། པདྨའི་རྩ་ལག་དང་། བའི་འོ་མོ་དང་། བ་མོའི་མདོག་ལྟ་བུ་ཡིན་ནོ།། བཅོམ་ལྡན་འདས་ནི་དབུ་གཙུག་ཏོར་དང་ལྡན་པ་ཡིན་ཏེ། དེ་དག་ན་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཤེས་བྱའོ། ། དེ་ལ་དཔེ་བྱད་བཟང་པོ་བརྒྱད་ཅུ་གང་ཞེ་ན། འདི་ལྟ་སྟེ། སངས་རྒྱས་བཅོམ་ལྡན་འདས་རྣམས་ནི་སེན་མོ་ཟངས་ཀྱི་མདོག་ལྟ་བུ་དང་ལྡན་པ་ཡིན་ནོ།། སྲེད་མེད་ཀྱི་བུའི་ལྟར་སྐུ་གྲམས་པ་ཡིན་ནོ།། པུས་མོའི་ལྷ་ང་དག་མཛེས་པར་གྱུར་པ་ཡིན་ནོ།། སྐུ་གཙང་བ་དག་ཡིན་ནོ།། སྐུ་འཇམ་པ་དག་ཡིན་ནོ།། སྐུ་མཉེན་པ་དག་ཡིན་ནོ།། སྐུ་སྣུམ་བག་ཅན་དག་ཡིན་ནོ།། སྐུ་མ་བཏུད་པ་དག་ཡིན་ནོ།། སོར་མོ་རྣམས་རིང་བ་དང་བྱིན་གྱིས་ཕྲ་བ་དག་ཡིན་ནོ།། སངས་རྒྱས་བཅོམ་ལྡན་འདས་རྣམས་ནི་སོར་མོ་རྣམས་ཟླུམ་པ་དག་ཡིན་ནོ།། སོར་མོ་རྣམས་བྱིན་གྱིས་ཕྲ་བ་དག་ཡིན་ནོ།། རྩ་རྣམས་མི་མངོན་པ་དག་ཡིན་ནོ། ། ལོང་བུ་རྣམས་མི་མངོན་པ་དག་ཡིན་ནོ།། སྐུ་དབྱིབས་ལེགས་པ་དག་ཡིན་ནོ།། སྐུ་ཤིན་ཏུ་ལེགས་པར་འབྲེལ་བ་དག་ཡིན་ནོ།། སྐྱེ་མཆེད་རྣམས་ཤིན་ཏུ་ཡོངས་སུ་དག་པ་དག་ཡིན་ནོ། ། མཁྱེན་པ་ཡོངས་སུ་དག་པ་ཡིན་ནོ།། སྤྱོད་ལམ་ཕུན་སུམ་ཚོགས་པ་དག་ཡིན་ནོ།། སངས་རྒྱས་བཅོམ་ལྡན་འདས་རྣམས་ནི་དཔལ་དང་བློ་གྲོས་དང་ལྡན་པ་དག་ཡིན་ནོ། ། བལྟ་བར་འོས་པ་དག་ཡིན་ནོ།། ཞལ་ཧ་ཅང་ཡང་མི་རིང་བ་དག་ཡིན་ནོ།། ཞལ་རྐང་རྐོང་མེད་པ་དག་ཡིན་ནོ།། སྨོས་བིམ་པ་ལྟར་དམར་བ་དག་ཡིན་ནོ།། ཞལ་ཡོངས་སུ་རྒྱས་པ་དག་ཡིན་ནོ། ། དབྱངས་ཟབ་པ་དག་ཡིན་ནོ།། ལྟེ་བ་ཟབ་པ་དག་ཡིན་ནོ།། ལྟེ་བ་གཡས་སུ་འཁྱིལ་བ་དག་ཡིན་ནོ།། ཕྱག་དང་ཞབས་ཡོངས་སུ་རྒྱས་པ་དག་ཡིན་ནོ།། སངས་རྒྱས་བཅོམ་ལྡན་འདས་རྣམས་ནི་ཕྱག་དང་ཞབས་ཇི་ལྟར་དགོངས་པ་བཞིནི་དང་ལྡན་པ་དག་ཡིན་ནོ། ། ཕྱག་གི་མཐིལ་མཉམ་པ་དག་ཡིན་ནོ།། ཕྱག་གི་རི་མོ་བར་མ་ཆད་པ་དག་ཡིན་ནོ།། ཕྱག་གི་རི་མོ་མཐོ་བ་དག་ཡིན་ནོ། ། སྐུ་ལ་དྲི་མ་མེད་ཅིང་དྲི་མི་ཞིམ་པ་མེད་པ་དག་ཡིན་ནོ།། མདོག་གསལ་བ་དག་ཡིན་ནོ།། སྐྱེ་མཆེད་ཀྱེ་སྒོ་བཟང་བ་དག་ཡིན་ནོ།། ཞལ་ཟླ་བ་ལྟ་བུ་དག་ཡིན་ནོ།། གསོང་པོར་གསུང་བ་དག་ཡིན་ནོ། ། ཞལ་ཁྲོ་གཉེར་གྱི་རིམ་པ་མེད་པ་དག་ཡིན་ནོ།། སྤུའི་ཁུང་བུ་ཐམས་ཅད་ནས་དྲི་ཡིད་དུ་འོང་བ་འབྱུང་བ་དག་ཡིན་ནོ།། དེ་དག་གི་ཞལ་དྲི་ཞིམ་པ་དག་ཡིན་ནོ།། སེང་གེའི་སྟབས་སུ་གཤེགས་པ་དག་ཡིན་ནོ། ། གླང་པོ་ཆེའི་དབང་པོའི་སྟབས་སུ་གཤེགས་པ་དག་ཡིན་ནོ།། ངང་པའི་སྟབས་སུ་གཤེགས་པ་དག་ཡིན་ནོ།། དབུ་གདུགས་འདྲ་བ་དག་ཡིན་ནོ།། གསུང་སྙན་ཅིང་རྣམ་པ་ཐམས་ཅད་ཡོངས་སུ་རྫོགས་པ་དག་ཡིན་ནོ། ། ཚེམས་མཆེ་བ་རྣོ་བ་དང་ལྡན་པ་དག་ཡིན་ནོ།། ཤངས་མཐོ་བ་དག་ཡིན་ནོ།། ལྗགས་དམར་བ་དག་ཡིན་ནོ།། སངས་རྒྱས་བཅོམ་ལྡན་འདས་རྣམས་ནི་ལྗགས་སྲབ་ཅིང་ཆེ་བ་དག་ཡིན་ནོ། ། སྤུ་མཐོན་མཐིང་ཅན་དག་ཡིན་ནོ།། སྤུ་གཙང་བ་དག་ཡིན་ནོ།། སྤྱན་ཡངས་པ་དག་ཡིན་ནོ།། བུ་གའི་སྒོ་རྣམས་ཡོངས་སུ་མ་ཉམས་པ་དག་ཡིན་ནོ། ། ཕྱག་དང་ཞབས་ཀྱི་མཐིལ་དམར་བ་དག་ཡིན་ནོ།། ལྟེ་བ་མ་བྱེ་བ་དག་ཡིན་ནོ།། དཀུ་མ་རྙོངས་པ་དག་ཡིན་ནོ།། ཕྱལ་ཕྱང་ངེ་བ་དག་ཡིན་ནོ།། སངས་རྒྱས་བཅོམ་ལྡན་འདས་རྣམས་ནི་སྐུ་ལ་གཉེར་མ་མེད་པ་དག་ཡིན་ནོ། ། ཚིགས་མཛེས་པ་དག་ཡིན་ནོ།། ཆགས་རིང་བ་དག་ཡིན་ནོ།། ཕྱག་ཞབས་ཡོངས་སུ་དག་པ་དག་ཡིན་ནོ།། འོད་འདོམ་གང་མཉམ་པ་དག་ཡིན་ནོ། ། འོད་ཀྱིས་གསལ་བར་མཛད་ཅིང་གཤེགས་པ་དག་ཡིན་ནོ།། ལྷ་དང་མི་གང་དག་གིས་སྐུ་མཐོང་བ་དེ་དག་ཚིམ་པར་འགྱུར་རོ།། སྲོག་ཆགས་ཐམས་ཅད་ཀྱིས་མཐོང་ཡང་བརྙས་པར་མི་བྱེད་དོ། ། སེམས་ཅན་རྣམས་ལ་རྗེས་སུ་སྟོན་པར་མཛད་དོ།། དེ་དག་གི་གསུང་ནི་འཁོར་དང་འཐུན་པར་ཁྱབ་པར་མཛད་ཀྱི། འཁོར་གྱི་ཕྱི་རོལ་དུ་གསུང་མི་འགྲོའོ།། རོ་སྟོང་སེང་གེ་ལྟ་བུ་དག་ཡིན་ནོ། ། སྲུའི་ཚིགས་ལེགས་པར་འབྲེལ་བ་དག་ཡིན་ནོ།། སྤྱི་གཙུག་བལྟར་མི་མཐོང་བ་དག་ཡིན་ནོ།། དབུ་སྨྲ་མཐོན་མཐིང་ལ་འཇམ་ཞིང་རིང་བ་དག་ཡིན་ནོ། ། དབུ་སྐྲ་མ་འཁྲུགས་པ་དག་ཡིན་ནོ།། དབུ་སྐྲ་གྱེན་དུ་ཕྱོགས་ཤིང་བཟང་ལ་ལྕང་ལོར་འཁྱིལ་བ་དག་ཡིན་ནོ།། དབུ་སྤ་མ་འཛངས་པ་དག་ཡིན་ནོ།། ཐུགས་ཀར་དཔལ་བེའུས་ལེགས་པར་བརྒྱན་པ་དང་ལྡན་པ་དག་ཡིན་ནོ། ། ཕྱག་དང་ཞབས་ཀྱི་མཚམས་དཔལ་གྱིས་འབར་བ་དང་ལྡན་པ་དག་ཡིན་ནོ།། སངས་རྒྱས་བཅོམ་ལྡན་འདས་རྣམས་ནི་མཚལ་དང་། སྡོང་རོས་དང་། ཙིན་བིཤྩ་དང་། མཐིང་ཤུན་དང་། ཟངས་གཡའི་ཁ་དོག་གིས་བྲིས་པ་ལྟ་བུའི་མཚན་རྣམས་དང་ལྡན་པ་སྟེ། དེ་དག་ནི་དཔེ་བྱད་བཟང་པོ་བརྒྱད་ཅུ་ཞེས་བྱའོ།། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཆོས་ཐམས་ཅད་ལ་མངོན་པར་ཞེན་པར་མི་བགྱིད་ན། དེས་ན་བྱང་ཆུབ་སེམས་དཔའ་རྣམས་ཀྱིས་ཆོས་ཐམས་ཅད་ཐ་དད་པར་ཡང་དག་པར་རྗེས་སུ་མི་མཐོང་ལགས་ཏེ། འདི་ལྟ་སྟེ། འདི་དག་ནི་དགེ་བའི་ཆོས་རྣམས་སོ། ། འདི་དག་ནི་མི་དགེ་བའི་ཆོས་རྣམས་སོ།། འདི་དག་ནི་ལུང་དུ་བསྟན་པའི་ཆོས་རྣམས་སོ།། འདི་དག་ནི་ལུང་དུ་མ་བསྟན་པའི་ཆོས་རྣམས་སོ།། འདི་དག་ནི་འཇིག་རྟེན་པའི་ཆོས་རྣམས་སོ། ། འདི་དག་ནི་འཇིག་རྟེན་ལས་འདས་པའི་ཆོས་རྣམས་སོ།། འདི་དག་ནི་ཟག་པ་དང་བཅས་པའི་ཆོས་རྣམས་སོ།། འདི་དག་ནི་ཟག་པ་མ་མཆིས་པའི་ཆོས་རྣམས། སོ།། འདི་དག་ནི་འདུས་བྱས་ཀྱི་ཆོས་རྣམས་སོ།། འདི་དག་ནི་འདུས་མ་བྱས་ཀྱི་ཆོས་རྣམས་སོ།། འདི་དག་ན་ཐུན་མོང་གི་ཆོས་རྣམས་སོ།། འདི་དག་ནི་ཐུན་མོང་མ་ལགས་པའི་ཆོས་རྣམས་སོ།། ཞེས་བགྱི་བར་ཡང་དག་པར་རྗེས་སུ་མི་མཐོང་ན། བྱང་ཆུབ་ཀྱི་ལས་ཇི་ལྟར་བསྒྲུབ་པར་བགྱི། ལམ་བསྒྲུབས་ན་ཇི་ལྟར་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་པར་འགྱུར་ལགས་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱི། ཚེ་དང་ལྡན་པ་ཤཱ་རཱ་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་རྣམས་ཀྱིས་ཆོས་ཐམས་ཅད་ཐ་དད་པར་མཐོང་མོད་ཀྱི། དེ་ནི་ཀུན་རྫོབ་ཡིན་གྱི། དོན་དམ་པར་ནི་མ་ཡིན་ནོ།། གསོལ་ལ། བཅོམ་ལྡན་འདས་ཇི་ལྟར་ན་ཀུན་རྫོབ་ཏུ་ལགས་ཀྱི་དོན་དམ་པར་ནི་མ་ལགས། བཅོམ་ལྡན་འདས་ཀྱིས་བཀའ་སྩལ་སྭཱ། ཤ་ར་དྭ་ཏིའི་བུ་གང་གི་ཚེ་བྱང་ཆུབ་སེམས་དཔའ་འདི་ནས་སུ། དེལ་ལ་གྲིན་པའི་ཆོས་དགེ་བརྣམས་གང་ཡིན་སྙམ་དུ་དེ་འདི་ལམ་དུ་འདས་ཏེ། བར་འཛིན་པ་དང་། མར་འཛིན་པ་དང་། དགེ་སློང་དུ་འཛིན་པ་དང་། ཟས་མེར་འཛིན་པ་དང་རིགས་ཀྱི་རྩོམ་ལ་མམོ་བྱ་པ་དང་། སྦྱིན་པ་ལས་བྱུང་བའི་བསོད་ནམས་བྱ་བའི་དངོས་པོ་དང་། ཚུལ་ཁྲིམས་ལས་བྱུང་བའི་དངོས་པོ་དང་། བསྒོམ་པ་ལས་བྱུང་བའི་དངོས་པོ་དང་། ཞལ་ཏ། བྱེད་པ་དང་ལྡན་པའི་བསོད་ནམས་དང་། ཐབས་ལ་མཁས་པ་དང་ལྡན་པའི་བསོད་ནམས་དང་། དགེ་བ་བཅུའི་ལས་ཀྱི་ལམ་རྣམས་དང་། འཇིག་རྟེན་པའི་རྣམ་པར་བམ་པའི་འདུ་ཤེས་དང་། རྣམ་པར་འབུས་གཞིགས་པའི་འདུ་ཤེས་དང་། རྣམ་པར་དམར་བའི་འདུ་ཤེས་དང་། རྣམ་པར་རྣགས་པའི་འདུ་ཤེས་དང་། རྣམ་པར་བསྔོས་པའི་འདུ་ཤེས་དང་། རྣམ་པར་ཟོས་པའི་འདུ་ཤེས་དང་། རྣམ་པར་འཐོར་བའི་འདུ་ཤེས་དང་། རུས་གོང་གི་འདུ་ཤེས་དང་། རྣམ་པར་ཚིག་པའི་འདུ་ཤེས་དང་། དེ་བཞིན་དུ་བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། སངས་རྒྱས་རྗེས་སུ་དྲན་པ་དང་། ཆོས་རྗེས་སུ་དྲན་པ་དང་། དགེ་འདུན་རྗེས་སུ་དྲན་པ་དང་། ཚུལ་ཁྲིམས་རྗེས་སུ་དྲན་པ་དང་། གཏོང་བ་རྗེས་སུ་དྲན་པ་དང་། ལྷ་རྗེས་སུ་དྲན་པ་དང་། ཉེ་བར་ཞི་བ་རྗེས་སུ་དྲན་པ་དང་། དབུགས་རྔུབ་པ་དང་འབྱུང་བ་རྗེས་སུ་དྲན་པ་དང་། ལུས་སུ་གཏོག་པ་རྗེས་སུ་དྲན་པ་དང་། འཆི་བ་རྗེས་སུ་དྲན་པ་སྟེ། དེ་དག་ནི་འཇིག་རྟེན་པའི་ཆོས་རྣམས་ཡིན་ནོ་སྙམ་དུ་སེམས་སོ།། དེ་ལ་མི་དགེ་བའི་ཆོས་རྣམས་གང་ཡིན་སྙམ་པ་ལས། དེ་འདི་སྙམ་དུ་འདི་ལྟ་སྟེ། སྲོག་གཅོད་པ་དང་། མ་བྱིན་པར་ལེན་པ་དང་། འདོད་པས་ལོག་པར་གཡེམ་པ་དང་། བརྫུན་དུ་སྨྲ་བ་དང་། ཚིག་རྩུབ་མོ་དང་། ངག་འཁྱལ་པ་དང་། བརྣབ་སེམས་དང་། གནོད་སེམས་དང་། ལོག་པར་ལྟ་བ་དང་། ཁྲོ་བ་དང་། འཁོན་དུ་འཛིན་པ་དང་། འཆབ་པ་དང་། འཚིག་པ་དང་། རྣམ་པར་འཚེ་བ་དང་། ཕྲག་དོག་དང་། སེར་སྣ་དང་། ང་རྒྱལ་ཏེ། དེ་དག་ནི་མི་དགེ་བའི་ཆོས་རྣམས་ཡིན་ནོ་སྙམ་དུ་སེམས་སོ།། དེ་ལ་ལུང་དུ་མ་བསྟན་པའི་ཆོས་རྣམས་གང་ཡིན་སྙམ་པ་ལས། དེ་འདི་སྙམ་དུ་འདི་ལྟ་སྟེ། ལུས་ཀྱི་ལས་ལུང་དུ་མ་བསྟན་པ་དང་། ངག་གི་ལས་ལུང་དུ་མ་བསྟན་པ་དང་། ཡིད་ཀྱི་ལས་ལུང་དུ་མ་བསྟན་པ་དང་། འབྱུང་བ་ཆེན་པོ་བཞི་ལུང་དུ་མ་བསྟན་པ་དང་། དབང་པོ་ལྔ་ལུང་དུ་མ་བསྟན་པ་དང་། ཕུང་པོ་ལྔ་ལུང་དུ་མ་བསྟན་པ་དང་། སྐྱེ་མཆེད་བཅུ་གཉིས་དང་། ཁམས་བཅོ་བརྒྱད་དང་། རྣམ་པར་སྨིན་པ་སྟེ། དེ་དག་ནི་ལུང་དུ་མ་སྙན་པའི་ཆོས་རྣམས་ཡིན་ནོ།། སྙམ་དུ་སེམས་སོ།། དེ་ལ་འཇིག་རྟེན་ལས་འདས་པའི་ཆོས་རྣམས་གང་ཡིན་སྙམ་པ་ལས་དེ་འདི་སྙམ་དུ་འདི་ལྟ་སྟེ། དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒྲ། གསུམ་དང་། མི་ཤེས་པ་ཀུན་ཤེས་པར་བྱེད་པའི་དབང་པོ་དང་། ཀུན་ཤེས་པའི་དབང་པོ་དང་། ཀུན་ཤེས་པ་དང་ལྡན་པའི་དབང་པོ་དང་། རྟོག་པ་དང་བཅས་དཔྱོད་པ་དང་བཅས་པའི་ཏིང་ངེ་འཛིན་དང་། རྟོག་པ་མེད་ལ་དཔྱོད་པ་ཙམ་གྱི་ཏིང་ངེ་འཛིན་དང་། མི་རྟོག་མི་དཔྱོད་པའི་ཏིང་ངེ་འཛིན་དང་། ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དེ། དེ་དག་ནི་འཇིག་རྟེན་ལས་འདས་པའི་ཆོས་རྣམས་ཡིན་ནོ་སྙམ་དུ་སེམས་སོ།། དེ་ལ་ཟག་པ་དང་བཅས་པའི་ཆོས་རྣམས་གང་ཞེ་ན། ཁམས་གསུམ་དུ་གཏོགས་པའི་ཕུང་པོ་ལྔ་དང་། སྐྱེ་མཆེད་བཅུ་གཉིས་དང་། ཁམས་བཅོ་བརྒྱད་དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་སྟེ། དེ་དག་ནི་ཟག་པ་དང་བཅས་པའི་ཆོས་རྣམས་ཤེས་བྱའོ། ། དེ་ལ་ཟག་པ་མེད་པའི་ཆོས་རྣམས་གང་ཞེ་ན། དྲན་པ་ཉེ་བར་གཞག་པ་བཞི་དང་། དེ་བཞིན་དུ་སྦྱར་ཏེ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ཏེ། དེ་དག་ནི་ཟག་པ་མེད་པའི་ཆོས་རྣམས་ཡིན་ནོ། ། དེ་ལ་འདུས་བྱས་ཀྱི་ཆོས་རྣམས་གང་ཞེ་ན། འདི་ལྟ་སྟེ། འདོད་པའི་ཁམས་དང་། གཟུགས་གྱི་ཁམས་དང་། གཟུགས་མེད་པའི་ཁམས་དང་། དེ་བཞིན་དུ་ཕུང་པོ་ལྔ་དང་། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། དྲན་པ་ཉེ་བར་གཞག་པ་བཞི་ནས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དེ་བཞིན་དུ་སྦྱར་བར་བྱ་སྟེ། དེ་དག་ནི་འདུས་བྱས་ཀྱི་ཆོས་རྣམས་ཡིན་ནོ།། དེ་ལ་འདུས་མ་བྱས་ཀྱི་ཆོས་རྣམས་གང་ཞེ་ན། ཆོས་གང་དག་ལ་སྐྱེ་བ་མེད་པ་དང་། གནས་པ་མེད་པ་དང་། འཇིག་པ་མེད་པ་དང་། གཞན་དུ་འགྱུར་བ་མེད་པ་དང་། དེ་བཞིན་དུ་འདོད་ཆགས་ཟད་པ་དང་། ཞེ་སྡང་ཟད་པ་དང་། གཏི་མུག་ཟད་པ་དང་། དེ་བཞིན་དུ་ཆོས་གནས་པ་དང་། ཆོས་ཉིད་དང་། ཆོས་ཀྱི་དབྱིངས་དང་། ཆོས་སྐྱོན་མེད་པ་ཉིད་དང་། དེ་བཞིན་ཉིད་དང་། མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཡང་དག་པའི་མཐའ་སྟེ། དེ་དག་ནི་འདུས་མ་བྱས་ཀྱི་ཆོས་རྣམས་ཞེས་བྱའོ།། དེ་ལ་ཐུན་མོང་གི་ཆོས་རྣམས་གང་ཞེ་ན། འདི་ལྟ་སྟེ། བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། མངོན་པར་ཤེས་པ་ལྟ་སྟེ། དེ་དག་ནི་སོ་སོའི་སྐྱེ་བོ་རྣམས་དང་ཐུན་མོང་བའི་ཆོས་རྣམས་ཡིན་ནོ། ། དེ་ལ་སོ་སོའི་སྐྱེ་བོ་རྣམས་དང་ཐུན་མོང་མ་ཡིན་པའི་ཆོས་རྣམས་གང་ཞེ་ན། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་དང་། སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། རྣམ་པར་ཐར་པའི་སྒོ་གསུམ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱུད་ཀྱི་བར་དག་སྟེ། དེ་དག་ནི་ཐུན་མོང་མ་ཡིན་པའི་ཆོས་རྣམས་ཞེས་བྱ་སྟེ། ཤཱ་ར་དྭ་ཏིའི་བུ་དེ་ལྟར་ན་ཀུན་རྫོབ་ཏུ་བྱང་ཆུབ་སེམས་དཔའ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། དོན་དམ་པར་མངོན་པར་ཞེན་པར་མི་བྱེད་དོ། ། ཇི་ལྟར་ན་མངོན་པར་ཞེན་པར་མི་བྱེད་ཅེ་ན། ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན་མི་ལ་ལ་ཞིག་གིས་སྒྱུ་མ་སྤྲུལ་པའི་དཔུང་གི་ཚོགས་ཡན་ལག་བཞི་པ་འདི་ལྟ་སྟེ། གླང་པོ་ཆེའི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་ཤིག་མཐོང་ན། དེ་ལ་དཔུང་བུ་ཆུང་གི་ཚོགས་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དཔེར་ན་མི་ལ་ལ་ཚབས་གདུངས་པ་ཞིག་གིས། སྡིག་རྒྱུ་རྣམ་པ་སྣ་ཚོགས་དཔའ་རླབས་འདྲ་བར་གཡོ་བ་མཐོང་ན། འདི་ནི་ཆུ་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དཔེར་ན་མི་ལ་ལ་ཞིག་གི་རྨི་ལམ་ན་གཟུགས་རྣམ་པ་སྣ་ཚོགས་དག་མཐོང་ཡང་། སད་ནས་དེ་དག་གི་གཟུགས་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་ཆུའི་ནང་ན་ཟླ་བ་མཐོང་ན། དེ་དེ་ལ་ཟླ་བ་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། ཆོས་ཐམས་ཅད་ལ་དངོས་པོར་མངོན་པར་ཞེན་པར་མི་བྱེད་དོ།། ཤཱ་ར་ཏྲ་ཏིའི་བུ་དཔེར་ན་མི་ལ་ལ་ཞིག་གིས་མིག་ཡོར་མཐོང་ན། དེ་དེ་ལ་དངོས་པོར་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། ཆོས་ཐམས་ཅད་ལ་དངོས་པོར་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དཔེར་ན་མཾ་ལ་ལ་ཞིག་རྫུ་འཕྲུལ་གྱིས་ནམ་མཁའ་ལ་འགྲོའང་། དེ་ལ་ནམ་མཁའ་འོ་སྙམ་དུ་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ལ་རྣམ་པར་དཔྱད་ན། ཆོས་དེ་དག་ཐམས་ཅད་ལ་མངོན་པར་ཞེན་པར་མི་བྱེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ། ། ཤཱ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་དྲི་ཟའི་གྲོང་ཁྱེར་མཐོང་ན། དེ་དེ་ལ་གྲོང་ཁྱེར་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དཔེར་ན་མི་ལ་ལ་ཞིག་གིས་མེ་ལོང་གི་ནང་དུ་བཞིན་གྱི་གཟུགས་བརྙན་མཐོང་ན། འདི་བཞིན་ཡིན་ནོ་སྙམ་དུ་མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། མངོན་པར་ཞེན་པར་མི་བྱེད་དོ།། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཆོས་ཐམས་ཅད་ཐ་དད་པར་མཐོང་མོད་ཀྱི། ཆོས་དེ་དག་ལ་མངོན་པར་ཞེན་པར་མི་བྱེད་དོ།། ཆོས་རྣམས་ལ་མངོན་པར་ཞེན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ཕ་རོལ་ཏུ་སོན་པ་ཡིན་ཞིང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱའོ། ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བཅུ་པ་ལས་ཆོས་ཐམས་ཅད་ཀྱི་ལེའུ་ཞེས་བྱ་སྟེ་གཉིས་པ་རྫོགས་སོ།། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའི་མངོན་པར་ཞེན་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་ཆོས་ཐམས་ཅད་ལ་ལྟ་བ་ཡོངས་སུ་འཛིན་པ་དང་། སེམས་རྣམས་པར་རྨོངས་པ་གང་ཡིན་པ་དེ་ནི་མངོན་པར་ཞེན་པ་ཞེས་བྱའོ། ། གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་ལྟ་བ་ཡོངས་སུ་འཛིན་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ། བྱང་ཆུབ་སེམས་དཔའ་སེམས་དཔའ་ཆེན་པོ་ཕུང་པོ་དང་། ཁམས་དང་། སྐྱེ་མཆེད་དང་། འཕགས་པའི་བདེན་པ་དང་། རྟེན་ཅིང་འབྲེལ་པར་འབྱུང་བར་ལྟ་བ་གང་ཡིན་པ་དང་། དེ་བཞིན་དུ་དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལག་རྣམས་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པར་ལྟ་བ་དང་། བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པར་ལྟ་བ་དང་། དེ་བཞིན་དུ་འདུ་ཤེས་སུ་ལྟ་བ་དང་། རྗེས་སུ་དྲན་པར་ལྟ་བ་དང་། འདུ་ཤེས་ཀྱི་རྣམ་པར་ལྟ་བ་དང་། ཤེས་པར་ལྟ་བ་དང་། ཏིང་ངེ་འཛིན་དུ་ལྟ་བ་དང་། དབང་པོར་ལྟ་བ་དང་། ཟིལ་གྱིས་གནོན་པའི་སྐྱེ་མཆེད་དུ་ལྟ་བ་དང་། ཟད་པར་གྱི་སྐྱེ་མཆེད་དུ་ལྟ་བ་དང་། སྟོང་པ་ཉིད་དུ་ལྟ་བ་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་། ཐམས་ཅད་ཤེས་པ་ཉིད་དང་། ལམ་གྱི་རྣམ་པ་ཤེས་པ་ཉིད་དུ་ལྟ་བ་དང་། དེ་བཞིན་དུ་ཕ་རོལ་ཏུ་ཕྱིན་པར་ལྟ་བ་དང་། མངོན་པར་ཤེས་པར་ལྟ་བ་དང་། མིང་དུ་ལྟ་བ་དང་། མཚན་དུ་ལྟ་བ་དང་། དཔེ་བྱད་བཟང་པོར་ལྟ་བ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་ལྟ་བ་ཡོངས་སུ་འཛིན་པ་ཡིན་ནོ། ། གསོལ་པ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་སེམས་རྣམ་པར་རྨོངས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཕུང་པོ་ལྔ་ནས། རྒ་ཤིའི་བར་དུ་དེ་བཞིན་དུ་སྦྱར་བ་དང་། དྲན་པ་ཉེ་བར་གཞག་པ་གཞི་ནས། འཕགས་པའི་ལམ་ཡན་ལག་བརྒྱད་པའི་བར་དུ་དེ་བཞིན་དུ་སྦྱར་བ་དང་། རྣམ་པར་ཐར་པའི་སྒོ་གསུམ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་འདུད་དེ་ཤིན་དུ་སྦྱར་བ་དང་། དེ་བཞིན་གཤེགས་པའི་སྟོབས་བཅུ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དེ་བཞིན་དུ་སྦྱར་བ་དང་། དེ་བཞིན་དུ་སྦྱར་ཏེ། ཕ་རོལ་ཏུ་ཕྱིན་པ་དྲུག་དང་། དེཔེ་བྱུང་བཟང་པོ་བརྒྱད་ཅུའི་བར་དག་རྟག་པ་འམ། མི་རྟག་པ་འམ། བདེ་བ་འམ། སྡུག་བསྔལ་བའམ། བདག་ཡོད་པའམ། བདག་མེད་པ་འམ། སྟོང་པ་འམ། མི་སྟོང་པ་འམ། མཚན་མ་ཡོད་པ་འམ། མཚན་མ་མེད་པ་འམ། སྨོན་པ་ཡོད་པ་འམ། སྨོན་པ་མེད་པ་འམ། ཞི་བ་འམ། ཞི་བ་འམ། དབེན་པ་འམ། མི་དབེན་པ་འམ། ཀུན་ནས་ཉོན་མོངས་པ་འམ། རྣམ་པར་བྱང་བ་འམ། སྐྱེ་བ་འམ། མི་སྐྱེ་བ་འམ། འགག་པ་འམ། འགག་པ་མེད་པ་འམ། དངོས་པོ་མེད་པར་ལྟ་ཞིང་དམིགས་ལ། འཛིན་ཅིང་མཚན་མར་བྱེད་པ་དང་། རྟོག་པ་དང་། ཡོངས་སུ་དཔྱོད་པར་བྱེད་པ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་སེམས་རྣམ་པར་རྨོངས་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ། འདི་དག་ནི་དགེ་བའི་ཆོས་རྣམས་སོ།། འདི་དག་ནི་མི་དགེ་བའི་ཆོས་རྣམས་སོ།། འདི་དག་ནི་ལུང་དུ་བསྟན་པའི་ཆོས་རྣམས་སོ།། འདི་དག་ནི་ལུང་དུ་མ་བསྟན་པའི་ཆོས་རྣམས་འདི་དག་ནི་འཇིག་རྟེན་པའི་ཆོས་རྣམས་སོ། ། འདི་དག་ནི་འཇིག་རྟེན་ལས་འདས་པའི་ཆོས་རྣམས་སོ།། འདི་དག་ནི་ཟག་པ་དང་བཅས་པའི་ཆོས་རྣམས་སོ།། འདི་དག་ནི་ཟག་པ་མེད་པའི་ཆོས་རྣམས་སོ། ། འདི་དག་ནི་འདུས་བྱས་ཀྱི་ཆོས་རྣམས་སོ།། འདི་དག་ནི་འདུས་མ་བྱས་ཀྱི་ཆོས་རྣམས་སོ།། འདི་དག་ནི་ཐུན་མོང་གི་ཆོས་རྣམས་སོ།། འདི་དག་ནི་ཐུན་མོང་མ་ཡིན་པའི་ཆོས་རྣམས་སོ་ཞེས་བྱ་བར་ལྟ་ཞིང་དམིགས་ལ། འཛིན་ཅིང་མཚན་མར་བྱེད་པ་དང་། རྟོག་པ་དང་། ཡོངས་སུ་དཔྱོད་པར་བྱེད་ན། ཤཱ་ར་དྭ་ཏིན་བྲུདེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཐམས་ཅད་ལ་སེམས་རྣམ་པར་མོངས་པ་ཞེས་བྱའོ། ། དེ་ཅིའི་ཕྱིར་ཞེ་ན། སེམས་ཅན་མེད་པའི་ཕྱིར་དང་། སེམས་ཅན་མི་དམིགས་པའི་ཕྱིར་དང་། སེམས་ཅན་སྐྱེ་བ་མེད་པའི་ཕྱིར་དང་། སེམས་ཅན་འགག་པ་མེད་པའི་ཕྱིར་དང་། སེམས་ཅན་སྟོང་པ་ཉིད་ཀྱི་ཕྱིར་རོ།། དེ་བཞིན་དུ་སྲོག་པ་གསོ་བ་དང་། སྐྱེས་བུ་དང་། གོང་དག་དང་། ཤེད་ལས་སྐྱེས་པ་དང་། ཤེད་བ་དང་། བྱེད་པ་པདྨ་། བྱེད་འཔོ་འད་དང་། ཀུན་ནས་དང། འཚུར་བར་བྱེད་པ་དང་ཤེས་པ་པོ་དང་། མཐོང་པོ་པོ་མེད་པའི་ཕྱི་དང་། མི་མིགས་པའི་ཕྱིར་དང་། སྨྱེ་བ་མེད་པའི་ག་ད་པ་སྟོང་བཉིད་ཀྱི་བྱར་རོ། ། ཆོས་རྣམས་ཀྱང་སྐྱེའི་མེད་པ་དང་། འགག་པ་མེད་པ་དང་། སྤོང་པ་དང་། གཡོ་བ་མེད་པ་དང་། གསོབ་དང་། ལམ་བསད་། བན་པ་མེད་པ་དང་འབྱུང་བ་མེད་པ་དང་། མ་བྱས་པ་དང་། མངོན་པར་འདུས་མ་བྱས་པ་དང་། བྱེད་པ་པོ་དང་བྲལ་བའོ།། དེ་ཅིའི་ཕྱིར་ཞེ་ན། འདི་ལྟར་གཟུགས་དེ་ནི། འདི་ལྟ་སྟེ། མིང་ཙམ་མོ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་བཞིན་ནོ།། རྒ་བ་དང་འཆི་བའི་བར་དུའང་དེ་བཞིན་དུ་སྦྱར་རོ།། དྲན་པ་ཉེ་བར་གཞག་པ་བཞི་ཞེས་བྱ་བ་འདི་དག་ནི་འདི་ལྟ་སྟེ། མིང་ཙམ་མོ།། འཕགས་པའི་ལམ་ཡན་ལག་བརྒྱད་པའི་བར་དུའང་དེ་བཞིན་དུ་སྦྱར་རོ།། རྣམ་པར་ཐར་པའི་སྒོ་གསུམ་པོ་འདི་དག་ནི། འདི་ལྟ་སྟེ། མིང་ཙམ་མོ།། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུའང་དེ་བཞིན་དུ་སྦྱར་རོ།། དེ་བཞིན་གཤེགས་པའི་སྟོབས་བཅུ་པོ་འདི་དག་ནི། འདི་ལྟ་སྟེ། མིང་ཙམ་མོ།། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུའང་དེ་བཞིན་དུ་སྦྱར་རོ།། ཕ་རོལ་ཏུ་ཕྱིན་པ་དྲུག་པོ་འདི་དག་ནི། འདི་ལྟ་སྟེ། མིང་ཙམ་མོ།། དཔེ་བྱད་བཟང་པོ་བརྒྱད་ཅུའི་བར་དུའང་དེ་བཞིན་དུ་སྦྱར་རོ། ། ཤཱ་ར་དྭ་ཏིའི་བུ་མིང་ཙམ་གང་ཡིན་པ་དེ་དེ་ལ་ཡང་དག་པར་ཡོངས་སུ་གྲུབ་པ་འགའ་ཞིག་ཡོད་དམ། གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གལ་ཏེ་ཡོངས་སུ་གྲུབ་པར་ལྟ་ཞིང་དམིགས་ལ་འཛིན་ཅིང་མཚན་མར་བྱེད། རྟོག་པ་དང་། དཔྱོད་པར་བྱེད་ན།། དེ་ལྟ་བ་ཡོངས་སུ་འཛིན་པ་དང་། སེམས་རྣམ་པར་རྨོངས་པ་ཡིན་ནམ། གསོལ་པ། བཅོམ་ལྡན་འདས་དེ་ལྟ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་རྣམ་གྲངས་དེས་ན་འདི་ལྟར་ལྟ་བ་ཡོངས་སུ་འཛིན་པ་དང་། སེམས་རྣམ་པར་རྨོངས་པ་གཉིས་ནི། འདི་ལྟ་སྟེ། མངོན་པར་ཞེན་པ་ཞེས་བྱ་བ་འདིའི་ཚིག་བླ་དག་ཡིན་པར་རིག་པར་བྱའོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་རྣམ་གྲངས་གང་གིས་ན། ཕུང་པོ་ལྔ་ནས་དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་མང་ཙམ་དུ་བས་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ། འདི་ལྟ་སྟེ། ཕུང་པོ་ལྔ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དོ།། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཕུང་པོའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། ནང་གི་སྐྱེ་མཆེད་དྲུག་ཅེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད་འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ནང་སྐྱེ་མཆེད་དྲུག་གི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་། མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། ཕྱིའི་སྐྱེ་མཆེད་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཕྱིའི་སྐྱེ་མཆེད་དྲུག་གི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད།། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། ཁམས་བཅོ་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཁམས་ཀྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། འཕགས་པའི་བདེན་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་བ་ཙམ་དུ་ཟད་དོ། ། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འཕགས་པའི་བདེན་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད་གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། རྟེན་ཅིང་འབྲེལ་པར་འབྱུང་བའི་ཡན་ལག་བཅུ་གཉིས་པ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ། འདོགས་པ་ཁོ་ནར་ཟད་ལ། རྟེན་ཅིང་འབྲེལ་པར་འབྱུང་བའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། དྲན་པ་ཉེ་བར་གཞག་པ་བཞི་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ།། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དྲན་པ་ཉེ་བར་གཞག་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། ཡང་དག་པར་སྤོང་བ་བཞི་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཡང་དག་པར་སྤོང་བའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། རྫུ་འཕྲུལ་གྱི་རྐང་པ་བཞི་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྫུ་འཕྲུལ་གྱི་རྐང་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། དབང་པོ་ལྔ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དབང་པོ་ལྔའི་མི་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། སྟོབས་ལྔ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྟོབས་ཀྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། བྱང་ཆུབ་ཀྱི་ཡན་ལག་བདུན་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། བྱང་ཆུབ་ཀྱི་ཡན་ལག་གི་མིང་དེ་དག་ཀྱང་། ནཱང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། འཕགས་པའི་ལམ་ཡན་ལག་བརྒྱད་པ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འཕགས་པའི་ལམ་ཡན་ལག་བརྒྱད་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། རྣམ་པར་ཐར་པའི་སྒོ་གསུམ་ཞེས་བྱ་བ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྣམ་པར་ཐར་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། བསམ་གཏན་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནུར་ཟད་ལ། བསམ་གཏན་གྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། ཚད་མེད་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཚད་མེད་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ་འདི་ལྟ་སྟེ། ཟུགས་མེད་པའི་སྙོམས་པར་འཇུག་པ་བཞི་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། གཟུགས་མེད་པའི་སྙོམས་པར་འཇུག་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ་འདི་ལྟ་སྟེ། རྣམ་པར་ཐར་པ་བརྒྱད་ཅེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏག་པ་ཙམ་དུ་ཟད་དོ། ། ཆོས་སུ་བཏགས་པ་དེ་ལ་ནི་སྐྱེ་བ་མེད།། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྣམ་པར་ཐར་པའི་མིང་དེ་དག་ཀྱང་། ནང་ནའང་མེད་ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། མཐར་གྱིས་གནས་པའི་སྙོམས་པར་འཇུག་པ་དགུ་ཞེས་བྱ་བ་གང་ཡིན་པ་དེ་དག་ནི་འདི་ལྟར། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བངས་ཐ་སྙད་དུ་འདོགས་པ་ཁོ་ནར་ཟད་ལ། མཐར་གྱིས་གནས་པའི་སྙོམས་པར་འཇུག་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད།། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། འདུ་ཤེས་དགུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འདུ་ཤེས་ཀྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནངར་མི་གནས་སོ།། ཤཱ་ར་དྭ་ཏིའི་བྲ་འདི་ལྟ་སྟེ། རྗེས་སུ་དྲན་པ་བཅུ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ་མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། རྗེས་སུ་དྲན་པ་བཅུའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ་འདི་ལྟ་སྟེ། འདུ་ཤེས་ཀྱི་རྣམ་པ་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། འདུ་ཤེས་ཀྱི་རྣམ་པ་དྲུག་གི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏཱིའི་བུ། འདི་ལྟ་སྟེ། ཤེས་པ་བཅུ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཤེས་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། ཏིང་ངེ་འཛིན་གསུམ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཏིང་ངེ་འཛིན་གྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བིར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། དབང་པོ་གསུམ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏུགས་པ་དེ་སཱ་ནི་སྐྱེ་བ་མྱེད། འགག་པ་མེད་དེ། སྙིང་གི་བནས་བ་སྐྲད་དུ་འདོགས་པ་ཁོན་ཟད་ལ། དབང་པོའི་མིང་རྙེ་དག་ཀྱང་། ནང་ན་ཡང་མེད། ཕྱི་རོ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་ཏྣ་ཏིའི་བུ། འདི་ལྟ་སྟེ། ཟིལ་གྱིས་གནོན་པའི་སྐྱེ་མཆེད་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་བདགས་པ་ཙམ་དུ་ཟད་དོ། ། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཟིལ་གྱིས་གནོན་པའི་སྐྱེ་མཆེད་ཀྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏཱིའི་བུ་འདི་ལྟ་སྟེ། ཟད་པར་གྱི་སྐྱེ་མཆེད་བཅུ་ཞེས་བྱ་བ་གང་ཡིན་པ་དེ་དག་ན་འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་བདྲལ། ཟད་པར་གྱི་སྐྱེ་མཆེད་ཀྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་ཞེས་བྱ་བ་བས་པོ་གསུམ་པ། ། ཤཱ་ར་དྭ་ཏིའི་བུ། འདི་ལྟ་སྟེ། སྟོང་པ་ཉིད་བཅོ་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་དེ།། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྟོང་པ་ཉིད་ཀྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། དེ་བཞིན་གཤེགས་པའི་སྟོབས་བཅུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ། ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དེ་བཞིན་གཤེགས་པའི་སྟོབས་བཅུའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། མི་འཇིགས་པ་བཞི་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། ། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། མི་འཇིགས་པའི་མིང་དེ་དག་ཀྱང་ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། སོ་སོ་ཡང་དག་པར་རིག་པ་བཞི་ཞེས་བྱ་བ་གང་དག་ཡིན་པ་དེ་དག་ཀྱང་། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སོ་སོ་ཡང་དག་པར་རིག་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་ཏྣ་ཏིའི་བུ། འདི་ལྟ་སྟེ། བྱམས་པ་ཆེན་པོ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། བྱམས་པ་ཆེན་པོའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། སྙིང་རྗེ་ཆེན་པོ་ཞེས་བྱ་བ་གང་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྙིང་རྗེ་ཆེན་པོའི་མིང་དེའང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཅེས་བྱ་བའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། ཐམས་ཅད་ཤེས་པ་ཉིད་དང་། ལམ་གྱི་རྣམ་པ་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཐམས་ཅད་ཤེས་པ་ཉིད་དང་། ལམ་གྱི་རྣམ་པ་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་ཀྱི་མིང་དེ་དག་ཀྱང་། ནང་ནའང་མེད།། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། ཕ་རོལ་ཏུ་ཕྱིན་པ་དྲུག་ཅེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེ་ད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། ཕ་རོལ་ཏུ་ཕྱིན་པ་དྲུག་གི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། མངོན་པར་ཤེས་པ་དྲུག་ཅེས་བྱ་བ་གང་དག་ཡིན་པ་དེ་དག་ནི་འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། མངོན་པར་ཤེས་པའི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། མིག་ལྔ་ཞེས་བྱ་བ་གང་དག་ཡིན་པ་དེ་དག་ནི་འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ།། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ་མིག་གི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ། ། ཤཱ་ར་དྭ་ཏིའི་བུ། འདི་ལྟ་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། ། ཆོས་སུ་བཏགས་པ་དུ་ལ་ནི་སྐྱེ་བ་མེད། འགག་པ་མེད་དོ།། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱི་མིང་དེ་དག་ཀྱང་། ནང་ནའང་མེད། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ། འདི་ལྟ་སྟེ། དཔེ་བྱད་བཟང་པོ་བརྒྱད་ཅུ་ཞེས་བྱ་བ་གང་དག་ཡིན་པ་དེ་དག་ནི། འདི་ལྟ་སྟེ། ཆོས་སུ་བཏགས་པ་ཙམ་དུ་ཟད་དོ། ། ཆོས་སུ་བཏགས་པ་དེ་ལ་ནི་སྐྱེ་བ་མེད། འགག་པ་མེད་དེ། མིང་གི་བརྡས་ཐ་སྙད་དུ་འདོགས་པ་ཁོ་ནར་ཟད་ལ། དཔེ་བྱད་བཟང་པོའི་མིང་དེ་དག་ཀྱང་། ནང་ནའང་མེད།། ཕྱི་རོལ་ནའང་མེད། གཉིས་ཀའི་བར་ནའང་མི་གནས་སོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་མིང་དང་བརྡར་བཏགས་པ་དང་། ཆོས་སུ་བཏགས་པ་ལ་དེ་ལྟར་བསླབ་པར་བྱའོ། ། བྱང་ཆུབ་སེམས་དཔའ་སེམས་དཔའ་ཆེན་པོས་མིང་གི་བརྡར་བཏགས་པའི་ཆོས་ཁོང་དུ་ཆུད་པར་བྱའོ།། དེས་མིང་གི་བརྡར་བཏགས་པའི་ཆོས་ཁོང་དུ་ཆུད་པས། གཟུགས་ལ་མངོན་པར་ཞེན་པར་མི་བྱེད་དོ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མངོན་པར་ཞེན་པར་མི་བྱེད་དོ།། དེ་བཞིན་དུ་སྦྱར་ཏེ། རྒ་ཤིའི་བར་ལ་མངོན་པར་ཞེན་པར་མི་བྱེད་དོ། ། དེ་བཞིན་དུ་དྲན་པ་ཉེ་བར་གཞག་པ་བཞི་ལ་མངོན་པར་ཞེན་པར་མི་བྱེད་དོ།། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ལ་མངོན་པར་ཞེན་པར་མི་བྱེད་དོ། ། དེ་བཞིན་དུ་རྣམ་པར་ཐར་པའི་སྒོ་གསུམ་ལ་མངོན་པར་ཞེན་པར་མི་བྱེད་དོ།། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་མངོན་པར་ཞེན་པར་མི་བྱེད་དེ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལ་མངོན་པར་ཞེན་པར་མི་བྱེད་དོ།། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་མངོན་པར་ཞེན་པར་མི་བྱེད་དོ།། དེ་བཞིན་དུ་ཕ་རོལ་ཏུ་ཕྱིན་པ་དྲུག་ལ་མངོན་པར་ཞེན་པར་མི་བྱེད་དོ།། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་ལ་མངོན་པར་ཞེན་པར་མི་བྱེད་དོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གལ་ཏེ་ཆོས་ཐམས་ཅད་བཏགས་པ་ཙམ་དང་མིང་ཙམ་དུ་བས་པ་ལགས་ན། འོ་ན་བཙུན་པ་བཅོམ་ལྡན་འདས་ཆོས་ཐམས་ཅད་དངོས་པོ་མ་མཆིས་པའི་ངོ་བོ་ཉིད་ལགས་སམ། བྱང་ཆུབ་སེམས་དཔའི་ཆོས་རྣམས་ཀྱང་དངོས་པོ་མ་མཆིས་པའི་ངོ་བོ་ཉིད་ལགས་སམ། བྱང་ཆུབ་ཀྱི་བར་ཡང་དངོས་པོ་མ་མཆིས་པའི་ངོ་བོ་ཉིད་ལགས་སམ། དེ་ལྟ་ལགས་ན་ནི་ཚངས་པར་སྤྱོད་པའང་དངོས་པོ་མ་མཆིས་པར་འགྱུར་ཞིང་། བྱང་ཆུབ་སེམས་དཔའི་ལམ་ཡང་དངོས་པོ་མ་མཆིས། ཕ་རོལ་ཏུ་ཕྱིན་པ་དྲུག་ཀྱང་དངོས་པོ་མ་མཆིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཆོས་མངོན་པར་རྟོགས་པའང་མ་མཆིས་པར་འགྱུར་ལ། སྡུག་བསྔལ་ལས་རྣམ་པར་གྲོལ་བའང་མ་མཆིས་པར་བདག་སྒྲ་ལགས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་འདི་རྫི་སྒྱུམ་དུ་སེམས། གཟུགས་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་དངོས་པོར་མཐོང་བས། རྣམ་པར་གྲོལ་སྙམ་སམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇིམམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དཱ་ཏིའི་བུ་འདི་ཇི་སྙམ་དུ་སེམས་གཟུགས་རྣམས་དངོས་པོར་མཐོང་བས། རྣམ་པར་གྲོལ་སྙམ་སམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་རྫི་སྙམ་དུ་སེམས། སྒྲ་དང་། དྲི་དང་། རོ་དང་། རེག་དང་། ཆོས་རྣམས་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དངོས་པོར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་ཥྛ་དི་ཇི་སྙམ་དུ་སེམས། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་ལུས་ཀྱི་ཁམས་དང་། རེག་པའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། འཕགས་པ་བདེན་པ་རྣམས་དང་། དེ་བཞིན་དུ་སྦྱར་ཏེ། རྒ་ཤིའི་བར་དུ་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དྲན་པ་ཉེ་བར་གཞག་པ་རྣམས་དང་། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣམ་པར་ཐར་པའི་སྒོ་རྣམས་དང་། དེ་བཞིན་དུ་སྦྱར་ཏེ། སྟོང་པ་ཉིད་བཅོ་བརྒྱད་ཀྱི་བར་དུ་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་དེ་བཞིན་གཤེགས་པའི་སྟོབས་བཅུ་དང་། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཕ་རོལ་ཏུ་ཕྱིན་པ་དྲུག་དང་། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་དངོས་པོར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་རྣམས་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ལུས་ཀྱི་ཁམས་དང་། རེག་པའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། འཕགས་པའི་བདེན་པ་རྣམས་དང་། དེ་བཞིན་དུ་སྦྱར་ཏེ། རྒ་ཤིའི་བར་དུ་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དྲན་པ་ཉེ་བར་གཞག་པ་རྣམས་དང་། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལགས་རྒྱད་པའི་བར་དུ་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣམ་པར་ཐར་པའི་སྒོ་རྣམས་དང་། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་གཤེགས་པའི་སྟོབས་བཅུ་དང་། བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཕ་རོལ་ཏུ་ཕྱིན་པ་དྲུག་དང་། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་རྗེ་སྙམ་དུ་སེམས། ལུས་ཀྱི་ཁམས་དང་། རེག་པའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་འཕགས་པའི་བདེན་པ་རྣམས་དང་། རྒ་ཤིའི་བར་དུ་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་དྲན་པ་ཉེ་བར་གཞག་པ་རྣམས་དང་། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལགས་བརྒྱད་པའི་བར་དུ་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་རྣམ་པར་ཐར་པའི་སྒོ་རྣམས་དང་། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་གཤེགས་པའི་སྟོབས་བཅུ་རྣམས་དང་། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དངོས་པོ་དང་དངོས་པོ་མེད་པར་མཐོང་བས། རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཕ་རོལ་ཏུ་ཕྱིན་པ་དྲུག་དང་། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དུ་དངོས་པོ་དང་དངོས་པོ་མེད་པར་མཐོང་བས་རྣམ་པར་གྲོལ་སྙམ་མམ། གསོལ་པ། བཅོམ་ལྡན་འདས་མ་ལགས་སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་ཁྱོད་དོན་གྱི་དབང་གང་མཐོང་ན་འདི་སྐད་དུ། གཟུགས་དང་། རྣམ་པར་ཤེས་པའི་བར་དུ་དངོས་པོར་མཐོང་བས་ཀྱང་རྣམ་པར་མི་འགྲོལ་ལ། དངོས་པོ་མེད་པར་མཐོང་བས་ཀྱང་མ་ཡིན་ཞིང་། དངོས་པོ་དང་དངོས་པོ་མེད་པར་མཐོང་བས་ཀྱང་མ་ཡིན། དེ་བཞིན་དུ་མིག་དང་། དེ་བཞིན་དུ་སྦྱར་ཏེ། ཡིད་ཀྱི་བར་དང་། དེ་བཞིན་དུ་གཟུགས་རྣམས་དང་། དེ་བཞིན་དུ་སྦྱར་ཏེ། ཆོས་ཀྱི་བར་དང་། དེ་བཞིན་དུ་མིག་གི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དང་། དེ་བཞིན་དུ་འཕགས་པའི་བདེན་པ་རྣམས་དང་། དེ་བཞིན་དུ་སྦྱར་ཏེ། རྒ་ཤིའི་བར་དང་། དེ་བཞིན་དུ་དྲན་པ་ཉེ་བར་གཞག་པ་རྣམས་དང་། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལགས་བརྒྱད་པའི་བར་དང་། དེ་བཞིན་དུ་རྣམ་པར་ཐར་པའི་སྒོ་རྣམས་དང་། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་དང་། དེ་བཞིན་དུ་དེ་བཞིན་གཤེགས་པའི་སྟོབས་རྣམས་དང་། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དང་། དེ་བཞིན་དུ་སྦྱར་ཏེ། ཕ་རོལ་ཏུ་ཕྱིན་པ་དྲུག་དང་། དེ་བཞིན་དུ་སྦྱར་ཏེ། དཔེ་བྱད་བཟང་པོ་བརྒྱད་ཅུའི་བར་དག་དངོས་པོར་མཐོང་བས་ཀྱང་རྣམ་པར་མི་འགྲོལ་ལ། དངོས་པོ་མེད་པར་མཐོང་བས་ཀྱང་མ་ཡིན་ཞིང་། དངོས་པོ་དང་དངོས་པོ་མེད་པར་མཐོང་བས་ཀྱང་རྣམ་པར་མི་གྲོལ། དེ་བཞིན་དུ་སྦྱར་ཏེ། ཇི་ལྟར་གཟུགས་ཀྱི་ཕུང་པོར་བསྟན་པ་བཞིན་དུ། ཐམ་ཅད་དུ་རྒྱས་པར་བྱའོ་ཞེས་སྨྲས། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་འདི་ལྟར་གཟུགས་མ་མཆིས་ཤིང་མི་དམིགས་ལགས་ན། གཟུགས་དངོས་པོར་མཐོང་བ་འམ། དངོས་པོ་མ་མཆིས་པར་མཐོང་བ་འམ། དངོས་པོ་དང་དངོས་པོ་མ་མཆིས་པར་མཐོང་བས།། རྣམ་པར་གྲོལ་བ་ལྟག་ལ་འགྱུར་ལགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་། དེ་བཞིན་དུ་མིག་དང་། དེ་བཞིན་དུ་སྦྱར་ཏེ། ཡིད་ཀྱི་བར་དང་། དེ་བཞིན་དུ་གཟུག་རྣམས་དང་། དེ་བཞིན་དུ་སྦྱར་ཏེ། ཆོས་རྣམས་ཀྱི་བར་དང་། དེ་བཞིན་དུ་མིག་གི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དང་། དེ་བཞིན་དུ་འཕགས་པའི་བདེན་པ་རྣམ་དང་། དེ་བཞིན་དུ་སྦྱར་ཏེ། རྒ་ཤིའི་བར་དང་། དེ་བཞིན་དུ་དྲན་པ་ཉེ་བར་གཞུག་པ་རྣམས་དང་། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་དུ་རྣམ་པར་ཐར་པའི་སྒོ་རྣམས་དང་། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང་། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དང་། དེ་བཞིན་དུ་ཕ་རོལ་ཏུ་ཕྱིན་པ་དྲུག་དང་། དེ་བཞིན་དུ་སྦྱར་ཏེ། དེཔེ་བྱད་བཟང་པོ་བརྒྱད་ཅུའི་བར་དག་མ་མཆིས་ཤིང་མི་དམིགས་ལགས་ན། དག་དངོས་པོར་མཐོང་བ་འམ། དངོས་པོ་མ་མཆིས་པར་མཐོང་བ་འམ། དངོས་པོ་དང་དངོས་པོ་མ་མཆིས་པར་མཐོང་བས།། རྣམ་པར་གྲོལ་བ་ལྟ་ག་ལ་འགྱུར་ལགས། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་འདི་ལྟར་ཉོན་མོངས་པ་ནི་མཚན་མ་ལགས་པའི་སླད་དུའོ། ། མཚན་མ་གང་ལགས་ཤེ་ན། གཟུགས་དང་། སྒྲ་དང་། དྲ་དང་། རོ་དང་། རེག་པ་དང་། ཆོས་ནི་མཚན་མ་ལགས་ཏེ། བཙུན་པ་བཅོམ་ལྡན་འདས་ཉོན་མོངས་པ་གང་ལགས་པ་དེ་ནི་རྣམ་པར་མི་གྲོལ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ལེག་སོ་ལེགས་སོ།། ཁྱོད་ཀྱི་ཚིག་དེ་ནི་ལེགས་པར་སྨྲས་སོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་བསླབ་པར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བཅུ་པ་ལས། མངོན་པར་ཞེན་པ་མེད་པའི་ལེའུ་ཞེས་བྱ་སྟེ་གསུམ་པ་རྫོགས་སོ།། །། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི། གང་ཅེས་གསོལ་ཏོ།། འསྒྲུབ་བཅོས་ལྡས་འདས་བྱང་ཆུབ་སེམས་དཔའ་སེམས་དཔའ་ཆེན་པས། ཇི་ལྟར་མངོན་པར་ཞེན་པ་ཤེས་རབ་ཅི་རྗེ་ན་ཕྱིན་པ་ལ་བརྩོན་པར་བགྱི་གྱུས། དེ་སྣ་ཅེས་གསོལ་བ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་ཀྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་ཚོར་བའི་སྟོང་པ་ཉིད་དང་། འདུ་ཤེས་ཀྱི་སྟོང་པ་ཉིད་དང་། འདུ་བྱེད་ཀྱི་སྟོང་པ་ཉིད་དང་། རྣམ་པར་ཤེས་པའི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་མིག་གི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། ། དེ་བཞིན་དུ་གཟུགས་ཀྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་ཀྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་མིག་གི་ཁམས་ཀྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་གཟུགས། ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང་། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང་། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང་། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང་། ལུས་ཀྱི་ཁམས་དང་། རེག་པའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་དང་། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་སྡུག་བསྔལ་གྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་ཀུན་འབྱུང་བའི་སྟོང་པ་ཉིད་དང་། འགོག་པའི་སྟོང་པ་ཉིད་དང་། ལམ་གྱི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་མ་རིག་པའི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། དེ་བཞིན་དུ་འདུ་བྱེད་ཀྱི་སྟོང་པ་ཉིད་དང་། རྣམ་པར་ཤེས་པའི་སྟོང་པ་ཉིད་དང་། མིང་དང་གཟུགས་ཀྱི་སྟོང་པ་ཉིད་དང་། སྐྱེ་མཆེད་དྲུག་གི་སྟོང་པ་ཉིད་དང་། རེག་པའི་སྟོང་པ་ཉིད་དང་། ཚོར་བའི་སྟོང་པ་ཉིད་དང་། སྲེད་པའི་སྟོང་པ་ཉིད་དང་། ལེན་པའི་སྟོང་པ་ཉིད་དང་། སྲིད་པའི། སྟོང་པ་ཉིད་དང་། སྐྱེ་བའི་སྟོང་པ་ཉིད་དང་། རྒ་ཤིའི་སྟོང་པ་ཉིད་ལ་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་སྟོང་པ་ཉིད་དེ་དག་ལ་བརྩོན་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། སྟོང་པ་ཉིད་དེ་དག་གིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་དེ་ནི། གཟུགས་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བརྩོན་ཞེས། བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་མིག་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་གཟུགས་རྣམས་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་མིག་གི་ཁམས་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་དང་། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དང་། ལུས་ཀྱི་ཁམས་དང་། རེག་གི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དང་། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་སྡུག་བསྔལ་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཀུན་འབྱུང་དང་། འགོག་པ་དང་། ལམ་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་མ་རིག་པ་ལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་འདུ་བྱེད་དང་། རྣམ་པར་ཤེས་པ་དང་། མིང་དང་གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྲེད་པ་དང་། ལེན་པ་དང་། སྲིད་པ་དང་། སྐྱེ་བ་དང་། རྒ་ཤིལ་བརྩོན་ཞེས་བྱ་བ་འམ། མི་བརྩོན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བརྩོན་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ན། གཟུགས་རྟག་ཅེས་བྱ་བ་འམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྟག་ཅེས་བྱ་བ་འམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། གཟུགས་བདེ་ཞེས་བྱ་བ་འམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདེ་ཞེས་བྱ་བ་འམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། གཟུགས་བདག་ཅེས་བྱ་བ་འམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདག་ཅེས་བྱ་བ་འམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། གཟུགས་སྟོང་ཞེས་བྱ་བ་འམ། མོ་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་ཞེས་བྱ་བ་འམ། མི་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། གཟུགས་མཚན་མ་ཡོད་ཅེས་བྱ་བ་འམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཚན་མ་ཡོད་ཅེས་བྱ་བ་འམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། གཟུགས་སྨོན་པ་ཡོད་ཅེས་བྱ་བ་འམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྨོན་པ་ཡོད་ཅེས་བྱ་བ་འམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། གཟུགས་ཞི་ཞེས་བྱ་བ་འམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞི་ཞེས་བྱ་བ་འམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། གཟུགས་དབེན་ཞེས་བྱ་བ་འམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དབེན་ཞེས་བྱ་བ་འམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། གཟུགས་ཀུན་ནས་ཉོན་མོངས་ཞེས་བྱ་བ་འམ། རྣམ་པར་བྱང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཀུན་ནས་ཉོན་མོངས་ཞེས་བྱ་བ་འམ། རྣམ་པར་བྱང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། གཟུགས་སྐྱེ་བའི་ཆོས་ཅན་ནམ། འགག་པའི་ཆོས་ཅན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བའི་ཆོས་ཅན་ནམ། འགག་པའི་ཆོས་ཅན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། གཟུགས་དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་རྟག་ཅེས་བྱ་བ་འམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་རྟག་ཅེས་བྱ་བ་འམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་བདེ་ཞེས་བྱ་བ་འམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་བདེ་ཞེས་བྱ་བ་འམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། མིག་བདག་ཅེས་བྱ་བ་འམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་བདག་ཅེས་བྱ་བ་འམ། བདག་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་སྟོང་ཞེས་བྱ་བ་འམ། མིག་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་སྟོང་ཞེས་བྱ་བ་འམ། མི་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་མཚན་མ་ཡོད་ཅེས་བྱ་བ་འམ་མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་མཚན་མ་ཡོད་ཅེས་བྱ་བ་འམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། མིག་སྨོན་པ་ཡོད་ཅེས་བྱ་བ་འམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང་། སྣ་དང་ལྕེ་དང་། ལུས་དང་། ཡིད་སྨོན་པ་ཡོད་ཅེས་བྱ་བ་འམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་ཞི་ཞེས་བྱ་བ་འམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཞི་ཞེས་བྱ་བ་འམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་དབེན་ཞེས་བྱ་བ་འམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དབེན་ཞེས་བྱ་བ་འམ། མི་ང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། མིག་ཀུན་ནས་ཉོན་མོངས་ཞེས་བྱ་བ་འམ། རྣམ་པར་བྱང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ན་བ་དང་། སྣ་དང་། ལྕེ་དང་། ལུས་དང་། ཡིད་ཀུན་ནས་ཉོན་མོངས་ཞེས་བྱ་བ་འམ། རྣམ་པར་བྱང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་སྐྱེ་ཞེས་བྱ་བ་འམ། འགག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་སྐྱེ་ཞེས་བྱ་བ་འམ། འགག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། མིག་དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། གཟུགས་རྣམས་རྟག་ཅེས་བྱ་བ་འམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཆོས་རྣམས་ཀྱི་བར་དུ་རང་སྦྱར་རོ། ། གཟུགས་བདེ་བ་འམ། སྡུག་བསྔལ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ།། གཟུགས་རྣམས་བདག་ཡོད་པ་འམ། བདག་མེད་པ་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ།། གཟུགས་རྣམས་སྟོང་པ་འམ། མིག་སྟོང་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ།། གཟུགས་རྣམས་མཚན་མ་ཡོད་ཅེས་བྱ་བ་འམ། མཚན་མ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་ཆོས་རྣམས་ཀྱི་བར་ལའང་སྦྱར་རོ། ། གཟུགས་རྣམས་སྨོན་པ་ཡོད་ཅེས་བྱ་བ་འམ། སྨོན་པ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ། ། གཟུགས་རྣམས་ཞི་ཞེས་བྱ་བ་འམ། མ་ཞི་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ།། གཟུགས་རྣམས་དབེན་ཞེས་བྱ་བ་འམ། མི་དབེན་ཞེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ།། གཟུགས་རྣམས་ཀུན་ནས་ཉོན་མོངས་པ་ཞེས་བྱ་བ་འམ། རྣམ་པར་བྱང་བ་ཞེས་བྱ་བར་ཡང་དག་པར་རྗེས་སུ་མ་མཐོང་ངོ་།། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ།། གཟུགས་རྣམས་སྐྱེ་ཞེས་བྱ་བ་འམ། འགག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་ཆོས་རྣམས་ཀྱི་བར་ལའང་སྦྱར་རོ།། གཟུགས་རྣམས་དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་ཞིན་དུ་ཆོས་རྣམས་ཀྱི་བར་ལའང་སྦྱར་རོ། ། དེ་བཞིན་དུ་མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་རྟག་ཅེས་བྱ་བ་འམ། མི་རྟག་ཅེས་བྱ་བ་འམ། བདེ་ཞེས་བྱ་བ་འམ། དུག་བསྔལ་ཞེས་བྱ་བ་འམ་བདག་ཅེས་བྱ་བ་འམ། བདག་མེད་ཅེས་བྱ་བ་འམ། སྟོང་ཞེས་བྱ་བ་འམ། མི་སྟེང་ཞེས་བྱ་བ་འམ། མཚན་མ་ཡོད་ཅེས་བྱ་བ་འམ། མཚན་མ་མེད་ཅེས་བྱ་བ་འམ། སྨོན་པ་ཡོད་ཅེས་བྱ་བ་འམ། སྨོན་པ་མེད་ཅེས་བྱ་བ་འམ། ཞི་ཞེས་བྱ་བ་འམ། མ་ཞི་ཞེས་བྱ་བ་འམ། དབེན་ཞེས་བྱ་བ་འམ། མི་དབེན་ཞེས་བྱ་བ་འམ། ཀུན་ནས་ཉོན་མོངས་ཞེས་བྱ་བ་འམ། རྣམ་པར་བྱང་ཞེས་བྱ་བ་འམ། སྐྱེ་ཞེས་བྱ་བ་འམ། འགག་ཅེས་བྱ་བ་འམ། དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་འཕགས་པའི་བདེན་པ་རྣམས་རྟག་ཅེས་བྱ་བ་འམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། སྔར་ཇི་སྐད་བསྟན་པ་བཞིན་དུ་སྦྱར་བར་བྱའོ།། དེ་བཞིན་དུ་མ་རིག་པ་རྟག་ཅེས་བྱ་བ་འམ། མི་རྟག་ཅེས་བྱ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་སྦྱར་ཏེ། རྒ་ཤིའི་བར་དུ་སྔ་མ་ཇི་ལྟ་བར་ཐམས་ཅད་དུ་ཇི་ལྟར་ཕུང་པོ་དག་གི་སྐབས་སུ་བསྟན་པ་བཞིན་རྒྱ་ཆེར་སྦྱར་རོ། ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཆོས་ཐམས་ཅད་རང་གི་མཚན་ཉིད་ཀྱིས་སྟོང་པ་ལ་འཇུག་ཅིང་། ཞུགས་ནས་ཀྱང་གཟུགས་ལ་མི་སྦྱོར་མི་འབྱེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་སྦྱོར་མི་འབྱེད་དོ།། གཟུགས་དང་སྔོན་གྱི་མཐར་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་སྔོན་གྱི་མཐར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་གཟུགས་དང་ཕྱི་མའི་མཐར་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་ཕྱི་མའི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་ཕྱི་མའི་མཐར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ཕྱི་མའི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། གཟུགས་དང་ད་ལྟར་བྱུང་བར་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་ད་ལྟར་བྱུང་བར་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། མིག་དང་སྔོན་གྱི་མཐར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་སྔོན་གྱི་མཐར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་མིག་དང་ཕྱི་མའི་མཐར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ཕྱི་མའི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་ཕྱི་མའི་མཐར་མི་སྦྱོར་མའི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ཕྱི་མའི་མཐའ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། མིག་དང་ད་ལྟར་བྱུང་བར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་ད་ལྟར་བྱུང་བར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། ཇི་ལྟར་ནང་གི་སྐྱེ་མཆེད་རྣམས་ལ་སྦྱར་བ་དེ་བཞིན་དུ་ཕྱིན་སྐྱེ་མཆེད་རྣམས་ལ་སྦྱར་རོ། ། དེ་བཞིན་དུ་མིག་གི་ཁམས་དང་སྔོན་གྱི་མཐར་མི་སྦྱོར་མི་འབྱེད་དོ།། དེ་བཞིན་དུ་ཕྱི་མའི་མཐའ་ལ་མ་ཡིན་ཞིང་། ད་ལྟར་བྱུང་བར་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་དང་། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དང་། ལུས་ཀྱི་ཁམས་དང་། རེག་པའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དང་། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་དང་། སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། སྔ་མ་ཇི་ལྟ་བ་བཞིན་དུ་འཕགས་པའི་བདེན་པ་རྣམས་ལའང་རྒྱ་ཆེར་སྦྱར་རོ། ། དེ་བཞིན་དུ་མ་རིག་པ་ནས། དེ་བཞིན་དུ་སྦྱར་ཏེ། རྒ་ཤིའི་བར་དང་། སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བར་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བརྩོན་བ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་བམ་པོ་བཞིཔ། ཤཱར་བྱ། བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི། གཟུགས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་གཟུགས་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་རྣམ་པར་ཤེས་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་མིག་དང་རྣམ་པ་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་མིག་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ཡིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་གཟུགས་རྣམས་དང་རྣམ་པ་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་གཟུགས་རྣམས་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ཆོས་རྣམས་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། ། དེ་ཅིའི་ཕྱིར་ཞེ་ན། འདི་ལྟར་དེས་མིག་གི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་རྣ་བའི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་སྣའི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན་འདི་ལྟར་དེས་ལྕེའི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་ལུས་ཀྱི་ཁམས་དང་། རེག་པའི་ཁམས་དང་ལུས་ཀྱི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ། ། དེ་ཅིའི་ཕྱིར་ཞེ་ན། འདི་ལྟར་དེས་ལུས་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་ཡིད་ཀྱི་ཁམས་དང་ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་སྡུག་བསྔལ་གྱི་བདེན་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མའི་བྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་སྡུག་བསྔལ་གྱི་བདེན་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་ཀུན་འབྱུང་བའི་བདེན་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ཀུན་འབྱུང་བའི་བདེན་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་འགོག་པའི་བདེན་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་འགོག་པའི་བདེན་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་ལམ་གྱི་བདེན་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་ལམ་གྱི་བདེན་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ། ། དེ་བཞིན་དུ་མ་རིག་པ་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ།། དེ་ཅིའི་ཕྱིར་ཞེ་ན། འདི་ལྟར་དེས་མ་རིག་པ་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། དེ་བཞིན་དུ་རྒ་ཤིའི་བར་དང་ཐམས་ཅད་མཁྱེན་པ་ཉིད་དུ་མི་སྦྱོར་མི་འབྱེད་དོ་ཞེས་དེ་བཞིན་དུ་སྦྱར་བར་བྱའོ། ། དེ་ཅིའི་ཕྱིར་ཞེ་ན། འདི་ལྟར་དེས་རྒ་ཤིའི་བར་ཉིད་ཡང་དག་པར་རྗེས་སུ་མི་མཐོང་བའི་ཕྱིར་རོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བརྩོན་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། ཤཱ་ར་དྭ་ཏིའི་བུ། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི། གཟུགས་ནི་ཚོར་བ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། ཚོར་བ་ནི་འདུ་ཤེས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། འདུ་ཤེས་ནི་འདུ་བྱེད་རྣམས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། འདུ་བྱེད་རྣམས་རྣམ་པར་ཤེས་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ།། དེ་བཞིན་དུ་མིག་ནི་རྣ་བ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། རྣ་བ་ནི་སྣ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། སྣ་ནི་ལྕེ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། ལྕེ་ནི་ལུས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། ལུས་ནི་ཡིད་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ།། དེ་བཞིན་དུ་གཟུགས་རྣམས་ནི་སྒྲ་དག་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། དེ་བཞིན་དུ་སྒྲ་རྣམས་ནི་དྲི་དག་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། དྲི་རྣམས་ནི་རོ་དག་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། རོ་རྣམས་ནི་རེག་པ་དག་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། རེག་པ་རྣམས་ནི་ཆོས་རྣམས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ།། དེ་བཞིན་དུ་ཇི་ལྟར་ཕུང་པོ་དག་གི་སྐབས་སུ་བསྟན་པ་དེ་བཞིན་དུ། ཁམས་རྣམས་ལའང་རྒྱ་ཆེར་སྦྱར་བར་བྱའོ།། དེ་བཞིན་དུ་སྡུག་བསྔལ་གྱི་བདེན་པ་ནི་ཀུན་འབྱུང་བའི་བདེན་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། ཀུན་འབྱུང་བའི་བདྲེན་པ་ནི་འགོག་པའི་བདེན་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། འགོག་པའི་བདེན་པ་ནི་ལམ་གྱི་བདེན་པ་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་། ། དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ། ། དེ་བཞིན་དུ་མ་རིག་པ་ནི་འདུ་བྱེད་རྣམས་དང་ལྷན་ཅིག་ཏུ་ཡང་དག་པར་འདུ་བར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་རྒ་ཤིའི་བར་དུའང་སྦྱར་རོ།། དེ་ཅིའི་ཕྱིར་ཞེ་ན། འདི་ལྟར་རང་བཞིན་གྱིས་སྟོང་པ་ཉིད་ཀྱི་ཕྱིར། ཆོས་གང་ཡང་ཆོས་དང་ལྷན་ཅིག་ཏུ་ཡང་དག་པར་འདུ་བ་མེད་པའི་ཕྱིར་རོ།། ཤཱ་ར་དྭ་ཏིའི་བུ་གཟུགས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་མ་ཡིན་ནོ།། དེ་བཞིན་དུ་ཚོར་བ་དང་།། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྟོང་པ་ཉིད་གང་ཡིན་པ་དེ་ནི་རྣམ་པར་ཤེས་པ་མ་ཡིན་ནོ།། ཤཱ་ར་དྭ་ཏིའི་བུ་གཟུགས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་སུ་མི་བྱེད་དོ།། དེ་བཞིན་དུ་ཚོར་བའི་སྟོང་པ་ཉིད་གང་ཡིན་པ་དེ་ནི་ཚོར་བར་མི་བྱེད་དོ། ། འདུ་ཤེས་ཀྱི་སྟོང་པ་ཉིད་གང་ཡིན་པ་དེ་ནི་འདུ་ཤེས་པར་མི་བྱེད་དོ།། འདུ་བྱེད་ཀྱི་སྟོང་པ་ཉིད་གང་ཡིན་པ་དེ་ནི་མངོན་པར་འདུ་མི་བྱེད་དོ།། རྣམ་པར་ཤེས་པའི་སྟོང་པ་ཉིད་གང་ཡིན་པ་དེ་ནི་རྣམ་པར་ཤེས་པར་མི་བྱེད་དོ། ། དེ་བཞིན་དུ་མིག་གི་སྟོང་པ་ཉིད་གང་ཡིན་པ་དེ་ནི་མིག་མ་ཡིན་ནོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་སྟོང་པ་ཉིད་གང་ཡིན་པ་དེ་ནི་ཡིད་མ་ཡིན་ནོ། ། དེ་བཞིན་དུ་གཟུགས་རྣམས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་རྣམས་མ་ཡིན་ནོ།། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱི་སྟོང་པ་ཉིད་གང་ཡིན་པ་དེ་ནི་ཆོས་རྣམས་མ་ཡིན་ནོ། ། དེ་བཞིན་དུ་མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་མིག་གི་རྣམ་པར་ཤེས་པའི་ཁམས་མ་ཡིན་ནོ། ། དེ་བཞིན་དུ་རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་རྣ་བའི་རྣམ་པར་ཤེས་པའི་ཁམས་མ་ཡིན་ནོ།། དེ་བཞིན་དུ་སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་སྣའི་རྣམ་པར་ཤེས་པའི་ཁམས་མ་ཡིན་ནོ།། དེ་བཞིན་དུ་ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་ལྕེའི་རྣམ་པར་ཤེས་པའི་ཁམས་མ་ཡིན་ནོ།། དེ་བཞིན་དུ་ལུས་ཀྱི་ཁམས་དང་། རེག་པའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་ལུས་ཀྱི་རྣམ་པར་ཤེས་པའི་ཁམས་ཀྱི་བར་དུ་མ་ཡིན་ནོ། ། དེ་བཞིན་དུ་ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་ཀྱི་སྟོང་པ་ཉིད་གང་ཡིན་པ་དེ་ནི་ཡིད་ཀྱི་རྣམ་པར་ཤེས་པ་ཁམས་ཀྱི་བར་དུ་མ་ཡིན་ནོ། ། དེ་བཞིན་དུ་སྡུག་བསྔལ་གྱི་བདེན་པའི་སྟོང་པ་ཉིད་གང་ཡིན་པ་དེ་ནི་སྡུག་བསྔལ་མ་ཡིན་ནོ།། དེ་བཞིན་དུ་ཀུན་འབྱུང་བའི་བདེན་པའི་སྟོང་པ་ཉིད་གང་ཡིན་པ་དེ་ནི་ཀུན་འབྱུང་བ་མ་ཡིན་ནོ། ། དེ་བཞིན་དུ་འགོག་པའི་བདེན་པའི་སྟོང་པ་ཉིད་གང་ཡིན་པ་དེ་ནི་འགོག་པ་མ་ཡིན་ནོ།། དེ་བཞིན་དུ་ལམ་གྱི་བདེན་པའི་སྟོང་པ་ཉིད་གང་ཡིན་པ་དེ་ནི་ལམ་མ་ཡིན་ནོ།། དེ་བཞིན་དུ་མ་རིག་པའི་བར་གྱི་སྟོང་པ་ཉིད་གང་ཡིན་པ་དེ་ནི་མ་རིག་པའི་བར་དུ་མ་ཡིན་ནོ། ། དེ་བཞིན་དུ་སྦྱར་ཏེ། རྒ་ཤིའི་སྟོང་པ་ཉིད་གང་ཡིན་པ་དེ་ནི་རྒ་ཤིའི་བར་དུ་མ་ཡིན་ནོ།། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་གཟུགས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། གཟུགས་ཀྱང་གཞན་མ་ཡིན་ཏེ། གཟུགས་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་གཟུགས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། རྣམ་པར་ཤེས་པ་ཉིད་གཞན་མ་ཡིན་ཏེ། རྣམ་པར་ཤེས་པ་ཉིད་ཀྱང་སྟོང་པ་ཉིད་དོ། ། སྟོང་པ་ཉིད་ཀྱང་རྣམ་པར་ཤེས་པ་ཉིད་དོ།། དེ་བཞིན་དུ་མིག་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། མིག་ཀྱང་གཞན་མ་ཡིན་ཏེ། མིག་ཉིད་ཀྱང་སྟོང་པ་ཉིད་དོ། ། སྟོང་པ་ཉིད་ཀྱང་མིག་གོ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། ཡིད་ཀྱང་གཞན་མ་ཡིན་ཏེ། ཡིད་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་ཡིད་དོ།། དེ་བཞིན་དུ་གཟུགས་རྣམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། གཟུགས་རྣམས་ཀྱང་གཞན་མ་ཡིན་ཏེ། གཟུགས་རྣམས་ཉིད་སྟོང་པ་ཉིད་དོ།། སྟོང་པ་ཉིད་གཟུགས་རྣམས་སོ།། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། ཆོས་རྣམས་ཀྱང་གཞན་མ་ཡིན་ཏེ། ཆོས་རྣམས་ཉིད་སྟོང་པ་ཉིད་དོ།། སྟོང་པ་ཉིད་ཆོས་རྣམས་སོ།། དེ་བཞིན་དུ་མིག་གི་ཁམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན།། སྟོང་པ་ཉིད་ཀྱང་གཞན་ལ། མིག་གི་ཁམས་ཀྱང་གཞན་མ་ཡིན་ཏེ། མིག་གི་ཁམས་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་མིག་གི་ཁམས་སོ།། དེ་བཞིན་དུ་ཡིད་ཀྱི་རྣམ་པར་ཤེས་པའི་ཁམས་ཀྱི་བར་ཡང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་ཡང་གཞན་མ་ཡིན་ཏེ། ཡིད་ཀྱི་རྣམ་པར་ཤེས་པའི་ཁམས་ཉིད་སྟོང་པ་ཉིད་དོ། ། སྟོང་པ་ཉིད་ཀྱང་ཡིད་ཀྱི་རྣམ་པར་ཤེས་པའི་ཁམས་སོ་ཞེས་བྱ་བའི་བར་དུ་དེ་བཞིན་དུ་སྦྱར་རོ།། དེ་བཞིན་དུ་འཕགས་པའི་བདེན་པ་རྣམས་ཀྱང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། འཕགས་པའི་བདེན་པ་རྣམས་ཀྱང་གཞན་མ་ཡིན་ཏེ། འཕགས་པའི་བདེན་པ་རྣམས་ཉིད་སྟོང་པ་ཉིད་དོ།། སྟོང་པ་ཉིད་འཕགས་པའི་བདེན་པ་རྣམས་སོ།། དེ་བཞིན་དུ་མ་རིག་པའང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། མ་རིག་པའང་གཞན་མ་ཡིན་ཏེ། མ་རིག་པ་ཉིད་སྟོང་པ་ཉིད་དོ།། སྟོང་པ་ཉིད་མ་རིག་པའོ།། དེ་བཞིན་དུ་སྦྱར་ཏེ། རྒ་ཤིའི་བར་ཡང་གཞན་ལ། སྟོང་པ་ཉིད་ཀྱང་གཞན་མ་ཡིན། སྟོང་པ་ཉིད་ཀྱང་གཞན་ལ། རྒ་ཤིའི་བར་ཡང་གཞན་མ་ཡིན་ཏེ། རྒ་ཤི་ཉིད་སྟོང་པ་ཉིད་དོ།། སྟོང་པ་ཉིད་རྒ་ཤིའོ།། ཤཱ་ར་དྭ་ཏིའི་བུ་སྟོང་པ་ཉིད་གང་ཡིན་པ་དེ་ནི་མི་སྐྱེ་མི་འགག་ཅིང་། ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན་ནོ།། དེ་ལ་ནི་འགྲིབ་པ་མེད་དོ།། འཕེལ་བ་མེད་དོ།། འདས་པ་མ་ཡིན། མ་འོངས་པ་མ་ཡིན། ད་ལྟར་བྱུང་བ་མ་ཡིན་ནོ།། དེ་ལ་ནི་གཟུགས་མེད་དོ།། ཚོར་བ་མེད་དོ།། འདུ་ཤེས་མེད་དོ།། འདུ་བྱེད་རྣམས་མེད་དོ།། རྣམ་པར་ཤེས་པ་མེད་དོ།། དེ་ལ་ནི་མིག་མེད་དོ།། རྣ་བ་མེད་དོ།། སྣ་མེད་དོ།། ལྕེ་མེད་དོ།། ལུས་མེད་དོ།། ཡད་མེད་དོ།། གཟུགས་རྣམས་མེད་དོ།། སྒྲ་རྣམས་མེད་དོ།། དྲི་རྣམས་མེད་དོ།། རོ་རྣམས་མེད་དོ།། རེག་རྣམས་མེད་དོ།། ཆོས་རྣམས་མེད་དོ།། དེ་ལ་ནི་མིག་གི་ཁམས་མེད་དོ།། གཟུགས་ཀྱི་ཁམས་མེད་དོ།། མིག་གི་རྣམ་པར་ཤེས་པའི་ཁམས་མེད་དོ།། རྣ་བའི་ཁམས་མེད་དོ།། སྒྲའི་ཁམས་མེད་དོ།། རྣ་བའི་རྣམ་པར་ཤེས་པའི་ཁམས་མེད་དོ། ། སྣའི་ཁམས་མེད་དོ།། དྲིའི་ཁམས་མེད་དོ།། སྣའི་རྣམ་པར་ཤེས་པའི་ཁམས་མེད་དོ།། ལྕེའི་ཁམས་མེད་དོ།། རོའི་ཁམས་མེད་དོ།། ལྕེའི་རྣམ་པར་ཤེས་པའི་ཁམས་མེད་དོ། ། ལུས་ཀྱི་ཁམས་མེད་དོ།། རེག་པའི་ཁམས་མེད་དོ།། ལུས་ཀྱི་རྣམ་པར་ཤེས་པའི་ཁམས་མེད་དོ།། ཡིད་ཀྱི་ཁམས་མེད་དོ།། ཆོས་ཀྱི་ཁམས་མེད་དོ།། ཡིད་ཀྱི་རྣམ་པར་ཤེས་པའི་ཁམས་མེད་དོ། ། དེ་ལ་ནི་སྡུག་བསྔལ་མེད་དོ།། ཀུན་འབྱུང་བ་མེད་དོ།། འགོག་པ་མེད་དོ།། ལམ་མེད་དོ།། དེ་ལ་ནི་མ་རིག་པ་མེད་དོ།། མ་རིག་པ་འགག་པ་མེད་དོ།། འདུ་བྱེད་མེད་དོ། ། འདུ་བྱེད་འགག་པ་མེད་དོ།། རྣམ་པར་ཤེས་པ་མེད་དོ།། རྣམ་པར་ཤེས་པ་འགག་པ་མེད་དོ།། མིང་དང་གཟུགས་མེད་དོ།། མིང་དང་གཟུགས་འགག་པ་མེད་དོ།། སྐྱེ་མཆེད་དྲུག་མེད་དོ།། སྐྱེ་མཆེད་དྲུག་འགག་པ་མེད་དོ།། རེག་པ་མེད་དོ།། རེག་པ་འགག་པ་མེད་དོ།། ཚོར་བ་མེད་དོ།། ཚོར་བ་འགག་པ་མེད་དོ།། སྲེད་པ་མེད་དོ།། སྲེད་པ་འགག་པ་མེད་དོ།། ལེན་པ་མེད་དོ།། ལེན་པ་འགག་པ་མེད་དོ།། སྲིད་པ་མེད་དོ།། སྲིད་པ་འགག་པ་མེད་དོ།། སྐྱེ་བ་མེད་དོ།། སྐྱེ་བ་འགག་པ་མེད་དོ།། དེ་ལ་ན་རྒ་ཤི་མེད་དོ།། རྒ་ཤི་འགག་པ་མེད་དོ།། དེ་ལ་ནི་ཐོབ་པ་མེད་དོ།། མངོན་པར་རྟོག་པ་མེད་དོ།། དེ་ལ་ནི་རྒྱུན་དུ་ཞུགས་པ་མེད་དོ།། རྒྱུན་དུ་ཞུགས་པའི་འབྲས་བུ་མེད་དོ།། ལན་ཅིག་ཕྱིར་འོང་བ་མེད་དོ།། ལན་ཅིག་ཕྱིར་འོང་བའི་འབྲས་བུ་མེད་དོ།། ཕྱིར་མི་འོང་བ་མེད་དོ།། ཕྱིར་མི་འོང་བའི་འབྲས་བུ་མེད་དོ།། དགྲ་བཅོམ་པ་མེད་དོ།། དགྲ་བཅོམ་པའི་འབྲས་བུ་མེད་དོ།། རང་བྱང་ཆུབ་མེད་དོ།། རང་སངས་རྒྱས་མེད་དོ།། དེ་ལ་ནི་ཡང་དག་པར་རྫོགས་པའི་སངས་རྒྱས་མེད་དོ། ། ཡང་དག་པར་རྫོགས་པའི་བྱང་ཆུབ་མེད་དོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ་ནི་བརྩོན་ཞེས་བྱའོ། ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་འམ། མ་བརྩོན་པར་ཡང་དག་པར་རྗེས་སུ་མི་མཐོང་ངོ་།། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ལ་བརྩོན་པའམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་དྲན་པ་ཉེ་བར་གཞག་པ་རྣམས་ལ་བརྩོན་པ་འམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པ་དང་། དེ་བཞིན་གཤེགས་པའི་སྟོབས་བཅུའི་བར་ལ་བརྩོན་པ་འམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་བརྩོན་པ་འམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ་།། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་བརྩོན་པ་འམ། མི་བརྩོན་པར་ཡང་དག་པར་རྗེས་སུ་མི་མཐོང་ངོ་།། ཤཱ་ར་དྭ་ཏིའི་བུ་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་ཞེས་བྱའོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྩོན་པ་ནི། རྣམ་པ་ཐམས་ཅད་མཁྱེན་པ་ཉིད་དང་ཉེ་བ་ཡིན་ནོ།། དེ་ཇི་ལྟ་ཇི་ལྟར་རྣམ་པ་ཐམས་ཅད་མཁྱེན་པ་ཉིད་དང་ཉེ་བ་དེ་ལྟ་དེ་ལྟར་ལུས་ཡོངས་སུ་དག་པ་དང་། ངག་ཡོངས་སུ་དག་པ་དང་། སེམས་ཡོངས་སུ་དག་པ་དང་། མཚན་ཡོངས་སུ་དག་པ་ཐོབ་པར་འགྱུར་རོ།། དེ་ཇི་ལྟ་ཇི་ལྟར་ལུས་ཡོངས་སུ་དག་པ་དང་། སེམས་ཡོངས་སུ་དག་པ་དང་། མཚན་ཡོངས་སུ་དག་པ་ཐོབ་པ་དེ་ལྟ་དེ་ལྟར་འདོད་ཆགས་དང་ལྡན་པའི་སེམས་མི་སྐྱེད་དོ། ། དེ་བཞིན་དུ་ཞེ་སྡང་དང་ལྡན་པ་དང་། གཏི་མུག་དང་ལྡན་པའི་སེམས་མ་སྐྱེད་དོ།། ང་རྒྱལ་དང་ལྡན་པ་དང་། གཡོ་དང་སྒྱུ་དང་ལྡན་པ་དང་། ཆགས་པ་དང་ལྡན་པ་དང་། སེར་སྣ་དང་། ཕྲག་དོག་དང་ལྡན་པ་དང་། ལྟ་བ་ཐམས་ཅད་དང་ལྡན་པའི་སེམས་མི་སྐྱེད་དོ།། དེས་འདོད་ཆགས་ཀྱི་སེམས་མི་སྐྱེད་ཅིང་། དེ་བཞིན་དུ་ལྟ་བ་ཐམས་ཅད་དང་ལྡན་པའི་བར་གྱི་སེམས་མི་སྐྱེད་པས། ནམ་ཡང་མའི་མངལ་དུ་མི་སྐྱེ་སྟེ། རྟག་ཏུ་རྫུས་ཏེ་སྐྱེ་བར་འགྱུར་རོ།། སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་མ་གཏོགས་པར་ནམ་ཡང་ངན་སོང་རྣམས་སུ་མི་སྐྱེའོ། ། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོའོ།། སེམས་ཅན་རྣམས་ཡོངས་སུ་སྨིན་པར་བྱེད་ལ། སངས་རྒྱས་ཀྱི་ཞིང་ཡོངས་སུ་དག་པར་བྱེད་ཅིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་མ་རྒྱས་ཀྱི་བར་དུ། ནམ་ཡང་སངས་རྒྱས་བཅོམ་ལྡན་འདས་རྣམས་དང་འབྲལ་བར་མི་འགྱུར་རོ།། ཤཱ་ར་དྭ་ཏིའི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡོན་ཏན་དང་ཕན་ཡོན་དེ་དག་ཐོབ་པར་འདོད་པས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བརྩོན་པ་མི་འདོར་བར་རྟག་ཏུ་བརྩོན་པར་བྱེད་དོ།། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་རྣལ་འབྱོར་འདི་ལྟ་སྟེ། སྟོང་པ་ཉིད་ཀྱི་རྣལ་འབྱོར་འདི་ནི་མཆོག་ཡིན་པའི་ཕྱིར་རོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའི་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་རྣལ་འབྱོར་འདི་ནི་དེ་ལས་གཞན་པའི་རྣལ་འབྱོར་ཐམས་ཅད་ཟིལ་གྱིས་མནན་ནས་གནས་སོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣལ་འབྱོར་འདི་ལ་གནས་པ་འདི་ནི། ། དེ་བཞིན་གཤེགས་པའི་སྟོབས་བཅུ་མངོན་པར་སྒྲུབ་བོ།། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མངོན་པར་སྒྲུབ་བོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣལ་འབྱོར་འདི་ལ་གནས་པ་ན། ནམ་ཡང་སེར་སྣའི་སེམས་མི་སྐྱེད་དོ།། འཆལ་པའི་ཚུལ། ཁྲིམས་ཀྱི་སེམས་དང་། འཁྲུག་པའི་སེམས་དང་། ལེ་ལོའི་སེམས་དང་། རྣམ་པར་གཡེང་བའི་སེམས་དང་། ཤེས་རབ་འཆལ་པའི་སེམས་མི་སྐྱེད་དོ།། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུ་དང་། ཚེ་དང་ལྡན་པ་མོའུ་འགལ་གྱི་བུ་ཆེན་པོ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་འོད་སྲུངས་ཆེན་པོ་དང་། ཚེ་དང་ལྡན་པ་བྱམས་མའི་བུ་གང་པོ་དང་། དེ་དག་དང་། གཞན་ཡང་དགེ་སློང་མངོན་པར་གྲགས་པ་རབ་ཏུ་མང་པོ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དག་དང་། དགེ་བསྙེན་དང་དགེ་བསྙེན་མ་དག་གིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་ནི་ཆེ་བ་ལགས་སོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་ནི་རྒྱ་ཆེ་བ། ཕ་རོལ་ཏུ་ཕྱིན་པ་མཆོག། ཕ་རོལ་ཏུ་ཕྱིན་པ་ཁྱད་པར་འཕགས་པ། ཕ་རོལ་ཏུ་ཕྱིན་པ་རབ་མཆོག། ཕ་རོལ་ཏུ་ཕྱིན་པ་བླ་ན་མ་མཆིས་པ། ཕ་རོལ་ཏུ་ཕྱིན་པ་གོང་ན་མ་མཆིས་པ་ལགས་ཏེ། བཙུན་པ་བཅོམ་ལྡན་འདས་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་མི་མཉམ་དང་མཉམ་པ། ཕ་རོལ་ཏུ་ཕྱིན་པ་ཞི་བ་དུལ་བ། ཕ་རོལ་ཏུ་ཕྱིན་པ་རང་གི་མཚན་ཉིད་ཀྱིས་སྟོང་པ། ཕ་རོལ་ཏུ་ཕྱིན་པ་དངོས་པོ་མེད་པའི་ངོ་བོ་ཉིད་སྟོང་པ་ཉིད།། ཕ་རོལ་ཏུ་ཕྱིན་པ་ཡོན་ཏན་ཐམས་ཅད་ཡོངས་སུ་རྒྱས་པ། ཕ་རོལ་ཏུ་ཕྱིན་པ་ཡོན་ཏན་ཐམས་ཅད་དང་ལྡན་པ། ཕ་རོལ་ཏུ་ཕྱིན་པ་མི་བརྫ་བ་ཉིད་ལགས་སོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་མཆོག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། མི་མཉམ་པ་དང་མཉམ་པའི་སྦྱིན་པ་སྩལ་པ། མི་མཉམ་པ་དང་མཉམ་པའི་སྦྱིན་པ་ཡོངས་སུ་རྫོགས་པ། མི་མཉམ་པ་དང་མཉམ་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པ། མི་མཉམ་པ་དང་མཉམ་པའི་ལུས་ཐོབ་པ། མི་མཉམ་པ་དང་མཉམ་པའི་ཆོས་ཐོབ་པ་རྣམས་ཀྱིས་ནི། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་བགྱི་བ་ལགས་སོ། ། དེ་བཞིན་དུ་སྦྱར་ཏེ། སྦྱིན་པའི་ཕ་རོལ་ཏུ་ཕྱིན་པར་ཇི་སྐད་བསྟན་པ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་དེ་བཞིན་དུ་བགྱིའོ།། བཙུན་པ་བཅོམ་ལྡན་འདས། བཅོམ་ལྡན་འདས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་སྤྱད་ནས་མི་མཉམ་པ་དང་མཉམ་པའི་ཆོས་བརྙེས་པར་གྱུར་ལགས་སོ།། དེ་བཞིན་དུ་མི་མཉམ་པ་དང་མཉམ་པའི་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། མི་མཉམ་པོ་དང་མཉམ་པའི་རྣམ་པར་ཤེས་པ་བརྙེས་པར་གྱུར་ལགས་སོ།། དེ་བཞིན་དུ་མི་མཉམ་པ་དང་མཉམ་པའི་ཆོས་ཀྱི་འཁོར་ལོ་བསྐོར་བ་ལགས་སོ། ། འདས་པའི་སངས་རྒྱས་བཅོམ་ལྡན་འདས་རྣམས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་སྤྱད་ནས། མི་མཉམ་པ་དང་མཉམ་པའི་ཆོས་བརྙེས་པར་གྱུར་ལགས་སོ།། མམི་མཉམ་པ་དང་མཉམ་པའི་ཆོས་ཀྱི་འཁོར་ལོ་བསྐོར་བའི་བར་དུ་གྱུར་ལགས་སོ།། དེ་བཞིན་དུ་མ་འོངས་པའི་སངས་རྒྱས་བཅོམ་ལྡན་འདས་རྣམས་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཉིད་ལ་སྤྱད་ནས། མི་མཉམ་པ་དང་མཉམ་པའི་ཆོས་བརྙེས་པར་འགྱུར་ལགས་སོ།། དེ་བཞིན་དུ་སྦྱར་ཏེ། མི་མཉམ་པ་དང་མཉམ་པའི་ཆོས་ཀྱི་འཁོར་ལོ་བསྐོར་བའི་བར་དུ་འགྱུར་ལགས་སོ།། བཙུན་པ་བཅོམ་ལྡན་འདས་དེ་ལྟར་ལགས་སོ། ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་ཕ་རོལ་ཏུ་མཆི་བར་འཚལ་བས། ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་གྱིས་གནས་པར་བགྱིའོ།། དེ་སྐད་ཅེས་གསོལ་པ་དང་།། བཅོམ་ལྡན་འདས་ཀྱིས། ཉན་ཐོས་ཆེན་པོ་དེ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འདི་སྐད་ཅེས་བཀའ་སྩལ་ཏོ།། ཤེས་ལྡན།། དག་རིགས་ཀྱི་བུ་དག་དེ་དེ་བཞིན་ཏེ། དེ་དེ་བཞིན་ནོ།། ཤེས་ལྡན་དག་རིགས་ཀྱི་བུ་དག་ཇི་སྐད་སྨྲས་པ་དེ་བཞིན་ཏེ། ཤེས་ལྡན་དག་རིགས་ཀྱི་བུ་དག་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག། ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་འདིས་གནས་པ་དེ་དག་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་ཕྱག་བྱ་བར་འོས་པ་ཡིན་ནོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས་རྣལ་འབྱོར་གྱི་ལེའུ་སྟེ་བཞི་པ་རྫོགས་སོ། ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པའི་རྣལ་འབྱོར་འདིས་གནས་པ་འདི་དག་ནི་ཕྱག་བྱ་བར་འོས་པ་ཡིན་ནོ། ། ཞེས་དེ་སྐད་ཅེས་བཀའ་སྩལ་ན། བཙུན་པ་བཅོམ་ལྡན་འདས་གང་ཤེས་རབ་ཀྱི་རོལ་ཏུ་ཕྱིན་པའི་རྣལ་འབྱོར་དེ་དང་རྟག་ཏུ་མ་ཐལ་བར་གནས་པ་འཇིག་སྟེ། བྱང་ཆུབ་སེམས་དཔའ་ཞེས་བགྱི་བའི་ཆོས་དེ་གང་མགས། དེ་ཅིའི་སླད་དུ་ཞེ་ན། འདིས་སྟེ། བྱང་ཆུབ་སེམས་དཔའ་ཞེས་བགྱི་བའི་ཆོས་དེ་བདག་གིས་ཡང་དག་པར་རྗེས་སུ་མི་མཐོང་བའི་སླང་དུའོ། ། དེ་སྐད་ཅེས་གསོལ་པ་དང་བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་དྷ་བུལ་འདི་སྐད་ཅེས་བཀའ་སྩལ་ཏོ། ། ཤཱར་དྭ་ཏིའི་བུ་འདིཇི་མ་དུ་སེམས། གཟུགས་བྱང་ཆུབ་སེམས་དཔའ་ཡིན་སྙམ་སུས། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤྭར་ཛཱ་ཏིའི་བུ་འད་ཇོ་མ་དུ་སེམས། ཚོར་བ་དང་། ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བྱང་ཆུབ་སེམས་དཔའ་ཡིན་ནམམས། གསོལ་པ། བཙུན་པ་བཅོམ་ལྡན་འདམ་མ་ལགས་སོ། ། ཤཱ་ར་དྭ་ཏིའི་བུ་འདི་ཛིམམ་དུ་སེམས། མིག་བྱང་ཆུབ་སེམས་དཔའ་ཡིན་སམམས། དེ་བཞིན་དྲན་པ་དང་། སྭ་དང་། ལྕེ་དང་། ལུས་དང་། ཡི་བྱང་ཆུ་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་བྱང་ཆུབ་སེམས་དཔའ་ལནི་སྙམ་མམ། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འང་ཇི་སྙམ་དུ་སེམས། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ་བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྣའི་ཁམས་དང་། དྲིའི་ཁམས་དང་། སྣའི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ལུས་ཀྱི་ཁམས་དང་། རེག་པའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སའི་ཁམས་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་སྦྱར་ཏེ། རྒ་ཤིའི་བར་དུ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། བྱང་ཆུབ་སེམས་དཔའ་གཟུགས་ལས་གཞན་ཞིག་ཡིན་སྙམ་མམ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས། མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་དག་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་སའི་ཁམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམཁའི་ཁམས་དང་། རྣམ་པར་ཤེས་པའི་ཁམས་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། རྒ་ཤིའི་བར་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་ཀྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ། ཏིའི་བུ་འདི་ཇི་སྙམ་དུ་སེམས། མིག་གི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་ཀྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་རྫི་སྙམ་དུ་སེམས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དེ་བཞིན་ཞིང་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ་བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པའི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་གང་ཡིན་པ་དེ་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་ཀྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། དེ་བཞིན་དུ་ཚོར་བ་དང་། འདུ་ཤེས་དང་འདུ་བྱེད་རྣམས་དང་། རྣམ་པར་ཤེས་པའི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་བཞིན་དུ་རྣ་བ་དང་སྣ་དང་། ལྕེ་དང་། ལུས་དང་། ཡིད་ཀྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་ཀྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པའི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་ལས་གཞན་ཞིག་བྱང་ཆུབ་སེམས་དཔའ་ཡིན་སྙམ་མམ། གསོལ་པ་བཙུན་པ་བཅོམ་ལྡན་འདས་མ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཁྱོད་ཀྱིས་དོན་གྱི་དབང་གང་ཞིག་མཐོང་ན། འདི་སྐད་གཟུགས་བྱང་ཆུབ་དཔའ་མ་ཡིན་ཞིང་། དེ་བཞིན་དུ་སྦྱར་ཏེ། རྒ་ཤིའི་བར་དུ་བྱང་ཆུབ་སེམས་དཔའ་མ་ཡིན་ལ། གཟུགས་ལས་གཞན་ཡང་བྱང་ཆུབ་སེམས་དཔའ་མ་ཡིན། གཟུགས་ཀྱི་དེ་བཞིན་ཉིད་ཀྱང་བྱང་ཆུབ་སེམས་དཔའ་མ་ཡིན་ཞིང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་ཀྱང་བྱང་ཆུབ་སེམས་དཔའ་མ་ཡིན་ལ། གཟུགས་ཀྱི་དེ་བཞིན་ཉིད་ལས་གཞན་ཡང་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་ལས་བྱང་ཆུབ་སེམས་དཔའ་གཞན་མ་ཡིན་ཞེས་ཟེར། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་། ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་སེམས་ཅན་གཏན་མ་མཆིས་པ་མི་དམིགས་ན། དེ་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ལས་བྱང་ཆུབ་སེམས་དཔའ་གཞན་དུ་འགྱུར་བ་ལྟ་ག་ལ་མཆིས། དེ་བཞིན་དུ་སྦྱར་ཏེ། རྒ་ཤིའི་བར་དུ་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤི་ལས་བྱང་ཆུབ་སེམས་དཔའི་གཞན་དུ་འགྱུར་བ་ལྟ་ག་ལ་མཆིས། གཟུགས་ཀྱི་དེ་བཞིན་ཉིད་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་དེ་བཞིན་ཉིད་ལས་བྱང་ཆུབ་སེམས་དཔའ་གཞན་དུ་འགྱུར་བ་ལྟ་ག་ལ་མཆིས། དེ་བཞིན་དུ་སྦྱར་ཏེ། རྒ་ཤིའི་བར་གྱི་དེ་བཞིན་ཉིད་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་གྱི་དེ་བཞིན་ཉིད་ལས་གཞན་དུ་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས་ཏེ། དེ་ནི་གནས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ལེགས་སོ་ལེགས་སོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོས། སེམས་ཅན་མི་དམིགས་པའི་ཕྱིར། མི་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་ཀྱི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏཱིའི་བུ་འདིཇིགས་དུ་སེམས། གཟུགས་རྟག་པ་འམ། མི་རྟག་པའི་ཚིག་གྲ་དགས་བྱང་ཆུབ་སེམས་དཔའ་ཡིན་སྙམ་མཱམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྟག་པའི་ཚིག་བླ་དགས་སམ། མི་རྟག་པ་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་བདེ་བའི་ཚིག་བླ་དགས་སམ། སྡུག་བསྔལ་བའི་ཚིགེ་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདེ་བའི་ཚིག་བླ་དགས་སམ། སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་བདག་ཡོད་པའི་ཚིག་བླ་དགས་སམ་བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདྲ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདག་ཡོད་པའི་ཚིག་བླ་དགས་སམ། བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་སྟོང་པའི་ཚིག་བླ་དགས་སམ། མི་སྟོང་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ་བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་པའི་ཚིག་བླ་དགས་སམ། མི་སྟོང་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་མཚན་མ་ཡོད་པའི་ཚིག་བླ་དགས་སམ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཚན་མ་ཡོད་པའི་ཚིག་བླ་དྭགས་སམ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་སྨོན་པ་ཡོད་པའི་ཚིག་བླ་དགས་སམ། སྨོན་པ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྨོན་པ་ཡོད་པའི་ཚིག་བླ་དགས་སམ། སྨོན་པ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མས་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་ཞི་བའི་ཚིག་བླ་དགས་སམ། མ་ཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞི་བའི་ཚིག་བླ་དགས་སམ་མ་ཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས།། གཟུགས་ཀུན་ནས་ཉོན་མོངས་པའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིས་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཀུན་ནས་ཉོན་མོངས་པའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤྭ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་སྐྱེ་བའི་ཚིག་བླ་དགས་སམ། འགག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བའི་ཚིག་བླ་དགས་སམ། འགག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་དངོས་པོ་ཡོད་པའི་ཚིག་བླ་དགས་སམ། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས།། མིག་གི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་སྣ་དང་། ལྕེ་དང་། ལུས་དང་། ཡིད་ཀྱི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས།། རྣ་བ་དང་། སྣ་དང་། ལྕེ་དང་། ལུས་དང་། ཡིད་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་བདེ་བའི་ཚིག་བླ་དགས་སམ། སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་རྣ་བ་དང་། སྣ་དང་། ལྕེ་དང་། ལུས་དང་། ཡིད་བདེ་བའི་ཚིག་བླ་དགས་སམ། སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་བདག་ཡོད་པའི་ཚིག་བླ་དགས་སམ། བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་བདག་ཡོད་པའི་ཚིག་བླ་དགས་སམ་བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་མིག་སྟོང་པའི་ཚིག་བླ་དགས་སམ། མིག་མི་སྟོང་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡད་སྟོང་པའི་ཚིག་བླ་དགས་སམ་མིག་སྟོང་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མ་མ། གསོལ་པ།། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་མཚན་མ་ཡོད་པའི་ཚིག་བླ་དགས་སམ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་རྣ་བ་དང་། སྣ་དང་། ལྕེ་དང་། ལུས་དང་། ཡིད་མཚན་མ་ཡོད་པའི་ཚིག་བླ་དགས་སམ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་སྨོན་པ་ཡོད་པའི་ཚིག་བླ་དགས་སམ། སྨོན་པ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་སྨོན་པ་ཡོད་པའི་ཚིག་བླ་དགས་སམ། སྨོན་པ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་ཞི་བའི་ཚིག་བླ་དགས་སམ། མ་ཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཞི་བའི་ཚིག་བླ་དགས་སམ། མ་ཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏའི་བུ་འདི་ཇི་སྙམ་དུ་སེམས། མིག་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་བ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་ཀུན་ནས་ཉོན་མོངས་པའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀུན་ནས་ཉེན་པའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་། མིག་སྐྱེ་བའི་ཚིག་བླ་དགས་སམ། འགག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་རྣ་བ་དང་། སྣ་དང་། ལྕེ་དང་། ལུས་དང་། ཡིད་སྐྱེ་བའི་ཚིག་བླ་དྭགས་སམ་འགག་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་དངོས་པོ་ཡོད་པའི་ཚིགེ་བླ་དགས་སམ། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྣ་བ་དང་། སྣ་དང་། ལྕེ་དང་། ལུས་དང་། འདི་དངོས་པོ་ཡོད་པའི་ཚིག་བླ་དགས་སམ། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་ཀྱི་ཚིག་བླ་དགས་བྱང་ཆུབ་སེམས་དཔའི་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའི་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་བདེ་བའི་ཚིག་བླ་དགས་སམ་སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། ། རོ་དང་། རེག་པ་དང་། ཆོས་རྣམས་བདེ་བའི་ཚིག་བླ་དགས་སམ། སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལག་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་བདག་ཡོད་པའི་ཚིག་བླ་དགས་སམ། བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ་བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་བདག་ཡོད་པའི་ཚིག་བླ་དགས་སམ། བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་རྣམས་སྟོང་པའི་ཚིག་བླ་དགས་སམ། མི་སྟོང་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་སྟོང་པའི་ཚིག་བླ་དགས་སམ། མི་སྟོང་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ་གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་མཚན་མ་ཡོད་པའི་ཚིག་བླ་དགས་སམ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་མཚན་མ་ཡོད་པའི་ཚིག་བླ་དགས་སམ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་རྣམས་སྨོན་པ་ཡོད་པའི་ཚིག་བླ་དགས་སམ། སྨོན་པ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་སྨོན་པ་ཡོད་པའི་ཚིག་བླ་དགས་སམ་སྨོན་པ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་བམ་པོ་ལྔ་པ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་ཞི་བའི་ཚིག་བླ་དགས་སམ། མ་ཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཞི་བའི་ཚིག་བླ་དགས་སམ།། མ་ཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དྭགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་ཀུན་ནས་ཉོན་མོངས་པའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀུན་ནས་ཉོན་མོངས་པའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་སྐྱེ་བའི་ཚིག་བླ་དགས་སམ། འགག་པའི་ཚག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་སྐྱེ་མཅིག་གྲདགས་སྨྲས། འག་པའི་ཚིག་གདགས་ཀྱང་ཆུབ་སེམས་དཔ་མས། གསོལ་ལ། ཙུན་པ་བཅོས་ལྡན་འདས་མ་ལགས་སོ། ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་རྣམས་དངོས་པོ་ཡོད་པའི་ཚིག་བླ་དགས་སམ། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་དངོས་པོ་ཡོད་པའི་ཚིག་བླ་དགས་སམ། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་ཀྱི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ཀྱི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས་དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་བདེ་བའི་ཚིག་བླ་དགས་སམ། སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་སམ་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་བདག་ཡོད་པའི་ཚིག་བླ་དགས་སམ། བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པ་འི་མས་ཀྱི་དུ་སྟོང་བའི་རྙི་རྒྱུ་དགས་ས། སྟོང་བའི་ཚིག་ས་དགས་སྣ་ཆུ་སེམས་དཔའ་མི་སྦྱིམས་མམ། གསོལ་པ། བཙུན་པཱ་ལྡན་འདས་མ་ལགས་སོ། ། ཤཱ་རཏྣ་ཏིའི་བུ་འདི་ཇི་རྣམ་རྒྱསསེཾས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་།། དེ་བཞིན་དུ་སྦྱར་ཏེ། ཡི་རྣམ་པར་ཤེས་པའི་ཁམས་ཀྱི་བར་གྱི་མཚན་མ་ཡོད་པའི་ཚིག་བླ་དགས་སམྦྷ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་། རྣམ་པར་ཤེས་པའི་ཁམས་ཀྱི་བར་དུ་སྨོན་པ་ཡོད་པའི་ཚིག་བླ་དྭགས་སམ། སྨོན་པ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་སམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཞི་བའི་ཚིག་བླ་དགས་སམ། མཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་ནམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤྭ་རཿ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཀུན་ནས་ཉོན་མོངས་བའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་སྐྱེ་བའི་ཚིག་བླ་དགས་སམ། མི་སྐྱེ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་དངོས་པོ་ཡོད་པའི་ཚིག་བླ་དགས་སམ། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས་མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ།། གསོལ་པ་བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་བདེ་བའི་ཚིག་བླ་དགས་སམ། སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤའི་བར་གྱི་བདག་ཡོད་པའི་ཚིག་བླ་དགས་སམ། བདག་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་ཏྣ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་སྟོང་པའི་ཚིག་བླ་དགས་སམ། མི་སྟོང་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ་གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་མཚན་མ་ཡོད་པའི་ཚིག་བླ་དགས་སམ། མཚན་མ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་སྨོན་པ་ཡོད་པའི་ཚིག་བླ་དགས་སམ། སྨོན་པ་མེད་པའི་ཚིག་བླ་དྲགས་བྱང་ཆུབ་སེམས་དཔའ་ཡིན་སྙམ་མམ། གསོལ་བ། བཙུན་པ་བཅོམ་ལྡན་འདས་མ་ལགས་སོ། ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཞི་བའི་ཚིག་བླ་དགས་སམ། མ་ཞི་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས།། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་དབེན་པའི་ཚིག་བླ་དགས་སམ། མི་དབེན་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཀུན་ནས་ཉོན་མོངས་པའི་ཚིག་བླ་དགས་སམ། རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་སྐྱེ་བའི་ཚིག་བླ་དགས་སམ། འགག་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། མ་རིག་པ་དང་། དེ་བཞིན་དུ་སྦྱར་ཏེ། རྒ་ཤིའི་བར་གྱི་དངོས་པོ་ཡོད་པའི་ཚིག་བླ་དགས་སམ། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་སྐད་ཅེས་གསོལ་པ་དང་། ། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་ཁྱོད་ཀྱིས་དོན་གྱི་དབང་ཅི་ཞིག་མཐོང་ན། འདི་སྐད་དུ་གཟུགས་ཀྱི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན།། གཟུགས་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན།། དེ་བཞིན་དུ་གཟུགས་བདེ་བའི་ཚིག་བླ་དགས་མ་ཡིན།། སྡུག་བསྔལ་བའི་ཚིག་བླ་དགས་མ་ཡིན།། བདག་ཡོད་པའི་ཚིག་བླ་དགས་མ་ཡིན། བདག་མེད་པའི་ཚིག་བླ་དགས་མ་ཡིན། སྟོང་པའི་ཚིག་བླ་དགས་མ་ཡིན། མི་སྟོང་པའི་ཚིག་བླ་དགས་མ་ཡིན། མཚན་མ་ཡོད་པའི་ཚིག་བླ་དགས་མ་ཡིན། མཚན་མ་མེད་པའི་ཚིག་བླ་དགས་མ་ཡིན། སྨོན་པ་ཡོད་པའི་ཚིག་བླ་དགས་མ་ཡིན། སྨོན་པ་མེད་པའི་ཚིག་བླ་དགས་མ་ཡིན། ཞི་བའི་ཚིག་བླ་དགས་མ་ཡིན།། མ་ཞི་བའི་ཚིག་བླ་དགས་མ་ཡིན། དབེན་པའི་ཚིག་བླ་དགས་མ་ཡིན། མི་དབེན་པའི་ཚིག་བླ་དགས་མ་ཡིན། ཀུན་ནས་ཉོན་མོངས་པའི་ཚིག་བླ་དགས་མ་ཡིན། རྣམ་པར་བྱང་བའི་ཚིག་བླ་དགས་མ་ཡིན།། སྐྱེ་བའི་ཚིག་བླ་དགས་མ་ཡིན། འགག་པའི་ཚིག་བླ་དགས་མ་ཡིན། དངོས་པོ་ཡོད་པའི་ཚིག་བླ་དགས་མ་ཡིན། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན།། དེ་བཞིན་དུ་སྦྱར་ཏེ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ལ་ནི། དེ་བཞིན་དུ་མིག་གི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་མིག་རྟག་པ་འམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་རྟག་པའི་ཚིག་བླ་དགས་དང་། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན།། དེ་བཞིན་དུ་སྦྱར་ཏེ། མིག་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། གཟུགས་རྣམས་ཀྱི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱི་ཚིག་བླ་དགས་བྱང་ཆུབ་སེམས་དཔའ་མ་ཡིན། གཟུགས་རྣམས་རྟག་པའི་ཚིག་བླ་དགས་དང་། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་རྟག་པའི་ཚིག་བླ་དགས་དང་། མི་རྟག་པའི་ཚིག་བླ་དགས། བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། གཟུགས་རྣམས་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན།། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ཀྱི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཚིག་བླ་དགས་བྱང་ཆུབ་སེམས་དཔའ་མ་ཡིན། མིག་གི་ཁམས་དང་གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་རྟག་པའི་ཚིག་བླ་དྭགས་དང་། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་ཚིག་བླ་དགས་བྱང་ཆུབ་སེམས་དཔའ་མ་ཡིན། ། དེ་བཞིན་དུ་སྦྱར་ཏེ། མིག་གི་ཁམས་དང་། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་ཡིད་ཀྱི་རྣམ་པར་ཤེས་པའི་ཁམས་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། མ་རིག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་མ་རིག་པ་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། མ་རིག་པ་མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་གྱི་ཚི་ག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་མ་རིག་པ་རྟག་པའི་ཚིག་བླ་དགས་སམ། མི་རྟག་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་དུ་རྟག་པའི་ཚིག་བླ་དགས་དང་། མི་རྟག་པའི་ཚིག་བླ་དྭགས་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། མ་རིག་པ་དངོས་པོ་ཡོད་པའི་ཚིག་བླ་དགས་དང་། དངོས་པོ་མེད་པའི་ཚིག་བླ་དགས་ཀྱི་བར་དུ་བྱང་ཆུབ་སེམས་དཔའ་མ་ཡིན། དེ་བཞིན་དུ་སྦྱར་ཏེ། རྒ་ཤིའི་བར་དུ་དངོས་པོ་ཡོད་པའི་ཚིག་བླ་དགས་དང་། དངོས་པོ་མྱེད་པའི་ཚིག་བླ་དགས་བྱང་ཆུབ་སེམས་དཔའ་མ་ཡིན་ཞེས་ཟེར། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གཟུགས་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་བྱའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྟག་པ་འམ་མི་རྟག་པ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྷ་ལགས་སོ། ། བཙུན་པ་བཅོམ་ལྡན་འདས་གཟུགས་བདེ་ཞེས་བགྱི་བ་འམ། སྡུག་བསྔལ་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་བདག་ཅེས་བགྱི་བ་འམ། བདག་མེད་ཅེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་སྟོང་ཞེས་བགྱི་བ་འམ། མི་སྟོང་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་མཚན་མ་མཆིས་ཞེས་བགྱི་བ་འམ། མཚན་མ་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་སྨོན་པ་མཆིས་ཞེས་བགྱི་བ་འམ། སྨོན་པ་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ། ། བཙུན་པ་བཅོམ་ལྡན་འདས་གཟུགས་ཞི་ཞེས་བགྱི་བ་འམ། མ་ཞི་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་དབེན་ཞེས་བགྱིས་པ་འམ། མི་དབེན་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་ཀུན་ནས་ཉོན་མོངས་ཞེས་བགྱི་བའམ། རྣམ་པར་བྱང་ཞེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་སྐྱེ་ཞེས་བགྱི་བ་འམ། འགག་ཅེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་དངོས་པོ་མཆིས་ཞེས་བྱ་བ་འམ། དངོས་པོ་མེད་ཅེས་བགྱི་བ་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་གཏན་མི་དམིགས་ལགས་ན། མག་གི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་རྟག་ཅེས་བགྱི་བ་གཏན་མི་དམིགས་ལགས་ན། མིག་མི་རྟག་ཅེས་བགྱི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ། ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་བདེ་ཞེས་བགྱི་བ་གཏན་མི་དམིགས་ལགས་ན། མིག་སྡུག་བསྔལ་ཞེས་བགྱི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་བདག་མཆིས་ཞེས་བགྱི་བ་གཏན་མི་དམིགས་ལགས་ན། ། མིག་བདག་མ་མཆིས་ཞེས་བགྱི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་སྟོང་ཞེས་བགྱི་བ་གཏན་མི་དམིགས་ལགས་ན།། མིག་མི་སྟོང་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས།། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་མཚན་མ་མཆིས་ཤེས་བགྱི་བ་གཏན་མི་དམིགས་ལགས་ན། མིག་མཚན་མ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་སྨོན་པ་མཆིས་ཞེས་བགྱི་བ་གཏན་པ་དམིགས་ལགས་ན། མིག་སྨོན་པ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ། ། བཙུན་པ་བཅོམ་ལྡན་འདས་མིག་ཞི་ཞེས་བགྱི་བ་གཏན་མི་དམིགས་ལགས་ན། མིག་མ་ཞི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་དབེན་ཞེས་བགྱི་བ་གཏན་མི་དམིགས་ལགས་ན། མིག་མི་དབེན་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་ཀུན་ནས་ཉོན་མོངས་པ་ཞེས་བགྱི་བ་གཏན་མི་དམིགས་ལགས་ན། མིག་རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་སྐྱེ་ཞེས་བགྱི་བ་གཏན་མི་དམིགས་ལགས་ན། མིག་འགག་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་མིག་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། མིག་དངོས་པོ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་གཏན་མི་དམིགས་ལགས་ན། གཟུགས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་རོ་དང་། རེག་པ་དང་། ཆོས་རྣམས་ཀྱང་ངེས་ལགས་སོ། ། བཙུན་པ་བཅོམ་ལྡན་འདས་གཟུགས་རྣམས་རྟག་པ་འམ། མི་རྟག་པ་གཏན་མི་དམིགས་ལགས་ན། གཟུགས་རྣམས་ཀྱི་ཚིག་བླ་རགས་བྱང་ཆུབ་སེམས་དཔར་འགྱུར་བ་ལ་ག་ལ་མཆིས་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་བདེ་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་སྡུག་བསྔལ་བའི་ཚི་གེ་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། ། བཙུན་པ་བཅོམ་ལྡན་འདས་གཟུགས་རྣམས་བདག་ཅེས་བགྱི་བ་གཏན་མི་དམིགས་ལགས་ན། གཟུགས་རྣམས་བདག་མ་མཆིས་པའི་ཚིག་བླ་དགས་བྱང་ཆུ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་སྟོང་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མི་སྟོང་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། ། བཙུན་པ་བཅོམ་ལྡན་འདས་གཟུགས་རྣམས་མཚན་མ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མཚན་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་སྨོན་པ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་སྨོན་པ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་ཞི་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མ་ཞི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་དབེན་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་མི་དབེན་པའི་ཚིག་བླ་ནདགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་ཀུན་ནས་ཉོན་མོངས་པ་ཞེས་ནབགྱི་བ་གཏན་མི་དམིགས་ལགས་ན། གཟུགས་རྣམས་རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་། དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་སྐྱེ་བའི་ཚིག་བླ་དགས་གཏན་མི་དམིགས་ལགས་ན། གཟུགས་རྣམས་འགག་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ།། བཙུན་པ་བཅོམ་ལྡན་འདས་གཟུགས་རྣམས་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། གཟུགས་རྣམས་དངོས་པོ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་པ་ལྟ་ག་ལ་མཆིས།། སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ཀྱང་དེ་ལྟ་ལགས་སོ། ། བཙུན་པ་བཅོམ་ལྡ་ནི་མིག་གི་ཁམས་གཏན་མི་དམིགས་ལགས་ན། མིག་གི་ཁམས་ཀྱི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་རྟག་ཅེས་བགྱི་བ་གཏན་མི་དམིགས་ལགས་ན། མིག་གི་ཁམས་མི་རྟག་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས།། གཟུགས་ཀྱི་ཁམས་དང་མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་བདེ་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའོ། ཁམས་དང་། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་བདག་མཆིས་ཞེས་བགྱི་བ་གཏན་མི་དམིགས་ལགས་ན་མིག་གི་ཁམས་བདག་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། ། བཙུན་པ་བཅོམ་ལྡན་འདས་མིག་གི་ཁམས་སྟོང་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་སྟོང་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་མཚན་མ་མཆིས་ཞེས་བགྱི་བ་གཏན་མི་མིགས་ལགས་ན། མིག་གི་ཁམས་མཚན་མ་མཆིས་པའི་ཚིག་ཐ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་སྟོན་པ་མཆིས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་སྨོན་པ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་རྣམ་པར་ཤེས་པའི་ཁམས་ན། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་ཞི་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་མ་ཞི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས་གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། ། བཙུན་པ་བཅོམ་ལྡན་འདས་མིག་གི་ཁམས་དབེན་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་མི་དབེན་པའི་ཆོག་བླ། དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ། ། བཙུན་པ་བཅོམ་ལྡན་འདས་མིག་གི་ཁམས་ཀུན་ནས་ཉོན་མོངས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་སྐྱེ་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་འགག་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མིག་གི་ཁམས་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། མིག་གི་ཁམས་དངོས་པོ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས་གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་གཏན་མི་དམིགས་ལགས་ན། མ་རིག་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་རྟག་ཅེས་བགྱི་བ་གཏན་མི་དམིགས་ལགས་ན། མ་རིག་པ་མི་རྟག་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་བདེ་ཞེས་བགྱི་བ་གཏན་མི་དམིགས་ལགས་ན། མ་རིག་པ་སྡུག་བསྔལ་བའི་ཚིག་བླ་དགས་བྱང་ཆུབ་སེམས་དཔར་འགྱུར་པ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། ། བཙུན་པ་བཅོམ་ལྡན་འདས་མ་རིག་པ་བདག་ཅེས་བགྱི་བ་གཏན་མི་དམིགས་ལགས་ན། མ་རིག་པ་བདག་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་སྟོང་ཞེས་བགྱི་བ་གཏན་མི་དམིགས་ལགས་ན། མ་རིག་པ་མི་སྟོང་པའི་ཚིག་བླ་དྭགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་གྱིའོ།། བཙུན་པ་བཅོམ་ལྡན་འདས་མ་རིག་པ་མཚན་མ་མཆིས་ཞེས་བགྱི་བ་གཏན་མི་དམིགས་ལགས་ན། མ་རིག་པ་མཚན་མ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་སྨོན་པ་མཆིས་ཞེས་བགྱི་བ་གཏན་མི་དམིགས་ལགས་ན། མ་རིག་པ་སྨོན་པ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས་རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ། ། བཙུན་པ་བཅོམ་ལྡན་འདས་མ་རིག་པ་ཞི་ཞེས་བགྱི་བ་གཏན་མི་དམིགས་ལེགས་ན། མ་རིག་པ་མ་ཞི་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་དབེན་ཞེས་བགྱི་བ་གཏན་མི་དམིགས་ལགས་ན། མ་རིག་པ་མི་དབེན་པའི་ཚིག་བླ་དགས་བྱང་ཆུབ་སེམ་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་ཀུན་ནས་ཉོན་མོངས་ཞེས་བགྱི་བ་གཏན་མི་དམིགས་ལགས་ན། མ་རིག་པ་རྣམ་པར་བྱང་བའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་སྐྱེ་ཞེས་བགྱི་བ་གཏན་མི་དམིགས་ལགས་ན། མ་རིག་པ་འགག་པའི་ཚིག་བླ་རགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་མ་རིག་པ་དངོས་པོ་མཆིས་ཞེས་བགྱི་བ་གཏན་མི་དམིགས་ལགས་ན། མ་རིག་པ་དངོས་པོ་མ་མཆིས་པའི་ཚིག་བླ་དགས་བྱང་ཆུབ་སེམས་དཔར་འགྱུར་བ་ལྟ་ག་ལ་མཆིས། རྒ་ཤིའི་བར་དུའང་དེ་བཞིན་དུ་སྦྱར་བར་བགྱི་སྟེ། ཕུང་པོའི་སྐབས་སུ་ཇི་སྐད་བསྟན་པ་བཞིན་དུ་ཐམས་ཅད་རྒྱ་ཆེར་སྦྱར་བར་བགྱིའོ།། བཅོམ་ལྡན་འདས་ཀྱི་བཀའ་སྩལ་པ། ཤཱ་ར་ཧཱ་ཏིའི་བུ་ལེགས་སོ་ལེགས་སོ། ། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པས། གཟུགས་ཀྱི་ཚིག་བླ་དགས་མི་དམིགས། དེ་བཞིན་དུ་སྦྱར་ཏེ། གཟུགས་ཀྱི་དངོས་པོ་མེད་པའི་བར་གྱི་ཚིག་བླ་དགས་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཚིག་བླ་དགས་མི་དམིགས་པ་ནས།། དེ་བཞིན་དུ་སྦྱར་ཏེ། རྣམ་པར་ཤེས་པ་དངོས་པོ་མེད་པའི་ཚིག་བླ་དགས་མི་དམིགས། དེ་བཞིན་དུ་སྦྱར་ཏེ། མ་རིག་པའི་ཚིག་བླ་དགས་མ་དམིགས་ཤིང་། རྒ་ཤིའི་བར་གྱི་ཚིག་བླ་དགས་མི་དམིགས་པ་ནས། མ་རིག་པ་དངོས་པོ་མེད་པའི་བར་གྱི་ཚིག་བླ་དགས་མི་དམིགས་པར། ཕུང་པོའི་སྐབས་སུ་ཇི་སྐད་བསྟན་པ་དེ་བཞིན་དུ་སྦྱར་བར་བྱ་སྟེ། དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བཅུ་པ་ལས། བྱང་ཆུབ་སེམས་དཔའི་ཚིག་བླ་དགས་ཀྱི་ལེའུ་ཞེས་བྱ་སྟེ་ལྔ་པ་རྫོགས་སོ།། །། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། བྱང་ཆུབ་སེམས་དཔའ་ཞེས་བགྱི་བའི་ཆོས་དེ་བདག་གིས་ཡང་དག་པར་རྗེས་སུ་མི་མཐོང་ངོ་ཞེས་དེ་སྐད་ཟེར་བ་ཡང་། ཤཱ་ར་དྭ་ཏིའི་བུ་ཆོས་ཀྱིས་ཆོས་ཡང་དག་པར་རྗེས་སུ་མི་མཐོང་ངོ་། ། ཤཱ་ར་དྭ་ཏིའི་བུ་ཆོས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ་།། གཟུགས་ཀྱི་ཁམས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ་། ། ཆོས་ཀྱི་དབྱིངས་ཀྱིས་ཀྱང་གཟུགས་ཀྱི་ཁམས་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་ཆོས་ཀྱི་དབྱིངས་ཀྱིས་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་ངོ་། ། རྣམ་པར་ཤེས་པའི་ཁམས་ཀྱི་བར་གྱིས་ཀྱང་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ་།། ཤཱ་ར་དྭ་ཏིའི་བུ་མིག་གི་ཁམས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ་། ། ཆོས་ཀྱི་དབྱིངས་ཀྱིས་ཀྱང་མིག་གི་ཁམས་ཡང་དག་པར་རྗེས་སུ་མི་མཐོང་ངོ་།། དེ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་གྱིས་ཆོས་ཀྱི་དབྱིངས་ཡང་དག་པར་རྗེས་སུ་མི། མཐོང་ངོ་།། ཆོས་ཀྱི་དབྱིངས་ཀྱིས་ཀྱང་ཡིད་ཀྱི་ཁམས་ཡང་དག་པར་རྗེས་སུ་མི་མཐོང་ངོ་།། མིག་གི་རྣམ་པར་ཤེས་པའི་ཁམས་ཀྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ་།། ཆོས་ཀྱི་དབྱིངས་ཀྱིས་ཀྱང་མིག་གི་རྣམ་པར་ཤེས་པའི་ཁམས་ཡང་དག་པར་རྗེས་སུ་མི་མཐོང་ངོ་། ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ངོ་།། ཆོས་ཀྱི་དབྱིངས་ཀྱིས་ཀྱང་ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡང་དག་པར་རྗེས་སུ་མི་མཐོང་ངོ་། ། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་འདུས་བྱས་ཀྱི་ཁམས་ཀྱིས་འདུས་མ་བྱས་ཀྱི་ཁམས་ཡང་དག་པར་རྗེས་སུ་མི་མཐོང་ལ། འདུས་མ་བྱས་ཀྱིས་ཀྱང་འདུས་བྱས་ཀྱི་ཁམས་ཡང་དག་པར་རྗེས་སུ་མི་མཐོང་བའི་ཕྱིར་རོ།། ཤཱ་ར་དྭ་ཏིའི་བུ་འདུས་བྱས་ཀྱི་ཁམས་མ་གཏོགས་པར་འདུས་མ་བྱས་ཀྱི་ཁམས་ཡང་དག་པར་གདགས་པར་མི་ནུས་ལ། འདུས་མ་བྱས་ཀྱི་ཁམས་མ་གཏོགས་པར་ཡང་འདུས་མ་བྱས་ཀྱི་ཁམས་གདགས་པར་མི་ནུས་སོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདསག་དེ་ཆོས་ཀྱི་ཆོས་ཡང་དག་པར་རྗེས་སུ་མི་མཐོང་ལ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱིས་ཆོས་ཀྱི་དབྱིངས་ཡང་དག་པར་རྗེས་སུ་མི་མཐོང་ལགས་མོད་ཀྱི། འོན་ཀྱང་བཙུན་པ་བཅོམ་ལྡན་འདས་བྱང་ཆུབ་སེམས་དཔའ་བྱང་ཆུབ་སེམས་དཔའ་ཞེས་བགྱི་བ་དེའི་གཞིའི་དོན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏཱིའི་བུ་བྱང་ཆུབ་སེམས་དཔའི་གཞིའི་དོན་ནི་མེད་པའི་དོན་ཏོ། ། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་བྱང་ཆུབ་སེམས་དཔའི་གཞིའི་དོན་གྱི་བདག་ཉིད་མེད་པའི་ཕྱིར་ཏེ། དེ་ལྟ་བས་ན་བྱང་ཆུབ་སེམས་དཔའི་གཞིའི་དོན་ནི་གཞི་མེད་པའི་དོན་ཏོ། ། ཤཱ་ར་དྭ་ཏིའི་བུ་དཔེར་ན་ནམ་མཁའ་ལ་བྱ་རྣམས་ཀྱི་རྗེས་མེད་དོ།། དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏཱིའི་བུ་དཔེར་ན་རྨ་ལམ་ལ་གཞི་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་སྒྱུ་མ་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུ་དཔེར་ན་སྨིག་རྒྱུ་ལ་གཞིའི་དོན་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ།། དེ་བཞིན་དུ་བྲག་ཆ་དང་། མིག་ཡོར་དང་། ཆུ་ཟླ་དང་། དེ་བཞིན་གཤེགས་པའི་སྤྲུལ་པ་ལ་གཞིའི་དོན་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་དེ་བཞིན་ཉིད་ལ་གཞི་མེད་དོ།། དེ་བཞིན་དུ་མ་ནོར་བ་དེ་བཞིན་ཉིད་དང་། ཆོས་ཉིད་དང་། ཆོས་ཀྱི་དབྱིངས་དང་། ཆོས་སྐྱོན་མེད་པ་ཉིད་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ།། ར་དྭ་ཏིའི་བུ་དཔེར་ན་ཡང་དག་པའི་མཐའ་ལ་གཞིའི་དོན་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་སྒྱུ་མའི་སྐྱེས་བུའི་གཟུགས་ཀྱི་ཕུང་པོ་ལ་གཞི་མེད་དོ། ། དེ་བཞིན་དུ་ཚོར་བའི་ཕུང་པོ་དང་། འདུ་ཤེས་ཀྱི་ཕུང་པོ་དང་། འདུ་བྱེད་ཀྱི་ཕུང་པོ་དང་། རྣམ་པར་ཤེས་པའི་ཕུང་པོ་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱུང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུ་དཔེར་ན་སྒྱུ་མའི་སྐྱེས་བུའི་མིག་ལ་གཞི་མེད་དོ།། དེ་བཞིན་དུ་ཡིད་ཀྱི་བར་ལ་གཞི་མེད་དོ།། དེ་བཞིན་དུ་སྦྱར་ཏེ། གཟུགས་ཀྱི་སྐྱེ་མཆེད་ལ་གཞི་མེད་པ་ནས། ཆོས་ཀྱི་སྐྱེ་མཆེད་ཀྱི་བར་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་སྒྱུ་མའི་སྐྱེས་བུ་ནང་སྟོང་པ་ཉིད་ལ་སྤྱོད་པ་ལ་གཞི་མེད་དོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། དེ་བཞིན་དུ་སྦྱར་ཏེ། སྒྱུ་མའི་སྐྱེས་བུ་དངོས་པོ་མེད་པའི་ངོབོ་ཉིད་སྟོང་པ་ཉིད་ཀྱི་བར་ལ་སྤྱོད་པ་ལ་གཞི་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་བྱང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུ་དཔེར་ན་སྒྱུ་མའི་སྐྱེས་བུ་དེ་བཞིན་གཤེགས་པའི་སྟོབས་བཅུ་ལ་སྤྱོད་པ་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བྱང་ཆུབ་སེམས་དཔའི་གཞིའི་དོན་མེད་དོ། ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་པ་ལ་གཞི་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གཟུགས་ལ་གཞིའི་དོན་མེད་དོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པ་ལ་གཞིའི་དོན་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན། མེད་དོ།། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་མིག་ལ་གཞིའི་དོན་མེད་དོ།། དེ་བཞིན་དུ་ཡིད་ཀྱི་བར་ལ་གཞིའི་དོན་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནང་སྟོང་པ་ཉིད་ལ་སྤྱོད་པ་ལ་གཞིའི་དོན་མེད་དོ། ། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སྤྱོད་པ་ལ་གཞིའི་དོན་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དྲན་པ་ཉོ་བར་གཞག་པ་ལ་གཞིའི་དོན་མེད་དོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་གཞིའི་དོན་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུང་དཔེར་ན་འདུས་བྱས་ཀྱི་ཁམས་ལ་འདུས་མ་བྱས་ཀྱི་ཁམས་ཀྱི་གཞི་མེད་དོ།། འདུས་མ་བྱས་ཀྱི་ཁམས་ལ་འདུས་བྱས་ཀྱི་ཁམས་ཀྱི་གཞིའི་དོན་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་སྐྱེ་བ་མེད་པ་ལ་གཞི་མེད་དོ། ། དེ་བཞིན་དུ་འགག་པ་མེད་པ་དང་། མངོན་པར་འདུ་བྱ་བ་མེད་པ་དང་། འབྱུང་བ་མེད་པ་དང་། དམིགས་སུ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གང་གི་སྐྱེ་བ་མ་མཆིས་པ་ལ་གཞི་མ་མཆིས་པ་ལགས། གང་གི་ཀུན་ནས་ཉོན་མོངས་པ་མ་མཆིས་པའི་བར་ལ་གཞི་མ་མཆིས་པ་ལགས། གང་གི་རྣམ་པར་བྱང་བ་མ་མཆིས་པའི་བར་ལ་གཞི་མ་མཆིས་པ་ལགས། བཅོམ་ལྡན་འདས་ཀྱི་བཀའ་སྩལ་པ། ཤཱ་ར་དྭ་ཏིའི་བུ་གཟུགས་ཀྱི་སྐྱེ་བ་མེད་པ་ལ་གཞི་མེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྐྱེ་བ་མེད་པ་ལ་གཞི་མེད་དོ།། དེ་བཞིན་དུ་སྦྱར་ཏེ། གཟུགས་ཀྱི་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པའི་བར་ལ་གཞི་མེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ།། ཤཱ་ར་དྭ་ཏིའི་བུ་མིག་གི་སྐྱེ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་ཀྱི་སྐྱེ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ།། ། དེ་བཞིན་དུ་སྦྱར་ཏེ། ཡིད་ཀྱི་བར་གྱི་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ།། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱི་སྐྱེ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ཀྱི་སྐྱེ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་བར་བྱང་བ་མེད་པ་ལ་གཞི་མེད་དོ། ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་སྐྱེ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ།། ། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པའི་སྟོབས་བཅུའི་སྐྱེ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་སྐྱེ་བ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་ལ་གཞི་མེད་དོ།། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་པ་ཡིན་ནོ། ། ཤཱ་ར་དྭ་ཏིའི་བུ་དཔེར་ན་དྲན་པ་ཉེ་བར་གཞག་པ་རྣམས་ཤིན་ཏུ་རྣམ་པར་དག་པ་ལ་གཞི་མེད་དོ། ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ཤིན་ཏུ་རྣམ་པར་དག་པ་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་བོཔོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། ། །། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བཅུ་པ་ལས་བམ་པོ་དྲུག་པ།། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པའི་སྟོབས་བཅུ་ཤིན་ཏུ་རྣམ་པར་དག་པ་ལ་གཞི་མེད་དོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཤིན་ཏུ་རྣམ་པར་དག་པ་ལ་གཞི་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་བདག་མེད་པ་ཉིད་ཀྱི་ཕྱིར། བདག་ཤིན་ཏུ་རྣམ་པར་དག་པ་ལ་གཞི་མེད་དོ།། དེ་བཞིན་དུ་སྦྱར་ཏེ། ཤེས་པ་པོ་དང་། མཐོང་བ་པོའི་བར་དུ་མེད་པའི་ཕྱིར། སེམས་ཅན་དང་། སྲོག་དང་། གསོ་བ་དང་། གང་ཟག་དང་། ཤེད་ལས་སྐྱེས་དང་། ཤེད་བུ་དང་། བྱེད་དུ་འཇུག་པ་པོ་དང་། བྱེད་པ་པོ་དང་། སློང་བ་པོ་དང་། ཀུན་ནས་སློང་བ་པོ་དང་། ཚོར་བ་པོ་དང་། ཚོར་བར་བྱེད་པ་པོ་དང་། ཤེས་པ་པོ་དང་། མཐོང་བ་པོ་རྣམས་ཤིན་ཏུ་རྣམ་པར་དག་པ་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུ་དཔེར་ན་ཉི་མའི་དཀྱིལ་འཁོར་ཤར་བ་ལ་མུན་པའི་གཞི་མེད།། དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་བསྲེག་པའི་བསྐལ་པ་བྱུང་བ་ན་འདུ་བྱེད་དུ་གཏོགས་པ་ཐམས་ཅད་ཀྱི་གཞི་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ། ། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཚུལ་ཁྲིམས་ཀྱི་ཕུང་པོ་ལ་འཆལ་པའི་ཚུལ་ཁྲིམས་ཀྱི་གཞི་མེད་དོ། ། དེ་བཞིན་དུ་ཏིང་ངེ་འཛིན་གྱི་ཕུང་པོ་ལ་སེམས་རྣམ་པར་གཡེང་བའི་གཞི་མེད་དོ།། དེ་བཞིན་དུ་ཤེས་རབ་ཀྱི་ཕུང་པོ་ལ་འཆལ་པའི་ཤེས་རབ་ཀྱི་གཞི་མེད་དོ།། དེ་བཞིན་དུ་རྣམ་པར་གྲོལ་བའི་ཕུང་པོ་ལའང་རྣམ་པར་མ་གྲོལ་བའི་གཞི་མེད་དོ།། དེ་བཞིན་དུ་རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་ལའང་རྣམ་པར་གྲོལ་བའི་ཡེ་ཤེས་མཐོང་བ་མ་ཡིན་པའི་གཞི་མེད་དོ། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའི་གཞིའི་དོན་མེད་དོ།། ཤཱ་ར་དྭ་ཏིའི་བུ་དཔེར་ན་དེ་བཞིན་གཤེགས་པའི་འོད་དང་། ཟླ་བ་དང་ཉི་མའི་འོད་ལ་གཞི་མེད་དོ།། དེ་བཞིན་སྦྱར་ཏེ། སུམ་ཅུ་རྩ་གསུམ་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་། དེ་བཞིན་དུ་ཚངས་རིས་ནས། གཙང་མའི་བར་གྱི་ལྷ་རྣམས་ཀྱི་འོད་ལ་གཞི་མེད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་བྱང་ཆུབ་སེམས་དཔའ་གཞིའི་དོན་མེད་དོ། ། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་བྱང་ཆུབ་གང་ཡིན་པ་དང་། བྱང་ཆུབ་སེམས་དཔའི་གཞིའི་དོན་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིནི། མི་ལྡན་པའང་མ་ཡིན། གཟུགས་མེད་པ།། བསྟན་དུ་མེད་པ་སྟེ།། འདི་ལྟ་སྟེ། མཚན་ཉིད་མེད་པར་མཚན་ཉིད་གཅིག་པ་ཡིན་པས། ཤཱ་ར་དྭ་ཏིའི་བུ་བྱང། ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ལ་མ་ཆགས་པར་བསླབ་པར་བྱའོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གལ་ཏེ་བྱང་ཆུབ་གང་ལགས་པ་དང་། བྱང་ཆུབ་སེམས་དཔའི་གཞིའི་དོན་གང་ལགས་པའི་ཆོས་དེ་དག་ཐམས་ཅད་ནི་ལྡན་པའང་མ་ལགས། མི་ལྡན་པའང་མ་ལགས།། ། གཟུགས་མ་མཆིས་པ། བསྟན་དུ་མ་མཆིས་པ། ཐོགས་པ་མ་མཆིས་པ། འདི་ལྟ་སྟེ། མཚན་ཉིད་མ་མཆིས་པར་མཚན་ཉིད་གཅིག་པ་ལགས་ན། འོ་ན་ལ་ལ་ཞིག་འདི་སྐད་དུ་འདྲི་སྟེ། གལ་ཏེ་ཆོས་ཐམས་ཅད་ལྡན་པའང་མ་ཡིན། མི་ལྡན་པའང་མ་ཡིན། གཟུགས་མེད་པ། བསྟན་དུ་མེད་པ། ཐོགས་པ་མེད་པ། འདི་ལྟ་སྟེ། མཚན་ཉིད་མེད་པར་མཚན་ཉིད་གཅིག་པ་ཡིན་ན། ཅི་སྒྱུ་མའི་སྐྱེས་བུ་འདི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ་ཞེས་དེ་སྐད་དྲིས་ན། དེ་ལ་བདག་གིས་ལན་ཇི་སྐད་གདབ་པར་བགྱི། དེ་བཞིན་དུ་ཅི་སྒྱུ་མའི་སྐྱེས་བུ་འདི་བསམ་གཏན་གྱི་ཕ་རོལ་ཏུ་ཕྱིན་པ་ལ་བསླབས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་བསླབས་བཟོད་པའི་ཕ་རོལ་ཏུ་ཕྱིན་པ་ལ་བསྒྲུབས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་བསླབས། སྦྱིན་པའི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འགྱུར་བར་འགྱུར་རམ། ། དེ་བཞིན་དུ་ཅི་སྒྱུ་མའི་སྐྱེས་བུ་འདི་དྲན་པ་ཉེ་བར་གཞག་པ་རྣམས་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། དེ་བཞིན་དུ་སྦྱར་ཏེ། ཅི་སྒྱུ་མའི་སྐྱེས་བུ་འདི་འཕགས་པའི་ལམ་ཡན་ལག་བརྒྱད་པའི་བར་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། དེ་བཞིན་དུ་སྦྱར་ཏེ། ཅི་སྒྱུ་མའི་སྐྱེས་བུ་འདི་དེ་བཞིན་གཤེགས་པའི་སྟོབས་བཅུ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། དེ་བཞིན་དུ་སྦྱར་ཏེ། ཅི་སྒྱུ་མའི་སྐྱེས་བུ་འདི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ་ཞེས་བགྱི་བ་ནས། ཅི་སྒྱུ་མའི་སྐྱེས་བུ་འདི་ཐམས་ཅད་མཁྱེན་པའི་ཡེ་ཤེས་ལ་བསླབས། ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ་ཞེས་དྲིས་ན། བཙུན་པ་བཅོམ་ལྡན་འདས་དེ་ལ་བདག་གིས་ལན་ཇི་སྐད་གདབ་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་དེའི་ཕྱིར་ཁྱོད་ཉིད་ལ་དྲིས་ཁྱོད་ཀྱིས་ཇི་ལྟར་བཟོད་པ་དེ་ལྟར་ལན་ཐོབ་ཅིག་ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གཟུགས་ཀྱང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དྲན་པ་ཉེ་བར་གཞག་པ་རྣམས་ཀྱང་གཞན་ལ། སྒྱུ་མའང་གཞན་ཞིག་ཡིནི་སྙམ་མམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ཡང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་གཤེགས་པའི་སྟོབས་བཅུའང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་གཞན་ལ། སྒྱུ་མའང་གཞན། སྟོང་པ་ཉིད་ཀྱང་གཞན་ལ། སྒྱུ་མའང་གཞན། མཚན་མ་མེད་པའང་གཞན་ལ། སྒྱུ་མའང་གཞན། སྨོན་པ་མེད་པའང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། བྱང་ཆུབ་ཀྱང་གཞན་ལ། སྒྱུ་མའང་གཞན་ཞིག་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ། ། དེ་ལྟར་ན་གཟུགས་ཀྱང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་གཟུགས་ཡིན་ལ། གཟུགས་ཉིད་སྒྱུ་མ་ཡིན་ནོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་གཞན་ལ། སྒྱུ་མའང་གཞན་མ་ཡིན་ཏེ། རྣམ་པར་ཤེས་པ་ཉིད་སྒྱུ་མ་ཡིན་ལ། སྒྱུ་མ་ཉིད་རྣམ་པར་ཤེས་པ་ཡིན་ནོ།། དེ་བཞིན་དུ་མིག་ཀྱང་གཞན་ལ། སྒྱུ་མའང་གཞན་མ་ཡིན་ཏེ། མིག་ཉིད་སྒྱུ་མ་ཡིན་ལ། སྒྱུ་མ་ཉིད་མིག་ཡིན་ནོ།། དེ་བཞིན་དུ་ཡིད་ཀྱི་བར་དང་།། དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་ཡང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ཡིན་ལ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་སྒྱུ་མ་ཡིན་ནོ།། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ཡང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ཡིན་ལ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་སྒྱུ་མ་ཡིན་ནོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ཀྱང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིང་དྲན་པ་ཉེ་བར་གཞག་པ་ཡིན་ལ། དྲན་པ་ཉེ་བར་གཞག་པ་རྣམས་ཉིད་སྒྱུ་མ་ཡིན་ནོ།། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུའང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་འཕགས་པའི་ལམ་ཡན་ལག་བརྒྱུད་པ་ཡིན་ལ། འཕགས་པའི་ལམ་ཡན་ལག་བརྒྱད་པ་ཉིད་སྒྱུ་མ་ཡིན་ནོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུའང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་དེ་བཞིན་གཤེགས་པའི་སྟོབས་བཅུ་ཡིན་ལ། དེ་བཞིན་གཤེགས་པའི་སྟོབས་བཅུ་སྒྱུ་མ་ཡིན་ནོ།། དེ་བཞིན་དུ་རྣམ་པར་ཐར་པའི་སྒོ་རྣམས་ཀྱང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་རྣམ་པར་ཐར་པའི་སྒོ་རྣམས་ཡིན་ལ། རྣམ་པར་ཐར་པའི་སྒོ་རྣམས་ཉིད་སྒྱུ་མ་ཡིན་ནོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་གཞན་ལ། སྒྱུ་མའང་གཞན་མ་ཡིན་ཏེ། སྒྱུ་མ་ཉིད་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡིན་ལ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཉིད་སྒྱུ་མ་ཡིན་ནོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། འོ་ན་སྒྱུ་མ་དེ་ལ་ཀུན་ནས་ཉོན་མོངས་པ་འམ་རྣམ་པར་བྱང་བ་དམིགས་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། འོ་ན་སྒྱུ་མ་ལ་སྐྱེ་བ་འམ། འགག་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གང་ལ་ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་དང་། སྐྱེ་བ་མེད་པ་དང་། འགག་པ་མི་སྣང་བ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འགྱུར་སྙམ་མམ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྗེས་སུ་ཐོབ་པར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། འདི་ལྟ་སྟེ། བྱང་ཆུབ་སེམས་དཔའ་ཞེས་བྱ་བའི་མིང་དང་བརྡ་དང་། གདགས་པ་དང་། ཐ་སྙད་འདི་ཉེ་བར་ལེན་པའི་ཕུང་པོ་ལྔ་པོ་རྣམས་ལ་འདོགས་སམ། གསོལ་པ། བཙུན་པ་བཅོམ་ལྡན་འདས་དེ་དེ་ལྟ་ལགས་སོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། གང་ལ་མིང་མེད་པ་དང་། བརྡ་མེད་པ་དང་། བཏགས་པ་མེད་པ་དང་། ཐ་སྙད་མེད་པ་དང་། མིང་དུ་གདགས་པ་མེད་པ་དང་། ལུས་མེད་པ་དང་། ལུས་ཀྱི་ལས་མེད་པ་དང་། ངག་མེད་པ་དང་། ངག་གི་ལས་མེད་པ་དང་། ཡིད་མེད་པ་དང་། ཡིད་ཀྱི་ལས་མེད་པ་དང་། སྐྱེ་བ་མེད་པ་དང་། འགག་པ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་མི་དམིགས་པའི་ཚུལ་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རོ།། དེ་སྐད་ཅེས་བཀའ་སྩལ་པ་དང་།། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འབྱུང་བར་འཚལ་བས། རྟག་ཏུ་སྒྱུ་མའི་སྐྱེས་བུ་ལྟར་བསླབ་པར་བགྱི་ལགས་སོ། ། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་འདི་ལྟར་འདི་ལྟ་སྟེ། ཉེ་བར་ལེན་པའི་ཕུང་པོ་ལྔ་པོ་དག་སྒྱུ་མའི་སྐྱེས་བུར་རིག་པར་བགྱི་བའི་སླད་དུའོ།། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། འོ་ན་ཉེ་བར་ལེན་པའི་ཕུང་པོ་ལྔ་པོ་འདི་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་འདི་ལྟར་ཕུང་པོ་ལྔ་པོ་དག་ནི་དངོས་པོ་མ་མཆིས་པའི་ངོ་བོ་ཉིད་ལགས་ལ། དངོས་པོ་མ་མཆིས་པའི་ངོ་བོ་ཉིད་དེའང་དམིགས་སུ་མ་མཆིས་པའི་སླད་དུའོ། ། བཀའ་སྩལ་པ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། རྨི་ལམ་ལྟ་བུའི་ཉེ་བར་ལེན་པའི་ཕུང་པོ་ལྔ་པོ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསལ་པ། བཙུན་པ་བཅོམ་ལྡན་འདས་མ་ལགས་སོ། ། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་འདི་ལྟར་རྨི་ལམ་ནི་དངོས་པོ་མ་མཆིས་པའི་ངོ་བོ་ཉིད་ལགས་ལ། དངོས་པོ་མ་མཆིས་པའི་ངོ་བོ་ཉིད་དེའང་དམིགས་སུ་མ་མཆིས་པའི་སླ་དུའོ། ། བཀའ་སྩལ་པ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཕུང་པོ་ལྔ་པོ་དག་བྲག་ཆ་ལྟ་བུ་ཡིན་སྙམ་མམ། དེ་བཞིན་དུ་མིག་ཡོར་ལྟ་བུ་དང་། སྨིག་རྒྱུ་ལྟ་བུ་དང་། སྤྲུལ་པ་ལྟ་བུ་ཡིན་སྙམ་མམ། གསོལ་པ། བཙུན་པ་བཅོམ་ལྡན་འདས་དེ་ལྟ་ལགས་སོ།། བཀའ་སྩལ་པ། ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། ཅི་ཕུང་པོ་ལྔ་པོ་འདི་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་འདི་ལྟར་གཟུགས་ནི་སྒྱུ་མ་ལྟ་བུ་ལགས་ཤིང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་སྒྱུ་མ་ལྟ་བུ་ལགས་ལ། རྣམ་པར་ཤེས་པ་གང་ལགས་པ་དེ་ནི་དབང་པོ་དྲུག་ལགས་ལ།། དབང་པོ་དྲུག་གང་ལགས་པ་དེ་ནི་ཉེ་བར་ལེན་པའི་ཕུང་པོ་ལྔ་པོ་རྣམས་ལགས་པའི་སླད་དུའོ།། བཙུན་པ་བཅོམ་ལྡན་འདས་གཟུགས་ནི་རྨི་ལམ་ལྟ་བུ་ལགས་ལ། དེ་བཞིན་དུ་ཚོར་བ་དང་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གང་ལགས་པ་དེ་ནི་རྨི་ལམ་ལྟ་བུ་ལགས་ཏེ། རྣམ་པར་ཤེས་པ་གང་ལགས་པ་དེ་ནི་དབང་པོ་དྲུག་ལགས་ལ། དབང་པོ་དྲུག་གང་ལགས་པ་དེ་ནི་ཉེ་བར་ལེན་པའི་ཕུང་པོ་དག་ལགས་ཏེ། དེ་དག་ཀྱང་ནང་སྟོང་པ་ཉིད་ལ་མི་དམིགས། དངོས་པོ་མེད་པའི་ངོ་བོ་ཉིད་ཀྱི་སྟོང་པ་ཉིད་ཀྱི་བར་ལའང་མི་དམིགས་ལགས་སོ།། བཙུན་པ་བཅོམ་ལྡན་འདས་འོ་ན་བྱང་ཆུབ་སེམས་དཔའ་ཐེག་པ་ལ་གསར་དུ་ཞུགས་པས། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ན་སྐྲག་ཅིང་དངངས་ལ་དངང་བར་མི་འགྱུར་ལགས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་ཧཱ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ལ་གསར་དུ་ཡང་དག་པར་ཞུགས་པ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་མཁས་པའང་མ་ཡིན། དགེ་བའི་བཤེས་གཉེན་གྱི་ལག་ཏུ་འོངས་པའང་མ་ཡིན་ན། སྐྲག་ཅིང་དངང་ལ་དངང་བར་འགྱུར་རོ།། གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་སྤྱད་པ་གང་ལ་སྤྱོད་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ནས་མི་སྐྲག་མི་དངང་ཞིང་། དངང་བར་མི་འགྱུར་བའི་ཐབས་ལ་མཁས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་གཟུགས་མི་རྟག་ཅེས་བྱ་བའི་རྣམ་པར་སོ་སོར་རྟོག་སྟེ། དེའང་མི་དམིགས་ལ། དེ་བཞིན་དུ་རྣམ་པ་ཐམས་ཅད་མཁྱེན་པོ་ཉིད་དང་ལྡན་པའི་སེམས་ཀྱིས། ཚོར་བ་དང་། འདུ་ཤེས་དང་། བྱེད་རྣམས་དང་། རྣམ་པར་ཤེས་པ་མི་རྟག་ཅེས་བྱ་བའི་རྣམ་པར་སོ་སོར་རྟོག་སྟེ། དེའང་མི་དམིགས་པ་སྟེ། ཤཱ་ར་དྭ་ཏིའི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས། གཟུགས་སྡུག་བསྔལ་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྡུག་བསྔལ་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་སྦྱར་ཏེ། གཟུགས་བདག་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདག་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས།། གཟུགས་སྟོང་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་པའི་རྣམ་པར་སོ་སོར་རྟོག་སྟེ། དེའང་མ་དམིགས། གཟུགས་མཚན་མ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཚན་མ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་སྨོན་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྨོན་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་ཞི་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞི་བའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་དབེན་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དབེན་པའི་རྣམ་པར་སོ་སོར་རྟོག་སྟེ། དེའདྲ་མི་དམིགས། གཟུགས་རྣམ་པར་བྱང་བའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་བྱང་བའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་སྐྱེ་བ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་འགག་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འགག་པ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། གཟུགས་དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་ཡིན་ནོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དེ་ལྟར་སོ་སོར་རྟོག་ཅིང་། གང་གི་ཚེ་སེམས་ཅན་ཐམས་ཅད་ལ་གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་མི་རྟག་ཅེས་བྱ་བར་ཆོས་སྟོང་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་སྡུག་བསྔལ་ཞེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་བདག་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་སྟོང་ཞེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་མཚན་མ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་སྟོན་པ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་ཞི་ཞེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་དབེན་ཞེས་བྱ་བ་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་སྐྱེ་བ་མེད་ཅེས་བྱ་བར་ཆོས་སྟོན་ཅིང་།། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་འགག་པ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་དངོས་པོ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དེ་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཉན་ཐོས་དང་རང་སངས་རྒྱས་དང་ལྡན་པའི་ཡིད་ལ་བྱེད་པ་དང་བྲལ་བ་དག་གིས། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་མི་རྟག་ཅེས་བྱ་བར་ཡང་ཡིད་ལ་མི་བྱེད་དེ། དེའང་མི་དམིགས་པའི་ཚུལ་གྱིས་སོ།། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་སྡུག་བསྔལ་ཞེས་བྱ་བར་ཡིད་ལ་མི་བྱེད་དེ། དེའང་མི་དམིགས་པའི་ཚུལ་གྱིས་སོ།། དེ་བཞིན་དུ་སྦྱར་ཏེ། ཉན་ཐོས་དང་རང་སངས་རྒྱས་དང་ལྡན་པའི་ཡིད་ལ་བྱེད་པ་དང་བྲལ་བ་དག་གིས་གཟུགས་བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བའི་བར་དུ་ཡིད་ལ་མི་བྱེད་དེ། དེའང་མི་དམིགས་པའི་ཚུལ་གྱིས་སོ།། དེ་བཞིན་དུ་ཉན་ཐོས་དང་རང་སངས་རྒྱས་ཀྱི་ཡིད་ལ་བྱེད་པ་དང་མི་ལྡན་པ་དག་གིས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བར་ཡིད་ལ་མི་བྱེད་ཅིང་། དེའང་མི་དམིགས་པའི་ཚུལ་གྱིས་ཏེ། ཤཱ་ར་ཏྣ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚུལ་ཁྲིམས་ཀྱི་རོལ་ཏུ་ཕྱིན་པ་ལ་མཆོག་ཏུ་འཛིན་པ་མེད་པ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་རྟག་པའི་རྣམ་པ་དང་། སྡུག་བསྔལ་བའི་རྣམ་པ་དང་། བདག་མེད་པའི་རྣམ་པ་དང་། སྟོང་པའི་རྣམ་པ་དང་མཚན་མ་མེད་པའི་རྣམ་པ་དང་། སྨོན་པ་མེད་པའི་རྣམ་པ་དང་། ཞི་བའི་རྣམ་པ་དང་། དབེན་པའི་རྣམ་པ་དང་། རྣམ་པར་བྱང་བའི་རྣམ་པ་དང་། སྐྱེ་བ་མེད་པའི་རྣམ་པ་དང་། འགག་པ་མེད་པའི་རྣམ་པ་དང་། དངོས་པོ་མེད་པའི་རྣམ་པར་སོ་སོར་རྟོག་ཅིང་བཟོད་ལ་འདོད་པ་གང་ཡིན་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་མི་འཁྲུག་པའི་བཟོད་པའི་ཕ་རོལ་ཏུ་ཕྱིན་པ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་གིས། གཟུགས་ལ་མི་རྟག་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་གནས་པ་དེ་བཞིན་དུ་སྡུག་བསྔལ་བའི་རྣམ་པ་དང་། བདག་མེད་པའི་རྣམ་པ་དང་། སྟོང་པའི་རྣམ་པ་དང་། མཚན་མ་མེད་པའི་རྣམ་པ་དང་། སྨོན་པ་མེད་པའི་རྣམ་པ་དང་། ཞི་བའི་རྣམ་པ་དང་། དབེན་པའི་རྣམ་པ་དང་། རྣམ་པར་བྱང་བའི་རྣམ་པ་དང་། སྐྱེ་བ་མེད་པའི་རྣམ་པ་དང་། འགག་པ་མེད་པའི་རྣམ་པ་དང་། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་སོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་རྟག་པའི་རྣམ་པ་དང་། སྡུག་བསྔལ་བའི་རྣམ་པ་དང་། བདག་མེད་པའི་རྣམ་པ་དང་། སྟོང་པའི་རྣམ་པ་དང་། མཚན་མ་མེད་པའི་རྣམ་པ་དང་། སྨོན་པ་མེད་པའི་རྣམ་པ་དང་། ཞི་བའི་རྣམ་པ་དང་། དབེན་པའི་རྣམ་པ་དང་། རྣམ་པར་བྱང་བའི་རྣམ་པ་དང་། སྐྱེ་བ་མེད་པའི་རྣམ་པ་དང་། འགག་པ་མེད་པའི་རྣམ་པ་དང་། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་རྟོག་ལ། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པའི་བརྩོན་པ་མི་འདོར་བ་གང་ཡིན་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། གཟུགས་ལ་མི་རྟག་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་སོ།། དེ་བཞིན་དུ་སྡུག་བསྔལ་བའི་རྣམ་པ་དང་། བདག་མེད་པའི་རྣམ་པ་དང་། སྟོང་པའི་རྣམ་པ་དང་། མཚན་མ་མེད་པའི་རྣམ་པ་དང་། སྨོན་པ་མེད་པའི་རྣམ་པ་དང་། ཞི་བའི་རྣམ་པ་དང་། དབེན་པའི་རྣམ་པ་དང་། རྣམ་པར་བྱང་བའི་རྣམ་པ་དང་། སྐྱེ་བ་མེད་པའི་རྣམ་པ་དང་། འགག་པ་མེད་པའི་རྣམ་པ་དང་། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་སོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་རྟག་པའི་རྣམ་པ་དང་། སྡུག་བསྔལ་བའི་རྣམ་པ་དང་། བདག་མེད་པའི་རྣམ་པ་དང་།། སྟོང་པའི་རྣམ་པ་དང་། མཚན་མ་མེད་པའི་རྣམ་པ་དང་། སྨོན་པ་མེད་པའི་རྣམ་པ་དང་། ཞི་བའི་རྣམ་པ་དང་། དབེན་པའི་རྣམ་པ་དང་། རྣམ་པར་བྱང་བའི་རྣམ་པ་དང་། སྐྱེ་བ་མེད་པའི་རྣམ་པ་དང་། འགག་པ་མེད་པའི་རྣམ་པ་དང་། དངོས་པོ་མེད་པའི་རྣམ་པར་སོ་སོར་རྟོག་སྟེ། དེའང་མི་དམིགས་པའི་ཚུལ་གྱིས་རྟོག་པ་དང་། ཉན་ཐོས་དང་རང་སངས་རྒྱས་དང་ལྡན་པའི་ཡིད་ལ་བྱེད་པ་དག་དང་། མ་དགེ་བའི་རྩ་བ་གང་དག་བླ་ན་མེད་པ་ཡང་དག་པར་རྫོགས་པའ་བྱང་ཆུབ་ཀྱི་བར་ཆད་བྱེད་པ་དག་གི་སྐབས་མི་འབྱེད་པ་དེ་ན། ཤཱ་ར་དྭ་ཏིའི་དུབུདུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བསམ་གཏན་གྱི་ཕ་རོལ་ཏུ་ཕྱིན་པ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། འདི་ལྟར་སོ་སོར་རྟོག་སྟེ། གཟུགས་ཀྱི་སྟོང་པ་ཉིད་ཀྱིས་གཟུགས་སྟོང་པ་མ་ཡིན་ཏེ། གཟུགས་ཉིད་ཀྱང་སྟོང་པ་ཉིད་དོ། ། སྟོང་པ་ཉིད་ཀྱང་གཟུགས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྟོང་པ་ཉིད་ཀྱིས་རྣམ་པར་ཤེས་པ་སྟོང་པ་མ་ཡིན་ཏེ། རྣམ་པར་ཤེས་པ་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་རྣམ་པར་ཤེས་པའོ།། དེ་བཞིན་དུ་མིག་གི་སྟོང་པ་ཉིད་ཀྱིས་མིག་སྟོང་པ་མ་ཡིན་ཏེ། མིག་ཉིད་ཀྱང་སྟོང་པ་ཉིད་དོ། ། སྟོང་པ་ཉིད་ཀྱང་མིག་གོ།། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་སྟོང་པ་ཉིད་ཀྱིས་ཡིད་སྟོང་པ་མ་ཡིན་ཏེ། ཡིད་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་ཡིད་དོ། ། དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་སྟོང་པ་ཉིད་ཀྱིས་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་སྟོང་པ་མ་ཡིན་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་ཀྱང་སྟོང་པ་ཉིད་དོ། ། སྟོང་པ་ཉིད་ཀྱང་མིག་གི་འདུས་ཏེ་རེག་པའི་རྐྱེན་གྱིས་ཚོར་བའོ།། དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་སྟོང་པ་ཉིད་ཀྱིས་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་སྟོང་པ་མ་ཡིན་ཏེ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བ་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའོ།། དེ་བཞིན་དུ་དྲན་པ་ཉེ་བར་གཞག་པའི་སྟོང་པ་ཉིད་ཀྱིས་དྲན་པ་ཉེ་བར་གཞག་པ་རྣམས་སྟོང་པ་མ་ཡིན་ཏེ། དྲན་པ་ཉེ་བར་གཞག་པ་རྣམ་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་དྲན་པ་ཉེ་བར་གཞག་པ་རྣམས་སོ། ། འཕགས་པའི་ལམ་ཡན་ལག་བརྒྱད་པའི་བར་གྱི་སྟོང་པ་ཉིད་ཀྱིས་འཕགས་པའི་ལམ་ཡན་ལག་བརྒྱད་པ་སྟོང་པ་མ་ཡིན་ཏེ། འཕགས་པའི་ལམ་ཡན་ལག་བརྒྱད་པ་ཉིད་ཀྱང་སྟོང་པ་ཉིད་དོ། ། སྟོང་པ་ཉིད་ཀྱང་འཕགས་པའི་ལམ་ཡན་ལག་བརྒྱད་པའོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུའི་སྟོང་པ་ཉིད་ཀྱིས་དེ་བཞིན་གཤེགས་པའི་སྟོབས་བཅུ་སྟོང་པ་མ་ཡིན་ཏེ། དེ་བཞིན་གཤེགས་པའི་སྟོབས་བཅུ་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་དེ་བཞིན་གཤེགས་པའི་སྟོབས་བཅུའོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྟོང་པ་ཉིད་ཀྱིས་སངས་རྒྱས་ཀྱི་ཆོས་རྣམས་སྟོང་པ་མ་ཡིན་ཏེ། སངས་རྒྱས་ཀྱི་ཆོས་རྣམས་ཉིད་ཀྱང་སྟོང་པ་ཉིད་དོ།། སྟོང་པ་ཉིད་ཀྱང་སངས་རྒྱས་ཀྱི་ཆོས་རྣམས་སོ་ཞེས་སོ་སོར་རྟོག་གོ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཀྱིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་ལགས་ཏེ། ཐེག་པ་ལ་གསར་དུ་ཡང་དག་པར་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོས། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ན་སྐྲག་ཅིང་དངང་ལ་དངང་བར་མི་འགྱུར་ལགས་གྲང་དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དག་བསྐྱེད་པའང་མ་ཡིན། སངས་རྒྱས་འབུམ་ཕྲག་མང་པོ་ལ་བསྙེན་བཀུར་བྱས་པའང་མ་ཡིན། དགེ་བའི་རྩ་བ་མང་པོས་ཉེ་བར་བརྟན་པའང་མ་ཡིན། དགེ་བའི་བཤེས་གཉེན་གྱིས་ཡོངས་སུ་ཟིན་པའང་མ་ཡིན། རྒྱ་ཆེན་པོ་ལ་མོས་པའང་མ་ཡིན། ལུས་དང་ཡིད་ཀྱི་གནས་ངན་ལེན་དང་བྲལ་བའང་མ་ཡིན། དགེ་བའི་རྩ་བ་འབར་བ་དང་ལྡན་པའང་མ་ཡིན་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ན་སྐྲག་ཅིང་དངང་ལ་དངང་བར་འགྱུར་རོ།། དེ་ཅིའི་ཕྱིར་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ནི་དགེ་བའི་རྩ་བ་མ་བསྐྱེད་པ་རྣམས་དང་། སངས་རྒྱས་འབུམ་ཕྲག་མང་པོ་ལ་བསྙེན་བཀུར་མ་བྱས་པ་རྣམས་དང་། དགེ་བའི་བཤེས་གཉེན་གྱིས་ཡོངས་སུ་མ་ཟིན་པ་རྣམས་དང་། མོས་པ་མེད་པ་རྣམས་དང་། ཉན་ཐོས་དང་རང་སངས་རྒྱས་ཀྱི་ཐེག་པར་ལྷུང་བའི་བསམ་པ་ཅན་རྣམས་དང་། བརྩོན་འགྲུས་ཞན་པ་རྣམས་དང་། ལེ་ལོ་ཅན་རྣམས་དང་། སྲིད་པའི་བདེ་བ་མངོན་པར་འདོད་པ་རྣམས་ཀྱི་རྣ་ལམ་དུ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་གྲག་པར་མི་འགྱུར་བའི་ཕྱིར་རོ། ། ཤཱ་ར་དྭ་ཏིའི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་འདོད་པས་ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ལ་བསླབ་པར་བྱའོ། ། དེ་བཞིན་དུ་གཟུགས་ཡོངས་སུ་ཤེས་པར་འདོད་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡོངས་སུ་ཤེས་པར་འདོད་པ་དང་། དེ་བཞིན་དུ་ཡིད་ཀྱི་བར་དུ་ཡོངས་སུ་ཤེས་པར་འདོད་པ་དང་། དེ་བཞིན་དུ་གཟུགས་རྣམས་ཡོངས་སུ་ཤེས་པར་འདོད་པ་དང་། དེ་བཞིན་དུ་ཆོས་རྣམས་ཀྱི་བར་དུ་ཡོངས་སུ་ཤེས་པར་འདོད་པ་དང་། དེ་བཞིན་དུ་མིག་གི་ཁམས་ཡོངས་སུ་ཤེས་པར་འདོད་པ་དང་། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ཡོངས་སུ་ཤེས་པར་འདོད་པ་དང་། དེ་བཞིན་དུ་མིག་གི་འདུས་ཏེ་རེག་པ་ཡོངས་སུ་ཤེས་པར་འདོད་པ་དང་། མིག་གི་འདུས་ཏེ་རེག་པར་ཤེས་པའི་རྐྱེན་གྱིས་ཚོར་བ་ཡོངས་སུ་ཤེས་པར་འདོད་པ་དང་། དེ་བཞིན་དུ་སྦྱར་ཏེ། ཡིད་ཀྱི་འདུས་ཏེ་རེག་པ་ཡོངས་སུ་ཤེས་པར་འདོད་པ་དང་། ཡིད་ཀྱི་འདུས་ཏེ་རེག་པར་ཤེས་པའི་རྐྱེན་གྱིས་ཚོར་བའི་བར་དུ་ཡོངས་སུ་ཤེས་པར་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས་ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ། ། དེ་བཞིན་དུ་འདོད་ཆགས་དང་། ཞེ་སྡང་དང་། གཏི་མུག་སྤང་བར་འདོད་པ་དང་། འཇིག་ཚོགས་ལ་ལྔ་བ་སྤང་བར་འདོད་པ་དང་། དེ་བཞིན་དུ་ཐེ་ཚོམ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་དང་། འདོད་པ་ལ་འདོད་ཆགས་དང་། གནོད་སེམས་སྤང་བར་འདོད་པ་དང་། གཟུགས་ཀྱི་འདོད་ཆགས་དང་། གཟུགས་མེད་པའི་འདོད་ཆགས་དང་། མ་རིག་པ་དང་། རྒྱལ་དང་། རྒོད་པ་སྤང་བར་འདོད་པ་དང་། ཀུན་ཏུ་སྦྱོར་བ་དང་། བག་ལ་ཉལ་བ་དང་། ཀུན་ནས་ལྡང་བ་ཐམས་ཅད་སྤང་བར་འདོད་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ། ། དེ་བཞིན་དུ་ཟས་བཞི་ཡོངས་སུ་ཤེས་པར་འདོད་པ་དང་། དེ་བཞིན་དུ་སྦྱོར་བ་བཞི་དང་། ཆུ་བོ་བཞི་དང་། མདུད་པ་བཞི་དང་། ཕྱིན་ཅི་ལོག་བཞི་སྤང་བར་འདོད་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ།། དེ་བཞིན་དུ་མི་དགེ་བ་བཅུའི་ལས་ཀྱི་ལམ་ཡང་དག་པར་སྤང་བར་འདོད་པ་དང་། དགེ་བ་བཅུའི་ལམ་ཡང་དག་པར་སྒྲུབ་པར་འདོད་པ་དང་། རྫོགས་པར་བྱེད་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས། ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ།། དེ་བཞིན་དུ་བསམ་གཏན་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། དྲན་པ་ཉེ་བར་གཞག་པ་བཞི་དང་། འཕགས་པའི་ལམ་ཡན་ལག་བརྒྱད་ཀྱི་བར་དུ་བསྒོམ་པར་འདོད་པ་དང་། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྒོམ་པར་འདོད་པའི་བྱང་ཆུབ་སེམས་དཔའ་སེམས་དཔའ་ཆེན་པོས། ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས། སེམས་ཅན་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་འདོད་པ་དང་། དགེ་བའི་རྩ་བ་གང་དག་ཡོངས་སུ་རྫོགས་པས་ནམ་ཡང་ངན་སོང་གསུམ་པོ་དག་ཏུ་མི་ལྟུང་བ་དང་། རིགས་དམའ་བ་དག་ཏུ་མི་སྐྱེ་བ་དང་། ཉན་ཐོས་དང་རང་སངས་རྒྱས་ཀྱི་སར་ཡང་ལྟུང་བར་མི་འགྱུར་བའི་དགེ་བའི་རྩ་བ་དེ་དག་ཡོངས་སུ་རྫོགས་པར་བྱེད་འདོད་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཁོ་ན་ལ་བསླབ་པར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བཅུ་པ་ལས། བསླབ་པའི། ལེའུ་ཞེས་བྱ་སྟེ་དྲུག་པ་རྫོགས་སོ།། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་བཤེས་གཉེན་གང་གིས་ཡོངས་སུ་ཟིན་ན། དེ་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ན་མི་སྐྲག་མི་དངང་ཞིང་དངང་བར་མི་འགྱུར་ལ། ཉན་ཐོས་དང་རང་སངས་རྒྱས་ཀྱི་སར་ཡང་མི་ལྟུང་བར་མྱུར་དུ་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་བའི་དགེ་བའི་བཤེས་གཉེན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་དུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་གཟུགས་མི་རྟག་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པ་མི་རྟག་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྣ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་གཟུགས་སྡུག་བསྔལ་ཞེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྡུག་བསྔལ་ཞེས་བྱ་བར་ཆོས་སྟོན་ཅིང་།། དེའང་མི་དམིགས་པའི་ཚུལ་གྱིས་སྟོན་ལ་དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་གཟུགས་བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བ་ཤེས་གཉེན་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་མིག་མི་རྟག་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། དེ་བཞིན་དུ་ཡིད་ཀྱི་བར་དུ་མི་རྟག་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་མིག་སྡུག་བསྔལ་ཞེས་བྱ་བ་དང་། བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། ཡིད་ཀྱི་བར་དུའང་སྡུག་བསྔལ་ཞེས་བྱ་བ་དང་། བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བདེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར་ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མ་སྔོ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གནན་མིན་ནོ། ། ཤཱ་ར་དྭ་ཏིའི་བུགཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པའི་དགེ་བའི་ཚེ་ཞེས་གཉེན་ནོ། གང་མིག་གི་འདུས་ཏེ་རེག་པའི་རྐྱེན་གྱིས་ཚོར་བམི་ཅེས་བྱ་བར་ཆོས་སྟོན་པ་དང་། དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་དུ་པི་རྟག་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་ཏོགས་པར། ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ། ། དེ་བཞིན་དུ་སྡུག་བསྔལ་ཞེས་བྱ་བ་དང་། བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ནི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་དྲན་པ་ཉེ་བར་གཞག་པ་བསྒོམ་པའི་ཕྱིར་ཆོས་སྟོན་པར་བྱེད་པ་ནས། དྲན་པ་ཉེ་བར་གཞག་པ་དབེན་པ་ཉིད་ཀྱི་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། དེ་བཞིན་དུ་ཡང་དག་པར་སྤོང་བ་བསྒོམ་པའི་ཕྱིར་དང་། རྫུ་འཕྲུལ་གྱི་རྐང་པ་བསྒོམ་པའི་ཕྱིར་དང་། དབང་པོ་དང་། སྟོབས་དང་བྱང་ཆུབ་ཀྱི་ཡན་ལག་དང་། ལམ་བསྒོམ་པའི་ཕྱིར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། དེ་བཞིན་དུ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་བསྒོམ་པའི་ཕྱིར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་པ་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་བསྒོམ་པའི་ཕྱིར་ཆོས་སྟོན་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྒོམ་པའི་ཕྱིར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ནི། གང་རྣམ་པ་ཐམས་ཅད་མཁྱེན་པ་ཉིད་བསྒོམ་པའི་ཕྱིར་ཆོས་སྟོན་པ་དང་གང་བྱང་ཆུབ་བསྒོམ་པའི་ཕྱིར་ཆོས་སྟོན་ཅིང་། དེའང་མི་དམིགས་པའི་ཚུལ་གྱིས་སྟོན་ལ། དགེ་བའི་རྩ་བ་དེ་དག་ཀྱང་རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་ཀྱི་ས་དང་རང་སངས་རྒྱས་ཀྱི་སར་ཡོངས་སུ་མི་སྔོ་བ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དགེ་བའི་བཤེས་གཉེན་ཡིན་ནོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ནས། སྐྲག་ཅིང་དངང་ལ་དངང་བར་འགྱུར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་མི་མཁས་པ་ལགས་ཤིང་། སྡིག་པའི་གྲོགས་པོའི་སུག་པར་མཆིས་པ་ལགས།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་དང་བྲལ་བས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསྒོམ་ཞིང་། ཤེས་རབ་ཀྱི་ཕ་རོལ་ཏུ་ཕྱིན་པ་དེའང། དམིགས་ལ། དེས་ཀྱང་རློམ་སེམས་སུ་བྱེད་པ་དང་། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་བསྒོམ་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་སྒོམ་ཞིང་། སྦྱིན་པའི་ཕ་རོལ་ཏུ་ཕྱིན་པའི་བར་དེ་དག་ཀྱང་དམིགས་ལ། སྦྱིན་པའི་ཕ་རོལ་ཏུ་ཕྱིན་པ་དེས་ཀྱང་རྣམ་སེམས་སུ་བྱེད་པ་། ཤཱ་ར་དྭ་ཏིའི་བུ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་མི་མཁས་པ་མན་ནང་པའི་གྲོགས་པོའི་ལག་ཏུ་སོང་བ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་དང་བྲལ་བས། དམིགས་པའི་ཚུལ་གྱིས་ནང་གི་གཟུགས་སྟོང་ཞེས་བྱ་བར་ཡིད་ལ་བྱེད་པ་ནས། ནང་གི་གཟུགས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ཡིན་ཞེས་ཡིད་ལ་བྱེད་པ་དང་། དེ་བཞིན་དུ་དམིགས་པའི་ཚུལ་གྱིས་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་ཞེས་བྱ་བར་ཡིད་ལ་བྱེད་པ་དང་།། ནང་གི་གཟུགས་དེའང་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དམིགས་པར་བྱེད་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དེའང་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དམིགས་པར་བྱེད་ཅིང་། དེ་དག་གིས་ཀྱང་རློམ་སེམས་སུ་བྱེད་པ་དང་། དེ་བཞིན་དུ་མིག་ནང་སྟོང་པ་ཉིད་ཅེས་བྱ་བར་ཡིད་ལ་བྱེད་པནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱ་བའི་བར་དུ་ཡིད་ལ་བྱེད་ཅིང་། སྟོང་པ་ཉིད་དེ་དག་ཀྱང་དམིགས་ལ། དེ་དག་གོས་ཀྱང་རློམ་སེམས་སུ་བྱེད་པ་དང་། དེ་བཞིན་དུ་རྣ་བ་དང་སྣ་དང་། ལྕེ་དང་། ལུས་དང་། མིད་དམིགས་པའི་ཚུལ་གྱིས་ནང་སྟོང་པ་ཉིད་ཅེས་བྱ་བར་ཡིད་ལ་བྱེད་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཅེས་བྱ་བའི་བར་དུ་ཡིད་ལ་བྱེད་ལ་སྟོང་པ་ཉིད་དེ་དག་གིས་ཀྱང་རློམ་སེམས་སུ་བྱེད་པ་སྟེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐབས་མི་མཁས་པ་ཡིན་ཞིང་། སྡིག་པའི་གྲོགས་བོཔོའི་ལག་ཏུ་སོང་བ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་ཐབས་ལ་མི་མཁས་པས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དྲན་པ་ཉེ་བར་གཞག་པ་རྣམས་བསྒོམ་ཞིང་། དྲན་པ་ཉེ་བར་གཞག་པ་དེ་དག་ཀྱང་དམིགས་ལ། དེ་དག་གིས་ཀྱང་རློམ་སེམས་སུ་བྱེད་པ་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྒོམ་ཞིང་། དེ་བཞིན་ཉིད་ཀྱང་དམིགས་ལ། དེ་དག་གིས་ཀྱང་རློམ་སེམས་སུ་བྱེད་པ་སྟེ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཐབས་མི་མཁས་པས་ཐབས་ལ་མི་མཁས་པ་ཡིན་ཞིང་། སྡིག་པའི་གྲོགས་པོའི་ལག་ཏུ་སོང་ལ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ན་ཡང་སྐྲག་ཅིང་དངང་ལ་དབང་བར་འགྱུར་རོ། ། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་བདུན་པ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སྡིག་པའི་གྲོགས་པོས་ཡོངས་སུ་ཟིན་པ་ལགས་ཤིང་། སྡིག་པའི་གྲོགས་པོ་གང་གིས་ཡོངས་སུ་གཟུང་བས་ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་འདི་ཐོས་ནས། སྐྲག་ཅིང་དངང་ལ་དངང་བར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བར་བྱེད། འདུན་པ་ཟློག་པར་བྱེད་ཅིང་། དེ་བཞིན་དུ་བསམ་གཏན་གྱིས་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་དང་བྲལ་བར་བྱེད། འདུན་པ་ཟློག་པར་བྱེད་དེ། ཀྱེ་རིགས་ཀྱི་བུ་འདི་ལ་བསླབ་པར་མི་བྱའོ།། དེ་ཅིའི་ཕྱིར་ཞེ་ན། ཀྱེ་ཕ་རོལ་ཏུ་ཕྱིན་པ་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་གསུངས་ཤིང་བཤད་པ་མ་ཡིན་གྱི། འདི་དག་ནི་སྙན་དངགས་མཁན་གྱིས་རང་བཟོར་བྱས་པ་ཡིན་ཏེ། ཀྱེ་འདི་དག་ནི་མཉན་པར་མི་བྱའོ། ། གཟུང་བར་མི་བྱ། ཀུན་ཆུབ་པར་མི་བྱ། བཀླག་པར་མི་བྱ། ཡིད་ལ་མི་བྱ། གཞན་དག་ལའང་བསྟན་པར་མི་བྱའོ་ཞེས་ཟེར་བ་གང་ཡིན་པ་སྟེ། ཤཱ་ར་དྭ་ཏི་འུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོ་ནི། འདི་ལ་བདུད་སྡིག་ཅན་སངས་རྒྱས་ཀྱི་ཆ་བྱད་དུ་བསྒྱུར་ཅིང་། བྱང་ཆུབ་སེམས་དཔའི་དྲུང་དུ་འོངས་ནས། ཀྱེ་རིགས་ཀྱི་བུ་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ཁྱོད་ལ་ཅི་ཞིག་བྱ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པས་ཁྱོད་ལ་ཅི་ཞིག་བྱ། བརྩོན་འགྲུས་ཀྱི་ཕ་རོལ་ཏུ་ཕྱིན་པས་ཅི་ཞིག་བྱ། བཟོད་པའི་ཕ་རོལ་ཏུ་ཕྱིན་པས་ཅི་ཞིག་བྱ།། ཚུལ་ཁྲིམས་ཀྱི་ཕ་རོལ་ཏུ་ཕྱིན་པས་ཅི་ཞིག་བྱ། སྦྱིན་པའི་ཕ་རོལ་ཏུ་ཕྱིན་པས་ཅི་ཞིག་བྱ་ཞེས་ཕ་རོལ་ཏུ་ཕྱིན་པ་དྲུག་དང་འབྲལ་བར་བྱེད་པའི་བདུད་ཀྱི་ལས་དག་མི་སྟོན་ཅིང་། བདུད་ཀྱི་ཉེས་པ་དག་མི་རྗོད་པ་གང་ཡིན་པ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། ། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་སངས་རྒྱས་ཀྱི་ཆ་བྱད་དུ་བསྒྱུར་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། དེ་ལ་ཉན་ཐོས་དང་རང་སངས་རྒྱས་དང་ལྡན་པའི་མདོ་སྡེ་དང་། རྟོགས་པ་བརྗོད་པའི་སྡེ་དང་། གཏན་ལ་ཕབ་པར་བསྟན་པའི་སྡེའི་བར་དུ་སྟོན་པར་བྱེད། རབ་ཏུ་སྟོན་པར་བྱེད། རྣམ་པར་འབྱེད་པར་བྱེད། གསལ་བར་བྱེད། ཡང་དག་པར་རབ་ཏུ་སྟོན་པར་བྱེད་པའི་བདུད་ཀྱི་ལས་དེ་ལྟ་བུ་དེ་དག་མི་རྗོད་མི་སྟོན་ཅིང་། ཡང་དག་པར་རྟོགས།། པར་མི་བྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ།། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་སངས་རྒྱས་ཀྱི་ཆ་བྱད་དུ་བསྒྱུར་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་དུ་ཀྱེ་རིགས་ཀྱི་བུ་ཁྱོད་ནི་བྱང་ཆུབ་སེམས་དཔའ་མ་ཡིན་ནོ།། ཁྱོད་ལ་ནི་བྱང་ཆུབ་ཀྱི་སེམས་ཀྱང་མེད་དོ། ། དེའི་ཕྱིར་མི་ལྡོག་པའང་མ་ཡིན་ནོ།། ཁྱོད་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བར་ཡང་མི་ནུས་སོ།། ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་མི་རྗོད་མི་སྟོན་ཅིང་། ཡང་དག་པར་རྟོགས་པར་མི་བྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་སྡིག་པའི་གྲོགས་པོར་རིག་པར་བྱའོ།། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་སངས་རྒྱས་ཀྱི་ཆ་བྱད་དུ་སྒྱུར་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་དུ་རིགས་ཀྱི་བུ་མིག་ནི་བདག་དང་བདག་གིས་སྟོང་ངོ་། ། རིགས་ཀྱི་བུ་དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ནི་བདག་དང་བདག་གིས་སྟོང་ངོ་།། རིགས་ཀྱི་བུ་དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་བདག་དང་བདག་གིས་སྟོང་པ་ནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་བདག་དང་བདག་གིས་སྟོང་ངོ་།། བཞིན་དུ་སྦྱིན་པའི་ཕ་རོལ་ཏུ་ཕྱིན་པ་སྟོང་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ནི་བདག་དང་བདག་གིས་སྟོང་ངོ་།། དེ་བཞིན་དུ་དྲན་པ་ཉེ་བར་གཞག་པ་རྣམས་སྟོང་པ་ནས། འཕགས་པའི་ལ་མ་ཡན་ལག་བརྒྱད་པའི་བར་དང་། རྣམ་པར་ཐར་པའི་སྒོ་གསུམ་གྱི་བར་ནི་བདག་དང་བདག་གིས་སྟོང་ངོ་།། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ནི་བདག་དང་བདག་གིས་སྟོང་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པས་ཁྱོད་ལ་ཅི་ཞིག་བྱ་ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་དེ་ལ་མི་རྗོད་མི་སྟོན་ཅིང་། ཡང་དག་པར་རྟོགས་པར་མི་བྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོའོ།། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་སངས་རྒྱས་ཀྱི་ཆ་བྱང་དུ་བསྒྱུར་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་དུ་ཀྱེ་རིགས་ཀྱི་བུ་ཤར་ཕྱོགས་ནི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། ཉན་ཐོས་རྣམས་ཀྱིས་སྟོང་སྟེ། འདི་ལ་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་མེད། ཉན་ཐོས་རྣམས་མེད་དེ། ཤར་ཕྱོགས་ལ་ཇི་ལྟ་བ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱང་དེ་བཞིན་ནོ།། ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་དེ་ལ་མ་རྗོད་མ་སྟོན་ཅིང་། ཡང་དག་པར་རྟོགས་པར་མི་བྱེད་པ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་པའི་གྲོགས་པོར་རིག་པར་བྱའོ། ། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་ཉན་ཐོས་ཀྱི་ཆ་བྱད་དུ་བསྒྱུར་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་ཟློག་ཅིང་། ཉན་ཐོས་དང་རང་སངས་རྒྱས་དང་ལྡན་པའི་ཡིད་ལ་བྱེད་པ་དག་སྟོན་ཏེ། དེ་དག་རྗེས་སུ་སྟོན་པར་བྱེད་པ་དུད་ཀྱི་ལས་དེ་ལྟ་བུ་དེ་དག་དེ་ལ་མི་རྗོད་མི་སྟོན་ཅིང་། ཡང་དག་པར་རྟོགས་པར་མི་བྱེད་པ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ།། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་མཁན་པོ་དང་། སློབ་དཔོན་གྱི་ཆ་བྱད་དུ་བསྒྱུར་ཅིང་འོངས་ནས། བྱང་ཆུབ་སེམས་དཔའི་སྤྱོད་པ་དང་འབྲལ་བར་བྱེད། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་དང་འབྲལ་བར་བྱེད། དྲན་པ་ཉེ་བར་གཞག་པ་དག་དང་འབྲལ་བར་བྱེད་པ་ནས། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དག་དང་འབྲལ་བར་བྱེད་ལ། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་དག་ལ་སྦྱོར་བར་བྱེད། ཡང་དག་པར་འཛིན་དུ་འཇུག་ཅིང་འདི་སྐད་དུ། ཀྱེ་རིགས་ཀྱི་བུ་ཁྱོད་ཀྱི་ཆོས་འདི་དག་བསྒོམས་ལ། ཉན་ཐོས་ཀྱིས་མངོན་སུམ་དུ་གྱིས་ཤིག། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པས་ཁྱོད་ལ་ཅི་ཞིག་བྱ་ཞེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་མི་རྗོད་མི་སྟོན་ཅིང་། ཡང་དག་པར་རྟོགས་པར་མི་བྱེད་པ་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ། ། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་མི་སྣང་བའི་ཆ་བྱད་དུ་བསྒྱུར་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། འདི་སྐད་དུ་རིགས་ཀྱི་བུ་ཚུར་ཤོག། གང་གི་དོན་དུ་བསྐལ་པ་ཚད་མེད་གྲངས་མེད་པ་འཁོར་བ་ན་འཁོར་ཞིང་ལག་པ་བཅད་པ་དང་། རྐང་པ་བཅད་པ་དང་།། མགོ་བཅད་པ་དཔག་ཏུ་མེད་པ་དག་ཉམས་སུ་མྱོང་བར་འགྱུར་ཞིང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པས་ཁྱོད་ལ་ཅི་ཞིག་བྱ། གང་ལ་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱར་ཡོད་པ་དེ་ལ་བརྩོན་པར་གྱིས་ཤིག། གང་ལ་དགྲ་བཅོམ་པ་ཉིད་ཀྱི་འབྲས་བུ་མངོན་སུམ་དུ་བྱར་ཡོད་པ་དེ་ལ་བརྩོན་པར་གྱིས་ཤིག་ཅེས་ཟེར་བའི་བདུད་ཀྱི་ལས་དེ་ལྟ་བུ་དེ་དག་དེ་ལ་མི་རྗོད་མི་སྟོན་ཅིང་། ཡང་དག་པར་རྟོགས་པར་མི་བྱེད་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྡིག་པའི་གྲོགས་པོར་རིག་པར་བྱའོ།། ཤཱ་ར་དྭ་ཏིའི་བུ་གཞན་ཡང་བདུད་སྡིག་ཅན་དགེ་སློང་གི་ཆ་བྱད་དུ་བསྒྱུར་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོའི་དྲུང་དུ་འོངས་ནས། དེ་ལ་མིག་མི་རྟག་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་ཅིང་། དེ་བཞིན་དུ་སྡུག་བསྔལ་ཞེས་བྱ་བ་དང་། བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེས་བྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་། དངོས་པོ་མེད་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་ཏོ།། དེ་བཞིན་དུ་ཇི་ལྟར་མིག་ལ་སྦྱར་བ་དེ་བཞིན་དུ། ཡིད་ཀྱི་བར་ལའང་རྒྱ་ཆེར་སྦྱར་བར་བྱ་ཏེ། དེ་བཞིན་དུ་དྲན་པ་ཉེ་བར་གཞག་པ་རྣམས་མི་རྟག་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་ཅིང་།། དེ་བཞིན་དུ་སྡུག་བསྔལ་ཞེས་བྱ་བ་དང་། བདག་མེད་ཅེས་བྱ་བ་དང་། སྟོང་ཞེས་བྱ་བ་དང་། མཚན་མ་མེད་ཅེས་བྱ་བ་དང་། སྨོན་པ་མེད་ཅེས་བྱ་བ་དང་། ཞི་ཞེས་བྱ་བ་དང་། དབེན་ཞེསབྱ་བ་དང་། རྣམ་པར་བྱང་ཞེས་བྱ་བ་དང་། སྐྱེ་བ་མེད་ཅེས་བྱ་བ་དང་། འགག་པ་མེད་ཅེས་བྱ་བ་དང་།། དངོས་པོ་མེད་ཅེས་བྱ་བར་དམིགས་པའི་ཚུལ་གྱིས་ཆོས་སྟོན་པ་དང་།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དམིགས་པའི་ཚུལ་གྱིས་ཆོས་སྟོན་པ་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་མི་རྟག་ཅེས་བྱ་བར་དམིགས་པའི་ཚུལ་གྱིས་པ་ར་ན་ན་སྔལ་ནས་བྱབ་དང་། དགས་ས་བ་དང་། སོང་ནས་མ་མས་བ་དང་། ལྡན་པ་མེ་མ་བྷྱ། ནམམ་ན་ནས་དང་། རྣམ་པར་བྱུང་ཞེས་བྱ་བ་དང་། སྐྱེབ་མེད་ཅེས་བྱ་བ་དང་། འགགཔ་མེད་ཅེས་བྱ་བ་དང་། དངས་པ་མད་རྒྱས་བྱ་བར་དགས་པའི་རྡུལ་རྒྱམཆོམ་ལྡན་པའི་བདུད་ཀྱིལ་རྦ་ངན་མོ་རྣམ་སོན་ཅིང་། ཡང་དག་པར་རྟོགས་པར་མི་བྱེད་པ་དེན་བྱང་ཆུབ་སེམས་དཔའ་སེམས་དཔའ་ཆེན་པའི་སྡུག་པའི་ཐནས་པར་རིག་པར་བྱའོ།། རིག་རས་ཀྱང་ཡངས་སུ་སྤང་བར་བྱ་ས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་ཇས་འདི་སྐ་ཅེས་མསོལ་ཏོ།། བདུན་པ་བཅོམ་ལྡན་འདས་བྱང་ཆུབ་སེམས་དཔའ་མམས་དཔ་ཆེན་པོ་ཐབས་ལ་མཁས་པ་གང་དང་ལྡན་ན། དགེ་བའི་བཤེས་གཉེན་གྱིས་ཡོངས་སུ་མེན་པ་ལགས་ཤིང་། སྡིག་པའི་གྲོགས་པོ་རྣམ་པར་སྤང་བ་ལགས། བཅོམ་ལྡན་འདས་ཀྱིས་བཀའ་སྩལ་པ་ན་པོའི་བུ་གང་གི་ཆ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་ཏུ་ལྟ་བ་སྲུང་བའི་རྒྱུ་སེམས་ཅན་རྣམས་ལ་ཚམ་སྤྱོད་པ་དང་། དེ་བཞིན་དུ་སེམས་ཅན་དུ་ལྦུ་བ་སྲུང་བའི་ཕྱིར་དང་། སྐྱེབ་སོགཏུལ་པ་དང་། ཞེམ་པར་ག་བ་དང་། གང་ཟག་ཏུ་ལྕི་བ་དང་། ཤེད་ལས་སྐྱེས་པ་དང་། ཤེད་བུ་དང་། བྱེད་དུ་འཇུག་པ་དང་། བྱེད་པ་པོ་དང་། སྤོང་བ་བདང། ཀུན་ནས་སློང་བ་པོ་དང་། ཚོར་བ་པོ་དང་། ཚོར་བར་བྱེད་པ་པོ་དང་། ཤེས་པ་པོ་དང་། མཐོང་བ་པོར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། བཞིན་དུ་ཆད་པ་དང་རྟག་པར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། དེ་བཞིན་དུ་ཡོད་པར་ལྟ་བ་དང་། མེད་པར་ལྟ་བ་དང་།། ཕུང་པོར་ལྟ་བ་དང་། ཁམས་སུ། བ་དང་། སྐྱེ་མཆེད་དུ་ལྟ་བ་དང་། བདེན་པར་ལྟ་བ་དང་། རྟེན་ཅིང་འབྲེལ་པར་འབྱུང་བར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། དེ་བཞིན་དུ་དྲན་པ་ཉེ་བར་གཞག་པ་རྣམས་སུ་ལྟ་བ་ནས། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུར་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། དེ་བཞིན་དུ་སྦར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དང་། དེ་བཞིན་དུ་སེམས་ཅན་ཡོངས་སུ་སྨིན་པར་བྱ་བར་ལྟ་བ་དང་། སངས་རྒྱས་ཀྱི་ཞིང་ཡོངས་སུ་དག་པར་བྱ་བར་ལྟ་བ་དང་། བྱང་ཆུབ་ཏུ་ལྟ་བ་དང་། སངས་རྒྱས་སུ་ལྟ་བ་དང་། ཆོས་ཀྱི་འཁོར་ལོ་བསྐོར་བར་ལྟ་བ་སྤང་བའི་ཕྱིར། ། སེམས་ཅན་རྣམས་ལ་ཆོས་སྟོན་པ་སྟེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་བཤེས་གཉེན་གྱིས་ཡོངས་སུ་ཟིན་པ་དང་། སྡིག་པའི་གྲོགས་པོ་རྣམ་པར་སྤང་བ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་བདག་ཏུ་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་ནས། དེ་བཞིན་དུ་སྦྱར་ཏེ། ཆོས་ཀྱི་འཁོར་ལོ་བསྐོར་བའི་བར་དུ་ལྟ་བ་སྤང་བའི་ཕྱིར་སེམས་ཅན་རྣམས་ལ་ཆོས་སྟོན་པ་དེ་ཐམས་ཅད་མི་དམིགས་པའི་ཚུལ་གྱིས་ཆོས་སྟོན་ན། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པས་ཡོངས་སུ་ཟིན་པ་དང་། སྡིག་པའི་གྲོགས་པོ་སྤང་བའི་བར་དུ་ཡིན་ནོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ལྟ་བའི་རྣམ་པ་ཐམས་ཅད་སྤང་བའི་སྐད་དུ། སེམས་ཅན་རྣམས་ལ་ཆོས་སྟོན་པ་ལགས་ན། བཅོམ་ལྡན་འདས་དེ་ཅིའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་གཟུགས་སུ་ལྟ་བར་འགྱུར་ལགས། དེ་བཞིན་དུ་ཚོར་བར་ལྟ་བ་དང་། འདུ་ཤེས་སུ་ལྟ་བ་དང་། འདུ་བྱེད་དུ་ལྟ་བ་དང་། རྣམ་པར་ཤེས་པར་ལྟ་བ་ལགས། དེ་བཞིན་དུ་མིག་ཏུ་ལྟ་བ་ལགས་ཤིང་། དེ་བཞིན་དུ་སྦྱར་ཏེ། ཡིད་ཀྱི་བར་དུ་ལྟ་བ་ལགས། དེ་བཞིན་དུ་གཟུགས་སུ་ལྟ་བ་ལགས་ཤིང་། དེ་བཞིན་དུ་སྦྱར་ཏེ། ཆོས་ཀྱི་བར་དུ་ལྟ་བ་ལགས། དེ་བཞིན་དུ་མིག་གི་ཁམས་སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ལྟ་བ་ལགས། དེ་བཞིན་དུ་གཟུགས་ཀྱི་ཁམས་སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་དུ་ལྟ་བ་ལགས། དེ་བཞིན་དུ་དྲན་པ་ཉེ་བར་གཞག་པར་ལྟ་བ་ནས། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་ལྟ་བ་ལགས། དེ་བཞིན་དུ་དེ་བཞིན་གཤེགས་པའི་སྟོབས་བཅུར་ལྟ་བ་ལགས་ཤིང་། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ལྟ་བ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ། ཐབས་ལ་མི་མཁས་པས་གཟུགས་དམིགས་ཤིང་དམིགས་པའི་ཚུལ་གྱིས་གཟུགས་སུ་ལྟ་བ་བསྐྱེད་དོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དམིགས་ཤིང་དམིགས་པའི་ཚུལ་གྱིས་རྣམ་པར་ཤེས་པར་ལྟ་བ་བསྐྱེད་དོ།། དེ་བཞིན་དུ་མིག་ཏུ་དམིགས་ཤིང་དམིགས་པའི་ཚུལ་གྱིས་མིག་ཏུ་ལྟ་བ་བསྐྱེད་དོ། ། དེ་བཞིན་དུ་སྦྱར་ཏེ། ཡིད་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་ཡིད་དུ་ལྟ་བ་བསྐྱེད་དོ།། དེ་བཞིན་དུ་གཟུགས་རྣམས་སུ་དམིགས། ཤིང་དམིགས་པའི་ཚུལ་གྱིས་གཟུགས་རྣམས་སུ་ལྟ་བ་བསྐྱེད་དོ།། དེ་བཞིན་དུ་སྦྱར་ཏེ། ཆོས་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་ཆོས་རྣམས་སུ་ལྟ་བ་བསྐྱེད་དོ།། དེ་བཞིན་དུ་མིག་གི་ཁམས་སུ་དམིགས་ཤིང་དམིགས་པའི་ཚུལ་གྱིས་མིག་གི་ཁམས་སུ་ལྟ་བ་བསྐྱེད་དོ། ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་ཡིད་ཀྱི་རྣམ་པར་ཤེས་པའི་ཁམས་སུ་ལྟ་བ་བསྐྱེད་དོ། ། དེ་བཞིན་དུ་གཟུགས་ཀྱི་ཁམས་སུ་དམིགས་ཤིང་དམིགས་པའི་ཚུལ་གྱིས་གཟུགས་ཀྱི་ཁམས་སུ་ལྟ་བ་བསྐྱེད་དོ།། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་ཆོས་ཀྱི་ཁམས་སུ་ལྟ་བ་བསྐྱེད་དོ། ། དེ་བཞིན་དུ་དྲན་པ་ཉེ་བར་གཞག་པ་རྣམས་དམིགས་ཤིང་དམིགས་པའི་ཚུལ་གྱིས་དྲན་པ་ཉེ་བར་གཞག་པར་ལྟ་བ་བསྐྱེད་དོ།། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་དམིགས་ཤིང་དམིགས་པའི་ཚུལ་གྱིས་འཕགས་པའི་ལམ་ཡན་ལག་བརྒྱད་པའི་བར་དུ་ལྟ་བ་བསྐྱེད་དོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དམིགས་ཤིང་དམིགས་པའི་ཚུལ་གྱིས་དེ་དག་ལ་ལྟ་བ་བསྐྱེད་དོ། ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དམིགས་ཤིང་དམིགས་པའི་ཚུལ་གྱིས་དེ་དག་ལ་ལྟ་བ་བསྐྱེད་དོ། ། ཚེ་དང་ལྡན་པ་ཤཱ་ར་དྭ་ཏིའི་བུ་རྒྱུ་དེ་ན་བྱང་ཆུབ་སེམས་དཔའ་ཐབས་ལ་མི་མཁས་པ་གཟུགས་སུ་ལྟ་བར་འགྱུར་རོ།། དེ་བཞིན་དུ་ཚོར་བར་ལྟ་བ་དང་། འདུ་ཤེས་སུ་ལྟ་བ་དང་། འདུ་བྱེད་དུ་ལྟ་བ་དང་། རྣམ་པར་ཤེས་པར་ལྟ་བར་འགྱུར་རོ།། དེ་བཞིན་དུ་མིག་ཏུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཡིད་ཀྱི་བར་དུ་ལྟ་བར་འགྱུར་རོ།། དེ་བཞིན་དུ་གཟུགས་སུ་ལྟ་བར་འགྱུར་བ་དང་། དེ་བཞིན་དུ་སྦྱར་ཏེ། ཆོས་ཀྱི་བར་དུ་ལྟ་བར་འགྱུར་རོ།། དེ་བཞིན་དུ་མིག་གི་ཁམས་སུ་ལྟ་བར་གྱུ་8། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་ལྟ་བར་འགྱུར་རོ།། དེ་བཞིན་དུ་གཟུགས་ཀྱི་ཁམས་སུ་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། ཆོས་ཀྱི་དུ་ལྟ་བར་འགྱུར་རོ། ། དེ་བཞིན་དུ་དྲན་པ་ཉེ་བར་གཞག་པར་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུ་ལྟ་བར་འགྱུར་རོ།། གཤེགས་སྟོབས་བཅུར་ལྟ་བར་འགྱུར་བ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ལྟ་བར་འགྱུར་ཏེ། དེ་ལ་བྱང་ཆུབ་སེམས་དཔའ་སེམས་དཔའ་ཆེན་པ་ཐབས་ལ་མཁས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཐབས་ལ་མཁས་པས་ལྟ་བ་དེ་དག་སྤང་བའི་ཕྱིར་མི་དམིགས་པའི་ཚུལ་གྱིས་སེམས་ཅན་རྣམས་ལ་ཆོས་སྟོན་ཏོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་དོན་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བགྱི་བ་ལ་བདག་ཀྱང་སྤོབས་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཁྱོད་སྤོབས་སམ། བཙུན་པ་བཅོམ་ལྡན་འདས་སྤོབས་ལགས་སོ།། འོ་ན་ཇི་ལྟ་བུ་ཡིན་གསོལ་པ། བཙུན་པ་བཅོམ་ལྡན་འདས་འདི་ལ་བྱང་ཆུབ་སེམས་དཔའི་བྱང་ཆུབ་ཀྱི་སེམས་ན་མི་མཉམ་པ་དང་མཉམ་པ། ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ལགས་ཏེ། དོན་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བགྱིའོ།། དེ་ཅིའི་སླད་དུ་ཞེ་ན། བཙུན་པ་བཅོམ་ལྡན་འདས་འདི་ལྟར་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་ཟག་པ་མ་མཆིས་པ་ཁམས་གསུམ་དུ་མ་གཏོགས་པ་དེ་ནི། དེའི་རྣམ་པ་ཐམས་ཅད་མཁྱེན་པའི་སེམས་ཟག་པ་མ་མཆིས་པ་ཁམས་གསུམ་དུ་མ་གཏོགས་གང་ལགས་པ་དེ་ལའང་དེ་ཆགས་པ་མ་མཆིས་པས་དེའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བགྱིའོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་མི་མཉམ་པ་དང་མཉམ་པའི་སེམས། ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ཡིན་པའི་སེམས་དེ་གང་ཡིན། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་ཉེ་བར་བཟུང་སྟེ། ཆོས་གང་ཡང་སྐྱེ་བ་འམ། འགག་པར་ཡང་དག་པར་རྗེས་སུ་མི་མཐོང་སྟེ། ཆོས་གང་ཡང་འགྲིབ་པ་འམ། འཕེལ་བར་ཡང་མི་འགྱུར།། ཆོས་གང་ཡང་ཀུན་ནས་ཉོན་མོངས་པ་འམ། རྣམ་པར་བྱང་བའང་མ་མཆིས་ལགས་སོ།། བཙུན་པ་བཅོམ་ལྡན་འདས་གང་ལ་མི་སྐྱེ་མི་འགག་ཅིང་། འགྲིབ་པ་མ་མཆིས། འཕེལ་བ་མ་མཆིས། ཀུན་ནས་ཉོན་མོངས་པ་མ་མཆིས།། རྣམ་པར་བྱང་བ་མ་མཆིས། ཉན་ཐོས་ཀྱི་སེམས་དང་། རང་སངས་རྒྱས་ཀྱི་སེམས་དང་། ཡང་དག་པར་རྫོགས་པའི་སངས་རྒྱས་ཀྱི་སེམས་མ་མཆིས་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་མོ་མཉམ་པ་དང་མཉམ་པའི་སེམས། ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ལགས་པའི་སེམས་ལགས་སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུས་གང་སྨྲས་པ་དེ་བཞིན་ཏེ། ཉན་ཐོས་དང་རང་སངས་རྒྱས་ཀྱི་ས་དེ་ལའང་སེམས་དེ་ཆགས་པ་མེད་དོ།། བཙུན་པ་བཅོམ་ལྡན་འདས་འོ་ན་སེམས་དེ་གཟུགས་ལའང་ཆགས་པ་མ་མཆིས་ལགས་སེམ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་མིག་ལའང་སེམས་དེ་ཆགས་པ་མ་མཆིས་ལགས་སམ། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་བར་ལ་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་གཟུགས་རྣམས་ལའང་སེམས་དེ་ཆགས་པ་མ་མཆིས་ལགས་སམ། སྒྲ་དང་། དྲྀ་དང་རོ་དང་། རེག་དང་རྣམས་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་མིག་གི་ཁམས་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་གཟུགས་ཀྱི་བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་དྲན་པ་ཉེ་བར་གཞག་པ་རྣམས་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ལའང་སེམས་དེ་ཆགས་པ་མ་མཆིས་ལགས་སམ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལའང་སེམས་དེ་ཆགས་པ་མ་མཆིས་ལགས་སམ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་སེམས་དེ་ཆགས་པ་མ་མཆིས་ལགས་སམ། བཀའ་སྩལ་པ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་དེ་བཞིན་ནོ། ། ཇི་སྐད་སྨྲས་པ་དེ་བཞིན་ཏེ། གཟུགས་ལའང་སེམས་དེ་ཆགས་པ་མེད་དོ།། དེ་ཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལའང་སེམས་དེ་ཆགས་པ་མེད་དོ། ། དེ་བཞིན་དུ་རིག་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར།། སིད་ཀྱི་བར་ལ་སེམས་དེ་ཆགས་པ་མེད་། དོ།། དེ་བཞིན་དུ་གཟུགས་རྣམས་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། ཆོས་རྣམས་ཀྱི་བར་ལ་སེམས་དེ་ཆགས་པ་མེད་དོ།། དེ་བཞིན་དུ་མིག་གི་པ་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་ལ་སེམས་དེ་ཆགས་པ་མེད་དོ།། དེ་བཞིན་དུ་གཟུགས་ཀྱི་ཁམས་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་ལ་སེམས་དེ་ཆགས་པ་མེད་དོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་ལ་སེམས་དེ་ཆགས་པ་མེད་པའང་དེ་བཞིན་དུ་སྦྱར་རོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལ་སེམས་དེ་ཆགས་པ་མེད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སེམས་དེ་ཆགས་པ་མེད་པ་ཡིན་ནོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཀྱིས་འདི་སྐད་ཅེས་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་གང་ཡིན་པ་དེའང་ཟག་པ་མེད་ཅིང་། ཁམས་གསུམ་ཐམས་ཅད་དུ་གཏོགས་པ་མ་ཡིན་ནོ་ཞེས་བཀའ་སྩལ་ན། བཙུན་པ་བཅོམ་ལྡན་འདས་བྱིས་པ་སོ་སོའི་སྐྱེ་བོ་ཐམས་ཅད་ཀྱི་སེམས་ཀྱང་རང་བཞིན་རྒྱས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་ཉན་ཐོས་དང་། རང་སངས་རྒྱས་ཐམས་ཅད་དང་། བཅོམ་ལྡན་འདས་དེ་བཞིན་གཤེགས་པ་རྣམས་ཀྱི་ཐུགས་དེའང་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ནོ།། གསོལ་པ། བཙུད་པ་བཅོམ་ལྡན་འདས་གཟུགས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭེ་ཏིའི་བུ་དེ་དེ་བཞིན་ནོ། ། གསོལ་པ། བཙུན་པ་བཅོམ་ལྡན་འདས་མིག་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་སྦར་ཏེ། ཡིད་ཀྱི་བར་དུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བན་ནོ། ། གསོལ་པ། བཙུན་པ་བཅོམ་ལྡན་འདས་གཟུགས་རྣམས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ནོ།། གསོལ་པ། བཙུན་པ་བཅོམ་ལྡན་འདས་ཆོས་རྣམས་ཀྱི་བར་ཡང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ནོ།། གསོལ་པ། བཙུན་པ་བཅོམ་ལྡན་འདས་མིག་གི་ཁམས་ཀྱི་བར་ཡང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ནོ།། གསོལ་པ། བཙུན་པ་བཅོམ་ལྡན་འདས་གཟུགས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་།། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ར་དྭ་ཏིའི་བུ་དེ་དེ་བཞིན་ནོ།། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་དུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁབས་གསུམ་དུ་མ་གཏོགས་པ་ལགས་སམ་བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ནོ།། གསོལ་པ། བཙུན་པ་བཅོམ་ལྡན་འདས་དྲན་པ་ཉེ་བར་གཞག་པ་རྣམས་ཀྱང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ནོ།། གསོལ་པ། བཙུན་པ་བཅོམ་ལྡན་འདས་དེ་བཞིན་གཤེགས་པའི་སྟོབས་བཅུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བརྒྱད་ཀྱི་བར་དུའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཟག་པ་མ་མཆིས་ཤིང་། ཁམས་གསུམ་དུ་མ་གཏོགས་པ་ལགས་སམ། བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། བྱིས་པ་སོ་སོའི་སྐྱེ་བོ་ཐམས་ཅད་ཀྱི་སེམས་ཀྱང་རང་བཞིན་གྱིས་སྟོང་པ་ཉིད་ཀྱི་ཕྱིར། ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ།། དེ་བཞིན་དུ་ཉན་ཐོས་དང་རང་སངས་རྒྱས་ཐམས་ཅད་ཀྱི་སེམས་ཀྱང་རང་བཞིན་གྱིས་སྟོང་པ་ཉིད་ཀྱི་ཕྱིར། ཟག་པ་མེད་ཅིང་ཁམས་གསུམ་དུ་གཏོགས་པར་མ་ཡིན་ནོ།། དེ་བཞིན་དུ་གཟུགས་ཀྱང་རང་བཞིན་གྱིས་སྤོང་པ་ཉིད་ཀྱི་ཕྱིར། ཟག་པ་མེད་ཅིང་ཁམས་གསུམ་དུ་གཏོགས་པར་མ་ཡིན་ནོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་རང་བ་ཞིན་གྱིས་སྟོང་པ་ཉིད་ཀྱི་ཕྱིར། ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ།། དེ་བཞིན་དུ་མིག་ཀྱང་རང་བཞིན་གྱིས་སྟོང་པ་ཉིད་ཀྱི་ཕྱིར། ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་པ་ནས། ཡིད་ཀྱི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་མིག་གི་ཁམས་ཀྱང་ཟག་པ་མེད་ཅིང་། ཁམས་གསུམ་དུ་གཏོགས་པ་མ་ཡིན་པ་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་གཟུགས་ཀྱི་ཁམས་ཀྱང་ཟག་པ་མེད་ཅིང་། ཁམས་གསུམ་དུ་གཏོགས་པ་མ་ཡིན་ནས། ཆོས་ཀྱི་ཁམས་ཀྱི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ཀྱང་ཟག་པ་མེད་ཅིང་། ཁམས་གསུམ་དུ་གཏོགས་པ་མ་ཡིན་པ་ནས། འཕགས་པའི་ལམ་ཡན་ལག་བརྒྱད་པའི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུའང་ཟག་པ་མེད་ཅིང་། ཁམས་གསུམ་དུ་གཏོགས་པ་མ་ཡིན་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུའང་རང་བཞིན་གྱིས་སྟོང་པ་ཉིད་ཀྱི་ཕྱིར། ཟག་པ་མེད་ཅིང་ཁམས་གསུམ་དུ་གཏོགས་པ་མ་ཡིན་ནོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཀྱིས་འདི་སྐད་ཅེས་སེམས་མ་ཡིན་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་ཆགས་པ་མེད་དོ་ཞེས་བཀའ་སྩལ་ན། བཙུན་པ་བཅོམ་ལྡན་འདས་གཟུགས་མ་མཆིས་པའང་གཟུགས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། རྣམ་པར་ཤེས་པའི་བར་དུ་མ་མཆིས་པའང་རྣམ་པར་ཤེས་པའི་བར་དུ་མ་མཆིས་པ་ལ་ཆགས་པ་མ་མཆིས་ལགས་སམ། བཙུན་པ་བཅོམ་ལྡན་འདས་མིག་མ་མཆིས་པའང་མིག་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་བར་མ་མཆིས་པའང་ཡིད་མ་མཆིས་པ་ལ་ཆགས་པ་མ་མཆིས་ལགས་སམ། བཙུན་པ་བཅོམ་ལྡན་འདས་གཟུགས་རྣམས་མ་མཆིས་པའང་གཟུགས་རྣམས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་ཆོས་རྣམས་མ་མཆིས་པའི་བར་དག་ཆོས་རྣམས་མ་མཆིས་པ་ལ་ཆགས་པ་མ་མཆིས་ལགས་སམ། བཙུན་པ་བཅོམ་ལྡན་འདས་མིག་གི་ཁམས་མ་མཆིས་པའང་མིག་གི་ཁམས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུ་མ་མཆིས་པའང་ཡིད་ཀྱི་རྣམ་པར་ཤེས་པའི་ཁམས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་དྲན་པ་ཉེ་བར་གཞག་པ་རྣམས་མ་མཆིས་པའང་དྲན་པ་ཉེ་བར་གཞག་པ་རྣམས་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པ་མ་མཆིས་པའང་འཕགས་པའི་ལམ་ཡན་ལག་བརྒྱད་པ་མ་མཆིས་པ་ལ་ཆགས་པ་མ་མཆིས་ལགས་སམ། བཙུན་པ་བཅོམ་ལྡན་འདས་དེ་བཞིན་གཤེགས་པའི་སྟོབས་བཅུ་མ་མཆིས་པའང་དེ་བཞིན་གཤེགས་པའི་སྟོབས་བཅུ་མ་མཆིས་པ་ལ་ཆགས་པ་མ་མཆིས་ལགས་སམ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མ་མཆིས་པའང་སངས་རྒྱས་ཀྱི་ཆོས་མ་མཆིས་པ་རྣམས་ལ་ཆགས་པ་མ་མཆིས་ལགས་སམ། བཀའ་སྩལ་པ་ཤཱ་ར་དྭ་ཏིའི་བུ་དེ་དེ་བཞིན་ནོ། ། ཇི་སྐད་སྨྲས་པ་དེ་བཞིན་ཏེ། གཟུགས་མེད་པའང་གཟུགས་མེད་པ་ལ་ཆགས་པ་མེད་དོ།། རྣམ་པར་ཤེས་པའི་བར་དུའང་དེ་བཞིན་དུ་སྦྱར་བ་ནས། དེ་བཞིན་དུ་མིག་ནས། ཡིད་ཀྱི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་གཟུགས་རྣམས་ནས། ཆོས་རྣམས་ཀྱི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་མིག་གི་ཁམས་ནས། ཡིད་ཀྱི་རྣམ་པར་ཤེས་པའི་ཁམས་ཀྱི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་གཟུགས་ཀྱི་ཁམས་ནས། ཆོས་ཀྱི་ཁམས་ཀྱི་བར་དུའང་དེ་བཞིན་དུ་སྦྱར་། ། དེ་བཞིན་དུ་དྲན་པ་ཉེ་བར་གཞག་པ་རྣམས་མེད་པའང་དྲན་པ་ཉེ་བར་གཞག་པ་རྣམས་མེད་པ་ལ་ཆགས་པ་མེད་དོ།། འཕགས་པའི་ལམ་ཡན་ལག་བརྒྱད་པའི་བར་དུའང་དེ་བཞིན་དུ་སྦྱར་རོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུ་མེད་པའང་དེ་བཞིན་གཤེགས་པའི་སྟོབས་བཅུ་མེད་པ་ལ་ཆགས་པ་མེད་དོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་ཆགས་པ་མེད་དོ། ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་མི་མཉམ་པ་དང་མཉམ་པའི་སེམས། ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ཡིན་པའི་སེམས་དེས་ཀྱང་མི་དམིགས་པའི་ཚུལ་གྱིས་རློམ་སེམས་སུ་མི་བྱེད། མངོན་པར་ཞེན་པར་མི་བྱེད་དོ།། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བཅུ་པ་ལས། མི་དམིགས་པའི་ལེའུ་ཞེས་བྱ་སྟེ་བདུན་པ་རྫོགས་སོ།། །། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས། ཉན་ཐོས་ཀྱི་ས་འམ། རང་སངས་རྒྱས་ཀྱི་སར་རབ་ཏུ་ལྷུང་ཞིང་། བྱང་ཆུབ་སེམས་དཔའི་སྐྱོན་མ་མཆིས་པ་ལ་མི་འཇུག་པ་ལགས། བྱང་ཆུབ་སེམས་དཔའི་སྐྱོན་ནི་གང་ལགས། སྐྱོན་མ་མཆིས་པ་ནི་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ལྔར་ངེས་པར་ལྟུང་བར་གྱུར་ལ། ཉན་ཐོས་ཀྱི་ས་འམ། རང་སངས་རྒྱས་ཀྱི་སར་རབ་ཏུ་ལྷུང་ཞིང་། བྱང་ཆུབ་སེམས་དཔའི་སྐྱོན་མེད་པར་མི་འཇུག་པ་སྟེ། དེ་ནི་བྱང་ཆུབ་སེམས་དཔའི་སྐྱོན་ཡིན་ནོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་སྔར་ངེས་པར་ལྟུང་བའི་སྐྱོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ན། ཐབས་ལ་མི་མཁས་པ་ཉིད་ཀྱིས་སྟོང་པ་ཉིད་ཀྱིས་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་རྣམ་པར་ཐར་པའི་སྒོ་ལ་བརྟེན་ནས། ཉན་ཐོས་ཀྱི་ས་འམ། རང་སངས་རྒྱས་ཀྱི་ས་མངོན་སུམ་དུ་བྱེད་ཅིང་། བྱང་ཆུབ་སེམས་དཔའི་སྐྱོན་མེད་པ་ལ་མི་འཇུག་པ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྔར་ངེས་པར་ལྷུང་བའི་སྐྱོན་ཡིན་ནོ། ། བཙུན་པ་བཅོམ་ལྡན་འདས་ཅིའི་སླད་དུ་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་སྐྱོན་ཞེས་བྱ་བ་ནི། འདི་ལྟ་སྟེ། ཆོས་ལ་སྲེད་པ་སྟེ་སྐྱོན་ཡིན་ནོ།། གསོལ་པ། བཙུན་པ་བཅོམ་ལྡན་འདས་ཆོས་ལ་སྲེད་པའི་སྐྱོན་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་ལ་མི་རྟག་ཅེས་བྱ་བར་གནས་པར་བྱེད་ཅིང་།། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་རྟག་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་འཐུན་པའི་ཆོས་ལ་སྲེད་པ་སྟེ་སྐྱོན་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་གཟུགས་ནས། རྣམ་པར་ཤེས་པའི་བར་ལ་སྡུག་བསྔལ་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། གཟུགས་ནས། རྣམ་པར་ཤེས་པའི་བར་ལ་བདག་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་སྟོང་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་མཚན་མ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་སྨོན་པ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་ཞི་ཞེས་བྱ་བར་གནས་པར་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་དབེན་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་རྣམ་པར་བྱང་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་སྐྱེ་བ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ནས། རྣམ་པར་ཤེས་པའི་བར་ལ་འགག་པ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་གཟུགས་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། རྣམ་པར་ཤེས་པའི་བར་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་འཐུན་པའི་ཆོས་ལ་སྲེད་པ་སྟེ་སྐྱོན་ཡིན་ནོ། ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས་སྔར་ངེས་པར་ལྷུང་ཞིང་། ཉན་ཐོས་དང་རང་སངས་རྒྱས་ཀྱི་སར་ལྷུང་ལ། བྱང་ཆུབ་སེམས་དཔའི་སྐྱོན་མེད་པ་ལའང་མི་འཇུག་པ་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཐབས་ལ་མི་མཁས་པས་མིག་ནས། ཆོས་རྣམས་ཀྱི་བར་ལ་མི་རྟག་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས། ཆོས་རྣམས་ཀྱི་བར་ལ་སྡུག་བསྔལ་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས། ཆོས་རྣམ་ཀྱི་བར་ལ་བདག་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས། ཆོས་རྣམས་ཀྱི་བར་ལ་སྟོང་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས། ཆོས་རྣམས་ཀྱི་བར་ལ་མཚན་མ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས།། ཆོས་རྣམས་ཀྱི་བར་ལ་སྨོན་པ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས། ཆོས་རྣམས་ཀྱི་བར་ལ་ཞི་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས། ཆོས་རྣམས་ཀྱི་བར་ལ་དབེན་ཞེས་བྱ་བར་གནས་པར་བྱེད་ཅིང་ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མ་གནས། ཆོས་རྣམས་ཀྱི་བར་ལ་རྣམ་པར་བྱང་ཞེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ། དང་། དེ་བཞིན་དུ་མིག་ནས། ཆོས་རྣམས་ཀྱི་བར་ལ་སྐྱེ་བ་མེད་ཅེས་བྱ་བར་གནས་པར་བྱེད་ཅིང་།། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ནས། ཆོས་རྣམས་ཀྱི་བར་ལ་འགག་པ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། དེ་བཞིན་དུ་མིག་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་དང་། ཆོས་རྣམས་ཀྱི་བར་ལ་དངོས་པོ་མེད་ཅེས་བྱ་བར་གནས་པར་བྱེད་ཅིང་། ཀུན་ཏུ་ཤེས་ལ་མངོན་པར་ཞེན་པ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་རྗེས་སུ་འཐུན་པའི་ཆོས་ལ་སྲེད་པ་སྟེ་སྐྱོན་ཞེས་བྱའོ། ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པས་སྔར་ངེས་པར་ལྟུང་བ་ཡིན་ཞིང་།། ཉན་ཐོས་དང་རང་སངས་རྒྱས་ཀྱི་སར་རབ་ཏུ་ལྟུང་བ་དང་། བྱང་ཆུབ་སེམས་དཔའི་སྐྱོན་མེད་པ་ལ་མི་འཇུག་པ་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མི་མཁས་པས། ཁམས་རྣམས་དང་། དྲན་པ་ཉེ་བར་གཞག་པ་དག་ནས། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང་། དེ་བཞིན་དུ་སྦྱར་ཏེ། ཇི་ལྟར་ཕུང་པོ་དག་གི་སྐབས་སུ་སྦྱར་བ་བཞིན་ཐམས་ཅད་དུ་རྒྱ་ཆེར་སྦྱར་བར་བྱ་སྟེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པ་སྔར་ངེས་པར་ལྟུང་བ་ཡིན་ཞིང་། ཉན་ཐོས་དང་རང་སངས་རྒྱས་ཀྱི་སར་རབ་ཏུ་ལྷུང་ལ། བྱང་ཆུབ་སེམས་དཔའི་སྐྱོན་མེད་པ་ལའང་མི་འཇུག་པ་ཡིན་ནོ།། ཤཱ་ར་དྭ་ཏིའི་བུ་འདི་སྐད་ཅེས་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མ་མཆིས་པ་གང་ལགས་ཤེས་གང་སྨྲས་པ་ཡང་། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་འདི་ལྟར་བསླབ་པར་བྱ་སྟེ། ཅི་ནས་གཟུགས་ཀྱིས་རློམ་སེམས་སུ་མི་བྱའོ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པས་རློམ་སེམས་སུ་མི་བྱ། མིག་གིས་རློམ་སེམས་སུ་མི་བྱ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱིས་རློམ་སེམས་སུ་མི་བྱ། དེ་བཞིན་དུ་སྒྲ་དང་དྲི་དང་། རོ་དང་། རེག་པ་དང་། ཆོས་རྣམས་ཀྱིས་རློམ་སེམས་སུ་མི་བྱ། མིག་གི་ཁམས་ཀྱིས་རློམ་སེམས་སུ་མི་བྱ། གཟུགས་ཀྱི་ཁམས་ཀྱིས་རློམ་སེམས་སུ་མི་བྱ། མིག་གི་རྣམ་པར་ཤེས་པའི་ཁམས་ཀྱིས་རློམ་སེམས་སུ་མི་བྱ། དེ་བཞིན་དུ་སྦྱར་ཏེ། ཡིད་ཀྱི་ཁམས་ཀྱི་བར་གྱིས་རློམ་སེམས་སུ་མི་བྱ། ཡིད་ཀྱི་རྣམ་པར་ཤེས་པའི་ཁམས་ཀྱི་བར་གྱིས་རློམ་སེམས་སུ་མི་བྱ། སྦྱིན་པའི་ཕ་རོལ་ཏུ་ཕྱིན་པས་རློམ་སེམས་སུ་མི་བྱ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པས་རློམ་སེམས་སུ་མི་བྱ། དེ་བཞིན་དུ་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་རྣམས་ཀྱིས་རློམ་སེམས་སུ་མི་བྱ། དྲན་པ་ཉེ་བར་གཞག་པ་རྣམས་ཀྱིས་རློམ་སེམས་སུ་མི་བྱ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱིས་རློམ་སེམས་སུ་མི་བྱ། དེ་བཞིན་གཤེགས་པའི་སྟོབས་བཅུས་རློམ་སེམས་སུ་མི་བྱ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱིས་རློམ་སེམས་སུ་མི་བྱེད་དོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པས་བྱང་ཆུབ་ཀྱི་སེམས་མི་མཉམ་པ་དང་། མཉམ་པའི་སེམས། ཐུན་མོང་མ་ཡིན་པའི་སེམས།། རྒྱ་ཆེན་པོའི་སེམས་དེ་ཉིད་ཀྱིས་ཀྱང་རློམ་སེམས་སུ་མི་བྱའོ།། དེ་ཅིའི་ཕྱིར་ཞེ་ན། འདི་ལྟར་སེམས་ཀྱི་རང་བཞིན་འོད་གསལ་བཉིད་ཀྱི་ཕྱིར་རོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་ཟླས་འདི་སྐད་ཅེས་གསོལ་ཏོ།། བཙུན། པ་བཅོམ་ལྡན་འདས་སེམས་ཀྱི་རང་བཞིན་འོད་གསལ་བ་ཉིད་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་སེམས་གང་འདོད་ཆགས་དང་ལྡན་པའང་མ་ཡིན། མི་ལྡན་པའང་མ་ཡིན། ཞེ་སྡང་དང་ལྡན་པའང་མ་ཡིན། མི་ལྡན་པའང་མ་ཡིན། གཏི་མུག་དང་ལྡན་པའང་མ་ཡིན། མི་ལྡན་པའང་མ་ཡིན་ཞིང་། དེ་བཞིན་དུ་ཀུན་ནས་ལྡང་བ་རྣམས་དང་། ཀུན་ཏུ་སྦྱོར་བ་རྣམས་དང་། བག་ལ་ཉལ་བ་རྣམས་དང་། ལྡན་པའང་མ་ཡིན།། མི་ལྡན་པའང་མ་ཡིན་པ་དང་། དེ་བཞིན་དུ་ལྟ་བའི་ཀུན་ཏུ་སྦྱོར་བ་ཐམས་ཅད་དང་ལྡན་པའང་མ་ཡིན།། མི་ལྡན་པའང་མ་ཡིན་པ་དང་། ཉན་ཐོས་དང་རང་སངས་རྒྱས་ཀྱི་སེམས་དག་དང་ལྡན་པའང་མ་ཡིན། མི་ལྡན་པའང་མ་ཡིན་པ་འདི་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་སེམས་རང་བཞིན་གྱིས་འོད་གསལ་བ་ཉིད་ཡིན་ནོ། ། དེ་སྐད་ཅེས་བཀའ་སྩལ་པ་དང་།། བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཅི་སེམས་མ་ལགས་པའི་སེམས་གང་ལགས་པ་དེ་མཆིས་ལགས་སམ། བཅོམ་ལྡན་འདས་ཀྱིས་བཀའ་སྩལ་བ། ཤཱ་ར་དྭ་ཏིའི་བུ་སེམས་ཀྱི་སེམས་ཉིད་གང་ཡིན་པ་དེ་ལ་ཅི་ཡོད་པ་ཉིད་དམ། མེད་པ་ཉིད་དམ། བདོག་པ་འམ། མི་བདོག་པ་འམ། དམིགས་པ་ཉིད་དམིགས་སུ་ཡོད་དམ། གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ། ། བཀའ་སྩལ་པ། ཤཱ་ར་དྭ་ཏིའི་བུ་གལ་ཏེ་སེམས་ཀྱི་སེམས་ཉིད་གང་ལ་ཡོད་པ་ཉིད་དམ། མེད་པ་ཉིད་མེད་ཅིང་མི་དམིགས་ན། ཤཱ་ར་དྭ་ཏིའི་བུ་གང་འདི་སྐད་ཅེས་སྨྲས་ཏེ། སེམས་མ་ལགས་པའི་སེམས་དེ་མཆིས་ལགས་ས་མ། ཞེས་བརྒལ་ཞིང་བརྟགས་པ་འདི་ཇིག་རིགས་སམ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་སེམས་ཀྱི་སེམས་ཉིད་དེ་གང་ལགས། བཀའ་སྩལ་པ། ཤཱ་ར་དྭ་ཏིའི་བུ་ཆོས་ཐམས་ཅད་ལ་འགྱུར་བ་མེད་ཅིང་། རྣམ་པར་རྟོག་པ་མེད་པ་གང་ཡིན་པ་དེ་ནི་སེམས་ཀྱི་སེམས་ཉིད་ཅེས་བྱའོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་སེམས་དེ་ཁོ་ན་འགྱུར་བ་མ་མཆིས་ཤིང་། རྣམ་པར་རྟོག་པ་མ་མཆིས་ལ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དེ་ཁོ་ན་འགྱུར་བ་མ་མཆིས་ཤིང་། རྣམ་པར་རྟོག་པ་མ་མཆིས་པ་ལགས་སམ། དེ་བཞིན་དུ་སྦྱར་ཏེ། འདུ་བྱེད་ཐམས་ཅད་ཀྱི་བར་དག་ཀྱང་འགྱུར་བ་མ་མཆིས་ཤིང་། རྣམ་པར་རྟོག་པ་མ་མཆིས་ལགས་སམ། དེ་ལྟར་གྱུར་ན་ནི་བྱང་ཆུབ་ཀྱི་བར་དུ་འགྱུར་བ་མ་མཆིས་ཤིང་། རྣམ་པར་རྟོག་པ་མ་མཆིས་པར་འགྱུར་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་དེ་དེ་བཞིན་ཏེ། རང་གི་སེམས་དེ་ལྟར་འགྱུར་བ་མེད་ཅིང་། རྣམ་པར་རྟོག་པ་མེད་པ་ནས། འདུ་བྱེད་ཐམས་ཅད་ཀྱི་བར་དག་དང་། དེ་བཞིན་དུ་བྱང་ཆུབ་ཀྱི་བར་དུའང་དེ་ལ་འགྱུར་བ་མེད་ཅིང་། རྣམ་པར་རྟོག་པ་མེད་པ་ཡིན་ཏེ། ཤཱ་ར་དྭ་ཏིའི་བུ་ཆོས་ཐམས་ཅད་ལ་འགྱུར་བ་མེད་ཅིང་། རྣམ་པར་རྟོག་པ་མེད་པ་གང་ཡིན་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྐྱོན་མེད་པ་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། ཐབས་ཀྱིས་ཡང་དག་པར་ཟིན་པའི་དྲན་པ་ཉེ་བར་གཞག་པ་བཞི་ཡིན་ནོ།། བཞི་གང་ཞེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས། མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་།། ཡིད་མི་བདེ་བ་རྣམ་པར་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ལ། ལུས་ལ་བརྟེན་པའི་རྣམ་པར་རིག་པའང་མི་སྐྱེད་པ་དང་། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས། མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་པར་བསལ་ནས། ཕྱིའི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ལ། ལུས་ལ་བརྟེན་པའི་རྣམ་པར་རིག་པའང་མི་སྐྱེད་པ་དང་། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས། མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་པར་བསལ་ནས། ནང་དང་ཕྱིའི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ལ། ལུས་ལ་བརྟེན་པའི་རྣམ་པར་རིག་པའང་མི་སྐྱེད་པ་དང་། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས། མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་པར་བསལ་ནས། ནང་གྱི་ཚོར་བ་རྣམས་དང་ཕྱིའི་ཚོར་བ་རྣམས་དང་། ཕྱི་ནང་གི་ཚོར་བ་རྣམས་ལ་ཚོར་བའི་རྗེས་སུ་ལྟ་ཞིང་གནས་ལ། ཚོར་བ་ལ་བརྟེན་པའི་རྣམ་པར་རིག་པའང་མི་སྐྱེད་པ་དང་། དེ་བཞིན་དུ་རྟུན་པ་ཤེས་བཞིན་ཅན་དྲན་པ་དང་ལྡན་པས། མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་པར་བསལ་ནས། ནང་གི་སེམས་རྣམས་དང་། ཕྱིའི་སེམས་རྣམས་དང་། ཕྱི་ནང་གི་སེམས་རྣམས་ལ་སེམས་ཀྱི་རྗེས་སུ་ལྟ་ཞིང་གནས་ལ། སེམས་ལ་བརྟེན་པའི་རྣམ་པར་རིག་པའང་མི་སྐྱེད་པ་དང་། དེ་བཞིན་དུ་རྟུན་པ་ཤེས་བཞིན་ཅན་དྲད་པ་དང་ལྡན་པས། མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་པར་བསལ་ནས། ནང་གི་ཆོས་རྣམས་དང་། ཕྱེའི་ཆོས་རྣམས་དང་། ཕྱིན་གི་ཆོས་རྣམས་ལ་ཆོས་ཀྱི་རྗེས་སུ་ལྟ་ཞིང་གནས་ལ། ཆོས་ལ་བརྟེན་པའི་རྣམ་པར་རིག་པའང་མི་སྐྱེད་པའོ།། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་བརྒྱད་པ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་ན་རང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཤེ་ན། འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་ནའང་བདག་སྤྱོད་པར་རབ་ཏུ་ཤེས་སོ། ། འགྲེང་ནའང་བདག་འགྲེང་བར་རབ་ཏུ་ཤེས་སོ།། འདུག་ནའང་བ་དག་འདུག་པར་རབ་ཏུ་ཤེས་སོ།། ཉལ་ནའང་བདག་ཉལ་བར་རབ་ཏུ་ཤེས་སོ། ། དེའི་ལུས་ཇི་ལྟ་ཇི་ལྟ་བུར་གནས་པར་གྱུར་པ་དེ་ལྟ་དེ་ལྟ་བུར་རབ་ཏུ་ཤེས་ཏེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས། འཇིག་རྟེན་ལ་བརྣབ་སེམས་དང་། ཡིད་མི་བདེ་བ་རྣམ་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་འགྲོ་འམ། ལྡོག་ཀྱང་ཤེས་བཞིན་དུ་སྤྱོད་པ་ཡིན། ཀུན་ཏུ་ལྟ་བ་འམ། རྣམ་པར་ལྟའང་ཤེས་བཞིན་དུ་སྤྱོད་པ་ཡིན། བསྐུམ་པ་དང་། བཀྱང་བ་དང་། སྣམ་སྦྱར་དང་། རས་ཡུགས་ཆེན་དང་། ལྷུང་བཟེད་ཐོགས་པ་དང་། ཟ་བ་དང་། འཐུང་བ་དང་། འཆའ་བ་དང་། མྱང་བ་དང་། གཉིད་བསད་བ་དང་། ངལ་བསོ་བ་དང་། འོང་བ་དང་། འགྲོ་བ་དང་། འདུག་པ་དང་། ཉལ་བ་དང་། མཽ་ཉལ་བ་དང་། སྨྲ་བ་དང་། མི་སྨྲ་བ་ནའང་ཤེས་བཞིན་དུ་སྤྱོད་པ་ཡིན། ནང་དུ་ཡང་དག་འཇོག་དང་ལྡན་པ་ནའང་ཤེས་བཞིན་དུ་སྤྱོད་པ་ཡིན་ཏེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། དེའང་མི་དམིགས་པའི་ཚུལ་གྱིས་གནས་སོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དྲན་བཞིན་དུ་དབུགས་རྔུབ་ཅིང་། དྲན་བཞིན་དུ་དབུགས་འབྱིན་ཏེ། དེས་དབུགས་རིང་དུ་བརྔུབས་ནའང་དབུགས་རིང་དུ་བརྔུབས་པ་དང་། དབུགས་རིང་དུ་ཕྱུང་ནའང་དབུགས་རིང་དུ་ཕྱུང་བར་རབ་ཏུ་ཤེས་སོ།། དབུགས་ཐུང་ངུ་བརྔུབས་ནའང་དབུགས་ཐུང་ངུ་བརྔུབས་པར་རབ་ཏུ་ཤེས་སོ། ། དབུགས་ཐུང་ངུ་ཕྱུང་ནའང་དབུགས་ཐུང་ངུ་ཕྱུང་བར་རབ་ཏུ་ཤེས་སོ།། ཤཱ་ར་དྭ་ཏིའི་བུ་དཔེར་ན་རྫ་མཁན་ནམ། རྫ་མཁན་གྱི་སློབ་མ་མཁས་པས་ཕང་ལོ་བསྐོར་བ་ནི་རིང་དུ་སྲུབས་ནའང་རིང་དུ་སྲུབས་པར་རབ་ཏུ་ཤེས་སོ། ། ཐུང་ངུ་སྲུབས་ནའང་ཐུང་དུ་སྲུབས་པར་རབ་ཏུ་ཤེས་སོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའང་དྲན་བཞིན་དུ་དབུགས་རྔུབ་ཅིང་། དྲན་བཞིན་དུ་དབུགས་འབྱིན་ཏེ། དེས་དབུགས་རིང་དུ་བརྔུབས་ནའང་དབུགས་རིང་དུ་བརྔུབས་པར་རབ་ཏུ་ཤེས་སོ།། དབུགས་རིང་དུ་ཕྱུང་ནའང་དབུགས་རིང་དུ་ཕྱུང་བར་རབ་ཏུ་ཤེས་སོ། ། དབུགས་ཐུང་ངུདུ་བརྔུབས་པ་ནའང་དབུགས་ཐུང་དུ་བརྔུབས་པར་རབ་ཏུ་ཤེས་སོ།། དབུགས་ཐུང་དུ་ཕྱུང་ནའང་དབུགས་ཐུང་དུ་ཕྱུང་བར་རབ་ཏུ་ཤེས་ཏེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ། རྟུན་པ་ཤེས་བཞིན་ཅན་དྲན་པ་དང་ལྡན་པས། མི་དམིགས་པའི་ཚུལ་གྱིས་འཇིག་རྟེན་ལ་བརྣབ་སེམས་དང་ཡིད་མི་བདེ་བ་རྣམ་པར་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་སོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་འདི་ཉིད་ལ་ཁམས་ཀྱིས་སོ་སོར་རྟོག་པར་བྱེད་དེ། ལུས་འདི་ལ་ནི་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཡོད་དོ་སྙམ་དུ་རྟོག་གོ། ཤཱ་ར་དྭ་ཏིའི་བུ་དཔེར་ན་བ་གླང་གསོད་པ་མཁས་པ་འམ། བ་གླང་གསོད་པའི་སློབ་མ་མཁས་པས། མཚོན་རྣོན་པོས་པ་གླང་བསད་ནས་བག་བཞིར་གཤེགས་ཏེ། ཟུག་བཞིར་ཕྱེ་ནས་འགྲེང་ངམ་འདུག་སྟེ་སོ་སོར་རྟོག་པ་དེ་བཞིན་དུ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་སྤྱོད་པ་ལ་ཡང་། ལུས་འདི་ཉིད་ལ་ཁམས་ཀྱིས་སོ་སོར་རྟོག་པར་བྱེད་དེ། ལུས་འདི་ལ་ནི་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་ཡོད་དོ་སྙམ་དུ་རྟོག་སྟེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་པ་ཡིན་ཏེ། དེའང་མི་དམིགས་པའི་ཚུལ་གྱིས་གནས་སོ། ། ཤཱ་ར་དྭ་ཏིའི་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལུས་འདི་ཉིད་ལ་རྐང་པའི་མཐིལ་ཡན་ཆད། སྐྲ་དང་མགོ་མན་ཆད་མི་གཙང་བ་རྣམ་པ་སྣ་ཚོགས་ཀྱིས་གང་སྟེ། ལུས་འདི་ལ་ནི་སྐྲ་དང་། སྤུ་དང་། སེན་མོ་དང་། པགས་པ་དང་། པགས་ཤུན་དང་། རྒྱུས་པ་དང་། རུས་པ་དང་རྐང་དང་། མཁལ་མ་དང་། སྙིང་དང་། མཆེར་པ་དང་། གློ་བ་དང་། མཆིན་པ་དང་། སུ་ལ་མངས་དང་། རྒྱུ་མ་དང་། གཉེར་མ་དང་། གཞང་དང་། ལྒང་པ་དང་། ཕྱི་ས་དང་། མཆི་མ་དང་རྡུལ་དང་། ཚིལ་དང་། མཆིལ་མ་དང་། སྣབས་དང་། རྣག་དང་། ཁྲག་དང་། མཁྲིས་པ་དང་། བད་ཀན་དང་། ཞག་དང་། ཆུ་སེར་དང་། དྲི་མ་དང་། གཅིན་དང་། ཀླད་པ་དང་། ཀླད་རྒྱས་དག་ཡོད་དོ་སྙམ་དུ་སོ་སོར་རྟོག་། ཤྭ་ར་དྭ་ཏིའི་བུང་དཔེར་ན་ཁྱིམ་བདག་ནིང་པའི་སྤྱང་འབྲུའི་རྣམ་པ་སྣ་ཚོགས་འདི་སྨྲས།། ཏི་ལ་དང་། འབྲས་འབྲུག་པོ་ཚོ་དང་། མོན་སན་རྫེཊ་དང་། མན་ལྡན་ན་ཀུ་དང་། ནས་དང་། ཐོ་དང་། ཕན་ཆུ་། དང་འབྲས་སཱ་ལུ་དང་། འབྲུ་དང་། ཡུངས་འབྲུ་དག་གིས་གང་བསྒོ་དྲུང་གཉིས་སུ་བཞག་པ་ལ་མིག་དང་ལྡན་པས་མཐོང་ན། འདི་དག་ནི་ཏིལ་ཡིན་ནོ།། འདི་དག་དག་ནི་འབྲས་འཐུ་པོ་ཆེ་ཡིན་ནོ། ། འདི་དག་ནི་མོན་སྲན་སྡེའུ་ཡིན་ནོ།། འདི་དག་ནི་མོན་ལྡན་ན་གུ་ཡིན་ནོ།། འདི་དག་ནི་ནས་ཡིན་ནོ།། འདི་དག་ནི་གྲོ་ཡིན་ནོ།། འདི་དག་ནི་སྲན་ཆུང་ཡིན་ནོ།། འདི་དག་ནི་འབྲེག་སཱ་ལུ་ཡིན་ནོ། ། འདི་དག་ནི་འབྲུ་ཡིན་ནོ།། འདི་དག་ནི་ཡུངས་ཀར་ཡིན་སྙམ་དུ་སེམས་སོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོའང་ལུས་འདི་ཉིད་ལ་རྐང་པའི་མཐིལ་ཡན་ཆད། སྐྲ་དང་མགོ་བོ་མན་ཆད་མི་གཙང་བ་རྣམ་པ་སྣ་ཚོགས་ཀྱིས་གང་སྟེ། ལུས་འདི་ལ་ནི་སྐྲ་དང་། སྤུ་དང་། དེ་བཞིན་དུ་སྦྱར་ཏེ། ཀླད་པ་དང་། ཀླད་རྒྱས་ཀྱི་བར་དག་ཡོད་དོ་སྙམ་དུ་སོ་སོར་རྟོག་གོ། ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྟུན་པ་ཤེས་བཞིན་ཅན་དྲན་པ་དང་ལྡན་པས། འཇིག་རྟེན་ལ་བརྣབ་སེམས་དང་། འདི་མི་བདེ་བ་རྣམ་པར་བསལ་ནས། ནང་གི་ལུས་ལ་ལུས་ཀྱི་རྗེས་སུ་ལྟ་ཞིང་གནས་ཏེ། དེའང་མི་དམིགས་པའི་ཚུལ་གྱིས་ཏེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པའི་སྤྱོད་པའི་སྐྱོན་མེད་པ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ་སྐྱོན་མེད་པ་ནི། འདི་ལྟ་སྟེ། ཡང་དག་པར་སྤོང་བ་བཞིའོ།། བཞི་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ། སྡིག་པ་མི་དགེ་བའི་ཆོས་མ་སྐྱེས་པ་རྣམས་མི་བསྐྱེད་པའི་ཕྱིར་འདུན་པ་སྐྱེད་ཅིང་རྩོལ་ལ། བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང་། སྡིག་པ་མི་དགེ་བའི་ཆོས་སྐྱེས་པ་རྣམས་སྤང་བའི་ཕྱིར་འདུན་པ་སྐྱེད་ཅིང་རྩོལ་ལ། བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང་། དགེ་བའི་ཆོས་མ་སྐྱེས་པ་རྣམས་བསྐྱེད་པའི་ཕྱིར་འདུན་པ་སྐྱེད་ཅིང་འབདེ་ལ། བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་པ་དང་། དགེ་བའི་ཆོས་སྐྱེས་པ་རྣམས་གནས་པ་དང་། མི་བརྗོད་པ་དང་། རྒྱས་པ་དང་། ཕྱིར་ཞིང་སྒོམ་པ་ཡོངས་སུ་རྫོགས་པར་བྱ་བའི་ཕྱིར་འདུན་པ་སྐྱེད་ཅིང་འབད་ལ། བརྩོན་འགྲུས་རྩོམ་སྟེ། སེམས་རབ་ཏུ་འཛིན་ཅིང་ཡང་དག་པར་རབ་ཏུ་འཇོག་ལ། དེའང་མི་དམིགས་པའི་ཚུལ་གྱིས་ཏེ། ཤཱ་ར་དྭ་ཏིའི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། རྫུ་འཕྲུལ་གྱི་རྐང་པ་བཞིའོ།། བཞི་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་འདུན་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་བསྒོམ་པ་དང་། དེ་བཞིན་དུ་སེམས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་བསྒོམ་པ་དང་བརྩོན་འགྲུས་ཀྱི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་བསྒོམ་པ་དང་། དཔྱོད་པའི་ཏིང་ངེ་འཛིན་སྤོང་བའི་འདུ་བྱེད་དང་ལྡན་པའི་རྫུ་འཕྲུལ་གྱི་རྐང་པ་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བའི་ཡོངས་སུ་བསྒྱུར་བ་བསྒོམ་པ་སྟེ། དེའང་མི་དམིགས་པའི་ཚུལ་གྱིས་ཏེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། དབང་པོ་ལྔའོ།། ལྔ་གང་ཞེ་ན། འདི་ལྟ་སྟེ། ངང་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོ་སྷོ། དེའང་མི་དམིགས་པའི་ཚུལ་གྱིས་ཏེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནིའདི་ལྟ་སྟེ། སྟོབས་ལྔའོ།། ལྔ་གང་ཞེ་ན། འདི་ལྟ་སྟེ། དད་པའི་སྟོབས་དང་། བརྩོན་འགྲུས་ཀྱི་སྟོབས་དང་། དྲན་པའི་སྟོབས་དང་། ཏིང་ངེ་འཛིན་གྱི་སྟོབས་དང་། ཤེས་རབ་ཀྱི་སྟོབས་སོ།། དེའང་མི་དམིགས་པའི་ཚུལ་དུ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། བྱང་ཆུབ་ཀྱི་ཡན་ལག་བདུན་ནོ།། བདུན་གང་ཞེ་ན། འདི་ལྟ་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དང་། ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང་། བརྩོན་འགྲུས་ཡང་དག་བྱང་ཆུབ་ཀྱི་ཡན་ལག་དང་། དགའ་བ་ཡང་དག་བྱང་ཆུབ་ཀྱི་ཡན་ལག་དང་། ཤིན་དུ་སྦྱངས་པ་ཡང་དག་བྱང་ཆུབ་ཀྱི་ཡན་ལག་དང་། ཏིང་ངེ་འཛིན་ཡང་དག་བྱང་ཆུབ་ཀྱི་ཡན་ལག་དང་། བཏང་སྙོམས་ཡང་དག་བྱང་ཆུབ་ཀྱི་ཡན་ལག་སྟེ། དྲན་པ་ཡང་དག་བྱང་ཆུབ་ཀྱི་ཡན་ལག་དེའང་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བའི་ཡོངས་སུ་བསྐུར་བསྒོམ་པ་དང་། དེ་བཞིན་དུ་ཆོས་རྣམ་པར་འབྱེད་པ་ཡང་དག་བྱང་ཆུབ་ཀྱི་ཡན་ལག་དང་། བརྩོན་འགྲུས་དང་། དགའ་བ་དང་། ཤིན་ཏུ་སྦྱངས་པ་དང་། ཏིང་ངེ་འཛིན་དང་། བཏང་སྙོམས་ཡང་དག་བྱང་ཆུབ་ཀྱི་ཡན་ལག་དབེན་པ་ལ་གནས་པ། འདོད་ཆགས་དང་བྲལ་བ་ལ་གནས་པ། འགོག་པ་ལ་གནས་པ། རྣམ་པར་སྤོང་བས་ཡོངས་སུ་བསྒྱུར་བ་བསྒོམ་སྟེ། དེའང་མི་དམིགས་པའི་ཚུལ་གྱིས་སྒོམ་མོ།། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། འཕགས་པའི་ལམ་ཡན་ལག་བརྒྱད་པ་སྟེ། འདི་ལྟ་སྟེ། ཡང་དག་པའི་ལྟ་བ་དང་། ཡང་དག་པའི་རྟོག་པ་དང་། ཡང་དག་པའི་ངག་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་འཚོ་བ་དང་། ཡང་དག་པའི་རྩོལ་བ་དང་། ཡང་དག་པའི་དྲན་པ་དང་། ཡང་དག་པའི་ཏིང་ངེ་འཛིན་ཉིད་ནི་བརྒྱད་པ་ཡིན་ཏེ། དེའང་མི་དམིགས་པའི་ཚུལ་གྱིས་ཏེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི། འདི་ལྟ་སྟེ། ཆོས་ཐམས་ཅད་གཉིས་སུ་མེད་པར་ཤེས་པ་འདུག་པས་ཐར་པའི་སྒོ་གསུམ་ལ་སྙོམས་པར་འཇུག་པ་དང་། ཆོས་ཐམས་ཅད་ལ་རྣམ་པར་མི་རྟོག་ཅིང་བསམ་གཏན་གྱི་བདེ་བ་ལ་རོ་མྱང་བ་མེད་པར་བསམ་གཏན་བཞི་ལ་སྙོམས་པར་འཇུག་པ་དང་། ཆོས་ཐམས་ཅད་མི་སྐྱེ་བར་བཟོད་པ་ལ་འཇུག་པས་ཚད་མེད་པ་བཞི་ལ་སྙོམས་པར་འཇུག་པ་དང་། ཁམས་གསུམ་དམིགས་སུ་མེད་པར་ཤེས་པས་གཟུགས་མེད་པའི་སྙོམས་པར་འཇུག་པ་བཞི་ལ་སྙོམས་པར་འཇུག་པ་དང་སེམས་དང་། ཡིད་དང་། ཡིད་ཀྱི་རྣམ་པར་ཤེས་པ་དང་བྲལ་བས་རྣམ་པར་ཐར་པ་བརྒྱད་ལ་སྙོམས་པར་འཇུག་པ་དང་། འཁོར་བ་དང་མྱ་ངན་ལས་འདས་པ་ལ་གཉིས་སུ་མེད་པར་མཐོང་བས་མཐར་གྱིས་གནས་པའི་སྙོམས་པར་འཇུག་པ་དགུ་ལ་སྙོམས་པར་འཇུག་པ་དང་། ཆོས་ཐམས་ཅད་སྨིག་རྒྱུ་ལྟ་བུ་ལ་འཇུག་པས་འདུ་ཤེས་དགུ་ལ་སྙོམས་པར་འཇུག་པ་དང་། དྲན་པ་མེད་ཅིང་ཡིད་ལ་བྱེད་པ་མེད་པས་རྗེས་སུ་དྲན་པ་བཅུ་ལ་སྙོམས་པར་འཇུག་པ་དང་། ཆོས་ཐམས་ཅད་སྒྱུ་མ་ལྟ་བུ་ལ་འཇུག་པས་འདུ་ཤེས་དྲུག་ལ་སྙོམས་པར་འཇུག་པ་དང་། ཤེས་པ་དང་མི་ཤེས་པའི་ཆོས་མཉམ་པས་ཤེས་པ་བཅུ་ལ་འཇུག་པ་དང་། ཆོས་ཐམས་ཅད་རང་བཞིན་གྱིས་མཉམ་པར་གཞན་པར་རྟོགས་ནས་གསུམ་ལ་སྙོམས་པར་འཇུག་པ་དང་། དུས་གསུམ་དང་བྲལ་བའི་ཤེས་པས་དབང་པོ་གསུམ་སྒོམ་པ་དང་། ཚུལ་གཅིག་ཅིང་ཐ་དད་པ་མི་བྱེད་པའི་ཤེས་པ་ལ་འཇུག་པས་ཟིལ་གྱིས་གནོན་པའི་སྐྱེ་མཆེད་རྣམས་སྒོམ་པ་དང་། ཆོས་ཟབ་མོ་ལ་བཟོད་པ་ལ་འཇུག་པས་ཟད་པར་གྱི་སྐྱེ་མཆེད་རྣམས་ལ་སྙོམས་པར་འཇུག་པ་སྟེ། དེའང་མི་དམིགས་པའི་ཚུལ་གྱིས་སྙོམས་པར་འཇུག་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི་གང་གི་ཚེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ནང་སྟོང་བཔ་ཉིད་ལ་ཕྱི་སྟོང་པ་ཉིད་མི་མཐོང་། ཕྱི་སྟོང་པ་ཉིད་ལ་ནང་སྟོང་པ་ཉིད་མི་མཐོང་། ནང་སྟོང་པ་ཉིད་དང་ཕྱི་སྟོང་པ་ཉིད་ལ་སྟོང་པ་ཉིད་མི་མཐོང་། སྟོང་པ་ཉིད་སྟོང་པ་ཉིད་ལ་ནང་དང་ཕྱི་སྟོང་པ་ཉིད་མི་མཐོང་།། སྟོང་པ་ཉིད་སྟོང་པ་ཉིད་ལ་ཆེན་པོ་སྟོང་པ་ཉིད་མི་མཐོང་།། ཆེན་པོ་སྟོང་པ་ཉིད་ལ་དོན་དམ་པ་སྟོང་པ་ཉིད་མི་མཐོང་། དོན་དམ་པ་སྟོང་པ་ཉིད་ལ་འདུས་བྱས་སྟོང་པ་ཉིད་མི་མཐོང་། འདུས་བྱས་སྟོང་པ་ཉིད་ལ་འདུས་མ་བྱས་སྟོང་པ་ཉིད་མི་མཐོང་། འདུས་མ་བྱས་སྟོང་པ་ཉིད་ལ་མཐའ་ལས་འདས་པ་སྟོང་པ་ཉིད་མི་མཐོང་། མཐའ་ལས་འདས་པ་སྟོང་པ་ཉིད་ལ་ཐོག་མ་དང་ཐ་མ་མེད་པ་སྟོང་པ་ཉིད་མི་མཐོང་། ཐོག་མ་དང་ཐ་མ་མེད་པ་སྟོང་པ་ཉིད་ལ་དོར་བ་མེད་པ་སྟོང་པ་ཉིད་མི་མཐོང་། དོར་བ་མེད་པ་སྟོང་པ་ཉིད་ལ་རང་བཞིན་སྟོང་པ་ཉིད་མི་མཐོང་། རང་བཞིན་སྟོང་པ་ཉིད་ལ་རང་གི་མཚན་ཉིད་སྟོང་པ་ཉིད་མི་མཐོང་། རང་གི་མཚན་ཉིད་སྟོང་པ་ཉིད་ལ་ཆོས་ཐམས་ཅད་སྟོང་པ་ཉིད་མི་མཐོང་། ཆོས་ཐམས་ཅད་སྟོང་པ་ཉིད་ལ་མི་དམིགས་པ་སྟོང་པ་ཉིད་མི་མཐོང་། མི་དམིགས་པ་སྟོང་པ་ཉིད་ལ་དངོས་པོ་མེད་པ་སྟོང་པ་ཉིད་མི་མཐོང་། དངོས་པོ་མེད་པ་སྟོང་པ་ཉིད་ལ་ངོ་བོ་ཉིད་སྟོང་པ་ཉིད་མི་མཐོང་།། ངོ་བོ་ཉིད་སྟོང་པ་ཉིད་ལ་དངོས་པོ་མེད་པའི་ངོ་བོ་ཉིད་སྟོང་པ་ཉིད་མི་མཐོང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ལ། རྔ་ཟ་ནོད་སྟོང་པ་ཉིད་མི་མཐོང་སྟེ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ལ་འཇུག་པར་འགྱུར་རོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་སྐྱོན་མེད་པ་ནི་འདི་ལྟ་སྟེ། གཞན་གྱི་དྲིང་ལ་མི་འཇོག་ཅིང་། གཞན་ལ་བསྟན་པ་ཤེས་པ་ལ་འཇུག་པས། དེ་བཞིན་གཤེགས་པའི་སྟོབས་བཅུ་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། ། བདག་དང་གཞན་ལ་རློམ་སེམས་མེད་པ་ལ་ལྷག་པར་འཇུག་པས་མི་འཇིགས་པ་བཞི་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། ། ཉན་ཐོས་དང་རང་སངས་རྒྱས་ཀྱི་ཐེག་པ་ཡོངས་སུ་སྤང་བའི་ཤེས་པས། དེ་ལའང་རློམ་སེམས་སུ་མི་བྱེད་པས་སོ་སོ་ཡང་དག་པར་རིག་པ་བཞི་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།། སེམས་ཅན་སེམས་ཅན་མེད་པས་བྱམས་པ་ཆེན་པོ་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།། བདག་བདག་མེད་པས་སྙིང་རྗེ་ཆེན་པོས་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།། རིག་པ་གཉིས་ཀྱི་བསམ་པ་དང་བྲལ་བས་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།། རྣམ་པ་ཐམས་ཅད་ཀྱི་མཆོག་དང་ལྡན་པའི་སྟོང་པ་ཉིད་ལ་འཇུག་པས་ཐམས་ཅད་ཤེས་པ་ཉིད་དང་། ལམ་གྱི་རྣམ་པ་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།། སེར་སྣ་དང་། འཆལ་པའི་ཚུལ་ཁྲིམས་དང་། ཁྲོ་བ་དང་། ལེ་ལོ་དང་། རྣམ་པར་གཡེང་བའི་སེམས་དང་། འཆལ་པའི་ཤེས་རབ་ཀྱི་སེམས་རྣམས་དངོས་པོ་མེད་པར་མཐོང་བས། ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།། ཆོས་ཐམས་ཅད་འོང་བ་དང་འགྲོ་བ་མེད་ཅེས་བྱ་བར་མོས་ནས་མངོན་པར་ཤེས་པ་དྲུག་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ།། ཆོས་ཐམས་ཅད་སྟོང་པ་ཉིད་དང་མཚན་མ་མེད་པ་དང་། སྨོན་པ་མེད་པ་དང་། སྐྱེ་བ་མེད་པ་དང་། འགག་པ་མེད་པ་དང་། མངོན་པར་འདུ་བྱ་བ་མེད་པ་དང་། འབྱུང་བ་མེད་ཅེས་བྱ་བར་མཐོང་ནས་མིག་ལྔ་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱའོ།། ཆོས་ཐམས་ཅད་ནི་མི་གནས་པའོ་ཞེས་བྱ་བར་མོས་ནས་མཚན་དང་དཔེ་བྱད་བཟང་པོ་རྣམས་ཡོངས་སུ་རྫོགས་པར་བྱེད་དེ། དེའང་མི་དམིགས་པའི་ཚུལ་གྱིས་བྱེད་པའོ། ། དེ་སྐད་ཅེས་བཀའ་སྩལ་པ་དང་།། བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཇི་ལྟར་ན་བྱང་ཆུབ་ཀྱི་ལམ་དུ་མཆི་ཞིང་། བྱང་ཆུབ་སེམས་དཔའི་སྐྱོན་མ་མཆིས་པ་ལའང་འཇུག་ལ། སུས་ཀྱང་ཐུབ་པར་རྔོ་མི་ཐོགས་པ་ལགས་བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ། གཟུགས་ཀྱི་ཕུང་པོར་རློམ་སེམས་སུ་མི་བྱེད་ཅིང་། དེ་བཞིན་དུ་རྣམ་པར་ཤེས་པའི་ཕུང་པོའི་བར་དུ་རློམ་སེམས་སུ་མི་བྱེད། མིག་གི་སྐྱེ་མཆེད་དུ་རློམ་སེམས་སུ་མི་བྱེད་ཅིང་། དེ་བཞིན་དུ་ཡིད་ཀྱི་སྐྱེ་མཆེད་ཀྱི་བར་དུ་རློམ་སེམས་སུ་མི་བྱེད། གཟུགས་ཀྱི་སྐྱེ་མཆེད་དུ་རློམ་སེམས་སུ་མི་བྱེད་པ་ནས། ཆོས་ཀྱི་སྐྱེ་མཆེད་ཀྱི་བར་དུ་རློམ་སེམས་དུ་མི་བྱེད། དེ་བཞིན་དུ་མིག་གི་ཁམས་སུ་རློམ་སེམས་དུ་མི་བྱེད། གཟུགས་ཀྱི་ཁམས་སུ་རློམ་སེམས་སུ་མི་བྱེད། མིག་གི་རྣམ་པར་ཤེས་པའི་ཁམས་སུ་རློམ་སེམས་སུ་མི་བྱེད་པ་ནས། དེ་བཞིན་དུ་སྦྱར་ཏེ། ཡིད་ཀྱི་ཁམས་སུ་རློམ་སེམས་སུ་མི་བྱེད། ཆོས་ཀྱི་ཁམས་ཀྱི་བར་དུ་རློམ་སེམས་སུ་མི་བྱེད། དྲན་པ་ཉེ་བར་གཞག་པ་རྣམས་སུ་རློམ་སེམས་སུ་མི་བྱེད་པ་ནས། འཕགས་པའི་ལམ་ཡན་ལག་བརྒྱད་པའི་བར་དུ་རློམ་སེམས་སུ་མི་བྱེད། སྦྱིན་པའི་ཕ་རོལ་ཏུ་ཕྱིན་པ་རློམ་སེམས་སུ་མི་བྱེད་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་རློམ་སེམས་སུ་མི་བྱེད། དེ་བཞིན་གཤེགས་པའི་སྟོབས་བཅུ་ལ་རློམ་སེམས་སུ་མི་བྱེད། དེ་བཞིན་དུ་མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དུ་རློམ་སེམས་སུ་མི་བྱེད། དེ་བཞིན་དུ་རྒྱུན་དུ་ཞུགས་པའི་འབྲས་བུ་ལ་རློམ་སེམས་སུ་མི་བྱེད་པ་ནས། དགྲ་བཅོམ་པའི་བར་དུ་རློམ་སེམས་སུ་མི་བྱེད། དེ་བཞིན་དུ་རང་བྱང་ཆུབ་ལ་རློམ་སེམས་སུ་མི་བྱེད། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་རློམ་སེམས་སུ་མི་བྱེད་པ་སྟེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པས་རྣམ་པར་འཕེལ་བ་ན། བྱང་ཆུབ་ཀྱི་ལམ་དུ་འགྲོ་ཞིང་། བྱང་ཆུབ་སེམས་དཔའི་སྐྱོན་མེད་པ་ལའང་འཇུག་ལ། ལུས་ཀྱང་ཐུལ་བར་མི་ནུས་པ་ཡིན་ནོ།། ཤཱ་ར་དྭ་ཏིའི་བུ་གང་ནའང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱེད་དོ།། ཤེས་པ་གང་དང་ལྡན་ན་ནམ་ཡང་ངན་སོང་རྣམས་སུ་རབ་ཏུ་མི་ལྟུང་ཞིང་། མི་རྣམས་ཀྱི་ནང་དུ་ཉམས་པར་མི་འགྱུར་ལ། དབུལ་པོར་མ་ཡིན་པ་དང་། ལུས་གང་དང་ལྡན་ན་ལྷ་དང་། མི་དང་། ལྷ་མ་ཡིན་གྱི་འཇིག་རྟེན་གྱིས་སྨད་པར་མི་འགྱུར་བའི་ལུས་དེ་ལྟ་བུ་ཡོངས་སུ་འཛིན་ཏོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། ། ནམ་ཡང་ངན་སོང་རྣམས་སུ་མི་ལྟུང་བ་དང་། ལྷ་དང་། མི་དང་། ལྷ་མ་ཡིན་གྱི་འཇིག་རྟེན་གྱིས་སྨད་པར་མི་འགྱུར་བར་ཤེས་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གངྒཱའི་ཀླུང་གི་བྱེ་མ་སྙེད་དག་མཐོང་ཞིང་། དེ་དག་ལས་ཆོས་ཀྱང་ཉན་ལ། སངས་རྒྱས་བཅོམ་ལྡན་འདས་དེ་དག་གི་ཉན་ཐོས་ཀྱི་དགེ་འདུན་དང་། བྱང་ཆུབ་སེམས་དཔའི་དགེ་འདུན་ཡང་མཐོང་། སངས་རྒྱས་ཀྱི་ཞིང་གི་ཡོན་ཏན་བཀོད་པ་དག་ཀྱང་མཐོང་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། སངས་རྒྱས་སུ་འདུ་ཤེས་མི་འཇུག། བྱང་ཆུབ་སེམས་དཔར་འདུ་ཤེས་མི་འཇུག། ཉན་ཐོས་སུ་འདུ་ཤེས་མི་འཇུག། རང་སངས་རྒྱས་སུ་འདུ་ཤེས་པ་མ་ཡིན། བདག་ཏུ་ཤེས་པ་མ་ཡིན། བདག་མེད་པར་འདུ་ཤེས་པ་མ་ཡིན། སངས་རྒྱས་ཀྱི་ཞིང་དུ་འདུ་ཤེས་པ་མ་ཡིན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་པ་གང་དང་ལྡན་ན། སྦྱིན་པའི་ཕ་རོལ་ཏུ་ཕྱིན་པ་ལའང་སྤྱོད་ལ། སྦྱིན་པ་དེའང་མི་དམིགས་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ལའང་སྤྱོད་ལ། ཤེས་རབ་ཀྱི་ཕ་རོལ་ཏུ་ཕྱིན་པ་དེའང་མི་དམིགས་པ་དང་། ཤེས་པ་གང་དང་ལྡན་ན་དྲན་པ་ཉེ་བར་གཞག་པ་རྣམས་མི་དམིགས་པར་དྲན་པ་ཉེ་བར་གཞག་པ་རྣམས་ལ་སྤྱོད་པ་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་རྣམས་མི་དམིགས་པར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་སྤྱོད་པ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་པ་གང་དང་ལྡན་ན། ཆོས་ཐམས་ཅད་ཡོངས་སུ་རྫོགས་པར་བྱེད་ལ། ཆོས་དེ་དག་ཏུའང་རློམ་སེམས་སུ་མི་བྱེད་པའི་ཤེས་པ་ཡིན་ཏེ། ཤཱ་ར་དྭ་ཏིའི་བུ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། བྱང་ཆུབ་ཀྱི་ལམ་རྣམ་པ་སྤྱོད་པར་འདོད་པ། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་འདོད་པས། ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ཁ་ན་མ་ཐོ་བ་དང་བཅས་པ་དག་གི་སྐབས་དབྱེ་བར་མི་བྱའོ། ། དེ་སྐད་ཅེས་བཀའ་སྩལ་པ་དང་།། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཀྱི་ལས་ཁ་ན་མ་ཐོ་བ་དང་བཅས་པ་གང་ལགས། ངག་གི་ལས་གང་ལགས། ཡིད་ཀྱི་ལས་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་འདི་སྙམ་དུ་སེམས་ཏེ། ལུས་གང་གིས་ལུས་ལ་དམིགས་པར་བྱའོ་སྙམ་པའི་ལུས་དེ་འདི་ཡིན་ནོ་སྙམ་པ་དང་། དེ་བཞིན་དུ་ངག་དེ་འདི་ཡིན་ནོ་སྙམ་པ་དང་། དེ་བཞིན་དུ་ཡིད་དེ་འདི་ཡིན་ནོ་སྙམ་པ་དང་། ཡིད་གང་གིས་བདག་ཡིད་ལ་དམིགས།། པར་བྱའོ་སྙམ་པའི་ཡིད་དེ་འདི་ཡིན་ནོ་སྙམ་པ་སྟེ། ཤཱ་ར་དྭ་ཏིའི་བུ་དེ་ནི་ལུས་ཀྱི་ལས་དང་། ངག་གི་ལས་དང་། ཡིད་ཀྱི་ལས་ཁ་ན་མ་ཐོ་བ་དང་བཅས་པ་ཡིན་ནོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ལུས་ཀྱང་མི་དམིགས་པ་ཡིན་ན། ཤཱ་ར་དྭ་ཏིའི་བུ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ། བྱིན་པ་ལ་སྤྱོད་པ་ལུས་དམིགས་ལ། ལུས་སམ། ངག་གམ། ཡིད་གང་གིས་སེར་སྣའི་སེམས་སྐྱེད་པར་བྱེད་ཅིང་། འཆལ་པའི་ཚུལ་ཁྲིམས་ཀྱི་སེམས་སམ། འཁྲུག་པའི་སེམས་སམ། ལེ་ལོའི་སེམས་སམ། རྣམ་པར་གཡེང་བའི་སེམས་སམ། འཆལ་པའི་ཤེས་རབ་ཀྱི་སེམས་སྐྱེད་ན། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཡིན་པར་རིག་པར་བྱའོ།། ཤཱ་ར་དྭ་ཏིའི་བུ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ལ། ལུས་ཀྱི་གནས་ངན་ལེན་སྦྱོང་བར་བྱེད། ངག་གི་གནས་ངན་ལེན་སྐྱོང་བར་བྱེད། ཡིད་ཀྱི་གནས་ངན་ལེན་སྦྱོང་བར་བྱེད་ན། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། བྱང་ཆུབ་ཀྱི་ལམ་རྣམ་པར་སྦྱོང་ཞིང་། བྱང་ཆུབ་སེམས་དཔའི་སྐྱོན་མེད་པ་ལ་ཡང་དག་པར་འཇུག་པ་ཡིན་ནོ། ། དེ་སྐད་ཅེས་བཀའ་སྩལ་པ་དང་།། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཇི། ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་ཀྱི་གནས་ངན་ལེན་སྦྱོང་བ་ལགས། དེ་བཞིན་དུ་ཇི་ལྟར་ན་ངག་དང་ཡིད་ཀྱི་གནས་ངན་ལེན་སྦྱོང་བ་ལགས། བཅོམ་ལྡན་འདས་ཀྱིས་བཀའ་སྩལ། པ། ཤཱ་ར་དྭ་ཏིའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ལུས་མི་དམིགས། ངག་དང་ཡིད་མི་དམིགས་ཤིང་། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། དགེ་བ་བཅུའི་ལས་ཀྱི་ལམ་རྣམས་ཡང་དག་པར་བླངས་ནས་གནས་ལ། ནམ་ཡང་ཉན་ཐོས་ཀྱི་སེམས་སམ། རང་སངས་རྒྱས་ཀྱི་སེམས་མི་སྐྱེད་ཅིང་། སེམས་ཅན་ཐམས་ཅད་ལའང་རྟག་པ་ཁོ་ནར་སྙིང་རྗེ་ཆེན་པོ་སྐྱེད་པར་བྱེད་པ་སྟེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་གནས་ངན་ལེན་ཡོངས་སུ་དག་པར་ང་སྨྲའོ། ། དེ་བཞིན་དུ་ངག་དང་ཡིད་ཀྱི་གནས་ངན་ལེན་ཡོངས་སུ་དག་པར་ང་སྨྲའོ།། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། བྱང་ཆུབ་ཀྱི་ལམ་སྦྱོང་བར་བྱེད་ཅིང་། བྱང་ཆུབ་སེམས་དཔའི་སྤྱོན་མེད་པ་ལ་འཇུག་པ་ཡིན་ནོ།། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བཅུ་པ་ལས་ཙུན་མེད་པའི་ལེའུ་ཞེས་བྱ་སྟེ་བརྒྱ་པ་རྫོགས་སོ། ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་གནས་ན། བྱང་ཆུབ་སེམས་དཔའི་སྐྱོན་མ་མཆིས་པ་ལ་འཇུག་ཅིང་། ཉི་ཚེ་བའི་ཐེག་པས་ངེས་པར་འབྱུང་བར་མི་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་དེ་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། ཉི་ཚེ་བའི་སེམས་ཅན་རྣམས་ཀྱི་ཆེད་དུ་སྦྱིན་པ་སྦྱིན་པར་མི་བྱེད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན།། ཉི་ཚེ་བའི་སེམས་ཅན་རྣམས་ཀྱི་ཆེད་དུ་ཚུལ་ཁྲིམས་མི་སྲུང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ལའང་དེ་བཞིན་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཉི་ཚེ་བའི་སེམས་ཅན་རྣམས་ཀྱི་ཆེད་དུ་ཤེས་རབ་མི་སྒོམ་གྱི། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན།། སེམས་ཅན་ཐམས་ཅད་ཀྱི་ཆེད་དུ་སྦྱིན་པ་སྦྱིན་པར་བྱེད་པ་ནས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྤྱོད་པ་ན། སེམས་ཅན་ཐམས་ཅད་ཀྱི་ཆེད་དུ་ཤེས་རབ་སྒོམ་པར་བྱེད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་ནི། སེམས་ཅན་འདི་སྙེད་ཅིག་ནི་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་བཟླ་བར་བྱའོ། ། སེམས་ཅན་འདི་སྙེད་ཅིག་ནི་མྱ་ངན་ལས་བཟླ་བར་མི་བྱའོ།། སེམས་ཅན་འདི་སྙེད་ཅིག་ནི་སངས་རྒྱས་ཀྱི་བྱང། ཆུབ་ལ་དགོད་པར་བྱའོ།། སེམས་ཅན་འདི་སྙེད་ཅིག་ནི་དགོད་པར་མི་བྱའོ་སྙམ་དུ་སེམས་ཅན་རིས་སུ་ཆད་པ་རྣམས་ཀྱི་དོན་གྱི་ཕྱིར། གོ་ཆ་ཆེན་པོ་གྱོན་པར་མི་བྱེད་ཀྱི། སེམས་ཅན་ཐམས་ཅད་ཀྱི་ཆེད་དུ་གོ་ཆ་ཆེན་པོ་གྱོན་པར་བྱེད་ཅིང་། དེ་འདི་སྙམ་དུའང་སེམས་ཏེ། བདག་ཉིད་ཀྱིས་ཀྱང་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ།། སེམས་ཅན་ཐམས་ཅད་ཀྱང་སྦྱིན་པའི་ཕ་རོལ་ཏུ་ཕྱིན་པ་ལ་སྦྱར་བར་བྱའོ། ། དེ་བཞིན་དུ་སྦྱར་ཏེ། བདག་ཉིད་ཀྱིས་ཀྱང་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ།། དེ་བཞིན་དུ་བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། བདག་ཉིད་ཀྱིས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ།། སེམས་ཅན་ཐམས་ཅད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྦྱར་བར་བྱའོ་སྙམ་སྟེ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ཙམ་གྱིས་ན་གོ་ཆ་ཆེན་པོ་བགོས་པ་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། སྦྱིན་པ་གང་སྦྱིན་པ་དེ་ཐམས་ཅད་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་ཞིང་། དེའང་སེམས་ཅན་ཐམས་ཅད་དང་ལྷན་ཅིག་ཐུན་མོང་དུ་བྱས་ནས། མི་དམིགས་པའི་ཚུལ་གྱིས་བླན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བ་འདི་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེ་བོཔོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པའི་གོ་ཆའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱི་སྦྱིན་པ་སྦྱིན་ཞིང་། དེ་དག་ཉན་ཐོས་དང་རང་སངས་རྒྱས་ཀྱི་ས་ཡིད་ལ་མི་བྱེད་པར་སེམས་ཅན་ཐམས་ཅད་དང་ཐུན་མོང་དུ་བྱས་ཏེ། ཡོངས་སུ་སྔོ་བ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་གོ་ཆ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་པ་ན། ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་སྦྱིན་པ་སྦྱིན་ཞིང་། དེ་སེམས་ཅན་ཐམས་ཅད་དང་ཐུན་མོང་དུ་བྱེད་ལ། ཆོས་དེ་དག་ལ་བཟོད་པ་དང་། འདོད་པ་དང་། ཡིད་ཆེས་བབ་འདི་ནི་བཟོད་པའི་ཕ་རོལ་ཏུ་ཕྱིན་པའི་གོ་ཆ་ཞེས་བྱའོ་ཞེས་བྱ་བའི་བར་དུ་དེ་བཞིན་དུ་སྦྱར་རོ། ། དེ་བཞིན་དུ་སྦྱིན་པ་སྦྱིན་པའི་བར་གྱི། བརྩོན་འགྲུས་ཀྱི་བརྩོན་པ་མི་གཏོང་ཞིང་མི་འདོར་ལ་རབ་ཏུ་འཛིན་པ་འདི་ནི་བརྩོན་འགྲུས་ཀྱི་ཕ་རོལ་ཏུ་ཕྱིན་པའི་གོ་ཆའོ། ། དེ་བཞིན་དུ་སྦྱིན་པ་གང་སྦྱིན་པ་ན། སེམས་ཅན་ཐམས་ཅད་ཡིད་ལ་བྱས་ནས། ཉན་ཐོས་དང་རང་སངས་རྒྱས་ཀྱི་སེམས་ཀྱི་གོ་སྐབས་མི་འབྱེད་པར། འདི་ལྟ་སྟེ། ཐམས་ཅད་མཁྱེན་པ་ཉིད་དུ་སེམས་རྩེ་གཅིག་པ་ཉིད་འདི་ནི་བསམ་གཏན་གྱི་ཕ་རོལ་ཏུ་ཕྱིན་པའི་གོ་ཆའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་བ་སྦྱིན་པ་ན། སྒྱུ་མའི་རྣམ་པའི་འདུ་ཤེས་ཉེ་བར་གནས་ཤིང་། དེས་སྦྱིན་པར་བྱེད་པའང་མི་དམིགས།། སྦྱིན་པའང་མི་དམིགས། ལེན་པར་བྱེད་པའང་མ་ཡིན་ལ། སྦྱིན་པའང་སྦྱིན་པར་བྱེད་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པ་སྦྱིན་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་གོ་ཆའོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱི་ས་ཕ་རོལ་ཏུ་ཕྱིན་པ་དྲུག་པོ་དེ་དག་ལ་མཚན་མ་མི་བྱེད་ཅིང་། དམིགས་པར་ཡང་མི་བྱེད་པ་དེའི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་བྱིན་པ་ལ་སྤྱོད་པ་ན། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་པ་སྦྱིན་པར་བྱེད་ཅིང་། དེའང་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པའོ།། ཤཱ་ར་དྭ་ཏིའི་བུ་གཞ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཉན་ཐོས་དང་རང་སངས་རྒྱས་ཀྱི་ས་ལའང་འདོད་པ་མེད་པ་ཉིད་ཡིན་ན་སོ་སོ་སྐྱེ་བོའི་ས་ལ་ལྟ་སྨོས་ཀྱང་ཅི་དགོས་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཆོས་དེ་དག་ལ་བཟོད་པ་དང་། འདོད་པ་དང་། མངོན་པར་ཡིད་ཆེས་པ་གང་ཡིན་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བཟོད་པའི་ཕ་རོལ་ཏུ་ཕྱིན་པའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན། པ་ལ་སྤྱོད་པའི་ཆོས་དེ་དག་ལ་བརྩོན་པ་མི་གཏོང་ཞིང་། མི་འདོར་བ་དང་། རབ་ཏུ་འཛིན་པ་གང་ཡིན་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱི།། པ་ལ་སྤྱོད་པའི་ཆོས་དེ་དག་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས། སྙིང་རྗེ་ཆེན་པོ་སྔོན་དུ་འགྲོ་བའི་སེམས་དང་མ་བྲལ་བར་ཉན་ཐོས་དང་རང་སངས་རྒྱས་ཐམས་ཅད་ཀྱི་སེམས་ཀྱི་སྐབས་ཀྱང་མི་འབྱེད་ན། སོ་སོའི་སྐྱེ་བོའི་སེམས་དག་གིས་ལྟ་སྨོས་ཀྱང་ཅི་དགོས་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་བསམ་གཏན་གྱི་ཕ་རོལ་ཏུ་ཕྱིན་པའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། གང་ཆོས་ཐམས་ཅད་ལ་སྒྱུ་མའི་རྣམ་པའི་འདུ་ཤེས་ཉེ་བར་གནས་ཤིང་། རང་བཞིན་གྱི་སྟོང་པ་ཉིད་ཀྱི་ཕྱིར། ཚུལ་ཁྲིམས་དེ་ལའང་རློམ་སེམས་སུ་མི་བྱེད་ཅིང་། མི་དམིགས་པ་འདི་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའོ། ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཕ་རོལ་ཏུ་ཕྱིན་པ་དྲུག་གིས་ཡོངས་སུ་ཟིན་པའི་གོ་ཆ་ཆེན་པོ་བགོས་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་སྦྱིན་པ་སྦྱིན་ཞིང་། དེའང་སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བ་སྟེ། སྔ་མ་ཇི་ལྟ་བ་དེ་བཞིན་དུ་སྦྱར་རོ། ། སྦྱིན་པའི་ཕ་རོལ་ཏུ་ཕྱིན་པར་ཇི་སྐད་བསྟན་པ་དེ་བཞིན་དུ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལའང་དེ་བཞིན་དུ་སྦྱར་རོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་ན། བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་ལའང་སྙོམས་པར་འཇུག་པ་ལ། དེ་དག་གི་དབང་གིས་ཀྱང་མི་སྐྱེ་ཞིང་མི་འཕྲོགས་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་དང་ལྡན་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པ་ན། བསམ་གཏན་རྣམས་དང་ཚད་མེད་པ་རྣམས་དང་། གཟུགས་མེད་པའི་སྙོམས་པར་འཇུག་པ་རྣམས་ལའང་སྙོམས་པར་འཇུག་ཅིང་དབེན་པར་མཐོང་བ་དང་། སྟོང་པ་དང་། མཚན་མ་མེད་པ་དང་། སྨོན་པ་མེད་པར་མཐོང་བའི། ཉན་ཐོས་ཀྱི་ས་འམ། རང་སངས་རྒྱས་ཀྱི་སར་ཡང་འཇུག་ལ། ཉན་ཐོས་དང་རང་སངས་རྒྱས་ཐམས་ཅད་ཀྱང་ཟིལ་གྱིས་གནོན་པ་འདི་ཡང་། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་སྤྱོད་པའི་ཐབས་ལ་མཁས་པ་དང་ལྡན་པའི་ཤེས་རབ་ཀྱི་ཕ་རོལ་ཏུ་ཕྱིན་པའོ། ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ན་གོ་ཆ་ཆེན་པོ་བགོས་པ་ལ་ནི་ཤར་ཕྱོགས་ནས། ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་གང་སུ་དག་བཞུགས་པ་དེ་དག་ཐམས་ཅད་འཇིག་རྟེན་གྱི་ཁམས་གགེ་མོ་ཞིག་ན། བྱང་ཆུབ་སེམས་དཔའ་སེམས་དཔའ་ཆེན་པོ་འདི། གོ་ཆ་ཆེན་པོ་བགོས་ཏེ། སེམས་ཅན་རྣམས་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡོངས་སུ་དག་པར་བྱེད། རྫུ་འཕྲུལ་གྱིས་ཀྱང་རྣམ་པར་འཕྲུལ་ལོ་ཞེས་ཆེད་དུ་བརྗོད་པ་ཆེད་དུ་བརྗོད་པར་མཛད་ཅིང་། སྙན་པ་སྒྲོགས་ལ་དབྱངས་བརྗོད་པར་མཛད་དོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་གང་གིས་དེ་ཐེག་པ་ཆེན་པོ་ལ་ཡང་དག་པར་ཞོན་པ་ཞེས་བགྱི་བ་དེ་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཕ་རོལ་ཏུ་ཕྱིན་པ་དྲུག་ལ་སྤྱོད་པ་ན། འདོད་པ་དག་ལས་དབེན་ལ། སྡིག་པ་མི་དགེ་བའི་ཆོས་རྣམས་ལས་དབེན་པ། རྟོག་པ་དང་བཅས་པ། དཔྱོད་པ་དང་བཅས་པ། དབེན་པ་ལས་སྐྱེས་པའི་དགའ་བ་དང་དེ་བ་ཅན་བསམ་གཏན་དང་པོ་བསྒྲུབས་ཏེ་གནས་པ་དང་། དེ་རྟོག་པ་དང་དཔྱོད་པ་དང་བྲལ་ཞིང་ནང་ཡོངས་སུ་དང་སྟེ། སེམས་ཀྱི་རྒྱུད་གཅིག་ཏུ་གྱུར་པས། རྟོག་པ་མེད་པ། དཔྱོད་པ་མེད་པ། ཏིང་ངེ་འཛིན་ལས་སྐྱེས་པའི་དགའ་བ་དང་བདེ་བ་ཅན་བསམ་གཏན་གཉིས་པ་བསྒྲུབས་ཏེ་གནས་པ་དང་། དགའ་བའི་འདོད་@#ཆགས་དང་བྲལ་བས། འཕགས་པ་རྣམས་ཀྱིས་གང་དེ་བཏང་སྙོམས་པ་དྲན་པ་ཡོངས་སུ་དག་པའོ་ཞེས་བརྗོད་པ་སྟེ། དགའ་བ་མེད་པ། བདེ་བ་ལ་གནས་པ། བསམ་གཏནགས་པ་བསྒྲུབས་ཏེ་གནས་པ་དང་། དེ་བདེ་བའང་སྤངས་ཏེ། སྔ་ནས་ཡིད་བདེ་བ་དང་ཡིད་མི་བདེ་བའང་ནུབ་པས། སྡུག་བསྔལ་ཡང་མ་ཡིན། བདེ་བའང་མ་ཡིན་པ་བཏང་སྙོམས་དང་། དྲན་པ་ཡོངས་སུ་དག་པ་བསམ་གཏན་བཞི་པ་ཉེ་བར་བསྒྲུབས་ཏེ་གནས་པ་དང་། དེ་བཞིན་དུ་བྱམས་པ་དང་ལྡན་པའི་སེམས་ཡངས་པ། རྒྱ་ཆེན་པོར་གྱུར་པ། མི་གཉིས་པ། ཚད་མེད་པ། ཁོ་ན་མེད་པ། གནོད། པ་མེད་པ། འགྲན་ཟླ་མེད་པ། ཡོངས་སུ་རྫོགས་པ། ཤིན་ཏུ་བསྒོམས་པས་ཕྱོགས་གཅིག་ཁྱབ་པར་བྱས་ཏེ། མོས་ནས་བསྒྲུབས་ཏེ་གནས་པ་དང་། དེ་བཞིན་དུ་གཉིས་པ་དང་། དེ་བཞིན་དུ་གསུམ་པ་དང་། དེ་བཞིན་དུ་ཕྱོགས་བཞི་པ་དང་། དེ་བཞིན་དུ་འོག་དང་། སྟེང་དང་། ཐད་ཀར་ཐམས་ཅད་ཀྱི་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་ལ་བྱམས་པ་དང་ལྡན་པའི་སེམས་ཀྱིས་ཁྱབ་པར་བྱས་ཏེ། མོས་ནས་བསྒྲུབས་ཏེ་གནས་པ་དེ་བཞིན་དུ་སྙིང་རྗེ་དང་ལྡན་པ་དང་། དགའ་བ་དང་ལྡན་པ་དང་། བཏང་སྙོམས་དང་ལྡན་པའི་སེམས་ཀྱིས་ཐམས་ཅད་དུ་ཐམས་ཅད་དང་ལྡན་པའི་འཇིག་རྟེན་ལ་ཁྱབ་པར་བྱས་ཏེ། མོས་པའི་བར་དུ་བསྒྲུབས་ནས་གནས་པ་སྟེ། ཚད་མེད་པ་བཞི་བསམ་གཏན་དང་ལྡན་པ་འདི་དག་ནི་བྱང་ཆུབ་སེམས་དཔའི་ཐེག་པ་ཆེན་པོ་རབ་མཆོག་ཡན་ནོ། ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དག་ཉིད་ཚད་མེད་པའི་རྣམ་པའི་རྣམ་པ་དང་། རྟགས་དང་། མཚན་མདག་གིས་སྙོམས་པར་འཇུག་ཅིང་ལྡང་བ་ན།། སེམས་ཅན་ཐམས་ཅད་དང་ཐུན་མོངས་དུ་བྱས་ནས། རྣམ་པ་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱེད་པ་འདི་ཡང་། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ། ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་སྙིང་རྗེ་ཆེན་པོ་སྔོན་དུ་འགྲོ་བས། ཉོན་མོངས་པ་སྤང་བའི་ཕྱིར་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་དེ་དག་གཞན་དག་ལ་ཚུལ་བཞིན་དུ་བརྗོད་ཅིང་སྟོན་ཏེ་རབ་ཏུ་འཆད་ལ། རྣམ་པར་འབྱེད་དེ་གསལ་བར་བྱེད་ཅིང་། དེ་དག་གི་རོ་མྱོང་བ་དང་། ཉེས་དམིགས་དང་། ངེས་པར་འབྱུང་བའང་སྟོན་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པའོ། ། གང་ཡང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དེ་དག་གིས་བསམ་གཏན་དང་པོ་དེ་དང་། བསམ་གཏན་བཞི་པའི་བར་དུ་གནོན་ཅིང་སྒོམ་སྟེ། བསམ་གཏན་དེ་དག་ལ་གནས་ཤིང་། སེམས་བསྐྱེད་པ་གཞན་འདི་ལྟ་སྟེ། ཉན་ཐོས་དང་རང་སངས་རྒྱས་ཀྱི་སེམས་དག་གི་སྐབས་མི་འབྱེད་པ་འདི་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནག་ནོག་མེད་པའོ། ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་མིང་ལ་བྱེད་པ་དེ་དག་དང་མ་བྲལ་བར་འདི་སྙམ་དུ་སེམས་ཏེ། བདག་གིས་སེམས་ཅན་ཐམས་ཅད་ཀྱི་ཉོན་མོངས་པ་ཐམས་ཅད་སྤང་བའི་ཕྱིར། སེམས་ཅན་ཐམས་ཅད་ལ་ཆོས་བསྟན་པར་བྱའོ་སྙམ་ནས། དེ་ཡིད་ལ་བྱེད་པ་དེ་དག་ལ་བཟོད་པ་དང་། འདོད་པ་དང་། ཉེ་བར་རྟོག་པ་དང་། ངེས་པར་སེམས་པ་གང་ཡིན་པ་དེ་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པའི་ཕ་རོལ་ཏུ་ཕྱིན་པའོ། ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་གིས། རང་གིས་བྱས་པའི་དགེ་བའི་རྩ་བ་ཐམས་ཅད་སེམས་ཅན་ཐམས་ཅད་དང་ཐུན་མོང་དུ་བྱས་ནས། རྟག་ཏུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་ལ། དེ་བརྩོན་པ་མི་གཏོང་ཞིང་མི་འདོར་བ་གང་ཡིན་པ་དེ་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ། ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དེ་དག་གིས་བསམ་གཏན་དང་། ཏིང་ངེ་འཛིན་དང་། སྙོམས་པར་འཇུག་པ་དང་། རྣམ་པར་ཐར་པ་དག་ལ་སྙོམས་པར་འཇུག་ཅིང་ལྡང་ཡང་། ཉན་ཐོས་ཀྱི་ས་འམ། རང་སངས་རྒྱས་ཀྱི་སར་ཡང་ཨོཾ་སྨྱུང་བ་འདས། བྱང་ཆུབ་སེམས་དཔའ་སེམས་དཔའ་ཆེན་པོའི་བསམ་གཏན་གྱི་ཕ་རོལ་ཏུ་ཕྱིན་པའོ།། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་རྣམ་པ་ཐམས་ཅད་མཁྱེན་པ་ཉིད་དང་3། པའི་ཡིད་ལ་བྱེད་པ་དག་གིས་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་ན། བསམ་གཏན་གྱི་ཡན་ལག་ཐམས་ཅད་མི་རྟག་པའི་རྣམ་པ་དང་། སྡུག་བསྔལ་བའི་རྣམ་པ་དང་། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་རྣམ་པར་ཡང་དག་པར་ཇི་ལྟ་བ་བཞིན་དུ་སོ་སོར་རྟོག་ཀྱང་། སྙིང་རྗེ་ཆེན་པོས་ཡོངས་སུ་ཟིན་པས་ཉན་ཐོས་ཀྱི་སྐྱོན་མེད་པ་འམ། རང་སངས་རྒྱས་ཀྱི་སྐྱོན་མེད་པ་ལའང་མི་འཇུག་པ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ཤཱ་རདྭ་ཏིའི་བུ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་དུ་དྲན་པ་ཉེ་བར་གཞག་པ་བཞི་ཡང་དག་པ་ཇི་ལྟ་བ་བཞིན་དུ་བསྒོམ་སྟེ། འཕགས་པའི་ལམ་ཡན་ལག་བརྒྱད་པའི་བར་དུའང་དེ་བཞིན་ནོ།། རྣམ་པ་ཐམས་ཅད་དུ་སྟོང་པ་ཉིད་ཀྱི་ཏིང་ངེ་འཛིན་དང་མཚན་མ་མེད་པའི་ཏིང་ངེ་འཛིན་དང་། སྨོན་པ་མེད་པའི་ཏིང་ངེ་འཛིན་བསྒོམ་པ་དང་། རྣམ་པ་ཐམས་ཅད་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བརྒྱད་ཀྱི་བར་དུ་བསྒོམ་སྟེ། ཤཱ་ར་དྭ་ཏིའི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སྙོམས་པར་འཇུག་ཅིང་། བདག་གིས་སེམས་ཅན་ཐམས་ཅད་ཡོངས་སུ་བསྐྱབ་པར་བྱའོ།། ཞེས་དེ་དག་ལ་ཕན་པའི་སེམས་ཉིད་དུ་གཏོད་པར་བྱེད་དོ། ། སྙིང་རྗེ་ལའང་སྙོམས་པར་འཇུག་ཅིང་།། དེ་དག་ལའང་སྙིང་བརྩེ་བའི་སེམས་ཉིད་དུ་གཏོད་པར་བྱེད་དོ།། དགའ་བ་ལའང་སྙོམས་པར་འཇུག་ཅིང་། བདག་གིས་སེམས་ཅན་ཐམས་ཅད་ཡོངས་སུ་གྲོལ་བར་བྱའོ། ། ཞེས་དེའང་སེམས་ཅན་ཐམས་ཅད་ལ་གཏོད་པར་བྱེད་དོ།། བཏང་སྙོམས་ལའང་སྙོམས་པར་འཇུག་ཅིང་། སེམས་ཅན་ཐམས་ཅད་ཟག་པ་ཟད་པར་གྱུར་ཅིག་ཅེས་བསྒོམ་ཞིང་། དེ་དག་ལ་གཏོད་པར་བྱེད་པ་དེ་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མེད་པ་རྣམས་ལ་སྤྱོད་པའི་སྦྱིན་པའི་ཕ་རོལ་ཏུ་ཕྱིན་པའོ།། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་བསམ་གཏན་དང་། ཚད་མེད་པ་དང་། གཟུགས་མེད་པ་དེ་དག་ཉིད་ཀྱི་རྣམ་པ་དང་། རྟགས་དང་། མཚན་མ་དག་གིས་སྙོམས་པར་འཇུག་ཅིང་ལྡང་ཡང་། རྣམ་པ་ཐམས་ཅད་མཁྱེན་པ་ཉིད་མ་གཏོགས་པར། ཉན་ཐོས་ཀྱི་ས་འམ། རང་སངས་རྒྱས་ཀྱི་སར་ཡོངས་སུ་མི་སྔོ་བ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང་། ཚད་མེད་པ་དང་། གཟུགས་མེད་པ་ལ་སྤྱོད་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ། ། གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱེད་པ་དག་གིས། བསམ་གཏན་དང་ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་དེ་དག་དང་མ་འདྲེས་པར་གནས་ཏེ། ས་བཅུ་གཉིས་པོ་དེ་དག་དང་། ཉན་ཐོས་ཀྱི་ས་འམ། རང་སངས་རྒྱས་ཀྱི་ས་ལ་འདོད་པ་མི་སྐྱེད་ཀྱི། དེ་ཐམས་ཅད་མཁྱེན་པ་ཉིད་ལ་བཟོད་པ་དང་། འདོད་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང་། ཚད་མེད་པ་དང་། གཟུགས་མེད་པ་དག་ལ་སྤྱོད་པའི་བཟོད་པའི་ཕ་རོལ་ཏུ་ཕྱིན་པའོ། ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་མི་དགེ་བའི་ཆོས་སྤོང་བ་དང་། དགེ་བའི་ཆོས་བསྒྲུབ་པའི་ཕྱིར་བརྩོན་པ་མི་གཏོང་བར་གནས་པ་དེ་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང་།། ཚད་མེད་པ་དང་། གཟུགས་མེད་པ་དག་ལ་གནས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ།། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་བསམ་གཏན་དེ་དག་ཉིད་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་དེ་དག་ཉིད་ལ་སྙོམས་པར་འཇུག་ཅིང་ལྡང་ཡང་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་དེ་དག་གིས་མི་འཕྲོགས་ལ། དེ་དག་གི་དབང་གིས་ཀྱང་མི་སྐྱེ་བ་འདི་ནི། བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་དག་ལ་གནས་པའི་ཐབས་ལ་མཁས་པ་ལས་བྱུང་བའི་བསམ་གཏན་གྱི་ཕ་རོལ་ཏུ་ཕྱིན་པའོ། ། ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཐམས་ཅད་མཁྱེན་པ་ཉིད་དང་ལྡན་པའི་ཡིད་ལ་བྱ་བ་དག་གིས་བསམ་གཏན་དང་། ཚད་མེད་པ་དང་། གཟུགས་མེད་པའི་ཏིང་ངེ་འཛིན་གྱི་སྙོམས་པར་འཇུག་པ་དེ་དག་ལ་སྙོམས་པར་ཡང་འཇུག་ཅིང་ལྡང་ལ། དེ་དག་ཀྱང་མི་རྟག་པའི་རྣམ་པ་དང་། སྡུག་བསྔལ་བའི་རྣམ་པ་དང་། བདག་མེད་པའི་རྣམ་པ་དང་། སྟོང་པ་ཉིད་དང་མཚན་མ་མེད་པ་དང་། སྨོན་པ་མེད་པའི་རྣམ་པར་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་ཀྱང་། དེ་དག་གིས་ཉན་ཐོས་སྐྱོན་མེད་པ་འམ། རང་སངས་རྒྱས་ཀྱི་སྐྱོན་མེད་པར་མི་འཇུག་པ་འདི་ནི། ཤཱར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་ལ་སྤྱོད་པའི་ཐབས་ལ་མཁས་པ་ལས་བྱུང་བའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ཤཱ་ར་དྭ་ཏིའི་བུ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕ་རོལ་ཏུ་ཕྱིན་པ་དྲུག་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་ལས་བྱུང་བའི་ཐབས་ལ་མཁས་པས་ཡོངས་སུ་ཟིན་པའི་ཐེག་པ་ཆེན་པོ་ཡིན་ནོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། མི་དམིགས་པའི་ཚུལ་གྱིས་ནང་སྟོང་པ་ཉིད་ཤེས་པའོ། ། དེ་བཞིན་དུ་སྦྱར་ཏེ། མི་དམིགས་པའི་ཚུལ་གྱིས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཤེས་པའང་དེ་བཞིན་ནོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། ཆོས་ཐམས་ཅད་རྣམ་པར་གཡེངས་སོ་སྙམ་པ་དང་།། མཉམ་པར་གཞག་གོ་སྙམ་དུ་ཤེས་པ་མི་འཇུག་པ་གང་ཡིན་པའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། རྟག་གོ་སྙམ་པ་དང་། མི་རྟག་གོ་སྙམ་དུ་ཤེས་པ་མི་འཇུག་པ་གང་ཡིན་པ་དང་། དེ་བཞིན་དུ་སྦྱར་ཏེ། བདེའོ་སྙམ་པ་དང་། སྡུག་བསྔལ་ལོ་སྙམ་པ་དང་། བདག་ཡོད་དོ་སྙམ་པ་དང་། བདག་མེད་དོ་སྙམ་དུ་ཤེས་པ་མི་འཇུག་པ་སྟེ། དེའང་མི་དམིགས་པའི་ཚུལ་གྱིས་སོ།། །། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བ་བམ་པོ་དགུ་པ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདས་པའི་དུས་ལ་ཤེས་པ་མི་འཇུག། མ་འོངས་པ་དང་ད་ལྟར་བྱུང་བའི་དུས་ལ་ཤེས་པ་མི་འཇུག་ལ། དུས་གསུམ་པོ་དེ་དག་མི་ཤེས་པའང་མ་ཡིན་པ་སྟེ། དེའང་མི་དམིགས་པའི་ཚུལ་གྱིས་སོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདོད་པའི་ཁམས་སུ་ཤེས་པ་མི་འཇུག། གཟུགས་ཀྱི་ཁམས་སུ་དང་། གཟུགས་མེད་པའི་ཁམས་སུ་ཤེས་པ་མི་འཇུག་ལ། ཁམས་གསུམ་ལ་མི་ཤེས་པའང་མ་འཇུག་པ་གང་ཡིན་པ་སྟེ། དེརང་མི་དམིགས་པའི་ཚུལ་གྱིས་སོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་ཟོན། འཇིག་རྟེན་པའི་ཆོས་རྣམས་ལ་ཤེས་པ་མི་འཇུག། འཇིག་རྟེན་ལས་འདས་པ་རྣམས་དང་། འདུས་བྱས་རྣམས་དང་། འདུས་མ་བྱས་རྣམས་དང་། ཟག་པ་དང་བཅས་པ་རྣམས་དང་། ཟག་པ་མེད་པའི་ཆོས་རྣམས་ལ་ཤེས་པ་མི་འཇུག་ལ། འཇིག་རྟེན་པའི་ཆོས་རྣམས་ལ་མི་ཤེས་པའང་མི་འཇུག། འཇིག་རྟེན་ལས་འདས་པའི་ཆོས་རྣམས་དང་། འདུས་བྱས་རྣམས་དང་། འདུས་མ་བྱས་རྣམས་དང་། ཟག་པ་དང་བཅས་པ་རྣམས་དང་། ཟག་པ་མེད་པའི་ཆོས་རྣམས་ལ་མི་ཤེས་པའང་མི་འཇུག་ཅིང་། དེའང་མི་དམིགས་པའི་ཚུལ་གྱིས་འཇུག་པ་སྟེ། ཤཱ་ར་དྭ་ཏིའི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་གང་ལ་གནས་ན། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པའི་ཐེག་པ་ཡིན་ཏེ། ཉི་ཚེ་བའི་ཐེག་པ་ནི། འདི་ལྟ་སྟེ། ཉན་ཐོས་ཀྱི་ཐེག་པའམ། རང་སངས་རྒྱས་ཀྱི་ཐེག་པས་ངེས་པར་འབྱུང་བ་མ་ཡིན་པ་ཡིན་ནོ། ། དེ་ཅིའི་ཕྱིར་ཞེ་ན། ཐེག་པ་ཆེན་པོའང་གཞན་ལ། གོ་ཆ་ཆེན་པོའང་གཞན་མ་ཡིན་ཏེ། གོ་ཆ་ཆེན་པོ་ཉིད་ཐེག་པ་ཆེན་པོ་ཡིན་ལ། ཐེག་པ་ཆེན་པོ་ཉིད་ཀྱང་གོ་ཆ་ཆེན་པོ་ཡིན་པའི་ཕྱིར་ཏེ། ཐེག་པ་ཆེན་པོ་གང་ཡིན་པ་དང་། གོ་ཆ་ཆེན་པོ་གང་ཡིན་པ་དེ་ནི་བྱང་ཆུབ་སེམས་དཔའི་སྐྱོན་མེད་པ་ཡིན་ནོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་ཤཱ་ར་དྭ་ཏིའི་བུ་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཇི་ཙམ་གྱིས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་ཡང་དག་པར་གནས་པ་ཞེས་བརྗོད་པར་བགྱི་བ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་གནས་ནས། མི་དམིགས་པའི་ཚུལ་གྱིས་སྦྱིན་པའང་མི་དམིགས། སྦྱིན་པའི་ཕ་རོལ་ཏུ་ཕྱིན་པ་དང་། ལེན་པའང་མི་དམིགས་པ་དང་། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན། པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་གནས་ནས། མི་དམིགས་པའི་ཚུལ་གྱིས་དགེ་བའི་ཆོས་མི་དམིགས། མི་དགེ་བའི་ཆོས་དང་ལུང་དུ་མ་བསྟན་པ་དང་། འཇིག་རྟེན་པ་དང་། འཇིག་རྟེན་ལས་འདས་པ་དང་། འདུས་བྱས་དང་། འདུས་མ་བྱས་དང་། ཟག་པ་དང་བཅས་པ་དང་། ཟག་པ་མེད་པའི་ཆོས་རྣམས་མི་དམིགས་ཤིང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་སྒོམ་པ་པོ་མི་དམིགས་ཏེ། ཤཱ་ར་དྭ་ཏིའི་བུ་དེ་ཙམ་གྱིསན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་ཡང་དག་པར་གནས་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་ཀྱི་སེམས་མ་འདྲེས་པ་ས། བསྒོམ་པ་རྣམ་པར་གཞིག་པའི་ཆེད་དུ་དྲན་པ་ཉེ་བར་གཞག་པ་བཞི་བསྒོམ་སྟེ། དེའང་མི་དམིགས་པའི་ཚུལ་གྱིས་བསྒོམ་མོ། ། དེ་བཞིན་དུ་བསྒོམ་པ་རྣམ་པར་གཞིག་པའི་ཆེད་དུ་ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང་པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒོ་གསུམ་དང་། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མོ་འདྲེས་པ་བཅོ་བརྒྱད་ཀྱི་བར་དུ་བསྒོམ་སྟེ། དེའང་མི་དམིགས་པའི་ཚུལ་གྱིས་བསྒོམ་མོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་བསྒོམ་པའི་ཐེག་པ་ཆེན་པོ་ལ་ཡང་དག་པར་གནས་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་སེམས་པ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། བྱང་ཆུབ་སེམས་དཔའ་ཞེས་བྱ་བ་འདི་ནི། མིང་དང་ཐ་སྙེད་ཙམ་དུ་ཟད་དོ་ཞེས་བྱ་བར་ཤེས་སོ།། དེ་བཞིན་དུ་འདི་ལྟ་སྟེ། གཟུགས་ཞེས་བྱ་བ་འདི་ནི་མིང་དང་ཐ་སྙད་ཙམ་དུ་ཟད་དོ།། ཚོར་བ་དང་། འདུ་ཤེས་དང་། འདུ་བྱེད་རྣམས་ཀྱང་དམིགས་སུ་མེད་པའི་ཕྱིར་དེ་བཞིན་ནོ། ། རྣམ་པར་ཤེས་པ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། རྣམ་པར་ཤེས་པ་འདི་ནི་མིང་དང་ཐ་སྙད་ཙམ་དུ་ཟད་དོ།། མིག་དམིགས་སུ་མེད་པ་ཉིད་ཀྱི་ཕྱིར།། འདི་ལྟ་སྟེ། མིག་འདི་ནི་མིང་དང་ཐ་སྙད་ཙམ་དུ་ཟད་དོ།། དེ་བཞིན་དུ་ཡིད་ཀྱི་བར་དུ་དམིགས་སུ་མེད་པ་ཉིད་ཀྱི་ཕྱིར། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཅེས་བྱ་བ་འདི་ནི་མིང་དང་ཐ་སྙད་ཙམ་དུ་ཟད་དོ། ། དེ་བཞིན་དུ་གཟུགས་རྣམས་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། གཟུགས་རྣམས་ཞེས་བྱ་བ་འདི་དག་ནི་མིང་དང་ཐ་སྙད་ཙམ་དུ་ཟད་དོ།། དེ་བཞིན་དུ་སྒྲ་དང་། དྲི་དང་། རོ་དང་། རེག་བྱ་དང་། ཆོས་རྣམས་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། སྒྲ་དང་། དྲི་དང་། རོ་དང་། རེག་བྱ་དང་། ཆོས་རྣམས་ཞེས་བྱ་བ་འདི་དག་ནི་མིང་དང་ཐ་སྙད་ཙམ་དུ་ཟད་དོ། ། དྲན་པ་ཉེ་བར་གཞག་པ་རྣམས་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། དྲན་པ་ཉེ་བར་གཞག་པ་བཞི་ཞེས་བྱ་བ་འདི་དག་ནི་མིང་དང་ཐ་སྙད་ཙམ་དུ་ཟད་དོ། ། དེ་བཞིན་དུ་སྦྱར་ཏེ། ལམ་གྱི་བར་དུ་དམིགས་སུ་མེད་པ་ཉིད་ཀྱི་ཕྱིར། ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་ལྔ་དང་། སྟོབས་ལྔ་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པའང་དེ་བཞིན་ནོ།། འདི་ལྟ་སྟེ།། ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དེ་ནི་དམིགས་སུ་མེད་པ་ཉིད་ཀྱི་ཕྱིར། མིང་དང་ཐ་སྙད་ཙམ་དུ་ཟད་དོ།། འདི་ལྟ་སྟེ། དེ་བཞིན་གཤེགས་པའི་སྟོབས་བཅུ་དེ་དག་ནི་མིང་དང་ཐ་སྙད་ཙམ་དུ་ཟད་པ་ནས་སངས་རྒྱས་ཀྱི་ཆོས་རྣམས་ཀྱི་བར་དུ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། སངས་རྒྱས་ཀྱི་ཆོས་རྣམས་ཞེས་བྱ་བའི་བར་དེ་དག་ནི་མིང་དང་ཐ་སྙད་ཙམ་དུ་ཟད་དོ།། ཡང་དག་པའི་མཐའི་བར་དུ་དམིགས་སུ་མེད་པ་ཉིད་ཀྱི་ཕྱིར། འདི་ལྟ་སྟེ། དེ་བཞིན་ཉིད་དང་། ཆོས་ཀྱི་དབྱིངས་དང་། ཆོས་སྐྱོན་མེད་པ་ཉིད་དང་། ཡང་དག་པའི་མཐའ་ཞེས་བྱ་བ་དེ་ནི་མིང་དང་ཐ་སྙད་ཙམ་དུ་ཟད་དོ། ། བྱང་ཆུབ་སེམས་དཔའ་དམིགས་སུ་མེད་པའི་ཕྱིར། འདི་ལྟ་སྟེ། བྱང་ཆུབ་ཅེས་བྱ་བ་འདི་ནི་མིང་དང་ཐ་སྙད་ཙམ་དུ་ཟད་དོ།། འདི་ལྟ་སྟེ། ཡང་དག་པར་རྫོགས་པའི་སངས་རྒྱས་ཞེས་བྱ་བ་འདི་ནི་དམིགས་སུ་མེད་པ་ཉིད་ཀྱི་ཕྱིར། མིང་དང་ཐ་སྙད་ཙམ་དུ་ཟད་དོ་སྙམ་པ་སྟེ། ཤཱ་ར་དྭ་ཏིའི་བུ་དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ལ་ཡང་དག་པར་གནས་པ་ཞེས་བྱའོ། ། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། ཉམས་པ་མེད་པའི་མངོན་པར་ཤེས་པ་ལ་ཡོངས་སུ་རྫོགས་པར་བྱེད། སེམས་ཅན་རྣམས་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡོངས་སུ་དག་པར་བྱེད། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་ཞིང་སངས་རྒྱས་བཅོམ་ལྡན་འདས་རྣམས་ལ་བཀུར་སྟི་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང་། སངས་རྒྱས་བཅོམ་ལྡན་འདས་དེ་དག་ལས་ཡང་དང་ཡང་དུ་འདི་ལྟ་སྟེ། བྱང་ཆུབ་སེམས་དཔའི་ཐེག་པ་རབ་མཆོག་གི་ཐེག་པ་འདི་ཉིད་ཀྱི་ཆོས་ཀྱང་ཉན་ཏོ། ། ཐེག་པ་དེ་ལ་ཞོན་ཏེ་སེམས་ཅན་ལ་ཕན་གདགས་པའི་ཕྱིར་དང་། སངས་རྒྱས་ལ་ལྟ་བའི་ཕྱིར་སངས་རྒྱས་ཀྱི་ཞིང་དུ་འགྲོ་དེའི་ཕྱིར་ནིང་སངས་རྒྱས་ཀྱི་ཞིང་གི་འདུ་ཤེས་ཀྱང་མི་འབྱུང་། སེམས་ཅན་གྱི་འདུ་ཤེས་དང་། སངས་རྒྱས་ཀྱི་འདུ་ཤེས་ཀྱང་མི་འབྱུང་ངོ་།། ཡང་དེ་གཉིས་སུ་མེད་པའི་ས་ལ་གནས་ནས་ལུས་ཇི་སྙེད་ཀྱིས་སེམས་ཅན་རྣམས་ཀྱི་དོར་བྱ་བའི་སྐལ་བ་དང་ལྡན་པ་དེ་སྙེད་ཀྱི་ལུས་ཡོངས་སུ་འཛིན་ཏོ། ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་མ་རྒྱས་ཀྱི་བར་དུ། ནམ་ཡང་ཐེག་པ་དེ་དང་འབྲལ་བར་མི་འགྱུར་རོ།། དེ་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ནས། དགེ་སྦྱོང་ངམ། བྲམ་ཟེ་འམ། ལྷ་འམ། བདུད་དམ། ཚངས་པ་འམ་གཞན་སུས་ཀྱང་མ་བསྐོར་བའི་ཆོས་ཀྱི་འཁོར་ལོ་སྐོར་བར་འགྱུར་རོ། ། ཤཱར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྦེད་དག་ན། སངས་རྒྱས་བཅོམ་ལྡན་འདས་གང་དག་འཚོ་ཞིང་བཙུགས་པ་དང་། དེ་བཞིན་དུ་སོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གི་མི་སྐད་དག་ན་འཚེ་ཞིང་གནོས་པ་དེ་ལ།། ཀྱེ་འཇིག་རྟེན་གྱི་ཁམས་ཚིག་མ་ནིགན། བྱང་ཆུབ་སེམས་དང་མ་ས་དཔ་ན་མམནས་རྣ་། སྭཱ། ། རྣ་ས་ནད་ལྟར་ན་གཞན་དགེ་སྦྱོང་ངམ། ཟླུམ་ཟེ་འམ། གཞན་སས་ཀྱང་མ་བསྐོར་བའི་ཆོས་ཀྱི་འཁོར་ལོ་འཇིག་རྟེན་དུ་གོར་རོ།། ཞེས་དེའི་བསྔགས་པ་བརྗོད་ཅིང་སྙན་པ་སྨོནས་། དབྱངས་བརྗོད་པ་མཛད་དོ།། ཤཱ་ར་དྭ་ཏིའི་བུ་དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཐོག་པ་ཆེན་པོ་ལ་ཡང་དག་པར་གནས་པ་ཞེས་བྱའོ།། ཤཱ་རཏྣ་ཏན་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི་ཕ་རོལ་ཏུ་ཕྱིན་པ་དྲུག་གོ། ། དྲུག་གང་ཞེན། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། དྲུག་པོ་དེ་དག་གོ།། དེ་ལ་སྦྱིན་པའི་ཕ་རོལ་ཏུ་ཕྱིན་པ་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་བའི་སེམས་བསྐྱེད་པས། འདི་ལྟ་སྟེ། ནང་ངམ་ཕྱིའི་དངོས་པོ་དག་གི་སྦྱིན་པ་དེ་འདོད་པ་རྣམས་ལ་སྦྱིན་པར་བྱེད་ཅིང་། བྱིན་ནས་ཀྱང་སྦྱིན་པ་དེ་སེམས་ཅན་ཐམས་ཅད་དང་ཐུན་མོ་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་འདི་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་སྦྱིན་པའི་ཕ་རོལ་ཏུ་ཕྱིན་པའོ།། དེ་ལ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་དོ།། བདག་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་བླངས་ནས་ལེགས་པར་སྤྱོད་ལ། གཞན་དག་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་འདི་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ན་ག་ནོག་མེད་པའོ།། དེ་ལ་བཟོད་པའི་ཕ་རོལ་ཏུ་ཕྱིན་པ་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བདག་ཀྱང་བཟོད་པ་ཕུན་སུམ་ཚོགས་པ་ཡིན་ལ། གཞན་དག་ཀྱང་བཟོད་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་འདི་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པའི་ཕ་རོལ་ཏུ་ཕྱིན་པའོ།། དེ་ལ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། ཕ་རོལ་ཏུ་ཕྱིན་པ་དྲུག་ལ་བརྩོན་པ་མི་གཏོང་བ་ཡིན། སེམས་ཅན་རྣམས་ཀྱང་ཕ་རོལ་ཏུ་ཕྱིན་པ་དྲུག་པོ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་དེ་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་བརྩོན་འགྲུས་ཀྱི་ཕ་རོལ་ཏུ་ཕྱིན་པའོ།། དེ་ལ་བསམ་གཏན་གྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། བདག་ཀྱང་ཐབས་ལ་མཁས་པས་བསམ་གཏན་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་དག་ལ་སྙོམས་པར་འཇུག་ཅིང་དེ་དག་གི་དབང་གིས་ཀྱང་མི་སྐྱེ་ལ། གཞན་དག་ཀྱང་བསམ་གཏན་དང་། ཚད་མེད་པ་དང་།། གཟུགས་མེད་པའི་སྙོམས་པར་འཇུག་པ་དེ་དག་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་དེ་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་བསམ་གཏན་གྱི་ཕ་རོལ་ཏུ་ཕྱིན་པའོ། ། དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་གང་ཞེ་ན། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པས། ཆོས་ཐམས་ཅད་ཀྱི་རང་བཞིན་ལ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་ཅིང་། ཆོས་ཐམས་ཅད་ལའང་མངོན་པར་ཞེན་པ་མེད་ལ། དེའང་མི་དམིགས་པའི་ཚུལ་གྱིས་བྱེད་དེ། ཆོས་ཐམས་ཅད་ལ་མངོན་པར་ཞེན་པ་མེད་པ་ནས་ཀྱང་། གཞན་དག་ཀྱང་ཆོས་ཐམས་ཅད་ཀྱི་རང་བཞིན་ལ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་ལ། དེའང་མི་དམིགས་པའི་ཚུལ་གྱིས་བྱེད་པ་དེ་ནི། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། ཤཱ་ར་དྭ་ཏིའི་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ཡིན་ནོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཅི་སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་པ་ལགས་སམ། འོན་ཏེ་འཇིག་རྟེན་ལས་འདས་པ་ལགས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་དེ་ལྟ་ལགས་སམ། བཙུན་པ་བཅོམ་ལྡན་འདས་གལ་ཏེ། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་པ་ལགས་ཤིང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་དེ་ལྟ་ལགས་ན་ནི། བཙུན་པ་བཅོམ་ལྡན་འདས་ཇི་ལྟར་ན་འཇིག་རྟེན་པའི་ཕ་རོལ་ཏུ་ཕྱིན་པ་དང་། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱིས་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་ལགས་དེ་ཅིའི་སླད་དུ་ཞེ་ན། འཇིག་རྟེན་པ་ནི་འདུས་བྱས་ལགས་ལ། འདུས་བྱས་གང་ལགས་པ་དེ་ནི་མི་རྟག་པ་ལགས་ན། མི་རྟག་པ་གང་ལགས་པ་དེ་ནི་ཇི་ལྟར་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་ལགས། ཅི་སྟེ་སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་ལས་འདས་པ་ལགས་ཤིང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུའང་དེ་ལྟ་ལགས་ན་ནི་དོན་བྱེད་པ་མ་མཆིས་པ་ལགས་ལ། པ་མ་མཆིས་པ་གང་ལགས་པ་ནི་ཇི་ལྟར་ཡོངས་སུ་རྫོགས་པར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་སྐད་ཅེས་བཀའ་སྩལ་ཏོ། ། ཤཱ་ར་དྭ་ཏིའི་བུ་སྦྱིན་པའི་ཕ་རོལ་ཏུ་ཕྱིན་པ་ནི་འཇིག་རྟེན་པའང་ཡོད། འཇིག་རྟེན་ལས་འདས་པའང་ཡོད། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་།། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་དུ་ཕྱིན་པ་དང་། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའང་འཇིག་རྟེན་པའང་ཡོད།། འཇིག་རྟེན་ལས་འདས་པའང་ཡོད་དོ། ། ཤཱ་ར་དྭ་ཏིའི་བུས་གསོལ་པ། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་པ་ནི་གང་ལགས། སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་ལས་འདས་པ་ནི་གང་ལགས། བཀའ་སྩལ་པ། ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་ཕོད་པ། སྦྱིན་བདག་ཏུ་གྱུར་པ། དེ་དགེ་སྦྱོང་དང་། བྲམ་ཟེ་དང་། བཀྲེན་པ་དང་། འགྲོན་པ་དང་། སྡུག་འཕོངས་དང་། སློང་བ་རྣམས་ལ་ཟས་འདོད་པ་དག་ལ་ཟས་སྦྱིན་པར་བྱེད། སྐོམ་འདོད་པ་རྣམས་ལ་སྐོམ་སྦྱིན་པར་བྱེད་པ་ནས། དེ་བཞིན་དུ་སྦྱར་ཏེ། གོས་དང་སྤོས་དང་། འཕྲེང་བ་དང་། བྱུག་པ་དང་། མལ་ཆ་དང་། སྟན་དང་། ཁྱིམ་འདོད་པའི་བར་དག་ལ་སྦྱིན་པར་བྱེད་པ་དང་། གནས་འདོད་པ་དག་ལ་གནས་སྦྱིན་པར་བྱེད་ཅིང་། སྨན་འདོད་པ་རྣམས་ལ་སྨན། ཡོ་བྱད་འདོད་པ་རྣམས་ལ་ཡོ་བྱད་སྦྱིན་པར་བྱེད་པ་དང་། དེ་བཞིན་དུ་སློང་བ་རྣམས་ལ་མཽའི་ཡོ་བྱད་གང་ཡང་རུང་བ་དག་སྦྱིན་པར་བྱེད་པ་དང་། དེ་བཞིན་དུ་བུ་སྦྱིན་པར་བྱེད་པ་དང་། བུ་མོ་སྦྱིན་པར་བྱེད་པ་དང་། ཆུང་མ་དང་སླས་ཀྱི་འཁོར་དག་སྦྱིན་པར་བྱེད་པ་དང་། དེ་བཞིན་དུ་མགོ་དང་། མིག་དང་། རྣ་བ་དང་། སྣ་དང་། ལྕེ་དང་། རྐང་པ་དང་ཡན་ལག་དང་། ཉིང་ལག་དག་སྦྱིན་པར་བྱེད་ཅིང་། དེ་དག་ཀྱང་དངོས་པོའི་བདག་ཉིད་དུ་གནས་ཤིང་ཡོངས་སུ་གཏོང་བར་བྱེད་ལ། དེ་འདི་སྙམ་དུའང་སེམས་ཏེ། བདག་ནི་སྦྱིན་པར་བྱེད་པའོ། ། འདི་དག་ནི་ལེན་པར་བྱེད་པའོ།། ཀྱེ་བདག་ནི་སེར་སྣ་མེད་པའོ།། བདག་ནི་སྦྱིན་བདག་ཡིན་ནོ།། བདག་ནི་སློང་མོ་སྟེར་བའོ།། ཀྱེ་བདག་ནི་ཐམས་ཅད་ཡོངས་སུ་གཏོང་བའོ།། བདག་ནི་སངས་རྒྱས་བཅོམ་ལྡན་འདས་རྣམས་ལ་བཀུར་སྟི་བྱེད་པའོ། ། བདག་ནི་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པའོ།། སྦྱིན་པ་དེ་བྱིན་ནས་ཀྱང་དམིགས་པའི་ཚུལ་གྱིས་སེམས་ཅན་ཐམས་ཅད་དང་ཐུན་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་ཅིང་། བདག་གི་སྦྱིན་པ་འདིས་སེམས་ཅན་ཐམས་ཅད་ཚེ་འདི་ཉིད་ལ་བདེ་བར་གྱུར་ཅིག། ཕུང་པོའི་ལྷག་མ་མེད་པའི་ལས་འདས་པའི་དབྱིངས་སུ་ཡོངསསུ་མྱ་ངན་ལས་འདས་པར་གྱུར་ཅིགགམ་མོ། ། དཆགས་པ་གསུམ་ལ་ཆགས་ཤིང་རྒྱུན་ལ་དེ་སྦྱིན་པར་བྱདང་། གསུམ་ག་ནན། འཛིན། བདག་ཏུ་འདུ་ཤེས་པ་དང་། གཞན་དུ་འདུ་ཤེས་པ་དང་། སྦྱིན་པར་འདུ་ཤེས་པ་སྟེ། ཆགས་པ་གསུམ་པོ་དེ་དག་ལ་ཆགས་ནས་སྦྱིན་པ་དེ་སྦྱིན་པར་བྱེད་པ་ནི། ཤཱ་ར་དྭ་ཏིའི་བུ་འཇིག་རྟེན་པོའི་ཕྱི་པའི་ཕ་རོལ་ཏུ་ཕྱིན་པ་ཞེས་བྱའོ། ། དེ་ཅིའི་ཕྱིར་འཇིག་རྟེན་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱ་ཞེ་ན། འདི་ལྟར་འཇིག་རྟེན་དང་ལྷན་ཅིག་ཏུ་སྤྱོད་ཅིང་། འཇིག་རྟེན་ལས་མི་གཡོ་ལ་ཡང་དག་པར་འདའ་སྟེ། རྒྱུ་དེས་ན་འཇིག་རྟེན་པ་ཞེས་བྱའོ།། དེ་ལ་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་གང་ཞེ་ན། འདི་ལྟ་སྟེ། འཁོར་གསུམ་ཡོངས་སུ་དག་པ་སྟེ། འདི་ལ་ཀྱེ་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་སྔོན་དུ་འགྲོ་བའི་སེམས་ཀྱིས་སྦྱིན་པ་སྦྱིན་པའང་མི་དམིགས། སྦྱིན་པ་པོའང་མི་དམིགས། ལེན་པ་པོའང་མི་དམིགས་སྦྱིན་པའང་མ་ཡིན་ལ། སྦྱིན་པ་དེའི་རྣམ་པར་སྨིན་པ་ལ་མངོན་པར་དགའ་བ་མེད་པ་དེ་ནི། ཤཱ་ར་དྭ་ཏིའི་བུ་འཁོར་གསུམ་ཡོངས་སུ་དག་པ་ཞེས་བྱའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་ཐམས་ཅད་ལ་སྦྱིན་པ་སྦྱིན་ཞིང་། བྱིན་ནས་ཀྱང་སེམས་ཅན་དེ་དག་ཉིད་ལ་གཏོང་ཡང་། སེམས་ཅན་དེ་དག་ཀྱང་མི་དམིགས་ལེན་པ་པོའང་ཡང་དག་པར་རྗེས་སུ་མི་མཐོང་། སྦྱིན་པ་དེའི་རྣམ་པར་སྨིན་པ་ལའང་མངོན་པར་དགའ་བ་མེད་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྡོ་མ་ཀྱི། མཚན་མ་ཕྲ་རབ་ཙམ་ཡང་དག་པར་རྗེས་སུ་མི་མཐོང་བ་དེ་ནི། ཤཱ་ར་དྭ་ཏིའི་བུ་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱའོ།། དེ་ཅིའི་ཕྱིར་འཇིག་རྟེན་ལས་འདས་པ་ཞེས་བྱ་ཞེ་ན། འདི་ལྟར་འཇིག་རྟེན་ལས་རྒལ་ཞིང་། འཇིག་རྟེན་ལས་ཡང་དག་པར་འདས་ཏེ། དེ་ནི་འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་ཞེས་བྱའོ།། དེ་བཞིན་དུ་སྦྱར་ཏེ། གནས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནི་འཇིག་རྟེན་པ་ཡིན་ལ། མི་གནས་པ་ནི་འཇིག་རྟེན་ལས་འདས་པ་སྟེ། སྦྱིན་པའི་ཕ་རོལ་ཏུ་ཕྱིན་པར་ཇི་སྐད་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ།། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ལའང་དེ་བཞིན་དུ་སྦྱར་རོ།། གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ནི་འཇིག་རྟེན་པའང་ཡིན་ལམི་གནས་པ་ནི་འཇིག་རྟེན་ལས་འདས་པའོ། ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་འཇིག་རྟེན་པ་དང་། འཇིག་རྟེན་ལས་འདས་པའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཡོངས་སུ་རྫོགས་པར་བྱེད་དེ། དེའང་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པའི་ཐེག་པ་ཆེན་པོ་དང་། གོམ་ཆེན་པོ་དང་། བྱང་ཆུབ་སེམས་དཔམ་ཚུན་མེད་པ་ཡིན་ནོ།། ཤེས་རབ་ཀྱི་ཕ་རོལ་ཏུ་ཕྱིན་པ་ངྒཱ་ལས་རོལ་ཏུ་ཕྱིན་པ་བསྟན་པའི་ལེའུ་ཞེས་བྱསྟེ་དགུ་པ་རྫོགས་སོ། ། དེ་ནས་བཅོམ་ལྡན་འདས་ལཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བ་ལྡན་འདས་ཇི་ཙམ་གྱིས་ན་ག་ཆ་ཆེན་པོ་ཚོགས་པ་གོ་ཆ་ཆེན་པོ་བགོས་པ་ཞེས་བགྱི་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདིསྐ་ས་བཀའ་སྩལ་ཏོ། ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ། གང་སྦྱིན་པའི་ཕ་རོལ་ཏུ་ཕྱིན་པའི་གོ་ཆ་བགོས་པ་དེ་བཞིན་དུ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱི་གོ་ཆ་བགོས་དྲན་པ་ཉེ་བར་གཞག་པའི་གོ་ཆ་བགོས། འཕགས་པའི་ལམ་ཡན་ལག་བརྒྱད་ཀྱི་བར་གྱི་གོ་ཆ་བགོས་ནང་སྟོང་པ་ཉིད་ཀྱི་གོ་ཆ་བགོས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཆ་བགོས། དེ་བཞིན་གཤེགས་པའི་སྟོབས་བཅུའི་གོ་ཆ་བགོས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་གོ་ཆ་བགོས། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་གོ་ཆ་བགོས་སངས་རྒྱས་ཀྱི་སྐུའི་གོ་ཆ་བགོས་ནས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སྣང་བས་ཁྱབ་པར་བྱེད་དོ།། དེ་བཞིན་དུ་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་སྡང་བས་ཁྱབ་པར་བྱེད་དོ། ། དེ་བཞིན་དུ་ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་སྣང་བས་ཁྱབ་པར་བྱེད་དོ།། ཁྱབ་པར་བྱས་ནས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རྣམ་པ་དྲུག་ཏུ་གཡོ་བར་བྱེད། རབ་ཏུ་གཡོ་བར་བྱེད། ཀུན་ཏུ་རབ་ཏུ་གཡོ་བར་བྱེད་དོ།། དེ་བཞིན་དུ་ཤར་ཕྱོགས་ནས།། ཕྱོགས་མཚམས་ཀྱི་བར་གྱི་འཇིག་རྟེན་གྱི་ཁམས་གངྒཱའི་ཀླུང་གྱི་བྱེ་མ་སྙེད་རྣམ་པ་དྲུག་ཏུ་གཡོ་བར་བྱེད། རབ་ཏུ་གཡོ་བར་བྱེད། ཀུན་ཏུ་རབ་ཏུ་གཡོ་བར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་སྣང་བ་དེས་ཀྱང་། སྦྱིན་པའི་ཕ་རོལ་ཏུ་ཕྱིན་པའི་གོ་ཆ་བགོས་པ་ནས། སངས་རྒྱས་ཀྱི་སྐུའི་བར་གྱི་གོ་ཆ་བགོས་པ་ཡིན་ནོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་བཻ་ཌཱུཪྻའི་རང་བཞིན་དུ་མངོན་པར་སྤྲུལ་པར་བྱེད་དོ།། མངོན་པར་སྤྲུལ་ནས་ཀྱང་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་པར་བྱེད་ཅིང་། དེས་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་ནས་ཀྱང་། ཟས་འདོད་པ་རྣམས་ལ་ཟས་སྦྱིན་པར་བྱེད། དེ་བཞིན་དུ་བཏུང་བ་ནས། གོས་དང་། འཕྲེང་བ་དང་། སྤོས་དང་། བྱུག་པ་དང་། ཁང་པ་དང་། གནས་དང་། མར་མེ་དང་། སྨན་དུ་སྦྱར་བ་དང་། སྨན་གྱི་བར་དུ་སྦྱིན་པར་བྱེད་པ་དང་། དེ་བཞིན་དུ་སྦྱར་ཏེ། མིའི་ཡོ་བྱད་གང་ཡང་རུང་བའི་བར་དག་སེམས་ཅན་དག་ལ་སྦྱིན་པར་བྱེད་ཅིང་། དེས་སྦྱིན་པ་དེ་ལྟ་བུ་བྱིན་ནས། སེམས་ཅན་དེ་དག་ཉིད་ལ་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་དང་ལྡན་པའི་ཆོས་འདི་དག་ཉིད་ཀྱི་ཆོས་སྟོན་ཏོ། ། སེམས་ཅན་དེ་དག་ཀྱང་ཆོས་དེ་ཐོས་ནས་ནམ་ཡང་ལོག་པར་ལྟུང་བར་མི་ལྟུང་ལ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ། ནམ་ཡང་ཕ་རོལ་ཏུ་ཕྱིན་པ་དྲུག་དང་བྲལ་བར་མི་འགྱུར་ཏེ། རབ་འབྱོར་དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། ། རབ་འབྱོར་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་ལམ་པོ་ཆེའི་བཞི་མདོར་འདུག་སྟེ། སྐྱེ་བོ་ཕལ་པོ་ཆེའི་མདུན་དུ་ཟས་འདོད་པ་ལ་ཟས་སྦྱིན་པ་ནས། མིའི་ཡོ་བྱད་གང་ཡང་རུང་བའི་བར་དུ་བྱིན་ན། རབ་འབྱོར་འདི་ཇི་སྙམ་དུ་སེམས། ཅི་སྒྱུ་མ་མཁན་ནམ། སྒྱུ་མ་མཁན་གྱི་སློབ་མས་སེམས་ཅན་གང་ལའང་སྦྱིན་པ་བྱིན་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་འཁོར་ལོས་སྒྱུར་བའི་རྒྱལ་པོའི་བཀོད་པ་མངོན་པར་སྤྲུལ་ནས། ཟས་འདོད་པ་དག་ལ་ཟས་སྦྱིན་པར་བྱེད་པ་ནས། དེ་བཞིན་དུ་སྦྱར་ཏེ། མིའི་ཡོ་བྱད་གང་ཡང་རུང་བའི་བར་དག་སྦྱིན་པར་བྱེད་ཅིང་། ། སེམས་ཅན་གང་ལའང་སྦྱིན་པར་བྱིན་པ་ཅིའང་མེད་དོ།། དེ་ཅིའི་ཕྱིར་ཞེ་ན། སྒྱུ་མའི་ཆོས་ཉིད་ཉེ་བར་གཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་རོ།། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ལ་གནས་ཏེ། བསམས་བཞིན་དུ་སྐྱེ་བ་ཡོངས་སུ་བཟུང་ནས། འཁོར་ལོས་སྒྱུར་བའི་རྒྱལ་པོའི་རིགས་སུ་སྐྱེ་སྟེ། འཁོར་ལོས་སྒྱུར་བའི་རྒྱལ་རིགས་ཀྱི་དབང་ཕྱུག་ལ་གནས་ནས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་དགེ་བ་བཅུའི་ལས་ཀྱི་ལམ་ལ་དགོད་པར་བྱེད།། དེ་བཞིན་དུ་བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་དག་ལ་དགོད་པར་བྱེད། དེ་བཞིན་དུ་དྲན་པ་ཉེ་བར་གཞག་པ་བཞི་དང་། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒོ་གསུམ་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་དགོད་པར་བྱེད་དེ། སེམས་ཅན་དེ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་མ་རྒྱས་ཀྱི་བར་དུ་ནམ་ཡང་ཆོས་བསྟན་པ་དེ་དང་བྲལ་བར་མི་འགྱུར་རོ།། རབ་འབྱོར་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། དགེ་བ་བཅུའི་ལས་ཀྱི་ལམ་ལ་བཀོད། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་བཀོད་ན། རབ་འབྱོར་འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུ་འམ། སྒྱུ་མ་མཁན་གྱི་སློབ་མ་དེས་སེམས་ཅན་འགའ་ཡང་@། དགེ་བ་བཅུའི་ལས་ཀྱི་ལམ་ལ་བཀོད་པ་ཡིན་ནམ་སམ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་བཀོད་པ་ཡིན་རྣམམས་གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས་སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་དགེ་བ་བཅུའི་ལས་ཀྱི་ལམ་ལ་བཀོད། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་བཀོད་ཀྱང་། སེམས་ཅན་འགའ་ཡང་བཀོད་པ་མེད་དོ།། དེ་ཅིའི་ཕྱིར་ཞེ་ན། རབ་འབྱོར་སྒྱུ་མའི་ཆོས་ཉིད་ཉེ་བར་གཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་འབུམ་ཕྲག་དག་བཟོད་པ་ལ་བཀོད་པར་བྱེད་དོ།། རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བཟོད་པའི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་འབུམ་ཕྲག་དག་བཟོད་པ་ལ་བཀོད་པར་བྱེད་ཅེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་!། གཆ་འདི་ལྟར་གྱོན་པར་བྱེད་པ་དེ། གལ་ཏེ་སེམས་ཅན་ཐམས་ཅད་འོངས་ནས་བདག་ལ་དབྱིག་པ་དང་། མཚན་ཆ་དང་། བོང་བདག་གིས་བསྣུན་ཀྱང་། དེ་ལ་བདག་གིས་སེམས་ཅན་གང་ལའང་འཁྲུག་པ་དང་ལྡན་པའི་སེམས་བསྐྱེད་པ་འགའ་ཡང་བསྐྱེད་པར་མི་བྱའི། བདག་གིས་སེམས་ཅན་ཐམས་ཅད་ཀྱང་བཟོད་པ་དེ་ལྟ་བུ་ལ་འགོད་པར་བྱའོ་སྙམ་མོ།། དེས་གོ་ཆ་དེ་ལྟ་བུ་བགོས་ནས་དགྲ་བོ་དང་ཕྱིར་རྒོལ་བ་དག་གིས་བོང་བ་དང་། དབྱུག་པ་དང་། མཚོན་གྱིས་བརྡེག་པ་དག་གིས་ཉོན་མོངས་ནའང་། ནམ་ཡང་སེམས་ཅན་གང་ལའང་འཁྲུག་པ་དང་ལྡན་པའི་སེམས་མི་སྐྱེད་ཀྱི། སེམས་ཅན་བྱེ་བ་ཁྲག་ཁྲིག་འབུམ་ཕྲག་དག་བཟོད་པ་དེ་ལྟ་བུ་ལ་འགོད་པར་བྱེད་དོ།། རབ་འབྱོར་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དག་བཟོད་པའི་ཕ་རོལ་ཏུ་ཕྱིན་པ་ལ་བཀོད་ན། རབ་འབྱོར་འདི་ཇི་སྙམ་དུ་སེམས་ཅི་སྒྱུ་མའི་སྐྱེས་བུ་འམ། སྒྱུ་མ་མཁན་གྱི་སློབ་མ་དེས། སེམས་ཅན་འགའ་ཡང་བཟོད་པ་ལ་བཀོད་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་བཟོད་པ་ལ་བཀོད་ཀྱང་། སེམས་ཅན་འགའ་ཡང་བཀོད་པ་མེད་དོ། ། དེ་རྒྱ་ཕྱིར་ཞེ་ན། རབ་འབྱོར་སྒྱུ་མ་ན་ཚས་ཉིད་ཀ་བར་བཟུང་ན། ཆོས་རྣམས་ཀྱི་ཆོས་ན་ན་མིན་པའི་ཕྱིར་ཏེ། རབ་འབྱོར་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་བགོས་པ་ཞེས་བྱའོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་ཀྱི་ཕརོ་ཏུཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད། ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་མི་དགེ་བའི་ཆོས་སྤང་བའི་ཕྱིར་དང་། དགེ་བའི་ཆོས་ཕུན་སུམ་ཚོགས་པར་བྱ་བའི་ཕྱིར། སེམས་ཅན་དག་ལུས་དང་སེམས་ཀྱི་བརྩོན་འགྲུས་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། ། རབ་འབྱོར་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དག་བརྩོན་འགྲུས་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ན། ། རབ་འབྱོར་འདི་ཇི་སྙམ་དུ་སེམས། ཅི་སྒྱུ་མ་མཁན་གྱི་སྐྱེས་འམ། སྒྱུ་མ་མཁན་གྱི་སློབ་མས། དེ་ལ་སེམས་ཅན་འགའ་ཡང་བརྩོན་འགྲུས་ལ་བཀོད་པ་ཡོད་དམ། གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་བརྩོན་འགྲུས་ཀྱི་ཕ་རོལ་དུ་ཕྱིན་པ་ལ་བཀོད་ཀྱང་། སེམས་ཅན་འགའ་ཡང་བཀོད་པ་མེད་དོ། ། དེ་ཅིའི་ཕྱིར་ཞེ་ན། རབ་འབྱོར་སྒྱུ་མའི་ཆོས་ཉིད་ཉེ་བར་གཟུང་ན།། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བསམ་གཏན་གྱི་ཕ་རོལ་ཏུ་ཕྱིན་པ་ལ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ།། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བསམ་གཏན་གྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བསམ་གཏན་གྱི་ཕ་རོལ་ཏུ་ཕྱིན་པ་ལ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ཅེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་མཉམ་པ་ཉིད་ཀྱི་ཏིང་ངེ་འཛིན་ལ་གནས་ནས། ཆོས་གང་ཡང་མཉམ་པར་གཞག་པ་འམ།། རྣམ་པར་གསེང་བར་ཡང་དག་པར་རྗེས་སུ་མི་མཐོང་སྟེ། དེ་དེ་ཁོ་ན་བཞིན་དུ་སེམས་ཅན་དེ་དག་བསམ་གཏན་དེ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ལ། ཅི་ནས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ། ནམ་ཡང་བསམ་གཏན་གྱི་ཕ་རོལ་ཏུ་ཕྱིན་པ་དང་བྲལ་བར་མི་འགྱུར་བ་དེ་ལྟར་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། ། ར་འབྱོར་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་མང་པོ་ཞིག་མངོན་པར་སྤྲུལ་ནས། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་བསམ་གཏན་གྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་བཀོད་ན། རབ་འབྱོར་འདི་ཇི་སྙམ་དུ་སེམས། ཅིའི་སྒྱུ་མའི་སྐྱེས་བུ་འམ། སྒྱུ་མ་མཁན་གྱི་སློབ་མ་དེས། དེ་ལ་སེམས་ཅན་འགའ་ཡང་བསམ་གཏན་གྱི་ཕ་རོལ་ཏུ་ཕྱིན་པ་ལ་བཀོད་པ་ཡོད་སྙམ་མམ། གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་བསམ་གཏན་གྱི་ཕ་རོལ་ཏུ་ཕྱིན་པ་ལ་བཀོད་ཀྱང་། སེམས་ཅན་འགའ་ཡང་བཀོད་པ་མེད་དོ།། དེ་ཅིའི་ཕྱིར་ཞེ་ན། རབ་འབྱོར་སྒྱུ་མའི་ཆོས་ཉིད་ཉེ་བར་གཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ་སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། ། རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ཅེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་བརྗོད་དུ་མེད་པ་ལ་གནས་ཏེ། ཆོས་གང་ཡང་སྐྱེ་བ་འམ། འགག་པ་འམ། ཀུན་ནས་ཉོན་མོངས་པ་འམ། རྣམ་པར་བྱང་བ་འམ། ཕ་རོལ་མི་དམིགས་ན། རབ་འབྱོར་དེ་ཙམ་གྱིས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པ་ཡིན་ཞིང་། དེ་དེ་ཁོ་ན་བཞིན་དུ་སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། ། རབ་འབྱོར་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་སྐྱེ་བོའི་ཚོགས་ཆེན་པོ་ཞིག་མངོན་པར་སྤྲུལ་ནས། སེམས་ཅན་བྱེ་བ་ཁྲག་ཁྲིག་ཕྲག་འབུམ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ན་རབ་འབྱོར་འདི་ཇི་སྙམ་དུ་སེམས། ཅི་སྒྱུ་མའི་སྐྱེས་བུ་འམ། སྒྱུ་མ་མཁན་གྱི་སློབ་མ་དེས། དེ་ལ་སེམས་ཅན་འགའ་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བཀོད་པ་ཡོད་སྙམ་མམ་གསོལ་པ། བཙུན་པ་བཅོམ་ལྡན་འདས་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་དེས། སེམས་ཅན་བྱེ་བ་ཁྲག་ཁྲིག་འབུམ་ཕྲག་དུ་མ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བཀོད་ཀྱང་། སེམས་ཅན་འགའ་ཡང་བཀོད་པ་མེད་དོ།། དེ་ཅིའི་ཕྱིར་ཞེ་ན། རབ་འབྱོར་སྒྱུ་མའི་ཆོས་ཉིད་ཉེ་བར་གཟུང་ན། ཆོས་རྣམས་ཀྱི་ཆོས་ཉིད་དེ་ཡིན་པའི་ཕྱིར་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ།། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་ནས། ཤར་ཕྱོགས་ཀྱི་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དག་ན། སེམས་ཅན་གང་དག་སྡིག་པའི་ལས་ཀུན་ཏུ་སྤྱོད་ཅིང་ལོག་པའི་ཆོས་ལ་གཞོལ་བ་དེ་དག་ཇི་ལྟར་འཚམ་པའི་ལུས་དག་ལ་གནས་ནས། སྦྱིན་པའི་ཕ་རོལ་ཏུ་ཕྱིན་པ་ལ་གནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་གནས་ཏེ། སྦྱིན་པའི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་དོ། ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡང་དག་པར་འཛིན་དུ་འཇུག་ཅིང་འཛུད་དེ་རབ་ཏུ་འགོད་པར་བྱེད་ཅིང་། སེམས་ཅན་དེ་དག་ལ་རྟག་ཏུ་འདི་ལྟ་སྟེ། ཕ་རོལ་ཏུ་ཕྱིན་པ་དྲུག་པོ་འདི་དག་ཉིད་ཀྱི་ཆོས་སྟོན་ཏོ། ། སེམས་ཅན་དེ་དག་ཀྱང་ཆོས་དེ་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཀྱི་བར་དུ། ནམ་ཡང་ཕ་རོལ་ཏུ་ཕྱིན་པ་དྲུག་དང་བྲལ་བར་མི་འགྱུར་རོ། ། ཤར་ཕྱོགས་སུ་ཇི་སྐད་བསྟན་པ་བཞིན།། ཕྱོགས་བཅུ་ཀུན་གྱི་སངས་རྒྱས་ཀྱི་ཞིང་གངྒཱའི་ཀླུང་གི་བྱེ་མ་སྙེད་དག་ཏུའང་དེ་བཞིན་དུ་སྦྱར་བར་བྱའོ།། རབ་འབྱོར་དཔེར་ན་སྒྱུ་མ་མཁན་ནམ་སྒྱུ་མ་མཁན་གྱི་སློབ་མ་མཁས་པ་ཞེས་བྱ་བ་ནས། དེ་བཞིན་དུ་ཇི་ལྟར་ལེའུ་དང་པོར་དཔེ་དང་བཅས་པར་བསྟན་པ་དེ་ཁོ་ན་བཞིན་དུ། འདིར་ཡང་སྔ་མ་བཞིན་དུ་སྦྱར་བར་བྱ་སྟེ་རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གོ་ཆ་ཆེན་པོ་འདི་བགོས་ནས། རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་ཀྱིས་གནས་པ་ན། སེམས་བསྐྱེད་པ་གཞན་ཉན་ཐོས་དང་རང་སངས་རྒྱས་ཀྱི་སེམས་བསྐྱེད་པ་དག་གི་སྐབས་མི་འབྱེད་ལདེ་འདི་སྙམ་དུ་བདག་གིས་སེམས་ཅན་འདི་སྙེད་ཅིག་ནི་སྦྱིན་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། ། སེམས་ཅན་འདི་སྙེད་ཅིག་ནི་དགོད་པར་མི་བྱའོ་ཞེས་བྱ་བ་ནས། དེ་བཞིན་དུ་བདག་གིས། སེམས་ཅན་འདི་སྙེད་ཅིག་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་དགོད་པར་བྱའོ།། འདི་སྙེད་ཅིག་ནི་དགོད་པར་མི་བྱའོ་ཞེས་བྱ་བ་སྔ་མ་བཞིན་ནོ།། དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་དྲན་པ་ཉེ་བར་གཞག་པ་རྣམས་དང་། ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་།། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒོ་གསུམ་པོ་དག་ལ་དགོད་པར་བྱའོ།། སེམས་ཅན་འདི་སྙེད་ཅིག་ནི་རྣམ་པར་ཐར་པའི་སྒོ་གསུམ་གྱི་བར་ལ་དགོད་པར་མི་བྱའོ། ། དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་དགོད་པར་བྱའོ།། འདི་སྙེད་ཅིག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་དགོད་པར་མི་བྱའོ། ། དེ་བཞིན་དུ་བདག་གིས་སེམས་ཅན་འདི་སྙེད་ཅིག་ནི་རྒྱུན་དུ་ཞུགས་པའི་འབྲས་བུ་ལ་དགོད་པར་བྱའོ།། ། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་བྱང་ཆུབ་ལ་དགོད་པར་བྱའོ།། དེ་བཞིན་དུ་བདག་གིས་སེམས་ཅན་འདི་སྐད་ཅིག་ནི་རྣམ་པ་ཐམས་ཅད་མཁྱེན་པ་ཉིད་ལ་དགོད་པར་བྱའོ། ། འདི་སྙེད་ཅིག་ནི་དགོད་པར་མི་བྱའོ་སྙམ་མི་སེམས་ཀྱི།། རབ་འབྱོར་དེ་འདི་སྙམ་དུ་སེམས་ཏེ། བདག་གིས་སེམས་ཅན་དཔག་ཏུ་མེད་ཅིང་གྲངས་མེད་པ་དག་སྦྱིན་པའི་ཕ་རོལ་ཏུ་ཕྱིན་པ་ལ་དགོད་པར་བྱའོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང་། དྲན་པ་ཉེ་བར་གཞག་པ་རྣམས་དང་། དེ་བཞིན་དུ་སྦྱར་ཏེ། བདག་གིས་སེམས་ཅན་དཔག་ཏུ་མེད་གྲངས་མེད་པའི་བར་དག་རྣམ་པ་ཐམས་ཅད་མཁྱེན་པ་ཉིད་ལ་དགོད་པར་བྱའོ་སྙམ་མོ། ། རབ་འབྱོར་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞེས་བྱ་བ་ནས། དེ་བཞིན་དུ་སྦྱར་ཏེ། ཇི་ལྟར་སྔར་དཔེས་བསྟན་པ་དེ་ཁོ་ན་བཞིན་དུ་སྦྱར་བར་བྱ་སྟེ། རབ་འབྱོར་དེ་ལྟར་ན་བྱང་ཆུབ་སེམས་དཔའི་སེམས་དཔའ་ཆེན་པོ་གོ་ཆ་ཆེན་པོ་བགོས་པ་ཞེས་བྱའོ།། དེ་ནས་བཅོམ་ལྡན་འདས་ལ་ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན། རང་གི་མཚན་ཉིད་སྟོང་པ་ཉིད་ཀྱི་སླད་དུ། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་གོ་ཆ་མ་མཆིས་པའི་གོ་ཆ་འཚལ་བར་རིག་པར་བགྱི་ལགས་སོ།། དེ་ཅིའི་སླད་དུ་ཞེ་ན། འདི་ལྟར་གཟུགས་ནི་གཟུགས་ཀྱིས་སྟོང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པས་སྟོང་། དེ་བཞིན་དུ་མིག་ནི་མིག་གིས་སྟོང་། ཡིད་ཀྱི་བར་ནི་ཡིད་ཀྱི་བར་གྱིས་སྟོང་། དེ་བཞིན་དུ་མིག་གི་རྣམ་པར་ཤེས་པ་ནི་མིག་གི་རྣམ་པར་ཤེས་པས་སྟོང་། ཡིད་ཀྱི་རྣམ་པར་ཤེས་པའི་བར་ནི་ཡིད་ཀྱི་རྣམ་པར་ཤེས་པས་སྟོང་། མིག་གི་འདུས་ཏེ་རེག་པ་ནི་མིག་གི་འདུས་ཏེ་རེག་པས་སྟོང་ཡིད་ཀྱི་འདུས་ཏེ་རེག་པའི་བར་ནི་ཡིད་ཀྱི་འདུས་ཏེ་རེག་པའི་བར་གྱིས་སྟོང་། དེ་བཞིན་དུ་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ནི་མིག་གི་འདུས་ཏེ་རེག་པའི་རྐྱེན་གྱིས་ཚོར་བས་སྟོང་ཡིད་ཀྱི་འདུས་ཏེ་རེག་པར་རྒྱུན་གྱིས་ཚོར་བའི་བར་ནི་ཡིད་ཀྱི་འདུས་ཏེ་རེག་པའི་རྒྱུན་གྱིས་ཚོར་བས་སྟོང་། བཙུན་པ་བཅོམ་ལྡན་འདས་དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནི་རྒྱུན་པའི་ཕ་རོལ་ཏུ་ཕྱིན་པས་སྟོང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ནི་ཤེས་རབ་ཀྱི་ཕ་རོལ་ཏུ་ཕྱིན་པས་སྟོང་། དྲན་པ་ཉེ་བར་གཞག་པ་རྣམས་ནི་དྲན་པ་ཉེ་བར་གཞག་པ་རྣམས་ཀྱིས་སྟོང་།། འཕགས་པའི་ལམ་ཡན་ལག་བརྒྱད་པའི་བར་ནི་འཕགས་པའི་ལམ་ཡན་ལག་བརྒྱད་པས་སྟོང་། ནང་སྟོང་པ་ཉིད་ནི་ནང་སྟོང་པ་ཉིད་ཀྱིས་སྟོང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱིས་སྟོང་། དེ་བཞིན་གཤེགས་པའི་སྟོབས་བཅུ་ནི་དེ་བཞིན་གཤེགས་པའི་སྟོབས་བཅུས་སྟོང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱིས་སྟོང་། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་ཡང་བྱང་ཆུབ་སེམས་དཔས་སྟོང་། གོ་ཆ་ཆེན་པོའང་གོ་ཆ་ཆེན་པོས་སྟོང་པའི་སླད་དུ་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན། ཀྱེ་མ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་གོ་ཆ་མ་མཆིས་པའི་གོ་ཆ་འཚལ་བར་རིག་པར་བགྱི་ལགས་སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ།། རབ་འབྱོར་དེ་དེ་བཞིན་ནོ།། ཇི་སྐད་སྨྲས་པ་དེ་དེ་བཞིན་ཏེ། རབ་འབྱོར་རྣམ་པ་ཐམས་ཅད་མཁྱེན་པ་ཉིད་ནི་མ་བྱས་འདུས་མ་བྱས་པའོ། ། བྱང་ཆུབ་སེམས་དཔའ་སེམས་དཔའ་ཆེན་པོས་གང་དག་གི་ཆེད་དུ་གོ་ཆ་ཆེན་པོ་བགོས་པའི་སེམས་ཅན་དེ་དག་ཀྱང་མ་བྱས། མངོན་པར་འདུས་མ་བྱས་པ་དག་ཡིན་ནོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱི་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཅིའི་སླད་དུ་རྣམ་པ་ཐམས་ཅད་མཁྱེན་པ་ཉིད་མ་བགྱིས་ཤིང་མངོན་པར་འདུས་མ་བགྱིས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་གང་དག་གི་ཆེད་དུ་གོ་ཆ་ཆེན་པོ་འཚལ་བའི་སེམས་ཅན་དེ་དག་ཀྱང་མ་བགྱིས་ཤིང་། མངོན་པར་འདུས་མ་བགྱིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱེད་པ་པོ་དམིགས་སུ་མེད་པའི་ཕྱིར། རྣམ་པ་ཐམས་ཅད་མཁྱེན་པ་ཉིད་དེ་མ་བྱས། མངོན་པར་འདུས་མ་བྱས་པའོ། ། སེམས་ཅན་དེ་དག་ཀྱང་མ་བྱས།། མངོན་པར་འདུས་མ་བྱས་པའོ།། དེ་ཅིའི་ཕྱིར་ཞེ་ན། རབ་འབྱོར་གཟུགས་ནི་མི་བྱེད། མི་འཇིག། མངོན་པར་འདུ་མི་བྱེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མི་བྱེད། མི་འཇིག། མངོན་པར་འདུ་མི་བྱེད་དོ།། རབ་འབྱོར་དེ་བཞིན་དུ་བདག་ནི་མི་བྱེད། མི་འཇིག། མངོན་པར་འདུ་མི་བྱེད་དོ།། རབ་འབྱོར་དེ་བཞིན་དུ་ཤེས་པ་པོ་དང་། མཐོང་བ་པོའི་བར་ནི་མི་བྱེད། མི་འཇིག། མངོན་པར་འདུ་མི་བྱེད་དོ།། དེ་ཅིའི་ཕྱིར་ཞེ་ན། རབ་འབྱོར་བདག་ལ་སོགས་པ་གཏན་དམིགས་སུ་མེད་པའི་ཕྱིར་རོ།། རབ་འབྱོར་རྨི་ལམ་ཡང་མི་བྱེད། མི་འཇིག། མངོན་པར་འདུ་མི་བྱེད་དོ།། དེ་ཅིའི་ཕྱིར་ཞེ་ན། རབ་འབྱོར་རྨི་ལམ་ནི་གཏན་དམིགས་སུ་མེད་པའི་ཕྱིར་རོ།། དེ་བཞིན་དུ་ཟག་ཆ་དང་། མིག་ཡོར་དང་། སྒྱུ་མ་དང་། སྨིག་རྒྱུ་དང་། སྤྲུལ་པ་ནི་མི་བྱེད། མི་འཇིག། མངོན་པར་འདུ་མི་བྱེད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་སྤྲུལ་པ་དེ་གཏན་དམིགས་སུ་མེད་པའི་ཕྱིར་རོ། ། རབ་འབྱོར་ནང་སྟོང་པ་ཉིད་ནི་མི་བྱེད། མི་འཇོག། མངོན་པར་འདུ་མི་བྱེད་དོ།། དེ་ཅིའི་ཕྱིར་ཞེ་ན། འདི་ལྟར་ནང་སྟོང་པ་ཉིད་དེ་གཏན་དམིགས་སུ་མེད་པའི་ཕྱིར་རོ།། དེ་བཞིན་དུ་སྦྱར་ཏེ། རབ་འབྱོར་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི་མི་བྱེད། མི་འཇིག། མངོན་པར་འདུ་མི་བྱེད་དོ།། དེ་ཅིའི་ཕྱིར་ཞེ་ན། འདི་ལྟར་དངོས་པོ་མེད་པའི་ངོ་བོ་ཉིད་སྟོང་པ་ཉིད་གཏན་དམིགས་སུ་མེད་པའི་ཕྱིར་རོ། ། རབ་འབྱོར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ནི་མི་བྱེད། མི་འཇིག། མངོན་པར་འདུ་མི་བྱེད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དེ་གཏན་དམིགས་སུ་མེད་པའི་ཕྱིར་རོ། ། རབ་འབྱོར་དེ་བཞིན་ཉིད་མི་བྱེད། མི་འཇིག། མངོན་པར་འདུ་མི་བྱེད་དོ།། རབ་འབྱོར་དེ་བཞིན་དུ་མ་ནོར་བ་དེ་བཞིན་ཉིད་དང་གཞན་མ་ཡིན་པ་དེ་བཞིན་ཉིད་དང་། ཆོས་ཉིད་དང་། ཆོས་ཀྱི་དབྱིངས་དང་། ཆོས་ཀྱི་གནས་ཉིད་དང་། ཆོས་སྐྱོན་མེད་པ་ཉིད་དང་། ཡང་དག་པའི་མཐའ་ནི་མི་བྱེད། མི་འཇིག། ཥྚད། ར་ཀྱ། འདས་ཡང་ཀུན་སྨྲས་པ་དཔ་ཥྚ་ས། @་འདུན་བྱེད་དོ། ། དེཅི་འབྱར་ནན། འདི་ལྟར་རྣམ་པ་ཐམས་ཅད་མཐུན་པ་ད་ཀྱི་བར་དག་ནད་མིགས་སུ་མེད་པའི་ཕྱིར་ཏེ། ར་བྱུར་ནས་ཀྲུངས་དསན། རྣམ་པ་རྣམས་ཅད་ས་ཉིད་ནི་མ་བྱས། མངོན་པར་འདུས་མ་བྱས་པ་ཡིན། བྱང་ཆུབ་སེམས་དཔའ་སེམས་དཔའ་ཆེན་པོས་གང་དག་གི་ཆེད་དུ་གོ་མ་ཆེན་པོ་འགོས་པའི་སེམས་ཅན་དེ་དག་ཀྱང་མ་བྱས། ཛ་པར་འདུས་མ་བྱས་པ་ཡིན་ཏེ། རབ་འབྱོར་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོས་གོ་ཆ་ཆེན་པོ་འགོས་པར་རིག་པར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲིབ་བམ་པོ་བཅུ་པ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསལ་ཏོ།། བཙུན་པ་བཅོམ་ལྡན་འདས་བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། བཙུན་པ་བཅོམ་ལྡན་འདས་གཟུགས་ནི་མ་བཅིངས་མ་གྲོལ་བ་ལགས་སོ།། དེ་བཞིན་དུ་ཚོར་བ་དང་། འདུ་ཤེས་དང་འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བ་ལགས་སོ།། དེ་ནས་ཚེ་དང་ལྡན་པ་བྱམས་མའི་བུ་གང་པོས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་གཟུགས་ནིམ་བཅིངས་མ་གྲོལ་བ་ཡིན་ནམ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་པ་གྲོལ་བ་ཡིན་ནམ། སྨྲས་པ། ཚེ་དང་ལྡན་པ་གང་པོ་དེ་དེ་བཞིན་ཏེ། གཟུགས་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བའོ། ། དེ་ནས་ཚེ་དང་ལྡན་པ་གང་པོས།། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་གཟུགས་མ་བཅིངས་མ་གྲོལ་བ་གང་ཡིན། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མ་བཅིངས་མ་གྲོལ་བ་གང་ཡིན། སྨྲས་པ། ཚེ་དང་ལྡན་པ་གང་པོ་རྨི་ལམ་ལྟ་བུའི་གཟུགས་ནི་མ་བཅིངས་མ་འགྲོལ་བའོ། ། དེ་བཞིན་དུ་རྨི་ལམ་ལྟ་བུའི་ཚོར་བ་དང་། རྨི་ལམ་ལྟ་བུའི་འདུ་ཤེས་དང་། རྨི་ལམ་ལྟ་བུའི་འདུ་བྱེད་རྣམས་དང་། རྨི་ལམ་ལྟ་བུའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། ། དེ་བཞིན་དུ་སྦྱར་ཏེ། ཟག་ཆ་ལྟ་བུའི་གཟུགས་དང་། རྨི་ལམ་ལྟ་བུའི་བར་ནི་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་དེ་བཞིན་དུ་མིག་ཡོར་ལྟ་བུ་དང་། སྒྱུ་མ་ལྟ་བུ་དང་། མིག་རྒྱུ་ལྟ་བུ་དང་། སྤྲུལ་པ་ལྟ་བུའི་གཟུགས་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་འདས་པའི་གཟུགས་ནི་མ་བཅིངས་མ་གྲོལ་བའོ། ། དེ་བཞིན་དུ་འདས་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་དེ་བཞིན་དུ་མ་འོངས་པའི་གཟུགས་ནི་མ་བཅིངས་མ་གྲོལ་བའོ།། དེ་བཞིན་དུ་མ་འོངས་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བའོ། ། ཚེ་དང་ལྡན་པ་གང་པོ་དེ་བཞིན་དུ་ད་ལྟར་བྱུང་བའི་གཟུགས་ནི་མ་བཅིངས་མ་གྲོལ་བའོ།། དེ་བཞིན་དུ་ད་ལྟར་བྱུང་བའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། མེད་པའི་ཕྱིར་གཟུགས་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མེད་པའི་ཕྱིར། རྣམ་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ།། དེ་བཞིན་དུ་གཟུགས་དབེན་པའི་ཕྱིར། གཟུགས་ཐམས་ཅད་ནི་མ་བཅིངས་མ་གྲོལ་བའོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དབེན་པའི་ཕྱིར་དང་། རྣམ་པར་ཤེས་པ་དབེན་པའི་ཕྱིར། རྣམ་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ།། དེ་བཞིན་དུ་གཟུགས་སྐྱེ་བ་མེད་པའི་ཕྱིར། གཟུགས་ཐམས་ཅད་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་སྐྱེ་བ་མེད་པའི་ཕྱིར་དང་། རྣམ་པར་ཤེས་པ་སྐྱེ་བ་མེད་པའི་ཕྱིར། རྣམ་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ།། དེ་བཞིན་དུ་གཟུགས་འགག་པ་མེད་པའི་ཕྱིར། གཟུགས་ཐམས་ཅད་ནི་མ་བཅིངས་མ་གྲོལ་བའོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་འགག་པ་མེད་པའི་ཕྱིར་དང་། རྣམ་པར་ཤེས་པ་འགག་པ་མེད་པའི་ཕྱིར། རྣམས་པར་ཤེས་པ་ཐམས་ཅད་ནི་མ་བཅིངས་མ་གྲོལ་བའོ། ། ཚེ་དང་ལྡན་པ་གང་པོ་དེ་བཞིན་དུ་གཟུགས་དགེ་བ་རྣམས་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དགེ་བ་རྣམས་དང་། འདུ་ཤེས་དགེ་བ་རྣམས་དང་། འདུ་བྱེད་དགེ་བ་རྣམས་དང་། རྣམ་པར་ཤེས་པ་དགེ་བ་རྣམས་ནི་མ་བཅིངས་མ་གྲོལ་བའོ།། དེ་བཞིན་དུ་གཟུགས་མི་དགེ་བ་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་མི་དགེ་བ་རྣམས་དང་། རྣམ་པར་ཤེས་པ་མི་དགེ་བ་ནི་མ་བཅིངས་མ་གྲོལ་བའོ།། དེ་བཞིན་དུ་གཟུགས་ལུང་དུ་མ་སྙན་པ་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་ལུང་དུ་མ་བསྟན་པ་རྣམས་དང་། རྣམ་པ་ཤེས་པ་ལུང་དུ་མ་བསྟན་པ་ནི་མ་བཅིངས་མ་གྲོལ་བའོ།། དེ་བཞིན་དུ་སྦྱར་ཏེ། འཇིག་རྟེན་པའི་གཟུགས་ནི་མ་བཅིངས་མ་གྲོལ་བའོ། ། དེ་བཞིན་དུ་འཇིག་རྟེན་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། འཇིག་རྟེན་པའི་རྣམས་པར་ཤེས་པ་ནི་མ་པོཅིངས་མ་གྲོལ་བའོ།། དེ་བཞིན་དུ་འཇིག་རྟེན་ལས་འདས་པའི་གཟུགས་ནི་མ་བཅིངས་མ་གྲོལ་བའོ། ། དེ་བཞིན་དུ་འཇིག་རྟེན་ལས་འདས་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། འཇིག་རྟེན་ལས་འདས་པའི་རྣམ་པར་ཤེས་པ་ནི་མ་བཅིངས་མ་གྲོལ་བའོ། ། གཟུགས་ཟག་པ་དང་བཅས་པ་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་ཟག་པ་དང་བཅས་པ་རྣམས་དང་། རྣམ་པར་ཤེས་པ་ཟག་པ་དང་བཅས་པ་ནི་མ་བཅིངས་མ་གྲོལ་བའོ།། གཟུགས་ཟག་པ་མེད་པ་ནི་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་འདུ་ཤེས་དང་། འདུ་བྱེད་ཟག་པ་མེད་པ་རྣམས་དང་། རྣམ་པར་ཤེས་པ་ཟག་པ་མེད་པ་ནི་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། གཟུགས་མེད་པའི་ཕྱིར་དང་།། ཚོར་བ་དང་། འདུ་ཤེས་དང་། འདུ་བྱེད་རྣམས་མེད་པའི་ཕྱིར་དང་། རྣམ་པར་ཤེས་པ་མེད་པའི་ཕྱིར། གཟུགས་མ་བཅིངས་མ་གྲོལ་བའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བའོ། ། དེ་བཞིན་དུ་གཟུགས་དང་། རྣམ་པར་ཤེས་པའི་བར་དུ་དབེན་པའི་ཕྱིར་དང་། གཟུགས་དང་། རྣམ་པར་ཤེས་པའི་བར་དུ་སྐྱེ་བ་མེད་པའི་ཕྱིར་དང་། གཟུགས་དང་། རྣམ་པར་ཤེས་པའི་བར་དུ་འགག་པ་མེད་པའི་ཕྱིར་དང་། གཟུགས་དང་། རྣམ་པར་ཤེས་པའི་བར་དུ་མ་བཅིངས་མ་གྲོལ་བའི་ཕྱིར། གཟུགས་དང་། དེ་བཞིན་དུ་རྣམ་པར་ཤེས་པའི་བར་དུ་མ་བཅིངས་མ་གྲོལ་བའོ། ། ཚེ་དང་ལྡན་པ་གང་པོ་ཆོས་ཐམས་ཅད་ཀྱང་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། ཆོས་ཐམས་ཅད་མེད་པའི་ཕྱིར་ཆོས་ཐམས་ཅད་ནི་མ་བཅིངས་མ་གྲོལ་བའོ། ། དེ་བཞིན་དུ་ཆོས་ཐམས་ཅད་དབེན་པའི་ཕྱིར་དང་། སྐྱེ་བ་མེད་པའི་ཕྱིར་དང་། འགག་པ་མེད་པའི་ཕྱིར་དང་། མ་བཅིངས་པའི་ཕྱིར་དང་།། མ་གྲོལ་བའི་ཕྱིར། ཆོས་ཐམས་ཅད་ནི་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་སྦྱིན་པའི་ཕ་རོལ་ཏུ་ཕྱིན་པའང་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའང་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། སྦྱིན་པའི་ཕ་རོལ་ཏུ་ཕྱིན་པ་མེད་པའི་ཕྱིར་མ་བཅིངས་མ་གྲོལ་བའོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་མེད་པའི་ཕྱིར་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་ནང་སྟོང་པ་ཉིད་ཀྱང་མ་བཅིངས་མ་གྲོལ་བའོ། ། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ཡང་མ་བཅིངས་མ་གྲོལ་བའོ།། དེ་བཞིན་དུ་དྲན་པ་ཉེ་བར་གཞག་པ་རྣམས་དང་། ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་། འཕགས་པའི་ལམ་ཡན་ལག་བརྒྱད་པ་དང་། རྣམ་པར་ཐར་པའི་སྒོ་གསུམ་དང་། དེ་བཞིན་གཤེགས་པའི་སྟོབས་བཅུ་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཀྱང་མ་བཅིངས་མ་གྲོལ་བའོ།། དེ་ཅིའི་ཕྱིར། ཞེ་ན། མེད་པ་ཉིད་ཀྱི་ཕྱིར་དང་།། དབེན་པ་ཉིད་ཀྱི་ཕྱིར་དང་། མ་བཅིངས་པ་ཉིད་ཀྱི་ཕྱིར་དང་། མ་གྲོལ་བ་ཉིད་ཀྱི་ཕྱིར། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མ་བཅིངས་མ་གྲོལ་བའོ། ། ཚེ་དང་ལྡན་པ་གང་པོ་བྱང་ཆུབ་ཀྱང་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་དེ་བཞིན་དུ་ཐམས་ཅད་ཤེས་པ་ཉིད་དང་། ལམ་གྱི་རྣམ་པ་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་དང་། བྱང་ཆུབ་སེམས་དཔའ་ཡང་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། མེད་པ་ཉིད་ཀྱི་ཕྱིར་དང་། དབེན་པ་ཉིད་ཀྱི་ཕྱིར་དང་། སྐྱེ་བ་མེད་པ་ཉིད་ཀྱི་ཕྱིར་དང་འགགས་པ་མེད་པ་ཉིད་ཀྱི་ཕྱིར། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུའང་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་དེ་བཞིན་ཉིད་ཀྱང་མ་བཅིངས་མ་གྲོལ་བའོ།། ཚེ་དང་ལྡན་པ་གང་པོ་དེ་བཞིན་དུ་མ་ནོར་བ་དེ་བཞིན་ཉིད་དང་། གཞན་མ་ཡིན་པ་དེ་བཞིན་ཉིད་དང་། ཆོས་ཉིད་དང་། ཆོས་ཀྱི་དབྱིངས་དང་། ཆོས་གནས་པ་ཉིད་དང་། ཆོས་སྐྱོན་མེད་པ་ཉིད་དང་། ཡང་དག་པའི་མཐའ་དང་། འདུས་མ་བྱས་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། འདུས་མ་བྱས་ཀྱི་བར་དུ་མེད་པ་ཉིད་ཀྱི་ཕྱིར་དང་། དབེན་པ་ཉིད་སེར་དང་། སྐྱེ་བ་མེད་པ་ཉིད་ཀྱི་ཕྱིར་དང་། འགག་པ་མེད་པ་ཉིད་ཀྱི་ཕྱིར་དང་། མ་ངས་པད་ཀྱི་ང་དང་། མཐོལ་བའདས་བས་ཐ་པར་དུམ་བཅིངས་མ་གྲོལ་བའོ།། ཅད་ང་ལྡན་པ་གང་པ་བྱང་ཆུབ་སེམས་དཔའ་སེམས་པ་པོའི་སྦྱིན་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མ་བཅིངས་མ་གྲོལ་བ་སྟེ། ལེའུ་གོང་མར་ཇི་སྐད་བསྟན་པ་དེ་ཁོ་ན་བཞིན་དུ་སྦྱར་བར་བྱའོ། ། དེ་མ་བཅིངས་མ་གྲོལ་བའི་སྦྱིན་པའི་ཕ་རོལ་ཏུ་ཕྱིན་པ་ལ་གནས་ཤིང་། མ་བཅིངས་མ་གྲོལ་བའི་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་གནས་དེ་བཞིན་དུ་སྦྱར་ཏེ། མ་བཅིངས་མ་གྲོལ་བའི་རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་གནས་ཏེ། མ་བཅིངས་མ་གྲོལ་བའི་སེམས་ཅན་རྣམས་ཡོངས་སུ་སྨིན་པར་བྱེད་དོ།། མ་བཅིངས་མ་གྲོལ་བ་ཁོ་ནའི་སངས་རྒྱས་ཀྱི་ཞིང་ཡོངས་སུ་དག་པར་བྱེད་དོ། ། དེ་མ་བཅིངས་མ་གྲོལ་བ་ཁོ་ནའི་སངས་རྒྱས་བཅོམ་ལྡན་འདས་རྣམས་ལ་བསྙེན་བཀུར་བྱེད་དོ།། དེ་སངས་རྒྱས་བཅོམ་ལྡན་འདས་དེ་དག་ལས་མ་བཅིངས་མ་གྲོལ་བ་དེ་ཁོ་ནའི་ཆོས་ཀྱང་ཉན་ཏོ། ། མ་བཅིངས་མ་གྲོལ་བའི་སངས་རྒྱས་བཅོམ་ལྡན་འདས་དེ་དག་དང་ནམ་ཡང་འབྲལ་བར་མི་འགྱུར་རོ།། མ་བཅིངས་མ་གྲོལ་བའི་མངོན་པར་ཤེས་པ་རྣམས་དང་ནམ་ཡང་འབྲལ་བར་མི་འགྱུར་རོ། ། མ་བཅིངས་མ་གྲོལ་བའི་མིག་ལྔ་དང་ནམ་ཡང་འབྲལ་བར་མི་འགྱུར་རོ།། མ་བཅིངས་མ་གྲོལ་བའི་གཟུངས་རྣམས་དང་ནམ་ཡང་འབྲལ་བར་མི་འགྱུར་རོ། ། མ་བཅིངས་མ་གྲོལ་བའི་ཏིང་ངེ་འཛིན་རྣམས་དང་ནམ་ཡང་འབྲལ་བར་མི་འགྱུར་རོ།། མ་བཅིངས་མ་གྲོལ་བའི་ཐམས་ཅད་མཁྱེན་པ་ཉིད་ཀྱང་མངོན་པར་སྒྲུབ་བོ།། མ་བཅིངས་མ་གྲོལ། བའི་ལམ་གྱི་རྣམ་པ་ཤེས་པ་ཉིད་སྐྱེད་པར་བྱེད་དོ།། མ་བཅིངས་མ་གྲོལ་བའི་རྣམ་པ་ཐམས་ཅད་མཁྱེན་པ་ཉིད་ཀྱང་མངོན་པར་འཚང་རྒྱའོ།། མ་བཅིངས་མ་གྲོལ་བའི་ཆོས་ཀྱི་འཁོར་ལོའང་སྐོར་བར་འགྱུར་རོ། ། དེ་མ་བཅིངས་མ་གྲོལ་བའི་སེམས་ཅན་རྣམས་ཐེག་པ་གསུམ་པོ་དག་ལ་སྦྱོར་བར་བྱེད་དོ།། ཚེ་དང་ལྡན་པ་གང་པོ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་མ་བཅིངས་མ་གྲོལ་བའི་ཕ་རོལ་ཏུ་ཕྱིན་པ་དྲུག་པོ་དེ་དག་གིས། མ་བཅིངས་མ་གྲོལ་བའི་ཆོས་ཐམས་ཅད་མངོན་པར་རྫོགས་པར་འཚང་རྒྱ་སྟེ། ཆོས་ཐམས་ཅད་མེད་པ་ཉིད་ཀྱི་ཕྱིར་དང་། ཞི་བ་ཉིད་ཀྱི་ཕྱིར་དང་། དབེན་པ་ཉིད་ཀྱི་ཕྱིར་དང་། སྐྱེ་བ་མེད་པ་ཉིད་ཀྱི་ཕྱིར་དང་། འགག་པ་མེད་པ་ཉིད་ཀྱི་ཕྱིར་རོ།། ཚེ་དང་ལྡན་པ་གང་པོ་དེ་ལྟ་བུ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མ་བཅིངས་མ་གྲོལ་བའི་གོ་ཆ་ཆེན་པོ་ཡིན་པར་རིག་པར་བྱའོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་གོ་ཆ་ཆེན་པོ་ནི། འདི་ལྟ་སྟེ། མངོན་པར་ཤེས་པ་དྲུག་པོ་དག་ཡོངས་སུ་དག་པར་བྱེད་པ་ཉིད་ཡིན་ནོ། ། དྲུག་གང་ཞེ་ན། འདི་ལྟ་སྟེ། རྫུ་འཕྲུལ་གྱི་བྱ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། ལྷའི་མིག་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། ལྷར་རྣམ་མདནསམ་དུ་བྱ་བགས་པའི་མཚན་པར་ཤེས་པ་དང་། ཕརོལ་ཀྱིསེམས་ཀྱི་རྣམ་པར་ཤེས་པ་ས་ངོནས་མ་བྱུ་བ་ཤེས་པའི་མཛན་པར་ཤེས་པ་དང་།། གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དང་། ཟག་པ་ཟད་པ་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་དེ། རབ་འབྱོར་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་མངོན་པར་ཤེས་པ་དྲུག་པོ་དག་ཡིན་ནོ། ། རབ་འབྱོར་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་རྫུ་འཕྲུལ་གྱི་བྱ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ནས། རྫུ་འཕྲུལ་གྱི་བྱ་བ་རྣམ་པ་དུ་མྱོང་བར་བྱེད་དེ། དེས་འདིའང་གཡོ་བར་བྱེད་དོ།། དེ་བཞིན་དུ་གཅིག་ཏུ་གྱུར་ནས་མང་པོར་འགྱུར་བ་དང་། མང་པོར་གྱུར་ནས་ཀྱང་གཅིག་ཏུ་འགྱུར་བ་དང་། དེ་བཞིན་དུ་སྣང་བར་འགྱུར་ཞིང་། མི་སྣང་བར་འགྱུར་བའང་མྱོང་བར་བྱེད་དོ།། རྩིག་པ་ལའང་ཐད་ཀར་འགྲོའོ།། ར་བ་ལའང་ཐད་ཀར་འགྲོའོ།། རི་ལའང་ཐད་ཀར་མི་ཐོགས་པར་འགྲོ་སྟེ། དཔེར་ན་ནམ་མཁའ་ལ་བྱ་བ་བཞིན་ནོ། ། ནམ་མཁའ་ལའང་སྐྱིལ་མོ་ཀྲུང་བཅས་ནས་འགྲོ་སྟེ། དཔེར་ན་འདབ་ཆགས་བྱ་བཞིན་ནོ།། ས་ལའང་སྟེང་དུ་འབྱུང་བ་དང་བྱིའུ་ཟུལ་བྱེད་དེ། དཔེར་ན་ཚུལ་བྱ་བ་བཞིན་ནོ།། ཆུ་ལའང་མི་ནུབ་པར་འགྲོ་སྟེ། དཔེར་ན་ས་ལ་བྱ་བ་བཞིན་ནོ།། དུ་བ་འཐུལ་བར་ཡང་བྱེད། འབར་བར་ཡང་བྱེད་དེ། དཔེར་ན་མེའི་ཕུང་པོ་ཆེན་པོ་བཞིན་ནོ།། ཉི་མ་དང་ཟླ་བ་གཉིས་འདི་ལྟར་རྫུ་འཕྲུལ་ཆེ་བ། འདི་ལྟར་མཐུ་ཆེ་བ། འདི་ལྟར་དབང་ཆེ་བར་གྲགས་པ་འདི་དག་ལའང་ལག་པས་ཉུག་པར་བྱེད་དོ།། ཚངས་པའི་འཇིག་རྟེན་གྱི་བར་དུའང་ལུས་ཀྱིས་དབང་སྒྱུར་རོ།། གང་གིས་རློམ་སེམས་སུ་བྱེད་པ་དང་། གང་ལ་རློམ་སེམས་སུ་བྱེད་པ་དང་། གང་ཞིག་རློམ་སེམས་སུ་བྱེད་པ་ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར་དང་། ངོ་བོ་ཉིད་ཀྱིས་དབེན་པ་ཉིད་དང་། ངོ་བོ་ཉིད་ཀྱིས་དམིགས་སུ་མེད་པ་ཉིད་ཀྱི་ཕྱིར། རྫུ་འཕྲུལ་དེས་ཀྱང་རློམ་སེམས་སུ་མི་བྱེད་པ་དང་། རྫུ་འཕྲུལ་དེ་ལའང་རློམ་སེམས་སུ་མི་བྱེད། དམིགས་པར་ཡང་མི་བྱེད་ཅིང་། དེ་རྣམ་པ་ཐམས་ཅད་མཁྱེན་པ་ཉིད་ཡིད་ལ་བྱེད་པ་མ་གཏོགས་པར། རྫུ་འཕྲུལ་མངོན་པར་སྒྲུབ་པའི་སེམས་པའང་མི་སྐྱེད་དོ།། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། རྫུ་འཕྲུལ་གྱི་བྱ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ།། རབ་འབྱོར་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷའི་མིག་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་འ་བ་གནས་པར་དག་པ་མ་མས་འདས་པས། སེམས་ཅན་འནའབབ་རྣམས་དང་། བ་རྣམས་དང་། འདུག་པརང་པོནས་དང་། རྣམས་དང་། བདེ་འགྲོ་དང་། ངན་འགྲོ་དང་། ངན་པ་དང་། བར་མ་དང་། གྱ་ནོམ་པའི་སེམས་ཅན་རྣམས་ལས་ཇི་ལྟར་བསགས་པ་བཞིན་དུ་རབ་ཏུ་ཤེས་ཏེ། ཀྱེ་མ་སེམས་ཅན་འདི་དག་ནི་ལུས་ཀྱིས་ཉེས་པར་སྤྱོད་པ་དང་ལྡན་པ། ངག་གིས་ཉེས་པར་སྤྱོད་པ་དང་ལྡན་པ། ཡིད་ཀྱིས་ཉེས་པར་སྤྱོད་པ་དང་ལྡན་པ། འཕགས་པ་རྣམས་ལ་སྐུར་པ་འདེབས་པ། ལོག་པར་ལྟ་བ་དང་ལྡན་པ་དག་སྟེ། ཀྱེ་མ་དེ་དག་ནི་ལོག་པར་ལྟ་བ་ཡང་དག་པར་བླངས་པའི་རྒྱུ་དང་རྐྱེན་དེས་ལུས་ཞིག་ནས་ཤི་སྟེ། ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་སོ། ། ཀྱེ་མ་སེམས་ཅན་འདི་དག་ནི་ལུས་ཀྱིས་ལེགས་པར་སྤྱོད་པ་དང་ལྡན་པ། ངག་གིས་ལེགས་པར་སྤྱོད་པ་དང་ལྡན་པ། ཡིད་ཀྱིས་ལེགས་པར་སྤྱོད་པ་དང་ལྡན་པ་དག་ཡིན་ཏེ། རྒྱུ་དེ་དང་རྐྱེན་དེས་ལུས་ཞིག་ནས་བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་པའི་བར་དང་། དེ་བཞིན་དུ་སྦྱར་ཏེ། ཕྱོགས་བཅུ་ཀུན་ཏུ་འཇིག་རྟེན་གྱི་ཁམས་དག་ན་སེམས་ཅན་ལས་ཇི་ལྟར་བསགས་པ་རྣམས་མཐོང་བའི་བར་དང་། བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་སོ་ཞེས་བྱ་བའི་བར་ཏེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། ། རབ་འབྱོར་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་རྣ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། ལྷའི་རྣ་བ་མིའི་ལས་འདས་པ་དེ། འདི་ལྟ་སྟེ། ལྷ་དང་མིའི་སྒྲ་ཉན་ཀྱང་ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར་དང་། ངོ་བོ་ཉིད་ཀྱིས་དབེན་པ་ཉིད་དང་ངོ་བོ་ཉིད་ཀྱིས་དམིགས་སུ་མེད་པ་ཉིད་ཀྱི་ཕྱིར། བདག་ནི་སྒྲ་ཉན་ཏོ་ཞེས་ལྷའི་རྣ་བ་དེས་ཀྱང་རློམ་སེམས་སུ་མི་བྱེད་ཅིང་། རྣ་བས་ཤེས་པར་བྱ་བའི་སྒྲ་དེའང་མི་དམིགས་ལ། དེ་རྣམ་པ་ཐམས་ཅད་མཁྱེན་པ་ཉིད་ཡིད་ལ་བྱེད་པ་མ་གཏོགས་པར་ལྷའི་རྣ་བ་མངོན་པར་སྒྲུབ་པའི་ཕྱིར་སེམས་ཀྱང་སྐྱེད་པར་མི་བྱེད་དེ། རབ་འབྱོར་དེ་ལྟར་ར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། ལྷའི་རྣ་བ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཡིད་དོ།། རབ་འབྱོར་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་རོལ་གྱི་སེམས་ཀྱི་རྣམ་པར་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སེམས་ཅན་གཞན་དག་དང་གང་ཟག་གཞན་རྣམས་ཀྱི་སེམས་སེམས་ཀྱིས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ། འདི་ལྟ་སྟེ། འདོད་ཆགས་དང་བཅས་པའི་སེམས་ལ་འདོད་ཆགས་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། འདོད་ཆགས་དང་བྲལ་བའི་སེམས་ལ་འདོད་ཆགས་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། ། ཞེ་སྡང་དང་བཅས་པའི་སེམས་ལ་ཞེ་སྡང་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། ཞེ་སྡང་དང་བྲལ་བའི་སེམས་ལ་ཞེ་སྡང་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། ། གཏི་མུག་དང་བཅས་པའི་སེམས་ལ་གཏི་མུག་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། གཏི་མུག་དང་བྲལ་བའི་སེམས་ལ་གཏི་མུག་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། ། དེ་བཞིན་དུ་སྲེད་པ་དང་བཅས་པའི་སེམས་ལ་སྲེད་པ་དང་བཅས་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། ། སྲེད་པ་དང་བྲལ་བའི་སེམས་ལ་སྲེད་པ་དང་བྲལ་བའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། དེ་བཞིན་དུ་ཉེ་བར་ལེན་པ་དང་བཅས་པའི་སེམས་དང་། ཉེ་བར་ལེན་པ་མེད་པའི་སེམས་དང་། སེམས་བསྡུས་པ་དང་། སེམས་རྣམས་པར་གཡེངས་པ་དང་། སེམས་ཆུང་ངུ་དང་། སེམས་རྒྱ་ཆེན་པོར་གྱུར་པ་དང་། མཉམ་པར་བཞག་པའི་སེམས་དང་། མཉམ་པ་མ་བཞག་པའི་སེམས་དང་། སེམས་རྣམ་པར་གྲོལ་བ་དང་། སེམས་རྣམ་པར་མ་གྲོལ་བ་དང་། བླ་ན་ཡོད་པའི་སེམས་ལ་ལྡན་ཡོད་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། བླ་ན་མེད་པའི་སེམས། ལ་བླ་ན་མེད་པའི་སེམས་སུ་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ལ། དེ་དག་གིས་རློམ་སེམས་སུའང་མི་བྱེད་དོ།། དེ་ཅིའི་ཕྱིར་ཞེ་ན། འདི་ལྟར་ངོ་བོ་ཉིད་ཀྱིས་སྟོང་པ་ཉིད་ཀྱི་ཕྱིར། སེམས་དེ་དག་ནི་སེམས་མ་ཡིན་པའི་ཕྱིར་རོ། ། དེ་བཞིན་དུ་སྦྱར་ཏེ། ཇི་ལྟར་གོང་དུ་བསྟན་པ་དེ་ཁོ་ན་རྒྱ་ཆེར་སྦྱར་བར་བྱ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕ་རོལ་གྱི་སེམས་ཀྱི་རྣམ་པར་ཤེས་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། ། རབ་འབྱོར་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་སྔོན་གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སྔོན་གྱི་གནས་རྗེས་སུ་དྲན་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་མངོན་པར་བསྒྲུབ་ཅི། དེས་སེམས་གཅིག་ཀྱང་རྗེས་སུ་དྲན་པ་ནས། སེམས་བརྒྱའི་བར་དང་། སེམས་སྟོང་གི་བར་དུའང་རྗེས་སུ་དྲན་ནོ།། ཉི་མ་གཅིག་ཀྱང་རྗེས་སུ་དྲན་པ་ནས། ཉི་མ་བརྒྱའི་བར་དང་། ཉི་མ་སྟོང་གི་བར་དང་། ཉི་མ་འབུམ་གྱི་བར་དུའང་རྗེས་སུ་དྲན་ནོ།། ཟླ་བ་གཅིག་ཀྱང་རྗེས་སུ་དྲན་པ་ནས། ཟླ་བ་བརྒྱའི་བར་དང་། ཟླ་བ་སྟོང་གི་བར་དང་། ཟླ་བ་འབུམ་གྱི་བར་དུའང་རྗེས་སུ་དྲན་ནོ།། ལོ་གཅིག་ཀྱང་རྗེས་སུ་དྲན་པ་ནས། ལོ་འབུམ་གྱི་བར་དུའང་རྗེས་སུ་དྲན་ནོ།། བསྐལ་པ་གཅིག་ཀྱང་རྗེས་སུ་དྲན་པ་ནས། བསྐལ་པ་བརྒྱ་ཕྲག་དུ་མའི་བར་དང་། བསྐལ་པ་སྟོང་ཕྲག་དུ་མ་དང་། བསྐལ་པ་འབུམ་ཕྲག་དུ་མ་དང་། བསྐལ་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་ཀྱང་རྗེས་སུ་དྲན་ནོ། ། དེ་ན་བདག་གི་མིང་ནི་འདི་ཞེས་བྱ་བར་གྱུར། རུས་ནི་འདི་ཞེས་བྱ།། རིགས་ནི་འདི་ཞེས་བྱ། ཟས་ནི་འདི་ལྟ་བུ་ཞིག་ཟ་ཟ། ཡུན་ནི་འདི་སྲིད་ཅིག་གནས་གནས། ཚེ་ནི་འདི་ཙམ་ཞིག་ཐུབ། ཚེ་རིང་ཁྱད་ནི་འདི་ཙམ་ཞིག་ལོན། བདེ་བ་དང་སྡུག་བསྔལ་ནི་འདི་ལྟ་བུ་ཞིག་མྱོང་། དེ་དེ་ནས་ཤི་འཕོས་ནས་ཆེ་གེ་མོ་ཞིག་ཏུ་སྐྱེས་སོ།། དེ་ནས་ཤི་འཕོས་ནས་འདིར་སྐྱེས་སོ་ཞེས་དེ་ལྟར་རྣམ་པ་དང་བཅས། ཡུལ་ཕྱོགས་དང་བཅས་པར་བདག་དང་། སེམས་ཅན་གཞན་དག་དང་། གང་ཟག་གཞན་རྣམས་ཀྱི་སྔོན་གྱི་གནས་རྣམ་པ་དུ་མ་དག་རྗེས་སུ་དྲན་ལ། མངོན་པར་ཤེས་པ་དེས་ཀྱང་རློམ་སེམས་སུ་མི་བྱེད་པའི་བར་དུ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་སྔོན་གྱི་གནས་རྗེས་སུ་དྲན་པའི་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་ཡོངས་སུ་དག་པར་བྱེད་པ་ཉིད་ཅེས་བྱའོ། ། རབ་འབྱོར་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཟག་པ་ཟད་པ་མངོན་སུམ་དུ་བྱ་བ་ཤེས་པའི་མངོན་པའི་ཤེས་པ་ཡོངས་སུ་དག་པར་བྱེད་པ་ཉིད་གང་ཞེ་ན། ། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཏུ་ཕ་རོལ་ཏུ་ཕྱིན་པ་ལ་གནས་ཏེ། ཟག་པ་འད་པ་ཤེས་པ་མངོན་སུམ་དུབྱ་བའི་མངོན་པར་ཤེས་པ་མངོན་པར་བསྒྲུབས་ཀྱང་། ཉན་ཐོས་ཀྱི་ས་འམ། རང་སངས་རྒྱས་ཀྱིསའང་རྗེས་སུ་ཐོབ་པར་མི་བྱེད་ལ། གང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཆང་ཆོས་གང་ལའང་འདོད་པར་མི་བྱེད་ཅིང་། དེ་མངོན་པར་ཤེས་པ་དེས་རྡོ་རྗེ་ལྟ་བུའི་ཏིང་ངེ་འཛིན་ལ་བརྟེན་ནས། བག་ཆགས་དང་མཚམས་སྦྱོར་བ་ཐམས་ཅད་སྤོང་བར་བྱེད་མོད་ཀྱི། ངོ་བོ་ར་ཀྱིས་སྟོང་པ་ཉིད་ཀྱི་ཕྱིར་དང་། ངོ་བོ་ཉིད་ཀྱིས་དབེན་པ་ཉིད་ཀྱི་ཕྱིར་དང་། ངོ་བོ་ཉིད་ཀྱིས་དམིགས་སུ་མེད་པ་ཉིད་ཀྱི་ཕྱིར་དང་། ཟག་པ་ཟད་པ་མངོན་སུམ་དུ་བྱ་བ་ཤེས་པའི་མངོན་པར་ཤེས་པ་དེས་ཀྱང་རློམ་སེམས་སུ་མི་བྱེད་ལ། ཐམས་ཅད་མཁྱེན་པ་ཉིད་ཡིད་ལ་བྱེད་པ་མ་གཏོགས་པར་སེམས་ཀྱང་སྐྱེད་པར་མི་བྱེད་དེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཟག་པ་ཟད་པ་མངོན་སུམ་དུ་བྱ་བ་ཤེས་པ་ཡོངས་སུ་དག་པར་བྱེད་པ་ཉིད་ཡིན་ནོ། ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་མངོན་པར་ཤེས་པ་དྲུག་པོ་དག་ཡོངས་སུ་དག་པར་བྱེད་པ་ཉིད་ཅེས་བྱ་སྟེ། དེའང་གོ་ཆ་ཆེན་པོ་ཡིན་པར་རིག་པར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མངོན་པར་ཤེས་པའི་ལེའུ་ཞེས་བྱ་སྟེ་བཅུ་པ་རྫོགས་སོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་གོ་ཆ་ཆེན་པོ་ནི། འདི་ལྟ་སྟེ། ཡོངས་སུ་དག་པའི་མིག་ལྔ་སྟེ། ལཱ་གང་ཞེ་ན། འདི་ལྟ་སྟེ། ཤའི་མིག་དང་། ལྷའི་མིག་དང་། ཤེས་རབ་ཀྱི་མིག་དང་། ཆོས་ཀྱི་མིག་དང་། སངས་རྒྱས་ཀྱི་མིག་གོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་ཤའི་མིག་ཡོངས་སུ་དག་པ་གང་ལགས།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་དཔག་ཚད་བ་རྒྱ་མཐོང་བའང་ཡོད་དོ།། བྱང་ཆུབ་སེམས་དཔའ་སེམས་དཔའ་ཆེན་། པོ་གང་ཤའི་མིག་གིས་དཔག་ཚད་ཉིས་བརྒྱ་མཐོང་བའང་ཡོད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་དཔག་ཚད་སུམ་བརྒྱ་མཐོང་བའང་ཡོད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་དཔག་ཚད་བཞི་བརྒྱ་དང་། ལྔ་བརྒྱ་དང་། དྲུག་བརྒྱར་མཐོང་བའང་ཡོད་དོ།། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་འཛམ་བུའི་གླིང་གཅིག་མཐོང་བའང་ཡོད་དོ། ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་གླིང་གཉིས་མཐོང་བ་ནས། དེ་བཞིན་དུ་སྦྱར་ཏེ། ཤའི་མིག་གིས་གླིང་བཞི་པའི་འཇིག་རྟེན་གྱི་ཁམས་ཀྱི་བར་དུ་མཐོང་བའང་ཡོད་དོ། ། ཡང་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་སྟོང་གི་འཇིག་རྟེན་གྱི་ཁམས་མཐོང་བའང་ཡོད་དོ།། ཡང་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་སྟོང་གཉིས་པ་བར་མའི་འཇིག་རྟེན་གྱི་ཁམས་མཐོང་བའང་ཡོད་དོ། ། ཡང་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤའི་མིག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐོང་བའང་ཡོད་དོ། ། རབ་འབྱོར་དེ་ནི་བྱང་ཆུབ་སེམས་དཔའ་ཆེན་པོའི་ཤའི་མིག་ཡོངས་སུ་དག་པ་ཡིན་ནོ།། གསོལ་པ། བཅོམ་ལྡན་འདས་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་ལྷའི་མིག་གང་ཡིན་པ་དེ་ཐམས་ཅད་ནི། བྱང་ཆུབ་སེམས་དཔའ་སེམས་དཔའ་ཆེན་པོས་རབ་ཏུ་ཤེས་སོ།། དེ་བཞིན་དུ་སུམ་ཅུ་རྩ་གསུམ་པ་རྣམས་དང་འཐབ་བྲལ་བ་རྣམས་དང་། དགའ་ལྡན་པ་རྣམས་དང་། འཕྲུལ་དགའ་རྣམས་དང་། གཞན་འཕྲུལ་དབང་བྱེད་ཀྱི་ཝ་རྣམས་ནས། འོག་མིན་གྱི་བར་གྱི་ལྷ་རྣམས་ཀྱི་ལྷའི་མིག་གང་ཡིན་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་རབ་ཏུ་ཤེས་ལ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པའི་ལྷའི་མིག་གང་ཡིན་པ་དེ་ནི། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱིས་རབ་ཏུ་མི་ཤེས་པ་ནས། འོག་མིན་གྱི་བར་གྱི་ལྷ་རྣམས་ཀྱིས་རབ་ཏུ་མི་ཤེས་སོ།། ཡང་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་གིས། བྱུང་ཆུབ་སེམས་དཔའ་སེམས་དཔའ་ཆེན་པོ་དེས་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་བྱེ་མ་སྙེད་དག་ན། སེམས་ཅན་ལས་ཇི་ལྟར་བསགས་པ་རྣམས་འཆི་འཕོ་དང་སྐྱེ་བ་དག་ཀྱང་མཐོང་། ཁ་དོག་བཟང་པོ་རྣམས་དང་། ཁ་དོག་ངན་པ་རྣམས་དང་། བདེ་འགྲོ་དང་། ངན་འགྲོ་དང་། ངན་པ་དང་། བར་མ་དང་། གྱ་ནོམ་པ་དག་ཀྱང་རབ་ཏུ་ཤེས་ཏེ། ཀྱེ་མ་སེམས་ཅན་འདི་དག་ནི་ལུས་ཀྱི་ཉེས་པར་སྤྱོད་པ་དང་ལྡན་པ། ངག་གི་ཉེས་པར་སྤྱོད་པ་དང་ལྡན་པ། ཡིད་ཀྱི་ཉེས་པར་སྤྱོད་པ་དང་ལྡན་པ། འཕགས་པ་རྣམས་ལ་སྐུར་པ་འདེབས་པ། ལོག་པར་ལྟ་བ་དང་ལྡན་པ་དག་ཡིན་ཏེ། ཀྱེ་མ་འདི་དག་ནི་ལོག་པར་ལྟ་བ་ཡང་དག་པར་བླངས་པའི་རྒྱུ་དང་རྐྱེན་དེས་ལུས་ཞིག་སྟེ། ཤི་བའི་འོག་ཏུ་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་ཀྱི་ནང་དུ་སྐྱེས་སོ།། ཀྱེ་མ་སེམས་ཅན་འདི་དག་ནི་ལུས་ཀྱི་ལེགས་པར་སྤྱོད་པ་དང་ལྡན་པ། ངག་གི་ལེགས་པར་སྤྱོད་པ་དང་ལྡན་པ། ཡིད་ཀྱི་ལེགས་པར་སྤྱོད་པ་དང་ལྡན་པ་སྟེ་ཞེས་བྱ་བ་ནས། རྒྱུ་དང་རྐྱེན་དེའི་བར་དུ་སྟེ། ལུས་ཞིག་ནས་བདེ་གྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་པ་དང་། དེ་བཞིན་དུ་ཕྱོགས་བཅུ་ཀུན་གྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་བར་དག་ན། སེམས་ཅན་དག་ལས་ཇི་ལྟར་བསགས་པ་བཞིན་ཞེས་བྱ་བ་ནས། བདེ་འགྲོ་མཐོ་རིས་ཀྱི་འཇིག་རྟེན་དུ་ལྷ་དང་མི་རྣམས་ཀྱི་ནང་དུ་སྐྱེས་སོ་ཞེས་བྱ་བའི་བར་དུ་མཐོང་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ལྷའི་མིག་ཡོངས་སུ་དག་པ་ཡིན་ནོ། ། གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་ཡོངས་སུ་དག་པ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་གང་གིས་འདི་སྙམ་དུ་གང་འདུས་བྱས་སམ། འདུས་མ་བྱས་སམ། འཇིག་རྟེན་པའམ། འཇིག་རྟེན་ལས་འདས་པ་འམ། ཟག་པ་དང་བཅས་པ་འམ། ཟག་པ་མེད་པའི་ཆོས་གང་ཡང་ཡོད་དོ་སྙམ་དུ་མི་སེམས་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་གང་གིས་གང་མ་མཐོང་བ་འམ། མ་ཐོས་པ་འམ། མི་དྲན་པ་འམ། རྣམ་པར་མ་ཤེས་པའི་ཆོས་གང་ཡང་མེད་དེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་མིག་ཡོངས་སུ་དག་པ་ཡིན་ནོ། ། གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་གིས་འདི་ལྟར་ཤེས་ཏེ། གང་ཟག་འདི་ནི་དད་པས་རྗེས་སུ་འབྲང་བའོ།། འདི་ནི་ཆོས་ཀྱི་རྗེས་སུ་འཟུང་བའོ། ། འདི་ནི་སྟོང་པ་ཉིད་ལ་གནས་པའོ།། འདི་ནི་མཚན་མ་མེད་པ་ལ་གནས་པའོ།། འདི་ན་སྨོན་པ་མེད་པ་ལ་གནས་པའོ།། གང་ཟག་འདི་སྟོང་པ་ཉིད་ཀྱི་རྣམ་པར་ཐར་པའི་སྒོས་དབང་པོ་ལྔ་པོ་དག་སྐྱེད་པར་འགྱུར་རོ། ། དེའི་འོག་ཏུ་དབང་པོ་ལྔ་པོ་དག་གིས་བར་ཆད་མེད་པའི་ཏིང་ངེ་འཛིན་ལ་རེག་པར་འགྱུར་རོ།། བར་ཆད་མེད་པའི་ཏིང་ངེ་འཛིན་ལས་རྣམ་པར་གྲོལ་བའི་ཡེ་ཤེས་སྐྱེ་བར་འགྱུར་རོ། ། དེ་ནས་རྣམ་པར་གྲོལ་བའི་ཤེས་པས་ཀུན་ཏུ་སྦྱོར་བ་གསུམ་པོ་དག་སྤོང་བར་འགྱུར་ཏེ། གསུམ་གང་ཞེ་ན། འདི་ལྟ་སྟེ། འཇིག་ཚོགས་ལ་ལྟ་བ་དང་། ཐེ་ཚོམ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་སྟེ། ཀུན་ཏུ་སྦྱོར་བ་གསུམ་པོ་དེ་དག་སྤངས་པས་རྒྱུན་དུ་ཞུགས་པ་ཞེས་བྱའོ།། དེས་བསྒོམ་པའི་ལམ་ཐོབ་ནས་འདོད་པ་ལ་འདོད་ཆགས་པ་དང་། གནོད་སེམས་གཉིས་སྲབ་མོར་བྱེད་པར་འགྱུར་ཏེ། དེ་ནི་ལན་ཅིག་ཕྱིར་འོང་བ་ཡིན་ནོ།། དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་འདོད་པ་ལ་འདོད་ཆགས་པ་དང་།། གནོད་སེམས་གཉིས་མ་ལུས་པར་སྤོང་བར་འགྱུར་རོ། ། དེས་དེ་གཉིས་སྤངས་པས་ཕྱིར་མི་འོང་བ་ཡིན་ནོ།། དེས་བསྒོམ་པའི་ལམ་ཆེར་བསྒོམ་པ་དེ་ཉིད་ཀྱིས་གོང་མའི་ཆ་དང་འཐུན་པའི་ཀུན་ཏུ་སྦྱོར་བ་ལྔ་སྤོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། གཟུགས་ཀྱི་འདོད་ཆགས་དང་། གཟུགས་མེད་པའི་འདོད་ཆགས་དང་། མ་རིག་པ་དང་། ང་རྒྱལ་དང་། རྒོད་པ་སྟེ། དེས་དེ་དག་སྤངས་པས་དགྲ་བཅོམ་པར་འགྱུར་རོ་ཞེས་བྱ་བ་དང་། གང་ཟག་འདི་ནི་མཚན་མ་མེད་པའི་རྣམ་པར་ཐར་པའི་སྒོས་དབང་པོ་ལྔ་པོ་དག་སྐྱེད་པར་འགྱུར་རོ།། དེ་ནས་དབང་པོ་ལྔ་པོ་དག་གིས་བར་ཆད་མེད་པའི་ཏིང་ངེ་འཛིན་ལ་རེག། པར་འགྱུར་རོ།། བར་ཆད་མེད་པའི་ཏིངངེ་ཛིན་ལས་རྣམ་པར་གྲོལ་བའི་ཤེས་པ་སྐྱེད་པར་འགྱུར་རོ།། དེ་ནས་རྣམ་པར་གྲོལ་བའི་ཤེས་པས་ཀུན་ཏུ་སྦྱོར་བ་གསུམ་པོ་དག་སྤོང་བར་འགྱུར་ཏེ་གསུམ་གང་ཞེ་ན། འདི་ལྟ་སྟེ། འཇིག་ཚོགས་ལ་ལྟ་བ་དང་། ཐེ་ཚོམ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་སྟེ། ཀུན་ཏུ་སྦྱོར་བ་གསུམ་པོ་དེ་དག་སྤངས་པས་རྒྱུན་དུ་ཞུགས་པ་ཞེས་བྱའོ། ། དེས་བསྒོམ་པའི་ལམ་ཐོ་བ་ནས་འདོད་པ་ལ་འདོད་ཆགས་པ་དང་། གནོད་སེམས་གཉིས་སྲབ་མོར་བྱེད་པར་འགྱུར་ཏེ། དེ་ནས་ལན་ཅིག་ཕྱིར་འོང་བ་ཡིན་ནོ།། དེས་བསྒོམ་པའི་ལམ་ཆེར་བསྒོམས་དེ་ཉིད་ཀྱིས་འདོད་པ་ལ་འདོད་ཆགས་པ་དང་། གནོད་སེམས་གཉིས་མ་ལུས་པར་སྤོང་བར་འགྱུར་རོ།། དེས་ན་གཉིས་སྤངས་པས་ཕྱིར་མི་འོང་བ་ཡིན་ནོ།། དེས་བསྒོམ་པའི་ལམ་ཆེར་བསྒོམས་པས་དེ་ཉིད་ཀྱིས་གོང་མའི་ཆ་དང་མཐུན་པའི་ཀུན་ཏུ་སྦྱོར་བ་ལྔ་པོ་དག་སྤོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། གཟུགས་ཀྱི་འདོད་ཆགས་དང་། གཟུགས་མེད་པའི་འདོད་ཆགས་དང་། མ་རིག་པ་དང་། ང་རྒྱལ་དང་། རྒོད་པ་སྟེ། དེས་དེ་དག་སྤངས་པས་དགྲ་བཅོམ་པར་འགྱུར་རོ་ཞེས་བྱ་བ་དང་། གང་ཟག་འདི་ན་སྨོན་པ་མེད་པའི་རྣམ་པར་ཐར་པའི་སྒོས་དབང་པོ་ལྔ་པོ་དག་སྨད་པར་འགྱུར་རོ། ། དེ་ནས་དབང་པོ་ལྔ་པོ་དག་གིས་བར་ཆད་མེད་པའི་ཏིང་ངེ་འཛིན་ལ་རེག་པར་འགྱུར་རོ།། བར་ཆད་མེད་པའི་ཏིང་ངེ་འཛིན་ལས་རྣམ་པར་གྲོལ་བའི་ཤེས་པ་སྐྱེད་པར་འགྱུར་རོ། ། དེ་ནས་རྣམ་པར་གྲོལ་བའི་ཤེས་པའི་ཀུན་ཏུ་སྦྱོར་བ་གསུམ་པོ་དག་སྤོང་བར་འགྱུར་ཏེ། གསུམ་གང་ཞེ་ན། འདི་ལྟ་སྟེ། འཇིག་ཚོགས་ལ་ལྟ་བ་དང་། ཐེ་ཚོམ་དང་། ཚུལ་ཁྲིམས་དང་། བརྟུལ་ཞུགས་མཆོག་ཏུ་འཛིན་པ་སྟེ། ཀུན་ཏུ་སྦྱོར་བ་གསུམ་པོ་དེ་དག་སྤངས་པས་རྒྱུན་དུ་ཞུགས་པ་ཞེས་བྱའོ།། དེས་བསྒོམ་པའི་ལམ་ཐོབ་ནས་འདོད་ཆགས་དང་། གནོད་སེམས་སྲབ་མོར་བྱེད་པར་འགྱུར་ཏེ། དེ་ནི་ལན་ཅིག་ཕྱིར་འོང་བ་ཡིན་ནོ།། དེས་བསྒོམ་པའི་ལམ་ཆེར་བསྒོམས་པ་དེ་ཉིད་ཀྱིས་འདོད་པ་ལ་འདོད་ཆགས་དང་།། གནོད་སེམས་དེ་གཉིས་ཀ་མ་ལུས་པར་སྤོང་བར་འགྱུར་རོ། ། དེས་དེ་གཉིས་ཀ་སྤངས་པས་ཕྱིར་མི་འོང་བ་ཡིན་ནོ།། དེས་བསྒོམ་པའི་ལམ་ཆེར་བསྒོམས་པ་ཉིད་ཀྱིས་གོང་མའི་ཆ་དང་འཐུན་པའི་ཀུན་ཏུ་སྦྱོར་བ་ལྔ་པོ་དག་སྤོང་བར་འགྱུར་ཏེ། ལྔ་གང་ཞེ་ན། འདི་ལྟ་སྟེ། གཟུགས་ཀྱི་འདོད་ཆགས་དང་། གཟུགས་མེད་པའི་འདོད་ཆགས་དང་།། མ་རིག་པ་དང་། ང་རྒྱལ་དང་། རྒོད་པ་སྟེ། དེས་དེ་དག་སྤངས་པས་དགྲ་བཅོམ་པར་འགྱུར་རོ་ཞེས་བྱ་བ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ།། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་འདི་ལྟར་ཤེས་ཏེ། ཀུན་འབྱུང་བའི་ཆོས་གང་ཅིའང་རུང་བ་དེ་ཐམས་ཅད་ནི་འགོག་པའི་ཆོས་ཡིན་པར་རིག་ནས། དད་པ་ལ་སོགས་པའི་དབང་པོ་ལྔ་ཐོབ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་འདི་ལྟར་ཤེས་ཏེ། འདི་ནི་སེམས་དང་པོ་བསྐྱེད་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཡིན་ཏེ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པའོ་ཞེས་བྱ་བ་ནས། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྤྱོད་པའོ་ཞེས་བྱ་བ་དང་། དེ་ནས་དད་པའི་དབང་པོ་དང་། བརྩོན་འགྲུས་ཀྱི་དབང་པོ་ཐབས་ལ་མཁས་པ་དང་ལྡན་པས་རྟག་ཏུ་ལུས་བཟང་པོ་ཡོངས་སུ་འཛིན་པར་འགྱུར་རོ། ། བྱང་ཆུབ་སེམས་དཔའ་འདི་ནི་དགེ་བའི་རྩ་བའི་ཉེ་བར་རྟོན་པས་བརྟེན་པ་སྟེ། རྒྱལ་རིགས་ཤིང་སཱ་ལ་ཆེན་པོ་བུ་དག་གི་ནང་དུ་སྐྱེ་བར་འགྱུར་བ་འམ། བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་གི་ནང་དུ་སྐྱེ་བ་འམ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་དག་གི་ནང་དུ་སྐྱེ་བར་འགྱུར་རོ།། རྒྱལ་ཆེན་བཞིའི་རིགས་ཀྱི་ལྷ་རྣམས་ཀྱི་ནང་དུ་སྐྱེ་བར་འགྱུར་བ་ནས། དེ་བཞིན་དུ་སྦྱར་ཏེ། གཞན་འཕྲུལ་དབང་བྱེད་ཀྱི་ལྷ་རྣམས་ཀྱི་ནང་དུ་སྐྱེ་བར་འགྱུར་རོ་ཞེས་བྱ་བར་ཤེས་སོ།། དེར་གནས་ནས་ཀྱང་སེམས་ཅན་རྣམས་ཡོངས་སུ་སྟོན་པར་བྱེད་ཅིང་། བདེ་བ་ཉེ་བར་སྒྲུབ་པ་ཐམས་ཅད་ཀྱིས་སེམས་ཅན་རྣམས་ཡོངས་སུ་སྨིན་པར་བྱེད། སངས་རྒྱས་ཀྱི་ཞིང་ཡོངས་སུ་ངས་པར་བྱེད། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱང་མཉེས་པར་བྱེད། བཀུར་སྟིར་བྱེད། བླ་མར་བྱེད། རི་མོར་བྱེད་དེ། མཆོད་པར་བྱེད། ཉན་ཐོས་ཀྱིས་འམ། རང་སངས་རྒྱས་ཀྱི་སར་ལྷུང་བར་མི་འགྱུར་རོ།། བྱང་ཆུབ་སེམས་དཔའ་འདི་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་མ་རྒྱས་ཀྱི་བར་དུ་ཕྱིར་ལྡོག་པར་མི་འགྱུར་རོ་ཞེས་བྱ་བར་ཤེས་ཏེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ།། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོས་འདི་ལྟར་ཤེས་ཏེ། བྱང་ཆུབ་སེམས་དཔའ་འདི་ནི་དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ།། འདི་ནི་ལུང་མ་བསྟན་ཏོ།། བྱང་ཆུབ་སེམས་དཔའ་འདི་དག་ནི་རང་གི་དོན་བྱེད་པར་འགྱུར་རོ། ། འདི་དག་ནི་བྱེད་པར་མི་འགྱུར་རོ།། བྱང་ཆུབ་སེམས་དཔའ་འདི་དག་ནི་ཕྱིར་ལྡོག་པའོ།། འདི་དག་ནི་ཕྱིར་མི་ལྡོག་པའོ།། བྱང་ཆུབ་སེམས་དཔའ་འདིའི་མངོན་པར་ཤེས་པ་ནི་ཡོངས་སུ་རྫོགས་སོ། ། འདི་ནི་ཡོངས་སུ་མ་རྫོགས་སོ།། བྱང་ཆུབ་སེམས་དཔའ་འདི་ནི་མངོན་པར་ཤེས་པ་ཡོངས་སུ་རྫོགས་པ་དག་གིས་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་བསྙེན་བཀུར་བྱ་བའི་ཕྱིར་དང་། བཀུར་སྟིར་བྱ་བའི་ཕྱིར་དང་། བླ་མར་བྱ་བའི་ཕྱིར་དང་། རི་མོར་བྱ་བའི་ཕྱིར་དང་། མཆོད་པར་བྱ་བའི་ཕྱིར་འགྲོའོ།། བྱང་ཆུབ་སེམས་དཔའ་འདི་ནི་མངོན་པར་ཤེས་པ་ཐོབབོ།། འདི་ནི་ཐོབ་པར་མི་འགྱུར་རོ།། བྱང་ཆུབ་སེམས་དཔའ་འདི་ནི་བྱང་ཆུབ་ཐོབ་པའི་སངས་རྒྱས་ཀྱི་ཞིང་ཡོངས་སུ་དག་པར་འགྱུར་རོ། ། འདི་ནི་སངས་རྒྱས་ཀྱི་ཞིང་ཡོངས་སུ་དག་པར་མི་འགྱུར་རོ།། བྱང་ཆུབ་སེམས་དཔའ་འདི་ནི་སེམས་ཅན་རྣམས་ཡོངས་སུ་སྨིན་པར་བྱས་སོ། ། འདིས་ནི་སྨིན་པར་མ་བྱས་སོ།། བྱང་ཆུབ་སེམས་དཔའ་འདི་ལ་ནི་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་རྣམས་བསྔགས་པ་བརྗོད་པར་མཛད་དོ། ། འདི་ལ་ནི་བརྗོད་པར་མི་མཛད་དོ།། བྱང་ཆུབ་སེམས་དཔའ་འདི་དག་ནི་སངས་རྒྱས་བཅོམ་ལྡན་འདས་རྣམས་དང་ཉེ་བར་གནས་སོ།། གནས་པར་འགྱུར་རོ།། འདི་ནི་ཉེ་བར་མི་གནས་སོ།། ཉེ་བར་གནས་པར་མི་འགྱུར་རོ།། བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་ཚེ་ནི་དཔག་ཏུ་ཡོད་པར་འགྱུར་རོ།། བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་ཚེ་ནི་དཔག་ཏུ་མེད་པར་འགྱུར་རོ། ། བྱང་ཆུབ་སེམས་དཔའ་འདི་བྱང་ཆུབ་ཐོབ་པའི་དགེ་སློང་གི་དགེ་འདུན་ནི་དཔག་ཏུ་ཡོད་པར་འགྱུར་རོ།། འདིའི་ནི་དཔག་ཏུ་མེད་པར་འགྱུར་རོ།། བྱང་ཆུབ་སེམས་དཔའ་འདི་ནི་བྱང་ཆུབ་ཐོབ་པའི་ཚེ་བྱང་ཆུབ་སེམས་དཔའི་དགེ་འདུན་ནི་དཔག་ཏུ་ཡོད་པར་འགྱུར་རོ། ། འདིའི་ནི་དཔག་ཏུ་མེད་པར་འགྱུར་རོ།། བྱང་ཆུབ་སེམས་དཔའ་འདི་ནི་དཀའ་བ་སྤྱོད་པར་འགྱུར། རོ།། འདི་ནི་སྤྱོད་པར་མི་འགྱུར་རོ།། བྱང་ཆུབ་སེམས་དཔའ་འདི་ནི་སྲིད་པ་ཐ་མ་པ་ཡིན་ནོ།། འདི་ནི་སྲིད་པ་ཐ་མ་པ་མ་ཡིན་ནོ།། བྱང་ཆུབ་སེམས་དཔའ་འདི་ནི་བྱང་ཆུབ་ཏུ་སྙིང་པོ་ལ་འདུག་པར་འགྱུར་རོ། ། འདི་ནི་འདུག་པར་མི་འགྱུར་རོ།། བྱང་ཆུབ་སེམས་དཔའ་འདི་ལ་ནི་བདུད་འབྱུང་བར་འགྱུར་རོ།། འདི་ལ་ནི་བདུད་འབྱུང་བར་མི་འགྱུར་བར་ཤེས་པ་སྟེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོའི་ཆོས་ཀྱི་མིག་ཡོངས་སུ་དག་པ་ཡིན་ནོ། ། དེ་སྐད་ཅེས་བཀའ་སྩལ་པ་དང་།། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོའི་སངས་རྒྱས་ཀྱི་མིག་ཡོངས་སུ་དག་པ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་གིས་བྱང་ཆུབ་ཀྱི་སེམས་ཀྱི་མཇུག་ཐོགས་སུ། རྡོ་རྗེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ལ། དེའང་དེ་བཞིན་གཤེགས་པའི་སྟོབས་བཅུ་དང་ལྡན། མི་འཇིགས་པ་བཞི་དང་ལྡན།། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་ལྡན་ཞིང་། བྱང་ཆུབ་སེམས་དཔའ་སེམས་དཔའ་ཆེན་པོའི་སངས་རྒྱས་ཀྱི་མིག་གང་གིས་རྣམ་པ་ཐམས་ཅད་དུ་ཆོས་ཐམས་ཅད་ལ་མ་མཐོང་བ་དང་། མཐོས་པ་འམ། མི་དྲ་པའམ། མངོན་པར་མི་ཤེས་པ་གང་ཡང་མེད་པ་སྟེ། རབ་འབྱོར་དེ། བྱང་ཆུབ་སེམས་དཔའ་སེམས་དཔའ་ཆེན་པོའི་བླན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པའི་མིག་ལྔ་བོ་ཡོངས་སུ་དག་པར་དྭེ་ཝཱ་ཁཱ་སྟེ། རབ་འབྱོར་དེ་དགན་བྱ་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤིན་ཏུ་ཡོངས་སུ་དག་པའི་མིག་ལྔ་པོ་དག་ཡིན་ནོ། ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོའི་མིག་ལྔ་པོ་དེ་དག་ཡོངས་སུ་དག་པ་བྱེད་པ་ན་གོ་ཆ་ཆེན་པོ་བགོས་པར་རིག་པར་བྱའོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་གང་དག་ལ་གནས་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་གང་ལའང་གནས་པར་མི་བྱའོ། ། དེ་ཅིའི་ཕྱིར་ཞེ་ན། གནས་དང་། གནས་པ་པོ་དང་། གནས་པར་བྱ་བ་དམིགས་སུ་མེད་པའི་ཕྱིར་རོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་ལ་གནས་པར་མི་བགྱི་ལགས་སོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་གནས་པར་མི་བགྱི་ལགས་སོ།། མིག་ལ་གནས་པར་མི་བགྱི་ལགས་སོ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་གནས་པར་མི་བགྱི་ལགས་སོ།། དེ་བཞིན་དུ་གཟུགས་རྣམས་ལ་གནས་པར་མི་བགྱི་ལགས་སོ། ། དེ་བཞིན་དུ་སྒྲ་དང་། དྲི་དང་། རོ་དང་། རེག་པ་དང་། ཆོས་རྣམས་ལ་གནས་པར་མི་བགྱི་ལགས་སོ།། མིག་གི་རྣམ་པར་ཤེས་པ་ལ་གནས་པར་མི་བགྱི་བ་ནས། ཡིད་ཀྱི་རྣམ་པར་ཤེས་པའི་བར་ལ་གནས་པར་མི་བགྱི་ལགས་སོ། ། དེ་བཞིན་དུ་སྦྱར་ཏེ། ཆོས་ཀྱི་ཁམས་ཀྱི་བར་ལ་གནས་པར་མི་བགྱི་ལགས་སོ།། མིག་གི་འདུས་ཏེ་རེག་པ་ལ་གནས་པར་མི་བགྱི་ལགས་སོ། ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ལ་གནས་པར་མི་བགྱི་བ་ནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལ་གནས་པར་མི་བགྱི་ཞིང་། སའི་ཁམས་ཀྱི་བར་ལ་གནས་པར་མི་གྱི། ཆུའི་ཁམས་དང་། མེའི་ཁམས་དང་། རླུང་གི་ཁམས་ལ་གནས་པར་མི་བགྱི། ནམ་མཁའི་ཁམས་ལ་གནས་པར་མི་བགྱི། རྣམ་པར་ཤེས་པའི་ཁམས་ལ་གནས་པར་མི་བགྱི། མ་རིག་པ་ལ་གནས་པར་མི་བགྱི་བ་ནས། རྒ་ཤིའི་བར་ལ་གནས་པར་མི་བགྱི་ལགས་སོ།། དེ་ཅིའི་ཕྱིར་ཞེ་ན། འདི་ལྟར་བཙུན་པ་བཅོམ་ལྡན་འདས་གཟུགས་ནི་གཟུགས་ཀྱིས་སྟོང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པས་སྟོང་སྟེ། བཙུན་པ་བཅོམ་ལྡན་འདས་གཟུགས་ཀྱི་སྟོང་པ་ཉིད་གང་ལགས་པ་དེ་གཟུགས་མ་ལགས་ལ། གཟུགས་ཀྱི་སྟོང་པ་ཉིད་ལས་གུད་ནའང་གཟུགས་མ་མཆིས་ཏེ། གཟུགས་ཉིད་ཀྱང་སྟོང་པ་ཉིད་ལགས།། སྟོང་པ་ཉིད་ཀྱང་གཟུགས་ལགས་པའི་སླད་དུ་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན།། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། གཟུགས་ལ་གནས་པར་མི་བགྱི་ལགས་སོ།། དེ་བཞིན་དུ་ཚོར་བའི་སྟོང་པ་ཉིད་གང་ལགས་པ་དང་། 2་ཤེས་ཀྱི་སྟོང་པ་ཉིད་གང་ལགས་པ་དང་། འདུ་བྱེད་ཀྱི་སྟོང་པ་ཉིད་གང་ལགས་པ་དང་། རྣམ་པར་ཤེས་པའི་སྟོང་པ་ཉིད་གང་ལགས་པ་དེ་རྣམ་པར་ཤེས་པ་མ་ལགས་ལ། རྣམ་པར་ཤེས་པའི་སྟོང་པ་ཉིད་ལས་གུད་ནའང་རྣམ་པར་ཤེས་པ་མ་མཆིས་ཏེ། རྣམ་པར་ཤེས་པ་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་རྣམ་པར་ཤེས་པ་ལགས་སོ།། བཙུན་པ་བཅོམ་ལྡན་འདས་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཚོར་བ་ལ་གནས་པར་མི་བགྱི་བ་ནས། རྣམ་པར་ཤེས་པའི་བར་ལ་གནས་པར་མི་བགྱི་ལགས་སོ།། བཞིན་དུ་སྦྱར་ཏེ། མ་རིག་པ་ལ་གནས་པར་མི་བགྱི་བ་ནས། རྒ་ཤིའི་བར་ལ་གནས་པར་མི་བགྱི་ལགས་སོ།། དེ་ཅིའི་སླད་དུ་ཞེ་ན། འདི་ལྟར་རྒ་ཤིའི་བར་གྱི་སྟོང་པ་ཉིད་གང་ལགས་པ་དེ་རྒ་ཤི་མ་ལགས་ལ། རྒ་ཤིའི་སྟོང་པ་ཉིད་ལས་གུད་ནའང་རྒ་ཤི་མ་མཆིས་ཏེ། རྒན་ཉིད་སྟོང་པ་ཉིད་ལགས་ལ། སྟོང་པ་ཉིད་ཀྱང་རྒ་ཤི་ལགས་པའི་སླད་དུ་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། རྒ་ཤིའི་བར་ལ་གནས་པར་མི་བགྱི་ལགས་སོ།། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དྲན་པ་ཉེ་བར་གཞག་པ་བཞི་ལ་གནས་པར་མི་བགྱི་ལགས་སོ།། དེ་ཅིའི་སླད་དུ་ཞེ་ན། འདི་ལྟར་དྲན་པ་ཉེ་བར་གཞག་པ་རྣམས་ནི་དྲན་པ་ཉེ་བར་གཞག་པ་རྣམས་ཀྱིས་སྟོང་སྟེ། དྲན་པ་ཉེ་བར་གཞག་པ་རྣམས་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་དྲན་པ་ཉེ་བར་གཞག་པ་རྣམས་མ་མཆིས་ཏེ། དྲན་པ་ཉེ་བར་གཞག་པ་རྣམས་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་དྲན་པ་ཉེ་བར་གཞག་པ་རྣམས་ལགས་པའི་སླད་དུའོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་གནས་པར་མི་བགྱི་ལགས་སོ།། དེ་ཅིའི་སླད་དུ་ཞེ་ན། འདི་ལྟར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱིས་སྟོང་སྟེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་སངས་རྒྱས་ཀྱི་ཆོས་མ་འདྲེས་པ་བ་བརྒྱད་མ་མཆིས་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཉིད་ཀྱང་སྟོང་བ་ཉིད་ལགས་ལ། སྟོང་པ་ཉིད་ཀྱང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལགས་པའི་སླད་དུའོ།། བཙུན་པ་བཅོམ་ལྡན་འདས་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ལ་གནས་པར་མི་བརྒྱ་ལགས་སོ། ། །། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་བཅུ་གཅིག་པ། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། སྦྱིན་པའི་ཕ་རོལ་ཏུ་ཕྱིན་པ་ལ་གནས་པར་མི་བགྱི་ལགས་སོ།། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་མི་བགྱི་ལགས་སོ།། དེ་ཅིའི་སླད་དུ་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ནི་ཤེས་རབ་ཀྱི་ཕ་རོལ་ཏུ་ཕྱིན་པས་སྟོང་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ལས་གུད་ནའང་སྟོང་པ་ཉིད་མ་མཆིས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་ལགས་པའི་སླད་དུ་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་བྱིན་པ་ལ་སྤྱོད་པས། སྦྱིན་པའི་ཕ་རོལ་ཏུ་ཕྱིན་པ་ལ་གནས་པར་མི་བགྱི་བ་ནས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་མི་བགྱི་ལགས་སོ།། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས།། ཡིག་འབྲུ་རྣམས་ལ་གནས་པར་མི་བགྱི། ཡི་གེ་བསྒྲུབ་པ་ལ་གནས་པར་མི་བགྱི། གཅིག་བརྗོད་པ་དང་། གཉིས་བརྗོད་པ་དང་། མང་པོ་བརྗོད་པའི་བར་དག་ལ་གནས་པར་མི་བགྱི་ལགས་སོ།། འདི་ལྟར་ཡིག་འབྲུ་རྣམས་ནི་ཡིག་འབྲུ་རྣམས་ཀྱིས་སྟོང་པའི་སླད་དུའོ། ། དེ་ཅིའི་སླད་དུ་ཞེ་ན། ལེའུ་གོང་མར་ཇི་སྐད་བསྟན་པ་དེ་ཁོ་ན་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། མངོན་པར་ཤེས་པ་རྣམས་ལ་གནས་པར་མི་བགྱི་ལགས་སོ།། དེ་ཅིའི་སླད་དུ་ཞེ་ན། འདི་ལྟར་མངོན་པར་ཤེས་པ་རྣམས་ནི་མངོན་པར་ཤེས་པ་རྣམས་ཀྱིས་སྟོང་སྟེ། མངོན་པར་ཤེས་པ་གང་ལགས་པ་དེ་ནི་སྟོང་པ་ཉིད་མ་ལགས། སྟོང་པ་ཉིད་གང་ལགས་པ་དེའང་མངོན་པར་ཤེས་པ་མ་ལགས་ཤིང་། མངོན་པར་ཤེས་པ་རྣམས་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་མངོན་པར་ཤེས་པ་རྣམས་མ་མཆིས་ཏེ། མངོན་པར་ཤེས་པ་རྣམས་ཉིད་སྟོང་པ་ཉིད་ལགས་ལ། སྟོང་པ་ཉིད་ཀྱང་མངོན་པར་ཤེས་པ་རྣམས་ལགས་པའི་སླད་དུ་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། མངོན་པར་ཤེས་པ་རྣམས་ལ་གནས་པར་མི་བགྱི་ལགས་སོ། ། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་མི་རྟག་ཅེས་བགྱི་བར་གནས་པར་མི་བགྱི་ལགས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་རྟག་ཅེས་བགྱི་བར་གན་པར་མི་བགྱི་ལགས་སོ། ། དེ་ཅིའི་སླད་དུ་ཞེ་ན། འདི་ལྟར་གཟུགས་མི་རྟག་པ་ཉིད་མི་རྟག་པས་སྟོང་སྟེ། གཟུགས་མི་རྟག་པ་ཉིད་གང་ལགས་པ་དེ་སྟོང་པ་ཉིད་མ་ལགས། སྟོང་པ་ཉིད་གང་ལགས་པ་དེའང་གཟུགས་མི་རྟག་པ་ཉིད་མ་ལགས། གཟུགས་མི་རྟག་པ་ཉིད་ལས་གུད་ནའང་སྟོང་པ་ཉིད་མ་མཆིས་ལ། སྟོང་པ་ཉིད་ལས་གུད་ནའང་གཟུགས་མི་རྟག་པ་ཉིད་མ་མཆིས་ཏེ། གཟུགས་མི་རྟག་པ་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་གཟུགས་མི་རྟག་པ་ཉིད་ལགས་པའི་སླད་དུའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དག་ལའང་རྒྱ་ཆེར་སྦྱར་བར་བགྱི་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན། དེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་མི་རྟག་པ་ཉིད་ནས། རྣམ་པར་ཤེས་པ་མི་རྟག་པ་ཉིད་ཀྱི་བར་ལ་གནས་པར་མི་བགྱི་ལགས་སོ། ། དེ་བཞིན་དུ་སྦྱར་ཏེ། གཟུགས་ནས་རྣམ་པར་ཤེས་པའི་བར་ལ་བདེ་ཞེས་བགྱི་བར་གནས་པར་མི་བགྱི་ལགས་སོ། ། གཟུགས་ནས་རྣམ་པར་ཤེས་པའི་བར་ལ་སྡུག་བསྔལ་ཞེས་བགྱི་བར་གནས་པར་མི་བགྱི་ལགས་སོ།། གཟུགས་ནས་རྣམ་པར་ཤེས་པའི་བར་ལ་སྟོང་ཞེས་བགྱི་བར་གནས་པར་མི་བགྱི་ལགས་སོ། ། གཟུགས་ནས་རྣམ་པར་ཤེས་པའི་བར་ལ་མཚན་མ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ།། གཟུགས་ནས་རྣམ་པར་ཤེས་པའི་བར་ལ་སྨོན་པ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ། ། གཟུགས་ནས་རྣམ་པར་ཤེས་པའི་བར་ལ་ཞི་ཞེས་བགྱི་བར་གནས་པར་མི་བགྱི་ལགས་སོ།། གཟུགས་ནས་རྣམ་པར་ཤེས་པའི་བར་ལ་དབེན་ཞེས་བགྱི་བར་གནས་པར་མི་བགྱི་ལགས་སོ། ། གཟུགས་ནས་རྣམ་པར་ཤེས་པའི་བར་ལ་ཀུན་ནས་ཉོན་མོངས་པ་ཞེས་བགྱི་བར་གནས་པར་མི་བགྱི་ལགས་སོ།། གཟུགས་ནས་རྣམ་པར་ཤེས་པའི་བར་ལ་སྐྱེ་བ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ། ། གཟུགས་ནས་རྣམ་པར་ཤེས་པའི་བར་ལ་འགག་པ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ།། གཟུགས་ནས་རྣམ་པར་ཤེས་པའི་བར་ལ་དངོས་པོ་མ་མཆིས་ཞེས་བགྱི་བར་གནས་པར་མི་བགྱི་ལགས་སོ། ། དེ་ཅིའི་སླད་དུ་ཞེ་ན། གཟུགས་ཀྱི་ཕུང་པོར་ཇི་སྐད་བསྟན་པ་དེ་བཞིན་དུ་སྦྱར་བར་བགྱི་བའི་སླད་དུའོ།། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཆོས་ཀྱི་དེ་བཞིན་ཉིད་ལ་གནས་པར་མི་བགྱི་ལགས་སོ།། དཅིའི་སླད་དུ་ཞེན། འདི་ལྟར་ཆོས་ཀྱི་དེ་བཞིན་ཉིད་ནི་ཆོས་ཀྱི་དེ་བཞིན་ཉིད་ཀྱིས་སྟོང་ཧཱུཾ། ཆོས་ཀྱི་དེ་བཞིན་ཉིད་ལས་གུད་ནིའང་སོང་པཉིད་མ་མཆིས་ཀྱི། སྟོང་པ་ཉིད་ལས་གུང་ན་ང་རྫས་ཅ་བཞིན་ཉིད་མ་མཆིས་ཏེ། ཆོས་ཀྱི་དེ་བཞིན་ཉིད་ཀྱང་སྟོང་པ་ཉིད་ལགས་ལ། སྟོང་པ་ཉིད་ཀྱང་ཆོས་ཀྱི་དེ་བཞིན་ཉིད་ལགས་པའི་སླད་དུའོ།། བཙུན་པ་བཅོམ་ལྡན་འདས་རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། ཆོས་ཀྱི་དེ་བཞིན་ཉིད་ལ་གནས་པར་མི་བགྱི་བ་ནས། དེ་བཞིན་དུ་སྦྱར་ཏེ། ཆོས་ཉིད་དང་ཆོས་ཀྱི་དབྱིངས་དང་། ཆོས་སྐྱོན་མེད་པ་ཉིད་དང་། ཡང་དག་པའི་མཐའ་ལ་གནས་པར་མི་བགྱི་ལགས་སོ།། དེ་ཅིའི་སླད་དུ་ཞེ་ན། སྔ་མ་ཇི་ལྟ་བ་བཞིན་དུ་སྦྱར་བར་བགྱི་བའི་སླད་དུའོ།། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུངས་ཀྱི་སྒོ་ཐམས་ཅད་དང་། ཏིང་ངེ་འཛིན་རྒྱ་སྒོ་ཐམས་ཅད་ལ་གནས་པར་མི་བགྱི་ལགས་སོ། ། དེ་ཅིའི་སླད་དུ་ཞེ་ན། འདི་ལྟར་གཟུངས་ཀྱི་སྒོ་རྣམས་དང་། ཏིང་ངེ་འཛིན་གྱི་སྒོ་རྣམས་དང་། གཟུངས་ཀྱི་སྒོ་རྣམས་ནི་ཏིང་ངེ་འཛིན་གྱི་སྒོ་རྣམས་ཀྱིས་སྟོང་སྟེ། སྔ་མ་བཞིན་དུ་སྦྱར་བར་བགྱིའོ།། བཙུན་པ་བཅོམ་ལྡན་འདས། འདི་ལྟ་སྟེ། བྱང་ཆུབ་སེམས་དཔའ་ཐབས་ལ་མི་མཁས་པས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། བདག་ཏུ་འཛིན་པ་དང་། བདག་གི་བར་འཛིན་པར་འགྱུར་བའི་ཡིད་ཀྱིས་གཟུགས་ལ་སྤྱོད་ཅིང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྤྱོད་ན། དེ་ལྟར་གཟུགས་མངོན་པར་འདུ་བགྱི་བ་ལ་སྤྱོད་པ་ལགས་ཤིང་། དེ་བཞིན་དུ་ཚོར་བ་མངོན་པར་འདུ་བགྱི་བ་དང་། འདུ་ཤེས་མངོན་པར་འདུ་བགྱི་བ་དང་། འདུ་བྱེད་མངོན་པར་འདུ་བགྱི་བ་དང་། རྣམ་པར་ཤེས་པ་མངོན་པར་འདུ་བགྱི་བ་ལ་སྤྱོད་པ་ལགས་ཏེ། མངོན་པར་འདུ་བགྱི་བ་ལ་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མི་འཛིན་ཅིང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བགྱི་བ་མ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་རྫོགས་པར་ནི་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་མི་འགྱུར་ལགས་སོ། ། བཙུན་པ་བཅོམ་ལྡན་འདས། འདི་ལྟ་སྟེ། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མི་མཁས་པས་བདག་ཏུ་འཛིན་པ་དང་། བདག་གིར་འཛིན་པར་གྱུར་པའི་ཡིད་ཀྱིས་དེ་གཟུགས་ལ་སྤྱོད་ཅིང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྤྱོད་པ་དེ་ལྟར་ན། གཟུགས་མངོན་པར་འདུ་བགྱི་བ་ལ་སྤྱོད་པ་ལགས་ཤིང་། དེ་བཞིན་དུ་ཚོར་བ་མངོན་པར་འདུ་བགྱི་བ་དང་། འདུ་ཤེས་མངོན་པར་འདུ་བགྱི་བ་དང་། འདུ་བྱེད་མངོན་པར་འདུ་བགྱི་བ་དང་། རྣམ་པར་ཤེས་པ་མངོན་པར་འདུ་བགྱི་བ་ལ་སྤྱོད་པ་ལགས་ཤིང། མངོན་པར་འདུ་བགྱི་བ་ལ་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིད་པ་མ་ལགས་ལ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བགྱིད་པ་མ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་རྫོགས་པར་ནི་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་མི་འགྱུར་ལགས་སོ།། བཙུན་པ་བཅོམ་ལྡན་འདས་འདི་ལྟ་སྟེ། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཐབས་ལ་མི་མཁས་པས་བདག་ཏུ་འཛིན་པ་དང་། བདག་གིར་འཛིན་པའི་ཡིད་ཀྱིས་དེ་བཞིན་དུ་སྦྱར་ཏེ། གཟུངས་ཀྱི་སྒོ་རྣམས་དང་། ཏིང་ངེ་འཛིན་གྱི་སྒོ་རྣམས་ཀྱི་བར་ལ་སྤྱོད་པ་ནི། གཟུངས་དང་ཏིང་ངེ་འཛིན་གྱི་སྒོ་མངོན་པར་འདུ་བགྱི་བ་ལ་སྤྱོད་པ་ལགས་ཏེ། མངོན་པར་འདུ་བགྱི་བ་ལ་སྤྱོད་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་འཛིན་པ་མ་ལགས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྣལ་འབྱོར་དུ་བགྱིད་པ་མ་ལགས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་མ་རྫོགས་པར་ནི་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་མི་འགྱུར་ལགས་སོ། ། དེ་ཅིའི་སླད་དུ་ཞེ་ན། འདི་ལྟར་གཟུགས་ནི་ཡོངས་སུ་བཟུང་བ་མ་མཆིས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ན་ཡོངས་སུ་བཟུང་བ་མ་མཆིས་པའི་སླད་དུའོ།། གཟུགས་ཀྱི་བཟུང་བ་མ་མཆིས་པ་དེ་ནི་རང་བཞིན་གྱིས་སྟོང་པ་ཉིད་ཀྱི་སླ་། གཟུགས་མ་ལགས་སོ།། དེ་བཞིན་དུ་ཚོར་བ་གང་ལགས་པ་དང་། འདུ་ཤེས་གང་ལགས་པ་དང་། འདུ་བྱེད་རྣམས་གང་ལགས་པ་དང་། རྣམ་པར་ཤེས་པ་ཡོངས་སུ་མ་བཟུང་གང་ལགས་པ་དེ་ནི་རང་བཞིན་གྱིས་སྟོང་པ་ཉིད་ཀྱི་སླད་དུ་རྣམ་པར་ཤེས་པ་མ་ལགས་སོ། ། དེ་བཞིན་དུ་སྦྱར་ཏེ། གཟུངས་ཀྱི་སྒོ་རྣམས་དང་། ཏིང་ངེ་འཛིན་གྱི་སྒོ་རྣམས་ནི་ཡོངས་སུ་བཟུང་བ་མ་མཆིས་ལགས་སོ། ། གཟུངས་ཀྱི་སྒོ་རྣམས་དང་། ཏིང་ངེ་འཛིན་གྱི་སྒོ་རྣམས་ཀྱི་ཡོངས་སུ་བཟུང་བ་མ་མཆིས་པ་གང་ལགས་པ་དེ་ནི་རང་བཞིན་གྱིས་སྟོང་པ་ཉིད་ཀྱི་སླད་དུ།། གཟུངས་ཀྱི་སྒོ་རྣམས་དང་། ཏིང་ངེ་འཛིན་གྱི་སྒོ་རྣམས་མ་ལགས་སོ།། ཤེས་རབ་ཀྱི་ཕ་རོལ་ཏུ་ཕྱིན་པའང་རང་བཞིན་གྱིས་སྟོང་པ་ཉིད་ཀྱི་སླད་དུ་ཡོངས་སུ་བཟུང་བ་མ་མཆིས་ལགས་སོ།། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་པས། ཆོས་ཐམས་ཅད་རང་བཞིན་གྱིས་སྟོང་པར་ཉེ་བར་བརྟག་པར་བགྱི་སྟེ། ཅི་ནས་ཀྱང་ཆོས་གང་ལའང་ཡིད་རྣམ་པར་འགྱུར་བ་དེ་ལྟར་ཉེ་བར་བརྟག་པར་བགྱི་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཡོངས་སུ་བཟུང་བ་མ་མཆིས་པའི་ཏིང་ངེ་འཛིན་གྱི་དཀྱིལ་འཁོར་གྱི་ཡོ་བྱད་ཡངས་པ། ཚད་མ་མཆིས་པ་ཚད་མ་ངེས་པ་དེས་ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ལགས་པའོ། ། རྣམ་པ་ཐམས་ཅད་མཁྱེན་པ་ཉིད་དེའང་ནང་སྟོང་པ་ཉིད་ཀྱི་སླད་དུ་དང་། ཕྱི་སྟོང་པ་ཉིད་ཀྱི་སླད་དུ་དང་། དེ་བཞིན་དུ་ཕྱི་ནང་སྟོང་པ་ཉིད་ཀྱི་སླད་དུ་དང་། སྟོང་པ་ཉིད་སྟོང་པ་ཉིད་ཀྱི་སླད་དུ་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་སླད་དུ་ཡོངས་སུ་བཟུང་བ་མ་མཆིས་པ་ལགས་སོ། ། དེ་ཅིའི་སླད་དུ་ཞེ་ན། དེ་ནི་མཚན་མས་བསྒྲུབ་པར་བགྱི་བ་མ་ལགས་པའི་སླད་དུའོ།། དེ་ཅིའི་སླད་དུ་ཞེ་ན། མཚན་མ་ནི་ཉོན་མོངས་པའི་སླད་དུའོ།། མཚན་མའང་གང་ལགས་ཤེ་ན། འདི་ལྟ་སྟེ། གཟུགས་ནི་མཚན་མ་ལགས་སོ།། སྒྲ་དང་། དྲི་དང་། རོ་དང་། རེག་པ་དང་། ཆོས་ནི་མཚན་མ་ལགས་སོ།། དེ་བཞིན་དུ་སྦྱར་ཏེ། གཟུངས་ཀྱི་སྒོ་རྣམས་ནི་མཚན་མ་ལགས་སོ།། ཏིང་ངེ་འཛིན་གྱི་སྒོ་རྣམས་ཀྱི་བར་དུ་མཚན་མ་ལགས་ཏེ། དེ་ནི་མཚན་མ་ཞེས་བགྱིའོ།། ཉོན་མོངས་པའང་དེ་ལགས་ཏེ། དེ་ནི་གཟུང་བར་མི་བགྱི། གོམས་པར་མི་བགྱི་ལགས་སོ།། དེ་ལྟར་མ་ལགས་ན་ནི་ཀུན་ཏུ་རྒྱུ་བཟོ་སྦྱངས་ཀྱང་ཐམས་ཅད་མཁྱེན་པའི་ཡེ་ཤེས་འདི་ལ་དད་པར་མི་འགྱུར་ལགས་སོ། ། དད་པ་དེའང་གང་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡིད་ཆེས་པ་དང་། རྟོགས་པ་དང་། མོས་པ་དང་། རྟེན་པ་དང་། སེམས་པ་དང་། འཇལ་བ་དང་། སྤྱོད་པ་སྟེ། དེའང་མཚན་མའི་ཚུལ་དུ་མ་ལགས་ཏེ། དེ་ལྟར་ན་མཚན་མ་དེ་གཟུང་བར་མི་བགྱི་ལགས་སོ། ། ཀུན་ཏུ་རྒྱུ་བཟོ་སྦྱངས་ཀྱང་མོས་ནས་དད་པས་རྗེས་སུ་འབྲང་ཞིང་། རང་བཞིན་གྱིས་སྟོང་པ་ཉིད་དུ་ཤེས་པས་ཞུགས་ནས་གཟུགས་སུ་མ་བཟུང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཚན་མར་ཡོངས་སུ་མ་བཟུང་ལགས་སོ།། དེ་ཅིའི་སླད་དུ་ཞེ་ན། འདི་ལྟར་དེ་ལ་རང་གི་མཚན་ཉིད་ཀྱིས་སྟོང་པའི་ཆོས་རྣམས་ཡོངས་སུ་བཟུང་བ་མི་སྐྱོ་བའི་སླད་དུའོ། ། དེ་ཅིའི་སླད་དུ་ཞེ་ན། འདི་ལྟར་དེས་ཤེས་པ་དེ་ནང་གི་མངོན་པར་རྟོགས་པ་ཐོབ་པས་ཡང་དག་པར་རྗེས་སུ་མ་མཐོང་། ཕྱིའི་མངོན་པར་རྟོགས་པ་ཐོབ་པ་དང་། ཕྱི་ནང་གི་མངོན་པར་རྟོགས་པ་ཐོབ་པས་ཤེས་པ་དེ་ཡང་དག་པར་རྗེས་སུ་མ་མཐོང་ལ།། ནང་སྟོང་པ་ཉིད་ཀྱི་སླད་དུ་ཤེས་པ་དེ་ཤེས་པ་དང་། མངོན་པར་རྟོགས་པ་ལས་གཞན་དུ་ཡང་དག་པར་རྗེས་སུ་མ་མཐོང་བའི་སླད་དུའོ། ། དེ་ཅིའི་སླད་དུ་ཞེ་ན། འདི་ལྟར་དེས་གང་གིས་ཤེས་པར་བགྱིད་པ་དང་། གང་ཤེས་པར་བགྱིད་པ་དང་། གང་ལས་ཤེས་པར་བགྱི་བའི་ཆོས་དེ་ཡང་དག་པར་རྗེས་སུ་མ་མཐོང་སྟེ། ཤེས་པ་དེ་གཟུགས་ནས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་བར་གྱི་ནང་དུ་ཡང་དག་པར་རྗེས་སུ་མ་མཐོང་། ཤེས་པ་དེ་གཟུགས་ནས། རྣམ་པར་ཤེས་པའི་བར་གྱི་ཕྱི་རོལ་ཏུ་ཡང་དག་པར་རྗེས་སུ་མ་མཐོང་། ཤེས་པ་དེ་གཟུགས་ནས། རྣམ་པར་ཤེས་པའི་བར་གྱི་ནང་དང་ཕྱི་རོལ་ཏུ་ཡང་དག་པར་རྗེས་སུ་མ་མཐོང་། གཟུགས་ལས་གཞན་དུ་ཤེས་པ་དེ་ཡང་དག་པར་རྗེས་སུ་མ་མཐོང་། ཚོར་བ་དང་། འདུ་ཤེས་དང་། འདུ་བྱེད་རྣམས་ལས་གཞན་དུ་ཡང་དག་པར་རྗེས་སུ་མ་མཐོང་། ཤེས་པ་དེ་རྣམ་པར་ཤེས་པ་ལས་གཞན་དུ་ཡང་དག་པར་རྗེས་སུ་མི་མཐོང་བའི་སླད་དུའོ། ། རྣམ་གྲངས་འདི་ལ་ཀུན་ཏུ་རྒྱུ་བཟོ་སྦྱངས་མོས་པར་གྱུར་ཏེ། དེ་ཆོས་འདི་ལ་མོས་ནས་ཐམས་ཅད་མཁྱེན་པ་ཉིད་ལ་དད་པས་རྗེས་སུ་འབྲང་བར་གྱུར་ཏོ། ། དེ་ལྟ་བས་ན་ཆོས་ཐམས་ཅད་མི་དམིགས་པའི་སླད་དུ་ཆོས་ཉིད་ཚད་མར་བགྱིས་ཏེ། མཚན་མ་ཡིད་ལ་མི་བགྱིད་པས། ཅི་ནས་ཀྱང་དེས་ཆོས་གང་ཡང་ཡོངས་སུ་བཟུང་བ་མ་མཆིས་པ་དེ་ལྟར་དེས་མོས་ལགས་སོ། ། ཆོས་ཐམས་ཅད་ཡོངས་སུ་གཟུང་བ་མ་མཆིས་པའི་སླད་དུ། དེས་གང་གཟུང་བར་བགྱི་བ་འམ། གཏང་བར་བགྱི་བའི་ཆོས་དེ་གང་ཡང་མ་དམིགས་ཏེ། ཆོས་ཐམས་ཅད་རློམ་སེམས་མ་མཆིས་པའི་སླད་དུ། མྱ་ངན་ལས་འདས་པས་ཀྱང་རློམ་སེམས་སུ་མི་བགྱི་ལགས་སོ།། བཙུན་པ་བཅོམ་ལྡན་འདས་ཆོས་ཐམས་ཅད་ཡོངས་སུ་བཟུང་བ་མ་མཆིས་པའི་སླད་དུ། གང་གཟུགས་ཡོངས་སུ་མི་འཛིན་ཅིང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།། རྣམ་པར་ཤེས་པ་ཡོངས་སུ་མི་འཛིན་པ་དང་། དེ་བཞིན་དུ་སྦྱར་ཏེ། ཆོས་ཐམས་ཅད་ཡོངས་སུ་བཟུང་བ་མ་མཆིས་པའི་སླད་དུ། ། གཟུངས་ཀྱི་སྒོ་ཐམས་ཅད་དང་། ཏིང་ངེ་འཛིན་གྱི་སྒོ་ཐམས་ཅད་ཀྱི་བར་དུ་ཡོངས་སུ་མི་འཛིན་པ་ནི་ཕ་རོལ་ནས་ཕ་རོལ་ཏུ་མཆིས་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ཀྱང་རློམ་སེམས་སུ་མི་བགྱིད་པ་ལགས་སོ།། དེ་ནི་དྲན་པ་ཉེ་བར་གཞག་པ་བཞི་ནས། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་དུ་སྦྱར་ཏེ། བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡོངས་སུ་མ་རྫོགས་པར་བར་མདོར་ཡོངས་སུ་མྱ་ངན་ལས་མི་འདའ་ལགས་སོ།། དེ་ཙེའི་སླད་དུ་ནན། འདི་ལྟར་དྲན་པཉེ་བར་གནག་པ་དེ་དག་དྲན་པ་ཉེ་བར་གནག་པ་མ་ལགས་པར་ཡང་དག་པར་རྗེས་སུ་མཐོང་བ་ནས། དེ་བཞིན་དུ་སྦྱ་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་སངས་རྒྱས་ཀྱི་ཆོས་རྣམས་མ་ལགས་པར་ཡང་དག་པར་རྗེས་སུ་མཐོང་བའི་སླད་དུ་སྟེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་གང་གཟུགས་སུ་མི་འཛིན་པ་དང་། དེ་བཞིན་དུ་ཚོར་བ་དང་། 2་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡོངས་སུ་མི་འཛིན་པ་ནས། དེ་བཞིན་དུ་སྦྱར་ཏེ། གཟུངས་ཀྱི་སྒོ་ཐམས་ཅད་དང་། ཏིང་ངེ་འཛིན་གྱི་སྒོ་ཐམས་ཅད་ཀྱི་བར་དུ་ཡོངས་སུ་མི་འཛིན་པ་དང་། དྲན་པ་ཉེ་བར་གཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བཅུ་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡོངས་སུ་མི་འཛིན་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལགས་སོ། ། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། འདི་ལྟར་ཉེ་བར་བརྟག་པར་བགྱི་སྟེ། ཀྱེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་གང་གིས་ན། འདི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། འདི་གང་གི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན། དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་གཟུགས་བརྟག་པར་བགྱི་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཡང་འདི་སྙམ་དུ་ཆོས་གང་མེད་ཅིང་མི་དམིགས་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའོ་སྙམ་དུ་ངེས་པར་སེམས་པར་བགྱིད་དོ། ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། ། ཚེ་དང་ལྡན་པ་རབ་འབྱོར་ཆོས་མེད་ཅིང་མི་དམིགས་པ་གང་ཡིན། སྨྲས་པ། ནང་སྟོང་པ་ཉིད་ཀྱི་ཕྱིར་དང་། ཕྱི་སྟོང་པ་ཉིད་ཀྱི་ཕྱིར་དང་། ཕྱི་ནང་སྟོང་པ་ཉིད་ཀྱི་ཕྱིར་དང་། སྟོང་པ་ཉིད་སྟོང་པ་ཉིད་ཀྱི་ཕྱིར་དང་། ཆེན་པོ་སྟོང་པ་ཉིད་ཀྱི་ཕྱིར་དང་། དོན་དམ་པ་སྟོང་པ་ཉིད་ཀྱི་ཕྱིར་དང་། འདུས་བྱས་སྟོང་པ་ཉིད་ཀྱི་ཕྱིར་དང་། འདུས་མ་བྱས་སྟོང་པ་ཉིད་ཀྱི་ཕྱིར་དང་། མཐའ་ལས་འདས་པ་སྟོང་པ་ཉིད་ཀྱི་ཕྱིར་དང་། ཐོག་མ་དང་ཐ་མ་མེད་པ་སྟོང་པ་ཉིད་ཀྱི་ཕྱིར་དང་། དོར་བ་མེད་པ་སྟོང་པ་ཉིད་ཀྱི་ཕྱིར་དང་། རང་བཞིན་སྟོང་པ་ཉིད་ཀྱི་ཕྱིར་དང་། རང་གི་མཚན་ཉིད་སྟོང་པ་ཉིད་ཀྱི་ཕྱིར་དང་། ཆོས་ཐམས་ཅད་སྟོང་པ་ཉིད་ཀྱི་ཕྱིར་དང་། མི་དམིགས་པ་སྟོང་པ་ཉིད་ཀྱི་ཕྱིར་དང་། དངོས་པོ་མེད་པ་སྟོང་པ་ཉིད་ཀྱི་ཕྱིར་དང་། ངོ་བོ་ཉིད་སྟོང་པ་ཉིད་ཀྱི་ཕྱིར་དང་། དངོས་པོ་མེད་པའི་ངོ།། བོ་ཉིད་སྟོང་པ་ཉིད་ཀྱི་ཕྱིར། ཚེ་དང་ལྡན་པ་ཤཱ་ར་དྭ་ཏིའི་བུ་ཤེས་རབ་ཀྱི་ཕ་རོལ་ཏུ་ཕྱིན་པའི་ཆོས་ནི་མེད་ཅིང་མི་དམིགས་སོ།། དེ་བཞིན་དུ་སྦྱར་ཏེ། བསམ་གཏན་གྱི་ཕ་རོལ་ཏུ་ཕྱིན་པའི་ཆོས་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པའི་ཆོས་དང་། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་བཟོད་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པའི་ཆོས་ནི་མེད་ཅིང་མི་དམིགས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་གཞན་ཡང་ནང་སྟོང་པ་ཉིད་ཀྱི་ཕྱིར་དང་། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་གཟུགས་མེད་ཅིང་མི་དམིགས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མེད་ཅིང་མི་དམིགས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་ནང་སྟོང་པ་ཉིད་ཀྱང་མེད་ཅིང་མི་དམིགས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མེད་ཅིང་མི་དམིགས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་དྲན་པ་ཉེ་བར་གཞག་པ་རྣམས་མེད་ཅིང་མི་དམིགས་སོ། ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མེད་ཅིང་མི་དམིགས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་མངོན་པར་ཤེས་པ་དྲུག་མེད་ཅིང་མི་དམིགས་སོ།། དེ་བཞིན་ཉིད་མེད་ཅིང་མི་དམིགས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་ཆོས་རྣམས་ཀྱི་ཆོས་ཉིད་དང་། ཆོས་ཀྱི་དབྱིངས་དང་། ཆོས་གནས་པ་ཉིད་དང་། ཆོས་སྐྱོན་མེད་པ་ཉིད་དང་། ཡང་དག་པའི་མཐའི་བར་དུ་མེད་ཅིང་མི་དམིགས་སོ།། རྒྱུན་དུ་ཞུགས་པ་མེད་ཅིང་མི་དམིགས་པ་ནས། དགྲ་བཅོམ་པའི་བར་དུ་མེད་ཅིང་མི་དམིགས་སོ།། རང་སངས་རྒྱས་མེད་ཅིང་མི་དམིགས་སོ།། བྱང་ཆུབ་སེམས་དཔའ་མེད་ཅིང་མི་དམིགས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་སངས་རྒྱས་ཞེས་བྱ་བ་མེད་ཅིང་མི་དམིགས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་པ་ཐམས་ཅད་མཁྱེན་པ་ཉིད་ཀྱང་མེད་ཅིང་མི་དམིགས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དེ་ལྟར་ཉེ་བར་རྟོག་པར་བྱེད་ཅིང་ངེས་པར་སེམས་པར་བྱེད་ལ། དེ་ལྟར་ཉེ་བར་རྟོག་པར་བྱེད་ཅིང་དེ་ལྟར་ངེས་པར་སེམས་པ་ན། གལ་ཏེ་སེམས་མི་ཞུམ་མི་འགོད་ལ། མི་སྐྲག་མི་དངང་ཞིང་། དངང་བར་མི་འགྱུར་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་རིག་པར་བྱའོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས།། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅིའི་ཕྱིར་ན། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་རིག་པར་བྱ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་གཟུགས་ནི་གཟུགས་ཀྱི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པའི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པོ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང་། ཡང་དག་པའི་མཐའི་བར་ནི་ཡང་དག་པའི་མཐའི་རང་བཞིན་དང་བྲལ་བ་སྟེ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྒྱུ་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དང་མ་བྲལ་བར་རིག་པར་བྱའོ།། དེ་སྐད་ཅེས་སྨྲས་པ་དང་།། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་གཟུགས་ཀྱི་རང་བཞིན་གང་ཡིན། ཚོར་བ་དང་། འདུ་ཤེས་དང་། འདུ་བྱེད་རྣམས་ཀྱི་རང་བཞིན་གང་ཡིན། རྣམ་པར་ཤེས་པའི་རང་བཞིན་གང་ཡིན། ཚེ་དང་ལྡན་པ་རབ་འབྱོར་དེ་བཞིན་དུ་སྦྱར་ཏེ། ཡང་དག་པའི་མཐའི་བར་གྱི་རང་བཞིན་གང་ཡིན། དེ་སྐད་ཅེས་སྨྲས་པ་དང་།། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་གཟུགས་ཀྱི་རང་བཞིན་ནི་དངོས་པོ་མེད་པའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པའི་རང་བཞིན་ནི་དངོས་པོ་མེད་པའོ། ། དེ་བཞིན་དུ་སྦྱར་ཏེ། ཡང་དག་པའི་མཐའི་བར་དུ་རང་བཞིན་ནི་དངོས་པོ་མེད་པའོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན་འདི་ལྟར་རིག་པར་བྱས། ཇི་ལྟར་གཟུགས་ནི་གཟུགས་ཀྱི་རང་བཞིན་དང་བྲལ་བ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པའི་རང་བཞིན་དང་བྲལ་བ་ནས། དེ་བཞིན་དུ་སྦྱར་ཏེ། ཡང་དག་པའི་མཐའི་བར་ནི་ཡང་དག་པའི་མཐའི་མཚན་ཉིད་དང་བྲལ་བ་དེ་ཡིན་ལ། མཚན་ཉིད་ཀྱང་རང་བཞིན་གྱིས་བྲལ་བ་ཡིན་ལ། རང་བཞིན་ཡང་མཚན་ཉིད་དང་བྲལ་བར་རིག་པར་བྱའོ། ། དེ་སྐད་ཅེས་སྨྲས་པ་དང་།། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་གང་བསླབ་པ་འདི་ལ་སློབ་པ་དེ་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རམ། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་དེ་བཞིན་ནོ། ། ཇི་སྐད་སྨྲས་པ་དེ་བཞིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་བསླབ་པ་འདི་ལ་སློབ་པ་དེ་ནི་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འགྱུར་རོ།། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་ཆོས་ཐམས་ཅད་ནི་མ་སྐྱེས་ཤེས་ངེས་པར་འབྱུང་བ་མེད་པའི་ཕྱིར་རོ།། སྨྲས་པ། ཚེ་དང་ལྡན་པ་རབ་འབྱོར་ཅིའི་ཕྱིར་ཆོས་ཐམས་ཅད་མ་སྐྱེས་ཤིང་ངེས་པར་འབྱུང་བ་མེད་པ་ཡིན། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་གཟུགས་ནི་གཟུགས་ཀྱི་རང་བཞིན་གྱིས་སྟོང་སྟེ། དེ་ལ་ནི་སྐྱེ་བའང་མེད་ཅིང་འབྱུང་བའང་དམིགས་སུ་མེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པའི་རང་བཞིན་གྱིས་སྟོང་སྟེ། དེ་ལ་ནི་སྐྱེ་བའང་མེད་ཅིང་འབྱུང་བའང་དམིགས་སུ་མེད་དོ།། ཡང་དག་པའི་མཐའི་བར་ནི་ཡང་དག་པའི་མཐའི་རང་བཞིན་གྱིས་སྟོང་སྟེ། དེ་ལ་ནི་སྐྱེ་བའང་མེད་ཅིང་འབྱུང་བའང་དམིགས་སུ་མེད་དོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། མི་གནས་པའི་ལེའུ་ཞེས་བྱ་བ་སྟེ་བཅུ་གཅིག་པ་རྫོགས་སོ།། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མི་མཁས་པས་གཟུགས་ལ་སྤྱོད་པ་དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྤྱོད་པ་དེ་ནི་མཚན་མ་ལ་སྤྱོད་པ་ལགས་སོ། ། ཡང་གལ་ཏེ་གཟུགས་ལ་རྟག་ཅེས་བགྱི་བ་དང་། མི་རྟག་ཅེས་བགྱི་བར་སྤྱོད་ན།། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་རྟག་ཅེས་བགྱི་བ་དང་། མི་རྟག་ཅེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་གཟུགས་ལ་བདེ་ཞེས་བགྱི་བ་དང་། སྡུག་བསྔལ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདེ་ཞེས་བགྱི་བ་དང་། སྡུག་བསྔལ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་བདག་མཆིས་ཞེས་བགྱི་བ་འམ། བདག་མ་མཆིས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། ། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་བདག་མཆིས་ཞེས་བགྱི་བ་འམ། བདག་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གཟུགས་ལ་སྟོང་ཞེས་བགྱི་བ་འམ། མི་སྟོང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྟོང་ཞེས་བགྱི་བ་འམ། མི་སྟོང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་མཚན་མ་མཆིས་ཞེས་བགྱི་བ་འམ། མཚན་མ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མཚན་མ་མཆིས་ཞེས་བགྱི་བ་འམ། མཚན་མ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་སྨོན་པ་མཆིས་ཞེས་བགྱི་བ་འམ། སྨོན་པ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྨོན་པ་མཆིས་ཞེས་བགྱི་བ་འམ། སྨོན་པ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་གཟུགས་ལ་ཞི་ཞེས་བགྱི་བ་འམ། མ་ཞི་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། ། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ནི་ཞེས་བགྱི་བ་འམ། མ་ནི་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་དབེན་ཞེས་བགྱི་བ་འམ། མི་དབེན་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།། རྣམ་པར་ཤེས་པ་ལ་དབེན་ཞེས་བགྱི་བ་འམ། མི་དབེན་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་ཀུན་ནས་ཉོན་མོངས་པ་ཞེས་བགྱི་བ་འམ། རྣམ་པར་བྱང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཀུན་ནས་ཉོན་མོངས་པ་ཞེས་བགྱི་བ་འམ།། རྣམ་པར་བྱང་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་སྐྱེ་ཞེས་བགྱི་བ་འམ། མི་སྐྱེ་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་སྐྱེ་ཞེས་བགྱི་བ་འམ། མི་སྐྱེ་ཞེས་བགྱི་བ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་འགག་ཅེས་བགྱི་བ་འམ། མི་འགག་ཅེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་འགག་ཅེས་བགྱི་བ་འམ། མི་འགག་ཅེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་གཟུགས་ལ་དངོས་པོ་མཆིས་ཞེས་བགྱི་བ་འམ། དངོས་པོ་མ་མཆིས་ཞེས་བགྱི་བབར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་གལ་ཏེ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་དངོས་པོ་མཆིས་ཞེས་བགྱི་བ་འམ། དངོས་པོ་མ་མཆིས་ཞེས་བགྱི་བར་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མི་མཁས་པས་དྲན་པ་ཉེ་བར་གཞག་པ་རྣམས་ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྤྱོད་ན། དེ་ནི་མཚན་མ་ལ་སྤྱོད་པ་ལགས་སོ། ། བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་འདི་སྙམ་དུ་སེམས་ཏེ། བདག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་སྟེ། དེ་བསྒོམ་པར་བྱའོ་སྙམ་ན། དེ་ནི་མཚན་མ་ལ་སྤྱོད་པ་ལགས་སོ།། གལ་ཏེ་འདི་སྙམ་དུ་སེམས་ཏེ། བདག་ནི་བྱང་ཆུབ་སེམས་དཔའ་འོ།། འདི་ནི་བྱང་ཆུབ་སེམས་དཔའ་འོ་སྙམ་ན། དེ་ནི་མཚན་མ་ལ་སྤྱོད་པ་ལགས་སོ། ། གལ་ཏེ་བྱང་ཆུབ་སེམས་དཔའ་དེ་འདི་སྙམ་དུ་སེམས་ཏེ། གང་དེ་ལྟར་སྤྱོད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྐམ་པའོ་སྙམ་ན། དེ་ནི་མཚན་མ་ལ་སྤྱོད་པ་ལགས་སོ།། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཐབས་མི་མཁས་པ་ལགས་པར་རིག་པར་བགྱི་བ་ལགས་སོ། ། དེ་ནས་ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གལ་ཏེ་གཟུགས་ལ་གནས་ཤིང་ཀུན་ཏུ་ཤེས་ཏེ་མོས། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་གནས་ཤིང་ཀུན་ཏུ་ཤེས་ཏེ་མོས་ལ། དེ་གཟུགས་ལ་གནས་ཤིང་ཀུན་ཏུ་ཤེས་ཏེ་མོས་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་།། རྣམ་པར་ཤེས་པ་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་ན། གཟུགས་ཀྱི་མངོན་པར་འདུ་བྱེད་པ་ལ་སྤྱོད་པ་ཡིན། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་མངོན་པར་འདུ་བྱེད་པ་ལ་སྤྱོད་པ་ཡིན་ནོ། ། གཟུགས་ཀྱི་མངོན་པར་འདུ་བྱེད་པ་ལ་སྤྱོད་པ་ནས། རྣམ་པར་ཤེས་པའི་མངོན་པར་འདུ་བྱེད་པའི་བར་ལ་སྤྱོད་པ་ནི། དེ་ནི་ཕྱི་མ་ལ་སྐྱེ་བ་ལས་ཡོངས་སུ་མི་ཐར་ཞིང་། དེ་ནི་རྒ་བ་ནས་འཁྲུགས་པ་དང་། སྡུག་བསྔལ་གྱི་བར་ལས་ཡོངས་སུ་མི་ཐར་པར་ཁོ་བོ་སྨྲའོ།། ཤཱ་ར་དྭ་ཏིའི་བུ་གཞན་ཡང་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཐབས་ལ་མི་མཁས་པས་མིག་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་པ་ནས། དེ་བཞིན་དུ་སྦྱར་ཏེ། ཡིད་ཀྱི་བར་ལ་གནས་ཤིང་ཀུན་ཏུ་ཤེས་ཏེ་མངོན་པར་ཞེན་ལ་མོས་པར་བྱེད་ན། དེ་ནི་ཚེ་རབས་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་པར་ཁོ་བོ་སྨྲའོ།། དེ་བཞིན་དུ་གལ་ཏེ་གཟུགས་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་པ་ནས། དེ་བཞིན་དུ་སྦར་ཏེ། གལ་ཏེ་ཆོས་ཀྱི་བར་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་ན། དེ་ནི་ཚེ་རབས་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་པར་ཁོ་བོ་སྨྲའོ།། གལ་ཏེ་མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་དང་། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་ན། དེ་ནི་ཚེ་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་པར་ཁོ་བོ་སྨྲའོ། ། གལ་ཏེ་དྲན་པ་ཉེ་བར་གཞག་པ་རྣམས་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་པ་ནས། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་གནས་ཤིང་ཀུན་ཏུ་ཤེས་ཏེ་མོས་པར་བྱེད་ན། དེ་ནི་ཚེ་ཕྱི་མ་ལ་སྡུག་བསྔལ་གྱི་བར་ལས་ཡོངས་སུ་མི་ཐར་པར་ཁོ་བོ་སྨྲའོ།། དེ་ནི་ཉན་ཐོས་ཀྱིས་འམ། རང་སངས་རྒྱས་ཀྱི་སའང་མངོན་སུམ་དུ་བྱ་བའི་སྐལ་བའང་མེད་ན། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་ལྟ་སྨོས་ཀྱང་ཅི་དགོས་ཏེ། དེ་ནི་གནས་མེད་དོ།། ། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་ན་ཐབས་ལ་མི་མཁས་པ་དང་ལྡན་ཞིང་། ཐབས་ལ་མི་མཁས་པར་རིག་པར་བྱའོ།། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ། ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཐབས་ལ་མཁས་པར་རིག་པར་བྱ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། གཟུགས་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་སྤྱོད། གཟུགས་ཀྱི་མཚན་མ་ལ་མི་སྤྱོད། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་མཚན་མ་ལ་མི་སྤྱོད། གཟུགས་རྟག་ཅེས་བྱ་བ་འམ། མི་རྟག་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྟག་ཅེས་བྱ་བ་འམ། མི་རྟག་ཅེས་བྱ་བར་མི་སྤྱོད། གཟུགས་བདེ་ཞེས་བྱ་བ་འམ། སྡུག་བསྔལ་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདེ་ཞེས་བྱ་བ་འམ། སྡུག་བསྔལ་ཞེས་བྱ་བར་མི་སྤྱོད། གཟུགས་བདག་ཡོད་ཅེས་བྱ་བ་དང་། བདག་མེད་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བདག་ཡོད་ཅེས་བྱ་བ་དང་། བདག་མེད་ཅེས་བྱ། བར་མི་སྤྱོད། གཟུགས་སྟོང་ཞེས་བྱ་བ་འམ། མི་སྟོང་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་ཞེས་བྱ་བ་དང་། མི་སྟོང་ཞེས་བྱ་བར་མི་སྤྱོད། གཟུགས་སྨོན་པ་ཡོད་ཅེས་བྱ་བ་འམ། སྨོན་པ་མེད་ཅེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྨོན་པ་ཡོད་ཅེས་བྱ་བ་དང་། སྨོན་པོ་མེད་ཅེས་བྱ་བར་མི་སྤྱོད། གཟུགས་ཞི་ཞེས་བྱ་བ་འམ། མ་ཞི་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞི་ཞེས་བྱ་བ་འམ། མ་ཞི་ཞེས་བྱ་བར་མི་སྤྱོད། གཟུགས་དབེན་ཞེས་བྱ་བ་འམ། མི་དབེན་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དབེན་ཞེས་བྱ་བ་འམ། མི་དབེན་ཞེས་བྱ་བར་མི་སྤྱོད། གཟུགས་ཀུན་ནས་ཉོན་མོངས་ཞེས་བྱ་བ་འམ། རྣམ་པར་བྱང་ཞེས་བྱ་བར་མི་སྤྱོད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཀུན་ནས་ཉོན་མོངས་ཞེས་བྱ་བ་འམ། རྣམ་པར་བྱང་ཞེས་བྱ་བར་མི་སྤྱོད། གཟུགས་སྐྱེ་ཞེས་བྱ་བ་འམ། མི་སྐྱེ་ཞེས་བྱ་བར་མི་སྤྱོད་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་ཞེས་བྱ་བ་འམ། མི་སྐྱེ་ཞེས་བྱ་བར་མི་སྤྱོད། གཟུགས་འགགོ་ཅེས་བྱ་བ་འམ། མི་འགོག་ཅེས་བྱ་བར་མི་སྤྱོད་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འགག་ཅེས་བྱ་བ་འམ། མི་འགག་ཅེས་བྱ་བར་མི་སྤྱོད། གཟུགས་དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་མི་སྤྱོད། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོ་ཡོད་ཅེས་བྱ་བ་འམ། དངོས་པོ་མེད་ཅེས་བྱ་བར་མི་སྤྱོད་པ་སྟེ། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དེ་ལྟར་སྤྱོད་ན་ཐབས་ལ་མཁས་པར་རིག་པར་བྱའོ། ། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་འདི་ལྟར་གཟུགས་ཀྱི་སྟོང་པ་ཉིད་གང་ཡིན་པ་དེ་གཟུགས་མ་ཡིན། གཟུགས་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་གཟུགས་མེད་དེ། གཟུགས་ཉིད་ཀྱང་སྟོང་པ་ཉིད་ཡིན་ལ། སྟོང་པ་ཉིད་ཀྱང་གཟུགས་ཡིན་པ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྟོང་པ་ཉིད་གང་ཡིན་པ་དེ་རྣམ་པར་ཤེས་པ་མ་ཡིན།། རྣམ་པར་ཤེས་པ་ལས་གུད་ནའང་སྟོང་པ་ཉིད་མེད།། སྟོང་པ་ཉིད་ལས་གུད་ནའང་རྣམ་པར་ཤེས་པ་མེད་དེ། སྟོང་པ་ཉིད་ཀྱང་རྣམ་པར་ཤེས་པ་ཡིན་ལ། རྣམ་པར་ཤེས་པ་ཉིད་ཀྱང་སྟོང་པ་ཉིད་ཡིན་པའི་ཕྱིར་རོ།། དེ་བཞིན་དུ་སྦྱར་ཏེ། དྲན་པ་ཉེ་བར་གཞག་པ་རྣམས་ཀྱི་བར་གྱི་སྟོང་པ་ཉིད་གང་ཡིན་པ་དེ་དག་ནི་དྲན་པ་ཉེ་བར་གཞག་པ་རྣམས་མ་ཡིན། དྲན་པ་ཉེ་བར་གཞག་པ་རྣམས་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་དྲན་པ་ཉེ་བར་གཞག་པ་རྣམས་མེད་དེ། དྲན་པ་ཉེ་བར་གཞག་པ་རྣམས་ཉིད་ཀྱང་སྤྱོད་པ་ཉིད་ཡིན་ལ། སྟོང་པ་ཉིད་ཀྱང་དྲན་པ་ཉེ་བར་གཞག་པ་རྣམས་ཡིན་ནོ།། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་སྟོང་པ་ཉིད་གང་ཡིན་པ་དེ་འཕགས་པའི་ལམ་ཡན་ལག་བརྒྱད་པ་མ་ཡིན། འཕགས་པའི་ལམ་ཡན་ལག་བརྒྱད་པ་ལས་གུད་ནའང་སྟོང་པ་ཉིད་མེད་སྟོང་པ་ཉིད་ལས་གུད་ནའང་འཕགས་པའི་ལམ་ཡན་ལག་བརྒྱད་པ་མེད་དེ། འཕགས་པའི་ལམ་ཡན་ལག་བརྒྱད་པ་ཉིད་ཀྱང་སྟོང་པ་ཉིད་ཡིན་ལ། སྟོང་པ་ཉིད་ཀྱང་འཕགས་པའི་ལམ་ཡན་ལག་བརྒྱད་པ་ཡིན་ནོ། ། དེ་བཞིན་དུ་དེ་བཞིན་གཤེགས་པའི་སྟོབས་བཅུའི་བར་ལའང་གཞན་མ་ཡིན། སྟོང་པ་ཉིད་ཀྱང་གཞན་མ་ཡིན། དེ་བཞིན་གཤེགས་པའི་སྟོབས་བཅུ་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་དེ་བཞིན་གཤེགས་པའི་སྟོབས་བཅུ་མེད་དེ། དེ་བཞིན་གཤེགས་པའི་སྟོབས་བཅུ་ཉིད་སྟོང་པ་ཉིད་ཡིན་ལ། སྟོང་པ་ཉིད་ཀྱང་དེ་བཞིན་གཤེགས་པའི་སྟོབས་བཅུ་ཡིན་ནོ། ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྟོང་པ་ཉིད་གང་ཡིན་པ་དེ་དག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མ་ཡིན། སངས་རྒྱས་ཀྱི་ཆོས་མ་འདྲེས་པ་བརྒྱད་ལས་གུད་ནའང་སྟོང་པ་ཉིད་མེད། སྟོང་པ་ཉིད་ལས་གུད་ནའང་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་མེད་དེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཉིད་ཀྱང་སྟོང་པ་ཉིད་ཡིན་ལ། སྟོང་པ་ཉིད་ཀྱ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡིན་ནོ། ། ཚེ་དང་ལྡན་པ་ཤཱ་ར་དྭ་ཏིའི་བུ་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་སྤྱོད་དོ་ཞེས་བྱ་བར་ཁས་མི་ལེན། མི་སྤྱོད་དོ་ཞེས་བྱ་བར་ཁས་མི་ལེན། སྤྱོད་ཀྱང་སྤྱོད་ལ་མི་སྤྱོད་ཀྱང་མི་སྤྱོད་ཅེས་བྱ་བར་ཁས་མི་ལེན། སྤྱོད་པའང་མ་ཡིན། མི་སྤྱོད་པའང་མ་ཡིན་ཞེས་བྱ་བར་ཁསོ་མི་ལེན་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བའི་སྐལ་བ་དང་ལྡན་པ་ཡིན་ནོ།། དེ་སྐད་ཅེས་སྨྲས་པ་དང་།། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅིའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཐམས་ཅད་དུ་ཁས་མི་ལེན། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་དེའི་ངོ་བོ་ཉིད་དམིགས་སུ་མེད་དོ།། དེ་ཅིའི་ཕྱིར་ཞེ་ན། འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དངོས་པོ་མེད་པའི་ངོ་བོ་ཉིད་ཡིན་པའི་ཕྱིར་ཏེ། ཤཱ་ར་དྭ་ཏིའི་བུ་རྣམ་གྲངས་དེས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་ཁས་མ་ལེན་ཏོ། ། དེ་བཞིན་དུ་སྦྱར་ཏེ། སྤྱོད་པའང་མ་ཡིན། མི་སྤྱོད་པའང་མ་ཡིན་ཞེས་བྱ་བ་དེ་ལྟ་བུར་ཡང་ཁས་མི་ལེན་ཏོ།། དེ་ཅིའི་ཕྱིར་ཞེ་ན། འདི་ལྟར་ཆོས་ཐམས་ཅད་དངོམ་པོ་མེད་པའི་ངོ་བོ་ཉིད་ཀྱི་རྗེས་སུ་ཞུགས་པ་དང་། གཟུང་དུ་མེད་པའི་ཕྱིར་ཏེ། འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་ཆོས་ཐམས་ཅད་ཉེ་བར་ལེན་པ་མེད་པ་རྒྱ་ཆེ་བའི་ཡོ་བྱད་ཚད་མེད་པར་གཏོགས་པ། ། ཉན་ཐོས་དང་རང་སངས་རྒྱས་ཐམས་ཅད་དང་ཐུན་མོང་མ་ཡིན་པ་སྟེ། ཏིང་ངེ་འཛིན་འདི་ཉིད་དང་མ་བྲལ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའོ།། །། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་བཅུ་གཉིས་པ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོའི་ཏིང་ངེ་འཛིན་འདི་ཁོ་ན་དང་མ་བྲལ་ཞིང་ལྡན་པ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱའམ། འོན་ཏེ་ཏིང་ངེ་འཛིན་གཞན་དག་གིས་འཚང་རྒྱ། ཚེ་དང་ལྡན་པ་རབ་འབྱོར་གྱིས་དེ་ལ་སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་ཏིང་ངེ་འཛིན་གཞན་དག་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོའང་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་འངོན་པར་རྫོགས་པར་འཚང་རྒྱའོ། ། སྨྲས་པ། ཚེ་དང་ལྡན་པ་རབ་འབྱོར་ཏིང་ངེ་འཛིན་གང་དག་ལ་གནས་ན། བྱང་ཆུབ་སེམས་དཔའ་སེམས་དཔའ་ཆེན་པོ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མང། པར་རྫོགས་པར་འཚང་རྒྱ་བར་འགྱུར། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་དཔའ་བར་འགྲོ་བ་ཞེས་བྱ་བ་ཡོད་དེ། དེ་ལ་གནས་བྱང་ཆུབ་སེམས་དཔའ་སེམས་དཔའ་ཆེན་པོ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཆང་རྒྱའོ། ། དེ་བཞིན་དུ་སྦྱར་ཏེ། རིན་ཆེན་བྷག་རྦྷ་ཞེས་བྱ་བའི་རྐང་ངེ་འཛིན་ཡོད་དོ། ། སེང་གེ་རྣམ་པར་རྩེ་བ་ཞེས་བྱ་བའི་ཏིང་ངེ་འཛིན་ཡོད་དོ།། ཟླ་བ་བཟང་པོ་ཞེས་བྱ་བའི་ཏིང་ངེ་འཛིན་ཡོད་དོ།། ཟླ་བའི་རྒྱལ་མཚན་ཏོག་ཅེས་བྱ་བའི་ཏིང་ངེ་འཛིན་ཡོང་ངོ་།། ཆོས་ཐམས་ཅད་ལས་ཤིན་ཏུ་འཕགས་པ་ཞེས་བྱ་བའི་ཏིང་ངེ་འཛིན་ཡོད་དོ།། སྤྱི་གཙུག་ལྟར་མོ་མཐོང་བའི་ཏིང་ངེ་འཛིན་དང་། ཆོས་ཀྱི་དབྱིངས་སུ་ངེས་པ་ཞེས་བྱ་བའི་ཏིང་ངེ་འཛིན་དང་།། དེས་པའི་རྒྱལ་ཚན་ཏོག་ཅེས་བྱ་བའི་ཏིང་ངེ་འཛིན་དང་། ངེས་པའི་ཏོག་ཅེས་བྱ་བའི་ཏིང་ངེ་འཛིན་དང་། རྡོ་རྗེ་ལྟ་བུའི་ཏིང་ངེ་འཛིན་དང་། ཆོས་ལ་འཇུག་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་ཏིང་ངེ་འཛིན་གྱི་རྒྱལ་པོ་ལྟར་རབ་ཏུ་གནས་པ་ཞེས་བྱ་བའི་ཏིང་ངེ་འཛིན་དང་། རྒྱལ་པོའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། བརྩོན་འགྲུས་ཀྱི་སྟོབས་ཞེས་བྱ་བའི་ཏིང་ངེ་འཛིན་དང་། ཡང་དག་པར་འཕགས་པ་ཞེས་བྱ་བའི་ཏིང་ངེ་འཛིན་དང་། ངེས་པའི་ཚིག་ལ་གདོན་མི་ཟ་བར་འཇུག་པ་ཞེས་བྱ་བའི་ཏིང་ངེ་འཛིན་དང་། ཚིག་བླ་དགས་ལ་འཇུག་ཅིང་ཕྱོགས་ལ་རྣམ་པར་ལྟ་བ་ཞེས་བྱ་བའི་ཏིང་ངེ་འཛིན་དང་། གཟུངས་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། བརྗེད་པ་མེད་པ་ཞེས་བྱ་བའི་ཏིང་ངེ་འཛིན་དང་། ཆོས་ཐམས་ཅད་ཡང་དག་པ་འདུ་བ་རྒྱ་མཚོའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། ནམ་མཁའ་ཁྱབ་པར་བྱེད་པ་ཞེས་བྱ་བའི་ཏིང་ངེ་འཛིན་དང་། རྡོ་རྗེའི་དཀྱིལ་འཁོར་ཞེས་བྱ་བའི་ཏིང་ངེ་འཛིན་དང་། རྒྱལ་མཚན་གྱི་རྩེ་མོའི་ཏོག་ཅེས་བྱ་བའི་ཏིང་ངེ་འཛིན་དང་། དབང་པོ་ཏོག་ཅེས་བྱ་བའི་ཏིང་ངེ་འཛིན་དང་། རྒྱུན་གྱི་རྗེས་སུ་སོང་བ་ཞེས་བྱ་བའི་ཏིང་ངེ་འཛིན་དང་། སེང་གེ་རྣམ་པར་བསྒྱིངས་པ་ཞེས་བྱ་བའི་ཏིང་ངེ་འཛིན་དང་། བཀོད་པ་བསྒྲུབ་པ་ཞེས་བྱ་བའི་ཏིང་ངེ་འཛིན་དང་། རིན་ཆེན་འབྱུང་གནས་ཞེས་བྱ་བའི་ཏིང་ངེ་འཛིན་དང་། རྣམ་པར་སྣང་བ་ཞེས་བྱ་བའི་ཏིང་ངེ་འཛིན་དང་། ཚོལ་བ་མེད་པ་ཞེས་བྱ་བའི་ཏིང་ངེ་འཛིན་དང་། གནས་ལ་རྟེན་པ་མེད་པ་ཞེས་བྱ་བའི་ཏིང་ངེ་འཛིན་དང་སེམས་མེད་པ་ཞེས་བྱ་བའི་ཏིང་ངེ་འཛིན་དང་། དྲི་མ་མེད་པའི་སྒྲོན་མ་ཞེས་བྱ་བའི་ཏིང་ངེ་འཛིན་དང་། རྣམ་པ་མཐའ་ཡས་པ་ཞེས་བྱ་བའི་ཏིང་ངེ་འཛིན་དང་། སྣང་བ་བྱེད་པ་ཞེས་བྱ་བའི་ཏིང་ངེ་འཛིན་དང་། དག་པ་དམ་པ་ཞེས་བྱ་བའི་ཏིང་ངེ་འཛིན་དང་། འོད་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང་། དགའ་བ་བྱེད་པ་ཞེས་བྱ་བའི་ཏིང་ངེ་འཛིན་དང་། གློག་གི་སྒྲོན་མ་ཞེས་བྱ་བའི་ཏིང་ངེ་འཛིན་དང་། ཟད་མི་ཤེས་པ་ཞེས་བྱ་བའི་ཏིང་ངེ་འཛིན་དང་། གཟི་བརྗིད་ཡོད་པ་ཞེས་བྱ་བའི་ཏིང་ངེ་འཛིན་དང་། ཟད་པ་དང་བྲལ་བ་ཞེས་བྱ་བའི་ཏིང་ངེ་འཛིན་དང་། ངེས་པར་རྒྱལ་བ་ཞེས་བྱ་བའི་ཏིང་ངེ་འཛིན་དང་། རྣམ་པར་འཇོམས་པ་ཞེས་བྱ་བའི་ཏིང་ངེ་འཛིན་དང་། ཉི་མའི་སྒྲོན་མ་ཞེས་བྱ་བའི་ཏིང་ངེ་འཛིན་དང་། ཟླ་བའི་སྒྲོན་མ་ཞེས་བྱ་བའི་ཏིང་ངེ་འཛི་དང་། སྣང་བ་དག་པ་ཞེས་བྱ་བའི་ཏིང་ངེ་འཛིན་དང་། སྣང་བ་བྱེད་པ་ཞེས་བྱ་བའི་ཏིང་ངེ་འཛིན་དང་། ། མཆོག་གི་འབྱུང་གནས་ཞེས་བྱ་བའི་ཏིང་ངེ་འཛིན་དང་། ཡེ་ཤེས་ཏོག་ཅེས་བྱ་བའི་ཏིང་ངེ་འཛིན་དང་། སེམས་གནས་པ་ཞེས་བྱ་བའི་ཏིང་ངེ་འཛིན་དང་། ཀུན་ཏུ་སྣང་བ་ཞེས་བྱ་བའི་ཏིང་ངེ་འཛིན་དང་། རབ་ཏུ་གནས་པ་ཞེས་བྱ་བའི་ཏིང་ངེ་འཛིན་དང་། རིན་ཆེན་མཐའ་ཞེས་བྱ་བའི་ཏིང་ངེ་འཛིན་དང་། ཆོས་དམ་པའི་ཕྱག་རྒྱ་ཞེས་བྱ་བའི་ཏིང་ངེ་འཛིན་དང་། ཆོས་ཐམས་ཅད་མཉམ་པ་ཉིད་ཅེས་བྱ་བའི་ཏིང་ངེ་འཛིན་དང་། དགའ་བ་སྤོང་བ་ཞེས་བྱ་བའི་ཏིང་ངེ་འཛིན་དང་། ཆོས་ཀྱི་གནས་པའི་སྤྱི་གཙུག་ཅེས་བྱ་བའི་ཏིང་ངེ་འཛིན་དང་། རྣམ་པར་འཐོར་བ་ཞེས་བྱ་བའི་ཏིང་ངེ་འཛིན་དང་། ཚིག་ཐམས་ཅད་རབ་ཏུ་འབྱེད་པ་ཞེས་བྱ་བའི་ཏིང་ངེ་འཛིན་དང་། ཡི་གེ་མཉམ་པར་འགོད་པ་ཞེས་བྱ་བའི་ཏིང་ངེ་འཛིན་དང་། ཡི་གེ་དང་བྲལ་བ་ཞེས་བྱ་བའི་ཏིང་ངེ་འཛིན་དང་། དམིགས་པ་གཅོད་པ་ཞེས་བྱ་བའི་ཏིང་ངེ་འཛིན་དང་། རྣམ་པ་མེད་པ་ཞེས་བྱ་བའི་ཏིང་ངེ་འཛིན་དང་། མིང་ངེས་པར་འཇུག་པ་ཞེས་བྱ་བའི་ཏིང་ངེ་འཛིན་དང་། གནས་པ་མེད་པར་སྤྱོད་པ་ཞེས་བྱ་བའི་ཏིང་ངེ་འཛིན་དང་། རབ་རིབ་མེད་པ་ཞེས་བྱ་བའི་ཏིང་ངེ་འཛིན་དང་། དཔྱོད་པ་དང་ལྡན་པ་ཞེས་བྱ་བའི་ཏིང་ངེ་འཛིན་དང་། གཡོ་བ་མེད་པ་ཞེས་བྱ་བའི་ཏིང་ངེ་འཛིན་དང་ཡུལ་ལས་རྒལ་བ་ཞེས་བྱ་བའི་ཏིང་ངེ་འཛིན་དང་། ཡོན་ཏན་ཐམས་ཅད་ཀྱི་ཚོགས་སུ་གྱུར་པ་ཞེས་བྱ་བའི་ཏིང་ངེ་འཛིན་དང་། སེམས་མེད་པར་གནས་པ་ཞེས་བྱ་བའི་ཏིང་ངེ་འཛིན་དང་། དགེ་བའི་མེ་ཏོག་རྒྱས་ཤིང་དག་པ་ཞེས་བྱ་བའི་ཏིང་ངེ་འཛིན་དང་། བྱང་ཆུབ་ཀྱི་ཡན་ལག་ཡོད་པ་ཞེས་བྱ་བའི་ཏིང་ངེ་འཛིན་དང་། སྤོབས་པ་མཐའ་ཡས་པ་ཞེས་བྱ་བའི་ཏིང་ངེ་འཛིན་དང་། མི་མཉམ་པ་དང་མཉམ་པ་ཞེས་བྱ་བའི་ཏིང་ངེ་འཛིན་དང་། ཐམས་ཅད་ལས་འདའ་བ་ཞེས་བྱ་བའི་ཏིང་ངེ་འཛིན་དང་། ཤིན་ཏུ་རྟག་པར་བྱེད་པ་ཞེས་བྱ་བའི་ཏིང་ངེ་འཛིན་དང་། ནེམ་ནུར་རྣམ་པར་སེལ་བ་ཞེས་བྱ་བའི་ཏིང་ངེ་འཛིན་དང་། གནས་སུ་བྱ་བ་མེད་པ་ཞེས་བྱ་བའི་ཏིང་ངེ་འཛིན་དང་། བཀོད་པ་གཅིག་པ་ཞེས་བྱ་བའི་ཏིང་ངེ་འཛིན་དང་། རྣམ་པ་མངོན་པར་སྒྲུབ་པ་ཞེས་བྱ་བའི་ཏིང་ངེ་འཛིན་དང་། རྣམ་པ་གཅིག་ཏུ་གྱུར་པ་ཞེས་བྱ་བའི་ཏིང་ངེ་འཛིན་དང་། རྣམ་པ་དོར་བ་མེད་པ་ཞེས་བྱ་བའི་ཏིང་ངེ་འཛིན་དང་། སྲིད་པའི་འདམ་བུ་ཐམས་ཅད་དུ་ཕུང་པོ་མེད་པར་རྣམ་པར་འཐོར་བ་ཞེས་བྱ་བའི་ཏིང་ངེ་འཛིན་དང་། བརྡ་དང་སྒྲ་ལ་འཇུག་པ་ཞེས་བྱ་བའི་ཏིང་ངེ་འཛིན་དང་།། སྒྲ་དབྱངས་ཀྱི་ཡི་གེ་དང་བྲལ་བ་ཞེས་བྱ་བའི་ཏིང་ངེ་འཛིན་དང་། སྒྲོན་མ་འབར་བ་ཞེས་བྱ་བའི་ཏིང་ངེ་འཛིན་དང་། མཚན་ཉིད་ཡོངས་སུ་དག་པ་ཞེས་བྱ་བའི་ཏིང་ངེ་འཛིན་དང་། མངོན་པར་མི་དམིགས་པ་ཞེས་བྱ་བའི་ཏིང་ངེ་འཛིན་དང་། རྣམ་པ་ཐམས་ཅད་ཀྱི་མཆོག་དང་ལྡན་པ་ཞེས་བྱ་བའི་ཏིང་ངེ་འཛིན་དང་། བདེ་བ་དང་སྡུག་བསྔལ་ཐམས་ཅད་ལ་མངོན་པར་དགའ་བ་མེད་པ་ཞེས་བྱ་བའི་ཏིང་ངེ་འཛིན་དང་། རྣམ་པ་ཟད་མི་ཤེས་པ་ཞེས་བྱ་བའི་ཏིང་ངེ་འཛིན་དང་། གཟུངས་ཀྱི་བློ་གྲོས་ཞེས། བྱ་བའི་ཏིང་ངེ་འཛིན་དང་། ཡང་དག་པ་དང་ལོག་པ་ཐམས་ཅད་ཡང་དག་པར་སེལ་བ་ཞེས་བྱ་བའི་ཏིང་ངེ་འཛིན་དང་། སྒྲ་བསྒྲགས་པ་ལ་འཇུག་པ་ཞེས་བྱ་བའི་ཏིང་ངེ་འཛིན་དང་། འགལ་བ་དང་འགོག་པ་མེད་པ་ཞེས་བྱ་བའི་ཏིང་ངེ་འཛིན་དང་། འོད་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང་། སྙིང་པོ་དང་ལྡན་པ་ཞེས་བྱ་བའི་ཏིང་ངེ་འཛིན་དང་། ཟླ་བ་ཉ་བའི་འོད་དྲི་མ་མེད་པ་ཞེས་བྱ་བའི་ཏིང་ངེ་འཛིན་དང་། བཀོད་པ་ཆེན་པོ་ཞེས་བྱ་བའི་ཏིང་ངེ་འཛིན་དང་། འཇིག་རྟེན་ཐམས་ཅད་ལ་འོད་བྱེད་པ་ཞེས་བྱ་བའི་ཏིང་ངེ་འཛིན་དང་། ཏིང་ངེ་འཛིན་མཉམ་པ་ཉིད་ཅེས་བྱ་བའི་ཏིང་ངེ་འཛིན་དང་། རྡུལ་མེད་ཅིང་རྡུལ་དང་བྲལ་བ་དང་ལྡན་པ་ཞེས་བྱ་བའི་ཏིང་ངེ་འཛིན་དང་། ཉོན་མོངས་པ་མེད་པ་དང་ཉོན་མོངས་པ་དང་བཅས་པ་ཐམས་ཅད་ཡང་དག་པར་འདུ་བ་ཞེས་བྱ་བའི་ཏིང་ངེ་འཛིན་དང་། གཡོ་བ་མེད་ཅིང་གནས་པ་མེད་པ་ལ་དགའ་བ་ཞེས་བྱ་བའི་ཏིང་ངེ་འཛིན་དང་། དེ་བཞིན་ཉིད་ལ་གནས་ཤིང་སེམས་མེད་པ་ཞེས་བྱ་བའི་ཏིང་ངེ་འཛིན་དང་། ལུས་ཀྱི་སྐྱོན་ཡང་དག་པར་སེལ་བ་ཞེས་བྱ་བའི་ཏིང་ངེ་འཛིན་དང་། ངག་གི་སྐྱོན་རྣམ་པར་འཇིག་པས་ནམ་མཁའ་ལྟར་གྱུར་པ་ཞེས་བྱ་བའི་ཏིང་ངེ་འཛིན་དང་།། ནམ་མཁའ་ལྟར་ཆགས་པ་མེད་ལ་རྣམ་པར་གྲོལ་བ་ལས་རྣམ་པར་གྲོལ་ནི་གོས་པ་མེད་པ་ནས་ཡོད་དོ། ། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཏིང་ངེ་འཛིན་གང་དག་ལ་གནས་ན།། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་ནི་འདི་དག་ཡིན་ནོ། ། དེ་ནས་ཚེ་དང་ལྡན་པ་རབ་འབྱོར་གྱིས་ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། ། ཨ་ལ་ལ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཏིང་ངེ་འཛིན་འདི་དག་ལ་གནས་པ་དེ་ནི། སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཡིན་ལ། ད་ལྟར་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་འཚོ་ཞིང་བཞུགས་པའི་དེ་བཞིན་གཤེགས་པ་དེ་དག་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལ་ལུང་སྟོན་པར་རིག་པར་བྱ་སྟེ།། ཏིང་ངེ་འཛིན་གང་ཡང་དག་པར་རྗེས་སུ་མི་མཐོང་ཞིང་།། བྱང་ཆུབ་སེམས་དཔའ་འདི་དག་ནི་སྙོམས་པར་མ་ཞུགས་པ་དག་གོ། ། བདག་ནི་སྙོམས་པར་ཞུགས་པའོ།། སྙོམས་པར་འཇུག་གོ། སྙོམས་པར་འཇུག་པར་འགྱུར་རོ་སྙམ་དུ་ཏིང་ངེ་འཛིན་དེ་དག་གིས་ཀྱང་རློམ་སེམས་སུའང་མི་བྱེད་ལ། རྣམ་པར་རྟོག་པ་དེ་དག་ཐམས་ཅད་དེ་ལ་མེད་ཅིང་མི་འབྱུང་ངོ་། ། དེ་སྐད་ཅེས་སྨྲས་པ་དང་།། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་སྔོན་གྱི་དེ་བཞིན་གཤེགས་པ་རྣམས་དང་། ད་ལྟར་ན་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླང་གི་བྱེ་མ་སྙེད་དག་ན། དེ་བཞིན་གཤེགས་པ་གང་དག་འཚོ་ཞིང་བཞུགས་པ་དག་གིས་ལུང་བསྟན་པར་རིག་པར་བྱ་བ་འམ། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་མ་ཡིན་ནོ།། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་ཤེས་རབ་ཀྱི་ཕ་རོལ་ཏུ་ཕྱིན་པའང་གཞན་ཞིག། ཏིང་ངེ་འཛིན་རྣམས་ཀྱང་གཞན་ལ། བྱང་ཆུབ་སེམས་དཔའ་སེམས་དཔའ་ཆེན་པོའང་གཞན་མ་ཡིན་གྱི། བྱང་ཆུབ་སེམས་དཔའ་ཉིད་ཀྱང་ཏིང་ངེ་འཛིན་ཡིན་ལ། ཏིང་ངེ་འཛིན་ཉིད་ཀྱང་བྱང་ཆུབ་སེམས་དཔའ་ཡིན་ཏེ། བྱང་ཆུབ་སེམས་དཔའ་དང་། ཏིང་ངེ་འཛིན་དང་། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་པའི་ཕྱིར་རོ། ། སྨྲས་པ། ཚེ་དང་ལྡན་པ་རབ་འབྱོར་གལ་ཏེ་ཏིང་ངེ་འཛིན་ཀྱང་གཞན་ལ། བྱང་ཆུབ་སེམས་དཔའ་ཡང་གཞན་མ་ཡིན་ཏེ། ཏིང་ངེ་འཛིན་ཉིད་ཀྱང་བྱང་ཆུབ་སེམས་དཔའ་ཡིན། བྱང་ཆུབ་སེམས་དཔའ་ཉིད་ཀྱང་ཏིང་ངེ་འཛིན་ཡིན་ལ། ཏིང་ངེ་འཛིན་དང་། བྱང་ཆུབ་སེམས་དཔའ་གང་དེ་གཉིས་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ན་ནི་དེ་ལྟར་ན་ཏིང་ངེ་འཛིན་གྱི་ཆོས་ཐམས་ཅད་མཉམ་པ་ཉིད་མི་ཤེས་ཤིང་ཀུན་ཏུ་ཤེས་པའང་མེད་པར་འགྱུར་རོ། ། ཧཱུཾ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེ་ཉིད་ཀྱིས་ན། ཆུབ་སེམས་དཔའ་སེམས་དཔའ་ཆེན་པོའི་ཏིང་ངེ་འཛིན་དེས་ཆོས་ཐམས་ཅད་མཉམ་པ་ཉིད་མི་ཤེས་ཤིང་ཀུན་ཏུ་ཤེས་པའང་མེད་དོ།། དེ་ཅིའི་ཕྱིར་ཞེ་ན། སྨྲས་པ། བྱང་ཆུབ་སེམས་དཔའ་དེ་དང་། ཏིང་ངེ་འཛིན་དེ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དེ་མེད་པ་ཉིད་ཀྱི་ཕྱིར་མི་ཤེས་ཤིང་ཀུན་ཏུ་ཤེས་པའང་མེད་དོ།། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་ལེགས་སོ་ཞེས་བྱ་བ་བྱིན་ཏེ། རབ་འབྱོར་ལེགས་སོ་ལེགས་སོ།། ཁྱོད་ཀྱིས་ཚིག་འདི་ནི་ལེགས་པར་སྨྲས་སོ།། འདི་ལྟར་ཁྱོད་ངས་ཉན་ཐོས་ཉོན་མོངས་པ་མེད་པར་གནས་པ་རྣམས་ཀྱི་མཆོག་ཏུ་བསྟན་པ་དེ་ལ། ལུང་ཕོག་པ་འདི་ལ་ཁྱོད་ཀྱི་ཚུལ་དང་འཐུན་པ་ཡིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། ། བསམ་གཏན་གྱི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་ལ་དེ་ལྟར་བསླབ་པར་བྱའོ། ། དེ་བཞིན་དུ་དྲན་པ་ཉེ་བར་གཞག་པ་རྣམས་ལ་དེ་ལྟར་བསླབ་པར་བྱ་བ་ནས། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བཅུ་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་དེ་ལྟར་བསླབ་པར་བྱའོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏི་བུས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ཡིན་ཏེ། དེའང་མི་དམིགས་པའི་ཚུལ་གྱིས་སློབ་བོ། ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལ་སློབ་པ་ཡིན་ཞིང་། དེ་བཞིན་དུ་སྦྱར་ཏེ། དེ་ལྟར་སློབ་ན་དྲན་པ་ཉེ་བར་གཞོག་པ་རྣམས་ཀྱི་བར་ལ་སློབ་པ་ཡིན་པ་ནས། དེ་ལྟར་སློབ་ན་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལ་སློབ་པ་ཡིན་ཏེ། དེའང་མི་དམིགས་པའི་ཚུལ་གྱིས་སློབ་བོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། ། བཙུན་པ་བཅོ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ལགས་ཤིང་། དེའང་མི་དམིགས་པའི་ཚུལ་གྱིས་སློབ་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་མི་དམིགས་པའི་ཚུལ་གྱིས་སློབ་པ་ཡིན། ནོ།། གསོལ་པ། བཙུན་པ་བཅོམ་ལྡན་འདས་ཅི་ཞིག་མི་དམིགས་ལགས། བཅོམ་ལྡན་འདས་ཀྱི་བཀའ་སྩལ་པ། ཤིན་ཏུ་རྣམ་པར་དག་པའི་ཕྱིར། བདག་མི་དམིགས་སེམས་ཅན་མི་དམིགས་པ་ནས། ཤེས་པ་པོ་དང་མཐོང་བ་པོའི་བར་དུ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ཕུང་པོ་རྣམས་མི་དམིགས་ཁམས་རྣམས་མ་དམིགས། སྐྱེ་མཆེད་རྣམས་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། མ་རིག་པ་མི་དམིགས་པ་ནས། རྒ་ཤིའི་བར་དུ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། སྡུག་བསྔལ་མི་དམིགས། ཀུན་འབྱུང་དང་། འགོག་པ་དང་། ལམ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། འདོད་པའི་ཁམས་མི་དམིགས། གཟུགས་ཀྱི་ཁམས་མི་དམིགས། གཟུགས་མེད་པའི་ཁམས་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། དྲན་པ་ཉེ་བར་གཞག་པ་རྣམས་མི་དམིགས་པ་ནས། འཕགས་པའི་ལམ་ཡན་ལག་བརྒྱད་པའི་བར་དུ་མི་དམིགས་སོ།། དེ་བཞིན་ཤིན་ཏུ་རྣམ་པར་དག་པའི་ཕྱིར། དེ་བཞིན་གཤེགས་པའི་སྟོབས་བཅུ་མི་དམིགས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མི་དམིགས་སོ། ། ཤིན་ཏུ་རྣམ་པར་དག་པའི་ཕྱིར། ཕ་རོལ་ཏུ་ཕྱིན་པ་དྲུག་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། རྒྱུན་དུ་ཞུགས་པ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པར་ཕྱིར། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། རང་སངས་རྒྱས་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། བྱང་ཆུབ་སེམས་དཔའ་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར།། དེ་བཞིན་གཤེགས་པ་མི་དམིགས་སོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་རྣམ་པར་དག་པ་དེ་གང་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་ཐམས་ཅད་སྐྱེ་བ་མེད་པ་དང་། དེ་བཞིན་དུ་འགག་པ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་དང་། འབྱུང་བ་མེད་པ་དང་། དམིགས་སུ་མེད་པ་དང་། ཆོས་ཐམས་ཅད་མངོན་པར་འདུ་བྱེད་པ་མེད་པ་དེ་ནི་རྣམ་པར་དག་པ་ཡིན། གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ན། ཆོས་གང་དག་ལ་བསླབ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་སློབ་པ་ན། ཆོས་གང་ལའང་སླབ་པ་མེད་དོ།། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་ཇི་ལྟར་བྱིས་པ་སོ་སོའི་སྐྱེ་བོ་འདི་དག་མངོན་པར་ཞེན་པ་དེ་ལྟར་ཆོས་འདི་དག་མེད་པའི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་ཇི་ལྟར་ན་ཆོས་འདི་དག་ཇི་ལྟར་བྱིས་པ་སོ་སོའི་སྐྱེ་བོ་འདི་དག་མངོན་པར་ཞེན་པ་དེ་ལྟར་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་མེད་པ་དེ་ལྟར་ཡོད་ལ། དེ་ལྟར་མེད་པས་མ་རིག་པ་ཞེས་བྱའོ། ། བཙུན་པ་བཅོམ་ལྡན་འདས་ཅིའི་སླད་དུ་དེ་དག་མ་མཆིས་པ་ལགས་པ་ལ། མ་རིག་པ་ཞེས་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ནང་སྟོང་པ་ཉིད་ཀྱི་ཕྱིར་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་གཟུགས་མེད་དོ།། དེ་བཞིན་དུ་ནང་སྟོང་པ་ཉིད་ཀྱི་ཕྱིར་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མེད་དོ།། དེ་བཞིན་དུ་ནང་སྟོང་པ་ཉིད་ཀྱི་ཕྱིར་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར། དྲན་པ་ཉེ། བར་གཞག་པ་རྣམས་མེད་ཅིང་མི་དམིགས་སོ།། དེ་བཞིན་དུ་སྦྱར་ཏེ། ནང་སྟོང་པ་ཉིད་ཀྱི་བར་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མེད་ན། དེ་ལ་བྱིས་པ་སོ་སོའི་སྐྱེ་བོ་མ་རིག་པ་དང་། སྲེད་པའི་དབང་གིས་མངོན་པར་ཞེན་པ་དེ་དག་གིས་མངོན་པར་ཞེན་ནས། ཡོད་པ་མ་ཡིན་པ་ལ་ཡོད་པར་བརྟགས་སོ།། དེ་དག་ནི་འདི་ལྟ་སྟེ། རྟག་པ་དང་ཆད་པའི་མཐའ་གཉིས་ལ་ཆགས་པས།། དེ་དག་ནི་མི་ཤེས་མི་མཐོང་བ་སྟེ། ཆོས་གང་དག་མེད་པ་དེ་དག་ལ་ཀུན་ཏུ་རྟོག་པར་བྱེད་དོ།། བརྟགས་ནས་ཀྱང་མིང་གདང་གཟུགས་ལ་མངོན་པར་ཞེན་པ་ནས། དེ་བནན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མངོན་པར་ཞེན་ཏོ།། དེ་དག་མངོན་པར་ཞེན་པ་ཉིད་ཡིན་པས་ན། ཡོངས་མ་ཡིན་པའི་ཆོས་རྣམས་ལ་ཡོངས་སུ་རྟོག་པར་བྱེད་པའི་ཕྱིར། དེ་དག་ན་མི་ཤེས་མི་མཐོང་བ་དག་ཡིན་ནོ།། དེ་དག་ཅི་ཞིག་མི་ཤེས་མི་མཐོང་ཞེ་ན། གཟུགས་མི་ཤེས་མི་མཐོང་ངོ་།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་ཤེས་མི་མཐོང་ངོ་།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་མི་ཤེས་མི་མཐོང་ངོ་། ། གང་གི་ཕྱིར་མི་ཤེས་མི་མཐོང་བ་དེའི་ཕྱིར། བྱིས་པ་སོ་སོའི་སྐྱེ་བོ་རྣམས་ཞེས་བྱ་བའི་གྲངས་སུ་འགྲོའོ།། དེ་དག་ནི་ངེས་པར་འབྱུང་བ་མ་ཡིན་ཏེ། གང་ནས་ངེས་པར་འབྱུང་བ་མ་ཡིན་ཞེ་ན། འདོད་པའི་ཁམས་ནས་ངེས་པར་འབྱུང་བ་མ་ཡིན་ནོ།། དེ་བཞིན་དུ་གཟུགས་ཀྱི་ཁམས་དང་།། གཟུགས་མེད་པའི་ཁམས་ནས་ངེས་པར་འབྱུང་བ་མ་ཡིན་ནོ།། ཉན་ཐོས་དང་རང་སངས་རྒྱས་ཀྱི་ཆོས་རྣམས་སུ་ངེས་པར་འབྱུང་བ་མ་ཡིན་ནོ།། བྱང་ཆུབ་སེམས་དཔའི་ཆོས་རྣམས་སུ་ངེས་པར་འབྱུང་བ་མ་ཡིན་ནོ།། ཡང་དག་པར་རྫོགས་པའི་སངས་རྒྱས་ཀྱི་ཆོས་རྣམས་སུ་ངེས་པར་འབྱུང་བ་མ་ཡིན་ནོ། ། དེ་དག་ནི་ཡིད་མི་ཆེས་པ་དག་ཡིན་ཏེ། གཟུགས་སྟོང་པ་ཉིད་དུ་ཡིད་མི་ཆེས་སོ།། དེ་བཞིན་དུ་ཚོར་བ་སྟོང་པ་ཉིད་དང་། འདུ་ཤེས་སྟོང་པ་ཉིད་དང་། འདུ་བྱེད་རྣམས་སྟོང་པ་ཉིད་དང་། རྣམ་པར་ཤེས་པ་སྟོང་པ་ཉིད་དུ་ཡིད་མི་ཆེས་པ་ནས། སངས་རྒྱས་ཀྱི་ཆོས་རྣམས་ཀྱི་བར་ལ་ཡིད་མི་ཆེས་སོ།། ཡང་དེ་དག་ནི་མི་གནས་པ་དག་ཡིན་ཏེ། གང་ལ་མི་གནས་ཤེ་ན། སྦྱིན་པའི་ཕ་རོལ་ཏུ་ཕྱིན་པ་ལ་མི་གནས་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་མི་གནས་སོ།། ཕྱིར་མི་ལྡོན་པའི་ས་ལ་མི་གནས་ཤིང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མི་གནས་ཏེ། རྒྱུ་དེས་ན་བྱིས་པ་སོ་སོའི་སྐྱེ་བོ་ཞེས་བྱ།། མངོན་པར་ཞེན་པ་ཞེས་བྱའོ།། ཅི་ཞིག་ལ་མངོན་པར་ཞེན་པ་ཡིན་ཞིང་། དེ་དག་གང་ལ་མངོན་པར་ཞེན་པ་ཡིན་ཞེ་ན། གཟུགས་ལ་མངོན་པར་ཞེན་པ་ནས། རྣམ་པར་ཤེས་པའི་བར་ལ་མངོན་པར་ཞེན་ཏོ།། དེ་བཞིན་དུ་མིག་ལ་མངོན་པར་ཞེན་པ་ནས། དེ་བཞིན་དུ་ཡིད་ཀྱི་བར་ལ་མངོན་པར་ཞེན་ཏོ།། གཟུགས་དང་། སྒྲ་དང་། དྲི་དང་། རོ་དང་། རེག་དང་། ཆོས་རྣམས་ལ་མངོན་པར་ཞེན་ཏོ།། བཞིན་དུ་ཁམས་རྣམས་ལ་མངོན་པར་ཞེན་ཏོ།། འདོད་ཆགས་དང་། ཞེ་སྡང་དང་། གཏི་མུག་རྣམས་ལ་མངོན་པར་ཞེན་ཏོ།། ལྟ་བར་གྱུར་པ་རྣམས་ལ་མངོན་པར་ཞེན་ཏོ།། དྲན་པ་ཉེ་བར་གཞག་པ་རྣམས་ལ་མངོན་པར་ཞེན་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མངོན་པར་ཞེན་ཏོ།། དེ་སྐད་ཅེས་བཀའ་སྩལ་པ་དང་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་དེ་ལྟར་སློབ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ལགས་ཤིང་། ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་ལགས་མོད། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་དེ་ལྟར་སློབ་པ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ཡིན་ཞིང་། ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ཡིན་ནོ།། གསོལ་པ། བཙུན་པ་བཅོམ་ལྡན་འདས་འོ་ན་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མི་མཁས་པས། ཤེས་རབ་ཀྱི་ཕ་རོལ་ཏུ་ཕྱིན་པ་ལ་རྟོག་པར་བྱེད་ཅིང་མངོན་པར་ཞེན་ཏོ། ། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་ལ་རྟོག་པར་བྱེད་ཅིང་མངོན་པར་ཞེན་ཏོ།། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྟོག་པར་བྱེད་ཅིང་མངོན་པར་ཞེན་ཏོ། ། མངོན་པར་ཞེན་ནས་ཀྱང་ཐམས་ཅད་མཁྱེན་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་དུ་རྟོག་པར་བྱེད་དོ།། ཡོངས་སུ་བརྟགས་ནས་ཀྱང་ཐམས་ཅད་མཁྱེན་པ་ཉིད་ལ་མངོན་པར་ཞེན་པར་བྱེད་དེ། ཤཱ་ར་དྭ་ཏིའི་བུ་རྣམ་གྲངས་དེས་ན། བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ཡིན་ནོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་དེ་ལྟར་སློབ་ན། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ལགས་ཤིང་། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ལགས་མོད། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་དེ་ལྟར་སློབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་མ་ཡིན་ནོ།། གསོལ་པ། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བགྱི་ཞིང་། བྱང་ཆུབ་སེམས་དཔའ་སེམས་དཔའ་ཆེན་པོ་ཇི་ལྟར་སློབ་ན། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་ཆུ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་ཡང་དག་པར་རྗེས་སུ་མི་མཐོང་ན། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ། མི་དམིགས་པའི་ཚུལ་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་ཅིང་། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་ཡིན་ནོ།། མི་དམིགས་པའང་གང་ཞེ་ན། གང་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན། སྦྱིན་པའི་ཕ་རོལ་ཏུ་ཕྱིན་པ་དེ་ཉིད་མི་དམིགས་པ་ནསདེ་བཞིན་དུ་སྦྱར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་སྤྱོད་པ་ན། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དེ་ཉིད་མི་དམིགས་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་དམིགས་པ་སྟེ། ཤཱ་ར་དྭ་ཏིའི་བུ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། མི་དམིགས་པའི་ཚུལ་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སློབ་པ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བ་ཡིན་ནོ།། བཙུན་པ་བཅོམ་ལྡན་འདས་ཅི་ཞིག་མི་དམིགས་པའི་ཚུལ་གྱིས་ངེས་པར་འབྱུང་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ནང་སྟོང་པ་ཉིད་མི་དམིགས་པའི་ཚུལ་དང་། དེ་བཞིན་དུ་སྦྱར་ཏེ། ཆོས་ཐམས་ཅད་སྟོང་པ་ཉིད་ཀྱི་བར་དུ་མི་དམིགས་པའི་ཚུལ་གྱི་ངེས་པར་འབྱུང་ངོ་། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བརྫུན་པ་བཅོམ་ལྡན་འདས་ཐེག་པ་ངེས་གང་ནས་ངེས་པར་འབྱུང་བར་འགྱུར། ཐེག་པ་དེ་གང་དུ་གནས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེས་ནི་ཁམས་གསུམ་ནས་ངེས་པར་འབྱུང་བར་གྱུར་ཞིང་རྣམ་པ་ཐམས་ཅད་མཁྱེན་པ་ཉིད་ག་ལ་བ་དེར་ངེས་པར་འབྱུང་བར་འགྱུར་ཏེ། དེ་ཉིད་དུ་གནས་པར་འགྱུར་ལ། དེའང་གཉིས་སུ་མེད་པའི་ཚུལ་གྱིས་སོ།། དེ་ཅིའི་ཕྱིར་ཞེ་ན། འདི་ལྟར་ཐེག་པ་ཆེན་པོ་གང་ཡིན་པ་དང་། རྣམ་པ་ཐམས་ཅད་མཁྱེན་པ་ཉིད་གང་ཡིན་པའི་ཆོས་དེ་གཉིས་ཀ་དང་ལྡན་པའང་མ་ཡིན།། མི་ལྡན་པའང་མ་ཡིན་ཞིང་། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་གཅིག་པའི་ཕྱིར་རོ།། དེ་ཅིའི་ཕྱིར་ཞེ་ན། རབ་འབྱོར་མཚན་ཉིད་མེད་པའི་ཆོས་རྣམས་ནི་ངེས་པར་མི་འབྱུང་ངོ་།། ངེས་པར་འབྱུང་བར་མི་འགྱུར། ངེས་པར་མི་འབྱུང་བའི་ཕྱིར་རོ།། དེ་ཅིའི་ཕྱིར་ཞེ་ན། གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི། ཆོས་ཀྱི་དབྱིངས་ལ་ངེས་པར་འབྱུང་བར་འདོད་དུ་ཟད་དོ། ། དེ་བཞིན་དུ་གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི། དེ་བཞིན་ཉིད་ལ་ངེས་པར་འབྱུང་བར་འདོད་དུ་ཟད་ཅིང་། དེ་ནི་ཡང་དག་པའི་མཐའ་ལ་ངས་པར་འབྱུང་བར་འདོད་དུ་ཟད་དོ། ། དེ་བཞིན་དུ་གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི། བསམ་གྱིས་མི་ཁྱབ་པའི་དབྱིངས་ལ་པར་འབྱུང་བར་འདོད་དུ་ད་དོ། ། གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི།། གྲུབ་པ་དང་བདེ་བ་ལ་ངེས་པར་འབྱུང་བར་འདོད་དུ་ཟད་དེ། གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི། སྤོང་བའི་ཁམས་ལ་ངེས་པར་འབྱུང་བར་འདོད་དུ་ཟད་དོ།། དེ་བཞིན་དུ་སྦྱར་ཏེ། མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི། འདོད་ཆགས་དང་བྲལ་བའི་དབྱིངས་དང་། འགོག་པའི་དབྱིངས་དང་། གཟུགས་ཀྱི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དེ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། རབ་འབྱོར་གཟུགས་ཀྱི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལ་གནས་པ་མ་ཡིན་པའི་ཕྱིར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པའི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལ་གནས་པར་མི་འགྱུར་རོ།། དེ་ཅིའི་ཕྱིར་ཞེ་ན། འདི་ལྟར་གཟུགས་ནི་གཟུགས་ཀྱིས་སྟོང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པས་སྟོང་པའི་ཕྱིར་རོ།། རབ་འབྱོར་གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་དེ་ནི། ། མིག་གི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ།། དེ་བཞིན་དུ་སྦྱར་ཏེ་ངེས་པར་འབྱུང་བར་འདོད་པ་དེ་ནི་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ནས། དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་མིག་གི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བར་མི་འགྱུར་ཞིང་། རྣམ་པ་ཐམས་ཅད་མཁྱེན་པ་ཉིད་ལ་གནས་པ་མ་ཡིན་པའི་ཕྱིར་རོ།། དེ་བཞིན་དུ་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་གྱི་སྟོང་པ་ཉིད་ནི་ཁམས་གསུམ་ནས་ངེས་པར་འབྱུང་བར་མི་འགྱུར་ཞིང་། རྣམ་པ་ཐམས་ཅད་མཁྱེན་པ་ཉིད་ལ་གནས་པའང་མ་ཡིན་པའི་ཕྱིར་རོ། ། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་མིག་ནི་མིག་གིས་སྟོང་པ་ནས། དེ་བཞིན་དུ་སྦྱར་ཏེ། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་དུ་སྤོང་བ་དང་། དེ་བཞིན་དུ། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བས་སྤོང་པའི་ཕྱིར་རོ།། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པ་འབྱུང་བར་འདོད་པ་གང་ཡིན་པ་དེ་ན། རྨི་ལམ་ལ་ངེས་པར་འབྱུང་བར་འདོད་དུ་ཟད་དོ།། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། སྒྱུ་མ་དང་། སྨིག་རྒྱུ་དང་། བྲག་ཆ་དང་། མིག་ཡོར་དང་། དེ་བཞིན་གཤེགས་པའི་སྤྲུལ་པ་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་རྨི་ལམ་གྱི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ།། དེ་བཞིན་དུ་རྨི་ལམ་གྱི་ངོ་བོ་ཉིད་དང་། སྒྱུ་མ་དང་། སྨིག་རྒྱུ་དང་། བྲག་ཆ་དང་། མིག་ཡོར་དང་། དེ་བཞིན་གཤེགས་པའི་སྤྲུལ་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ། ། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་རྨི་ལམ་གྱི་ངོ་བོ་ཉིད་ནི་རྨི་ལམ་གྱི་ངོ་བོ་ཉིད་ཀྱིས་སྤོང་ཞིང་། དེ་བཞིན་དུ་སྦྱར་ཏེ། སྒྱུ་མའི་ངོ་བོ་ཉིད་དང་། སྨིག་རྒྱུ་དང་། བྲག་ཆ་དང་། མིག་ཡོར་དང་། དེ་བཞིན་གཤེགས་པའི་སྤྲུལ་པའི་ངོ་བོ་ཉིད་ཀྱི་བར་ནི་དེ་བཞིན་གཤེགས་པའི་སྤྲུལ་པའི་ངོ་བོ་ཉིད་ཀྱི་བར་གྱིས་སྟོང་པའི་ཕྱིར་རོ།། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། སྦྱིན་པའི་ཕ་རོལ་ཏུ་ཕྱིན་པ་ལ་ངེས་པར་འབྱུང་བར་འདོད་དུ་ཟད་དོ།། རབ་འབྱོར་དེ་བཞིན་དུ་གང་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ།། རབ་འབྱོར་དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལ་གནས་པ་མ་ཡིན་པའི་ཕྱིར་རོ། ། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ནི་སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱིས་སྟོང་ཞིང་། རབ་འབྱོར་དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱིས་སྟོང་པའི་ཕྱིར་རོ།། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། ནང་སྟོང་པ་ཉིད་ལ་ངེས་པར་འབྱུང་བར་འདོད་དུ་ཟད་དོ།། དེ་བཞིན་དུ་སྦྱར་ཏེ། མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ནང་སྟོང་པ་ཉིད་ཀྱི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི། ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ནང་སྟོང་པ་ཉིད་ནི་ནང་སྟོང་པ་ཉིད་ཀྱི་ངོ་བོ་ཉིད་ཀྱིས་སྟོང་ཞིང་། དེ་ལྟར་དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ནི་དངོས་པོ་མེད་པའི་ངོ་བོ་ཉིད་ཀྱིས་སྟོང་པའི་ཕྱིར་རོ།། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། དྲན་པ་ཉེ་བར་གཞག་པ་རྣམས་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་དྲན་པ་ཉེ་བར་གཞག་པ་རྣམས་ཀྱི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་དྲན་པ་ཉེ་བར་གཞག་པ་རྣམས་ཀྱི་ངོ་བོ་ཉིད་ནི་དྲན་པ་ཉེ་བར་གཞག་པའི་ངོ་བོ་ཉིད་ཀྱིས་སྟོང་པའི་ཕྱིར་རོ། ། དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་དང་། འཕགས་པའི་ལམ་ཡན་ལག་བརྒྱད་པ་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། འདི་ལྟར་དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་ངོ་བོ་ཉིད་གང་ཡིན་པ་དེ་ནི། ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ།། དེ་ཅིའི་ཕྱིར་ཞེ་ན། འདི་ལྟར་དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་གྱི་ངོ་བོ་ཉིད་ནི་འཕགས་པའི་ལམ་ཡན་ལག་བརྒྱད་པའི་ངོ་བོ་ཉིད་ཀྱིས་སྟོང་པའི་ཕྱིར་རོ།། དེ་བཞིན་དུ་སྦྱར་ཏེ། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞིའི་བར་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་འཕགས་པའི་ལམ་ཡན་ལག་བརྒྱད་པར་བསྟན་པ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ། ། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། དགྲ་བཅོམ་པ་ཟག་པ་ཟད་པ་སྐྱེ་བར་འདོད་དུ་ཟད་དོ། ། དེ་བཞིན་དུ་སྦྱར་ཏེ། རབ་འབྱོར་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། རང་སངས་རྒྱས་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྐྱེ་བར་འདོད་དུ་ཟད་དོ། ། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་དེ་བཞིན་དུ་སྦྱར་ཏེ། དེ་བཞིན་གཤེགས་པའི་ངོ་བོ་ཉིད་ནི་ཁམས་གསུམ་ནས་ངེས་པར་འབྱུང་བ་མ་ཡིན་ཞིང་། རྣམ་པ་ཐམས་ཅད་མཁྱེན་པ་ཉིད་ལའང་གནས་པ་མ་ཡིན་པའི་ཕྱིར་རོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་དགྲ་བཅོམ་པ་ཟག་པ་ཟད་པའི་ངོ་བོ་ཉིད་ནི་དགྲ་བཅོམ་པའི་ངོ་བོ་ཉིད་ཀྱིས་སྟོང་། དེ་བཞིན་དུ་རང་སངས་རྒྱས་ཀྱི་ངོ་བོ་ཉིད་ནི་རང་སངས་རྒྱས་ཀྱི་ངོ་བོ་ཉིད་ཀྱིས་སྤོང་། དེ་བཞིན་གཤེགས་པའི་ངོ་བོ་ཉིད་ནི་དེ་བཞིན་གཤེགས་པའི་ངོ་བོ་ཉིད་ཀྱིས་སྟོང་པའི་ཕྱིར་རོ། ། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། རྒྱུན་དུ་ཞུགས་པའི་འབྲས་བུ་ལ་ངེས་པར་འབྱུང་བབར་འདོད་དུ་ཟད་དོ། ། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་བྱང་ཆུབ་དང་། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། དེ་བཞིན་དུ་སྦྱར་ཏེ་འཕགས་པའི་ལམ་ཡན་ལག་བརྒྱད་པར་ཇི་ལྟར་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ། ། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་འང་ཡིན་པ་དེ་ནི། མིང་ལ་ངེས་པར་འབྱུང་བར་འདོད་དུ་བད་དོ།། དེ་བཞིན་དུ་མཚན་ཉིད་མེ་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་དེ་ནི། 2་དང་ཐ་སྙད་དང་། བརྟགས་པ་ལ་ངེས་པར་འབྱུང་བར་འདོད་དུ་ཟད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་སྐར་མིང་གི་སྟོང་པ་ཉིད་གང་ཡིན་པ་དེ་མི་ཁམས་གསུམ་ནས་ངེས་པར་འཐུང་བམ་ཡིན་ནང། རྣམ་པ་ཐམས་ཅད་མཁྱེན་པ་ཉིད་ལགྲན་ས་པས་ཡིན་པའི་ཕྱིར་རོ།། ཅིའི་ཕྱིར་ཞེན། རབ་འབྱོར་འདི་སར་མིང་གི་སྟོང་པ་ཉིད་ན་མང་ཀྲི་སྟོང་པ་ཉིད་ཀྱིས་པ་ནས། དེ་བཞིན་དུ་གྱུར་ཏེ། བཏགས་པའི་ཆོས་ཀྱི་སྟོང་པ་ཉིད་ཀྱི་བར་ནི་བཏགས་པའི་ཆོས་ཀྱི་ངོ་བོ་ཉིད་ཀྱིས་སྤྱོང་པའི་ཕྱིར་རོ།། རབ་འབྱོར་དེ་བཞིན་དུ་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། སྐྱེ་བ་མེད་པ་ལ་ངེས་པར་འབྱུང་བར་འདོད་དུ་ཟད་དོ།། དེ་ལྟར་དེ་བཞིན་དུ་སྦྱར་ཏེ། རབ་འབྱོར་མཚན་ཉིད་མེད་པའི་ཆོས་རྣམས་ལ་ངེས་པར་འབྱུང་བར་འདོད་པ་གང་ཡིན་པ་དེ་ནི། འགག་པ་མེད་པ་དང་། མཚན་མ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་དང་། མངོན་པར་འདུ་བྱ་བ་མེད་པ་ལ་ངེས་པར་འབྱུང་བར་འདོད་དུ་ཟད་དོ། ། དེ་བཞིན་དུ་སྦྱར་ཏེ། མིང་གི་སྐབས་སུ་ཇི་ལྟར་བསྟན་པ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱ་སྟེ། རབ་འབྱོར་རྣམ་དེས་ན། ཐེག་པ་ཆེན་པོ་ནི་ཁམས་གསུམ་ནས་རྣམ་པ་ཐམས་ཅད་མཁྱེན་པ་ཉིད་གལ་བ་དེར་ངེས་པར་འབྱུང་བར་འགྱུར་ཞིང་། དེར་ཡང་མི་གཡོ་བའི་ཚུལ་གྱིས་གནས་སོ།། ཤེས་ར་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཏིང་ངེ་འཛིན་གྱི་ལེའུ་ཞེས་བྱ་སྟེ་བཅུ་གཉིས་པ་རྫོགས་སོ།། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བབམ་པོ་བཅུ་གསུམ་པ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ།། རབ་འབྱོར་འདི་སྐད་དུ་ཐེག་པ་དེ་གང་དུའང་གནས་པར་འགྱུར་བ་མེད་དོ། ། དེ་ཅིའི་ཕྱིར་ཞེན། རབ་འབྱོར་འདི་ལྟར་གནས་པ་དམིགས་སུ་མེད་པའི་ཕྱིར། ཆོས་ཐམས་ཅད་ནི་མི་གནས་པ་སྟེ། འོན་ཀྱང་ཐེག་པ་དེ་ནི་མི་གནས་པའི་ཚུལ་གྱིས་གནས་པར་འགྱུར་རབ་འབྱོར་དཔེར་ན་ཆོས་ཀྱི་དབྱིངས་ནི་གནས་པའང་མ་ཡིན། མི་གནས་པའང་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་དེའང་གནས་པའང་མ་ཡིན། མི་གནས་པའང་མ་ཡིན་། ། ལེའུ་གོང་མར་ཇི་སྐད་བསྟན་པ་དེ་ཁོ་ན་བཞིན་དུ་འདིར་ཡང་རྒྱ་ཆེར་སྦྱར་བར་བྱའོ།། རབ་འབྱོར་དཔེར་ན་སྐྱེ་བ་མེད་པ་ནི་གནས་པའང་མ་ཡིན། མི་གནས་པའང་མ་ཡིན་ནོ།། དེ་བཞིན་དུ་ཐེག་པ་དེ་ནི་གནས་པའང་མ་ཡིན། མི་གནས་པའང་མ་ཡིན་ནོ།། དེ་བཞིན་དུ་སྦྱར་ཏེ། འགག་པ་མེད་པ་དང་། མཚན་མ་མེད་པ་དང་། ཀུན་ནས་ཉོན་མོངས་པ་མེད་པ་དང་།། རྣམ་པར་བྱང་བ་མེད་པ་དང་། མངོན་པར་འདུ་བྱེད་པ་མེད་པ་ནི་གནས་པའང་མ་ཡིན། མི་གནས་པའང་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་དེའང་གནས་པའང་མ་ཡིན། མི་གནས་པའང་མ་ཡིན་ནོ།། དེ་ཅིའི་ཕྱིར་ཞེ་ན། རབ་འབྱོར་ཆོས་ཀྱི་དབྱིངས་ཀྱི་ངོ་བོ་ཉིད་ནི་གནས་པའང་མ་ཡིན། མི་གནས་པའང་མ་ཡིན་པའི་ཕྱིར་རོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ཆོས་ཀྱི་དབྱིངས་ཀྱི་ངོ་བོ་ཉིད་ནི་ཆོས་ཀྱི་དབྱིངས་ཀྱི་ངོ་བོ་ཉིད་ཀྱིས་སྟོང་པ་ནས། དེ་བཞིན་དུ་སྦྱར་ཏེ། མངོན་པར་འདུ་བྱེད་པ་མེད་པའི་བར་གྱི་ངོ་བོ་ཉིད་ནི་མངོན་པར་འདུ་བྱེད་པ་མེད་པའི་ངོ་བོ་ཉིད་ཀྱིས་སྟོང་སྟེ། རབ་འབྱོར་རྣམ་གྲངས་དེས་ན། ཐེག་པ་དེ་ནི་གང་དུའང་གནས་པར་འགྱུར་བ་མེད་དོ།། དེའང་མི་དམིགས་པའི་ཚུལ་གྱིས་སོ།། ཡང་རབ་འབྱོར་འདི་སྐད་དུ་ཐེག་པ་དེས་སུ་ཞིག་ངེས་པར་འབྱུང་བར་འགྱུར་ཞེས་ཟེར་བ་ནི། རབ་འབྱོར་ཐེག་པ་དེས་སུའང་ངེས་པར་འབྱུང་བར་འགྱུར་བ་མེད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ཐེག་པ་གང་ཡིན་པ་དེ་དང་། གང་ངེས་པར་འབྱུང་བར་འགྱུར་བ་དང་། གང་དུ་ངེས་པར་འབྱུང་བར་འགྱུར་བའི་ཆོས་དེ་དག་ཐམས་ཅད་མེད་ཅིང་མི་དམིགས་པའི་ཕྱིར་རོ།། དེ་ལྟར་ཆོས་ཐམས་ཅད་མེད་ཅིང་མི་དམིགས། ན། ཆོས་གང་ཞིག་གིས་སུ་ཞིག་ངེས་པར་འབྱུང་བར་འགྱུར། གང་དུ་ངེས་པར་འབྱུང་བར་འགྱུར། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་བདག་དང་། དེ་བཞིན་དུ་སྦྱར་ཏེ། ཤེས་པ་པོ་དང་མཐོང་བ་པོའི་བར་དུ་དམིགས་སུ་མེད་པའི་ཕྱིར། བདག་གཏན་མི་དམིགས་སོ།། དེ་བཞིན་དུ་སེམས་ཅན་དང་སྐྱེ་བ་པོ་ནས། དེ་བཞིན་དུ་སྦྱར་ཏེ། ཤེས་པ་པོ་དང་མཐོང་བ་པོའི་བར་དུ་གཏན་མི་དམིགས་པའི་ཕྱིར་རོ། ། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ཆོས་ཀྱི་དབྱིངས་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར་དེ་བཞིན་ཉིད་མི་དམིགས་སོ། ། ཡང་དག་པའི་མཐའ་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། བསམ་གྱིས་མི་ཁྱབ་པའི་དབྱིངས་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། ཕུང་པོ་དང་ཁམས་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། ཁམས་དང་སྐྱེ་མཆེད་རྣམས་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། སྦྱིན་པའི་ཕ་རོལ་ཏུ་ཕྱིན་པ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ནང་སྟོང་པ་ཉིད་མི་དམིགས་སོ། ། དེ་བཞིན་དུ་སྦྱར་ཏེ། ཤིན་ཏུ་རྣམ་པར་དག་པའི་ཕྱིར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། དྲན་པ་ཉེ་བར་གཞག་པ་རྣམས་མི་དམིགས་སོ།། དེ་བཞིན་དུ་སྦྱར་ཏེ། ཤིན་ཏུ་རྣམ་པར་དག་པའི་ཕྱིར། འཕགས་པའི་ལམ་ཡན་ལག་བརྒྱད་པའི་བར་དུ་མ་དམིགས་སོ། ། ཤིན་ཏུ་རྣམ་པར་དག་པའི་ཕྱིར། རྒྱུན་དུ་ཞུགས་པ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། རྒྱུན་དུ་ཞུགས་པའི་འབྲས་བུ་མི་དམིགས་སོ། ། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་དང་། རང་བྱང་ཆུབ་དང་། ཐ་ན་མེད་པ་ཡང་དག་པར་རྫོགས་པའི་བྱང་ཆུབ་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། རྣམ་པ་ཐམས་ཅད་མཁྱེན་པ་ཉིད་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། སྐྱེ་བ་མེད་པ་དང་། འགག་པ་མེད་པ་དང་། ཀུན་ནས་ཉོན་མོངས་པ་མེད་པ་དང་། རྣམ་པར་བྱང་བ་མེད་པ་དང་། མངོན་པར་འདུ་བྱ་བ་མེད་པ་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། སྔོན་གྱི་མཐའ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ཕྱི་མའི་མཐའ་དང་ད་ལྟར་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། འགྲོ་བ་དང་། མི་འགྲོ་བ་དང་། གནས་པ་དང་། སྐྱེ་བ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། འགྲིབ་པ་དང་འཕེལ་བ་མི་དམིགས་པའི་ཕྱིར་རོ།། ཞིག་དམིགས་སུ་མེད་པས་མི་དམིགས་ཤེ་ན། ཆོས་ཀྱི་དབྱིངས་དམིགས་སུ་མེད་པའི་ཕྱིར་མི་དམིགས་སོ།། དེ་ཅིའི་ཕྱིར་ཞེ་ན། རབ་འབྱོར་ཤིན་ཏུ་རྣམ་པར་དག་པའི་ཕྱིར། ཆོས་ཀྱི་། དབྱིངས་ནི་སུས་ཀྱང་མ་དམིགས། མི་དམིགས། གང་གིས་ཀྱང་དམིགས་པར་མི་འགྱུར་བའི་ཕྱིར་རོ།། དེ་བཞིན་དུ་སྦྱར་ཏེ། ཆོས་ཀྱི་དབྱིངས་དམིགས་སུ་མེད་པའི་ཕྱིར་དང་། དེ་བཞིན་ཉིད་དམིགས་སུ་མེད་པའི་ཕྱིར་དང་། ཡང་དག་པའི་མཐའ་དམིགས་སུ་མེད་པའི་ཕྱིར་དང་། སྟོང་པ་ཉིད་དམིགས་སུ་མེད་པའི་ཕྱིར་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དམིགས་སུ་མེད་པའི་ཕྱིར་མི་དམིགས་སོ། ། ནང་སྟོང་པ་ཉིད་དམིགས་སུ་མེད་པའི་ཕྱིར་མི་དམིགས་སོ།། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དམིགས་སུ་མེད་པས་མི་དམིགས་སོ།། དེ་བཞིན་དུ་དྲན་པ་ཉེ་བར་གཞག་པ་རྣམས་དམིགས་སུ་མེད་པས་མི་དམིགས་སོ། ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་དམིགས་སུ་མེད་པས་མི་དམིགས་སོ།། དེ་བཞིན་དུ་རྒྱུན་དུ་ཞུགས་པ་དམིགས་སུ་མེད་པས་མི་དམིགས་སོ། ། དེ་བཞིན་དུ་སྦྱར་ཏེ། ཡང་དག་པར་རྫོགས་པའི་སངས་རྒྱས་ཀྱི་བར་དུ་དམིགས་སུ་མེད་པས་མི་དམིགས་སོ།། དེ་བཞིན་དུ་རྒྱུན་དུ་ཞུགས་པའི་འབྲ་དམིགས་སུ་མེད་པས་མི་དམིགས་སོ། ། དེ་བཞིན་དུ་སྦྱར་ཏེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་བར་དུ་དམིགས་སུ་མེད་པས་མི་དམིགས་སོ།། དེ་བཞིན་དུ་སྐྱེ་བ་མེད་པ་དམིགས་སུ་མེད་པས་མི་དམིགས་སོ། ། ཤིན་ཏུ་རྣམ་པར་དག་པའི་ཕྱིར། མངོན་པར་འདུ་བྱེད་པ་མེད་པའི་བར་དུ་དམིགས་སུ་མེད་པས་མི་དམིགས་སོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་ཤིན་ཏུ་རྣམ་པར་དག་པའི་ཕྱིར། མངོན་པར་འདུ་བྱེད་པ་མེད་པ་དམིགས་སུ་མེད་པས་མི་དམིགས་སོ།། དེ་བཞིན་དུ་ས་དང་པོ་དམིགས་སུ་མེད་པས་མི་དམིགས་སོ།། ཤིན་ཏུ་རྣམ་པར་དག་པའི་ཕྱིར། ས་བཅུ་པའི་བར་དུ་དམིགས་སུ་མེད་པས་མི་དམིགས་སོ།། དེ་ལ་ས་བཅུ་པོ་དག་གང་ཞེ་ན། འདི་ལྟ་སྟེ། དཀར་པོ་རྣམ་པར་མཐོང་བའི་ས་དང་། རིགས་ཀྱིས་དང་། བརྒྱད་པའི་ས་དང་། མཐོང་བའི་ས་དང་། བསྲབས་པའི་ས་དང་། འདོད་ཆགས་དང་བྲལ་བའི་ས་དང་། བྱ་བ་བྱས་པའི་ས་དང་། རང་སངས་རྒྱས་ཀྱི་ས་དང་། བྱང་ཆུབ་སེམས་དཔའི་ས་དང་། ཡང་དག་པར་རྫོགས་པའི་སངས་རྒྱས་ཀྱི་ས་ཉིད་ནི་བཅུ་པའོ།། དེ་ལ་ནང་སྟོང་པ་ཉིད་ལ་ས་དང་པོ་དམིགས་སུ་མེད་དོ།། དེ་བཞིན་དུ་གཉིས་པ་དང་། གསུམ་པ་དང་། བཞི་པ་དང་། ལྔ་པ་དང་། དྲུག་པ་དང་། བདུན་པ་དང་། བརྒྱད་པ་དང་། དགུ་པ་དང་། བཅུ་པ་དམིགས་སུ་མེད་དོ།། དེ་བཞིན་དུ་སྦྱར་ཏེ། ཤིན་ཏུ་རྣམ་པར་དག་པའི་ཕྱིར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལས་དང་པོ་དམིགས་སུ་མེད་པ་ནས། ཤིན་ཏུ་རྣམ་པར་དག་པའི་ཕྱིར། ས་བཅུ་པའི་བར་དུ་དམིགས་སུ་མེད་དོ།། དེ་ཅིའི་ཕྱིར་ཞེ་ན། རབ་འབྱོར་ས་དང་པོ་ནི་སུས་ཀྱང་མ་དམིགས། མི་དམིགས་ཏེ། གང་གིས་ཀྱང་དམིགས་པར་མི་འགྱུར་བ་དང་། ཤིན་ཏུ་རྣམ་པར་དག་པའི་ཕྱིར། ས་བཅུ་པའི་དུས་སུའང་མ་དམིགས། མི་དམིགས་ལ། གང་གིས་ཀྱང་དམིགས་པར་མི་འགྱུར་བའི་ཕྱིར་རོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ནང་སྟོང་པ་ཉིད་ལ་སེམས་ཅན་ཡོངས་སུ་སྨིན་པར་བྱ་བ་མི་དམིགས་པ་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སེམས་ཅན་ཡོངས་སུ་སྨིན་པར་བྱ་བ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ནང་སྟོང་པ་ཉིད་ལ་སངས་རྒྱས་ཀྱི་ཞིང་ཡོངས་སུ་དག་པར་བྱ་བ་མི་དམིགས་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སངས་རྒྱས་ཀྱི་ཞིང་ཡོངས་སུ་དག་པར་བྱ་བ་མི་དམིགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་ཕྱིར། ནང་སྟོང་པ་ཉིད་ལ་མིག་ལྔ་མི་དམིགས་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་མིག་ལྔ་མི་དམིགས་སོ།། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཆོས་ཐམས་ཅད་མི་དམིགས་པའི་ཚུལ་གྱིས་ཐེག་པ་ཆེན་པོས་རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་བར་གྱུར་རོ། ། དེཀ་ཅེས་ཀླུ་སྩལ་པ་ང་། བཅཝོམ་ལྡན་འདས་ལ། མེདང་རྣ་འབྱོར་བྱ་ས་བཙུན་པ་བཅོམ་ལྡན་འདས་ཐེག་པ་ཆེན་པོ་ཐེག་པ་ཆེན་པོ་ཞེས་བགྱི་བ་འདི་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་ལགས་སོ།། བཙུན་པ་བཅོམ་ལྡན་འདས་བདག་གིས་བཅོམ་ལྡན་འདས་ཀྱིས་གསུངས་པའི་དོན་འཚལ་བ་ལྟར་ན། ཐེག་པ་དེ་ནི་ནམ་མཁའ་དང་མཉམ་པ་སྟེ། དཔེར་ན་ནམ་མཁའ་ལ་ནི་འོང་བ་དང་། འགྲེ་བ་དང་། གནས་པ་མི་མངོན་ལགས་སོ།། དེ་བཞིན་དུ་ཐེག་པ་ཆེན་པོ་དེའང་འོང་བ་དང་། འགྲོ་བ་དང་། གནས་པ་མི་མངོན་ལགས་སོ།། དཔེར་ན་ནམ་མཁའ་ལ་ནི་སྔོན་གྱི་མཐའ་མི་དམིགས་ཤིང་། ཕྱི་མའི་མཐའ་དང་། དབུས་མི་དམིགས་སོ།། དེ་བཞིན་དུ་ཐེག་པ་དེ་ལའང་སྔོན་གྱི་མཐའ་མི་དམིགས། ཕྱི་མའི་མཐའ་མི་དམིགས། དབུས་མི་དམིགས་ཏེ། དུས་གསུམ་ལས་ཡང་དག་པར་འདས་པས། དེའི་སླད་དུ་ཐེག་པ་དེ་ནི་ཐེག་པ་ཆེན་པོ་ཞེས་བགྱིའོ།། དེ་སྐད་ཅེས་གསོལ་པ་དང་།། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ། ། རབ་འབྱོར་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། ཐེག་པ་དེ་ནི་ནམ་མཁའ་དང་མཉམ་པ་སྟེ། དེས་ན་ཐེག་པ་ཆེན་པོས་ལྷ་དང་། མྱི་དང་། ལྷམ་ཡིན་དུ་བཅས་པའི་འཇིག་རྟེན་ཟི་ལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་བྱ་ཆུ་བ་སེམས་དཔའ་རྣམས་ཀྱི་ཟག་པ་དེ་ནཱི། འདི་ས་ཏེ། རོལ་ཏུ་ཕྱིན་པ་དྲུག་གོ།། དྲུག་གང་ཞེ་ན། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོ་ཞེས་བྱའོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདི་ལྟ་སྟེ། ནང་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་ཡིན་ནོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདི་ལྟ་སྟེ། གཟུངས་ཀྱི་སྒོ་ཐམས་ཅད་དང་། ཏིང་ངེ་འཛིན་གྱི་སྒོ་ཐམས་ཅད་དང་། ཏིང་ངེ་འཛིན་ཐམས་ཅད་དོ།། འདི་ལྟ་སྟེ། དཔའ་བར་འགྲོ་བའི་ཏིང་ངེ་འཛིན་དང་། དེ་བཞིན་དུ་སྦྱར་ཏེ། ནམ་མཁའ་ལྟར་ཆགས་པ་མེད་ཅིང་རྣམ་པར་གྲོལ་ལ་གོས་པ་མེད་པའི་ཏིང་ངེ་འཛིན་གྱི་བར་དག་ཡིན་ནོ། ། རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་ཐེག་པ་ཆེན་པོ་ནི། འདི་ལྟ་སྟེ། དྲན་པ་ཉེ་བར་གཞག་པ་བཞི་དང་། དེ་བཞིན་དུ་གྱུར་ཏེ། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བཅུ་དང་། དེ་བཞིན་དུ་སྦྱར་ཏེ། སངས་རྒྱས་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡིན་ནོ། ། ཡང་རབ་འབྱོར་འདི་སྐད་དུ་ཐེག་པ་དེ་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་པབར་འགྱུར་ཞེས་སྨྲས་པ་ལ། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་དེ་གང་ཞེ་ན། འདི་ལྟ་སྟེ། འདོད་པའི་ཁམས་དང་། གཟུགས་ཀྱི་ཁམས་དང་གཟུགས་མེད་པའི་ཁམས་སོ། ། རབ་འབྱོར་གལ་ཏེ་འདོད་པའི་ཁམས་དེ་བཞིན་དུ་གྱུར་ཏེ། མ་ནོར་བ་དང་། གཞན་མ་ཡིན་པ་དང་། ཕྱིན་ཅི་མ་ལོག་པ་དང་། ཡང་དག་པ་དང་། བདེན་པ་དང་། ཇི་ལྟ་བ་བཞིན་དང་། རྟག་པ་དང་། བརྟན་པ་དང་། ཐེར་ཟུག་དང་། མི་འགྱུར་བའི་ཆོས་ཅན་ཡིན་ལ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་འདོད་པའི་ཁམས་ནི་བརྟགས་པ། རྣམ་པར་བསྒྲུབས་པ། ཚིག་གིས་བསྟན་པ་སྟེ། མི་རྟག་མི་བརྟན་ཞིང་ཐེག་ཟུག་མ་ཡིན་ལ་འགྱུར་བའི་ཆོས་ཅན་ཏེ། དངོས་པོ་མེད་པའི་བར་དུ་ཡིན་པས། དེའི་ཕྱིར་ཐེག་པ་ཆེན་པོ་རབ་མཆོག་འདིས་ཞྭ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནནན་ས་ངེས་པར་འབྱུང་ངོ་།། རབ་འབྱོར་དེ་བཞིན་དུ་གཟུགས་ཀྱི་ཁམས་དང་། གཟུགས་མེད་པའི་ཁམས་ནས། དེ་བཞིན་དུ་སྦྱར་ཏེ། མ་ནོར་བ་དང་། གཞན་མ་ཡིན་པ་དང་། ཕྱིན་ཅི་མ་ལོག་པ་དང་། ཡང་དག་པ་དང་། བདེན་པ་དང་། ཇི་ལྟ་བ་བཞིན་དང་། རྟག་པ་དང་། རྟེན་པ་དང་། ཐེར་ཟུག་དང་། མི་འགྱུར་བའི་ཆོས་ཅན་ཡིན་ལ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་གཟུགས་ཀྱི་ཁམས་དང་། གཟུགས་མེད་པའི་ཁམས་ནི་བརྟགས་པ་མངོན་པར་བསྒྲུབས་པའི་ཚིག་གིས་བསྟན་པ་སྟེ། ཐམས་ཅད་མི་རྟག་མི་བརྟན་ཞིང་ཐེར་ཟུག་མ་ཡིན་ལ། འགྱུར་བའི་ཆོས་ཅན་ཏེ་དངོས་པོ་མེད་པས། དེའི་ཕྱིར་ཐེག་པ་ཆེན་པོ་རབ་མཆོག་འདིས་ཝཱ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་ངོ་།། རབ་འབྱོར་དེ་གལ་ཏེ་གཟུགས་དེ་བཞིན་དུ་གྱུར་ཏེ། མ་ནོར་བ་དང་། གཞན་མ་ཡིན་པ་དང་། ཕྱིན་ཅི་མ་ལོག་པ་དང་། ཡང་དག་པ་དང་། བདེན་པ་དང་། ཇི་ལྟ་བ་བཞིན་དང་། ཐམས་ཅད་རྟག་པ་དང་། བརྟན་པ་དང་། ཐེར་ཟུག་དང་། མི་འགྱུར་བའི་ཆོས་ཅན་ཡིན་ལ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་གཟུགས་བརྟགས་པ། རྣམ་པར་བསྒྲུབས་པ། ཚིག་གིས་བསྟན་པ་སྟེ། དེ་ཐམས་ཅད་མི་རྟག་མི་བརྟན་ཞིང་ཐེར་ཟུག་མ་ཡིན་ལ། འགྱུར་བའི་ཆོས་ཅན་ཏེ་དངོས་པོ་མེད་པས། དེའི་ཕྱིར་ཐེག་པ་ཆེན་པོ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལའང་གཟུགས་དང་ཇི་ལྟར་སྦྱར་བ་བཞིན་དུ་བྱའོ།། དེ་བཞིན་དུ་མི་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། དེ་བཞིན་དུ་གཟུགས་ཀྱི་སྐྱེ་མཆེད་དང་། སྒྲའི་སྐྱེ་མཆེད་དང་། དྲིའི་སྐྱེ་མཆེད་དང་། རོའི་སྐྱེ་མཆེད་དང་། རེག་བྱའི་སྐྱེ་མཆེད་དང་། ཆོས་ཀྱི་སྐྱེ་མཆེད་དང་། དེ་བཞིན་དུ་མིག་གི་རྣམ་པར་ཤེས་པ་དང་། དེ་བཞིན་དུ་མིག་གི་འདུས་ཏེ་རེག་པ་ནས། ཡིད་ཀྱི་བར་དང་། དེ་བཞིན་དུ་མིག་གི་འདུས་ཏེ་རེག་པ་ལས་བྱུང་བའི་ཚོར་བ་ནས། ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བའི་བར་དུ་མ་ནོར་བ་དང་། གཞན་མ་ཡིན་པ་དང་། ཕྱིན་ཅི་མ་ལོག་པ་དང་། ཡང་དག་པ་དང་། བདེན་པ་དང་། ཇི་ལྟ་བ་བཞིན་དང་། བརྟག་པ་དང་། བརྟན་པ་དང་། ཐེར་ཟུག་དང་། མི་འགྱུར་བའི་ཆོས་ཅན་ཡིན་ལ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་རབ་མཆོག་འདིས་སྒྲ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ནི་བརྟགས་པ་རྣམ་པར་བསྒྲུབ་པའི་ཚིག་གིས་བསྟན་པ་སྟེ། དེ་ཐམས་ཅད་མི་རྟག་མི་བརྟན་ཞིང་ཐེར་ཟུག་མ་ཡིན་ལ། འགྱུར་བའི་ཆོས་ཅན་གྱི་བར་དུ་ཡིན་ཏེ། དངོས་པོ་མེད་པས་དེའི་ཕྱིར་ཐེག་པ་ཆེན་པོ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་ཆོས་ཀྱི་དབྱིངས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི།། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་ཆོས་ཀྱི་དབྱིང་ནི་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། དེ་བཞིན་དུ་སྦྱར་ཏེ། རབ་འབྱོར་དེ་བཞིན་ཉིད་དངོས་པོ་ཞིག་ཡིན་ཏེ། དངོས་པོ་མེད་པ་མ་ཡིན་ལ། དེ་བཞིན་དུ་ཡང་དག་པའི་མཐའ་དང་། བསམ་གྱིས་མི་ཁྱབ་པའི་དབྱིངས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་དེ་བཞིན་ཉིད་དང་། ཡང་དག་པའི་མཐའ་དང་། བསམ་གྱིས་མི་ཁྱབ་པའི་དབྱིངས་ནི་དངོས་པོ་མེད་པས། དེའི་ཕྱིར་ཐེག་པ་ཆེ་པོ་ཐེག་པ་རང་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་སྦྱིན་པའི་ཕ་རོལ་ཏུ་ཕྱིན་པ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེབ་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་སྦྱིན་པའི་ཕ་རོལ་ཏུ་ཕྱིན་པ་ནི་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། ། རབ་འབྱོར་དེ་བཞིན་དུ་གལ་ཏེ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིར་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དངོས་པོ་ཡིན་ཏེ། དངོས་པོ་མེད་པ་མ་ཡིནན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་དྲན་པ་ཉེ་བར་གཞག་པ་རྣམས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི།། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་དྲན་པ་ཉེ་བར་གཞག་པ་རྣམས་དངོས་པོ་མེད་པས་དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། སྒྲ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། ། རབ་འབྱོར་གལ་ཏེ་ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་དང་། འཕགས་པའི་ལམ་ཡན་ལག་བརྒྱད་པ་དང་། དེ་བཞིན་དུ་སྦྱར་ཏེ། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ངག་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེབ་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་རིགས་ཀྱི་ཆོས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བཞིན་ན། རབ་འབྱོར་གང་གི་ཕྱིར་རིགས་ཀྱི་ཆོས་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། ། རབ་འབྱོར་དེ་བཞིན་དུ་གལ་ཏེ་བརྒྱད་པའི་ཆོས་རྣམས་དང་། རྒྱུན་དུ་ཞུགས་པའི་ཆོས་རྣམས་དང་། ལན་ཅིག་ཕྱིར་འོང་བའི་ཆོས་རྣམས་དང་། ཕྱིར་མི་འོང་བའི་ཆོས་རྣམས་དང་། དགྲ་བཅོམ་པའི་ཆོས་རྣམས་དང་། རང་སངས་རྒྱས་ཀྱི་ཆོས་རྣམས་དང་། བྱང་ཆུབ་སེམས་དཔའི་ཆོས་རྣམས་དང་། ཡང་དག་པར་རྫོགས་པའི་སངས་རྒྱས་ཀྱི་ཆོས་རྣམས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་ཡང་དག་པར་རྫོགས་པའི་སངས་རྒྱས་ཀྱི་བར་དུ་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འཐུང་བར་འགྱུར་རོ།། རབ་འབྱོར་གལ་ཏེ་རིགས་ཀྱི་སའི་གང་བག་རྣམས་དངོས་པ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ཞྭ་དང་། མྲི་དང་། རྣམ་ཡིན་དུ་བཅས་པའི་འཇིག་རྟེན་གྱིས་ཀྱིས་མན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་རིགས་ཀྱི་སའི་གང་ཟག་རྣམས་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མིང་ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། ། དེ་བཞིན་དུ་བརྒྱད་པའི་གང་ཟག་དང་། རྒྱུན་དུ་ཞུགས་པ་དང་ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། ཡང་དག་པར་རྫོགས་པའི་སངས་རྒྱས་ཀྱི་གང་ཟག་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་བརྒྱད་པའི་གང་ཟག་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གང་ཟག་གི་བར་དུ་དངོས་པོ་མ་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་ཞྭ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་དངོས་པོ། མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། རྣམ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ། བར་སྐབས་དེར་སེམས་གང་དང་གང་དག་བསྐྱེ་པ་དེ་དག་ཐམས་ཅད་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་ནས་བཟུང་སྟེ། བྱང་ཆུབ་ཀྱི་སྙིང་པོ་ལ་འདུག་གི་བར་དུ། བར་སྐབས་དེར་སེམས་གང་དང་གང་དག་བསྐྱེད་པ་དེ་དག་ཐམས་ཅད་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། ། རབ་འབྱོར་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོའི་རྡོ་རྗེ་ལྟ་བུའི་ཡེ་ཤེས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ཐེག་པ་ཆེན་པོ་ཐེག་པ་རབ་མཆོག་འདིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་བྱང་ཆུབ་སེམས་དཔའི་རྡོ་རྗེ་ལྟ་བུའི་ཡེ་ཤེས་དངོས་པོ་མེད་པས། དེའི་ཕྱིར་ཐེག་པ་ཆེན་པོ་ཐེག་པ་རབ་མཆོག་འདི་ལྔ་དང་། མི་དང་། ལྷ་མ་ཡིན་དུ་བཅས་པའི་འཆི་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ། ། རབ་འབྱོར་གལ་ཏེ་བྱང་ཆུབ་སེམས་དཔའ་སེམ་དཔའ་ཆེན་པོའི་རྡོ་རྗེ་ལྟ་བུའི་ཡེ་ཤེས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། བྱང་ཆུབ་སེམས་དཔའ་སེམས་དཔའ་ཆེན་པོས་བག་ཆགས་དང་། མཚམས་སྦྱོར་བ་ཐམས་ཅད་དང་། ཉོན་མོངས་པ་ཐམས་ཅད་དངོས་པོ་མེད་པར་རྟོགས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་པར་མི་འགྱུར་བ་ཞིག་ན། རབ་འབྱོར་གང་གི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོའི་རྡོ་རྗེ་ལྟ་བུའི་ཡེ་ཤེས་དངོས་པོ་མེད་པས། དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོས་བག་ཆགས་དང་། མཚམས་སྦྱོར་བ་ཐམས་ཅད་དང་། ཉོན་མོངས་པ་ཐམས་ཅད་དངོས་པོ་མེད་པར་མངོན་པར་རྟོགས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ཅིང་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ངེས་པར་འབྱུང་བར་འགྱུར་རོ།། རབ་འབྱོར་གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་གཟི་བརྗིད་དང་དཔལ་གྱིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་སྤ་ཞིང་མཛེས་པར་མི་འགྱུར་བ་ཞིག་ན། རབ་འབྱོར་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དངོས་པོ་མེད་པས། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་གཟི་བརྗིད་དང་དཔལ་གྱིས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས་ལྷམ་མེ་ལྷན་ནེ་ལྷང་ངེའོ།། རབ་འབྱོར་གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་འོད་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། ད་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་འོད་ཀྱིས་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ་ཁྱབ་པར་མི་འགྱུར་བ་ཞིག་ན། རབ་འབྱོར་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་འོད་དངོས་པོ་མེད་པས། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་འོད་ཀྱིས་འཇིག་རྟེན་གྱི་ཁ་མཱ་གངྒཱའི་ཀླུང་གི་བྱེ་མ་སྙེད་དག་ཏུ་ཁྱབ་བོ།། རབ་འབྱོར་གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། དེ་བཞིན་གཤེགས་པ་ད་གྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པའི་གསུང་གིས་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་དག་ཏུ་གོ་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པ་དངོས་པོ་མེད་པས། དེའི་པ་ཧཡིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་གསུང་ཡན་ལག་དྲུག་ཅུ་དང་ལྡན་པའི་གསུང་གིས་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད་པ་གྲངས་མེད་པ་དག་ཏུ་གོ་བར་འགྱུར་རོ། ། རབ་འབྱོར་གལ་ཏེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་འཁོར་ལོ་དངོས་པོ་ཡིན་ཏེ། དངོས་པོ་མེད་པ་མ་ཡིན་ན་ནི། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས། ལྗོན་དགེ་སྦྱོང་ངམ། བྲམ་ཟེའམ། ཚངས་པ་འམ། སུས་ཀྱང་ཞེས་བྱ་བའི་བར་གྱིས་འཇིག་རྟེན་དུ་ཆོས་དང་མཐུན་པར་མ་བསྐོར་བ་བསྐོར་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཆོས་ཀྱི་འཁོར་ལོ་དངོས་པོ་མེད་པས། དེའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སྔོན་དགེ་སྦྱོང་ངམ། བྲམ་ཟེ་འམ། སུས་ཀྱང་ཞེས་བྱ་བའི་བར་གྱིས་མ་བསྐོར་པའི་ཆོས་ཀྱི་འཁོར་ལོ་བསྐོར་ཏོ། ། རབ་འབྱོར་གལ་ཏེ་དེ་བཞིན་གཤེགས་པས་གང་གི་ཆེད་དུ་ཆོས་ཀྱི་འཁོར་ལོ་བསྐོར་བའི་སེམས་ཅན་ཐམས་ཅད་དངོམ་མ་ཡིན་ཏེ། དངོས་པོ་མེད་པ་མ་ཡིན་ན་ནི། དེ་བཞིན་གཤེགས་པས་སེམས་ཅན་དེ་དག་ཐམས་ཅད་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས། ཡོངས་སུ་མྱ་ངན་ལས་འདའ། ཡོངས་སུ་མྱ་ངན་ལས་འདའ་བར་མི་འགྱུར་བ་ཞིག་ན། རབ་འབྱོར་གང་གི་ཕྱིར་དེ་བཞིན་གཤེགས་པས་གང་དག་གི་ཆེད་དུ་ཆོས་ཀྱི་འཁོར་ལོ་བསྐོར་བའི་སེམས་ཅན་དེ་དག་དངོས་པོ་མེད་པས། དེའི་ཕྱིར་སེམས་ཅན་ཐམས་ཅད་ཕུང་པོའི་སྡུག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ། ། ཡོངས་སུ་མྱ་ངན་ལས་འདའ་འོ།། ཡོངས་སུ་མྱ་ངན་ལས་འདའ་བར་འགྱུར་རོ། ། རབ་འབྱོར་གང་ཡང་འདི་སྐད་དུ་ཐེག་པ་དེ་ནི་ནམ་མཁའ་དང་མཉམ་པ་ལགས་སོ་ཞེས་སྨྲས་པ་ནི། རབ་འབྱོར་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། ཐེག་པ་དེ་ནི་ནམ་མཁའ་དང་མཉམ་པ་ཡིན་ཏེ། རབ་འབྱོར་དཔེར་ན་ནམ་མཁའ་ལ་ནི་ཤར་ཕྱོགས་མངོན་པ་མེད་དོ།། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་མངོན་པ་མེད་དོ།། སྟེང་གི་ཕྱོགས་དང་།། འོག་གི་ཕྱོགས་དང་། ཕྱོགས་མཚམས་བཞིའང་མངོན་པ་མེད་དོ།། རབ་འབྱོར་དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་དེ་ལའང་ཤར་ཕྱོགས་མངོན་པ་མེ་ད་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་མངོན་པ་མེད་དོ།། སྟེང་གི་ཕྱོགས་དང་། འོག་གི་ཕྱོགས་མངོན་པ་མེདདུ། ཕྱོགས་མཚམས་མངོན་པ་མེད་དོ།། རབ་འབྱོར་དཔེར་ན་ནམ་མཁའ་ནི་རིང་པོ་མ་ཡིན། ཐུང་ངུ་མ་ཡིན། རྣམ་པ་མ་ཡིན། ཟླུམ་པོ་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་ཀྱང་རིང་པོ་མ་ཡིན། ཐུང་དུ་མ་ཡིན། ལྷམ་པ་མ་ཡིན། ཟླུམ་པོ་མ་ཡིན་ནོ།། རབ་འབྱོར་དཔེར་ན་ནམ་མཁའ་ནི་སྔོན་པོ་མ་ཡིན། སེར་པོ་མ་ཡིན། དཀར་པོ་མ་ཡིན། དམར་པོ་མ་ཡིན། བཙོད་ཁ་མ་ཡིན། སེར་སྐྱ་མ་ཡིན། ག་སེརཉྫ་བུ་མ་ཡིན། སྲེ་བོ་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་དེའང་སྔོན་པོ་མ་ཡིན། སེར་པོ་མ་ཡིན། དམར་པོ་མ་ཡིན། དཀར་པོ་མ་ཡིན། བཙོད་ཁ་མ་ཡིན། སེར་སྒྱུ་མ་ཡིན་གསེར་ལྟ་བུ་མ་ཡིན། སྲེ་བོ་མ་ཡིན་ཏེ། དེའི་ཕྱིར་ཐེག་པ་ཆེན་པོ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་འདས་པའང་མ་ཡིན། མ་འོངས་པའང་མ་ཡིན་དལྟར་བྱུང་བའང་མ་ཡིན་ནོ། ། རབ་འབྱོར་དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་དེའང་འདས་པའང་མ་ཡིན། མ་འོངས་པའང་མ་ཡིན། ད་ལྟར་བྱུང་བའང་མ་ཡིན་ཏེ། དེའི་ཕྱིར་ཐེག་པ་དེ་ནི། ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ལ་ནི་འགྲིབ་པ་མེད། འཕེལ་བ་མེད། ཡོངས་སུ་འབྲིབ་དམིགས་སུ་མེད་དོ།། རབ་འབྱོར་དེ་བཞིན་དུ་ཐེག་པ་ཆེན་པོ་ཐན་པ་རབ་མཆོག་དེ་ལའང་འགྲིབ་པ་མེད། འཕེལ་བ་མེད། ཡོངས་སུ་འགྲིབ་པ་དམིགས་སུ་མེད། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ལ་ནི་སྐྱེ་བ་མེད། འགག་པ་མེད། གནས་པ་མེད། གཞན་དུ་འགྱུར་བ་དམིགས་སུ་མེད་དོ།། རབ་འབྱོར་དེ་བཞིན་དུ་ཐེག་པ་དེ་ལའང་སྐྱེ་བ་མེད། འགག་པ་མེད། གནས་པ་མེད། གཞན་དུ་འགྱུར་བ་དམིགས་སུ་མེད་དོ།། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་དགེ་བ་མ་ཡིན། མི་དགེ་བ་མ་ཡིན། ལུང་དུ་བསྟན་དུ་ཡོད་པ་མ་ཡིན། ལུང་དུ་མ་བསྟན་པ་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་དེའང་དགེ་བ་མ་ཡིན། མི་དགེ་བ་མ་ཡིན། ལུང་དུ་བསྟན་དུ་ཡོད་པ་མ་ཡིན། ལུང་དུ་མ་བསྟན་པ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་མཐོང་བ་མ་ཡིན། ཐོས་པ་མ་ཡིན། དྲན་པ་མ་ཡིན། རྣམ་པར་ཤེས་པ་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོའང་མཐོང་བ་མ་ཡིན། ཐོས་པ་མ་ཡིན། དྲན་པའང་མ་ཡིན། རྣམ་པར་ཤེས་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་ཤེས་པར་བྱ་བ་མ་ཡིན། མངོན་པར་ཤེས་པར་བྱ་བ་མ་ཡིན། ཡོངས་སུ་ཤེས་པར་བྱ་བ་མ་ཡིན་ཏེ། སྤང་བར་བྱ་བ་མ་ཡིན། མངོན་སུམ་དུ་བྱ་བ་མ་ཡིན། བསྒོམ་པར་བྱ་བ་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་ཤེས་པར་བྱ་བ་མ་ཡིན། མངོན་པར་ཤེས་པར་བྱ་བ་མ་ཡིན། ཡོངས་སུ་ཤེས་པར་བྱ་བ་མ་ཡིན། སྤང་བར་བྱ་བ་མ་ཡིན། མངོན་སུམ་དུ་བྱ་བ་མ་ཡིན། བསྒོམ་པར་བྱ་བ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་རྣམ་པར་སྨིན་པམ་ཡིན། རྣམ་པར་སྨིན་པའི་ཆོས་ཅན་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་རྣམ་པར་སྨིན་པ་མ་ཡིན། རྣམ་པར་སྨིན་པའི་ཆོས་ཅན་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། ། རབ་འབྱོར་འདི་ལྟ་སྟེ། དཔེར་ན་ནམ་མཁའ་ནི་འདོད་པའི་ཁམས་སུ་གཏོགས་པ་མ་ཡིན། གཟུགས་ཀྱི་ཁམས་སུ་གཏོགས་པ་མ་ཡིན། གཟུགས་མེད་པའི་ཁམས་སུ་གཏོགས་པ་མ་ཡིན་ནོ། ། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་འདོད་པའི་ཁམས་སུ་གཏོགས་པ་མ་ཡིན། གཟུགས་ཀྱི་ཁམས་སུ་གཏོགས་པ་མ་ཡིན། གཟུགས་མེད་པའི་ཁམས་སུ་གཏོགས་པ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་འདི་ལྟ་སྟེ། དཔེར་ན་ནམ་མཁའ་ནི་འདོད་ཆགས་ཀྱི་ཆོས་ཅན་མ་ཡིན། འདོད་ཆགས་དང་བྲལ་བའི་ཆོས་ཅན་མ་ཡིན། དེ་བཞིན་དུ་སྦྱར་ཏེ། གཏི་མུག་དང་བྲལ་བའི་བར་གྱི་ཆོས་ཅན་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་འདོད་ཆགས་ཀྱི་ཆོས་ཅན་མ་ཡིན། འདོད་ཆགས་དང་བྲལ་བའི་ཆོས་ཅན་མ་ཡིན། དེ་བཞིན་དུ་སྦྱར་ཏེ། གཏི་མུག་དང་བྲལ་བའི་ཆོས་ཅན་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ལ་ནི་སེམས་དང་པོ་བསྐྱེད་པ་དམིགས་སུ་མེད། གཉིས་པ་མེད། གསུམ་པ་མེད། བཞི་པ་མེད། ལྔ་པ་མེད། དྲུག་པ་མེད། བདུན་པ་མེད། བརྒྱད་པ་མེད། དགུ་པ་མེད། སེམས་བསྐྱེད་པ་བཅུ་པ་དམིགས་སུ་མེད་དོ།། རབ་འབྱོར་དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་དེ་ལ་སེམས་འསྐྱེད་པ་དང་པོ་དང་། བཅུ་པའི་བར་དུ་དམིགས་སུ་མེད་དོ།། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ལ་ནི་དཀར་པོ་རྣམ་པར་མཐོང་བའི་ས་མེད། རིགས་ཀྱི་ས་མེད། བརྒྱད་པའི་ས་མེད། མཐོང་བའི་ས་མེད། བསྲབས་པའི་ས་མེད། འདོད་ཆགས་དང་བྲལ་བའི་ས་མེད་བྱས་པ་རྟོགས་པ་ཅན་གྱིས་མེད། ། རང་སངས་རྒྱས་ཀྱི་ས་མེད་དོ།། རབ་འབྱོར་དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་དེ་ལ་དཀར་པོ་རྣམ་པར་མཐོང་བའི་ས་མེད། རངབ་སངས་རྒྱས་ཀྱི་སའི་བར་དུ་མེད་དེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ལ་ནི་རྒྱུན་དུ་ཞུགས་པའི་འབྲས་བུ་མེད་པ་ནས། རང་བྱང་ཆུབ་ཀྱི་བར་དུ་མེད་དོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེ་ལའང་རྒྱུན་དུ་ཞུགས་པའི་འབྲས་བུ་མེད་པ་ནས། རང་བྱང་ཆུབ་ཀྱི་བར་དུ་མེད་དེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ཉན་ཐོས་ཀྱིས་མེད། རང་སངས་རྒྱས་ཀྱིས་མེད། ཡང་དག་པར་རྫོགས་པའི་སངས་རྒྱས་ཀྱིས་མེད་དོ།། རབ་འབྱོར་ནི་བཞིན་དུ་ཐེག་པ་ཆེན་པོ་དེ་ས་མི་མཐམ་སེ་མེད། རང་སངས་རྒྱས་ཀྱིས་མེད། ཡང་དག་པར་རྫོགས་པའི་སངས་རྒྱས་ཀྱིས་མེད་དེ། དང་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ནནམ་མཁའ་ཅན་མ་ཡིན། གཟུགས་ཅན་མ་ཡིན་པའང་མ་ཡིན། བསྟན་དུ་ཡོད་པ་མ་ཡིན། བསྟན་དུ་མེད་པའང་མ་ཡིན། ཐོགས་པ་དང་བཅས་པ་མ་ཡིན། ཐོགས་པ་མེད་པའང་མ་ཡིན་ཞིང་།། ཆོས་གང་དང་ཡང་ལྷན་ཅིག་ལྡན་པའང་མ་ཡིན། མི་ལྡན་པའང་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་གཟུགས་ཅན་མ་ཡིན། གཟུགས་ཅན་མ་ཡིན་པའང་མ་ཡིན། བསྟན་དུ་ཡོད་པ་མ་ཡིན། བསྟན་དུ་མེད་པའང་མ་ཡིན། ཐོགས་པ་དང་བཅས་པ་མ་ཡིན། ཐོགས་པ་མེད་པའང་མ་ཡིན་ཞིང་། ཆོས་གང་དང་ཡང་ལྷན་ཅིག་ལྡན་པའང་མ་ཡིན། མི་ལྡན་པའང་མ་ཡིན་དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ། ། རབ་འབྱོར་དཔེར་ནནམ་མཁའ་ནི་རྟག་པ་མ་ཡིན། མི་རྟག་པའང་མ་ཡིན། བདེ་བའང་མ་ཡིན། སྡུག་བསྔལ་བ་མ་ཡིན། བདག་ཡོད་པ་མ་ཡིན། བདག་མེད་པ་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་རྟག་པ་མ་ཡིན། མི་རྟག་པ་མ་ཡིན། བདེ་བ་མ་ཡིན། སྡུག་བསྔལ་བ་མ་ཡིན། བདག་ཡོད་པ་མ་ཡིན།། བདག་མེད་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་སྟོང་པ་མ་ཡིན། མི་སྟོང་པ་མ་ཡིན། མཚན་མ་ཡོད་པ་མ་ཡིན། མཚན་མ་མེད་པའང་མ་ཡིན། སྨོན་པ་ཡོད་པ་མ་ཡིན། སྨོན་པ་མེད་པའང་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་སྟོང་པ་མ་ཡིན། མི་སྟོང་པ་མ་ཡིན། མཚན་མ་ཡོད་པ་མ་ཡིན། མཚན་མ་མེད་པ་མ་ཡིན། སྨོན་པ་ཡོད་པ་མ་ཡིན། སྨོན་པ་མེད་པའང་མ་ཡིན་ནོ།། རབ་འབྱོར་དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་ཞི་བ་མ་ཡིན། ཞི་བ་མ་ཡིན། དབེན་པ་མ་ཡིན། མི་དབེན་པའང་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་ཞི་བ་མ་ཡིན། མ་ཞི་བའང་མ་ཡིན། དབེན་པ་མ་ཡིན། མི་དབེན་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་མུན་པ་མ་ཡིན། སྣང་བའང་མ་ཡིན་ནོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་མུན་པ་མ་ཡིན། སྣང་བ་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་དམིགས་སུ་མེད་དོ།། རབ་འབྱོར་དེ་བཞིན་དུ་ཐེག་པ་ཆེན་པོ་དེའང་དམིགས་སུ་མེད་ཅིང་དམིགས་སུ་མེད་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་དཔེར་ན་ནམ་མཁའ་ནི་བརྗོད་དུ་ཡོད་པ་མ་ཡིན། བརྗོད་དུ་མེད་པའང་མ་ཡིན་ནོ།། རབ་འབྱོར་དེང་མི་དུ་ཐེག་པ་ཆེན་པོའང་བརྗོད་དུ་ཡོད་པ་མ་ཡིན། བརྗོད་དུ་མེད་པའང་མ་ཡིན་ཏེ། དེའི་ཕྱིར་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་རྣམ་གྲངས་ངེས་ན་འདི་ལྟ་སྟེ། ཐེག་པ་ཆེན་པོ་ཞེས་བྱ་བའི་ཐེག་པ་དེ་ནི་ནམ་མཁའ་དང་མཉམ་པ་ཞེས་བྱའོ།། རབ་འབྱོར་ཡང་འདི་སྐད་ཅེས་ཇི་ལྟར་ནམ་མཁའ་ནི་སེམས་ཅན་དཔག་ཏུ་མ་མཆིས། གྲངས་མ་མཆིས་པ་དག་གི་གོ། འབྱེད་ལགས་སོ།། དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་དེའང་སེམས་ཅན་དཔག་ཏུ་མ་མཆིས། གྲངས་མ་མཆིས་པའི་གོ་འབྱེད་པ་ལགས་སོ་ཞེས་སྨྲས་པ་ནི། རབ་འབྱོར་དེ་དེ་བཞིན་ནོ།། དེ་དེ་བཞིན་ཏེ། ཡང་དག་པར་སྨྲས་སོ།། རབ་འབྱོར་དཔེར་ན་ནམ་མཁའ་ནི་སེམས་ཅན་དཔག་ཏུ་མེད་པ་གྲངས་མེད་པ་དག་གི་གོ་འབྱེད་དོ།། རབ་འབྱོར་དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་དེའང་སེམས་ཅན་དཔག་ཏུ་མེད་གྲངས་མེད་པ་དག་གི་གོ་འབྱེད་དོ། ། རབ་འབྱོར་སེམས་ཅན་མེད་པའི་ཕྱིར། ནམ་མཁའ་མེད་པར་རིག་པར་བྱའོ།། ནམ་མཁའ་མེད་པའི་ཕྱིར། ཐེག་པ་ཆེན་པོ་མེད་པར་རིག་པར་བྱའོ། ། རབ་འབྱོར་རྣམ་གྲངས་དེས་ན་ཐེག་པ་ཆེན་པོ་ཐེག་པ་རབ་མཆོག་དེས་ཀྱང་སེམས་ཅན་དཔག་ཏུ་མེད་ཟངས་མེད་པ་དག་གི་གོ་འབྱེད་དོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་སེམས་ཅན་གང་དག་ཡིན་པ་དང་། ཐེག་པ་ཆེན་པོ་གང་ཡིན་པ་དང་། ནམ་མཁའ་གང་ཡིན་པ་དེ་དག་ཐམས་ཅད་དམིགས་སུ་མེད་པའི་ཕྱིར་རོ།། རབ་འབྱོར་གཞན་ཡང་སེམས་ཅན་ཚད་མེད་པ་ཕྱིར། ནམ་མཁའ་ཚད་མེད་པར་རིག་པར་བྱའོ།། ནམ་མཁའ་ཚད་མེད་པའི་ཕྱིར། ཡང་ཐེག་པ་ཆེན་པོ་ཚད་མེད་པར་རིག་པར་བྱའོ།། རབ་འབྱོར་རྣམ་གྲངས་དེས་ན་ཐེག་པ་ཆེན་པོ་ཐེག་པ་རབ་མཆོག་དེའང་སེམས་ཅན་དཔག་ཏུ་མེད་གྲངས་མེད་པ་དག་གི་གོ་འབྱེད་དོ། ། དེ་ཅིའི་ཕྱིར་ཞེ་ན། རབ་འབྱོར་སེམས་ཅན་གང་ཡིན་པ་དང་། ཐེག་པ་ཆེན་པོ་གང་ཡིན་པ་དང་། ནམ་མཁའ་ག་ཡིན་པ་དེ་དག་ཐམས་ཅད་དམིགས་སུ་མེད་པའི་ཕྱིར་རོ། ། དེ་བཞིན་དུ་སྦྱར་ཏེ། རབ་འབྱོར་དཔེར་ན་མྱ་ངན་ལས་འདས་པའི་དབྱིངས་ཀྱི་བར་ནི་སེམས་ཅན་དཔག་ཏུ་མེད་གྲངས་མེད་ཚད་མེད་པ་དག་གི་གོ་འབྱེད་དོ། ། རབ་འབྱོར་དེ་བཞིན་དུ་ཐེག་པ་ཆེན་པོ་ཐེག་པ་རབ་མཆོག་དེའང་སེམས་ཅན་དཔག་ཏུ་མེད་གྲངས་མེད་པ་དག་གི་གོ་འབྱེད་དོ།། རབ་འབྱོར་རྣམ་གྲངས་དེས་ན་ཐེག་པ་ཆེན་པོ་ཐེག་པ་རབ་མཆོག་དེ་ནི་སེམས་ཅན་དཔག་ཏུ་མེད་གྲངས་མེད་ཚད་མེད་པ་དག་གི་གོ་འབྱེད་དོ། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ནམ་མཁའ་ལྟ་བུའི་ལེའུ་ཞེས་བྱ་སྟེ་བཅུ་གསུམ་པ་རྫོགས་སོ།། ། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་བཅུ་བཞི་པ།། ། ཡང་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ།། རབ་འབྱོར་གང་ཡང་འདི་སྐད་དུ་ཐེག་པ་ཆེན་པོ་ལ་ནི་འོང་བའང་མི་གདའ། འགྲོ་བའང་མི་གདའ། གནས་པའང་མི་གདའ་ལགས་སོ་ཞེས་སྨྲས་པ་ནི། རབ་འབྱོར་དེ་དེ་བཞིན་ནོ།། ཡང་དག་པར་སྨྲས་སོ། ། རབ་འབྱོར་ཐེག་པ་ཆེན་པོ་ཐེག་པ་རབ་མཆོག་དེ་ལ་ནི་འོང་བ་མི་སྣང་། འགྲོ་བ་དང་གནས་པའང་མེད་དོ།། དེ་ཅིའི་ཕྱིར་ཞེ་ན། རབ་འབྱོར་ཆོས་ཐམས་ཅད་ནི་གཡོ་བ་མེད་པ་སྟེ། དེའི་ཕྱིར་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པའི་ཕྱིར་རོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་གཟུགས་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་ཅིང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་གཟུགས་ཀྱི་རང་བཞིན་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། དེ་བཞིན་དུ་གཟུགས་ཀྱི་དེ་བཞིན་ཉིད་དང་། གཟུགས་ཀྱི་ངོ་བོ་ཉིད་དང་། གཟུགས་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་རང་བཞིན་ནི་གང་ནས་ཀྱང་འོང་བ་མེད། གང་དུའང་འཐོ་བ་མེད་གང་ནའང་གནས་པ་མེད་པ་དང་། རབ་འབྱོར་ཚོར་བའི་དེ་བཞིན་ཉིད་དང་། ཚོར་བའི་ངོ་བོ་ཉིད་དང་། ཚོར་བའི་མཚན་ཉིད་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་དེ་བཞིན་ཉིད་དང་། རྣམ་པར་ཤེས་པའི་ངོ་བོ་ཉིད་དང་། རྣམ་པར་ཤེས་པའི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་མིག་དང་། མིག་གི་རང་བཞིན་དང་། མིག་གི་དེ་བཞིན་ཉིད་དང་། མིག་གི་ངོ་བོ་ཉིད་དང་། མིག་གི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རང་བཞིན་དང་། ཡིད་ཀྱི་དེ་བཞིན་ཉིད་དང་། ཡིད་ཀྱི་ངོ་བོ་ཉིད་དང་། ཡིད་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་སའི་ཁམས་དང་། སའི་ཁམས་ཀྱི་རང་བཞིན་དང་། སའི་ཁམས་ཀྱི་དེ་བཞིན་ཉིད་དང་། སའི་ཁམས་ཀྱི་ངོ་བོ་ཉིད་དང་། སའི་ཁམས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་།། དེ་བཞིན་དུ་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་དང་། རྣམ་པར་ཤེས་པའི་ཁམས་ཀྱི་རང་བཞིན་དང་རྣམ་པར་ཤེས་པའི་ཁམས་ཀྱི་དེ་བཞིན་ཉིད་དང་། རྣམ་པར་ཤེས་པའི་ཁམས་ཀྱི་ངོ་བོ་ཉིད་དང་། རྣམ་པར་ཤེས་པའི་ཁམས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་དེ་བཞིན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་དང་། གང་ནའང་གནས་པ་མེད་པ་དང་། རབ་འབྱོར་དེ་བཞིན་ཉིད་ཀྱི་རང་བཞིན་དང་། དེ་བཞིན་ཉིད་ཀྱི་ངོ་བོ་ཉིད་དང་། དེ་བཞིན་ཉིད་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་ཡང་དག་པའི་མཐའ་དང་། ཡང་དག་པའི་མཐའི་རང་བཞིན་དང་། ཡང་དག་པའི་མཐའི་དེ་བཞིན་ཉིད་དང་། ཡང་དག་པའི་མཐའི་ངོ་བོ་ཉིད་དང་། ཡང་དག་པའི་མཐའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་བསམ་གྱིས་མི་ཁྱབ་པའི་དབྱིངས་དང་། བསམ་གྱིས་མི་ཁྱབ་པའི་དབྱིངས་ཀྱི་རང་བཞིན་དང་། བསམ་གྱིས་མི་ཁྱབ་པའི་དབྱིངས་ཀྱི་དེ་བཞིན་ཉིད་དང་། བསམ་གྱིས་མི་ཁྱབ་པའི་དབྱིངས་ཀྱི་ངོ་བོ་ཉིད་དང་། བསམ་གྱིས་མི་ཁྱབ་པའི་དབྱིངས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་སྦྱིན་པའི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པའི་རང་བཞིན་དང་། སྦྱིན་པའི་ཕ་རོལ་ཏུ་ཕྱིན་པའི་དེ་བཞིན་ཉིད་དང་། སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་དང་། སྦྱིན་པའི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད་གང་དུའང་འགྲོ་བ་མེད། གང་ནའང་གནས་པ་མེད་པ་དང་། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་རང་བཞིན་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་དེ་བཞིན་ཉིད་དང་། ཤེས་ར་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་དེ་བཞིན་དུ་སྦྱར་ཏེ། དྲན་པ་ཉེ་བར་གཞག་པ་རྣམས་དང་། དྲན་པ་ཉེ་བར་གཞག་པའི་རང་བཞིན་དང་། དྲན་པ་ཉེ་བར་གཞག་པའི་དེ་བཞིན་ཉིད་དང་། དྲན་པ་ཉེ་བར་གཞག་པའི་ངོ་བོ་ཉིད་དང་། དྲན་པ་ཉེ་བར་གཞག་པའི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་དང་། གང་དུའང་འགྲོ་བ་མེད། གང་ནའང་གནས་པ་མེད་པ་དང་། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་གོང་མ་བཞིན་དུ་རྒྱ་ཆེར་སྦྱར་བར་བྱའོ། ། རབ་འབྱོར་བྱང་ཆུབ་དང་། བྱང་ཆུབ་ཀྱི་རང་བཞིན་དང་། བྱང་ཆུབ་ཀྱི་དེ་བཞིན་ཉིད་དང་། བྱང་ཆུབ་ཀྱི་ངོ་བོ་ཉིད་དང་། བྱང་ཆུབ་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུ་འང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་སངས་རྒྱས་དང་། སངས་རྒྱས་ཀྱི་རང་བཞིན་དང་། སངས་རྒྱས་ཀྱི་དེ་བཞིན་ཉིད་དང་། སངས་རྒྱས་ཀྱི་ངོ་བོ་ཉིད་དང་། སངས་རྒྱས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པ་དང་། རབ་འབྱོར་འདུས་བྱས་ཀྱི་ཁམས་དང་། འདུས་བྱས་ཀྱི་ཁམས་ཀྱི་རང་བཞིན་དང་། འདུས་བྱས་ཀྱི་ཁམས་ཀྱི་དེ་བཞིན་ཉིད་དང་། འདུས་བྱས་ཀྱི་ཁམས་ཀྱི་ངོ་བོ་ཉིད་དང་། འདུས་བྱས་ཀྱི་ཁམས་ཀྱི་ངོ་བོ་ཉིད་ཀྱི་མཚན་ཉིད་ནི་གང་ནས་ཀྱང་འོང་བ་མེད། གང་དུའང་འགྲོ་བ་མེད། གང་ནའང་གནས་པ་མེད་པའི་ཕྱིར་རོ།། རབ་འབྱོར་གང་ཡང་འདི་སྐད་དུ་ཐེག་པ་དེ་ལ་ནི་སྔོན་གྱི་མཐའ་ཡང་མི་དམིགས་ཕྱི་མའི་མཐའ་ཡང་མི་དམིགས། དབུས་ཀྱང་མི་དམིགས་ཏེ། ཐེག་པ་དེ་ནི་དུས་གསུམ་མཉམ་པ་ཉིད་ཀྱི་ཡང་དག་པར་གནས་པས། དེའི་ཕྱིར་ཐེག་པ་དེ་ནི་ཐེག་པ་ཆེན་པོ་ཞེས་བྱའོ་ཞེས་སྨྲས་པ་ནི།། རབ་འབྱོར་དེ་དེ་བཞིན་ནོ།། དེ་དེ་བཞིན་ཏེ། ཇི་སྐད་སྨྲས་པ་བཞིན་ནོ།། ཐེག་པ་ཆེན་པོ་དེ་ལ་ནི་སྔོན་གྱི་མཐའ་ཡང་མི་དམིགས། ཕྱི་མའི་མཐའ་ཡང་མི་དམིགས། དབུས་ཀྱང་མི་དམིགས་ཏེ། ཐེག་པ་དེ་ནི་དུས་གསུམ་མཉམ་པ་ཉིད་དུ་རྣམ་པར་གནས་པས། དེའི་ཕྱིར་ཐེག་པ་ཆེན་པོ་ཞེས་བྱའོ།། དེ་ཅིའི་ཕྱིར་ཞེ་ན། རབ་འབྱོར་འདི་ལྟར་འདས་པའི་དུས་ནི་འདས་པའི་དུས་ཀྱིས་སྟོང་། མ་འོངས་པའི་དུས་ནི་མ་འོངས་པའི་དུས་ཀྱིས་སྟོང་། དཀར་བྱུང་བའི་དུས་ནི་ད་ལྟར་བྱུང་བའི་དུས་ཀྱིས་སྟོང་། དུས་གསུམ་མཉམ་པ་ཉིད་ནི་དུས་གསུམ་མཉམ་པ་ཉིད་ཀྱིས་སྟོང་། ཐེག་པ་ཆེན་པོ་ནི་ཐེག་པ་རྗེན་པོས་སྟོང་། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་པའི་ཕྱིར་རོ།། རབ་འབྱོར་སྟོང་པ་ཉིད་ནི་གཅིག་མ་ཡིན། གཉིས་མ་ཡིན། གསུམ་མ་ཡིན། བཞི་མ་ཡིན། ལཱ་མ་ཞིང་། ཐ་དད་པའང་མེད་དོ།། རབ་འབྱོར་དེ་ནི་བྱང་ཆུབ་སེམས་དཔའ་རྣམས་ཀྱི་དུས་གསུམ་མཉམ་པ་ཉིད་ཀྱི་ཐེག་པ་ཡིན་ཏེ། དེ་ལ་ནི་མཉམ་པ་དང་མི་མཉམ་པ་མི་དམིགས་སོ།། ད་མུད་འདོད་ཆགས་དང་བྲལ་བ་མི་དམིགས་སོ། ། ཞེ་སྡང་དང་ཞེ་སྡང་དང་བྲལ་བ་མི་དམིགས་སོ།། གཏི་མུག་དང་གཏི་མུག་དང་བྲལ་བ་མི་དམིགས་ཏེ། ང་རྒྱལ་ཡང་མི་དམིགས་སོ།། དེ་བཞིན་དུ་སྦྱར་ཏེ། དགེ་བའི་ཆོས་རྣམས་དང་། མི་དགེ་བའི་ཆོས་རྣམས་དང་། ལུང་དུ་བསྟན་པ་རྣམས་དང་། ལུང་དུ་མ་བསྟན་པ་རྣམས་ཀྱང་མི་དམིགས་སོ།། རྟག་པ་དང་མི་རྟག་པའང་མི་དམིགས་སོ།། བདེ་བ་དང་། སྡུག་བསྔལ་དང་། སྡུག་བསྔལ་བའང་མ་ཡིན། བདེ་བའང་མ་ཡིན་པའང་མི་དམིགས་སོ།། དེ་ལ་ནི་བདག་དང་། བདག་མེད་པའང་མི་དམིགས་སོ།། དེ་ལ་ནི་འདོད་པའི་ཁམས་མི་དམིགས་སོ།། གཟུགས་ཀྱི་ཁམས་དང་། གཟུགས་མེད་པའི་ཁམས་མི་དམིགས་སོ།། འདོད་པའི་ཁམས་ལས་ཡང་དག་པར་འདའ་བ་མི་དམིགས་སོ།། གཟུགས་ཀྱི་ཁམས་ལས་ཡང་དག་པར་འདའ་བའང་མི་དམིགས་སོ། ། གཟུགས་མེད་པའི་ཁམས་ལས་ཡང་དག་པར་འདའ་བ་མི་དམིགས་སོ།། དེ་ཅིའི་ཕྱིར་ཞེ་ན། འདི་ལྟར་དངོས་པོ་མེད་པ་ནི་དམིགས་སུ་མེད་པའི་ཕྱིར་ཏེ། རབ་འབྱོར་འདས་པའི་གཟུགས་ནི་འདས་པའི་གཟུགས་ཀྱིས་སྟོང་། མ་འོངས་པའི་གཟུགས་ནི་མ་འོངས་པའི་གཟུགས་ཀྱིས་སྟོང་། ད་ལྟར་བྱུང་བའི་གཟུགས་ནི་ད་ལྟར་བྱུང་བའི་གཟུགས་ཀྱིས་སྟོང་། དེ་བཞིན་དུ་འདས་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་འདས་པའི་རྣམ་པར་ཤེས་པས་སྟོང་། མ་འོངས་པའི་རྣམ་པར་ཤེས་པ་ནི་མ་འོངས་པའི་རྣམ་པར་ཤེས་པས་སྟོང་། ད་ལྟར་བྱུང་བའི་རྣམ་པར་ཤེས་པ་ནི་ད་ལྟར་བྱུང་བའི་རྣམ་པར་ཤེས་པས་སྟོང་པའི་ཕྱིར་ཏེ། རབ་འབྱོར་སྟོང་པ་ཉིད་ལ་ནི་འདས་པའི་གཟུགས་དམིགས་སུ་མེད་དེ། འདས་པ་ཉིད་སྟོང་པ་ཉིད་ཡིན་ལ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་འདས་པའི་གཟུགས་དམིགས་པར་ལྟ་ག་ལ་འགྱུར། སྟོང་པ་ཉིད་ལ་ནི་མ་འོངས་པ་དང་ད་ལྟར་བྱུང་བའི་གཟུགས་དམིགས་སུ་མེད་དེ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་མ་འོངས་པ་དང་ད་ལྟར་བྱུང་བའི་གཟུགས་དམིགས་པར་ལྟ་ག་ལ་འགྱུར། སྟོང་པ་ཉིད་ལ་ནི་འདས་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དམིགས་སུ་མེད་དེ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་འདས་པའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དམིགས་པར་ལྟ་ག་ལ་འགྱུར། སྟོང་པ་ཉིད་ལ་ནི་མ་འོངས་པ་དང་ང་ལྔར་བྱུང་བའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དམིགས་སུ་མེད་དེ། སྟོང་པ་ཉིད་ཀྱང་སྟོང་པ་ཉིད་ཡིན་པས་དམིགས་སུ་མེད་ན། སྟོང་པ་ཉིད་ལ་ནི་མ་འོངས་པ་དང་ད་ལྟར་བྱུང་བའི་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དམིགས་པར་ལྟ་ག་ལ་འགྱུར། རབ་འབྱོར་དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནི་སྔོན་གྱི་མཐར་མི་དམིགས་སོ། ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནི་ཕྱི་མའི་མཐའ་དང་ད་ལྟར་བྱུང་བར་མི་དམིགས་སོ།། རབ་འབྱོར་སྦྱིན་པའི་ཕ་རོལ་ཏུ་ཕྱིན་པ་ནི་དུས་གསུམ་མཉམ་པ་ཉིད་ལ་མི་དམིགས་ཏེ། རབ་འབྱོར་ཆོས་མཉམ་པ་ཉིད་ལ་ནི་འདས་པའི་དུས་མི་དམིགས་སོ།། མ་འོངས་པ་དང་ད་ལྟར་བྱུང་བའི་དུས་མི་དམིགས་སོ།། རབ་འབྱོར་རེ་ཞིག་མཉམ་པ་ཉིད་ལ་ནི་མཉམ་པ་ཉིད་ཀྱང་དམིགས་སུ་མེད་ན། མཉམ་པ་ཉིད་ལ་འདས་པའི་དུས་དམིགས་པར་ལྟ་ག་ལ་འགྱུར། དེ་བཞིན་དུ་མ་འོངས་པ་དང་ད་ལྟར་བྱུང་བའི་དུས་དམིག་པར་ལྟ་ག་ལ་འགྱུར། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལའང་། སྦྱིན་པའི་ཕ་རོལ་ཏུ་ཕྱིན་པར་ཇི་སྐད་བསྟན་པ་དེ་བཞིན་དུ་རྒྱ་ཆེར་སྦྱར་བར་བྱའོ། ། རབ་འབྱོར་གཞན་ཡང་དྲན་པ་ཉེ་བར་གཞག་པ་རྣམས་ནི་སྔོན་གྱི་མཐར་མི་དམིགས་སོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ནི་ཕྱི་མའི་མཐའ་དང་ད་ལྟར་བྱུང་བར་མི་དམིགས་སོ། ། དྲན་པ་ཉེ་བར་གཞག་པ་རྣམས་ནི་དུས་གསུམ་མཉམ་པ་ཉིད་ལ་མི་དམིགས་སོ།། དེ་བཞིན་དུ་སྦྱར་འཕགས་པའི་ལམ་ཡན་ལག་བརྒྱད་པའི་བར་ནི་སྔོན་གྱི་མཐར་མི་དམིགས་སོ། ། དེ་བཞིན་དུ་འཕགས་པའི་ལམ་ཡན་ལག་བརྒྱད་པ་ནི་ཕྱི་མའི་མཐའ་དང་ད་ལྟར་བྱུང་བར་མི་དམིགས་སོ།། འཕགས་པའི་ལམ་ཡན་ལག་བརྒྱད་པ་ནི་དུས་གསུམ་མཉམ་པ་ཉིད་ལ་མི་དམིགས་སོ། ། རབ་འབྱོར་དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནི་སྔོན་གྱི་མཐར་མི་དམིགས་སོ།། དེ་བཞིན་གཤེགས་པའི་སྟོབས་བཅུ་ནི་ཕྱི་མའི་མཐའ་དང་ད་ལྟར་བྱུང་བར་མི་དམིགས་སོ། ། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ནི་སྔོན་གྱི་མཐར་མི་དམིགས་སོ།། དེ་བཞིན་དུ་སངས་རྒྱས་ཆོས་མ་འདྲེས་པ་བཅོ་བརྒྱད་ནི་ཕྱི་མའི་མཐའ་དང་ད་ལྟར་བྱུང་བར་མི་དམིགས་སོ། ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ནི་དུས་གསུམ་མཉམ་པ་ཉིད་ལ་མི་དམིགས་སོ།། རབ་འབྱོར་གཞན་ཡང་སོ་སོའི་སྐྱེ་བོ་ནི་སྔོན་གྱི་མཐར་མི་དམིགས་སོ།། དེ་བཞིན་དུ་སོ་སོའི་སྐྱེ་བོ་ནི་ཕྱི་མའི་རས་དང་ད་ལྟར་བྱུང་བར་མི་དམིགས་སོ།། སོ་སོ་སྐྱེ་བོ་ན་དུས་གསུམ་མཉམ་པ་ཉིད་ལ་མི་དམིགས་སོ། ། དེ་ཅིའི་ཕྱིར་ཞེ་ན། སེམས་ཅན་དམིགས་སུ་མེད་པར་གྱུར་རོ།། དེ་བཞིན་དུ་སྦྱར་ཏེ། ཉན་ཐོས་ནི་སྔོན་གྱི་མཐར་མི་དམིགས་སོ།། ཉན་ཐོས་ནི་ཕྱི་མའི་མཐའ་དང་ད་ལྟར་བྱུང་བར་མི་དམིགས་སོ། ། དེ་བཞིན་དུ་འ་ཐོས་ནི་དུས་གསུམ་མཉམ་པ་ཉིད་ལ་མི་དམིགས་སོ།། དེ་ཅིའི་ཕྱིར་ཞེ་ན། སེམས་ཅན་དམིགས་སུ་མེད་པའི་ཕྱིར་རོ།། དེ་བཞིན་དུ་ཉན་ཐོས་དང་། རང་སངས་རྒྱས་དང་བྱང་ཆུབ་སེམས་དཔའ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་སྔོན་གྱི་མཐར་མི་དམིགས་སོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་བར་དག་ནི་ཕྱི་མའི་མཐའ་དང་ད་ལྟར་བྱུང་བར་མི་དམིགས་སོ། ། དེ་བཞིན་དུ་དེ་བཞིན་གཤེགས་པའི་བར་ནི་དུས་གསུམ་མཉམ་པ་ཉིད་ལ་མི་དམིགས་སོ།། དེ་ཅིའི་ཕྱིར་ཞེ་ན། སེམས་ཅན་དམིགས་སུ་མེད་པའི་ཕྱིར་རོ།། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དུས་གསུམ་པོ་དག་ལ་བསླབས་ལ། རྣམ་པ་ཐམས་ཅད་མཁྱེན་པ་ཉིད་ཡོངས་སུ་རྫོགས་པར་བྱ་སྟེ། རབ་འབྱོར་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་དུས་གསུམ་མཉམ་པ་ཉིད་ཅེས་བྱ་བའི་ཐེག་པ་ཆེན་པོ་ཡིན་ཏེ། དེ་ལ་གནས་ནས་བྱང་ཆུབ་སེམས་དཔའ་སེམས་དཔའ་ཆེན་པོས་ལྔ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ཟིལ་གྱིས་མནན་ནས། རྣམ་པ་ཐམས་ཅད་མཁྱེན་པ་ཉིད་དུ་ངེས་པར་འབྱུང་ངོ་།། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོ་ཡང་དག་པར་བཀའ་སྩལ་པ་ནི་ལེགས་སོ་ལེགས་སོ། ། བཙུན་པ་བཅོམ་ལྡན་འདས་འདས་པའི་བྱང་ཆུབ་སེམས་དཔའ་ཐེག་པ་ཆེན་པོ་ཐེག་པ་རབ་མཆོག་འདི་ལ་བསླབས་པ་རྣམས་ཀྱིས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ལགས་སོ།། བཙུན་པ་བཅོམ་ལྡན་འདས་མ་འོངས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱིས་ཀྱང་། ཐེག་པ་ཆེན་པོ་ཐེག་པ་རབ་མཆོག་འདི་ཉིད་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་པར་འགྱུར་ལགས་སོ།། བཙུན་པ་བཅོམ་ལྡན་འདས་ད་ལྟར་བྱུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་ཚད་མ་མཆིས་པ་གང་དག་ད་ལྟར་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མ་མཆིས། གྲངས་མ་མཆིས། ཚད་མ་མཆིས་པ་དག་ན་མཆིས་པ་དེ་དག་ཀྱང་། ཐེག་པ་ཆེན་པོ་ཐེག་པ་རབ་མཆོག་འདི་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་ལགས་ཏེ། བཙུན་པ་བཅོམ་ལྡན་འདས་དེའི་སླད་དུ། དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐེག་པ་ཆེན་པོ་ལགས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་པོ། རབ་འབྱོར་དེ་དེ་བཞིན་ནོ།། དེ་དེ་བཞིན་ཏེ། ཇི་སྐད་སྨྲས་པ་བཞིན་ཏེ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་འདས་པ་རྣམས་ཀྱིས་ཐེག་པ་ཆེན་པོ་འདི་ཉིད་ལ་བསླབས་ནས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་བོ། ། གང་དག་མ་འོངས་པའི་དུས་ན་འབྱུང་བར་འགྱུར་བའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ཀྱང་ཐེག་པ་ཆེན་པོ་འདི་ཉིད་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་འཐོབ་པར་འགྱུར་རོ།། ད་ལྟར་ཕྱོགས་བཅུའི་འཇིག་རྟེན་གྱི་ཁམས་དཔག་ཏུ་མེད། ཟངས་མེད། ཚད་མེད་པ་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔག་ཏུ་མེད་པ་གང་དག་འཚོ་ཞིང་གཞེས་པ་དེ་དག་ཀྱང་ཐེག་པ་ཆེན་པོ་འདི་ལ་བསླབས་ནས། རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་བོ། ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཆོས་དེ་དག་ལ་ཇི་ལྟར་ཉེ་བར་རྟོག་པར་བྱེད། ཚེ་དང་ལྡན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ནི་གང་དག་ཡིན། ཤེས་རབ་ཀྱི་ཕ་རོལ་ཏུ་ཕྱིན་པ་ནི་གང་ཡིན། ཉེ་བར་རྟོག་པ་ནི་གང་ཡིན། དེ་སྐད་ཅེས་སྨྲས་པ་དང་།། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་གང་ཡང་འདི་སྐད་དུ་བྱང་ཆུབ་སེམས་དཔའ་ནི་གང་ཡིན་ཞེས་ཟེར་བ་ནི། བྱང་ཆུབ་སེམས་དཔའ་གང་ཡིན་པ་དེ་བྱང་ཆུབ་སེམས་དཔའ་ཞེས་བྱའོ། ། བྱང་ཆུབ་དེས་ཀྱང་ཆོས་ཐམས་ཅད་ཀྱི་རྣམ་པ་ཤེས་ཏེ། ཆོས་དེ་དག་ལའང་མངོན་པར་ཞེན་པ་མེད་དོ།། སྨྲས་པ། ཆོས་ཐམས་ཅད་ཀྱི་རྣམ་པ་ཤེས་ཏེ། ཆོས་དེ་དག་ལའང་མངོན་པར་ཞེན་པ་མེད་པ་དེ་གང་དག་ཡིན། སྨྲས་པ། གཟུགས་ཀྱི་རྣམ་པ་ཤེས་ཏེ། དེ་ལའང་མངོན་པར་ཞེན་པ་མེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ།། དེ་ལྟར་གོང་མ་བཞིན་དུ་སྦྱར་ཏེ། སྐྱེ་མཆེད་ཀྱི་བར་གྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ། ། དེ་བཞིན་དུ་ཁམས་རྣམས་ཀྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ཀྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ། ། དེ་བཞིན་དུ་སྦྱར་ཏེ། འཕགས་པའི་ཡན་ལག་བརྒྱད་པའི་བར་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་དོ།། སྨྲས་པ། ཚེ་དང་ལྡན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ཀྱི་རྣམ་པ་ཤེས་ཏེ། དེ་དག་ལའང་མངོན་པར་ཞེན་པ་མེད་པ་གང་ཡིན། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་པ་གང་དག་དང་། རྟགས་གང་དག་དང་། མཚན་མ་གང་དག་གིས་ཆོས་རྣམས་འཛིན་པ་སྟེ། འདི་ལྟ་སྟེ། གཟུགས་རྣམས་སམ། སྒྲ་རྣམས་སམ། དྲི་རྣམས་སམ། རོ་རྣམས་སམ། རེག་བྱ་རྣམས་སམ། ཆོས་རྣམས་སམ། ཕྱི་དང་ནང་གི་ཆོས་རྣམས་ཀྱི་བར་དག་གི་འདུས་བྱས་དང་། འདུས་མ་བྱས་ཀྱི་ཆོས་རྣམས་འཛིན་པ་སྟེ། རྣམ་པ་དེ་དག་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་གང་ཡང་འདི་སྐད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ནི་གང་ཡིན་ཟེར་བ་ནི། བློ་གྲོས་དེ་རིང་དུ་སོང་བ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ།། སྨྲས་པ། གང་ལས་རིང་དུ་སོང་བ་ཡིན། སྨྲས་པ། ཤཱ་ར་དྭ་ཏིའི་བུ། འདི་ལྟ་སྟེ། ཕུང་པོ་རྣམས་དང་། ཁམས་རྣམས་དང་། སྐྱེ་མཆེད་རྣམས་ལས་རིང་དུ་སོང་ངོ་།། ཉོན་མོངས་པ་ཐམས་ཅད་དང་། ལྟ་བར་གྱུར་པ་ཐམས་ཅད་ལས་རིང་དུ་སོང་ངོ་། ། འགྲོ་བ་དྲུག་པོ་དག་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ།། སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ལས་རིང་དུ་སོང་། ཤེས་རབ་ཀྱི་ཕ་རོལ་ཏུ་ཕྱིན་པ་ལས་རི་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ།། དེ་བཞིན་དུ་ནང་སྟོང་པ་ཉིད་ལས་རིང་དུ་སོང་ཞིང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། ། དྲན་པ་ཉེ་བར་གཞག་པ་རྣམས་དང་། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བརྩ་དང་། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་སྤྱད་ཀྱིབདག་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ།། ཐམས་ཅད་ཤེས་པ་ཉིད་དང་། ལམ་གྱི་རྣམ་པ་ཤེས་པ་ཉིད་དང་རྣམ་པ་ཐམས་ཅད་མཁྱེན་པ་ཉིད་ལས་རིང་དུ་སོང་སྟེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན་དེ་ནི་རིང་དུ་སོང་བ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱའོ། ། ཚེ་དང་ལྡན་པ་ཤཱ་ར་དྭ་ཏིའི་བུ་གང་ཡང་འདི་སྐད་དུ་ཉེ་བར་རྟོག་པ་དེ་ནི་གང་ཡིན་ཞེས་ཟེར་བ་ནི། ཚེ་དང་ལྡན་པ་ཤཱ་ར་དྭ་ཏིའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི། གཟུགས་བདེ་ཞེས་བྱ་བར་ཉེ་བར་མི་རྟོག། གཟུགས་སྡུག་བསྔལ་བ་དང་། སྡུག་བསྔལ་བའང་མ་ཡིན། བདེ་བའང་མ་ཡིན་པ་དང་། མི་རྟག་པ་ཞེས་བྱ་བར་མི་རྟོག་གོ། ། དེ་ལྟར་གོང་མ་བཞིན་དུ་སྦྱར་ཏེ། གཟུགས་བདག་དང་། བདག་མེད་པ་དང་། སྟོང་པ་དང་། མི་སྟོང་པ་དང་། མཚན་མ་ཡོད་པ་དང་། མཚན་མ་མེད་པ་དང་། སྨོན་པ་ཡོད་པ་དང་། སྨོན་པ་མེད་པ་དང་། ཞི་བ་དང་། མ་ཞི་བ་དང་། དབེན་པ་དང་། མི་དབེན་པ་ཞེས་བྱ་བའི་བར་དུ་ཉེ་བར་མི་རྟོག་གོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པ་བདག་ཏུ་ཉེ་བར་མི་རྟོག་པ་ནས། དེ་བཞིན་དུ་སྦྱར་ཏེ་བེན་པ་དང་མི་དབེན་པ་ཞེས་བྱ་བའི་བར་དུ་ཉེ་བར་མི་རྟོག་གོ།། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལའང་སྦྱར་བར་བྱ་བ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྦྱར་བར་བྱའོ། ། དེ་བཞིན་དུ་ནང་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་རོ།། དེ་བཞིན་དུ་དྲན་པ་ཉེ་བར་གཞག་པ་རྣམས་དང་འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལའང་སྦྱར་བར་བྱའོ།། དེ་བཞིན་དུ་ཆོས་ཐམས་ཅད་ལའང་སྦྱར་བར་བྱ་བ་ནས། དེ་བཞིན་དུ་ཏིང་ངེ་འཛིན་གྱི་སྒོ་ཐམས་ཅད་དང་། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱའོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་རྟག་པ་དང་། མི་རྟག་པ་དང་། བདེ་བ་དང་། སྡུག་བསྔལ་བ་དང་། སྡུག་བསྔལ་བའང་མ་ཡིན། བདེ་བའང་མ་ཡིན་པ་དང་། བདག་དང་། བདག་མེད་པ་དང་། སྟོང་པ་དང་། མི་སྟོང་པ་དང་། མཚན་མ་ཡོད་པ་དང་། མཚན་མ་མེད་པ་དང་། སྨོན་པ་ཡོད་པ་དང་། སྨོན་པ་མེད་པར་ཉེ་བར་མི་རྟོག་གོ།། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། དེ་ལྟར་ཆོས་ཐམས་ཅད་ལ་ཉེ་བར་རྟོག་པར་བྱེད་དོ།། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅུ་ཕྱིར་འདི་སྐད་དུ་གཟུགས་ཀྱི་སྐྱེ་བ་མ་མཆིས་པ་གང་ལགས་པ་དེ་གཟུགས་མ་ལགས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པའི་སྐྱེ་བ་མ་མཆིས་པ་གང་ལགས་པ་དེ་ནི་རྣམ་པར་ཤེས་པ་མ་ལགས་སོ། ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་མ་ལགས་ཞེས་སྨྲས། དེ་སྐད་ཅེས་སྨྲས་པ་དང་། དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་གཟུགས་ནི་གཟུགས་ཀྱིས་སྟོང་ངོ་།། ཚེ་དང་ལྡན་པ་ཤཱ་ར་དྭ་ཏིའི་བུ་གཟུགས་ཀྱི་སྟོང་པ་ཉིད་གང་ཡིན་པ་དེ་ནི་གཟུགས་མ་ཡིན་ཏེ། གཟུགས་ནི་སྐྱེ་བ་མེད་དོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན། གཟུགས་ཀྱི་སྐྱེ་བ་མེད་པ་གང་ཡིན་པ་དེ་ནི་གཟུགས་མ་ཡིན་ནོ།། དེབཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པས་སྟོང་ངོ་།། ཚེ་དང་ལྡན་པ་ཤཱ་ར་དྭ་ཏིའི་བུ་སྟོང་པ་ཉིད་གང་ཡིན་པ་དེ་ནི་རྣམ་པར་ཤེས་པ་མ་ཡིན་ཏེ། རྣམ་པར་ཤེས་པ་ནི་སྐྱེ་བ་མེད་དོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྐྱེ་བ་མེད་པ་གང་ཡིན་པ་དེ་ནི་རྣམ་པར་ཤེས་པ་མ་ཡིན་ནོ། ། ཚེ་དང་ལྡན་པ་ཤཱ་ར་དྭ་ཏིའི་བུ་སྦྱིན་པའི་ཕ་རོལ་ཏུ་ཕྱིན་པ་ནི་སྦྱིན་པའི་ཕ་རོལ་ཏུ་ཕྱིན་པས་སྟོང་ངོ་།། སྟོང་པ་ཉིད་གང་ཡིན་པ་དེ་ནི་སྦྱིན་པའི་ཕ་རོལ་ཏུ་ཕྱིན་པ་མ་ཡིན་ཏེ། སྐྱེ་བ་མེད་དོ།། དེ་ལྟར་ན་གོང་མ་བཞིན་དུ་སྦྱར་ཏེ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཤེས་རབ་ཀྱི་ཕ་རོལ་ཏུ་ཕྱིན་པས་སྟོང་ངོ་།། སྟོང་པ་ཉིད་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་མ་ཡིན་ཏེ་སྐྱེ་བ་མེད་དོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན། ཤེས་རབ་ཀྱི་ཕ་རོལ་ཏུ་ཕྱིན་པའི་སྐྱེ་བ་མེད་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་མ་ཡིན་ནོ།། དེ་ལྟར་གོང་མ་བཞིན་དུ་སྦྱར་ཏེ། ནང་སྟོང་པ་ཉིད་ལའང་རྒྱ་ཆེར་སྦྱར་བར་བྱའོ། ། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན། གཟུགས་ཀྱི་སྐྱེ་བ་མེད་པ་གང་ཡིན་པ་དེ་ནི་གཟུགས་མ་ཡིན་ཏེ་སྐྱེ་བ་མེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྐྱེ་བ་མེད་པ་གང་ཡིན་པ་དེ་ནི་རྣམ་པར་ཤེས་པ་མ་ཡིན་ཏེ་སྐྱེ་བ་མེད་དོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྐྱེ་བ་མེད་གང་ཡིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་མ་ཡིན་ཏེ་སྐྱེ་བ་མེད་དོ། ། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅིའི་ཕྱིར་འདི་སྐད་དུ་གཟུགས་ཀྱི་འགྲིབ་པ་མེད་པ་གང་ཡིན་པ་དེ་ནི་གཟུགས་མ་ཡིན་ནོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་འགྲིབ་པ་མེད་པ་གང་ཡིན་པ་དེ་ནི་རྣམ་པར་ཤེས་པ་མ་ཡིན་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འགྲིང་པ་མེད་པ་གང་ཡིན་དེ་ནི་རྣམ་པ་ཐམས་ཅད་མཁྱེན་པ་ཉིད་མ་ཡིན་ཞེས་སྨྲས། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་འགྲིབ་པ་མེད་པ་གང་ཡིན་པ་དང་གཟུགས་གང་ཡིན་པ་དང་། གཉིས་སུ་དབྱེར་མེད་པ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན་ཞིང་། གཟུགས་མེད་པ། བསྟན་དུ་མེད་པ། ཐོགས་མ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་གཅིག་པ་ཡིན་ནོ།། དེ་བཞིན་དུ་འགྲིབ་པ་མེད་པ་གང་ཡིན་པ་དང་། ཚོར་བ་གང་ཡིན་པ་དང་། འདུ་ཤེས་གང་ཡིན་པ་དང་། འདུ་བྱེད་རྣམས་གང་ཡིན་པ་དང་། རྣམ་པར་ཤེས་པ་གང་ཡིན་པ་དང་། གཉིས་སུ་དབྱེར་མེད་པ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན་ཞིང་། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་གཅིག་པ་ཡིན་ནོ།། དེ་བཞིན་དུ་སྦྱར་ཏེ། ཕུང་པོ་རྣམས་ཀྱི་སྐབས་སུ་ཇི་སྐད་བསྟན་པ་བཞིན་དུ། ཁམས་དང་། སྐྱེ་མཆེད་དག་ལའང་སྦྱར་བར་བྱའོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་ཡང་རྒྱ་ཆེར་སྦྱར་བར་བྱའོ། ། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན། གཟུགས་ཀྱི་འགྲིབ་པ་མེད་པ་གང་ཡིན་པ་དེ་ནི་གཟུགས་མ་ཡིན་ནོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་འགྲིབ་པ་མེད་པ་གང་ཡིན་པ་དེ་ནི་རྣམ་པར་ཤེས་པ་མ་ཡིན་ནོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་འགྲིབ་པ་མེད་པ་གང་ཡིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་མ་ཡིན་ནོ། ། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅིའི་ཕྱིར་འདི་སྐད་དུ་གཟུགས་ཞེས་བགྱི་བ་གང་ལགས་པ་དེ་ནི་འགྲིབ་པ་མ་མཆིས་པའི་གྲངས་སུ་བགྱིས་པ་ལགས་སོ། ། དེ་བཞིན་དུ་ཚོར་བ་ཞེས་བགྱི་བ་གང་ལགས་པ་དང་། འདུ་ཤེས་ད་འདུ་བྱེད་རྣམས་དང་། རྣམ་པར་ཤེས་པ་ཞེས་བགྱི་བ་གང་ལགས་པ་དེ་ནི་འགྲིབ་པ་མ་མཆིས་པའི་གྲངས་སུ་བགྱིས་པ་ལགས་སོ།། དེ་ལྟར་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཅེས་བགྱི་བ་གང་ལགས་པ་དེ་ནི་འགྲིབ་པ་མ་མཆིས་པའི་གྲངས་སུ་བགྱི་བ་ལགས་སོ་ཞེས་སྨྲས། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དཱ་ཏིའི་བུལ་འདི་སྐད་ཅེས་སྨྲས་སོ། ། གཟུགས་ཀྱང་གཞན་མ་ཡིན་ལ། སྐྱེ་བ་མེད་པ་ཅནན་ཡིན་ཏེ། སྐྱེ་བ་མེད་པ་ཉིད་ཀྱང་གཟུགས་སོ།། གཟུགས་ཉིད་ཀྱང་སྐྱེ་བ་མེད་པའོ།། བཞིན་དུ་ཚོར་པའང་གཞན་མ་ཡིན། འདུ་ཤེས་ཀྱང་གཞན་མ་ཡིན་ལ། འདུ་བྱེད་རྣམས་ཀྱང་གཞན་མ་ཡིན། རྣམ་པར་ཤེས་པའང་གཞན་མ་ཡིན་ལ། སྐྱེ། བམེད་པའང་གཞན་མ་ཡིན་ཏེ། རྣམ་པར་ཤེས་པ་ཉིད་ཀྱང་སྐྱེ་བ་མེད་པའོ།། སྐྱེ་བ་མེད་པ་ཉིད་ཀྱང་རྣམ་པར་ཤེས་པའོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་ཟངས་དེས་ན། གང་གཟུགས་ཞེས་བྱ་བ་དེ་ནི་འགྲིབ་པ་མེད་པའི་གྲངས་སུ་བྱ་བ་ཡིན་ནོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་ཞེས་བྱ་བ་དེ་དག་དང་། གང་རྣམ་པར་ཤེས་པ་ཞེས་བྱ་བ་དེ་ནི་གཉིས་སུ་མེད་པའི་གྲངས་སུ་བྱས་པ་ཡིན་ནོ།། དེ་ལྟར་གོང་མ་བཞིན་དུ་སྦྱར་ཏེ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱང་གཞན་མ་ཡིན་ལ། སྐྱེ་བ་མེད་པའང་གཞན་མ་ཡིན་ཏེ། སྐྱེ་བ་མེད་པ་ཉིད་ཀྱང་རྣམ་པ་ཐམས་ཅད་མཁྱེན་པ་ཉིད་ཡིན་ལ། རྣམ་པ་ཐམས་ཅད་མཁྱེན་པ་ཉིད་ཀྱང་སྐྱེ་བ་མེད་པ་ཉིད་ཡིན་ནོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན། གང་རྣམ་པ་ཐམས་ཅད་མཁྱེན་པ་ཉིད་ཅེས་བྱ་བ་དེནི་འགྲིབ་པ་མེད་པའི་གྲངས་སུ་བྱས་པ་ཡིན་ནོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གཞན་ཡང་གང་གི་ཚེ། བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། ཆོས་འདི་དག་ལ་ཉེ་བར་རྟོག་པར་བགྱིད་པ་དེའི་ཚེ་ཤིན་ཏུ་རྣམ་པར་དག་པ་སླད་དུ། གཟུགས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་སླད་དུ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་སླད་དུ། བདག་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། ། དེ་བཞིན་དུ་སྦྱར་ཏེ། ཤིན་ཏུ་རྣམ་པར་དག་པའི་སླད་དུ། ཤེས་པ་པོ་དང་མཐོང་བ་པོའི་བར་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་སླད་དུ། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། ཤིན་ཏུ་རྣམ་པར་དག་པའི་སླད་དུ། དྲན་པ་ཉེ་བར་བཞག་པ་རྣམས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་སླད་དུ། འཕགས་པའི་ལམ་ཡན་ལག་བརྒྱད་པའི་བར་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། ། དེ་བཞིན་དུ་ཤིན་ཏུ་རྣམ་པར་དག་པའི་སླད་དུ། དེ་བཞིན་གཤེགས་པའི་སྟོབས་བཅུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། ། ཤིན་ཏུ་རྣམ་པར་དག་པའི་སླད་དུ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། དེ་བཞིན་དུ་རྣམ་པར་དག་པའི་སླད་དུ། ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། ཤིན་ཏུ་རྣམ་པར་དག་པའི་སླད་དུ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། དེ་བཞིན་དུ་ཤིན་ཏུ་རྣམ་པར་དག་པའི་སླད་དུ། སོ་སོའི་སྐྱེ་བོའི་ཆོས་རྣམས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ། ། དེ་བཞིན་དུ་ཤིན་ཏུ་རྣམ་པར་དག་པའི་སླད་དུ། རྒྱུན་ཏུ་ཞུགས་པའི་ཆོས་རྣམས་དང་། རྒྱུན་དུ་ཞུགས་པ་རྣམས་དང་། ལན་ཅིག་ཕྱིར་འོང་བའི་ཆོས་རྣམས་དང་། ལན་ཅིག་ཕྱིར་འོང་བ་རྣམས་དང་། ཕྱིར་མི་འོང་བའི་ཆོས་རྣམས་དང་། ཕྱིར་མི་འོང་བ་རྣམས་དང་། དགྲ་བཅོམ་པའི་ཆོས་རྣམས་དང་། དགྲ་བཅོམ་པ་རྣམས་དང་། རང་སངས་རྒྱས་ཀྱི་ཆོས་རྣམས་དང་། རང་སངས་རྒྱས་རྣམས་དང་། བྱང་ཆུབ་སེམས་དཔའི་ཆོས་རྣམས་དང་། བྱང་ཆུབ་སེམས་དཔའ་རྣམས་དང་། སངས་རྒྱས་ཀྱི་ཆོས་རྣམས་དང་། སངས་རྒྱས་རྣམས་སྐྱེབ་མ་མཆིས་པར་དག་ཡང་དག་པར་རྗེས་སུ་མཐོང་ལགས་སོ། ། ཤིན་ཏུ་རྣམ་པར་དག་པའི་སླད་དུ། ཡང་དག་པར་རྫོགས་པའི་སངས་རྒྱས་སྐྱེ་བ་མ་མཆིས་པར་ཡང་དག་པར་རྗེས་སུ་མཐོང་ལགས་སོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་གྱིས་སྤྲས་པའི་དོན་བདག་གིས་ཤེས་པ་ལྟར་ན། གཟུགས་ནི་མ་སྐྱེས་པ་ཡིན། བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་སྐྱེས་པ་ཡིན། དེ་བཞིན་དུ་སྦྱར་ཏེ། བྱང་ཆུབ་ཀྱི་བར་དུ་མ་སྐྱེས་པ་ཡིན། སངས་རྒྱས་ཀྱི་ཆོས་རྣམས་ཀྱང་མ་སྐྱེས་པ་ཡིན། དེ་ལྟར་གྱུར་ན་རྒྱུན་དུ་ཞུགས་པ་རྣམས་ཀྱིས་རྒྱུན་དུ་ཞུགས་པའི་འབྲས་བུ་དང་། དེ་བཞིན་དུ་དགྲ་བཅོམ་པའི་བར་དག་གིས་ཀྱང་དགྲ་བཅོམ་པ་ཉིད་ཀྱིས་ཐོབ་པར་མི་འགྱུར་རོ། ། དེ་བཞིན་དུ་རང་སངས་རྒྱས་ཀྱི་ཐེག་པ་པ་རྣམས་ཀྱིས་རང་བྱང་ཆུབ་ཐོབ་ཟིན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོས་ཀྱང་རྣམ་པ་ཐམས་ཅད་མཁྱེན་པ་ཉིད་ཐོབ་ཟིན་པ་ཁོ་ནར་འགྱུར། འགྲོ་བ་ལྔ་པོའང་བྱེ་བྲག་མེད་པར་འགྱུར། བྱང་ཆུབ་སེམས་དཔའ་སེམས་དཔའ་ཆེན་པོས་མཐོང་བ་མེད་པར་ཡང་བྱང་ཆུབ་རྣམ་ལྔ་ཐོབ་ཟིན་པ་ཁོ་ནར་འགྱུར་རོ།། ཚེ་དང་ལྡན་པ་རབ་འབྱོར་གལ་ཏེ་ཆོས་ཐམས་ཅད་སྐྱེ་བ་མེད་པ་ཡིན་ན། ཅིའི་ཕྱིར་རྒྱུན་དུ་ཞུགས་པའི་འབྲས་བུ་འདོད་པ་རྣམས་ཀྱིས། ཀུན་ཏུ་སྦྱོར་བ་གསུམ་སྤང་བའི་ཕྱིར་ལམ་བསྒོམ་པར་བྱ།། ལན་ཅིག་ཕྱིར་འོང་བའི་འབྲས་བུ་འདོད་པ་རྣམས་ཀྱིས། འདོད་ཆགས་དང་། ཞེ་སྡང་དང་། གཏི་མུག་སྤང་བའི་ཕྱིར་ལམ་བསྒོམ་པར་བྱ།། ཕྱིར་མི་འོང་བའི་འབྲས་བུ་འདོད་པ་རྣམས་ཀྱིས་འོག་མའི་ཆུ་དང་འཐན་པའི་ཀུན་ཏུ་སྦྱོར་བ་རྣམས་སྤང་བའི་ཕྱིར་ལམ་བསྒོམ་པར་བྱ། དགྲ་བཅོམ་པའི་བར་དུ་འདོད་པ་རྣམས་ཀྱིས། གོང་མའི་ཆ་དང་འཐུན་པའི་ཀུན་ཏུ་སྦྱོར་བ་ལྔ་སྤང་བའི་ཕྱིར་ལམ་བསྒོམ་པར་བྱ། ། འདི་ལྟ་སྟེ། འདུ་བྱེད་ཐམས་ཅད་ནི་རྟེན་ཅིང་འབྲེལ་པར་འབྱུང་བའོ་ཞེས་རང་སངས་རྒྱས་ཀྱི་ལམ་བསྒོམ་པར་བྱ། ཡང་ཅིའི་ཕྱིར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དཀའ་བ་སྤྱད་པ་སྤྱོད་ཅིང་། སེམས་ཅན་རྣམས་ཀྱི་ཆེད་དུ་སྡུག་བསྔལ་འབུམ་དག་ཉམས་སུ་མྱོང་། དེ་ཅིའི་ཕྱིར་ཞེ་ན། དེ་བཞིན་གཤེགས་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཅིའི་ཕྱིར་ན་དེ་བཞིན་གཤེགས་པས་ཆོས་ཀྱི་འཁོར་ལོ་བསྐོར། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་ཁོ་བོནམ་སྐྱེས་པའི་ཆོས་ལ་བརྟགས་པ་མི་འདོད་དོ།། སྐྱེ་བ་མེད་པལ་རྒྱུན་དུ་ཞུགས་པ་དང་། རྒྱུན་དུ་ཞུགས་པའི་འབྲས་བུ་ཡོད་པར་མི་འདོད་དོ།། དེ་བཞིན་དུ་སྐྱེ་བ་མེད་པ་ལ་དགྲ་བཅོམ་པ་དང་། དགྲ་བཅོམ་པའི་འབྲས་བུ་ཡོད་པར་མི་འདོད་དོ།། སྐྱེ་བ་མེད་པ་ལ་རང་སངས་རྒྱས་དང་། རང་བྱང་ཆུབ་ཡོད་པར་མི་འདོད་དོ།། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་ནི་གང་དཀའ་བའི་འདུ་ཤེས་ཀྱིས་དཀའ་བའི་སྤྱད་པ་སྤྱོད་པར་མི་བྱེད་དོ། ། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་དཀའ་བའི་འདུ་ཤེས་བསྐྱེད་ན་ནི་སེམས་ཅན་དཔག་ཏུ་མེད་པ་གྲངས་མེད་པ་རྣམས་ཀྱི་དོན་བྱེད་མི་ནུས་པའི་ཕྱིར་རོ།། ཚེ་དང་ལྡན་པ་ཤཱ་ར་དྭ་ཏིའི་བུ་འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོས། སེམས་ཅན་རྣམས་ལ་མི་དམིགས་པའི་ཚུལ་གྱིས་པའི་འདུ་ཤེས་དང་། མའི་འདུ་ཤེས་དང་། བུ་འདུ་ཤེས་དང་། བདག་གི་འདུ་ཤེས་བསྐྱེད་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བྱའོ།། དཔེར་ན་བདག་ཅེས་བྱ་བ་ནི་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་མེད་ཅིང་མི་དམིགས་སོ། ། དེ་བཞིན་དུ་ནང་དང་ཕྱིའི་ཆོས་རྣམས་ལའང་འདུ་ཤེས་བསྐྱེད་པར་བྱ་སྟེ། གལ་ཏེ་དེ་ལྟར་འདུ་ཤེས་བསྐྱེད་ན། དཀའ་བའི་འདུ་ཤེས་བསྐྱེད་པར་མི་འགྱུར་རོ། ། དེ་ཅིའི་ཕྱིར་ཞེ་ན། འདི་ལྟར་དེ་ནི་ཐམས་ཅད་ཀྱི་ཐམས་ཅད་རྣམ་པ་ཐམས་ཅད་ཀྱི་ཐམས་ཅད་དུ་ཆོས་དེ་དག་ཉེ་བར་མི་ལེན་ཅིང་མི་དམིགས་པའི་ཕྱིར་རོ།། ཚེ་དང་ལྡན་པ་ཤཱ་ར་དྭ་ཏིའི་བུ་ཁོ་བོ་སྐྱེ་བ་མེད་པ་ལ་དེ་བཞིན་གཤེགས་པ་ཡོད་པར་མི་འདོད་དོ། ། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཡོད་པར་མི་འདོད་དོ།། དེ་བཞིན་གཤེགས་པའི་ཆོས་ཀྱི་འཁོར་ལོ་བསྐོར་བ་ཡོད་པར་མི་འདོད་དོ། ། མ་སྐྱེས་པའི་ཆོས་ཀྱིས་ཀྱང་ཆོས་གང་ཡང་ཐོབ་པ་མེད་དོ།། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་པ་འདི་སྐད་ཅེས་སྨྲས་སོ། ། ཚེ་དང་ལྡན་པ་རབ་འབྱོར་ཅི་ཁྱོད་མ་སྐྱེས་པའི་ཆོས་ཀྱིས་ཐོབ་པར་འདོད་དམ། འོ་ན་ཏེ་སྐྱེས་པའི་ཆོས་ཀྱིས་ཆོས་འགའ་ཞིག་ཐོག་པར་འདོད། སྨྲས་པ་ཚེ་དང་ལྡན་པ་ཤཱ་ར་དྭ་ཏིའི་བུ་ཁོ་བོ་ནི་མ་སྐྱེས་པའི་ཆོས་ཀྱིས་ཀྱང་ཐོབ་པར་མི་འདོད་ལ། སྐྱེས་པའི་ཆོས་ཀྱང་ཆོས་གང་ཡང་ཐོབ་པར་མི་འདོད་དོ།། སྨྲས་པ་ཚེ་དང་ལྡན་པ་རབ་འབྱོར་ཅི་ཐོབ་པའང་མེད་ལ། མངོན་པར་རྟོགས་པའང་མེད་དམ། ཚེ་དང་ལྡན་པ་ཤཱ་ར་དྭ་ཏིའི་བུ་ཐོབ་པ་ཡོད། མངོན་པར་རྟོགས་པའང་ཡོད་མོད་ཀྱི། གཉིས་ཀྱིས་ནི་མ་ཡིན་ནོ། ། འོན་ཀྱང་ཚེ་དང་ལྡན་པ་ཤཱ་ར་དྭ་ཏིའི་བུ་ཐོབ་པ་དང་། མངོན་པར་རྟོགས་པ་ནི་འཇིག་རྟེན་གྱི་ཐ་སྙད་དུ་དམིགས་སོ།། དེ་བཞིན་དུ་རྒྱུན་དུ་ཞུགས་པའི་འབྲས་བུའང་འཇིག་རྟེན་གྱི་ཐ་སྙད་དུ་འདོགས་སོ། ། དེ་བཞིན་དུ་དགྲ་བཅོམ་པའི་བར་དང་། རང་སངས་རྒྱས་ཀྱི་བར་དང་། བླ་ན་མེད་པ་ཡང་དག་པར་རྫོགས་པའི་སངས་རྒྱས་ཀྱང་འཇིག་རྟེན་གྱི་ཐ་སྙད་དུ་འདོགས་པ་ཡིན་གྱི། དོན་དམ་པར་ནི་ཐོབ་པའང་མེད། མངོན་པར་རྟོགས་པའང་མེད་པ་ནས། ཡང་དག་པར་རྫོགས་པའི་སངས་རྒྱས་ཀྱི་བར་དུ་མེད་དོ།། སྨྲས་པ། ཅི་ཚེ་དང་ལྡན་པ་རབ་འབྱོར་ཇི་ལྟར་ཐོབ་པ་དང་། མངོན་པར་རྟོགས་པ་འཇིག་རྟེན་གྱི་ཐ་སྙད་དུ་འདོགས་པ་དེ་ཁོ་ན་བཞིན་དུ། འགྲོ་བ་ལྔ་པོ་དག་ཀྱང་འཇིག་རྟེན་གྱི་ཐ་སྙད་ཀྱིས་ཐ་དད་ཀྱི། དོན་དམ་པར་ནི་མ་ཡིན་ནོ།། སྤྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་དེ་བཞིན་ཏེ། ཇིལྟར་ཐོབ་པ་དང་། མངོན་པར་རྟོགས་པ་འཇིག་རྟེན་གྱི་ཐ་སྙད་དུ་འདོགས་པ་དེ་ཁོ་ན་བཞིན་དུ། འགྲོ་བ་ལྔ་པོ་དག་ཀྱང་འཇིག་རྟེན་གྱི་ཐ་སྙད་དུ་ཐ་དད་ཀྱི། དོན་དམ་པར་ནི་མ་ཡིན་ནོ།། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་དོན་དམ་པ་ལ་ནི་ལས་མེད། རྣམ་པར་སྨིན་པ་མེད། ཀུན་ནས་ཉོན་མོངས་པ་མེད། རྣམ་པར་བྱང་བ་མེད་པའི་ཕྱིར་རོ།། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅི་མ་སྐྱེས་པའི་ཆོས་སྐྱེ་བའམ། འོན་ཏེ་སྐྱེས་པ་ཉིད་སྐྱེ། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་ཁོ་བོ་ནི་མ་སྐྱེས་པའི་ཆོས་ལ་སྐྱེ་བར་མི་འདོད་དོ།། སྨྲས་པ། ཚེ་དང་ལྡན་པ་རབ་འབྱོར་རློས་ག་གི་མ་སྐྱེས་པ་ལ་སྐྱེ་བར་མི་འདོད། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་གཟུགས་མ་སྐྱེས་པ་ངོ་བོ་ཉིད་ཀྱི་སྟོང་པ་ཉིད་ལ་སྐྱེ་བར་མི་འདོད་དོ།། དེ་བཞིན་དུ་ཚོར་བ་དང་། འདུ་ཤེས་དང་འདུ་བྱེད་རྣམས་དང་། རྣམ་པར་ཤེས་པ་མ་སྐྱེས་པ་ངོ་བོ་ཉིད་སྟོང་པ་ཉིད་ལ་སྐྱེ་བར་མི་འདོད་དོ།། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་སྦྱར་ཏེ། ཁོ་བོ་ནི་བྱང་ཆུབ་ཀྱི་བར་དུ་མ་སྐྱེས་པ་སྟོང་པ་ཉིད་ཀྱི་ངོ་བོ་ཉིད་ལ་སྐྱེ་བར་མི་འདོད་དོ། ། སྨྲས་པ། ཚེ་དང་ལྡན་པ་རབ་འབྱོར་ཅི་སྐྱེ་བ་ཡོད་པ་སྐྱེ་འམ། འོན་ཏེ་སྐྱེ་བ་མེད་པ་སྐྱེ། སྨྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་སྐྱེས་པའང་མི་སྐྱེ་ལ། སྐྱེ་བ་མེད་པའང་མི་སྐྱེའོ།། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་འདི་ལྟར་སྐྱེ་བ་གང་ཡིན་པ་དང་། སྐྱེ་བ་མེད་པ་གང་ཡིན་པའི་ཆོས་དེ་གཉིས་ཀའང་ལྡན་པའང་མ་ཡིན། མི་ལྡན་པའང་མ་ཡིན་ཞིང་། གཟུགས་མེད་པ། བསྟན་དུ་མེད་པ། ཐོགས་པ་མེད་པ་སྟེ། འདི་ལྟར་མཚན་ཉིད་མེད་པར་མཚན་ཉིད་གཅིག་པའི་ཕྱིར་ཏེ། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན་སྐྱེ་བ་ཡོད་པའང་མི་སྐྱེ་ལ། སྐྱེ་བ་མེད་པའང་མི་སྐྱེའོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཁྱོད་ཀྱིས་ཆོས་མ་སྐྱེས་སོམ་སྐྱེས་སོ་ཞེས་བྱ་བར་བརྗོད་པར་སྤོབས་སམ། ཚེ་དང་ལྡན་པ་རབ་འབྱོར་ཁྱོད་ཆོས་མ་སྐྱེས་སོམ་སྐྱེས་སོ་ཞེས་བྱ་བའི་སྐྱེ་བ་མེད་པ་བརྗོད་པར་སྤོབས་སམ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་ཁོ་བོ་ནི་ཆོས་མ་སྐྱེས་སོམ་སྐྱེས་སོ་ཞེས་བྱ་པར་བརྗོད་པར་སྤོབས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་ཆོས་མ་སྐྱེས་སོ་མ་སྐྱེས་སོ་ཞེས་བྱ་བའི་སྐྱེ་བ་མེད་པའང་བརྗོད་པ་སྤོབས་སོ།། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་སྐྱེ་བ་མེད་པ་གང་ཡིན་པ་དང་། སྤོབས་པ་གང་ཡིན་པ་དང་། བརྗོད་པ་གང་ཡིན་པ་དང་། མི་སྐྱེ་བ་གང་ཡིན་པའི་ཆོས་དེ་དག་ཐམས་ཅད་ནི་ལྡན་པའང་མ་ཡིན། མི་ལྡན་པའང་མ་ཡིན་ཞིང་། གཟུགས་མེད་པ། བསྟན་དུ་མེད་པ། ཐོགས་པ་མེད་པ་ཏེ། འདི་ལྟར་མཚན་ཉིད་མེད་པར་མཚན་ཉིད་གཅིག་པའི་ཕྱིར་རོ།། དེ་སྐད་ཅེས་སྤྲས་པ་དང་། ཚེ་དང་ལྡན་པ་། ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཆོས་དེ་དག་ཀྱང་མ་སྐྱེས་སྤོབས་པའང་མ་སྐྱེས། བརྗོད་པའང་མ་སྐྱེས་པ་ཡིན་ལ། གང་དག་ལས་བརྩམས་ཏེ་ཁྱོད་བརྗོད་པ་དེ་དག་ཀྱང་མ་སྐྱེས་པ་ཡིན་ནམ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། ཆོས་དེ་དག་མ་སྐྱེས་པའོ།། སྤོབས་པའང་མ་སྐྱེས་པའོ།། བརྗོད་པའང་མ་སྐྱེས་པའོ།། གང་དག་ལ་བསམས་ནས་ཁོ་བོ་བརྗོད་པར་སྤོབས་པ་དེ་ཆོས་དེ་དག་ཀྱང་མ་སྐྱེས་པའོ།། དེ་ཅིའི་ཕྱིར་ཞེ་ན། ཚེ་དང་ལྡན་པ་ཤཱ་ར་དྭ་ཏིའི་བུ་འདི་ལྟར་གཟུགས་ནི་མ་སྐྱེས་པ་ཡིན། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་སྐྱེས་པ་ཡིན། དེ་བཞིན་དུ་མིག་མ་སྐྱེས་པ་ནས། ཡིད་ཀྱི་བར་དུ་མ་སྐྱེས་པ་ཡིན། དེ་བཞིན་དུ་སའི་ཁམས་མ་སྐྱེས་པ་ནས། རྣམ་པར་ཤེས་པའི་ཁམས་ཀྱི་བར་དུ་མ་སྐྱེས་པ་ཡིན། ལུས་ཀྱི་འདུ་བྱེད་དག་ནི་མ་སྐྱེས་པ་ཡིན། དེ་བཞིན་དུ་ངག་གི་འདུ་བྱེད་དག་དང་། ཡིད་ཀྱི་འདུ་བྱེད་དག་ནི་མ་སྐྱེས་པ་ཡིན་ལ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མ་སྐྱེས་པའི་ཕྱིར་ཏེ། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན་བརྗོད་པ་དེ་དག་ཀྱང་མ་སྐྱེས་པའོ།། སྤོབས་པའང་མ་སྐྱེས་པའོ།། གང་དག་ལས་བརྩམས་ཏེ་ཁོ་བོ་བརྗོད་པར་སྤོབས་པའི་ཆོས་ཏེ་དག་ཀྱང་མསྐྱེས་པའོ། ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་ནུཔ་འབྱོརན་ཆོས་སྤུ་བ་རྣམས་ཀྱི་མཆོག་ཏུ་གཞག་པར་བྱའོ། ། རྡོཿའཕྱིར་ཞེ་ན། འདི་ལྟར་ཚེ་དང་ལྡན་པ་རབ་འབྱོར་ནི་གང་དང་གང་ཁོན་དྲིས་པ་དེ་དང་དེ་ཁོན་ཚུལ་བཞིན་དུ་རྒྱས་པར་བྱེད་པའི་ཕྱིར་རོ།། སྨྲས་པ། དེ་དེ་བཞིན་ཏེ། འདི་ལྟ་སྟེ། ཆོས་ཐམས་ཅད་ནི་མི་རྟེན་པའི་ཕྱིར་རོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཡང་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཆོས་ཐམས་ཅད་མི་རྟེན་པ་གང་ཡིན། ཚེ་དང་ལྡན་པ་རབ་འབྱོར་གྱིས་སྤྲས་པ། ཚེ་དང་ལྡན་པ་ཤཱ་ར་དྭ་ཏིའི་བུ་གཟུགས་རང་བཞིན་གྱིས་སྟོང་པ་ནི་ནང་ལ་མི་རྟེན། ཕྱི་རོལ་ལ་མི་རྟེན། གཉིས་ཀའི་བར་ལ་མི་རྟེན་ནོ། ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རང་བཞིན་གྱིས་སྟོང་པ་ནི་ནང་ལ་མི་རྟེན། ཕྱི་རོལ་ལ་མི་རྟེན། གཉིས་ཀྭའི་བར་ལ་མི་རྟེན་ཏོ།། གོང་མ་བཞིན་དུ་སྦྱར་ཏེ། དེ་བཞིན་དུ་མིག་དང་། རྣ་བ་དང་། སྣ་དང་། སྱེ་དང་། ལུས་དང་། ཡིད་རང་བཞིན་ཉིད་ཀྱིས་སྟོང་པ་ཉིད་ནི་ནང་ལའང་མི་རྟེན། ཕྱི་རོལ་ལའང་མི་རྟེན། གཉིས་ཀའི་བར་ལའང་མི་རྟེན་ཏོ།། དེ་བཞིན་དུ་གཟུགས་རྣམས་དང་། སྒྲ་རྣམས་དང་། དྲི་རྣམས་དང་། རོ་རྣམས་དང་། རེག་རྣམས་དང་། ཆོས་རྣམས་རང་བཞིན་ཉིད་ཀྱིས་སྟོང་པ་ཉིད་ནི་མང་ལ་མི་རྟེན། ཕྱི་རོལ་ལ་མི་རྟེན། གཉིས་ཀའི་བར་ལ་མི་རྟེན་ཏོ།། ཚེ་དང་ལྡན་པ་ཤཱ་ར་དྭ་ཏིའི་བུ་དེ་བཞིན་དུ་སྦྱིན་པའི་ཕ་རོལ་དུ་ཕྱིན་པ་རང་བཞིན་ཉིད་ཀྱིས་སྟོང་པ་དེ་ནི་ནང་ལའང་མི་རྟེན། ཕྱི་རོལ་ལའང་མི་རྟེན། གཉིས་ཀའི་བར་ལའང་མི་རྟེན་ཏོ།། དེ་བཞིན་དུ་ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་རང་བཞིན་གྱིས་སྟོང་པ་དེ་ནི་ནང་ལའང་མི་རྟེན། ཕྱི་རོལ་ལའང་མི་རྟེན། གཉིས་ཀའི་བར་ལའང་མི་རྟེན་ཏོ།། དེ་བཞིན་དུ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་རང་བཞིན་ཉིད་ཀྱིས་སྟོང་པ་དེ་ནི་ནང་ལའང་མི་རྟེན། ཕྱི་རོལ་ལའང་མི་རྟེན། གཉིས་ཀའི་བར་ལའང་མི་རྟེན་ཏོ། ། དེ་བཞིན་དུ་དྲན་པ་ཉེ་བར་གཞག་པ་རྣམས་རང་བཞིན་གྱིས་སྟོང་པ་དེ་ནི་ནང་ལའང་མི་རྟེན། ཕྱི་རོལ་ལའང་མི་རྟེན། གཉིས་ཀའི་བར་ལའང་མི་རྟེན་ཏོ།། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རང་བཞིན་གྱིས་སྟོང་པ་དེ་ནི་ནང་ལའང་མི་རྟེན། ཕྱི་རོལ་ལའང་མི་རྟེན། གཉིས་ཀའི་བར་ལའང་མི་རྟེན་ཏོ།། ཚེ་དང་ལྡན་པ་ཤཱ་ར་དྭ་ཏིའི་བུ་རྣམ་གྲངས་དེས་ན་ཆོས་ཐམས་ཅད་མི་རྟེན་པ་སྟེ། རང་བཞིན་གྱིས་སྟོབ་ཉིད་ཀྱི་ཕྱིར་རོ།། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དེ་ལྟར་གཟུགས་ཡོངས་སུ་སྦྱང་བར་བྱའོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཡོངས་སུ་སྦྱང་བར་བྱའོ།། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཡོངས་སུ་སྦྱང་བར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། འོང་བ་དང་འགྲོ་བ་མེད་པའི་ལེའུ་ཞེས་བྱ་སྟེ་བཅུ་བཞི་པ་རྫོགས་སོ། ། །། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པབམ་པོ་བཅོ་ལྔ་པ།། །། དེ་ནས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྷའི་དབང་པོ་བརྒྱ་བྱིན་དང་། རྒྱལ་པོ་ཆེན་པོ་བཞི་ཇི་སྙེད་ཡོད་པ་དེ་དག་ཐམས་ཅད་ཀྱང་། ལྷའི་བུ་བྱེ་བ་ཁྲག་ཁྲིག་འབུམ་ཕྲག་དུ་མ་དག་དང་ལྷན་ཅིག་ཏུ་འཁོར་དེ་ཉིད་དུ་འདུས་པར་གྱུར་ཏོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ལྷའི་བུ་རབ་འཐབ་བྲལ་རྣམས་དང་། ཡོངས་སུ་དགའ་ལྡན་རྣམས་དང་། ལྷའི་བུ་རབ་འཕྲུལ་དགའ་རྣམས་དང་། ལྷའི་བུ་དབང་སྒྱུར་རྣམས་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ནས་ཚངས་པ་ཇི་སྙེད་པ་དེ་དག་ཐམས་ཅད་ཀྱང་། ཚངས་པ་བྱེ་བ་ཁྲག་ཁྲིག་འབུམ་ཕྲག་དུ་མ་དག་དང་ལྷན་ཅིག་ཏུ་འཁོར་དེ་ཉིད་དུ་འདུས་པར་གྱུར་ཏོ།། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་གནས་གཙང་མའི་ལྷ་ཇི་སྙེད་པ་དེ་དག་ཐམས་ཅད་ཀྱང་། གནས་གཙང་མའི་རིས་ཀྱི་ལྷ་བྱེ་བ་ཁྲག་ཁྲིག་འབུམ་ཕྲག་དུ་མ་དག་དང་ལྷན་ཅིག་ཏུ་འཁོར་དེ་ཉིད་དུ་འདུས་པར་གྱུར་ཏོ། ། རྒྱལ་ཆེན་བཞིའི་རིས་ཀྱི་ལྷ་རྣམས་ཀྱི་རྣམ་པར་སྨིན་པ་ལས་བྱུང་བའི་ལུས་ཀྱི་འོད་དང་། དེ་བཞིན་དུ་སུམ་ཅུ་རྩ་གསུམ་པའི་ལྷ་རྣམས་དང་། འཐབ་བྲལ་རྣམས་དང་། དགའ་ལྡན་རྣམས་དང་། འཕྲུལ་དགའ་རྣམས་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་། དེ་བཞིན་དུ་ཚངས་རིས་ནས། གནས་གཙང་མའི་རིས་ཀྱི་ལྷ་རྣམས་ཀྱི་ལས་ཀྱི་རྣམ་པར་སྨིན་པ་ལས་བྱུང་བའི་ལུས་ཀྱི་འོད་གང་ཡིན་པ་དེ་ནི། དེ་བཞིན་གཤེགས་པའི་རང་བཞིན་གྱི་འོད་ཀྱི་བརྒྱའི་ཆར་ཡང་ཉེ་བར་མི་འགྲོ། སྟོང་གི་ཆར་ཡང་ཉེ་བར་མི་འགྲོའོ།། འབུམ་གྱི་ཆ་དང་། བྱེ་བ་ཕྲག་འབུམ་གྱི་ཆ་དང་། གྲངས་དང་། ཆ་དང་། བགྲང་བ་དང་། དཔེ་དང་། རྒྱུར་ཡང་ཉེ་བར་མི་འགྲོའོ།། དེ་བཞིན་གཤེགས་པ་ཉིད་ཀྱི་སྐུའི་འོད་ནི་འོད་དེ་དག་གི་ནང་ན་མཆོག་ཏུ་སྣང་ངོ་།། ཕུལ་དང་། རབ་མཆོག་དང་། གྱ་ནོམ་པ་དང་། བླ་ན་མེད་པ་དང་། གོང་ན་མེད་པར་སྣང་སྟེ། དཔེར་ན་འཛམ་བུའི་ཆུ་བོའི་གསེར་གྱི་གན་ན། སྡོང་དུམ་ཚིག་པ་ནི་ལྷམ་མེད་མ་ཡིན། ལྷམ་ནེ་མ་ཡིན། ལྒང་ངེ་མ་ཡིན་ནོ།། དེ་བཞིན་དུ་དེ་བཞིན་གཤེགས་པའི་རང་བཞིན་གྱི་སྐུའི་འོད་ཀྱི་གན་ན། ལྷ་ཐམས་ཅད་ཀྱི་ལས་ཀྱི་རྣམ་པར་སྨིན་པ་ལས་བྱུང་བའི་འོད་ནི་ལྷམ་མེ་མ་ཡིན། ལྷན་ནེ་མ་ཡིན། ལྷང་ངེ་མ་ཡིན་ཞིང་། དེ་བཞིན་གཤེགས་པའི་སྐུའི་འོད་ནི་དེ་དག་གི་ནང་ན་མཆོག་ཏུ་སྣང་ངོ་།། ཕུལ་དང་། རབ་མཆོག་དང་། གྱ་ནོམ་པ་དང་། བླ་ན་མེད་པ་དང་། གོང་ན་མེད་པར་སྣང་ངོ། དེ་ནས་ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། བཙུན་པ་རབ་འབྱོར་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན། རྒྱལ་ཆེན་བཞིའི་རིས་ཀྱི་ལྷ་རྣམས་ནས། གནས་གཙང་མའི་བར་གྱི་ལྷ་ཇི་སྙེད་འཁོད་པ་དེ་དག། ཚེ་དང་ལྡན་པ་རབ་འབྱོར་ལ་ཆོས་མཉན་པའི་ཕྱིར་འཁོར་འདིར་འདུས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་བསྟན་པ་དེའང་མཉན་པར་འདོད་ན། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱ། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཕྱིན་པ་ནི་གང་ཡིན། བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཇི་ལྟར་བསླབ་པར་བྱ། དེ་སྐད་ཅེས་སྨྲས་པ་དང་། དང་ལྡན་པ་རབ་འབྱོར་གྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ།། ཀོའུ་ཤི་ཀ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཅུང་ཞིག་དང་། སངས་རྒྱས་ཀྱི་མཐུ་དང་། སངས་རྒྱས་ཀྱིས་བྱིན་གྱིས་བསླབ་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱ་བ་དང་། ཇི་ལྟ་བ་སྒྲུབ་པར་བྱ་བའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཁྱོད་ལ་བཤད་པར་བྱས། ལྷའི་བུ་གང་དག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་མ་བསྐྱེད་པ་དེ་དག་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་གྱིས་ཤིག། གང་དག་ཡང་དག་པའི་སྐྱོན་མེད་པ་ལ་ཞུགས་པ་དེ་དག་ནི། ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་མི་ནུས་སོ། ། དེ་ཅིའི་ཕྱིར་ཞེ་ན། དེ་དག་གིས་འཁོར་བའི་མཚམས་གཅད་པའི་ཕྱིར་རོ།། འོན་ཀྱང་གལ་ཏེ་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ན། བོ་ནི་དེ་དག་གི་དགེ་བའི་ཕྱོགས་ཀྱི་བར་ཆད་མི་བྱེད་པས། དེ་དག་ལའང་རྗེས་སུ་ཡི་རང་སྟེ། འོན་ཀྱང་ཁྱད་པར་དུ་འཕགས་པའི་ཆོས་རྣམས་ལས་ཆེས་ཁྱད་པར་འཕགས་པའི་ཆོས་རྣམས་ལ་དམིགས་པར་བྱའོ། ། ཀོའུ་ཤི་ཀ་དེ་ལ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་གང་ཡིན་ཞེ་ན། ཀོའུ་ཤི་ཀ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས་གཟུགས་མི་རྟག་པར་ཡིད་ལ་བྱེད་དེ། དེ་བཞིན་དུ་སྡུག་བསྔལ་བ་དང་། བདག་མེད་པ་དང་། ནང་དང་། འབྲས་དང་། ཟུག་རྔུ་དང་། གནོད་པ་དང་། འཇིག་པ་དང་། འགྱེས་པ་དང་། གཡོ་བ་དང་། རབ་ཏུ་འཇིག་པ་དང་། འགྲོ་བའི་ནད་དང་། སྟོང་པ་དང་། ཡིད་བརྟན་དུ་མི་རུང་བ་དང་། རྣམ་པར་གནོད་པར་ཡིད་ལ་བྱེད་པ་དེ། ལའང་མི་དམིགས་པའི་ཚུལ་གྱིས་བྱེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་རྟག་པར་ཡིད་ལ་བྱེད་པ་ནས། རྣམ་པར་གནོད་པའི་བ.རང་ཡིད་ལ་བྱེད་དོ། ། དེ་བཞིན་དུ་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱི་རྟག་པར་ཡིད་ལ་བྱེད་པ་ནས། ལྷག་པར་གནོད་པར་བྱེད་པ་བར་དུ་ཡིད་ལ་བྱེད་དོ། ། དེ་བཞིན་དུ་སའི་ཁམས་དང་། ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་མི་རྟག་པར་ཡིད་ལ་བྱེད་པ་ནས། ལྷག་པར་གནོད་པར་བྱེད་པའི་བར་དུ་ཡིད་ལ་བྱེད་དོ།། དེའང་མི་དམིགས་པའི་ཚུལ་གྱིས་བྱེད་དོ།། དེ་བཞིན་དུ་གཟུགས་ཞི་བ་དང་། དབེན་པར་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞི་བ་དང་། དབེན་པར་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ། ། དེ་བཞིན་དུ་མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། དེ་བཞིན་དུ་སའི་ཁམས་དང་། ཆུའི་ཁམས་དང་། མེའི་ཁམས་དང་རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་ཞི་བ་དང་། དབེན་པར་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་དོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས། མ་རིག་པའི་རྐྱེན་གྱིས་འདུ་བྱེད་རྣམས་སུ་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་བྱེད་པ་ནས། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པ་འབྱུང་བར་ཡིད་ལ་བྱེད་དེ། དེ་ཡང་མི་དམིགས་པའི་ཚུལ་གྱིས་བྱེད་པ་ནས། སྡུག་བསྔལ་གྱི་ཕུང་པོ་ཆེན་པོ་འབའ་ཞིག་འགག་པར་འགྱུར་བའི་བར་དུ་ཡིད་ལ་བྱེད་དེ། དེའང་མི་དམིགས་པའི་ཚུལ་གྱིས་ཡིད་ལ་བྱེད་དོ།། ཀོའུ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས། དྲན་པ་ཉེ་བར་གཞག་པ་རྣམས་སྒོམ་སྟེ། དེའང་མི་དམིགས་པའི་ཚུལ་གྱིས་སྒོམ་པ་དང་། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་སྒོམ་སྟེ། དེའང་མི་དམིགས་པའི་ཚུལ་གྱིས་སྒོམ་མོ།། ཀོའུ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམ་པ་ཐམས་ཅད་མཁྱེན་པ་ཉིད་དང་ལྡན་པའི་སེམས་བསྐྱེད་པ་དག་གིས། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་དེ། དེའང་མི་དམིགས་པའི་ཚུལ་གྱིས་སྤྱོད་དོ།། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་དེ། དེའང་མི་དམིགས་པའི་ཚུལ་གྱིས་སྤྱོད་དོ། ། ཀོའུ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། འདི་ལྟར་ཆོས་རྣམས་ལ་ནས་ཆོས་རྣམ་པར་སྦྱོང་བར་བྱེད་ཅིང་། ཡོངས་སུ་སྦྱོང་བར་བྱེད།། ཡོངས་སུ་རྫོགས་པར་བྱེད། ཡོངས་སུ་ཁྱབ་པར་བྱེད་དེ། འདི་ལ་བདག་གམ། བདག་གི་ཞེས་བྱ་བ་འགའ་ཡང་མེད་དོ་ཞེས་སོ་སོར་རྟོག་པར་བྱེད་དོ། ། བྱང་ཆུབ་སེམས་དཔའ་སེམས་དཔའ་ཆེན་པོའི་ཡོངས་སུ་བསྔོ་བའི་སེམས་གང་ཡིན་པ་དེ་ནི་བྱང་ཆུབ་ཀྱི་སེམས་དང་འགྲོགས་པ་མ་ཡིན་ཞིང་། བྱང་ཆུབ་ཀྱི་སེམས་གང་ཡིན་པ་དེ་ནི་ཡོངས་སུ་སྔོ་བའི་སེམས་དང་འགྲོགས་པ་མ་ཡིན་ལ། ཀོའུ་ཤི་ཀ་ཡོངས་སུ་སྔོ་བའི་སེམས་གང་ཡིན་པ་དེ་ནི་བྱང་ཆུབ་ཀྱི་སེམས་ལ་མེད་ཅིང་མི་དམིགས། བྱང་ཆུབ་ཀྱི་སེམས་གང་ཡིན་པ་དེན་ཡོངས་སུ་སྔོ་བའི་སེམས་ལ་མེད་ཅིག་མི་དམིགས་ཏེ། ཀོའུ་ཤི་ཀ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆོས་ཐམས་ཅད་ལ་ཡང་དག་པར་ཇི་ལྟ་བ་བཞིན་དུ་སོ་སོར་རྟོག་པར་བྱེད་པ། ཆོས་འགའ་ཡང་མི་དམིགས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནོ།། དེ་སྐད་ཅེས་སྨྲས་པ་དང་། ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། ། བཙུན་པ་རབ་འབྱོར་ཇི་ལྟར་ན་ཡོངས་སུ་སྔོ་བའི་སེམས་བྱང་ཆུབ་ཀྱི་སེམས་དང་འགྲོགས་པ་མ་ཡིན། ཇི་ལྟར་ན་བྱང་ཆུབ་ཀྱི་སེམས་ཡོངས་སུ་སྔོ་བའི་སེམས་དང་འགྲོགས་པ་མ་ཡིན། ཇི་ལྟར་ན་ཡོངས་སུ་སྔོ་བའི་སེམས་བྱང་ཆུབ་ཀྱི་སེམས་ལ་མེད་ཅིང་མི་དམིགས་པ་ཡིན། ཇི་ལྟར་ན་བྱང་ཆུབ་ཀྱི་སེམས་ཡོངས་སུ་སྔོ་བའི་སེམས་ལ་མེད་ཅིང་མི་དམིགས་པ་ཡིན། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ།། ཀོའུ་ཤི་ཀ་ཡོངས་སུ་སྔོ་བའི་སེམས་གང་ཡིན་པ་དེ་ནི་སེམས་མ་ཡིན་ཞིང་། བྱང་ཆུབ་ཀྱི་སེམས་གང་ཡིན་པ་དེའང་སེམས་མ་ཡིན་ཏེ། སེམས་མ་ཡིན་པ་སེམས་མ་ཡིན་པ་ལ་ཡོངས་སུ་སྔོ་བར་མི་བྱེད་ལ། བསམ་གྱིས་མི་ཁྱབ་པ་ཉིད་ཀྱང་བསམ་གྱིས་མི་ཁྱབ་པར་ཡོངས་སུ་སྔོ་བར་མི་བྱེད་དོ། ། དེ་ཅིའི་ཕྱིར་ཞེ་ན། འདི་ལྟར་སེམས་ཉིད་གང་ཡིན་པ་དེ་སེམས་མ་ཡིན་པ་ཉིད་ཡིན་ཞིང་། བསམ་གྱིས་མི་ཁྱབ་པ་དེ་ཉིད་སེམས་མ་ཡིན་པའི་ཕྱིར་ཏེ། ཀོའུ་ཤི་ཀ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ནོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་ལེགས་སོ་ཞེས་བྱ་བ་བྱིན་ཏེ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་སྤྲོ་བ་སྐྱེད་པ་ནི་ལེགས་སོ་ལེགས་སོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་གིས་སྔོན་གྱི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་དང་། དེ་དག་ཉིད་ཀྱི་ཉན་ཐོས་གང་དག་གིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྔོན་བྱང་ཆུབ་སེམས་དཔར་གྱུར་པ་ཕ་རོལ་ཏུ་ཕྱིན་པ་དྲུག་ལ་ཡང་དག་པར་དགའ་བར་བགྱིས། ཡང་དག་པར་འཛིན་དུ་སྩལ། ཡང་དག་པར་གཟེངས་བསྟོད་ཅིང་བཙུད་དེ་རབ་ཏུ་བཀོད་པ་དག་ལ་བྱས་པ་གཟོ་བ་དང་། བྱས་པ་ཚོར་བར་བགྱིས་ལགས་ཏེ། དེ་ལ་བཙུན་པ་བཅོམ་ལྡན་འདས་བཅོམ་ལྡན་འདས་སྔོན་བྱང་ཆུབ་སེམས་དཔར་གྱུར་པས་ཕ་རོལ་ཏུ་ཕྱིན་པ་དྲུག་ལ་བསླབས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ལགས་སོ། ། བཙུན་པ་བཅོམ་ལྡན་འདས་དེ་བཞིན་དུ་བདག་ཅག་གིས་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཕ་རོལ་ཏུ་ཕྱིན་པ་དྲུག་པོ་དག་ལ་ཡང་དག་པར་དགའ་བར་བགྱི། ཡང་དག་པར་གཟེངས་བསྟོད་པར་བགྱི། བཙུད་ནས་རབ་ཏུ་བཀོད་པར་བགྱི་ལགས་སོ།། བདག་ཅག་གིས་ཕ་རོལ་ཏུ་ཕྱིན་པ་དྲུག་ལ་ཡང་དག་པར་དགའ་བར་བགྱིས། ཡང་དག་པར་འཛིན་དུ་སྩལ། ཡང་དག་པར་གཟེངས་བསྟོད་ནས། རབ་ཏུ་བཙུད་དེ་བཀོད་པ་དེ་དག་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱབ་ལགས་སོ། ། དེ་ནས་ཚེ་དང་ལྡན་པ་རབ་འབྱོར་གྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ།། ཀོའུ་ཤི་ཀ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བྱ་བ་དང་། ཇི་ལྟར་སྤྱད་པར་བྱ་བ་བཤད་པར་བྱའོ།། ཀོའུ་ཤི་ཀ་གཟུགས་ནི་གཟུགས་ཀྱིས་སྟོང་། དེབཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པས་སྟོང་། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་སྟེ། ཀོའུ་ཤི་ཀ་འདི་ལ་གཟུགས་ཀྱི་སྟོང་པ་ཉིད་དང་། བྱང་ཆུབ་སེམས་དཔའི་སྟོང་པ་ཉིད་ནི་གཉིས་སུ་མེད་ཅིང་གཉིས་སུ་དབྱེར་མེད་དོ།། དེ་བཞིན་དུ་ཚོར་བའི་སྟོང་པ་ཉིད་དང་། འདུ་ཤེས་ཀྱི་སྟོང་པ་ཉིད་དང་། འདུ་བྱེད་ཀྱི་སྟོང་པ་ཉིད་དང་། རྣམ་པར་ཤེས་པའི་སྟོང་པ་ཉིད་དང་། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དོ།། ཀོའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། ། ཀོའུ་ཤི་ཀ་གཞན་ཡང་མིག་ནི་མིག་གིས་སྟོང་། དེ་བཞིན་དུ་སྦྱར་ཏེ། ཡིད་ཀྱི་བར་ནི་ཡིད་ཀྱིས་སྟོང་། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་སྟེ། དེ་ལྟར་མིག་གི་སྟོང་པ་ཉིད་དང་། ཡིད་ཀྱི་བར་གྱི་སྟོང་པ་ཉིད་དང་། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དོ།། དེ་ལྟར་གོང་མ་བཞིན་དུ་སྦྱར་ཏེ་སའི་ཁམས་ནི་སའི་ཁམས་ཀྱིས་སྟོང་། དེ་བཞིན་དུ་ཆུའི་ཁམས་དང་། མེའི་ཁམས་དང་། རླུང་གི་ཁམས་དང་། ནམ་མཁའི་ཁམས་དང་། རྣམ་པར་ཤེས་པའི་ཁམས་ནི་རྣམ་པར་ཤེས་པའི་ཁམས་ཀྱིས་སྟོང་སྟེ། དེ་ལྟར་ན་སའི་ཁམས་ཀྱི་སྟོང་པ་ཉིད་དང་། རྣམ་པར་ཤེས་པའི་ཁམས་ཀྱི་བར་གྱི་སྟོང་པ་ཉིད་དང་། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དོ། ། ཀོའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ།། ཀོའུ་ཤི་ཀ་གཞན་ཡང་མ་རིག་པ་ནི་མ་རིག་པས་སྟོང་། དེ་བཞིན་དུ་རྒ་ཤིའི་བར་ནི་རྒ་ཤིས་སྟོང་། དེ་བཞིན་དུ་མ་རིག་པ་འགག་པ་ནི་མ་རིག་པ་འགག་པས་སྟོང་པ་ནས། རྒ་ཤིའི་བར་དུ་འགག་པ་ནི་རྒ་ཤི་འགག་པས་སྟོང་སྟེ། དེ་ལྟར་ན་མ་རིག་པ་འགག་པའི་སྟོང་པ་ཉིད་དང་། རྒ་ཤིའི་བར་དུ་འགག་པའི་སྟོང་པ་ཉིད་དང་། བྱང་ཆུབ་སེམས་དཔའི་སྟོང་པ་ཉིད་འདི་ནི་གཉིས་སུ་མེད་ཅིང་གཉིས་སུ་དབྱེར་མེད་དོ།། ཀོའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བསླབ་པར་བྱའོ། ། གོང་མ་བཞིན་དུ་སྦྱར་ཏེ། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལ་སྦྱར་བར་བྱ་བ་ནས་ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྦྱར་བར་བྱའོ། ། དེ་བཞིན་དུ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་བར་བྱའོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་ལའང་སྦྱར་བར་བྱ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང་། དེ་བཞིན་དུ་ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱ། དེ་བཞིན་དུ་ཉན་ཐོས་ཀྱི་ཐེག་པ་ལའང་སྦྱར་བར་བྱ། རང་སངས་རྒྱས་ཀྱི་ཐེག་ལའང་སྦྱར་བར་བྱ། ། དེ་བཞིན་དུ་ཉན་ཐོས་ལའང་སྦྱར་བར་བྱ།། དེ་བཞིན་དུ་རང་སངས་རྒྱས་དང་། བྱང་ཆུབ་སེམས་དཔའ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལའང་སྦྱར་བར་བྱའོ། ། ཀོའུ་ཤི་ཀ་གཞན་ཡང་རྣམ་པ་ཐམས་ཅད་མཁྱེན་པ་ཉིད་ནི་རྣམ་པ་ཐམས་ཅད་མཁྱེན་པ་ཉིད་ཀྱིས་སྟོང་། བྱང་ཆུབ་སེམས་དཔའ་ནི་བྱང་ཆུབ་སེམས་དཔས་སྟོང་སྟེ། དེ་ལྟར་ན་རྣམ་པ་ཐམསཅད་མཁྱེན་པ་ཉིད་ཀྱི་སྟོང་པ་ཉིད་དང་། བྱང་ཆུབ་སེམས་དཔའི་སྟོང་པ་ཉིད་ནི་གཉིས་སུ་མེད་ཅིང་གཉིས་སུ་དབྱེར་མེད་དོ།། ཀོའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བྱའོ། ། དེ་ནས་ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། ། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བྱ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ།། ཀོའུ་ཤི་ཀ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། གཟུགས་ལ་གནས་པར་མི་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་གནས་པར་མི་བྱའོ།། དེ་བཞིན་དུ་མིག་ལ་གནས་པར་མི་བྱ་བ་ནས། ཡིད་ཀྱི་བར་ལ་གནས་པར་མི་བྱའོ། ། མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ལ་གནས་པར་མི་བྱ་བ་ནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལ་གནས་པར་མི་བྱའོ།། དེ་བཞིན་དུ་སའི་ཁམས་ལ་གནས་པར་མི་བྱ་བ་ནས། རྣམ་པར་ཤེས་པའི་ཁམས་ཀྱི་བར་གནས་པར་མི་བྱའོ།། དེ་བཞིན་དུ་དྲན་པ་ཉེ་བར་གཞགས་པ་རྣམས་ལ་གནས་པར་མི་བྱ་བ་ནས། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་གནས་པར་མི་བྱའོ། ། དེ་བཞིན་དུ་རྒྱུན་དུ་ཞུགས་པའི་འབྲས་བུ་ལ་གནས་པར་མི་བྱ་བ་ནས། དགྲ་བཅོམ་པ་ཉིད་ཀྱི་བར་ལ་གནས་པར་མི་བྱའོ།། རང་བྱང་ཆུབ་ལ་གནས་པར་མི་བྱ་བ་ནས། ཡང་དག་པར་རྫོགས་པའི་སངས་རྒྱས་ཀྱི་བར་ལ་གནས་པར་མི་བྱའོ།། དེ་བཞིན་དུ་གཟུགས་ལ་གནས་པར་མི་བྱ་བ་ནས། ཡང་དག་པར་རྫོགས་པའི་སངས་རྒྱས་ཉིད་ཀྱི་བར་ལ་གནས་པར་མི་བྱའོ། ། རབ་འབྱོར་གཞན་ཡང་གཟུགས་རྟག་ཅེས་བྱ་བར་གནས་པར་མི་བྱའོ།། གཟུགས་མི་རྟག་ཅེས་བྱ་བར་གནས་པར་མི་བྱའོ།། དེ་བཞིན་དུ་སྦྱར་ཏེ། གཟུགས་པ་ཞེས་བྱ་བར་གནས་པར་མི་བྱའོ། ། སྡུག་བསྔལ་ཞེས་བྱ་བར་གནས་པར་མི་བྱའོ།། གཟུགས་བདག་ཅེས་བྱ་བར་གནས་པར་མི་བྱའོ།། བདག་མེད་ཅེས་བྱ་བར་གནས་པར་མི་བྱའོ།། གཟུགས་སྟོང་ཞེས་བྱ་བར་གནས་པར་མི་བྱའོ། ། མི་སྟོང་ཞེས་བྱ་བར་གནས་པར་མི་བྱའོ།། གཟུགས་མཚན་མ་ཡོད་ཅེས་བྱ་བར་གནས་པར་མི་བྱའོ།། མཚན་མ་མེད་ཅེས་བྱ་བར་གནས་པར་མི་བྱའོ།། གཟུགས་སྨོན་པ་ཡོད་ཅེས་བྱ་བར་གནས་པར་མི་བྱའོ།། སྨོན་པ་མེད་ཅེས་བྱ་བར་གནས་པར་མི་བྱའོ།། གཟུགས་ཞི་ཞེས་བྱ་བར་གནས་པར་མི་བྱའོ།། མ་ཞི་ཞེས་བྱ་བར་གནས་པར་མི་བྱའོ།། གཟུགས་དབེན་ཞེས་བྱ་བར་གནས་པར་མི་བྱའོ།། མི་དབེན་ཞེས་བྱ་བར་གནས་པར་མི་བྱའོ།། གཟུགས་ཀུན་ནས་ཉོན་མོངས་པ་ཞེས་བྱ་བར་གནས་པར་མི་བྱའོ།། རྣམ་པར་བྱང་བ་ཞེས་བྱ་བར་གནས་པར་མི་བྱའོ། ། གཟུགས་སྐྱེ་ཞེས་བྱ་བར་གནས་པར་མི་བྱའོ།། གཟུགས་འགག་ཅེས་བྱ་བར་གནས་པར་མི་བྱའོ།། གཟུགས་དངོས་པོ་ཡོད་ཅེས་བྱ་བར་གནས་པར་མི་བྱའོ།། དངོས་པོ་མེད་ཅེས་བྱ་བར་གནས་པར་མི་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྟག་ཅེས་བྱ་བར་གནས་པར་མི་བྱའོ།། མི་རྟག་ཅེས་བྱ་བར་གནས་པར་མི་བྱའོ། ། དེ་བཞིན་དུ་སྦྱར་ཏེ། རྣམ་པར་ཤེས་པ་དངོས་པོ་ཡོད་ཅེས་བྱ་བར་གནས་པར་མི་བྱའོ།། དངོས་པོ་མེད་ཅེས་བྱ་བར་གནས་པར་མི་བྱའོ།། དེ་བཞིན་དུ་རྒྱུན་དུ་ཞུགས་པའི་འབྲས་བུ་འདུས་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ། ། འདུས་མ་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ།། དེ་བཞིན་དུ་ལན་ཅིག་ཕྱིར་འོང་བའི་འབྲས་བུ་དང་། ཕྱར་མཐོང་བའི་འབྲས་པ་དང་། དབབ་ཅོམ་པ་ཉིད་ཀྱི་འབྲས་བུ་འདུས་བྱས་ཀྱིས་རབ་ཏུ་བྱེ་བའོ་ཞེས་བྱ་བར་གནས་པར་མི་བྱའོ།། འདུས་མ་བྱས་ཀྱིས་རབ་ཏུ་སྐྱེ་བའོ་ཞེས་བར་གནས་པར་མི་བྱའོ། ། དེ་བཞིན་དུ་རང་བྱང་ཆུབ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདུས་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ།། འདུས་མ་བྱས་ཀྱིས་རབ་ཏུ་ཕྱེ་བའོ་ཞེས་བྱ་བར་གནས་པར་མི་བྱའོ། ། ཀོའུ་ཤི་ཀ་གཞན་ཡང་རྒྱུན་དུ་ཞུགས་པ་ནི་སྦྱིན་གནས་སོ་ཞེས་བྱ་བར་གནས་པར་མི་བྱའོ།། དེ་བཞིན་དུ་ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་དང་། བྱང་ཆུབ་སེམས་དཔའ་དང་། དེ་བཞིན་གཤེགས་པ་ནི་སྦྱིན་གནས་སོ་ཞེས་བྱ་བར་གནས་པར་མི་བྱ་སྟེ། ཀོའུ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་དེ་ལྟར་གནས་པར་མི་བྱའོ། ། ཀོའུ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། བྱང་ཆུབ་སེམས་དཔའི་ས་དང་པོ་ལ་གནས་པར་མི་བྱའོ།། དེ་བཞིན་དུ་སྦྱར་ཏེ། ས་བཅུ་པའི་བར་ལ་དམིགས་པའི་ཚུལ་གྱིས་གནས་པར་མི་བྱའོ།། དེ་ཅིའི་ཕྱིར་ཞེ་ན། གནས་པ་ཡོད་ན་གཡོ་བར་འགྱུར་བའི་ཕྱིར་རོ།། གཞན་ཡང་བདག་གིས་སེམས་དང་པོ་བསྐྱེད་པ་འདི་ལ་གནས་ཏེ། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ་སྙམ་དུ་གནས་པར་མི་བྱའོ། ། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱའོ་སྙམ་དུ་གནས་པར་མི་བྱའོ། ། དེ་བཞིན་དུ་སེམས་དང་པོ་བསྐྱེད་པ་ལ་གནས་ཏེ། དྲན་པ་ཉེ་བར་གཞག་པ་རྣམས་བསྒོམ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། དེ་བཞིན་དུ་སྦྱར་ཏེ། འཕགས་པའི་ལམ་ཡན་ལག་བརྒྱད་པའི་བར་བསྒོམ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུ་བསྒོམ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ།། བྱང་ཆུབ་སེམས་དཔའ་སེམས་དཔའ་ཆེན་པོས་དེའི་འོག་ཏུ་ཕྱིར་མི་ལྡོག་པའི་ས་ལ་གནས་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་སེམས་དཔའི་མངོན་པར་ཤེས་པ་ལྔ་ཡོངས་སུ་རྫོགས་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། བྱང་ཆུབ་སེམས་དཔའ་སེམས་དཔའ་ཆེན་པོས་བྱང་ཆུབ་སེམས་དཔའི་མངོན་པར་ཤེས་པ་ལྔ་པོ་དེ་དག་ལ་གནས་ནས། སངས་རྒྱས་བཅོམ་ལྡན་འདས་རྣམས་ལ་ཕྱག་བྱ་བ་དང་། མཆོད་པ་བྱ་བའི་ཕྱིར་དང་། བསྙེན་བཀུར་བྱ་བའི་ཕྱིར་དང་།། ཆོས་ཉན་པའི་ཕྱིར་སངས་རྒྱས་ཀྱི་ཞིང་དཔག་ཏུ་མེད་གྲངས་མེད་པ་རྣམས་སུ་འགྲོ་བར་བྱ་ཞིང་། བྱང་ཆུབ་སེམས་དཔའ་སེམས་དཔའ་ཆེན་པོ་དེས་ཆོས་དེ་ཐོས་ནས་ཀྱང་། སངས་རྒྱས་དེ་དག་གི་སངས་རྒྱས་ཀྱི་ཞིང་དེ་འདྲ་བ་དེ་དག་མངོན་པར་སྤྲུལ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་དམིགས་པའི་ཚུལ་གྱིས་གནས་པར་མི་བྱའོ།། དེ་བཞིན་དུ་འཇིག་རྟེན་གྱི་ཁམས་དཔག་ཏུ་མེད་གྲངས་མེད་པ་རྣམས་སུ་སོང་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ལ་འདི་ལྟ་སྟེ། མེ་ཏོག་དང་། འཕྲེང་བ་དང་། དྲི་དང་། བྱུག་པ་དང་། གདུགས་དང་། རྒྱལ་མཚན་དང་། རས་བཅོས་བུ་བྱེ་བ་ཁྲག་ཁྲིག་ཕྲག་འབུམ་དག་གིས་བཀུར་སྟི་བྱའོ།། བླ་མར་བྱའོ།། རི་མོར་བྱའོ།། མཆོད་པར་བྱའོ་སྙམ་དུ་དེ་ལྟར་ཡང་གནས་བཅུག། མི་མས་ཅ་གན་མྱེང་ཟངས་མེད་འདུ།། ཛ་མ་པ་ས་པར་རྫོགས་པའི་བྱུང་ཆུབ་པ་དབ་པར་བྱན་ཞེས་ང་མས་པ་ཙྪ། དུ་ལྔ་གང་ཞེ་ན། འདི་ལྟ་སྟེ། ཤའི་མིག་དང་། ལྷའི་མིག་དང་། ཆོས་ཀྱི་མིག་དང་། ཤེས་རབ་ཀྱི་མིག་དང་། སངས་རྒྱས་ཀྱི་མིག་བསྐྱེད་པར་བྱའོ་སྙམ་དུ་གནས་པར་མི་བྱའོ།། དེ་བཞིན་དུ་ཏིང་ངེ་འཛིན་ཐམས་ཅད་བསྐྱེད་པར་བྱའོ་སྙམ་དུ་གནས་པར་མི་བྱའོ། ། ཏིང་ངེ་འཛིན་གང་འདོད་པ་དེས་བརྩོན་པར་བྱའོ་སྙམ་དུ་གནས་པར་མི་བྱའོ།། གཟུངས་ཀྱི་སྒོ་ཐམས་ཅད་བསྒྲུབ་པར་བྱའོ་སྙམ་དུ་གནས་པར་མི་བྱའོ། ། དེ་བཞིན་དུ་དེ་བཞིན་གཤེགས་པའི་སྟོབས་བཅུ་བ་སྒྲུབ་པར་བྱའོ་སྙམ་དུ་གནས་པར་མི་བྱའོ།། དེ་བཞིན་དུ་མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཡོངས་སུ་བསྒྲུབ་པར་བྱའོ་སྙམ་དུ་གནས་པར་མི་བྱའོ།། དེ་བཞིན་དུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ལུས་ལ་ཡོངས་སུ་བསྒྲུབ་པར་བྱའོ་སྙམ་དུ་གནས་པར་མི་བྱའོ། ། དཔེ་བྱད་བཟང་པོ་བརྒྱད་ཅུ་ལུ་ས་ལ་ཡོངས་སུ་བསྒྲུབ་པར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ།། དེ་བཞིན་དུ་གང་ཟག་བརྒྱད་པ་ལ་གནས་པར་མི་བྱ་སྟེ། དད་པས་རྗེས་སུ་འབྲང་བ་དང་། ཆོས་ཀྱི་ཆོས་སུ་འབྲང་བའོ་སྙམ་དུ་གནས་པར་མི་བྱའོ།། རྒྱུན་དུ་ཞུགས་པ་ནི་རེ་ལྟར་ཐོགས་ན་སྲིད་པ་ལན་བདུན་པའོ་ཞེས་བྱ་བར་དམིགས་པའི་ཚུལ་གྱིས་གནས་པར་མི་བྱའོ། ། རིགས་ནས་རིགས་སུ་སྐྱེ་བ་དང་བར་ཆད་གཅིག་པ་ཞེས་བྱ་བར་གནས་པར་མི་བྱའོ།། ཚེ་ཟད་པ་དང་ཉོན་མོངས་པ་མགོ་མཉམ་དུ་ཟད་པའི་གང་ཟག་ཅེས་བྱ་བར་གནས་པར་མི་བྱའོ། ། རྒྱུན་དུ་ཞུགས་ན་ལོག་པར་མི་ལྟུང་བའི་ཆོས་ཅན་ཞེས་བྱ་བར་གནས་པར་མི་བྱའོ།། ལན་ཅིག་ཕྱིར་འོང་བ་ལན་ཅིག་འཇིག་རྟེན་འདིར་འོངས་ན་སྡུག་བསྔལ་མཐར་འབྱིན་པར་འགྱུར་རོ་སྙམ་དུ་གནས་པར་མི་བྱའོ། ། ཕྱིར་མི་འོང་བ་ནི་དེར་ཡོངས་སུ་མྱ་ངན་ལས་འདའ་བའོ་སྙམ་དུ་གནས་པར་མི་བྱའོ།། དགྲ་བཅོམ་པ་ཟག་པ་ཟད་པ་ནི་ཡང་སྲིད་པ་མེད་དོ། ཞེས་བྱ་བ་དང་། འདི་ཉིད་དུ་ཕུང་པོའི་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་ཟླ་བར་འགྱུར་ཞེས་བྱ་བར་གནས་པར་མི་བྱའོ།། རང་སངས་རྒྱས་སོ་ཞེས་གནས་པར་མི་བྱའོ། ། ཡང་དག་པར་རྫོགས་པའི་སངས་རྒྱས་སོ་ཞེས་བྱ་བར་གནས་པར་མི་བྱའོ།། ཉན་ཐོས་ཀྱི་ས་དང་རང་སངས་རྒྱས་ཀྱི་ས་ལས་ཡང་དག་པར་འདས་ནས་བྱང་ཆུབ་སེམས་དཔའི་ས་ལ་གནས་པར་བྱའོ་སྙམ་དུ་གནས་པར་མི་བྱའོ། ། དེ་བཞིན་དུ་ལམ་གྱི་རྣམ་པ་ཤེས་པའི་ཡེ་ཤེས་ལ་གནས་པར་མི་བྱའོ།། རྣམ་པ་ཐམས་ཅད་དུ་ཆོས་ཐམས་ཅད་མངོན་པར་རྫོགས་པར་སངས་རྒྱས་ཉོན་མོངས་པ་དང་། བག་ཆགས་དང་། མཚམས་སྦྱོར་བ་ཐམས་ཅད་སྤང་བར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ།། བླ་ན་མེད་པ་ཡང་དག་པར་རྫོགས་པར་བྱང་ཆུབ་མངོན་པར་རྫོགས་པར་སངས་རྒྱས་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་ནས། ཆོས་ཀྱི་འཁོར་ལོ་བསྐོར་བར་བྱའོ་སྙམ་དུ་གནས་པར་མི་བྱའོ།། དེ་བཞིན་དུ་སངས་རྒྱས་ཀྱི་མཛད་པ་རྣམས་བྱས་ནས། སེམས་ཅན་དཔག་ཏུ་མེད་གྲངས་མེད་པ་དག་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་བཟླ་བར་བྱའོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། དེ་བཞིན་དུ་རྫུ་འཕྲུལ་གྱི་རྐང་པ་བཞི་ཤིན་ཏུ་སྒོམ་པ་ལ་གནས་པས་ཏིང་ངེ་འཛིན་ཇི་ལྟ་བུ་ལ་སྙོམས་པར་ཞུགས་ན། བསྐལ་པ་གདྷཱའི་ཀླུང་གི་བྱེ་མ་སྙེད་དུ་གནས་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་འཇུག་པར་བྱའོ་སྙམ་དུ་གནས་པར་མི་བྱའོ། ། བདག་གི་ཚེའི་ཚད་ནི་དཔག་ཏུ་མེད་པར་འགྱུར་རོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ།། དེ་བཞིན་དུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པར་འགྱུར་བར་བྱ་སྟེ། སྐྱེས་བུ་ཆེན་པོའི་མཚན་རེ་རེའང་བསོད་རྣམས་བརྒྱད་ཡོངས་སུ་འགྲུབ་པར་འགྱུར་རོ་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། ཤར་དང་། ལྷོ་དང་། ནུབ་དང་། བྱང་ཕྱོགས་སུ་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་དག་བདག་གི་སངས་རྒྱས་ཀྱི་ཞིང་གཅིག་ཏུ་གྱུར་ཅིག་སྙམ་དུ་གནས་བར་མི་བྱའོ། ། བདག་གི་སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་རྡོ་རྗེ་ལས་བྱས་པར་གྱུར་ཅིག་སྙམ་དུ་གནས་པར་མི་བྱའོ།། བདག་གི་བྱང་ཆུབ་ཀྱི་ཤིང་ལས་སེམས་ཅན་གང་དག་དྲི་སྣོམ་པ་དེ་དག་གི་འདོད་ཆགས་དང་། ཞེ་སྡང་དང་། གཏི་མུག་མེད་པར་གྱུར་ཅིག། ཉན་ཐོས་དང་རང་སངས་རྒྱས་ཀྱི་སེམས་དག་མི་སྐྱེད་པར་སེམས་ཅན་དེ་དག་གིས་དྲི་དེ་བས་བསྣམས་པས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པ་ཁོ་ནར་གྱུར་ལ། དེ་དག་ལ་ལུས་ཀྱི་ནད་དམ། རླུང་ནད་དག་འབྱུང་བར་མི་འགྱུར་བའི་དྲི་དེ་ལྟ་བུ་དག་འབྱུང་བར་གྱུར་ཅིག་སྙམ་དུ་དམིགས་པའི་ཚུལ་གྱིས་གནས་པར་མི་བྱའོ། ། བདག་གི་སངས་རྒྱས་ཀྱི་ཞིང་དེར་གཟུགས་ཀྱི་སྒྲ་འབྱུང་བར་མ་གྱུར་ཅིག། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྒྲ་འབྱུང་བར་མ་གྱུར་ཅིག་སྙམ་དུ་དེ་ལྟར་ཡང་གནས་པར་མི་བྱའོ། ། སྦྱིན་པའི་ཕ་རོལ་ཏུ་ཕྱིན་པའི་སྒྲ་འབྱུང་བར་གྱུར་ཅིག་ཅེས་བྱ་བ་དང་། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱི་སྒྲ་འབའ་ཞིག་འབྱུང་བར་གྱུར་ཅིག་ཅེས་བྱ་བ་དེ་ལྟར་ཡང་གནས་པར་མི་བྱའོ། ། དེ་བཞིན་དུ་དྲན་པ་ཉེ་བར་གཞག་པ་རྣམས་ཀྱི་སྒྲ་འབྱུང་བར་གྱུར་ཅིག། དེ་བཞིན་དུ་རྟག་ཏུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྒྲ་འབྱུང་བར་གྱུར་ཅིག་སྙམ་དུ་གནས་པར་མི་བྱའོ། ། བདག་གི་སངས་རྒྱས་ཀྱི་ཞིང་དེར་རྒྱུན་དུ་ཞུགས་པ་རྣམས་ཀྱི་སྒྲ་འབྱུང་བར་མ་འགྱུར་ཅིག་ཅེས་བྱ་བ་ནས། དགྲ་བཅོམ་པ་དང་རང་སངས་རྒྱས་རྣམས་ཀྱི་སྒྲ་འབྱུང་བར་མ་གྱུར་ཅིག་སྙམ་དུ་གནས་པར་མི་བྱའོ།། བྱང་ཆུབ་སེམས་དཔའི་སྒྲ་དང་། སངས་རྒྱས་ཀྱི་སྒྲ་འབའ་ཞིག་འབྱུང་བར་གྱུར་ཅིག་སྙམ་དུ་དེ་ལྟར་གནས་པར་མི་བྱའོ། ། དེ་བཞིན་དུ་སྦྱར་ཏེ། ལེའུ་བར་མར་ཇི་སྐད་བསྟན་པ་ཁོ་ན་བཞིན་དུ་འདིར་ཡང་དེ་བཞིན་དུ་རྒྱ་ཆེར་སྦྱར་བར་བྱའོ།། དེ་ཅིའི་ཕྱིར་ཞེ་ན། འདི་ལྟར་དེ་བཞིན་ག་ཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་ཆོས་ཐམས་ཅད་མི་དམིགས་པའི་ཕྱིར་རོ། ། ཀོའུ་ཤི་ཀ་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས་ཆོས་ཐམས་ཅད་ལ་གནས་པར་མི་བྱའོ།། དེ་ནས་ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུའི་སེམས་སེམས་ཀྱིས་ཤེས་ནས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་འདི་ཇི་སྙམ་དུ་སེམས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ཅི་ལ་གནས་སྙམ། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ། ། ཚེ་དང་ལྡན་པ་རབ་འབྱོར་དེ་བཞིན་གཤེགས་པ་ནི་ཅི་ལའང་མི་གནས་པ་ཡིན་ལ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ཐུགས་ཀྱང་ཅི་ལའང་གནས་པ་མ་ཡིན་ཏེ། དེ་ནི་གཟུགས་ལ་མི་གནས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་མི་གནས། འདུས་བྱས་ཀྱི་ཁམ་ལ་མི་གནས། དྲན་པ་ཉེ་བར་གཞག་པ་རྣམས་ལ་མི་གནས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་མི་གནས། རྣམ་པ་ཐམས་ཅད་མཁྱེན་པ་ཉིད་ལ་མི་གནས་སོ། ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཤཱ་ར་དྭ་ཏིབུ་ཇི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་སྟོན་པ་ནི་གནས་པའང་མ་ཡིན། མི་གནས་པའང་མ་ཡིན་པ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པས། དེ་ལྟར་ན་ཆོས་རྣམས་ལ་གནས་པར་བྱ་སྟེ། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ། སྤྱོད་པས། དེ་ལྟར་ཆོས་རྣམས་ལ་གནས་པར་བྱའོ།། དེ་ནས་འཁོར་དེ་ལས་ལྷའི་བུ་ཁ་ཅིག་འདི་སྙམ་དུ་སེམས་ཏེ། གནོད་སྦྱིན་རྣམས་ཀྱི་ཚིག་དང་ངག་རྣམས་དང་། གནོད་སྦྱིན་གྱི་བརྗོད་པ་དང་། གནོད་སྦྱིན་གྱི་སྐད་དང་། གནོད་སྤྱན་གྱིས་རྗོད་པར་བྱེད་པ་གང་ཡིན་པ་དེ་དག་ནི་བདག་གིས་ཤེས་པར་རང་གིས། ད་ལྟར་ཚེ་དང་ལྡན་པ་རབ་འབྱོར་ཤེས་རབ་ཀྱི་ཕ་ར་ལ་ཕྱིན་བཾ་འཆད་པ་དང་། རྗོད་པ་དང་། སྟོན་པ་དང་། རྣམ་པར་འགྲེལ་པ་དང་། གསལ་བར་བྱེད་པ་དང་། ལུང་འབོག་ཅིང་ཚིག་བརྗོད་པ་གང་ཡིན་པ་དེ་དག་ནི་བདག་ཅག་གིས་མི་ཤེས་སྙམ་མོ།། དེ་ནས་ཚེ་དང་ལྡན་པ་རབ་འབྱོར་གྱིས། ལྷའི་བུ་དེ་དག་གི་སེམས་སེམས་ཀྱིས་ཤེས་ནས། ལྷའི་བུ་དེ་དག་ལ་འདི་སྐད་ཅེས་སྨྲས་སོ།། ལྷའི་བུ་དག་ཤེས་རབ་ཀྱི་ཕ་རོལ་ཕྱིན་པ་ཤེས་པར་མི་རུང་ངམ། དེ་དག་གིས་སྨྲས་པ། བཙུན་པ་རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་བདག་ཅག་གིས་ཤེས་པར་མི་རུང་ངོ་།། དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་བུ་དེ་དག་ལ་འདི་སྐད་ཅེས་སྨྲས་སོ། ། ཀྱེ་ལྷའི་བུ་དག་ཁྱེད་རྣམས་ཀྱིས་ཐོས་པར་འགྱུར་དུ་ཡི་གེ་གཅིག་ཀྱང་མ་བརྗོད་མ་བསྟན་ཏོ།། དེ་ཅིའི་ཕྱིར་ཞེ་ན། ལྷའི་བུ་དག་ཤེས་རབ་ཀྱི་ཕ། རོལ་ཏུ་ཕྱིན་པ་ནི་ཡི་གེ་རྣམས་མ་ཡིན་ལ། འདི་ལ་གང་གིས་ཐོས་པར་འགྱུར་བའི་ཉན་པ་པོ་འགའ་ཡང་མེད་པའི་ཕྱིར་རོ།། དེ་ཅིའི་ཕྱིར་ཞེ་ན། ལྷའི་བུ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱང་ཆུབ་ལ་ནི་ཡི་གེ་མེད་པའི་ཕྱིར། ལྷའི་བུ་དག་དཔེར་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་སངས་རྒྱས་ཞིག་སྤྲུལ་ལ། དེས་ཀྱང་སྤྲུལ་པ་མཛད་དེ། འདི་ལྟ་སྟེ། དགེ་སློང་གི་འཁོར་དང་། དགེ་སློང་མའི་འཁོར་དང་། དགེ་བསྙེན་གྱི་འཁོར་དང་། དགེ་བསྙེན་མའི་འཁོར་གཅིག་སྤྲུལ་ལ། མངོན་པར་སྤྲུལ་ནས་ཀྱང་འཁོར་བཞི་པོ་དེ་དག་ལ་ཆོས་བསྟན་པར་གྲུབ་ན། ལྷའི་བུ་དག་འདི་ཇི་སྙམ་དུ་སེམས།། ཅི་འཁོར་དེ་དག་སེམས་ཅན་འགས་ཀྱང་ཆོས་ཅིའང་བསྟན་པ་དང་། སེམས་ཅན་འགས་ཀྱང་ཆོས་ཅིའང་ཐོབ་པའམ། རྣམ་པར་ཤེས་པ་ཡོད་སྒྱུ་མ་མམ། སྨྲས་པ། བཙུན་པ་རབ་འབྱོར་མ་མཆིས་སོ།། རབ་འབྱོར་གྱིས་སྨྲས་པ། ལྷའི་བུ་དག་དེ་དེ་བཞིན་ཏེ། ཆོས་ཐམས་ཅད་ནི་སྤྲུལ་པ་ལྟ་བུ་སྟེ། དེ་དག་ནི་སུས་ཀྱང་བཤད་པ་མེད་ཅིང་། སེམས་ཅན་གང་གིས་ཀྱང་ཐོས་པ་མེད་ལ། སུས་ཀྱང་ཤེས་པ་མེད་དེ།། ལྷའི་བུ་དག་དཔེར་ན་རྨི་ལམ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་སྟོན་པ་ཞིག་མཐོང་ན། ལྷའི་བུ་འདི་ཇི་སྙམ་དུ་སེམས། ཅི་དེ་སུས་ཀྱང་བཤད་པའམ། ཐོས་པའམ། ཀུན་ཤེས་པ་ཡོད་སྙམ་མམ། དེ་དག་གིས་སྨྲས་པ། བཙུན་པ་རབ་འབྱོར་མ་མཆིས་སོ།། སྨྲས་པ། ལྷའི་བུ་དག་དེ་དེ་བཞིན་ཏེ། ཆོས་ཐམས་ཅད་ནི་རྨི་ལམ་ལྟ་བུ་སྟེ། དེ་དག་ནི་སུས་ཀྱང་བཤད་པ་མེད་ལ། ཐོས་པའང་མེད། ཀུན་ཤེས་པའང་མེད་དོ།། ལྷའི་བུ་དག་དཔེར་ན་མི་གཉིས་ཤིག་གི་ཡང་སའི་བྱ་སྐྱིབས་ཤིག་ཏུ་འཁོད་ན། སངས་རྒྱས་ཀྱི་བསྔགས་པ་བརྗོད་ཅིང་། དེ་བཞིན་དུ་ཆོས་དང་དགེ་འདུན་གྱི་བསྔགས་པ་བརྗོད་ལ། མི་དེ་གཉིས་ཀྱི་ཚིག་གི་སྦ་ལས་ཟག་ཆ་གཉིས་ཤིག་བྱུང་ན་ལྷའི་བུ་དག་འདི་ཇི་སྙམ་དུ་སེམས། ཅི་བྲག་ཆའི་སྒྲ་ཅིག་ཤོས་དེས། བྲག་ཆའི་སྒྲ་གཉིས་པ་ཐོས་པའམ། རྣམ་པར་ཤེས་པ་ཡོད་སྙམ་མ་མ། དེ་དག་གིས་སྨྲས་པ། བཙུན་པ་རབ་འབྱོར་མ་མཆིས་སོ།། སྔ་མ་ཇི་ལྟ་བ་དེ་ཁོ་ན་བཞིན་དུ་རྒྱ་ཆེར་སྦྱར་བར་བྱའོ།། ལྷའི་བུ་དག་དཔེར་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་མཁས་པ་ཞིག་གིས་ལམ་པོ་ཆེའི་བཞི་མདོར་འདུག་ནས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤིག་སྤྲུལ་ལ། དེ་བཞིན་གཤེགས་པའི་སྤྲུལ་པ་དེས་ཀྱང་། སྤྲུལ་པའི་འཁོར་བཞི་པོ་དག་ལ་ཆོས་བསྟན་པར་གྱུར་ན། ལྷའི་བུ་དག་འདི་ཇི་སྙམ་དུ་སེམས། ཅི་དེ་ལ་སེམས་ཅན་གང་ཞིག་གིས་ཀྱང་ཆོས་ཅིའང་བསྟན་པ་འམ། སེམས་ཅན་གང་གིས་ཀྱང་ཐོས་པའམ། མངོན་པར་རྟོགས་པ་འམ། རྣམ་པར་ཤེས་པ་ཡོད་སྙམ་མམ། དེ་དག་གིས་སྨྲས་པ། བཙུན་པ་རབ་འབྱོར་མ་མཆིས་སོ། ། སྔར་ཇི་སྐད་བསྟན་པ་དེ་ཁོ་ན་བཞིན་དུ་སྦྱར་བར་བྱའོ།། དེ་ནས་ལྷའི་བུ་དེ་དག་འདི་སྙམ་དུ་སེམས་ཏེ། གནས་བརྟན་རབ་འབྱོར་འདི་ནི་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གསལ་བར་བྱེད་དེ། དེ་ནི་ད་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ཆེས་ཟབ་པར་འཆད་ཅིང་ཆེས་ཕྲ་བར་སྟོན་ཏོ་སྙམ་མོ།། དེ་ནས་ཚེ་དང་ལྡན་པ་རབ་འབྱོར་གྱི་སེམས་ཀྱིས་ལྷའི་བུ་དེ་དག་གི་སེམས་ལ་བརྟགས་ནས། ལྷའི་བུ་དེ་དག་ལ་འདི་སྐད་ཅེས་སྨྲས་སོ།། ལྷའི་བུ་དག་གཟུགས་ནི་ཟབ་པ་མ་ཡིན་ཕྲ་བ་མ་ཡིན་ནོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པ་ནི་ཟབ་པ་མ་ཡིན་ཕྲ་བ་མ་ཡིན་ནོ། ། གཟུགས་ཀྱི་ངོ་བོ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་ངོ་བོ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ། ། དེ་བཞིན་དུ་གོང་མ་བཞིན་དུ་སྦྱར་ཏེ། ཕུང་པོ་དག་ཏུ་ཇི་སྐད་བསྟན་པ་དེ་བཞིན་དུ་མིག་ལ་སྦྱར་བར་བྱ་བ་ནས། ཡིད་ཀྱི་བར་ལ་སྦྱར་བར་བྱའོ། ། དེ་བཞིན་དུ་མིག་གི་རྣམ་པར་ཤེས་ནས། ཡིད་ཀྱི་རྣམ་པར་ཤེས་པའི་བར་ལའང་སྦྱར་ཏེ། ཕུང་པོ་དག་ཏུ་ཇི་སྐད་བསྟན་པ་དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལ་སྦྱར་བར་བྱ་བ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་སྦྱར་བར་བྱའོ། ། དེ་བཞིན་དུ་རང་སྟོང་པ་ཉིད་ལ་སྦྱར་བར་བྱ་བ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་བར་བྱའོ། ། དེ་བཞིན་དུ་དྲན་པ་ཉེ་བར་གཞག་པ་རྣམས་ལའང་སྦྱར་བར་བྱ་བ་ནས།། འཕགས་པའི་ལམ་ཡན་ལག་བརྒྱད་པའི་བར་ལའང་སྦྱར་བར་བྱའོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལའང་སྦྱར་བར་བྱ་བ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་སྦྱར་བར་བྱའོ།། དེ་བཞིན་དུ་ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱའོ། ། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་ངོ་བོ་ཉིད་ནི་ཟབ་པ་མ་ཡིན་ཕྲ་བ་མ་ཡིན་ནོ།། དེ་ནས་ལྷའི་བུ་དེ་དག་འདི་སྙམ་དུ་སེམས་ཏེ། ཆོས་བསྟན་པ་འདི་ལ་གཟུགས་སུ་བཏགས་པའང་མེད་དམ། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པར་བཏགས་པའང་མེད་དམ། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་བཏགས་པའང་མེད་དམ། ནང་སྟོང་པ་ཉིད་དུ་བཏགས་པའང་མེད་ཅིང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་བཏགས་པའང་མེད་དམ། ཆོས་བསྟན་པ་འདི་ལ་དྲན་པ་ཉེ་བར་གཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་དུ་བཏགས་པའང་མེད་དམ། དེ་བཞིན་གཤེགས་པའི་སྟོབས་བཅུར་བཏགས་པའང་མེད་ཅིང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བཏགས་པའང་མེད་དམ། ཆོས་བསྟན་པ་འདི་ནི་རྒྱུན་དུ་ཞུགས་པ་དང་། རྒྱུན་དུ་ཞུགས་པའི་འབྲས་བུར་བཏགས་པའང་མེ་དང་མ། ལན་ཅིག་ཕྱིར་འོང་བ་དང་། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་ཀྱི་བར་དང་། དགྲ་བཅོམ་པའི་འབྲས་བུ་དང་། རང་སངས་རྒྱས་དང་། རང་བྱང་ཆུབ་དང་། བྱང་ཆུབ་སེམས་དཔའི་ས་རྣམས་དང་། ཡང་དག་པར་རྫོགས་པའི་བྱང་ཆུབ་དང་། ཡང་དག་པར་རྫོགས་པའི་སངས་རྒྱས་སུ་བཏགས་པའང་མེད་དམ། ཡི་གེ་རྣམས་སུ་བཏགས་པའང་མེད་དམ་ཞིག་གུ་སྙམ་མོ།། དེ་ནས་ཚེ་དང་ལྡན་པ་རབ་འབྱོར་གྱིས། ལྷའི་བུ་དེ་དག་ལ་འདི་སྐད་ཅེས་སྨྲས་སོ།། ལྷའི་བུ་དག་དེ་དེ་བཞིན་ནོ། ། ཇི་སྐད་སྨྲས་པ་དེ་བཞིན་ཏེ། ལྷའི་བུ་དག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱི་བྱང་ཆུབ་ནི་བརྗོད་དུ་མེད་ཅིང་བསྙད་དུ་མེད་པ་ཡིན་ཏེ། དེ་ནི་སུས་ཀྱང་ཐོས་པ་མེད་ཅིང་རྣམ་པར་ཤེས་པ་མེད་དོ། ། ལྷའི་བུ་དག་དེའི་ཕྱིར་གང་སུ་དག་རྒྱུན་དུ་ཞུགས་པའི་འབྲས་བུ་ལ་གནས་པར་འདོད་པའམ། རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱེད་པར་འདོད་པ་དེ་དག་གིས་བཟོད་པ་འདི་ལ་མ་བརྟེན་པར་གནས་པ་འམ། མངོན་སུམ་དུ་བྱ་བར་མི་ནུས་སོ།། དེ་བཞིན་དུ་གང་སུ་དག་དགྲ་བཅོམ་པ་ཉིད་ལ་གནས་པར་འདོད་པ་འམ། དགྲ་བཅོམ་པ་ཉིད་མངོན་སུམ་དུ་བྱེད་པར་འདོད་པ་དག་དང་། དེ་བཞིན་དུ་རང་བྱང་ཆུབ་ལ་གནས་པར་འདོད་པ་དང་། རང་བྱང་ཆུབ་མངོན་སུམ་དུ་བྱེད་པར་འདོད་པ་དང་། ཡང་དག་པར་རྫོགས་པའི་བྱང་ཆུབ་ལ་གནས་པར་འདོད་པའམ། ཡང་དག་པར་རྫོགས་པའི་བྱང་ཆུབ་མངོན་སུམ་དུབྱེད་པ་འདོད་པ་དེ་དག་ཀྱང་བཟོད་པ་འདི་ལ་མ་བརྟེན་པར་གནས་པ་འམ། མངོན་སུམ་དུ་བྱ་བར་མི་ནུས་སོ། ། ལྷའི་བུ་དག་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་ཕྱིན་ཆད་ཐོས་པ་མེད་པ་དང་། བརྗོད་དུ་མེད་པའི་ཕྱིར་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། བཟོད་པའི་ཕ་རོལ་ཏུ་ཕྱིན་པའི་ལེའུ་ཞེས་བྱ་སྟེ་བཅོ་ལྔ་པ་རྫོགས་སོ།། །། དེ་ནས་ལྷའི་བུ་དེ་དག་འདི་སྙམ་དུ་སེམས་ཏེ། གནས་བརྟན་རབ་འབྱོར་གྱིས་ཆོས་བསྟན་པ་ཅི་འདྲ་བ་ཞིག་ཏུ་འདོད་པར་བྱ་བ་ཡིན་ཞིག་གུ་སྙམ་མོ། ། དེ་ནས་ཚེ་དང་ལྡན་པ་རབ་འབྱོར་གྱིས་ལྷའི་བུ་དེ་དག་གི་སེམས་སེམས་ཀྱིས་ཤེས་ནས། ལྷའི་བུ་དེ་དག་ལ་འདི་སྐད་ཅེས་སྨྲས་སོ། ། ལྷའི་བུ་དག་ཁོ་བོ་ཆོས་བསྟན་པ་ནི་སྒྱུ་མ་ལྟ་བུ་དག་ཡིན་ཞིང་། ཁོ་བོ་ལ་ཆོས་ཉན་པ་དག་ཀྱང་སྒྱུ་མ་ལྟ་བུར་འདོད་པར་བྱ་སྟེ། ཆོས་བསྟན་པ་དེ་ནི་ཐོས་པར་ཡང་མི་འགྱུར་ལ། མངོན་སུམ་དུ་བྱེད་པར་ཡང་མི་འགྱུར་རོ།། དེ་ནས་ལྷའི་བུ་དེ་དག་གིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། བཙུན་པ་རབ་འབྱོར་ཅི་སེམས་ཅན་དེ་དག་ཀྱང་སྒྱུ་མ་ལྟ་བུ་དག་ཡིན་ལ། དེ་དག་ལ་ཆོས་བསྟན་པའང་སྒྱུ་མ་ལྟ་བུ་དག་ཡིན་ནམ། དེ་བཞིན་དུ་སེམས་ཅན་རྣམས་སྤྲུལ་པ་ལྟ་བུ་དག་ཡིན་ལ། དེ་དག་ལ་ཆོས་བསྟན་པའང་སྤྲུལ་པ་ལྟ་བུ་དག་ཡིན་ནམ། ཚེ་དང་ལྡན་པ་རབ་འབྱོར་གྱིས་སྨྲས་པ། ལྷའི་བུ་དེ་དེ་བཞིན་ནོ།། ཇི་སྐད་སྨྲས་པ་དེ་དེ་བཞིན་ཏེ། སེམས་ཅན་རྣམས་ནི་སྒྱུ་མ་ལྟ་བུ་དག་ཡིན་ལ། དེ་དག་ལ་ཆོས་བསྟན་པའང་སྒྱུ་མ་ལྟ་བུ་དག་ཡིན་ནོ། ། སེམས་ཅན་རྣམས་ནི་སྤྲུལ་པ་ལྟ་བུ་དག་ཡིན་ལ། དེ་དག་ལ་ཆོས་བསྟན་པའང་སྤྲུལ་པ་ལྟ་བུ་དག་ཡིན་ནོ།། ལྷའི་བུ་དག་བདག་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ལ། ལྷའི་བུ་དག་གཟུགས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། དེ་བཞིན་དུ་མིག་ཀྱང་སྒྱུ་མ་ལྟ་བུ་རྨི་ལམ་ལྟ་བུ་ཡིན་ནོ། ། དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། ལྷའི་བུ་དག་དེ་བཞིན་དུ་གཟུགས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ། ། དེ་བཞིན་དུ་སྒྲ་དང་། དྲི་དང་། རོ་དང་། རེག་བྱ་དང་། ཆོས་རྣམས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། ལྷའི་བུ་དག་མིག་གི་ཁམས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། བཞིན་དུ་གཟུགས་ཀྱི་ཁམས་དང་། མིག་གི་རྣམ་པར་ཤེས་པའི་ཁམས་དང་། རྣ་བའི་ཁམས་དང་། སྒྲའི་ཁམས་དང་། རྣ་བའི་རྣམ་པར་ཤེས་པའི་ཁམས་དང་། སྣའི་ཁམས་དང་། དྲིའི་ཁམས་དང་། ལྔ་རྣམ་པར་ཤེས་པའི་ཁམས་དང་། ལྕེའི་ཁམས་དང་། རོའི་ཁམས་དང་། ལྕེའི་རྣམ་པར་ཤེས་པའི་ཁམས་དང་། ལུས་ཀྱི་ཁམས་དང་། རེག་བྱའི་ཁམས་དང་། ལུས་ཀྱི་རྣམ་པར་ཤེས་པའི་ཁམས་དང་། ཡིད་ཀྱི་ཁམས་དང་། ཆོས་ཀྱི་ཁམས་དང་། ཡིད་ཀྱི་རྣམ་པར་ཤེས་པའི་ཁམས་ཀྱང་སྒྱུ་མ་ལྟ་བུ་རྨི་ལམ་ལྟ་བུ་ཡིན་ནོ།། དེ་བཞིན་དུ་མིག་གི་འདུས་ཏེ་རེག་པ་ནས། ཡིད་ཀྱི་འདུས་ཏེ་རེག་པའི་བར་དང་། དེ་བཞིན་དུ་མིག་གི་འདུས་ཏེ་རེག་པའི་རྐྱེན་གྱིས་ཚོར་བ་ནས། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་དག་ཀྱང་རྨི་ལམ་ལྟ་བུསྒྱུ་མ་ལྟ་བུ་ཡིན་ནོ། ། ལྷའི་བུ་དག་དེ་བཞིན་དུ་ནང་སྟོང་པ་ཉིད་དང་། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དང་། སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། མི་དམིགས་པ་སྟོང་པ་ཉིད་དང་། དངོས་པོ་མེད་པ་སྟོང་པ་ཉིད་དང་། ངོ་བོ་ཉིད་སྟོང་པ་ཉིད་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། ལྷའི་བུ་དག་དྲན་པ་ཉེ་བར་གཞག་པ་རྣམས་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། དེ་བཞིན་དུ་ཡང་དག་པར་སྤོང་བ་རྣམས་དང་། རྫུ་འཕྲུལ་གྱི་རྐང་པ་རྣམས་དང་། དབང་པོ་རྣམས་དང་། སྟོབས་རྣམས་དང་། བྱང་ཆུབ་ཀྱི་ཡན་ལག་རྣམས་དང་། འཕགས་པའི་ལམ་ཡན་ལག་བརྒྱད་པའང་རྨི་ལམ་ལྟ་བུ་སྒྱུ་མ་བུ་ཡིན་ནོ། ། ལྷའི་བུ་དག་དེ་བཞིན་གཤེགས་པའི་སྟོབས་བཅུའང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། དེ་བཞིན་དུ་མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། ལྷའི་བུ་དག་སྦྱིན་པའི་ཕ་རོལ་ཏུ་ཕྱིན་པའང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། དེ་བཞིན་དུ་ལྷའི་བུ་དག་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའང་སྒྱུ་མ་ལྟ་བུ་རྨི་ལམ་ལྟ་བུ་ཡིན་ནོ། ། དེ་བཞིན་དུ་རྒྱུན་དུ་ཞུགས་པའི་འབྲས་བུའང་རྨི་ལམ་ལྟ་བུ་སྒྱུ་མ་ལྟ་བུ་ཡིན་པ་ནས། ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་ཀྱི་བར་ཡང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ནོ།། ལྷའི་བུ་དག་དེ་བཞིན་དུ་རང་བྱང་ཆུབ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མི་ལམ་ལྟ་བུ་སྒྱུ་མ་ལྟ་བུ་ཡིན་ནོ། ། དེ་ནས་ལྷའི་བུ་དེ་དག་གིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། བཙུན་པ་རབ་འབྱོར་ཡང་དག་པར་རྫོགས་པའི་བྱང་ཆུབ་ཀྱང་རྨི་ལམ་ལྟ་བུ་སྒྱུ་མ་ལྟ་བུ་ཞེས་སྨྲས་འམ། བཙུན་པ་རབ་འབྱོར་མྱ་ངན་ལས་འདས་པའང་རྨི་ལམ་ལྟ་བུ་སྒྱུ་མ་ལྟ་བུ་ཞེས་སྨྲ་འམ། ཚེ་དང་ལྡན་པ་རབ་འབྱོར་གྱིས་སྨྲས་པ། ལྷའི་བུ་དག་ཁོ་བོ་ནི་མྱ་ངན་ལས་འདས་པའང་རྨི་ལམ་ལྟ་བུ་སྒྱུ་མ་ལྟ་བུ་ཞེས་སྨྲ་སྟེ། ལྷའི་བུ་དག་གལ་ཏེ་མྱ་ངན་ལས་འདས་པ་དེ་བས་ཆོས་ཁྱད་པར་དུ་འཕགས་པའི་ཆོས་འགའ་ཞིག་ཡོད་ནའ་ཁོ་བོ་ནི་ཆོས་དེའང་རྨི་ལམ་ལྟ་བུ་སྒྱུ་མ་ལྟ་བུ་ཡིན་ཞེས་སྨྲའོ། ། དེ་ཅིའི་ཕྱིར་ཞེ་ན། ལྷའི་བུ་དག་འདི་ལྟར་རྨི་ལམ་དང་མྱ་ངན་ལས་འདས་པ་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་པའི་ཕྱིར་རོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་རིན་པོ་དང་། ཚེ་དང་ལྡན་པ་མོའུ་འགལ་གྱི་བུ་ཆེན་པོ་དང་། ཚེ་དང་ལྡན་པ་གསུས་པོ་ཆེ་ཆེན་པོ་དང་། ཚེ་དང་ལྡན་པ་ཀ་ཏྱའི་བུ་ཆེན་པོ་དང་ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན་པ་འོད་སྲུངས་ཆེན་པོ་དང་། བྱང་ཆུབ་སེམས་དཔའ་འབུམ་ཕྲག་དུ་མ་དག་གིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། བཙུན་པ་རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ། འདི་ལྟར་མཐོང་བར་དཀའ་བ། འདི་ལྟར་རྟོགས་པར་དཀའ་བ། འདི་ལྟར་ཕྲ་བ། འདི་ལྟར་ཞིབ་པ། འདི་ལྟར་ནོམ་པ་འདི་སུ་ཞིག་ལེན་པར་འགྱུར། དེ་ནས་ཚེ་དང་ལྡན་པ་ཀུན་དགའ་བོས། ཉན་ཐོས་ཆེན་པོ་དེ་དག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ལ་འདི་སྐད་ཅེས་སྨྲས་སོ། ། ཚེ་དང་ལྡན་པ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ། བརྟག་མི་ནུས་པ། རྟོག་གེའི་སྤྱོད་ཡུལ་མ་ཡིན་པ། ཕྲ་བ། ཞིབ་པ། མཐོང་བར་དཀའ་བ། རྟོགས་པར་དཀའ་བ། འདི་ལྟར་ཞི་བ། འདི་ལྟར་གྱ་ནོམ་པ། དྲི་མ་མེད་པ། འཕགས་པ། མཁས་པ། མཛངས་པས་རིག་པར་བྱ་བ་འདིནི་ཕྱི་མི་ལྡོག་པའི་བྱང་ཆུབ་སེམས་དཔའ་དག་ལེན་པར་འགྱུར་རོ། ། བདེན་པ་མཐོང་བ་འམ། དགྲ་བཅོམ་པ་ཆོས་ཀྱི་གཏིང་རྟོགས་པ། བརྣག་པ་ཡོངས་སུ་རྫོགས་པ་དག་གམ། བྱང་ཆུབ་སེམས་དཔའ་སེམས་དཔའ་ཆེན་པོ་སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། སངས་རྒྱས་བྱེ་བ་ཕྲག་མང་པོ་དག་ལ་དགེ་བའི་རྩ་བ་བསྐྱེད་པ་དག་གམ། རིགས་ཀྱི་བུ་འམ། རིགས་ཀྱི་བུ་མོ་དགེ་བའི་བཤེས་གཉེན་གྱིས་ཡོངས་སུ་ཟིན་པ་དེ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ་ནས། དེ་བཞིན་དུ་སྦྱར་ཏེ། དྲི་མ་མེད་པ་འཕགས་པ་དང་། མཁས་པ་དང་། མཛངས་པས་རིག་པར་བྱ་བ་སྟོན་པའི་ཚེ་ལེན་པར་གྱུར་ཏེ། དེ་དག་ནི་གཟུགས་སྟོང་ཞེས་བྱ་བ་དང་། སྟོང་པ་ཉིད་གཟུགས་སོ་སྙམ་དུ་རྣམ་པར་རྟོག་པར་མི་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་ཞེས་བྱ་བ་དང་། སྟོང་པ་ཉིད་རྣམ་པར་ཤེས་པའོ་སྙམ་དུ་རྣམ་པར་རྟོག་པར་མི་འགྱུར་རོ།། གཟུགས་མཚན་མ་མེད་ཅེས་བྱ་བ་དང་། མཚན་མ་མེད་པ་གཟུགས་སོ་སྙམ་དུ་རྣམ་པར་རྟོག་པར་མི་འགྱུར་རོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མཚན་མ་མེད་ཅེས་བྱ་བ་དང་། མཚན་མ་མེད་པ་རྣམ་པར་ཤེས་པའོ་ཞེས་རྣམ་པར་རྟོག་པར་མི་འགྱུར་རོ། ། གཟུགས་སྨོན་པ་མེད་ཅེས་བྱ་བ་དང་། སྨོན་པ་མེད་པ་གཟུགས་སོ་སྙམ་དུ་རྣམ་པར་རྟོག་པར་མི་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྨོན་པ་མེད་ཅེས་བྱ་བ་དང་། སྨོན་པ་མེད་པ་རྣམ་པར་ཤེས་པའོ་སྙམ་དུ་རྣམ་པར་རྟོག་པར་མི་འགྱུར་རོ།། དེ་ལྟར་གོང་མ་བཞིན་དུ་སྦྱར་ཏེ། གཟུགས་སྐྱེ་བ་མེད་དོ་སྙམ་དུ་རྣམ་པར་རྟོག་པར་མི་འགྱུར་ཞིང་འགག་པ་མེད་དོ་སྙམ་པ་དང་། དབེན་པའོ་སྙམ་པའི་བར་དུ་རྣམ་པར་རྟོག་པར་མི་འགྱུར་རོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྐྱེ་བ་མེད་དོ་སྙམ་དུ་རྣམ་པར་རྟོག་པར་མི་འགྱུར་ཞིང་འགག་པ་མེད་དོ་སྙམ་པ་དང་། དབེན་པའོ་སྙམ་དུ་རྣམ་པར་རྟོག་པར་མི་འགྱུར་རོ།། གཟུགས་ཞི་བའོ།། སྙམ་དུ་རྣམ་པར་རྟོག་པར་མི་འགྱུར་རོ།། ཚེ་རབ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཞི་བའོ་སྙམ་དུ་རྣམ་པར་རྟོག་པར་མི་འགྱུར་རོ།། དེ་བཞིན་དུ་སྦྱར་ཏེ། མིག་གི་བར་དང་། མིག་གི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལའང་དེ་བཞིན་དུ་སྦྱར་བར་བྱའོ།། ཡིད་དང་། ཡིད་ཀྱི་འདུས་ཏེ་རེག་པའི་རྐྱེན་གྱིས་ཚོར་བའི་བར་ལའང་དེ་བཞིན་དུ་སྦྱར་བར་བྱའོ། ། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལའང་དེ་བཞིན་དུ་སྦྱར་བར་བྱའོ།། ནང་སྟོང་པ་ཉིད་ནས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལའང་སྦྱར་བར་བྱའོ། ། དྲན་པ་ཉེ་བར་གཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་ལའང་དེ་བཞིན་དུ་སྦྱར་བར་བྱའོ།། དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལའང་དེ་བཞིན་དུ་སྦྱར་བར་བྱའོ།། དེ་བཞིན་དུ་ཏིང་འཛིན་གྱི་སྒོ་ཐམས་ཅད་དང་། གཟུངས་ཀྱི་སྒོ་ཐམས་ཅད་ལའང་སྦྱར་བར་བྱའོ། ། དེ་བཞིན་དུ་རྒྱུན་དུ་ཞུགས་པའི་འབྲས་བུ་ནས། དགྲ་བཅོམ་པ་ཉིད་ཀྱི་བར་དང་། རང་བྱང་ཆུབ་ཀྱི་བར་ལའང་སྦྱར་བར་བྱའོ།། དེ་དག་དེ་དག་ནི་རྣམ་པ་ཐམས་ཅད་མཁྱེན་པ་ཉིད་སྟོང་པ་ཉིད་དོ་ཞེས་བྱ་བ་དང་། སྟོང་པ་ཉིད་རྣམ་པ་ཐམས་ཅད་མཁྱེན་པ་ཉིད་དོ་སྙམ་དུ་རྣམ་པར་རྟོག་པར་མི་འགྱུར་རོ།། རྣམ་པ་ཐམས་ཅད་མཁྱེན་པ་ཉིད་མཚན་མ་མེད་དོ་སྙམ་པ་དང་། མཚན་མ་མེད་པ་རྣམ་པ་ཐམས་ཅད་མཁྱེན་པ་ཉིད་དོ་སྙམ་དུ་རྣམ་པར་རྟོག་པར་མི་འགྱུར་རོ།། རྣམ་པ་ཐམས་ཅད་མཁྱེན་པ་ཉིད་སྨོན་མེད་དོ་ཞེས་བྱ་བ་དང་། སྨོན་པ་མེད་པ་རྣམ་པ་ཐམས་ཅད་མཁྱེན་པ་ཉིད་དོ་སྙམ་དུ་རྣམ་པར་རྟོག་པར་མི་འགྱུར་རོ། ། འདུས་བྱས་ཀྱི་ཁམས་སྟོང་པ་ཉིད་དོ་ཞེས་བྱ་བ་དང་། སྟོང་པ་ཉིད་འདུས་བྱས་ཀྱི་ཁམས་སོ་སྙམ་དུ་རྣམ་པར་རྟོག་པར་མི་འགྱུར་རོ།། བཞིན་དུ་འདུས་བྱས་ཀྱི་ཁམས་མཚན་མ་མེད་དོ་ཞེས་བྱ་བ་དང་། མཚན་མ་མེད་པ་འདུས་བྱས་ཀྱི་ཁམས་སོ་སྙམ་དུ་རྣམ་པར་རྟོག་པར་མི་འགྱུར་རོ།། འདུས་བྱས་ཀྱི་ཁམས་སྨོན་པ་མེད་དོ་ཞེས་བྱ་བ་དང་། སྨོན་པ་མེད་པ་འདུས་བྱས་ཀྱི་ཁམས་སོ་སྙམ་དུ་རྣམ་པར་རྟོག་པར་མི་འགྱུར་རོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དང་། དེ་བཞིན་དུ་འདུས་བྱས་དང་། འདུས་མ་བྱས་ཀྱི་བར་དུ་སྐྱེ་བ་མེད་པ་དང་། འགག་པ་མེད་པ་དང་། ཞི་བ་དང་། དབེན་པར་རྣམ་པར་རྟོག་པར་མི་འགྱུར་རོ།། དེ་ནས་ཚེ་དང་ལྡན་པ་རབ་འབྱོར་གྱིས། ལྔའི་བུ་དེ་དག་ལ་འདི་སྐད་ཅེས་སྨྲས་སོ།། ལྷའི་བུ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལྟར་ཟབ་པ་ནས། དྲི་མ་མེད་པ། འཕགས་པ། མཁས་པ་དང་། མཛངས་པས་རིག་པར་བྱ་བ་འདི་ལ་ནི་ལེན་པར་བྱེད་པར་འགྱུར་བ་འགའ་ཡང་མེད་དོ། ། དེ་ཅིའི་ཕྱིར་ཞེ་ན། འདི་ལྟར་འདིར་ཆོས་འགའ་ཡང་ཡོངས་སུ་མ་བརྗོད་ཅིང་ཡོངས་སུ་མ་བསྟན་པའི་ཕྱིར་ཏེ། ཇི་ལྟར་འདིས་ཆོས་འགའ་ཡང་ཡོངས་སུ་མ་བརྗོད་ཡོངས་སུ་མ་བསྟན་པ་དེ་ལྟར་འདི་སེམས་ཅན་གའ་ཡང་ལེན་པར་འགྱུར་བ་མེད་དོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ། པོ་བཅུ་དྲུག་པ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས་ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཐེག་པ་སུམ་པོ་བསྟན་པ་འདི་ལྟ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་དག་རྒྱ་ཆེར་བསྟན་ཅིང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་བཟུང་བར་ཡང་བསྟན་ལ། སེམས་དང་པོ་བསྐྱེད་པ་ནས་བཟུང་སྟེ། ས་བཅུའི་སེམས་བསྐྱེད་པའི་བར་དང་། བྱང་ཆུབ་སེམས་དཔའི་ལམ་འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང་། དེ་བཞིན་དུ་དྲན་པ་ཉེ་བར་གཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་བསྟན་ཅིང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་རྫུ་འཕྲུལ་གྱི་མངོན་པར་ཤེས་པས་རྣམ་པར་རྩེ་བ་ཆེན་པོ་དག་ཀྱང་བསྟན་ལ། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་རྣམས་རྫུརྫས་ཏེ་སྐྱེ་བར་འགྱུར་བ་དང་། དེ་བཞིན་དུ་མངོན་པར་ཤེས་པ་ཡོངས་སུ་མི་ཉམས་པའི་ཆོས་ཅན་དུ་འགྱུར་ཞིང་། དགེ་བའི་རྩ་བ་གང་དག་གིས་འདོད་ན་སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བ་དང་སངས་རྒྱས་བཅོམ་ལྡན་འདས་དེ་དག་ལ་སྟི་སྟང་དུ་བྱ་བ་དང་། རི་མོར་བྱ་བ་དང་། མཆོད་པ་བྱེད་པར་འགྱུར་བའི་དགེ་བའི་རྩ་བ་དག་ཀྱང་འགྲུབ་པར་འགྱུར་བ་དང་། སངས་རྒྱས་བཅོམ་ལྡན་འདས་དེ་དག་ལས་ཆོས་གང་ཐོས་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ཀྱི་བར་དུ་ནམ་ཡང་ཆུད་ཟ་བར་མི་འགྱུར་བ་དང་། མཉམ་པར་མགཞག་པའི་ཚུལ་གྱིས་རྟག་ཏུ་མཉམ་པར་གཞག་པར་འགྱུར་བ་དང་། ཐོགས་པ་མེད་པའོ་སྤོབས་པ་དང་། རྒྱུན་མི་འཆད་པའི་སྤོབས་པ་དང་། རིགས་པའི་སྤོབས་པ་དང་། འབྲེལ་བའི་སྤོབས་པ་དང་། དོན་བཟང་པོ་དང་ལྡན་པའི་སྤོབས་པ་དང་། འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་ཅན་དུ་འགྱུར་བ་དག་ཀྱང་བསྟན་པ་མ་ཡིན་ནམ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། ཤེས་རབ་ཀྱི་ཕ་རོལ་དུཏུ་ཕྱིན་པ་འདིར་ཐེག་པ་གསུམ་པོ་འདི་ལྟ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་དག་རྒྱ་ཆེར་བསྟན་ཏོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་བཟུང་བའང་བསྟན་པ་ནས། དེ་བཞིན་དུ་སྦྱར་ཏེ། ཅི་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་ཅན་གྱི་བར་དུ་འགྱུར་ཞིང་། དེའང་མི་དམིགས་པའི་ཚུལ་གྱིས་བསྟན་པ་ནས། ཤེས་པ་པོ་དང་མཐོང་བ་པོའི་བར་དུ་མི་དམིགས་པའི་ཚུལ་དང་། དེ་བཞིན་དུ་གཟུགས་མི་དམིགས་པའི་ཚུལ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མི་དམིགས་པའི་ཚུལ་དང་། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་མི་དམིགས་པའི་ཚུལ་དང་། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་མི་དམིགས་པོའི་ཚུལ་དང་། ནང་སྟོང་པ་ཉིད་མི་དམིགས་པའི་ཚུལ་དང་། དངོས་པོ་མེད་པོའི་ངོ་བོ་ཉིད་སྟོང་པ་ཉིད་ཀྱི་བར་དུ་མི་དམིགས་པའི་ཚུལ་དང་། དྲན་པ་ཉེ་བར་གཞག་པ་རྣམས་ཀྱི་བར་དུ་མི་དམིགས་པའི་ཚུལ་དང་། འཕགས་པའི་ལམ་ཡན་ལག་བརྒྱད་པའི་བར་དུ་མི་དམིགས་པའི་ཚུལ་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་མི་དམིགས་པའི་ཚུལ་དང་། སངས་རྒྱས་ཀྱི་ཆོས་མ་འདྲེས་བཅོ་བརྒྱད་ཀྱི་བར་དུ་མི་དམིགས་པའི་ཚུལ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་དམིགས་པའི་ཚུལ་གྱིས་བསྟན་ཏོ། ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅིའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཐེག་པ་གསུམ་པོ་དག་མི་དམིགས་པའི་ཚུལ་གྱིས་བསྟན་ཅིང་། དེ་བཞིན་དུ་ཅིའི་ཕྱིར་བྱང་ཆུབ་སེམས་དཔའ་སེམས་དཔ་ཆེན་པོ་རྣམས་ཡོངས་སུ་བཟུང་བར་བསྟན་པ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་ཅན་གྱི་བར་དུ་འགྱུར་ལ། དེའང་མི་དམིགས་པའི་ཚུལ་གྱིས་བསྟན། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འང་སྐད་ཅེས་སྨྲས་སོ། ། ཚེ་དང་ལྡན་པ་ཤཱ་ར་དྭ་ཏིའི་བུ་ནང་སྟོང་པ་ཉིད་ཀྱི་ཕྱིར་ཐེག་པ་གསུམ་པོ་དག་རྒྱ་ཆེར་བསྟན་ཏོ།། དེའང་མི་དམིགས་པའི་ཚུལ་གྱིས་བསྟན་ཏོ།། དེ་བཞིན་དུ་ནང་སྟོང་པ་ཉིད་ཀྱི་ཕྱིར་དང་ཕྱི་སྟོང་པ་ཉིད་ཀྱི་ཕྱིར་དང་། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར་ཐེག་པ་གསུམ་པོ་དག་རྒྱ་ཆེར་བསྟན་ཏེ། དེའང་མི་དམིགས་པའི་ཚུལ་གྱིས་བསྟན་ཏེ། དེ་བཞིན་དུ་ནང་སྟོང། པ་ཉིད་ཀྱི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཡོངས་སུ་བཟུང་བར་བསྟན་ཅིང་། དེ་བཞིན་དུ་སྦྱར་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ཐམས་ཅད་ལས་བྱེང་པར་དུང་ཕགས་པའི་སྤོབས་པ་རབ་མཆོག་ཅན་གྱི་བར་དུ་འགྱུར་ཞིང་། དེའང་མི་དམིགས་པའི་ཚུལ་གྱིས་བསྟན་པ་དང་། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་གྱི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཡོངས་སུ་བཟུང་བ་བསྟན་པ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་འཇིག་རྟེན་ཐམས་ཅད་ལས་ཁྱད་པར་དུ་འཕགས་པའི་སྤོབས་པ་རབ་མཆོག་ཅན་གྱི་བར་དུ་འགྱུར་ཞིང་། དེའང་མི་དམིགས་པའི་ཚུལ་གྱིས་བསྟན་ཏོ།། དེ་ནས་འཁོར་དེ་ན་དབང་པོ་དང་བཅས་པའི་ལྷ་རྣམས་དང་། མོའི་ཚོགས་དང་བཅས་པ་རྣམས་དང་། ཚངས་པ་དང་བཅས་པ་རྣམས་དང་། སྐྱེ་དགུའི་བདག་པོ་དང་བཅས་པ་རྣམས་དང་། སུམ་ཅུ་རྩ་གསུམ་པ་རྣམས་ཀྱིས་འདི་ལྟ་སྟེ། དེ་བཞིན་གཤེགས་པའི་སྟོབས་དང་། དེ་བཞིན་གཤེགས་པའི་བྱིན་གྱི་རླབས་དང་། དེ་བཞིན་གཤེགས་པའི་མཐུས་གནས་བརྟན་རབ་འབྱོར་གྱིས་གང་བཤད་པ་དང་། བརྗོད་པ་དང་། བསྟན་པའི་ཆོས་འདི་ནི། ཨ་ལ་ལ་ལེགས་པར་བཤད་པའོ།། ཨ་ལ་ལ་ཆོས་འདི་ནི་ལེགས་པར་བཤད་པའོ།། ཨ་ལ་ལ་ཆོས་འདི་ནི་ལེགས་པར་བཤད་པའོ་ཞེས་ཆེད་དུ་བརྗོད་པ་ལན་གསུམ་དུ་ཆེད་དུ་བརྗོད་དོ། ། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མ་བྲལ་བ་འདི་ནི། བདག་ཅག་གིས་དེ་བཞིན་གཤེགས་པ་ཉིད་དུ་གཟུང་བར་བགྱིའོ།། འདི་ལྟར་གཟུ་སམ། ཚོར་བ་འམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པ་འམ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཆོས་གང་ཡང་དམིགས་པ་མ་མཆིས་ཀྱང་།། ཐེག་པ་གསུམ་པོ་རྣམ་པར་དགོད་པ་མཛད་དེ། ཐེག་པ་གསུམ་པོ་འདི་ལྟ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་འདོགས་པའང་མཛད་དོ། ། དེ་ནས་བཅོམ་ལྡན་འདས་ཀྱིས། དབང་པོ་དང་བཅས་པའི་ལྷ་དེ་དག་ལ་བཀའ་སྩལ་ཏོ།། ལྷའི་བུ་དག་དེ་དེ་བཞིན་ནོ།། ཁྱེད་ཇི་སྐད་ཟེར་བ་བཞིན་ཏེ། ལྷའི་བུ་དག་འདི་ལྟ་སྟེ། གཟུགས་སམ། ཚོར་བ་འམ། འདུ་ཤེས་སམ། འདུ་བྱེད་རྣམས་སམ། རྣམ་པར་ཤེས་པ་འམ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཆོས་གང་ཡང་དམིགས་སུ་མེད་ཀྱང་། ཐེག་པ་གསུམ་རྣམ་པར་དགོད་པར་མཛད་དོ།། ཐེག་པ་གསུམ་པོ་འདི་ལྟ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པའང་འདོགས་པའང་མཛད་དོ། ། ལྷའི་བུ་དག་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མ་བྲལ་བ་དེའང་མི་དམིགས་པའི་ཚུལ་གྱིས་ཡིན་པ་དེ་ནི། ཁྱེད་ཀྱིས་དེ་བཞིན་གཤེགས་པ་ཉིད་དུ་ཟུང་ཞིག། དེ་ཅིའི་ཕྱིར་ཞེ་ན། ལྷའི་བུ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདིར་ཐེག་པ་གསུམ་པོ་འདི་ལྟ་སྟེ། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། ཡང་དག་པར་རྫོགས་པའི་སངས་རྒྱས་ཀྱི་ཐེག་པ་དག་རྒྱ་ཆེར་བསྟན་ཅིང་། ལྷའི་བུ་དག་སྦྱིན་པའི་ཕ་རོལ་ཏུ་ཕྱིན་པ་ལས་གུད་ན་དེ་བཞིན་གཤེགས་པ་དམིགས་སུ་མེད་ལ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལས་གུད་ནའང་དེ་བཞིན་གཤེགས་པ་དམིགས་སུ་མེད། དེ་བཞིན་དུ་རང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལས་གུད་ནའང་དེ་བཞིན་གཤེགས་པ་དམིགས་སུ་མེད། དྲན་པ་ཉེ་བར་གཞག་པ་རྣམས་དང་། འཕགས་པའི་ལམ་ཡན་ལག་བརྒྱད་པའི་བར་དག་ལས་གུད་ནའང་དེ་བཞིན་གཤེགས་པ་དམིགས་སུ་མེད། དེ་བཞིན་དུ་དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ལས་གུད་ནའང་དེ་བཞིན་གཤེགས་པ་དམིགས་སུ་མེད། རྣམ་པ་ཐམས་ཅད་མཁྱེན་པ་ཉིད་ལས་གུད་ནའང་དེ་བཞིན་གཤེགས་པ་དམིགས་སུ་མེད་ལ། ལྷའི་བུ་དག་བྱང་ཆུབ་སེམས་དཔའ་ཡང་དེ་དག་ཐམས་ཅད་ལ་སློབ་སྟེ། འདི་ལྟ་སྟེ། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་སློབ་པའི་ཕྱིར་ཏེ། ལྷའི་བུ་དག་དེ་ལྟ་བས་ན། བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་དང་མ་བྲལ་བར་སྤྱོད་པ་ནི། དེ་བཞིན་གཤེགས་པ་ཉིད་དུ་རིག་པར་བྱའོ། ། ལྷའི་བུ་དག་གང་གི་ཚེ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མར་མེ་མཛད་ལ་རྒྱལ་པོའི་ཕོ་བྲང་འཁོར་པདྨ་ཅན་དུ་པདྨ་ལྔ་གཏོར་ཏེ། ཚོང་དུས་ཀྱི་དབུས་ན་འདུག་པའི་ཚེ། མི་དམིགས་པའི་ཚུལ་གྱིས་སྦྱིན་པའི་ཕ་རོལ་ཏུ་ཕྱིན་པ་དང་བྲལ་བར་མ་གྱུར། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་བྲལ་བར་མ་གྱུར། དེ་བཞིན་དུ་ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་། དེ་བཞིན་དུ་དྲན་པ་ཉེ་བར་གཞག་པ་རྣམས་དང་། འཕགས་པའི་ལམ་ཡན་ལག་བརྒྱད་པའི་བར་དང་བྲལ་བར་མ་གྱུར། དེ་བཞིན་དུ་ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། བྱང་ཆུབ་སེམས་དཔའི་ཏིང་ངེ་འཛིན་ཐམས་ཅད་དང་། གཟུངས་ཀྱི་སྒོ་ཐམས་ཅད་དང་། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་དང་བྲལ་བར་མ་གྱུར་པ་དེའི་ཚེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་པར་མེ་མཛད་ཀྱིས། ང་ལ་ཀྱེ་རིགས་ཀྱི་བུ་ཁྱོད་མ་འོངས་པའི་བསྐལ་པ་བཟང་པོ་ལ། འཇིག་རྟེན་གྱི་ཁམས་འདི་ཉིད་དུ་མ་འོངས་པའི་དུས་བསྐལ་པ་གྲངས་མེད་པ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བ། ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་ཞེས་བྱ་བར་འགྱུར་རོ་ཞེས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ཏོ། ། དེ་ནས་བཅོམ་ལྡན་འདས་ལ། ལྷའི་བུ་དེ་དག་གིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཇི་ཙམ་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ། རྣམ་པ་ཐམས་ཅད་མཁྱེན་པ་ཉིད་མི་གཏོང་བའི་ཚུལ་གྱིས་ཕན་འདོགས་པ་འདི་ནི་ངོ་མཚར་ལགས་སོ།། དེ་ནས་བཅོམ་ལྡན་འདས་ཀྱིས་འཁོར་བཞི་པོ་འདི་ལྟ་སྟེ། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དང་། རྒྱལ་པོ་ཆེན་པོ་བཞིའི་རིས་ཀྱི་ལྷ་རྣམས་ནས། དེ་བཞིན་དུ་སྦྱར་ཏེ། འོག་མིན་གྱི་ལྷ་རྣམས་འདུས་པར་གྱུར་ཏེ་འཁོད་པར་ཐུགས་སུ་ཆུད་ནས་ཐམས་ཅད་དཔང་དུ་བཙུགས་ཏེ། ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ།། ཀེའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོ་འམ། དགེ་སློང་ངམ། དགེ་སློང་མ་འམ། དགེ་སྙེན་ནམ། དགེ་སྙེན་མ་འམ། ལྷའི་ཟ་བམ། ལྷའི་བུ་མོ་གང་ལ་ལ་ཞིག་གིས། བཅོམ་ལྡན་འདས་མ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐོས་ནས། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བར་གྱུར་པ་དེ་ལ་བདུན་སྡིག་ཅན་ནམ། བདུད་ཀྱི་རིགས་ཀྱི་ལྷ་གླགས་ཚོལ་བ་རྣམས་ཀྱིས་གླགས་དང་སྐབས་རྙེད་པར་མི་འགྱུར་རོ། ། དེ་ཅིའི་ཕྱིར་ཞེ་ན། འདི་ལྟར་རིགས་ཀྱི་བུ་འམ། རིགས་ཀྱི་བུ་མོ་དེས་གཟུགས་སྟོང་པ་ཉིད་དུ་ཤིན་ཏུ་བྱིན་གྱིས་བརླབས་ཤིང་། དེ་བཞིན་དུ་ཚོར་བ་སྟོང་པ་ཉིད་དང་། འདུ་ཤེས་སྟོང་པ་ཉིད་དང་། འདུ་བྱེད་རྣམས་སྟོང་པ་ཉིད་དང་། རྣམ་པར་ཤེས་པ་སྟོང་པ་ཉིད་དུ་བྱིན་གྱིས་བརླབས་པའི་ཕྱིར་རོ།། དེ་ཅིའི་ཕྱིར་ཞེ་ན། འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་གླགས་མི་རྙེད། མཚན་མེད་པས་མཚན་མ་མེད་པ་ལ་གླགས་མི་རྙེད། སྨོན་པ་མེད་པས་སྨོན་པ་མེད་པ་ལ་གླགས་མི་རྙེད་པའི་ཕྱིར་རོ།། དེ་ལྟར་གོང་མ་བཞིན་དུ་སྦྱར་ཏེ། རིགས་ཀྱི་བུ་བམ། རིགས་ཀྱི་བུ་མོ་དེས་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་སྟོང་པ་ཉིད་ཤིན་ཏུ་བྱིན་གྱིས་བརླབས་པའི་ཕྱིར་རོ། ། དེ་ཅིའི་ཕྱིར་ཞེ་ན། འདི་ལྟར་སྟོང་པ་ཉིད་ཀྱིས་སྟོང་པ་ཉིད་ལ་ཀླགས་མི་རྙེད། མཚན་མ་མེད་པས་མཚན་མ་མེད་པ་ལ་གླགས་མི་རྙེད། སྨོན་པ་མེད་པས་སྨོན་པ་མེད་ལ་གླགས་མི་རྙེད་པའི་ཕྱིར་རོ།། དེ་ཅིའི་ཕྱིར་ཞེ་ན། འདི་ལྟར་གང་གིས་དེ་དག་ལ་རྨུགས་རྙེད་པར་འགྱུར་བ་དང་། གང་དག་ལ་གླགས་རྙེད་པར་འགྱུར་བའི་ཆོས་དེ་དག་ལ་ངོ་བོ་ཉིད་མེད་པའི་ཕྱིར་རོ། ། ཀོའུ་ཤི་ཀ་རིགས་ཀྱི་བུ་འམ། རིགས་ཀྱི་བུ་མོ་དེ་ལ་མི་འམ། མི་མ་ཡིན་པ་གླགས་ཚོལ་བ་རྣམས་ཀྱིས་གླགས་མི་རྙེད་དོ།། དེ་ཅིའི་ཕྱིར་ཞེ་ན། ཀོའུ་ཤི་ཀ་འདི་ལྟར་རིགས་ཀྱི་བུ་འམ། རིགས་ཀྱི་བུ་མོ་དེས་སེམས་ཅན་ཐམས་ཅད་ལ་བྱམས་པའི་སེམས་ཤིན་ཏུ་བསྒོམས་ཤིང་། དེ་བཞིན་དུ་སྙིང་རྗེའི་སེམས་དང་། དགའ་བའི་སེམས་དང་། བཏང་སྙོམས་ཀྱི་སེམས་ཤིན་ཏུ་བསྒོམས་ཏེ། དེའང་མི་དམིགས་པའི་ཚུལ་གྱིས་སྒོམ་པའི་ཕྱིར་རོ།། ཀོའུ་ཤི་ཀ་རིགས་ཀྱི་བུ་འམ། རིགས་ཀྱི་བུ་མོ་དེ་བཤིས་ངན་དུའང་འཆི་བར་ཡང་མི་འགྱུར་རོ།། དེ་ཅིའི་ཕྱིར་ཞེ་ན། འདི་ལྟར་རིགས་ཀྱི་བུ་འམ། རིགས་ཀྱི་བུ་མོ་དེ་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་དེས། སེམས་ཅན་ཐམས་ཅད་ལ་ཡང་དག་པའི་བདེ་བ་ཉེ་བར་བསྒྲུབས་པས་བསྙེན་བཀུར་བྱས་པའི་ཕྱིར་རོ།། གང་དག་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་འཁོར་པའི་རྒྱལ་ཆེན་བཞིའི་རིས་ཀྱི་ལྷ་རྣམས་དང་། སུམ་ཅུ་རྩ་གསུམ་པ་རྣམས་དང་། བཐབ་བྲལ་རྣམས་དང་། དགའ་ལྡན་རྣམས་དང་། འཕྲུལ་དགའ་རྣམས་དང་། གཞང་འཕྲུལ་དབང་བྱེད་རྣམས་དང་། ཚངས་པ་རྣམས་དང་། འོད་གསལ་བ་རྣམས་དང་། དགེ་རྒྱས་རྣམས་དང་། འབྲས་བུ་ཆེ་བ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དག་དང་། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐོས་ནས་མ་བཟུང་བ་དང་། མ་བཅངས་པ་དང་། ཀུན་ཆུག་པར་མ་བྱས་པའི་ལྷ་རྣམས་ཀྱིས་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པ་འདི་རྟག་ཏུ་མཉན་པར་བྱ། གཟུང་བར་བྱ། བཅང་བར་བྱ། ཀུན་ཆུབ་པར་བྱ། ཚུལ་བཞིན་དུ་ཡིད་ལ་བྱ་ཞིང་། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་ཡང་མ་བྲལ་བར་བྱའོ། ། ཀོའུ་ཤི་ཀ་གཞན་ཡང་རིགས་ཀྱི་བུ་བམ། རིགས་ཀྱི་བུ་མོ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འརླང་བ་དང་། ཀློག་པ་དང་། ཀུ་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། ཐམས་ཅད་མཁྱེན་པ་ཉིད་ཀྱི་སེམས་དང་ཡང་བྲལ་བར་མི་འགྱུར་ན། རིགས་ཀྱི་བུ་དང་རིགས་ཀྱི་བུ་མོ་དེ་དག་ཁང་སྟོང་ན་འདུག་ཀྱང་རུང་། བླ་གབ་མེད་པ་ན་འདུག་ཀྱང་རུང་། འདུན་ཁང་ན་འདུག་ཀྱང་རུང་སྟེ། འཇིགས་པ་འམ། བག་ཚ་བ་འམ། སྤུ་ཟིང་ཞེས་བྱེད་པ་དག་འབྱུང་བར་མི་འགྱུར་རོ།། དེ་ཅིའི་ཕྱིར་ཞེ་ན། ཀོའུ་ནི་ཀ་འདི་ལྟར་རིགས་ཀྱི་བུ་འམ། རིགས་ཀྱི་བུ་མོ་དེ་དག་གིས་རྟག་ཏུ་མི་དམིགས་པའི་ཚུལ་གྱིས་ནང་སྟོང་པ་ཉིད་ཤིན་ཏུ་བསྒོམས་ཤིང་། དེ་བཞིན་དུ་རྟག་ཏུ་མི་དམིགས་པའི་ཚུལ་གྱིས་ཕྱི་སྟོང་པ་ཉིད་ཤིན་ཏུ་བསྒོམས། དེ་བཞིན་དུ་རྟག་ཏུ་མི་དམིགས་པའི་ཚུལ་གྱིས་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཤིན་ཏུ་བསྒོམས་པའི་ཕྱིར་རོ།། དེ་ནས་བཅོམ་ལྡན་འདས་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་འདི་ལྟ་སྟེ། རྒྱལ་ཆེན་བཞིའི་རིས་ཀྱི་ལྷ་རྣམས་དང་། སུམ་ཅུ་རྩ་གསུམ་པ་རྣམས་དང་། འཐབ་བྲལ་རྣམས་དང་། དགའ་ལྡན་རྣམས་དང་། འཕྲུལ་དགའ་རྣམས་དང་། གཞན་འཕྲུལ་དབང་བྱེད་རྣམ་དང་། གནས་གཙང་མའི་བར་གྱི་ལྷ་འཁོད་པ་དེ་དག་གིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས། རིགས་ཀྱི་བུ་འམ། རིགས་ཀྱི་བུ་མོ་གང་དག་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་འཛིན་པ་དང་། ལུང་འབོག་པ་དང་། འཆང་བ་དང་། ཀློག་པ་དང་། འརླད་པ་དང་། གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་པ་དང་ཚུལ་བཞིན་དུ་ཡིད་ལ་བགྱིད་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་བྲལ་བར་མི་འགྱུར་བ་དེ་དག་ལ་བདག་ཅག་གིས་རྟག་པར་བསྲུང་བ་དང་བསྐྱབ་པར་བགྱི་ལགས་སོ།། དེ་ཅིའི་སླད་དུ་ཞེ་ན། བཅོམ་ལྡན་འདས་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས་སེམས་ཅན་དམྱལ་བ་རྣམས་རྒྱུན་ཆད་པར་འགྱུར། ལྷ་དབུལ་པོ་རྣམས་དང་། ཀླུ་དབུལ་པོ་རྣམས་དང་། གནོད་སྦྱིན་དབུལ་པོ་རྣམས་དང་། མི་དབུལ་པོ་རྣམས་དང་། ལམས་བྲོ་བྲོ་ནད་ཐམས་ཅད་དང་། གནོད་པ་དང་། བྲོ་ནད་འགོ་བ་དང་། འཁྲུག་པ་རྣམས་མི་སྐྱེ་མི་འབྱུང་ཞིང་སེལ་བར་འགྱུར་ལ། དེ་བཞིན་དུ་མུ་གེ་དང་། འཁྲུག་པ་དང་། ནང་འཁྲུག་ཐམས་ཅད་རྒུན་ཆད་པར་འགྱུར། སེལ་བར་འགྱུར་ཞིང་མ་མཆིས་པར་འགྱུར་བ་དང་། བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས། དགེ་བ་བཅུའི་ལས་ཀྱི་ལམ་རྣམས་འཇིག་རྟེན་དུ་འབྱུང་ཞིང་། དེ་བཞིན་དུ་བསམ་གཏན་བཞི་དང་། ཚད་མེད་པ་དང་། གཟུགས་མེད་པའི་སྙོམས་པར་འཇུག་པ་བཞི་དག་འཇིག་རྟེན་དུ་འབྱུང་བར་འགྱུར། ཇི་ལྟར་སྦྱིན་པའི་ཕ་རོལ་ཏུ་ཕྱིན་པ་འཇིག་རྟེན་དུ་འབྱུང་བར་འགྱུར་བ་དེ་བཞིན་དུ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་ནང་སྟོང་པ་ཉིད་འཇིག་རྟེན་དུ་འབྱུང་བར་འགྱུར། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་དྲན་པ་ཉེ་བར་གཞག་པ་བཞི་འཇིག་རྟེན་དུ་འབྱུང་བར་འགྱུར། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དག་འཇིག་རྟེན་དུ་འབྱུང་བར་འགྱུར་བའི་སླད་དུའོ།། བཙུན་པ་བཅོམ་ལྡན་འདས་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས། རྒྱལ་རིགས་ཤིང་སཱ་ལ་ཆེན་པོ་ལྟ་བུ་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་བྲམ་ཟེའི་རིགས་ཤིང་སཱ་ལ་ཆེན་པོ་ལྟ་བུ་དག་འཇིག་རྟེན་དུ་འབྱུང་བར་འགྱུར། ཁྱིམ་བདག་གི་རིགས་ཤིང་སཱ་ལ་ཆེན་པོ་ལ་ས་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་མཐོར་ལོས་སྦྱར་བའི་རྒྱལ་པོ་རྣམས་འཇིག་རྐྱེན་འབྱུང་བར་འགྱུར་བ་ལགས་སོ། ། བཙུན་པ་བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟན་ནས། རྒྱལ་ཆེན་བཞིའི་རིས་ཀྱི་ལྷ་རྣམས་མཆིས་ལགས། དེ་ལ་དྲུའོག་མིན་གྱིཝ་རྣམས་མཆིས་ལནས་སོ། ། བཙུན་པ་བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས། རྫུན་སུ་ཞུགས་པའི་འབྲས་བུ་མཆིས་ལགས་རྒྱུན་སུ་ཞུགས་པ་མཆིས་ལགས་སོ། ། དེ་བཞིན་དུ་ལན་ཅིག་ཕྱིར་འོང་བའི་འབྲས་བུ་དང་། ལན་ཅིག་ཕྱིར་འོང་བ་དང་། ཕྱིར་མི་འོང་བའི་འབྲས་བུ་དང་། ཕྱིར་མེ་འོང་བ་དང་། དེ་བཞིན་དུ་དགྲ་བཅོམ་པ་འབྲས་བུ་དང་། དགྲ་བཅོམ་པ་ཉིད་མཆིས་ལགས་སོ།། རང་བྱང་ཆུབ་མཆིས་ལགས་སོ།། རང་སངས་རྒྱས་མཆིས་ལགས་སོ།། བཙུན་པ་བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས། སེམས་ཅན་ཐམས་ཅད་ཡོངས་སུ་སྨིན་པར་བགྱི་བ་མཆིས་ལགས་སོ།། སངས་རྒྱས་ཀྱི་ཞིང་ཡོངས་སུ་དག་པར་བགྱི་བ་མཆིས་ལགས་སོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བཞུགས་ལགས་སོ། ། ཆོས་ཀྱི་འཁོར་ལོ་བསྐོར་བ་དག་ཀྱང་འཇིག་རྟེན་ན་མཆིས་ལགས་སོ།། དེ་བཞིན་དུ་སངས་རྒྱས་དཀོན་མཆོག་བཞུགས་ལགས་སོ། ། ཆོས་དཀོན་མཆོག་བཞུགས་ལགས་སོ།། དགེ་འདུན་དཀོན་མཆོག་བཞུགས་ལགས་སོ།། བཙུན་པ་བཅོམ་ལྡན་འདས་རྣམ་གྲངས་དེས་ན་བྱང་ཆུབ་སེམས་དཔའ་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ལ་བསྲུང་བ་དང་བསྐྱབ་པར་བགྱི་བ་ལགས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ།། ཀོའུ་ཤི་ཀ་དེ་དེ་བཞིན་ནོ། ། ཁྱོད་ཀྱིས་ཇི་སྐད་སྨྲས་པ་དེ་བཞིན་ཏེ། ཀོའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས། སེམས་ཅན་དམྱལ་བ་ཐམས་ཅད་རྒྱུན་ཆད་པར་འགྱུར། གཤིན་རྗེའི་འཇིག་རྟེན་ཐམས་ཅད་རྒྱུན་ཆད་པར་འགྱུར། བྱོལ་སོང་གི་འཇིག་རྟེན་ཐམས་ཅད་རྒྱུན་ཆད་པར་འགྱུར། དེ་བཞིན་དུ་སྦྱར་ཏེ། སངས་རྒྱས་དཀོན་མཆོག་གི་བར་དག་འཇིག་རྟེན་དུ་འབྱུང་བར་འགྱུར། དེ་བཞིན་དུ་ཆོས་དཀོན་མཆོག་དང་། དགེ་འདུན་དཀོན་མཆོག་དག་འཇིག་རྟེན་དུ་འབྱུང་བར་འགྱུར་ཏེ། ཀོའུ་ཤི་ཀ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་བསྟི་སྟང་དུ་བྱ། བླ་མར་བྱ། རི་མོར་བྱ། མཆོད་པར་བྱ་ཞིང་། དེ་དག་ལ་རྟག་ཏུ་རྒྱུན་མི་འཆད་པར་བསྲུང་བ་དང་། བསྐྱབ་པ་དང་། སྦ་བར་བགྱིའོ།། ཀོའུ་ཤི་ཀ་གང་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བསྟི་སྟང་དུ་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། མཆོད་པར་བྱ་བར་སེམས་པ་དེ་ནི། ང་ལ་བསྟི་སྟང་དུ་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། མཆོད་པར་བྱ་བར་སེམས་པ་ཡིན་ནོ།། ཀོའུ་ཤི་ཀ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ལྷ་དང་། མི་དང་། ལྷ་མ་ཡིན་བཅས་པའི་འཇིག་རྟེན་གྱིས་རྟག་ཏུ་བསྟི་སྦྱང་དུ་བྱ། བླ་མར་བྱ། རི་མོར་བྱ་བ་དང་། མཆོད་པར་བྱ་ཞིང་། དེ་ལ་རྟག་པར་རྒྱུན་མི་འཆུད་པར་བསྲུང་བ་དང་། བསྐྱབ་པ་དང་། སྲ་བར་བྱའོ།། ཀོའུ་ཤི་ཀ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་ཉན་ཐོས་སམ། རང་སངས་རྒྱས་ཤཱ་སྟག་གིས། འདི་ལྟ་སྟེ། ལྡུམ་བུའི་ཚལ་ལམ། སྨྱིག་མའི་ཚལ་ལམ། བུ་རམ་ཤིང་གི་ཚལ་ལམ། འབྲས་ཀྱི་ཞིང་ངམ། ཏིལ་གྱི་ཞིང་ལྟར་ཡོངས་སུ་གང་ལ། དེ་དག་ལ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་གིས་ཇི་སྲིད་འཚོའི་བར་དུ་ཡོ་བྱད་ཐམས་ཅད་ཀྱིས་བསྟི་སྟང་དུ་བྱས།། བླ་མར་བྱས། རི་མོར་བྱས། མཆོད་པར་བྱས་པ་བས། གང་གིས་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ། ཕ་རོལ་ཏུ་ཕྱིན་པ་དྲུག་དང་མ་བྲལ་བ་གཅིག་ལ་བསྟི་སྟང་དུ་བྱས། ཐ་མར་བྱས། རི་མོར་བྱས། མཆོད་པར་བྱས་ནས། དེ་ཉིད་རིགས་ཀྱི་བུ་འམ། རིགས་ཀྱི་བུ་མོ་དེ་ཆེས་བསོད་ནམས་མང་དུ་སྐྱེད་དོ།། དེ་ཅིའི་ཕྱིར་ཞེ་ན། ཀོའུ་ཤི་ཀ་ཉན་ཐོས་དང་རང་སངས་རྒྱས་ལ་བརྟེན་ནས། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་ན་ཡོད་པ་མ་ཡིན་གྱི། ཀོའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་བརྟེན་ནས་ནི། ཉན་ཐོས་དང་རང་སངས་རྒྱས་ཐམས་ཅད་དང་། དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་ན་ཡོད་པ་ཡིན་པའི་ཕྱིར་རོ། ། ཀེའུ་ཤི་ཀ་དེ་ལྟ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱིས་རྟག་ཏུ་བསྟི།། སྟང་དུ་བྱ། བླ་མར་བྱ། རི་མོར་བྱ། མཆོད་པར་བྱ་ཞིང་། དེ་དག་ལ་རྟག་ཏུ་རྒྱུན་མི་འརླད་པར་བསྲུང་བ་དང་། བསྐྱབ་པ་དང་། སྦ་བར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། རྣམ་པར་རྟོག་པའི་ལེའུ་ཞེས་བྱ་སྟེ་བཅུ་དྲུག་པ་རྫོགས་སོ། ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏཱིའི་ལུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཤིན་ཏུ་རྣམ་པར་དག་པའི་ཕྱིར་སྣང་བ་བགྱིད་པ་ལགས་སོ། ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བདག་ཕྱག་འཚལ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཁམས་གསུམ་གྱིས་མི་གོས་པ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ཉོན་མོངས་པ་དང་། ལྟ་བར་གྱུར་པ་ཐམས་ཅད་ཀྱི་རབ་རིབ་ཐམས་ཅད་ཡོད་པར་བགྱིད་པ་ལགས་སོ། ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་བྱང་ཆུབ་ཀྱི་ཕྱོགས་ཐམས་ཅད་ཀྱི་སྔོན་དུ་མཆི་བ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཕྱིན་པ་ནི་འཇིགས་པ་དང་། ཁོན་དུ་འཛིན་པ་དང་། གནོད་པ་ཐམས་ཅད་ལས་བདེ་བར་བགྱིད་པ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་མིག་ཡོངས་སུ་བཟུང་བའི་སླད་དུ། སེམས་ཅན་ཐམས་ཅད་ལ་སྣང་བར་བགྱིད་པ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་མཐའ་གཉིས་རྣམ་པར་སྤངས་པའི་སླད་དུ། ལམ་ལོག་པར་ཞུགས་པ་རྣམས་ལ་ལམ་སྟོན་པ་ལགས་སོ།། སེམས་ཅན་ཐམས་ཅད་ལ་སྣང་བར་བགྱིད་པ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཉོན་མོངས་པ་དང་། བག་ཆགས་དང་། མཚམས་སྦྱོར་བ་ཐམས་ཅད་མཁྱེན་པ་ཉིད་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ན་སངས་རྒྱས་ཀྱི་ཆོས་ཐམས་ཅད་སྐྱེད་པའི་སླད་དུ། བྱང་ཆུབ་སེམས་དཔའ་རྣམས་ཀྱི་མ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་རང་གི་མཚན་ཉིད་ཀྱིས་སྟོང་པའི་སླད་དུ། སྐྱེ་བ་མ་མཆིས་པ་དང་། འཇིགས་པ་མ་མཆིས་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཐེར་ཟུག་ཏུ་གནས་པ་དང་། འཇིགས་པ་མ་མཆིས་པའི་སླད་དུ། འཁོར་བ་རྣམ་པར་སྤོང་བར་བགྱིད་པ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་རིན་པོ་ཆེ་ཐམས་ཅད་སྩོལ་བའི་སླད་དུ། མགོན་མ་མཆིས་པ་རྣམས་ཀྱི་མགོན་བགྱིད་པ་ལགས་སོ། ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕས་ཀྱི་རྒོལ་བ་ཐམས་ཅད་ཀྱིས་མི་བརྫི་བའི་སླད་དུ། སྟོབས་ཡོངས་སུ་རྫོགས་པ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་སྐོར་བ་དང་ལྡོག་པ་མ་མཆིས་པའི་སླད་དུ། ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་བར་བགྱི་བ་ལགས་སོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་དངོས་པོ་མ་མཆིས་པའི་ངོ་བོ་ཉིད་ཀྱི་སླད་དུ། ཆོས་ཐམས་ཅད་ཀྱི་ངོ་བོ་ཉིད་སྟོང་པ་ཉིད་ཡང་དག་པར་སྟོན་པ་ལགས་སོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་འམ། བྱང་ཆུབ་སེམས་དཔའི་ཐེག་པ་པ་འམ། ཉན་ཐོས་ཀྱི་ཐེག་པ་པ་འམ། རང་སངས་རྒྱས་ཀྱི་ཐེག་པ་པས། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཇི་ལྟར་སྟོན་པ་ལ་གུས་པར་བྱ་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལའང་དེ་ལྟར་བྱའོ།། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ཉིད་སྟོན་པ་ཡིན་ཏེ། སྟོན་པའང་གཞན་ལ། ཤེས་རབ་ཀྱི་ཕ་རོལ་ཏུ་ཕྱིན་པའང་གཞན་མ་ཡིན་གྱི། སྟོན་པ་ཉིད་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་ལ། ཤེ་རབ་ཀྱི་ཕ་རོལ་ཏུ་ཕྱིན་པ་ཉིད་སྟོན་པ་ཉིད་ཡིན་པའི་ཕྱིར་རོ།། ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཏུ་ཕྱེ་བ་ཡིན་ཞིང་། དེ་བཞིན་དུ་བྱང་ཆུབ་སེམས་དཔའ་རྣམས་དང་། རང་སངས་རྒྱས་རྣམས་དང་། དགྲ་བཅོམ་པ་རྣམས་དང་། དེ་བཞིན་དུ་སྦྱར་ཏེ། རྒྱུན་དུ་ཞུགས་པའི་བར་དུ་རབ་ཏུ་ཕྱེ་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ནི་དགེ་བ་བཅུའི་ལས་ཀྱི་ལམ་རྣམས་འཇིག་རྟེན་ལ་རབ་ཏུ་ཕྱེ་བ་དང་། དེ་བཞིན་དུ་བསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། མངོན་པར་ཤེས་པ་ལྔ་དང་། སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དང་། ནང་སྟོང་པ་ཉིད་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་འཇིག་རྟེན་ལ་རབ་ཏུ་ཕྱེ་བ་ཡིན་ནོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འདིས་ནི་དེ་བཞིན་གཤེགས་པའི་སྟོབས་བཅུ་རབ་ཏུ་ཕྱེ་བ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་རབ་ཏུ་ཕྱེ་ཞིང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རབ་ཏུ་ཕྱེ་བའོ།། དེ་ནས་ལྷའི་དབང་པོ་བརྒྱ་བྱིན་འདི་སྙམ་དུ་སེམས་ཏེ། ཚེ་དང་ལྡན་པ་ཤཱ་ར་དྭ་ཏིའི་བུའི་ཞུ་བ་འདི་ག་ལས་བྱུང་། གླེང་གཞི་ནི་གང་ཞིག་ཡིན་སྙམ་མོ།། དེ་ནས་ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། བཙུན་པ་ཤཱ་ར་དྭ་ཏིའི་བུ་ཞུ་བ་འདི་ག་ལས་བྱུང་། གླེང་གཞི་ནི་གང་ཡིན། དེ་སྐད་ཅེས་སྨྲས་པ་དང་། ཚེ་དང་ལྡན་པ་ཤཱ་ར་དྭ་ཏིའི་བུས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ།། ཀོའུ་ཤི་ཀ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་ཟིན་པ་རྣམས་ནི་ཐབས་ལ་མཁས་པས་སངས་རྒྱས་བཅོམ་ལྡན་འདས་འདས་པ་དང་། མ་བྱོན་པ་དང་། ད་ལྟར་བྱུང་བ་དེ་དག་གི་ཐུགས་དང་པོ་བསྐྱེད་པ་ནས། ཇི་སྲིད་དུ་དམ་པའི་ཆོས་གནས་པའི་བར་སྐབས་དེར་དགེ་བ་གང་དག་ཡིན་པ་དང་། སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་དེ་དག་དང་། རང་སངས་རྒྱས་རྣམས་ཀྱི་དགེ་བའི་རྩ་བ་དག་དང་། དེ་ལས་གཞན་པའི་སེམས་ཅན་ཐམས་ཅད་ཀྱི་ཐེག་པ་ཆེན་པོ་ལ་དགེ་བའི་རྩ་བ་གང་དག་ཡིན་པ་དེ་དག་ཐམས་ཅད་བཟླུམས་ཤིང་མངོན་པར་བསྡུས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་པས་ཁོ་བོའི་ཞུ་བ་འདི་བྱུང་ངོ་།། ཀོའུ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཤེས་རབ་ཀྱི་ཕ་རོལ་ཏུ་ཕྱིན་པ་ནི། སྦྱིན་པའི་ཕ་རོལ་ཏུ་ཕྱིན་པ་ཟིལ་གྱིས་གནོན་པར་བྱེད་པ་ཡིན་ནོ།། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཟིལ་གྱིས་གནོན་པར་བྱེད་པ་ཡིན་ནོ།། ཀོའུ་ཤི་ཀ་དཔེར་ན་དམུས་ལོང་རྣམས་ནི་བརྒྱ་འམ། སྟོང་ངམ། འབུམ་ཡང་རུང་སྟེ། དམིགས་བུ་མེད་ན་ལམ་དུ་འགྲོ་བ་འམ། གྲོང་ངམ། གྲོང་རྡལ་ལམ། གྲོང་ཁྱེར་རམ། ཡུལ་འཁོར་དུ་འཇུག་པར་མི་ནུས་ཏེ། ཇི་ལྟར་དེ་དག་ཐམས་ཅད་ནི་འགྲོ་བ་དང་འོང་ཀྵ་ཥྨཱ་ང་མ་དུ་ས། མ་། ས་མ་ཕྱིད་ཤཱ་རྣམ་ག། པའི་ཀྱ་རྒྱུ་ཀྱིལམ་ས་ལ་2། ས་མམས་ཅ་མ་ཀྱི་ཐང་ཀྱི་མེ་དོ། ། རྦནི་གགང་གི་དྡྷེ་ལ་རོལ་ཏུ་སྦྱིན་པ་ལ་སོགས་པ་རོལ་ཏུ་བྱེད་པ་ལྔ་ཕྱི་རྣམས། ཤེས་རབ་ཀྱི་རོལ་ཏུ་ཕྱིན་པས་ཡོངས་སུ་ཟིན་པར་འགྱུརན། ཕྱིན་འདི་དག་མིག་དང་ལྡན་པ་དང་། ཤེས་རབ་ཀྱི་ཕ་རོལ་ཏུ་ཕྱི་པས་ཡོངས་སུ་ཟི་བ་ཡིན་ཏེ། ལྔ་པོ་འདི་དག་གྱུང་ཕ་རོལ་ཏུ་ཕྱིན་པའི་མིང་ཐོབ་འོ།། དེ་ནས་ལྷའི་དབང་པོ་ཀྱིས། ཚེ་དང་ལྡན་པ་ཤཱ་ར་དྭ་ཏིའི་རྡུལ་འདི་སྐད་ཅེས་སྨྲས་སོ།། བཙུན་པ་ཤཱ་ར་དྭ་ཏིའི་བུ་འདི་སྐད་དུ་ཤེས་རབ་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་ན་ལྔ་པོ་འདི་དག་ཀྱང་ཕ་རོལ་ཏུ་ཕྱིན་པའི་ས་ཀྵོ་ཞེས་སྨྲས་ན། བཙུན་པ་ཤཱ་རང་ཏིའི་བུ་བོ་ན་ཕ་རོལ་ཏུ་ཕྱིན་པ་ལྔ་པོ་དག་སྦྱིན་པའི་ཕ་རོལ་ཏུ་ཕྱིན་པས་ཡོངས་སུ་བཟུང་ན་ཕ་རོལ་ཏུ་ཕྱིན་པའི་མིང་མི་ཐོབ་པམ། དེ་བཞིན་དུ་ཚུལ་ཁྲིམས་ཀྱི་ཕ་རོལ་བྱིན་པས་ཡོངས་སུ་བཟུང་བ་དང་། བཟོད་པའི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། བསམ་གཏན་གྱི་ཕ་རོལ་ཏུ་ཕྱིན་པས་ཡོངས་སུ་བཟུང་བ་དང་། ལྔ་པོ་འདི་དག་ཀྱང་ཕ་རོལ་ཏུ་ཕྱིན་པའི་མིང་མི་ཐོབ་བམ། སྨྲས་པ། ཀོའུ་ཤི་ཀ་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། འོན་ཀྱང་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་ཏེ། སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ།། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་དོ།། ཀོའུ་ཤི་ཀ་དེ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལྔ་པོ་འདི་དག་གི་ནང་ན་མཆོག་ཅེས་བྱ། གཙོ་བོ་དང་། རབ་མཆོག་དང་། གྱ་ནོམ་པ་དང་། བླ་ན་མེད་པ་དང་། གོང་ན་མེད་པ་ཞེས་བྱའོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ཇི་ལྟར་མངོན་པར་བསྒྲུབ་པར་བགྱི། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་གཟུགས་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ།། བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ།། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དང་། དྲན་པ་ཉེ་བར་གཞག་པ་རྣམས་ནས། འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ།། དེ་བཞིན་དུ་ཐམས་ཅད་ཤེས་པ་ཉིད་དང་། ལམ་གྱི་རྣམ་པ་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་མངོན་པར་བསྒྲུབ་ཏུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ།། གསོལ་པ་བཙུན་པ་བཅོམ་ལྡན་འདས་ཇི་ལྟར་ན་གཟུགས་མངོན་པར་བསྒྲུབ་ཏུ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བགྱི། ཇི་ལྟར་ན་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མངོན་པར་བསྒྲུབ་ཏུ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་གཟུགས་མངོན་པར་འདུ་བྱེད་པ་མེད་པའི་ཕྱིར་དང་། སྐྱེ་བ་མེད་པའི་ཕྱིར་དང་། དམིགས་སུ་མེད་པའི་ཕྱིར་དང་། འཇིག་པ་མེད་པའི་ཕྱིར། དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ།། དེ་བཞིན། དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མངོན་པར་འདུ་བྱེད་པ་མེད་པའི་ཕྱིར་དང་། སྐྱེ་བ་མེད།། པའི་ཕྱིར་དང་། དམིགས་པ་མེད་པའི་ཕྱིར་དང་། འཁྲིགས་པ་མེད་པའི་ཕྱིར་ཏེ། དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་བསྒྲུབ་པར་བྱའོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལྟར་མངོན་པར་བསྒྲུབས་ན། ཆོས་གང་ཞིག་ཐོབ་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་གང་ཡང་ཐོབ་པར་མེད་དེ། དེས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོའོ།། གསོལ་པ། བཙུན་པ་བཅོམ་ལྡན་འདས་ཆོས་ཅི་ཐོབ་པར་མི་བགྱིད། པ་ལགས། བཅོམ་ལྡན་འདས་ཀྱིས་བཀའ་སྩལ་པ། དགེ་བའི་ཆོས་རྣམས་དང་། མི་དགེ་བའི་ཆོས་རྣམས་ཐོབ་པར་མི་བྱེད་དོ།། དེ་བཞིན་དུ་འཇིག་རྟེན་པའི་ཆོས་རྣམས་དང་། འཇིག་རྟེན་ལས་འདས་པའི་ཆོས་རྣམས་དང་། ཟག་པ་དང་བཅས་པའི་ཆོས་རྣམས་དང་། ཟག་པ་མེད་པའི་ཆོས་རྣམས་དང་། ཁ་ན་མ་ཐོ་བ་དང་བཅས་པའི་ཆོས་རྣམས་དང་། ཁ་ན་མ་ཐོ་བ་མེད་པའི་ཆོས་རྣམས་དང་། འདུས་བྱས་ཀྱི་ཆོས་རྣམས་དང་། འདུས་མ་བྱས་ཀྱི་ཆོས་རྣམས་ཐོབ་པར་མི་བྱེད་དོ།། དེ་ཅིའི་ཕྱིར་ཞེ་ན། ཤཱ་ར་དྭ་ཏིའི་བུ་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཆོས་གང་དག་ལའང་དམིགས་པའི་ཚུལ་གྱིས་ཉེ་བར་གནས་པ་མ་ཡིན་ཏེ། དེས་ན་དེ་ནི་ཆོས་གང་ཡང་ཐོབ་པར་མི་བྱེད་དོ།། དེ་ནས་བཅོམ་ལྡན་འདས་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཅི་ཤེས་རབ་ཀྱི་ཕ་རོལ་ཏུ་ཕྱིན་པ་ཐམས་ཅད་མཁྱེན་པ་ཉིད་ཀྱང་ཐོབ་པར་མི་བགྱིད་ཅིང་དམིགས་པར་མི་བགྱིད་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཀོའུ་ཤི་ཀ་དེ་དེ་བཞིན་ནོ།། ཇི་སྐད་སྨྲས་པ་བཞིན་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་ཀྱང་ཐོབ་པར་མི་བྱེད་ཅིང་དམིགས་པར་མི་བྱེད་དོ།། གསོལ་པ། བཙུན་པ་བཅོམ་ལྡན་འདས་ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་དེ་རྣམ་པ་ཐམས་ཅད་མཁྱེན་པ་ཉིད་ཀྱང་ཐོབ་པར་མི་བགྱིད་ཅིང་དམིགས་པར་མི་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཀེའུ་ཤི་ཀ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་མིང་ཇི་ལྟ་བ་བཞིན་དང་། མཚན་མ་ཇི་ལྟ་བ་བཞིན་དང་། མངོན་པར་འདུ་བྱེད་པ་ཇི་ལྟ་བ་དེ་བཞིན་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ཐོབ་པར་མི་བྱེད་དོ།། གསོལ་པ། བཙུན་པ་བཅོམ་ལྡན་འདས་འོ་ན་ཇི་ལྟར་ཐོབ་པར་བགྱི་ལགས། བཅོམ་ལྡན་འདས་ཀྱིས་བཀའ་སྩལ་པ། ཇི་ལྟར་ཁས་མི་ལེན་པ་དང་། གནས་པར་མི་བྱེད་པ་དང་། སྤོང་བར་མི་བྱེད་པ་དང་། མངོན་པར་ཞེན་པར་མི་བྱེད་ཅིང་། ཅིའང་ཐོབ་པར་མི་བྱེད་པ་དེ་ལྟར་བྱེད་དོ།། ཀོའུ་ཤི་ཀ་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཆོས་ཅིའང་ཐོབ་པར་མི་བྱེད་པར། ཆོས་ཐམས་ཅད་ཐོབ་པར་བྱེད་དོ།། དེ་ནས་བཅོམ་ལྡན་འདས་ལ། ལྷའི་དབང་པོ་བརྒྱ་བྱིན་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཆོས་ཐམས་ཅད་སྐྱེ་བ་མ་མཆིས་པ་དང་། འགག་པ་མ་མཆིས་པ་དང་། མངོན་པར་འདུ་བགྱི་བ་མ་མཆིས་པ་དང་། དམིགས་སུ་མ་མཆིས་པ་དང་། མངོན་པར་ཞེན་པ་མ་མཆིས་པའི་སླད་དུ་ཉེ་བར་གནས་པ་ངོ་མཚར་ལགས་སོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན་འདི་སྙམ་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ཆོས་ཐམས་ཅད་ཐོབ་པར་བྱེད་དམ། འོན་ཏེ་ཐོབ་པར་མི་བྱེད་སྙམ་དུ་འདུ་ཤེས་ན། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་སྤོང་ཞིང་། དེ་བཞིན་དུ་རྒྱང་རིང་དུ་བགྱིད་པ་ལགས་སོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ།། རབ་འབྱོར་གང་གིས་ན་བྱང་ཆུབ་སེམས་དཔའ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་སྤོང་ཞིང་། དེ་བཞིན་དུ་རྒྱང་རིང་དུ་བྱེད་པའི་རྣམ་གྲངས་ཡོད་དེ། རབ་འབྱོར་གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ན། འདི་སྙམ་དུ་ཀྱེ་མ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གསོབ་བོ།། གསོག་གོ།། སྙིང་པོ་མེད་པའོ།། ཀྱེ་མ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཡ་མ་བརླའོ་སྙམ་དུ་མི་སེམས་ན། དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་སྤོང་ཞིང་རྒྱང་རིང་དུ་བྱེད་པ་ཡིན་ཏེ། རབ་འབྱོར་གང་གིས་བྱང་ཆུབ་སེམས་དཔའ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་སྤོང་ཞིང་། ཤེས་རབ་ཀྱི་ཕ་རོལ་ཏུ་བྱིཕྱིན་པ་རྒྱང་རིང་དུ་བྱེད་པའི་རྣམ་གྲངས་ནི་དེ་ཡིན་ནོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཐོ་བ་ནས་ན། ཆོས་གང་ལ་གློ་བ་མི་རྗེས་པ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་བཀའ་སྩལ་ཏོ།། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་ན། གཟུགས་ལ་ཡིད་མི་ཆེས་སོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡིད་མི་ཆེས་སོ།། མིག་ལ་ཡིད་མི་ཆེས་པ་ནས། ཡིད་ཀྱི་བར་ལ་ཡིད་མི་ཆེས་སོ།། གཟུགས་ཀྱི་སྐྱེ་མཆེད་ལ་ཡིད་མི་ཆེས་པ་ནས། ཆོས་ཀྱི་སྐྱེ་མཆེད་ཀྱི་བར་ལ་ཡིད་མི་ཆེས་སོ།། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ལ་ཡིད་མི་ཆེས་པ་ནས། ཤེས་རབ་ཀྱི་ཕ་རོལ་ཏུ་ཕྱིན་པའི་བར་ལ་ཡིད་མི་ཆེས་སོ།། ནང་སྟོང་པ་ཉིད་ལ་ཡིད་མི་ཆེས་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་ཡིད་མི་ཆེས་སོ།། དྲན་པ་ཉེ་བར་གཞག་པ་རྣམས་ལ་ཡིད་མི་ཆེས་པ་ནས། འཕགས་པའི་ལམ་ཡན་ལག་བརྒྱད་པའི་བར་ལ་ཡིད་མི་ཆེས་སོ།། དེ་བཞིན་དུ་དེ་བཞིན་གཤེགས་པའི་སྟོབས་བཅུ་ལ་ཡིད་མི་ཆེས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་ཡིད་མི་རྗེས་སོ། ། རྒྱུན་དུ་ཞུགས་པའི་འབྲས་བུ་ལ་ཡིད་མི་ཆེས་པ་ནས། དེ་བཞིན་དུ་ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་ཀྱི་འབྲས་བུ་ལ་ཡིད་མི་རྗེས་སོ།། རང་བྱང་ཆུབ་ལ་ཡིད་མི་ཆེས་སོ།། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡིད་མི་ཆེས་སོ།། ཐམས་ཅད་མཁྱེན་པ་ཉིད་ལ་ཡིད་མི་ཆེས་སོ། ། ལམ་གྱི་རྣམ་པ་ཤེས་པ་ཉིད་ལ་ཡིད་མི་ཆེས་སོ།། རྣམ་པ་ཐམས་ཅད་མཁྱེན་པ་ཉིད་ལ་ཡིད་མི་རྙེས་ཏེ། རབ་འབྱོར་འོན་ཀྱང་གཟུགས་དམིགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་མི་ཆེས་སོ། ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དམིགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་མི་རྙེས་སོ། ། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་དམིགས་སུ་མེད་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་མི་ཆེས་སོ།། རབ་འབྱོར་དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་པས། གཟུགས་ལ་ཡིད་མི་ཆེས་པ་ཡིན་ནོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ལ་ཡིད་མི་ཆེས་པ་ཡིན་ནོ།། དེ་བཞིན་དུ་སྦྱར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡིད་ཆེས་ན། རྣམ་པ་ཐམས་ཅད་མཁྱེན་པ་ཉིད་ཀྱི་བར་ལ་ཡིད་མི་རུས་པ་ཡིན་ནོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཕ་རོལ་ཏུ་ཕྱིན་པ་ཆེན་པོ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ཇི་སྙམ་དུ་སེམས། རྣམ་གྲངས་གང་གིས་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཕ་རོལ་ཏུ་ཕྱིན་པ་ཆེན་པོ་ཡིན་སྙམ་མམ། གསོལ་པ། གཟུགས་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཆེན་པོར་མི་བགྱིད། ཆུང་ངུར་མི་བགྱིད། སྦྱིན་པའི་ཕ་རོལ་ཏུ་ཕྱིན་པ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་ནང་སྟོང་པ་ཉིད་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་དྲན་པ་ཉེ་བར་གཞག་པ་རྣམས་ཆེན་པོར་མི་བགྱིད། ཆུང་ངུ་མི་བགྱིད་པ་ནས། དེ་བཞིན་དུ་འཕགས་པའི་ལམ་ཡན་ལག་བརྒྱད་པའི་བར་དུ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་གཤེགས་པའི་སྟོབས་བཅུ་ཆེན་པོར་མི་བགྱིད། ཆུང་ངུར་མི་བགྱིད། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཆེན་པོར་མི་བགྱིད། ཆུང་ངུར་མི་བགྱིད། བྱང་ཆུབ་ཆེན་པོར་མི་བགྱིད། ཆུང་ངུར་མི་བགྱིད། སངས་རྒྱས་ཆེན་པོར་མི་བགྱིད། ཆུང་ངུར་མི་བགྱིད་ལགས་སོ།། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་སྡུད་པར་མི་བགྱིད། འཕྲོ་བར་མི་བགྱིད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྡུད་པར་མི་བགྱིད། འཕྲོ་བར་མི་འགྱིད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྡུད་པར་མི་བགྱིད། འཕྲོ་བར་མི་བགྱིད་ལགས་སོ།། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་ཚད་མཆིས་པར་མི་བགྱིད། ཚད་མ་མཆིས་པར་མི་བགྱིད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་ཆོས་ཀྱི་བར་དུ་ཚད་མཆིས་པར་མི་བགྱིད། ཚད་མ་མཆིས་པར་མི་བགྱིད་ལགས་སོ།། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་གཟུགས་ཡངས་པར་མི་བགྱིད། དོག་པར་མི་བགྱིད། དེ་བཞིན་དུ་ཚོར་བ་དང་། འདུ་ཤེས་དཔའ་དུ་བྱེད་རྣམས་དང་། རྣམ་པར་ཤེས་པ་ཡངས་པར་མི་བགྱིད། དོག་པར་མི་བགྱིད།། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ཡངས་པར་མི་བགྱིད། དོག་པར་མི་བགྱིད་ལགས་སོ།། གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་སྟོབས་དང་ལྡན་པར་མི་བགྱིད། སྐྱོབས་རླུང་བར་མི་བགྱིད། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོབས་དང་ལྡན་པར་མི་བགྱིད། སྟོབས་ཆུང་བར་མི་བགྱིད་པ་ནས། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་ལྡན་པར་མི་བགྱིད། སྟོབས་ཆུང་བར་མི་བགྱིད་ལགས་སོ།། བཙུན་པ་བཅོམ་ལྡན་འདས་རྣམ་གྲངས་དེས་ན་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་ཆེན་པོ་ལགས་སོ། ། བཙུན་པ་བཅོམ་ལྡན་འདས་གལ་ཏེ་ཐེག་པ་ལ་གསར་དུ་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན། དེ་བཞིན་དུ་བསམ་གཏན་གྱི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་ལ་བརྟེན་ནས། འདི་སྙམ་དུ་འདུ་ཤེས་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་གཟུགས་ཆེན་པོར་བགྱིད་པ་འམ། རླུང་ངུར་བགྱིད་པའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཆེན་པོར་བགྱིད་པ་འམ། ཆུང་ངུར་བགྱིད་པའོ།། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ཆེན་པོར་བགྱིད་པའམ། ཆུང་ངུར་བགྱིད་པའོ།། དེ་བཞིན་དུ་སྦྱར་ཏེ། གཟུགས་སྟོབས་དང་ལྡན་པར་བགྱིད་པ་འམ། སྟོབས་ཆུང་བའི་བར་དུ་བགྱིད་པའོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོབས་དང་ལྡན་པར་བགྱིད་པ་འམ། སྟོབས་ཆུང་བར་བགྱིད་པའོ་སྙམ་དུ་དེ་ལྟ་བུའི་འདུ་ཤེས་སུ་གྱུར་ན། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྒྱུ་འཐུན་པ་མ་ལགས་སོ།། དེ་ཅིའི་སླད་དུ་ཞེ་ན། གཟུགས་ཆེན་པོར་བགྱིད་པ་འམ། ཆུང་ངུར་བགྱིད་པ་འམ། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ཆེན་པོར་བགྱིད་པ་འམ། ཆུང་ངུར་བགྱིད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྒྱུ་འཐུན་པ་མ་ལགས། གང་གཟུགས་སྟོབས་དང་ལྡན་པར་བགྱིད་པ་འམ། སྟོབས་ཆུང་བར་བགྱིད་པ་འམ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོབས་དང་ལྡན་པར་བགྱིད་པ་འམ། སྟོབས་ཆུང་བར་བགྱིད་པ་དང་། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་ལྡན་པར་བགྱིད་པ་འམ། སྟོབས་ཆུང་བར་བགྱིད་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་རྒྱུ་འཐུན་པ་མ་ལགས། གང་གཟུགས་ཆེན་པོར་བགྱིད་པ་འམ། ཆུང་ངུར་བགྱིད་པ་འམ། དེ་བཞིན་དུ་གང་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ཆེན་པོར་བགྱིད་པ་འམ། ཆུང་ངུར་བགྱིད་པ་འམ། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་ལྡན་པར་བགྱིད་པ་འམ། སྟོབས་ཆུང་བར་བགྱིད་པ་དེ་ནི་དེའི་དམིགས་པ་ཆེན་པོ་ལགས་པའི་སླད་དུའོ། ། དེ་ཅིའི་སླད་དུ་ཞེ་ན། དམིགས་པའི་འདུ་ཤེས་ཅན་རྣམས་ལ་ནི་བྱང་ཆུབ་གང་ཡང་མ་མཆིས་པའི་སླད་དུའོ།། དེ་ཅིའི་སླད་དུ་ཞེ་ན། འདི་ལྟར་སེམས་ཅན་མ་སྐྱེས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱིའོ།། དེ་བཞིན་དུ་གཟུགས་མ་སྐྱེས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱི་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མ་སྐྱེས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱིདེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་མ་སྐྱེས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་སྐྱེས་པར་བལྟ་བར་བགྱི། སེམས་ཅན་ངོ་བོ་ཉིད་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ངོ་བོ་ཉིད་མ་མཆིས་པར་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་ངོ་བོ་ཉིད་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་ངོ་བོ་ཉིད་མ་མཆིས་པར་བལྟ་བར་བགྱི། སེམས་ཅན་སྟོང་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། དེ་བཞིན་དུ་གཟུགས་སྟོང་པ་ཉིད་ཀྱི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོང་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོང་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་དུ་བལྟ་བར་བགྱི། སེམས་ཅན་དབེན་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་དབེན་པར་བལྟ་བར་བགྱི། དེ་བཞིན་དུ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དབེན་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་དབེན་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་དབེན་པ་ཉིད་ཀྱི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་དབེན་པ་ཉིད་དུ་བལྟ་བར་བགྱི། སེམས་ཅན་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་པ་ཉིད་དུ་བལྟ་བར་བགྱི། དེ་བཞིན་དུ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་པ་ཉིད་དུ་བལྟ་བར་འགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མ་མཆིས་པ་ཉིད་དུ་བལྟ་བར་བགྱི། སེམས་ཅན་བསམ་གྱིས་མི་ཁྱབ་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་བསམ་གྱིས་མི་ཁྱབ་པ་ཉིད་དུ་བལྟ་བར་བགྱི། དེ་བཞིན་དུ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་བསམ་གྱིས་མི་ཁྱབ་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་བསམ་གྱིས་མི་ཁྱབ་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་བསམ་གྱིས་མི་ཁྱབ་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་བསམ་གྱིས་མི་ཁྱབ་པ་ཉིད་དུ་བལྟ་བར་བགྱི། སེམས་ཅན་འཇིག་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་འཇིག་པ་མ་མཆིས་པ་ཉིད་དུ་བལྟ་བར་བགྱི། དེ་བཞིན་དུ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འཇིག་པ་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་འཇིག་པ་མ་མཆིས་པ་ཉིད་དུ་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་འཇིག་པ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་འཇིག་པ་མ་མཆིས་པར་བལྟ་བར་བགྱི། སེམས་ཅན་མངོན་པར་རྫོགས་པར་འཚང་རྒྱ་བ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་རྫོགས་འཚང་རྒྱ་བ་མ་མཆིས་པར་བལྟ་བར་བགྱི། དེ་བཞིན་དུ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མངོན་པར་རྫོགས་པར་འཚང་རྒྱ་བ་མ་མཆིས་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་རྫོགས་པར་འཚང་རྒྱ་བ་མ་མཆིས་པར་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་མངོན་པར་རྫོགས་པར་འཚང་རྒྱ་བ་མ་མཆིས་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་མངོན་པར་རྫོགས་པར་འཚང་རྒྱ་བ་མ་མཆིས་པར་བལྟ་བར་བགྱིའོ།། སེམས་ཅན་སྟོབས་དང་མི་ལྡན་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོབས་དང་མི་ལྡན་པར་བལྟ་བར་བགྱི། དེ་བཞིན་དུ་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་སྟོབས་དང་མི་ལྡན་པའི་སླད་དུ་ཤེས་རབ་ཀྱི་ཕ་རོལ་ཏུ་ཕྱིན་པ་སྟོབས་དང་མི་ལྡན་པར་བལྟ་བར་བགྱི། དེ་བཞིན་དུ་སྦྱར་ཏེ། སངས་རྒྱས་ཀྱི་བར་དུ་སྟོབས་དང་མི་ལྡན་པའི་སླད་དུ། ཤེས་རབ་ཀྱི་ཕ་རོལ་ཏུ་ཕྱིན་པ་སྟོབས་དང་མི་ལྡན་པར#་བར་བགྱི་བའི་སླད་དུ་སྟེ། བཙུན་པ་བཅོམ་ལྡན་འདས་རྣམ་གྲངས་དེས་ན་འདི་ལྟ་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་ཆེན་པོ་ལགས་སོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་མིང་ཡོངས་སུ་བསྒྲགས་པ་དེ་ལྟར། སྦྱིན་པའི་ཕ་རོལ་ཏུ་ཕྱིན་པའི་མིང་ཡོངས་སུ་བསྒྲགས་པ་མ་མཛད་ལ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པའི་མིང་ཡོངས་སུ་བསྒྲགས་པ་མ་མཛད་ལགས་སོ།། བཙུན་པ་བཅོམ་ལྡན་འདས་དེ་བཞིན་དུ་སྦྱར་ཏེ། ཇི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པའི་མིང་ཡོངས་སུ་བསྒྲགས་པ་མ་མཛད་པ་དེ་ལྟར། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་མིང་ཡོངས་སུ་བསྒྲགས་པ་མ་མཛད་ལགས་སོ།། དེ་སྐད་ཅེས་གསོ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ལྔ་པོ་དག་གི་སྔོན་དུ་འགྲོ་བ་ཡིན་ཞིང་། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་སྔོན་དུ་འགྲོ་བ་ཡིན་པའི་ཕྱིར་རོ།། ཀུན་དགའ་བོ་དེ་ཇི་སྙམ་དུ་སེམས། རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་མ་བསྔོས་པའི་སྦྱིན་པ་སྦྱིན་པའི་ཕ་རོལ་ཏུ་ཕྱིན་པའི་གྲངས་སུ་འགྲོ་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། ཀུན་དགའ་བོ་དེ་ཇི་སྙམ་ཅུ་སེམས། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་མ་བསྔོས་པ། ཤེས་རབ་ཀྱི་ཕ་རོལ་ཏུ་ཕྱིན་པའི་གྲངས་སུ་འགྲོ་སྙམ་མམ། གསོལ་པ། བཙུན་པ་བཅོམ་ལྡན་འདས་མ་ལགས་སོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཇི་ལྟར་ན་སྦྱིན་པ་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ནས། སྦྱིན་པའི་ཕ་རོལ་ཏུ་ཕྱིན་པ་ཞེས་བགྱི་བའི་གྲངས་སུ་མཆི་བ་ན། ཤེས་རབ་ཀྱི་བར་དུ་རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་བའི་གྲངས་སུ་མཆི་ལགས། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་སྦྱིན་པ་གཉིས་སུ་མེད་པའི་ཚུལ་གྱིས། རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། སྦྱིན་པའི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོའོ།། དེ་བཞིན་དུ་སྦྱར་ཏེ། ཤེས་རབ་ཀྱི་བར་དྲ་གཉིས་སུ་མེད་པའི་ཚུལ་གྱིས། རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བྱ་བའི་གྲངས་སུ་འགྲོའོ།། དེ་བཞིན་དུ་སྐྱེ་བ་མེད་པའི་ཚུལ་དང་། དམིགས་སུ་མེད་པའི་ཚུལ་གྱིས། རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པའི་གྲངས་སུ་འགྲོའོ།། ། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་བམ་པོ་བཅུ་བདུན་པ།། གསོལ་པ། བཅོམ་ལྡན་འདས་ཇི་ལྟར་སྦྱིན་པ་གཉིས་སུ་མ་མཆིས་པའི་ཚུལ་དང་། དེ་བཞིན་དུ་སྐྱེ་བ་མ་མཆིས་པའི་ཚུལ་དང་། དམིགས་སུ་མ་མཆིས་པའི་ཚུལ་གྱིས། རྣམ་པ་ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། སྦྱིན་པའི་ཕ་རོལ་ཏུ་ཕྱིན་པ་ཞེས་བགྱི་བའི་གྲངས་སུ་མཆིས་ལགས། དེ་བཞིན་དུ་ཇི་ལྟར་ཤེས་རབ་ཀྱི་བར་དུ་དམིགས་སུ་མ་མཆིས་པའི་ཚུལ་དང་། དེ་བཞིན་དུ་སྐྱེ་བ་མ་མཆིས་པའི་ཚུལ་དང་། དམིགས་སུ་མ་མཆིས་པའི་ཚུལ་གྱིས། ཐམས་ཅད་མཁྱེན་པ་ཉིད་དུ་ཡོངས་སུ་བསྔོས་ན། ཤེས་རབ་ཀྱི་ཕ་རོལ་ཏུ་ཕྱིན་པ་ཞེས་བགྱི་བའི་གྲངས་སུ་མཆིས་ལགས། བཅོམ་ལྡན་འདས་ཀྱིས་བཀའ་སྩལ་པ། གཟུགས་གཉིས་སུ་མེད་པའི་ཚུལ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དང་། བྱང་ཆུབ་ཀྱི་བར་དུ་གཉིས་སུ་མེད་པའི་ཚུལ་གྱིས་སོ།། གསོལ་པ། ཇི་ལྟར་གཟུགས་གཉིས་སུ་མ་མཆིས་པའི་ཚུལ་དང་། བྱང་ཆུབ་ཀྱི་བར་དུ་གཉིས་སུ་མ་མཆིས་པའི་ཚུལ་གྱིས་ལགས། བཅོམ་ལྡན་འདས་ཀྱིས་བཀའ་སྩལ་པ། འདི་ལྟར་གཟུགས་ནི་གཟུགས་ཀྱིས་སྟོང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་རྣམ་པར་ཤེས་པས་སྟོང་པ་ནས། དེ་བཞིན་དུ་སྦྱར་ཏེ། བྱང་ཆུབ་ཀྱི་བར་ནི་བྱང་རླབ་ཀྱིས་སྦྱོང་ངོ་། ། དེ་ཅིའི་ཕྱིར་ཞེ་ན། འདི་ལྟར་ཕ་རོལ་ཏུ་ཕྱིན་པ་དང་། གཟུགས་དེ་ནི་གཉིས་སུ་མེད་ཅིང་གཉིས་སུ་དབྱེར་མེད་ལ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པ་དང་བྱང་ཆུབ་ཀྱི་བར་དེ་ནི་གཉིས་སུ་དབྱེར་མེད་པའི་ཕྱིར་རོ། ། ཀུན་དགའ་བོ་དེ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཕ་རོལ་ཏུ་ཕྱིན་པ་ལྔ་པོ་དག་གི་སྔོན་དུ་འདྲེན་པ་ཡིན་པ་ནས། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་སྔོན་དུ་འདྲེན་པ་ཡིན་ནོ།། དཔེར་ན་ས་ཆེན་པོ་ལ་ས་བོན་གང་དག་བཏབ་པ་དག་ནི་ཚོགས་པ་རྙེད་ནས་སྐྱེ་སྟེ། ས་ཆེན་པོ་ནི་དེ་དག་གི་རྟེན་ཡིན་ནོ།། ཀུན་དགའ་བོ་དེ་བཞིན་དུ་ཕ་རོལ་ཏུ་ཕྱིན་པ་ལྔ་པོ་འདི་དག་ནི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་བརྟེན་ནས་བྱུང་སྟེ། ཤེས་རབ་ཀྱི་ཕ་རོལ་ཏུ་ཕྱིན་པ་ནི་དེ་དག་གི་རྟེན་ཡིན་ནོ།། དེ་བཞིན་དུ་ཤེས་རབ་ཀྱི་ཕ་རོལ་ཏུ་བྱིཕྱིན་པ་ལ་བརྟེན་ནས། དྲན་པ་ཉེ་བར་གཞག་པ་བཞི་འབྱུང་བ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་འབྱུང་ཞིང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་འབྱུང་ངོ་།། ཀུན་དགའ་བོ་རྣམ་པ་ཐམས་ཅད་མཁྱེན་པ་ཉིད་ལ་བརྟེན་པ་ནི། ཕ་རོལ་ཏུ་ཕྱིན་པ་ལྔ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་ཡིན་ཏེ། ཀུན་དགའ་བོ་དེ་ལྟ་བས་ན་ཤེས་རབ་ཀྱི་ཕ་རོལ་ཏུ་ཕྱིན་པ་ནི། ཕ་རོལ་ཏུ་ཕྱིན་པ་ལྔ་པོ་དག་གི་ཡོངས་སུ་འདྲེན་པ་ཡིན་ཞིང་། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དག་གི་ཡོངས་སུ་འདྲེན་པ་ཡིན་ནོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་རིགས་ཀྱི་བུ་འམ། རིགས་ཀྱི་བུ་མོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བགྱིད་པ་དང་། ཚུལ་བཞིན་དུ་ཡིད་ལ་བགྱིད་པ་ན་ཡོན་ཏན་གང་དག་ཡོངས་སུ་འཛིན་པའི་ཡོན་ཏན་དེ་དག་ཐམས་ཅད་ནི་བཀའ་མ་སྩལ་ལགས་ཏེ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བ་དང་། ཚུལ་བཞིན་དུ་ཡིད་ལ་བགྱིས་པའི་བར་དུ་བགྱིད་ན། དགེ་བ་བཅུའི་ལས་ཀྱི་ལམ་རྣམས་འཇིག་རྟེན་དུ་འབྱུང་ལགས་སོ། ། དེ་བཞིན་དུ་བྱསམ་གཏན་བཞི་དང་། ཚད་མེད་པ་བཞི་དང་། གཟུགས་མེད་པའི་སྙོམས་པར་འཇུག་པ་བཞི་དང་། སངས་རྒྱས་ཆོས་མ་འདྲེས་པ་བཅོ་བརྒྱད་ཀྱི་བར་དག་འཇིག་རྟེན་དུ་འབྱུང་ལགས་སོ། ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བ་དང་། ཚུལ་བཞིན་དུ་ཡིད་ལ་འགྱིད་པའི་བར་དུ་བགྱིས་ན། རྒྱུན་དུ་ཞུགས་པ་འཇིག་རྟེན་ན་མཆིས་ལགས་སོ།། དེ་བཞིན་དུ་ལན་ཅིག་ཕྱིར་འོང་བ་དང་། ཕྱིར་མི་འོང་བ་དང་། དགྲ་བཅོམ་པ་དང་། རང་སངས་རྒྱས་འཇིག་རྟེན་ན་མཆིས་ལགས་སོ། ། བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་གཟུང་བ་དང་། ཚུལ་བཞིན་དུ་ཡིད་ལ་བགྱིད་པའི་བར་དུ་བགྱིས་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་འཇིག་རྟེན་དུ་འབྱུང་ལགས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་གིས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཐོས་པ་ནས། ཚུལ་བཞིན་དུ་ཡིད་ལ་བགྱིད་པའི་བར་དུ་བྱས་པ་དེ་ལ་ནི་ཡོན་ཏན་དེ་དག་འབའ་ཞིག་ཏུ་ཟད་པར་ང་མི་སྨྲའོ། ། དེ་ཅིའི་ཕྱིར་ཞེ་ན། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། ཐམས་ཅད་མཁྱེན་པ་ཉིད་ཀྱི་སེམས་དང་ཡང་འབྲལ་བར་མི་འགྱུར་བ་དེ་ནི་ཚུལ་ཁྲིམས་ཀྱི་ཕུང་པོ་ཚད་མེད་པ་དང་ལྡན་པར་འགྱུར། དེ་བཞིན་དུ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་ནི་ཏིང་ངེ་འཛིན་གྱི་ཕུང་པོ་དང་། ཤེས་རབ་ཀྱི་ཕུང་པོ་དང་། རྣམ་པར་གྲོལ་བའི་ཕུང་པོ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕུ་པོ་ཚད་མེད་པ་དང་ལྡན་པར་འགྱུར་རོ།། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བྱེད་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་ཡང་མི་འབྲལ་བར་འགྱུར་བ་དེ་ནི་དེ་བཞིན་གཤེགས་པར་རིག་པར་བྱའོ།། ཀུན་དགའ་བོ་ཉན་ཐོས་དང་རང་སངས་རྒྱས་ཐམས་ཅད་ཀྱི་ཚུལ་ཁྲིམས་ཀྱི་ཕུང་པོ་དང་། ཏིང་ངེ་འཛིན་གྱི་ཕུང་པོ་དང་། ཤེས་རབ་ཀྱི་ཕུང་པོ་དང་། རྣམ་པར་གྲོལ་བའི་ཕུ་བོ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་གང་ཡིན་པ། ཉན་ཐོས་དང་རང་སངས་རྒྱས་ཐམས་ཅད་ཀྱི་ཚུལ་ཁྲིམས་ཀྱི་ཕུང་པོ་ནས། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོའི་བར་དེས་ན། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་དེའི་ཚུལ་ཁྲིམས་ཀྱི་ཕུང་པོ་དང་། ཏིང་ངེ་འཛིན་གྱི་ཕུང་པོ་དྲང། ཤེས་རབ་ཀྱི་ཕུང་པོ་དང་། རྣམ་པར་གྲོལ་བའི་ཕུང་པོ་དང་། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་གང་ཡིན། པའི་ཚུལ་ཁྲིམས་ཀྱི་ཕུང་པོ་ནས། རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོའི་བརྒྱའི་ཆར་ཡང་ཉེ་བར་མི་འགྲོ་བ་ནས། རྒྱུའི་བར་དུའང་ཉེ་བར་མི་འགྲོའོ།། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་རིགས་ཀྱི་བུ་འམ། རིགས་ཀྱི་བུ་མོ་དེ་ནི་ཉན་ཐོས་དང་རང་སངས་རྒྱས་ཐམས་ཅད་ཀྱི་སྣ་ལས་སེམས་རྣམ་པར་གྲོལ་ཞིང་། དེ་ནི་ཉན་ཐོས་དང་རང་ས། རྒྱས་དེ་དག་གི་ཆོས་ལ་འདོད་པ་མེད་པའི་ཕྱིར་རོ།། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ཡི་གེར་བྲིས་ནས་འཆང་ཞིང་། དེ་ལ་མེ་ཏོག་དང་། འཕྲེང་བ་དང་། སྤོས་དང་། བྱུག་པ་དང་། ཕྱེ་མ་དང་། ཆོས་གོས་དང་། ན་བཟའ་དང་། གདུགས་དང་། རྒྱལ་མཚན་དང་། བ་དན་སྣ་ཚོགས་དག་གིས་བསྟི་སྟང་དུ་བྱེད། བླ་མར་བྱེད། མོར་བྱེད་ན། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་དེའི་ཚེ་འདི་དང་ཕྱི་མའི་ཡོན་ཏན་དང་ཕན་ཡོན་དེ་དག་ཡིན་པར་ང་སྨྲའོ།། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཀུན་དཀའ་བོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འཆང་བ་དང་། ཀློག་པ་དང་།། ཀུན་ཆུབ་པར་བྱེད་པ་དང་། ཚུལ་བཞིན་དུ་ཡིད་ལ་བགྱིད་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་སེམས་དང་བྲལ་བར་མི་འགྱུར་བ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་འདིའང་ཡི་གེར་བྲིས་སམ། ཡི་གེར་འདྲིར་སྩལ་ནས། མེ་ཏོག་དང་། བ་དན་སྣ་ཚོགས་པ་དག་གི་བར་དག་དང་། རོལ་མོའི་སྒྲ་དག་གིས་བསྟི་སྟང་དུ་བགྱིད་པ་དང་། བླ་མར་བགྱིད་པ་དང་། རི་མོར་བགྱིད་པ་དེ་ལ་བདག་གིས་ཀྱང་རྟག་ཏུ་རྒྱུན་མི་འཆད་པར་བསྲུང་བ་དང་། བསྐྱབ་པ་དང་། སྦ་བར་བགྱི་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་དེ་ནི་ནང་སྟོང་པ་ཉིད་ལ་ཤིན་ཏུ་གནས་པ་ནས། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་ཤིན་ཏུ་རྣམ་པར་གནས་པ་ཡིན་ཏེ། དེའི་ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཀླན་ཀ་ཚོལ་བར་བྱེད་པ་འགའ་ཡང་ཡང་དག་པར་རྗེས་སུ་མི་མཐོང་ངོ་། ། ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཀླན་ཀ་བཙལ་བ་དེའང་ཡང་དག་པར་རྗེས་སུ་མི་མཐོང་སྟེ། ཀུན་དགའ་བོ་དེ་ལྟར་ན་རིགས་ཀྱི་བུ་འམ། རིགས་ཀྱི་བུ་མོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པའི་གཟི་བརྗིད་ཀྱིས་ཡོངས་སུ་ཟིན་པས་སུས་ཀྱང་གླགས་མི་སྙེད་དོ།། ཀུན་དགའ་བོ་གཞན་ཡང་རིགས་ཀྱི་བུ་འམ། རིགས་ཀྱི་བུ་མོ་དེ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དེའི་སེམས་ཞུམ་པར་མི་འགྱུར། འགོང་བར་མི་འགྱུར། དངང་བར་མི་འགྱུར་རོ།། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་གང་ཞུམ་པར་འགྱུར་བ་འམ། བགོང་བར་འགྱུར་བའམ། དངང་བར་འགྱུར་བའི་དངོས་པོ་དེའང་ཡང་དག་པར་རྗེས་སུ་མི་མཐོང་བའི་ཕྱིར་རོ། ། རིགས་ཀྱི་བུ་འམ། རིགས་ཀྱི་བུ་མོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་ནས། ཚུལ་བཞིན་དུ་ཡིད་ལ་བྱེད་པའི་བར་དུ་བྱེད་པ་དང་། དེ་ཉིད་ཡི་གེར་བྲིས་སམ། ཡི་གེར་འདྲིར་བཅུག་ནས་བསྟི་སྟང་དུ་བྱེད་པ་དང་། བླ་མར་བྱེད་པ་དང་། རི་མོར་བྱེད་པ་དང་། མཆོད་པར་བྱེད་པ་དེ་ཚེ་འདི་དང་ཕྱི་མའི་ཡོན་ཏན་དང་། ཕན་ཡོན་འདིའང་ཡོངས་སུ་འཛིན་པར་འགྱུར་ཏེ། མཛའ་བཤེས་དང་། ཉེ་དུ་དང་། སྣག་གི་གཉེན་མཚམས་དང་། རྒྱལ་པོ་དང་། བློན་པོ་ཆེན་པོ་རྣམས་དང་། བྱང་ཆུབ་སེམས་དཔའ་རྣམས་དང་། ལྷ་རྣམས་དང་དགེ་སྦྱོང་དང་། བྲམ་ཟེ་དག་དང་། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སངས་རྒྱས་བཅོམ་ལྡན་འདས་གང་དག་བཞུགས་ཤིང་གཞེས་ལ་ཆོས་ཀྱང་སྟོན་པ་དེ་དག་དང་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། རང་སངས་རྒྱས་རྣམས་དང་། དགྲ་བཅོམ་པ་རྣམས་དང་། ཕྱིར་མི་འོང་བ་རྣམས་དང་། ལན་ཅིག་ཕྱིར་འོང་བ་རྣམས་དང་། རྒྱུན་དུ་ཞུགས་པ་དེ་དག་ཀྱང་དེ་ལ་དགའ་བར་འགྱུར་རོ། ། དེ་བཞིན་དུ་ལྷ་དང་བཅས་པའི་འཇིག་རྟེན་དགའ་བར་འགྱུར་རོ།། བདུད་དང་བཅས། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་མི་དང་། ལྷ་མ་ཡིན་བཅས་པ་དག་ཤི་ཡིད་དུ་འོང་བ་དང་། དགའ་བ་མང་བར་འགྱུར་རོ།། སྦྱིན་པའི་ཕ་རོལ་ཏུ་ཕྱིན་པ་དང་། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དེའི་སྤོབས་པ་མི་ཆོད་པར་འགྱུར། དེ་བཞིན་དུ་དེའི་ནང་སྟོང་པ་ཉིད་བསྒོམ་པ་མཆོད་པར་གྱུར། དེ་བཞིན་དུ་དངོས་པོ་མེད་པར་རྔ་ན་ཅད་སྟོང་པ་ཉིད་ཀྱི་བར་དུ་བསྒོམ་པ་མི་ཆོད་པར་འགྱུར། དེ་བཞིན་དུ་དེའི་དྲན་པ་ཉེ་བར་གཞག་པ་རྣམས་བསྒོམ་པ་མི་ཆོད་པར་འགྱུར་བ་ནས། དེ་བཞིན་དུ་སྦྱར་ཏེ། དེའི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་བསྒོམ་པ་མི་ཆོད་པར་འགྱུར་རོ།། དེ་བཞིན་དུ་ཏིང་ངེ་འཛིན་བསྒོམ་པ་མི་ཆོད་པར་འགྱུར། དེ་བཞིན་དུ་གཟུངས་རྒྱ་སྒོ་བ་སྒོམ་པ་མི་ཆོད་པར་འགྱུར། དེ་བཞིན་དུ་དེའི་བྱང་ཆུབ་སེམས་དཔའི་མངོན་པར་ཤེས་པ་མི་ཆོད་པར་འགྱུར། དེའི་སེམས་ཅན་ཡོངས་སུ་སྨིན་པར་བྱ་བ་མི་ཆོད་པར་འགྱུར། དེའི་སངས་རྒྱས་ཀྱི་ཞིང་ཡོངས་སུ་དག་པར་བྱ་བ་མི་ཆོད་པར་འགྱུར། དེའི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་མི་ཆོད་པར་འགྱུར་རོ། ། གཞན་ལས་བརྒལ་ཞིང་བརྟག་པ་བྱུང་ངོ་ཅོག་ལས་ངེས་པར་འབྱུང་ནུས་པར་འགྱུར་ཏེ། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ཐམས་ཅད་མཁྱེན་པ་ཉིད་ཀྱི་སེམས་ཀྱིས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་འཛིན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡི་གེར་བྲིས་ནས་གླེགས་བམ་དུ་ཆུད་པར་བྱ་སྟེ། འཆང་ཞིང་མེ་ཏོག་དང་། འཕྲེང་བ་དང་། སྤོས་དང་། བྱུག་པ་དང་། ཕྱེ་མ་དང་། ཆོས་གོས་དང་། ན་བཟའ་དང་།། གདུགས་དང་། རྒྱལ་མཚན་དང་། དན་སྣ་ཚོགས་དང་། རོལ་མོའི་སྒྲ་དག་གིས་བསྟི་སྤྱང་དུ་བྱེད། བླ་མར་བྱེད། རི་མོར་བྱེད། མཆོད་པར་བྱེད་དེ། ཚེ་འདི་དང་ཕྱི་མའི་ཡོན་ཏན་གྱི་ཕན་ཡོན་དེ་དུག་ཡོངས་སུ་འཛིན་པར་འགྱུར་རོ། ། ཀུན་དགའ་བོ་གཞིན་ཡང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། རྒྱམ་ཆེན་བཞིའི་རོས་ཀྱི་ལྷ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་དེར་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་ཀུན་ཆུབ་པར་བྱས་ནས་ཕྱག་བྱས། འདུད་པར་བྱས་ནས་སླར་འགྲོ་བར་སེམས་པར་འགྱུར་རོ། ། དེ་བཞིན་དུ་སུམ་ཅུ་རྩ་གསུམ་པའི་ལྷ་རྣམས་དང་། འཐབ་བྲལ་དང་། དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་ཀྱི་ལྷ་རྣམས་དང་། དེ་བཞིན་དུ་ཚངས་རིས་དང་། ཚངས་འཁོར་དང་། ཚངས་ཆེན་དང་། འོད་ཆུང་དང་། ཚད་མེད་འོད་དང་། འོད་གསལ་དང་། དགེ་ཆུང་དང་། ཚད་མེད་དགེ་དང་། དགེ་རྒྱས་དང་། ཆེ་བ་དང་། ཆུང་ཆེ་དང་། ཚད་མེད་ཆེ་དང་། འབྲས་བུ་ཆེའི་ལྷ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དེ་དག་ཀྱང་དེར་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་བཟུང་ལ། ཀུན་ཆུབ་པར་བྱས། ཕྱག་བྱས། འདུད་པ་བྱས་ནས་སླར་འདོང་བར་སེམས་པར་འགྱུར་རོ།། གནས་གཙང་མ་གང་ཡིན་པའི་སྐུ་འདི་ལྟ་སྟེ། མི་ཆེ་བ་དང་། མི་གདུང་བ་དང་། གྱ་ནོམ་སྣང་བ་དང་། ཤིན་ཏུ་མཐོང་དང་། འོག་མིན་གྱི་ལྷ་དེ་དག་ཀྱང་དེ་ཉིད་དུ་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་ཕྱག་འཚལ་བའི་བར་དུ་བྱས་ནས་སླར་འདོང་བར་སེམས་པར་འགྱུར་རོ། ། ཀུན་དགའ་བོ་དེ་ལ་རིགས་ཀྱི་བུ་འམ། རིགས་ཀྱི་བུ་མོ་དེས་འདི་ལྟར་སེམས་བསྐྱེད་པར་བྱ་སྟེ། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། རྒྱལ་ཆེན་བཞིའི་རིས་ཀྱི་ལྷ་རྣམས་ནས། འབྲས་བུ་ཆེ་བའི་བར་གྱི་ལྷ་གང་དག་བླ་ན་མེད་པ་ཡང་དག་པར་རྫོགས་པོའི་བྱང་ཆུབ་ཏུ་ཡང་དག་པར་ཞུགས་པ་དང་། གནས་གཙང་མ་པ་གང་དག་ཡིན་པ་དག་དང་། གཞན་ཡང་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྟོ་འཕྱེ་ཆེན་པོ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་གང་ཡིན་པ་དག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཡང་དག་པར་བལྟ་བ་དང་། གཟུང་བ་དང་། བཅང་བ་དང་། བསྙེན་བཀུར་བྱ་བ་དང་། ཕྱག་བྱ་བ་དང་། མཆོད་པ་བྱ་བའི་ཕྱིར་ལྷགས་པ་དེ་དག་ལ། བདག་གིས་དེ་ལྟར་ཆོས་ཀྱི་སྦྱིན་པ་བྱིན་པར་གྱུར་ཅིག་སྙམ་དུ་སེམས་བསྐྱེད་པར་བྱའོ།། ཀུན་དགའ་བོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་རྒྱལ་ཆེན་བཞིའི་རིས་ཀྱི་ལྷ་རྣམས་ནས། འོག་མིན་གྱི་བར་གྱི་ལྷ་འཁོད་པ་གང་དག་ཡིན་པ་དེ་དག་ཀྱང་དེ་ཉིད་དུ་ལྷགས་ནས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་ཤིང་བཟུང་། བཅངས། ཀུན་ཆུབ་པར་བྱས། ཕྱག་འཚལ། འདུད་པ་བྱས་ནས་སླར་འདོང་བར་སེམས་པར་འགྱུར་ལ། རིགས་ཀྱི་བུ་འམ། རིགས་ཀྱི་བུ་མོ་དེ་ལའང་རྟག་ཏུ་བསྲུང་བ་དང་། བསྐྱབ་པ་དང་། སྦེད་པ་བྱེད་པར་འགྱུར་རོ།། དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། རྒྱལ་ཆེན་བཞིའི་རིས་ཀྱི་ལྷ་རྣམས་འཁོད་པ་དག་དེར་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་བལྟས་པ་ནས། ཕྱག་བྱའི་བར་དུ་བྱས་ནས་སླར་འདོང་བར་སེམས་པར་གྱུར་ལ། རིགས་ཀྱི་བུ་འམ། རིགས་ཀྱི་བུ་མོ་དེ་ལའང་བསྲུང་བ་དང་། བསྐྱབ་པ་དང་། སྦེད་པ་བྱེད་པར་འགྱུར་རོ།། ཀུན་དགའ་བོ་ལས་ཀྱི་རྣམ་པར་སྨིན་པ་མ་གཏོགས་པར། དེ་ལ་གླགས་ལྟ་བ་སུས་ཀྱང་གླགས་སྙེད་པར་མི་འགྱུར་ཏེ། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་དེའི་ཚེ་འདིའི་ཡོན་ཏན་དང་ཕན་ཡོན་ཡོངས་སུ་འཛིན་པར་འགྱུར་བ་ཡིན་ནོ།། ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་བྱེ་མ་སྙེད་དག་ན་འཁོད་པའི་ལྷ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་དག་ཀྱང་། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་མཆོད་པའི་ལས་ཀྱི་ཕྱིར་དང་། རིགས་ཀྱི་བུ་འམ། རིགས་ཀྱི་བུ་མོ་དེ་ལའང་བསྲུང་བ་དང་། བསྐྱབ་པ་དང་། སྦ་བའི་ཕྱིར་འོང་བར་སེམས་པར་གྱུར་ཏོ།། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ལྷ་དེ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཞུགས་པ་ཡིན་ཞིང་། སེམས་ཅན་ཐམས་ཅད་ཀྱི་གནས་དང་། སྐྱོབ་པ་དང་། སེམས་ཅན་རྣམས་ཡོངས་སུ་མི་གཏང་བ་དང་། སེམས་ཅན་ཐམས་ཅད་ལ་ཕན་པ་དང་བདེ་བར་བྱ་བར་གནས་པ་ཡིན་པའི་ཕྱིར་རོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་ཕྱོགས་བཅུའི་འཇིག་རྟེན་གྱི་ཁམས་ཀུན་ནས། རྒྱལ་ཆེན་བཞིའི་རིགས་ཀྱི་བུ་ལྷ་རྣམས་འདིར་མཆིས་པ་ནས། འོག་མིན་གྱི་བར་གྱི་ལྷ་རྣམས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡང་དག་པར་བལྟ་བ་དང་། གཟུང་བ་དང་། བཅང་བ་དང་། བསྙེན་བཀུར་བགྱི་བ་དང་། མཆོད་པ་བགྱི་བ་དང་། བཀུར་སྟི་བགྱི་བའི་སླད་དུ་མཆིས་པར་ཇི་ལྟར་འཚལ་བར་འགྱུར་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་བོ་གལ་ཏེ་རིགས་ཀྱི་བུ་འམ། རིགས་ཀྱི་བུ་མོས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་གང་དུ་བཞུགས་པའི་ཕྱོགས་དེར་སྣང་བ་རྒྱ་ཆེན་པོ་མཐོང་ན། ངེས་པར་དེ་ལྟར་དབང་ཆེ་བར་གྲགས་པ། མཐུ་ཆེ་བ། རྫུ་འཕྲུལ་ཆེ་བ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡང་དག་པར་བལྟ་བ་དང་། གཟུང་བ་དང་། བཅང་བ་དང་། བསྙེན་བཀུར་བྱ་བ་དང་། མཆོད་པར་བྱ་བ་དང་། བཀུར་སྟི་བྱ་བའི་ཕྱིར་ལྷགས་པར་ཤེས་པར་བྱའོ། ། ཀུན་དགའ་བོ་གཞན་ཡང་རིགས་ཀྱི་བུ་འམ། རིགས་ཀྱི་བུ་མོ་དེ་ལ་མི་མ་ཡིན་པའི་དྲི་རྒྱ་ཆེན་པོ་མནམ་ན། ངེས་པར་དེར་ལྷ་མཐུ་ཆེ་བ་རྫུ་འཕྲུ་ཆེ་བ་དག་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བལྟ་བ་དང་། གཟུང་བ་དང་། བཅང་བ་དང་། ཀུན་ཆུབ་པར་བྱ་བའི་བར་དང་། ཕྱག་བྱ་བ་དང་། མཆོད་པ་བྱ་བ་དང་། བཀུར་སྟི་བྱ་བའི་ཕྱིར་འདིར་ལྷགས་པར་ཤེས་པར་བྱའོ། ། ཀུན་དགའ་བོ་གཞན་ཡང་རིགས་ཀྱི་བུ་འམ། རིགས་ཀྱི་བུ་མོ་དེ་རྟག་ཏུ་ཀུན་ཏུ་སྤྱོད་པ་གཙང་མར་བྱས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཆོ་ག་བཞིན་དུ་མཆོད་པ་བྱེད་ན་དེའི་ཀུན་ཏུ་སྤྱོད་པ་གཙང་བ་དེས་ལྷ་མང་པོ་དག་ལྷགས་ནས། ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་ཡང་དག་པར་བལྟས་ཤིང་བཟུང་། ཀུན་ཆུབ་པར་བྱས། བཅངས། བཀུར་སྟི་བྱས། བླ་མར་བྱས། རི་མོར་བྱས། མཆོད་པ་བྱས་པས་ཡི་རངས་པར་འགྱུར་རོ།། ལྷ་དབང་ཆུང་བར་གྲགས་པ་གང་དག་ཕྱོགས་དེ་ན་འཁོད་པ་དེ་དག་ཀྱང་། ལྷ་མཐུ་ཆེ་བ་རྫུ་འཕྲུལ་ཆེ་བ་དེ་དག་གི་གཟི་བརྗིད་དང་། དཔལ་དང་། བླ་མར་གྱུར་པ་ཉིད་མི་བཟོད་པས། ཕྱོགས་དེ་ནས་འདོང་བར་སེམས་པར་འགྱུར་རོ།། ཇི་ལྟ་ཇི་ལྟར་ལྷ་དབང་ཆེ་བར་གྲགས་པ། རྫུ་འཕྲུལ་ཆེ་བ། མཐུ་ཆེ་བ་འོང་བ་སེམས་པ་ལྟར། རིགས་ཀྱི་བུ་དང་། རིགས་ཀྱི་བུ་མོ་དེའི་མོས་པས་རྒྱ་ཆེན་པོར་འགྱུར་རོ།། དེའི་ཉེན་ཀོར་དུ་གཙང་སྦྲ་མི་ཕྱེད་པའི་བག་སྤྲད་པར་མི་བྱ། རིགས་ཀྱི་བུ་འམ། རིགས་ཀྱི་བུ་མོ་དེས་ཀྱང་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ས་མཆོད་པའི་དོན་དུ་ས་ཕྱོགས་དེ་བདུག་པ་སྣ་ཚོགས་ཀྱིས་བདུགས་པར་བྱ། མེ་ཏོག་སྣ་ཚོགས་བཀྲམ་པར་བྱ། པོག་པོར་རྣམ་ནས་བདུགས་པར་བྱ། དར་གྱི་ལྔ་ལྡི་གཙང་མར་བྲེ་བར་བྱ། བླ་རེ་སྣ་ཚོགས་བཟང་པོ་བྲེ་བར་བྱ། ས་ཕྱོགས་རྣམ་པ་སྣ་ཚོགས་དུ་མས་ལེགས་པར་བརྒྱན་པར་བྱའོ།། ཀུན་དགའ་བོ་གཞན་ཡང་རིགས་ཀྱི་བུ་འམ། རིགས་ཀྱི་བུ་མོ་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ལ་བཀུར་སྟི་བྱེད་ཅིང་མཆོད་པ་བྱེད་པའི་ལུས་ངལ་བར་མི་འགྱུར།། ལུས་བདེ་བ་དང་། སེམས་བདེ་བ་དང་། ལུས་ཡང་བ་ཉིད་དང་། གཟི་བརྗིད་དང་ལྡན་པ་དང་། སེམས་གསལ་བར་འགྱུར་རོ།། ཡང་དེ་འདི་ལྟར་འདུ་ཤེས་པར་འགྱུར་ཏེ། ཉལ་ནའང་རྨི་ལམ་སྡིག་པ་ཅན་མཐོང་བར་མི་འགྱུར་རོ། ། དེས་རྨི་ལམ་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ། སྐུ་དཔེ་བྱད་བཟང་པོ་བརྒྱད་ཅུས་གསལ་བར་བྱས་པ། སྐུ་གསེར་གྱི་མདོག་ཅན་དགེ་སློང་གི་དགེ་འདུན་གྱིས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་པ་མཐོང་བར་འགྱུར་རོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་ལས་ཀྱང་། འདི་ལྟ་སྟེ། ཕ་རོལ་ཏུ་ཕྱིན་པ་དྲུག་དང་། དྲན་པ་ཉེ་བར་གཞག་པ་བཞི་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་ཆོས་ཐོས་པར་འགྱུར་རོ། ། ཕ་རོལ་ཏུ་ཕྱིན་པ་དེ་དག་གི་དོན་རྣམ་པར་དབྱེ་བ་ཟོས་པར་འགྱུར་རོ།། དེ་བཞིན་དུ་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་གྱི་དོན་རྣམ་པར་དབྱེ་བ་ཟོས་པར་འགྱུར་རོ། ། བྱང་ཆུབ་ཀྱི་ཤོང་མཐོང་བར་འགྱུར་རོ།། བྱང་ཆུབ་སེམས་དཔའ་བྱང་ཆུབ་ཀྱི་ཤིང་དྲུང་དུ་འགྲོ་བ་མཐོང་བར་འགྱུར་རོ།། བླ་ན་མེད་པ་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་པ་མཐོང་བར་འགྱུར་རོ། ། དེ་བཞིན་དུ་མངོན་པར་རྫོགས་པར་སངས་རྒྱས་པས་ཀྱང་ཆོས་ཀྱི་འཁོར་ལོ་བསྐོར་བ་མཐོང་བར་འགྱུར་རོ། ། བྱང་ཆུབ་སེམས་དཔའ་འབུམ་ཕྲག་མང་པོ་དག་རྣམ་པ་ཐམས་ཅད་མཁྱེན་པ་ཉིད་ནི་འདི་ལྟར་ཡོངས་སུ་ཐོབ་པར་བྱའོ།། སེམས་ཅན་རྣམས་ནི་འདི་ལྟར་ཡོངས་སུ་སྨིན་པར་བྱའོ།། སངས་རྒྱས་ཀྱི་ཞིང་ནི་འདི་ལྟར་ཡོངས་སུ་དག་པར་བྱའོ། ། བདུད་འཁོར་དང་བཅས་པ་ནི་འདི་ལྟར་ཡོངས་སུ་གདུལ་བར་བྱའོ་ཞེས་འབེལ་བའི་གཏམ་རྣམ་པར་གཏན་ལ་དབབ་པར་བྱེད་པའང་ཤེས་ཤིང་མཐོང་བར་འགྱུར་རོ།། ཤར་ཕྱོགས་ནས་སངས་རྒྱས་བྱེ་བ་ཁྲག་ཁྲིག་འབུམ་ཕྲག་མང་པོ་དག་གི་སྒྲ་ཐོས་པར་འགྱུར་རོ།། དེ་བཞིན་ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་དང་། ཕྱོགས་མཚམས་ཀྱི་བར་དག་ནས། སངས་རྒྱས་བྱེ་བ་ཁྲག་ཁྲོག་འབུམ་ཕྲག་མང་པོ་དག་གི་སྒྲ་ཟོས་པར་འགྱུར་ཏེ། ཀྱེ་འཇིག་རྟེན་གྱི་ཁམས་ཆེ་གེ་མོ་ཞིག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆེ་གེ་མོ་ཞེས་བྱ་བ་ཞིག། བྱང་ཆུབ་སེམས་དཔའ་སྟོང་ཕྲག་འདི་སྙེད་ཅིག་དང་། ཉན་ཐེས་བྱེ་བ་ཁྲག་ཁྲིག་འབུམ་ཕྲག་འདི་སྙེད་ཅིག་གིས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏོ་ཞེས་ཐོས་པར་འགྱུར་རོ། ། དེ་བཞིན་དུ་ཤར་ཕྱོགས་ནས་སངས་རྒྱས་བྱེ་བ་ཁྲག་ཁྲིག་འབུམ་ཕྲག་མང་པོ་དག་ཡོངས་སུ་མྱ་ངན་ལས་འདས་པ་དག་མཐོང་བར་འགྱུར་རོ།། ཡོངས་སུ་མྱ་ངན་ལས་འདས་པ་དེ་དག་གི་མཆོད་རྟེན་རིན་པོ་ཆེ་སྣ་བདུན་ལས་བྱས་པ་བྱེ་བ་འབུམ་དག་མཐོང་བར་འགྱུར་རོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་ས་རྒྱས་དེ་དག་དང་། དེ་བཞིན་གཤེགས་པའི་མཆོད་རྟེན་དེ་དག་པ་མེ་ཏོག་དང་། འཕྲེང་བ་དང་། སྤོས་དང་། བྱུག་པ་དང་། ཕྱེ་མ་དང་། ཆོས་གོས་དང་། ན་བཟའ་དང་། གདུགས་དང་རྒྱལ་མཚན་དང་། བ་དན་དང་། རོལ་མོའི་སྒྲ་སྣ་ཚོགས་ཀྱིས་བཀུར་སྟིར་བྱེད་པ་དང་། རི་མོར་བྱེད་པ་དང་། མཆོད་པར་བྱེད་པ་མཐོང་བར་འགྱུར་རོ།། དེ་བཞིན་དུ་སྟེང་གི་ཕྱོགས་ཀྱི་བར་དུའང་དེ་བཞིན་སྦྱར་བར་བྱ་སྟེ། རིགས་ཀྱི་བུ་འམ། རིགས་ཀྱི་བུ་མོ་དེས་རྨི་ལམ་བཟང་པོ་དེ་ལྟ་བུ་དག་མཐོང་བར་འགྱུར་རོ།། དེ་བདེ་བ་ཁོ་ནར་སད་པར་འགྱུར་དེའི་ལུས་ལ་གཟི་བྱིན་བཅུག་པར་འགྱུར་རོ། ། དེའི་ལུས་ཡང་བ་ཉིད་དུ་ཤེས་པར་འགྱུར། དེ་ཟས་ལ་བརྐམ་པ་ཉིད་དུ་མི་འགྱུར། ཆོས་གོས་ལ་བརྐམ་པ་ཉིད་དུ་མ་ཡིན། ན་བའི་གསོས་སྨན་དང་ཡོ་བྱད་ལ་བརྐམ་པ་ཉིད་དུ་མི་འགྱུར་རོ། ། དེ་ཟས་ཀྱི་འདུ་ཤེས་ཆུང་བ་ཉིད་དུ་འགྱུར་རོ།། དེ་བཞིན་དུ་སྦྱར་ཏེ། ཡོ་བྱད་ཀྱི་འདུ་ཤེས་ཆུང་བ་ཉིད་དུ་འགྱུར་ཏེ། དཔེར་ན་དགེ་སློང་རྣལ་འབྱོར་སྤྱོད་པ་འདོད་པ་ནས། ཏིང་ངེ་འཛིན་ལས་ལངས་པ་ཟས་ལ་བརྐམ་པའི་ཤས་ཆེ་བ་མ་ཡིན་པ་དེ་བཞིན་དུ་ཟས་ཀྱི་འདུ་ཤེས་རུང་བར་འགྱུར་རོ།། དེ་ཅིའི་ཕྱིར་ཞེ་ན། ཀོའུ་ཤི་ཀ་གང་ལ་ལ་ཞིག་གིས་ལུས་ལ་མི་མ་ཡིན་པ་རྣམས་གཟི་བྱིན་འཇུག་པར་བྱེད་ན། དེ་ནི་དེ་བཞིན་དུ་འགྱུར་ཏེ། དེས་ན་དེ་ལ་ཤར་ཕྱོགས་ཀྱི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན་བཞུགས་པའི་དེ་བཞིན་གཤེགས་པ་རྣམས་དང་། བྱང་ཆུབ་སེམས་དཔའ་རྣམས་དང་། ལྷ་དང་། ཀླུ་དང་། གནོད་སྤྲིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཙ་དང་། ལྟོ་འཕྱེ་ཆེན་པོ་དག་ལུས་ལ་གཟི་བྱིན་ཉེ་བར་བསྒྲུབ་པར་འགྱུར་བས། ཇི་སྲིད་འཚོའི་བར་དུ་བ་དན་གྱི་བར་དག་དང་། རོལ་མོའི་སྒྲ་སྣ་ཚོགས་དག་གིས་བཀུར་སྟི་བྱ། བླ་མར་བྱ། རི་མོར་བྱ། མཆོད་པར་བྱའོ།། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་པ་ལས། ཕན་ཡོན་གྱི་ལེའུ་ཞེས་བྱ་སྟེ་བཅུ་བདུན་པ་རྫོགས་སོ།། །། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་མོས་པས་འགྱུར་བ་དེ་གང་ནས་ཤི་འཕོས་ནས་འདིར་སྐྱེས་པ་ལགས། དེ་ཡུན་ཇི་སྲིད་ཅིག་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ལགས། དེས་དེ་བཞིན་གཤེགས་པ་ཇི་སྙེད་ཅིག་ལ་བསྙེན་བཀུར་བགྱིས་པ་ལགས། དེས་སྦྱིན་པའི་ཕ་རོལ་ཏུ་ཕྱིན་པ་དང་། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ལ་ཡུན་ཇི་སྲིད་ཅིག་ནས་སྤད་པ་ལགས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་སྣོད་ལ་དོན་དང་ཚུལ་གྱིས་མོས་པས་འགྱུར་བ་ལགས་སམ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རོ་དྭ་ཏིའོ་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཕྱོགས་བཅུའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ཏུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དཔག་ཏུ་མེད། ཚད་མེད། གྲངས་མེད་པ་དག་ལ་བསྙེན་བཀུར་བྱས་ནས་འདིར་འོངས་པ་དག་ཡིན། འདིར་སྐྱེས་ཤིང་བྱུང་བ་དག་ཡིན་ནོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་བསྐལ་པ་བྱེ་བ་ཁྲག་ཁྲིག་འབུམ་ཕྲག་གཞལ་དུ་མེད་ཅིང་གྲངས་མེད། ཚད་མེད་པ་དག་ནས། བློ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ཡིན། ནོ།། དེ་སེམས་དང་པོ་བསྐྱེད་ཕྱིན་ཆད་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་ཅིང་འོངས་པ་ཡིན། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསོམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་ཅིང་འོངས་པ་ཡིན་ནོ།། ཤཱ་ར་དྭ་ཏིའི་བུ་དེ་ནི་དེ་བཞིན་གཤེགས་པ་དགྲ་པ་ཡང་དག་པར་རྫོགས་པའི་སངས་རྒྱས་གྲངས་མེད། ཚད་མེད་པ་དག་ལ་བསྙེན་བཀུར་བྱེད་ཅིང་འོངས་པ་ཡིན་ནོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་མཐོང་ངམ། ཐོས་ན་བདག་གིས་ནི་སྟོན་པ་མཐོང་ངོ་ཞེས་སེམས་བསྐྱེད་པར་འགྱུར་རོ།། ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་དེ་ལའང་དོན་དང་ཚིག་ལས་མཚན་མ་མེད་པ་དང་། གཉིས་སུ་མེད་པ་དང་། དམིགས་སུ་མེད་པའི་ཚུལ་གྱིས་རྗེས་སུ་རྟོགས་པར་འགྱུར་རོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཉེན་པ་པོ་དང་ལྟ་བ་པོ་རྣམས་ཀྱི་སྟོན་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་མ་ཡིན་ནོ། ། དེ་ཅིའི་ཕྱིར་ཞེ་ན། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཉན་པ་པོ་དང་ལྟ་བ་པོ་མེད་དོ།། རབ་འབྱོར་ཆོས་བེམས་པོ་ཉིད་ཀྱི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མོ་མཐོང་མི་ཐོས་སོ། ། དེ་བཞིན་དུ་ཆོས་བེམས་པོ་ཉིད་ཀྱི་ཕྱིར། བསམ་གཏན་གྱི་ཕ་རོལ་ཏུ་ཕྱིན་པ་མི་ཐོས་མི་མཐོང་ངོ་།། དེ་བཞིན་དུ་ཆོས་བེམས་པོ་ཉིད་ཀྱི་ཕྱིར། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། སྦྱིན་པའི་ཕ་རོལ་ཏུ་ཕྱིན་པ་མི་ཐོས་མི་མཐོང་ངོ་།། དེ་བཞིན་དུ་ཆོས་བེམས་པོ་ཉིད་ཀྱི་ཕྱིར། ནང་སྟོང་པ་ཉིད་མི་ཐོས་མི་མཐོང་ངོ་། ། དེ་བཞིན་དུ་སྦྱར་ཏེ། ཆོས་བེམས་པོ་ཉིད་ཀྱི་ཕྱིར། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་མི་ཐོས་མི་མཐོང་ངོ་།། དེ་བཞིན་དུ་ཆོས་བེམས་པོ་ཉིད་ཀྱི་ཕྱིར། དྲན་པ་ཉེ་བར་གཞག་པ་རྣམས་མི་ཐོས་མི་མཐོང་ངོ་།། ཆོས་བེམས་པོ་ཉིད་ཀྱི་ཕྱིར། འཕགས་པའི་ལམ་ཡན་ལག་བརྒྱད་པའི་བར་དུ་མི་ཐོས་མི་མཐོང་ངོ་།། དེ་བཞིན་དུ་ཆོས་བེམས་པོ་ཉིད་ཀྱི་ཕྱིར། དེ་བཞིན་གཤེགས་པའི་སྟོབས་བཅུ་ནས། སངས་རྒྱས་ཀྱི་ཆོས་མ་འདྲེས་བཅོ་བརྒྱད་ཀྱི་བར་དུ་མི་ཐོས་མི་མཐོང་ངོ་།། རབ་འབྱོར་ཆོས་བེམས་པོ་ཉིད་ཀྱི་ཕྱིར། བྱང་ཆུབ་དང་སངས་རྒྱས་ཀྱང་མི་ཐོས་མི་མཐོང་ངོ་། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་ཟབ་པ་མོས་པར་བཀའ་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། རབ་འབྱོར་ཤེས་རབ་རྒྱ་ཕ་རོལ་ཏུ་ཕྱིན་པ་འདི་ནི་ཟབ་བོ། ། དེ་ཅིའི་ཕྱིར་ཞེ་ན། འདི་ལྟར་གཟུགས་ནི་མ་བཅིངས་མ་གྲོལ་བ་ཡིན་ལ། རབ་འབྱོར་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་མ་བཅིངས་མ་གྲོལ་བའི་ཕྱིར་རོ།། དེ་ཅིའི་ཕྱིར་ཞེ་ན། གཟུགས་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ།། རབ་འབྱོར་དེ་བཞིན་དུ་ཚོར་བ་ད། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ།། རབ་འབྱོར་སྦྱིན་པའི་ཕ་རོལ་ཏུ་ཕྱིན་པ་མ་བཅིངས་མ་གྲོལ་བའོ།། དེཅིའི་ཕྱིར་ཞེ་ན། རབ་འབྱོར་སྦྱིན་པའི་ཕ་རོལ་ཏུ་ཕྱིན་པ་དངོས་པོ་མེད་པའི་རང་བཞིན་ནོ་སྦྱིན་པའི་ཕ་རོལ་ཏུ་ཕྱིན་པ་ཡིན་པའི་ཕྱིར་རོ།། རབ་འབྱོར་དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ནི་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་དངོས་པོ་མེད་པའི་རང་བཞིན་ནོ་ཤེས་རབ་ཀྱི་ཕ་རོལ་ཏུ་ཕྱིན་པ་ཡིན་པའི་ཕྱིར་རོ། ། རབ་འབྱོར་ནང་སྟོང་པ་ཉིད་ནི་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། རབ་འབྱོ་ན་སྟོང་པ་ཉིད་དངོས་པོ་མེད་པའི་རང་བཞིན་ནི་ནང་སྟོང་པ་ཉིད་ཡིན་པའི་ཕྱིར་རོ། ། དེ་བཞོན་དུ་སྦྱར་ཏེ།། རབ་འབྱོར་དངོས་པོ་མེད་པའི་ངོ་བ་ཅད་སྟོང་པ་ཉིད་ཀྱི་བར་དུའང་མ་བཅིངས་མ་གྲོལ་བའོ།། དེ་ཙ་ཕྱིར་ཞེ་ན། རབ་འབྱོར་དངོས་པོ་མེད་པའི་ངོ་བོ་ཉིད་སྟོང་པ་ཉིད་དངོས་པོ་མེད་པའི་རང་བཞིན་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཡིན་པའི་ཕྱིར་རོ།། རབ་འབྱོར་དྲན་པ་ཉེ་བར་གཞག་པ་བཞིན་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། རབ་འབྱོར་དྲན་པ་ཉེ་བར་གཞག་པ་དངོས་པོ་མེད་པའི་རང་བཞིན་ནི་དྲན་པ་ཉེ་བར་གཞག་པ་བཞི་ཡིན་པའི་ཕྱིར་རོ།། དེ་བཞིན་དུ་སྦྱར་ཏེ། རབ་འབྱོར་འཕགས་པའི་ལམ་ཡན་ལག་བརྒྱད་པའི་བར་དང་། དེ་བཞིན་གཤེགས་པའི་སྟོབས་བཅུ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དང་། ཐམས་ཅད་མཁྱེན་པ་ཉིད་དང་། ལམ་གྱི་རྣམ་པ་ཤེས་པ་ཉིད་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། རབ་འབྱོར་རྣམ་པ་ཐམས་ཅད་མཁྱེན་པ་ཉིད་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ།། རབ་འབྱོར་གཞན་ཡང་གཟུགས་ཀྱི་སྔོན་གྱི་མཐའ་ནི་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། རབ་འབྱོར་གཟུགས་སྔོན་གྱི་མཐའ་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ།། རབ་འབྱོར་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་སྔོན་གྱི་མཐའ་ནི་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། རབ་འབྱོར་རྣམ་པར་ཤེས་པའི། སྔོན་གྱི་མཐའ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ།། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་མཐའ་ནི་མ་བཅིངས་མ་གྲོལ་བ་སྟེ། སྔོན་གྱོ་མཐའ་དངོས་པོ་མེད་པའི་རང་བཞིན་ནི་རྣམ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། ། རབ་འབྱོར་གཞན་ཡང་གཟུགས་ནི་སྔོན་གྱི་མཐའ་ལས་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། རབ་འབྱོར་སྔོན་གྱི་མཐའ་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ།། རབ་འབྱོར་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་སྔོན་གྱི་མཐའ་ལས་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། རབ་འབྱོར་སྔོན་གྱི་མཐའ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ།། རབ་འབྱོར་དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་སྔོན་གྱི་མཐའ་ལས་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། རབ་འབྱོར་སྔོན་གྱི་མཐའ་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། ། རབ་འབྱོར་གཟུགས་ནི་ཕྱི་མའོ་མཐའ་ལས་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། རབ་འབྱོར་ཕྱི་མའི་མཐའི་དངོས་པོས་མེད་པའི་རང་བཞིན་ནི་གཟུགས་ཡིན་པ་ཕྱིར་རོ། ། རབ་འབྱོར་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་ཕྱི་མའི་མཐའ་ལས་མ་བཅིངས་མ་གྲོལ་བའོ།། དེ་ཅིའི་ཕྱིར་ཞེ་ན། རབ་འབྱོར་ཕྱི་མའི་མཐའ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ། ། རབ་འབྱོར་དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་ནི་ཕྱི་མའི་མཐའ་ལས་མ་བཙོངས་མ་གྲོལ་བའོ།། དེ་ཅིའི་ཕྱིར་ཞེ་ན། རབ་འབྱོར་ཕྱི་མའི་མཐའ་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། ། རབ་འབྱོར་གཟུགས་འདི་ནི་ད་ལྟར་བྱུང་བ་ལས་མ་བཅིངས་མ་གྲོལ་བའོ།། དེ་ནིའི་ཕྱིར་ཞེ་ན། རབ་འབྱོར་ད་ལྟར་བྱུང་བ་དངོས་པོ་མེད་པའི་རང་བཞིན་ནི་གཟུགས་ཡིན་པའི་ཕྱིར་རོ། ། རབ་འབྱོར་དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་ནི་ད་ལྟར་བྱུང་བ་ལས་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། རབ་འབྱོར་ད་ལྟར་བྱུང་བ་དངོས་པོ་མེད་པའི་རང་བཞིན་ནི་རྣམ་པར་ཤེས་པ་ཡིན་པའི་ཕྱིར་རོ།། རབ་འབྱོར་དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ད་ལྟར་བྱུང་བ་ལས་མ་བཅིངས་མ་གྲོལ་བའོ། ། དེ་ཅིའི་ཕྱིར་ཞེ་ན། ད་ལྟར་བྱུང་བ་དངོས་པོ་མེད་པའི་རང་བཞིན་ནི་རྣམ་པ་ཐམས་ཅད་མཁྱེན་པ་ཉིད་ཡིན་པའི་ཕྱིར་རོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མི་བརྩོན་པ་རྣམས་དང་། ། དགེ་བའི་རྩ་བ་མ་བསྐྲུན་པ་རྣམས་དང་། སྡིག་པའི་གྲོགས་པོའི་སུག་པར་མཆིས་པ་རྣམས་དང་། བདུད་ཀྱི་དབང་དུ་མཆིས་པ་རྣམས་དང་། ལེ་ལོ་ཅན་རྣམས་དང་། བརྩོན་འགྲུས་ཆུང་བ་རྣམས་དང་། བསྐྱེད་ངས་པ་རྣམས་དང་། ཤེས་བཞིན་མ་མཆིས་པར་སྤྱོད་པ་རྣམས་ཀྱིས་མོས་པར་དཀའ་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ནོ།། ཇི་སྐད་སྨྲས་པ་དེ་བཞིན་ཏེ། རབ་འབྱོར་ཤེས་རབ་ཀྱི་ཕ་རོལ་ཏུ་ཕྱིན་པ་འདི་ནི་མི་བརྩོན་པ་རྣམས་དང་ཤེས་བཞིན་མེད་པར་སྤྱོད་པ་རྣམས་ཀྱི་བར་དག་གིས་མོས་པར་དཀའ་བ་ཡིན་ནོ། ། རབ་འབྱོར་གཟུགས་རྣམ་པར་དག་པ་གང་ཡིན་པ་འབྲས་བུ་རྣམ་པར་དག་པའང་དེ་ཡིན། དེ་བཞིན་དུ་ཚོར་བ་དང་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་དག་པ་གང་ཡིན་པ་འབྲས་བུ་རྣམ་པར་དག་པའང་དེ་ཡིན། དེ་བཞིན་དུ་སྦྱར་ཏེ། བྱང་ཆུབ་ཀྱི་བར་དུ་རྣམ་པར་དག་པའང་ཡིན་པ་འབྲས་བུ་རྣམ་པར་དག་པའང་དེ་ཡིན་ནོ། ། རབ་འབྱོར་གཞན་ཡང་གཟུགས་རྣམ་པར་དག་པ་གང་ཡིན་པ་དེ་ནི་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ།། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་གང་ཡིན་པ་དེ་ནི་གཟུགས་རྣམ་པར་དག་པ་སྟེ། དེ་ལྟར་ན་གཟུགས་རྣམ་པར་དག་པ་གང་ཡིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་འདི་ནི། གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ།། དེ་བཞིན་དུ་སྦྱར་ཏེ། གཟུགས་རྣམ་པར་དག་པ་གང་ཡིན་པ་དེ་ནི་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ།། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་རྣམ་པར་དག་པའང་གང་ཡིན་པ་དེ་ནི་གཟུགས་རྣམ་པར་དག་པ་སྟེ། དེ་ལྟར་ན་གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་འདི་རྣམ་པར་དག་པ་འདི་ལ་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ། ། རབ་འབྱོར་གཞན་ཡང་གཉིས་སུ་མེད་པ་རྣམ་པར་དག་པ་གང་ཡིན་པ་དང་། གཟུགས་རྣམ་པར་དག་པ་གང་ཡིན་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་གང་ཡིན་པ་དེ་ནི་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ།། རབ་འབྱོར་གཞན་ཡང་སེམས་ཅན་དང་། སྲོག་དང་། སྐྱེ་བ་པོ་དང་། ཤེས་པ་པོ་དང་། མཐོང་བ་པོའི་བར་དུ་རྣམ་པར་དག་པས། གཟུགས་རྣམ་པར་དག་པའོ།། དེ་བཞིན་དུ་ཚོར་བ་དང་། འདུ་ཤེས་དང་འདུ་བྱེད་རྣམས་དང་། རྣམ་པར་ཤེས་པ་རྣམ་པར་དག་པའོ།། དེ་བཞིན་དུ་སྦྱར་ཏེ། ཤེས་པ་པོ་དང་མཐོང་བ་པོའི་བར་དུ་རྣམ་པར་དག་པས། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་སྟེ། དེ་ལྟར་ན་ཤེས་པ་པོ་དང་མཐོང་བ་པོ་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ།། རབ་འབྱོར་གཞན་ཡང་འདོད་ཆགས་དང་། ཞེ་སྡང་དང་། གཏི་མུག་རྣམ་པར་དག་པས། གཟུགས་རྣམ་པར་དག་པ། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་དག་པའོ།། དེ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་སྟེ། དེ་ལྟར་ན་འདོད་ཆགས་དང་། ཞེ་སྡང་དང་། གཏི་མུག་རྣམ་པར་དག་པ་དང་། གཟུགས་རྣམ་པར་དག་པ་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་དག་པ་དང་། རྣམ་པ་ཐམས་ཅ་མཁྱེན་པ་ཉིད་རྣམ་པར་དག་པ་དེ་ནི་གཉིས་སུ་མེད་དེ་གཉིས་སུ་དབྱེར་མེད་ཅིང་བ་མི་དད་དེ་གཅང་དུ་མེད་དོ། ། རབ་འབྱོར་གཞན་ཡང་མ་རིག་པ་རྣམ་པར་དག་པས། འདུ་བྱེད་རྣམ་པར་དག་པའོ། ། འདུ་བྱེད་རྣམ་པར་དག་པས། རྣམ་པར་ཤེས་པ་རྣམ་པར་དག་པའོ།། རྣམ་པར་ཤེས་པ་རྣམ་པར་དག་པས། མིང་དང་གཟུགས་རྣམ་པར་དག་པའོ།། མིང་དང་གཟུགས་རྣམ་པར་དག་པས། སྐྱེ་མཆེད་དྲུག་རྣམ་པར་དག་པའོ།། སྐྱེ་མཆེད་དྲུག་རྣམ་པར་དག་པས། རེག་པ་རྣམ་པར་དག་པའོ།། རེག་པ་རྣམ་པར་དག་པས། ཚོར་བ་རྣམ་པར་དག་པའོ།། ཚོར་བ་རྣམ་པར་དག་པས། སྲེད་པ་རྣམ་པར་དག་པའོ།། སྲེད་པ་རྣམ་པར་དག་པས། ལེན་པ་རྣམ་པར་དག་པའོ།། ལེན་པ་རྣམ་པར་དག་པས། སྲིད་པ་རྣམ་པར་དག་པའོ།། སྲིད་པ་རྣམ་པར་དག་པས་སྐྱེ་བ་རྣམ་པར་དག་པའོ། ། སྐྱེ་བ་རྣམ་པར་དག་པས། རྦ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམ་པར་དག་པའོ། ། རྒ་ཤི་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམ་པར་དག་པས། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ། ། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པས། བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་པའོ།། བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་པས། བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ།། བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པས། བཟོད་པའི་ཕ་རོལ་ཏུ་ཕྱིན་པ་རྣམ་པར་དག་པའོ།། བཟོད་པའི་ཕ་རོལ་ཏུ་ཕྱིན་པ་རྣམ་པར་དག་པས། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་དག་པའོ།། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་དག་པས། སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པའོ།། སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པས། ནང་སྟོང་པ་ཉིད་རྣམ་པར་དག་པ་ནས། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་རྣམ་པར་དག་པའོ།། དངོས་པོ་མེད་པའི་ངོ་བོ་ཉིད་སྟོང་པ་ཉིད་རྣམ་པར་དག་པས། དྲན་པ་ཉེ་བར་གཞག་པ་རྣམ་པར་དག་པའོ།། ངན་པ་ཉེ་བར་གཞག་པ་རྣམ་པར་དག་པས།། ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། ། ཐམས་ཅད་མཁྱེན་པ་ཉིད་རྣམ་པར་དག་པས། ལམ་གྱི་རྣམ་པ་ཤེས་པ་ཉིད་རྣམ་པར་དག་པའོ།། ལམ་གྱི་རྣམ་པ་ཤེས་པ་ཉིད་རྣམ་པར་དག་པས། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་སྟེ། དེ་ལྟར་ན་ཐམས་ཅད་ཤེས་པ་ཉིད་རྣམ་པར་དག་པ་དང་། ལམ་གྱི་རྣམ་པ་ཤེས་པ་ཉིད་རྣམ་པར་དག་པ་དང་རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་དེ་ནི་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ། ། རབ་འབྱོར་གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པས། གཟུགས་རྣམ་པར་དག་པའོ།། དེ་བཞིན་དུ་སྦྱར་ཏེ། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པས། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་སྟེ། དེ་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དང་དེ་གཅད་དུ་མེད་དོ། ། དེ་ལྟར་གོང་མ་བཞིན་དུ་སྦྱར་ཏེ། བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། ། དེ་བཞིན་དུ་བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྣམ་པར་དག་པས། གཟུགས་རྣམ་པར་དག་པ་དང་།། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། ། དེ་བཞིན་དུ་བཟོད་པའི་ཕ་རོལ་ཏུ་ཕྱིན་པ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ།། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ།། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ།། རབ་འབྱོར་གཞན་ཡང་ནང་སྟོང་པ་ཉིད་རྣམ་པར་དག་པས། གཟུགས། རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ།། དེ་ལྟར་གོང་མ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ།། དེ་བཞིན་དུ་དྲན་པ་ཉེ་བར་གཞག་པ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། ། དེ་བཞིན་དུ་སྦྱར་ཏེ། ལམ་གྱི་བར་དུ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པའོ། ། དེ་ལྟར་གོང་མ་བཞིན་དུ་སྦྱར་ཏེ། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་དག་པས། གཟུགས་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རྣམ་པར་དག་པ་སྟེ། དེ་ལྟར་ན་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་རྣམ་པར་དག་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་དང་། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་འདི་ནི་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ། ། ཚིག་རེ་རེའང་དེ་བཞིན་དུ་སྦྱར་བར་བྱ་སྟེ། རྒྱ་ཆེར་ཚིག་རེ་རེས་ཀྱང་དེ་བཞིན་དུ་སྦྱར་བར་བྱ་ཞིང་རྗེས་སུ་འཇུག་པར་བྱའོ། ། རབ་འབྱོར་གཞན་ཡང་འདུས་བྱས་རྣམ་པར་དག་པས། འདུས་མ་བྱས་རྣམ་པར་དག་པའོ།། འདུས་མ་བྱས་རྣམ་པར་དག་པས།། འདུས་བྱས་རྣམ་པར་དག་པ་སྟེ། དེ་ལྟར་ན་འདུས་བྱས་རྣམ་པར་དག་པ་དང་། འདུས་མ་བྱས་རྣམ་པར་དག་པ་འདི་ལ་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ།། རབ་འབྱོར་གཞན་ཡང་འདས་པ་རྣམ་པར་དག་པས། མ་འོངས་པ་དང་། ད་ལྟར་བྱུང་བ་རྣམ་པར་དག་པའོ།། མ་འོངས་པ་རྣམ་པར་དག་པས། འདས་པ་དང་ལྟར་བྱུང་བ་རྣམ་པར་དག་པའོ།། ད་ལྟར་བྱུང་བ་རྣམ་པར་དག་པས། འདས་པ་དང་མ་འོངས་པ་རྣམ་པར་དག་པ་སྟེ། དེ་ལྟར་ན་འདས་པ་རྣམ་པར་དག་པ་དང་། མ་འོངས་པ་རྣམ་པར་དག་པ་དང་། ད་ལྟར་བྱུང་བ་རྣམ་པར་དག་པ་འདི་ལ་གཉིས་སུ་མེད་དེ་གཉིས་སུ་དབྱེར་མེད་ཅིང་ཐ་མི་དད་དེ་གཅད་དུ་མེད་དོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་ར་དྭ་ཏིའི་བུས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཆོས་རྣམ་པར་དག་པ་འདི་ནི་ཟབ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཆོས་རྣམ་པར་དག་པ་འདི་ནི་ཤིན་ཏུ་རྣམ་པར་དག་པའི་ཕྱིར་རོ།། གསོལ་པ། གང་ཤིན་ཏུ་རྣམ་པར་དག་པའི་སླད་དུ་ལགས། བཀའ་སྩལ་པ། གཟུགས་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་རྣམ་པར་ཤེས་པ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ།། དེ་བཞིན་དུ་སྦྱིན་པའི་ཕ་རོལ་ཏུ་ཕྱིན་པ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ། ། དེ་བཞིན་དུ་ཤེས་རབ་ཀྱི་ཕ་རོལ་ཏུ་ཕྱིན་པའི་བར་དུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ།། དེ་བཞིན་དུ་དྲན་པ་ཉེ་བར་གཞག་པ་རྣམས་ཤིན་ཏུ་རྣམ་པར་དག་པའི་ཕྱིར་དང་། འཕགས་པའི་ལམ་ཡན་ལག་བརྒྱད་པའི་བར་དུ་ཤིན་ཏུ་རྣམ་པར་དག་པའི་ཕྱིར་དང་། དེ་བཞིན་གཤེགས་པའི་སྟོབས་བཅུ་དང་། མི་འཇིགས་པ་བཞི་དང་། སོ་སོ་། ཡང་དག་པར་རིག་པ་བཞི་དང་། བྱམས་པ་ཆེན་པོ་དང་། སྙིང་རྗེ་ཆེན་པོ་དང་། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་ཟབ་བོ། ། དེ་བཞིན་དུ་བྱང་ཆུབ་རྣམ་པར་དག་པའི་ཕྱིར་དང་། རྣམ་པ་ཐམས་ཅད་མཁྱེན་པ་ཉིད་དང་། ཡང་དག་པར་རྫོགས་པའི་སངས་རྒྱས་ཤིན་ཏུ་རྣམ་པར་དག་པའི་ཕྱིར་ཆོས་རྣམ་པར་དག་པ་འདི་ཟབ་བོ། ། གསོལ་པ། བཙུན་པ་བཅོམ་ལྡན་འདས་རྣམ་པར་དག་པ་ནི་སྣང་བ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་སྣང་བ་ཡིན་ནོ།། གསོལ་པ། བཅོམ་ལྡན་འདས་གང་ཤིན་ཏུ་རྣམ་པར་དག་པའི་སླད་དུ། ཆོས་རྣམ་པར་དག་པ་འདི་སྣང་བ་ལགས། བཅོམ་ལྡན་འདས་ཀྱིས་བཀའ་སྩལ་བ། ཤཱ་ར་དྭ་ཏཱིའི་བུ་ཤེས་རབ་ཀྱི་ཕ་རོལ་ཏུ་ཕྱིན་པ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་སྣད་བ་ཡིན་ནོ། ། ཤཱ་ར་དྭ་ཏིའི་བུ་སྨིན་པའི་ཕ་རོལ་ཏུ་ཕྱིན་པའི་བར་དུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་སྣང་བ་ཡིན་ནོ།། དེ་བཞིན་དུ་གྱུར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་འདི་སྣང་བ་ཡིན་ནོ།། གསོལ་པ། བཙུན་པ་བཅོམ་ལྡན་འདས་ཆོས་རྣམ་པར་དག་པ་འདོན་ཉིང་མཚམས་སྦྱོར་བ་མ་མཆིས་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་ནི་ཉིང་མཚམས་སྦྱོར་བ་མེད་པ་ཡིན་ནོ།། གསོལ་པ། གང་ཤིན་ཏུ་རྣམ་པར་དག་པའི་སླད་དུ། ཆོས་རྣམ་པར་དག་པ་ཉིང་མཚམས་སྦྱོར་བ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་གཟུགས་འཕོ་བ་མེད་པ་དང་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་ནི་ཉིང་མཚམས་སྦྱོར་བ་མེད་པ་ཡིན་ནོ།། དེ་ལྟར་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་འཕོ་བ་མེད་པ་དང་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་ནི་ཉིང་མཚམས་སྦྱོར་བ་མེད་པ་ཡིན་ནོ།། གསོལ་པ། བཙུན་པ་བཅོམ་ལྡན་འདས་ཆོས་རྣམ་པར་དག་པ་ནི་ཀུན་ནས་ཉོན་མོངས་པ་ཅན་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་ནི་ཀུན་ནས་ཉོན་མོངས་པ་ཅན་མ་ཡིན་ནོ།། གསོལ་པ། གང་ཤིན་ཏུ་རྣམ་པར་དག་པའི་སླད་དུ། ཆོས་རྣམ་པར་དག་པ་ཀུན་ནས་ཉོན་མོངས་པ་ཅན་མ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་གཟུགས་རང་བཞིན་གྱིས་འོད་གསལ། བའི་ཕྱིར། ཆོས་རྣམ་པར་དག་པ་ཀུན་ནས་ཉོན་མོངས་པ་ཅན་མ་ཡིན་ནོ།། དེ་བཞིན་དུ་རྣམ་པ་ཐམས་ཅད་མཁྱེན་པ་ཉིད་ཀྱི་བར་དུ་རང་བཞིན་གྱིས་འོད་གསལ་བའི་ཕྱིར། ཆོས་རྣམ་པར་དག་པ་ཀུན་ནས་ཉོན་མོངས་པ་ཅན་མ་ཡིན་ནོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་ནི་གཟུགས་ཀྱི་ཁམས་སུ་མི་སྐྱེའོ།། གསོལ་པ། བཙུན་པ་བཅོམ་ལྡན་འདས་ཇི་ལྟར་ཆོས་རྣམ་པར་དག་པ་གཟུགས་ཀྱི་ཁམས་སུ་མི་སྐྱེ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་གཟུགས་ཀྱི་ངོ་ཉིད་དམིགས་སུ་མེད་པའི་ཕྱིར། ཆོས་རྣམ་པར་དག་པ་གཟུགས་ཀྱི་ཁམས་སུ་མི་སྐྱེའོ།། གཟུགས་མེད་པའི་ཁམས་ལའང་དེ་བཞིན་དུ་སྦྱར་བར་བྱའོ།། །། ཤེས་རབ་ཀྱི་ཕ་རོལ་ཏུ་ཕྱིན་པ་ཁྲི་བབམ་པོ་བཅོ་བརྒྱད་པ། གསོལ་པ། བཙུན་པ་བཅོམ་ལྡན་འདས་ཆེས་རྣམ་པར་དག་པ་ནི་འཚལ་བ་མ་མཆིས་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་ནི་ཤེས་པ་མེད་པ་ཡིན་ནོ།། གསོལ་པ། བཙུན་པ་བཅོམ་ལྡན་འདས་ཇི་ལྟར་ན་ཆོས་རྣམ་པར་དག་པ་ནི་འཚལ་བ་མ་མཆིས་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཆོས་བེམས་པོ་ཉིད་ཀྱི་ཕྱིར། ཆོས་རྣམ་པར་དག་པ་ནི་ཤེས་པ་མེད་པ་ཡིན་ནོ། ། ཅི་ཞིག་འཚལ་བ་མ་མཆིས་པ་ལགས་སོ།། གཟུགས་རང་གི་མཚན་ཉིད་ཀྱིས་སྟོང་པ་ཉིད་ཀྱི་ཕྱིར་ཤེས་པ་མེད་པ་ཡིན་ནོ།། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རང་གི་མཚན་ཉིད་ཀྱིས་སྟོང་པ་ཉིད་ཀྱི་ཕྱིར་ཤེས་པ་མེད་པ་ཡིན་ནོ།། གསོལ་པ། བཙུན་པ་བཅོམ་ལྡན་འདས་ཆོས་ཐམས་ཅད་རྣམ་པར་དག་པའི་སླད་དུ་ཆོས་རྣམ་པར་དག་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཆོས་ཐམས་ཅད་ནི་ཤིན་ཏུ་རྣམ་པར་དག་པའི་ཕྱིར། ཆོས་རྣམ་པར་དག་པ་ཡིན་ནོ།། གསོལ་པ་བཙུན་པ་བཅོམ་ལྡན་འདས་ཇི་ལྟར་ན་ཆོས་ཐམས་ཅད་རྣམ་པར་དག་པའི་སླད་དུ། ཆོས་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུའི་ཆོས་ཐམས་ཅད་དམིགས་སུ་མེད་པའི་ཕྱིར་རོ། ། གསོལ་པ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་རྣམ་པ་ཐམས་ཅད་མཁྱེན་པ་ཉིད་ལ་སྨན་པར་བགྱིད་པའང་མ་ལགས། གནོད་པར་བགྱིད་པའང་མ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཤིན་ཏུ་རྣམ་པར་དག་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་ནི་རྣམ་པ་ཐམས་ཅད་མཁྱེན་པ་ཉིད་ལ་ཕན་པར་བྱེད་པའངམ་ཡིན་ནོ། ། གནོད་པར་བྱེད་པའང་མ་ཡིན་ནོ།། གསོལ་པ། བཙུན་པ་བཅོམ་ལྡན་འདས་ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པ་ཐམས་ཅད་མཁྱེན་པ་ཉིད་ལ་སྨན་པར་ཡང་མི་བགྱིད། གནོད་པར་ཡང་མི་བགྱིད་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་གནས་པ་ཉིད་ཀྱི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ནི་ཆོས་ཅིའང་ཡོངས་སུ་མི་འཛིན་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་ར་དྭ་ཏིའི་བུ་ཆོས་ཐམས་ཅད་ཤིན་ཏུ་རྣམ་པར་དག་པའི་ཕྱིར། ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ནི་ཆོས་ཅིའང་ཡོངས་སུ་མི་འཛིན་པ་ཡིན་ནོ། ། གསོལ་པ། བཙུན་པ་བཅོམ་ལྡན་འདས་ཇི་ལྟར་ན་ཤེས་རབ་ཀྱི་ཕ་རོལ་ཏུ་ཕྱིན་པ་རྣམ་པར་དག་པ་ནི་ཆོས་ཅིའང་ཡོངས་སུ་མི་འཛིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ཆོས་ཀྱི་དབྱིངས་དམིགས་སུ་མེད་པའི་ཕྱིར་རོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་བདག་རྣམ་པར་དག་པས། གཟུགས་རྣམ་པར་དག་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བདག་ཤིན་ཏུ་རྣམ་པར་དག་པའི་ཕྱིར་རོ།། བཅོམ་ལྡན་འདས་ཅིའི་སླད་དུ་བདགནས་པར་དག་པས། གཟུགས་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ།། བདག་མེད་པའི་ཕྱིར་རོ།། བཙུན་པ་བཅོམ་ལྡན་འདས་བདག་རྣམ་པར་དག་པས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་དག་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བདག་ཤིན་ཏུ་རྣམ་པར་དག་པའི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་ཅིའི་སླད་དུ་བདུག་རྣམ་པར་དག་པས། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་རྣམ་པར་དག་པ་ལགས།། བཅོམ་ལྡན་འདས་ཀྱིས་བཀའ་སྩལ་པ། བདག་མེད་པའི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་བདག་རྣམ་པར་དག་པས། སྦྱིན་པའི་ཕ་རོལ་ཏུ་ཕྱིན་པ་རྣམ་པར་དག་པ་ལགས་སོ།། དེ་བཞིན་དུ་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་དང་། བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་རྣམ་པར་དག་ཅིང་། ཤེས་རབ་ཏུ་ཕ་རོལ་ཏུ་ཕྱིན་པ་རྣམ་པར་དག་པ་ལགས་སོ། ། བཙུན་པ་བཅོམ་ལྡན་འདས་བདག་རྣམ་པར་དག་པས། དྲན་པ་ཉེ་བར་གཞག་པ་དང་། ཡང་དག་པར་སྤོང་བ་དང་། རྫུ་འཕྲུལ་གྱི་རྐང་པ་དང་། དབང་པོ་དང་། སྟོབས་དང་། བྱང་ཆུབ་ཀྱི་ཡན་ལགས་དང་། འཕགས་པའི་ལམ་རྣམ་པར་དག་པ་ལགས་སོ།། བཙུན་པ་བཅོམ་ལྡན་འདས་བདག་རྣམ་པར་དག་པས། དེ་བཞིན་གཤེགས་པའི་སྟོབས་བཅུ་རྣམ་པར་དག་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་དག་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བདག་ཤིན་ཏུ་རྣམ་པར་དག་པའི་ཕྱིར་རོ། ། གསོལ་པ། བཙུན་པ་བཅོམ་ལྡན་འདས་ཅིའི་སླད་དུ་བདག་རྣམ་པར་དག་པས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། བདག་མེད་པའི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་བདག་རྣམ་པར་དག་པས། རྒྱུན་དུ་ཞུགས་པའི་འབྲས་བུ་རྣམ་པར་དག་པ་ལགས་སོ།། དེ་བཞིན་དུ་ལན་ཅིག་ཕྱིར་འོང་བའི་འབྲས་བུ་དང་། ཕྱིར་མི་འོང་བའི་འབྲས་བུ་དང་། དགྲ་བཅོམ་པ་ཉིད་ཀྱི་འབྲས་བུ་དང་། རང་བྱང་ཆུབ་དང་། ཡང་དག་པར་རྫོགས་པའི་བྱང་ཆུབ་རྣམ་པར་དག་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བདག་ཤིན་ཏུ་རྣམ་པར་དག་པའི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་ཅིའི་སླད་དུ་བདག་རྣམ་པར་དག་པས། ཡང་དག་པར་རྫོགས་པའི་བྱང་ཆུབ་ཀྱི་བར་དུ་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་རང་གི་མཚན་ཉིད་སྟོང་པ་ཉིད་ཀྱི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་བདག་རྣམ་པར་དག་པས། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བདག་ཤིན་ཏུ་རྣམ་པར་དག་པའི་ཕྱིར་རོ། ། གསོལ་པ། བཙུན་པ་བཅོམ་ལྡན་འདས་ཅིའི་སླད་དུ་བདག་རྣམ་པར་དག་པས། རྣམ་པ་ཐམས་ཅད་མཁྱེན་པ་ཉིད་རྣམ་པར་དག་པ་ལགས། བཅོམ་ལྡན་འདས་ཀྱིས་བཀའ་སྩལ་པ། བདག་མེད་པའི་ཕྱིར་དང་། མཚན་ཉིད་མེད་པའི་ཕྱིར་དང་། ཤེས་པ་པོ་མེད་པའི་ཕྱིར་རོ།། བཅོམ་ལྡན་འདས་གཉིས་རྣམ་པར་དག་པས་ཐོབ་པ་མ་མཆིས་ཤིང་། མངོན་པར་རྟོགས་པ་མ་མཆིས་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཤིན་ཏུ་རྣམ་པར་དག་པའི་ཕྱིར། ཐོབ་བ་དང་མངོན་པར་རྟོགས་པ་མེད་དོ། ། གསོལ་པ། བཙུན་པ་བཅོམ་ལྡན་འདས་ཅིའི་སླད་དུ་གཉིས་རྣམ་པར་དག་པས་ཐོབ་པ་མ་མཆིས་ཤིང་། མངོན་པར་རྟོགས་པ་མ་མཆིས་པ་ལགས་བཅོམ་ལྡན་འདས་ཀྱིས་བཀའ་སྩལ་པ། ཕྱིན་ཅི་ལོག་ལས་བྱུང་བའི་ཕྱིར་རོ།། གསོལ་བ། བཙུན་པ་བཅོམ་ལྡན་འདས་བདག་མུ་མ་མཆིས་པའི་སླད་དུ། གཟུགས་དང་། ཚོར་བ་དང་འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མུ་མ་མཆིས་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་བདག་ཤིན་ཏུ་རྣམ་པར་དག་པའི་ཕྱིར་རོ། གསོལ་པ། བཙུན་པ་བཅོམ་ལྡན་འདས་ཅིའི་སླད་དུ་བདག་མུ་མ་མཆིས་པའི་སླད་དུ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་མུ་མ་མཆིས་པ་ལགས། བཅོམ་ལྡན་འདས་ཀྱིས་བཀའ་སྩལ་པ། མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་ཀྱི་ཕྱིར་བདག་མེད་པའི་ཕྱིར་རོ། ། གསོལ་པ། དེ་ལྟར་རྟོགས་པ་གང་ལགས་པ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཆོས་ཐམས་ཅད་ཤིན་ཏུ་རྣམ་པར་དག་པའི་ཕྱིར་རོ།། གསོལ་པ། བཙུན་པ་བཅོམ་ལྡན་འདས་ཅིའི་སླད་དུ་དེ་ལྟར་རྟོགས་པ་གང་ལགས་པ་དེ། བྱང་ཆུབ་སེམས་དཔའ་སེམས་དཔའ་ཆེན་པོའི་ཤེས་རབ་ཀྱི་ཕ་རོལ་ཏུ་ཕྱིན་པ་ལགས། བཅོམ་ལྡན་འདས་ཀྱིས་བཀའ་སྩལ་པ། ལམ་གྱི་རྣམ་པ་ཤེས་པ་ཉིད་ཀྱི་ཕྱིར་རོ།། གསོལ་པ། བཙུན་པ་ཨ་བཅོམ་ལྡན་འདས་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པ་འདི་སྙམ་དུ་གཟུགས་ཀྱིས་གཟུགས་མི་ཤེས་སོ། ། ཚོར་བ་དང་། འདུ་ཤེས་དང་། འདུ་བྱེད་རྣམས་ཀྱང་དེ་བཞིན་ཏེ། རྣམ་པར་ཤེས་པས་རྣམ་པར་ཤེས་པ་མི་ཤེས་སོ།། འདས་པའི་ཆོས་རྣམས་ཀྱིས་འདས་པའི་ཆོས་རྣམས་མི་ཤེས་སོ། ། མ་འོངས་པའི་ཆོས་རྣམས་ཀྱིས་མ་འོངས་པའི་ཆོས་རྣམས་མི་ཤེས་སོ།། ད་ལྟར་བྱུང་བའི་ཆོས་རྣམས་ཀྱིས་ད་ལྟར་བྱང་བའི་ཆོས་རྣམས་མི་ཤེས་སོ།། སྦྱིན་པའི་ཕ་རོལ་ཏུ་བྱིན་པས་སྦྱིན་པའི་ཕ་རོལ་ཏུ་ཕྱིན་པ་མི་ཤེས་སོ། ། ཤེས་རབ་ཀྱི་ཕ་རོལ་ཏུ་ཕྱིན་པའི་བར་གྱིས་ཤེས་རབ་ཀྱི་ཕ་རོལ་ཏུ་ཕྱིན་པ་མི་ཤེས་སོ།། དེ་བཞིན་དུ་སྦྱར།། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱིས་རྣམ་པ་ཐམས་ཅད་མཁྱེན་པ་ཉིད་མི་ཤེས་སོ་སྙམ་དུ་སེམས་ན། བྱང་ཆུབ་སེམས་དཔའ་དེ་ནི་ཡང་དག་པ་ཉིད་དུ་ངེས་པའི་ཕུང་པོ་འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་གནས་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་དེ་དེ་བཞིན་ཏེ། ཇི་སྐད་སྨྲས་པ་དེ་བཞིན་ནོ།། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་ཅི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པ་ལ་གཉིས་ཀྱི་འདུ་ཤེས་འབྱུང་ངམ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ཚེ་དང་ལྡན་པ་ཤཱ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཐབས་ལ་མཁས་པ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ནི་ནང་སྟོང་པ་ཉིད་ཀྱི་ཕྱིར་དང་། ཕྱི་སྟོང་པ་ཉིད་ཀྱི་ཕྱིར་དང་། ཕྱི་ནང་སྟོང་པ་ཉིད་ཀྱི་ཕྱིར་དང་། དེ་བཞིན་དུ་སྟོང་པ་ཉིད་སྟོང་པ་ཉིད་དང་། ཆེན་པོ་སྟོང་པ་ཉིད་དང་། དོན་དམ་པ་སྟོང་པ་ཉིད་དང་། འདུས་བྱས་སྟོང་པ་ཉིད་དང་། འདུས་མ་བྱས་སྟོང་པ་ཉིད་དང་།། མཐའ་ལས་འདས་པ་སྟོང་པ་ཉིད་དང་། ཐོག་མ་དང་ཐ་མ་མེད་པ་སྟོང་པ་ཉིད་དང་། དོར་བ་མེད་པ་སྟོང་པ་ཉིད་དང་། རང་བཞིན་སྟོང་པ་ཉིད་དང་། ཆོས་ཐམས་ཅད་སྟོང་པ་ཉིད་དང་། རང་གི་མཚན་ཉིད་སྟོང་པ་ཉིད་ཀྱི་ཕྱིར་འདི་སྙམ་དུ་བདག་གིས་སྦྱིན་པ་སྦྱིན་པར་བྱའོ། ། འདི་ལ་སྦྱིན་པ་སྦྱིན་པར་བྱའོ།། སྦྱིན་པ་འདི་འདྲ་བ་ཞིག་སྦྱིན་པར་བྱའོ།། བདག་གིས་ཚུལ་ཁྲིམས་བསྲུང་བར་བྱའོ།། ཚུལ་ཁྲིམས་འདི་ལྟར་བསྲུང་བར་བྱའོ། ། བདག་གིས་བཟོད་པ་བསྒོམ་པར་བྱའོ།། བཟོད་པ་འདི་ལྟར་བསྒོམ་པར་བྱའོ།། བདག་གིས་བརྩོན་འགྲུས་བརྩམ་པར་བྱའོ།། བརྩོན་འགྲུས་འདི་ལྟར་བརྩམ་པར་བྱའོ།། བདག་གིས་བསམ་གཏན་ལ་སྙོམས་པར་འཇུགས་པར་བྱའོ།། བསམ་གཏན་ལ་འདི་ལྟར་སྙོམས་པར་འཇུག་པར་བྱའོ།། བདག་གིས་ཤེས་རབ་བསྒོམ་པར་བྱའོ།། ཤེས་རབ་འདི་ལྟར་བསྒོམ་པར་བྱའོ། ། བདག་གིས་བསོད་ནམས་བསྐྱེད་པར་བྱའོ།། བསོད་ནམས་འདི་ལྟར་བསྐྱེད་པར་བྱའོ།། བདག་གིས་བྱང་ཆུབ་སེམས་དཔའི་སྐྱོན་མེད་པ་ལ་འཇུག་པར་བྱའོ།། བྱང་ཆུབ་སེམས་དཔའི་སྐྱོན་མེད་པ་ལ་འདི་ལྟར་འཇུག་པར་བྱའོ། ། བདག་གིས་སངས་རྒྱས་ཀྱི་ཞིང་ཡོངས་སུ་དག་པར་བྱའོ།། སངས་རྒྱས་ཀྱི་ཞིང་འདི་ལྟར་ཡོངས་སུ་དག་པར་བྱའོ།། བདག་གིས་སེམས་ཅན་རྣམས་ཡོངས་སུ་སྨིན་པར་བྱའོ། ། སེམས་ཅན་རྣམས་འདི་ལྟར་ཡོངས་སུ་སྨིན་པར་བྱའོ།། བདག་གིས་རྣམ་པ་ཐམས་ཅད་མཁྱེན་པ་ཉིད་རྗེས་སུ་ཐོབ་པར་བྱའོ།། རྣམ་པ་ཐམས་ཅད་མཁྱེན་པ་ཉིད་འདི་ལྟར་རྗེས་སུ་ཐོབ་པར་བྱའོ་སྙམ་པའི་རྣམ་པར་རྟོག་པ་དེ་དག་ཐམས་ཅད་ནི། ། ཚེ་དང་ལྡན་པ་ཤཱ་ར་དྭ་ཏིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་མཁས་པ་ལ་མེད་དེ། ཚེ་དང་ལྡན་པ་ཤཱ་ར་དྭ་ཏིའི་བུ་དེ་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པ་ཐབས་ལ་མཁས་པའི་ཆགས་པ་མེད་པ་ཡིན་ནོ།། དེ་ནས་ལྷའི་དབང་པོ་བརྒྱ་བྱིན་གྱིས། ཚེ་དང་ལྡན་པ་རབ་འབྱོར་ལ་འདི་སྐད་ཅེས་སྨྲས་སོ།། ཚེ་དང་ལྡན་པ་རབ་འབྱོར་རྣམ་གྲངས་གང་གིས་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་འམ། རིགས་ཀྱི་བུ་མོ་དེ་དག་གི་ཆགས་པ་གང་དག་ཡིན་པར་རིག་པར་བྱ། དེ་སྐད་ཅེས་སྨྲས་པ་དང་། ཚེ་དང་ལྡན་པ་རབ་འབྱོར་གྱིས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ།། ཀོའུ་ཤི་ཀ་འདི་ལ་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་འམ། རིགས་ཀྱི་བུ་མོ་ནི་རང་གི་སེམས་སུ་ཀུན་ཏུ་ཤེས་སོ།། སྦྱིན་པ་ཀུན་ཏུ་ཤེས་སོ།། སྦྱིན་པའི་ཕ་རོལ་ཏུ་ཕྱིན་པར་ཀུན་ཏུ་ཤེས་སོ།། ཚུལ་ཁྲིམས་སུ་ཀུན་ཏུ་ཤེས་ཚུལ་ཁྲིམས་ཀྱི་ཕ་རོལ་ཏུ་ཕྱིན་པར་ཀུན་ཏུ་ཤེས། བཟོད་པར་ཀུན་ཏུ་ཤེས། བཟོད་པའི་ཕ་རོལ་ཏུ་ཕྱིན་པར་ཀུན་ཏུ་ཤེས། བརྩོན་འགྲུས་སུ་ཀུན་ཏུ་ཤེས། བརྩོན་འགྲུས་ཀྱི་ཕ་རོལ་ཏུ་ཕྱིན་པར་ཀུན་ཏུ་ཤེས། བསམ་གཏན་ཏུ་ཀུན་ཏུ་ཤེས། བསམ་གཏན་གྱི་ཕ་རོལ་ཏུ་ཕྱིན་པར་ཀུན་ཏུ་ཤེས། ཤེས་རབ་ཏུ་ཀུན་ཏུ་ཤེས། ཤེས་རབ་ཀྱི་ཕ་རོལ་ཏུ་ཕྱིན་པར་ཀུན་ཏུ་ཤེས་དེ་བཞིན་དུ་ནང་སྟོང་པ་ཉིད་དུ་ཀུན་ཏུ་ཤེས། ཕྱི་སྟོང་པ་ཉིད་དང་། ཕྱི་ནང་སྟོང་པ་ཉིད་དུ་ཀུན་ཏུ་ཤེས་པ་དང་། དེ་བཞིན་དུ་སྦྱར་ཏེ། དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་དུ་ཀུན་ཏུ་ཤེས་པ་དང་། དྲན་པ་ཉེ་བར་གཞག་པའི་ཞར་ཀུན་ཏུ་ཤེས་པ་ནས། འཕགས་པའི་ལམ་ཡན་ལག་བརྒྱད་པའི་བར་དུ་ཀུན་ཏུ་ཤེས་པ་དང་། དེ་བཞིན་གཤེགས་པའི་སྟོབས་བཅུར་ཀུན་ཏུ་ཤེས་པ་ནས། སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་དུ་ཀུན་ཏུ་ཤེས། སངས་རྒྱས་སུ་ཀུན་ཏུ་ཤེས། སངས་རྒྱས་ལ་བསྐྱེད་པའི་དགེ་བའི་རྩ་བ་རྣམས་སུ་ཀུན་ཏུ་ཤེས་ཤིང་ཆོས་དེ་དག་ཐམས་ཅད་ཀྱང་བརྟུལ་ཞིང་བསྡུས་ཏེ། སེམས་ཅན་ཐམས་ཅད་དང་ཐུན་མོང་དུ་བྱས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་ལ། དེའང་ཡོངས་སུ་སྔོ་བར་ཀུན་ཏུ་ཤེས་པ་སྟེ། ཀོའུ་ཤི་ཀ་དེ་དག་ནི་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་འམ། རིགས་ཀྱི་བུ་མོ་དེ་དག་གི་ཆགས་པ་ཡིན་པར་རིག་པར་བྱ་སྟེ། ཆགས་པ་དེ་དག་དང་ཀུན་ཏུ་འབྲེལ་ན་ཆགས་པ་མེད་པའི་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱད་པར་མི་ནུས་སོ། ། དེ་ཅིའི་ཕྱིར་ཞེ་ན། ཀོའུ་ཤི་ཀ་གཟུགས་ཀྱི་རང་བཞིན་ནི་ཡོངས་སུ་བསྔོ་བར་མི་ནུས་ལ།། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པའི་རང་བཞིན་ནི་ཡོངས་སུ་བསྔོ་བར་མི་ནུས་ཤིང་། དེ་བཞིན་དུ་གོང་མ་བཞིན་དུ་སྦྱར་ཏེ། རྣམ་པ་ཐམས་ཅད་མཁྱེན་པ་ཉིད་ཀྱི་བར་གྱི་རང་བཞིན་ནི་ཡོངས་སུ་བསྔོ་བར་མི་ནུས་པའི་ཕྱིར་རོ། ། ཀོའུ་ཤི་ཀ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དག་ཀུན་ཏུ་མགུ། བ་དང་། ཆོས་ཐམས་ཅད་མཉམ་པ་ཉིད་དུ་མཐོང་བ་དང་། རྣམ་པ་ཐམས་ཅད་དུ་འབྱུང་པོ་ཐམས་ཅད་ཀྱི་རྗེས་སུ་སོང་བའི་ཡིད་ཀྱིས། གཞན་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་དགའ་བར་བྱ། ཡང་དག་པར་འཛིན་དུ་གཞུག་པར་བྱ། ཡང་དག་པར་གཟེངས་བསྟོད་པར་བྱ། ཡང་དག་པར་བསྟན་པར་བྱའོ།། སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་ནབདག་ནི་སྦྱིན་པ་སྦྱིན་པར་བྱེད་པའོ། ། བདག་ནི་ཚུལ་ཁྲིམས་སྲུང་བའོ།། བདག་ནི་བཟོད་པ་སྒོམ་པའོ།། བདག་ནི་བརྩོན་འགྲུས་རྩོམ་པའོ།། བདག་ནི་བསམ་གཏན་ལ་སྙོམས་པར་འཇུག་པའོ། ། བདག་ནི་ཤེས་རབ་སྒོམ་པའོ།། བདག་ནི་ནང་སྟོང་པ་ཉིད་ལ་སྤྱོད་པའོ།། བདག་ནི་བྱི་སྟོང་པ་ཉིད་ལ་སྤྱོད་པའོ།། བདག་ནི་དངོས་པོ་མེད་པའི་ངོ་བོ་ཉིད་སྟོང་པ་ཉིད་ཀྱི་བར་ལ་སྤྱོད་པའོ། ། བདག་ནི་དྲན་པ་ཉེ་བར་གཞག་པ་རྣམས་སྒོམ་པའོ།། དེ་བཞིན་དུ་སྦྱར་ཏེ། བདག་ནི་སངས་རྒྱས་ཀྱི་ཆོས་མ་འདྲེས་པ་བཅོ་བརྒྱད་ཀྱི་བར་ལ་སྒོམ་པའོ།། བདག་ནི་རྫོགས་པའི་བྱང་ཆུབ་ཏུ་སྤྱོད་པའོ་སྙམ་དུ་མཚན་མ་ལས་རྣམ་པར་རྟོག་པ་དག་ཡིད་ལ་མི་བྱའོ། ། དེ་ལྟར་སྤྱོད་པའི་རིགས་ཀྱི་བུ་འམ། རིགས་ཀྱི་བུ་མོ་དེས་གཞན་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་ཡང་དག་པར་དགའ་བར་བྱ། ཡང་དག་པར་འཛིན་དུ་གཞུག་པར་བྱ། ཡང་དག་པར་གཟེངས་བསྟོད་པར་བྱ། ཡང་དག་པར་བསྟན་པར་བྱའོ།། དེ་ཡང་དག་པར་དགའ་བར་བྱ་བ་དང་། ཡང་དག་པར་འཛིན་དུ་གཞུག་པར་བྱ་བ་དང་། ཡང་དག་པར་གཟེངས་བསྟོད་པ་དང་། ཡང་དག་པར་བསྟན་པ་དེས་གཞན་དག་ལ་ཡང་དག་པར་དགའ་བར་བྱེད་ཅིང་། ཡང་དག་པར་འཛིན་དུ་གཞུག་པ་དང་། ཡང་དག་པར་གཟེངས་བསྟོད་པ་དང་། ཡང་དག་པར་སྟོན་པར་བྱེད་པ་ན། བདག་ཀྱང་ཉམས་པར་མི་འགྱུར་ཞིང་། སངས་རྒྱས་ཀྱིས་གནང་བ་དང་སངས་རྒྱས་ཀྱིས་བསྔགས་པ་ལ་ཡང་དག་པར་འཛིན་དུ་བཅུག་པར་འགྱུར་རོ། ། དེ་ལྟར་བྱེད་པའི་རིགས་ཀྱི་བུ་འམ། རིགས་ཀྱི་བུ་མོ་དེས་ནི་ཆགས་པའི་མཐའ་ཐམས་ཅད་ཡོངས་སུ་སྤངས་པར་འགྱུར་རོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པར་རབ་འབྱོར་པ་འདི་སྐད་ཅེས་བཀའ་སྩལ་ཏོ།། རབ་འབྱོར་ཁྱོད་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཆགས་པའི་མཐའ་ཡོངས་སུ་སྦྱོང་བ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱང་ཆགས་པའི་མཐའ་རྣམས་སྦྱོང་བར་བྱེད་པ་ནི་ལེགས་སོ་ལེགས་སོ།། རབ་འབྱོར་དེའི་ཕྱིར་ཆགས་པའི་མཐའ་ཆེས་ཕྲ་བ་གཞན་དག་ཀྱང་ལེགས་པར་རབ་ཏུ་ཉོན་ལ་ཡིན་ལ་ཟུང་ཞིག་དང་བཤད་པར་བྱའོ། ། བཙུན་པ་དེ་ལྟར་འཚལ་ལོ་ཞེས་གསོལ་ནས། ཚེ་དང་ལྡན་པ་ར་ཙུ་ཅོས་ལྡན་འས་ཀྱིས་ན་དང་། སྨོས་སུ་ས་ཀྱི་སྨྲ་འཕྲུལ་ཏོ།། ན་དུ་གས་ཐཱ2། རིགས་གིས་ས། མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་ལ་ལ་ཞིག། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མཚན་མར་ཡིད་ལ་བྱེད་ན། རབ་འབྱོར་ཇི་ཙམ་དུ་མཚན་མར་བྱེད་པ་དེ་ཙམ་དུ་ཆགས་པ་ཡིན་ནོ། ། རབ་འབྱོར་གཞན་ཡང་དེ་བཞིན་གཤེགས་པ་འདས་པ་དང་། མ་འོངས་པ་དང་། ད་ལྟར་བྱུང་བ་དེ་དག་གི་ཐུགས་དང་པོ་བསྐྱེད་པ་ནས་བཟུང་ཧཱུ~ཾ། ཇི་མེད་དུ་ངམ་པའི་ཆོས་གནས་པའི་བར་སྐབས་དེའི་དགེ་བའི་རྩ་བ་གང་ཡིན་པ་དེ་དག་ཐམས་ཅད་མཚན་མར་ཡིད་ལ་བྱེད་ཅིང་མཚན་མར་ཡོང་ལ་བྲས།། སེམས་ན་ཨ་ང་སུས་ས་ན་པ་ཐམས་པ་འ་མམ་རྗོད་ང་རབ་འབྱོར་དེ་བཞིན་དུ་དེ་བཞིན་གཤེགས་པ་དེ་དག་གི་ཉན་པོས་རྣམས་ཀྱི་དགེ་བའི་རྣ་པ་རྣམས་དདུ། དེ་ལས་གཞན་པའི་སེམས་ཅན་རྣམས་ཀྱི་དགེ་བའི་རྩ་བགང་དག་ཡོ་དག་ཐམ་བཅུ་མཚན་མོར་བྱས་ཏེ། ། སེམས་ཅན་ཐམས་པ་དང་དྲན་མོངས་བྱས་ནས་བླན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོབར་བྱེད་ན། ཇིམ་དུ་སེམས་ཅན་རྣམས་མཚན་མར་ཛ་ས་བྱེད་པ་ནི། དེ་དག་གི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བར་བྱེད་པ་མ་ཡིན་ཏེ། དེ་ཙམ་དུ་ཆགས་པ་ཡིན་ནོ།། དེ་ཅིའི་ཕྱིར་ཞེ་ན། རབ་འབྱོར་དེ་བཞིན་གཤེགས་པ་དང་། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་དང་བཅས་པ་དེ་དག་གི་དགེ་བའི་རྩ་བ་རྣམས་ཀྱང་མཚན་མར་ཡིད་ལ་བྱ་བ་མ་ཡིན་པའི་ཕྱིར་རོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ། ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་ཟབ་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་ཆོས་ཐམས་ཅད་རང་བཞིན་གྱིས་དབེན་པའི་ཕྱིར་རོ། ། གསོལ་པ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ཕྱག་འཚལ་ལོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལྟར་མ་བྱས་ཤིང་མངོན་པར་འདུས་མ་བྱས་པ་དེ་ནི་སུས་ཀྱང་མངོན་པར་རྫོགས་པར་འཚང་རྒྱ་བར་མི་ནུས་སོ། ། གསོལ་པ། བཙུན་པ་བཅོམ་ལྡན་འདས་ཆོས་ཐམས་ཅད་མངོན་པར་རྫོགས་པར་སངས་མ་རྒྱས་པ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལྟར་ཆོས་ཀྱི་རང་བཞིན་ལ་ནི་གཉིས་སུ་མེད་དེ། རབ་འབྱོར་ཆོས་ཀྱི་རང་བཞིན་ནི་གཅིག་ཁོ་ནར་ཟད་དོ།། རབ་འབྱོར་ཆོས་ཀྱི་རང་བཞིན་གཅིག་པུ་གང་ཡིན་པ་དེ་ནི་རང་བཞིན་མེད་པ་ཡིན་ནོ། ། རབ་འབྱོར་རང་བཞིན་གང་ཡིན་པ་དེ་ནི་ཡང་དག་པའི་རང་བཞིན་ཡིན་ནོ།། ཡང་དག་པའི་རང་བཞིན་གང་ཡིན་པ་དེ་ནི་མངོན་པར་འདུས་མ་མ་བྱས་པ་ཡིན་ཏེ། རབ་འབྱོར་དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་ཀྱི་རང་བཞིན་མེད་པ་མངོན་པར་འདུས་མ་བྱས་པར་ཤེས་ན། ཆགས་པའི་མཐའ་ཐམས་ཅད་རྣམ་པར་སྤངས་པ་ཡིན་ནོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་རབ་འབྱོར་གྱིས་འདི་སྐད་ཅེས་གསོལ་ཏོ།། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་རྟོགས་པར་དཀའ་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་སུས་ཀྱང་མ་མཐོང་།། མ་ཐོས། རྣམ་པར་མ་ཤེས་སོ།། གསོལ་པ། བཙུན་པ་བཅོམ་ལྡན་འདས་ཤེས་རབ་ཀྱི་ཕ་རོལ་ཏུ་ཕྱིན་པ་ནི་བསམ་གྱིས་མི་ཁྱབ་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རབ་འབྱོར་འདི་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ནི་སེམས་ཀྱིས་མ་བསྐྱེད། གཟུགས་ཀྱིས་མ་ཡིན། ཚོར་བས་མ་ཡིན། འདུ་ཤེས་ཀྱིས་མ་ཡིན། འདུ་བྱེད་རྣམས་ཀྱིས་མ་ཡིན། རྣམ་པར་ཤེས་པས་མ་བསྐྱེད་དོདེ་བཞིན་དུ་གོང་མ་བཞིན་དུ་སྦྱར་ཏེ། དྲན་པ་ཉེ་བར་གཞག་པ་རྣམས་ཀྱིས་མ་བསྐྱེད། འཕགས་པའི་ལམ་ཡན་ལག་བརྒྱད་པའི་བར་གྱིས་མ་བསྙད་དོ།། དེ་བཞིན་གཤེགས་པའི་སྟོབས་བཅུས་མ་བསྐྱེད།། དེ་བཞིན་དུ་སངས་རྒྱས་ཀྱི་ཆོག་མ་འདུས་པ་པ་ས་སུན་གྱི་དིག་ནས་མི་བརྒྱད་པ།
CLOSE WINDOW