| Wylie | e-texts produced with ocr Programm |
རྒྱ་གར་སྐད་དུ། ཨཱརྱ་ཨ་ཤོ་ཀ་དད་ཏ་བྱཱ་ཀ་ར་ཎ་ན་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་མྱ་ངན་མེད་ཀྱིས་བྱིན་པ་ལུང་བསྟན་པ་ཞེས་བྱ་བ་ཐེག་པ་ཆེན་པོའི་མདོ། ། བམ་པོ་གཅིག་གོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཀྱི་ཕུང་པོའི་རི་ལ། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་བརྒྱད་སྟོང་ཐམས་ཅད་ཀྱང་གཟུངས་ཐོབ་པ། སྤོབས་པ་ཐོགས་པ་མེད་པ། མངོན་པར་ཤེས་པ་བསྒྲུབས་པ་ལ་མཁས་པ། ཆོས་ཟབ་མོའི་ཚུལ་ལ་གནས་པ། སྟོང་པ་ཉིད་ལ་གནས་པ། མཚན་མ་མེད། པ་ལ་གནས་པ། སྨོན་པ་མེད་པ་ལ་གནས་པ། མི་དམིགས་པའི་ཆོས་ལ་གནས་པ། མི་གནས་པར་ཆོས་སྟོན་པ། མི་སྐྱེ་བའི་ཆོས་ལ་བཟོད་པ་ཐོབ་པ་དང་ལྡན་པ་ཤ་སྟག་ལ་འདི་ལྟ་སྟེ། བྱང་ཆུབ་སེམས་དཔའ་ལྷུན་པོ་དང་། བྱང་ཆུབ་སེམས་དཔའ་ལྷུན་པོ་ཆེན་པོ་དང་། བྱང་ཆུབ་སེམས་དཔའ་ཡེ་ཤེས་ལྷུན་པོ་དང་། བྱང་ཆུབ་སེམས་དཔའ་རིན་ཆེན་སེང་གེ་དང་། བྱང་ཆུབ་སེམས་དཔའ་སེང་གེ་བློ་གྲོས་དང་། བྱང་ཆུབ་སེམས་དཔའ་རྟག་ཏུ་ལག་བརྐྱང་དང་། བྱང་ཆུབ་སེམས་དཔའ་རྟག་ཏུ་ལག་བསྒྲེང་དང་། བྱང་ཆུབ་སེམས་དཔའ་རྟག་ཏུ་བརྩོན་དང་བྱང་ཆུབ་སེམས་དཔའ་རྟག་ཏུ་འཛུམ་ཞིང་རབ་ཏུ་དགའ་བ་དང་། བྱང་ཆུབ་སེམས་དཔའ་དབང་པོ་ལས་འདས་པ་དང་། བྱང་ཆུབ་སེམས་དཔའ་རྟག་ཏུ་གདུང་དང་། བྱང་ཆུབ་སེམས་དཔའ་རིན་ཆེན་སེམས་དང་། བྱང་ཆུབ་སེམས་དཔའ་ལག་ན་རིན་ཆེན་དང་། བྱང་ཆུབ་སེམས་དཔའ་ལག་ན་རིན་ཆེན་ཐོགས་དང་། བྱང་ཆུབ་སེམས་དཔའ་རིན་ཆེན་བཀྲ་ལྡན་དང་། བྱང་ཆུབ་སེམས་དཔའ་ཁ་ལོ་སྒྱུར་དང་། བྱང་ཆུབ་སེམས་དཔའ་ལ་ལོ་སྒྱུར་བ་ཆེན་པོ་དང་། བྱང་ཆུབ་སེམས་དཔའ་བདེན་པ་ལ་དགའ་བ་དང་། བྱང་ཆུབ་སེམས་དཔའ་བྱམས་པ་དང་བྱང་ཆུབ་སེམས་དཔའ་འཇམ་དཔལ་གཞོན་ནུར་གྱུར་པ་དང་། སྐྱེས་བུ་དཔ་པ་བརྒྱད་ལ་འདི་ལྟ་སྟེ། བྱང་ཆུབ་སེམས་དཔའ་བཟང་སྐྱོང་དང་། བྱང་ཆུབ་སེམས་དཔའ་དཀོན་མཆོག་འབྱུང་གནས། དང་། བྱང་ཆུབ་སེམས་དཔའ་ཕུག་སྦས་དང་། བྱང་ཆུབ་སེམས་དཔའ་དབང་པོའི་ལྷ་དང་། བྱང་ཆུབ་སེམས་དཔའ་ཆུ་ལྷའི་ལྷ་དང་། བྱང་ཆུབ་སེམས་དཔའ་བློ་གྲོས་ཡངས་པ་དང་། བྱང་ཆུབ་སེམས་དཔའ་བློ་གྲོས་ཁྱད་པར་ཅན་དང་། བྱང་ཆུབ་སེམས་དཔའ་བློ་གྲོས་འཕེལ་དང་། དེ་ལ་སོགས་པ་བྱང་ཆུབ་སེམས་དཔའ་བརྒྱད་སྟོང་དང་ཐབས་ཅིག་ཏུ་བཞུགས་སོ།། དེ་ནས་དེའི་ཚེ་བཅོམ་ལྡན་འདས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ན་གནས་ཤིང་བཞུགས་པ་ལ། རྒྱལ་པོ་མ་སྐྱེས་དགྲ་དང་། རྒྱལ་པོའི་བཀའ་ལ་གཏོགས་པ་དང་། བློན་པོ་དང་། སྣ་ཆེན་པོ་ལ་གཏོགས་པ་དང་། ཞང་ལོན་གྱི་བུ་ཚ་དང་། ཞབས་དྲུང་ན་འཁོད་པ་དང་། ཕོ་བྲང་འཁོར་གྱི་མི་དང་། བྲམ་ཟེ་དང་། རྒྱལ་རིགས་དང་། ཁྱིམ་བདག་རྣམས་ཀྱིས་བསྟི་སྟང་དུ་བྱས་བླ་མར་བྱས། རི་མོར་བྱས། མཆོད་པར་བྱས་ཏེ། དེ་ནས་བཅོམ་ལྡན་འདས་འཁོར་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་པ་འདི་ལྟ་སྟེ། ཚངས་པར་སྤྱོད་པ་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་རབ་ཏུ་སྟོན་ཏོ། ། དེ་ནས་ཚེ་དང་ལྡན་པ་ཤཱ་ར་དྭ་ཏིའི་བུ་དང་། ཚེ་དང་ལྡན་པ་མོའུ་འགལ་གྱི་བུ་ཆེན་པོ་དང་། ཚེ་དང་ལྡན་པ་འོད་སྲུངས་ཆེན་པོ་དང་། ཚེ་དང་ལྡན་པ་རབ་འབྱོར་དང་། ཚེ་དང་ལྡན་པ་བྱམས་མའི་བུ་གང་པོ་དང་། ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་ཉེ་བར་འཁོར་དང་། ཚེ་དང་ལྡན་པ་སྒྲ་གཅན་ཟིན་དང་། ཚེ་དང་ལྡན་པ་ནམ་གྲུ་དང་། ཚེ་དང་ལྡན་པ་ཀུན་དགའ་བོ་དང་། ཚེ་དང་ལྡན་པ་མ་འགགས་པ་དང་། དེ་དག་དང་གཞན་ཡང་ཉན་ཐོས་ཆེན་པོ་རབ་ཏུ་མང་པོ་རྣམས་སྔ་དྲོའི་དུས་ཀྱི་ཚེ། ཆོས་གོས་དང་ཤམ་ཐབས་བགོས་ནས། ལྷུང་བཟེད་ཐོགས་ཏེ། རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་བསོད་སྙོམས་ཀྱི་ཕྱིར་ཞུགས་སོ།། དེ་ནས་ཉན་ཐོས་ཆེན་པོ་དེ་དག་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་མཐར་ཆགས་སུ་བསོད་སྙོམས་ཀྱི་ཕྱིར་རྒྱུ་ཞིང་། མཐར་གྱིས་རྒྱལ་པོ་མ་སྐྱེས་དགྲའི་ཕོ་བྲང་ག་ལ་བ་དེར་དོང་སྟེ། ལྷགས་ནས་ཕྱོགས་གཅིག་ཏུ་ཅང་མི་སྨྲ་བར་འཁོད་དོ།། ཡང་དེའི་ཚེ་རྒྱལ་པོམ་སྐྱེས་དགྲའི་ཕོ་བྲང་ན་བུ་མོ་མྱ་ངན་མེད་ཀྱིས་བྱིན་པ་ཞེས་བྱ་བ་བཙས་ནས་ལོ་བཅུ་གཉིས་ལོན་པ་འདྲ་བ། གཟུགས་བཟང་བ། མཛེས་པ། བལྟ་ན་སྡུག་པ། ཁ་དོག་བཟང་པོ་རྒྱས་པ་མཆོག་དང་ལྡན་པ། སྔོན་གྱི་རྒྱལ་བ་ལ་ལྷག་པར་བྱ་བ་བྱས་པ། དགེ་བའི་རྩ་བ་བསྐྱེད་པ། སངས་རྒྱས་བརྒྱ་སྟོང་མང་པོ་ལ་བསྙེན་བཀུར་བྱས་པ། བླ་ན་མེད་པའི་བྱང་ཆུབ་ལས་ཕྱིར་མི་ལྡོག་པ་དེ་རང་གི་ཕའི་ཁང་བཟངས་ན་ཁྲི་གསེར་གྱི་རྐང་པ་ཅན་ཡོད་པ་ལ་འདུག་པར་གྱུར་ཏོ། ། དེ་ནས་བུ་མོ་མྱ་ངན་མེད་ཀྱིས་བྱིན་པས་ཉན་ཐོས་ཆེན་པོ་དེ་དག་མཐོང་ནས་ཁྲི་དེ་ལས་མ་ལངས་ཏེ། བསུར་ཡང་མི་འགྲོ། ཕྱུག་ཀྱང་མི་བྱེད། གཏམ་ཡང་མི་ཟེར། སྟན་ཡང་མི་འདིང་། བསོད་སྙོམས་ཀྱང་མི་འབུལ་བར་ཁ་རོག་སྟེ་འདུག་གོ།། དེ་ནས་རྒྱལ་པོ་མ་སྐྱེས་དགྲས། ཉན་ཐོས་ཆེན་པོ་དེ་དག་རྒྱལ་པོའི་ཕོ་བྲང་དུ་འོངས་ཞེས་ཐོས་ནས། རང་གྱི་ཁང་བཟངས་ཀྱི་སྔ་གང་ག་ལ་བ་དེར་སོང་སྟེ་ཕྱིན་ནས། ཉན་ཐོས་ཆེན་པོ་དེ་དག་ལ་མཆོག་ཏུ་སྡུག་པར་འཛིན་པས། མངོན་པར་དགའ་ཞིང་སྟན་ཡང་བཏིང་ངོ་།། རྒྱལ་པོ་མ་སྐྱེས་དགྲས་བུ་མོ་མྱ་ངན་མེད་ཀྱིས་བྱིན་པས་ཉན་ཐོས་ཆེན་པོ་དེ་དག་མཐོང་བཞིན་དུ་ཁ་རོག་སྟེ་འདུག་པ་མཐོང་ནས། བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ།། བུ་མོ་འདི་དག་ནི་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེའི་ཉན་ཐོས་ཆེན་པོ་སྟེ། ཆེ་བ་ཉིད་ཀྱི་ཡོན་ཏན་གྱི་ཆོས་དང་ལྡན་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ། ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ། བསོད་ནམས་ཀྱི་ཞིང་དུ་གྱུར་པ། སྙིང་བརྩེ་བ་ཅན་ཡིན་ཏེ། འཇིག་རྟེན་ལ་སྙིང་བརྩེ་བའི་ཕྱིར། བསོད་སྙོམས་ཀྱི་ཕྱིར་རྒྱུ་བར་ཁྱོད་ཀྱིས་མི་ཤེས་སམ། ཅི་ན་ཁྱོད་ཀྱིས་དེ་དག་མཐོང་ལ། མཐོང་བཞིན་དུ་ཁྲི་ལས་ཀྱང་མི་ལྡང་། བསུ་བར་ཡང་མི་བྱེད་ཕྱག་ཀྱང་མི་འཚལ། གཏམ་ཡང་མི་ཟེར། སྟན་དང་བསོད་སྙོམས་ལའང་སྤྱན་མི་འདྲེན། དད་པ་དང་གུས་པའང་མི་སྐྱེད་པར། ཅིའི་ཕྱིར་མ་གུས་པ་སྟོན་ཅིང་ཁ་རོག་སྟེ་འདུག། ཁྱོད་ཀྱིས་དོན་གྱི་དབང་ཅི་ཞིག་མཐོང་། དེ་སྐད་ཅེས་སྨྲས་པ་དང་། བུ་མོ་མྱ་ངན་མེད་ཀྱིས་བྱིན་པས། རང་གི་ཕ་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ།། ཡབ་འདི་ཇི་སྙམ་དུ་དགོངས། ཅི་འཁོར་ལོས་སྒྱུར་བའི་རྒྱལ་པོ་རྒྱལ་ཕྲན་ལ་ལྡང་ངམ། བསུར་མཆི་བ་ནམ་ཡང་གསན་ཏམ། གཟིགས་སམ། རྒྱལ་པོས་སྨྲས་པ། བུ་མོ་དེ་ནི་མ་ཡིན་ནོ།། བུ་མོས་སྨྲས་པ། ཡབ་ཅི་ལྷའི་དབང་པོ་བརྒྱ་བྱིན་ལྷ་གཞན་དག་ལ་ལྡང་ངམ། བསུར་མཆི་འམ། རྒྱལ་པོས་སྨྲས་པ། བུ་མོ་དེ་ནི་མ་ཡིན་ནོ།། བུ་མེས་སྨྲས་པ། ཡབ་ཅི་མི་བཇེད་ཀྱི་བདག་པོ་ཚངས་པ་ལྷ་གཞན་དག་ལ་ལྡང་ངམ། བསུར་མཆི་འམ། རྒྱལ་པོས་སྨྲས་པ། བུ་མོ་དེ་ནི་མ་ཡིན་ནོ།། བུ་མོས་སྨྲས་པ། ཡབ་ཅི་རྒྱ་མཚོ་ཆེན་པོ་མཚོ་དང་། མཚེའུ་དང་། ནུ་མིག་དང་། མཚོ་བྲན་དང་། ལྟེང་ཀ་དང་། ཁྲོམ་པ་ལ་ཕྱག་འཚལ་བ་གསན་ཏམ། གཟིགས་སམ། རྒྱལ་པོས་སྤྲས་པ། བུ་མོ་དེ་ནི་མ་ཡིན་ནོ།། བུ་མོས་སྨྲས་པ། ཡབ་ཅི་རིའི་རྒྱལ་པོ་རི་རབ་རི་ནག་པོ་གཞན་དག་ལ་འདུད་པ་འམ། ཕྱག་འཚལ་བ་གསན་ཏམ། གཟིགས་སམ། རྒྱལ་པོས་སྨྲས་པ། བུ་མོ་དེ་ནི་མ་ཡིན་ནོ།། བུ་མོས་སྨྲས་པ། ཡབ་ཅི་ཉི་མ་དང་། ཟླ་བ་དང་། སྐར་མའི་ཚོགས་སྲིན་བུ་མེ་ཁྱེར་གྱི་འོད་འདོད་པ་གསན་ཏམ། གཟིགས་སམ། རྒྱལ་པོས་སྨྲས་པ། བུ་མོ་དེ་ནི་མ་ཡིན་ནོ།། བུ་མོས་སྨྲས་པ། ཡབ་ཅི་རི་དགས་ཀྱི་རྒྱལ་པོ་སེང་གེ་ཝ་ལ་ལྡང་བ་འམ། བསུར་མཆི་བ་གསན་ཏམ། གཟིགས་སམ། རྒྱལ་པོས་སྨྲས་པ། བུ་མོ་དེ་ནི་མ་ཡིན་ནོ།། བུ་མོས་སྨྲས་པ། ཡབ་དེ་བཞིན་དུ་སུ་ཞིག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་ནས། བྱམས་པ་ཆེན་པོ་དང་སྙིང་རྗེ་ཆེན་པོའི་སེང་གེའི་སྒྲ་བསྒྲགས་ལ། དམན་པ་ལ་མོས་པའི་ཉན་ཐོས་ཝ་ལྟ་བུར་གྱུར་པ། བྱམས་པ་ཆེན་པོ་དང་སྙིང་རྗེ་ཆེན་པོ་དང་བྲལ་བ་དག་ལ་དགའ་ཞིང་ལྡང་བ་འམ། བསུར་མཆི་བ་འམ། ཕྱག་འཚལ་བ་འམ། བཀུར་སྟི་བགྱིད། ཡབ་ཆོས་ཀྱི་རྒྱལ་པོ་ཆེན་པོ་སུ་ཞིག་ཆོས་ཀྱི་འཁོར་ལོ་བླ་ན་མེད་པ་བསྐོར་ཏམ། སྐོར་བར་བགྱིད་པ་ན། ཉན་ཐོས་དམན་པ། ཞན་པ། ཞུམ་པ། ཉི་ཚེ་བའི་ཤེས་པ་དང་ལྡན་པ་རྣམས་ལ་དགའ་བས་ཕྱག་འཚལ་བ་འམ། འདུད་པར་བགྱིད། ཡབ་ལྷའི་བདག་པོ་ལྷའི་དབང་པོ་ལྟ་བུ་སུ་ཞིག་རྣམ་པར་དག་པའི་ལྷའི་བདག་པོ་དོན་དུ་གཉེར་བ་ན། དགེ་བ་ཆུང་བའི་ལྷ་ལྟ་བུའི་ཉན་ཐོས་དག་ལ་འདོད་པ་འམ། ཕྱག་འཚལ་བ་འམ། ལྡང་། བ་འམ། བསུར་མཆི་བར་བགྱིད། ཡབ་མི་མཇེད་ཀྱི་བདག་པོ་ཚངས་པ་ལྟ་བུ་སུ་ཞིག་འཇིག་རྟེན་ན་ཚངས་པའི་སྔ་གང་བླ་ན་མེད་པ་དོན་དུ་གཉེར་བ་ན། དགེ་བའི་རྩ་བ་ཆུང་བའི་ཚངས་པ་ལྟ་བུའི་ཉན་ཐོས་དག་ལ་འདོད་པ་འམ། ལྡང་བ་འམ། བསུར་མཆི་བ་འམ། ཕྱག་འཚལ་བར་བགྱིད། ཡབ་སུ་ཞིག་ཡེ་ཤེས་རྒྱ་མཚོ་དཔག་ཏུ་མེད་པ། མི་མཉམ་པ་དང་མཉམ་པའི་ཆོས་རྟོགས་པ་འཆོལ་བ་ན། བ་ལང་གྱི་རྨིག་རྗེས་ཀྱི་ཆུ་ལྟ་བུའི་ཚུལ་ཁྲིམས་ཀྱི་རྗེས་སུ་སོང་བའི་ཉན་ཐོས་དག་ལ་འདོད་པ་འམ། ལྡང་བ་འམ། བསུར་མཆི་བ་འམ། ཕྱག་འཚལ་བར་བགྱིད། ཡབ་སུ་ཞིག་རི་རབ་ལྟ་བུའི་བསམ་གཏན་དང་། རྣམ་པར་ཐར་པ་དང་ལྡན་པའི་དེ་བཞིན་གཤེགས་པའི་གཟུགས་ཀྱི་སྐུ་དོན་དུ་ཉེར་བ་ན། ཡུངས་འབྲུ་ལྟ་བུའི་ཏིང་ངེ་འཛིན་གྱི་སྟོབས་དང་ལྡན་པའི་ཉན་ཐོས་དག་ལ་ལྡང་བ་འམ། བསུར་མཆི་བ་འམ། ཕྱག་འཚལ་བ་འམ། འདུད་པ་འམ། འདོད་པ་སྐྱེད་པར་བགྱིད། ཡབ་སུ་ཞིག་སངས་རྒྱས་བཅོམ་ལྡན་འདས་རྣམས་ཀྱི་ཆེ་བ་ཉིད་ཤེས་རབ་དང་། བསོད་ནམས་དང་། ཡེ་ཤེས་དང་། ཡོན་ཏན་ཉི་མ་དང་ཟླ་བའི་སྣང་བ་དཔག་ཏུ་མེད་པ་ལྟ་བུ་ཐོས་ནས། སྲིན་བུ་མེ་ཁྱེར་གྱི་འོད་ལྟ་བུའི་རང་གི་རྒྱུད་ལ་སྣང་བ་གནས་པ། གཞན་གྱི་སྒྲའི་རྗེས་སུ་སོང་བའི་ཉན་ཐོས་དག་གི་རྣམ་པར་གྲོལ་བ་ལ་འདོད་པ་སྐྱེད་པར་བགྱིད། བདག་ནི་དེ་བཞིན་གཤེགས་པ་རྣམས་ཡོངས་སུ་མ་ངན་ལས་འདས་ཀྱང་། ཉན་ཐོས་རྣམས་ལ་ཕྱག་མི་འཚལ་ནཱ། བཞུགས་བཞིན་དུ་ལྟ་ཅི་སྨོས། དེ་ཅིའི་སླད་དུ་ཞེ་ན། སུ་ཞིག་ཟླ་བ་དང་ཉི་མའི་དཀྱིལ་འཁོར་བཏང་སྟེ། སྲིན་བུ་མེ་ཁྱེད་ལ་ཕྱག་འཚལ་བར་བགྱིད། ཡབ་གང་ཉན་ཐོས་ལ་རྟེན་པ་ནི་ཉན་ཐོས་ཀྱི་སེམས་དང་གནས་པར་འགྱུར་རོ།། ཡང་དག་པར་རྫོགས་པའི་སངས་རྒྱས་དང་སྟེན་ན་ཐམས་ཅད་མཁྱེན་པ་རིན། པོ་ཆེའི་སེམས་བསྐྱེད་པ་དང་གནས་པར་འགྱུར་རོ།། དེ་ནས་རྒྱལ་པོ་མ་སྐྱེས་དགྲས་བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ།། འདི་ལྟར་ཁྱོད་ཉན་ཐོས་འདི་དག་མཐོང་བཞིན་དུ་མི་ལྡང་ཞིང་བསུར་མི་འགྲོ་ལ། ཕྱག་མི་འཚལ་ཞིང་བསྙེན་བཀུར་མི་བྱེད་དེ། འདི་དག་སྟན་དང་བསོད་སྙོམས་ལ་སྤྱན་མི་འདྲེན་པ་ནི། བུ་མོ་ཁྱོད་ལྷག་པའི་ང་རྒྱལ་ཅན་ཞིག་གོ། དེ་སྐད་ཅེས་སྨྲས་པ་དང་། བུ་མོ་མྱ་ངན་མེད་ཀྱིས་བྱིན་པས། རང་གི་བརྒྱལ་པོ་མ་སྐྱེས་དགྲལ་འདི་སྐད་ཅེས་སྨྲས་སོ།། ཡབ་བདག་ནི་ལྷག་པའི་ང་རྒྱལ་ཅན་མ་ལགས་སོ།། དེ་ཅི་སླད་དུ་ཞེ་ན། ཡབ་ཁྱོད་ཉིད་གྲོང་ཁྱེར་གྱི་དབུལ་པོ་རྣམས་ལ་མི་བཞེངས། བསུར་མི་བཞུད། སྟན་མི་འདིང་བ་ལགས་ན། ཁྱོད་ཉིད་ལྷག་པའི་ང་རྒྱལ་ཅན་ལགས་པ་སྙམ་བགྱིད་དོ། ། རྒྱལ་པོས་སྨྲས་པ། བུ་མོ་དེ་དག་ནི་ང་དང་མཚུངས་པ་མ་ཡིན་ནོ།། བུ་མོས་སྨྲས་པ། ཡབ་དེ་བཞིན་དུ་བྱང་ཆུབ་སེམས་དཔའ་སེམས་དང་པོ་བསྐྱེད་པ་ནི། ཉན་ཐོས་དང་རང་སངས་རྒྱས་ཐམས་ཅད་དང་མཚུངས་པ་མ་ལགས་སོ། ། རྒྱལ་པོས་སྨྲས་པ། བུ་མོ་བྱང་ཆུབ་སེམས་དཔའ་རྣམས་ནི་ང་རྒྱལ་དང་དྲེགས་པ་སྤངས་ཏེ། སེམ་ཅན་ཐམས་ཅད་ལ་འདུད་ཅིང་ཕྱག་འཚལ་བར་མི་བྱེད་དམ། བུ་མོས་སྨྲས་པ། ཡབ་བྱང་ཆུབ་སེམས་དཔའ་ནི། ཁོན་དུ་འཛིན་པ་དང་། ཐ་བ་དང་། ཁྲོ་བ་དང་། གནོད་སེམས་དང་། ཉེས་པ་སྤང་བ་དང་། དགེ་བའི་རྩ་བ་ཡོངས་སུ་སྨིན་པར་བགྱི་བའི་སླད་དུ། སེམས་ཅན་ཐམས་ཅད་ལ་འདུད་ཅིང་ཕྱག་འཚལ་ལོ།། ཡབ་ཉན་ཐོས་ཆེན་པོ་འདི་དག་ལ་ནི་ཁོན་དུ་འཛིན་པ་དང་། ཁྲོ་བ་དང་། གནོད་སེམས་དང་། ཉེས་པ་སྤང་བ་དང་། དགེ་བའི་རྩ་བ་ཡོངས་སུ་སྨིན་པར་བགྱི་བའི་སླད་དུ་ཐ་བ་དང་། ཁྲོ་བ་དང་། གནོད་སེམས་དང་། ཉེས་པ་བསལ་བར་བགྱི་བའང་མ་མཆིས། སྤང་བར་བགྱིད་པ་དང་། དགེ་བ་འཕེལ་བར་བགྱི་བའང་མ་མཆིས་ཏེ། ཡབ་ཉན་ཐོས་ཐམས་ཅད་ལ་ནི་སངས་རྒྱས་འབུམ་གྱིས་ཉན་ཐོས་ཀྱི་ཚུལ་ཁྲིམས་ཇི་སྙེད་པ་དང་། ཏིང་ངེ་འཛིན་ཇི་སྙེད་པ་དང་། ཤེས་རབ་ཇི་སྙེད་པས་ཆོས་བསྟན་དུ་ལགས་ཀྱང་། ཡབ་དེ་དག་ལ་ནི་ཚུལ་ཁྲིམས་ཀྱང་ག་ལས་མཆིས། ཏིང་ངེ་འཛིན་ཀྱང་ག་ལས་མཆི། ཤེས་རབ་ཀྱང་ག་ལས་མཆི། རྣམ་པར་གྲོལ་བའང་ག་ལས་མཆི། རྣམ་པར་གྲོལ་བའི་ཡེ་ཤེས་མཐོང་བའང་ག་ལས་མཆི། ཡབ་འདི་ལྟ་སྟེ། དཔེར་ན་བུམ་པ་ཆབ་ཀྱིས་བལྟམས་པའི་ནང་དུ་ཆར་བབ་ན། དེ་ཆབ་ཀྱི་ཐིགས་པ་གཅིག་ཀྱང་མི་ལེན་ལ། དེར་གནས་པར་ཡང་མི་འགྱུར་རོ།། ཡབ་དེ་བཞིན་དུ་ཉན་ཐོས་རྣམས་ལ་གལ་ཏེ་སངས་རྒྱས་འབུམ་གྱིས་ཆོས་བཤད་དུ་ལགས་ཀྱང་། དེ་དག་འཛིན་པར་ཡང་མི་འགྱུར་ལ། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བའང་དེ་དག་ལ་གནས་པར་མི་འགྱུར་ཞིང་། རྣམ་པར་འཕེལ་བར་ཡང་མི་འགྱུར་རོ།། ཡབ་འདི་ལྟ་སྟེ། དཔེར་ན་རྒྱ་མཚོ་ཆེན་པོ་ནི་ཆུ་ཀླུང་ཐམས་ཅད་དང་། ཆར་གྱི་རྒྱུན་ཐམས་ཅད་འཛིན་ཅིང་། དེར་གནས་པར་འགྱུར་རོ།། དེ་ཅིའི་སླད་དུ་ཞེ་ན། རྒྱ་མཚོ་ཆེན་པོ་ནི་ཚད་མ་མཆིས་པའི་སླད་དུའོ།། ཡབ་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱ་མཚོ་ལྟ་བུ་དེ་དག་ཀྱང་དེ་བཞིན་ཏེ། ཆོས་ཐམས་ཅད་བསྟན་པའི་ཆུ་ཐམས་ཅད་ཡང་དག་པར་འཛིན་ཅིང་། ཆོས་བསྟན་པ་ཐམས་ཅད་དེ་ལ་ཡང་དག་པར་གནས་སོ།། དེ་ཅིའི་སླད་དུ། ཞེ་ན། འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཐམས་ཅད་མཁྱེན་པ་ཉིད་ཀྱི་སེམས་ཀྱི་སྣོད་དེ་ནི་མི་མཉམ་པ་དང་མཉམ་པའི་སླད་དུའོ།། དེ་ལ་འདི་སྐད་ཅེས་བྱ་སྟེ། མ་སྐྱེས་དགྲ་ཡི་བུ་མོར་གྱུར་པ་ནི།། མྱ་ངན་མང་བྱིན་ཡོན་ཏན་ཟི་བརྗིད་བརྒྱན།། ཉན་ཐོས་ལྔ་བརྒྱ་དག་ནི་ལྤགས་གྱུར་ཀྱང་།། དེ་ལ་ཕྱག་བྱའི་ཕྱིར་ནི་དམ་ལངས། མ་སྐྱེས་དགྲ་ཡིས་དེ་ལ་སྨྲས་པ་ནི།། བུ་མོ་དོན་འདི་ང་ལས་མཉན་པར་གྱིས།། ཁྱོད་ཀྱིས་ཉན་ཐོས་ལྔ་བརྒྱ་མཐོང་བཞིན་དུ།། ཕྱག་བྱའི་ཕྱིར་ནི་ཅི་ཕྱིར་ལྡང་མི་བྱེད།། བུ་མོ་མྱ་ངན།། མེད་ཀྱིས་བྱིན་ན་རེ།། ཉན་ཐོས་འདི་དག་བདག་གིས་མཐོང་བ་ན།། ཅི་ཕྱིར་ཕྱག་འཚལ་བསམ་པ་མི་སྐྱེ་བ།། བདག་མཆིས་ཡབ་ཅིག་ཚིག་ནི་གསན་པར་གསོལ།། དཔེར་ན་མི་ཞིག་རྒྱ་མཚོར་མ་ཆི། ནས་ཀྱང་།། རིན་ཆེན་འབྱུང་ཁུང་ནས་ནི་མཆིང་བུ་བླངས།། དེ་བཞིན་བདག་ནི་ཉན་ཐོས་ཐམས་ཅད་ཀྱང་།། ཡེ་ཤེས་དབྱིངས་ནས་ཉན་ཐོས་བླངས་སྙམ་བགྱིད།། དཔེར་ན་རྒྱལ་པོ་ནོར་གྱི་དབང་ཕྱུག་པོ། ། ས་བདག་འཁོར་ལོས་སྒྱུར་བ་མཉེས་བགྱིས་ནས།། ཀར་ཤ་པ་ཎ་གཅིག་ཙམ་གསོལ་ན་ནི།། དེ་ཡིས་རྒྱལ་པོ་བསྟན་པ་དོན་མ་མཆིས།། གང་གིས་འཁོར་ལོས་སྒྱུར་བ་མཉེས་བགྱིས་ནས།། བྱེ་བ་ཕྲག་སྟོང་གསོལ་བ་བགྱིས་ན་ནི།། དེས་ནི་དབུལ་མང་ནོར་དང་ལྡན་པར་བགྱིད།། དེས་ནི་རྒྱལ་པོ་ལེགས་པར་བསྟེན་པ་ལགས།། ཀར་ཤ་པ་ཎ་སློང་བའི་མི་བཞིན་དུ།། གང་ཞིག་སངས་རྒྱས་ཡོན་ཏན་མཐའ་ཡས་རྣམས། ། ཐོས་ནས་ཐེག་པ་དམན་ལ་འདོད་སྐྱེད་པ།། ཉན་ཐོས་ཀུན་ལ་བདག་ནི་དེ་སྙམ་བགྱིད།། ནོར་རྣམས་སྒྲུབ་བགྱིད་མི་ནི་ཇི་ལྟ་བ།། བྱང་ཆུབ་སེམས་དཔའ་མཁས་པ་དེ་འདྲ་སྟེ། ། རྒྱལ་བ་ཆོས་ཀྱི་རྒྱལ་པོ་མཉེས་བགྱིས་ཤིང་།། བྱང་ཆུབ་རེག་ནས་སེམས་ཅན་འདུལ་བར་བགྱིད།། དཔེར་ན་ནད་པ་ནད་བརྒྱས་གཟིར་རྣམས་སྨན་པ་ཡིས།། གྲོལ་བགྱིད་དེ་བཞིན་གཞན་གྱི་སྒྲ་ཕྱིར་འབྲང་བ་ཡི། ། ཉན་ཐོས་ཉོན་མོངས་རྣམས་ཀྱིས་གཟིར་བ་ཐམས་ཅད་ཀྱང་།། བྱང་ཆུབ་སེམས་དཔའ་སྨན་པ་ལྟ་བུས་གྲོལ་བར་བགྱིད།། སེམས་ཅན་མང་པོ་གྲོལ་བགྱིད་སྨན་པ་བཏང་ནས་ནི། ། སོས་གྱུར་སེམས་ཅན་ལ་ནི་སུ་ཞིག་འདུད་པར་བགྱིད།། དེ་བཞིན་རྫོགས་པའི་སངས་རྒྱས་སྨན་པར་གཉེར་བ་ན།། སོས་གྱུར་ཉན་ཐོས་ལ་ནི་སུ་ཞིག་འདུད་པར་བགྱིད།། ཇི་ལྟར་ནད་པ་སོས་པར་གྱུར་པ་ཐམས་ཅད་ལ། ། སྨན་པ་དག་གིས་གསོ་བར་ནུས་པར་མི་འགྱུར་བ།། དེ་བཞིན་ཉན་ཐོས་ཐམས་ཅད་སོས་པར་གྱུར་པ་ལ།། སངས་རྒྱས་སྨན་པ་དག་གིས་གསོ་བར་མི་སྤྱོད་དོ།། འདི་ན་སྨན་པ་གང་ཞིག་བདག་གིས་བདག་ཉིད་ལ། ། གསོ་བར་སེམས་ཀྱི་སེམས་ཅན་གཞན་ལ་མ་ལགས་ཏེ།། དེ་འདྲའི་བདག་ཉིད་ཁེངས་པར་བགྱིད་པའི་ང་རྒྱལ་གྱི།། སྨན་པ་དེ་དག་ལ་ནི་འདོད་པའི་སེམས་མི་སྐྱེད། ། སྨན་པ་གང་ཞིག་སྙིང་རྗེ་བསྐྱེད་ནས་བདག་ཉིད་ཇི་ལྟ་བར།། དེ་བཞིན་ཕ་རོལ་རྣམས་ཀྱང་ནད་ལས་གྲོལ་བགྱིད་པ།། དེ་ནི་མཆོད་པར་འོས་ཤིང་བསྔགས་པར་བགྱི་བ་དང་།། འཇིག་རྟེན་ཀུན་གྱིས་གདུད་པར་བགྱི་བའི་གནས་ཀྱང་ལགས། ། གང་གིས་ཡེ་ཤེས་རིག་པ་གཙོ་བོ་རྟོགས་གྱུར་ནས།། བདག་ཉིད་གྲོལ་པར་བགྱིད་ཀྱི་སེམས་ཅན་གཞན་མ་ལགས།། དེ་ནི་སྨན་པ་བདག་ཉིད་གྲོལ་བར་བགྱིད་པ་ལྟར། ། མཁས་པ་དག་གིས་མཆོད་པར་བགྱི་བའི་གནས་མ་ལགས།། གང་གིས་ཡེ་ཤེས་རིག་པ་གཙོ་བོ་རྟོགས་གྱུར་ནས།། སེམས་ཅན་གྲངས་མེད་སྡུག་བསྔལ་དག་ལས་གྲོལ་བགྱིད་པ། ། དེ་དག་བྱང་ཆུབ་མཆོག་ལ་འདུན་པ་སྐྱེད་པ་སྟེ།། དེ་ནི་འཇིག་རྟེན་ཀུན་གྱིས་བསྔགས་པར་བགྱི་བ་ལགས།། ཨེ་རན་ང་ཡི་ཤིང་སྡོང་མཛེས་པ། མ་ལགས་ལ།། དེ་དག་རྣམས་ཀྱི་གྲིབ་མའང་ཡངས་པ་མ་ལགས་ཏེ།། ཨེ་རན་དེ་ཡེ་ཤིང་འདྲ་ཉན་ཐོས་ཐམས་ཅད་ཀྱི།། རྣམ་པར་གྲོལ་བའི་གྲིབ་མ་ཉེ་བར་བསྟན་མ་ལགས།། ཙན་དན་མཆོག་གི། སྡོང་ཆེན་དག་ནི་ཚ་བ་ཡིས།། གདུངས་པའི་སྐྱེ་བོ་རྣམས་ཀྱིས་ཉེ་བར་བསྟེན་པ་ལགས།། དེ་བཞིན་བདག་ནི་བྱང་ཆུབ་སེམས་དཔའ་རྣམས་ལ་ཡང་།། ལྷ་དང་བཅས་པའི་འཇིག་རྟེན་དག་གི་དོན་བགྱིད་སྙམ། ། བ་ལང་རྨིག་རྗེས་ཆུ་ནི་ཡངས་མ་ལགས།། ཚ་བས་གདུངས་པ་ཞི་བར་མི་བགྱིད་ལ།། གངྒཱའི་ཀླུང་ནི་སེམས་ཅན་བྱེ་བ་སྟོང་།། ཚིམ་པར་བགྱིས་ནས་རྒྱ་མཚོ་ཆེན་པོར་མཆི།། བ་ལང་རྨིག། རྗེས་ཆུ་འདྲའི་ཉན་ཐོས་ཀུན།། སེམས་ཅན་ཀུན་གྱི་ཚ་བཞི་མི་བགྱིད།། གངྒཱའི་ཀླུང་འདྲའི་བྱང་ཆུབ་སེམས་དཔའ་རྣམས།། སེམས་ཅན་མཐའ་ཡས་ཆོས་ཀྱིས་ཚིམ་པར་བགྱིད།། ཇི་ལྟར་རིན་ཆེན།། ཆར་ནི་འབེབ་པ་ན།། དབུལ་པོ་དག་ནི་འགྲོན་བུ་ལེན་པར་བགྱིད།། གང་ཞིག་ནོར་མང་དེ་དག་བླངས་ནས་ནི།། སེམས་ཅན་དབུལ་པོ་ནོར་དང་ལྡན་པར་བགྱིད།། དེ་ལྟར་སངས་རྒྱས་རིན་ཆེན་ཆོས་ཆར་འབེབས། ། ཉན་ཐོས་རྣམས་ནི་དམ་ཆོས་རིན་ཆེན་ལས།། ཆུང་ངུ་འཛིན་ཏེ་བྱང་ཆུབ་སེམས་དཔའ་རྣམས།། སེམས་ཅན་དོན་སླད་མང་དུ་ལེན་པར་བགྱིད།། ཇི་ལྟར་སེམས་ཅན་། དག་ནི་རི་རབ་ཀྱི།། དྲུང་དུ་མཆིས་ན་གསེར་གྱི་མདོག་ཏུ་འགྱུར།། རི་བོ་གཞན་ལ་སེམས་ཅན་རྣམས་མཆིས་ན།། གསེར་གྱི་ཁ་དོག་ཅན་དུ་ཡོང་མི་འགྱུར།། བྱང་ཆུབ་སེམས་དཔའ་རྣམས་ནི་རི་རབ་བཞིན། ། གང་དག་མཐུས་ནི་ལྷར་བཅས་སྐྱེ་དགུ་རྣམས།། རྣམ་གྲོལ་མདོག་ཏུ་ཁ་དོག་གཅིག་ཏུ་འགྱུར།། ཉན་ཐོས་རྣམས་ཀྱི་ཡེ་ཤེས་འདོད་མི་བགྱིད།། ཡབ་ཅིག་ཇི་ལྟར་རྩཝ་བྲན་རྩེ་མོ་ཡི།། ཟིལ་པའི་ཐིགས་པས་ལོ་ཏོག་རྒྱས་མི་བགྱིད། ། རབ་ཏུ་ཁེབས་པའི་སྤྲིན་གྱིས་ས་སྟེང་འདིར།། ནིམ་པར་བགྱིད་ཅིང་ལོ་ཏོག་འཕེལ་བར་བགྱིད།། ཉན་ཐོས་ཐམས་ཅད་ཟིལ་པའི་ཐིགས་པ་བཞིན།། བྱང་ཆུབ་སེམས་དཔའ་རབ་ཁེབས་སྤྲིན་དང་འདྲ།། སྙིང་རྗེ་མངོན་བྱས་གང་དག་བསྟེན་ན་ནི།། སྟོང་གསུམ་དམ་ཆོས་ཆུ་ཡིས་ཚིམ་པར་བགྱིད།། ཀ་ར་བཱི་རའི་མེ་ཏོག་དྲི་མཆོག་མིན།། དེས་ནི་སྐྱེས་པ་བུད་མེད་དགའ་མི་འགྱུར། ། ཙམ་པ་ཀ་ཡི་མེ་ཏོག་དྲི་ལ་དགའ།། ཨུཏྤལ་བར་ཤི་ཀ་ཡང་དེ་བཞིན་ནོ།། ཉན་ཐོས་ཀ་ར་བཱི་རའི་དྲི་བཞིན་ཏེ།། དེ་དག་ཤེས་པས་སྐྱེ་དགུ་དགའ་མི་འགྱུར།། ཀུན་མཁྱེན་དྲི་ཅན་བྱང་ཆུབ་སེམས་དཔའ་ལ། ། ལྷ་དང་མི་རྣམས་རབ་ཏུ་དགའ་བར་འགྱུར།། གཅིག་པུ་མཆི་བ་དེ་ལ་མཚར་ཅི་མཆིས།། གང་ཞིག་སེམས་ཅན་མཐའ་ཡས་ཁྲིད་པ་རྨད།། ཉན་ཐོས་མི་རེང་གཅིག་པུ་མཆི་བ་བཞིན། ། བྱང་ཆུབ་སེམས་དཔའ་དག་ནི་དེད་དཔོན་འདྲ།། མགྲོན་ཞིག་གཞན་གྱིས་སྦལ་བ་འཚལ་བ་དང་།། སྐྱེ་བོ་ཀུན་ལ་སྩོལ་བགྱིད་ཀུན་མགྲོན་བཞིན།། སྒྲ་འབྲང་ཉན་ཐོས་ཀུན་ནི་མགྲོན་དང་འདྲ། ། བྱང་ཆུབ་སེམས་དཔའ་ཀུན་ལ་མགྲོན་བགྱིད་བཞིན།། གཟིངས་ལ་བརྟེན་པས་ཆུ་བོ་ཆེན་པོ་ལས།། གཞན་དག་བསྐལ་པར་ནུས་པར་མི་འགྱུར་གྱི། བརྟན་བགྱིས་གྲུ་ཡི་མང་དུ་ཞུག་ན་ནི།། སེམས་ཅན་བྱེ་བ་མང་པོ་སྒྲོལ་བར་བགྱིད།། ཉན་ཐོས་གཟིངས་ལ་རྟེན་པ་ལྟ་བུ་སྟེ།། སེམས་ཅན་གཞན་དག་སྒྲོལ་བར་ཇི་ལྟར་ནུས།། རྫོགས་པའི་བྱང་ཆུབ་གྲུར་ཞུགས་བྱང་ཆུབ་སེམས། ། སྡུག་བསྔལ་མཚོ་ལས་སེམས་ཅན་སྒྲོལ་བར་བགྱིད།། ཇི་ལྟར་གཡུལ་ངོར་བོང་བུ་ཞོན་ན་ནི།། དགྲ་ལས་རྒྱལ་བར་ནུས་པར་མི་འགྱུར་གྱི།། གླང་ཆེན་རྟ་དང་ཤིང་རྟ་ཞོན་ན་ནི། ། གཡུལ་དུ་ལྷགས་པའི་དགྲ་རྣམས་ཆོམས་པར་ནུས།། ཉན་ཐོས་རྣམས་ནི་བོང་བུ་ཞོན་པ་བཞིན།། བྱང་ཆུབ་སེམས་དཔའ་གླང་ཆེན་ཞོན་འདྲ་སྟེ།། སེམས་ཅན་ཀུན་ལ་ཕན་དང་བདེ་སླད་དུ།། དེ་དག་ཤིང་དབང་དྲུང་དུ་བདུད་ཀྱང་འཇོམས།། ཇི་ལྟར་བར་སྣང་སྐར་མས་རྒྱས་གྱུར་ཀྱང་།། དེ་དག་གིས་ནི་མཚན་མོ་མཛེས་མི་འགྱུར།། ཟླ་བ་རབ་ཏུ་རྒྱས་པ་ཤར་བས་ནི།། མཚན་མོ་མཁའ་ལ་ཐིག་ལེ་བཞིན་དུ་མཛེས། ། ཡབ་ཅིག་ཉན་ཐོས་འདི་དག་སྐར་མ་འདྲ།། རྒྱལ་པོ་བྱང་ཆུབ་སེམས་དཔའ་ཟླ་བ་བཞིན།། གང་དག་སེམས་ཅན་ཀུན་ལ་སྨན་སླད་དུ།། ཡེ་ཤེས་ཤར་བས་སྐྱེ་བོ་སྣང་བར་བགྱིད།། ཡབ་ཅིག་སྲིན་བུ་མེ་ཁྱེར་ཚོགས་འོད་ཀྱིས།། ལས་རྣམས་ལ་ནི་འཇུག་པར་མི་ནུས་ཀྱི།། འཛམ་གླིང་འདི་ན་ཉི་མའི་འོད་རྣམས་ཀྱིས།། བྱང་བ་སྣ་ཚོགས་བརྒྱ་དག་བགྱིད་པར་འགྱུར།། ཉན་ཐོས་འདི་དག་སྲིན་བུ་མེ་ཁྱེར་འདྲ། ། དེ་དག་ཤེས་འོད་ཡང་དག་མཐོང་མི་འགྱུར།། སངས་རྒྱས་རྣམ་གྲོལ་ཉི་མ་ལྟ་བུ་ཡི།། ཤེས་རབ་ཡེ་ཤེས་ཀྱིས་ནི་སེམས་ཅན་འགྲོལ།། ཡབ་ཅིག་ཝ་བརྒྱ་དག་གིས་སྐད་ཕྱུང་ཡང། རིདགས་ཚོགས་རྣམས་འདྲོག་པར་མི་འགྱུར་གྱི།། སེང་གེའི་སྐད་ཀྱིས་གླང་ཆེན་རི་དགས་དང་།། བྱར་བཅས་རྣམས་ཀྱང་ཕྱོགས་བཅུར་འབྱེར་བར་འགྱུར།། ཡབ་ཅིག་དེ་ལྟར་ཉན་ཐོས་ཝ་འདྲར་གཟིགས། དེ་དག་སྐད་ཀྱིས་བདུད་རྣམས་སྐྲག་མི་འགྱུར།། རྒྱལ་པོ་བྱང་ཆུབ་སེམས་དཔའི་སྤྱོད་སྤྱད་པས།། བདུད་དང་དེ་བཞིན་བདུད་རིས་སྐྲག་པར་འགྱུར།། ཡབ་ཅིག་རྒྱུ་འདི་བདག་གིས་མཐོང་བས་ན།། ཐེག་པ་དམན་པ་དག་ལ་འདོད་མི་སྐྱེད།། སུ་ཞིག་བླ་མེད་བྱང་ཆུབ་སྤངས་ནས་ནི།། ཐེག་པ་དམན་ལ་འདོད་པ་སྐྱེད་པར་བགྱི།། གང་དག་བྱང་ཆུབ་དམ་པ་ཡོངས་སྤངས་ནས།། ཐེག་པ་དམན་ལ་འདོད་པ་སྐྱེད་པར་བགྱིད། ། དེ་དག་འཚོ་ངན་རྙེད་པ་ཐོབ་མ་གྱུར།། དེ་དག་མིར་སྐྱེས་པ་ནི་ཉེས་པར་མཆི།། གང་དག་ལྷར་བཅས་འཇིག་རྟེན་སྨན་སླད་དུ།། བྱང་ཆུབ་མཆོག་ལ་འདུན་པ་སྐྱེད་པར་བགྱིད། ། དེ་དག་ལེགས་འཚོ་རྙེད་པ་ལེགས་པར་རྙེད།། དེ་དག་མི་ལུས་ཐོབ་པོ་ལེགས་པར་མཆིས།། གང་དག་ལུས་དང་ངག་དང་ཡིད་ཀྱིས་ཀྱང་།། འཇིག་རྟེན་སྨན་སླད་ལས་བགྱིད་ཡིན་ཀྱང་རྟོན། ། གང་དག་རྟག་ཏུ་སེམས་ཅན་སྨན་སླད་བརྩོན།། དེ་དག་ཨུ་དུམ་པ་རའི་མེ་ཏོག་བཞིན།། དེ་ནས་རྒྱལ་པོ་མ་སྐྱེས་དགྲ་བུ་མོ་མྱ་ངན་མེད་ཀྱིས་བྱིན་པས་ཚིགས་སུ་བཅད་པ་བསྟན་པ་འདི་དག་ཐོས་ནས་ཅང་མི་སྨྲ་བར་གྱུར་ཏོ། ། དེ་ནས་ཚེ་དང་ལྡན་པ་ཤཱ་རིའི་བུ་འདི་སྙམ་དུ་སེམས་ཏེ། ཀྱེ་མ་བུ་མོ་འདི་སྤོབས་པ་ཐོགས་པ་མེད་པ་ཞིག་ན། བཟོད་པ་ཐོབ་བམ། མ་ཐོབ་པ་བདག་གིས་འདི་བརྟག་པར་བྱར་ངེས་སོ་སྙམ་མོ།། དེ་ནས་ཚེ་དང་ལྡན་པ་ཤཱ་རིའི་བུས། བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ།། ཅི་བུ་མོ་རྒྱུད་ཉན་ཐོས་ཀྱི་ཐེག་པ་ལ་ཡང་དག་པར་ཞུགས་སམ། སྨྲས་པ། མ་ཡིན་ནོ།། རང་སངས་རྒྱས་ཀྱི་ཐེག་པ་ལ་ཡང་དག་པར་ཞུགས་སམ། སྨྲས་པ། མ་ཡིན་རོ།། བུ་མོ་ཁྱོད་ཅི་ཞིག་དོན་དུ་ཉེར་ན། འདི་ལྟར་སེང་གེའི་སྒྲ་སྒྲོགས་པར་བྱེད། བུ་མོས་སྨྲས་པ། བཙུན་པ་ཤཱ་རིའི་བུ་གལ་ཏེ་བདག་ཆོས་འགའ་ཞིག་དོན་དུ་གཉེར་ན་ནི། བདག་སེང་གེའི་སྒྲ་ཅིའང་མི་སྒྲེགས་པ་ཞིག་ན། བཙུན་པ་ཤཱ་རིའི་བུ་འདི་ལྟར་བདག་ནི་ཆོས་གང་ཡང་དོན་དུ་མི་གཉེར་ཏེ། དེའི་ཕྱིར་བདག་སེང་གེའི་སྒྲ་སྒྲོགས་སོ།། བཙུན་པ་ཤཱ་རིའི་བུ་གང་ཡང་འདི་སྐད་དུ་ཅི་བུ་མོ་ཁྱོད་ཐེག་པ་ལ་ཡང་དག་པར་ཞུགས་སམ་ཞེས་ཟེར་བ་ནི། བཙུན་པ་ཤཱ་རིའི་བུས་ཆོས་གང་མངོན་སུམ་དུ་བྱས་པའི་ཆོས་དེ་ལ་ནི། ཅི་ཉན་ཐོས་ཞེས་བྱ་བ་འམ། རང་སངས་རྒྱས་ཞེས་བྱ་བ་འམ། ཡང་དག་པར་རྫོགས་པའི་སངས་རྒྱས་ཞེས་བྱ་བའི་ཐེག་པ་རྣམ་པར་གཞག་པ་ཡོད་དམ། གནས་པདན་ཤཱ་རིའི་བུས་སྤྲས་པ། བུ་མོ་ཆོས་དེ་ལ་ནི་ཐེག་པ་རྣམ་པར་གནག་པ་མེད་དེ།། ཆོས་དེ་ནི་འདི་ལྟར་མཚན་ཉིད་མེད་པར་མཚན་ཉིད་གཅིག་པའོ། ། བུ་མོས་སྨྲས་པ། བཙུན་པ་ཤཱ་རིའི་བུ་མཚན་ཉིད་མེད་པའི་ཆོས་ལ་དོན་དུ་གཉེར་བ་ཅི་ཞིག་ཡོད། ཤཱ་རིའི་བུས་སྨྲས་པ། བུ་མོ་ཆོས་དེ་ལ་ནི་དོན་དུ་གཉེར་བ་ཅིའང་མེད་དོ།། གནས་བརྙན་ཤཱ་རིའི་བུས། བུ་མོ་མྱ་ངན་མེད་ཀྱིས་བྱིན་པ་ལ་གཞན་ཡང་འདི་སྐད་ཅེས་སྨྲས་སོ།། བུ་མོ་སངས་རྒྱས་ཀྱི་ཆོས་རྣམས་དང་། སོ་སོའི་སྐྱེ་བོའི་ཆོས་རྣམས་ལ་བྱེ་བྲག་ནི་ཅི་ཡོད། ཐ་དད་དུ་དབྱ་བ་ནི་ཅི་ཡོད། བུ་མོས་སྨྲས་པ། བཙུན་པ་ཤཱ་རིའི་བུ་སྟོང་པ་ཉིད་དང་དབེན་པ་ཉིད་ལ་བྱེ་བྲག་ནི་ཅི་ཡོད། ཐ་དད་དུ་དབྱེ་བ་ནི་ཅི་ཡོད། ཤཱ་རིའི་བུས་སྨྲས་པ། བྱེ་བྲག་མེད་ཅིང་ཐ་དད་དུ་དབྱེ་བ་ཅིའང་མེད་དོ། ། བུ་མོས་སྨྲས་པ། བཙུན་པ་ཤཱ་རིའི་བུ་སྟོང་པ་ཉིད་དང་དབེན་པ་ཉིད་ལ་ཇི་ལྟར་བྱེ་བྲག་མེད་ཅིང་ཐ་དད་དུ་དབྱེ་བ་ཅིའང་མེད་པ་དེ་བཞིན་དུ། བཙུན་པ་ཤཱ་རིའི་བུ་སངས་རྒྱས་ཀྱི་ཆོས་རྣམས་དང་། སོ་སོའི་སྐྱེ་བོའི་ཆོས་རྣམས་ལའང་བྱེ་བྲག་མེད་ཅིང་ཐ་དད་དུ་དབྱེ་བ་མེད་དོ།། བཙུན་པ་ཤཱ་རིའི་བུ་འདི་ལྟ་སྟེ། དཔེར་ན་ནམ་མཁའ་དང་བླ་གབ་མེད་པ་ལའང་བྱེ་བྲག་མེད་ཅིང་ཐ་དད་དུ་དབྱེ་བ་ཅི་མེད་དོ། ། བཙུན་པ་ཤཱ་རིའི་བུ་དེ་བཞིན་དུ་སངས་རྒྱས་ཀྱི་ཆོས་རྣམས་དང་། སོ་སོའི་སྐྱེ་བོའི་ཆོས་རྣམས་ལའང་བྱེ་བྲག་མེད་ཅིང་ཐ་དད་དུ་དབྱེ་བ་ཅིའང་མེད་དོ།། གནས་བརྟན་ཤཱ་རིའི་བུ་ཅང་མི་སྨྲ་བར་གྱུར་དེ་ནས་ཚེ་དང་ལྡན་པ་མོའུ་འགལ་གྱི་བུ་ཆེན་པོས། བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ།། བུ་མོ་ཅི་ཁྱོད་དེ་སྐད་ཅེས་ཟེར་བ་ལས་ན། སངས་རྒྱས་ཀྱི་ཆོས་རྣམ་ནི་ཤིན་ཏུ་ཆེས་ལྷག་པ་ཞིག་ཏུ་མཐོང་ལ། ཉན་ཐོས་ཀྱི་ཆོས་རྣམས་ནི་ཤིན་ཏུ་དམན་པར་མཐོང་ངམ་ཅིན། ཁྱོད་ཉན་ཐོས་ཆེན་པོ་རྣམས་མཐོང་ན་ལྡང་བར་ཡང་མི་བྱེད། ཕྱག་མི་འཚལ། བསུར་ཡང་མི་འགྲོ། གཏམ་ཡང་མི་ཟེར། སྟན་དང་བསོད་སྙོམས་ལའང་སྤྱན་འདྲེན་པར་མི་བྱེད། དེ་སྐད་ཅེས་སྨྲས་པ་དང་། བུ་མོ་མྱ་ངན་མེད་ཀྱིས་བྱིན་པས། གནས་བརྟན་མོ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ། ། བཙུན་པ་མོའུ་འགལ་གྱི་བུ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སྐར་མའི་གཟུགས་སུ་གཏོགས་པ་ཇི་སྙེད་ཅིག་ཡོད་པ་ཤེས་སམ། མོའུ་འགལ་གྱི་བུ་ཆེན་པོས་སྨྲས་པ། བུ་མོ་སྙོམས་པར་ཞུགས་ན་ནི་ཁོ་བོས་གྲངས་ཤེས་ཀྱི། སྙོམས་པར་མ་ཞུགས་ན་ནི་མི་ཤེས་སོ།། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་དེ་བཞིན་གཤེགས་པས་ནི་ལན་ཅིག་མཉམ་པར་བཞག་པ་ཉིད་ཀྱིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གངྒཱའི་ཀླུང་གི་བྱེ་མ་སྙེད་དག་ན། སེམས་ཅན་འདས་པ་དང་། མ་འོངས་པ་དང་། ད་ལྟར་བྱུང་བ་ཐམས་ཅད་ཀྱི་སེམས་ཀྱི་སྤྱོད་པའང་རབ་ཏུ་མཁྱེན་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གཅིག་ཏུ་གཏོགས་པའི་སེམས་ཅན་རྣམས་ཀྱི་ལྟ་ཅི་སྨོས་ཏེ། བཙུན་པ་མོརུ་འགལ་གྱི་བུ་ཆེན་པོ་འདི་ནི་དེ་བཞིན་གཤེགས་པ་དང་ཉན་ཐོས་རྣམས་ཀྱི་ཁྱད་པར་ཡིན་ཏེ། འདི་ནི་ཐ་དད་དུ་དབྱེ་བ་ཡིན་ནོ།། བཙུན་པ་མོའུ་འགལ་གྱི་བུ་ཆེན་པོ་ཕྱོགས་བཅུའི་འཇིག་རྟེན་ན། སངས་རྒྱས་ཀྱི་ཞིང་འཇིག་པ་ནི་ཇི་སྙེད་ཅིག་ཡོད། འཆགས་པ་ནི་ཇི་སྙེད་ཅིག་ཡོད་ཤེས་སམ། མོའུ་འགལ་གྱི་བུས་སྨྲས་པ། བུ་མོ་དེ་ནི་མི་ཤེས་སོ།། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་སངས་རྒྱས་བཅོམ་ལྡན་འདས་འདས་པ་ནི་ཇི་སྙེད་ཅིག་ཡོད། མ་འོངས་པ་ནི་ཇི་སྙེད་ཅིག་ཡོད། ད་ལྟར་བཞུགས་པ་ནི་ཇི་སྙེད་ཅིག་ཡོད་ཤེས་སམ། མོའུ་འགལ་གྱི་བུས་སྨྲས་པ། བུ་མོ་དེ་ནི་མི་ཤེས་སོ། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་སེམས་ཅན་འདོད་ཆགས་ལ་སྤྱོད་པ་ནི་ཇི་སྙེད་ཅིག་ཡོད། ཞེ་སྡང་ལ་སྤྱོད་པ་ནི་ཇི་སྙེད་ཅིག་ཡོད། གཏི་མུག་ལ་སྤྱོད་པ་ནི་ཇི་སྙེད་ཅིག་ཡོད་ཆ་མཉམ་པ་ལ་སྤྱོད་པ་ནི་ཇི་སྙེད་ཅི་ཡོད་ཤེས་སམ། མོའུ་འགལ་གྱི་བུས་སྨྲས་པ། བུ་མོ་དེ་ནི་མི་ཤེས་སོ།། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་ཉན་ཐོས་ཀྱི་ཐེག་པ་པའི་སེམས་ཅན་ནི་ཇི་སྙེད་ཅིག་ཡོད། རང་སངས་རྒྱས་ཀྱི་ཐེག་པ་པ་ནི་ཇི་སྙེད་ཅིག་ཡོད། ཐེག་པ་ཆེན་པོ་ལ་ཡང་དག་པར་ཞུགས་པ་ནི་ཇི་སྙེད་ཅིག་ཡོད་ཤེས་སམ། མོའུ་འགལ་གྱི་བུས་སྨྲས་པ། བུ་མོ་དེ་ནི་མི་ཤེས་སོ།། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་ཉན་ཐོས་ཀྱིས་འདུལ་བའི་སེམས་ཅན་ནི་ཇི་སྙེད་ཅིག་ཡོད། རང་སངས་རྒྱས་ཀྱིས་འདུལ་བ་ནི་ཇི་སྐད་ཅིག་ཡོད། སངས་རྒྱས་ཀྱིས་འདུལ་བའི་སེམས་ཅན་ནི་ཇི་སྙེད་ཅིག་ཡོད་ཤེས་སམ། མོའུ་འགལ་གྱི་བུས་སྨྲས་པ། བུ་མོ་དེ་ནི་མི་ཤེས་སོ།། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་ཡང་དག་པ་ཉིད་དུ་ངེས་པའི་སེམས་ཅན་ནི་ཇི་སྙེད་ཅིག་ཡོད། ལོག་པ་ཉིད་དུ་ངེས་པའི་སེམས་ཅན་ནི་ཇི་སྙེད་ཅིག་ཡོད། མ་ངེས་པའི་སེམས་ཅན་ནི་ཇི་སྙེད་ཅིག་ཡོད་ཤེས་སམ། མོའུ་འགལ་གྱི་བུས་སྨྲས་པ། བུ་མོ་དེ་ནི་མི་ཤེས་སོ།། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་དེ་བཞིན་གཤེགས་པས་ནི་དེ་དག་དང་། གཞན་ཡང་དེའི་གོང་དུ་གང་ཉན་ཐོས་དང་རང་སངས་རྒྱས་ཐམས་ཅད་ཀྱི་ས་མ་ཡིན་པ་དག་ཀྱང་རབ་ཏུ་མཁྱེན་ན། སེམས་ཅན་གཞན་དག་གི་ལྟ་ཅི་སྨོས་ཏེ། བཙུན་པ་མོའུ་འགལ་གྱི་བུ་ཆེན་པོ་འདི་ནི་དེ་བཞིན་གཤེགས་པའི་བླ་མའི་ཁྱད་པར་ཡིན་ནོ།། བཙུན་པ་མོའུ་འགལ་གྱི་བུ་ཆེན་པོ་གཞན་ཡང་དེ་བཞིན་གཤེགས་པ་ཁྱོད་རྫུ་འཕྲུལ་ཆེན་པོ་རྣམས་ཀྱི་མཆོག་ཏུ་བསྟན་གྱིས། བཙུན་པ་མོའུ་འགལ་གྱི་བུ་ཆེན་པོ་འཇིག་རྟེན་གྱི་ཁམས་སྤོས་ཀྱི་འོད་ཅེས་བྱ་བ་གང་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་རབ་ཏུ་འགྱེད་པའི་འོད་ཟེར་ད་ལྟར་བཞུགས་ཏེ། འཚོ་ཞིང་གཞེས་ལ། བྱང་ཆུབ་སེམས་དཔའ་རྣམས་ལ་ཆོས་ཀྱང་སྟོན་པའི་སངས་རྒྱས་ཀྱི་ཞིང་དེ་ན། ཤིང་ལྗོན་པ་ཐམས་ཅད་ལས་ཅན་དན་སྦྲུལ་གྱི་སྙིང་པོའི་སྤོས་གང་གིས་སངས་རྒྱས་ཀྱི་ཞིང་དེ་ཁྱབ་པར་འགྱུར་བའི་སྤོས་ཀྱི་ངད་ལྡང་བ་ཡོད་པ་དེར་སོང་ཞིག། གནས་བརྟན་མོའུ་འགལ་གྱི་བུ་ཆེན་པོས་སྨྲས་པ། བུ་མོ་སངས་རྒྱས་ཀྱི་ཞིང་དེའི་མིང་ཡང་ད་ཁོ་བོས་གདོད་ཐོས་ན། སངས་རྒྱས་ལ་བལྟ་བ་དང་། ཆོས་མཉན་པའི་ཕྱིར་ཇི་ལྟར་འགྲོ་བར་བྱ། དེ་ནས་བུ་མོ་མྱ་ངན་མེད་ཀྱིས་བྱིན་པས་ཁྲི་དེ་ལས་མ་ལངས་བཞིན་ཚིག་འདི་སྐད་ཅེས་སྨྲས་ཏེ། བདེན་པ་དང་བདེན་པའི་ཚིག་གང་གིས་བྱང་ཆུབ་སེམས་དཔའ་སེམས་དཔའ་ཆེན་པོས་སེམས་བསྐྱེད་མ་ཐག་ཏུ་ཉན་ཐོས་དང་རང་སངས་རྒྱས་ཐམས་ཅད་ཟིལ་གྱིས་གནོད་པ་ལྟ་ན། བདེན་པ་དང་བདེན་པའི་ཚིག་དེས་དེ་བཞིན་གཤེགས་པ་སྤོས་རབ་ཏུ་འགྱེད་པའི་འོད་ཟེར་དེས་བདག་ཉིད་དང་། རང་གི་སངས་རྒྱས་ཀྱི་ཞིང་ཉན་ཐོས་ཆེན་པོ་འདི་དག་ལ་སྟོན་པར་གྱུར་ཅིག། ཙན་དན་གྱི་དྲི་དེ་དག་ཀྱང་ཉན་ཐོས་ཆེན་པོ་འདི་དག་གིས་ཚོར་བར་གྱུར་ཅིག་ཅེས་བྱས་སོ། ། དེ་ནས་བུ་མོ་མྱ་ངན་མེད་ཀྱིས་བྱིན་པས་ཚིག་དེ་སྐད་ཅེས་སྨྲས་མ་ཐག་ཏུ། བདེན་པའི་བྱིན་གྱི་རླབས་དེས། བཅོམ་ལྡན་འདས་དེ་བཞིན་གཤེགས་པ་སྤོས་རབ་ཏུ་འགྱེད་པའི་འོད་ཟེར་གྱིས། དེ་ཉིད་ཀྱི་ཚེ་འོད་གང་གིས་ཉན་ཐོས་ཆེན་པོ་དེ་དག་གིས་འཇིག་རྟེན་གྱི་ཁམས་སྤོས་ཀྱི་འོད་དེ་དང་། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སྤོས་རབ་ཏུ་འགྱེད་པའི་འོད་ཟེར་དེ་ཆོས་སྟོན་ཅིང་བཞུགས་པ་མཐོང་བར་འགྱུར་བ་དེ་ལྟ་བུའི་འོད་སྐུ་ལས་བཀྱེའོ། ། ཆོས་བསྟན་པ་དེའང་སངས་རྒྱས་ཀྱི་མཐུས་འཇིག་རྟེན་གྱི་ཁམས་འདིར་ཐོས་སོ། ། ཙན་དན་སྦྲུལ་གྱི་སྙིང་པོའི་དྲི་དེས་ཀྱང་འཇིག་རྟེན་གྱི་ཁམས་མི་མཇེད་འདི་ཁྱབ་པར་གྱུར་ཏོ།། དེ་བཞིན་གཤེགས་པ་སྤོས་རབ་ཏུ་འགྱེད་པའི་འོད་ཟེར་དེས་ཀྱང་གསུང་གི་ཡན་ལག་དྲུག་ཅུ་དང་ལྡན་པའི་ཚིག་གིས་འདི་སྐད་ཅེས་བཀའ་སྩལ་ཏོ། ། བུ་མོ་མྱ་ངན་མེད་ཀྱིས་བྱིན་པས་ཇི་སྐད་སྨྲས་པ་བཞིན་ཏེ། བྱང་ཆུབ་སེམས་དཔའ་སེམས་དཔའ་ཆེན་པོས་སེམས་དང་པོ་བསྐྱེད་མ་ཐག་ཏུ་ཉན་ཐོས་དང་རང་སངས་རྒྱས་ཐམས་ཅད་ཟིལ་གྱིས་གནོན་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་བྱ་རྒོད་ཀྱི་ཕུང་པོ་ལ། གནས་པས་ཙན་དན་སྦྲུལ་གྱི་སྙིང་པོའི་དྲི་ཚོར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཙན་དད་སྦྲུལ་གྱི་སྙིང་པོའི་དྲི་འདི་ག་ལས་བྱུང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་བཀའ་སྩལ་ཏོ།། བྱམས་པ་བུ་མོ་མྱ་ངན་མེད་ཀྱིས་བྱིན་པ་འདིས་ཉན་ཐོས་ཆེན་པོ་རྣམས་ཀྱི་མདུན་དུ་སེང་གེའི་སྒྲ་བསྒྲགས་ཏེ་དེ་ནས་ཉན་ཐོས་ཆེན་པོ་དེ་དག་ལ་བདེན་པའི་བྱིན་གྱི་རླབས་ཀྱིས་འཇིག་རྟེན་གྱི་ཁམས་སྤོས་ཀྱི་འོད་ཅེས་བྱ་བ་ན། དེ་བཞིན་གཤེགས་པ་སྤོས་རབ་ཏུ་འགྱེད་པའི་འོད་ཟེར་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་ཆོས་སྟོན་ཅིང་བཞུགས་པའང་བསྟན། འཇིག་རྟེན་གྱི་ཁམས་སྤོས་ཀྱི་འོད་དེའི་ཙན་དན་སྦྲུལ་གྱི་སྙིང་པོའི་དྲི་དེས་ཀྱང་འཇིག་རྟེན་གྱི་ཁམས་འདི་ཁྱབ་པར་བྱས་སོ།། དེ་ནས་བུ་མོ་མྱ་ངན་མེད་ཀྱིས་བྱིན་པས། ཚེ་དང་ལྡན་པ་མོའུ་འགལ་གྱི་བུ་ཆེན་པོ་ལ་འདི་སྐད་ཅེས་སྨྲས་སོ།། བཙུན་པ་མོའུ་འགལ་གྱི་བུ་ཆེན་པོ་མཁས་པ་སུ་ཞིག་བྱང་ཆུབ་སེམས་དཔའ་སེམས་དཔའ་ཆེན་པོ་དག་གི་ཆོ་འཕྲུལ་དང་། རྣམ་པར་འཕྲུལ་པ་བསམ་གྱིས་མི་ཁྱབ་པ་རྨད་དུ་བྱུང་བ་འདི་ལྟ་བུ་དག་མཐོང་ངམ། ཐོས་ན། ཉན་ཐོས་དམན་པ། ཞན་པ། ཞུམ་པ། ཉི་ཚེ་བའི་ཤེས་པ་དང་ལྡན་པ་རྣམས་ལ་ལྡང་བ་འམ། བསུར་འགྲོ་བའམ། ཕྱག་འཚལ་བར་བྱེད། བཙུན་པ་མོའུ་འགལ་གྱི་བུ་ཆེན་པོ་འཇིག་རྟེན་གྱི་ཁམས་སྤོས་ཀྱི་འོད་དེ་ཇི་ཙམ་དུ་ཐག་རིང་བ་ཤེས་སམ། མོའུ་འགལ་གྱི་བུས་སྨྲས་པ། བུ་མོ་དེ་ནི་མི་ཤེས་སོ།། བུ་མོས་སྨྲས་པ། བཙུན་པ་མོའུ་འགལ་གྱི་བུ་ཆེན་པོ་གལ་ཏེ་ཁྱེད་འདྲ་བའི་རྫུ་འཕྲུལ་ཅན་ཤ་སྟག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དཔེར་ན་བུ་རམ་ཤིང་གི་ཚལ་ལམ། འོད་མའི་ཚལ་ལམ། བདམ་བུའི་ཚལ་ལམ། འབྲས་སཱ་ལུའི་ཞིང་བཞིན་དུ་མཚམས་མེད་པར་གང་བར་གྱུར་ནས། དེ་དག་ཐམས་ཅད་ཀྱིས་བསྐལ་པར་བརྩིས་ཀྱང་འཇིག་རྟེན་གྱི་ཁམས་སྤོས་ཀྱི་འོད་ཅེས་བྱ་བ་དེ་སངས་རྒྱས་ཀྱི་ཞིང་ཇི་སྙེད་ཅིག་འདས་པའི་ཕ་རོལ་ན་འདུག་པ་བགྲང་བའི་ཐབས་ཀྱིས་རྟོགས་པར་མི་ནུས་སོ། ། དེ་ནས་བཅོམ་ལྡན་འདས་དེ་བཞིན་གཤེགས་པ་སྤོས་རབ་ཏུ་འགྱེད་པའི་འོད་ཟེར་གྱིས་འོད་དེ་དག་མི་སྣང་བར་མཛད་དེ། སངས་རྒྱས་ཀྱི་ཞིང་དེའང་མི་སྣང་བར་མཛད་དོ།། དེ་ནས་ཚེ་དང་ལྡན་པ་འོད་སྲུངས་ཆེན་པོས། བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ། ། བུ་མོ་ཁྱོད་ཀྱིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དེ་སྔོན་མཐོང་ངམ། བུ་མོས་སྨྲས་པ། བཙུན་པ་འོད་སྲུངས་ཆེན་པོ་དེ་བཞིན་གཤེགས་པ་མཐོང་བར་ནུས་སམ། དེ་བཞིན་གཤེགས་པས། གང་དག་ང་ལ་གཟུགས་སུ་མཐོང་།། གང་དག་ང་ལ་སྒྲར་ཤེས་པ།། ལོག་པས་སྤོང་བར་ཞུགས་པ་སྟེ། ། སྐྱེ་བོ་དེ་དག་ང་མི་མཐོང་།། སངས་རྒྱས་རྣམས་ནི་ཆོས་ཉིད་ལྟ།། འདྲེན་པ་རྣམས་ནི་ཆོས་ཀྱི་སྐུ།། ཆོས་ཉིད་ཤེས་པར་བྱ་མིན་པས།། དེ་ནི་རྣམ་པར་ཤེས་མི་ནུས། ། ཞེས་མ་གསུངས་སམ། བཙུན་པ་འོད་སྲུངས་རིན་པོ་གཞན་ཡང་བུ་མོ་ཁྱོད་ཀྱིས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ན་མཐོང་ངམ་ཞེས་དེ་སྐད་ཟེར་བ་ནི། བཙུན་པ་འོད་སྲུངས་ཆེན་པོ་བདག་གིས་དེ་བཞིན་གཤེགས་པ་མཐོང་མོད་ཀྱི། ཤའི་མིག་གིས་མ་ཡིན་ཏེ། གཟུགས་སུ་མ་ཡིན་ནོ།། ལྷའི་མིག་གིས་མ་ཡིན་ཏེ། ཚོར་བར་མ་ཡིན་ནོ།། ཤེས་རབ་ཀྱི་མིག་གིས་མ་ཡིན་ཏེ། འདུ་ཤེས་སུ་མ་ཡིན་ནོ།། ཆོས་ཀྱི་མིག་གིས་མ་ཡིན་ཏེ། འདུ་བྱེད་དུ་མ་ཡིན་ནོ།། སངས་རྒྱས་ཀྱི་མིག་གིས་མ་ཡིན་ཏེ། རྣམ་པར་ཤེས་པར་མ་ཡིན་ནོ། ། བཙུན་པ་འོད་སྲུངས་ཆེན་པོ་གཞན་ཡང་བདག་གིས་དེ་བཞིན་གཤེགས་པ་མཐོང་སྟེ། དཔེར་ན་གནས་བརྟན་གྱིས་མ་རིག་པ་དང་སྲིད་པ་ལ་སྲེད་པ་མཐོང་བ་བཞིན་ནོ།། བཙུན་པ་འོད་སྲུངས་ཆེན་པོ་གཞན་ཡང་བདག་གིས་དེ་བཞིན་གཤེགས་པ་མཐོང་སྟེ། དཔེར་ན་གནས་བརྟན་གྱིས་ངར་འཛིན་པ་དང་། ང་ཡིར་འཛིན་པ་མཐོང་བ་བཞིན་ནོ།། གནས་བརྟན་འོད་སྲུངས་ཆེན་པོས་སྨྲས་པ། བུ་མོ་འདི་ལྟར་མ་རིག་པ་དང་སྲིད་པ་ལ་སྲེད་པ་དང་། ངར་འཛིན་པ་དང་། ང་ཡིར་འཛིན་པའི་ཆོས་འདི་གཉིས་ནི་མེད་པ་ཡིན་ནོ།། ཆོས་གང་མེད་པ་དེ་ནི་བལྟ་བར་མི་ནུས་སོ།། བུ་མོ་མྱ་ངན་མེད་ཀྱིས་བྱིན་པ་སྨྲས་པ། བཙུན་པ་འོད་སྲུངས་ཆེན་པོ་དེ་དེ་བཞིན་ནོ།། ཆོས་ཐམས་ཅད་ནི་མེད་པ་ཡིན་ཏེ། དེ་དག་ནི་བལྟ་བར་མི་ནུས་སོ།། འོད་སྲུངས་ཆེན་པོས་སྨྲས་པ། བུ་མོ་ཅི་སངས་རྒྱས་ཀྱི་ཆོས་ཀྱང་མེད་དང་། བུ་མོས་སྨྲས་པ། གནས་བརྟན་སངས་རྒྱས་ཀྱི་ཆོས་རྣམས་སམ། སོ་སོའི་སྐྱེ་བོའི་ཆོས་རྣམས་ཀྱང་རུང་སྟེ། ཆོས་འགའ་ཞིག་ཡོངས་སུ་གྲུབ་པར་འདོད་དམ། འོད་སྲུངས་ཆེན་པོས་སྨྲས་པ། བུ་མོ་ཁོ་བོ་ནི་ས་སོའི་སྐྱེ་བོའི་ཆོས་རྣམས་ལའང་ཡོངས་སུ་གྲུབ་པར་མི་འདོད་ན། སངས་རྒྱས་ཀྱི་ཆོས་རྣམས་ལ་ལྟ་ཅི་སྨོས། བུ་མོས་སྨྲས་པ། བཙུན་པ་འོད་སྲུངས་ཆེན་པོ་ཆོས་གང་དག་ཡོངས་སུ་གྲུབ་པ་མེད་པའི་ཆོས་དེ་དག་ཅི་ཡོད་པ་ཡིན་ནམ། འོན་ཏེ་མེད་པ་ཡིན། འོད་སྲུངས་ཆེན་པོས་སྨྲས་པ། བུ་མོ་མེད་པ་དེ་དག་ནི་མེད་པ་ཡིན་ནོ།། བུ་མོས་སྨྲས་པ། བཙུན་པ་འོད་སྲུངས་ཆེན་པོ་དེ་བས་ན། ཆོས་ཐམས་ཅད་ནི་མེད་པ་ཉིད་དོ། ། མེད་པ་གང་ཡིན་པ་དེ་དག་ལ་ནི་ལྟ་བ་རྣམ་པར་སྦྱང་བར་བྱ་བ་མེད་དོ།། བཙུན་པ་འོད་སྲུངས་ཆེན་པོ་རིགས་ཀྱི་བུ་འམ། རིགས་ཀྱི་བུ་མོ་སངས་རྒྱས་ལ་ལྟ་བ་རྣམ་པར་སྦྱང་བར་འདོད་པས་ནི་བདག་ལ་ལྟ་བ་རྣམ་པར་སྦྱང་བར་བྱའོ། ། འོད་སྲུངས་ཆེན་པོས་སྨྲས་པ། བུ་མོ་བདག་ལ་ལྟ་བ་ཇི་ལྟར་རྣམ་པར་དག་པར་འགྱུར། བུ་མོས་སྨྲས་པ། བཙུན་པ་འོད་སྲུངས་ཆེན་པོ་གང་གི་ཚེ་བདག་རང་བཞིན་མེད་པའི་ཕྱིར། ཆོས་ཐམས་ཅད་ཀྱང་རང་བཞིན་མེད་པ་ཉིད་དུ་མོས་ན། དེ་ཙམ་གྱིས་ན་བདག་ལ་ལྟ་བ་རྣམ་པར་དག་པར་འགྱུར་རོ།། འོད་སྲུངས་ཆེན་པོས་སྨྲས་པ། བུ་མོ་བདག་གི་རང་བཞིན་ཅི་ཡིན། བུ་མོས་སྨྲས་པ། བཙུན་པ་འོད་སྲུངས་ཆེན་པོ་བདག་གི་རང་བཞིན་ནི་སྟོང་པ་ཉིད་དོ།། བདག་གི་རང་བཞིན་མེད་པའི་ཕྱིར། བདག་དབེན་པའང་ཡིན་ནོ།། རང་བཞིན་མེད་པ་དེས་བདག་དབེན་ནོ། ། རང་བཞིན་མེད་པ་དེས་ཆོས་ཐམས་ཅད་དབེན་ནོ།། འོད་སྲུངས་ཆེན་པོས་སྨྲས་པ། བུ་མོ་ཁྱོད་ཀྱིས་སུ་ལས་ཆོས་ཐོས་ན། འདི་ལྟར་ཁྱོད་ཀྱི་ཡང་དག་པའི་ལྟ་བ་སྐྱེས་པར་གྱུར། བུ་མོ་ཡང་དག་པའི་ལྟ་བ་སྐྱེ་བ་ལ་ནི་རྒྱུ་གཉིས་དང་རྐྱེན་གཉིས་ཡོད་དེ། གཞན་གྱི་སྒྲ་དང་། བདག་ཉིད་ཀྱི་ཚུལ་བཞིན་ཡིད་ལ་བྱེད་པ་ལས་འབྱུང་ངོ་།། ཞེས་དེ་སྐད་གསུངས་སོ།། བུ་མོས་སྨྲས་པ། བཙུན་པ་འོད་སྲུངས་ཆེན་པོ་གང་དག་གཞན་གྱི་དྲིང་འཛེག་པའི་ཤེས་རབ་ཅན་དེ་དག་ནི་གཞན་གྱི་སྒྲ་དང་ཚུལ་བཞིན་དུ་སོ་སོར་རྟོག་པ་ལས་ལྟ་བ་རྣམ་པར་དག་པར་འགྱུར་རོ། ། བཙུན་པ་འོད་སྲུངས་ཆེན་པོ་གང་དག་གཞན་གྱི་དྲིང་མི་འཇོག་པའི་ཤེས་རབ་ཅན་དག་ནི་གཞན་གྱི་སྒྲ་མི་འཚོལ་ལོ། ། བཙུན་པ་འོད་སྲུངས་ཆེན་པོ་ཇི་ལྟར་ན་དགེ་སློང་ཚུལ་བཞིན་དུ་ཞུགས་པ་ཡིན། འོད་སྲུངས་ཆེན་པོས་སྨྲས་པ། བུ་མོ་གང་གི་ཚེ་དགེ་སློང་ཇི་སྐད་ཐོས་པའི་ཆོས་རྣམས་ཀྱི་དོན་ལ་ཉེ་བར་རྟོག་པར་བྱེད་པ་དེ་ལྟར་ན་དགེ་སློང་ཚུལ་བཞིན་དུ་ཞུགས་པ་ཡིན་ནོ།། འོད་སྲུངས་ཆེན་པོས་སྨྲས་པ། བུ་མོ་ཇི་ལྟར་ན་བྱང་ཆུབ་སེམས་དཔའ་ཚུལ་བཞིན་དུ་ཞུགས་པ་ཡིན། བུ་མོས་སྨྲས་པ། བཙུན་པ་འོད་སྲུངས་ཆེན་པོ་གང་གི་ཚེ་བྱང་ཆུབ་སེམས་དཔའ་སེམས་ཅན་ཐམས་ཅད་དང་ལྷན་ཅིག་གནས་ཀྱང་སེམས་ཅན་དུ་འདུ་ཤེས་སྐྱེད་པར་རྨི། བྱེད་པ་དེ་ལྟར་ན། བྱང་ཆུབ་སེམས་དཔའ་ཚུལ་བཞིན་དུ་ཞུགས་པ་ཡིན་ནོ།། བཙུན་པ་འོད་སྲུངས་ཆེན་པོ་ཞུགས་པ་ཞེས་བྱ་བ་ནི་ཆོས་ཐམས་ཅད་ནི་སྔོན་གྱི་མཐའི་དེ་བཞིན་ཉིད་དང་ལྡན་ནོ།། ཆོས་ཐམས་ཅད་ནི་མའི་མཐའི་དེ་བཞིན་ཉིད་དང་ལྡན་ནོ། ། ཆོས་ཐམས་ཅད་ནི་ད་ལྟར་བྱུང་བའི་དེ་བཞིན་ཉིད་དང་ལྡན་ནོ་ཞེས། བཙུན་པ་འོད་སྲུངས་ཆེན་པོ་བྱང་ཆུབ་སེམས་དཔའ་སྦྱོར་བ་དེ་ལྟ་བུས་སྦྱོར་བར་མི་བྱེད་ན། དེ་ཙམ་གྱིས་ན་བྱང་ཆུབ་སེམས་དཔའ་ཚུལ་བཞིན་དུ་ཞུགས་པ་ཡིན་ནོ། ། འོད་སྲུངས་ཆེན་པོས་སྨྲས་པ། བུ་མོ་ཆོས་དེ་དག་ལ་ཛིལྟར་སྦྱར་བར་བྱ། བུ་མོས་སྨྲས་པ། བཙུན་པ་འོད་སྲུངས་ཆེན་པོ་ཇི་ལྟར་དེ་བཞིན་ཉིད་ལ་སྦྱོར་བའང་མེད། མི་སྦྱོར་བའང་མེད་པར་མཐོང་བ་དེ་བཞིན་དུ་ཆོས་ཐམས་ཅད་ལ་སྦྱར་བར་བྱའོ།། འོད་སྲུངས་ཆེན་པོས་སྨྲས་པ། བུ་མོ་ཇི་ལྟར་མཐོང་ན་ཆོས་ཐམས་ཅད་མཐོང་བ་ཡིན། བུ་མོས་སྨྲས་པ་བཙུན་པ་འོད་སྲུངས་ཆེན་པོ་ཆོས་ཐམས་ཅད་ལ་གཉིས་སུ་མེད་པར་མཐོང་ལ། མི་འབྱེད་ཅིང་འཇིག་པར་ཡང་མི་བྱེད་ན། དེ་ལྟར་ན་ཆོས་ཐམས་ཅད་མཐོང་བ་ཡིན་ནོ།། བཙུན་པ་འོད་སྲུངས་ཆེན་པོ་མཐོང་ཞེས་བྱ་བ་དེ་ནི་མཐོང་བ་མེད་པའི་ཚིག་བླ་དགས་སོ། ། འོད་སྲུངས་ཆེན་པོས་སྨྲས་པ། བུ་མོ་བདག་ཇི་ལྟར་བལྟ་བར་བྱ། བུ་མོས་སྨྲས་པ། བཙུན་པ་འོད་སྲུངས་ཆེན་པོས་ཇི་ལྟར་མཐོང་བ་བཞིན་དུ་བ་བར་བྱའོ། ། འོད་སྲུངས་ཆེན་པོས་སྨྲས་པ། བུ་མོ་ཁོ་བོས་ནི་བདག་དང་བདག་གི་མ་མཐོང་ངོ་།། བུ་མོས་སྨྲས་པ། བཙུན་པ་འོད་སྲུངས་ཆེན་པོ་ཇི་ལྟར་བདག་མེད་ཅིང་བདག་གི་མེད་པ་དེ་བཞིན་དུ་ཆོས་ཐམས་ཅད་བལྟ་བར་བྱའོ། ། གཏམ་དེ་སྐད་དུ་བརྗོད་པའི་སྐབས་སུ་གནས་བརྟན་རབ་འབྱོར་གྱིས། བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ།། བུ་མོ་ཁྱོད་ཀྱི་སྤོབས་པ་འདི་འདྲ་བ་ནི་ཁྱོད་ཀྱིས་རྙེད་པ་ལེགས་པར་རྙེད་དོ། ། བུ་མོ་མྱ་ངན་མེད་ཀྱིས་བྱིན་པས་སྨྲས་པ། བཙུན་པ་རབ་འབྱོར་རྙེད་པ་ལས་ནི་སྤོབས་པར་མི་འགྱུར་གྱི་གང་གིས་ཅིའང་མ་རྙེད་པ་དེ་སྤོབས་པ་དང་ལྡན་ཞིང་། གང་གིས་ནང་ངམ་ཕྱི་རོལ་ཅིའང་མི་དམིགས་པ་དེ་སྤོབས་པ་དང་ལྡན་པ་ཡིན་ནོ།། རབ་འབྱོར་གྱིས་སྨྲས་པ། བུ་མོ་གང་མ་རྙེད་ན་སྤོབས་པ་དང་ལྡན་པ་ཡིན། བུ་མོས་སྨྲས་པ། གང་གིས་བདག་མ་རྙེད་ཅིང་གཞན་མ་ཡིན། དགེ་བ་མ་ཡིན། མི་དགེ་བ་མ་ཡིན། ཁ་ན་མ་ཐོ་བ་དང་བཅས་པ་མ་ཡིན། ཁ་ན་མ་ཐོ་བ་མེད་པ་མ་ཡིན། ཟག་པ་དང་བཅས་པ་མ་ཡིན། ཟག་པ་མེད་པ་མ་ཡིན། འདུས་བྱས་མ་ཡིན། འདུས་མ་བྱས་མ་ཡིན། འཇིག་རྟེན་པ་མ་ཡིན། འཇིག་རྟེན་ལས་འདས་པ་མ་ཡིན། ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན་ཏེ། འཁོར་བ་དང་མྱ་ངན་ལས་འདས་པ་མ་རྙེད་ལ། སོ་སོའི་སྐྱེ་བོའི་ཆོས་མི་དམིགས་ཤིང་། འཕགས་པའི་ཆོས་ཀྱང་མི་དམིགས་ཏེ། སངས་རྒྱས་ཀྱི་ཆོས་མི་དམིགས་ན། བཙུན་པ་རབ་འབྱོར་དེ་ལྟར་ན་གང་གིས་ཅིརང་མ་རྙེད་པ་སོབས་པ་དང་ལྡན་པ་ཡིན་ནོ། ། རབ་འབྱོར་གྱིས་སྨྲས་པ། ཇི་ལྟར་སྤོབས་པར་འགྱུར། བུ་མོས་སྨྲས་པ། བཙུན་པ་རབ་འབྱོར་གྱིས་ཇི་ལྟར་ཆོས་ཐབས་ཅད་མ་རྙེད་པ་དེ་བཞིན་དུ་དེ་སྤོབས་པར་འགྱུར་རོ། ། ཆོས་ཀྱི་དེ་བཞིན་ཉིད་གང་གིས་གནས་བརྟན་ཉོན་མོངས་པ་མེད་པ་རྣམས་ཀྱི་མཆོག་ཏུ་བསྟན་པའི་ཆོས་ཀྱི་དེ་བཞིན་ཉིད་དེ་ཅི་བརྗོད་ཅིང་སྨྲར་རུང་ངམ། ཉོན་མོངས་པ་མེད་པ་དེ་དང་། ཆོས་ཀྱི་དེ་བཞིན་ཉིད་དེ་ལ་ཅི་སྤོབས་པ་ཅིའང་ཡོད་དམ། རབ་འབྱོར་གྱིས་སྨྲས་པ། ཉོན་མོངས་པ་མེད་པ་དང་དེ་བཞིན་ཉིད་ནི་བསྟན་པ་འམ། བརྗོད་པར་མི་ནུས་སོ།། བུ་མོས་སྨྲས་པ། བཙུན་པ་རབ་འབྱོར་ཆོས་ཐམས་ཅད་ནི་བརྗོད་དུ་མེད་པ་ཡིན་ན། ཁྱོད་ཀྱིས་བུ་མོ་ཁྱོད་སྤོབས་པ་འདི་ལྟ་བུ་དང་ལྡན་པ་ནི་ཁྱོད་ཀྱིས་རྙེད་པ་ལེགས་པར་རྙེད་དོ་ཞེས་བྱ་བ་དེ་ཇི་ལྟ་བུ་ཡིན་རབ་འབྱོར་གྱིས་སྨྲས་པ། བུ་མོ་ཁྱོད་ནི་འདི་ལྟར་མེད་པའི་སྤོབས་པས་སྟོན་ཏོ།། བུ་མོས་སྨྲས་པ། གནས་བརྟན་རབ་འབྱོར་ཆོས་ཐམས་ཅད་ལ་བྲག་ཆ་ལྟ་བུར་མོས་སམ། རབ་འབྱོར་གྱིས་སྨྲས་པ། བུ་མོ་མོས་སོ།། བུ་མོས་སྨྲས་པ། གནས་བརྟན་རབ་འབྱོར་ཅི་བྲག་ཆ་ལ་སྤོབས་པ་ཅིའང་ཡོད་དམ། རབ་འབྱོར་གྱིས་སྨྲས་པ། བུ་མོ་དེ་ནི་མེད་དེ། བུ་མོ་རྒྱུ་དང་རྐྱེན་ཚོགས་པ་ལས་སྒྲ་འབྱུང་བར་ཟད་དོ། ། བུ་མོས་སྨྲས་པ། བཙུན་པ་རབ་འབྱོར་བརྟེན་ནས་སྒྲ་འབྱུང་བ་གང་ཡིན་པ་དེ་ལ་ནི་རང་བཞིན་གྱིས་གྲུབ་པ་ཅིའང་མེད་དེ། དེ་ཅིའི་ཕྱིར་ཞེ་ན། འདི་ལྟར་གང་བརྟེན་ནས་བྱུང་བ་དེ་ལ་ནི་སྐྱེ་བ་ཅིའང་མེད་པའི་ཕྱིར་རོ། ། རབ་འབྱོར་གྱིས་སྨྲས་པ། བུ་མོ་ཆོས་ཐམས་ཅད་ནི་བརྟེན་ནས་འབྱུང་བའོ།། བུ་མོས་སྨྲས་པ། བཙུན་པ་རབ་འབྱོར་དེ་བས་ན་ཆོས་ཐམས་ཅད་ནི་རང་བཞིན་གྱིས་མ་སྐྱེས་པའོ།། རབ་འབྱོར་གྱིས་སྨྲས་པ། བུ་མོ་གལ་ཏེ་ཆོས་ཐམས་ཅད་རང་བཞིན་གྱིས་མ་སྐྱེས་པ་ཡིན་ན། བཅོམ་ལྡན་འདས་ཀྱིས་དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་ནི་འདས་ཏེ་གཤེགས་སོ། ། དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་ནི་མ་འོངས་པ་ན་འབྱུང་བར་འགྱུར་རོ།། དེ་བཞིན་གཤེགས་པ་གངྒཱའི་ཀླུང་གི་བྱེ་མ་སྙེད་ནི་ད་ལྟར་བཞུགས་སོ་ཞེས་ཅིའི་ཕྱིར་བསྟན། བུ་མོས་སྨྲས་པ། བཙུན་པ་རབ་འབྱོར་མི་སྐྱེ་བ་ནི་སྐྱེ་བར་མི་འགྱུར་རོ།། དེ་ཅིའི་ཕྱིར་ཞེ་ན། བཙུན་པ་རབ་འབྱོར་ཆོས་ཀྱི་དབྱིངས་ལ་ནི་སྐྱེ་བའམ། ནུབ་པར་འགྱུར་བ་མི་འདོད་པའི་ཕྱིར་རོ།། རབ་འབྱོར་གྱིས་སྨྲས་པ། བུ་མོ་ཁྱོད་ནི་འདི་ལྟར་སྐྱེ་བ་མེད་པ་དོན་དམ་པའི་ཚིག་སྟོན་ཏོ།། བུ་མོས་སྨྲས་པ། བཙུན་པ་རབ་འབྱོར་བསྟན་པ་ཐམས་ཅད་ནི་བསྟན་དུ་མེད་པའོ།། དེ་ཅིའི་ཕྱིར་ཞེ་ན། བསྟན་པ་ཐམས་ཅད་བསྟན་དུ་མེད་ཅེ་ན། ད་ནི་བསྟན་ཀྱང་རུང་མ་བསྟན་ཀྱང་རུང་དངོས་པོ་མ་ཡིན་ཏེ། དངོས་པོ་མེད་པ་དང་བརྗོད་དུ་མེད་པའི་མཐའ་མི་སྤོང་བའི་ཕྱིར་རོ།། རབ་འབྱོར་གྱིས་སྨྲས་པ། བུ་མོ་ཁྱོད་ནི་ཁྱིམ་ན་གནས་བཞིན་དུ་འདི་ལྟ་བུའི་ཆོས་ལ་གནས་ཤིང་། འདི་ལྟ་བུའི་རྣམ་པ་དག་སྟོན་པ་འདི་ནི་ངོ་མཚར་ཏོ།། བུ་མོས་སྨྲས་པ། བཙུན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ནི་ཁྱིམ། པ་འམ། རབ་ཏུ་བྱུང་བ་ཞེས་གཟུང་བར་མི་བྱའོ།། དེ་ཅིའི་ཕྱིར་ཞེ་ན། དེ་དག་ནི་བསམ་པས་ཕྱེ་བ་ཡིན། ཤེས་རབ་ཀྱིས་བྱེ་བ་ཡིན། ཡེ་ཤེས་ཀྱིས་ཕྱེ་བ་ཡིན་པའི་ཕྱིར་རོ།། བཙུན་པ་རབ་འབྱོར། བྱང་ཆུབ་སེམས་དཔའི་གནས་པ་ཁྱོད་ཀྱིས་ཤེས་སམ། རབ་འབྱོར་གྱིས་སྨྲས་པ། བུ་མོ་ཁྱོད་ཀྱིས་ཤོད་ཅིག་དང་། ཁོ་བོས་མཉན་ཏོ།། བུ་མོས་སྨྲས་པ། བཙུན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བརྒྱད་དང་ལྡན་ན་ཁྱིམ་པ་འམ། རབ་ཏུ་བྱུང་བ་ཞེས་མི་བྱ་སྟེ། སྤྱོད་ལམ་གང་དང་གང་གིས་གནས་ཀྱང་ཁ་ན་མ་ཐོ་བ་མེད་པར་འགྱུར་རོ།། བརྒྱད་གང་ཞེ་ན། འདི་ལྟ་སྟེ། བཙུན་པ་རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ལྷག་པའི་བསམ་པ་ཕུན་སུམ་ཚོགས་པ་ཡིན་ཏེ། ལྷག་པའི་བསམ་པ་དེའང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཕྱིར་རོ།། སེམས་ཅན་ཐམས་ཅད་ཡོངས་སུ་མི་གཏོང་བར་གནས་པའི་ཕྱིར་བྱམས་པ་ལ་གནས་པའང་ཡིན་ནོ།། འཇིག་རྟེན་པའི་དགའ་བ་དང་། སྤྱོད་པ་དང་བྲལ་བའི་ཕྱིར་སྙིང་རྗེ་ཆེན་པོ་ལ་གནས་པའང་ཡིན་ནོ།། ལུས་དང་སྲོ་ཀ་ལ་མི་ལྟ་བའི་ཕྱིར་བཏང་སྙོམས་ལ་གནས་པའང་ཡིན་ནོ།། ཡོངས་སུ་བསྔོ་བ་ལ་མཁས་པ་ཤིན་ཏུ་རྫོགས་པའི་ཕྱིར་ཐབས་ལ་མཁས་པའང་ཡིན་ནོ།། ལྟ་བ་ཐམས་ཅད་དང་བྲལ་བའི།། ཕྱིར་ཤེས་རབ་ཀྱི་ཕ་རོལ་ཏུ་ཕྱིན་པ་ལས་ངེས་པར་བྱུང་བའང་ཡིན་ནོ།། དགེ་བའི་རྩ་བ་འཆོལ་བ་ལ་བརྩོན་པས་ཆོག་མི་ཤེས་པའི་ཕྱིར་བརྩོན་འགྲུས་བརྩམས་པའང་ཡིན་ནོ།། བཟོད་པ་ཤིན་ཏུ་ཐོབ་པའི་ཕྱིར་མ་བསྟན་པར་ཤེས་པའང་ཡིན་ཏེ། བཙུན་པ་རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བརྒྱད་པོ་དེ་དག་དང་ལྡན་ན་ཁྱིམ་པ་འམ། རབ་ཏུ་བྱུང་བ་ཞེས་མི་བྱ་སྟེ། སྤོང་ལམ་གང་དང་གང་གིས་གནས་ཀྱང་ཐམས་ཅད་དུ་ཁ་ན་མ་ཐོ་བ་མེད་པར་འགྱུར་རོ། ། དེ་ནས་ཚེ་དང་ལྡན་པ་སྒྲ་གཅན་ཟིན་གྱིས། བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ། ། བུ་མོ་ཁྱོད་མ་ལ་ཁྲི་གསེར་གྱི་རྐང་པ་ཅན་ལ་འདུག་ཅིང་། སྟན་ཤིན་དུ་མཐོ་བ་ལ་འདུག་ནས། ཉན་ཐོས་ཆེན་པོ་དག་དང་གཏམ་ཟེར་བ་དེ་ནི་རུང་བ་མ་ཡིན་པར་གནས་པ་ཡིན་ནོ།། བུ་མོ་མི་ན་བར་སྟན་མཐོན་པོ་ལ་འདུག་པ་ལ་སྟན་དམའ་བ་ལ་འདུག་པས་ཆོས་བཤད་པར་མི་བྱའོ་ཞེས་བྱ་བ་ཅི་ཁྱོད་ཀྱིས་མ་ཐོས་སམ། དེ་སྐད་ཅེས་སྨྲས་པ་དང་། བུ་མོ་མྱ་ངན་མེད་ཀྱིས་བྱིན་པས། ཚེ་དང་ལྡན་པ་སྒྲ་གཅན་ཟིན་ལ་འདི་སྐད་ཅེས་སྨྲས་སོ། ། བཙུན་པ་སྒྲ་གཅན་ཟིན་འཇིག་རྟེན་ན་གང་དག་ནི་རུང་བ་ཡིན། འཇིག་རྟེན་ན་གང་དག་ནི་རུང་བ་མ་ཡིན་པ་ཁྱོད་ཀྱིས་ཤེས་སམ། སྒྲ་གཅན་ཟིན་གྱིས་སྨྲས་པ། བུ་མོ་ཁོ་བོས་ཤེས་ཏེ། གང་དག་ཇི་ལྟར་བཅས་པའི་བསླབ་པ་ལ་སློབ་ཅིང་། བསླབ་པ་དེ་ལས་འགལ་བར་མི་བྱེད་པ་དེ་དག་ནི་རུང་བ་ཞེས་བྱའོ།། གང་དག་བསླབ་པ་དེ་ལས་འགལ་བར་བྱེད་པ་དེ་དག་ནི་རུང་བ་མ་ཡིན་པ་ཞེས་བུ་མོ་མྱ་ངན་མེད་ཀྱིས་བྱིན་པས་སྨྲས་པ། བཙུན་པ་སྒྲ་གཅན་ཟིན་ཐོང་དེ་སྐད་མ་ཟེར་ཅིག། བཙུན་པ་སྒྲ་གཅན་ཟིན་གང་དག་ཇི་ལྟར་བཅས་པའི་བསླབ་པ་ལ་སློབ་པ་དེ་དག་ནི་རུང་བ་མ་ཡིན་པའོ།། ཕྱིར་ཞེ་ན། འདི་ལྟར་དེ་དག་ནི་རྙོག་ཅིང་རྣམ་པར་མི་རྟོག་པ་དེ་དག་ནི་རུང་བ་ཞེས་བྱའོ།། བཙུན་པ་སྒྲ་གཅན་ཟིན་རུང་བ་ཞེས་བྱ་བ་འདི་ནི་དགེ་སློང་དགྲ་བཅོམ་པ་ཟག་པ་ཟད་པ་རྣམས་ཀྱི་ཚིག་ཐ་དགས་ཡིན་ཏེ། དེ་དག་ནི་བསླབ་པ་ལས་འགལ་བར་མི་བྱེད་དོ།། དེ་ཅིའི་ཕྱིར་ཞེ་ན། བཅོམ་ལྡན་འདས་ཀྱི་ཉན་ཐོས་རྣམས་ནི་བསླབ་པ་ལས་ཡང་དག་པར་འདས་པའི་ཕྱིར་ཏེ། དེ་དག་ནི་ཕྱིར་ཡང་བསླབ་པར་འདོད་པ་མ་ཡིན་པས་དེ་དག་ནི་རུང་བ་མ་ཡིན་ནོ། ། དེ་དག་ཁམས་གསུམ་དུ་ཕྱིར་མི་འོང་བ་ཡིན། དེ་དག་ནི་བསླབ་པ་ལས་ཡང་དག་པར་འདས་པ་ཡིན་ཏེ། མི་སློབ་པ་ཞེས་བྱའོ།། དེ་ལྟར་ན་དེ་དག་གི་བསླབ་པ་ནི་མི་དམིགས་ཏེ། ཁམས་གསུམ་པ་བཏགས་པ་ཙམ་དུ་ཤེས་སོ།། དེའི་ཕྱིར་དེ་དག་ནི་རུང་བ་ཞེས་བྱའོ།། སྒྲ་གཅན་ཟིན་གྱིས་སྨྲས་པ། བུ་མོ་རུང་བ་དང་རུང་བ་མ་ཡིན་པ་ལ་ཐ་དད་དུ་དབྱེ་བ་ཅི་ཞིག་ཡོད། བུ་མོས་སྨྲས་པ། བཙུན་པ་སྒྲ་གཅན་ཟིན་འདི་ལྟ་སྟེ། དཔེར་ན་གསེར་དངུལ་རྒྱན་དུ་བྱས་པ་དང་། རྒྱན་དུ་མ་བྱས་པ་ལ་ཐ་དད་དུ་དབྱེ་བ་ཅི་ཞིག་ཡོད། སྒྲ་གཅན་ཟིན་གྱིས་སྨྲས་པ། བུ་མོ་ཐ་དད་དུ་དབྱེ་བ་ཅིའང་མེད་དོ།། བུ་མོས་སྨྲས་པ། བཙུན་པ་སྒྲ་གཅན་ཟིན་དེ་བཞིན་དུ་རུང་བ་དང་རུང་བ་མ་ཡིན་པ་ལའང་ཡི་གེའི་ཐ་སྙད་མཉམ་པ་ཉིད་ཀྱི་ཕྱིར་ཐ་དད་དུ་དབྱེ་བ་ཅིའང་མེད་དོ།། དེ་ཅིའི་ཕྱིར་ཞེ་ན། ཆོས་ཐམས་ཅད་ནི་ཅི་དང་ཡང་བྲལ་བའི་ཕྱིར་ཏེ། རང་བཞིན་གྱིས་ཀུན་ནས་ཉོན་མོངས་པ་ཅན་མ་ཡིན་ནོ།། བཙུན་པ་སྒྲ་གཅན་ཟིན་ཡང་འདི་སྐད་དུ་སྟན་ཤིན་ཏུ་མཐོ་བ་ལ་འདུག་སྟེ་ཆོས་ཉན་ཏམ་ཞེས་བེར་བ་ལ། བྱང་ཆུབ་སེམས་དཔའ་ནི་རྩཝ་བཏིང་བ་ལ་འདུག་ཀྱང་ཤིན་ཏུ་མཐོ་བ་ལ་འདུག་པ་ཡིན་ནོ།། སྒྲ་གཅན་ཟིན་གྱིས་སྤྲས་པ། རྣམ་གྲངས་གང་གིས་ཁྱོད་དེ་སྐད་སཱ། བུ་མོས་སྨྲས་པ། བཙུན་བ་སྠ་གཅན་ཟིན་འདི་ཇི་སྙམ་དུ་སེམས། བྱང་ཆུབ་སེམས་དཔས་གང་ལ་འདུག་སྟེ་བྱང་ཆུབ་ཐོབ་པར་གྱུར། སྒྲ་གཅན་ཟིན་གྱིས་སྤྲས་པ། རྩ་བཏིང་བ་ལ་བཞུགས་ནས་བྱང་ཆུབ་ཐོབ་བོ། ། བུ་མོས་སྨྲས་པ། བཙུན་པ་སྒྲ་གཅན་ཟིན་ཅི་བྱང་ཆུབ་སེམས་དཔའ་རྩ་བཏིང་བ་ལ་འདུག་པ་ལ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ཚངས་པའམ། བརྒྱ་བྱིན་ནམ། འཇིག་རྟེན་སྐྱོང་ངམ། དེ་ལས་གཞན་པའི་འོག་མིན་མན་ཆད་ཀྱི་ལྷ་གང་ཡིན་པ་དེ་དག་ཐམས་ཅད་ཀྱིས་ལུས་བཏུད་དེ་ཐལ་མོ་སྦྱར་ནས། བྱང་ཆུབ་སེམས་དཔའི་ཞབས་ལ་གཏུག་པར་བྱེད་དམ། སྒྲ་གཅན་ཟིན་གྱིས་སྨྲས་པ། བུ་མོ་དེ་དེ་བཞིན་ཏེ། ཁྱོད་ཀྱིས་ཇི་སྐད་སྨྲས་པ་བཞིན་ནོ།། བུ་མོས་སྨྲས་པ། བཙུན་པ་སྒྲ་གཅན་ཟིན་དེའི་ཕྱིར་རྣམ་གྲངས་དེས་ཀྱང་། དཔེར་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྩ་བཏིང་བ་ལ་འདུག་ཀྱང་སྟན་ཤིན་ཏུ་མཐོ་བ་ལ་འདུག་པ་ཡིན་གྱི། ཉན་ཐོས་ཚངས་པའི་འཇིག་རྟེན་ན་འདུག་པ་ནི་དེ་ལྟ་མ་ཡིན་པར་རིག་པར་བྱའོ།། དེ་ནས་རྒྱལ་པོ་མ་སྐྱེས་དགྲས་བུ་མོ་མྱ་ངན་མེད་ཀྱིས་བྱིན་པ་ལ་འདི་སྐད་ཅེས་སྨྲས་སོ། ། བུ་མོ་བཙུན་པ་སྒྲ་གཅན་ཟིན་ནི། བཅོམ་ལྡན་འདས་ཤཱཀྱ་ཐུབ་པ་དེ་ཉིད་ཀྱི་སྲས་ཡིན་ཏེ། བསླབ་པ་འདོད་པ་རྣམས་ཀྱི་ནི་མཆོག་ཡིན་ན། ཅི་ཁྱོད་ཀྱིས་མི་ཤེས་སམ། བུ་མོ་མྱ་ངན་མེད་ཀྱིས་བྱིན་པས་སྨྲས་པ། ཡབ་ཐོང་ཞིག་ཐོང་ཞིག། འདི་ལྟར་བཙུན་པ་སྤ་གཅན་ཟིན། བཅོམ་ལྡན་འདས་ཤཱཀྱ་ཐུབ་པ་དེའི་སྲས་ཡིན་ཞེས་མ་གསུངས་ཤིག། རི་དགས་ཀྱི་རྒྱལ་པོ་སེང་གེ་རལ་པ་ཅན་ཅོད་པན་བཏག་པ་ལྟ་བུས་ཝ་སྐྱེད་པར་འགྱུར་བ་ནམ་ཡང་གསན་ཏམ། གཟིགས་སམ། རྒྱལ་པོས་སྨྲས་པ། བུ་མོ་དེ་ནི་མ་ཡིན་ནོ།། བུ་མོས་སྨྲས་པ། ཡབ་དེ་བཞིན་དུ་དེ་བཞིན་གཤེགས་པ་སེང་གེའི་རྩ་ལ་ལྟ་བུས་གཤེགས་པ། དམ་པའི་ཆོས་ཀྱི་འཁོར་ལོས་སྒྱུར་བའི་ཞམ་རིང་བ་ནི་ཉན་ཐོས་མཛེས་པ་མ་ལགས་སོ།། ཡབ་དེ་བཞིན་གཤེགས་པའི་སྲས་གང་ཡིན་ཞེས་ཡང་དག་པའི་སྨྲ་བས་གང་སྨྲན། བྱང་ཆུབ་སེམས་དཔའ་ཉིད་ཡིན་ནོ་ཞེས་དེ་དག་ཡང་དག་པའི་སྨྲ་བས་སྨྲའོ།། ཡབ་དེ་ལྟ་བས་ན་དེ་བཞིན་གཤེགས་པའི་སྲས་སུ་ལ་ལེན་པར་འཚལ་བས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱིའོ། ། གཏམ་འདི་བརྗོད་པའི་སྐབས་སུ་རྒྱལ་པོ་ས་སྐྱེས་དགྲའི་བཙུན་མོའི་འཁོར་ནས། བཙུན་མོ་ཉི་ཤུས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། ལྷའི་བུ་བརྒྱ་ཐམ་པས་ཀྱང་བུ་མོ་དེའི་སེང་གེའི་སྒྲ་འདི་ཐོས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་། ཚིག་འདི་སྐད་དུ་བདག་ཅག་འདི་རྣམས་འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་སྲས་སུ་ཁས་ལེན་ཏོ་ཞེས་ཀྱང་སྨྲས་སོ།། ལྷའི་བུ་དེ་དག་གིས་འདི་ལྟར་བུ་མོ་མྱ་ངན་མེད་ཀྱིས་བྱིན་པ་ལ་མཆོད་པ་བྱ་བའི་ཕྱིར། རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ཐམས་ཅད་ལྷའི་མེ་ཏོག་གིས་མངོན་པར་གཏོར་ཏོ།། དེ་ནས་བུ་མོ་མྱ་ངན་མེད་ཀྱིས་བྱིན་པ་ཁྲི་གསེར་གྱི་རྐང་པ་ཅན་ལས་བབས་ཏེ། ཉན་ཐོས་ཆེན་པོ་དེ་དག་གི་རྐང་པ་ལ་མགོ་བོས་ཕྱག་འཚལ་ནས། བཟའ་བ་དང་། བཅའ་བ་དང་། བལྡག་པ་དང་། གནིབ་པ་དང་། མྱང་བར་བྱ་བ་བསོད་པ་མང་པོ་དག་གིས་བཀུར་སྟིར་བྱས་ཏེ། དད་པ་དང་གུས་པས་རང་གི་ལག་ནས་ཉན་ཐོས་ཆེན་པོ་དེ་དག་ཚིམ་པར་བྱས་ནས། འདི་སྐད་དུ་བཙུན་པ་དག་རང་དགར་སླད་དྲོ་བཅོམ་ལྡན་འདས་ལ་ཆོས་ཉན་དུ་བཞུད་ཅིག། བཙུན་པ་དག་བདག་ཀྱང་མཆི་བར་འཚལ་ལོ་ཞེས་ཀྱང་སྨྲས་སོ།། དེ་ནས་བུ་མོ་མྱ་ངན་མེད་ཀྱིས་བྱིན་པ་ཕ་མ་ལ་སོགས་པ་འཁོར་མང་པོ་དང་། སྐྱེ་བོ་ཕལ་པོ་ནི་ཡོངས་སུ་བསྐོར་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། ཕྱོགས་གཅིག་ཏུ་འདུག་གོ།། རྒྱལ་པོ་བཙུན་མོའི་འཁོར་དང་བཅས་པས་ཀྱང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། གནས་སྟེ་ཕྱོགས་གཅིག་ཏུ་འཁོད་དོ།། ཉན་ཐོས་ཆེན་པོ་དེ་དག་ཀྱང་བཅོམ་ལྡན་འདས་ཀྱི་ཐད་དུ་དོང་སྟེ། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས། ཕྱོགས་གཅིག་ཏུ་འཁོད་དོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཤཱ་རིའི་བུས་འདི་སྐད་ཅེས་གསོལ་ཏོ།། བཅོམ་ལྡན་འདས་བུ་མོ་མྱ་ངན་མེད་ཀྱིས་བྱིན་པའི་སྤོབས་པ་ནི་ངོ་མཚར་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་བུ་མོ་འདིས་ནི་ཐོག་མ་ཉིད་དུ་བྱང་ཆུབ་དོན་དུ་གཉེར་བ་ན། སངས་རྒྱུས་བྱེ་བ་ཁྲག་ཁྲིག་ཕྲག་དགུ་བཅུ་རྩ་གཉིས་ལ་དགེ་བའི་རྩ་བ་དག་བསྐྱེད་དོ། ། ཤཱ་རིའི་བུས་གསོལ་པ། བཅོམ་ལྡན་འདས་ཅིའི་སླད་དུབུ་མོ་འདིས་བུད་མེད་ཀྱི་ལུས་མ་བསྒྱུར། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་འདིའིཇི་སྙམ་དུ་སེམས། བུ་མོ་མྱ་ངན་མེད་ཀྱིས་བྱིན་པ་ལ་བུད་མེད་དོ་སྙམ་དུ་སེམས་ན་དེ་ལྟར་མི་བལྟའོ།། བྱང་ཆུབ་སེམས་དཔའ་དག་ནི་སེམས་ཅན་ཡོངས་སུ་སྨིན་པར་བྱ་བའི་ཕྱིར་སྨོན་ལམ་གྱིས་བདག་ཉིད་བུད་མེད་ཀྱི་གཟུགས་སུ་སྟོན་ཏོ། ། དེ་ནས་དེའི་ཚེ་བུ་མོ་མྱ་ངན་མེད་ཀྱིས་བྱིར་པས་བདེན་པའི་བྱིན་གྱིས་བརླབས་བྱས་ཏེ། བདེན་པའི་བྱིན་གྱི་རླབས་གང་གིས་ཆོས་ཐམས་ཅད་སྐྱེས་པའང་མ་ཡིན། བུད་མེད་ཀྱང་མ་ཡིན་པ་ལྟ་ན། བདེན་པ་དང་བདེན་པའི་ཚིག་དེས་བདག་སྐྱེས་པའི་ལུས་སུ་གྱུར་ཅིག། ཐམས་ཅད་དང་ལྡན་པའི་འཁོར་འདིས་ཀྱང་མཐོང་བར་གྱུར་ཅིག། ཚིག་དེ་སྐད་ཅེས་སྨྲས་མ་ཐག་ཏུ་བུད་མེད་ཀྱི་མཚན་མ་མི་སྣང་བར་གྱུར་ཏེ། སྐྱེས་པའི་མཚན་མ་བྱུང་བར་གྱུར་ནས། སྟེང་གི་བར་སྣང་ལ་ཏ་ལ་བདུན་སྲིད་ཙམ་དུ་འཕགས་སོ། ། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་ཀྱིས་བྱིན་པ་སྟེང་གི་བར་སྣང་ལ་འཕགས་པ་ཁྱོད་ཀྱིས་མཐོང་ངམ། ཤཱ་རིའི་བུས་གསོལ་བ། བཅོམ་ལྡན་འདས་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་ཀྱིས་བྱིན་པ་འདི་ནི་བསྒྲལ་པ་གྲངས་མེད་པ་བདུན་གྱིས་འཇིག་རྟེན་གྱི་ཁམས་དྲི་མ་མེད་པའི་འོད་ཅེས་བྱ་བར། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་མྱ་ངན་མེད་པ་ཞེས་བྱ་བར་འགྱུར་ཏེ། ཚེའི་ཚད་ནི་བསྐལ་པ་བརྒྱར་འགྱུར་རོ།། དམ་པའི་ཆོས་ནི་བསྐལ་པ་བཅུར་གནས་པར་འགྱུར་རོ།། དེའི་དགེ་འདུན་ནི་བྱང་ཆུབ་སེམས་དཔའ་འབའ་ཞིག་ཏུ་འགྱུར་ཏེ། ཕྱིར་མི་ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཕྲག་སུམ་ཅུ་རྩ་གཉིས་ཡོད་དོ།། འཇིག་རྟེན་གྱི་ཁམས་དེའང་བཻ་ཌཱུཪྻ་ལས་གྲུབ་པ། རིན་པོ་ཆེ་སྣ་བདུན་གྱིས་བཀྲ་བར་བྱས་ཤིང་། མིག་མངས་རིས་སུ་བྲེས་པ། རིན་པོ་ཆེའི་པདྨས་ཁེབས་པ་དང་། ངན་སོང་ཐམས་ཅད་རྣམ་པར་སྤངས་པར་འགྱུར་རོ།། ལྷ་དང་མི་རྣམས་ཀྱི་ལོངས་སྤྱོད་དག་ཀྱང་ཁྱད་པར་མེད་དེ། ཤཱ་རིའི་བུ་དགའ་ལྡན་གྱི་ལྷ་རྣམས་ཀྱི་ཉེ་བར་སྤྱད་པ་དང་། ལོངས་སྤྱོད་ཇི་ལྟ་བ་བཞིན་དུ་མི་རྣམས་ཀྱིའང་དེར་དེ་བཞིན་དུ་འགྱུར་རོ།། དེ་ནས་བྱང་ཆུབ་སེམས་དཔའ་མྱ་ངན་མེད་ཀྱིས་བྱིན་པའི་མ། རྒྱལ་པོ་མ་སྐྱེས་དགྲའི་བཙུན་མོ་དམ་པ་ཟླ་བ་ཅན་ཞེས་བྱ་བ་དེས་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདྲ་བདག་གིས་སྐྱེས་བུ་དམ་པ་འདི་དགུང་ཟླ་དགུར་རུམ་ན་བཟུང་བ་ནི། བདག་གིས་རྙེད་པ་ལེགས་པར་རྙེད་ལགས་སོ།། བཅོམ་ལྡན་འདས་བདག་གིས་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པར་བགྱི་སྟེ། དགེ་བའི་རྩ་བ་འདིས་བདག་འཇིག་རྟེན་གྱི་ཁམས་དྲི་མ་མེད་པའི་འོད་དེ་ཉིད་དུ། འདིའི་འོག་ཏུ་བླན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་གྱུར་ཅིག། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རིའི་བུ་ལ་བཀའ་སྩལ་པ། ཤཱ་རིའི་བུ་སྲིང་མོ་ཟླ་བ་ཅན་འདི་ཁྱོད་ཀྱིས་མཐོང་ངམ། ཤཱ་རིའི་བུས་གསོལ་པ། བཅོམ་ལྡན་འདས་མཐོང་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་རྒྱལ་པོའི་བཙུན་མོ་ཟླ་བ་ཅན་འདི་ནི་འདི་ནས་ཤི་འཕོས་ནས་སུམ་ཅུ་རྩ་གསུམ་པའི་ལྷ་རྣམས་དང་སྐལ་བ་མཉམ་པར་སྐྱེ་བར་འགྱུར་ཞིང་། ལྷའི་བུ་རིན་ཆེན་མཆོག་ཅེས་བྱ་བར་འགྱུར་ཏེ། གང་གི་ཚེ་བྱང་ཆུབ་སེམས་དཔའ་བྱམས་པས་བྱང་ཆུབ་ཐོབ་པར་འགྱུར་བ་དེའི་ཚེ། རྒྱལ་པོ་དུང་ཞེས་བྱ་བའི་བུ་རྒྱལ་པོ་གཞོན་ནུ་མཐོང་ན་དགའ་བ་ཞེས་བྱ་བར་གྱུར་ནས། དེ་བཞིན་གཤེགས་པ་བྱམས་པ་ལ་མཆོད་པ་བྱས་ཏེ། རབ་ཏུ་འབྱུང་བར་འགྱུར་རོ།། དེས་དེ་བཞིན་གཤེགས་པ་བྱམས་པའི་དམ་པའི་ཆོས་ཐོག་མ་དང་། བར་མ་དང་། ཐ་མའི་བར་དུ་འཛིན་པར་འགྱུར་ཏེ། བསྐལ་པ་བཟང་པོ་འདི་ལ་སངས་རྒྱས་བཅོམ་ལྡན་འདས་གང་དག་འབྱུང་བར་འགྱུར་བ་དེ་དག་ཐམས་ཅད་ཀྱང་མཉེས་པར་བྱེད་ཅིང་མཆོད་པར་འགྱུར་རོ། ། དེ་མཐར་གྱིས་དེ་བཞིན་གཤེགས་པ་མྱ་ངན་མེད་པས་བྱང་ཆུབ་ཐོབ་པ་ན། འཁོར་ལོས་སྒྱུར་བའི་རྒྱལ་པོ་མུ་ཁྱུད་འཛིན་ཅེས་བྱ་བར་འགྱུར་ཏེ། དེས་དེ་བཞིན་གཤེགས་པ་དེ་ལ་མཆོད་པ་ཚད་མེད་པ་དག་བྱས་ནས། སངས་རྒྱས་ཀྱི་ཞིང་དེ་ལྟ་བུ་དེ་ཉིད་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་ཀུན་ཏུ་འོད་ཟེར་ཅེས་བྱ་བར་འགྱུར་རོ།། དེ་ནས་རྒྱལ་པོའི་བཙུན་མོ་ཟླ་བ་ཅན་གྱིས་བདག་ཉིད་ལུང་བསྟན་པ་ཐོས་ནས། ། ཚིམ་ཞིང་མགུ་སྟེ་ཡི་རངས་ནས། བཅོམ་ལྡན་འདས་ལ་མུ་ཏིག་གི་དོ་ཤལ་བརྒྱ་སྟོང་རི་བ་ཕུལ་ཏེ། ཚངས་པར་སྤྱོད་པར་རྒྱལ་པོས་གནང་ནས་བརླབ་པའི་གཞི་དག་བཟུང་ངོ་།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་ཀྱིས་བྱིན་པས། ལྷས་ཕུལ་བའི་མེ་ཏོག་མན་ད་ར་བ་དག་གིས་བཅོམ་ལྡན་འདས་དང་འཁོར་ཐམས་ཅད་ལ་གཏོར་ཏོ།། དེ་ན་བར་སྣང་ལས་བབ་ཏེ། ཕྱོགས་གཅིག་ཏུ་འདུག་ནས། ཚིག་འདི་སྐད་དུ་བདེན་པ་དང་བདེན་པའི་ཚིག་གང་གིས་བདག་གིས་བྱང་ཆུབ་ཐོབ་པ་ན། བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་རྫུས་ཏེ་སྨྲེ་ཞིང་། ཆོས་གོས་ངུར་སྨྲིག་གྱོན་ལ། རིན་པོ་ཆེའི་པདྨ་དག་ལ་སྐྱིལ་མོ་ཀྲུང་བཅས་ཏེ་སྐྱེ་བར་འགྱུར་བ་ལྟ་ན། བདེན་པ་དང་བདེན་པའི་ཚིག་དེས་དཔེར་ན་དགེ་སློང་བསྙེན་པར་རྫོགས་ནས་ལོ་བརྒྱ་ལོན་པའི་སྤྱོད་ལམ་ཇི་ལྟ་བ་བཞིན་དུ་བདག་གནས་པར་གྱུར་ཅིག་ཅེས་སྨྲས་སོ། ། བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་ཀྱིས་བྱིན་པས་བདེན་པའི་བྱིན་གྱིས་བརླབས་བྱས་མ་ཐག་ཏུ་དགེ་སློང་གི་སྤྱོད་ལ་པ་དང་ལྡན་པར་སྣང་བར་གྱུར་ཏོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱ་ངན་མེད་ཀྱིས་བྱིན་པས་པབརྒྱལ་པོ་མ་སྐྱེས་དགྲལ་འདི་སྐད་ཅེས་སྨྲས་སོ། ། ཡབ་འདི་ལྟར་ཆོས་ཐམས་ཅད་ནི་བཅོས་མ་ན།། རྣམ་པར་བསྒྲུབས་པར་ཉེ་བར་གནས་པའི་མཚན་ཉིད་དང་། ཡོངས་སུ་བརྟགས་པ་ལས་ལངས་པ་མེད་བཞིན་དུ་ཕྱིན་ཅི་ལོག་དང་མཚུངས་པར་ལྡན་པ་ལགས་སོ། ། རྒྱལ་པོ་ཆེན་པོ་གཟིགས་ཤིག་དང་། དེ་རིང་ཁོ་ནའི་གདུགས་གཅིག་ལ་བུ་མོའི་གཟུགས་སུ་རང་གཟིགས། ཁྱེའུའི་གཟུགས་སུའང་ཁྱོད་ཀྱིས་གཟིགས། ད་ནི་བདག་ལ་དགེ་སློང་གི་གཟུགས་སུའང་ཁྱོད་ཀྱིས་གཟིགས་ན། འདི་ལ་གང་ཡང་དག་པའི་གཟུགས་ལགས། རྒྱལ་པོ་ཆེན་པོ་དེ་ལྟར་ན་ཡ་མ་བརླའི་ཆོས་ཐམས་ཅད་ལ། འདི་ན་ཁ་ཅིག་ལྟ་བའི་ཀུན་ནས་དཀྲི་བས་ཀུན་ནས་གླགས་ཤིང་མཆིས་ཏེ། རང་གི་རྒྱུད་ལ་མཆིས་པའི་ཉོན་མོངས་པ་རྣམས་ཀྱིས་ཡོངས་སུ་སྲེག་གོ། ཡོངས་སུ་བསྲེགས་པས་ཆོས་འདུལ་བ་འདི་མ་འཚལ་ཏེ། འགྱོད་པ་མ་ལགས་པ་ལ་འགྱོད་པར་སེམས་སོ།། རྒྱལ་པོ་ཆེན་པོ་དེ་ལྟར་ན་ཁྱོད་ཀྱིས་བག་ཡོད་པར་མཛོད་ལ། རྒྱལ་སྲིད་ཉམ་ང་བ་ན་བཞུགས་བཞིན་དུ། རྟག་ཏུ་བཅོམ་ལྡན་འདས་ཀྱི་ཐད་དུ་བཞུད་ཅིག་དང་། འཇམ་དཔལ་གཞོན་ནུར་གྱུར་པས་ཁྱོད་ཀྱི་ཡོད་པ་མ་ཡིན་པ་ཕྱིན་ཅི་ལོག་ལས་བྱུང་བའི་འགྱོད་པ་སེལ་བར་འགྱུར་རོ།། རྒྱལ་པོ་ཆེན་པོ་ཁྱེད་ནི་བྱ་བ་མང་ཞིང་། བྱེད་པ་མང་བ་ལགས་ཀྱིས་བཞུད་ཅིག། དེ་ནས་རྒྱལ་པོ་མ་སྐྱེས་དགྲ་དང་། བཙུན་མོ་ཟླ་བ་ཅན་དང་། བཙུན་མོའི་འཁོར་ཐམས་ཅད་ཀྱིས། བཅོམ་ལྡན་འདས་དང་བྱང་ཆུབ་སེམས་དཔའ་མྱ་ངན་མེད་ཀྱིས་བྱིན་པ་དང་། དགེ་སློང་གི་དགེ་འདུན་རྣམས་ལ་ཕྱག་འཚལ་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ཅག་ནི་བགྱི་བ་མང་ཞིང་བགྱིད་པ་མང་བ་ལགས་ཀྱིས། བདག་ཅག་མཆིའོ།། བཅོམ་ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་ད་དེའི་དུས་ལ་བབ་པར་ཤེས་ན་སོང་ཞིག་ཅེས་བཀའ་སྩལ་ནས། རྒྱལ་པོ་མ་སྐྱེས་དགྲ་བཙུན་མོ་ཟླ་བ་ཅན་ལ་སོགས་པ་བཙུན་མོའི་འཁོར་ཆེན་པོ་དག་དང་ལྷན་ཅིག་ཏུ་བྱ་རྒོད་ཀྱི་ཕུང་པོའི་རི་ལས་རྒྱལ་པོའི་ཁབ་ཀྱི་གྲོང་ཁྱེར་ཆེན་པོར་དོང་ངོ་། ། དེ་ནས་བཅོམ་ལྡན་འདས་ཀྱིས་། དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་ཆོས་ཀྱི་རྣམ་གྲངས་འདི་ཟུང་ཞིག། ཆོངས་ཤིག། ལྷོགས་ཤིག། ཀུན་ནུབ་པར་གྱིས་ཤིག། བཞན་དག་ལའང་རྒྱ་ཆེར་རབ་ཏུ་སྟོན་ཅིག། ཀུན་དགའ་བོས་གསོལ་པ། བཅོམ་ལྡན་འདས་ཆོས་ཀྱི་རྣམ་གྲངས་འདི་བདག་གིས་བཟུང་ལགས་ན། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་མྱ་ངན་མེད་ཀྱིས་བྱིན་པའི་སེང་གེའི་སྒྲ་ཞེས་བྱ་བ་དང་། མྱ་ངན་མེད་ཀྱིས་བྱིན་པ་ལུང་བསྟན་པ་ཞེས་བྱ་བར་ཟུང་ཞིག་གཞན་དག་ལའང་སྟོན་ཅིག། ཀུན་དགའ་བོ་གང་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རིན་པོ་ཆེ་སྣ་ཚོགས་ཀྱིས་ཡོངས་སུ་བཀང་སྟེ་སྦྱིན་པ་བྱིན་པ་བས། གང་གིས་ཆོས་ཀྱི་། རྣམ་གྲངས་འདི་ཐ་ན་རྣ་ལམ་དུ་ཐོས་ན། འདི་ནི་དེ་བས་ཆེས་བསོད་ནམས་མང་དུ་སྐྱེད་ན། གང་འཛིན་པ་དང་། ཀུན་ཆུབ་པར་བྱེད་པ་དང་། འཆང་བ་དང་། ཀློག་པ་དང་། རྗོད་པ་དང་། ལུང་ཇི།། སྐད་ཕོག་པ་བཞིན་དུ་ནན་ཏན་དུ་སྒྲུབ་པ་ལྟ་ཅི་སྨོས།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། བྱང་ཆུབ་སེམས་དཔའ་སེམས་དཔའ་ཆེན་པོ་མྱ་ངན་མེད་ཀྱིས་བྱིན་པ་དང་། ཉན་ཐོས་ཆེན་པོ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་བར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་སྟོང་ཕྲག་བརྒྱ་པ་ལས། འཕགས་པ་མྱ་ངན་མེད་ཀྱིས་བྱིན་པ་ལུང་བསྟན་པ་ཞེས་བྱ་བའི་ལེའུ་སྟེ། འདུས་པ་སུམ་ཅུ་རྩ་གཉིས་པ་རྫོགས་སོ།།
CLOSE WINDOW