ཤླཽ་ཀ་སྟོང་ཉིས་བརྒྱ་བམ་པོ་བཞིའོ།། ། རྒྱ་གར་སྐད་དུ། ཨཱརྱ་བི་ན་ན་ཡ་བི་ནི་ཤྩ་ཡ་ཨུ་པ་ལི་པ་རི་པྲིཛྫ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་འདུལ་བ་རྣམ་པར་གཏན་ལ་དབབ་པ་ཉེ་བར་འཁོར་གྱིས་ཞུས་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་ལྔ་བརྒྱ་ཙམ་གྱི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སྟོང་ཐམ་པ་དང་ཐབས་ཅིག་ཏུ་བཞུགས་སོ། ། དེ་ནས་བཅོམ་ལྡན་འདས་ཀྱིས། བྱང་ཆུབ་སེམས་དཔའ་སེམས་དཔའ་བོ་དེ་དག་ལ་གླང་པོ་ཆེའི་ལྟ་སྟངས་ཀྱིས་གཟིགས་ཏེ་བཀའ་སྩལ་པ། རིགས་ཀྱི་བུ་དག་ཁྱེད་ཅག་ཕྱི་མའི་ཚེ་ཕྱི་མའི་དུས་ན། དམ་པའི་ཆོས་ཡོངས་སུ་གཟུང་བའི་ཕྱིར་དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག་འབུམ་ཕྲག་གྲངས་མེད་པར་ཡང་དག་པར་བསྒྲུབས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཡང་དག་པར་གཟུང་བ་དང་། སེམས་ཅན་རྣམས་ཡོངས་སུ་སྨིན་པར་བྱ་བའི་ཕྱིར་ཐབས་དང་། ཚུལ་དང་བསམ་པ་སྣ་ཚོགས་ཀྱིས་ཡོངས་སུ་བསྐྱང་བར་སུ་སྤྲོ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས་པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་ནི་སླད་མའི་དུས་ན་དམ་པའི་ཆོས་ཡོངས་སུ་གཟུང་བའི་སླད་དུ། དེ་བཞིན་གཤེགས་པས་བསྐལ་པ་བྱེ་བ་ཁྲག་ཁྲིག་འབུམ་ཕྲག་གྲངས་མ་མཆིས་པར་ཡང་དག་བར་བསྒྲུབས་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འདི་ཡང་དག་པར་འཛིན་པར་སྤྲོ་ལགས་སོ།། བྱང་ཆུབ་སེམས་དཔའ་སེང་གེས་གསོལ་པ། བཅོམ་ལྡན་འདས་བདག་ནི་ཐབས་དང་། ཚུལ་དང་། བསམ་པ་སྣ་ཚོགས་ཀྱིས་སེམས་ཅན་རྣམས་ཡོངས་སུ་སྦྱོང་བར་སྤྲོ་ལགས་སོ།། བྱང་ཆུབ་སེམས་དཔའ་ལག་ན་རྡོ་རྗེས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ངན་སོང་དུ་མཆི་བ་ལས་ཡོངས་སུ་ཐར་པར་བགྱིད་པར་སྤྲོ་ལགས་སོ།། འཇམ་དཔལ་གཞོན་ནུར་གྱུར་པས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་གང་ཟག་གི་བསམ་པ་ཡོངས་སུ་རྫོགས་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ཡེ་ཤེས་ཏོག་གིས་གསོལ་པ། བཅོམ་ལྡན་འདས་བདག་ནི་སེམས་ཅན་མ་འཚལ་བ་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ཆོས་ཀྱི་ཏོག་གིས་གསོལ་པ། བཅོམ་ལྡན་འདས་བདག་ནི་ཆོས་ཀྱི་སྦྱིན་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ཟླ་བའི་ཏོག་གིས་གསོལ་པ། བཅོམ་ལྡན་འདས་བདག་ནི་ཡོན་ཏན་རྣམས་ཀྱིས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ཉི་མའི་ཏོག་གིས་གསོལ་པ། བཅོམ་ལྡན་འདས་བདག་ནི་ཐེག་པ་བདེ་བས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ངག་ཚ་བ་མེད་པས་གསོལ་པ། བཅོམ་ལྡན་འདས་བདག་ནི་སེམས་ཅན་གྱི་ཁམས་མཐའ་ཡས་པ་དག་ཡོངས་སུ་སྨིན་པར་བགྱིད་པ་དང་། ཡོངས་སུ་འཛིན་པར་སྤྲོ་ལགས་སོ།། བྱང་ཆུབ་སེམས་དཔའ་བཟང་སྐྱོང་གིས་གསོལ་པ། བཅོམ་ལྡན་འདས་བདག་ནི་མིང་འབྲས་བུ་མཆིས་པར་སྒྲོག་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་བློ་གྲོས་མི་ཟད་པས་གསོལ་པ། བཅོམ་ལྡན་འདས་བདག་ནི་སྨོན་ལམ་རྒྱ་ཆེན་པོས་སེམས་ཅན་གྱི་ཁམས་པས་མ་འཚལ་བ་རྣམས་ཡོངས་སུ་ཐར་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ཟླ་འོད་གཞོན་ནུར་གྱུར་པས་གསོལ་པ། བཅོམ་ལྡན་འདས་བདག་ནི་བདེ་བའི་ཡོ་བྱད་ཐམས་ཅད་ཀྱིས་སེམས་ཅན་རྣམས་རབ་ཏུ་འགོད་པར་སྤྲོ་ལགས་སོ། ། བྱང་ཆུབ་སེམས་དཔའ་མིག་བཟངས་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་བདེ་བ་དང་། ཡིད་བདེ་བའི་རྩ་བ་ཉེ་བར་བསྒྲུབ་པར་སྤྲོ་ལགས་སོ།། བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་གསོལ་པ། བཅོམ་ལྡན་འདས་བདག་ནི་ངན་སོང་ངན་འགྲོ་དག་ལས་སེམས་ཅན་རྣམས་ཡོངས་སུ་སྐྱོབ་པར་སྤྲོ་ལགས་སོ། ། བྱང་ཆུབ་སེམས་དཔའ་མཐུ་ཆེན་ཐོབ་ཀྱིས་གསོལ་ལ། བཅོམ་ལྡན་འདས་བདག་ནི་ངན་སོང་དག་ལས་མ་བརྒལ་བའི་སེམས་ཅ་རྣམས་སྒྲོལ་བར་སྤྲོ་ལགས་སོ། ། བྱང་ཆུབ་སེམས་དཔའ་ཚོགས་ཅན་གྱིས་གསོལ་པ། བཅོམ་ལྡན་འདས་བདག་ནི་སེམས་མ་དུལ་བ་རྣམས་ལ་དུལ་བའི་ཤུལ་ཉེ་བར་སྟོན་པར་སྤྲོ་ལགས་སོ། ། བྱང་ཆུབ་སེམས་དཔའ་ཡིད་བཟངས་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་དམན་པ་ལ་མོས་པ་རྣམས་ཡོངས་སུ་སྨིན་པར་བགྱིད་པར་སྤྲོལག་སོ། ། བྱང་ཆུབ་སེམས་དཔའ་དེས་པས་གསོལ་པ། བཅོམ་ལྡན་འདས་བདག་ནི་སེམས་ཅན་ཤེས་རབ་དམན་པ་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ།། བྱང་ཆུབ་སེམས་དཔའ་གཟི་བརྗིད་ཕུང་པོས་གསོལ་པ། བཅོམ་ལྡན་འདས་བདག་ནི་སེམས་ཅན་དུད་འགྲོའི་སྐྱེ་གནས་སུ་སྐྱེས་པ་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ།། བྱང་ཆུབ་སེམས་དཔའ་ཉོན་མོངས་པ་མེད་པ་རྟོགས་པར་ཁོང་དུ་ཆུད་པས་གསོལ་པ། བཅོམ་ལྡན་འདས་བདག་ནི་ཤུལ་ཡང་དག་པར་སྟོན་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་མཐོང་དགས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་བདེ་བའི་ཡོ་བྱད་ཚད་མ་མཆིས་པ་དག་ཉེ་བར་སྒྲུབ་པར་སྤྲོ་ལགས་སོ། ། བྱང་ཆུབ་སེམས་དཔའ་དབང་པོ་བཟངའ་གིས་གསོལ་པ། བཅོམ་ལྡན་འདས་བདག་ནི་སྡུག་བསྔལ་དྲན་པར་བགྱིད་པས། སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་རྣམ་པར་ཐར་པ་བསམ་གྱིས་མི་ཁྱབ་པ་ལ་ཡང་དག་པར་ཞུགས་པས་གསོལ་པ། བཅོམ་ལྡན་འདས་བདག་ནི་བསམས་པ་ཙམ་གྱིས་ཡི་དགས་ཀྱི་འཇིག་རྟེན་དུ་སྐྱེས་པའི་སེམས་ཅན་རྣམས་ཡོངས་སུ་ཐར་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ཉི་འོད་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་ཡོངས་སུ་མ་སྨིན་པ་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་དྲི་མ་མེད་པར་གྲགས་པས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་བསམ་པ་ཐམས་ཅད་ཡོངས་སུ་རྫོགས་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་གཟི་བརྗིད་སྟོབས་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་ངན་སོང་གི་ཤུལ་འགུམས་པར་སྤྲོ་ལགས་སོ། ། བྱང་ཆུབ་སེམས་དཔའ་ཡིད་གཉིས་སྤོང་གིས་གསོལ་པ། བཅོམ་ལྡན་འདས་བདག་ནི་སེམ་ཅན་དམན་པ་རྣམས་སྒྲོལ་བར་སྤྲོ་ལགས་སོ། ། བྱང་ཆུབ་སེམས་དཔའ་བག་ཚ་བ་མེད་པར་གནས་པས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་བསྡུ་བའི་སླད་དུ་ལེགས་སོ་ཞེས་བགྱི་བ་སྩོལ་བར་སྤྲོ་ལགས་སོ། ། བྱང་ཆུབ་སེམས་དཔའ་ཡེ་ཤེས་དཔལ་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་མོས་པ་སྣ་ཚོགས་དང་ལྡན་པ་རྣམས་མོས་པ་ཇི་ལྟ་བ་བཞིན་དུ་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་གནས་པ་དཔག་མེད་ཀྱིས་གསོལ་པ། བཅོམ་ལྡན་འདས་བདག་ནི་སེམ་ཅན་རྣམས་ལ་འདུས་མ་བགྱིས་ཀྱི་ཤུལ་ཉེ་བར་སྟོན་པར་སྤྲོ་ལགས་སོ། ། བྱང་ཆུབ་སེམས་དཔའ་ཆོས་ཐམས་ཅད་ལ་བག་ཚ་བ་མེད་པར་གནས་པས་གསོལ་པ། བཅོམ་ལྡན་འདས་བདག་ནི་མོས་པ་སྣ་ཚོགས་དང་ལྡན་པའི་སེམས་ཅན་རྣམས་ལ་མོས་པ་ཇི་ལྟ་བ་བཞིན་ཡང་དག་པར་སྟོན་པར་སྤྲོ་ལགས་སོ། ། བྱང་ཆུབ་སེམས་དཔའ་རིན་ཆེན་དཔལ་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་རིན་པོ་ཆེའི་ཕུང་པོ་ཀུན་ཏུ་སྟོན་པར་སྤྲོ་ལགས་སོ། ། བྱང་ཆུབ་སེམས་དཔའ་བློ་གྲོས་བཟང་པོས་གསོལ་པ། བཅོམ་ལྡན་འདས་བདག་ནི་ཟུགས་སྡུག་པ་སྟོན་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་དྲི་མེད་གཟི་བརྗིད་ཀྱིས་གསོལ་པ། བཅོམ་ལྡན་འདས་བདག་ནི་གཅུགས་པས་སེམས་ཅན་རྣམས་ཡང་དག་པར་འཛིན་ཅིང་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ནོར་བུ་བཟང་གིས་གསོལ་པ། བཅོམ་ལྡན་འདས་བདག་ནི་སྔོན་གྱི་སྐྱེ་བ་རྗེས་སུ་དྲན་པར་བགྱིད་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་བསོད་ནམས་འོད་ཟེར་གྱིས་གསོལ་པ། བཅོམ་ལྡན་འདས་བདག་ནི་ཡང་དག་པའི་སྨོན་ལམ་གྱིས་སེམས་ཅན་རྣམས་འདྲེན་པར་སྤྲོ་ལགས་སོ། ། བྱང་ཆུབ་སེམས་དཔའ་དཔལ་བཟང་པོས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་སྡུག་བསྔལ་དག་ལས་གཏན་ཡོངས་སུ་ཐར་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ལག་ན་རིན་པོ་ཆེས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་རིན་པོ་ཆེ་དག་གིས་བདེ་བར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་བློ་གྲོས་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་དབུལ་པོ་རྣམས་ཀྱི་དབུལ་བ་མ་མཆིས་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་སྒྲིབ་པ་ཐམས་ཅད་རྣམ་པར་སེལ་བས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཉོན་མོངས་པ་ཐམས་ཅད་ལས་ཡོངས་སུ་ཐར་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་རྡོ་རྗེའི་འོད་ཀྱི་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་ཤུལ་བཟང་པོ་ཉེ་བར་སྟོན་པར་སྤྲོ་ལགས་སོ། ། བྱང་ཆུབ་སེམས་དཔའ་ཡོན་ཏན་གཟུགས་སྟོན་གྱིས་གསོལ་པ། བཅོམ་ལྡན་འདས་བདག་ནི་བསམ་པ་ཐམས་ཅད་རབ་ཏུ་དགའ་བར་བགྱིད་པས་སེམས་ཅན་རྣམས་ཡོངས་སུ་ཐར་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་ཆོས་མངོན་པར་འཕགས་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་ཆོས་ཀྱི་མིག་རྣམ་པར་སྦྱང་བ་སྟོན་པར་སྤྲོ་ལགས་སོ། ། བྱང་ཆུབ་སེམས་དཔའ་རྡོ་རྗེའི་སྙིང་པོས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་སྒྲིབ་པ་དག་ལས་ཡོངས་སུ་ཐར་པར་བགྱིད་པར་སྤྲོ་ལགས་སོ། བྱང་ཆུབ་སེམས་དཔའ་ཆོས་འབྱུང་གིས་གསོལ་པ། བཅོམ་ལྡན་འདས་བདག་ནི་ཆོས་ཀྱིས་སེམས་ཅན་རྣམས་ཡོངས་སུ་ཐར་པར་བགྱིད་པར་སྤྲོ་ལགས་སོ།། བྱང་ཆུ་སེམས་དཔའ་ཅི་ཡང་མིན་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་ཉོན་མོངས་པའི་དུག་ཐམས་ཅད་གཞིག་པར་སྤྲོ་ལགས་སོ།། བྱང་ཆུབ་སེམས་དཔའ་ཟླ་མཆོག་གིས་གསོལ་པ། བཅོམ་ལྡན་འདས་པ་དག་ནི་སེམས་ཅན་རྣམས་ལ་ཆོས་ཀྱི་ཕྱོགས་རབ་ཏུ་སྟོན་པར་སྤྲོ་ལགས་སོ།། བྱང་ཆུབ་སེམས་དཔའ་སེང་གེ་བློ་གྲོས་ཀྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ལ་ཆོས་ཀྱི་སྦྱིན་པ་སྩོལ་བར་སྤྲོ་ལགས་སོ། ། བྱང་ཆུབ་སེམས་དཔའ་གཞོན་ནུ་འོད་ཀྱི་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་དམན་པའི་གནས་ནས་ཡོངས་སུ་ཐར་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་སངས་རྒྱས་དཔལ་གྱིས་གསོལ་པ། བཅོམ་ལྡན་འདས་བདག་ནི་ཤུལ་བཟང་པོ་སྟོན་པས་སེམས་ཅན་རྣམས་ཀྱི་ངན་སོང་གི་ཤུལ་འགོག་པར་སྤྲོ་ལགས་སོ། ། བྱང་ཆུབ་སེམས་དཔའ་གསེར་འོད་ཀྱིས་གསོལ་པ། བཅོམ་ལྡན་འདས་བདག་ནི་ལུས་སྟོན་པས་སེམས་ཅན་རྣམས་ཡོངས་སུ་སྨིན་པར་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་བསོད་ནམས་དཔལ་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་དོན་བགྱིད་པ་རྣམས་ཀྱི་དོན་བགྱིད་པར་སྤྲོ་ལགས་སོ། ། བྱང་ཆུབ་སེམས་དཔའ་འགྲོ་བ་འཛིན་གྱིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་ཀྱི་སེམས་ཅན་དམྱལ་བའི་སྒོ་འགུམས་པར་སྤྲོ་ལགས་སོ།། བྱང་ཆུབ་སེམས་དཔའ་བདུད་རྩི་འཆང་གིས་གསོལ་པ། བཅོམ་ལྡན་འདས་བདག་ནི་སེམས་ཅན་རྣམས་འཁོར་བ་ལས་སྒྲོལ་བར་སྤྲོ་ལགས་སོ།། བྱང་ཆུབ་སེམས་དཔའ་དྲ་བ་ཅན་གྱི་འོད་གཞོན་ནུར་གྱུར་པས་གསོལ་པ། བཅོམ་ལྡན་འདས་བདག་ནི་སླད་མའི་ཚེ་སླད་མའི་དུས་ན། འོད་བསྟན་པས་སེམས་ཅན་རྣམས་ཀྱི་ཉོན་མོངས་པ་རབ་ཏུ་ཞི་བར་བགྱིད་པར་སྤྲོ་ལགས་སོ།། དེ་ནས་ཚེ་དང་ལྡན་པ་ཤཱ་རིའི་བུས། བྱང་ཆུབ་སེམས་དཔའ་དེ་དག་གིས་སེམས་ཅན་ཡོངས་སུ་སྨིན་པར་བྱ་བའི་གོ་ཆ་ལ་འཇུག་པ་བསྟན་པ་དེ་ལྟ་བུ་དེ་ཐོས་ནས། ངོ་མཚར་དང་རྨད་དུ་བྱུང་བ་འཛིན་པར་གྱུར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཀྱེ་མ་ཇི་ཙམ་དུ་བྱང་ཆུབ་སེམས་དཔའ་སེམས་དཔའ་ཆེན་པོ་འདི་དག་སྙིང་རྗེ་ཆེན་པོ་དང་། ཐབས་ལ་མཁས་པ་བསམ་གྱིས་མི་ཁྱབ་ཅིང་། བརྩོན་འགྲུས་བརྟན་པའི་གོ་ཆ་ཆེན་པོ་བགོས་པ་དང་། ཇི་ཙམ་དུ་སེམས་ཅན་ཐམས་ཅད་ཀྱིས་ཐུལ་བར་དཀའ་བ་དང་། གཏིང་དཔག་དཀའ་བ་དང་། བསྙེན་པར་དཀའ་བ་དང་། རྫི་བར་དཀའ་བ་དང་། ཟིལ་གྱིས་མི་ནོན་པའི་གཟི་བརྗིད་དང་ལྡན་པ་ནི་ངོ་མཚར་ལགས་ཏེ། བཅོམ་ལྡན་འདས་གཞན་ཡང་འདི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་ཟིལ་གྱིས་མི་ནོན་པ་རྣམས་ཀྱི་དྲུང་དུ་མགོ་དང་། ལག་པ་དང་། རྐང་པ་དང་། མིག་སློང་བ་དག་མཆིས་ཏེ། དངོས་པོ་ཐམས་ཅད་སློང་བར་བགྱིད་ཀྱང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀུན་ཏུ་ཞུམ་པར་མི་བགྱིད། སྒྱིད་ལུག་པར་མི་བགྱིད་ཅིང་རབ་ཏུ་སྤྲོ་བར་བགྱིད་པ་ནི་བདག་ངོ་མཚར་དུ་འཛིན་ལགས་སོ།། བཅོམ་ལྡན་འདས་གཞན་ཡང་བདག་འདི་སྙམ་དུ་སེམས་ལགས་ཏེ། སེམས་ཅན་གང་སུ་དག་གིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལ་གནོད་པར་བགྱིས་ཏེ། ནང་དང་ཕྱིའི་དངོས་པོ་དགེ་སློང་བར་བགྱིད་པ་དེ་དག་ཐམས་ཅད་ནི་རྣམ་པར་ཐར་པ་བསམ་གྱིས་མི་ཁྱབ་པ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཤ་སྟག་ཏུ་གྱུར་པར་སེམས་ལགས་སོ། ། དེ་སྐད་ཅེས་གསོལ་བ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཤཱ་རིའི་བུ་ལ་འདི་སྐད་ཅེས་བཀའ་སྩལ་ཏོ།། ཤཱ་རིའི་བུ་དེ་དེ་བཞིན་ནོ།། དེ་དེ་བཞིན་ཏེ།། བྱང་ཆུབ་སེམས་དཔའ་རྣམས་ཀྱི་ཏིང་ངེ་འཛིན་དང་། ཐབས་དང་། ཤེས་རབ་དང་། ཡེ་ཤེས་ཀྱི་སྤྱོད་ཡུལ་དེ་ནི་དེ་ལྟ་བུ་ཡིན་ཏེ། ཤཱ་རིའི་བུ་བྱང་ཆུབ་སེམས་དཔའ་རྣམས་ཀྱི་ཡུལ་དེ་ནི་ཉན་ཐོས་དངང་སངས་རྒྱས་ཐམས་ཅད་ཀྱི་ས་མ་ཡིན་ནོ། ། ཤཱ་རིའི་བུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཅན་རྣམས་ཀྱི་བསམ་པ་ཡོངས་སུ་རྫོགས་པར་བྱ་བའི་ཕྱིར། སངས་རྒྱས་ཀྱི་རྣམ་པར་འཕྲུལ་པ་ཐམས་ཅད་ཀུན་ཏུ་སྟོན་པར་བྱེད་ཀྱང་། བྱང་ཆུབ་སེམས་དཔའི་ཆོས་ཉིད་ལས་མི་གཡོའོ།། ཤཱ་རིའི་བུ་དེ་ལ་ཨ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སེམས་ཅན་ཁྱིམ་བདག་གི་རྒྱགས་པས་མྱོས་པ་རྣམས་ལ་དབང་ཕྱུག་གིས་རྒྱགས་པ་བསལ་བའི་ཕྱིར་ཁྱིམ་བདག་གི་ཀཱརྫ་ཉེ་བར་སྟོན་པར་བྱེད་དོ། ། སེམས་ཅན་སྤོ་བས་རྒྱགས་ཤིང་མྱོས་པ་རྣམས་ལ་སྤྲོ་བའི་རྒྱགས་པ་བསལ་བའི་ཕྱིར་ཆེན་པོ་ཆེ་ཆེན་པོའི་སྟོབས་དང་། སྲེད་མེད་ཀྱི་བུའི་སྤྲོ་བའི་སྟོབས་ཉེ་བར་སྟོན་པར་བྱེད་དོ། ། སེམས་ཅན་མྱ་ངན་ལས་འདས་པ་དོན་དུ་གཉེར་བ་རྣམས་ལ་མྱ་ངན་ལས་འདས་པའི་ལམ་སྣ་ཚོགས་ཉེ་བར་སྟོན་པར་བྱེད་དོ།། ཉན་ཐོས་ཀྱི་ཐེག་པ་དོན་དུ་གཉེར་བའི་སེམས་ཅན་རྣམས་ལ་ནི་ཉན་ཐོས་ཀྱི་ཐེག་པས་ཡོངས་སུ་མྱ་ངན་ལས་འདས་བཟླ་བའི་ཕྱིར། ཉན་ཐོས་ཀྱི་གཟུགས་ཉེ་བར་སྟོན་པར་བྱེད་དོ།། རང་སངས་རྒྱས་ཀྱི་ཐེག་པ་དོན་དུ་གཉེར་བའི་སེམས་ཅན་རྣམས་ལ་ནི་རྟེན་ཅིང་འབྲེལ་པར་འབྱུང་བ་ལ་འཇུག་པར་བྱ་བའི་ཕྱིར། རང་སངས་རྒྱས་ཀྱི་གཟུགས་ཉེ་བར་སྟོན་པར་བྱེད་དོ།། བྱང་ཆུབ་དོན་དུ་གཉེར་བའི་སེམས་ཅན་རྣམས་ལ་ནི་སངས་རྒྱས་ཀྱི་ཆོས་ཐམས་ཅད་ཡང་དག་པར་ཐོབ་པར་བྱ་བའི་ཕྱིར། སངས་རྒྱས་ཀྱི་གཟུགས་ཉེ་བར་སྟོན་པར་བྱེད་དེ། ཤཱ་རིའི་བུ་དེ་ལྟར་ན་བྱང་།། ཆུབ་སེམས་དཔའ་སེམས་དཔའ་ཆེན་པོ་རྣམས་ནི་ཐབས་སྣ་ཚོགས་ཀྱིས་སེམས་ཅན་གྱི་ཁམས་ཡོངས་སུ་སྨིན་པར་བྱས་ནས། སངས་རྒྱས་ཀྱི་ཆོས་རྣམས་ལ་རབ་ཏུ་འགོད་པར་བྱེད་དོ།། དེ་ཅིའི་ཕྱིར་ཞེ་ན། ཤཱ་རིའི་བུ་དེ་བཞིན་གཤེགས་པའི་ཡེ་ཤེས་ཤིན་ཏུ་མྱ་ངན་ལས་འདས་པའི་རྣམ་པར་ཐར་པ་མ་གཏོགས་པར་སེམས་ཅན་རྣམས་ཀྱི་རྣམ་པར་ཐར་པ་གཞན་མེད་དེ། དེའི་ཕྱིར་དེ་བཞིན་གཤེགས་པ་ཞེས་བྱ་བའི་ཕྱིར་རོ།། དེ་ཅིའི་ཕྱིར་ཞེ་ན། དེ་བཞིན་གཤེགས་པས་ནི་དེ་བཞིན་ཉིད་ཇི་ལྟ་བ་བཞིན་འདི་ཐུགས་སུ་ཆུད་དེ། དེའི་ཕྱིར་དེ་བཞིན་གཤེགས་པ་ཞེས་བྱ་བ་དང་། གདགས་པ་སྣ་ཚོགས་ཀྱིས་སེམས་ཅན་རྣམས་ལ་རྣམ་པར་རིག་པར་མཛད་དེ། དེའི་ཕྱིར་དེ་བཞིན་གཤེགས་པ་ཞེས་བྱ་བ་དང་། དགེ་བའི་ཆོས་ཐམས་ཅད་དང་ལྡན་པ་དང་། མི་དགེ་བའི་ཆོས་ཐམས་ཅད་སྤངས་པས། དེའི་ཕྱིར་དེ་བཞིན་གཤེགས་པ་ཞེས་བྱ་བ་དང་། སེམས་ཅན་བཅིངས་པ་རྣམས་ལས་ཐར་པ་ཉེ་བར་སྟོན་པར་མཛད་པས།། དེའི་ཕྱིར་དེ་བཞིན་གཤེགས་པ་ཞེས་བྱ་བ་དང་། སེམས་ཅན་ལམ་ངན་པར་ཞུགས་པ་རྣམས་ལ་ལམ་བཟང་པོ་ཉེ་བར་སྟོན་པར་མཛད་པས། དེའི་ཕྱིར་དེ་བཞིན་གཤེགས་པ་ཞེས་བྱ། བ་དང་། སྟོང་པ་ཉིད་གསུང་བ་དང་། སྟོང་པ་ཉིད་ལས་ངེས་པར་བྱུང་བས། དེའི་ཕྱིར་དེ་བཞིན་གཤེགས་པ་ཞེས་བྱ་བའི་ཕྱིར་རོ།། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི། བྱིས་པ་སོ་སོའི་སྐྱེ་བོ་རྣམ་པར་རྨོངས་པ་རྣམས་ལ་ཡང་དག་པའི་ཆོས་རྗེས་སུ་རྟོགས་པར་བྱ་བའི་ཕྱིར། མོས་པ་ཇི་ལྟ་བ་བཞིན་དུ་རྣམ་པར་རིག་པ་རྣམ་པ་སྣ་ཚོགས་ཀྱིས་རྣམ་པར་ཐར་པ་ཉེ་བར་སྟོན་པར་བྱེད་ཀྱང་། བྱང་ཆུབ་སེམས་དཔའི་ཆོས་ཉིད་ལས་མི་གཡོའོ།། རིམ་གྱིས་བྱང་ཆུབ་ཀྱི་སྙིང་པོ་ཐོབ་པར་བྱ་བའི་ཕྱིར། སེམས་ཅན་རྣམས་ལ་སྒྱུ་མའི་བཀོད་པ་རྣམ་པ་སྣ་ཚོགས་ཀྱང་ཉེ་བར་སྟོན་ཏོ། ། ཤཱ་རིའི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་པ་ཁྱིམ་ན་གནས་པས་ནི་སྦྱིན་པ་གཉིས་ལ་གནས་པར་བྱའོ། ། གཉིས་གང་ཞེ་ན། འདི་ལྟ་སྟེ། ཆོས་སྦྱིན་པ་དང་། ཟང་ཟིང་སྦྱིན་པ་ལ་སྟེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་པ་ཁྱིམ་ན་གནས་པས་ནི་རྗེས་སུ་ཆགས་པ་མེད་པ་དང་། ཁོང་ཁྲོ་བ་མེད་པས་སྦྱིན་པ་དེ་གཉིས་ལ་གནས་པར་བྱའོ།། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་བྱུང་བར་གཏོགས་པས་ནི་སྦྱིན་པ་ཆེན་པོ་བཞི་ལ་གནས་པར་བྱའོ། ། བཞི་གང་ཞེ་ན། འདི་ལྟ་སྟེ། སྤྱི་གུ་སྦྱིན་པ་དང་། སྣག་ཆ་སྦྱིན་པ་དང་། གླེགས་བམ་སྦྱིན་པ་དང་། ཆོས་སྦྱིན་པ་ལ་སྟེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་བྱུང་བར་གཏོགས་པས་ནི་སྦྱིན་པ་བཞི་པོ་དེ་དག་ལ་གནས་པར་བྱའོ།། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མི་སྐྱེ་བའི་ཆོས་ལ་བཟོད་པ་ཐོབ་པས་ནི་གཏོང་བ་གསུམ་ལ་གནས་པར་བྱའོ། ། གསུམ་གང་ཞེ་ན། འདི་ལྟ་སྟེ། གཏོང་བ་དང་། གཏོང་བ་ཆེན་པོ་དང་། ཤིན་ཏུ་གཏོང་བ་ལའོ།། དེ་ལ་གཏོང་བ་ནི་རྒྱལ་སྲིད་ཡོངས་སུ་གཏོང་བའོ།། གཏོང་བ་ཆེན་པོ་ནི་ཆུང་མ་དང་། བུ་དང་། བུ་མོ་ཡོངས་སུ་གཏོང་བའོ།། ཤིན་ཏུ་གཏོང་བ་ནི་མགོ་དང་། ལག་པ་དང་། རྐང་པ་དང་། མིག་དང་། པགས་པ་དང་། རུས་པ་དང་། རྐང་ཡོངས་སུ་གཏོང་བ་སྟེ། ཤཱ་རིའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་མི་སྐྱེ་བའི་ཆོས་ལ་བཟོད་པ་ཐོབ་པས་ནི་ཡོངས་སུ་གཏོང་བ་གསུམ་པོ་དེ་དག་ལ་གནས་པར་བྱའོ། ། ཤཱ་རིའི་བུས་གསོལ་པ། བཅོམ་ལྡན་འདས་བྱང་ཆུབ་སེམས་དཔའ་རྣམས་འདོད་ཆགས་ཀྱིས་མི་འཇིགས་པ་ལགས་སམ། ཞེ་སྡང་དང་གཏི་མུག་གིས་མི་འཇིགས་པ་ལགས་སམ། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་བྱང་ཆུབ་སེམས་དཔའ་རྣམས་ཀྱི་ཁ་ན་མ་ཐོ་བ་ཆེན་པོ་དང་བཅས་པའི་ཉེས་པ་ནི་གཉིས་ཏེ། གཉིས་གང་ཞེ་ན། འདི་ལྟ་སྟེ། ཞེ་སྡང་དང་ལྡན་པ་དང་། གཏི་མུག་དང་ལྡན་པ་སྟེ། རིའི་བུ་གཉིས་པོ་དེ་དག་ནི་བྱང་ཆུབ་སེམས་དཔའ་རྣམས་ཀྱི་ཁ་ན་མ་ཐོ་བ་ཆེན་པོ་དང་བཅས་པའི་ཉེས་པ་ཡིན་ནོ།། ཤཱ་རིའི་བུ་དེ་ལ་འདོད་ཆགས་ནི་ཁ་ན་མ་ཐོ་བ་དང་། བཅས་པ་ཆུང་ལ་འབྲལ་བ་བུལ་བ་ཡིན་ནོ།། ཞེ་སྡང་ནི་ཁ་ན་མ་ཐོ་བ་དང་བཅས་པ་ཆེ་ལ་འབྲལ་བ་མྱུར་བ་ཡིན་ནོ།། གཏི་མུག་ནི་ཁ་ན་མ་ཐོ་བ་དང་བཅས་པ་ཆེ་ལ་འབྲལ་བ་བུལ་བ་ཡིན་ནོ།། དེ་ཅིའི་ཕྱིར་ཞེ་ན། ཤཱ་རིའི་བུ་འདོད་ཆགས་ནི་འཁོར་བའི་འཁྲི་ཤིང་ཀུན་ཏུ་འཛིན་པའི་ཕྱིར། ཉིང་མཚམས་སྦྱོར་བའི་ས་བོན་ཡིན་པ་དང་། ཞེ་སྡང་ནི་མྱུར་དུ་ཡོངས་སུ་སྤོང་བའི་ཕྱིར། ངན་སོང་དུ་འགྲོ་བའི་རྒྱུར་གྱུར་པ་ཡིན་པ་དང་། གཏི་མུག་ནི་རྣམ་པར་འགྲོལ་བར་དཀའ་བའི་ཕྱིར། སེམས་ཅན་དམྱལ་བ་ཆེན་པོ་བརྒྱད་དུ་རབ་ཏུ་ལྷུང་བའི་རྒྱུར་གྱུར་པ་ཡིན་པའི་ཕྱིར་རོ།། ཤཱ་རིའི་བུ་དེ་ལ་བྱང་ཆུབ་སེམས་དཔའ་ཉེས་པ་དང་པོའི་ལྕི་བ་ནི་ཚོགས་བཅུ་ལ་དྲང་པོར་བཤགས་པར་བྱའོ། ། བུད་མེད་ཀྱི་ལག་པ་ནས་འཛིན་པའི་ལག་པའི་ཉེས་པ་ལྕི་བ་ནི་ཚོགས་ལྔ་ལ་བཤགས་པར་བྱའོ།། ཉོན་མོངས་པ་ཅན་གྱི་སེམས་ཀྱི་མིག་གིས་བལྟས་པའི་ཉེས་པ་ནི་གང་ཟག་གཅིག་གམ། གཉིས་ཀྱི་མདུན་དུ་བཤགས་པར་བྱའོ།། བྱང་ཆུབ་སེམས་དཔའ་མཚམས་མེད་པ་ལྔ་དང་ལྡན་པའི་ཉེས་པ་དང་བུད་མེད་ཀྱི་ཉེས་པ་དང་། ཁྱེའུའི་ཉེས་པ་དང་། ལག་པའི་ཉེས་པ་དང་། མཆོད་རྟེན་གྱི་ཉེས་པ་དང་། དགེ་འདུན་གྱི་ཉེས་པ་དང་། དེ་ལས་གཞན་པའི་ཉེས་པ་ལྕི་བ་རྣམས་ནི་སངས་རྒྱས་བཅོམ་ལྡན་འདས་སུམ་ཅུ་རྩ་ལྔའི་སྤྱན་སྔར་གཅིག་པུས་ཉིན་མཚན་དུ་བཤགས་པར་བྱའོ། ། དེ་ལ་བཤགས་པ་ནི་འདི་ཡིན་ཏེ། བདག་མིང་འདི་ཞེས་བགྱི་བ། སངས་རྒྱས་ལ་སྐྱབས་སུ་མཆིའོ། ། ཆོས་ལ་སྐྱབས་སུ་མཆིའོ།། དགེ་འདུན་ལ་སྐྱབས་སུ་མཆིའོ།། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། ། རྡོ་རྗེའི་སྙིང་པོས་རབ་ཏུ་འཇོམས་པ་ལ་ཕྱག་འཚལ་ལོ།། རིན་ཆེན་འོད་འཕྲོག་ལ་ཕྱག་འཚལ་ལོ།། ཀླུ་དབང་གི་རྒྱལ་པོ་ལ་ཕྱག་འཚལ་ལོ།། དཔའ་བོའི་སྡེ་ལ་ཕྱག་འཚལ་ལོ། དཔའ་དགྱེས་ལ་ཕྱག་འཚལ་ལོ།། རིན་ཆེན་མེ་ལ་ཕྱག་འཚལ་ལོ།། རིན་ཆེན་ཟླ་འོད་ལ་ཕྱག་འཚལ་ལོ།། མཐོང་བ་དོན་ཡོད་ལ་ཕྱག་འཚལ་ལོ།། རིན་ཆེན་ཟླ་བ་ལ་ཕྱག་འཚལ་ལོ། དྲི་མ་མེད་པ་ལ་ཕྱག་འཚལ་ལོ།། དཔས་སྦྱིན་ལ་ཕྱག་འཚལ་ལོ།། ཚངས་པ་ལ་ཕྱག་འཚལ་ལོ།། ཚངས་པས་བྱིན་ལ་ཕྱག་འཚལ་ལོ།། ཆུ་ལྷ་ལ་ཕྱག་འཚལ་ལོ།། ཆུ་ལྷའི་ལྷ་ལ་ཕྱག་འཚལ་ལོ། ། དཔལ་བཟངས་ལ་ཕྱག་འཚལ་ལོ།། ཙན་དན་དཔལ་ལ་ཕྱག་འཚལ་ལོ།། གཟི་བརྗིད་མཐའ་ཡས་ལ་ཕྱག་འཚལ་ལོ།། འོད་དཔལ་ལ་ཕྱག་འཚལ་ལོ།། མྱ་ངན་མེད་པའི་དཔལ་ལ་ཕྱག་འཚལ་ལོ།། སྲེད་མེད་ཀྱི་བུ་ལ་ཕྱག་འཚལ་ལོ།། མེ་ཏོག་དཔལ་ལ་ཕྱག་འཚལ་ལོ།། དེ་བཞིན་གཤེགས་པ་ཚངས་པའི་འོད་ཟེར་རྣམ་པར་རོལ་པས་མངོན་པར་མཁྱེན་པ་ལ་ཕྱག་འཚལ་ལོ། ། དེ་བཞིན་གཤེགས་པ་པདྨའི་འོད་ཟེར་རྣམ་པར་རོལ་པས་མངོན་པར་མཁྱེན་པ་ལ་ཕྱག་འཚལ་ལོ།། ནོར་དཔལ་ལ་ཕྱག་འཚལ་ལོ། དྲན་པའི་དཔལ་ལ་ཕྱག་འཚལ་ལོ།། མཚན་དཔལ་ཤིན་ཏུ་ཡོངས་བསྒྲགས་ལ་ཕྱག་འཚལ་ལོ།། དབང་པོ་ཏོག་གི་རྒྱལ་མཚན་གྱི་རྒྱལ་པོ་ལ་ཕྱག་འཚལ་ལོ།། ཤིན་ཏུ་རྣམ་པར་གནོན་པའི་དཔལ་ལ་ཕྱག་འཚལ་ལོ། ། གཡུལ་ལས་ཤིན་ཏུ་རྣམ་པར་རྒྱལ་བ་ལ་ཕྱག་འཚལ་ལོ།། དེ་བཞིན་གཤེགས་པ་རྣམ་པར་གནོན་པས་གཤེགས་པ་ལ་ཕྱག་འཚལ་ལོ།། ཀུན་ནས་སྣང་བ་བཀོད་པའི་དཔལ་ལ་ཕྱག་འཚལ་ལོ། ། རིན་ཆེན་པདྨས་རྣམ་པར་གནོན་པ་ལ་ཕྱག་འཚལ་ལོ།། དེ་བཞིན་གཤེགས་པ་དགྲ་བཅོམ་པ་ཡང་དག་པ་རྫོགས་པའི་སངས་རྒྱས་རིན་པོ་ཆེའི་པདྨ་ལ་རབ་ཏུ་བཞུགས་པའི་སངས་རྒྱས་རི་དབང་གི་རྒྱལ་པོ་ལ་ཕྱག་འཚལ་ལོ། ། དེ་དག་ལ་སོགས་པ་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཇི་སྙེད་ཅིག་བཞུགས་ཏེ། འཚོ་ཞིང་གཞེས་པའི་སངས་རྒྱས་བཅོམ་ལྡན་འདས་དེ་དག་ཐམས་ཅད་བདག་ལ་དགོངས་སུ་གསོལ། བདག་གིས་སྐྱེ་བ་འདི་དང་། སྐྱེ་བ་ཐོག་མ་དང་ཐ་མ་མ་མཆིས་བ་ནས་འཁོར་བ་ན་འཁོར་བའི་སྐྱེ་བ་གཞན་དག་ཏུ་སྡིག་པའི་ལས་བགྱིས་པ་དང་། བགྱིད་དུ་སྩལ་བ་དང་། བགྱིད་པ་ལ་རྗེས་སུ་ཡི་རང་བ་འམ། མཆོད་རྟེན་གྱི་དཀོར་རམ། དགེ་འདུན་གྱི་དཀོར་རམ། ཕྱོགས་བཅུའི་དགེ་འདུན་གྱི་དཀོར་ཕྲོགས་པ་དང་། འཕྲོག་ཏུ་སྩལ་བ་དང་། འཕྲོག་པ་ལ་རྗེས་སུ་ཡི་རང་བ་འམ། མཚམས་མ་མཆིས་པ་ལྔའི་ལས་བགྱིས་པ་དང་། བགྱིད་དུ་སྩལ་བ་དང་། བགྱིད་པ་ལ་རྗེས་སུ་ཡི་རང་བ་འམ། མི་དགེ་བ་བཅུའི་ལས་ཀྱི་ལམ་ཡང་དག་པར་བླང་བ་ལ་ཞུགས་པ་དང་། འཇུག་ཏུ་སྩལ་པ་དང་། འཇུག་པ་ལ་རྗེས་སུ་ཡི་རང་བ་འམ། ལས་ཀྱི་སྒྲིབ་པ་གང་གིས་བསྒྲིབས་ནས། བདག་སེམས་ཅན་དམྱལ་བར་མཆི་བ་འམ། དུད་འགྲོའི་སྐྱེ་གནས་སུ་མཆི་བ་འམ། ཡི་དགས་ཀྱི་ཡུལ་དུ་མཆི་བ་འམ། ཡུལ་མཐའ་འཁོང་དུ་སྐྱེ་འམ་ཀླ་ཀློར་སྐྱེ་བ་འམ། ལྷ་ཚེ་རིང་པོ་རྣམས་ཀྱི་ནང་དུ་སྐྱེ་བ་འམ། དབང་པོ་མ་ཚང་བར་འགྱུར་བ་འམ། ལྟ་བ་ལོག་པ་འཛིན་པར་འགྱུར་བ་འམ། སངས་རྒྱས་འབྱུང་བ་མཉེས་པར་མི་བགྱིད་པར་འགྱུར་བའི་ལས་ཀྱི་སྒྲིབ་པ་གང་ལགས་པ་དེ་དག་ཐམས་ཅད། སངས་རྒྱས་བཅོམ་ལྡན་འདས་ཡེ་ཤེས་སུ་གྱུར་པ། སྤྱན་དུ་གྱུར་པ། དབང་དུ་གྱུར་པ། ཚད་མར་གྱུར་པ།། མཁྱེན་པ་གཟིགས་པ། དེ་དག་གི་སྤྱན་སྔར་འཐོལ་ལོ།། འཆགས་སོ།། མི་འཆབ་བོ།། སླན་ཆད་ཀྱང་སྡོམ་པར་བགྱིད་ལགས་སོ།། སངས་རྒྱས་བཅོམ་ལྡན་འདས་དེ་དག་བདག་ལ་དགོངས་སུ་གསོལ། བདག་གིས་སྐྱེ་བ་འདི་དང་། སྐྱེ་བ་ཐོག་མ་དང་ཐ་མ་མཆིས་པ་ནས། འཁོར་བ་ན་འཁོར་བའི་སྐྱེ་བ་གཞན་དག་ཏུ། སྦྱིན་པ་ཐ་ན་དུད་འགྲོའི་སྐྱེ་གནས་སུ་སྐྱེས་པ་ལ་ཟས་པམ་གཅིག་ཙམ་སྤྲུལ་པ་གང་ལགས་པ་དང་། རྣལྔ་ཁྲིམས་བསྲུངས་པ་གང་ལགས་པ་དང་། བདག་གིས་ཚངས་པར་སྤྱོད་པ་ལ་གནས་པའི་དགེ་བའི་རྩ་བགང་ལགས་པ་དང་། བདག་གིས་སེམས་ཅན་ཡོངས་སུ་སྨིན་པར་བགྱིས་པའི་དགེ་བའི་རྩ་བ་གང་ལགས་པ་དང་། བདག་གི་བྱང་ཆུབ་ཀྱི་སེམས་ཀྱི་དགེ་བའི་རྩ་བ་གང་ལགས་པ་དང་བདག་གི་བླ་ན་མེད་པའི་ཡེ་ཤེས་ཀྱི་དགེ་བའི་རྩ་བ་གང་ལགས་པ་དེ་དག་ཐམས་ཅད་གཅིག་ཏུ་བསྡུས་ཤིང་བཟླུམས་ཏེ་བསྡོམས་ནས། བླ་མ་མ་མཆིས་པ་དང་། གོང་ན་མ་མཆིས་པ་དང་། གོང་མའི་ཡང་གོང་མར་ཡོངས་སུ་བསྔོ་བས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བགྱིའོ།། ཇི་ལྟར་འདས་པའི་སངས་རྒྱས་བཅོམ་ལྡན་འདས་རྣམ་ཀྱིས་ཡོངས་སུ་བསྔོས་པ་དང་། ཇི་ལྟར་མ་འོངས་པའི་སངས་རྒྱས་བཅོམ་ལྡན་འདས་རྣམས་ཡོངས་སུ་སྔོ་བར་འགྱུར་བ་དང་། ཇི་ལྟར་ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ད་ལྟར་ཡོངས་སུ་སྔོ་བར་མཛད་པ་དེ་ལྟར། བདག་གིས་ཀྱང་ཡོངས་སུ་བསྔོ་བར་བགྱིའོ།། སྡིག་པ་ཐམས་ཅད་འཆགས་སོ།། བསོད་ནམས་ཐམས་ཅད་ཀྱི་རྗེས་སུ་ཡི་རང་ངོ་།། སངས་རྒྱས་ཐམས་ཅད་ལ་གསོལ་བ་འདེབས་སོ།། བདག་གིས་ཡེ་ཤེས་བླ་ན་མེད་པའི་མཆོག་ཏུ་གྱུར་ཅིག། མི་མཆོག་རྒྱལ་བ་གང་དག་ད་ལྟར་བཞུགས་པ་དང་། གང་དག་འདས་པ་དག་དང་དེ་བཞིན་གང་མ་བྱོན། ། ཡོན་ཏན་བསྔགས་པ་མཐའ་ཡས་རྒྱ་མཚོ་འདྲ་ཀུན་ལ། ཐལ་མོ་སྦྱར་བ་བགྱིས་ཏེ་སྐྱབས་སུ་ཉེ་བར་མཆི། ཤཱ་རིའི་དུ་དེ་ལྟར་བྱང་ཆུབ་སེམས་དཔའ་སངས་རྒྱས་བཅོམ་ལྡན་འདས་སུམ་ཅུ་རྩ་ལྔ་པོ་དེ་དག་ལ་སོགས་པ་དེ་བཞིན་གཤེགས་པ་ཐམས་ཅད་དང་ལྡན་པའི་ཡིད་ལ་བྱེད་པ་དག་གི་སྡིག་པ་ཐམས་ཅད་རྣམ་པར་དག་པར་བྱའོ། ། དེ་ལྟར་སྡིག་པ་ཐམས་ཅད་རྣམ་པར་དག་པ་དེ་ལ། སངས་རྒྱས་བཅོམ་ལྡན་འདས་དེ་དག་ཉིད་ཀྱང་སེམས་ཅན་རྣམ་པར་ཐར་པར་བྱ་བ་ཁོ་ནའི་ཕྱིར་ཞལ་ཉེ་བར་སྟོན་པར་མཛད་དོ།། དེ་བཞིན་དུ་བྱིས་པ་སོ་སོའི་སྐྱེ་བོ་འཁྲུལ་པ་རྣམས་ཡོངས་སུ་སྨིན་པར་བྱ་བའི་ཕྱིར། ཚིག་འབྲུ་རྣམ་པ་སྣ་ཚོགས་ཉེ་བར་སྟོན་པར་མཛད་ཀྱང་། ཆོས་ཀྱི་དབྱིངས་ལས་མི་གཡོ་ལ། སེམས་ཅན་མོས་པ་སྣ་ཚོགས་དང་ལྡན་པ་རྣམས་མོས་པ་ཇི་ལྟ་བ་བཞིན་དུ་རྣམ་པར་ཐར་པར་བྱ་བའི་ཕྱིར། སྨོན་ལམ་ཡོངས་སུ་རྫོགས་པར་ཡང་མཛད་དོ།། ཤཱ་རིའི་བུ་དེ་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། ལྷ་མ་ཡིན་གྱི་འགྲོ་བ་ཉེ་བར་སྟོན་པར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་བཀོད་པ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། ཁྱིམ་བདག་གི་གཟུགས་ཉེ་བར་སྟོན་པར་བྱེད་དོ།། བྱང་ཆུབ་སེམ་དཔའ་སེམས་དཔའ་ཆེན་པོ་མཆོག་གི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། འཁོར་ལོས་སྒྱུར་བའི་གཟུགས་ཉེ་བར་སྟོན་པར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་གཟི་བརྗིད་དྲག་པོའི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། བརྒྱ་བྱིན་དང་ཚངས་པའི་གཟུགས་ཉེ་བར་སྟོན་པར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་རྩེ་གཅིག་པའི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། ཉན་ཐོས་ཀྱི་གཟུགས་ཉེ་བར་སྟོན་པར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་དག་པ་གཉིས་སུ་མེད་པའི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། རང་སངས་རྒྱས་ཀྱི་གཟུགས་ཉེ་བར་སྟོན་པར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། ཡང་དག་པར་རྫོགས་པའི་སངས་རྒྱས་ཀྱི་གཟུགས་ཉེ་བར་སྟོན་པར་བྱེད་དོ།། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ལ་དབང་སྒྱུར་བའི་ཏིང་ངེ་འཛིན་ལ་སྙོམས་པར་ཞུགས་པ་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། མོས་པ་ཇི་ལྟ་བ་བཞིན་དུ་གཟུགས་ཉེ་བར་སྟོན་པར་བྱེད་དེ། ཤཱ་རིའི་བུ་དེ་ལྟར་ན་སྐྱེས་བུ་དམ་པ་རྣམས་ནི། སེམས་ཅན་ཡོངས་སུ་སྨིན་པར་བྱ་བའི་ཕྱིར། ལ་ལར་ནི་བརྒྱ་བྱིན་གྱི་གཟུགས། ལ་ལར་ནི་ཚངས་པའི་གཟུགས་ལ་ལར་ནི་འཁོར་ལོས་སྒྱུར་བའི་གཟུགས་ཉེ་བར་སྟོན་པར་ཡང་བྱེད་ལ། ཆོས་ཀྱི་དབྱིངས་ལས་ཀྱང་མི་གཡོའོ།། དེ་ཅིའི་ཕྱིར་ཞེ་ན། འདི་ལྟ་སྟེ། བྱང་ཆུབ་སེམས་དཔའ་ནི་སེམས་ཅན་ཡོངས་སུ་སྨིན་པར་བྱ་བའི་ཕྱིར། མོས་པ་སྣ་ཚོགས་དང་ལྡན་པའི་སེམས་ཅན་རྣམས་ལ་རྣམ་པར་རིག་པའི་གཟུགས་རྣམ་པ་སྣ་ཚོགས་ཉེ་བར་སྟོན་པར་བྱེད་ཀྱང་། དེ་ལ་བདག་ཏུ་དམིགས་པའང་མེད་སེམས་ཅན་དུ་དམིགས་པའང་མེད་ལ། སེམས་ཅན་རྣམས་ལ་འགྲོ་བ་སྣ་ཚོགས་ཀྱི་གཟུགས་ཉེ་བར་སྟོན་པར་ཡང་བྱེད་པའི་ཕྱིར་རོ།། ཤཱ་རིའི་བུ་འདི་ཇི་སྙམ་དུ་སེམས། རི་དགས་ཀྱི་རྒྱལ་པོ་སེང་གེའི་སྒྲ་སྐད་གང་ཡིན་པ་དེ་བྱི་ལས་བཟོད་པར་ནུས་སྙམ་མམ། ཤཱ་རིའི་བུས་གསོལ་པ། བཅོམ་ལྡན་འདས་དེ་ནི་མི་བཟོད་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། རིའི་བུ་འདི་ཇི་སྙམ་དུ་སེམས། སྤོས་ཀྱི་གླང་པོ་ཆེའི་ཁལ་གང་ཡིན་པ་དེ་བོང་བུས་བཟོད་པར་ནུས་སྙམ་མམ། ཤཱ་རིའི་བུས་གསོལ་པ། བཅོམ་ལྡན་འདས་དེ་ནི་མི་བཟོད་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་འདི་ཇི་སྙམ་དུ་སེམས། བརྒྱ་བྱིན་དང་ཚངས་པ་དག་གི་གཟི་བརྗིད་ཀྱི་བདག་པོ་གང་ཡིན་པ་དེ་མི་དབུལ་པོས་བཟོད་པར་ནུས་སྙམ་མམ། ཤཱ་རིའི་བུས་གསོལ་པ། བཅོམ་ལྡན་འདས་དེ་ནི་མི་བཟོད་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་འདི་ཇི་སྙམ་དུ་སེམས། བྱའི་རྒྱལ་པོ། ནམ་མཁའ་ལྡིང་གི་ཕ་རོལ་གནོན་པ་གང་ཡིན་པ་དེ་བྱ་རྒོད་ཀྱི་ཕྲུག་གུས་བཟོད་པར་ནུས་སྒྱུམ་མམ། ཤཱ་རིའི་བུས་གསོལ་པ། བཅོམ་ལྡན་འདས་དེ་ནི་མི་བཟོད་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། ཤཱ་རིའི་བུ་དེ་བཞིན་དུ་བྱང་ཆུབ་སེམས་དཔའ་རྣམས་ཀྱི་སེམས་དཔའ་བ་དང་། དགེ་བའི་རྩ་བའི་སྟོབས་བསྐྱེད་པ་ལས་བྱུང་ཞིང་། ཤེས་པ་ལས་ངེས་པར་འབྱུང་བའི་ཉེས་པ་གང་ཡིན་པ་དང་། ཉེས་པ་འགྱོད་པའི་གནས་སངས་རྒྱས་མཐོང་བའི་ཏིང་ངེ་འཛིན་ལ་སྙོམས་པར་འཇུག་པ་ཐོབ་པས་རྣམ་པར་སྦྱོང་བ་གང་ཡིན་པ་དེ་ནི། སེམས་ཅན་ཐམས་ཅད་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་རྣམ་པར་སྦྱོང་བར་མི་ནུས་སོ།། བྱང་ཆུབ་སེམས་དཔའ་ནི། སངས་རྒྱས་བཅོམ་ལྡན་འདས་དེ་དག་གི་མཚན་འཛིན་ཅིང་ཡོངས་སུ་རྗོད་པ་དང་། ཕུང་པོ་གསུམ་པའི་ཆོས་ཀྱི་རྣམ་གྲངས་ཉིན་ལན་གསུམ་མཚན་ལན་གསུམ་བརྗོད་པས་ཉེས་པ་འརྗོད་པའི་གནས་ལས་ངེས་པར་འབྱུང་ཞིང་། ཏིང་ངེ་འཛིན་ཀྱང་འཐོབ་པ་འགྱུར་རོ། ། ། བམ་པོ་གཉིས་པ་སྟེ་ཐ་མའོ།། དེའི་ཚེ་ན་ཚེ་དང་ལྡན་པ་ཉེ་བར་འཁོར་ནང་དུ་ཡང་དག་འཇོག་ལས་ལངས་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་ཕྱོགས་གཅིག་ཏུ་འཇུག་གོ།། ཕྱོགས་གཅིག་ཏུ་འདུག་ནས། བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འདི་ན་བདག་གཅིག་པུ་དབེན་པར་མཆིས་ནས། ནང་དུ་ཡང་དག་བཞག་པ་ན་སེམས་ལ་ཡོངས་སུ་རྟོག་པ་འདི་ལྟ་བུ་འདི་སྐྱེས་ལགས་ཏེ། བཅོམ་ལྡན་འདས་ཀྱིས་ཉན་ཐོས་ཀྱི་ཐེག་པ་པ་དང་། རང་སངས་རྒྱས་ཀྱི་ཐེག་པ་པ་རྣམས་ལ་ནི་སོ་སོར་ཐར་པའི་སྡོམ་པ་ལྷག་པའི་ཚུལ་ཁྲིམས་ཀྱི་བསླབ་པ་ཡོངས་སུ་དག་པ་བཅས་ལ། བཅོམ་ལྡན་འདས་ཀྱིས་བྱང་ཆུབ་སེམས་དཔའི་ཐེག་པ་པ་རྣམས་ཀྱིས་ནི་སྲོག་གི་ཕྱིར་ཡང་བསླབ་པ་ཡོངས་སུ་མི་གཏོང་ངོ་ཞེས་གསུངས་པ་ལགས་ན། བཅོམ་ལྡན་འདས་ཡོངས་སུ་མྱ་ངན་ལས་འདས་སམ་བཞུགས་ཀྱང་རུང་སྟེ། ཉན་ཐོས་ཀྱི་ཐེག་ས་པ་རྣམས་ཀྱི་སོ་སོར་ཐར་པའི་སྡོམ་པ་ནི་ཇི་ལྟར་བརྗོད་པར་བགྱི། རང་སངས་རྒྱས་ཀྱི་ཐེག་པ་པ་རྣམས་ཀྱི་སོ་སོར་ཐར་པའི་སྡོམ་པ་ནི་ཇི་ལྟར་བརྗོད་པར་བགྱི། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་སོ་སོར་ཐར་པའི་སྡོམ་པ་ནི་ཇི་ལྟར་བརྗོད་པར་བགྱི། བཅོམ་ལྡན་འདས་ཀྱིས་བདག་ནི་འདུལ་བ་འཛིན་པ་རྣམས་ཀྱི་མཆོག་ལགས་པར་བཀའ་སྩལ་ན། ཅི་ནས་ཀྱང་བདག་གིས་བཅོམ་ལྡན་འདས་ལས་འདུལ་བ་ལ་མཁས་པ་མངོན་སུམ་དུ་ཐོས་ཤིང་། མངོན་སུམ་དུ་བཟུང་ནས། མི་འཇིགས་པ་ཐོབ་ཅིང་འཁོར་རྣམས་ལ་རྒྱ་ཆེར་ཡང་དག་པར་སྟོན་པར་འགྱུར་བ་དེ་ལྟར་བཅོམ་ལྡན་འདས་ཀྱིས་བདག་ལ་རྒྱ་ཆེར་ཡང་དག་པར་བསྟན་དུ་གསོལ་བར་བགྱི་ལགས་སོ་སྙམ་སྟེ། བཅོམ་ལྡན་འདས་པ་དག་གཅིག་པུ་དབེན་པར་མཆིས་ནས། ནང་དུ་ཡང་དག་བཞག་པ་ན་སེམས་ལ་བདག་དེ་བཞིན་གཤེགས་པའི་སྤྱན་སྔར་མཆིས་ལ་འདུལ་བ་རྣམ་པར་གཏན་ལ་དབབ་པ་ཡོངས་སུ་ཞུའོ་སྙམ་པ་དེ་ལྟ་བུའི་ཡོངས་སུ་རྟོག་པ་སྐྱེས་པར་གྱུར་ལགས་ན། དེའི་སླད་དུ་བཅོམ་ལྡན་འདས་དེ་བཞིན་གཤེགས་པས་དགེ་སློང་གི་འཁོར་དང་། བྱང་ཆུབ་སེམས་དཔའི་འཁོར་ཆེན་པོ་འདུས་པ་ལ། འདུལ་བ་རྣམ་པར་གཏན་ལ་དབབ་པ་རྒྱ་ཆེར་ལེགས་པར་བསྟན་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་བཀའ་སྩལ་ཏོ།། ཉེ་བར་འཁོར་དེའི་ཕྱིར་ཁྱོད་ཀྱིས་ཉན་ཐོས་ཀྱི་ཐེག་པ་པ་རྣམས་ཀྱིས་བསླབ་པ་ནི་སྦྱོར་བ་གཞན་དང་། ལྷག་པའི་བསམ་པ་གཞན་གྱིས་ཡོངས་སུ་དག་པ་ཡིན་པར་སྨྲོས་ཤིག། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པའང་སྦྱོར་བ་གཞན་དང་། ལྷག་པའི་བསམ་པ་གཞན་གྱིས་ཡོངས་སུ་དག་པ་ཡིན་པར་སྤྲོས་ཤིག། དེ་ཅིའི་ཕྱིར་ཞེ་ན། ཉེ་བར་འཁོར་ཉན་ཐོས་ཀྱི་ཐེག་པ་པ་རྣམས་ཀྱི་སྦྱོར་བའང་གཞན། ལྷག་པའི་བསམ་པའང་གཞན་ལ། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་སྦྱོར་བའང་གཞན། ལྷག་པའི་བསམ་པའང་གཞན་ཡིན་པའི་ཕྱིར་རོ།། ཉེ་བར་འཁོར་དེ་ལ་ཉན་ཐོས་ཀྱི་ཐེག་པ་པའི་ཚུལ་ཁྲིམས་ཡོངས་སུ་དག་པ་གང་ཡིན་པ་དེ་ནི་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཡོངས་སུ་མ་དག་པ་ཉིད་དང་། ཤིན་ཏུ་འཆལ་པའི་ཚུལ་ཁྲིམས་ཉིད་ཡིན་ལ། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཡོངས་སུ་དག་པ་ཉིད་གང་ཡིན་པ་དེ་དག་ནི་ཉན་ཐོས་ཀྱི་ཐེག་པ་པའི་ཚུལ་ཁྲིམས་ཡོངས་སུ་མ་དག་པ་ཉིད་དང་། ཤིན་ཏུ་འཆལ་པའི་ཚུལ་ཁྲིམས་ཉིད་ཡིན་ནོ།། དེ་ཅིའི་ཕྱིར་ཞེ་ན། ཉེ་བར་འཁོར་འདི་ལ་ཉན་ཐོས་ཀྱི་ཐེག་པ་པ་ནི། དེའི་སྐད་ཅིག་ཙམ་ཡང་སྲིད་པར་སྐྱེ་བ་ལེན་པར་མི་བྱེད་དོ།། དེ་ནི་ཉན་ཐོས་ཀྱི་ཐེག་པ་པའི་ཚུལ་ཁྲིམས་ཡོངས་སུ་དག་པ་ཉིད་ཡིན་ལ། དེ་ནི་ཐེག་པ་ཆེན་པོ་ལ་ཡང་དག་པ་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཡོངས་སུ་མ་དག་པ་ཉིད་དང་། ཤིན་ཏུ་འཆལ་པའི་ཚུལ་ཁྲིམས་ཉིད་ཡིན་པའི་ཕྱིར་རོ།། ཉེ་བར་འཁོར་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཡོངས་སུ་དག་པ་ཉིད་གང་ཡིན་པ། ཉན་ཐོས་ཀྱི་ཐེག་པ་པའི་ཚུལ་ཁྲིམས་ཡོངས་སུ་མ་དག་པ་ཉིད་དང་། ཤིན་ཏུ་འཆལ་པའི་ཚུལ་ཁྲིམས་ཉིད་དུ་འགྱུར་བ་གང་ཞེ་ན། ཉེ་བར་འཁོར་འདི་ལ་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་བསྐལ་པ་ཚད་མེད་གྲངས་མེད་པར་སྲིད།། པར་སྐྱེ་བ་ལེན་ཀྱང་སེམས་ཡོངས་སུ་མི་སྐྱོ་ཞིང་། ཡིད་ཡོངས་སུ་མི་སྐྱོ་བ་དེ་ནི་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཡོངས་སུ་དག་པ་ཉིད་ཡིན། ལ་དེ་ནི་ཉན་ཐོས་ཀྱི་ཐེག་པ་པའི་ཚུལ་ཁྲིམས་ཡོངས་སུ་མ་ངག་པ་ཉིད་དང་། ཤིན་ཏུ་འཆལ་པའི་ཚུལ་ཁྲིམས་ཉིད་ཡིན་ནོ།། ཉེ་བར་འཁོར་དེ་ལྟ་བས་ན་ཁྱོད་ཀྱིས་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་རྗེས་སུ་བསྲུང་བ་དང་བཅས་པ་ཡིན་པར་སྨྲོས་ཤིག། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་ནི་རྗེས་སུ་བསྲུང་བ་མེད་པ་ཡིན་པར་སྨྲོས་ཤིག། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་བཅོས་སུ་ཡོད་པ་ཡིན་པར་སྨྲོས་ཤིག། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་ནི་བཅོས་སུ་མེད་པ་ཡིན་པར་སྨྲོས་ཤིག། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་རིང་དུ་རྗེས་སུ་ཞུགས་པ་ཡིན་པར་སྨྲོས་ཤིག། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་ནི་མཐར་ཆགས་ཡིན་པར་སྨྲོས་ཤིག། ཉེ་བར་འཁོར་དེ་ལ་ཇི་ལྟར་ན་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་རྗེས་སུ་བསྲུང་བ་དང་བཅས་པ་ཡིན་ལ། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་རྗེས་སུ་བསྲུང་བ་མེད་པ་ཡིན་ཞེ་ན། ཉེ་བར་འཁོར་འདི་ལ་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་ནི་སེམས་ཅན་གཞན་དག་དང་། གང་ཟག་གཞན་དག་གི་སེམས་ཀྱི་རྗེས་སུ་འཇུག་པར་བྱ་དགོས་ལ། ཉན་ཐོས་ཀྱི་ཐེག་པ་པ་རྣམས་ལ་ནི་མི་དགོས་ཏེ། ཉེ་བར་འཁོར་རྣམ་གྲངས་དེས་ན། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་རྗེས་སུ་བསྲུང་བ་དང་བཅས་པ་ཡིན་ལ། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་ནི་རྗེས་སུ་བསྲུང་བ་མེད་པ་ཡིན་ནོ།། ཉེ་བར་འཁོར་ཇི་ལྟར་ན་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་བཅོས་སུ་ཡོད་པ་ཡིན་ལ། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་བཅོས་སུ་མེད་པ་ཡིན་ཞེ་ན། ཉེ་བར་འཁོར་འདི་ལ་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་ནི་གལ་ཏེ་སྔ་དྲོའི་དུས་ཀྱི་ཚེ་ཉེས་པ་བྱུང་ལ། གུང་ཚིགས་ཀྱི་དུས་ཀྱི་ཚེ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བས་གནས་པར་བྱེད་ན། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕུང་པོ་ཡོངས་སུ་མ་གཏུགས་པ་ཁོ་ན་ཡིན་ནོ། ། གལ་ཏེ་གུང་ཚིགས་ཀྱི་དུས་ཀྱི་ཚེ་ཉེས་པ་བྱུང་ལ། ཕྱི་དྲོའི་དུས་ཀྱི་ཚེ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བས་གནས་པར་བྱེད་ན། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕུང་པོ་མ་གཏུགས་པ་ཁོ་ན་ཡིན་ནོ།། གལ་ཏེ་ཕྱི་དྲོ་དུས་ཀྱི་ཚེ་ཉེས་པ་བྱུང་བ། མཚན་མོའི་ཐུན་དང་པོ་ལ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བས་གནས་པར་བྱེད་ན། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕུང་པོ་ཡོངས་སུ་མ་གཏུགས་པ་ཁོ་ན་ཡིན་ནོ། ། གལ་ཏེ་མཚན་མོའི་ཐུན་དང་པོ་ལ་ཞེས་པ་བྱུང་ལ། མཚན་མོའི་གུང་ཐུན་ལ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བས་གནས་པར་བྱེ་ནཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕུང་པོ་ཡོངས་སུ་མ་གཏུགས་པ་ཁོ་ན་ཡིན་ནོ། ། གལ་ཏེ་མཚན་མོའི་གུང་ཐུན་ལ་ཉེས་པ་བྱུང་ལ། མཚན་མོའི་ཐུན་མཐའ་མ་ལ་ཐམས་ཅད་མཁྱེན་པ་ཉིད་ཀྱི་སེམས་དང་མ་བྲལ་བས་གནས་པར་བྱེད་ན། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་ཚུལ་ཁྲིམས་ཀྱི་ཕུང་པོ་ཡོངས་སུ་མ་གཏུགས་པ་ཁོ་ན་ཡིན་ནོ། ། ཉེ་བར་འཁོར་དེ་ལྟར་ན་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་བཅོས་སུ་ཡོད་པ་ཡིན་ཏེ། དེ་ལ་ནི་བྱང་ཆུབ་སེམས་དཔས་འགྱོད་པའི་ཀུན་ནས་ལྡང་བ་ཧ་ཅང་བསྐྱེད་པར་མི་བྱ་ཞིང་། ཧ་ཅང་ཡིད་ལ་གཟུགས་པར་ཡང་མི་བྱའོ།། ཉེ་བར་འཁོར་དེ་ལ་ཉན་ཐོས་ཀྱི་ཐེག་པ་པ་ཡང་དང་ཡང་དུ་ཉེས་པ་བྱུང་ཉན་ཐོས་ཀྱི་ཐེག་པ་པའི་ཚུལ་ཁྲིམས་ཀྱི་ཕུང་པོ་ཉམས་པ་དང་། རབ་ཏུ་ཉམས་པ་དང་། ཡོངས་སུ་གཏུགས་པ་ཡིན་པར་རིག་པར་བྱའོ།། དེ་ཅིའི་ཕྱིར་ཞེ་ན། ཉན་ཐོས་ཀྱི་ཐེག་པ་པས་ན་ཉོན་མོངས་པ་ཐམས་ཅད་སྤང་བའི་ཕྱིར། མགོ་དང་གོས་ལ་མེ་འབར་བ་ལྔར་བྱ་དགོས་པའི་ཕྱིར་ཏེ། དེ་ལྟར་ན་ཉན་ཐོས་ཀྱི་ཐེག་པ་པ་ལྷག་པའི་བསམ་པས་ཡོངས་སུ་མྱ་ངན་ལས་འདའ་བར་འདོད་པ་རྣམས་ཀྱི་བསླབ་པ་ནི་བཅོས་སུ་མེད་པ་ཡིན་ནོ། ། ཉེ་བར་འཁོར་ཇི་ལྟར་ན་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་རིང་དུ་རྗེས་སུ་ཞུགས་པ་ཡིན་ལ། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་མཐར་ཆགས་ཡིན་ཞེ་ན། ཉེ་བར་འཁོར་འདི་ལ་གལ་ཏེ་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔས་བསྐུ་པ་གངྒཱའི་ཀླུང་གི་བྱེ་མ་སྙེད་དུ་འདོད་པའི་ཡོན་ཏན་ལྔ་པོ་དག་གིས་རྩེ་བ་དང་། དགའ་བ་དང་། དགའ་དགུར་སྤྱད་པ་བྱས་ཀྱང་བྱང་ཆུབ་ཀྱི་སེམས་མི་གཏོང་ན། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའི་བསླབ་པ་ཡོངས་སུ་མ་གཏུགས་པ་ཁོ་ན་ཡིན་པར་རིག་པར་བྱའོ། ། དེ་ཅིའི་ཕྱིར་ཞེན། ཞི་བར་འཁོར་ཐེག་པ་ཆེན་པོ་ལང་ས་ཨུས་བྱང་ཆུབ་སེམས་དཔའ་བྱང་ཆུབ་ཀྱིས་འོད་བྱེས་སེམས་པར་ཡོངས་སུ་ཆེན་པ་ནི། རྨིལ་མན་འཛན་ན་མོངས་པ་ཐམས་ཅད་བུན་ཏུ་རིག་པར་མི་འགྱུང་བའི་དུས་ཀྱང་ཡོད། སྐབས་ཀྱང་མེད་པར་འགྱུར་བ་དང་། རྐེ་བར་འཁོ་རོ་ཡང་མེ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔས་ནི་སྲིད་པ་གཅིག་གིས་ཉོན་མོངས་པ་ཐམས་ཅད་ཟད་པར་མི་བྱ་སྟེ། བྱང་ཆུབ་སེམས་དཔའ་དགེ་བའི་རྩ་བ་ཡོངས་སུ་སྨིན་པ་རྣམས་ཀྱི་ཉོན་མོངས་པ་དག་ནི་རིམ་གྱིས་ཟད་པར་འགྱུར་བ་དང་། ཉན་ཐོས་ཀྱི་ཐེག་པ་པ་དགེ་བའི་རྩ་བ་ཡོངས་སུ་མ་སྨིན་པ་མགོ་དང་གོས་ལ་མེ་འབར་བ་ལྟ་བུར་བྱེད་པས་ནི། དེ་སྐད་ཅིས་ཙམ་ཡང་སྲིད་པར་སྐྱེ་བ་བསྐྱེད་པར་མི་བྱ་བའི་ཕྱིར་ཏེ། ཉེ་བར་འཁོར་དེ་ལྟར་ན་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་རིང་དུ་རྗེས་སུ་ཞུགས་པ་ཡིན་ལ། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་ནི་མཐར་ཆགས་ཡིན་ནོ།། ཉེ་བར་འཁོར་དེ་ལྟ་བས་ན་ཁྱོད་ཀྱིས་ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ཀྱི་བསླབ་པ་ནི་རྗེས་སུ་བསྲུང་བ་དང་བཅས་པ་དང་། བཅོས་སུ་ཡོད་པ་དང་། རིང་དུ་རྗེས་སུ་ཞུགས་པ་ཡིན་པར་སྨྲོས་ཤིག། ཉན་ཐོས་ཀྱི་ཐེག་པ་པ་རྣམས་ཀྱི་བསླབ་པ་ནི་རྗེས་སུ་བསྲུང་བ་མེད་པ་དང་། བཅོས་སུ་མེད་པ་དང་། མཐར་ཆགས་པ་ཡིན་པར་སྨྲོས་ཤིག། དེ་ཅིའི་ཕྱིར་ཞེ་ན། ཉེ་བར་འཁོར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་ཚོགས་ཆེན་པོ་དང་ལྡན་པ་ཡིན་པས་ན། ཐེག་པ་ཆེན་པོས་ཡང་དག་པར་ཞུགས་པའི་བྱང་ཆུབ་སེམས་དཔའ་གཅིག་ཏུ་སྐྱོ་བས་ནི། བསྐལ་པ་ཚད་མེད་གྲངས་མེད་པར་མཚམས་སྦྱོར་ཞིང་འཁོར་བར་སླ་བ་མ་ཡིན་པའི་ཕྱིར་ཏེ། ཉེ་བར་འཁོར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དོན་གྱི་དབང་དེ་གཟིགས་པས་ན། ཐེག་པ་ཆེན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་རྣམས་ལ་གཅིག་ཏུ་སྐྱོ་བའི་གཏམ་མི་གསུང་། གཅིག་ཏུ་འདོད་ཆགས་དང་བྲལ་བའི་གཏམ་མི་གསུང་། གཅིག་ཏུ་ཡིད་འབྱུང་བའི་གཏམ་མི་གསུང་། བར་དགའ་བ་དང་། མཆོག་ཏུ་དགའ་བ་དང་ལྡན་པའི་གཏམ་གསུང་ངོ་།། ཟབ་པ་དང་། ཀུན་ནས་ཉོན་མོངས་པ་ཅན་མ་ཡིན་པ་དང་། ཕྲ་བ་དང་། བརྟགས་པ་དང་། འགྱོད་པ་མེད་པ་དང་། ཀུན་ནས་ལྡང་བ་མེད་པའི་གཏམ་གསུང་ངོ་།། ཐོགས་པ་མེད་པ་དང་། སྒྲིབ་པ་མེད་པ་དང་། སྟོང་པ་ཉིད་ཀྱི་གཏམ་གསུང་སྟེ། དེ་དག་གིས་གཏམ་དེ་དག་ཐོས་ནས་མངོན་པར་དགའ་ཞིང་འཁོར་བས་ཡོངས་སུ་མི་སྐྱོ་བ་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཆགས་པ་མེད་པའང་ཡོངས་སུ་རྫོགས་པར་བྱེད་དོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ནོངས་པ་གང་ལགས་པ་དེ་དག་ལས་ཁ་ཅིག་ནི་འདོད་ཆགས་དང་མཚུངས་པར་ལྡན་པ་ལགས། ཁ་ཅིག་ནི་ཞེ་སྡང་དང་མཚུངས་པར་ལྡན་པ་ལགས། ཁ་ཅིག་ནི་གཏི་མུག་དང་མཚུངས་པར་ལྡན་པ་ལགས་ན། བཅོམ་ལྡན་འདས་དེ་དག་ལས་ཅི་འདོད་ཆགས་དང་མཚུངས་པར་ལྡན་པ་འ་འོན་ཏུས་སྣང་དང་གཚུངས་པམཐུན་པའང། ཏཱ་གཏི་ཟག་དུ་ངྱས་པ་མཐུན་པའ། ས་གཔ་ཆེན་པོ་ལྔ་ཡང་སྡུག་བྱ་ཆུགས་པའི་བྱུང་སེམས་དཔའ་རྣམ་པ་ཤིད་ཏུ་ལྕི་བར་འགྱུར་བ་ལགས། དེ་གད་ཅེས་གསོལ་པ་དང་། བཅོམ་ལྡན་འདས་ཀྱིས། ན་དང་ལྡན་པ་ཉེ་བར་འཆོ་པ་འདི་སྐ་རྗེས་།། ར་འཁོ་གས་ཀྱིམིག་པ་རིན་པོ་ལ་ཡང་དག་པར་ཞུགས་པའི་བྱང་ཆུབ་སེམས་དཔའ་ལ་འདོད་ཆགས་དངས་མྱངས་པ་མ་ལྡན་པའི་ཉེས་པ་བསལ་བ་གངྒཱའི་ཀླུང་གི་ཀྱི་མ་མེད་དུ་བྱུང་བ་གྱུ་རདུ་མཚུངས་པར་ལྡན་པའི་རྣས་པ་གང་ཡིན་པ་གཅིག་ཅིག་བྱུང་བར་བྱམནའང། བྱང་ཆུབ་སེམས་དཔའི་ཇིག་པ་རླུང་མར་བྱས་ན། གླེང་དང་མནུངས་པ་ན་གྱི་ན་པ་ན། འདོད་ཆགས་དང་ས་དུངས་པ་མལྡན་པའི་ཉེས་པ་དེ་དག་པས་ནས་ཉེས་པ་ཀྱི་ར་འགྱུར་རོ།། དེ་ནའི་ཕྱི་ནན། 1་ཆི་གྱི་སྣང་ནི་སེམས་ཅན་མོ་གཏོང་བར་འགྱུར་བ་ཡིན་ལ། འདོད་ཆགས་ནི་སེམས་ཅན་སྡུད་པར་འགྱུར་བ་ཡིན་ཏེ། ཉེ་བར་འཁོར་དེ་ལ་སེམས་ཅན་རྗུད་པར་འགྱུར་བའི་ཉོན་མོངས་པ་གང་ཡིན་པ་དེ་ལ་ནི། བྱུང་ཆུ་སེམས་དཔའི་བག་དང་འཇིགས་པ་མེད་ལ། སེམས་ཅན་ཡོངས་སུ་གཏོང་བར་འགྱུར་བའི་ཉོན་མོངས་པ་གང་ཡིན་པ་དེ་ལ་ནི། བྱང་ཆུབ་སེམས་དཔའི་སྒྲུ་བག་དང་འཇིགས་པ་འོ། པའི་ཕྱིར་རོ།། ཉེ་བར་འཁོར་ཡང་དེ་བཞིན་གཤེགས་པས་ནི་འདོད་ཆགས་ནི་འབྲལ་བ་བུལ་ཁ་ན་མ་ཐོ་བ་དང་བཅས་པ་བྱུང་བ་དང་། ཞེ་སྡང་ནི་འབྲལ་བ་མྱུར་ལ་ཁ་ན་མ་ཐོ་བ་དང་བཅས་པ་ཆེ་བ་དང་། གཏི་མུག་ནི་འབྲལ་བ་བུལ་ལ་ཁ་ན་མ་ཐོ་བ་དང་བཅས་པ་ཆེ་བར་གསུངས་པ་དེ་ལ། ཉེ་བར་འཁོར་འབྲལ་བ་བུལ་ལ་ཁ་ན་མ་ཐོ་བ་དང་བཅས་པ་ཆུང་བ་གང་ཡིན་པ་དེ་ནི། བྱང་ཆུབ་སེམས་དཔའ་ཉོན་མོངས་པ་མ་ཡིན་པར་བལྟའོ།། འབྲལ་བ་མྱུར་ལ་ཁ་ན་མ་ཐོ་བ་དང་བཅས་པ་ཆེ་བ་གང་ཡིན་པ་དེ་ནི། བྱང་ཆུབ་སེམས་དཔའི་ཉོན་མོངས་པ་ཡིན་པས་རྨི་ལམ་ནའང་འདོད་པར་མི་བྱའོ། ། ཉེ་བར་འཁོར་དེ་ལྟ་བས་ན་ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་འདོད་ཆགས་དང་མཚུངས་པར་ལྡན་པའི་ཉེས་པ་གང་དག་ཡིན་པ་དེ་དག་ལ་ནི། བྱང་ཆུབ་སེམས་དཔའི་སྐུ་བག་དང་ཉེས་པ་མེད་པས། དེ་དག་ཐམས་ཅད་ནི་ཉེས་པ་མ་ཡིན་པར་སྨྲོས་ཤིག། ཞེ་སྡང་དང་མཚུངས་པར་ལྡན་པའི་ཉེས་པ་གང་དག་ཡིན་པ་དེ་དག་ལ་ནི། བྱང་ཆུབ་སེམས་དཔའི་སྒྱུ་བ་ཀ་དང་ཉེས་པ་ཡོད་པས། དེ་དག་ཐམས་ཅད་ནི་ཉེས་པ་ཡིན་པར་སྨྲོས་ཤིག། ཉེ་བར་འཁོར་དེ་ལ་བྱང་ཆུབ་སེམས་དཔའ་གང་དག་ཐབས་ལ་མི་མཁས་པ་དེ་དག་ནི། འདོད་ཆགས་དང་མཚུངས་པར་ལྡན་པའི་ཉེས་པ་གང་དག་གིས་འཇིགས་པར་བྱེད་ལ། ཞེ་སྡང་དང་མཚུངས་པར་ལྡན་པ་དག་གིས་ནི་འཇིགས་པར་མི་བྱེད་དོ།། བྱང་ཆུབ་སེམས་དཔའ་གང་དག་ཐབས་ལ་མཁས་པ་དེ་དག་ནི། ཐང་དང་མཚུངས་པར་ལྡམ་པའི་ཉེས་པ་གང་དག་གིས་འཛགས་པར་བྱེད་ལ། འདོད་ཆགས་དང་མཚུངས་པར་ལྡན་པ་དག་ཀྱིས་ནི་འཇིགས་པར་མི་བྱེད་དེ་ནས་འཇམ་དཔལ་གཞོན་ནུར་གྱུར་པ་འཁོར་དེ་ཉིད་དུ་འདུས་པར་གྱུར་ཏེ་འདུག་པ་དེས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཤིན་ཏུ་དུལ་བའི་ཆོས་ཐམས་ཅད་ལ་འདུལ་བ་ཅི་ཞིག་མཆིས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། ། འཇམ་དཔལ་གལ་ཏེ་བྱིས་པ་སོ་སོའི་སྐྱེ་བོ་རྣམས་ཀྱིས་ཆོས་ཐམས་ཅད་ཤིན་ཏུ་དུལ་བར་ཤེས་ན་ནི་དེ་བཞིན་གཤེགས་པའང་ཡང་དང་ཡང་དུ་འདུལ་བ་འཆའ་བར་མི་མཛད་པ་ཞིག་ན། གང་གི་ཕྱིར་སེམས་ཅན་རྣམས་ཀྱིས་མི་ཤེས་པ་དེའི་ཕྱིར། དེ་བཞིན་གཤེགས་པའང་ཆོས་ཐམས་ཅད་ཤིན་ཏུ་དུལ་བ་རྟོགས་པར་བྱ་བའི་ཕྱིར། རིམ་གྱིས་བྱ་བའི་འདུལ་བ་འཆའ་བར་མཛད་དོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་འདི་འདུལ་བ་རྣམ་པར་གཏན་ལ་དབབ་པ་བསྟན་པ་བཤད་པ་འདི་ལ་ཅིའང་མི་སྟོན་ལགས་ན། བཅོམ་ལྡན་འདས་དེའི་སླད་དུ་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་འདི་བསྟན་པ་འགའ་ཞིག་ལེགས་པར་སྟོན་པར་མཛད་དུ་གསོལ། དེ་ནས་བཅོམ་ལྡན་འདས་ཀྱིས། འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། འཇམ་དཔལ་དགེ་སློང་ཉེ་བར་འཁོར་འདི་འདུལ་བ་ལ་མཁས་པ་ཉན་པར་འདོད་ཀྱིས། ཤིན་ཏུ་དུལ་བ་ལས་རྩོམས་ལ་ཁྱོད་སྤོབས་པར་གྱིས་ཤིག། དེ་ནས་འཇམ་དཔལ་གཞོན་ནུར་གྱུར་པས། ཚེ་དང་ལྡན་པ་ཉེ་བར་འཁོར་ལ་འདི། སྐད་ཅེས་སྨྲས་སོ།། བཙུན་པ་ཉེ་བར་འཁོར་ཆོས་ཐམས་ཅད་ནི་ཤིན་ཏུ་དུལ་བ་སྟེ། རང་གིས་སེམས་གདུལ་བའི་ཕྱིར་ཤིན་ཏུ་དུལ་བ་ཀུན་ཏུ་སྟོན་ཏོ།། ཆོས་ཐམས་ཅད་ནི་ཀུན་ནས་ཉོན་མོངས་པ་ཅན་མ་ཡིན་པ་སྟེ། བདག་ནི་མི་དམིགས་པའི་ཕྱིར་འགྱོད་པ་གདུལ་བ་ཀུན་ཏུ་སྟོན་ཏོ།། ཆོས་ཐམས་ཅད་ནི་ཕྱིན་ཅི་མ་ལོག་པ་སྟེ། རང་བཞིན་གྱིས་ཡོངས་སུ་དག་པའི་ཕྱིར་ཤིན་དུ་དུལ་བ་ཀུན་དུ་སྟོན་ཏོ། ། ཆོས་ཐམས་ཅད་ནི་དེ་བཞིན་ཉིད་ཀྱི་མཐའི་སྒོ་ཡིན་ཏེ། བསླབ་པ་ལ་རློམ་སེམས་མེད་པར་བྱ་བའི་ཕྱིར་བསླབ་པ་ཡོངས་སུ་དག་པ་ཀུན་ཏུ་སྟོན་ཏོ།། ཆོས་ཐམས་ཅད་ནི་རྣམ་པར་མི་རྟོག་པ་དང་། བླང་བ་མེད་པ་དང་། དོར་བ་མེད་པ་སྟེ། བསམ་གྱིས་མི་ཁྱམ་པས་ཆགས་པ་མེད་པ་ཉིད་ཀུན་ཏུ་སྟོན་ཏོ།། ཆོས་ཐམས་ཅད་ནི་ཆགས་པ་མེད་པ་དང་གནས་པ་མེད་པ་སྟེ། ཡུན་རིང་དུ་མི་གནས་པའི་ཕྱིར་འགྲོ་བ་ཐམས་ཅད་ཡོངས་སུ་དག་པ་ཀུན་ཏུ་སྟོན་ཏོ། ། ཆོས་ཐམས་ཅད་ནི་ནམ་མཁའི་མཐའ་ལ་གནས་པ་སྟེ། དངོས་པོ་དང་བྲལ་བའི་ཕྱིར་རང་བཞིན་མེད་པ་ཉིད་ཀུན་དུ་སྟོན་ཏོ། ། ཆོས་ཐམས་ཅད་ནི་ཐ་དད་དུ་བྱ་བ་མེད་པར་གྱུར་པ་སྟེ། སྔོན་གྱི་མཐའ་དང་། ཕྱི་མའི་མཐའ་དང་། ད་ལྟར་བྱུང་བ་མི་དམིགས་པའི་ཕྱིར་དུས་སུམ་མཉམ་པ་ཉིད་ཀུན་ཏུ་སྟོན་ཏོ། ། ཆོས་ཐམས་ཅད་ནི་གདགས་པ་དང་བྲལ་བ་སྟེ། སེམས་མཉམ་པ་ཉིད་དུ་སྤྱོད་པའི་ཕྱིར་ཐེ་ཙོམ་སྤང་བ་ཀུན་ཏུ་སྟོན་ཏོ།། བཙུན་པ་ཉེ་བར་འཁོར་དེ་ནི་སངས་རྒྱས་བཅོམ་ལྡན་འདས་རྣམས་ཀྱི་རྗེས་སུ་རྟོགས་པ་ཆོས་ཀྱི་དབྱིངས་ཤིན་ཏུ་དུལ་བ་ཡིན་ཏེ། རིགས་ཀྱི་བུ་དང་རིགས་ཀྱི་བུ་མོ་གང་དག་ཆོས་ཉིད་འདི་ལ་མ་མོས་པ་དེ་དག་ནི། དེ་བཞིན་གཤེགས་པའི་བསླབ་པ་ལས་རིང་དུ་གྱུར་པ་ཡིན་ནོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་འཇམ་དཔལ་གཞོན་ནུར་གྱུར་པ་ནི་གང་དང་གང་སྟོན་པ་དེ་དག་ཐམས་ཅད་བསམ་གྱིས་མི་ཁྱབ་པ་ཁོ་ན་ལས་བརྩམས་ཏེ་སྟོན་ལགས་སོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་བཀའ་སྩལ་ཏོ། ། ཉེ་བར་འཁོར་འཇམ་དཔལ་གཞོན་ནུར་གྱུར་པའི་ཆོས་སྟོན་པ་ནི་རྣམ་པར་གྲོལ་བའི་རྒྱུ་འཐུན་པ་ཡིན་ཏེ། བསམ་གྱིས་མི་ཁྱབ་པ་ཉིད་ལ་མ་བརྟེན་པར་རྣམ་པར་གྲོལ་བ་མེད་པས་ན། དེའི་ཕྱིར་འཇམ་དཔལ་གཞོན་ནུར་གྱུར་པ་ནི་རྣམ་པར་རྟོག་པ་ཐམས་ཅད་དང་བྲལ་བ་དང་། སེམས་པ་ལ་མོས་པ་ལྷག་པའི་ང་རྒྱལ་ཅན་རྣམས་ཀྱི་ལྷག་པའི་ང་རྒྱལ་མེད་པར་བྱ་བའི་ཕྱིར་ཆོས་སྟོན་ཏོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་དགེ་སློང་སེམས་གང་དང་མཚུངས་པར་ལྡན་ན་ལྷག་པའི་ང་རྒྱལ་ཅན་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་བཀའ་སྩལ་ཏོ། ། ཉེ་བར་འཁོར་འདི་ལ་དགེ་སློང་གལ་ཏེ་འདོད་ཆགས་སྤང་བར་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་ཞེ་སྡང་སྤང་བ་དང་། ག་མུག་སྤང་བར་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། གལ་ཏེ་འདོད་ཆགས་ཀྱི་ཆོས་ཀྱང་གཞན་ལ། སངས་རྒྱས་ཀྱི་ཆོས་ཀྱང་གཞན་ནོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། གལ་ཏེ་ཞེ་སྡང་གི་ཆོས་ཀྱང་གཞན་ལ། སངས་རྒྱས་ཀྱི་ཆོས་ཀྱང་གཞན་པ་དང་། གཏི་མུག་གི་ཆོས་ཀྱང་གཞན་ལ། སངས་རྒྱས་ཀྱི་ཆོས་ཀྱང་གཞན་ནོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། གལ་ཏེ་དགའ་བ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། བྱ་བ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། རྣམ་པར་གྲོལ་བ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། སྟོང་པ་ཉིད་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། མཚན་མ་མེད་པ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། སྨོན་པ་མེད་པ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། མངོན་པར་འདུ་བྱ་བ་མེད་པ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། སྐྱེ་བ་མེད་པ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། དངོས་པོ་མེད་པ་ལ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་ཆོས་རྣམས་ཡོད་དོ་སྙམ་དུ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། ཆོས་ཐམས་ཅད་མི་རྟོག་གོ་སྙམ་དུ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། ཆོས་ཐམས་ཅད་སྟོང་པ་ལའང་བྱ་བ་ཅི་ཡོད་ཅེས་དེ་སྙམ་དུ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ཏེ། དེ་ནི་ཉན་ཐོས་ཀྱི་ཐེག་པ་པའི་ལྷག་པའི་ང་རྒྱལ་ཡིན་ནོ།། དེ་ལ་བྱང་ཆུབ་སེམཱ་དཔའི་ཐེག་པ་པའི་ལྷག་པའི་ང་རྒྱལ་གང་ཞེ་ན། གལ་ཏེ་བདག་གིས་ཐམས་ཅད་ལས་ཁྱད་པར་དུ་འཕགས་པ། སངས་རྒྱས་ཀྱི་ཡེ་ཤེས་ལ་སེམས་བསྐྱེད་དོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། གལ་ཏེ་ཕ་རོལ་ཏུ་ཕྱིན་པ་དྲུག་ལ་སྤྱད་པར་བྱའོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་ངེས་པར་བྱུང་བ་ཡིན་བར་སེམས་ཏེ། དེ་སྙམ་དུ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་འདི་ནི་ཟབ་པའོ།། འདི་ནི་ཟབ་པ་མ་ཡིན་ནོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། གལ་ཏེ་འདིས་ནི་རྣམ་པར་དག་པར་འགྱུར་ལ། འདིས་ནི་རྣམ་པར་དག་པར་མི་འགྱུར་རོ་ཞེས་དེ་སྙམ་དུ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་འདི་དག་ནི་སངས་རྒྱས་ཀྱི་ཆོས་སོ། ། འདི་དག་ནི་རང་སངས་རྒྱས་ཀྱི་ཆོས་སོ།། འདི་དག་ནི་ཉན་ཐོས་ཀྱི་ཆོས་སོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་འདི་ནི་རིགས་སོ་རྔ་འདི་ནི་མི་རིགས་སོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ། ། གལ་ཏེ་འདི་ནི་ཀུན་ནས་ཉོན་མོངས་པ་ཅན་ཡིན་ནོ།། འདི་ནི་ཀུན་ནས་ཉོན་མོངས་པ་ཅན་མ་ཡིན། ནོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་འདི་ནི་ལམ་ཡིན་ནོ།། འདི་ནི་ལམ་མ་ཡིན་ནོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་བྱའོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་ཆོས་ཐམས་ཅད་ནི་བསམ་གྱིས་མི་ཁྱབ་པ་ཡིན་པས། འདི་ལ་བསམ་པར་བྱ་བ་མེད་དོ་ཞེས་དེ་སྙམ་སེམས་ན་ལྷག་པའི་ང་རྒྱལ་ལ་སྤྱོད་པ་ཡིན་ནོ།། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ནི་བསམ་གྱིས་མི་ཁྱབ་པ་ཡིན་པས། བསམ་པར་བྱ་བ་ཅིའང་མེད་དོ་ཞེས་དེ་སྙམ་སེམས་ན་དམིགས་པ་ཆེན་པོ་ཡིན་ཏེ། དེ་ནི་བྱང་ཆུབ་སེམས་དཔའི་ཐེག་པ་བའི་ལྷག་པའི་ང་རྒྱལ་ཡིན་ནོ།། སྐད་ཅེས་བཀའ་སྩལ་པ་དང་།། བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ཙམ་གྱིས་ན་དགེ་སློང་ལྷག་པའི་ང་རྒྱལ་མ་མཆིས་པ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཉེ་བར་འཁོར་ལ་འདི་སྐད་ཅེས་བཀའ་སྩལ་ཏོ།། ཉེ་བར་འཁོར་དགེ་སློང་གང་ཐམས་ཅད་མཁྱེན་པའི་ཡེ་ཤེས་ཀྱི་རྒྱུ་འཐུན་པ་བསམ་གྱིས་མི་ཁྱབ་པ་ཉིད་ལ་མངོན་པར་ཞེན་པར་མི་བྱེད་ན། དེ་ནི་ཤིན་ཏུ་ལྷག་པའི་ང་རྒྱལ་མེད་པ་ཡིན་ནོ།། དེ་ནས་བཅོམ་ལྡན་འདས་བསམ་གྱིས་མི་ཁྱབ་པ་འདི་ཉིད་རྒྱ་ཆེར་སྟོན་ཅིང་། དེའི་ཚེ་ཚིགས་སུ་བཅད་པ་འདི་དག་བཀའ་སྩལ་ཏོ།། གང་དག་བསམ་ཡས་ཆོས་རྣམས་འདི་ཤེས་པའི།། མི་རྣམས་དེ་དག་རྟག་ཏུ་བདེ་བ་ཡིན།། ཆོས་དང་ཆོས་མིན་རྣམ་རྟོག་མེད་པ་སྟེ།། ཐམས་ཅད་སེམས་ཀྱི་སྤྲོས་པས་བྱེ་བ་ཡིན།། ཐམས་ཅད་བསམ་ཡས་ཐམས་ཅད་བྱུང་མིན་པས། དངོས་དང་དངོས་མེད་ཤེས་པ་རྣམ་པར་བཤིག། བྱིས་པ་གང་དག་སེམས་ཀྱི་དབང་སོང་བ།། དེ་དག་སྲིད་པ་བྱེ་བ་བརྒྱར་སྡུག་བསྔལ།། དགེ་སློང་གང་དག་བསམ་ཡས་ཡོད་མིན་པའི།། སངས་རྒྱས་མི་མཆོག་དེ་སེམས་ཚུལ་བཞིན་མིན།། རྟོག་པའི་དབང་གིས་སངས་རྒྱས་རྣམ་པར་བཏགས།། རྟོག་པ་དེ་ཡང་ནམ་ཡང་བྱུང་མ་ཡིན།། གང་དག་ཆོས་རྣམས་སྟོང་ལ་སེམས་མེད་པའི།། བྱིས་པ་དེ་དག་ལམ་ངན་ཞུགས་པ་ཡིན།། ཆོས་རྣམས་སྟོང་པ་ཡི་གེས་བརྗོད་པ་ན།། དེ་དག་ཡི་གེ་མེད་པར་ཡི་གེས་བསྟན།། གང་དག་ཞི་ཞིང་རབ་ཞིའི་ཆོས་སེམས་པའི།། སེམས་པ་དེ་ཡང་། ནམ་ཡང་བྱུང་མ་ཡིན།། སྤོས་ཀུན་སེམས་ཀྱི་རྣམ་པར་རྟོག་ཡིན་ཏེ།། དེ་ཕྱིར་ཆོས་རྣམས་བསམ་ཡས་རྟོགས་པར་གྱིས།། ཆོས་འདི་ཐམས་ཅད་སེམས་མེད་སེམས་པ་མེད།། ཇི་སྲིད་མི་སེམས་དེ་སྲིད་སྟོང་པ་ཡིན། ། མི་གང་སྟོང་ལ་སེམས་པར་བྱེད་འདོད་པ།། བསམ་ཡས་ཀུན་ལ་ཕྱིར་ཞིང་སེམས་པ་ཡིན།། མིག་ནི་ཐམས་ཅད་ལྡན་ན་མཐོང་གྱུར་ཏེ།། མིག་གིས་གཟུགས་རྣམས་མཐོང་བ་གང་ཡིན་པའང་། ། མཚན་མོ་རྐྱེན་རྣམས་མེད་ན་མཐོང་མི་འགྱུར།། དེ་ཕྱིར་ལྡན་དང་བྲལ་བ་རྣམ་རྟོག་ཡིན།། མིག་ནི་སྣང་ལས་བརྟེན་ཏེ་ཡིད་འོང་དང་།། ཡིད་དུ་མི་འོང་སྣ་ཚོགས་གཟུགས་མཐོང་བས། ། དེ་ལྟར་ལྡན་ལས་བརྟེན་ཏེ་མཐོང་བས་ན།། དེ་ཕྱིར་མིག་གིས་ནམ་ཡང་མཐོང་བ་མེད།། ཡིད་དུ་འོང་བའི་སྒྲ་གྲག་གང་ཡིན་པ།། དེ་ཡང་ནམ་ཡང་ནང་དུ་ཞུགས་པ་མེད།། དེར་འགྲོ་དམིགས་སུ་ཡོད་པ་མ་ཡིན་ཏེ།། རྟོག་པའི་དབང་གིས་སྒྲ་རྣམས་བྱུང་བ་ཡིན།། ཆོས་རྣམས་འདི་དག་ཡི་གེ་སྒྲ་སྐད་ཀྱིས།། གྲངས་དང་ཐ་སྙད་གདགས་པར་བསྟན་པ་ཡིན།། ཆོས་དང་ཆོས་མིན་ནམ་ཡང་ཡོད་མིན་ཡང་། ། སྐྱེ་བོ་བྱིས་པ་རྣམས་ལ་དེ་མི་སྣང་།། སྦྱིན་པ་བསྔགས་པ་འཇིག་རྟེན་ངས་བརྗོད་ཀྱང་།། སེར་སྣའི་ཆོས་དེའང་དམིགས་སུ་ཡོད་མ་ཡིན།། དེ་ལྟར་རྒྱལ་བའི་ཆོས་རྣམས་བསམ་ཡས་ཏེ། ། དེ་ཡང་དམིགས་མེད་དེ་ཡང་མཐོང་བ་མེད།། ཚུལ་ཁྲིམས་བྱ་བ་དག་པ་ངས་བཤད་ཀྱང་།། འཆལ་པའི་ཚུལ་ཁྲིམས་མཁལ་ལག་པ་བཞིན། ། ཚུལ་ཁྲིམས་ངན་པ་ཐམས་ཅད་མཁའ་འདྲ་སྟེ།། གང་དག་ཚུལ་བཟང་དེ་ཡང་དེ་དང་འདྲ།། བཟོད་པ་གྱ་ནོམ་ང་ཡིས་བཤད་བྱས་ཀྱང་།། དེ་ཡི་རང་བཞིན་ནམ་ཡང་མཐོང་བ་མེད་འདི་ན་ཆོས་འགའ་ཡང་འཁྲུག་པ་ཡོད་མིན་ཡང་། ། བཟོད་པ་དེ་ཡང་རྒྱལ་བས་རབ་ཏུ་བཤད།། ཉིན་མཚན་བག་ཡོད་བྱ་ཕྱིར་ང་ཡིས་ནི།། མི་ཉལ་དམ་པ་བསྔགས་པ་བརྗོད་བྱས་ཏེ།། བསྐལ་པ་བརྒྱ་སྙེད་བརྩོན་འགྲུས་བསྐྱེད་བྱས་ཀྱང་།། འཕེལ་བར་མི་འགྱུར་ཟད་པ་ཡོད་མ་ཡིན།། བསམ་གཏན་རྣམ་ཐར་ཏིང་འཛིན་གྱ་ནོམ་པའི།། ཇི་བཞིན་སྒོ་དག་འགྲོ་ལ་བསྟན་བྱས་ཏེ། འདི་ལ་ཆོས་འགའ་ཡང་ཟད་པ་ཡོད་མིན་ཡང་།། དེ་དག་ཆ་ཤས་ཕྱེ་སྟེ་རབ་ཏུ་བསྟན།། ཤེས་རབ་ཆོས་རྣམས་ཤེས་པར་གྱིས་ཤིག་ཅེས།། ཤེས་རབ་ལྷག་མཐོང་བློ་གྲོས་བློ་བསྟན་ཀྱང་། ། རང་བཞིན་རང་བཞིན་མེད་པ་ནམ་དུ་ཡང་།། ཤེས་པར་མི་ནུས་དེ་ཡང་ངེས་པར་བསྟན།། རབ་དབེན་ཆོས་ཤེས་སྦྱངས་ལ་དགའ་གྱིས་ཤེས།། དཀའ་ཐུབ་ངན་པ་འཇིག་རྟེན་ངས་བཤད་ཀྱང་། ། ཆོས་ཤེས་ཡོངས་སུ་མི་མཐོང་གང་ཡིན་པ།། ཆོས་དེ་འདིར་ནི་དམིགས་སུ་ཡོད་མ་ཡིན།། སེམས་དམྱལ་འཇིགས་པ་ང་ཡིས་བསྟན་བྱས་ཏེ།། སེམས་ཅན་སྟོང་ཕྲག་དུ་མ་སྔོ་བྱས་ཀྱང་།། གང་དག་ཤི་འཕོས་ངན་སོང་དྲག་འགྲོ་བའི།། འགྲོ་བ་དེ་དག་ནམ་ཡང་ཡོད་མ་ཡིན།། གང་དག་རལ་གྲི་མདའ་ཆེན་མཚོན་འབྱིན་པའི།། གནོད་པ་བྱེད་པ་ཡོད་པ་མ་ཡིན་ཏེ།། རྟོག་པའི་དབང་གིས་ངན་སོང་དེ་དག་ན།། ལུས་ལ་འབབ་མཐོང་དེ་ན་མཚོན་ཆ་མེད།། སྣ་ཚོགས་ཡིད་དགའ་མེ་ཏོག་ཁ་བྱེ་ཞིང་།། གསེར་གྱི་ཁང་མཆོག་འབར་བ་ཡིད་འོང་བ། ། འདི་ན་དེ་ལའང་བྱེད་པ་འགའ་མེད་དེ།། དེ་དག་རྟོག་པའི་དབང་གིས་བཞག་པ་ཡིན།། རྟོག་པའི་དབང་གིས་འཇིག་རྟེན་རྣམ་བཏགས་ཏེ།། འདུ་ཤེས་འཛིན་པས་བྱིས་པ་རྣམ་པར་ཕྱེ།། འཛིན་དང་འཛིན་མེད་དེ་ཡང་བྱུང་མིན་ཏེ།། ཡོངས་སུ་རྟོག་པ་སྒྱུ་མ་སྡིག་རྒྱུ་བཞིན།། འགྲོ་དོན་བྱང་ཆུབ་ཕྱིར་ནི་སེམས་སྐྱེད་ཅེས།། སྤྱོད་མཆོག་ཁྱད་པར་འཕགས་པ་བསྟན་བྱས་ཀྱང་། ། བྱང་ཆུབ་ནམ་ཡང་དམིགས་སུ་ཡོད་མིན་ཏེ།། འདོད་པ་གང་ཡིན་དེ་ཡང་ཡོད་མ་ཡིན།། སེམས་ནི་རང་བཞིན་འོད་གསལ་རྣམ་དག་ཅིང་། རྡུལ་མེད་རྡུལ་བྲལ་དྲི་མ་མེད་པར་གསུངས།། བྱིས་པ་ཡོད་པ་མིན་ལ་རྣམ་རྟོག་པ།། ཆགས་འགྱུར་སྡང་བར་འགྱུར་ཞིང་རྨོངས་པར་འགྱུར།། མཉམ་གཞག་གྱ་ནོམ་ཆོས་ནི་ཐོབ་ཆུར་ན། ། འདོད་ཆགས་ཡོད་མིན་སྡང་མེད་རྨོངས་པའང་མེད།། འདོད་ཆགས་བྲལ་ཞིང་རྣམ་པར་གྲོལ་བའི་ཆོས།། ཀུན་གཞིར་མ་གྱུར་མྱ་ངན་འདས་པ་འཐོབ།། མཁའ་འདྲ་ཆོས་རྣམས་འདི་དག་ཤེས་གྱུར་ན། ། ཞིང་བརྒྱ་རྣམས་སུ་ཐོགས་མེད་འགྲོ་འགྱུར་ཞིང་།། དེ་དག་ཡིད་ཀྱང་ཆགས་པ་མེད་འགྱུར་བས།། དེ་ཕྱིར་ཐོགས་མེད་ལམ་ནི་བསྐྱེད་པར་བགྱིས། ། བསྐལ་པ་བརྒྱ་ཕྲག་མང་པོར་སྤྱད་བྱས་ཤིང་།། སེམས་ཅན་བརྒྱ་ཕྲག་མཐའ་ཡས་གྲོལ་བྱས་ཀྱང་།། ནམ་ཡང་སེམས་ཅན་དམིགས་སུ་ཡོད་མིན་ཞིང་།། ཟད་པའང་ཡོད་མིན་མཐའ་ཡས་གྱུར་པའང་མེད།། ཇི་ལྟར་སྒྱུ་མ་མཁན་གྱིས་འཇིག་རྟེན་ན།། སེམས་ཅན་བརྒྱ་ཕྲག་མང་པོ་སྤུ་ལ་བྱས་ཏེ།། སྤྲུལ་པ་དེ་དག་ཐམས་ཅད་བསད་གྱུར་ཀྱང་། ། སྒྱུ་མ་དེ་དག་བསད་པ་ཡོད་མིན་ལྟར།། འགྲོ་བ་འདི་ཀུན་སྒྱུ་མའི་རང་བཞིན་ཏེ།། འདི་ལ་མཐའ་ནི་ནམ་ཡང་དམིགས་སུ་མེད།། གང་དག་དེ་ལྟར་མཐའ་ཡས་མོས་བྱེད་པ། ། དེ་དག་འཇིག་རྟེན་ན་ནི་ཚོར་བ་མེད།། གང་དག་རང་བཞིན་མེད་ཆོས་འདི་ཤེས་པ།། དཔའ་བོ་འདི་དག་འཇིག་རྟེན་མྱ་ངན་འདས།། འདོད་པའི་ཡོན་ཏན་སྤྱོད་ཀྱང་ཆགས་མེད་ཅིང་། ། ཆགས་པ་རྣམ་སྤངས་སེམས་ཅན་འདུལ་བར་བྱེད།། འདི་ན་སེམས་ཅན་འགའ་མེད་སྲོག་མེད་ཀྱང་།། མི་དབང་རྣམས་ནི་སེམས་ཅན་ཕན་པ་མཛད།། སེམས།། ཅན་ཡོད་མ་ཡིན་ཡང་དོན་མཛད་པ།། དེ་དག་རྣམས་ཀྱི་དོན་དཀའ་བ་ཆེ།། ཇི་ལྟར་ཆང་པ་བཅངས་ཏེ་བྱིས་པ་ལ།། སྟོན་ཅིང་ལ་དུ་འོད་ཅེས་བརྗོད་བྱས་ནས།། དེ་ཡིས་ཆང་པ་སྟོངས། མཐོང་ནས་ནི།། བྱིས་པ་དེ་ནི་ཆོ་ངེས་ངུ་བ་ལྟར།། དེ་བཞིན་སངས་རྒྱས་བསམ་གྱིས་མི་ཁྱབ་པ།། སེམས་ཅན་ཚུལ་ལ་མཁས་ཤིང་མཁྱེན་པ་རྣམས།། ཆོས་རྣམས་འདི་དག་གསོབ་གསོག་མཁྱེན་གྱུར་ནས། ། འཇིག་རྟེན་དག་ལ་དངོས་པོ་བསྟན་པ་སྟོན།། ཤིན་ཏུ་དགའ་བའི་བསྟན་པ་འདི་ལ་ནི།། ཁྱིམ་པའི་རྟགས་སྤངས་རབ་ཏུ་བྱུང་གྱིས་ལ།། འབྲས་བུ་ཡོད་པའི་མཆོག་ཏུ་འགྱུར་གྱིས་ཤེས། ། ཐུགས་རྗེ་ཅན་གྱིས་དེ་སྐད་བསྟན་པའང་མཛད།། ཁྱིམ་པའི་རྟགས་སྤངས་རབ་ཏུ་བྱུང་གྱུར་ན།། འབྲས་བུ་ཐམས་ཅད་འཐོབ་པར་འགྱུར་ཡང་ནི།། ཆོས་ཀྱི་རང་བཞིན་དག་ལ་གཞལ་བྱས་ན། ། འབྲས་བུ་ཀུན་མེད་འབྲས་བུ་ཐོབ་པའང་མེད།། འོན་ཀྱང་འབྲས་བུ་ཐོབ་པ་ཐོབ་གྱུར་པ།། ཀྱེ་མ་མི་མཆོག་ཐུགས་རྗེ་ལྡན་པ་ཡི།། རྒྱལ་བས་རིགས་པ་ཤིན་ཏུ་ལེགས་བཤད་ཅེས། ། དེ་དག་ངོ་མཚར་ཆེ་བ་སྐྱེ་བར་འགྱུར།། དེ་ལྟར་ཞི་བའི་ཆོས་རྣམས་དེ་དག་ལ།། འདི་དག་དབང་པོ་བསམ་གཏན་རྣམ་ཐར་དང་།། སྟོབས་དང་བྱང་ཆུབ་ཡན་ལག་ཞི་བ་ཞེས། ། མིང་དང་ཚིག་སྟོང་སྙེད་ཀྱིས་བསྟན་པ་མཛད།། དབང་པོ་འགའ་ཡང་མ་སྐྱེས་སྟོབས་ཀྱང་མིན།། བྱང་ཆུབ་ཡན་ལག་ཞི་བའང་མ་སྐྱེས་ཏེ།། ཆོས་འདི་གཟུགས་ཅན་མ་ཡིན་གཟུགས་མེད་ཀྱང་། ། འཇིག་རྟེན་དག་ལ་ཤེས་པའི་སྟོབས་ཀྱིས་བཤད།། འགྲོ་བ་རྣམས་ལ་ཐོབ་པ་ངས་བཤད་པ།། དེ་ཀུན་མཚན་མ་རྣམ་པར་སྤངས་པ་ཡིན།། འདྲིན་ཀང་དག་བདག་གིས་ཐོབ་སེམས་པ། དེ་ནི་མ་ཐོ་བཟོད་པར་རློམ་སེམས་བྱེད།། འཇིག་རྟེན་དགན་གང་ས་དངོས་མེད་པ།། དེ་ལ་ཐོབ་པ་འགའ་ཡང་ཡོད་མ་ཡིན། ། ཐོབ་དང་ཐོབ་མེད་འགྲོ་ལ་བསྟན་མཛད་ག། གང་གིས་དེ་ལྟར་ཤེས་པ་དེས་ཐོབ་ཡིན།། ཀུན་ལས་ཁྱད་ཞུགས་འབྲས་བུ་ཐོབ་པ་ཡིན།། སེམས་ཅན་དེ་ངས་སེམས་མེད་པར་བསྟན། ། དེ་ལ་སེམས་ཅན་ནམ་ཡང་དམིགས་མེད་དེ།། སེམས་ཅན་མེད་ན་གང་གིས་འཐོདབ་པར་འགྱུར།། ཞིང་དངོས་གང་ལ་ས་བོན་ཡོད་མིན་པ།། དེ་ལ་མྱུ་གུ་སྨྲ་མེད་པ་ལྟར། ། དེ་བཞིན་སེམས་ཅན་ནམ་ཡང་དམིགས་མེད་ན།། སེམས་ཅན་མེད་ལ་འཐོབ་པ་ག་ལ་ཡོད།། སེམས་ཅན་འདི་ཀུན་མྱ་ངན་འདས་པ་སྟེ།། འདི་ལ་རྩ་བ་རྣམ་ཡང་དམིགས་སུ་མེད། ། གང་ཞིག་ཆོས་ཚུལ་འདི་ལ་མོས་གྱུར་པ།། དེ་ངས་ལྷག་མད་མྱ་ངན་འདས་པར་བསྟན།། སངས་རྒྱས་བརྒྱ་མང་ཡང་དག་འདས་གྱུར་པ།། དེ་དག་གིས་ཀྱང་སེམས་ཅན་དུན་མ་བཏུལ། ། ཀལ་ཏེ་སེམས་ཅན་འགའ་འདྲིར་བྱུང་གྱུར་ན།། དེ་དག་ནམ་ཡང་མྱ་ངན་འདའ་མི་འགྱུར།། དེ་ལྟར་ལམ་ནི་སྒྲིབ་པ་ཡོད་མིན་ཏེ།། དེ་ལ་ནམ་ཡང་ཆགས་པ་ཡོད་མ་ཡིན། གང་དག་ཆོས་ཉིད་འདི་ལ་མོས་གྱུར་པ།། དེ་དག་ཡིད་ནི་སྲེད་ལ་ཆགས་མི་འགྱུར།། བཅོམ་ལྡན་འདས་ཀྱིས་ཚིགས་སུ་བཅད་པ་བསྒྲུབས་པ་བསྟན་པ་འདི་བཤད་པ་ན། དགེ་སློང་ལྷག་པའི་ང་རྒྱལ་ཅན་ཉིས་བརྒྱ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། ། བྱང་ཆུབ་སེམས་དཔའ་དྲུག་ཁྲིས་ནི་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཉེ་བར་འཁོར་གྱིས་འདི་སྐད་ཅེས་གསོལ་ཏོ།། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། ། བཅོམ་ལྡན་འདས་ཀྱིས་བཀའ་སྩལ་པ། ཉེ་བར་འཁོར་དེའི་ཕྱིར་ཁྱོད་ཀྱིས་ཆོས་ཀྱི་རྣམ་གྲངས་འདི་འདུལ་བ་རྣམ་པར་གཏན་ལ་དབབ་པ་ཞེས་བྱ་བར་ཟུང་ཞིག། སེམས་ཅན་ཐམས་ཅད་ཡང་དག་པར་འཇོམས་པ་ཞེས་བྱ་བར་ཟུང་ཞིག། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཉེ་བར་འཁོར་དང་། འཇམ་དཔལ་གཞོན་ནུར་གྱུར་པ་དང་། བྱང་ཆུབ་སེམས་དཔའ་དེ་དག་དང་། དགེ་སློང་དེ་དག་དང་། ཐམས་ཅད་དང་ལྡན་པའི་འཁོར་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་སྟོང་ཕྲག་བརྒྱ་པ་ལས། འདུལ་བ་རྣམ་པར་གཏན་ལ་དབབ་པ་ཉེ་བར་འཁོར་གྱིས་ཞུས་པའི་ལེའུ་ཞེས་བྱ་སྟེ། འདུས་པ་ཉི་ཤུ་རྩ་བཞི་པ་རྫོགས་སོ།། ། མཁན་པོ་སུ་རེན་དྲ་བོ་དྷི་དང་། རྦནྠ་བརྨ་དང་།

CLOSE WINDOW