| Wylie | e-texts produced with ocr Programm |
། རྒྱ་གར་སྐད་དུ། ཨཱརྱ་ཨུག་གྲེ་པ་རི་པྲིཙྪ་ན་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་དྲག་ཤུལ་ཅན་གྱིས་ཞུས་པ་ཞེས་བྱ་བ་ཐེགཔ་ཆེན་པོའི་མདོ། ། བམ་པོ་@##། དང་པོ།། ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འ་དས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ནསདགེ་སློང་སྟོང་ཉིས་བརྒྱ་ལྔ་བཅུའི་དགེ་སློང་གི་དགེ་འདུན་ཆེན་པོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་དང་། འཇམ་དཔལ་དང་། ངན་སོང་སྤོང་དང་། སྤྱན་རས་གཟིགས་དབང་ཕྱུག་དང་། མཐུ་ཆེན་ཐོབ་ལ་སོགས་པ་བྱང་ཆུབ་སེམས་དཔའ་ལྔ་སྟོང་དང་ཐབས་ཅིག་ཏུ་བཞུགས་ཏེ། དེའི་ཚེ་བཅོམ་ལྡན་འདས་འཁོར་བརྒྱ་སྟོང་དུ་མས་ཡོངས་སུ་བསྐོར་ཅིང་མདུན་གྱིས་བལྟས་ནས་ཆོས་སྟོན་ཏེ། ཚངས་པར་སྤྱོད་པ། ཐོག་མར་དགེ་བལ་བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ། མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། ཡང་དག་པར་རབ་ཏུ་སྟོན་ཏོ།། དེ་ནས་ཁྱིམ་བདག་དྲག་ཤུལ་ཅན་གཡོག་ལྔ་བརྒྱ་དང་མཉན་ཡོད་ཀྱི་གྲོང་ཁྱེར་ཆེན་པོ་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དང་། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འདུག་གོ། དེ་བཞིན་དུ་ཁྱིམ་བདག་གཞན་རྣམས་ཀྱང་། འདི་ལྟ་སྟེ། ཁྱིམ་བདག་དགའ་འདོད་དང་། ཁྱིམ་བདག་གྲགས་འདོད་དང་། ཁྱིམ་བདག་ལེགས་བྱིན་དང་། ཁྱིམ་བདག་དགའ་བྱེད་དང་། ཁྱིམ་བདག་གྲགས་བྱིན་དང་ཁྱིམ་བདག་ནོར་བཟངས་དང་། ཁྱིམ་བདག་ཚུལ་དགའ་དང་། ཁྱིམ་བདག་མགོན་མེད་ཟས་སྦྱིན་དང་། ཁྱིམ་བདག་ཀླུ་དཔལ་དང་། ཁྱིམ་བདག་བདེན་དགའ་དང་། དེ་དག་དང་གཞན་ཡང་ཁྱིམ་བདག་རབ་ཏུ་མང་པོ་རྣམས་གཡོག་ལྔ་བརྒྱ་ལྔ་བརྒྱ་དང་མཉན་ཡོད་ཀྱི་གྲོང་ཁྱེར་ཆེན་པོ་ནས་བྱུང་སྟེ། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ག་ལ་བ་དང་། བཅོམ་ལྡན་འདས་ག་ལ་བ་དེར་དོང་སྟེ་ལྷགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། ཕྱོགས་གཅིག་ཏུ་འཁོད་དོ།། ཁྱིམ་བདག་དེ་དག་ཐམས་ཅད་ཕལ་ཆེར་ནི་གཡོག་དང་བཅས་ཏེ་ཐེག་པ་ཆེན་པོ་ལ་ཡང་དག་པར་ཞུགས་པ་དང་། དགེ་བའི་རྩ་བ་བསྐྱེད་པ་དང་། བླ་ནི་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་བྱས་པ་ཤ་སྟག་གོ། དེ་ནས་ཁྱིམ་བདག་དྲག་ཤུལ་ཅན་གྱིས་ཁྱིམ་བདག་གི་འཁོར་ཆེན་པོ་དེ་འདུས་པར་ཤེས་ནས། བཅོམ་ལྡན་འདས་ཀྱི་མཐུས་སྟན་ལས་ལངས་ཏེ། བླ་གོས་ཕྲོག་པ་གཅིག་ཏུ་གཟར་ནས། པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། གལ་ཏེ་ཞུས་ནས་ཞུ་བ་ལུང་བསྟན་པའི་སླད་དུ། བཅོམ་ལྡན་འདས་ཀྱིས་བདག་ལ་སྐབས་ཕྱེ་ན། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་བདག་ཕྱོགས་འགའ་ཞིག་ཞུའོ། ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཁྱིམ་བདག་དྲག་ཤུལ་ཅན་ལ་འདི་སྐད་ཅེས་བཀའ་སྩལ་ཏོ།། ཁྱིམ་བདག་ཁྱོད་ལ་དེ་བཞིན་གཤེགས་པས། ག་ཏུ་སྐབས་ཀྱིས། ཁྱིམ་བདག་ཁྱོད་ཅིང་ང་ཅི་འདོད་པ་དེ་བཞིན་གཤེགས་པ་ལ་དྲིས་ཤིག་དང་། དྲིས་པ་དྨོས་ལུ་བསྒྱུ་ཁྱོད་ཀྱི་སེམས་རངས་པར་བྱའོ། ། དེ་སྐད་ཅེས་བཀའ་སྩལ་པ་དང་། བཅོམ་ལྡན་འདས་ལ། ཁྱིམ་བདག་དྲུག་ཤུལ་ཅན་གྱིས་འདི་སྐད་ཅེས་གསོ་མྦྷ་ཏེ།། བཅོམ་ལྡན་འདས་རིགས་ཀྱི་བུའམ། རིགས་ཀྱི་བུ་མོ་གང་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་དང་། ཐེག་པ་ཆེན་པོ་ལ་མོས་པ་དང་། ཐེག་པ་ཆེན་པོ་ལ་རབ་ཏུ་གནས་པ་དང་། ཐེག་པ་ཆེན་པོ་ལ་ཡང་དག་པར་བསྒྲུབ་པར་འཚལ་བ་དང་། ཐེག་པ་ཆེན་པོ་ལ་འཇུག་པར་འཚལ་བ་དང་། ཐེག་པ་ཆེན་པོ་ལ་དམ་བཅའ་བ་དང་། སེམས་ཅན་ཐམས་ཅད་གཉེར་བ་དང་། སེམས་ཅན་ཐམས་ཅད་དབུགས་འབྱིན་པ་དང་། སེམས་ཅན་ཐམས་ཅད་བསྐྱབ་པའི་སླད་དུ་གོ་ཆ་འཚལ་བ་དང་། མ་རྒལ་བ་རྣམས་སྒྲོལ་བ་དང་། མ་གྲོལ་བ་རྣམས་དགྲོལ་བ་དང་། དབུགས་མ་ཕྱིན་པ་རྣམས་དབུགས་དབྱུང་བ་དང་། ཡོངས་སུ་མྱ་ངན་ལས་མ་འོདས་པ་རྣམས་ཡོངས་སུ་མྱ་ངན་ལས་བཟླའོ་ཞེས་སེམས་ཅན་ཐམས་ཅད་ཀྱི་དོན་དུ་ཁུར་ཆེན་པོ་ལེན་པ་དང་། འཇུག་པ་རླབས་པོ་ཆེ་ཆེན་པོ་ལ་རབ་ཏུ་གནས་པ་དང་། སངས་རྒྱས་ཀྱི་ཡེ་ཤེས་དཔག་ཏུ་མ་མཆིས་པ་ཐོས་ནས། ཡེ་ཤེས་དེ་ཡང་དག་པར་བསྒྲུབ་པའི་སླད་དུ་གོ་ཆ་འཚལ་བ་དང་། འཁོར་བའི་སྡུག་བསྔལ་གྱི་སྐྱོན་མང་པོ་དུ་མ་འཚལ་ཀྱང་ཡིད་ཡོངས་སུ་མི་སྐྱོ་ཞིང་བསྐུལ་པ་གྲངས་མ་མཆིས་པར་འཁོར་ཡང་སེམས་ཞུམ་པར་མི་འགྱུར་བ་དེ་དག་དང་། བཅོམ་ལྡན་འདས་དེ་ལ་རིགས་ཀྱི་བུ་འམ། རིགས་ཀྱི་བུ་མོ་བྱང་ཆུབ་སེམས་དཔའི་ཐེག་པ་པ་གང་དག་ཁྱིམ་གྱི་གནས་ནས་མངོན་པར་བྱུང་སྟེ། བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡང་དག་པར་སྒྲུབ་ཅིང་ཁྱིམ་ན་མི་གནས་པ་དག། གང་ཡང་ཁྱིམ་ན་གནས་ཤིང་བྱང་ཆུབ་ཀྱི་ཕྱོགས་ཀྱི་ཆོས་རྣམས་ཡང་དག་པར་སྒྲུབ་སྟེ། ཁྱིམ་གྱི་གནས་ནས་མངོན་པར་མི་འབྱུང་བ་དག་ཀྱང་མཆིས་ན། བཅོམ་ལྡན་འདས་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ལ་ཐུགས་བརྩེ་བ་དང་། ཐེག་པ་ཆེན་པོ་འདི་རྗེས་སུ་གཟུང་བ་དང་། དཀོན་མཆོག་གསུམ་གྱི་རིགས་མི་འཆད་པར་བགྱི་བ་དང་། ཐམས་ཅད་མཁྱེན་པའི་ཡེ་ཤེས་ཡུན་རིང་དུ་གནས་པར་བགྱི་བའི་སླད་དུ། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཁྱིམ་པ་རྣམས་ཀྱི་བསླབ་པའི་ཡོན་ཏན་རྣམ་པར་གཞག་པ་དེ་ལེགས་པར་བཤད་དུ་གསོལ། བྱང་ཆུབ་སེམས་དཔའ་ཁྱིམ་པ་ཁྱིམ་གྱི་ས་ལ་གནས་ནས། ཇི་ལྟར་དེ་བཞིན་གཤེགས་པ་རྣམས་ཀྱི་བཀའ་བཞིན་བགྱིད་ཅིང་། བྱང་ཆུབ་ཀྱི་ཕྱོགས་ཀྱི་ཆོས་རྣམས་ལས་མི་ཉམས་ཡོངས་སུ་མི་ཉམ་ཏེ། ཚེ་འདི་ལའང་ལས་ཁ་ན་མ་ཐོ་བ་མ་མཆིས་ཤིང་། ཚེ་གཞན་དུའང་བྱེ་བྲག་ཏུ་མཆི་བར་འགྱུར་བ་དང་། བཅོམ་ལྡན་འདས་གང་ཡང་བྱང་ཆུབ་སེམས་དཔའ་ཁྱིམ་གྱི་གནས་ནས་མངོན་པར་བྱུང་སྟེ། སྡུག་པ་དང་མི་སྡུག་པ་སྤངས་ནས། སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་བགོས་ནས་ཡང་དག་པར་དད་པས་ཁྱིམ་ནས་ཁྱིམ་མ་ལགས་པར་རབ་ཏུ་བྱུང་བ་དེ་དག་ཇི་ཙམ་དུ་གདམས་པ་དང་། རྗེས་སུ་བསྟན་པ་གཉིས་ཀྱིས་ཆོས་སྤྱོད་པ་དང་། དགེ་བ་སྤྱོད་པ་ཡང་དག་པར་རབ་ཏུ་བཤད་དུ་གསོལ། བྱང་ཆུབ་སེམས་དཔའ་ཁྱིམ་པ་དང་། རབ་ཏུ་བྱུང་བས་ཇི་ལྟར་གནས་པར་བགྱི། ཇི་ལྟར་བསྒྲུབ་པར་བགྱི། དེ་སྐད་ཅེས་གསོལ་པ་དང་།། བཅོམ་ལྡན་འདས་ཀྱིས། ཁྱིམ་བདག་དྲག་ཤུལ་ཅན་ལ་འདི་སྐད་ཅེས་བཀའ་སྩལ་ཏོ། ། ཁྱིམ་བདག་ལེགས་སོ་ལེགས་སོ།། ཁྱོད་ང་ལ་དོན་འདི་འདྲི་བར་སེམས་པ་ནི་ཁྱོད་ཀྱི་ཚུལ་དང་མཐུན་ནོ།། དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། བྱང་ཆུབ་སེམས་དཔའ་ཁྱིམ་པ་དང་རབ་ཏུ་བྱུང་བས་ཇི་ལྟར་བསླབ་པའི་ཡོན་ཏན་ཡང་དག་པར་གཟུང་ཞིང་སྤྱོད་པ་མཆོག་ལ་གནས་པར་བྱ་བ་དང་། ཇི་ལྟར་བསྒྲུབ་པར་བྱ་བ་ངས་ཁྱོད་ལ་བཤད་དོ།། བཅོམ་ལྡན་འདས་དེ་བཞིན་ནོ་ཞེས་གསོལ་ནས། ཁྱིམ་བདག་དྲག་ཤུལ་ཅན་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱིས། དེ་ལ་འདི་སྐད་ཅེས་བཀའ་སྩལ་ཏོ་ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་སངས་རྒྱས་ལ་སྐྱབས་སུ་འགྲོ་བར་བྱའོ། ། ཆོས་ལ་སྐྱབས་སུ་འགྲོ་བར་བྱའོ།། དགེ་འདུན་ལ་སྐྱབས་སུ་འགྲོ་བར་བྱའོ།། དེ་གསུམ་ལ་སྐྱབསུ་སོང་བའི་དགེ་བའི་རྩ་བ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བར་བྱའོ།། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་ཁྱིམ་པ་སངས་རྒྱས་ལ་སྐྱབས་སུ་སོང་བ་ཡིན་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པ་སངས་རྒྱས་ཀྱི་སྐུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཀྱིས་ལེགས་པར་བརྒྱན་པ་ཡོངས་སུ་བསྒྲུབ་པར་བྱའོ་སྙམ་དུ་སེམས་མངོན་པར་འདུ་བྱེད་དེ། དགེ་བའི་རྩ་བ་གང་དག་གིས་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ཡང་དག་པར་འགྲུབ་པར་འགྱུར་བའི་དགེ་བའི་རྩ་བ་དེ་དག་ཡང་དག་པར་བསྒྲུབ་པའི་ཕྱིར་བརྩོན་འགྲུས་རྩོམ་པ་དེ་ལྟ་བུ་ནི། ཁྱིམ་བདག་བྱང་ཆུབ་སེམས་དཔའ་སངས་རྒྱས་ལ་སྐྱབས་སུ་སོང་བ་ཡིན་ནོ།། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་ཁྱིམ་པ་ཆོས་ལ་སྐྱབས་སུ་སོང་བ་ཡིན་ཞེ་ན། ཁྱིམ་བདག་འདི་ལ་བྱང་ཆུབ་སེམ་དཔའ་ཁྱིམ་པ་ཆོས་ལ་གུས་པ་དང་བཅས་ཤིང་རི་མོ་བྱེད་པ་དང་བཅས་པ། ཆོས་དོན་དུ་ཉེར་བ། ཆོས་འདོད་པ། ཆོས་ཀྱི་ཀུན་དགའ་ལ་དགའ་ཞིང་མོས་པ། ཆོས་ལ་གཞོལ་བ། ཆོས་ལ་འབབ་པ། ཆོས་ལ་བབ་པ། ཆོས་སྲུང་བ། ཆོས་སྤྲད་ཅིང་གནས་པ། ཆོས་ཀྱི་གྲགས་པ་དང་ཆོས་ཀྱི་སྤྱོད་པ་ལ་གནས་པ། ཆོས་ཀྱི་དབང་དུ་གྱུར་པ། ཆོས་ཡོངས་སུ་ཚོལ་བ། ཆོས་ཀྱི་སྟོབས་དང་ལྡན་པ། ཆོས་ཀྱི་སྦྱིན་པའི་མཚོན་ཆ་དང་ལྡན་པ། ཆོས་ཀྱིས་བྱ་བ་བྱེད་པ་དེ་འདི་ལྟ་བུའི་ཆོས་དང་ལྡན་པས་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ལ་ཆོས་ཀྱིས་ཆོས་བགོ་བཤའ་བྱའོ་སྙམ་དུ་དྲན་པ་རབ་ཏུ་འཐོབ་སྟེ། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་ཁྱིམ་པ་ཆོས་ལ་སྐྱབས་སུ་སོང་བ་ཡིན་ནོ།། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་ཁྱིམ་པ་དགེ་འདུན་ལ་སྐྱབས་སུ་སོང་བ་ཡིན་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པ་དགེ་འདུན་ལ་སྐྱབས་སུ་སོང་བ་ནི། གལ་ཏེ་དགེ་སློང་རྒྱུན་དུ་ཞུགས་པ་འམ། ལན་ཅིག་ཕྱིར་འོང་བ་འམ། ཕྱིར་མི་འོང་བའམ། དགྲ་བཅོམ་པའམ། སོ་སོའི་སྐྱེ་བོ་འམ། ཉན་ཐོས་ཀྱི་ཐེག་པ་པ་འམ། རང་སངས་རྒྱས་ཀྱི་ཐེག་པ་པའམ། ཐེག་པ་ཆེན་པོ་པ་དག་མཐོང་ན། དེ་དེ་ལ་གུས་པ་དང་བཅས། ཞེས་དང་བཅས་ཤིང་ལྡང་བར་བརྩོན་ལ། བཀའ་བློ་བདེ་ཞིང་མཐུན་པར་འཛིན་པ་ཡིན་ཏེ། དེ་ཡང་དག་པར་སོང་བ་དང་། ཡང་དག་པར་ཞུགས་པ་དེ་དག་ལ་བསྙེན་བཀུར་བྱས་པས། འདི་ལྟར་བདག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་ཀྱང་། ཉན་ཐོས་ཀྱི་ཡོན་ཏན་ཡོངས་སུ་བསྒྲུབ་པ་དང་། རང་སངས་རྒྱས་ཀྱི་ཡོན་ཏན་ཡོངས་སུ་བསྒྲུབ་པའི་ཆོས་བསྟན་ཏོ་སྙམ་དུ་དྲན་པ་རབ་ཏུ་འཐོབ་སྟེ། དེ་དག་ལ་གུས་པ་དང་བཅས་ཤིང་ཞེ་ས་དང་བཅས་པ་ཡིན་གྱི། དེ་དག་ལ་མི་དགའ་བར་ནི་མི་བྱེད་དེ། དེ་ལྟར་ན་ཁྱིམ་བདག་བྱང་ཆུབ་སེམས་དཔའ་ཁྱིམ་པ་དགེ་འདུན་ལ་སྐྱབས་སུ་སོང་བ་ཡིན་ནོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཆོས་བཞི་དང་ལྡན་ན། སངས་རྒྱས་ལ་སྐྱབས་སུ་སོང་བ་ཡིན་ཏེ། བཞི་གང་ཞེ་ན། བྱང་ཆུབ་ཀྱི་སེམས་མི་འདོར་བ་དང་། དམ་བཅས་པ་མི་འཇིག་པ་དང་། སྙིང་རྗེ་ཆེན་པོ་ཡོངས་སུ་མི་གཏོང་བ་དང་། ཐེག་པ་གཞན་ལ་མི་དམིགས་པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཆོས་བཞི་པོ་དེ་དག་དང་ལྡན་ན། སངས་རྒྱས་ལ་སྐྱབས་སུ་སོང་བ་ཡིན་ནོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཆོས་བཞི་དང་ལྡན་ན། ཆོས་ལ་སྐྱབས་སུ་སོང་བ་ཡིན་ཏེ། བཞི་གང་ཞེ་ན། ཆོས་སྨྲ་བའི་གང་ཟག་རྣམས་ལ་བརྟེན་ཅིང་བསྙེན་ཏེ། བསྙེན་བཀུར་བྱེད་ཅིང་བསྟི་སྟང་དུ་བྱས་ནས་ཆོས་ཉན་པ་དང་། ཆོས་ཐོས་ནས་ཚུལ་བཞིན་སོ་སོར་རྟོག་པ་དང་། ཇི་ལྟར་ཐོས་པའི་ཆོས་རྣམས་དང་ཇི་ལྟར་ཁོང་དུ་ཆུད་པ་རྣམས་གཞན་དག་ལའང་སྟོན་ཅིང་ཡང་དག་པར་རབ་ཏུ་འཆད་པ་དང་། ཆོས་ཀྱི་སྦྱིན་པ་ལས་བྱུང་བའི་དགེ་བའི་རྩ་བ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཆོས་བཞི་པོ་དེ་དག་དང་ལྡན་ན། ཆོས་ལ་སྐྱབས་སུ་སོང་བ་ཡིན་ནོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཆོས་བཞི་དང་ལྡན་ན། དགེ་འདུན་ལ་སྐྱབས་སུ་སོང་བ་ཡིན་ཏེ། བཞི་གང་ཞེ་ན། ཉན་ཐོས་ཀྱི་ཐེག་པ་པ་ཡང་དག་པར་སྐྱོན་མེད་པར་ཞུགས་པ་རྣམས་ཐམས་ཅད་མཁྱེན་པ་ཉིད་ཀྱི་སེམས་ལ་འཛུད་པ་དང་། གང་ཟང་ཟིང་གིས་སྡུད་པར་བྱེད་པ་དེ་དག་ཆོས་ཀྱིས་བསྡུ་བ་ལ་སྦྱོར་བ་དང་། བྱང་ཆུབ་སེམས་དཔའ་ཕྱིར་མི་ལྡོག་པའི་དགེ་འདུན་ལ་རྟོན་གྱི། ཉན་ཐོས་ཀྱི་དགེ་འདུན་ལ་རྟོན་པ་མ་ཡིན་པ་དང་། ཉན་ཐོས་ཀྱི་ཡོན་ཏན་ཡོངས་སུ་ཚོལ་ལ། དེའི་རྣམ་པར་གྲོལ་བ་ལ་མོས་པའང་མ་ཡིན་པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཆོས་བཞི་པོ་དེ་དག་དང་ལྡན་ན། དགེ་འདུན་ལ་སྐྱབས་སུ་སོང་བ་ཡིན་ནོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་དེ་བཞིན་གཤེགས་པའི་སྐུ་གཟུགས་མཐོང་ནས། སངས་རྒྱས་རྗེས་སུ་དྲན་པ་རབ་ཏུ་ཐོབ་པ་ནི། སངས་རྒྱས་ལ་སྐྱབས་སུ་སོང་བ་ཡིན་ནོ།། ཆོས་ཐོས་ནས་ཆོས་རྗེས་སུ་དྲན་པ་རབ་ཏུ་ཐོབ་པ་ནི། ཆོས་ལ་སྐྱབས་སུ་སོང་བ་ཡིན་ནོ།། དེ་བཞིན་གཤེགས་པའི་ཉན་ཐོས་ཀྱི་དགེ་འདུན་མཐོང་ནས། བྱང་ཆུབ་ཀྱི་སེམས་རྗེས་སུ་དྲན་པ་ནི། དགེ་འདུན་ལ་སྐྱབས་སུ་སོང་བ་ཡིན་ནོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་སངས་རྒྱས་དང་འགྲོགས་པར་སྨོན་ཅིང་། སྦྱིན་པ་སྦྱིན་པ་ནི་སངས་རྒྱས་ལ་སྐྱབས་སུ་སོང་བ་ཡིན་ནོ། ། དམ་པའི་ཆོས་ཡང་དག་པར་བསྲུང་བའི་ཕྱིར། སྦྱིན་པ་སྦྱིན་པ་ནི་ཆོས་ལ་སྐྱབས་སུ་སོང་བ་ཡིན་ནོ།། སྦྱིན་པ་དེ་བླ་ན་མེད་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་བ་ནི། དགེ་འདུན་ལ་སྐྱབས་སུ་སོང་བ་ཡིན་ནོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་ནི་སྐྱེས་བུ་དམ་པའི་ལས་རྣམས་བྱེད་དེ། སྐྱེས་བུ་ངན་པའི་ལས་རྣམས་མི་བྱེད་དོ། ། ཁྱིམ་བདག་སྐྱེས་བུ་དམ་པའི་ལས་ཡིན་གྱི། སྐྱེས་བུ་ངན་པའི་ལས་མ་ཡིན་པ་རྣམས་གང་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པཆོ་ཀྱིས་ལོངས་སྤྱོད་ཚོལ་གྱི། ཆོས་མ་ཡིན་པས་མི་ཚོལ་ལོ།། མཐུན་པས་ཚོལ་གྱི། མི་མཐུན་པས་མ་ཡིན་ནོ།། ཡང་དག་པས་འཚོ་བ་ཡིན་གྱི། ལོག་པས་འཚོ་བ་མ་ཡིན་ཏེ། དེ་ཆོས་ཀྱི་ལོངས་སྤྱོད་ཐོབ་པ་དེ་དག་གིས་གཞན་ལ་འཚེ་བར་མི་བྱེད་དེ། མི་རྟག་པའི་འདུ་ཤེས་སྒོམ་པ་མང་ཞིང་སྙིང་པོ་ལེན་ཏོ།། འདི་ལྟ་སྟེ། ཕ་མ་ལ་བསྙེན་བཀུར་བྱེད་པ་དང་། བུ་དང་། ཆུང་མ་དང་བྲན་ཕོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་རྣམས་ཡང་དག་པའི་ལོངས་སྤྱོད་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་རྣམས་ལ་བཀུར་སྟི་དང་། གོང་དུའང་ཆོས་ལ་འཛུད་པས་གཏོང་བ་འཕེལ་བར་བྱེད་དོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ནི། འདི་ལྟ་སྟེ། སེམས་ཅན་ཐམས་ཅད་ཕུང་པོ་ལྔའི་ཁུར་ཁྱེར་བས་ཁྲུར་བླངས་པ་བཀུར་བའི་ཕྱིར་བརྩོན་འགྲུས་རྩོམ་མོ། ། འདི་ལྟ་སྟེ། ཉན་ཐོབ་ད་སངས་རྒྱས་ཀྱི་ཐེག་པ་མི་འདོར་བས་ཁུར་བླངས་པ་བཅུ་པའི་ཕྱིར་སྔོན་འགྲུས་རྩོམ་མོ། ། སེམས་ཅན་ཡོངས་སུ་སྨིན་པར་བྱ་བ་ལ་ཡོངས་སུ་མི་སྐྱོ་བ། བདག་བདེ་བ་ལ་མི་ཆགས་པ། སེམས་ཅན་ཐམས་ཅད་བདེ་བ་ཐོབ་པར་བྱེད་པ། རྙེད་པ་དང་། མ་རྙེད་པ་དང་། གྲགས་པ་དང་མ་གྲགས་པ་དང་། བསྟོད་པ་དང་། སྨད་པ་དང་། བདེ་བ་དང་། སྡུག་བསྔལ་གྱིས་མི་བསྐྱོད་པ་དེ་འཇིག་རྟེན་གྱི་ཆོས་ལས་ཡང་དག་པར་འདའ་བ་དང་། རྙེད་པ་དང་ལོངས་སྤྱོད་ཕུན་སུམ་ཚོགས་པས་མི་སྙེམས་པ་དང་། རྙེད་པ་དང་། གྲགས་པ་དང་། བརྗོད་པའི་སྒྲའི་སྙན་པ་མེད་པ་ལ་ཡི་མི་འཆད་པ་དང་། ཤིན་ཏུ་བརྟགས་ཏེ་ལས་བྱེད་པ་དང་། ཡང་དག་པར་བསྒྲུབ་པ་ཀུན་ཏུ་སྲུང་བ་དང་། ལོག་པར་བསྒྲུབ་པ་ལ་ཡིད་མི་མོས་པ་དང་། མི་གནས་པའི་བློས་འབྱུང་བ་མཐོང་བ་དང་། ཤིང་བལ་གྱི་འདབ་མ་ལྟ་བུའི་སེམས་མེད་དེ། ཇི་ལྟར་དམ་བཅས་པ་ཡོངས་སུ་རྫོགས་པར་བྱེད་པ་དང་། གཞན་གྱི་བྱ་བ་བྱེད་པ་དང་། རང་གི་བྱ་བ་ཡོངས་སུ་འདོར་བ་དང་། གཞན་ལ་བྱ་བ་ལ་ལན་དུ་ཕན་འདོགས་པར་མི་རེ་བ་དང་། གནོད་པར་བྱས་པ་ལ་ཤ་མི་གློན་པ་དང་། བྱས་པ་གཟོ་བ་དང་། བྱས་པ་ཚོར་བ་དང་། ལེགས་པར་བྱས་པའི་ལས་བྱེད་པ་དང་། དབུལ་པོ་རྣམས་ལ་ལོངས་སྤྱོད་ཡང་དག་པར་འགེད་པ་དང་། སྟོབས་དང་ལྡན་པ་རྣམས་ལ་ང་རྒྱལ་བཅག་པ་དང་། འཇིགས་པ་རྣམས་མི་འཇིགས་པར་དབུགས་འབྱིན་པ་དང་། མྱ་ངན་གྱིས་ཉམ་ཐག་པ་རྣམས་ལ་མྱ་ངན་གྱི་ཟུག་རྔུ་སེལ་བ་དང་། མཐུ་ཆུང་བ་རྣམས་ལ་བཟོད་ཅིང་དང་དུ་ལེན་པ་དང་། ང་རྒྱལ་ལས་ཀྱང་ང་རྒྱལ་རྣམ་པར་སྤོང་བ་དང་། བླ་མ་ལ་གུས་པ་དང་། མང་དུ་ཐོས་པ་རྣམས་ལ་བརྟེན་པ་དང་། མཁས་པ་རྣམས་ལ་ཀུན་འདྲི་བ་དང་། ལྟ་བདྲང་བ་དང་། གཡོ་མེད་པར་སྤྱོད་པ་དང་། སྤུ་མེད་པ་དང་། བཅོས་མ་མེད་པར་སེམས་ཅན་ཐམས་ཅད་ལ་བྱམས་པ་དང་། དགེ་བ་གང་ཡིན་ཞེས་ཚོལ་བས་མི་ངོམས་པ་དང་། མང་དུ་ཐོས་པ་ལ་ཆོག་མི་ཤེས་པར་བྱས་པ་དང་། བརྩམ་པ་རྣམས་ལ་ཡི་དམ་བརྟན་པ་དང་། འཕགས་པའི་སྐྱེ་བོ་དང་འགྲོགས་པ་དང་། འཕགས་པ་མ་ཡིན་པའི་སྐྱེ་བོ་རྣམས་ལ་ཆེར་སྙིང་རྗེ་བ་དང་། མཛའ་བ་བརྟན་པ་དང་། མཛའ་བ་དང་མི་མཛའ་བ་ལ་སེམས་སྙོམས་པ་དང་། སངས་རྒྱས་ཀྱི་ཆོས་ཐམས་ཅད་ལ་སློབ་དཔོན་གྱི་དཔེ་མཁྱུད་མེད་པ་དང་། ཇི་ལྟར་ཐོས་པའི་ཆོས་རྣམས་རབ་ཏུ་སྟོན་པ་དང་། ཐོས་པའི་དོན་རྗེས་སུ་སྒོམ་པ་དང་། འདོད་པ་ལ་དགའ་ཞིང་རྩེ་བ་ཐམས་ཅད་ལ་མི་རྟག་པར་འདུ་ཤེས་པ་དང་། ལུས་ལ་མི་ལྟ་བར་འདུ་ཤེས་པ་དང་། སྲོག་ལ་ཟིལ་པའི་ཐིགས་པ་ལྟར་འདུ་ཤེས་པ་དང་། ལོངས་སྤྱོད་ལ་སྒྱུ་མ་དང་སྨིག་རྒྱུ་ལྟ་བུར་འདུ་ཤེས་པ་དང་། བུ་དང་ཆུང་མ་ལ་སེམས་ཅན་དམྱལ་བ་མནར་མེད་པར་འདུ་ཤེས་པ་དང་། ཞིང་དང་ཁྱིམ་གྱི་ལས་ཀྱི་མཐའ་དང་གོས་རྣམ་པ་སྣ་ཚོགས་ཡོངས་སུ་འཛིན་པ་ལ་འཕོངས་པའི་སྡུག་པར་འདུ་ཤེས་པ་དང་། ཡོངས་སུ་ཚོལ་བ་ལ་དགེ་བའི་རྩ་བ་རྣམ་པར་འཇིག་པར་འདུ་ཤེས་པ་དང་། ཁྱིམ་གྱི་གནས་ལ་གཤེད་མ་ལྟ་བུར་འདུ་ཤེས་པ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚས་རྣམས་ལ་སེམས་ཅན་དམྱལ་བའི་སྲུངས་མར་འདུ་ཤེས་པ་དང་། ཉིན་དང་མཚན་དུ་བྱེ་བྲག་ཏུ་གྱུར་པ་ཅི་ཡོད་ཅེས་ཡོངས་སུ་འཇལ་བར་འདུ་ཤེས་པ་དང་། སྙིང་པོ་མེད་པའི་ལུས་ལས་སྙིང་པོ་བླང་བར་འདུ་ཤེས་པ་དང་། སྙིང་པོ་མེད་པའི་སྲོག་ལས་སྙིང་པོ་བླང་བར་འདུ་ཤེས་པ་དང་། སྙིང་པོ་མེད་པའི་ལོངས་སྤྱོད་རྣམས་ལས་སྙིང་པོ་བླང་བར་འདུ་ཤེས་པ་ཡིན་ནོ།། སྙིང་པོ་མེད་པའི་ལུས་ལས་སྙིང་པོ་བླང་བར་འདུ་ཤེས་པ་གང་ཞེ་ན། གང་གཞན་གྱི་བྱའོ་ཅོག་བྱ་བར་སྤྲོ་བ་དང་། བླ་མ་རྣམས་ལ་གུས་པར་སྨྲ་བ་དང་། ཕྱག་འཚལ་བ་དང་། ལྡང་བ་དང་། ཐལ་མོ་སྦྱར་བ་དང་། འདུད་པའི་ལས་བྱེད་པ་སྟེ། འདི་ནི་སྙིང་པོ་མེད་པའི་ལུས་ལས་སྙིང་པོ་བླང་བར་འདུ་ཤེས་པ་ཞེས་བྱའོ།། དེ་ལ་སྙིང་པོ་མེད་པའི་སྲོག་ལས་སྙིང་པོ་བླང་བར་འདུ་ཤེས་པ་གང་ཞེ་ན། གང་སྔོན་བྱས་པའི་དགེ་བའི་རྩ་བ་རྣམས་ཡོངས་མི་ཉམས་ལ། གོང་དུའང་རྣམ་པར་འཕེལ་བ་སྟེ། འདི་ནི་སྙིང་པོ་མེད་པའི་སྲོག་ལས་སྙིང་པོ་བླང་བར་འདུ་ཤེས་པ་ཞེས་བྱའོ།། དེ་ལ་སྙིང་པོ་མེད་པའི་ལོངས་སྤྱོད་རྣམས་ལས་སྙིང་པོ་བླང་བར་འདུ་ཤེས་པ་གང་ཞེ་ན། གང་སེར་སྣའི་སེམས་ཚར་གཅོད་ཅིང་། གཏོང་བ་ཆེན་པོའི་སེམས་འཕེལ་བར་བྱེད་ཅིང་སྦྱིན་པ་ཡང་དག་པར་འགེད་པ་སྟེ། འདི་ནི་སྙིང་པོ་མེད་པའི་ལོངས་སྤྱོད་རྣམས་ལས་སྙིང་པོ་བླང་བར་འདུ་ཤེས་པ་ཞེས་བྱའོ། ། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་ཁྱིམ་པ་གང་འདི་ལྟ་བུའི་སྐྱེས་བུ་དས་པའི་ལས་འདི་དག་བྱེད་ཀྱི། སྐྱེས་བུ་ངན་པའི་ལས་ནི་མ་ཡིན་ནོ།། དེ་ལྟར་བྱེད་ན་དེ་བཞིན་གཤེགས་པ་རྣམས་ཀྱིས་ཉེས་པར་བརྗོད་པ་མ་ཡིན་ཏེ། རིགས་པར་སྨྲ་བ་ཡིན། ཆོས་སྨྲ་བ་ཡིན་ནོ།། འདི་ལྟ་སྟེ། སྔོན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་དམ་བཅས་པའང་མི་ཉམས་ཡོངས་སུ་མི་ཉམས་པ་ཡིན་ནོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ནི་བསླབ་པའི་གཞི་ཐམས་ཅད་ཡོངས་སུ་བཟུང་བ་ཡིན་ཏེ། འདི་ལྟ་སྟེ། བསླབ་པའི་གཞི་ལྔ་ཡོངས་སུ་བཟུང་ནས་དེས་སྲོག་གཅོད་པ་སྤང་བར་བྱ་སྟེ། དབྱིག་པ་དོར་བ་དང་། མཚོན་ཆ་དོར་བ་དང་། ངོ་ཚ་ཤེས་པ་དང་། སྙིང་རྗེ་དང་ལྡན་པ་དང་། སྲོག་ཆགས་འབྱུང་པོ་ཐམས་ཅད་ལ་མི་འཚེ་བའི་རང་བཞིན་ཅན་དང་སེམས་ཅན་ཐམས་ཅད་ལ་སེམས་སྙོམས་པ་དང་། རྟག་ཏུ་བྱམས་པ་ལ་གནས་པར་བྱའོ།། དེས་མ་བྱིན་པར་ལེན་པ་སྤང་བར་བྱ་སྟེ། བདག་གི་ལོངས་སྤྱོད་ཀྱིས་ཆོག་ཤེས་པ་དང་། གཞན་གྱི་ལོངས་སྤྱོད་ཁ་མངོན་པར་དགའ་བ་མེད་པ་དང་། ཆགས་པ་དང་བརྣབ་སེམས་མེད་པ་དང་། གཞན་གྱི་ནོར་ལ་འདོད་པ་མེད་པ་དང་། ཐ་ན་རྩཝ་དྲང་ལོ་མ་ཙམ་ཡང་མ་བྱིན་པར་མི་བླང་བར་བྱའོ།། དེས་འདོད་པ་ལ་ལོཿ་པར་གཡེམ་པ་སྤང་བར་བྱ་སྟེ། རང་གི་ཆུང་མས་ཆོག་པར་འཛིན་པ་དང་། གཞན་གྱི་ཆུང་མ་ལ་འདོད་པ་མེད་པ་དང་། མ་ཆགས་པའི་མིག་གིས་ལྟ་བ་དང་། ཡིད་བྱུང་བའི་ཡིད་དང་། འདོད་པ་དག་ནི་ཤིན་ཏུ་སྡུག་བསྔལ་བའོ་སྙམ་དུ་མ་ཆགས་པ་ཡིད་ལ་བྱེད་པ་ལ་བརྩོན་པར་བྱའོ། ། དེ་གང་གི་ཚེ་རང་གི་ཆུང་མ་ལ་འདོད་པའི་རྣམ་པར་རྟོག་པ་འབྱུང་བ་དེའི་ཚེ་ཡང་། ཉོན་མོངས་པའི་དབང་དུ་གྱུར་པས་ན། ངེས་རང་གི་ཆུང་མ་ལ་མི་སྡུག་པར་རྗེས་སུ་ལྟ་བ་དང་། སྐྲག་པའི་ཡིད་ཀྱིས་འདོད་པ་བསྟེན་པར་བྱའི། ལེན་པའི་མིན་བཞིན་དུ་ནི་མ་ཡིན་པ་དང་། མི་རྟག་པ་དང་། སྡུག་བསྔལ་བ་དང་། བདག་མེད་པ་དང་མི་གཙང་བར་འདུ་ཤེས་པ་དང་། དེས་ཅི་ནས་བདག་གིས་ཡིད་ཀྱི་དགུ་ལའང་འདོད་པ་སྤྱོད་པར་མི་བྱ་ན། མཚན་གཉིས་སྤྲོད་པ་འམ། ཡན་ལག་མ་ཡིན་པར་འཇུག་པ་ལྟ་ཅི་སྨོས་ཏེ། བདག་གིས་དེ་ལྟར་མི་བྱའོ་སྙམ་མོ།། དེས་བརྫུན་དུ་སྨྲ་བ་སྤང་བར་བྱ་སྟེ། བདེན་པ་སྨྲ་བ་དང་། ཡང་དག་པར་སྨྲ་བ་དང་། ཇི་སྐད་སྨྲས་པ་དེ་བཞིན་དུ་བྱེད་པ་དང་། མི་སླུ་བ་དང་། བསམ་པ་ཕུན་སུམ་ཚོགས་པ་དང་། དྲན་པ་དང་ཤེས་བཞིན་དང་ལྡན་པར་བྱ་སྟེ། ཇི་ལྟར་མཐོང་བ་དང་། ཐོས་པ་སྨྲ་བ་དང་། ཆོས་རྗེས་སུ་སྲུང་བར་གྱུར་པ་དེས་ལུས་དང་སྲོག་གི་ཕྱིར་ཡང་ཤེས་བཞིན་དུ་བརྫུན་སྨྲ་བར་མི་བྱའོ། ། དེས་འབྲུའི་ཆང་དང་སྦྱར་བའི་ཆང་མྱོས་པར་འགྱུར་བའི་བཏུང་བ་སྤང་བར་བྱ་སྟེ། དེ་ར་རོ་བ་མེད་པ་དང་། སྨྱོས་པ་མེད་པ་དང་། འཁྲུལ་པ་མེད་པ་དང་། ཚིག་མ་འཆལ་བ་དང་། མི་འཕྱར་བ་དང་། མི་རྒོད་པ་དང་། མི་གཡེང་བ་དང་། དྲན་པ་ཉེ་བར་གནས་པ་དང་། ཤེས་བཞིན་དང་ལྡན་པར་བྱ་སྟེ། དེ་ནམ་བདོག་པ་ཐམས་ཅད་ཡོངས་སུ་གཏོང་བའི་བློ་འཇུག་ཅིང་། ཟས་འདོད་པ་རྣམས་ལ་ཟས། སྐོམ་འདོད་པ་རྣམས་ལ་སྐོམ་སྦྱིན་པ་སྦྱིན་པར་བྱའོ་སྙམ་པ་ན། དེས་གཞན་དག་ལ་ཆང་ཡང་སྦྱིན་ཏེ། འདི་སྙམ་དུ་འདི་ནི་སྦྱིན་པའི་ཕ་རོལ་དུ་ཕྱིན་པའི་དུས་ཡིན་ཏེ། གང་ཅི་འདོད་པ་དེ་ལ་སྦྱིན་པའི་དུས་ལ་བབ་ཀྱིས། བདག་གིས་འདི་ལྟར་བྱ་སྟེ། གང་དང་གང་ལ་འདི་ལྟར་ཆང་ཡང་བྱིན་ནས། གང་འདི་འཁྲུལ་པ་མེད་པའི་སྤྱོད་པ་ལ་དེ་དང་དེ་དག་དྲན་པ་དང་ཤེས་བཞིན་ཡང་དག་པར་འཛིན་དུ་གཞུག་གོ་སྙམ་པའི་འདུ་ཤེས་བསྐྱེད་པར་བྱའོ། ། དེ་ཅིའི་ཕྱིར་ཞེ་ན། བསམ་པ་ཐམས་ཅད་ཡོངས་སུ་རྫོགས་པར་བྱེད་པ་ནི། བྱང་ཆུབ་སེམས་དཔའི་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་ཡིན་ནོ། ། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་ཁྱིམ་པ་གཞན་དག་ལ་ཆང་བྱིན་ཡང་དེ་བཞིན་གཤེགས་པ་རྣམས་ཀྱིས་ཉེས་པར་བརྗོད་པ་མ་ཡིན་ནོ།། ཁྱིམ་བདག་བྱང་ཆུབ་སེམས་དཔའ་ཁྱིམ་པ་དེས་བསླབ་པའི་གཞི་ལྔ་བཟུང་བའི་དགེ་བའི་རྩ་བའང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་དུ་ཡོངས་སུ་བསྔོ་བར་བྱའོ།། དེས་བསླབ་པའི་གཞི་ལྔ་པོ་དེ་དག་ཀྱང་ཤིན་དུ་བསྲུང་བར་བྱའོ། ། གོང་དུའང་དེས་ཕྲ་མ་མི་བྱ་ཞིང་བྱེ་བ་རྣམས་ཀྱི་བསྡུམས་བྱའོ།། དེས་ངག་རྩུབ་པོའང་མི་སྦ་བར་བྱ་ཞིང་། དེས་ངག་འཇམ་པོར་སྨྲ་བ་དང་། ཚིག་མཉེན་པ་དང་། གསོང་པོར་སྨྲ་བར་བྱའོ།། ཚིག་བཀྱལ་པའང་སྨྲ་བར་མི་བྱ་ཞིང་། དུས་སུ་སྨྲ་བ་དང་། ཡང་དག་པར་སྨྲ་བ་དང་། དོན་སྨྲ་བ་དང་། ཆོས་སྨྲ་བ་དང་། རིགས་པ་སྨྲ་བ་དང་། འདུལ་བ་སྨྲ་བ་དང་། ལན་ལེགས་པར་འདེབས་པ་དང་། ཇི་སྐད་སྨྲས་པ་དེ་བཞིན་བྱེད་པའོ།། དེས་བརྣབ་སེམས་སུ་མི་བྱ་ཞིང་། སེམས་ཅན་ཐམས་ཅད་ལ་ཕན་པ་དང་བདེ་བ་བསམ་པར་བྱའོ།། གནོད་སེམས་སུ་མི་བྱ་ཞིང་རྟག་ཏུ་བཟོད་པའི་སྟོབས་ཀྱིས་གོ་ཆ་བགོ་བར་བྱའོ།། དེས་ཡང་དག་པར་བལྟ་བར་བྱ་ཞིང་ལོག་པ་ཕྱིན་ཅི་ལོག་ཏུ་ལྟ་བ་ཐམས་ཅད་དང་བྲལ་བར་བྱའོ།། ལྷར་སངས་རྒྱས་ལ་བསམ་པ་རྗེས་སུ་སོང་ཞིང་ལྷ་གཞན་མི་འཛིན་པར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་གྲོང་ངམ། གྲོང་ཁྱེར་རམ། གྲོང་རྡལ་ལམ་ལྗོངས་སམ། ལྗོངས་ཀྱི་ཕྱོགས་གང་ན་གནས་པ་དེར་དེས་སེམས་ཅན་རྣམས་ལ་ཆོས་ཀྱི་གཏམ་བརྗོད་པར་བྱ་སྟེ། གང་དག་མ་དད་པ་དེ་དག་ནི་དད་པ་ལ་གཟུད་པར་བྱ། སེམས་ཅན་གང་དག་མི་གུས་ཤིང་ཕར་མི་འཛིན་པ། མར་མི་འཛིན་པ། དགེ་སྦྱོང་དུ་མི་འཛིན་པ། བྲམ་ཟེར་མི་འཛིན་པ། རིགས་ཀྱི་གཙོ་བོ་ལ་རིམ་གྲོ་མི་བྱེད་པ། ཚུལ་དང་མི་ལྡན་ཞིང་མཚམས་ལས་འདས་པ་དེ་དག་བླ་མ་ལ་གུས་པ་དང་། ཆོས་སྤྱོད་པ་ལ་གཟུད་པར་བྱའོ། ། སེམས་ཅན་གང་དག་ཐོས་པ་ཉུང་བ་དེ་དག་མང་དུ་ཐོས་པ་ལ་སྦྱར་བར་བྱའོ།། སེར་སྣ་ཅན་རྣམས་ནི་གཏོང་བ་ལ། ཚུལ་ཁྲིམས་འཆལ་པ་རྣམས་ནི་ཚུལ་ཁྲིམས་ལ། གནོད་སེམས་ཅན་རྣམས་ནི་བཟོད་པ་དང་ངེས་པ་ལ། ལེ་ལོ་ཅན་རྣམས་ནི་བརྩོན་འགྲུས་རྩོམ་པ་ལ། བརྗེད་ངས་པ་རྣམས་ནི་དྲན་པ་དང་ཤེས་བཞིན་ལ། འཆལ་པའི་ཤེས་རབ་ཅན་རྣམས་ནི་ཤེས་རབ་ལ་གཟུད་པར་བྱའོ།། སེམས་ཅན་དབུལ་པོ་རྣམས་ལ་ལོངས་སྤྱོད་ཡང་དག་པར་བགོ་བར་བྱའོ།། སེམས་ཅན་ནད་པ་རྣམས་ལ་སྨན་སྦྱིན་པར་བྱའོ།། སེམས་ཅན་མགོན་མེད་པ་རྣམས་ཀྱི་མགོན་བྱའོ།། སྐྱབས་མེད་པ་རྣམས་ཀྱི་སྐྱབས་དང་། དཔུང་གཉེན་མེད་པ་རྣམས་ཀྱི་དཔུང་གཉེན་བྱའོ།། དེས་ལྗོངས་དང་ལྗོངས་ཀྱི་ཕྱོགས་དེ་དག་ཐམས་ཅད་དང་ཇི་ལྟར་མཐུན་པར་སེམས་ཅན་འགའ་ཡང་ལོག་པར་ལྟུང་བར་མི་འགྲོ་བ་དེ་ལྟར་ཆོས་ཀྱིས་བསྲུང་བར་བྱའོ། ། ཁྱིམ་བདག་གལ་ཏེ་བྱང་ཆུབ་སེམས་དཔའ་ཁྱིམ་པས་ལན་གཅིག་ལན་གཉིས་ལན་གསུམ་ནས། ལན་བདུན་གྱི་བར་དུ་རྗེས་སུ་བསྟན་པས་སེམས་ཅན་རྣམས་ཡོན་ཏན་དག་ལ་བཀོད་པ་ལས་ཡོན་ཏན་གང་ཡང་རུང་བ་ལ་གནས་པར་མ་གྱུར་ན། ཁྱིམ་བདག་དེའི་ཚེ་བྱང་ཆུབ་སེམས་དཔའ་ཁྱིམ་པ་དེས་སེམས་ཅན་དེ་དག་ལ་སྙིང་རྗེ་ཆེན་པོ་བསྐྱེད་དེ། དེས་ཐམས་ཅད་མཁྱེན་པ་ཉིད་ཀྱི་གོ་ཆ་སྲ་བའང་བགོ་ཞིང་། ཚིག་འདི་སྐད་ཅེས་ཇི་སྲིད་དུ་སེམས་ཅན་གདུལ་དཀའ་བ་དམུ་རྒོད་དེ་དག་ཡོངས་སུ་སྨིན་པར་མ་གྱུར་པ་དེ་སྲིད་དུ། བདག་བླ་ན་མེད་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་མི་རྒྱའོ་ཞེས་བརྗོད་པར་བྱའོ། ། དེ་ཅིའི་ཕྱིར་ཞེ་ན། བདག་གིས་ནི་དེ་དག་གི་ཕྱིར་གོ་ཆ་བགོས་ཏེ། སེམས་ཅན་དྲང་པོ་རྣམས་ཀྱི་ཕྱིར་མ་ཡིན། གཡོ་མེད་པ་རྣམས་ཀྱི་ཕྱིར་མ་ཡིན། སྒྱུ་མེད་པ་རྣམས་ཀྱི་ཕྱིར་མ་ཡིན། ཚུལ་ཁྲིམས་དང་ལྡན་པ་རྣམས་ཀྱི་ཕྱིར་མ་ཡིན་ཏེ། ཡོན་ཏན་དང་ལྡན་པ་རྣམས་ཀྱི་ཕྱིར་བདག་གིས་གོ་ཆ་མ་བགོས་ཀྱིས། ཅི་ནས་བདག་གི་རྩོལ་བ་དོན་ཡོད་པར་འགྱུར་བ་དང་། སེམས་ཅན་རྣམས་ཀྱིས་བདག་མཐོང་མ་ཐག་ཏུ་དགའ་བ་དང་། དད་པ་འཐོབ་པར་འགྱུར་བ་དེ་ལྟར་བྱའོ།། དེ་ལྟར་བསྒྲུབ་བོ།། དེ་ལྟར་བརྩོན་འགྲུས་བརྩམ་པར་བྱའོ། སྙམ་མོ།། ཁྱིམ་བདག་གལ་ཏེ་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་གནས་པའི་བྱང་ཆུབ་སེམས་དཔའ་དེས་ཕྱོགས་དེར་མ་བསྐུལ་ཏམ། དྲན་པར་མ་བྱས་ཏེ། སེམས་ཅན་རྣམས་ངན་འགྲོ་གང་ཡང་རུང་བ་ཞིག་ཏུ་སྐྱེས་པར་གྱུར་ན། བྱང་ཆུབ་སེམས་དཔའ་དེ་ནི་དེ་བཞིན་གཤེགས་པ་རྣམས་ཀྱིས་སྨད་པ་ཡིན་ནོ། ། ཁྱིམ་བདག་འདི་ལྟ་སྟེ། དཔེར་ན་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་སྨན་པ་མཁས་པ་ཞིག་གནས་པ་དེས། ཐ་ན་སེམས་ཅན་འགའ་ཞིག་གི་དུག་ཞི་བར་མ་ནུས་ཏེ། འཆི་བའི་དུས་བྱེད་པར་གྱུར་ན་སྨན་པ་དེ་སྐྱེ་བོ་མང་པོས་སྨད་པར་འགྱུར་རོ།། ཁྱིམ་བདག་དེ་བཞིན་དུ་གྲོང་ངམ། གྲོང་ཁྱེར་རམ། གྲོང་རྡལ་ལམ་ལྗོངས་སམ། ལྗོངས་ཀྱི་ཕྱོགས་གང་ན་བྱང་ཆུབ་སེམས་དཔའ་གནས་པ་དེས། དེའི་ཕྱོགས་སུ་ཐ་ན་སེམས་ཅན་འགའ་ཙམ་ལའང་མ་བསྐུལ་ཏམ། དྲན་པར་མ་བྱས་ཏེ། ངན་འགྲོ་གང་ཡང་རུང་བ་ཞིག་དུ་སྐྱེ་བར་གྱུར་ན། བྱང་ཆུབ་སེམས་དཔའ་དེ་དེ་བཞིན་གཤེགས་པ་རྣམས་ཀྱིས་སྨད་པ་ཡིན་ནོ།། ཁྱིམ་བདག་དེ་བས་ན་འདི་ལ་བྱང་ཆུབ་སེམས་དཔའ་ཁྱིམ་པས་ཅི་ནས་གྲོང་ངམ། གྲོང་ཁྱེར་རམ། གྲོང་རྡལ་ལམ། ལྗོངས་སམ། ལྗོངས་ཀྱི་ཕྱོགས་གང་ན་གནས་པ་དེས་བདག་གིས་སེམས་ཅན་འགའ་ཡང་ལོག་པར་ལྟུང་བར་འགྲོ་བར་མི་འགྱུར་བ་དེ་ལྟར་བྱའོ།། དེ་ལྟར་བསྒྲུབ་བོ། ། དེ་ལྟར་བརྩོན་འགྲུས་བརྩམ་མོ་སྙམ་པའི་གོ་ཆ་དེ་ལྟ་བུ་བགོ་བར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པའི་ཉེས་པ་མ་མཁས་པར་བྱའོ། ། དེས་འདི་ལྟར་སོ་སོར་བསླབ་པར་བྱ་སྟེ། ཁྱིམ་ཞེས་བྱ་བ་འདི་ནི་དགེ་བའི་རྩ་བ་རྣམས་འཇོམས་པར་བྱེད་པ། འབྱུང་བ་སུན་འབྱིན་པ། དགེ་བའི་སྡོང་པོ་འགྱེལ་བར་བྱེད་པ་སྟེ། དེའི་ཕྱིར་ཁྱིམ་ཞེས་བྱའོ།། ཁྱིམ་ན་གནས་པ་ཞེས་བྱ་བ་འདི་ནི་ཉོན་མོངས་པ་ཐམས་ཅད་ཀྱི་གནས། མི་དགེ་བའི་རྩ་བ་ལ་རྣམ་པར་རྟོག་པ་རྣམས་ཀྱི་གནས་བྱིས་པ་སོ་སོའི་སྐྱེ་བོ་མ་དུལ་བ་མ་སྦས་པ་རྣམས་ཀྱི་གནས། མི་དགེ་བ་སྤྱོད་པ་རྣམས་ཀྱི་གནས། སྐྱེ་བོ་ངན་པ་འདུས་པ་ཡིན་ཏེ། དེའི་ཕྱིར་ན་གནས་པ་ཞེས་བྱའོ།། ཁྱིམ་ན་གནས་པ་ཞེས་བྱ་བ་འདི་ནི་སྡུག་བསྔལ་གྱི་ཆོས་ཐམས་ཅད་ཀྱི་གནས་ཤེས་བརྗོད་པའོ། ། འདི་ནི་སྔོན་གོམས་པར་བྱས་པའི་དགེ་བའི་རྩ་བ་རྣམས་ཉམས་པར་བྱེད་པ་སྟེ། དེའི་ཕྱིར་ཁྱིམ་ན་གནས་པ་ཞེས་བྱའོ།། ཁྱིམ་ཞེས་བྱ་བ་འདི་ནི་དེར་གནས་ནས་བྱ་བའི་མི་རིགས་པ་བྱེད་པའོ། ། དེར་གནས་ནས་ཕ་དང་། མ་དང་། དགེ་སྦྱོང་དང་། བྲམ་ཟེ་ལ་མི་གུས་པར་འགྱུར་བ་ཡིན་ཏེ། དེའི་ཕྱིར་ཁྱིམ་ཞེས་བྱའོ།། ཁྱིམ་ཞེས་བྱ་བ་འདི་ནི་སྲེད་པའི་འཁྲི་ཤིང་ལ་མངོན་པར་དགའ་བའི་ཕྱིར་མྱ་ངན་དང་། སྨེ་དགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། ཁྲུག་པ་རྣམས་འབྱུང་སྟེ། དེའི་ཕྱིར་ཁྱིམ་ཞེས་བྱའོ།། ཁྱིམ་ཞེས་བྱ་བ་འདི་ནི་བསད་པ་དང་། བཅིང་བ་དང་། བརྡེག་པ་དང་། བསྡིགས་པ་དང་། གཙེ་བ་དང་། མི་སྙན་པ་དང་། གཤེ་བ་དང་། ངན་དུ་བརྗོད་པ་དང་། ངན་དུ་བྱ་བའི་ཚིག་གི་ལམ་རྣམས་འདུ་བ་སྟེ། དེའི་ཕྱིར་ཁྱིམ་ཞེས་བྱའོ།། ཁྱིམ་ཞེས་བྱ་བ་འདི་ནི་དགེ་བའི་རྩ་བ་མ་བྱས་པ་མི་འཛུགས་པའོ།། དགེ་བའི་རྩ་བ་བྱས་པ་རྣམས་རྣམ་པར་འཇིག་པའོ། ། མཁས་པ་རྣམས་དང་། སངས་རྒྱས་དང་། སངས་རྒྱས་ཀྱི་ཉན་ཐོས་ཐམས་ཅད་ཀྱིས་སྨད་པའོ།། འདི་ལ་གནས་པ་ནི་ངན་འགྲོར་འགྲོ་བར་འགྱུར་རོ། ། འདི་ལ་གནས་པ་ནི་འདོད་ཆགས་ཀྱིས་འགྲོ་བ་མ་ཡིན་པར་འགྲོ་བའོ།། ཞེ་སྡང་དང་། འཇིགས་པ་དང་། གཏི་མུག་གིས་འགྲོ་བ་མ་ཡིན་པར་འགྲོ་བ་སྟེ། དེའི་ཕྱིར་ཁྱིམ་ཞེས་བྱའོ།། འདི་ནི་ཚུལ་ཁྲིམས་ཀྱི་ཕུང་པོ་ཀུན་མི་སྲུང་བའོ། ། ཏིང་ངེ་འཛིན་གྱི་ཕུང་པོ་འདོར་བའོ།། ཤེས་རབ་ཀྱི་ཕུང་པོ་ལ་མི་འཇུག་པའོ།། རྣམ་པར་གྲོལ་བའི་ཕུང་པོ་མི་འཐོབ་པའོ།། རྣམ་པར་གྲོལ་བའི་ཡེ་མཐོང་བའི་ཕུང་པོ་མི་སྐྱེད་པ་སྟེ། དེའི་ཕྱིར་ཁྱིམ་ཞེས་བྱའོ།། འདི་ལ་གནས་ནི་ཕ་མ་དང་། བུ་དང་། ཆུང་མ་དང་། བྲན་ཕོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དང་། མཛའ་བཤེས་དང་། བློན་པོ་དང་། ཉེ་དུ་དང་། སྣག་གི་གཉེན་མཚམས་དང་། གཡོག་ཡོངས་སུ་འཛིན་པ་ལ་སྲེད་པ་ཡིན་ནོ།། ཁྱིམ་ན་གནས་པ་འདི་ནི་རྒྱ་མཚོ་ལ་ཆུ་བྲན་ལྟར་དགང་དཀའ་བའོ། ། ཁྱིམ་ན་གནས་པ་ནི་མེ་ལ་ཤིང་ལྟར་ཆོག་མི་ཤེས་པའོ།། ཁྱིམ་ན་གནས་པ་ནི་ཐུག་པ་མེད་པའི་ཚུལ་གྱིས་རླུང་མར་ལྟར་ཐུག་པ་མེད་པར་རྣམ་པར་རྟོག་པའོ།། ཁྱིམ་ན་གནས་པ་ནི་འཇིག་པས་བྱེ་མའི་གྲོང་ཁྱེར་ལྟར་འཇིག་པའོ། ། སྦྱིམ་ན་གནས་པ་ནི་ཁ་ཟས་བཟང་པོ་དྲུགུ་དང་འདྲེས་པ་ལྟར་འདྲེས་པའོ།། ཁྱིམ་ན་གནས་པ་ནི་མི་མཛའ་བ་བཞིན་དུ་མཐུན་པ་མ་ཡིན་པས་རྟག་ཏུ་སྡུག་བསྔལ་བའོ། ། ཁྱིམ་ན་གནས་པ་ནི་འཕགས་པའི་ཆོས་བསྒྲུབ་པ་ལ་བར་ཆད་བྱེད་པའོ།། ཁྱིམ་ན་གནས་པ་ནི་ཕན་ཚུན་གྱི་རྐྱེན་གྱིས་འཐབ་པའོ།། ཁྱིམ་ན་གནས་པ་ནི་གཅིག་ལ་གཅིག་གནོད་པར་སེམས་པས་རྟག་དུ་མི་མཐུན་པའོ། ། ཁྱིམ་ན་གནས་པ་ནི་ལེགས་པར་བྱས་པ་དང་། ཉེས་པར་བྱས་པའི་ལས་ཀྱི་མཐའ་ལ་སྦྱོར་བས་གནོད་པ་མང་བའོ།། ཁྱིམ་ན་གནས་པ་ནི་ལས་ཀྱི་མཐའ་ཐུག་པ་མེད་པས་རྟག་ཏུ་བརྩོན་པའོ། ། ཁྱིམ་ན་གནས་པ་ནི་ཡུན་རིང་པོ་ནས་བསགས་པ་རྣམ་པར་འཇིག་པའི་ཆོས་ཅན་གྱི་ཕྱིར་མི་རྟག་པའོ།། ཁྱིམ་ན་གནས་པ་ནི་དངོས་པོ་ཀུན་ཏུ་ཚོལ་ཞིང་ཡོངས་སུ་བསྲུང་བས་སྡུག་བསྔལ་བའོ། ། ཁྱིམ་ན་གནས་པ་ནི་དགྲ་ལྟར་མི་མཛའ་བས་རྟག་ཏུ་བཀ་ཚ་བའོ།། ཁྱིམ་ན་གནས་པ་ནི་ཕྱིན་ཅི་ལོག་གིས་ཟིན་པས་བག་མེད་པའོ།། ཁྱིམ་ན་གནས་པ་ནི་རང་གི་དཔྱོད་པས་རྣམ་པར་བསྒྲུབས་ཏེ་ངོ་ཉིད་སྟོན་པས་གར་མཁན་གྱི་ཚོན་དང་འདྲའོ། ། ཁྱིམ་ན་གནས་པ་ནི་མྱུར་དུ་ཕན་ཚུན་འགྱེས་པས་མཐར་རྒུད་ཅིང་འགྱུར་བའོ།། ཁྱིམ་ན་གནས་པ་ནི་སྐྱེ་བོ་གློ་བུར་དུ་འདུས་པས་རྟག་ཏུ་ངོ་བོ་ཉིད་མེད་པའི་ཕྱིར་སྒྱུ་མ་ལ་ལྟ་བ་དང་མཚུངས་སོ། ། ཁྱིམ་ན་གནས་པ་ནི་ཕུན་སུམ་ཚོགས་པ་ཐམས་ཅད་ཀྱང་མཐར་ཆུད་པར་འགྱུར་བས་རྨི་ལམ་དང་མཚུངས་སོ།། ཁྱིམ་ན་གནས་པ་ནི་མྱུར་དུ་འབྲལ་བས་ཟིལ་པའི་ཐིགས་པ་དང་མཚུངས་སོ།། ཁྱིམ་ན་གནས་པ་ནི་རོ་བྲོ་བ་ཆུང་ངུ་ཡོངས་སུ་འཇལ་བས་སྦྲང་རྩིའི་ཐིགས་པ་དང་མཚུངས་སོ།། ཁྱིམ་ན་གནས་པ་ནི་གཟུགས་དང་། སྐུ་དང་། དྲི་དང་། རོ་དང་། རེག་བྱ་དང་། ཆོས་ཀྱིས་ཡོངས་སུ་གཟེར་བས་ཚེར་མའི་དྲ་བ་དང་མཚུངས་སོ།། ཁྱིམ་ན་གནས་པ་ནི་མི་དགེ་བ་ལ་རྣམ་པར་རྟོག་པས་ཡོངས་མི་སྐྱོ་བའི་ཕྱིར་ཁ་གབ་ཅན་གྱི་སྲོག་ཆགས་དང་མཚུངས་སོ།། ཁྱིམ་ན་གནས་པ་ནི་གཅིག་ལ་གཅིག་འདྲིད་པས་སྲོག་རྣམ་པར་འཇིག་པའོ། ། ཁྱིམ་ན་གནས་པ་ནི་སེམས་རྙོག་པ་ཅན་དུ་བྱེད་པས་རྟག་ཏུ་འཁྲུག་པའོ།། ཁྱིམ་ན་གནས་པ་ནི་རྒྱལ་པོ་དང་། ཆོམ་རྐུན་དང་། མེ་དང་། ཆུ་དང་། བགོ་སྐལ་ལ་སྤྱོད་པས་རྣམ་པར་འཇོམས་པའི་ཕྱིར་ཐུན་མོང་པའོ།། ཁྱིམ་ན་གནས་པ་ནི་ཉེས་དམིགས་མང་བས་རོ་བྲོ་བ་ཆུང་བའོ།། ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་ཁྱིམ་ན་གནས་པའི་ཉེས་པ་ལ་མཁས་པར་བྱའོ། ། ཁྱིམ་བདག་གཞན་ཞིག་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་། ངེས་པ་མང་དུ་བྱའོ།། དེས་ཡང་འདི་ལྟར་བརྟག་པར་བྱ་སྟེ། གང་བྱིན་པ་དེ་ནི་བདག་གི་ཡིན་ནོ།། ཁྱིམ་ན་བཞག་པ་དེ་ནི་བདག་གི་མ་ཡིན་ནོ།། གང་བྱིན་པ་དེ་ནི་སྙིང་པོ་ཅན་ནོ།། གང་ཁྱིམ་ན་བཞག་པ་དེ་ནི་སྙིང་པོ་མེད་པའོ། ། གང་བྱིན་པ་དེ་ནི་གཞན་དུ་བདེ་བའོ།། གང་ཁྱིམ་ན་བཞག་པ་དེ་ནི་ད་ལྟར་བྱུང་བ་ན་བདེ་བའོ།། གང་བྱིན་པ་དེ་ནི་ཡང་བསྲུང་བར་བྱ་བ་མ་ཡིན་པའོ།། གང་ཁྱིམ་ན་བཞག་པ་དེ་ནི་བསྲུང་བར་བྱ་བའོ། ། གང་བྱིན་པ་དེ་ནི་སྲེད་པ་ཟད་པར་འགྱུར་བའོ།། གང་ཁྱིམ་ན་བཞག་པ་དེ་ནི་སྲེད་པ་རྣམ་པར་འཕེལ་བའོ།། གང་བྱིན་པ་དེ་ནི་བདག་གི་བ་མེད་པའོ།། གང་ཁྱིམ་ན་བཞག་པ་དེ་ནི་བདག་གི་དང་བཅས་པའོ། ། གང་བྱིན་པ་དེ་ནི་ཡོངས་སུ་མི་འཛིན་པའོ།། གང་ཁྱིམ་ན་བཞག་པ་དེ་ནི་འཛིན་པ་དང་བཅས་པའོ།། གང་བྱིན་པ་དེ་ནི་འཇིགས་པ་མེད་པའོ།། གང་ཁྱིམ་ན་བཞག་པ་དེ་ནི་འཇིགས་པ་དང་བཅས་པའོ།། གང་བྱིན་པ་དེ་ནི་བྱང་ཆུབ་ཀྱི་ལམ་ཉེ་བར་རྟོན་པའོ།། གང་ཁྱིམ་ན་བཞག་པ་དེ་ནི་བདུད་ཀྱི་ཕྱོགས་ཉེ་བར་རྟོན་པའོ།། གང་བྱིན་པ་དེ་ནི། ཟད་མི་ཤེས་པའོ།། གང་ཁྱིམ་ན་བཞག་པ་དེ་ནི་ཟད་པར་འགྱུར་བའོ།། གང་བྱིན་པ་དེ་ནི་བདེ་བའོ།། གང་ཁྱིམ་ན་བཞག་པ་དེ་ནི་ཀུན་བསྲུང་དགོས་པས་སྡུག་བསྔལ་བའོ།། གང་བྱིན་པ་དེ་ནི། ཉོན་མོངས་པ་སྤོང་བར་འགྱུར་བའོ།། གང་ཁྱིམ་ན་ཡོད་པ་དེ་ནི་ཉོན་མོངས་པ་འཕེལ་བར་བྱེད་པའོ།། གང་བྱིན་པ་དེ་ནི་ལོངས་སྤྱོད་ཆེན་པོར་འགྱུར་བའོ།། གང་ཁྱིམ་ན་བཞག་པ་དེ་ནི་ལོངས་སྤྱོད་ཆེན་པོར་མི་འགྱུར་བའོ། ། གང་བྱིན་པ་དེ་ནི་སྐྱེས་བུ་དམ་པའི་ལས་སོ།། གང་ཁྱིམ་ན་བཞག་པ་དེ་ནི་སྐྱེས་བུ་ངན་པའི་ལས་སོ།། གང་བྱིན་པ་དེ་ནི་སངས་རྒྱས་ཐམས་ཅད་ཀྱིས་བསྔགས་པའོ།། གང་ཁྱིམ་ན་བཞག་པ་དེ་ནི་བྱིས་པའི་སྐྱེ་བོ་ས་བསྔགས་པའོ་སྙམ་དུ་བརྟག་པར་བྱའོ།། ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པས་སྙིང་པོ་བླང་བར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། དགེ་བའི་བཤེས་གཉེན་དུ་འདུ་ཤེས་པ་དང་། ཚེ་བརྗེས་ནས་ལོངས་སྤྱོད་ཆེན་པོར་འགྱུར་བར་འདུ་ཤེས་པ་དང་། བྱང་ཆུབ་ཀྱི་ལམ་ཉེ་བར་རྟོན་པར་འདུ་ཤེས་པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་པོ་དེ་དག་བསྐྱེད་པར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། སེར་སྣ་ཚར་བཅད་པའི་འདུ་ཤེས་དང་། བདོག། པ་ཐམས་ཅད་ཡོངས་སུ་གཏོང་བའི་འདུ་ཤེས་དང་། ཐམས་ཅད་མཁྱེན་པའི་ཡེ་ཤེས་ལ་ལྟ་བའི་འདུ་ཤེས་ཏེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་པོ་དེ་དག་བསྐྱེད་པར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། དེ་བཞིན་གཤེགས་པའི་བཀའ་བཞིན་དུ་བྱ་བའི་འདུ་ཤེས་དང་། བདུད་ཚར་བཅད་པའི་འདུ་ཤེས་དང་། རྣམ་པར་སྨིན་པ་ལ་རེ་བ་མེད་པའི་འདུ་ཤེས་ཏེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་པོ་དེ་དག་བསྐྱེད་པར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། སློང་བ་ལ་གཡོག་ཏུ་འདུ་ཤེས་པ་དང་། བསྡུ་བའི་དངོས་པོས་མི་གཏང་བར་འདུ་ཤེས་པ་དང་། དམ་པ་མ་ཡིན་པ་ཡོངས་སུ་འཛིན་པ་ལས་འབྱུང་བར་འདུ་ཤེས་པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་པོ་དེ་དག་བསྐྱེད་པར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། འདོད་ཆགས་དང་བྲལ་བའི་འདུ་ཤེས་དང་། བྱམས་པ་བསྒོམ་པའི་འདུ་ཤེས་དང་། གཏི་མུག་ལ་མི་འཇུག་པའི་འདུ་ཤེས་ཏེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདུ་ཤེས་གསུམ་པོ་དེ་དག་བསྐྱེད་པར་བྱའོ། ། དེ་ཅིའི་ཕྱིར་ཞེ་ན། ཁྱིམ་བདག་འདི་ལྟར་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདོད་ཆགས་དང་། ཞེ་སྡང་དང་། གཏི་མུག་སྲབ་མོར་འགྱུར་རོ། ། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདོད་ཆགས་དང་། ཞེ་སྡང་དང་། གཏི་མུག་སྲབ་མོར་འགྱུར་ཞེ་ན། གང་དེའི་དངོས་པོ་ལ་བཏང་སྙོམས་ཤིང་ཡོངས་སུ་གཏོང་བ་འདི་ནི་དེའི་འདོད་ཆགས་སྲབ་པའོ། ། གང་སློང་བ་དེ་དག་ལ་བྱམས་པ་ཉེ་བར་བསྒྲུབ་པ་འདི་ནི་དེའི་ཞེ་སྡང་སྲབ་པའོ།། གང་དངོས་པོ་བྱིན་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོ་བ་འདི་ནི་དེའི་གཏི་མུག་སྲབ་པའོ། ། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན་འདོད་ཆགས་དང་། ཞེ་སྡང་དང་། གཏི་མུག་སྲབ་མོར་འགྱུར་རོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་སློང་བ་མཐོང་ན། ཕ་རོལ་ཏུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་ཏེ། ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པས་དངོས་པོ་གང་ཡང་རུང་བ་ཞིག་བསླངས་མ་ཐག་ཏུ་དངོས་པོ་དེ་ལ་སེམས་ཀྱིས་འཛིན་པར་མི་བྱེད་དེ། དེ་ལྟར་ན་དེའི་སྦྱིན་པའི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ། ། གང་བྱང་ཆུབ་ཀྱི་སེམས་ལ་བརྟེན་ནས་ཡོངས་སུ་གཏོང་སྟེ། དེ་ལྟར་ན་དེའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། གང་སློང་བ་དེ་དག་ལ་བྱམས་པ་ཉེ་བར་བསྒྲུབ་སྟེ་མི་ཁྲོ་ཞིང་གནོད་སེམས་མི་བྱེད་དེ། དེ་ལྟར་ན་དེའི་བཟོད་པའི་ཕ་རོལ་དུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། གལ་ཏེ་བྱིན་ན་ཅི་སྤྱད་སྙམ་དུ་འདི་ལྟར་སེམས་གཡོ་བས་ཞུམ་པ་མེད་དེ། དེ་ལྟར་ན་དེའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། གང་སྤོང་བ་ལ་བྱིན་ཏེ་བྱིན་ནས་ཀྱང་གདུང་བ་མེད་ཅིང་འགྱོད་པ་མེད་པ་ཡིན། གོང་དུའང་དཀའ་ཞིང་རབ་ཏུ་མགུ་སྟེ་བདེ་བ་དང་། ཡིད་བདེ་བ་སྐྱེ་ཞིང་གང་བྱང་ཆུབ་ཀྱི་སེམས་ལ་གནས་ནས་གཏོང་སྟེ། དེ་ལྟར་ན་དེའི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ།། བྱིན་ནས་ཀྱང་གང་ཆོས་ཐམས་ཅད་མི་དམིགས་ཤིང་རྣམ་པར་སྨིན་པ་ལ་མི་རེ་སྟེ། ཇི་ལྟར་མཁས་པ་དེ་དག་ཆོས་གང་ལའང་མངོན་པར་མ་ཞེན་པ་དེ་ལྟར་མངོན་པར་ཞེན་པ་མེད་པས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་སྔོ་སྟེ། དེ་ལྟར་ན་དེའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། །། བམ་པོ་གཉིས་པ།། །། ཁྱིམ་བདག་དེ་ལྟར་ན་བྱང་། ཆུབ་སེམས་དཔའ་ཁྱིམ་པས་སློང་བ་མཐོང་ན། ཕ་རོལ་ཏུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་རྗེས་སུ་ཆགས་པ་དང་། ཁོང་ཁྲོ་བ་མེད་པས་འཇིག་རྟེན་གྱི་ཆོས་བརྒྱད་ལ་མཉམ་པ་ཉིད་ཐོབ་པར་བྱའོ།། དེས་ལོངས་སྤྱོད་རྙེད་དམ། ཆུང་མ་རྙེད་དམ། བུ་རྙེད་དམ། ནོར་རྙེད་དམ། འབྲུ་རྙེད་ཀྱང་ཁེངས་པར་ཡང་མི་བྱ།། དགའ་བར་ཡང་མི་བྱ། ཐམས་ཅད་མ་འབྱོར་ཀྱང་དེས་ཞུམ་པར་ཡང་མི་བྱ། ཡི་མུག་པར་ཡང་མི་བྱའི། དེས་འདི་ལྟར་བརྟག་པར་བྱ་སྟེ། འདུས་བྱས་ཐམས་ཅད་ནི་སྒྱུ་མ་བྱས་པ་རྣམ་པར་བསྒྲུབས་པས་སོ། སོར་ཉེ་བར་གནས་པའི་མཚན་ཉིད་དོ།། འདི་ལྟ་སྟེ། ཕ་མ་དང་། བུ་དང་། ཆུང་མ་དང་། བྲན་ཕོ་དང་། བྲན་མོ་དང་། ལས་བྱེད་པ་དང་། ཞོ་ཤས་འཚོ་བ་དང་། མཛའ་བཤེས་དང་། བློན་པོ་དང་ཉེ་དུ་དང་། སྣག་གི་གཉེན་མཚམས་དེ་དག་ནི་ལྔ་ཀྱི་རྣམ་པར་སྨིན་པས་གྲུབ་པ་ཡིན་ཏེ། དེ་དག་ཀྱང་བདག་གི་མ་ཡིན། བདག་ཀྱང་དེ་དག་གི་མ་ཡིན་ནོ།། དེ་ཅིའི་ཕྱིར་ཞེ་ན། ཕ་མ་ལ་སོགས་པ་དེ་དག་ནི་བདག་གི་མགོན་ནམ། སྐྱབས་སམ། དཔུང་གཉེན་ནམ། གནས་སམ། གླིང་ངམ། བདག་གམ། བདག་གི་བ་མ་ཡིན་ནོ།། གང་བདག་གི་ཟིན་པའི་ཕུང་པོ་དང་། ཁམས་དང་། སྐྱེ་མཆེད་དེ་དག་ཀྱང་བདག་མ་ཡིན། བདག་གི་མ་ཡིན་ན། གང་བདག་གི་ཕ་མ་ལ་སོགས་པ་དེ་དག་བདག་དང་། བདག་གིར་འགྱུར་བ་དང་། བདག་ཀྱང་དེ་དག་གི་ཡིན་པ་ལྟ་སྨོས་ཀྱང་ཅི་དགོས། དེ་ཅིའི་ཕྱིར་ཞེ་ན། བདག་ཀྱང་ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ་ཡིན་ཏེ། ལས་དགེ་བའམ། སྡིག་པའམ། གང་དང་གང་བྱས་པ་དེ་དང་དེ་ཉིད་ཀྱི་བགོ་སྐལ་ལ་སྤྱོད་པར་འགྱུར། དེ་དང་དེ་ཉིད་ཀྱི་འབྲས་བུ་སོ་སོར་མྱོང་ངོ་།། དེ་དང་དེ་ཉིད་ཀྱི་རྣམ་པར་སྨིན་པ་ལ་སྤྱོད་དོ།། འདི་དག་ཀྱང་ལས་བདག་གིར་བྱ་བ། ལས་ཀྱི་བགོ་སྐལ་ལ་སྤྱོད་པ་ཡིན་ཏེ། ལས་དགེ་བ་འམ། སྡིག་པ་འམ། གང་དང་གང་བྱས་པ་དེ་དང་དེ་ཉིད་ཀྱི་བགོ་སྐལ་ལ་སྤྱོད་པར་འགྱུར། དེ་དང་དེ་ཉིད་ཀྱི་རྣམ་པར་སྨིན་པ་སོ་སོར་མྱོང་བར་འགྱུར། དེ་དང་དེ་ཉིད་ཀྱི་འབྲས་བུ་སོ་སོར་མྱོང་བར་འགྱུར་རོ།། དེ་དག་གི་ཕྱིར་བདག་མི་དགེ་བའི་ལས་མངོན་པར་འདུ་བྱ་བ་ནི་བདག་གི་ཆ་མ་ཡིན་ཏེ། འདི་དག་ནི་ཚེ་འདི་ལ་བདེ་བའི་ཕྱིར་བདག་གིར་བྱ་བ་ཡིན་གྱི། ཚེ་གཞན་ལ་བདེ་བ་བདག་གིར་བྱ་བ་ནི་མ་ཡིན་ནོ།། བདག་གི་གང་ཡིན་པ་དེ་ལ་བདག་འཇུག་པར་བྱ་སྟེ། འདི་ལྟ་སྟེ། སྦྱིན་པ་དང་། དུལ་བ་དང་། ཡང་དག་པར་སྡོམ་པ་དང་། བཟོད་པ་དང་། དེས་པ་དང་། བརྩོན་འགྲུས་དང་། བག་ཡོད་པ་དང་། བྱང་ཆུབ་ཀྱི་ཡན་ལག་སྡུད་ཅིང་མངོན་པར་སྒྲུབ་པའི་དགེ་བ་དེ་ནི་བདག་གི་ཡིན་ཏེ། གང་དུ་བདག་འགྲོ་བར་འགྱུར་བའི་ལམ་དེར་འདི་དག་ཀྱང་འགྲོ་བར་འགྱུར་རོ་སྙམ་སྟེ། དེ་སྲོག་གི་ཕྱིར་རམ། བུ་དང་ཆུང་མའི་ཕྱིར་ཡང་སྡིག་པའི་ལས་མངོན་པར་འདུ་མི་བྱེད་དོ། ། ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་དེས། རང་གི་རླུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། མི་རྟག་པའི། འདུ་ཤེས་དང་། མི་བརྟན་པའི་འདུ་ཤེས་དང་། འགྱུར་བའི་འདུ་ཤེས་ཏེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་པོ་དེ་དག་བསྐྱེད་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། འདི་ནི་དགའ་ཞིང་རྩེ་བའི་གྲོགས་ཡིན་གྱི། འདི་ནི་འཇིག་རྟེན་པ་རོལ་གྱི་གྲོགས་ནི་མ་ཡིན་ནོ། ། འདི་ནི་བཟའ་བ་དང་བདུང་བའི་གྲོགས་ཡིན་གྱི། འདི་ནི་ལས་ཀྱི་རྣམ་པར་སྨིན་པ་མྱོང་བའི་གྲོགས་ནི་མ་ཡིན་ནོ།། འདི་ནི་བདེ་བའི་གྲོགས་ཡིན་གྱི། འདི་ནི་སྡུག་བསྔལ་གྱི་གྲོགས་ནི་མ་ཡིན་ནོ་སྙམ་པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་པོ་དེ་དག་བསྐྱེད་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། མི་གཙང་བར་འདུ་ཤེས་པ་དང་། དྲི་ང་བར་འདུ་ཤེས་པ་དང་། མི་མཐུན་པར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། དགྲར་འདུ་ཤེས་པ་དང་། གཤེད་མར་འདུ་ཤེས་པ་དང་། ཕྱིར་རྒོལ་བར་འདུ་ཤེས་པའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཤ་ཟ་མོར་འདུ་ཤེས་པ་དང་། སྲིན་མོར་འདུ་ཤེས་པ་དང་། གཟུགས་མི་སྡུག་པར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། དགང་དཀའ་བར་འདུ་ཤེས་པ་དང་། གཏིང་དུ་འདུ་ཤེས་པ་དང་། བྱས་པ་མི་གཟོ་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ། སྟེ། གསུམ་གང་ཞེ་ན། སེམས་ཅན་དམྱལ་བར་འགྲོ་བར་འདུ་ཤེས་པ་དང་། དུད་འགྲོའི་སྐྱེ་གནས་སུ་འགྲོ་བར་འདུ་ཤེས་པ་དང་། གཤིན་རྗེའི་འཇིག་རྟེན་དུ་འགྲོ་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཁུར་དུ་འདུ་ཤེས་པ་དང་། སྲིད་པར་འདུ་ཤེས་པ་དང་། སྲིད་པ་ཡོངས་སུ་འཛིན་པར་འདུ་ཤེས་པའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། བདག་གི་བ་མ་ཡིན་པར་འདུ་ཤེས་པ་དང་། ཡོངས་སུ་འཛིན་པ་མེད་པར་འདུ་ཤེས་པ་དང་། བརྙན་མར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ལུས་ཀྱིས་ཉེས་པར་སྤྱོད་པའི་གནས་སུ་འདུ་ཤེས་པ་དང་། ངག་གིས་ཉེས་པར་སྤྱོད་པའི་གནས་སུ་འདུ་ཤེས་པ་དང་། ཡིད་ཀྱིས་ཉེས་པར་སྤྱོད་པའི་གནས་སུ་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། འདོད་པའི་རྣམ་པར་རྟོག་པའི་གནས་སུ་འདུ་ཤེས་པ་དང་། གནོད་སེམས་ཀྱི་རྣམ་པར་རྟོག་པའི་གནས་སུ་འདུ་ཤེས་པ་དང་། རྣམ་པར་འཚེ་བའི་རྣམ་པར་རྟོག་པའི་གནས་སུ་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཁྲི་མོན་དུ་འདུ་ཤེས་པ་དང་། གསོད་པར་འདུ་ཤེས་པ་དང་། འཆིང་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཚུལ་ཁྲིམས་ཀྱི་བར་དུ་གཅོད་པར་འདུ་ཤེས་པ་དང་། ཏིང་ངེ་འཛིན་གྱི་བར་དུ་གཅོད་པར་འདུ་ཤེས་པ་དང་། ཤེས་རབ་ཀྱི་བར་དུ་གཅོད་པར་འདུ་ཤེས་པའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཁོག་ཅོར་དུ་འདུ་ཤེས་པ་དང་། རྙིར་འདུ་ཤེས་པ་དང་། རྒྱར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཡམས་ཀྱི་ནང་དུ་འདུ་ཤེས་པ་དང་། གནོད་པར་འདུ་ཤེས་པ་དང་། ནད་འགོ་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། འཐབ་པར་འདུ་ཤེས་པ་དང་། བྱུར་དུ་འདུ་ཤེས་པ་དང་། སེར་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ནད་དུ་འདུ་ཤེས་པ་དང་། རྒ་བར་འདུ་ཤེས་པ་དང་། འཆི་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། བདུད་དུ་འདུ་ཤེས་པ་དང་། བདུད་ལ་བརྟེན་པར་འདུ་ཤེས་པ་དང་། འཇིགས་པར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། མྱ་ངན་དུ་འདུ་ཤེས་པ་དང་། སྨྲེ་སྔགས་འདོན་པར་འདུ་ཤེས་པ་དང་། སྡུག་བསྔལ་དང་། ཡིད་མི་བདེ་བ་དང་། འཁྲུག་པར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། སྤྱང་མོ་ཆེན་མོར་འདུ་ཤེས་པ་དང་། ཆུ་སྲིན་ཆེན་མོར་འདུ་ཤེས་པ་དང་། བྱི་ལ་ཆེན་མོར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུ་སེམས་དཔའ་ཁྱིམ་པས་རང་གརྒྱ་མ་ལ་འདུ་ཤེས་གསུམ་བསྐྱེད་པརཿསྟེ། གསུམ་ཀ་ཤེནྟུ། སྦྲུ་ལ་ནག་མོར་འདུ་ཤེས་པ་དང་། ཆུ་མིན་གྱིས་པ་གསོད་པར་འདུ་ཤེས་པ་དང་། མངས་འབྲོག་ས་འདུ་པའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱསྟེ། གསུམ་གང་ཞེ་ན། མགོན་མེད་པར་འདུ་ཤེས་པ་དང་། སྐྱབས་མེད་པར་འདུ་ཤེས་པ་དང་། གནས་མེད་པར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། གང་བར་འདུ་ཤེས་པ་དང་། བྲི་བར་འདུ་ཤེས་པ་དང་། ན་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ། གསུམ་གང་ཞེ་ན། ཆོམ་རྐུན་དུ་འདུ་ཤེས་པ་དང་། བཙོན་སྲུངས་སུ་འདུ་ཤེས་པ་དང་། སེམས་ཅན་དམྱལ་བའི་སྲུངས་མར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཆུ་བོར་འདུ་ཤེས་པ་དང་། སྦྱོར་བར་འདུ་ཤེས་པ་དང་། མདུད་པར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། འདམ་དུ་འདུ་ཤེས་པ་དང་། ཆགས་པར་འདུ་ཤེས། པ་དང་། གློང་དུ་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཐག་པར་འདུ་ཤེས་པ་དང་། ཁོང་དྲིལ་དུ་འདུ་ཤེས་པ་དང་། རྙོང་དུ་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་གསུམ་གང་ཞེ་ན། མེ་མ་མུར་དུ་འདུ་ཤེས་པ་དང་། རྩཝ་མོའི་སྒྲོན་མ་ལྟ་བུར་འདུ་ཤེས་པ་དང་། ཆུ་གྲི་ལྟ་བུར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། དོན་མེད་པར་འདུ་ཤེས་པ་དང་། ཚེར་མར་འདུ་ཤེས་པ་དང་། དུག་ཏུ་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ལྷག་པར་སྒྲོ་འདོགས་པར་འདུ་ཤེས་པ་དང་། ལྷག་པར་ཀུན་ཏུ་གོས་པར་བྱེད་པར་འདུ་ཤེས་པ་དང་། ལྷག་པར་ཆགས་པར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། ཤར་གཉེར་བར་འདུ་ཤེས་པ་དང་། ཆད་པས་གཅོད་པར་འདུ་ཤེས་པ་དང་། མཚོན་མ་འཛིན་པར་འདུ་ཤེས་པའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། འགྱེད་པར་འདུ་ཤེས་པ་དང་། རྩོད་པར་འདུ་ཤེས་པ་དང་། མཚང་འདྲུ་བར་འདུ་ཤེས་པའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་རང་གི་ཆུང་མ་ལ་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། མི་སྡུག་པ་དང་ཕྲད་པར་འདུ་པ་དང་། སྡུག་པ་དང་བྲལ་བར་འདུ་ཤེས་པ་དང་། ཉམང་བར་འདུ་ཤེ་བའོ།། མདོན་ན་འཐབ་མོའི་དྲི་མར་འདུ་ཤེ་པ་དང་། འཐབ་མོའི་རྙོག་པ་ཐམས་ཅད་དུ་འདུ་ཤེས་པ་དང་། གནོད་པ་ཐམས་ཅད་ཀྱི་རྒྱུར་གྱུར་པར་འདུ་ཤེས་པ་དང་། མིདག་པབ་ཐམས་ཅད་ཀྱི་རྩ་བར་འདུ་ཤེས་བསྐྱེད་པར་བྱའོ། ། ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་འདི་ལྟ་བུའི་འདུ་ཤེས་ཡིད་ལ་བྱེད་པས་རང་གི་ཆུང་མ་ལ་བརྟག་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པས་བུ་ལ་ལྷག་པར་སྡུག་པའི་སེམས་བསྐྱེད་པར་མི་བྱའོ།། ཁྱིམ་བདག་གལ་ཏེ་དྲིས་བུ་ལ་ལྷག་པར་སྡུག་པའི་སེམས་བསྐྱེད་ལ། དེ་བཞིན་དུ་སེམས་ཅན་གཞན་ལ་མ་ཡིན་ན། དེས་སྤྱོ་བ་གསུམ་གྱིས་རང་གི་སེམས་ལ་སྤྱོ་བར་བྱ་སྟེ། གསུམ་གང་ཞེ་ན། བྱང་ཆུབ་ནི་སེམས་སྙོམས་པའི་བྱང་ཆུབ་སེམས་དཔའི་ཡིན་གྱི། སེམས་མི་སྙོམས་པའི་མ་ཡིན་ནོ།། བྱང་ཆུབ་ནི་ཡང་དག་པར་སྦྱོར། བའི་བྱང་ཆུབ་སེམས་དཔའི་ཡིན་གྱི། ལོག་པར་སྦྱོར་བའི་ནི་མ་ཡིན་ནོ།། བྱང་ཆུབ་ནི་ཐ་དད་པ་མེད་པར་སྤྱོད་པའི་བྱང་ཆུབ་སེམས་དཔའི་ཡིན་གྱི། ཐ་དད་དུ་སྤྱོད་པའི་ནི་མ་ཡིན་པ་སྟེ། སྤྱོ་བ་གསུམ་པོ་དེ་དག་གིས་རང་གི་སེམས་ལ་སྤྱོས་ནས། བུ་དེ་ལ་མི་སྡུག་པར་འདུ་ཤེས་བསྐྱེད་པར་བྱའོ།། འདི་ནི་མི་སྡུག་པ་སྟེ། བདག་གི་སྙིང་དུ་སྡུག་པ་མ་ཡིན་ན། གང་བདག་གིས་དེའི་དོན་དུ་བུ་དེ་ལ་ནི་ལྷག་པར་སྡུག་པ་བསྐྱེད་ལ། སེམས་ཅན་གཞན་ལ་ནི་དེ་ལྟ་མ་ཡིན་ན། སངས་རྒྱས་ཀྱིས་བཀའ་སྩལ་པའི་བསླབ་པ་དང་འགལ་བར་འགྱུར་རོ།། བདག་གིས་དེའི་ཕྱིར་དགེ་བའི་རྩ་བ་ལའང་གནོད་པར་བྱས། སྲོག་ལའང་བག་མེད་དེ་གནོད་པར་གྱུར་པས། འདི་ནི་བདག་ལ་གནོད་པ་བྱེད་པའོ།། བདག་དེའི་ཕྱིར་བྱང་ཆུབ་ཀྱི་ལམ་དང་མཐུན་པའི་ལམ་ལ་སྤྱོད་པས། འདི་ནི་བདག་ལ་ཕྱིར་རྒོལ་བའོ་སྙམ་དུ་འདུ་ཤེས་གསུམ་པོ་དེ་དག་བསྐྱེད་པར་བྱའོ། ། དེས་བུ་དེ་རྒྱུར་བྱ་སྟེ། ཇི་ལྟ་ཇི་ལྟ་བུར་བུ་དེ་ལ་སྡུག་པར་སེམས་པ་དང་ལྡན་པ་བཞིན་དུ་སེམས་ཅན་ཐམས་ཅད་ལ་བྱམས་པ་བསྐྱེད་པ་དང་། བདག་འཕངས་པར་སེམས་པ་དང་ལྡན་པ་བཞིན་དུ་བྱམས་པ་བསྐྱེད་པ་དེ་ལྟ་བུར་དེས་སེམས་བསྐྱེད་པར་བྱའོ། ། དེས་ཡང་འདི་ལྟར་འདིའང་གུད་ནས་འོངས་ལ། བདག་ཀྱང་གུད་ནས་འོངས་མོད་ཀྱི། སེམས་ཅན་ཐམས་ཅད་ཀྱང་སྔོན་བདག་གི་བུར་གྱུར་ལ། བདག་ཀྱང་སེམས་ཅན་ཐམས་ཅད་ཀྱི་བུར་གྱུར་ཏེ། འདི་ལ་ནི་བདག་གི་འམ། གཞན་གྱི་འམ། སུའི་སེམས་ཅན་གང་ཡང་མེད་དོ་སྙམ་དུ་ཚུལ་བཞིན་དུ་བརྟག་པར་བྱའོ།། དེ་ཅིའི་ཕྱིར་ཞེ་ན། མི་མཐུན་པའི་ཕྱིར་ཏེ། འགྲོ་བ་ལྔ་རྣམས་སུ་མཛའ་བ་ལས་ཀྱང་མི་མཛའ་བར་འགྱུར་བས། བདག་ནི་ཇི་ལྟར་སུ་དང་ཡང་མཛའ་བ་འམ། མི་མཛའ་བར་མི་འགྱུར་བ་དེ་ལྟར་བྱའོ།། དེ་ཅིའི་ཕྱིར་ཞེ་ན། མི་མཛའ་བ་གཟུང་ན་ནི་ཐམས་ཅད་ཀྱི་ཐམས་ཅད་དུ་བྱེད་མི་འདོད་པར་འགྱུར། མཛའ་བ་གཟུང་ན་ནི་ཧ་ཅང་བྱེད་འདོད་པར་འགྱུར་ཏེ། རྗེས་སུ་ཆགས་པ་དང་ཁོང་ཁྲོ་བའི་སེམས་གཉིས་ཀྱིས་ནི་ཆོས་མཉམ་པ་ཉིད་འོང་དུ་ཆུད་པར་བྱེད་མི་ནུས་སོ། ། དེ་ཅིའི་ཕྱིར་ཞེ་ན། མི་མཉམ་པར་སྤྱོད་པ་ནི་མི་མཉམ་པའི་འགྲོ་བར་འགྱུར། མཉམ་པར་སྤྱོད་པ་ནི་མཉམ་པར་འགྲོ་བར་འགྱུར་བའོ།། དེ་ལ་བདག་གིས་ནི་མི་མཉམ་པར་སྤྱོད་པར་མི་བྱའི། སེམས་ཅན་ཐམས་ཅད་ལ་མཉམ་པར་སྤྱོད་ན་ཐམས་ཅད་མཁྱེན་པ་ཁོང་དུ་ཆུད་པར་འགྱུར་རོ།། ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པས་དངོས་པོ་གང་ལའང་བདག་གི་སྙམ་དུ་ཡོངས་སུ་གཟུང་བར་མི་བྱ། ཆགས་པར་མི་བྱའོ།། གཡོ་དང་སྲེད་པའི་བག་ལ་ཉལ་བར་མི་བྱའོ།། ཁྱིམ་བདག་གལ་ཏེ་བྱང་ཆུབ་སེམས་དཔའ་ཁྱིམ་པའི་དྲུང་དུ་སློང་བ་འོངས་ལ། དངོས་པོ་ཞིག་བསླངས་པ་ལས་གལ་ཏེ་དེས་དངོས་པོ་མ་གཏང་ན། དེས་འདི་ལྟར་དངོས་པོ་འདི་བཏང་ཡང་རུང་། མ་གཏང་ཡང་རུང་སྟེ། བདག་ནི་དངོས་པོ་འདི་དང་གདོན་མི་ཟ་བར་འབྲལ་བར་འགྱུར། མི་འདོད་བཞིན་དུ་འཆི་བར་ཡང་འགྱུར་ཞིང་། དངོས་པོ་འདིས་ཀྱང་བདག་འདོར། བདག་གིས་ཀྱང་དངོས་པོ་འདི་འདོར་གྱི། དངོས་པོ་འདི་བཏུང་ལ་ཡིད་དགའ་བ་དང་། སྙིང་པོ་བླངས་ཏེ་འཆི་བའི་དུས་བྱའོ།། འདི་ཡོངས་སུ་བཏང་ན་བདག་འཆི་བའི་དུས་ཀྱི་ཚེ་སེམས་ཀུན་ནས་ཟིན་ཏེ་གནས་པར་མི་འགྱུར། འདིས་ནི་བདག་འཆི་བའི་དུས་ཀྱི་ཚེ། དགའ་བ་དང་། མཆོག་ཏུ་དགའ་བ་དང་། རངས་པ་དང་། འགྱོད་པ་མེད་པ་སྐྱེ་བར་འགྱུར་སྙམ་དུ་སེམས་ངེས་པར་བསམ་པར་བྱའོ།། གལ་ཏེ་དེ་ལྟར་བསམས་ཀྱང་དངོས་པོ་དེ་གཏོང་མ་ནུས་ན། དེས་སློང་བ་ལ་ཀུན་གོ་བར་བྱ་བ་གསུམ་གྱིས་གོ་བར་བྱ་སྟེ། བདག་ནི་ད་དུང་དུ་མཐུ་ཆུང་ཞིང་དགེ་བའི་རྩ་བ་ཡོངས་སུ་མ་སྨིན་ཏེ། ཐེག་པ་ཆེན་པོ་ལ་ལས་དང་པོ་པ་དང་། བདག་ནི་མི་གཏོང་བ་ལ་སེམས་ཀྱི་དབང་དུ་གྱུར་པ་དང་། བདག་ནི་ཉེ་བར་ལེན་པའི་ལྟ་བ་དང་བཅས་པ་དང་། བདག་ཏུ་འཛིན་པ་དང་། བདག་གིར་འཛིན་པ་ལ་གནས་པ་ལགས་ཀྱིས། སྐྱེས་བུ་དམ་པ་བཟོད་པར་མཛད་ཅིང་ཡོངས་སུ་གདུང་བར་མི་མཛད་དུ་གསོལ། ཇི་ལྟར་ཁྱོད་དང་སེམས་ཅན་ཐམས་ཅད་ཀྱི་བསམ་པ་ཡོངས་རྫོགས་པར་འགྱུར་བ་དེ་ལྟར་བདག་གིས་བགྱིའོ། ། དེ་ལྟར་བསྒྲུབ་བོ།། དེ་ལྟར་བརྩོན་འགྲུས་བརྩམ་མོ་ཞེས། ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པས་སློང་བ་ལ་ཀུན་གོ་བར་བྱ་བ་གསུམ་གྱིས་བསྒོ་བར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་རྟག་དུ་རྒྱུན་མི་འཆད་པར་ཡོངས་སུ་བསྔོ་བ་ལ་མཁས་པར་བྱ་སྟེ། གལ་ཏེ་དེ་སྟོན་པ་འདས་པའི་གསུང་རབ་ཡོད་ལ། སངས་རྒྱས་འབྱུང་བའང་མེད། ཆོས་སྟོན་པའང་མེད། འཕགས་པའི་དགེ་འདུན་དང་ཕྲད་པར་འགྱུར་བའང་མེད་པར་གྱུར་ན། དེས་ཕྱོགས་བཅུའི་སངས་རྒྱས་ཐམས་ཅད་ལ་ཕྱག་བྱས་ཏེ། གང་དེ་དག་གི་སྔོན་གྱི་སྤྱོད་པ་དང་མཚུངས་པར་སྤྱོད་པ་དང་། དགེ་པར་སྤྱོད་པ་དང་། བསམ་པ་དང་། ལྷག་པའི་བསམ་པ་ཕུན་སུམ་ཚོགས་པ་དང་། བྱང་ཆུབ་ཐོབ་པ་རྣམས་ཀྱི་སངས་རྒྱས་ཀྱི་ཆོས་ཐམས་ཅད་ཡོངས་སུ་གྲུབ་པ་དེ་དེས་རྗེས་སུ་དྲན་པར་བྱ། རྗེས་སུ་ཡི་རང་བར་བྱའོ།། དེས་ཡང་འདི་ལྟར་ཉིན་ལན་གསུམ། མཚན་ལན་གསུམ་དུ་ལུས་ཀྱི་ལས་ཡོངས་སུ་དག་པ་དང་། ངག་གི་ལས་ཡོངས་སུ་དག་པ་དང་། ཡིད་ཀྱི་ལས་ཡོངས་སུ་དག་པ་དང་། གཙང་བ་དང་། བསམ་པ་དག་པ་དང་། བྱམས་པ་བསྒོམ་པ་ལ་མཁས་པ་དང་། གོས་གཙང་མ་དང་། ངོ་ཚ་ཤེས་ཤིང་ཁྲེལ་ཡོད་པས་ལེགས་པར་བརྒྱན་པ་དང་། བསོད་ནམས་ཀྱི་ཚོགས་དགེ་བའི་རྩ་བ་བསགས་པ་དང་། མཛེས་པ་དང་། བྱང་ཆུབ་ཀྱི་སེམས་ལ་རབ་ཏུ་དགའ་བ་དང་། དེས་པ་དང་། འགྲོགས་ན་བདེ་བ་དང་། ལེགས་པར་བྱ་བའི་ལས་བྱེད་པ་དང་། གུས་པ་དང་བཅས་པ་དང་། བཀའ་བློ་བདེ་བ་དང་། ང་རྒྱལ་དང་། རྒྱགས་པ་དང་། དྲེགས་པ་ཡང་དག་པར་ཆད་པས་མི་དགེ་བའི་ལས་ཀྱི་ཉེས་པ་ཐམས་ཅད་བཤགས་པ་དང་། ཕྱིན་ཆད་ཀྱང་བསྡམ་པ་དང་། བསོད་ནམས་ཐམས་ཅད་ཀྱི་རྗེས་སུ་ཡི་རང་བ་དང་། མཚན་བསགས་པ་རབ་ཏུ་རྫོགས་པར་བྱ་བ་དང་། སངས་རྒྱས་ཐམས་ཅད་ལ་ཆོས་ཀྱི་འཁོར་ལོ་རབ་ཏུ་བསྐོར་བར་གསོལ་བ་གདབ་པ་དང་། ཆོས་ཐམས་ཅད་གཟུང་བ་དང་། སངས་རྒྱས་ཀྱི་ཞིང་དཔག་ཏུ་མེད་པ་རྣམས་སུ་ཚེ་ཡོངས་སུ་བསྲུང་བའི་ཕྱིར། ཕུང་པོ་གསུམ་པའི་ཆོས་ཀྱི་རྣམ་གྲངས་ཁ་ཏོན་དུ་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས་ཡན་ལག་བརྒྱད་དང་ལྡན་པའི་བསྙེན་པར་གནས་པ་བླང་བར་བྱའོ། ། དེས་དགེ་སྦྱོང་དང་། བྲམ་ཟེ་ཚུལ་ཁྲིམས་དང་ལྡན་པ། ཡོན་ཏན་དང་ལྡན་པ། དགེ་བའི་ཆོས་དང་ལྡན་པ་རྣམས་ལ་བསྙེན་པར་བྱ། བསྟེན་པར་བྱ། བསྙེན་བཀུར་བྱའོ།། དེ་དག་ལ་བསྙེན་ཅིང་བསྟེན་ཏེ། བསྙེན་བཀུར་བྱེད་ཅིང་སྤྱོད་པ་འཁྲུལ་པ་མེད་པས་རང་གི་ཉེས་པ་མཐོང་བར་བྱའོ།། དེས་དགེ་སྦྱོང་གི་སྤྱོད་པ་ལས་ཉམས་པའི་དགེ་སློང་མཐོང་ནའང་མི་གུས་པའི་བག་ཅུང་ཟད་ཀྱང་མི་བྱ་སྟེ། འདི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྙོག་པ་མེད་པ། ཉོན་མོངས་པའི་རྙོག་པ་ཐམས་ཅད་དང་བྲལ་བ་དེའི་ངུར་སྨིག་ནི་ཚུལ་ཁྲིམས་ཀྱིས་ཡོངས་སུ་བསྒོས་པ། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། རྣམ་པར་གྲོལ་བའི་ཡེ་ཤེས་མཐོང་བས་ཡོངས་སུ་བསྒོས་པ་འདི་དག་ཡིན་ཏེ། འདི་ནི་འཕགས་པ་རྣམས་ཀྱི་དྲང་སྲོང་གི་རྒྱལ་མཚན་ཡིན་ནོ་སྙམ་དུ་སེམས་བསྐྱེད་པར་བྱའོ། ། དེས་དེ་དག་ལ་རབ་ཏུ་གུས་པ་བསྐྱེད་ནས། དགེ་སློང་དེ་ལ་སྙིང་རྗེ་ཆེན་པོ་བསྐྱེད་པར་བྱའོ།། སྡིག་པའི་སྤྱོད་པ་འདི་ནི་མ་ལེགས་སོ།། ཀུན་ནས་ཉོན་མོངས་པའི་སྤྱོད་པ་འདི་ནི་མ་ལེགས་སོ། ། འདི་ལྟར་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དྲག་པར་རྫོགས་པའི་སངས་རྒྱས་དུལ་བ། ཞི་བ། སྦས་པ། ཅང་ཤེས་པ་དེའི་དྲང་སྲོང་གི་རྒྱལ་མཚན་བགོས་ཀྱང་འདི་ནི་མ་བྱང་ཞིང་མ་ཞི། མ་སྦས། མ་དུལ་བ་སྟེ། ཅང་ཤེས་པ་མ་ཡིན་པའི་སྤྱོད་པ་སྤྱོད་དོ།། བཅོམ་ལྡན་འདས་དེས་མ་བསླབས་པ་ལ་མ་བརྙས་ཤིག་ཅེས་གསུངས་པས་ན་འདིས་ཉེས་པ་མ་ཡིན་གྱི། ཉོན་མོངས་པ་གང་གིས་མི་དགེ་བ་འདི་དག་སྟོན་པའི་ཉོན་མོངས་པས་ཉེས་སོ།། སངས་རྒྱས་བཅོམ་ལྡན་འདས་རྣམས་ཀྱི་བསྟན་པ་ནི་འབྱུང་བ་དང་བཅས་པ་ཡིན་པས་གང་ཉོན་མོངས་པ་འདི་དག་ཁོང་དུ་ཆུད་ནས་ཚུལ་བཞིན་སོ་སོར་རྟོག་ན། དང་པོའི་འབྲས་བུ་ཐོབ་པར་འགྱུར་ཏེ། དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ངེས་པར་འགྱུར་བའི་གནས་ཡོད་དོ། ། དེ་ཅིའི་ཕྱིར་ཞེ་ན། འདི་ལྟར་ཉོན་མོངས་པ་རྣམས་ནི་ཡེ་ཤེས་ཀྱིས་བསལ་བ་ཡིན་པས་ན། བཅོམ་ལྡན་འདས་ཀྱིས་ཀྱང་གང་ཟག་གིས་གང་ཟག་ལ་ཆོད་གཟུང་བར་མི་བྱ་སྟེ། གང་ཟག་གིས་གང་ཟག་ལ་ཚོད་བཟུང་ན་ཉམས་པར་འགྱུར་རོ་ཞེས་གསུངས་པས། དེ་བཞིན་གཤེགས་པ་ནི་རབ་ཏུ་མཁྱེན་པ། བདག་ནི་རབ་ཏུ་ཤེས་པ་མ་ཡིན་ནོ་སྙམ་ནས། དེས་དགེ་སློང་དེ་དག་ལ་གནོད་སེམས་མེད་པ་དང་། ཞེ་སྡང་མེད་པ་དང་། ཁོང་ཁྲོ་བ་མེད་པ་དང་། ཁྲོ་བ་མེད་པའང་བསྐྱེད་པར་བྱའོ།། ཁྱིམ་བདག་བྱང་ཆུབ་སེམས་དཔའ་ཁྱིམ་པ་དེ་གཙུག་ལག་ཁང་དུ་འཇུག་པར་འདོད་ན། ཅང་ཤེས་ཀྱི་སེམས་དང་། ལས་སུ་རུང་བའི་སེམས་དང་། གུས་པ་དང་བཅས་པ་དང་། ཞེ་ས་དང་བཅས་པ་དང་། དད་པ་དང་བཅས་པ་དང་། རི་མོ་དང་བཅས་པས་གཙུག་ལག་ཁང་གི་སྒོར་འདུག་སྟེ། གཙུག་ལག་ཁང་ལ་ཡན་ལག་ལྔས་ཕྱག་བྱས་ལ། དེ་ནས་གདོད་གཙུག་ལག་ཁང་གི་ནང་དུ་འགྲོ་བར་བྱའོ།། དེས་ཡང་འདི་ལྟར་བརྟག་པར་བྱ་སྟེ། འདི་ནི་སྟོང་པ་ཉིད་ལ་གནས་པའི་གནས་སོ། ། མཚན་མ་མེད་པ་ལ་གནས་པ་དང་། སྨོན་པ་མེད་པ་ལ་གནས་པ་དང་། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་ལ་གནས་པའི་གནས་སོ།། འདི་ནི་བསམ་གཏན་པ་རྣམས་ཀྱི་གནས་ཏེ། གནས་ཐམས་ཅད་ཡང་དག་པར་ཆད་པ་རྣམས་ཀྱི་གནས་སོ།། འདི་ནི་ཡང་དག་པར་སོང་བ་རྣམས་དང་། ཡང་དག་པར་ཞུགས་པ་རྣམས་ཀྱི་གནས་སོ།། བདག་ཀྱང་རྡུལ་གྱི་གནས་ཁྱིམ་གྱི་གནས་ནས་མངོན་པར་བྱུང་སྟེ། ནམ་ཞིག་ན་འདི་ལྟ་བུར་སྤྱོད་པར་འགྱུར། བདག་ཀྱང་ནམ་ཞིག་ན་གང་དགེ་འདུན་གྱི་ལས་དང་། གསོ་སྦྱོང་གི་ལས་དང་། དགག་དབྱེའི་ལས་དང་། འདུད་པའི་ལས་དེ་ལ་གནས་པར་འགྱུར་སྙམ་ནས། དེས་འདི་ལྟར་རབ་ཏུ་འབྱུང་བའི་སེམས་ལ་དགའ་བར་བྱའོ།། བྱང་ཆུབ་སེམས་དཔའ་ཁྱིམ་ན་གནས་ཏེ། བླ་ན་མེད་པ་ཡང་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ནི་གང་ཡང་མེད་དེ། དེ་དག་ཐམས་ཅད་ཀྱང་ཁྱིམ་གྱི་གནས་ནས་མངོན་པར་བྱུང་ནས་དགོན་པ་ལ་སེམས་དགོན་པ་ལ་གཞོལ། དགོན་པར་སོང་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། ། ཚོགས་དེའང་ཡང་དག་པར་བསྒྲུབ་སོ།། ཁྱིམ་ན་གནས་པ་ནི་ཀུན་ཏུ་གནོད་པ་སྟེ་རྡུལ་འབབ་པའོ།། རབ་དུ་བྱུང་བ་ནི་སངས་རྒྱས་དང་དེའི་ཉན་ཐོས་རྣམས་ཀྱིས་བསྔགས་པའོ། ། ཁྱིམ་ན་གནས་པ་ནི་ཉེས་པའི་སྐྱོན་ཆགས་པ་མང་བའོ།། རབ་ཏུ་བྱུང་བ་ནི་ཡོན་ཏན་ཕུན་སུམ་ཚོགས་པ་མང་བའོ།། ཁྱིམ་ན་གནས་པ་ནི་ཉམ་ང་བའོ།། རབ་། དུབྱུང་བ་ནི་བག་ག་ཡངས་པའོ།། ཁྱིམ་ན་གནས་པ་ནི་ཡོངས་སུ་འཛིན་པའི་དྲི་མ་ཅན་ནོ།། རབ་ཏུ་བྱུང་བ་ནི་ཡོངས་སུ་འཛིན་པ་ལས་རྣམ་པར་གྲོལ་བའོ།། ཁྱིམ་ན་གནས་པ་ནི་ཉེས་པར་སྤྱོད་པའི་གཞིའོ།། རབ་ཏུ་བྱུང་བ་ནི་ལེགས་པར་སྤྱོད་པའི་གཞིའོ། ། ཁྱིམ་ན་གནས་པ་ནི་རྡུལ་གྱི་ནང་གནས་པ་རྡུལ་གྱི་ནང་ན་གནས་པའོ།། རབ་ཏུ་བྱུང་བ་ནི་རྡུལ་གྱི་ནང་ན་མི་གནས་པའོ།། ཁྱིམ་ན་གནས་པ་ནི་འདོད་པའི་འདམ་དུ་བྱིང་བའོ། ། རབ་ཏུ་བྱུང་བ་ནི་འདོད་པའི་འདམ་ནས་འབྱིན་པའོ།། ཁྱིམ་ན་གནས་པ་ནི་བྱིས་པའི་སྐྱེ་བོའི་ཞུགས་པའོ།། རབ་དུ་བྱུང་བ་ནི་སྐྱེ་བོ་མཁས་པའི་ཞུགས་པའོ།། ཁྱིམ་ན་གནས་པ་ནི་འཚོ་བ་སྦྱང་བར་དཀའ་བའོ། ། རབ་ཏུ་བྱུང་བ་ནི་འཚོ་བ་སྦྱང་བར་སླ་བའོ།། ཁྱིམ་ན་གནས་པ་ནི་འདྲན་ཟླ་མང་བའོ།། རབ་ཏུ་བྱུང་བ་ནི་འགྲན་ཟླ་མེད་པའོ།། ཁྱིམ་ན་གནས་པ་ནི་འཕོངས་པ་མང་བའོ།། རབ་ཏུ་བྱུང་བ་ནི་འཕོངས་པ་མེད་པའོ།། ཁྱིམ་ན་གནས་པ་ནི་མྱ་ངན་གྱི་གནས་སོ།། རབ་ཏུ་བྱུང་བ་ནི་དགའ་བའོ།། ཁྱིམ་ན་གནས་པ་ནི་ངན་སོང་གི་ཐེམ་སྐས་སོ།། རབ་ཏུ་བྱུང་བ་ནི་མངོན་པར་མཐོ་བའི་ཐེམ་སྐས་སོ། ། ཁྱིམ་ན་གནས་པ་ནི་བཅིངས་པའོ།། རབ་ཏུ་བྱུང་བ་ནི་ཐར་པའོ།། ཁྱིམ་ན་གནས་པ་ནི་འཇིགས་པ་དང་བཅས་པའོ།། རབ་ཏུ་བྱུང་བ་ནི་འཇིགས་པ་མེད་པའོ།། ཁྱིམ་ན་གནས་པ་ནི་ཆད་པ་དང་བཅས་པར་སྤྱོད་པའོ། ། རབ་ཏུ་བྱུང་བ་ནི་ཆད་པ་མེད་པར་སྤྱོད་པའོ།། ཁྱིམ་ན་གནས་པ་ནི་མཚོན་ཆའི་སྤྱོད་པ་དང་བཅས་པའོ།། རབ་ཏུ་བྱུང་བ་ནི་མཚོན་ཆ་མི་སྤྱོད་པའོ།། ཁྱིམ་ན་གནས་པ་ནི་ཡོངས་སུ་གདུང་བ་དང་བཅས་པའོ། ། རབ་ཏུ་བྱུང་བ་ནི་ཡོངས་སུ་གདུང་བ་མེད་པའོ།། ཁྱིམ་ན་གནས་པ་ནི་ཀུན་ཏུ་ཚོལ་བས་སྡུག་བསྔལ་བའོ།། རབ་ཏུ་བྱུང་བ་ནི་ཀུན་ཏུ་ཚོལ་བ་མེད་པས་བདེ་བའོ།། ཁྱིམ་ན་གནས་པ་ནི་རྒོད་པའོ།། རའདུ་བྱུང་བ་ནི་ཉེ་བར་ཞི་བའོ།། ཁྱིམ་ན་གནས་པ་ནི་འཇུངས་པའོ།། རབ་ཏུ་བྱུང་བ་ནི་མ་འཇུངས་པའོ།། ཁྱིམ་ན་གནས་པ་ནི་མི་ཞན་པའོ།། ཁྱིམ་ན་གནས་པ་ནི་མ་རབས་སོ།། རབ་ཏུ་བྱུང་བ་ནི་ཡ་རབས་སོ།། ཁྱིམ་ན་གནས་པ་ནི་ཀུན་ཏུ་འབར་བའོ།། རབ་ཏུ་བྱུང་བ་ནི་འབར་བཞི་བའོ།། ཁྱིམ་ན་གནས་པ་ནི་གཞན་གྱི་དོན་ཏོ།། རབ་ཏུ་བྱུང་བ་གཉིས་ཀའི་དོན་ཏོ། ། ཁྱིམ་ན་གནས་པ་ནི་དོན་ཆུང་བའོ།། རབ་ཏུ་བྱུང་བ་ནི་དོན་ཆེ་བའོ།། ཁྱིམ་ན་གནས་པ་ནི་གཟི་ཆུང་བའོ།། རབ་ཏུ་བྱུང་བ་ནི་གཟི་ཆེ་བའོ།། ཁྱིམ་ན་གནས་པ་ནི་ཀུན་ནས་ཉོན་མོངས་པས་སྡུག་བསྔལ་བའོ། ། རབ་ཏུ་བྱུང་བ་ནི་མངོན་པར་བྱུང་བས་བདེ་བའོ།། ཁྱིམ་ན་གནས་པ་ནི་ཚར་མ་སྐྱེད་པའོ།། རབ་ཏུ་བྱུང་བ་ནི་ཚར་མ་བསལ་བའོ།། ཁྱིམ་ན་གནས་པ་ནི་ཆོས་ཆུང་ངུ་དང་ལྡན་པའོ།། རབ་ཏུ་བྱུང་བ་ནི་ཆོས་ཆེན་པོ་དང་ལྡན་པའོ། ། ཁྱིམ་གནས་པ་ནི་འདུལ་བ་མ་ཡིན་པ་བྱེད་པའོ།། རབ་ཏུ་བྱུང་བ་ནི་འདུལ་བ་བྱེད་པའོ།། ཁྱིམ་ན་གནས་པ་ནི་འགྱོད་པའོ།། རབ་ཏུ་བྱུང་བ་ནི་མི་འགྱོད་པའོ།། ཁྱིམ་ན་གནས་པ་ནི་མཆི་མ་དང་། ནུ་ཞོ་དང་། ཁྲག་གི་རྒྱ་མཚོ་འཕེལ་བའོ།། རབ་ཏུ་བྱུང་བ་ནི་མཆི་མ་དང་། ནུ་ཞོ་དང་། ཁྲག་གི་རྒྱ་མཚོ་སྐེམས་པའོ།། ཁྱིམ་ན་གནས་པ་ནི་སངས་རྒྱས་དང་། རང་སངས་རྒྱས་དང་། ཉན་ཐོས་ཀྱིས་སྨད་པའོ།། རབ་ཏུ་བྱུང་བ་ནི་སངས་རྒྱས་དང་། རང་སངས་རྒྱས་དང་། ཉན་ཐོས་ཀྱི་བསྔགས་པའོ།། ཁྱིམ་ན་གནས་པ་ནི་ཆོག་མི་ཤེས་པའོ།། རབ་ཏུ་བྱུང་བ་ནི་ཆོག་ཤེས་པའོ།། ། ཁྱིམ་ན་གནས་པ་ནི་བདུད་དགའ་བའོ།། རབ་ཏུ་བྱུང་བ་ནི་བདུད་མྱ་ངན་བྱེད་པའོ།། ཁྱིམ་ན་གནས་པ་ནི་རྙོག་པ་ཆེན་པོའི་མཐར་ཐུག་པར་འགྱུར་བའོ།། རབ་ཏུ་བྱུང་བ་ནི་རྙོག་པ་ཐམས་ཅད་ཉེ་བར་ཞི་བའི་མཐར་ཐུག་པའོ། ། ཁྱིམ་ན་གནས་པ་ནི་ཀུན་དུ་ཐུལ་བའོ།། རབ་ཏུ་བྱུང་བ་ནི་ཀུན་ཏུ་མི་ཐུལ་བའོ།། ཁྱིམ་ན་གནས་པ་ནི་བྲན་གྱི་ལས་བྱེད་པའོ།། རབ་ཏུ་བྱུང་བ་ནི་རྗེ་བོ་བྱེད་པའོ།། ཁྱིམ་ན་གནས་པ་ནི་འཁོར་བའི་མཐར་འགྱུར་བའོ། ། རབ་ཏུ་བྱུང་བ་ནི་མྱ་ངན་ལས་འདས་པའི་མཐར་འགྱུར་བའོ།། ཁྱིམ་ན་གནས་པ་ནི་གཡང་སའོ།། རབ་ཏུ་བྱུང་བ་ནི་གཡང་ས་ལས་འདས་པའོ།། ཁྱིམ་ན་གནས་པ་ནི་མུན་ནག་གོ། ། རབ་ཏུ་བྱུང་བ་ནི་སྣང་བའོ།། ཁྱིམ་ན་གནས་པ་ནི་དབང་པོ་ལ་དབང་མི་བྱེད་པའོ།། རབ་ཏུ་བྱུང་བ་ནི་དབང་པོ་ལ་དབང་བྱེད་པའོ།། ཁྱིམ་ན་གནས་པ་ནི་དྲེགས་པ་སྐྱེད་པའོ།། རབ་ཏུ་བྱུང་བ་ནི་དྲེགས་པ་འདུལ་བའོ། ། ཁྱིམ་ན་གནས་པ་ནི་དམ་པ་མ་ཡིན་པ་སྐྱེད་པའོ།། རབ་ཏུ་བྱུང་བ་དམ་པ་སྐྱེད་པའོ།། ཁྱིམ་ན་གནས་པ་ནི་ངན་སོང་སྐྱེད་པའོ།། རབ་ཏུ་བྱུང་བ་ནི་བདེ་འགྲོ་སྐྱེད་པའོ། ། ཁྱིམ་ན་གནས་པ་ནི་བལྟ་བར་མི་འོས་པའོ།། རབ་དུ་བྱུང་བ་ནི་བལྟ་བར་འོས་པའོ།། ཁྱིམ་ན་གནས་པ་ནི་རྩོམ་པ་ཆེ་བའོ།། རབ་ཏུ་བྱུང་བ་ནི་རྩོམ་པ་ཆུང་བའོ།། ཁྱིམ་ན་གནས་པ་ནི་འབྲས་བུ་ཆུང་བའོ། ། རབ་ཏུ་བྱུང་བ་ནི་འབྲས་བུ་ཆེ་བའོ།། ཁྱིམ་ན་གནས་པ་ནི་གྱ་གྱུ་ཅན་ནོ།། རབ་ཏུ་བྱུང་བ་ནི་དྲང་བའོ།། ཁྱིམ་ན་གནས་པ་ནི་ཡིད་མི་བདེ་བ་མང་བའོ།། རབ་ཏུ་བྱུང་བ་ནི་ཡིད་བདེ་བ་མང་བའོ།། ཁྱིམ་ན་གནས་པ་ནི་ཟུག་རྔུ་དང་བཅས་པའོ།། རབ་ཏུ་བྱུང་བ་ནི་ཟུག་རྔུ་ཕྱུང་བའོ།། ཁྱིམ་ན་གནས་བྱ་ནིན་པའོ།། རབ་ཏུ་བྱུང་བ་ནི་ནད་མེད་པར་བྱེད་པའོ།། ཁྱིམ་ན་གནས་པ་ནི་ཆོས་རྒས་པར་བྱེད་པའོ། ། རབ་ཏུ་བྱུང་བ་ནི་ཆོས་དར་བར་བྱེད་པའོ།། ཁྱིམ་ན་གནས་པ་ནི་བག་མེད་པར་བྱེད་པའོ།། རབ་ཏུ་བྱུང་བ་ནི་བག་ཡོད་པར་བྱེད་པའོ།། ཁྱིམ་ན་གནས་པ་ནི་འཆལ་པའི་ཤེས་རབ་འབྱུང་གནས་སོ། ། རབ་ཏུ་བྱུང་བ་ནི་ཤེས་རབ་འཕེལ་བའོ།། ཁྱིམ་ན་གནས་པ་ནི་ཤེས་རབ་ཀྱི་བར་ཆད་བྱེད་པའོ།། རབ་ཏུ་བྱུང་བ་ནི་ཤེས་རབ་ཀྱི་སྲོག་བྱེད་པའོ། ། ཁྱིམ་ན་གནས་པ་ནི་སླུ་བར་སོ་སོར་ཉེ་བར་གནས་པའོ།། རབ་ཏུ་བྱུང་བ་ནི་མི་སླུ་བར་སོ་སོར་ཉེ་བར་གནས་པའོ།། ཁྱིམ་ན་གནས་པ་ནི་བྱེད་པ་མང་བའོ།། རབ་ཏུ་བྱུང་བ་ནི་བྱེད་པ་ཉུང་བའོ། ། ཁྱིམ་ན་གནས་པ་ནི་དུག་དང་བཅས་པའི་བཏུང་བ་ལྟ་བུའོ།། རབ་ཏུ་བྱུང་བ་ནི་བདུད་རྩི་དང་བཅས་པའི་བཏུང་བ་ལྟ་བུའོ།། ཁྱིམ་ན་གནས་པ་ནི་གནོད་པ་ཅན་ནོ།། རབ་ཏུ་བྱུང་བ་ནི་གནོད་པ་མེད་པའོ།། ཁྱིམ་ན་གནས་པ་ནི་འདྲེས་པའོ།། རབ་ཏུ་བྱུང་བ་ནི་མ་འདྲེས་པའོ།། ཁྱིམ་ན་གནས་པ་ནི་ཀིམ་པ་ཀའི་འབྲས་བུ་ལྟ་བུའོ།། རབ་ཏུ་བྱུང་བ་ནི་བདུད་རྩིའི་འབྲས་བུ་ལྟ་བུའོ། ། ཁྱིམ་ན་གནས་པ་ནི་མི་སྡུག་པ་དང་ཕྲད་པར་བྱེད་པའོ།། རབ་ཏུ་བྱུང་བ་ནི་མི་སྡུག་པ་དང་བྲལ་བར་བྱེད་པའོ།། ཁྱིམ་ན་གནས་པ་ནི་སྡུག་པ་དང་བྲལ་བར་བྱེད་པའོ། ། རབ་ཏུ་བྱུང་བ་ནི་སྡུག་པ་དང་བྲེད་པར་བྱེད་པའོ།། ཁྱིམ་ན་གནས་པ་ནི་གཏི་མུག་གིས་ལྕི་བའོ།། རབ་ཏུ་བྱུང་བ་ནི་ཡེ་ཤེས་ཀྱིས་ཡང་བའོ།། ཁྱིམ་ན་གནས་པ་ནི་སྦྱོར་བ་རྣམ་པར་འཇིག་པའོ། ། རབ་དུ་བྱུང་བ་ནི་སྦྱོར་བ་རྣམ་པར་སྦྱོང་བའོ།། ཁྱིམ་ན་གནས་པ་ནི་བསམ་པ་རྣམ་པར་འཇིག་པའོ།། རབ་དུ་བྱུང་བ་ནི་བསམ་པ་རྣམ་པར་སྦྱོང་བའོ།། ཁྱིམ་ན་གནས་པ་ནི་ལྷག་པའི་བསམ་པ་རྣམ་པར་འཇིག་པའོ། ། རབ་ཏུ་བྱུང་བ་ནི་ལྷག་པའི་བསམ་པ་རྣམ་པར་སྦྱོང་བའོ།། ཁྱིམ་ན་གནས་པ་ནི་དཔུང་གཉེན་མེད་པར་བྱེད་པའོ།། རབ་ཏུ་བྱུང་བ་ནི་དཔུང་གཉེན་བྱེད་པའོ། ། ཁྱིམ་ན་གནས་པ་ནི་མགོན་མེད་པར་བྱེད་པའོ།། རབ་ཏུ་བྱུང་བ་ནི་མགོན་བྱེད་པའོ།། ཁྱིམ་ན་གནས་པ་ནི་གནས་མེད་པར་བྱེད་པའོ།། རབ་ཏུ་བྱུང་བ་ནི་གནས་བྱེད་པའོ། ཁྱིམ་ན་གནས་པ་ནི་སྐྱབས་མེད་པར་བྱེད་པའོ།། རབ་ཏུ་བྱུང་བ་ནི་སྐྱབས་བྱེད་པའོ།། ཁྱིམ་ན་གནས་ནི་གནོད་སེམས་མང་བའོ།། རབ་དུ་བྱུང་བ་ནི་བྱམས་པ་མང་བའོ།། ཁྱིམ་ན་གནས་པ་ནི་ཁུར་བྱར་བའོ། ། རབ་ཏུ་བྱུང་བ་ནི་ཆུར་བོ་བའོ།། ཁྱིསན་གན་སྨྲ་བ་ནི་རྩིག་པ་མེད་པར་བྱེད་པའོ།། རབང་བྱུང་བ་ནི་སྤྱོད་པ་ཐམས་ཅད་མཐར་འབྱིན་པའོ།། ཁྱིམ་ན་གནས་པ་ནི་ལ་ནས་དྨོ་དང་བཅས་པའོ། ། རབ་ཏུ་བྱུང་བ་ནི་ཁ་ན་མ་ཐོ་བ་མེད་པའོ།། ཁྱིམ་ན་གནས་པ་ནི་གདུང་བར་འགྱུར་བའོ།། རང་དུ་བྱུང་བ་ནི་གདུང་བར་མི་འགྱུར་བའོ།། ཁྱིམ་ན་གནས་པན་ཉོན་མོངས་པ་དང་བཅས་པའོ། ། རབ་དུ་བྱུང་བ་ན་ཉོན་མོངས་པ་མེད་པའོ།། ཁྱིམ་ན་གནས་པ་ནི་བ་གླིང་དང་བཅས་པའོ།། རབ་ཏུ་བྱུང་བ་ནི་ཟང་བྱིད་མེད་པའོ།། ན་གནས་པ་ནི་མངོན་པའི་ང་རྒྱལ་དང་བཅས་པའོ།། རབ་ཏུ་བྱུང་བ་ནི་མངོན་པའི་ང་རྒྱལ་མེད་པའོ།། ཁྱིམ་ན་གནས་པ་ནི་ནོར་སྙིང་པོར་བྱེད་པའོ།། རབ་ཏུ་བྱུང་བ་ནི་ཡོན་ཏན་སྙིང་པོར་བྱེད་པའོ།། ཁྱིམ་ན་གནས་པ་ནི་ཡམས་ཀྱི་ནད་དོ། ། རབ་ཏུ་བྱུང་བ་ནི་ཡམས་ཀྱི་ནད་ཞི་བར་བྱེད་པའོ།། ཁྱིམ་ན་གནས་པ་ནི་འབྲི་བའོ།། རབ་ཏུ་བྱུང་བ་ནི་འཕེལ་བའོ།། ཁྱིམ་ན་གནས་པ་ནི་རྙེད་པར་སླ་བའོ།། རབ་ཏུ་བྱུང་བ་ནི་བསྐལ་པ་བརྒྱ་སྟོང་དུའང་རྙེད་པར་དཀའ་བའོ། ། ཁྱིམ་ན་གནས་པ་ནི་བྱ་སླ་བའོ།། རབ་ཏུ་བྱུང་བ་ནི་བྱ་དཀའ་བའོ།། ཁྱིམ་ན་གནས་པ་ནི་རྒྱུན་ཕྱོགས་སུ་འགྲོ་བའོ།། རབ་ཏུ་བྱུང་བ་ནི་རྒྱུན་ལས་བཟློག་སྟེ་འགྲོ་བའོ། ། ཁྱིམ་ན་གནས་པ་ནི་ཆུ་བོའོ།། རབ་ཏུ་བྱུང་བ་ནི་གཟིངས་སོ།། ཁྱིམ་ན་གནས་པ་ནི་ཉོན་མོངས་པའི་ཆུ་བོའོ།། རབ་ཏུ་བྱུང་བ་ནི་ཟམ་པའོ།། ཁྱིམ་ན་གནས་པ་ནི་ཚུ་རོལ་གྱི་ངོགས་སོ། ། རབ་ཏུ་བྱུང་བ་ནི་ཕ་རོལ་གྱི་ངོགས་སོ།། ཁྱིམ་ན་གནས་པ་ནི་གླགས་པའོ།། རབ་ཏུ་བྱུང་བ་ནི་མ་གླགས་པའོ།། ཁྱིམ་ན་གནས་པ་ནི་ཤར་གཉེར་བའོ།། རབ་ཏུ་བྱུང་བ་ནི་ཤར་གཉེར་བཞི་བའོ། ། ཁྱིམ་ན་གནས་པ་ནི་རྒྱལ་པོའི་ནན་ཏུར་བཞིན་དུ་བྱེད་པའོ།། རབ་ཏུ་བྱུང་བ་ནི་སངས་རྒྱས་ཀྱི་བསྟན་པ་བཞིན་དུ་བྱེད་པའོ།། ཁྱིམ་ན་གནས་པ་ནི་ཉམ་ཐག་པའོ།། རབ་ཏུ་བྱུང་བ་ནི་ཉམ་ཐག་པ་མེད་པའོ། ། ཁྱིམ་ན་གནས་པ་ནི་སྡུག་བསྔལ་འབྱུང་བའོ།། རབ་ཏུ་བྱུང་བ་ནི་བདེ་བ་འབྱུང་བའོ།། ཁྱིམ་ན་གནས་པ་ནི་སྐད་དུའོ།། རབ་ཏུ་བྱུང་བ་ནི་ཟབ་མོའོ།། ཁྱིམ་ན་གནས་པ་ནི་གྲོགས་མོད་པའོ། ། རབ་ཏུ་བྱུང་བ་ནི་གྲོགས་དཀོན་པའོ།། ཁྱིམ་ན་གནས་པ་ནི་ཆུང་མ་དང་འགྲོགས་པའོ།། རབ་ཏུ་བྱུང་བ་ནི་མོས་པ་དང་འགྲོགས་པའོ།། ཁྱིམ་ན་གནས་པ་ནི་རྒྱུ་དང་འདྲ་བའོ།། རབ་ཏུ་བྱུང་བ་ནི་རྒྱུ་དྲལ་བའོ། ། ཁྱིམ་ན་གནས་པ་ནི་གཞན་ལ་གནོད་པར་བྱེད་པ་གཅེས་སུ་རྩི་བའོ།། རབ་ཏུ་བྱུང་བ་ནི་གཞན་ལ་ཕན་འདོགས་པ་གཅེས་སུ་རྩི་བའོ།། ཁྱིམ་ན་གནས་པ་ནི་ཟང་ཟིང་གི་སྦྱིན་པ་ཆེད་ཆེར་འཛིན་པའོ། ། རབ་ཏུ་བྱུང་བ་ནི་ཆོས་ཀྱི་སྦྱིན་པ་ཆེད་ཆེར་འཛིན་པའོ།། ཁྱིམ་ན་གནས་པ་ནི་བདུད་ཀྱི་རྒྱལ་མཚན་འཛིན་པའོ།། རབ་དུ་བྱུང་བ་ནི་སངས་རྒྱས་ཀྱི་རྒྱལ་མཚན་འཛིན་པའོ།། ཁྱིམ་ན་གནས་པ་ནི་སྡུག་བསྔལ་གྱི་གཞིའོ། ། རབ་ཏུ་བྱུང་བ་ནི་སྡུག་བསྔལ་གྱི་གཞི་ཡང་དག་པར་འཇོམས་པའོ།། ཁྱིམ་ན་གནས་པ་ནི་ཕུང་པོ་འཕེལ་བའོ།། རབ་ཏུ་བྱུང་བ་ནི་ཕུང་པོ་ཐམས་ཅད་ངེས་པར་འདོར་བའོ།། ཁྱིམ་ན་གནས་པ་ནི་ཐིབས་པོའོ།། རབ་ཏུ་བྱ་བ་ནི་ཐིབས་པོ་ལས་ཐར་པ་ཡིན་ཏེ། ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པས་རབ་ཏུ་བྱུང་བ་ལ་གཞོལ་བར་བྱའོ།། དེས་ཡང་འདི་ལྟ་གལ་ཏེ་བདག་གིས་ཉི་མ་དུ་མར་གངྒཱའི་ཀླུང་གི་བྱེ་མ་སྙེད་ཀྱི་མཆོད་སྦྱིན་བྱས་ཏེ། བདོག་པ་ཐམས་ཅད་ཡོངས་སུ་གཏོང་བ་བྱས་པ་དེ་དག་ཐམས་ཅད་ནི་ལེགས་པར་བཤད་པའི་ཆོས་འདུལ་བ་ལ་རབ་ཏུ་བྱུང་བའི་སེམས་ཀྱིས་ཟིལ་གྱིས་ནོན་ཏོ་སྙམ་དུ་སེམས་བསྐྱེད་པར་བྱའོ། ། དེ་ཅིའི་ཕྱིར་ཞེ་ན། ཁྱིམ་བདག་མ་དད་པ་དང་། བྱས་པ་མི་གཟོ་བ་དང་། ཆོམ་རྐུན་དང་། པ་དང་། རྒྱལ་པོའི་བཀྲབས་པ་དང་། བློན་པོའི་ཡང་སྦྱིན་པ་སྦྱིན་པར་བྱེད་དེ། ཟང་ཟིང་གི་སྦྱིན་པ་ནི་དམན་པ་ཡིན་ནོ།། ཁྱིམ་བདག་བྱང་ཆུབ་སེམས་དཔའ་ཁྱིམ་པས་འདི་ལྟར་བདག་གིས་ནི་སྦྱིན་པའི་སྙིང་པོས་ཆོག་པར་མི་བྱའོ། ། བདག་གིས་ནི་ཚུལ་ཁྲིམས་དང་། ཐོས་པ་དང་མཚུངས་པར་སྤྱོད་པའང་སྙིང་པོར་བྱའོ་སྙམ་དུ་སེམས་བསྐྱེད་པར་བྱའོ།། དེ་གཙུག་ལག་ཁང་གི་ནང་དུ་འོངས་ན། དེ་བཞིན་གཤེགས་པའི་མཚན་མ་ལ་ཕྱག་བྱའོ། ། དེ་དག་ལ་ཕྱག་བྱས་ནས་འདུ་ཤེས་གསུམ་བསྐྱེད་པར་བྱ་སྟེ། གསུམ་གང་ཞེ་ན། བདག་ཀྱང་འདི་འདྲ་བར་མཆོད་པའི་འོས་སུ་འགྱུར་བར་བྱ་བ་དང་། སེམས་ཅན་ལ་སྙིང་བརྩེ་བའི་ཕྱིར་བདག་གི་ལུས་ཀྱང་བྱིན་གྱིས་བརླབས་པ་དང་། བདག་ཀྱང་ཇི་ལྟར་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་སངས་རྒྱས་ཀྱི་བྱ་བ་བྱས་ཏེ། དེ་བཞིན་གཤེགས་པའི་ཡོངས་སུ་མྱ་ངན་ལས་འདས་པས་ཡོངས་སུ་མྱ་ངན་ལས་བཟླ་བར་བྱ་བ་དེ་ལྟར་བསླབ་ཅིང་དེ་ལྟར་ནཱན་ཏན་བྱའོ་སྙམ་པའོ།། དེ་གཙུག་ལག་ཁང་དུ་ཞུགས་ནས་དེས་དགེ་སློང་མང་དུ་ཐོས་པ་ནི་གང་། དགེ་སློང་ཆོས་རྗོད་པ་ནི་གང་། དགེ་སློང་འདུལ་བ་འཛིན་པ་ནི་གང་། དགེ་སློང་མ་མོ་འཛིན་པ་ནི་གང་། དགེ་སློང་བྱང་ཆུབ་སེམས་དཔའི་སྡེ་སྣོད་འཛིན་པ་ནི་གང་། དགེ་སློང་དགོན་པ་པ་ནི་གང་། བསོད་སྙོམས་པ་ནི་གང་། ཕྱག་དར་ཁྲོད་པ་དང་། འདོད་པ་ཆུང་བ་དང་། ཆོག་ཤེས་པ་དང་། རབ་ཏུ་དབེན་པ་ནི་གང་། དགེ་སློང་རྣལ་འབྱོར་སྤྱོད་པ་ནི་གང་། དགེ་སློང་བསམ་གཏན་པ་ནི་གང་། དགེ་སློང་བྱང་ཆུབ་སེམས་དཔའི་ཐེག་པ་པ་ནི་གང་། དགེ་སློང་ལག་གི་བླ་ནི་གང་། དགེ་སློང་ཞལ་ཏ་བྱེད་པ་ནི་གང་། དགེ་སློང་དཔོན་སྣ་བྱེད་པ་ནི་གང་ཡིན་ཞེས། དགེ་སློང་གི་དགེ་འདུན་གྱི་སྤྱོད་པ་ཐམས་ཅད་ལ་རྣམ་པར་བརྟག་པར་བྱའོ།། དེས་དེ་དག་གི་སྤྱོད་པ་ལ་རྣམ་པར་བརྟགས་ནས་ཐམས་ཅད་དང་མཐུན་པར་འཇུག་པའི་ཕྱིར་ཅི་རིགས་པར་མཐུན་པར་གནས་པར་བྱའོ། ། དེས་གཞན་གྱི་མདུན་དུ་སྤྱོད་པ་གཞན་བསྟན་པར་མི་བྱའོ།། དེ་ཅིའི་ཕྱིར་ཞེ་ན། གཙུག་ལ་ཁང་དུ་ནི་གྲོང་གི་གསང་ངོ་།། གྲོང་དུ་ནི་གཙུག་ལག་ཁང་གི་གསང་ངོ་།། ངག་གི་ལས་ཤིན་ཏུ་བསྡམས་པ་དེས་གྲོང་དུ་གཙུག་ལག་ཁང་གི་གསང་དང་། གཙུག་ལག་ཁང་དུ་གྲོང་གི་གསང་བསྙད་པར་མི་བྱའོ།། དགེ་སློང་གང་ཆོས་གོས་མ་ཚང་ངམ། ལྷུང་བཟེད་མ་ཚང་ངས་ན་བའི་གསོས་སྨན་དང་ཡོ་བྱད་མ་ཚང་བ་དེ་ལ་དེས་ཇི་ལྟར་གཞན་དག་གཤེ་བ་འམ། ཁྲོ་བ་སྐྱེད་པར་མི་འགྱུར་བ་དེ་ལྟར་སྦྱིན་པར་བྱའོ།། དེ་ཅིའི་ཕྱིར་ཞེ་ན། ལྷ་དང་མི་རྣམས་ཀྱི་ཀུན་ཏུ་སྦྱོར་བ་ནི་ཕྲག་དོག་དང་སེར་སྣ་ཡིན་ཏེ། དེ་བས་སོ་སོའི་སྐྱེ་བོ་རྣམས་ལ་ནི་རབ་དུ་བསྲུང་བར་བྱའོ།། དགྲ་བཅོམ་པ་ལ་ནི་མ་ཡིན་ནོ།། དེ་ཅིའི་ཕྱིར་ཞེ་ན། སོ་སོའི་སྐྱེ་བོ་རྣམས་ལ་ནི་ཉེས་པ་སྐྱེའི། དང་བཅོམ་པ་རྣམས་ལ་ནི་མ་ཡིན་ནོ། ། དེ་བས་ན་མང་དུ་ཐོས་པ་ལ་བརྟེན་ཏེ། ཐོས་པ་ཡོངས་སུ་བཙལ་བ་ལ་བརྩོན་པར་བྱའོ།། ཆོས་རྗོད་པ་ལ་བརྟེན་ཏེ་རྣམ་པར་ངེས་པའི་གཏམ་ལ་བརྩོན་པར་བྱའོ། ། འདུལ་བ་འཛིན་པ་ལ་བརྟེན་ཏེ་ཉེས་པ་འདུལ་བ་དང་། ཉོན་མོངས་པ་འདུལ་བ་ལ་བརྩོན་པར་བྱའོ།། མ་མོ་འཛིན་པ་ལ་བརྟེན་ཏེ་ལུས་དང་། ངག་དང་། ཡིད་སྡོམ་པ་ལ་བརྩོན་པར་བྱའོ། ། བྱང་ཆུབ་སེམས་དཔའི་སྡེ་སྣོད་འཛིན་པ་ལ་བརྟེན་ཏེ་ཕ་རོལ་ཏུ་ཕྱིན་པ་དྲུག་དང་ཐད་མཁྱ་པ་ལ་བརྩོན་པར་བྱའོ།། དགོན་པ་པ་ལ་བརྟེན་ཏེ་རབ་ཏུ་དབེན་པ་ལ་བརྩོན་པར་བྱའོ། ། བསོད་སྙོམས་པ་ལ་བརྟེན་ཏེ་རྙེད་པ་དང་། མ་རྙེད་པ་དང་། གྲགས་པ་དང་། མ་གྲགས་པ་དང་། བསྟོད་པ་དང་། སྨད་པ་དང་། དདེ་བ་དང་། སྡུག་བསྔལ་གྱིས་མི་བསྐུལ་བ་ལ་བརྩོན་པར་བྱའོ། ། ཕྱག་དར་ཁྲོད་པ་ལ་བརྟེན་ཏེ་ཆོས་གོས་ཀྱི་ཚ་བ་དང་རྒྱན་ལ་མངོན་པར་མི་དགའ་བ་ལ་བརྩོན་པར་བྱའོ།། འདོད་པ་ཆུང་བ་ལ་བརྟེན་ཏེ་འདོད་པ་ཆུང་བ་ལ་བརྩོན་པར་བྱའོ།། ཆོག་ཤེས་པ་ལ་བརྟེན་ཏེ་ཆོག་ཤེས་པ་ལ་བརྩོན་པར་བྱའོ།། རབ་ཏུ་དབེན་པ་ལ་བརྟེན་ཏེ་རབ་ཏུ་དབེན་པ་ལ་བརྩོན་པར་བྱའོ།། རྣལ་འབྱོར་སྤྱོད་པ་ལ་བརྟེན་ཏེ་ནང་གི་སེམས་ཞི་གནས་དང་ལྷག་མཐོང་ཚུལ་བཞིན་ཡིད་ལ་བྱེད་པ་ནང་དུ་ཡང་དག་འཇོག་ལ་བརྩོན་པར་བྱའོ། ། བསམ་གཏན་པ་ལ་བརྟེན་ཏེ་ཉོན་མོངས་པ་བསལ་བ་ལ་བརྩོན་པར་བྱའོ།། བྱང་ཆུབ་སེམས་དཔའི་ཐེག་པ་པ་ལ་བརྟེན་ཏོ་སྦྱིན་པ་དང་། སྙན་པར་སྨྲ་བ་དང་། དོན་སྤྱོད་པ་དང་། དོན་མཐུན་པ་བསྡུ་བའི་དངོས་པོ་བཞི་པོ་རྣམས་ལ་བརྩོན་པར་བྱའོ།། ལག་གི་བླ་ལ་བརྟེན་ཏེ་ཇི་ལྟར་དངོས་པོ་ཡོངས་སུ་གཏོང་བར་སྤོ་བ་ལ་བརྩོན་པར་བྱའོ། ། ཞལ་ཏ་བྱེད་པ་ལ་བརྟེན་ཏེ་བྱའོ་ཅོག་བྱེད་པ་ལ་བརྩོན་པར་བྱའོ།། དཔོན་སྣ་བྱེད་པ་ལ་བརྟེན་ཏེ་ཡིད་ཡོངས་སུ་མི་སྐྱོ་བར་བྱའོ།། ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པས། སྤྱོད་པ་ཇི་ལྟ་བ་བཞིན་དུ་རྗེས་སུ་འཇུག་པ་ལ་བརྩོན་པར་བྱའོ།། དགེ་སློང་གང་ཡང་དག་པ་སྐྱོན་མེད་པ་ལ་མ་ཞུགས་པ་ཆོས་གོས་ཀྱིས་སྡུད་པ་འམ། ལྷུང་བཟེད་ཀྱིས་སྡུད་པ་བྱེད་ན། དེས་དགེ་སློང་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་གཞུག་གོ།། དེ་ཅིའི་ཕྱིར་ཞེ་ན། གང་ཟང་ཟིང་གི་སྡུད་པས་ཆོས་ཀྱི་བསྡུ་བ་སྐྱེད་པའི་གནས་ཡོད་པའི་ཕྱིར་རོ།། ཁྱིམ་བདག་དེ་ལྟར་བྱང་ཆུབ་སེམས་དཔའ་ཁྱིམ་པས་དགེ་སྦྱོང་གི་སྤྱོད་པ་ལ་མཁས་པར་བྱའོ། ། དེས་ཡང་དགེ་སྦྱོང་མི་འདུམ་པ་རྣམས་ཀྱི་བསྡུམས་ཀྱང་བྱའོ།། དམ་པའི་ཆོས་རབ་ཏུ་རྣམ་པར་འཇིག་པ་ན་དེས་སྲོག་ཀྱང་ཡོངས་སུ་གཏང་ཞིང་དམ་པའི་ཆོས་ཀུན་ཏུ་གཟུང་བར་བྱའོ། ། ཁྱིམ་བདག་གང་བྱང་ཆུབ་སེམས་དཔའ་ཁྱིམ་པས་དགེ་སློང་ན་བ་ཞིག་མཐོང་ན། དེས་རང་གི་ཤ་དང་ཁྲག་གིས་ཀྱང་དགེ་སློང་དེ་ནད་དེ་ལས་གསོ་བར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་གཏོང་ཞིང་སྦྱིན་པས་གཞན་དག་མགྲོན་དུ་གཉེར་བར་བྱ་སྟེ། བྱིན་ནས་ཀྱང་འགྱོད་པའི་སེམས་མི་སྐྱེད་དོ།། དེ་དག་དགེ་བའི་རྩ་བ་ཐམས་ཅད་ཀྱི་སྔོན་དུའང་བྱང་ཆུབ་ཀྱི་སེམས་འགྲོ་བར་བྱའོ། ། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་ཁྱིམ་པ་ཁྱིམ་གྱི་ས་ལ་གནས་པ་དེ་བཞིན་གཤེགས་པ་རྣམ་ཀྱི་དཀའ་བཞིན་བྱེད་པ་ཡིན་ཏེ། བྱང་ཆུབ་ཀྱི་ཕྱོགས་ཀྱི་ཆོས་རྣམས་ལས་མི་ཉམས་ཡོངས་སུ་མི་ཉམས་སོ།། ཚེ་འདི་ལའང་ཁ་ན་མཐོ་བའི་ལས་མེད་ཅིང་གཞན་དུའང་བྱེ་བྲག་ཏུ་འགྲོ་བར་འགྱུར་རོ།། དེ་ནས་ཁྱིམ་བདག་དྲག་ཤུལ་ཅན་དང་། ཁྱིམ་བདག་གཞན་དེ་དག་གིས་ཀྱང་མགྲིན་གཅིག་ཏུ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་ཇི་ཙམ་དུ་བཅོམ་ལྡན་འདས་ཀྱིས་ཁྱིམ་ན་གནས་པའི་ཉེས་པ་དང་། སྡོམ་པ་དང་། སྤྱོད་པ་དང་། རབ་ཏུ་བྱུང་བའི་ཡོན་ཏན་གྱི་ཕན་ཡོན་འདི་ལེགས་པར་གསུངས་པ་ནི་ངོ་མཚར་ཏོ། ། བཅོམ་ལྡན་འདས་བདག་ཅག་ཀྱང་འདིར་ཁྱིམ་ན་གནས་པ་ལ་ཉེས་པའི་སྐྱོན་ཆགས་པ་ཇི་སྙེད་པ་དང་། རབ་ཏུ་བྱུང་བའི་ཡོན་ཏན་གྱི་ཕན་ཡོན་མཐའ་ཡས་པ་མངོན་སུམ་དུ་གྱུར་ན། བཅོམ་ལྡན་འདས་བདག་ཅག་རྣམས་རབ་ཏུ་བྱུང་སྟེ། བདེ་བར་གཤེགས་པས་ལེགས་པར་བཤད་པའི་ཆོས་འདུལ་བ་ལ་བསྙེན་པར་རྫོགས་པར་མཛད་དུ་གསོལ། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཁྱིམ་བདག་དེ་དག་ལ་འདི་སྐད་ཅེས་བཀའ་སྩལ་ཏོ། ། ཁྱིམ་བདག་རྣམས་རབ་ཏུ་འབྱུང་བ་ནི་འབྱུང་བར་དཀའ་སྟེ། སྤྱོད་པ་ཤིན་ཏུ་རྣམ་པར་དག་པར་བསྒྲུབ་པར་བྱའོ།། དེ་སྐད་ཅེས་བཀའ་སྩལ་པདང་། མལྡན་དསཔ། ཁྱིམ་བདག་དེ་དག་འདི་སྦྱིད་རྒྱས་གསོ།། ། ཆོས་སུ་འདས་ཏུ་འབྱུང་བའང་འབྱུང་བ་དཀའ་ལནས་ད། འོ་ས་ཀྱིས་བདག་ཅག་རབ་ཏུ་འབྱུང་བའི་སླད་དུ་སྐབས་དབྱེ་བར་གསོལ། བདག་ཅག་བཅོམ་ལྡན་འདས་ཀྱིས་བསྟན་པ་ལ་ནན་ཏན་གྱིས་བསྒྲུབ་པར་འཚལ་ལོ།། བཅོམ་ལྡན་འདས་ཀྱིས་ཁྱིམ་བདག་རྗེ་དག་ལ་རབ་ཏུ་འབྱུང་བའི་སྐབས་ཕྱེ་སྟེ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བྱམས་པ་དང་། བྱང་ཆུབ་སེམས་དཔའ་སྤྱོད་པ་ཐམས་ཅད་རྣམ་པར་དག་པ་ལ་འདི་སྐད་ཅེས་བཀའ་སྩལ་ཏོ། ། སྐྱེས་བུ་དམ་པ་ཁྱེད་གཉིས་ཀྱིས་ཁྱིམ་བདག་འདི་རྣམས་རབ་ཏུ་ཕྱུང་ལ་བསྙེན་པར་རྫོགས་པར་གྱིས་ཤིག་ཅེས་བཅོམ་ལྡན་འདས་ཀྱིས་གནང་ནས། བྱང་ཆུབ་སེམས་དཔའ་བྱས་པས་ཁྱིམ་བདག་དགུ་སྟོང་རབ་ཏུ་ཕྱུང་ངོ་། ། བྱང་ཆུབ་སེམས་དཔའ་སྤྱོད་པ་ཐམས་ཅད་རྣམ་པར་དག་པས་ནི། ཁྱིམ་བདག་བདུན་སྟོང་རབ་ཏུ་ཕྱུང་ངོ་།། བྱང་ཆུབ་སེམས་དཔའ་ཁྱིམ་པ་རྣམས་ཀྱི་བསླབ་པའི་རྒྱུན་བསྟན་པའི་ཆོས་ཀྱི་རྣམ་གྲངས་འདི་བཤད་པ་ན། སྲོག་ཆགས་སྟོང་དུ་ཚང་བ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།། ། བམ་པོ་གསུམ་པ་སྟེ་ཐ་མའོ།། །། དེ་ནས་བཅོམ་ལྡན་འདས་ལ། ཁྱིམ་བདག་དྲག་ཤུལ་ཅན་གྱིས་འདི་སྐད་ཅེས་གསོལ་ཏོ།། བཅོམ་དུས་བྱུང་ཆུབ་སེམས་འ་པ་རྣམས་ཀྱི་རྒྱས་ཀྱིས་དང་། མུན་གནས་པ་དོ་བནན་པ་ཤད་། ལྡན་འདས་ཆུབ་སེམས་དཔའ་རང་དུ་བྱུང་བར་གཏོགས་པ་རྣམས་ཀྱིས་རབ་ཏུ་བྱུང་བའི་བསླབ་པ་དང་། ཚུལ་ཁྲིམ་དང་། ཐོས་པ་དང་། སྦྱངས་པའི་ཡོན་ཏན་དང་། ཡོ་བྱད་བསྲུངས་པ་དང་། དང་། ཆོ་ག་ཕུན་སུམ་ཚོགས་པ་དེ་ལེགས་པར་བཤད་དུ་གསོལ། བཅོམ་ལྡན་འདས་ཇི་ལྟར་ན་ལེགས་པར་བཤད་པའི་ཆོས་འདུལ་བ་ལ་བྱང་ཆུབ་སེམས་དཔའ་རབ་ཏུ་བྱུང་ནས། གུས་པར་སྨྲབ་དང་། ཕྱག་འཚལ་བ་དང་། ལྡང་བ་དང་། ཐལ་མོ་སྦྱར་བ་དང་། འདུད་པའི་ལས་དོན་མ་མཆིས་པར་མི་བགྱིད་པ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཁྱིམ་བདག་དྲག་ཤུལ་ཅན་ལ་འདི་སྐད་ཅེས་བཀའ་སྩལ་ཏོ། ། ཁྱིམ་བདག་ཁྱོད་གང་དེ་བཞིན་གཤེགས་པ་ལ་རབ་ཏུ་བྱུང་བའི་བསྒྲུབ་པ་དང་། ཚུལ་ཁྲིམས་དང་། ཐོས་པ་དང་། སྦྱངས་པའི་ཡོན་ཏན་དང་། ཡོ་བྱད་བསྙུངས་པ་དང་། སྤྱོད་པ་དང་། ཆོ་ག་ཕུན་སུམ་ཚོགས་པ་ཀུན་འདྲི་བ་ནི་ལེགས་སོ་ལེགས་སོ།། ཁྱིམ་བདག་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཞིག་དང་། བྱང་ཆུབ་སེམས་དཔའ་རབ་ཏུ་བྱུང་བ་། པས་ཇི་ལྟར་གནས་པར་བྱ་བ་དང་། ཇི་ལྟར་བསྒྲུབ་པར་བྱ་བ་ངས་ཁྱོད་ལ་བཤད་དོ།། བཅོམ་ལྡན་འདས་ལེགས་སོ་ཞེས་གསོལ་ནས། ཁྱིམ་བདག་དྲག་ཤུལ་ཅན་བཅོམ་ལྡན་འདས་ཀྱི་ལྟར་ཉན་པ་དང་། བཅོམ་ལྡན་འདས་ཀྱི་དེ་ལ་འདི་ནི་བཀའ་སྩལ་ཏོ།། ཁྱིམ་བདག་འདི་ལབྱང་ཆུབ་སེམ་དཔའ་རབ་ཏུ་བྱུང་བས་འདི་ལྟར་བདག་སུའི་ཆེད་ལ་ཁྱིམ་ནས་ཁྱིམ་མ་ཡིན་པར་རབ་ཏུ་བྱུང་སྙམ་དུ་གཞལ་བར་བྱ་སྟེ། དེས་མགོ་དང་གོས་ལ་མེ་འབར་བ་བཞིན་དུ་ཡེ་ཤེས་ཡོངས་སུ་བཙལ་བ་ལ་བརྩོན་འགྲུས་བརྩམ་པར་བྱའོ། ། དེ་དེ་ལྟར་ཡོངས་སུ་འཇལ་བའི་ཐོག་མ་ཉིད་དུ་འཕགས་པའི་རིགས་བཞི་པོ་དེ་དག་ལ་རབ་ཏུ་གནས་ཤིང་སྦྱངས་པའི་ཡོན་ཏན་དང་། ཡོ་བྱད་བསྙུངས་པ་ལ་མངོན་པར་དགའ་བར་བྱའོ། ། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་འཕགས་པའི་རིགས་བཞི་པོ་དེ་དག་ལ་རབ་ཏུ་གནས་པ་ཡིན་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་ནི་ཆོས་གོས་ངན་ངོན་གྱིས་ཆོག་པར་འཛིན་པ་ཡིན། ཆོས་གོས་ངན་ངོན་གྱིས་ཆོག་པར་འཛིན་པའི་བསྔགས་པའང་རྗོད་པ་ཡིན་ཏེ། དེ་ཆོས་གོས་ཀྱི་ཕྱིར་ཚུལ་དང་མི་འདྲ་བའི་ཚོལ་བར་མི་བྱེད་དོ། ། ཆོས་གོས་མ་རྙེད་ནའང་ཡི་མི་འཆད་ཅིང་ཡོངས་སུ་གདུང་བ་མེད་དོ།། ཆོས་གོས་རྙེད་ནའང་ཆགས་པ་མེད།། རྨོངས་པ་མེད། དགའ་བ་མེད། ཞེན་པ་མེད་ཅིང་ཞེན་པར་མི་འགྱུར་ཏེ། ཉེས་དམིགས་མཐོང་ལ་འབྱུང་བ་རབ་ཏུ་ཤེས་ནས་ཆགས་པ་མེད་པར་སྤྱོད་དེ། ཆོས་གོས་ངན་ངོན་གྱིས་ཆོག་པར་འཛིན་པ་དེ་དག་ལ་མི་བསྟོད་ཅིང་གཞན་ལ་མི་སྨོད་དོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ནི་བསོད་སྙོམས་ངན་ངོན་གྱིས་ཆོག་ཤེས་པར་འཛིན་པ་ཡིན། བསོད་སྙོམས་ངན་ངོན་གྱིས་ཆོག་པར་འཛིན་པའི་བསྔགས་པའ་རྗོད་པ་ཡིན་ཏེ། དེས་བསོད་སྙོམས་ཀྱི་ཕྱིར་ཆུལ་དང་མི་འདྲབས་རློས་པར་མབྱེད་དོ།། བསོད་སྙོམ་སྙས་ནད་ནའང་ཡི་མ་འཆད་ཅིང་ཡོངས་སུ་གདུང་བ་མེད་དོ།། བསོད་སྙོམས་རྙེད་ནའང་ཆགས་པ་མེད། རྨོངས་པ་མེད། དགའ་བ་མེད། ཞེན་པ་མེད་ཅིང་ཞེན་པར་མི་འགྱུར་ཏེ། ཉེས་དམིགས་མཐོང་ལ་འབྱུང་བར་རབ་དུ་ཤེས་ནས་ཆགས་པ་མེད་པར་སྤྱོད་དེ། བསོད་སྙོམས་ངན་ངོན་གྱིས་ཆོག་པར་འཛིན་པ་དེ་བདག་ལ་མི་བསྟོད་ཅིང་གཞན་ལ་མི་སྨོད་དོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ནི་མལ་ཆང་ནང་གྱིས་ཆོག་པར་འཛིན་པ་ཡིན། མལ་ཆ་ངན་ངོན་གྱིས་ཆོག་པར་འཛིན་པའི་བསྔགས་པའང་རྗོད་པ་ཡིན་ཏེ། དེ་མལ་ཆའི་ཕྱིར་ཚུལ་དང་མི་འདྲ་བས་ཚོལ་བར་མི་བྱེད་དོ།། མལ་ཆ་མ་རྙེད་ནའང་ཡི་མི་འཆད་ཅིང་ཡོངས་སུ་གདུང་བ་མེད་དོ། ། མལ་ཆ་རྙེད་ནའང་ཆགས་པ་མེད། རྨོངས་པ་མེད། དགའ་བ་མེད། ཞེན་པ་མེད་ཅིང་ཞེན་པར་མི་འགྱུར་ཏེ། ཉེས་དམིགས་མཐོང་ལ་འབྱུང་བར་རང་ཏུ་ཤེས་ནས་ཆགས་པ་མེད་པར་སྤྱོད་དེ། མལ་ཆང་ན་དོན་གྱིས་ཆོག་པར་འཛིན་པ་དེ་བདག་ལ་མི་བསྟོད་ཅིང་གཞན་ལ་མི་སྤྱོད་དོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་ར་དུ་བྱུང་བ་ནི་ན་པའི་གསོས་སྨན་དང་ཡོ་བྱད་ངན་ངོན་གྱིས་ཆོག་པར་འཛིན་པ་ཡིན། ན་བའི་གསོས་སྨན་དང་ཡོ་བྱད་ངན་ངོན་གྱིས་ཆོག་པར་འཛིན་པའི་བསྔགས་པའང་རྗོད་པ་ཡིན་ཏེ། དེན་པའི་གསོས་ལྡན་དང་ཡོ་བྱད་ཀྱི་ཕྱིར་ཚུལ་དང་མི་འདྲ་བས་ཚོལ་བར་མི་བྱེད་དོ། ། ན་བའི་གསོས་སྨྲན་དང་ཡོ་བྱད་མ་རྙེད་ནའང་ཡི་མི་འཆད་ཅིང་ཡོངས་སུ་གདུང་བ་མེད་དོ།། ན་བའི་གསོས་སྨན་དང་ཡོ་བྱད་རྙེད་ནའང་ཆགས་པ་མེད། རྨོངས་པ་མེད། དགའ་བ་མེད། ཞེན་པ་མེད་ཅིང་ཞེན་པར་མི་འགྱུར་ཏེ། ཉེས་དམིགས་མཐོང་ལ་འབྱུང་བ་རབ་ཏུ་ཤེས་ནས་ཆགས་པ་མེད་པར་སྤྱོད་དོ།། ན་བའི་གསོས་སྨྲན་དང་ཡོ་བྱད་ངན་ངོན་གྱིས་ཆོག་པར་འཛིན་པ་དེ་བདག་ལ་མི་བསྟོད་ཅིང་གཞན་ལ་མི་སྨོད་དོ། ། སྤོང་བ་ལ་དགའ་བའང་ཡིན་ཏེ། སྤོང་བ་ལ་མོས་ཤིང་སྤོང་བ་ལ་དགའ་བའི་སྦྱོར་བ་ལ་བརྩོན་ནོ།། དེ་སྡིག་པ་མི་དགེ་བའི་ཆོས་རྣམས་སྤངས་པས་དགའ་བར་འགྱུར་ཏེ། མ་སྤངས་པས་ནི་མ་ཡིན་ནོ།། དེ་བསྒོམ་པ་ལ་དགའ་བ་ཡིན་ཏེ། བསྒོམ་པ་ལ་དགའ་བའི་སྦྱོར་བ་ལ་བརྩོན་ནོ།། དགེ་བའི་ཆོས་བསྒོམས་པས་ནི་མ་ཡིན་ནོ། ། སྤོང་བ་ལ་དགའ་བ། སྤོང་བ་ལ་མོས་པ། སྤོང་བ་ལ་དགའ་བའི་སྦྱོར་བ་ལ་བརྩོན་པ། བསྒོམས་པ་ལ་དགའ་བ། བསྒོམ་པ་ལ་མོས་པ། བསྒོམ་པ་ལ་དགའ་བའི་སྦྱོར་བ་ལ་བརྩོན་པ་དེ་བདག་ལ་མི་བསྟོད་ཅིང་གཞན་ལ་མི་སྨོད་དོ། ། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་འཕགས་པའི་རིགས་བཞི་པོ་དག་ལ་གནས་པ་ཡིན་ནོ།། ཅིའི་ཕྱིར་འཕགས་པའི་རིགས་ཞེས་བྱ་ཞེ་ན། བྱང་ཆུབ་ཀྱི་ཕྱོགས་ཀྱི་ཆོས་ཐམས་ཅད་འདི་ལ་གནས་པས་དེའི་ཕྱིར་འཕགས་པའི་རིགས་ཞེས་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་དུ་བྱུང་བས་ཕན་@། ཡོན་ལ་དགའ་བ་བཅུས་ཆོས་གོས་སུས་ལ་བཅང་བར་བྱ་སྟེ། བཅུ་གང་ཤེ་ན། འདི་ལྟ་སྟེ། ངོ་ཚ་ཞིང་འཛེམ་པས་དཀྲི་བ་དང་། ཤ་བྷ་དང་། སྦྲུ་ལུ་དང་། རླུང་དང་། ནཱི་མ་སྡིག་སྦྲུལ་གྱིས་རེག་པར་འགྱུར་བ་གཡོག་པ་དང་། དགེ་སྦྱོང་གི་ཁ་དོག་དང་། རྟགས་བསྟན་པ་དང་། ངུར་སྨྲིག་དེ་དག་ནི་ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་གྱི་མཆོད་རྟེན་ཡིན་ནོ་སྙམ་ནས། མཆོད་རྟེན་གྱི་ཕྱིར་ཡང་དག་པར་གཟུང་བར་བྱ་བ་དང་། དེ་དག་ནི་ཡིད་འབྱུང་བ་དང་། འདོད་ཆགས་དང་བྲལ་བས་ཁ་དོག་བསྒྱུར་བ་ཡིན་ཏེ། འདི་དག་ནི་འདོད་ཆགས་ཀྱིས་ཁ་དོག་བསྒྱུར་བ་མ་ཡིན་པ་དང་། འདི་དག་ནི་ཉེ་བར་ཞི་བ་དང་མཐུན་པ་ཡིན་གྱི། འདི་དག་ནི་ཉོན་མོངས་པ་འབར་བ་དང་མཐུན་པ་མ་ཡིན་པ་དང་། ངུར་སྨྲིག་འདི་དག་གིས་དཀྲིས་ཤིང་གཡོགས་ནས། སྡིག་པ་ལས་ལྡོག་པར་བྱ་བ་དང་། ལེགས་པར་བྱ་བའི་ལས་བྱ་བ་དང་། ཆོས་གོས་ཀྱིས་ཚ་བར་སྦྱོར་བ་ལ་བརྩོན་པ་མ་ཡིན་པ་དང་། ངུར་སྨྲིག་འདི་དག་འཕགས་པའི་ལམ་གྱི་ཚོགས་དང་མཐུན་པ་ཡིན་པར་ཤེས་ནས། ཅི་ནས་སྐད་ཅིག་གཅིག་ལའང་རྙོག་པ་མང་བ་དང་འགྲོགས་པར་བྱ་བར་ངུར་སྨྲིག་རྣམས་བཅང་བར་བྱ་བ་སྟེ། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བས་ཕན་ཡོན་ལ་དགའ་བ་བཅུ་པོ་དེ་དག་གིས་ཆོས་གོས་ལུས་ལ་བཅང་བར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་རང་དུ་བྱུང་བས་ཕན་ཡོན་བཅུ་མཐོང་ནས། ཇི་སྲིད་འཚོ་མཐའི་བར་དུ་བསོད་སྙོམས་སྤྱོད་པ་གཏང་བར་མི་བྱ་སྟེ། བཅུ་གང་ཞེ་ན། རང་དབང་དུ་གྱུར་པའི་ཚུལ་གྱིས་འཚོ་བར་བྱའོ།། གཞན་ལ་རག་ལུས་པ་མ་ཡིན་པ་དང་། སེམས་ཅན་གང་དག་བདག་བསོད་སྙོམས་འདོད་པ་ལ་བསོད་སྙོམས་བྱིན་པ་དེ་དག་ཀྱང་དཀོན་མཆོག་གསུམ་ལ་བཀོད་དེ། ཕྱིས་བསོད་སྙོམས་བླང་བར་བྱ་བ་དང་། སེམས་ཅན་གང་དག་བསོད་སྙོམས་འདོད་པ་ལ་བསོད་སྙོམས་མི་སྟེར་བདེ་དག་ལ་སྙིང་རྗེ་ཆེན་པོ་བསྐྱེད་ནས། སེམས་ཅན་དེ་དག་གཏོང་བ་ལ་གཟུད་པའི་ཕྱིར་བརྩོན་འགྲུས་བརྩམ་པར་བྱ་བ་དང་། བྱ་བ་བྱས་ཏེ་བསོད་སྙོམས་བཟའ་བ་དང་། བདག་གིས་དེ་བཞིན་གཤེགས་པའི་བཀའ་དང་མཐུན་པར་བྱས་པར་འགྱུར་བ་དང་། དགང་སླ་ཞིང་གསོ་སླ་བར་བྱ་བའི་ཕྱིར་བདག་གིས་རྒྱུ་བསྐྱེད་པར་འགྱུར་བ་དང་། བདག་གིས་ང་རྒྱལ་བ་ཅག་པ་བསྟེན་པར་འགྱུར་བ་དང་། བདག་གིས་སྤྱི་གཙུག་བལྟར་མི་མཐོང་བའི་དགེ་བའི་རྩ་བ་བསགས་པར་འགྱུར་བ་དང་། བདག་མཐོང་ནས་དེ་བཞིན་དུ་སློབ་པར་འགྱུར་ཞིང་། བདག་སྐྱེས་པ་དང་། བུད་མེད་དང་། ཁྱེའུ་དང་། བུ་མོ་ལ་རྟེན་པར་མི་འགྱུར་བ་དང་། བསོད་སྙོམས་ཡང་དག་པར་བླང་བའི་སྤྱོད་པའང་། བདག་སེམས་ཅན་ཐམས་ཅད་ལ་སེམས་སྙོམས་པས་ཐམས་ཅད་མཁྱེན་པའི་ཡེ་ཤེས་ཀྱི་ཚོགས་སུ་འགྱུར་བ་སྟེ། ཁྱིམ་བདག་བྱང་ཆུབ་སེམས་དཔའ་རབ་དུ་བྱུང་བས་ཕན་ཡོན་བཅུ་པོ་དེ་དག་མཐོང་ནས། ཇི་སྲིད་འཚོའི་མཐའི་བར་དུ་བསོད་སྙོམས་སྤྱོད་པ་མི་གཏང་བར་བྱའོ།། གལ་ཏེ་དེ་ལ་ལ་ཞིག་གིས་མགྲོན་དུ་བོས་ན་དེས་ལྷག་པའི་བསམ་པ་དང་། དད་པ་དང་། དང་བ་བསྐྱེད་པའི་ཕྱིར་འགྲོ་བར་བྱ་སྟེ། འཛུད་པ་དང་འཆོས་པས་ནི་མ་ཡིན་ནོ།། གང་ལ་ལ་བསོད་སོམས་ཐས་ཏེ། བདག་དང་གཀུན་གྱི་ན་རྫོགས་པར་བྱེད་ན་རླུང་རྒྱ། དཔའ་དེ་མཐོན་དུ་འགྲོ་བར་གནང་ངོ་།། ཁྱིམ་བདག་གཞན་ཡང་བྱང་ཆུབ་སེམས་དཔའ་རའ་དུ་བྱུང་བས་ཕན་ཡོན་བཅུ་མཐོང་ནས་ཇི་སྲིད་འཚོའི་བར་དུ་སྨན་བཀྲུས་པས་ཆོག་ཤེས་པར་བྱ་སྟེ། བཅུ་གང་ཞེ་ན། དེ་བཞིན་གཤེགས་པའི་བསྟན་པ་ལ་ཞུགས་པར་འགྱུར་བ་དང་། གཞན་གྱི་ངོར་ལྟ་བར་མི་འགྱུར་བ་དང་། བདག་གིས་མི་སྡུག་པའི་འདུ་ཤེས་བསྟེན་པར་འགྱུར་བ་དང་། བདག་མི་མཐུན་པའི་འདུ་ཤེས་སོ་སོར་ཉེ་བར་གནས་པར་འགྱུར་བ་དང་། རོ་བྲོ་བ་ལ་ཆགས་པའང་བདག་གིས་ཆགས་ཆུང་ངུས་སྤངས་པར་འགྱུར་བ་དང་། བྱིས་པ་སོ་སོའི་སྐྱེ་བོ་ཐམས་ཅད་བདག་ལ་ཡིད་རྟོན་པར་འགྱུར་བ་དང་། བདག་ཁ་ཟས་བསྙུངས་པ་མངོན་དུ་གྱུར་པར་འགྱུར་བ་དང་། བདག་ལ་སྨན་ཡོངས་སུ་ཚོལ་བའི་འཕོངས་པ་མེད་པར་འགྱུར་བ་དང་། བདག་གི་སེམས་ལ་ཉོན་མོངས་པའི་ནད་ཀྱིས་གནོད་པ་མེད་པར་བྱས་པར་འགྱུར་བ་དང་། དེ་ལྟར་ཞུགས་ན་མྱུར་དུ་ཉོན་མོངས་པའི་ནད་དང་བྲལ་བར་འཐོབ་པར་འགྱུར་བ་སྟེ། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བས་ཕན་ཡོན་བཅུ་པོ་དེ་དག་མཐོང་ནས་ཇི་སྲིད་འཚོའི་བར་དུ་སྨན་བཀུས་པས་ཆོག་ཤེས་པར་བྱའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས་ཕན་ཡོན་བཅུ་མཐོང་ནས་ཇི་སྲིད་འཚོའི་མཐའི་བར་དུ་དགོན་པ་ལ་གནས་པ་ཡོངས་སུ་མི་གཏང་བར་བྱ་སྟེ། བཅུ་གང་ཞེ་ན། བདག་གི་ཉམ་རངས་དང་བདག་གི་དབང་དུ་འགྲོ་བ་དང་། ངའི་བ་མེད་ཅིང་ཡོངས་སུ་འཛིན་པ་མེད་པ་དང་། མལ་ཆ་ལྐུག་པར་གཏོང་བ་དང་། དགོན་པའི་གནས་ལ་དགའ་བ་དང་མ་བྲལ་བ་དང་། གནས་རྣམས་སུ་དོན་ཉུང་ཞིང་བྱེད་པ་ཉུང་བ་དང་། གཡོག་གི་ཚོགས་འདོར་ཞིང་ལུས་དང་སྲོག་ལ་མི་ལྟ་བ་དང་། དབེན་པར་དགའ་ཞིང་འདུ་འཛི་ཡོངས་སུ་སྤོང་བ་དང་། ལས་བྱས་པའི་ཡོན་ཏན་གྱི་ཕན་ཡོན་ཡོངས་སུ་གཏོང་བ་དང་། ཏིང་ངེ་འཛིན་དང་མཐུན་པའི་སེམས་རྩེ་གཅིག་པ་དང་། ཡིད་ལ་བྱེད་པ་བླ་གབ་མེད་པ་ཡིད་ལ་བྱེད་པ་སྒྲིབ་པ་མེད་པ་སྟེ། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས་ཕན་ཡོན་བཅུ་པོ་དེ་དག་མཐོང་ནས་ཇི་སྲིད་འཚོའི་བར་དུ་དགོན་པ་ལ་གནས་པ་ཡོངས་སུ་མི་གཏང་བར་བྱའོ། ། ཁྱིམ་བདག་གལ་ཏེ་བྱང་ཆུབ་སེམས་དཔའ་དགོན་པ་ལ་གནས་པ་ཆོས་ཉན་པར་འདོད་དམ། སློབ་དཔོན་དང་མཁན་པོ་བལྟ་བར་འདོད་དམ། ན་བ་འདྲི་བའི་ཕྱིར་གྲོང་གི་གནས་སུ་འོངས་ན་དེས་དགོངས་སུ་སླར་ལྡོག་པར་བྱ་བའི་ཕྱིར་འགྲོ་བའི་སེམས་བསྐྱེད་པར་བྱའོ།། དེ་གལ་ཏེ་ལུང་མནོད་པ་དང་། ཁ་ཏོན་བྱ་བ་གཞན་ལ་རག་ལས་ཏེ། གཙུག་ལག་ཁང་ན་གནས་ནའང་དེས་དགོན་པ་ལ་གཞོལ་བའི་སེམས་ཀྱིས་གང་དངོས་པོ་ཐམས་ཅད་ལ་དགོན་པར་འདུ་ཤེས་པ་དང་། ཆོས་ཚོལ་བས་མི་ངོམས་པ་དེ་ཉིད་དགོན་པ་པ་ལ་གནས་པ་ཡིན་ནོ་སྙམ་དུ་བསམ་སོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་དཀོན་པ་ལ་གནས་པས། ལྟར་བདག་ཅིའི་ཕྱིར་དགོན་པ་ལ་གནས། དགོན་པ་ལ་གནས་པ་འབའ་ཞིག་ནི་དགེ་སྦྱོང་མ་ཡིན་ཏེ། འདིན་ནི་མ་བྱང་བ། མ་སྦས་པ། མ་ཞི་བ། མ་དུལ་བ། མི་འགྲུས་པ། རབ་དུ་མི་བརྩོན་པ། འདི་ལྟ་སྟེ། རི་དགས་དང་། སྤྲེརུ་དང་། བྱ་མང་པོ་དང་། ཆོམ་རྐུན་དང་། གདོལ་པ་དག་ཀྱང་མང་དུ་གནས་ཏེ། དེ་དག་ཀྱང་དགེ་སྦྱོང་གི་ཡོན་ཏན་དང་ལྡན་པ་མ་ཡིན་པས་གང་གི་ཕྱིར་བདག་དགོན་པ་ལ་གནས་པ། འདི་ལྟ་སྟེ། དགེ་སྦྱོང་གི་དོན་དེ་ཡོངས་སུ་རྫོགས་པར་བྱའོ་སྙམ་དུ་བརྟག་པར་བྱའོ།། ཁྱིམ་བདག་བྱང་ཆུབ་སེམས་དཔའ་རབ་དུ་བྱུང་བའི་དགེ་སྦྱོང་གི་དོན་གང་ཞེ་ན། འདི་ལྟ་སྟེ། དྲན་པ་དང་། ཤེས་བཞིན་དང་། མི་གཡེང་བ་དང་། གཟུངས་རབ་ཏུ་ཐོབ་པ་དང་། བྱམས་པ་བསྟེན་པ་དང་། སྙིང་རྗེ་བསྟེན་པ་དང་། མངོན་པར་ཤེས་པ་རྣམས་ལ་དབང་སྒྱུར་བ་དང་། ཕ་རོལ་ཏུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་བྱ་བ་དང་། ཐམས་ཅད་མཁྱེན་པ་ཉིད་ཀྱི་སེམས་ཡོངས་སུ་མི་གཏོང་བ་དང་། ཐབས་མཁས་པའི་ཡེ་ཤེས་བསྒོམ་པ་དང་། སེམས་ཅན་ཡོངས་སུ་སྨིན་པར་བྱ་བ་དང་། བསྡུ་བའི་དངོས་པོ་བཞི་ཡོངས་སུ་མི་གཏང་བ་དང་། རྗེས་སུ་དྲན་པ་དྲུག་རྗེས་སུ་དྲན་པ་དང་། ཐོས་པ་དང་བརྩོན་འགྲུས་མི་འདོར་བ་དང་། ཚུལ་བཞིན་དུ་ཆོས་རབ་ཏུ་རྣམ་པར་འབྱེད་པ་དང་། ཡང་དག་པར་རྣམ་པར་གྲོལ་བའི་ཕྱིར་བརྩོན་པ་དང་། འབྲས་བུ་ཐོབ་པ་རྣམལ་ཤེས་པ་དང་། སྔོན་མེད་པ་ལ་འཇུག་པར་གནས། པ་དང་། དམ་པའི་ཆོས་བསྲུང་བ་དང་། ལས་ཀྱི་རྣམ་པར་སྨིན་པ་ལ་ཡིད་ཆེས་པས་ཡང་དག་པའི་ལྟ་བ་དང་། རྟོག་པ་དང་རྣམ་པར་རྟོག་པ་ཐམས་ཅད་རབ་ཏུ་ཆད་པས་ཡང་དག་པའི་རྟོག་པ་དང་། མོས་པ་ཇི་ལྟ་བ་བཞིན་དུ་ཆོས་སྟོན་པས་ཡང་དག་པའི་ངག་དང་། ལས་ཟད་པ་ཡོངས་སུ་རྫོགས་པས་ཡང་དག་པའི་ལས་ཀྱི་མཐའ་དང་། བག་ཆགས་ཀྱི་མཚམས་སྦྱོར་བ་ཡང་དག་པར་བཅོམ་པས་ཡང་དག་པའི་འཚོ་བ་དང་། རྫོགས་པའི་བྱང་ཆུབ་ཁོང་དུ་ཆུད་པས་ཡང་དག་པའི་རྩོལ་བ་དང་། བརྗེད་པ་མེད་པའི་ཆོས་ཉིད་ཀྱིས་ཡང་དག་པའི་དྲན་པ་དང་། ཐམས་ཅད་མཁྱེན་པའི། ཡེ་ཤེས་ཡོངས་སུ་ཐོབ་པས་ཡང་དག་པའི་ཏི་ངེ་འཛིན་དང་། སྟོང་པ་ཉིད་ཀྱིས་མི་སྐྲག་པ་དང་། མཚན་མ་མེད་པ་ལ་མི་ཞུམ་པ་དང་། སྨོན་པ་མེད་པ་ལ་མི་འགོང་བ་དང་། བསམ་བཞིན་དུ་ཡེ་ཤེས་ཀྱིས་སྲིད་པ་ཡོངས་སུ་འཛིན་པ་དང་། དོན་ལ་རྟོན་གྱི། ཡི་གེ་ལ་མི་རྟོན་པ་དང་། ཡེ་ཤེས་ལ་རྟོན་གྱི། རྣམ་པར་ཤེས་པ་ལ་མི་རྟོན་པ་དང་། ཆོས་ལ་རྟོན་གྱི། གང་ཟག་ལ་མི་རྟོན་པ་དང་། ངེས་པའི་དོན་གྱི་མདོ་སྡེ་ལ་རྣོན་གྱི། དྲང་བའི་དོན་གྱི་མདོ་སྡེ་ལ་མི་རྟོན་པ་དང་། ཐོག་མ་ནས་མ་བྱུང་ཞིང་མི་འཇིག་པའི་ཚུལ་གྱིས་ངོ་ཚ་ཉིད་ལ་མི་རྟོག་པ་དེ་ནི། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བའི་དགེ་སྦྱོང་གི་དོན་ཅེས་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བས་འགྲོགས་པ་མེད་པ་མང་དུ་བྱའོ། ། དེས་འདི་ལྟར་ཡང་བདག་ནི་སེམས་ཅན་དང་འདྲེ་བར་མི་བྱ་སྟེ། བདག་གིས་སེམས་ཅན་གཅིག་གི་དགེ་བའི་རྩ་བ་བསྐྱེད་པར་མི་བྱའི། བདག་གིས་སེམས་ཅན་ཐམས་ཅད་ཀྱི་དགེ་བའི་རྩ་བ་བསྐྱེད་པར་བྱའོ་སྙམ་དུ་བརྟག་པར་བྱའོ།། དེ་ལྟ་མོད་ཀྱི་ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བའི་འགྲོགས་པ་བཞི་པོ་འདི་དག་ནི་དེ་བཞིན་གཤེགས་པས་གནང་སྟེ། བཞི་གང་ཞེ་ན། ཆོས་མཉན་པའི་ཕྱིར་འགྲོགས་པ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་འགྲོགས་པ་དང་། དེ་བཞིན་གཤེགས་པ་ལ་མཆོད་པ་དང་རིམ་གྲོ་བྱ་བའི་ཕྱིར་འགྲོགས་པ་དང་། ཐམས་ཅད་མཁྱེན་པའི་སེམས་འགྲོགས་པ་མེད་པ་དང་འགྲོགས་པ་སྟེ། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བའི་གྲོགས་པ་བཞི་པོ་དེ་དག་ནི་དེ་བཞིན་གཤེགས་པས་གནང་བའོ། ། ཁྱིམ་བདག་དེ་བས་ན་བྱང་ཆུབ་སེམས་དཔའ་རབ་ཏུ་བྱུང་བས་འགྲོགས་པ་ལས་རྣམ་པར་གྲོལ་བར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པས། བདག་ཅིའི་ཕྱིར་དགོན་པར་འོངས་སྙམ་དུ་བརྟག་པར་བྱ་སྟེ། དེས་ཡང་འདི་ལྟར་བདག་ནི་འཇིམ་ཤིང་སྐྲག་པའི་ཕྱིར་དགོན་པར་འོངས་སོ། ། ཅི་ཞིག་གིས་འཇིགས་ཤིང་སྐྲག་ཅེ་ན། འདུ་འཇིས་འཇིགས་ཤིང་སྐྲག་གོ། འགྲོགས་པས་འཇིགས་ཤིང་སྐྲག་གོ།། འདོད་ཆག་དང་། ཞེ་སྡང་དང་། གཏི་མུག་གིས་འཇིགས་ཤིང་སྐྲག་གོ།། ང་རྒྱལ་དང་། རྒྱགས་པ་དང་། འཆབ་པས་འཇིགས་ཤིང་སྐྲག་གོ།། ཆགས་པ་དང་། ཕྲག་དོག་དང་། སེར་སྣས་འཇིགས་ཤིང་སྐྲག་གོ། ། གཟུགས་དང་། སྒྲ་དང་། དྲི་དང་། རོ་དང་། རེག་བྱས་འཇིགས་ཤིང་སྐྲག་གོ། ཕུང་པོའི་བདུད་ཀྱིས་འཇིགས་ཤིང་སྐྲག་གོ།། ཉོན་མོངས་པའི་བདུད་ཀྱིས་འཇིགས་ཤིང་སྐྲག་གོ། ། འཆི་བདག་གི་བདུད་ཀྱིས་འཇིགས་ཤིང་སྐྲག་གོ།། མི་རྟག་པ་ལ་རྟག་པར་ཕྱིན་ཅི་ལོག་པས་འཇིགས་ཤིང་སྐྲག་གོ།། སྡུག་བསྔལ་ལ་བདེ་བར་ཕྱིན་ཅི་ལོག་པས་འཇིགས་ཤིང་སྐྲག་གོ། བདག་མེད་པ་ལ་བདག་ཏུ་ཕྱིན་ཅི་ལོག་པས་འཇིགས་ཤིང་སྐྲག་གོ། མི་གཙང་བ་ལ་གཙང་བར་ཕྱིན་ཅི་ལོག་པས་འཇིགས་ཤིང་སྐྲག་གོ། སེམས་དང་། ཡིད་དང་། རྣམ་པར་ཤེས་པས་འཇིགས་ཤིང་སྐྲག་གོ།། སྲེད་པས་འཇིགས་ཤིང་སྐྲག་གོ།། འཁོར་བས་འཇིགས་ཤིང་སྐྲག་གོ།། སྒྲིབ་པ་དང་། ཆོད་པ་དང་། ཀུན་ནས་ལྡང་བས་འཇིགས་ཤིང་སྐྲག་གོ་འཇིག་ཚོགས་ལ་ལྟ་བས་འཇིགས་ཤིང་སྐྲག་གོ། ། བདག་ཏུ་འཛིན་པ་དང་བདག་གིར་འཛིན་པས་འཇིགས་ཤིང་སྐྲག་གོ།། རྒོད་པས་འཇིགས་ཤིང་སྐྲག་གོ། འགྱོད་པ་དང་ཐེ་ཚོམ་གྱིས་འཇིག་ཤིང་སྐྲག་གོ། ། སྡིག་པའི་གྲོགས་པོས་འཇིགས་ཤིང་སྐྲག་གོ།། རྙེད་པ་དང་བཀུར་སྟིས་འཇིགས་ཤིང་སྐྲག་གོ།། མི་དགེ་བའི་བཤེས་གཉེན་གྱིས་འཇིགས་ཤིང་སྐྲག་གོ། ། མ་མཐོང་བར་མཐོང་ངོ་སྙམ་དུ་འཛིན་པས་འཇིགས་ཤིང་སྐྲག་གོ།། མ་ཐོས་པར་ཐོས་སོ་སྙམ་དུ་འཛིན་པས་འཇིགས་ཤིང་སྐྲག་གོ།། མ་དྲན་པར་དྲན་ནོ་སྙམ་དུ་འཛིན་པས་འཇིགས་ཤིང་སྐྲག་གོ། ། བྱེ་བྲག་མ་ཕྱེད་པར་བྱེ་བྲག་ཕྱེད་དོ་སྙམ་དུ་འཛིན་པས་འཇིགས་ཤིང་སྐྲག་གོ།། མི་ཤེས་པར་ཤེས་སོ་སྙམ་དུ་འཛིན་པས་འཇིགས་ཤིང་སྐྲག་གོ།། དགེ་སྦྱོང་གི་དྲི་མས་འཇིགས་ཤིང་སྐྲག་གོ། ། གཅིག་ལ་གཅིག་གནོད་པར་སེམས་པས་འཇིགས་ཤིང་སྐྲག་གོ།། འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མེད་པའི་ཁམས་ཀྱིས་འཇིགས་ཤིང་སྐྲག་གོ། སྲིད་པའི་འགྲོ་བ་ཐམས་ཅད་དུ་འཆི་འཕོ་བ་དང་སྐྱེ་བས་འཇིགས་ཤིང་སྐྲག་གོ།། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། ཡི་དྭགས་ཀྱི་ཡུལ་དུ་འགྲོ་བས་འཇིགས་ཤིང་སྐྲག་གོ།། གི་ཁོམ་པས་འཇིགས་ཤིང་སྐྲག་གོ།། མདོར་ན་མི་དགེ་བའི་ཆོས་ཐམས་ཅད་ཡིད་ལ་བྱེད་པས་འཇིགས་ཤིང་སྐྲག་སྟེ། བདག་དེ་ལྟ་བུའི་འཇིགས་ཤིང་སྐྲག་པ་དེ་དག་གིས་འཇིགས་ནས་དགོན་པར་འོངས་ཏེ་ཁྱིམ་ན་གནས་པ་དང་། འདུ་འཇིལ་གནས་པ་དང་། མི་འགྲུས་ཤིང་རྣལ་འབྱོར་ལ་མི་བརྩོན་པ་དང་། ཚུལ་བཞིན་མ་ཡིན་པ་ཡིད་ལ་བྱེད་པ་ལ་གནས་པས་ནི་འདི་ལྟ་བུའི་འཇིགས་ཤིང་སྐྲག་པ་དེ་དག་ལས་ཡོངས་སུ་ཐར་པར་མི་ནུས་ཏེ། གང་དག་འདས་པའི་དུས་ན་བྱུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་དགོན་པ་ལ་གནས་ནས། འཇིགས་པ་ཐམས་ཅད་ལས་རྣམ་པར་གྲོལ་ཏེ། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཇིགས་པ་མེད་པ་ཐོབ་བོ།། གང་དག་མ་འོངས་པའི་ཕུ་ན་བྱུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དག་ཐམས་ཅད་ཀྱང་དགོན་པ་ལ་གནས་ནས། འཇིགས་པ་ཐམས་ཅད་ལས་རྣམ་པར་གྲོལ་ཏེ། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཇིགས་པ་མེད་པ་ཐོབ་པར་འགྱུར་རོ། ། གང་དག་ད་ལྟར་བྱུང་བའི་དུས་ཀྱི་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཐོབ་པ་དེ་དག་ཐམས་ཅད་ཀྱང་དགོན་པ་ལ་གནས་ནས། འཇིགས་པ་ཐམས་ཅད་ལས་རྣམ་པར་གྲོལ་ཏེ། འདི་ལྟ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་འཇིགས་པ་མེད་པ་ཐོབ་བོ།། དེ་བས་ན་བདག་ཀྱང་འདི་ལ་འཇིགས་ཤིང་སྐྲག་སྟེ། འཇིགས་པ་ཐམས་ཅད་ལས་ཤིན་ཏུ་ནི་འདའ་བར་འདོད། མི་འཇིགས་པ་ནི་རྗེས་སུ་ཐོབ་པར་འདོད་པས་དགོན་པ་ལ་གནས་པར་བྱའོ་སྙམ་དུ་ཡོངས་སུ་དཔྱད་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་འཇིགས་ཤིང་སྐྲག་ནས་དགོན་པའི་གནས་ལ་གནས་པས། འདི་ལ་གང་ཅུང་ཟད་འཇིགས་པ་སྐྱེ་བ་དེ་དག་ཐམས་ཅད་ནི་བདག་ཏུ་འཛིན་པ་ལས་སྐྱེས་སོ། ། བདག་ཏུ་མངོན་པར་ཆགས་པ་དང་། བདག་ཏུ་ཡོངས་སུ་འཛིན་པ་དང་། བདག་གི་གཞི་དང་། བདག་ཏུ་འདུ་ཤེས་པ་དང་། བདག་ཏུ་སྨྲ་བ་ཉེ་བར་ལེན་པ་དང་། བདག་ཏུ་ལྟ་བ་དང་། བདག་གིས་གནས་དང་། བདག་ཏུ་ཡོངས་སུ་རྟོག་པ་དང་། བདག་སྲུང་བ་ལས་སྐྱེས་ཏེ། གལ་ཏེ་བདག་དགོན་པ་ན་གནས་ལ། བདག་ཏུ་འཛིན་པ་ཡོངས་སུ་མ་སྤངས། བདག་ཏུ་མངོན་པར་ཆགས་པ་དང་། བདག་ཏུ་ཡོངས་སུ་འཛིན་པ་དང་། བདག་གི་གཞི་དང་།། བདག་ལ་སྲེད་པ་དང་། བདག་ཏུ་འདུ་ཤེས་པ་དང་། བདག་དུ་སྨྲ་བ་ཉེ་བར་ལེན་པ་དང་། བདག་ཏུ་ལྟ་བ་དང་། བདག་གི་གནས་དང་། བདག་ཏུ་ཡོངས་སུ་རྟོག་པ་དང་། བདག་སྲུང་བ་ཡོངས་སུ་མ་སྤངས་ན་ནི་བདག་དགོན་པ་ལ་གནས་པ་དོན་མེད་པར་འགྱུར་རོ་སྙམ་དུ་བསླབ་པར་བྱ་སྟེ། བདག་ཏུ་འདུ་ཤེས་པ་ལ་དགོན་པ་ལ་གནས་པ་མེད་དོ།། གཞན་དུ་འདུ་ཤེས་པ་ལའང་མེད་དོ།། ངར་འཛིན་པ་དང་། ང་ཡིར་འཛིན་པ་ལ་མངོན་པར་ཞེན་པ་ལ་ནི་དགོན་པ་ལ་གནས་པ་མེད་དོ།། དམིགས་པར་ལྟ་བ་ལ་ནི་དགོན་པ་ལ་གནས་པ་མེད་དོ། ། ཕྱིན་ཅི་ལོག་ཏུ་ལྟ་བ་ལ་ནི་དགོན་པ་ལ་གནས་པ་མེད་དོ།། ཁྱིམ་བདག་མྱ་ངན་ལས་འདའ་བར་འདུ་ཤེས་པ་ལའང་དགོན་པ་ལ་གནས་པ་མེད་ན། ཉོན་མོངས་པ་ཐམས་ཅད་ཀྱི་འདུ་ཤེས་ཅན་ལྟ་ཅི་སྨོས། ཁྱིམ་བདག་དགོན་པ་ལ་གནས་པ་ཞེས་བྱ་བ་ནི་ཐམས་ཅད་ལ་མི་རྟེན་པར་གནས་པའོ།། ཆོས་ཐམས་ཅད་ལ་མི་འཛིན་པར་གནས་པའོ།། མཚན་མ་ཐམས་ཅད་ལ་མི་ཆགས་པར་གནས་པའོ།། གཟུགས་ཐམས་ཅད་ལ་མི་རྟེན་པར་གནས་པའོ།། སྒྲ་དང་། དྲི་དང་། རོ་དང་། རེག་བྱ་ཐམས་ཅད་ལ་མི་རྟེན་པར་གནས་པའོ། ། ཆོས་ཐམས་ཅད་མཉམ་པ་ཉིད་དང་མི་འགལ་བར་གནས་པའོ།། སེམས་ཤིན་ཏུ་ཞི་བས་ཤིན་ཏུ་སྦྱངས་པར་གནས་པའོ།། འཇིགས་པ་ཐམས་ཅད་སྤངས་པས་མི་འཇིགས་པར་གནས་པའོ། ། ཉོན་མོངས་པ་ཐམས་ཅད་ལས་རྣམ་པར་གྲོལ་བས་ཆུ་བོ་ལས་བརྒལ་བར་གནས་པའོ།། བརྟན་པར་གནས་པའོ།། ངན་དོན་གྱིས་ཆོག་ཤེས་པར་འཛིན་ཅིང་འདོད་པ་ཆུང་བ་འཕགས་པའི་རིགས་རྣམས་ལ་རབ་ཏུ་དགའ་བར་གནས་པའོ། ། དགང་སླ་ཞིང་གསོ་སླ་བས་ཆོག་པར་འཛིན་པར་གནས་པའོ། ། ཤེས་རབ་ཀྱི་ཕྱིར་ཚུལ་བཞིན་ལ་སྦྱོར་བས་ཐོས་པ་ལ་གནས་པའོ།། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པ་ལ་སོ་སོར་རྟོག་པས་ཐར་པར་གནས་པའོ། ། བཅིངས་པ་བཅད་པས་རྣམ་པར་གྲོལ་བར་གནས་པའོ།། རྟེན་ཅིང་འབྲེལ་པར་འབྱུང་བ་དང་མཐུན་པས་མ་དུལ་བ་རྣམས་ཉེ་བར་ཞི་བར་གནས་པའོ། ། ཤིན་དུ་རྣམ་པར་དག་པས་བྱ་བ་བྱས་པར་གནས་པའོ།། ཁྱིམ་བདག་འདི་ལྟ་སྟེ། དཔེར་ན་དཀོན་པ་ལརྦཱ་དང་། ཤིང་གེལ་བ་དང་། ན་ཚལ་གནས་ཀྱང་འཇིགས་པ་མེད་ཅིང་མི་སྐྲག་སྐྲག་པར་མི་འགྱུར་རོ། ། ཁྱིམ་བདག་དེ་བཞིན་དུ་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པས་ཀྱང་ལུས་ལ་རྩ་དང་། ཤིང་གེ་ལ་བ་དང་། སྨན་དང་། རྩིག་པ་དང་། ཤིང་དང་། མིག་ཡོར་ལྟ་བུ་དང་། སྒྱུ་མ་དང་མཚུངས་པའི་འདུ་ཤེས་བསྐྱེད་པར་བྱ་སྟེ། འདི་ལ་སུ་ཞིག་འཇིགས་པར་འགྱུར།། སུ་ཞིག་སྐྲག་པར་འགྱུར་སྙམ་པའི་སེམས་བསྐྱེད་པར་བྱའོ།། དེ་འཇིགས་ཤིང་སྐྲག་པ་ལྟ་ན། འདི་ལྟར་ལུས་འདི་ལ་ནི་བདག་གམ། སེམས་ཅན་ནམ། སྲོག་གམ། སྐྱེ་བ་པོ་འམ། གསོ་བ་འམ། སྐྱེས་བུ་འམ། གང་ཟག་གམ། ཤེད་ལས་སྐྱེས་སམ། ཤེད་བུ་མེད་དེ། འདི་ལྟར་འཇིགས་པ་ཞེས་བྱ་བ་འདི་ནི་ཡང་དག་པ་མ་ཡིན་པ་ཀུན་བརྟགས་པ་ཡིན་གྱིས། བདག་གིས་ནི་ཡང་དག་པ་མ་ཡིན་པ་ཀུན་བརྟགས་པ་དེ་ལ་བརྟག་པར་མི་བྱའོ་སྙམ་དུ་ལུས་ལ་ཚུལ་བཞིན་བརྟག་པར་བྱའོ།། དེས་ཇི་ལྟར་དགོན་པ་ལ་རྩཝ་དང་། ཤིང་གེལ་བ་དང་། སྨན་དང་། ནགས་ཚལ་གནས་པ་རྣམས་ངའི་བ་མེད་པ། ཡོངས་སུ་འཛིན་པ་མེད་པ་དེ་བཞིན་དུ་བྱང་ཆུབ་སེམས་དཔའ་ཡང་ངའི་བ་མེད་པ། ཡོངས་སུ་འཛིན་པ་མེད་པས་ཆོས་ཐམས་ཅད་དགོན་པ་ཉིད་དོ་སྙམ་དུ་ཤེས་ནས་ཉེ་བར་བསྒྲུབས་ཏེ་གནས་པར་བྱའོ། ། དེ་ཅིའི་ཕྱིར་ཞེ་ན། དཀོན་པ་ལ་གནས་པ་ནི་ཉོན་མོངས་པ་གཅོད་པ་སྟེ། ངའི་བ་མེད་པ་ཡོངས་སུ་འཛིན་པ་མེད་པའོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པས། འདི་ལ་དགོན་པ་ལ་གནས་པ་ནི་ཚུལ་ཁྲིམས་ཀྱི་ཕུང་པོ་དང་། མཐུན་པའོ།། དགོན་པ་ལ་གནས་པ་ནི་ཏིང་ངེ་འཛིན་གྱི་ཕུང་པོ་ལ་གཞོལ་བའོ།། དགོན་པ་ལ་གནས་པ་ནི་ཤེས་རབ་ཀྱི་ཕུང་པོ་ཚོགས་པའོ།། དགོན་པ་ལ་གནས་པ་ནི་རྣམ་པར་གྲོལ་བའི་ཕུང་པོ་འགྲུབ་པའོ། ། དགོན་པ་ལ་གནས་པ་ནི་རྣམ་པར་གྲོལ་བའི་ཡེ་ཤེས་མཐོང་བའི་ཕུང་པོ་སྐྱེ་བའོ།། དགོན་པ་ལ་གནས་པ་ནི་བྱང་ཆུབ་ཀྱི་ཕྱོག་ཀྱི་ཆོས་རྣམ་རབ་ཏུ་བསྟེན་པའོ།། དགོན་པ་ལ་གནས་པ་ནི་སྦྱངས་པའི་ཡོན་ཏན་བཅུ་གཉིས་པོ་དག་སྡུད་པའོ། ། དགོན་པ་ལ་གནས་པ་ནི་བདེན་པ་རྣམས་རྟོགས་པའོ།། དགོན་པ་ལ་གནས་པ་ནི་ཕུང་པོ་རྣམས་ཡོངས་སུ་ཤེས་པའོ།། དགོན་པ་ལ་གནས་པ་ནི་ཁམས་རྣམས་ཆོས་ཀྱི་དབྱིངས་དང་མཉམ་པར་འཇལ་བའོ། ། དགོན་པ་ལ་གནས་པ་ནི་སྐྱེ་མཆེད་རྣམས་སེལ་བའོ།། དགོན་པ་ལ་གནས་པ་ནི་བྱང་ཆུབ་ཀྱི་སེམས་མི་བརྗེད་པའོ།། དགོན་པ་ལ་གནས་པ་ནི། སྟོང་པ་ཉིད་ལ་སོ་སོར་རྟོག་པས་སྐྲག་པ་མེད་པའོ།། དགོན་པ་ལ་གནས་པ་ནི་ཆོས་ཀུན་ཏུ་འཛིན་པའོ།། དགོན་པ་ལ་གནས་པ་ནི་དགེ་བའི་རྩ་བ་ཐམས་ཅད་ཆུད་མི་གཟོན་པའོ།། དགོན་པ་ལ་གནས་པ་ནི་སངས་རྒྱས་རྣམས་ཀྱིས་བསྔགས་པའོ། ། དགོན་པ་ལ་གནས་པ་ནི་བྱང་ཆུབ་སེམས་དཔའ་རྣམས་ཀྱིས་བསྟོད་པའོ།། དགོན་པ་ལ་གནས་པ་ནི་འཕགས་པ་རྣམས་ཀྱིས་བཀུར་བའོ།། དགོན་པ་ལ་གན་པ་ནི་ཐར་པ་འདོད་པ་རྣམས་ཀྱིས་བསྟན་པའོ།། དགོན་པ་ལ་གནས་པ་ནི་ཐམས་ཅད་མཁྱེན་པའི་ཡེ་ཤེས་ཁོང་དུ་ཆུད་པར་བྱ་བའི་ཕྱིར་བསྙེན་པའོ་སྙམ་དུ་བསླབ་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པ་ནི་ཚེགས་ཆུང་ངུས་ཕ་རོལ་ཏུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་རོ།། དེ་ཅིའི་ཕྱིར་ཞེ་ན། གང་དགོན་པ་ལ་གནས་པའི་བྱང་ཆུབ་སེམས་དཔའ་ནི་ལུས་དང་སྲོག་ལའང་མི་ལྟ་བ་ཡིན་ཏེ། དེ་ལྟར་དགོན་པ་ལ་གནས་པ་དེའི་སྦྱིན་པའི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཞེ་ན། ཁྱིམ་བདག་གང་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པ་ནི་སྦྱངས་པའི་ཡོན་ཏན་དང་ཡོ་བྱད་བསྐྱུངས་པ་ལ་རབ་ཏུ་གནས་ནས། སྡོམ་པ་གསུམ་གྱིས་ཡང་དག་པར་བསྒྲུབས་ཏེ། དེ་ལྟར་དཀོན་པ་ལ་གནས་པ་དེའི་ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ། ། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པའི་བཟོད་པའི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཞེ་ན། ཁྱིམ་བདག་གང་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པ་ནི་སེམས་ཅན་ལ་གནོད་སེམས་མེད་ཅིང་སེམས་ཅན་ཐམས་ཅད་ལ་བྱམས་པར་བྱེད་ལ་དེ་ཐམས་ཅད་མཁྱེན་པ་ཉིད་ལའང་བཟོད་པ་ཡིན་ཏེ། དེ་ལྟར་དགོན་པ་ལ་གནས་པ་དེའི་བཟོད་པའི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་ཇི་ལྟར་ན་བྱང་ཆུབ་སེམ་དཔའ་རབ་ཏུ་བྱུང་བ་དགོན་པ་ལ་གནས་པའི་བརྩོན་འགྲུས་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་ནི་མི་སྐྱེ་བ་ལ་བཟོད་པ་རབ་ཏུ་ཐོབ་པར་བྱ་བའི་ཕྱིར་བདག་དགོན་པ་འདི་ལས་ལྡོག་པར་མི་བྱའོ་སྙམ་དུ་སློབ་སྟེ། དེ་ལྟར་དགོན་པ་ལ་གནས་པ་དེའི་བརྩོན་འགྲུས་ཀྱི་ཕ་རོལ་དུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ། ། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པའི་བསམ་གཏན་གྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པ་འགྱུར་ཞེ་ན། ཁྱིམ་བདག་གང་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པ་ནི་བསམ་གཏན་གྱི་ཕ་རོལ་དུ་ཕྱིན་པ་རབ་ཏུ་འཐོབ་སྟེ། སེམས་ཅན་ཡོངས་སུ་སྨིན་པར་བྱེད་པའང་ཡལ་བར་མི་འདོད་ལ། འདི་ལྟར་དགེ་བའི་རྩ་བའང་སོགས་པར་འདོད་པ་ཡིན་ཏེ། དེ་ལྟར་དགོན་པ་ལ་གནས་པ་དེའི་བསམ་གཏན་གྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་ཞེ་ན། ཁྱིམ་བདག་གང་བྱང་ཆུབ་སེམས་དཔའ་རབ་ཏུ་བྱུང་བ་ནི་འདི་ལ་ལུས་ཇི་ལྟ་བ་དགོན་པའང་དེ་བཞིན་ནོ། ། ལུས་ཇི་ལྟ་བ་བྱང་ཆུབ་ཀྱང་དེ་བཞིན་ནོ་སྙམ་དུ་སློབ་ཅིང་དེ་བཞིན་ཉིད་ཀྱིས་མི་རྟོག་རྣམ་པར་མི་རྟོག་སྟེ། དེ་ལྟར་དགོན་པ་ལ་གནས་པ་དེའི་ཤེས་རབ་ཀྱི་ཕ་རོལ་ཏུ་ཕྱིན་པ་བསྒོམ་པ་ཡོངས་སུ་རྫོགས་པར་འགྱུར་རོ།། ཁྱིམ་བདག་དེ་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བ་དགོན་པ་ལ་གནས་པ་ཚེགས་ཆུང་ངུས་ཕ་རོལ་དུ་ཕྱིན་པ་དྲུག་བསྒོམ་པ་ཡོངས་སུ་རྫོགས་པར་འགྱུར་རོ། ། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བ་ཆོས་བཞི་དང་ལྡན་ན། དགོན་པ་ལ་གནས་པར་གནང་བ་ཡིན་ནོ། ། བཞི་གང་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་མང་དུ་ཐོས་པ་ཡིན་ཏེ། ཐོས་པ་འཛིན་པ་ཆོས་རྣམ་པར་ངེས་པ་ལ་མཁས་པ་ཚུལ་བཞིན་ཡིད་ལ་བྱེད་པ་ལ་བརྩོན་ཞིང་ཆོས་དང་ཆོས་ཀྱི་རྗེས་སུ་མཐུན་པར་སྒྲུབ་པ་དེས་དགོན་པ་ལ་གནས་པར་བྱོའོ། ། ཁྱིམ་བདག་གཞན་ཡང་བྱུང་ཆུབ་སེམས་དཔའ་རབ་ཏུ་བྱུང་བརྩོན་མོངས་པའི་ཤས་ཆེན་དེས་ཉོན་རྫོ་པ་རྣམས་ཞི་བར་བྱ་བའི་ཕྱིར་འགྲོགས་པ་མེད་པར་དགོན་པ་ལ་གནས་པར་བྱ་སྟེ། དེས་ཉོན་མོངས་པ་ཚར་གཅད་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ནི་མངོན་པར་ཤེས་པ་ལྔ་པོ་དག་ཐོབ་པ་ཡིན་ཏེ། དེས་ལྷ་དང་། ཀླུ་དང་། གནོད་སྦྱིན་དང་། དྲི་ཟ་རྣམས་ཡོངས་སུ་སྨིན་པར་བྱ་བའི་ཕྱིར་དགོན་པ་ལ་གནས་པར་བྱའོ།། ཁྱིམ་བདག་གཞན་ཡང་བྱུང་ཆུབ་སེམས་དཔའ་རབ་ཏུ་བྱུང་བས་སངས་རྒྱས་ཀྱིས་དགོན་པ་ལ་གནས་པར་བཀའ་སྩལ་པར་ཤེས་ནས་དགོན་པ་ལ་གནས་པར་བྱ་སྟེ། དེར་དགེ་བའི་ཆོས་ཐམས་ཅད་ཡོངས་སུ་རྫོགས་པར་འགྱུར་རོ།། དགེ་བའི་རྩ་བས་ཉེ་བར་བརྟེན་ནས་ཕྱིས་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། ཡུལ་འཁོར་དང་། ཕོ་བྲང་འཁོར་དག་ཏུ་ཞུགས་ཏེ་ཆོས་བསྟན་པར་བྱའོ།། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བ་ཆོས་བཞི་པོ་དེ་དག་དང་ལྡན་ན། དགོན་པ་ལ་གནས་པར་གནང་ངོ་།། ཁྱིམ་བདག་གལ་ཏེ་བྱང་ཆུབ་སེམས་དཔའ་རབ་ཏུ་བྱུང་བ་ལུང་དང་ཁ་ཏོན་མནོད་པའི་ཕྱིར་ཚོགས་ཀྱི་ནང་དུ་འཇུག་ན། དེས་དེར་གུས་པ་དང་བཅས་པར་བྱ་སྟེ། སློབ་དཔོན་དང་། མཁན་པོ་རྣམས་དང་། གནས་བརྟན་དང་། བར་མ་དང་། དགེ་སློང་གསར་བུ་རྣམས་ལ་ཞེ་ས་དང་བཅས་པར་བྱ། ། ཚུལ་མཁས་པར་བྱའོ།། སྙོམ་ལས་མེད་པར་རང་གིས་བྱ་བ་དང་། གཞན་ལ་གདུང་བ་མེད་པར་བྱའོ།། དེས་བསྙེན་བཀུར་ལ་གདུ་བར་མི་བྱའོ།། དེས་འདི་ལྟར་དེ་བཞིན།། ཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལྷ་དང་བཅས་པའི་འཇིག་རྟེན་དང་། བདུད་དང་བཅས་པ་དང་། ཚངས་པ་དང་བཅས་པ་དང་། དགེ་སྦྱོང་དང་བྲམ་ཟེའི་སྐྱེ་དགུ་དང་བཅས་པ། ལྷ་དང་། མི་དང་། ལྷ་མ་ཡིན་དུ་བཅས་པས་མཆོད་པ། སྦྱིན་གནས་སུ་གྱུར་པ་དེའང་སེམས་ཅན་ཐམས་ཅད་ལ་གང་ལས་ཀྱང་རིམ་གྲོར་བྱ་བ་བདག་གིར་མི་མཛད་ན། བདག་ཅག་མ་བསླབས་པ་སློབ་འདོད་པ་རྣམས་ལྟ་ཅི་སྨོས་ཏེ། བདག་གིས་ནི་སེམས་ཅན་ཐམས་ཅད་ལ་བསྙེན་བཀུར་བྱའི། གང་ལས་ཀྱང་བསྙེན་བཀུར་བྱ་བ་བདག་གིར་ནི་མི་བྱའོ་སྙམ་དུ་བརྟག་པར་བྱའོ། ། དེ་ཅིའི་ཕྱིར་ཞེ་ན། ཁྱིམ་བདག་དགེ་སློང་བསྙེན་བཀུར་ལ་གདུ་བ་ནི་ཡོན་ཏན་གྱི་ཆོས་རྗེས་སུ་བཟུང་བ་ཆུད་གསོན་པ་ཡིན་ཏེ། དེས་གང་དག་སྡུད་པ་དེ་དག་ཀྱང་འདི་སྙམ་དུསེམས་ཏེ། བདག་ཅག་ནི་བསྙེན་བཀུར་གྱི་ཕྱིར་སྡུད་ཀྱི། ཆོས་ཀྱི་ཕྱིར་མ་ཡིན་ནོ་སྙམ་སྟེ། དེ་དག་ཉིད་ཀྱི་དད་པ་ཆུད་གསོན་ཏོ།། གང་དག་དེ་ལ་བསྙེན་བཀུར་བྱེད་པ། འཇིག་རྟེན་གྱི་ཟང་ཟིང་དང་ལྡན་པ་དེ་དག་གིའང་དོན་ཆེན་པོར་མི་འགྱུར་རོ། ། འབྲས་བུ་ཆེན་པོར་འགྱུར་ཏེ། དེ་སློབ་དཔོན་དང་མཁན་པོའི་གན་དུ་འགྲོ་ནའང་སློབ་དཔོན་དང་། མཁན་པོས་མ་དད་པའི་བག་གང་ཡང་རུང་བ་ཞིག་ལས་བརྟགས་ནས། བདག་ལ་ལུང་དབོག་པ་དང་། ཁ་ཏོན་བྱ་བ་དང་། རྗེས་སུ་བསྟན་པས་ཕན་འདོགས་པར་མི་འགྱུར་དུ་འོང་ཞེས་ལུས་དང་སེམས་ལས་སུ་རུང་བ་དང་། སེམས་ཅད་ཤེས་པས་འགྲོ་བར་བྱའོ།། དེས་ལུང་མནོད་པ་དང་ཁ་ཏོན་གྱི་ཕྱིར་ལུས་དང་སྲོག་ལའང་མི་བལྟ་བར་བྱའོ།། ཆོས་འདོད་པས་སློབ་དཔོན་དང་མཁན་པོ་རྣམས་ཀྱི་བསམ་པ་ཡོངས་སུ་རྫོགས་པར་བྱའོ།། ཡོན་ཏན་དོན་དུ་གཉེར་བས་རྙེད་པ་དང་། བཀུར་སྟི་དང་། ཚིགས་སུ་བཅད་པ་ཐམས་ཅད་དོན་དུ་མི་གཉེར་བར་བྱའོ།། ཁྱིམ་བདག་གལ་ཏེ་བྱང་ཆུབ་སེམས་དཔའ་ལུང་མནོད་པ་དང་ཁ་ཏོན་བྱ་བ་དོན་དུ་གཉེར་བས་གཞན་དག་ལ་ཚིག་བཞི་པའི་ཚིགས་སུ་བཅད་པ་ཙམ་མམ། སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། ཤེས་རབ་དང་ལྡན་པ་འམ། བྱང་ཆུབ་སེམས་དཔའ་ལམ་གྱི་ཚོགས་སོགས་པ་དང་ལྡན་པའི་ཚིག་བཞི་པའི་ཚིགས་སུ་བཅད་པ་སུ་ལས་མཉན་ཏམ། ལུང་མནོས་སམ། བླངས་པའི་སློབ་དཔོན་དེ་ལ་དེས་ཆོས་ཀྱིས་གུས་པར་བྱའོ།། མིང་དང་། ཚིག་དང་། ཡི་གེ་ཇི་སྟེ་ཀྱིས་ཚིགས་སུ་བཅད་པ་བསྟན་པ་དེ་སྙེད་ཀྱི་བསྐལ་པར་གལ་ཏེ་སློབ་དཔོན་དེ་ལ་གཡོ་མེད་པར་རྙེད་པ་དང་། བཀུར་སྟི་དང་། མཆོད་པ་ཐམས་ཅད་ཀྱིས་རིམ་གྲོ་དང་བསྙེན་བཀུར་བྱས་ཀྱང་། ཁྱིམ་བདག་དདུང་དུ་སློབ་དཔོན་ལ་སློབ་དཔོན་དུ་གུས་པར་བྱ་བ་རྫོགས་པ་མ་ཡིན་ན་ཆོས་མ་ཡིན་པའི་གུས་པས་ལྟ་ཅི་སྨོས། ཁྱིམ་བདག་དད་པའི་མཉན་ཅིང་བསྒོམ་པ་དང་ཁ་ཏོན་ལ་འཇུག་པ་དེའི་སེམས་དང་སེམས་ལས་བྱུང་བ་དགེ་བ་དང་ལྡན་པ་འམ། སངས་རྒྱས་དང་ལྡན་པ་འམ། ཆོས་དང་ལྡན་པ་འམ། དགེ་འདུན་དང་ལྡན་པ་འམ། སྐྱོ་ཞིང་འདོད་ཆགས་བྲལ་བ་དང་ལྡན་པ་འམ། བྱང་བ་དང་། དུལ་བ་དང་ཞི་བ་དང་ལྡན་པའི་འཇུག་པ་ཇི་སྙེད་པ་གལ་ཏེ་དེ་སྙེད་ཀྱི་བསྐལ་པར་སློབ་དཔོན་ལ་བསྙེན་བཀུར་བྱས་སུ་ཟིན་ཀྱང་། ཁྱིམ་བདག་ད་དུང་སློབ་དཔོན་དུ་རི་མོ་བྱ་བ་རྫོགས་པ་མ་ཡིན་ནོ།། ཁྱིམ་བདག་ནམ་གྲངས་འདས་ཀྱང་ཛ་ལྟར་རྣམ་པར་སྨིན་པའི་ཆོས་ཚད་མེད་ཅིང་ཡེ་ཤེས་ཁོངས་ཆུང་བ་ཚད་མེད་པ་དེ་ལྟར་རིག་པར་བྱའོ། ། ཁྱིམ་བདག་དེ་ལྟབས་ན་ནས་བྱུར་གྱི། པའི་ཆོས་ཚད་མེད་པ་དང་། ཡེ་ཤེས་ཁོང་དུ་ཆུད་པ་ཚད་མེད་པ་དྲིས་པས། བདག་གི་སློབ་དཔོན་ཡང་ཚད་མེད་དོ་སྙམ་ནས། བྱང་ཆུབ་སེམས་དཔས་ཆོས་ལ་རི་མོ་ཚད་མེད་པར་བྱའོ།། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་དུ་བྱུང་བའི་བསྒྲུབ་པ་ལ་གནས་པར་བྱའོ།། ཁྱིམ་བདག་ཇི་ལྟར་ན་བྱང་ཆུབ་སེམས་དཔའ་རབ་ཏུ་བྱུང་བའི་བསྒྲུབ་པ་ལ་གནས་པ་ཡིན་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་རབ་ཏུ་བྱུང་བ་ཚུལ་ཁྲིམས་ཡོངས་སུ་དག་པ་ཐོས་ན་དེ་ལ་སློབ་སྟེ། བཞི་པོ་འདི་དག་ནི་ཚུལ་ཁྲིམས་ཡོངས་སུ་དག་པའོ།། བཞི་གང་ཞེ་ན། འཕགས་པའི་རིགས་རྣམས་ལ་གནས་པ་དང་། སྦྱངས་པའི་ཡོན་ཏན་དང་ཡོ་བྱད་བསྙུངས་པ་ལ་མངོན་པར་དགའ་བ་དང་། ཁྱིམ་ན་གནས་པ་དང་རབ་ཏུ་བྱུང་བ་རྣམས་དང་མི་འདྲེ་བ་དང་། ཚུལ་འཆོས་པ་མེད་པར་དགོན་པ་ལ་གནས་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ།། ཁྱིམ་བདག་གཞན་ཡང་ཚུལ་ཁྲིམས་ཡོངསུ་དག་པ་བཞི་སྟེ། བཞི་གང་ཞེ་ན། ལུས་བསྡམས་པས་ལུས་མི་དམིགས་པ་དང་། ངག་བསྡམས་པས་ངག་མི་དམིགས་པ་དང་། ཡིད་བསྡམས་པས་ཡིད་མི་དམིགས་པ་དང་། ལྟ་བ་དང་བྲལ་བས་ཐམས་ཅད་མཁྱེན་པར་སེམས་བསྐྱེད་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ།། ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། ངར་འཛིན་པ་སྤངས་པ་དང་། ང་ཡིར་འཛིན་པ་དོར་བ་དང་། ཆད་པ་དང་རྟག་པ་དང་བྲལ་བ་དང་། རྟེན་པའི་ཆོས་ལ་འཇུག་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ། ། ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། ཕུང་པོ་རྣམས་ལ་འབྱུང་བ་དང་འཇིག་པར་རྟོག་པ་དང་། ཁམས་རྣམས་ལ་ཆོས་དབྱིངས་སུ་ཡོངས་སུ་འཇལ་བ་དང་། སྐྱེ་མཆེད་རྣམས་ལ་གྲོང་སྟོང་པར་འདུ་ཤེས་པ་དང་། ཐ་སྙད་བརྟགས་པ་རྣམས་ལ་མངོན་པར་མ་ཞེན་པ་སྟེ། བཞི་པོ་དེ་དག་ནི་ཚུལ་ཁྲིམས་ཡོངས་སུ་དག་པའོ། ། ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བཞི་གང་ཞེ་ན། བདག་ལ་བདག་མེད་པར་འདུ་ཤེས་པས་བདག་ལ་མི་བསྟོད་པ་དང་། གཞན་ལ་མི་དམིགས་པས་གཞན་ལ་མི་སྨོད་པ་དང་། སེམས་ཤིན་ཏུ་སྦྱངས་པས་རློམས་སེམས་མེད་པ་དང་། ཆོས་ཐམས་ཅད་མཉམ་པ་ཉིད་པས་གཡོ་བ་མེད་བ་སྟེ། བཞི་པ་དེ་དག་ནི་ཚུལ་ཁྲིམས་ཡོངས་སུ་དག་པའོ།། ཁྱིམ་བདག་གཞན་ཡང་ཚུལ་ཁྲིམས་ཡོངས་སུ་དག་པ་བཞི་སྟེ། བའི་གང་ཞེན། སྟོང་པ་ཉིད་ལ་མོས་པ་དང་། མཚན་མ་མེད་པས་མི་སྡུག་པ་དང་། སེམས་ཅན་ཐམས་ཅད་ལ་ཆེར་སྙིང་རྗེ་བ་དང་། བདུག་སྲེད་པ་ལ་བཟོད་པ་སྟེ། བཞི་པོ་དེ་དག་ནི་རྡུབ་ཁྲིམས་ཡོངས་སུ་དག་བགོ་ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ཏིང་ངེ་འཛིན་ཡོངས་སུ་དག་པ་ཐོས་ན་དེ་ལ་སློབ་སྟེ། ཏིང་ངེ་འཛིན་ཡོངས་སུ་དག་པ་དེ་གང་ཞེ་ན། གང་ཆོས་ཐམས་ཅད་ལ་རྩོལ་བ་མེད་པ་དང་། ཆོས་ཐམས་ཅད་མཉམ་པ་ཉིད་པས་གཉིས་སུ་དབྱེར་མེད་པ་དང་། སེམས་ལས་སུ་རུང་བ་དང་། སེམས་རྩེ་གཅིག་པ་དང་། སེམས་ངེས་པར་འབྱུང་བ་དང་། སེམས་མི་འཕྲོ་བ་དང་། སེམས་ཀུན་ཏུ་མི་རྒྱུ་བ་དང་། སེམས་མི་གནས་པ་དང་། སེམས་ངེས་པར་སེམས་པར་བྱིན་གྱིས་རློབ་པ་དང་། སེམས་ལ་དབང་སྒྱུར་བ་དང་། སེམས་འདོད་པའི་ཡོན་ཏན་རྣམས་ལ་མི་ཆགས་པ་དང་། སེམས་ཆོས་ལ་སྒྱུ་མར་སོ་སོར་རྟོག་པ་དང་། ཇི་ལྟར་ཆོས་ཀྱི་དབྱིངས་མངོན་པར་འདུ་མི་བྱེད་པ་དང་། ཇི་ལྟར་མི་སྐྱེ་མི་འབྱུང་ཞིང་མཉམ་པ་ཉིད་པ་དེ་ལྟར། ཁྱིམ་བདག་བྱང་ཆུབ་སེམས་དཔའ་རབ་ཏུ་བྱུང་བ་ཏིང་ངེ་འཛིན་ཡོངས་སུ་དག་པ་ལ་སོ་སོར་རྟོག་གོ། ། ཁྱིམ་བདག་གཞན་ཡང་བྱང་ཆུབ་སེམས་དཔའ་རབ་ཏུ་བྱུང་བ་ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་དག་པ་ཐོས་མེདེ་ལ་སློབ་སྟེ། ཤེས་རབ་ཡོངས་སུ་དག་པ་དེ་གང་ཞེ་ན། དེ་འདི་ལྟར་སོ་སོར་རྟོག་སྟེ། ཆོས་ཐམས་ཅད་མངོན་སུམ་དུ་ཤེས་པ་དང་། ཆོག་རབ་ཏུ་དབྱེ་བ་ཤེས་པ་དང་། སོ་སོ་ཡང་དག་པར་རིག་པ་ལ་འཇུག་པ་ཤེས་པ་དང་། སེམས་ཅན་གཞན་དག་ལ་ཆོས་གོ་བར་བྱེད་པ་ཤེས་པ་སྟེ། ཁྱིམ་བདག་དེ་ལྟར་བྱང་ཆུབ་སེམས་དཔའ་རབ་ཏུ་བྱུང་བ་ཤེས་རབ་ཡོངས་སུ་དག་པ་ལ་སོ་སོར་རྟོག་གོ། ཁྱིམ་བདག་གཞན་ཡང་བྱང་ཆུབ་སེམས་དཔའི་རབ་ཏུ་བྱུང་བ་འདི་ལ་ཤེས་རབ་འདི་ནི་ལུས་མེད་པས་ཐོགས་པ་མེད་པའི་མཚན་ཉིད་དོ།། རྒྱུ་བ་མེད་པས་བཟུང་བ་མེད་པའི་མཚན་ཉིད་དོ། ། སྐྱེ་བ་མེད་པས་གནས་མེད་པའི་མཚན་ཉིད་དོ།། ནམ་མཁའི་ངོ་བོ་ཉིད་པས་མངོན་པར་འདུ་མི་བྱེད་པའི་མཚན་ཉིད་དོ་སྙམ་དུ་རབ་ཏུ་སློབ་བོ།། ཁྱིམ་བདག་དེ་ལྟར་ན་གང་འདི་ལྟར་ཆོས་ལ་སོ་སོར་རྟོག་པ་འདི་ནི་བྱང་ཆུབ་སེམས་དཔའ་རབ་ཏུ་བྱུང་བའི་བསྒྲུབ་པའོ། ། བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཤད་པ་ན། སྲོག་ཆགས་བརྒྱད་སྟོང་གིས་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། ཁྱིམ་བདག་དེ་དག་ཐམས་ཅད་ལས་ཕར་ཆེར་ནི་མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པོ།། སྲོག་ཆགས་སུམ་ཁྲི་ཉིས་སྟོང་ནི་ཆོས་རྣམས་ལ་ཆོས་ཀྱི་མིག་རྡུལ་དང་བྲལ་ཞིང་དྲི་མ་མེད་པ་རྣམ་པར་དག་གོ། ། དེ་ནས་ཁྱིམ་བདག་དྲག་ཤུལ་ཅན་དགའ་ལ་ཡི་རངས་ཤིང་རབ་ཏུ་དགའ་ནས་མགུ་བ་དང་ཡིད་བདེ་བ་སྐྱེས་ཏེ། བརྒྱ་སྟོང་རི་བའི་རས་བཅོས་བུ་ཟུང་བཅོམ་ལྡན་འདས་ཀྱི་སྐུ་ལ་གསོལ་ནས་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གི་དགེ་བའི་རྩ་བ་འདི་སེམས་ཅན་ཐམས་ཅད་ལ་སྩལ་ཏོ།། བདག་གི་ད་གེ་བའི་རྩ་བ་འདིས་བྱང་ཆུབ་སེམས་དཔའ་ཁྱིམ་པ་རྣམས་ཀྱི་བསླབ་པ་ཇི་ལྟར་བཅས་པ་དེ་ལྟར་བྱང་ཆུབ་སེམས་དཔའ་ཁྱིམ་པ་གང་ལགས་པ་དེ་དག་གི་ཆོས་ཡོངས་སུ་རྫོགས་པར་གྱུར་ཅིག། བཅོམ་ལྡན་འདས་ཀྱིས་ཇི་ལྟར་བྱང་ཆུབ་སེམས་དཔའ་རབ་ཏུ་བྱུང་བ་རྣམས་ཀྱི་བསླབ་པ་བཅས་པའང་དེ་ལྟར་བྱང་ཆུབ་སེམས་དཔའ་རབ་ཏུ་བྱུང་བ་གང་དག་ལགས་པ་དེ་དག་གི་ཆོས་ཡོངས་སུ་རྫོགས་པར་གྱུར་ཅིག། བཅོམ་ལྡན་འདས་ལའང་ཞུ་བར་འཚལ་ཏེ། བཅོམ་ལྡན་འདས་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་ཆོས་དུ་ཞིག་དང་ལྡན་ན་རབ་ཏུ་བྱུང་བའི་བསླབ་པ་ལ་སློབ་པ་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས། ཁྱིམ་བདག་དྲག་ཤུལ་ཅན་ལ་འདི་སྐད་ཅེས་བཀའ་སྩལ་ཏོ།། ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་ཆོས་ལྔ་དང་ལྡན་ན་རབ་ཏུ་བྱུང་བའི་བསླབ་པ་ལ་སློབ་པ་ཡིན་ཏེ། ལྔ་གང་ཞེ་ན། ཁྱིམ་བདག་འདི་ལ་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་མི་ལྟ་བར་དངོས་པོ་ཐམས་ཅད་ཡོངས་སུ་གཏོང་བ་ཡིན་ཏེ། ཐམས་ཅད་མཁྱེན་པ་ཉིད་ཀྱི་སེམས་དང་ལྡན་པས་རྣམ་པར་སྨིན་པ་ལ་རེ་བ་མེད་པ་དང་། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་ཚངས་པར་སྤྱོད་ཅིང་གཙང་བ་ཡིན་ཏེ། ཡིད་ཀྱི་དགུ་ལའང་འདོད་པ་མི་སྤྱོད་ན་མཚན་གཉིས་སྤྱོད་པ་འམ། ཡན་ལག་མ་ཡིན་པར་འཇུག་པ་ལྟ་ཅི་སྨོས་པ་དང་། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་ཡང་དག་པ་སྐྱོན་མེད་པ་ལ་མི་རེག་ཅིང་ཁྱིམ་སྟོང་པར་ཞུགས་ནས། ཐབས་ཀྱིས་མངོན་པར་བསྒྲུབ་པ་བསམ་གཏན་བཞི་པོ་དག་ལ་སྙོམས་པར་འཇུག་པ་དང་། ཁྱིམ་བདག་བཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་སེམས་ཅན་ཐམས་ཅད་བདེ་བར་བྱེད་པ་ལ་བརྩོན་པ། ཤེས་རབ་ཀྱི་ཕ་རོལ་ཏུ་ཕྱིན་པས་ངེས་པར་འབྱུང་བར་བརྩོན་འགྲུས་རྩོམ་པ་དང་། ཁྱིམ་བདག་གཞན་ཡང་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་བདག་ཀྱང་དམ་པའི་ཆོས་ཡོངས་སུ་འཛིན་ཅིང་གཞན་ཡང་དམ་པའི་ཆོས་ལ་སྦྱོར་བར་བྱེད་པ་སྟེ། ཁྱིམ་བདག་བྱང་ཆུབ་སེམས་དཔའ་ཁྱིམ་པ་ཁྱིམ་ན་གནས་པ་ཆོས་ལྔ་པོ་དེ་དག་དང་ལྡན་ན་རབ་ཏུ་བྱུང་བའི་བསླབ་པ་ལ་སློབ་པ་ཡིན་ནོ།། དེ་ནས་བཅོམ་ལྡན་འདས་ལ། ཁྱིམ་བདག་དྲག་ཤུལ་ཅན་གྱིས་འདི་སྐད་ཅེས་གསོལ་ཏོ། ། བཅོམ་ལྡན་འདས་བདག་དེ་བཞིན་གཤེགས་པ་རྣམས་ཀྱི་བཀའ་བཞིན་དུ་བགྱི་བར་འཚལ་ལོ།། རབ་ཏུ་བྱུང་བའི་བསླབ་པ་ལ་སློབ་བོ།། ཆོས་མཉམ་པ་ཉིད་འདི་ལྟ་བུ་ལའང་འཇུག་པར་བགྱིའོ། ། དེ་ནས་དེའི་ཚེ་བཅོམ་ལྡན་འདས་འཛུམ་པ་མཛད་དོ།། འདི་ནི་སངས་རྒྱས་བཅོམ་ལྡན་འདས་རྣམས་གང་གི་ཚེ་འཛུམ་པ་མཛད་པའི་ཆོས་ཉིད་དེ། དེའི་ཚེ་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་འཕྲོབ་ཁ་དོག་དུ་མ་ཁ་དོག་སྣ་ཚོགས་བྱུང་བ་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེ་བརྒན་དང་། ཤེལ་དང་། དངུལ་གྱི་ཁ་དོག་ལྟ་བུ་སྟེ། དེ་དག་གིས་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་སུ་འོད་ཀྱི་སྣང་བས་ཁྱབ་པར་བྱས་ནས་ཚངས་པའི་འཇིག་རྟེན་གྱི་བར་དུ་མངོན་པར་འཕགས་ཏེ། སླར་ལོག་ནས་བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ།། བཅོམ་ལྡན་འདས་ཀྱི་དབུའི་གཙུག་ཏུ་ནུབ་པར་གྱུར་ཏོ།། དེ་ནས་ཚེ་དང་ལྡན་པ་ཀུ་དགའ་བོ། ། སངས་རྒྱས་ཀྱི་མཐུས་སྟན་ལས་ལངས་ནས་བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བདུད་དེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་རྒྱུ་མ་མཆིས་རྐྱེན་མ་མཆིས་པར་ནི་དེ་བཞིན་གཤེགས་པ་འཛུམ་པ་མི་མཛད་ན། འཛུམ་པ་མཛད་པའི་རྒྱུ་གང་ལགས། རྐྱེན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ།། ཀུན་དགའ་དགའ་བོ་ཁྱོད་ཀྱིས་ཁྱིམ་བདག་དྲག་ཤུལ་ཅན་འདིས་དེ་བཞིན་གཤེགས་པ་ལ་མཆོད་པ་བྱས་ཏེ། ཆོས་བསྒྲུབ་པའི་ཕྱིར་སེང་གེའི་སྒྲ་བསྒྲགས་པ་མཐོང་ངམ། གསོལ་པ། བཅོམ་ལྡན་འདས་མཐོང་ལགས་སོ། ། བདེ་བར་གཤེགས་པ་མཐོང་ལགས་སོ།། བཅོམ་འདས་ཀྱིས་སྩལ་པ། ཀུན་དགའ་བོ་ཁྱིམ་བདག་དྲག་ཤུལ་ཅན་འདི་ནི་གང་དག་བསྐལ་པ་བཟང་པོ་འདི་ལ་འབྱུང་བའི་དེ་བཞིན་གཤེགས་པ་དེ་དག་ཐམས་ཅན་ལ་རིམ་གྲོ་བྱེད་པར་འགྱུར་རོ། ། སྟི་སྟང་དང་མཆོད་པ་ཐམས་ཅད་ཀྱིས་མཆོད་པར་འགྱུར་རོ།། དམ་པའི་ཆོས་ཀྱང་འཛིན་པར་འགྱུར་རོ། ། རྟག་ཏུའང་ཁྱིམ་བདག་ཏུ་གྱུར་ནས་རབ་ཏུ་བྱུང་བའི་བསླབ་པ་ལ་གནས་སོ།། དེ་བཞིན་གཤེགས་པའི་བྱང་ཆུབ་དེའང་རྒྱས་པར་བྱེད་པར་འགྱུར་རོ།། དེ་ནས་ཚེ་དང་ལྡན་པ་ཀུན་དགའ་བོས། ཁྱིམ་བདག་དྲག་ཤུལ་ཅན་ལ་འདི་སྐད་ཅེས་སྨྲས་སོ།། ཁྱིམ་བདག་རྒྱུ་གང་དང་རྐྱེན་གང་གིས་གང་ཁྱིམ་ན་གནས་ཤིང་རྡུལ་ལ་གནས་པ་ལ་དགའ་བར་བྱེད། དྲག་ཤུལ་ཅན་གྱིས་སྨྲས་པ། བཙུན་པ་ཀུན་དགའ་བོ་རྡུལ་ནི་རྡུལ་ཅུང་ཟད་ཀྱང་མེད་དེ། སྙིང་རྗེ་ཆེན་པོ་དང་ལྡན་པས་བདག་ལ་བདེ་བ་ལ་མི་རེ་བ་ཡིན་ནོ།། བཙུན་པ་ཀུན་དགའ་བོ་བྱང་ཆུབ་སེམ་དཔའ་ནི་སྡུག་བསྔལ་ཐམས་ཅད་ཀྱིས་གཟིར་ཀྱང་བཟོད་དེ། སེམས་ཅན་རྣམས་ཡོངས་སུ་མི་གཏོང་ངོ་།། དེ་སྐད་ཅེས་སྤྲས་པ་དང་། བཅོམ་ལྡན་འདས་ཀྱིས། ཚེ་དང་ལྡན་པ་ཀུན་དགའ་བོ་ལ་འདི་སྐད་ཅེས་བཀའ་སྩལ་ཏོ། ། ཀུན་དགའ་བོ་ཁྱིམ་བདག་དྲག་ཤུལ་ཅན་འདི་ཁྱིམ་གྱི་ས་ལ་གནས་ནས། བསྐུལ་པ་བཟང་པོ་འདི་ལ་སེམས་ཅན་རབ་ཏུ་མང་པོ་ཡོངས་སུ་སྨིན་པར་བྱེད་པར་འགྱུར་ཏེ། རབ་ཏུ་བྱུང་བའི་བྱང་ཆུབ་སེམས་དཔའ་ནི་བསྐལ་པ་སྟོང་ངམ། བསྐལ་པ་བརྒྱ་སྟོང་དུའང་དེ་ལྟར་མི་ནུས་སོ།། དེ་ཅིའི་ཕྱིར་ཞེ་ན། ཀུན་དགའ་བོ་འདི་ལྟར་ཁྱིམ་བདག་འདི་ལ་ཡོད་པའི་ཡོན་ཏན་རྣམས་ནི་རབ་ཏུ་བྱུང་བའི་བྱང་ཆུབ་སེམས་དཔའ་སྟོང་ལའང་མེད་དོ། ། དེ་ནས་བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། ། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་དྲག་ཤུལ་ཅན་གྱིས་ཞུས་པ་ཞེས་བྱ་བར་ཟུང་ཞིག། ཁྱིམ་པ་དང་རབ་ཏུ་བྱུང་བའི་བསླབ་པ་ལ་བསྒྲུབ་པ་ཞེས་བྱ་བར་ཡང་ཟུང་ཞིག། ལྷག་པའི་བསམ་པས་བླ་མ་ལ་བསྙེན་བཀུར་བྱ་བའི་ལེའུ་ཞེས་བྱ་བར་ཡང་ཟུང་ཞིག། ཀུན་དགའ་བོ་ཆོས་ཀྱི་རྣམ་གྲངས་འདི་ཐོས་མ་ཐག་ཏུ་བྱང་ཆུབ་སེམས་དཔའ་ཡོན་ཏན་དང་། བརྩོན་འགྲུས་དང་། ཆོས་མང་པོ་རབ་ཏུ་འཐོབ་སྟེ། བརྩོན་འགྲུས་ཞན་པས་བསྐལ་པ་བརྒྱར་ཚངས་པར་སྤྱད་པ་ལ་གནས་པས་ནི་དེ་ལྟར་མ་ཡིན་ནོ། ། ཀུན་དགའ་བོ་དེ་བས་ན་བདག་ཀྱང་འདི་ལ་བརྩོན་འགྲུས་བསྐྱེད་པར་འདོད་པ་དང་། གཞན་ཡང་བརྩོན་འགྲུས་ལ་གཟུད་པར་འདོད་པ་དང་། བདག་ཀྱང་ཡོན་ཏན་གྱི་ཆོས་མཉམ་པ་ཉིད་ཐམས་ཅད་ལ་གནས་པར་འདོད་པ་དང་། གཞན་ཡང་ཡོན་ཏན་གྱི་ཆོས་མཉམ་པ་ཉིད་ཐམས་ཅད་ལ་དགོད་པར་འདོད་པས་ཆོས་ཀྱི་རྣམ་གྲངས་འདི་མཉན་པར་བྱ། ། ཀུན་ཆུབ་པར་བྱ། བཀླག་པར་བྱ། གཞན་དག་ལའང་རྒྱ་ཆེར་ཡང་དག་པར་རབ་ཏུ་བསྟན་པར་བྱའོ།། ཀུན་དགའ་བོ་ངས་ཆོས་ཀྱི་རྣམ་གྲངས་འདི་ཡང་དང་ཡང་རྒྱ་ཆེར་ཡང་དག་པར་རབ་ཏུ་བསྟན་པར་བྱ་བའི་ཕྱིར་ཁྱོད་ལ་ཡོངསུ་གཏད་དོ། ། དེ་ཅིའི་ཕྱིར་ཞེ་ན། ཆོས་ཀྱི་རྣམ་གྲངས་འདིའི་ནང་དུ་ཡོན་ཏན་ཐམས་ཅད་འདུས་པར་དེ་བཞིན་གཤེགས་པས་བཤད་པའི་ཕྱིར་རོ། ། ཀུན་དགའ་བོ་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་དང་མི་འབྲལ་བར་གནས་པ་དེ་སངས་རྒྱས་འབྱུང་བ་དང་མི་འབྲལ་ལོ།། ཀུན་དགའ་བོ་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་མཉན་ཏམ། འཛིན་ཏམ། ཀློག་པ་དང་མི་འབྲལ་བ་དེ་སངས་རྒྱས་འབྱུང་བ་དང་། སངས་རྒྱས་ཐམས་ཅད་མཐོང་བ་དང་མི་འབྲལ་ལོ།། དེ་ཅིའི་ཕྱིར་ཞེ་ན། ཀུན་དགའ་པོ་ཆོས་ཀྱི་རྣམ་གྲངས་འདིའི་ནང་དུ་ཡོན་ཏན་ཐམས་ཅད་འདུས་ཤིང་། ཆོས་ཀྱི་རྣམ་གྲངས་འདིའི་ནང་དུ་བསླབ་པ་བསྒྲུབ་པའི་ལམ་གྱི་ཡོན་ཏན་ཐམས་ཅད་འདུས་པར་དེ་བཞིན་གཤེགས་པས་ཡང་དག་པར་རབ་ཏུ་བཤད་པའི་ཕྱིར་རོ། ། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་ཡང་དག་པར་རྫོགས་པའི་བྱང་ཆུབ་དོན་དུ་གཉེར་བ་དག་གིས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མེས་རབ་ཏུ་གང་བའང་འབོགས་ཏེ། ཆོས་ཀྱི་རྣམ་གྲངས་འདི་མཉན་པར་བྱ། ཀུན་ཆུབ་པར་བྱའོ།། ཀུན་དགའ་བོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་རིན་པོ་ཆེ་སྣ་བདུན་གྱིས་རབ་ཏུ་གང་བ་ཙམ་ཡང་རི་མོར་བྱས་ཏེ། སློབ་དཔོན་ལ་ཕུལ་ནས་ཆོས་ཀྱི་རྣམ་གྲངས་འདི་མཉན་པར་བྱའོ།། ཀུན་ཆུབ་པར་བྱའོ།། ཀུན་དགའ་བོ་བྱང་ཆུབ་སེམས་དཔའ་གང་གིས་འདས་པའི་སངས་རྒྱས་བཅོམ་ལྡན་འདས་རྣམས་ཀྱི་མཆོད་རྟེན་རིན་པོ་ཆེ་ལས་སོ་སོར་བྱས་ཏེ་མཆོད་པ་ཐམས་ཅད་ཀྱིས་མཆོད་ལ། དེ་བཞིན་དུ་ད་ལྟར་བྱུང་བའི་སངས་རྒྱས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་བཅས་པ་རྣམས་ལ་ཇི་སྲིད་འཚོའི་བར་དུ་བདེ་བའི་ཡོ་བྱད་ཐམས་ཅད་ཀྱིས་བསྙེན་བཀུར་བྱེད་ཅིང་། གང་མ་འོངས་པའི་སངས་རྒྱས་བཅོམ་ལྡན་འདས་རྣམས་དང་། བྱང་ཆུབ་སེམས་དཔའ་རྣམས་ཀྱི་བྲན་དང་སློབ་མར་ཁས་བླངས་ཏེ་བསྙེན་བཀུར་བྱས་སུ་ཟིན་ཀྱང་། ཆོས་ཀྱི་རྣམ་གྲངས་འདི་མི་འཛིན། མི་འཆང་། མི་ཀློག། ཀུན་ཆུབ་པར་མི་བྱེད། འཇུག་པར་མི་བྱེད་ཅིང་། བསྒྲུབ་པ་འདི་ལའང་མི་གནས་ན། ཀུན་དགའ་བོ་བྱང་ཆུབ་སེམས་དཔའ་དེས་འདས་པ་དང་། མ་འོངས་པ་དང་། ད་ལྟར་བྱུང་བའི་དེ་བཞིན་གཤེགས་པ་རྣམས་ལ་མཆོད་པ་བྱས་པར་མི་འགྱུར་རོ། ། ཀུན་དགའ་བོ་བྱང་ཆུབ་སེམས་དཔའ་གང་ཆོས་ཀྱི་རྣམ་གྲངས་འདི་ཉན་ཅིང་ཀུན་ཆུབ་པར་བྱེད་ལ། དམ་པའི་ཆོས་ཡུན་རིང་དུ་གནས་པར་བྱ་བ་དང་། སངས་རྒྱས་ཀྱི་རིགས་རྒྱུན་མི་འཆད་པར་བྱ་བའི་ཕྱིར། གཞན་དག་ལའང་རྒྱ་ཆེར་ཡང་དག་པར་རབ་ཏུ་སྟོན་ཅིང་བསྒྲུབ་པ་འདི་ལའང་གནས་ན། ཀུན་དགའ་བོ་བྱང་ཆུབ་སེམས་དཔའ་དེས་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ལ་མཆོད་པ་བྱས་པར་འགྱུར་རོ། ། གུས་པ་དང་བཅས་པས་བསྙེན་བཀུར་བྱས་པར་ཡང་འགྱུར་རོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཆེ་དང་ལྡན་པ་ཀུན་དགའ་བོ་དང་། ཁྱིམ་བདག་དྲག་ཤུལ་ཅན་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དཀོན་མཆོགས་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། དྲག་ཤུལ་ཅན་གྱིས་ཞུས་པའི་ལེའུ་ཞེས་བྱ་སྟེ། འདུས་པ་བཅུ་དགུ་པ་རྫོགས་སོ།། ། ཤློ་ཀ་དགུ་བརྒྱ་བམ་པོ་གསུམ་མོ།། རྒྱ་གར་གྱི་མངོན་པོ་སུ་རེན་དྲ་བོ་དྷི་དང་ཞུ་ཆེན་གྱི་ལོ་ཙ་བ་ཞད་ཡེ་ཤེས་སྡེས་བསྒྱུར་ཅིང་ཞུས་ཏེ།
CLOSE WINDOW