CLOSE WINDOW

S11.13: དགའ་བོ་མངལ་དུ་འཇུག་པ་བསྟན་པ་ཞེས་བྱ་བ་ཐེག་པ་ཆེན་པོའི་མདོ
Wyliee-texts produced with ocr Programm

འཕགས་པ་དཀོན་མཆོག་བརྩེགས་པ་ཆེན་པོ་ཆོས་ཀྱི་རྣམ་གྲངས་སྟོང་ཕྲག་བརྒྱ་པ་ལས་དགའ་བོ་མངལ་དུ་འཇུག་པ་བསྟན་པ་ཞེས་བྱ་བ་ཐེག་པ་ཆེན་པོའི་མདོ།། བམ་པོ་གཅིག་པ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན། རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་ཏེ། དེ་ནས་དེའི་ཚེ་ཚེ་དང་ལྡན་པ་དགའ་བོ་ཕྱི་དྲོའི་དུས་ཀྱི་ཚེ་ནང་དུ་ཡང་དག་འཇོག་པ་ལས་ལངས་ཏེ། དགེ་སློང་ལྔ་བརྒྱ་དང་ལྷན་ཅིག་ཏུ་བཅོམ་ལྡན་འདས་ག་ལ་བ་དེར་དོང་སྟེ་ཐལ་མོ་སྦྱར་ནས་གུས་པས། བཅོམ་ལྡན་འདས་ཀྱི་ཞབས་ལ་ཕྱག་བྱས་ནས་ཕྱོགས་གཅིག་ཏུ་འཁོད་དོ། ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་དང་། དགེ་སློང་རྣམས་ལ་བཀའ་སྩལ་པ། ང་ལ་ཆོས་ཀྱི་རྣམ་གྲངས་ཐོག་མར་འགྲོ་བ། བར་དུ་དགེ་པ། ཐ་མར་དགེ་བ། དོན་བཟང་པོ།། གཅིག་ཏུ་མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་དཀར་བ། ཚངས་པར་སྤྱོད་པའི་ཆོས་འདི་ལྟ་སྟེ། མངལ་དུ་འཇུག་པ་ཞེས་བྱ་བའི་ཆོས་ཀྱི་རྣམ་གྲངས་ཡོད་ཀྱིས། ལེགས་པར་ཉོན་ལ་ཡིད་ལ་ཟུང་ཞིག་དང་། ངས་ཁྱོད་ལ་རྣམ་པར་ཕྱེ་སྟེ་བསྟན་པར་བྱའོ།། བཅོམ་ལྡན་འདས་ལ། ཚེ་དང་ལྡན་པ་དགའ་བོས་གསོལ་པ། བཅོམ་ལྡན་འདས་དེ་བཞིན་དུ་ཐོས་པར་འཚལ་ལོ་ཞེས་གསོལ་པ་དང་། དེ་ནས་བཅོམ་ལྡན་འདས་ཀྱིས། ཚེ་དང་ལྡན་པ་དགའ་བོ་ལ་འདི་སྐད་ཅེས་བཀའ་སྩལ་ཏོ། ། དགའ་བོ་སེམས་ཅན་རྣམས་ནི་མངལ་དུ་འཇུག་པར་འདོད་པའི་ཚེ། རྒྱུ་དང་རྐྱེན་ཕུན་སུམ་ཚོགས་པར་གྱུར་ན་ནི་ལུས་ལེན་པར་འགྱུར་གྱི། གལ་ཏེ་ཕུན་སུམ་ཚོགས་པར་མ་གྱུར་ན་ནི་ལུས་ལེན་པར་མི་འགྱུར་རོ།། དེ་ལ་རྐྱེན་དང་མི་ལྡན་པ་ཞེས་བྱ་བ་གང་ཞེ་ན། འདི་ལྟ་སྟེ། ཕ་དང་མ་གཉིས་ཀའང་ཆགས་པའི་སེམས་བྱུང་བར་གྱུར། བར་མ་དོའི་ཕུང་པོའང་མངོན་དུ་གྱུར་ཅིང་། སྐྱེ་བའི་གནས་ཡོངས་སུ་ཚོལ་བར་བྱེད་ཀྱང་། ཕ་མ་དེ་དག་གི་འདུ་འཕྲོད་སྔ་ཕྱིར་གྱུར་ཅིང་། དུས་གཅིག་ཏུ་བྱུང་བར་མ་གྱུར་ཏམ། སོ་སོའི་ལུས་ལ་ནད་རྣམས་ལྡན་པར་གྱུར་ནའང་མངལ་དུ་འཇུག་པར་མི་འགྱུར་རོ།། གལ་ཏེ་མའི་མངལ་རླུང་དང་། མཁྲིས་པ་དང་། བད་ཀན་དང་། ཁྲག་གིས་ཉེ་བར་ནོན་པར་གྱུར་ཏམ། མཚམས་ཤས་གང་བ་འམ། སྨན་གྱིས་གང་བ་འམ། དཔུང་ནས་འདྲ་བ་འམ། གྲོག་མའི་རྐེང་པ་འདྲ་བ་འམ། རྔ་མོའི་ཁ་འདྲ་བ་འམ། ཤིང་རྟའི་ཚིགས་པ་བཞིན་སོགས་ཀང་འདུག་པ་འམ། ཤིང་རྟའི་སྲོག་ཤིང་ལྟ་བུར་འདུག་པ་འམ། ཤིང་རྟའི་ལྟེ་བའི་ཁ་ལྟ་བུར་འདུག་པ་འམ། ཤིང་ལོ་ལྟ་བུར་གྱུར་པ་འམ། སཱ་ལྟ་བུར་གྱ་གྱུར་འཁྱིལ་བར་གྱུར་ཏམ། མངལ་གྱི་མང་ནས་ཀྱི་གྲམ་སྐྱེས་པ་ལྟ་བུར་གྱུར་ཏམ། བུ་ཆུ་དང་ཁྲག་མང་དུ་འཛག་ཅིང་སྐད་ཅིག་ཙམ་དུའང་འདུག་ཏུ་མི་བཏུབ་པར་གྱུར་ཏམ། ཐུར་དུ་འཛག་པར་གྱུར་ཏམ། མངལ་གྱི་ལམ་རྩུབ་པར་གྱུར་ཏམ། སྟེང་དུ་ཡངས་པ་འམ། འོག་ཏུ་ཡངས་པ་འམ། ཡོ་བ་འམ། ཟབ་པ་མ་ཡིན་པ་འམ། རྡོལ་ནས་ཟགས་པ་འམ། མཐོ་བ་འམ། དམའ་བ་འམ། ཐུང་ཞིང་དོག་པ་འམ། ནད་སྣ་ཚོགས་དང་བཅས་པར་གྱུར་ནའང་མངལ་དུ་འཇུག་པར་མི་འགྱུར་རོ།། གལ་ཏེ་ཕ་མཚོ་རིགས་བཙུན་ཞིང་བསོད་ནམས་ཆེན་པོ་དང་ལྡན་པར་གྱུར་ལ། བར་མ་དོའི་ཕུང་པོ་བསོད་ནམས་ཆུང་བ་འམ། བར་མ་དོའི་སྲིད་པ་ཚེ་རིགས་བཙུན་ཞིང་བསོད་ནམས་ཆེན་པོ་དང་ལྡན་པར་གྱུར་ལ། ཕ་མ་བསོད་ནམས་ཆུང་བར་གྱུར་ཏམ། གཉིས་ཀ་བསོད་ནམས་དང་ལྡན་ཡང་ཕན་ཚུན་ཕྲད་པར་གྱུར་པའི་ལས་བསགས་པར་མ་གྱུར་ནའང་མངལ་དུ་འཇུག་པར་མི་འགྱུར་རོ། ། འདི་ལྟར་བར་མ་དོའི་ཕུང་པོ་དེ་མངལ་དུ་འཇུག་པར་འགྱུར་བ་ན། ཐོག་མ་ཁོ་ནར་ཕྱིན་ཅི་ལོག་གི་སེམས་རྣམ་པ་གཉིས་འབྱུང་བར་འགྱུར་ཏེ། གཉིས་གང་ཞེ་ན། འདི་ལྟ་སྟེ། ཕ་མ་གཉིས་ཕྲད་པར་གྱུར་པའི་ཚེ། གལ་ཏེ་ལོར་འགྱུར་བ་ཞིག་ཡིན་ན་ནི་མ་ལ་ཆགས་པ་སྐྱེ་བར་འགྱུར་ལ། ཕ་ལ་ནི་ཞེ་སྡང་སྐྱེ་བར་འགྱུར་ཏེ། ཕའི་ཁུ་བ་བྱུང་བ་ན་འདི་ནི་བདག་གི་ཡིན་ནོ་སྙམ་དུ་སེམས་སོ།། གལ་ཏེ་མོར་འགྱུར་བ་ཞིག་ཡིན་ན་ནི་ཕ་ལ་ཆགས་པ་སྐྱེ་བར་འགྱུར་ལ། མ་ལ་ནི་ཞེ་སྡང་སྐྱེ་བར་འགྱུར་ཏེ། མའི་ཁུ་བ་བྱུང་བ་ན་འདི་ནི་བདག་གི་ཡིན་ནོ་སྙམ་དུ་སེམས་པས། གལ་ཏེ་འདི་ལྟ་བུའི་ཞེ་སྡང་དང་ཆགས་པའི་སེམས་སྐྱེས་པར་མ་གྱུར་ན་མངལ་དུ་འཇུག་པར་མི་འགྱུར་རོ།། གཞན་ཡང་དགའ་བོ་ཇི་ལྟར་མའི་མངལ་དུ་འཇུག་པར་འགྱུར་ཞེ་ན། འདི་ལྟ་སྟེ། ཕ་མའང་ཆགས་པའི་སེམས་སྐྱེས་པར་གྱུར། དུས་ཀྱི་ཟླ་མཚན་ཡང་རྗེས་སུ་མཐུན་པར་གྱུར། བར་མ་དོའི་ཕུང་པོའང་མངོན་དུ་གྱུར་ལ། གོང་མ་ལྟ་བུའི་སྐྱོན་མང་པོའང་མེད་ཅིང་ལས་ཀྱི་རྐྱེན་དང་ལྡན་པར་གྱུར་ན་མའི་མངལ་དུ་འཇུག་པར་འགྱུར་རོ།། འདི་ལྟར་བར་མ་དོའི་ཕུང་པོ་དེ་མངལ་དུ་འཇུག་པར་འདོད་པ་ན། དེའང་རྣམ་པ་གཉིས་སུ་འགྱུར་ཏེ། གཉིས་གང་ཞེ་ན། བསོད་ནམས་དང་མི་ལྡན་པ་དང་། བསོད་ནམས་ཆེན་པོ་དང་ལྡན་ལ་གང་ཡིན་པའོ། ། བསོད་ནམས་དང་མི་ལྡན་པ་གང་ཡིན་པ་དེ་ནི་རྣམ་པར་རྟོག་པའི་སེམས་བྱུང་ནས་ཡུལ་མཐོང་བར་གྱུར་པ་ན། འདི་སྙམ་དུ་སེམས་ཏེ། དེང་བདག་ནི་རླུང་དང་། གྲང་བ་དང་། གནམ་རྨུས་པ་དང་། ཆར་འབབ་པ་དང་། སྐྱེ་བོ་མང་པོའི་ཅ་ཅོ་དང་། མང་པོའི་མཐུ་སྟོབས་ཀྱིས་གནོད་པར་བྱེད་པ་དང་ཕྲད་པར་གྱུར་ཏོ་ཞེས་འཇིགས་ཤིང་སྐྲག་པ་སྐྱེས་ནས། དེང་བདག་རྩཝའི་ཁྱིམ་དང་། ལོ་མའི་ཁྱིམ་དང་། རྩིག་པའི་དྲུང་དབེན་པར་འཇུག་པར་བྱའོ།། ཡང་ན་རི་དང་། ནགས་སྟུག་པོ་དང་ཟག་ཕུག་དག་ཏུ་འཇུག་པར་བྱའོ་སྙམ་དུ་སེམས་ཏེ། གཞན་ཡང་འདུ་ཤེས་རྣམ་པ་སྣ་ཚོགས་བསྐྱེད་ནས། ཇི་ལྟར་མཐོང་བ་བཞིན་དུ་མའི་མངལ་དུ་འཇུག་པར་བྱེད་དོ།། གང་བསོད་ནམས་ཆེན་པོ་དང་ལྡན་པ་དེའང་འདི་སྙམ་དུ་དེང་བདག་ནི་རླུང་དང་། ཟང་བ་དང། གནས་ནུས་པ་དང་། ཆར་འབབ་པ་དང་། སྐྱེ་བོ་མང་པོའི་ཅ་ཅོ་དང་། མང་པོའི་མཐུ་ཙམ་ཀྱིས་གནོད་པར་བྱེད་པ་དང་ཕྲད་པར་གྱུར་ཏོ་ཞེས་འཇིགས་ཤིང་སྐྲག་པ་སྐྱེས་ནས། ཁང་པ་བརྩེགས་མའི་སྟེང་དུ་འཛེགས་པ་འམ། གཞལ་མེད་ཁང་གི་ནང་དུ་འཇུག་པ་འམ་ཁྲི་ལ་འདུག་པར་བྱའོ་སྙམ་དུ་སེམས་ཏེ། གཞན་ཡང་འདུ་ཤེས་རྣམ་པ་སྣ་ཚོགས་བསྐྱེད་ནས། ཇི་ལྟར་མཐོང་བཞིན་དུ་མའི་མངལ་དུ་འཇུག་པར་འགྱུར་རོ།། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་འདི་ལྟར་བར་མ་དོའི་ཕུང་པོ་དེ་ཐོག་མ་ཁོ་ནར་མངལ་དུ་ཞུགས་པ་གང་ཡིན་པ་དེ་ནི་མེར་མེར་པོ་ཞེས་བྱ་སྟེ། ཕ་མའི་མི་གཙང་བ་དང་འདས་པའི་ལས་ལ་བརྟེན་ནས་ལུས་ལེན་པར་བྱེད་ཀྱང་། འདི་ལྟར་ལས་དེ་དང་ཕ་མའི་རྐྱེན་རྣམས་ཀྱིས་སོ་སོ་ནས་རང་སྐྱེད་པར་མི་བྱེད་ཀྱི། འདུས་པའི་མཐུ་སྟོབས་ཀྱིས་ལུས་ལེན་པར་བྱེད་པས་འདི་ལྟ་སྟེ། དཔེར་ན་སྣོད་ཀྱི་ནང་དུ་ཞོས་བཀང་ནས་སྐྱེས་བུའི་རྩོལ་བ་དང་། ཐག་པ་ལ་སོགས་པ་ལ་བརྟེན་ཏེ། མར་འབྱུང་བའང་རྐྱེན་རྣམས་ལས་དམིགས་པར་མི་འགྱུར་མོད་ཀྱི། འོན་ཀྱང་འདུས་པའི་མཐུ་ལས་མར་འབྱུང་བར་འགྱུར་བ་དེ་བཞིན་དུ། མེར་མེར་པོའི་ལུས་ཀྱང་དེ་བཞིན་ཏེ། འདི་ལྟར་རྒྱུ་དང་རྐྱེན་གྱིས་མཐུས་མངལ་དུ་ལུས་མངོན་པར་གྲུབ་པར་འགྱུར་རོ།། དགའ་བོ་འདི་ལྟ་སྟེ། དཔེར་ན་རྩཝ་སྔོན་པོ་དང་། བ་གླང་གི་ལྕི་བ་དང་། རྒྱ་ཤུག་དང་། ཞོ་ལ་བརྟེན་ནས་སོ་སོ་ནས་སྲིན་བུ་སྐྱེ་བར་འགྱུར་བའི་རེ་རེའི་ནང་དུ་སྲིན་བུ་མི་དམིགས་ཀྱང་རྒྱུ་དང་རྐྱེན་གྱི་སྟོབས་ཀྱིས་སྲིན་བུ་སྐྱེ་བར་འགྱུར་ཏེ། སྲིན་བུ་དེ་དག་སྐྱེ་བ་ན་སོ་སོ་ནས་རྟེན་ཇི་ལྟ་བ་བཞིན་དུ་ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོར་འགྱུར་རོ།། དེ་བཞིན་དུ་ཕ་མའི་མི་གཙང་བའི་ལས་ལུས་འདི་སྐྱེ་བར་ཡང་རྐྱེན་རྣམས་ཀྱི་ནང་དུ་བཙལ་ན་དམིགས་པར་མི་འགྱུར་མོད་ཀྱི། འོན་ཀྱང་རྐྱེན་འདུས་པའི་མཐུ་དང་མ་བྲལ་བར་ཡང་ལུས་ཡང་དག་པར་ལེན་པར་འགྱུར་རོ། ། ལུས་འདི་སྐྱེས་ན་ཕ་མའི་འབྱུང་བ་ཆེན་པོ་བཞི་དང་ངོ་བོ་ཉིད་ཐ་མི་དད་པར་འགྱུར་ཏེ། འདི་ལྟ་སྟེ། སའི་ཁམས་ཀྱིས་ནི་སྲ་བའི་བྱ་བ་བྱེད་དོ།། ཆུའི་ཁམས་ཀྱིས་ནི་གཤེར་བའི་བྱ་བ་བྱེད་དོ། ། མེའི་ཁམས་ཀྱིས་ནི་དྲོ་བའི་བྱ་བ་བྱེད་དོ།། རླུང་གི་ཁམས་ཀྱིས་ནི་ཡང་ཞིང་གཡོ་བའི་བྱ་བ་མེད་དོ།། མེར་མེར་པོའི་ལུས་དེ་གལ་ཏེ་སའི་ཁམས་འབའ་ཞིག་དང་ལྡན་ལ། ཆུའི་ཁམས་མེད་པར་གྱུར་ན་ནི། འདི་ལྟ་སྟེ། དཔེར་ན་ཕྱེ་དང་ཐལ་བ་སྐམ་པོ་བཅངས་པ་བཞིན་འདུར་མི་བཏུབ་པར་འགྱུར་རོ།། གལ་ཏེ་ཆུའི་ཁམས་འབའ་ཞིག་དང་ལྡན་ལ། སའི་ཁམས་མེད་པར་གྱུར་ན་ནི། འདི་ལྟ་སྟེ། དཔེར་ན་འབྲུ་མར་རམ། ཆུའི་རང་བཞིན་སྣུམ་ཞིང་གཤེར་བ་འམ། སྲ་བ་མེད་པ་བཞིན་དུ་བོ་ཞིང་གྱེས་པར་འགྱུར་རོ།། གལ་ཏེ་ཆུའི་ཁམས་འབའ་ཞིག་དང་ལྡན་ལ། མེའི་ཁམས་མེད་པར་གྱུར་ན་ནི། འདི་ལྟ་སྟེ། དཔེར་ན་དབྱར་ཚ་བའི་དུས་སུ་ཤའི་གོང་བུ་གྲིབ་མ་ལ་བཞག་པ་ཉི་མའི་འོད་ཀྱིས་མ་ཕོག་པ་བཞིན་དུ་རུལ་ཞིང་མྱགས་པར་འགྱུར་རོ། ། གལ་ཏེ་ས་དང་། ཆུ་དང་། མེའི་ཁམས་དང་ལྡན་ལ། རླུང་གི་ཁམས་མེད་པར་གྱུར་ན་ནི་འཕེལ་བར་མི་འགྱུར་ཏེ། འདི་ལྟ་སྟེ། དཔེར་ན་འཁུར་བ་མཁན་ནམ་དེའི་སློབ་མ་མཁས་པས་འཁུར་བ་བཅོས་ནས། དབུགས་ཀྱིས་བུས་ཏེ་ཅི་དང་ཅི་བྱ་བ་རྣམས་མངོན་པར་འདུས་བྱས་ནས་དེ་དག་ནང་ཁོང་སྟོང་དུ་བྱེད་པ། གལ་ཏེ་རླུང་གི་སྟོབས་མེད་པར་གྱུར་ན་མངོན་པར་གྲུབ་པར་མི་འགྱུར་རོ། ། དེ་བཞིན་དུ་འབྱུང་བ་ཆེན་པོ་བཞི་པོ་དག་ཀྱང་ཕན་ཚུན་གཅིག་ལ་གཅིག་རྟེན་ཅིང་ཡོངས་སུ་བཟུང་བས་རྣམ་པར་གཞག་པ་ཡིན་པས། དེའི་ཕྱིར་མེར་མེར་པོའི་ལུས་ཕ་མའི་འབྱུང་བ་ཆེན་པོ་བཞི་དང་ལས་ཀྱི་རླུང་གི་རྒྱུས་སྐྱེ་བར་འགྱུར་བའང་དེ་བཞིན་དུ། རྐྱེན་མང་པོ་རྣམས་ཀྱི་ནང་ན་དམིགས་པར་མི་འགྱུར་ཡང་། འདུས་པའི་སྟོབས་ཀྱིས་ལུས་ཡང་དག་པར་ལེན་པར་འགྱུར་བར་རིག་པར་བྱའོ། ། གཞན་ཡང་དགའ་བོ་འདི་ལྟ་སྟེ། དཔེར་ན་ས་བོན་གསར་པ་ཡོངས་སུ་གཙང་ལ་ལེགས་པར་སྦས་པ། སྲིན་བུས་མ་ཟོས་པ། མ་རུལ་ཅིང་མ་ཚིག་པ་དང་། མ་གས་པ་དང་། བུ་ག་མེད་པ་ཞིག་གང་ལ་ལ་ཞིག་གིས་ཞིང་བཟང་ཞིང་གཤིན་པ་བཙལ་ཏེ་ས་བོན་བཏབ་ན། ཅི་ཉིན་ཞག་གཅིག་གིས་མྱུ་གུ་དང་། སྡོང་བུ་དང་། ཡལ་ག་དང་། ལོ་མ་གྲིབ་མ་དང་བཅས་པ་དང་། མེ་ཏོག་དང་འབྲས་བུ་རྒྱས་ཤིང་ཕུན་སུམ་ཚོགས་པར་འགྱུར་རམ། བཅོམ་ལྡན་འདས་དེ་ནི་དེ་ལྟར་མི་འགྱུར་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་མར་མེར་པོའི་ལུས་ཀྱང་དེ་བཞིན་དུ་རྒྱུ་དང་རྐྱེན་ལས་རིམ་གྱིས་སྐྱེ་བར་འགྱུར་གྱི། དུས་གཅིག་ཏུ་དབང་པོ་རྣམས་ཕུན་སུམ་ཚོགས་པར་མི་འགྱུར་ཏེ། དེ་ལྟ་བས་ན་ཕ་མ་ལས་བྱུང་བར་གྱུར་པའི་ལུས་འདི་རྐྱེན་རྣམས་ཀྱི་ནང་ནས་བཙལ་ནའང་དམིགས་པར་མི་འགྱུར་མོད་ཀྱི། འོན་ཀྱང་འཚོགས་པའི་སྟོབས་ཀྱིས་སྐྱེ་བ་ལེན་པར་འགྱུར་བར་རིག་པར་བྱའོ།། གཞན་ཡང་དགའ་བོ་འདི་ལྟ་སྟེ། དཔེར་ན་སྐྱེས་བུ་མིག་དང་ལྡན་པས་མེ་ཤེལ་གྱི་ནོར་བུ་བླངས་ནས་ཉི་མ་ལ་གཞག་སྟེ། ལྕི་བ་སྐམ་པོ་ནོར་བུ་དང་མི་རིང་བར་བསྟེན་པ་ལས་མེ་བྱུང་བར་འགྱུར་བའི་ལྕི་བ་དང་། ཉི་མའི་འོད་སོ་སོ་ནས་མེ་འབྱིན་པར་མི་ནུས་ཀྱང་ལམ་ཚུན་མི་འབྲལ་བས་རྒྱུ་དང་རྐྱེན་གྱི་སྟོབས་ཀྱིས་མེ་འབྱུང་བར་མེད་དོ། ། ཕ་མ་ལས་བྱུང་བའི་ལུས་ཀྱང་དེ་བཞིན་ཏེ། འདི་ལྟར་མེར་མེར་པོའི་ལུས་གང་ཡིན་པ་དེ་ནི་གཟུགས་ཞེས་བྱའོ།། ཚོར་བ་དང་འདུ་ཤེས་དང་། འདུ་བྱེད་དང་། རྣམ་པར་ཤེས་པ་གང་ཡིན་པ་དེ་ནི་མིང་ཞེས་བྱ་སྟེ། མིང་དང་གཟུགས་ཀྱི་ཕུང་པོ་ལྔ་པོས་སྐད་ཅིག་མ་གཅིག་ལ་ལུས་བླངས་ནས། སྡུག་བསྔལ་མྱོང་བར་བྱེད་པ་ལའང་ངས་བསྔགས་པ་རྗོད་པར་མི་བྱེད་ན། ཡུན་རིང་པོར་སྲིད་པ་རྣམས་སུ་འཁོར་བར་གྱུར་པ་ལྟ་སྨོས་ཀྱང་ཅི་དགོས། འདི་ལྟ་སྟེ། དཔེར་ན་མི་གཙང་བ་ནི་ཞུཉུང་ནའང་མནམ་ན་མང་པོ་ལྟ་སྨོས་ཀྱང་ཅི་དགོས་ཏེ། དེ་ལྟ་བས་ན་མེར་མེར་པོ་ལུས་ཉེ་བར་ལེན་པའི་ཕུང་པོ་ལྔ་པོ་དག་ལ་སུ་ཞིག་སྲེད་ཅིང་ཆགས་པར་བྱེད།། གཞན་ཡང་དགའ་བོ་འདི་ལྟར་ལུས་དེ་མའི་མངལ་ན་གནས་པའང་ཞག་བདུན་ཕྲག་སུམ་ཅུ་རྩ་བརྒྱད་ལོན་ནས་གདོད་འབྱུང་བར་འགྱུར་ཏེ། ཞག་བདུན་ཕྲག་དང་པོ་ལ་མའི་མངལ་ན་གནས་པ་གཏ་ཡིན་པ་དེ་ནི་མེར་མེར་ལོ་ཞེས་བྱ་སྟེ། ལུས་ཀྱི་མཚན་མ་དང་པོར་སྣང་བ་ཡིན་པས་འདི་ལྟ་སྟེ། དཔེར་ན་ཞོ་མ་ཆགས་པ་དང་འདྲ་བས་ཞག་བདུན་གྱི་བར་དུ་ནང་དུ་བཙོས་རབ་ཏུ་བཙོས་ནས། འབྱུང་བ་ཆེན་པོ་བཞི་མཐར་གྱིས་མངོན་པར་གྲུབ་པར་བྱེད་དོ།། ཞག་བདུན་ཕྲག་གཉིས་པ་ལ་མའི་མངལ་དུ་གནས་པའི་ཚེ། ལས་ཀྱི་རླུང་མངོན་པར་གྲུབ་ལ་གང་ཡིན་པ་དེ་ནི་ཀུན་སྡུད་ཅེས་བྱ་སྟེ། རླུང་ཤིན་ཏུ་ཕྲ་མོ་དེས་མའི་རྩིབ་ལོགས་གཡོན་པ་དང་གཡས་པ་བུས་ཏེ། མེར་མེར་པོ་ལུས་ཀྱི་མཚན་མ་རིམས་ཀྱིས་སྣང་བར་བྱེད་པས་དེའི་དབྱིབས་ཞོ་སྐ་བ་འམ། མར་འཁྱགས་པ་འདྲ་སྟེ། ནང་དུ་བཙོས་རབ་ཏུ་བཙོས་པས་ནུར་ནུར་པོའི་ལུས་སུ་གྱུར་ནས་འདི་ལྟར་འབྱུང་བ་ཆེན་པོ་བཞི་པོ་དག་མཐར་གྱིས་མངོན་པར་གྲུབ་པར་བྱེད་དོ། ། ཞག་བདུན་ཕྲག་གསུམ་པ་ལ་མའི་མངལ་དུ་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་མཛོད་ཀ་ཞེས་བྱ་སྟེ། རླུང་དེའི་སྟོབས་ཀྱིས་ནུར་ནུར་པོ་གང་ཡིན་པ་དེ་མཐར་གྱིས་འཁྱགས་ཤིང་ལྟར་ལྟར་བོར་བྱེད་པས། དེའི་དབྱིབས་ནི་སྨན་རྡུང་བའི་གཏུན་བུ་འདྲ་ལ་ཐུང་ཞིང་ཆུང་སྟེ། མངལ་གྱི་ནང་དུ་བཙོས་རབ་ཏུ་བཙོས་པས་འདི་ལྟར་འབྱུང་བ་ཆེན་པོ་བཞི་པོ་འདི་དག་མཐར་གྱིས་འཕེལ་བར་བྱེད་དོ། ། ཞག་བདུན་ཕྲག་བཞི་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ནད་རབ་ཏུ་འབྱེད་པ་ཞེས་བྱ་སྟེ། རླུང་དེའི་སྟོབས་ཀྱིས་ལྟར་ལྟར་པོ་གང་ཡིན་པ་དེ་ནི་མཁྲང་པར་བྱེད་པས། དེའི་དབྱིབས་ནི་མཆིག་གུ་འདྲ་བ་སྟེ། ནང་དུ་བཙོས་རབ་ཏུ་བཙོས་པས་འབྱུང་བ་ཆེན་པོ་བཞི་པོ་དག་མཐར་གྱིས་འཕེལ་བར་བྱེད་དོ།། ཞག་བདུན་ཕྲག་ལྔ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཡང་དག་པར་སྡུད་པ་ཞེས་བྱ་སྟེ། རླུང་དེའི་སྟོབས་ཀྱིས་མཁྲང་འགྱུར་གང་ཡིན་པ་དེ་རྐང་ལག་རྒྱུས་པ་བསྒྱུར་བར་བྱེད་པས།། གོར་གོར་པོ་གང་ཡིན་པ་དེ་ནི་རྣམ་པར་ཕྱེ་ནས་བརླ་གཉིས་དང་། དཔུང་པ་གཉིས་དང་། མགོ་བོའི་མཚན་མ་མངོན་དུ་བྱུང་བར་བྱེད་དོ།། འདི་ལྟ་སྟེ། དཔེར་ན་དབྱར་གྱི་དུས་སུ་ཆར་པ་འབབ་པའི་ཚེ། ལྗོན་ཤིང་རྣམས་ཡལ་ག་དང་འདང་མ་སྐྱེད་པར་བྱེད་པ་དེ་བཞིན་དུ་ལས་ཀྱི་རླུང་གི་སྟོབས་ཀྱིས་ཀྱང་ལུས་ཀྱི་མཚན་མ་རྣམས་སྣང་བར་བྱེད་དོ། ། ཞག་བདུན་ཕྲག་དྲུག་པ་ལ་མའི་མངལ་དུ་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཟས་ཞེས་བྱ་སྟེ། རླུང་དེའི་སྟོབས་ཀྱིས་མཚན་མ་བཞི་འབྱུང་བར་བྱེད་དོ།། བཞི་གང་ཞེ་ན། འདི་ལྟ་སྟེ། པུས་མོ་གཉིས་དང་དཔུང་པ་གཉིས་གང་ཡིན་པ་དེ་ནི་མཚན་མ་རྣམ་པ་བཞི་ཞེས་བྱའོ། ། ཞག་བདུན་ཕྲག་བདུན་པ་ལ་མའི་མངལ་དུ་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་འཁྱིལ་བར་བྱེད་པ་ཞེས་བྱ་སྟེ། རླུང་དེའི་སྟོབས་ཀྱིས་མཚན་མ་རྣམ་པ་བཞི་འབྱུང་བར་བྱེད་དེ། འདི་ལྟ་སྟེ། ལག་མཐིལ་གཉིས་དང་རྐང་མཐིལ་གཉིས་ཏེ། དེའི་མཚན་མ་ནི་ཤིན་ཏུ་མཉེན་པས་དབུ་བ་འདུས་པ་འདྲའོ།། ཞག་བདུན་ཕྲག་བརྒྱད་པ་ལ་མའི་མངལ་དུ་གནས་པའི་ཚེ། ལས་ཀྱི་རླུང་མངོན་པར་གྲུབ་ལ་གང་ཡིན་པ་དེ་ནི་བཟློག་ཅིང་བསྒྱུར་བར་བྱེད་པ་ཞེས་བྱ་སྟེ། རླུང་དེའི་སྟོབས་ཀྱིས་མཚན་མ་ཉི་ཤུ་འབྱུང་བར་བྱེད་དེ། འདི་ལྟ་སྟེ། ལག་པ་དང་རྐང་པའི་སོར་མོའི་མཚན་མ་ཉི་ཤུ་འབྱུང་བར་བྱེད་པ་གང་ཡིན་པའོ།། དེ་ནི་འདི་ལྟ་སྟེ། དཔེར་ན་དབྱར་ཆར་འབབ་པའི་ཚེ། ལྗོན་ཤིང་རྣམས་ཀྱི་ཡལ་ག་དང་འདབ་མ་མཐར་གྱིས་སྐྱེས་ཤིང་འཕེལ་བར་བྱེད་པ་དེ་བཞིན་དུ་ལས་ཀྱི་རླུང་གི་སྟོབས་ཀྱིས་ཀྱང་མཚན་མ་རྣམས་མངོན་དུ་སྣང་བར་བྱེད་དོ། ། ཞག་བདུན་ཞག་དགུ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་རྣམ་པར་འབྱེད་པ་ཞེས་བྱ་སྟེ། རླུང་དེའི་སྟོབས་ཀྱིས་མཚན་མ་རྣམ་པ་དགུ་འབྱུང་བར་བྱེད་དོ།། དགུ་གང་ཞེ་ན། འདི་ལྟ་སྟེ། མིག་གཉིས་དང་། རྣ་བ་གཉིས་དང་། སྣ་གཉིས་དང་། ཁ་དང་། བཤང་བ་དང་། གཅི་བའི་གནས་གང་ཡིན་པ་དེ་དག་ནི་མཚན་མ་རྣམ་པ་དགུ་ཞེས་བྱའོ། ། ཞག་བདུན་ཕྲག་བཅུ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་སྲ་བར་བྱེད་པ་ཞེས་བྱ་སྟེ། རླུང་དེའི་སྟོབས་ཀྱིས་སྲ་ཞིང་བརྟན་པར་བྱེད་དོ། ། གཞན་ཡང་དེའི་ཚེ་ཀུན་ནས་སྒོ་ཞེས་བྱ་བའི་རླུང་འབྱུང་སྟེ། དེས་མངལ་ན་གནས་པའི་ལུས་བུས་པས་ལུས་ཀུན་ཏུ་རྒྱས་ཤིང་གང་བར་བྱེད་དེ། འདི་ལྟ་སྟེ། དཔེར་ན་རྒྱལ་བ་གང་བ་ཇི་ལྟ་བ་བཞིན་ནོ།། ཞག་བདུན་ཕྲག་བཅུ་གཅིག་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་རྡོ་རྗེ་ཞེས་བྱ་སྟེ། རླུང་དེའི་སྟོབས་ཀྱིས་མངལ་ན་གནས་པའི་ཚེ། དེ་སྟེང་དང་འོག་གི་ཕྱོགས་སུ་འགྲོ་ཞིང་ལུས་ཀྱི་བུག་རྣམས་འབྱིན་པར་བྱེད་དོ།། གཞན་ཡང་རླུང་དེའི་སྟོབས་ཀྱིས་མ་དེ་རེས་འགའ་དག་བ་དང་མི་དགའ་བའང་བྱེད། འགྲོ་བ་དང་། འགྲེང་བ་དང་། འདུག་པ་དང་། ཉལ་ནའང་དེའི་རང་བཞིན་འགྱུར་ཞིང་རྐང་ལག་སྐྱོད་པར་ཡང་བྱེད་པས་མངལ་ན་གནས་པའི་བུ་ག་རྣམས་མཐར་གྱིས་སྐྱེ་ཞིང་འཕེལ་བར་ཡང་བྱེད་ལ། དེའི་ཁ་ནས་ཁྲག་ནག་པོའང་འབྱུང་བར་འགྱུར། སྣ་ནས་ཀྱང་ཆུ་མི་གཙང་བ་འབྱུང་བར་འགྱུར་ཏེ། རླུང་ངེས་དབང་པོ་རྣམས་བཟློག་ནས་དེ་ནས་ཞི་བར་འགྱུར་རོ། ། ཞག་བདུན་ཁྲག་བཅུ་གཉིས་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཡོན་པོའི་སྒོ་ཞེས་བྱ་སྟེ། རླུང་དེའི་སྟོབས་ཀྱིས་རྩིབ་ལོགས་གཡས་གཡོན་གྱི་ནང་ཁྲོལ་གྱི་རྒྱུ་མཆེ་ཆུང་རྣམས་སྐྱེད་པར་བྱེད་དེ། དེ་ནི་འདི་ལྟ་སྟེ། དཔེར་ན་པདྨའི་རྩ་བ་ཤད་ཤད་པོ་འམ། སྐུད་ལ་གྲིམས་ལས་ལ་བཞག་པ་ལྟ་བུར་ལན་བཅོ་བརྒྱད་འཁོར་བར་ལུས་ལ་བརྟེན་ཏེ་གནས་སོ། ། དེའི་ཚེ་གཞན་ཡང་སྤུ་བརྒྱུ་པའོ་ཞེས་བྱ་བའི་རླུང་འབྱུང་སྟེ། རླུང་དེའི་དབང་གིས་ཚིགས་ཀྱི་ཡན་ལག་སུམ་བརྒྱ་ཉི་ཤུ་དང་། གནང་བརྒྱ་རྩ་གཅིག་ལུས་ལ་གནས་པར་འགྱུར་རོ།། ཞག་འདུན་ཕྲག་བཅུ་གསུམ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་བ་གང་ཡིན་པ་དེ་ནི་བཀྲེས་ཤིང་སྐོམ་པར་བྱེད་པ་ཞེས་བྱ་སྟེ། རླུང་དེའི་སྟོབས་ཀྱིས་མངལ་གྱི་ལུས་དེ་ཉམ་ཆུང་ཞིང་བཀྲེས་པ་དང་སྐོམ་པའི་འདུ་ཤེས་སྐྱེད་པར་བྱེད་པས། དེའི་མས་ཟོས་ཤིང་འཐུང་བའི་རོ་ཇི་སྙེད་པ་དག་ལུས་ཀྱི་གནང་དང་། ལྟེ་བའི་དཀྱིལ་འཁོར་ཡོངས་སུ་འཛིན་ཅིང་ལན་འདོགས་པར་བྱེད་དོ།། དེ་ནས་དེའི་ཚེའི་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། བུ་ནི་མ་མངལ་གནས་པ་ན།། མངལ་གནས་དེ་ལ་ཕན་འདོགས་པ།། དེས་ན་ལུས་སྲོག་རབ་གནས་ཤིང་།། རིམ་གྱིས། སྐྱེ་དང་འཕེལ་བར་བྱེད།། མས་ནི་ཟོས་ཤིང་འཐུངས་པ་དག། མངལ་ན་གནས་ལ་ཕན་འདོགས་པས།། རིམ་གྱིས་སྐྱེ་དང་འཕེལ་བར་བྱེད།། ཞག་བདུན་ཕྲག་བཅུ་བཞི་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་སྐུད་པའི་སྒོ་ཞེས་བྱ་སྟེ། རླུང་དེའི་སྟོབས་ཀྱིས་རྩ་རྒྱུས་དགུ་བརྒྱ་བསྐྱེད་ནས། ལུས་ཀྱི་མདུན་དང་། རྒྱབ་དང་། གཡས་གཡོན་སྣོལ་མར་གཡོག་པར་བྱེད་དོ།། ཞག་བདུན་ཕྲག་བཅོ་ལྔ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་བསྒྲུབ་པ་གང་ཡིན་པ་དེ་ནི་པདྨ་ཞེས་བྱ་སྟེ། རླུང་དེའི་སྟོབས་ཀྱིས་རྩ་རྒྱུ་བ་ཉི་ཤུ་བསྐྱེད་ནས། བཟལ་བ་དང་བཏུང་བའི་རོ་གང་ཡིན་པ་རྩ་འདིར་ཞུགས་ནས། ལུས་ལ་ཕན་འདོགས་པར་བྱེད་དོ།། ཉི་ཤུ་གང་ཞེ་ན། ལུས་ཀྱི་མདུན་དང་། རྒྱབ་དང་། གཡས་གཡོན་རེ་རེ་ལའང་རྩཝ་ལྔ་ལྔ་ཡོད་དེ། རྩ་འདི་དག་རེ་རེ་ལའང་རྩཝ་ཕྲ་མོའི་ཡན་ལག་བཞི་བཅུ་བཞི་བཅུ་ཡོད་དོ།། རྩ་དེ་དག་རེ་རེ་ལའང་ཡན་ལག་བརྒྱ་བརྒྱ་ཡོད་དོ། ། ལུས་ཀྱི་མདུན་ན་ཡོད་པ་ཉི་ཁྲི་ནི་ས་ཀ་ཞེས་བྱའོ།། ལུས་ཀྱི་རྒྱབ་ན་ཡོད་པ་ཉི་ཁྲི་ནི་སྟོབས་ཞེས་བྱའོ།། ལུས་ཀྱི་གཡོན་ཕྱོགས་ན་ཡོད་པ་ཉི་ཁྲི་ནི་བརྟན་པ་ཞེས་བྱའོ། ། ལུས་ཀྱི་གཡས་ཕྱོགས་ན་ཡོད་པ་ཉི་ཁྲི་ནི་མཐུ་དང་ལྡན་པ་ཞེས་བྱ་སྟེ། དེ་ལྟར་ན་རྩའི་ཡན་ལག་ཆེ་ཕྲ་བརྒྱད་ཁྲི་ལུས་དེ་ལ་སྐྱེ་བར་འགྱུར་རོ།། རྩ་དེ་དག་ཀྱང་ཁ་དོག་རྣམ་པ་སྣ་ཚོགས་དང་ལྡན་ཏེ། འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། མར་དང་། ཞོ་དང་། འབྲུ་མར་གྱི་ཁ་དོག་གོ། རྩ་བརྒྱད་ཁྲི་པོ་དེ་དག་རེ་རེ་ལའང་རྩ་བ་རེ་རེ་ཡོད་དེ། རྩ་བ་རེ་རེ་ལའང་བུ་ག་སྣ་ཚོགས་ཡོད་དེ། བུ་ག་གཅིག་དང་། བུ་ག་གཉིས་ནས། བུ་ག་བདུན་གྱི་བར་དང་ལྡན་ཏེ། རེ་རེའང་སྤུའི་བུ་ག་དང་ཕན་ཚུན་འབྲེལ་ཏེ། དེ་ནི་དཔེར་ན་པདྨའི་རྩ་བ་ལ་བུ་ག་མང་པོ་ཡོད་པ་ཇི་ལྟ་བ་བཞིན་ནོ།། ཞག་བདུན་ཕྲག་བཅུ་དྲུག་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་བདུད་རྩི་ཞེས་བྱ་སྟེ། རླུང་དེའི་སྟོབས་ཀྱིས་དེའི་མིག་དང་། རྣ་བ་དང་། སྣ་དང་། ཁའི་སྒོ་དང་། མིང་པ་དང་སྙིང་གི་སྙིང་པོ་ཁོ་ར་ཁོར་ཡུག་གི་བུ་ག་དགུ་པོ་དག་རྣམ་པར་ཕྱེ་ནས། དབུགས་ཕྱི་ནང་དུ་རྒྱུ་བ་སྟེང་དང་འོག་ཏུ་རྒྱུ་ཞིང་ཐོགས་པ་མེད་པ་དང་། བཟའ་བ་དང་བཏུང་བ་ཟོས་ཤིང་འཐུངས་པ་གང་ཡིན་པ་དེ་དག་ཀྱང་ལུས་ལ་ཕན་འདོགས་ཤིང་བསགས་པའི་གནས་ཡོད་པ་དང་། ལེགས་པར་ཞུགས་ནས་འོག་གི་ཕྱོགས་སུ་འབྱུང་བར་བྱེད་དེ། འདི་ལྟ་སྟེ། དཔེར་ན་རྫ་མཁན་ནམ། དེའི་སློབ་མ་མཁས་པ་འཇིམ་པ་ལེགས་པར་སྦྱར་ཏེ། འཁོར་ལོའི་སྟེང་དུ་གཞག་ནས། འོག་དང་སྟེང་དུ་བསྒྱུར་ཞིང་སྣོད་རྣམ་པ་མངོན་པར་འདུས་བྱས་ནས། མངོན་པར་གྲུབ་པ་དེ་བཞིན་དུ་འདིའང་རླུང་གི་སྟོབས་དང་། དགེ་བ་དང་མི་དགེ་བའི་ལས་ཀྱིས་མིག་དང་རྣ་བ་ལ་སོགས་པ་རིམས་ཀྱིས་ཡོང་སུ་རྫོགས་པར་བྱེད་དོ།། ཞག་པདུན་ཕྲག་བཅུ་བདུན་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་འབྲི་གདོང་ཞེས་བྱ་སྟེ། རླུང་དེའི་སྟོབས་ཀྱིས་དེའི་མིག་གཉིས་ཀུན་ཏུ་དང་པ་དང་། རྣ་བ་དང་སྣའི་དབང་པོ་ལ་སོགས་པའང་རིམས་ཀྱིས་ཡོངས་སུ་སྨིན་པར་བྱེད་དེ། འདི་ལྟ་སྟེ། དཔེར་ན་མེ་ལོང་གི་དཀྱིལ་འཁོར་རྡུལ་གྱིས་གཡོགས་པ་སའི་ཕྱེ་མ་དང་། འབྲུ་མར་དང་། ཐལ་བ་བླངས་ཏེ་བྱི་དོར་བྱས་ན་ཡོངས་སུ་གསལ་བར་འགྱུར་བ་ཇི་བཞིན་དུ། ལས་ཀྱི་རླུང་གི་སྟོབས་ཀྱིས་མིག་ལ་སོགས་པ་བུས་ནས། མིག་ལ་སོགས་པ་ཀུན་ཏུ་དང་བར་བྱེད་པའང་དེ་བཞིན་དུ་རིག་པར་བྱའོ། ། ཞག་བདུན་ཕྲག་བཅོ་བརྒྱད་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་བརྟན་པར་འགྱུར་བ་ཞེས་བྱ་སྟེ། རླུང་དེའི་སྟོབས་ཀྱིས་དེའི་དབང་པོ་རྣམས་མཐར་གྱིས་ཡོངས་སུ་སྨིན་ཅིང་གསལ་བ་དང་ཡོངས་སུ་དག་པར་བྱེད་དེ། འདི་ལྟ་སྟེ། དཔེར་ན་ཉི་མ་དང་ཟླ་བའི་དཀྱིལ་འཁོར་སྤྲིན་དང་ཁུག་རྣ་རྣམས་ཀྱིས་བསྒྲིབས་ཤིང་ཁེབས་པར་གྱུར་པ་གློ་བུར་དུ་རླུང་དྲག་པོ་ལངས་ཏེ་བུས་ནས་ཕྱོགས་བཞིར་གཏོར་བར་གྱུར་ན། ཉི་མ་དང་ཟླ་བའི་དཀྱིལ་འཁོར་ཤིན་ཏུ་གསལ་བར་གྱུར་པ་དེ་བཞིན་དུ། འདི་ལྟར་ལས་ཀྱི་རླུང་གི་དབང་གིས་དབང་པོ་རྣམས་བུས་པས་ཆེས་ཤིན་ཏུ་གསལ་ཞིང་ཡོངས་སུ་དག་པར་བྱེད་པ་དེ་བཞིན་དུ་རིག་པར་བྱའོ།། ཞག་བདུན་ཕྲག་བཅུ་དགུ་པ་ལ་མའི་མངལ་ན་གནས་པའི་ཚེ། སྔ་མའི་རླུང་གི་སྟོབས་མིག་དང་། རྣ་བ་དང་། སྣ་དང་། ལྕེའི་དབང་པོ་བཞི་པོ་དག་ཡོངས་སུ་སྨིན་པར་བྱེད་དོ།། དང་པོ་མངལ་དུ་འཇུག་པའི་ཚེ་ནི་དབང་པོ་གསུམ་དང་ལྡན་ཏེ། ལུས་ཀྱི་དབང་པོ་དང་། སྲོག་གི་དབང་པོ་དང་། ཡིད་ཀྱི་དབང་པོ་སྟེ། དེ་ལྟར་ན་དབང་པོ་རྣམས་ཡོངས་སུ་རྫོགས་པར་བྱེད་དོ། ། ཞག་བདུན་ཁྲག་ཉིད་ཤུ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཤིན་ཏུ་སྲ་བ་ཞེས་བྱ་སྟེ། རླུང་དེའི་སྟོབས་ཀྱིས་དེའི་ལུས་ལས་རུས་པ་སྣ་ཚོགས་སྐྱེད་པར་བྱེད་དེ། རྐང་པ་གཡོན་པ་ལ་བརྟེན་ཏེ་རུས་པ་ཉི་ཤུ་བ་སྐྱེད་དོ།། རྐང་པ་གཡས་པ་ལ་བརྟེན་ཏེ་རུས་པ་ཉི་ཤུ་བསྐྱེད་དོ།། གཞན་ཡང་རྐང་པའི་རྟིང་པའི་རུས་པ་བཞི་དང་། ། རྗེ་ངར་གྱི་རུས་ལ་གཉིས་དང་། ལྷ་ངའི་རུས་པ་གཉིས་དང་། བརླའི་རུས་པ་གཉིས་དང་། རྐང་པ་དང་དཔྱིའི་རུས་པ་གསུམ་གསུམ་དང་། སྒལ་ཚིགས་ཀྱི་རུས་པ་བཅོ་བརྒྱད་དང་། རྩིབ་མའི་རུས་པ་ཉི་ཤུ་བཞི་དང་། བྲང་གི་རུས་པ་སུམ་ཅུ་དང་། ལག་པ་གཡས་གཡོན་རེ་རེ་ལ་རུས་པ་ཉི་ཤུ་ཉི་ཤུ་དང་། ལག་ངར་གྱི་རུས་པ་བཞི་དང་། དཔུང་པའི་རུས་པ་གཉིས་དང་། འགྲམ་པའི་རུས་པ་གཉིས་དང་། མགོའི་རུས་པ་བཞི་དང་། སོའི་རྩ་བའི་རུས་པ་སུམ་ཅུ་རྩ་གཉིས་ཀྱང་སྐྱེད་པར་བྱེད་དོ། ། འདི་ལྟ་སྟེ། དཔེར་ན་གཟུགས་མཁན་ནམ། གཟུགས་མཁན་གྱི་སློབ་མ་མཁས་པས་སྔར་ཤིང་སྲ་བ་བླངས་ཏེ། ཕྱིས་སྲང་བུས་བཅིངས་ནས་གཟུགས་རྣམས་བྱས་པ་འཇིམ་པ་མ་བསྐུས་མོད་ཀྱི། འོན་ཀྱང་དེའི་ཚེ་རུས་པའི་མཚན་ཉིད་ཅེས་བརྗོད་པ་དེ་བཞིན་དུ་ལས་ཀྱི་རླུང་གི་སྟོབས་ཀྱིས་རུས་པ་རྣམས་བསྐྱེད་པའི་དུས་ཀྱི་ཚེའང་དེ་བཞིན་ཏེ། དེ་ལྟ་བས་ན་ཞག་བདུན་པོ་དེ་དག་ཏུ་རུས་པ་ཕྲ་མོ་མ་གཏོགས་པར་རུས་པ་ཆེན་པོ་བསྐྱེད་པའི་གྲངས་ནི་ཉིས་བརྒྱ་ཡོད་པར་རིག་པར་བྱའོ། ། ཞག་བདུན་ཕྲག་ཉི་ཤུ་གཅིག་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཡང་དག་སྐྱེད་པ་ཞེས་བྱ་སྟེ། རླུང་དེའི་སྟོབས་ཀྱིས་མངལ་ན་གནས་པ་དེའི་ལུས་ཀྱི་ཤ་སྤྱད་པར་བྱེད་དེ། འདི་ལྟ་སྟེ། དཔེར་ན་ཞལ་ཞལ་མཁན་ནམ། ཞལ་ཞལ་གྱི་སློབ་མས་འཇིམ་པ་ལེགས་པར་སྦྱངས་ནས། རྩིག་པ་རྣམས་ལ་ཞལ་ཞལ་བྱེད་པ་དེ་བཞིན་དུ་ལས་ཀྱི་རླུང་གི་དབང་གིས་དེའི་ལུས་ཀྱི་ཤ་སྐྱེད་པའང་དེ་བཞིན་དུ་རིག་པར་བྱའོ། ། ཞག་བདུན་ཕྲག་ཉི་ཤུ་གཉིས་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཀུན་ཏུ་རྒྱལ་བ་ཞེས་བྱ་སྟེ། རླུང་དེའི་སྟོབས་ཀྱིས་དེའི་ལུས་ཀྱི་ཁྲག་སྐྱེད་པར་བྱེད་དོ། ། ཞག་བདུན་ཕྲག་ཉི་ཤུ་གསུམ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཡོངས་སུ་དག་པར་འཛིན་པ་ཞེས་བྱ་སྟེ། རླུང་དེའི་སྟོབས་ཀྱིས་ལུས་ཀྱི་པགས་པ་སྐྱེད་པར་བྱེད་དོ།། ཞག་བདུན་ཕྲག་ཉི་ཤུ་བཞི་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་སྤྲིན་འཛིན་ཅེས་བྱ་སྟེ། རླུང་དེའི་སྟོབས་ཀྱིས་དེའི་ལུས་ཀྱི་ལག་པ་རྐྱོང་ཞིང་མདོག་དང་ལྡན་པར་བྱེད་དོ།། ཞག་བདུན་ཕྲག་ཉི་ཤུ་ལྔ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་གྲོང་ཁྱེར་འཛིན་ཅེས་བྱ་སྟེ། རླུང་དེའི་སྟོབས་ཀྱིས་མངལ་ན་གནས་པ་དེ་ལུས་ལ་ཤ་དང་ཁྲག་འཕེལ་ཞིང་རིམས་ཀྱིས་རབ་ཏུ་ངང་བར་བྱེད་ངོ། ། ཞག་བདུན་ཕྲག་ཉི་ཤུ་དྲུག་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་སྐྱེ་བ་མངོན་པར་གྲུབ་ཅེས་བྱ་སྟེ། རླུང་དེའི་སྟོབས་ཀྱིས་དེའི་སྒྲ་དང་། སྤུ་དང་། སེན་མོ་རྣམས་སྐྱེད་ནས་ཐམས་ཅད་རྩ་རྒྱུས་རྣམས་དང་འབྲེལ་བར་བྱེད་དོ།། ཞག་བདུམ་ཕྲག་ཉི་ཤུ་བདུན་པ་ལ་མའི་མངལ་ན་གནས་པའི་ཚེ་@ཡང་ལས་ཀྱི་ཆུང་མངོན་པར་གྲུབ་པ་གང་ཡིན་པ་དེ་ནི་སྨན་ཡོན་ཆེན་པོ་ཞེས་བྱ་སྟེ། རླུང་དེའི་སྟོབས་ཀྱིས་དེའི་ལུས་ཀྱི་མཚན་མ་རྣམས་མཐར་གྱིས་མངོན་པར་གྲུབ་པ་ཞེས་བྱ་སྟེ། གང་ཚེ་རབས་སྔ་མ་ལ་སྡིག་པ་མི་དགེ་བའི་ལས་རྣམས་མངོན་པར་འདུ་བྱས་ཤིང་། ཡོ་བྱད་རྣམས་ལ་སེར་སྣས་འཕངས་ཤིང་སྦྱིན་པ་གཏོང་བར་མི་བྱེད་པ་དང་། ཕ་མ་དང་། མཁན་པོ་དང་། བླ་མའི་གནས་རྣམས་ཀྱི་རྗེས་སུ་བསྟན་པ་ཉན་པར་མི་བྱེད་པ་ཞིག་ཡིན་ན་ནི། ལས་དེའི་དབང་གིས་ཡིད་དུ་མི་འོང་བའི་ལུས་རྣམ་པ་སྣ་ཚོགས་འཐོབ་པར་འགྱུར་བས་གལ་ཏེ་ལུས་རིང་ཞིང་སྦོམ་པ་དང་། ཚོ་ཞིང་དཀར་བ་དང་། མཉེན་པ་གང་ཡིན་པ་དེས་མཛེས་པར་གྱུར་ན་ནི། ལུས་ཐུང་ཞིང་ཕྲ་བ་དང་། རིང་ཅིང་གནག་པ་དང་། རྩུབ་པ་དག་མཐོང་བར་བྱེད་དོ། ། གལ་ཏེ་ལུས་ཐུང་ཞིང་ཕྲ་བ་དང་། རིང་ཅིང་གནག་པ་དང་། རྩུབ་པ་གང་ཡིན་པ་དེས་མཛེས་པར་གྱུར་ན་ནི། ལུས་རིང་ཞིང་སྦོམ་པ་དང་། ཞིང་དཀར་བ་དང་། ཤིན་ཏུ་མཉེན་པ་དག་ཐོབ་པར་བྱེད་དོ།། གལ་ཏེ་ལུས་ཀྱི་ཡན་ལག་མཐོ་བ་དང་། དམའ་བ་དང་། མང་བ་དང་། ཉུང་བ་དང་། ཐགས་བཟང་བ་དང་། ཐགས་ངན་པས་མཛེས་པར་གྱུར་ན་ནི། མཐོ་བ་དང་། དམའ་བ་དང་། ཐགས་བཟང་བ་དང་། ཐགས་ངན་པ་དང་མི་ལྡན་པའི་ལུས་ཡང་དག་པར་ལེན་པར་བྱེད་དོ།། གཞན་ཡང་འོན་པ་དང་། ལོང་བ་དང་། སྐུགས་པ་དང་། རྐང་ལག་འཕྱེ་ཞིང་འགྲོ་བ་དང་། དབང་པོ་རྣམས་མ་ཚང་བ་དང་། ཚིག་སྨྲས་པ་གཞན་གྱིས་མཉན་པར་མི་འདོད་པ་དང་། ལུས་མི་སྡུག་ཅིང་ཡི་དགས་དང་འདྲ་བའང་ཡང་དག་པར་ལེན་པར་འགྱུར་ཏེ། སྡིག་པ་མི་དགེ་བའི་ལས་ཀྱི་དབང་གིས་ཡིད་དུ་མི་འོང་བའི་ལུས་རྣམ་པ་སྣ་ཚོགས་ལེན་པར་འགྱུར་བས་ཕ་མ་དང་ཉེ་བ་ཤེས་རྣམས་ཀྱིས་ཀྱང་མཐོང་བར་མི་འདོད་ན། གཞན་ལྟ་སྨོས་ཀྱང་ཅི་དགོས། གལ་ཏེ་ཚེ་རབས་སྔ་མ་ལ་དགེ་བ་བཅུའི་ལས་མངོན་པར་འདུས་བྱས་ཤིང་སྦྱིན་པ་ལགས་པར་བཏང་བ་དང་། སེར་སྣ་དང་གཡོ་སྒྱུའི་བསམ་པ་མེད་པ་དང་། ཕ་མ་དང་། མཁན་པོ་དང་། བླ་མའི་གནས་རྣམས་ཀྱིས་རྗེས་སུ་བསྟན་པ་དག་ལ་མངོན་པར་ཡིད་ཆེས་ཤིང་ཡང་དག་པར་བླངས་པ་ཞིག་ཡིན་ན་ནི། རྒྱུ་དང་རྐྱེན་དེས་གལ་ཏེ་མིའི་ལུས་ཐོབ་པར་གྱུར་ནའང་གོང་དུ་བསྟན་པ་ལྟ་བུ་སྡིག་པ་མི་དགེ་བའི་ལས་ལས་མངོན་པར་གྲུབ་པའི་ལུས་ལེན་པར་མི་འགྱུར་ཞིང་གྱ་ནོམ་པ་རྣམ་པ་སྣ་ཚོགས་དང་ལྡན་པའི་ལུས་ཐོབ་པར་འགྱུར་བས། བྱང་བཞིན་མཛེས་པ་དང་། མཚན་རྣམས་དང་ལྡན་ཞིང་ཚིག་སྨྲས་པ་རྣམ་པ་མང་པོ་ཀུན་གྱིས་མཉན་པར་འདོད་པའི་འོས་སུ་འགྱུར་ཏེ། དེ་ལྟ་བས་ན་དགེ་བའི་ལས་ཀྱི་དབང་གིས་ཁྱད་པར་དུ་འཕགས་པའི་འབྲས་བུ་རྣམ་པར་སྨིན་པ་དེ་ལྟ་བུ་ཐོབ་པར་འགྱུར་བར་རིག་པར་བྱའོ།། དགའ་བོ་དེ་ལྟ་བུའི་ལུས་དེའང་གལ་ཏེ་ཕོ་ཡིན་ན་ནི་མའི་མངལ་ན་གཡས་ཕྱོགས་སུ་ཅོག་པུར་འཇུག་ལ། ལག་པ་གཉིས་ཀྱིས་གདོང་གཡོགས་ནས་མའི་སྐལ་ཚིགས་ལོགས་སུ་བལྟས་ཏེ་འདུག་གོ། ། གལ་ཏེ་མོ་ཡིན་ན་ནི་རྩིབ་ལོགས་གཡོན་ཕྱོགས་ན་ཙོག་པུར་འདུག་གོ།། ལག་པ་གཉིས་ཀྱིས་གདོང་གཡོགས་ཏེ་མའི་ལྟོ་བ་ལ་ཁ་བལྟས་ནས་མ་ཞུ་བའི་གནས་ཀྱི་ནི་འོག། ཞུ་བའི་གནས་ཀྱི་ནི་སྟེང་ན་ནང་དུ་བཙོས་རབ་ཏུ་བཙོས་ཤིང་གནས་ལྔ་ཀུན་ཏུ་བཅིངས་པས་འདི་ལྟ་སྟེ། དཔེར་ན་རྩཝའི་རྒྱལ་བའི་ནང་ན་འདུག་པ་དང་འདྲའོ། ། གལ་ཏེ་དེའི་མས་ཤིན་ཏུ་མང་དུ་ཟོས་ཤིང་ཤིན་ཏུ་མང་དུ་ཟོས་སམ། གལ་ཏེ་ཟས་ཤིན་ཏུ་དང་ར་བའམ། ཤིན་ཏུ་རྩུབ་པ་འམ། ཤིན་ཏུ་བསྐ་བ་འམ། ཤིན་ཏུ་སྣུམ་པ་འམ། ཤིན་ཏུ་ལན་ཚྭ་བྲོ་འམ་ཤིན་ཏུ་ཁབ་འམ། ཤིན་ཏུ་སྒྱུར་བ་འམ་ཤིན་ཏུ་གྲང་བ་འམ། ཤིན་ཏུ་ཚ་བ་དག་ཟོས་པར་གྱུར་ཏམ། གཞན་ཡང་འདོད་ཆགས་སྤྱོད་པར་གྱུར་ཏམ། དྲག་ཏུ་སོང་བ་འམ། མཆོངས་པ་བྱས་སམ། ཡུན་རིང་དུ་ཉལ་ལ་མ། ཡུན་རིངས་འདུག་པར་གྱུར་ནའང་མངལ་ན་གནས་པའི་སྡུག་བསྔལ་མྱོང་བར་འགྱུར་ཏེ། དེ་ལྟ་ན་མའི་མངལ་ར་གནས་པའི་ཚེ་སྡུག་བསྔལ་མང་པོ་དེ་ལྟ་བུ་དག་གིས་རབ་ཏུ་གཟིར་བར་རིག་པར་བྱའོ།། ངས་མིར་འགྱུར་བའི་སྡུག་བསྔལ་མདོ་ཙམ་དུ་བསྟན་པའང་དེ་འདྲ་ན། སེམས་ཅན་དམྱལ་བ་རྣམས་ཀྱི་སྡུག་བསྔལ་དཔེ་བྱར་དཀའ་བ་ལྟ་མོས་ཀྱང་ཅི་དགོས་ཏེ། མཁས་པ་སུ་ཞིག་འཁོར་བའི་རྒྱ་མཚོར་ལུས་འདི་ལྟ་བུ་ལ་རབ་ཏུ་མོས་པར་བྱེད། ཞག་འདུན་ཕྲག་ཉི་ཤུ་བརྒྱད་པ་ལ་མའི་མངལ་ན་གནས་པའི་ཚེ། ཕྱིན་ཅི་ལོག་གི་འདུ་ཤེས་རྣམ་པ་བརྒྱད་འབྱུང་བར་འགྱུར་ཏེ། བརྒྱད་གང་ཞེ་ན། བཞོན་པའི་འདུ་ཤེས་དང་། ཁང་བུ་བརྩེགས་པའི་འདུ་ཤེས་དང་། ཁྲི་སྟན་གྱི་འདུ་ཤེས་དང་། ཆུ་མིག་གི་འདུ་ཤེས་དང་ཛིང་གི་འདུ་ཤེས་དང་། ཆུ་བོའི་འདུ་ཤེས་དང་། ཀུན་དགའ་ར་བའི་འདུ་ཤེས་དང་། སྐྱེད་མོས་ཚལ་གྱི་འདུ་ཤེས་ཏེ། འདི་ནི་འདུ་ཤེས་རྣམས་པ་བརྒྱད་ཅེས་བྱ་སྟེ། ཞག་བདུན་ཕྲག་ཉི་ཤུ་དགུ་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་མེ་ཏོག་འཕྲེང་བ་ཞེས་བྱ་སྟེ། རླུང་དེའི་སྟོབས་ཀྱིས་མངལ་ན་གནས་པ་དེའི་ལུས་ཀྱི་ལགས་པའི་མདོག་ཀུན་ཏུ་བཟང་ཞིང་མཚན་མ་རྣམས་རབ་ཏུ་གསལ་བར་བྱེད་དེ། ཐམས་ཅད་ཀྱང་འདས་པའི་དུས་སུ་ལས་རྣམས་མངོན་པར་འདུས་བྱས་པའི་བྱེ་བྲག་མི་མཚུངས་པས་རྣམ་པ་ཇི་ལྟ་བ་བཞིན་དུ་ཁ་དོག་རྣམ་པ་སྣ་ཚོགས་དང་ལྡན་པར་འགྱུར་བས་ཁ་ཅིག་ནི་ཁ་དོག་དཀར་པོར་འགྱུར། ཁ་ཅིག་ནི་ཁ་དོག་ནག་པོར་འགྱུར་@ཁ་ཅིག་ནི་ཁ་དོག་དཀས་པའང་མ་ཡིན། གནག་པའང་མ་ཡིན་པར་འགྱུར། ཁ་ཅིག་ནི་བདོག་སྔོན་པོར་འགྱུར། ཁ་ཅིག་ནི་ཁ་དོག་ནུབ་ཅིངསྐམ། པར་འགྱུར། ཁ་ཅིགཱ་ནི་ཁ་དོག་སྣུམ་པར་འགྱུར་ཏེ། འདི་ལྟ་བུའི་ཁ་དོག་གི་མཚན་ཉིད་དང་ལྡན་པར་འགྱུར་རོ།། ཞག་བདུན་ཕྲག་སུམ་ཅུ་པ་ལ་མའི་མངལ་ན་གནས་པའི་ཚེཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ལྕགས་ཀྱི་སོ་ཞེས་བྱ་སྟེ། རླུང་དེའི་སྟོབས་ཀྱིས་དེའི་སྐ་ང་སྤུང་སེན་མོ་རྣམས་རབ་ཏུ་སྐྱེ་ལདང་། ཁ་རོག་དཀའ་གནག་རྣམས་རབ་ཏུ་གསལ་བར་བྱེད་དེ། ལས་ཀྱི་རྐྱེན་གྱིས་མཚན་མ་འདི་དག་འབྱུང་བར་འགྱུར་རོ།། ཞག་བདུན་ཕྲག་སུམ་ཅུ་གཙིགས་ནས། ཞག་ང་ཞག་སུམ་ཅུ་ལྔ་པའི་བར་བུ་མའི་མངལ་ན་གནས་པའི་ཚུན། ལུས་ཀྱི་མཚན་ས་རྣམས་ཆེར་སྐྱེ་བར་འགྱུར་བས། མཐར་གྱིས་ལུས་ཀྱི་ཡན་ལག་སུན་སུམཚོགས་ཤིང་ཡངས་པར་འགྱུར་རོ།། ས་པགས་གྲངས་པ་ལ་མའི་མངམན་གས་པ་ཚན་འབྱུང་བའི་རྣསས་པ་སྒྲིབས་མངོན་པོ་དགའ་པར་ཝཱ་རོ།། ཤཱ་དུན་སུམ་ཅུ་བདྲ་པ་ལ་མམམ་ལྡན་གནས་པ་ཚོ་ལོག་ཏུམ་གྱུར་མའི་འདུ་ཤེས་རྣམ་ལ་ལྔ་འབྱུང་བར་འགྱུར་རོ། ། ལྔ་ག་ཞེན། མི་གཙང་བའི་འདུ་ཤེས་དང་། རློམ་ཞིམ་པའི་འདུ་ཤེས་དང་བརྩོན་པའི་འདུ་ཤེས་དང་། མུ་ན་ནག་འདུ་ཤེས་དང་། ཡོངས་སུ་སྐྱོ་ནས་ཕྱིར་འབྱུང་བའི་འདུ་ཤེས་སྐྱེ་བ་གང་ཡིན་པ་སྟེ། མངལ་ན་གནས་པ་དེ་ཡོངས་སུ་སྐྱོ་བའི་བསམ་པ་དེ་ལྟ་བུ་དག་སྐྱེ་བར་འགྱུར་རོ།། ཞག་བདུན་ཕྲག་སུམ་ཅུ་བརྒྱན་པ་ལ་མའི་མངལ་ན་གནས་པའི་ཚེ། ཡང་ལས་ཀྱི་རླུང་མངོན་པར་གྲུབ་པ་གང་ཡིན་པ་དེ་ནི་ཐོགས་མའི་རྐྱེན་ཅེས་བྱ་སྟེ། རླུང་དེའི་སྟོབས་ཀྱིས་དེ་རབ་ཏུ་བསྒྱུར་བར་བྱེད་དོ།། གཞན་ཡང་ཁ་ཐུར་དུ་ལྟ་བ་ཞེས་བྱ་བའི་རླུང་འབྱུང་སྟེ། དེའི་མགོ་ཐུར་དུ་ལྟ་ཞིང་ལག་པ་གཉིས་བརྐྱང་སྟེ། མཐར་གྱིས་འབྱུང་འདོད་པར་འགྱུར་རོ།། མངལ་ན་གནས་པ་དེ་དག་གལ་ཏེ་ཚེ་རབས་སྔ་མ་ལ་མའི་མངལ་དུ་འཆི་བར་འགྱུར་བའི་ལས་བསགས་པ་ཞིག་ཡིན་ན་ནི། དེའི་ལག་པ་དང་རྐང་ལ་སྩོལ་མར་གྱུར་ནས། བསྒྱུར་མི་ནུས་པས་སྡིག་ལ་མི་དགེ་བའི་ལས་ཀྱི་རྐྱེན་གྱིས་མའི་མངལ་ཉིད་དུ་འཆི་བའི་དུས་བྱེད་པར་འགྱུར་ཏེ། དེའི་མའང་དེའི་ཚེ་སྡུག་བསྔལ་ཆེན་པོ་མྱོང་བ་འམ། ཡང་ན་འཆི་བའི་དུས་བྱེད་པར་འགྱུར་རོ།། གལ་ཏེ་ཚེ་རབས་སྔ་མ་ལ་དགེ་བའི་ལས་རྣམས་མངོན་པར་འདུས་བྱས་ཤིང་ཚེ་རིང་པོར་འགྱུར་བའི་རྒྱུ་བསགས་པ་ཞིག་ཡིན་ན་ནི། བཙས་སུ་ཉེ་བའི་ཚེ་མ་དང་བུ་གཉིས་ཀ་རབ་ཏུ་བདེ་ཞིང་སྡིག་པ་མི་དགེ་བའི་ལས་ཀྱི་སྡུག་བསྔལ་གོང་མ་ལྟ་བུ་མང་ངོ་།། ཞག་བདུན་ཕྲག་སུམ་ཅུ་རྩ་བརྒྱད་འདས་ནས་མངལ་ནས་འབྱུང་བར་འདོད་པའི་ཚེ། སྡུག་བསྔལ་སྣ་ཚོགས་མྱོང་ནས་གདོད་འབྱུང་བར་འགྱུར་བས། དེའི་ཕྱིར་ལུས་འདི་ལྟ་བུ་ལེན་པ་འདི་ནི་ཡང་དག་པར་སྡུག་བསྔལ་ཆེན་པོ་ཡིན་པར་རིག་པར་བྱའོ། ། དང་པོ་མངལ་ནས་འབྱུང་བའི་ཚེ། ཁྱེའུ་འམ་བུ་མོའང་རུང་སྟེ། ས་ལ་ལྷུང་མ་ཐག་ཏུ་ལག་པས་བཟུང་ངམ། གོས་ཀྱིས་བླངས་སམ། ཁྲིལ་བཞག་གམ། ཁང་པའི་ནང་དུ་བཞག་གམ། ས་ལ་བཞག་གམ། བླ་གབ་མེད་པར་བཞག་གམ། ཉི་མ་ལ་བཞག་གམ། དགུན་ནམ། དབྱར་གྱི་དུས་སུ་གྲང་བ་དང་ཚ་བའི་རླུང་གིས་བཙས་མ་ཐག་པའི་ལུས་ལ་རེག་པར་གྱུར་ནའང་སྡུག་བསྔལ་ཆེན་པོ་མྱོང་བར་འགྱུར་ཏེ། འདི་ལྟ་སྟེ། དཔེར་ན་བ་གླང་གསོན་པོར་བཤུས་པ་རྩིག་པ་ལ་རེག་གམ། བླ་གག་མེད་པའི་ཐང་ལ་ལྷུང་བར་གྱུར་ན། སྲོག་ཆགས་དག་གིས་རྦ་བར་འགྱུར་རབ། གཞན་ཡང་འདི་ལྟ་སྟེ། དཔེར་ན་མི་ཞིག་ལ་སྦྲང་བུ་མཆུ་རིངས་རྣམས་ཀྱིས་ཟ་བ་ལ། ཡང་ལྐུག་གིས་གཞུས་པ་དེ་བཞིན་དུ་དང་པོ་མངལ་ནས་འབྱུང་བའི་ཚེ། ཆུ་དྲོན་པོ་དག་གིས་ལུས་བཀྲུས་པས་རེག་པའི་སྡུག་བསྔལ་མྱོང་བའང་དེ་དང་འདྲའོ། ། བཙས་ནས་མཐར་གྱིས་ཆེར་འགྱུར་བ་དང་། མའི་ལུས་ལས་ཁྲག་དང་འདྲེས་པའི་ནུ་ཞོ་བྱུང་ནས་གསོ་བར་བྱེད་དེ། ངས་སྔར་མདོ་སྡེ་གཞན་ལས་རྒྱ་ཆེར་བསྟན་པ་ཡིན་ནོ། ། དེ་ལྟ་བས་ན་ལུས་འདི་ནི་མི་གཙང་བ་དང་སྡུག་བསྔལ་མང་པོ་ལས་མངོན་པར་གྲུབ་པ་ཡིན་པས། མཁས་པ་སུ་ཞིག་འཁོར་བ་ན་འདི་འདྲ་བའི་ལུས་ལ་རྗེས་སུ་ཆགས་པར་བྱེད། གཞན་ཡང་དགའ་བོ་དང་པོ་མངལ་ནས་བྱུང་ནས་ཞག་བདུན་ལོན་པ་དང་། སྲོག་ཆགས་སྲིན་བུ་རིགས་སྟོང་ཕྲག་བརྒྱད་ཅུ་ལུས་སྐྱེས་ནས་དེ་ལ་ཟ་བར་བྱེད་དོ།། དེ་སྐ་ལ་ཟ་བ་ཞེས་བྱ་བའི་སྲིན་བུའི་རིགས་གཉིས་ཡོད་དེ། སྒྲ་ལ་གནས་ནས་སྒྲ་ལ་ཟ་བར་བྱེད་དོ།། སྲིན་བུའི་རིགས་གཉིས་ནི་མིག་ལ་གནས་ནས་མིག་ལ་ཟ་བར་བྱེད་དོ།། སྲིན་བུའི་རིགས་ཁ་ཧ་ན་དང་ཀན་ལྡན་དང་། ནད་སློང་དང་། ཡོངས་སུ་རྫོགས་པ་ཞེས་བྱ་བ་བཞི་ཡོད་དེ། ཀླད་པ་ལ་ག་ནས་ཀླད་པ་ལ་ཟ་བར་བྱེད་དོ།། སྲིན་བུའི་རིགས་ས་ལུ་ནག་པོའི་ལོ་མ་ཞེས་བྱ་བ་གཅིག་ཡོད་དེ། རྣ་བ་ལ་གནས་ནས་རྣ་བ་ལ་ཟ་བར་བྱེད་དེ།། སྲིན་བུའི་རིགས་མཛོད་སྒོ་ཞེས་བྱ་བ་གཅིག་ཡོད་དེ། སྣ་ལ་གནས་ནས་སྣ་ལ་ཟ་བར་བྱེད་དོ།། སྲིན་བུའི་རིགས་འཕེན་པ་དང་ཀུན་ཏུ་འཕེན་པ་ཞེས་བྱ་བ་གཉི་ཡོད་དེ། མཆུ་ལ་གནས་ན་ས་མ་ཆུ་ལ་ཟ་བར་བྱེད་དོ།། སྲིན་བུའི་རིགས་ཁབ་མཆུ་ཞེས་བྱ་བ་གཅིག་ཡོད་དེ། ལྕེ་ལ་གནས་ནས་ལྕེ་ལ་ཟ་བར་བྱེད་དོ།། སྲིན་བུའི་རིགས་ཁ་རྣོ་ཞེས་བྱ་བ་གཅིག་ཡོད་དེ། ལྕེའི་དྲུང་ན་གནས་ནས་ལྕེའི་དྲུང་ལ་ཟ་བར་བྱེད་དོ། ། སྲིན་བུའི་རིགས་ལག་རྫོགས་ཞེས་བྱ་བ་གཅིག་ཡོད་དེ། རྐན་ལ་གནས་ནས་རྐན་ལ་ཟ་བར་བྱེད་དོ།། སྲིན་བུའི་རིགས་ལག་པ་དྲ་བ་ཅན་དང་ཕྱེད་སྒྱུར་ཞེས་བྱ་བ་གཉིས་ཡོད་དེ། ལག་མཐིལ་ལ་གནས་ནས་ལག་མཐིལ་ལ་ཟ་བར་བྱེད་དོ།། སྲིན་བུའི་རིགས་དཔུང་པ་དང་ཉེ་བའི་དཔུང་པ་ཞེས་བྱ་བ་གིཉིས་ཡོད་དེ། དཔུང་པ་ལ་གནས་ནས་དཔུང་པ་ལ་ཟ་བར་བྱེད་དོ།། སྲིན་བུའི་རིགས་ལྕགས་ཅན་དང་ཉེ་བའི་ལྕགས་ཅན་ཞེས་བྱ་བ་གཉིས་ཡོད་དེ། མེད་པ་ལ་གནས་ནས་མིད་པ་ལ་ཟ་བར་བྱེད་དོ།། སྲིན་བུའི་རིགས་རྡོ་རྗེ་དང་རྡོ་རྗེ་ཆེན་པོ་ཞེས་བྱ་བ་གཉིས་ཡོད་དེ། སྙིང་ལ་གནས་ནས་སྙིང་ལ་ཟ་བར་བྱེད་དོ། ། སྲིན་བུའི་རིགས་དམན་པ་དང་དམན་པའི་ཁ་ཞེས་བྱ་བ་གཉིས་ཡོད་དེ། ཤ་ལ་གནས་ནས་ཤལ་ཟ་བར་བྱེད་དོ།། སྲིན་བུའི་རིགས་ཁ་དོག་ལྡན་དང་གྲགས་ལྡན་ཞེས་བྱ་བ་གཉིས་ཡོད་དེ། ཁྲག་ལ་གནས་ནས་ཁྲག་འཐུང་བར་བྱེད་དོ།། སྲིན་བུའི་རིགས་དཔའ་བོ་དང་དྲི་གཏོང་ཞེས་བྱ་བ་གཉིས་ཡོད་དེ། ཆུ་བ་ལ་གནས་ནས་ཆུ་བ་ལ་ཟ་བར་བྱེད་དོ།། སྲིན་བུའི་རིགས་མི་མཐོ་བ་དང་ཁས་སྦུབ་ཅེས་བྱ་བ་གཉིས་ཡོད་དོ། ། རྒྱབ་ཀྱི་སྐལ་ཚོགས་ལ་གནས་ནས་རྒྱབ་ཀྱི་སྒལ་ཚིགས་ལ་ཟ་བར་བྱེད་དོ།། སྲིན་བུའི་རིགས་ཚིལ་གྱི་ཁ་དོག་ཅེས་བྱ་བ་གཅིག་ཡོད་དེ། ཚིལ་ལ་གནས་ནས་ཚིལ་ལ་ཟ་བར་བྱེད་དོ། ། སྲིན་བུའི་རིགས་མཁྲིས་པའི་ཁ་དོག་ཅེས་བྱ་བ་གཅིག་ཡོད་དེ། མཁྲིས་པ་ལ་གནས་ནས་མཁྲིས་པ་ལ་ཟ་བར་བྱེད་དོ།། སྲིན་བུའི་རིགས་མུ་ཏིག་ཅེས་བྱ་བ་གཅིག་ཡོད་དེ། མཆིན་པ་ལ་གནས་ནས་མཆིན་པ་ལ་ཟ་བར་བྱེད་དོ།། སྲིན་བུའི་རིགས་འདམ་བུ་ཞེས་བྱ་བ་གཅིག་ཡོད་དེ། མཆེར་པ་ལ་གནས་ནས་མཆེར་པ་ལ་ཟ་བར་བྱེད་དོ།། སྲིན་བུའི་རིགས་ལྔ་བརྒྱ་ཡོད་དེ། རིགས་བརྒྱ་ནི་ཟླ་བ་ཞེས་བྱའོ།། རིགས་བརྒྱ་ནི་ཟླ་བའི་ཁ་ཞེས་བྱའོ།། རིགས་བརྒྱ་ནི་བསིལ་བྱེད་ཅེས་བྱའོ།། རིགས་བནྡྷ་ནི་བསིལ་བྱེད་གཏོང་ཞེས་བྱའོ། ། རིགས་བརྒྱ་ནི་ཡངས་པ་ཞེས་བྱ་སྟེ། རྩིབ་ལོགས་གཡོན་པ་ལ་གནས་ནས་རྩིབ་ལོགས་གཡོན་པ་ལ་ཟ་བར་བྱེད་དོ།། གཞན་ཡང་སྲིན་བུའི་རིགས་ལྔ་བརྒྱ་ཡོད་པའང་ནིང་ཀོང་མ་དང་མཐུན་ཏེ། རྩིབ་ལོགས་གཡས་པ་ལ་གནས་ནས་རྩིབ་ལོགས་གཡས་པ་ལ་ཟ་བར་བྱེད་དོ།། སྲིན་བུའི་རིགས་ཅུང་ཟད་འབིགས་པ་དང་། ཆེར་འབིགས་པ་དང་ནུརུས་པ་འབིགས་པ་དང་། རུས་པའི་གདོང་ཞེས་བྱ་བ་བཞི་ཡོད་དེ། རུས་པ་ལ་གནས་ནས་རུས་པ་ལ་ཟ་བར་བྱེད་དོ།། སྲིན་བུའི་རིགས་ཆེར་དཀར་བ་དང་། ཅུང་ཟད་དཀར་བདང་སྣོམ་པའི་སྟོབས་དང་། སྟག་ལམ་ཞེས་བྱ་བ་བཞི་ཡོད་དེ། རྩ་རྒྱུས་ལ་གནས་ནས་རྩ་རྒྱུས་ལ་ཟ་བར་བྱེད་དོ།། སྲིན་བུའི་རིགས་མོས་པའི་ཡིད་དང་། སེང་གེའི་སྟོབས་དང་རི་བོང་ལྟོ་དང་། འདོད་པ་ལ་མངོན་པར་ཞེན་པ་ཞེས་བྱ་བ་བཞི་ཡོད་དེ། མ་ཞུ་བའི་གནས་ལ་གནས་ནས་མ་ཞུ་བའི་གནས་ལ་ཟ་བར་བྱེད་དོ།། སྲིན་བུའི་རིགས་དཔའ་བོ་དང་དཔའ་བོ་བ་དག་པོ་ཞེས་བྱ་བ་གཉིས་ཡོད་དེ། ཞུ་བའི་གནས་ལ་གནས་ནས་ཞུ་བའི་གནས་ལ་ཟ་བར་བྱེད་དོ།། སྲིན་བུའི་རིགས་མུ་ཁ་དང་། དྲ་བ་ཁ་དང་། ཕུང་པོའི་ཁ་དང་། བེའུ་ཁ་ཞེས་བྱ་བ་བཞི་ཡོད་དེ་གཅི་བའི་ལམ་ལ་གནས་ནས་གཅི་བའི་ལམ་ལ་ཟ་བར་བྱེད་དོ། ། སྲིན་བུའི་རིགས་བྱེད་པ་དང་། བྱེད་པ་ཆེན་པོ་དང་། བྱེ་མ་དང་། པོ་ཏ་ར་ཀ་ཞེས་བྱ་བ་བཞི་ཡོད་དེ། བཤང་བའི་ལམ་ལ་སནར་ནས་བཤང་བའི་ལམ་ལ་ཟ་བར་བྱེད་དོ། ། སྲིན་བུའི་རིགས་གདོང་ནག་དང་འཇིགས་སུ་རུང་བའི་གདོང་ཞེས་བྱ་བ་གཉིས་ཡོད་དེ། བརླ་ལ་གནས་ནས་བརླ་ལ་ཟ་བར་བྱེད་དོ།། སྲིན་བུའི་རིགས་མཛེ་ཅན་དང་མཛེས་ཅན་ཆུ་དུན་ཞེས་བྱ་བ་གཉིས་ཡོད་དེ། པུས་མོ་ལ་གནས་ནས་པུས་མོ་ལ་ཟ་བར་བྱེད་དོ།། སྲིན་བུའི་རིགས་མྱོས་པའི་རྩ་བ་ཞེས་བྱ་བ་གཅིག་ཡོད་དོ།། བྱིན་པ་ལ་གནས་ནས་བྱིན་པ་ལ་ཟ་བར་བྱེད་དོ། ། སྲིན་བུའི་རིགས་མ་གོ་གནག་ཅེས་བྱ་བ་གཅིག་ཡོད་དེ། རྐང་པ་ལ་གནས་ནས་རྐང་པ་ལ་ཟ་བར་བྱེད་དོ།། དགའ་བོ་ངས་དེང་ཁྱོད་ལ་སྲིན་བུའི་རིགས་སྟོང་ཕྲག་བརྒྱད་ཅུ་ལུས་འདི་ལ་གནས་ནས་ཉིན་མཚན་དུ་ཟ་བར་བྱེད་པས། ཉམ་སྟོབས་ཆུང་ཞིང་མདོག་ངན་པར་བྱེད་པ་དང་། ནད་ཀྱི་སྡུག་བསྔལ་རྣམ་པ་སྣ་ཚོགས་ལུས་འདི་ལ་འདུས་ནས། གཞན་ཡང་དེའི་སེམས་གདུང་བ་དང་། རབ་ཏུ་གདུང་བ་དང་། ཡོངས་སུ་གདུང་བར་བྱེད་པས། སྨན་པ་མཁས་པ་ཡོད་ཀྱང་དེ་ལ་རྨོངས་པས་སྨན་གང་གིས་ནད་འདི་དག་གསོ་བར་ནུས་པ་ཤེས་པར་མི་འགྱུར་བ་མདོར་བསྟན་པ་ཡིན་ཏེ། མཁས་པ་སུ་ཞིག་འཁོར་བའི་རྒྱ་མཚོ་འདི་འདྲ་བའི་ལུས་ལ་རྗེས་སུ་ཆགས་པར་བྱེད།། གཞན་ཡང་དགའ་བོ་དང་པོ་བཙས་ནས་ཆེར་སྐྱེ་བར་འགྱུར་བའི་བར་དུ་གོས་དང་། ཟས་ཀྱིས་གསོས་ནས་ལུས་འདི་མངོན་པར་གྲུབ་པར་གྱུར་ཀྱང་། དེའི་ཚེའི་ཚད་ལོ་བརྒྱ་ཐུབ་པའང་ཡོད་དེ། དེ་བས་ཐུང་བའང་ཡོད་དོ།། ལོ་བརྒྱ་པོ་དེའང་དུས་གསུམ་བརྒྱར་འགྱུར་རོ།། འདི་ལྟ་སྟེ། དཔྱིད་དང་། དབྱར་དང་། དགུན་གྱི་དུས་གང་ཡིན་པའོ།། དེ་ལ་དཔྱིད་ཀྱི་དུས་གང་ཡིན་པ་དེ་ནི་ཚ་བའི་དུས་སོ།། དབྱར་གང་ཡིན་པ་དེ་ནི་ཆར་འབབ་པའི་དུས་སོ།། དགུན་གང་ཡིན་པ་དེ་ནི་སྲིང་བའི་དུས་སོ། ། དུས་གསུམ་པོ་དེ་དག་རེ་རེ་ལའང་ཟླ་བ་བཞི་བཞི་ཡོད་པས། ལོ་གཅིག་ལ་ནི་ཟླ་བ་བཅུ་གཉིས་ཡོད་པར་འགྱུར་ལ། ལོ་བརྒྱལ་ནི་ཟླ་བ་སྟོང་ཉིས་བརྒྱ་ཡོད་པར་འགྱུར་བས་ཟླ་བ་ཡང་ངོ་དཀར་པོ་དང་། ཟླ་བ་མར་གྱི་ངོ་ནག་པོས་བྱེ་ནས་ནི་ཉིས་སྟོང་བཞི་བཅུར་འགྱུར་ཏེ། དེ་ལ་ཅིན་མཚན་ནི་སྟོང་ཕྲག་སུམ་ཅུ་ཅུ་དྲུག་ཡོད་དོ།། ཅིན་གཅིག་ལ་ལན་གཉིས་སུ་ཟ་བས་ནི་ལན་སྟོང་ཕྲག་བདུན་ཅུ་རྩ་གཉིས་ཟ་བར་འགྱུར་ཏེ། རེས་འགའ་མི་ཟའང་གྲངས་དེར་འདུས་སོ།། དེ་ནི་འདི་ལྟ་སྟེ། ན་བ་དང་།། ར་རོ་བ་དང་ཆེད་དུ་ཟས་བཅད་པ་དང་། གཉིད་ལོག་པ་དང་། རྩེད་མོ་རྩེས་པ་དང་། ལས་གཞན་གྱིས་བྲེལ་བ་དང་། མིའི་ནུ་ཞོ་འཐུངས་པའི་རྒྱུ་དང་རྐྱེན་གྱིས་མ་ཟོས་པ་གང་ཡིན་པ་འདི་ནི་མ་ཟོས་པ་ཞེས་བྱའོ། ། འདི་ལྟ་བུའི་ལུས་འདི་ནི་ལོ་བརྒྱ་ཐུབ་པར་གྱུར་ཀྱང་མཐར་འཇིག་པར་གྱུར་པས། མཁས་པ་སུ་ཞིག་འཁོར་བའི་རྒྱ་མཚོ་འདིར་དེ་ལ་རྗེས་སུ་ཆགས་པར་བྱེད། ། གཞན་ཡང་དགའ་བོ་ལུས་འདི་ཡང་དག་པར་བླངས་པ་ལ་སྡུག་བསྔལ་རྣམ་པ་གཉིས་ཡོད་དེ། གཉིས་གང་ཞེ་ན། ནང་མང་པོ་རྣམས་ལུས་ལ་འདུས་པ་གང་ཡིན་པ་དེ་ནི་ནང་གི་སྡུག་བསྔལ་ལོ་ཞེས་བྱའོ། ། མི་དང་མི་མ་ཡིན་པས་རྣམ་པར་འཚེ་བ་གང་ཡིན་པ་དེ་ནི་ཕྱི་རོལ་གྱི་སྡུག་བསྔལ་ཞེས་བྱའོ།། དེལ་ནད་མང་པོ་ལུས་ལ་འདུས་པ་ཞེས་བྱ་བཛ་ལྟ་བུ་ཞེ་ན། འདི་ལྟ། མིག་དང་། རྣ་བ་དང་། སཱ་དང་། ལྕེ་དང་། ལྐོག་མ་དང་། སོང་བྲང་དང་། ལྟོ་བ་དང་། ལག་པ་དང་། རྐང་པ་རྣམས་ན་པར་གྱུར་པ་དང་། གཞན་ཡང་རླུང་དང་། མཆིལ་སྣབས་དང་། སྨྱོས་པ་དང་། ཁོང་རྗེ་དང་དབུནས་མ་བ་དང་། གློན་པ་དང་། གཅི་བའི་ལམ་རྩུབ་མོ་དང་གཡན་པ་དང་། མཛེ་དང་། འབྲས་དང་། ཐོར་བུ་དང་། ཤུ་བ་དང་། འབྲུམ་བུ་དང་། རྐང་བམ་དང་གཞན་ཡང་ནད་རྣམ་པ་སྣ་ཚོགས་ལུས་ལ་འདུས་པ་གང་ཡིན་པའོ། ། གཞན་ཡང་མཁྲིས་པའི་ནད་བརྒྱ་རྩ་གཅིག་དང་། རླུང་ནད་བརྒྱ་རྩ་གཅིག་དང་། བད་ཀན་གྱི་ནད་བརྒྱ་རྩ་གཅིག་དང་རླུང་དང་། མཁྲིས་པ་དང་། བད་ཀན་འདུས་པ་ལས་བྱུང་བའི་ནང་བརྒྱ་རྩ་གཅིག་སྟེ། དེ་ལྟར་ནད་བཞི་བརྒྱ་རྩ་བཞི་དག་གིས་ལུས་ཉོན་མོངས་པ་གང་ཡིན་པ་དེ་ནི་ནང་གི་སྡུག་བསྔལ་ཞེས་བྱའོ། ། གཞན་ཡང་ཕྱི་རོལ་གྱི་སྡུག་བསྔལ་གྱིས་ལུས་འདི་ལ་གནོད་པར་བྱེད་པ་འདི་ལྟ་སྟེ། བཙོན་ར་དམ་པོར་བཅུག་པ་དང་། ལྕུག་གིས་གཞུས་པ་དང་། བཙོན་རར་བཅུག་པ་དང་། བཅིངས་པའི་སྡུག་བསྔལ་གང་ཡིན་པ་དང་། གཞན་ཡང་རྣ་བ་བཅད་པ་དང་། སྣ་བཅད་པ་དང་། ལག་པ་དང་རྐང་པ་གཏུབ་པ་དང་། མགོ་བཅད་པ་དང་། ལྷ་རྣམས་ཀྱིས་མ་བསྲུངས་པས་མི་མ་ཡིན་པའི་གདོན་མ་རུངས་པ་རྣམས་དང་། གནོད་སྦྱིན་དང་སྲིན་པོ་རྣམས་ཀྱིས་གླགས་རྙེད་པར་འགྱུར་བ་གང་ཡིན་པ་དང་། གཞན་ཡང་སྦྲང་བུ་མཆུ་རིངས་དང་། ཤ་སྦྲང་ལ་སོགས་པ་སྲིན་བུ་གདུག་པ་རྣམས་ཀྱིས་ཟོས་པ་དང་། གྲངས་པ་དང་། ཚ་བ་དང་། བཀྲེས་པ་དང་། སྐོམ་པ་དང་། རླུང་དང་། ཆར་པ་ཆེས་པར་གནས་པར་གྱུར་པའི་སྡུག་བསྔལ་རྣམ་པ་སྣ་ཚོགས་ཀྱིས་ལུས་ཉོན་མོངས་པར་བྱེད་དེ། མིར་གྱུར་པ་རྣམས་ཀྱི་སྡུག་བསྔལ་ཡང་དེ་འདྲ་ན། ངན་འགྲོ་རྣམས་ཀྱི་སྡུག་བསྔལ་ལྟ་སྨོས་ཀྱང་ཅི་དགོས་དེ་ནི་ཤིན་ཏུ་བརྗོད་པར་དཀའ་འོ། ། དེ་ལྟ་བས་ན་འདི་དག་ཐམས་ཅད་ཀྱང་འདས་པའི་དུས་སུ་སྡིག་པ་མི་དགེ་བའི་ལས་མངོན་པར་འདུས་བྱས་པའི་དབང་གིས་འདི་ལྟ་བུའི་རྣམ་པར་སྨིན་པ་མྱོང་བར་རིག་པར་བྱའོ། ། གང་གིས་མཚོན་ཆ་དག་གིས་གནོད་པ་བྱས་པ་ཡོངས་སུ་བསྲུང་བའི་ཕྱིར་གྲོང་ཁྱེར་བརྩིགས་ཏེ། འོབས་ཀྱིས་བསྐོར་ནས་ལུས་འདི་ཡོངས་སུ་བསྲུངས་ཀྱང་རླུང་དང་། ཆར་པ་དང་། སྦྲང་བུ་མཆུ་རིངས་དང་། ཤ་སྦྲང་ལ་སོགས་པ་ཁང་ཁྱིམ་དག་ཏུ་འོངས་ནས་གནོད་པ་བྱེད་པར་འགྱུར་ན། ནད་བཞི་བརྒྱ་རྩ་བཞིས་ཀྱང་ནང་དང་ཕྱི་རོལ་ཉོན་མོངས་པར་བྱེད་དོ། ། བཟའ་བ་དང་། བཏུང་བ་དང་། མལ་ཆ་དང་། ན་བའི་གསོས་སྨན་དང་། ཞིང་དང་། ཀུན་དགའ་ར་བ་དང་། ཁང་ཁྱིམ་དང་། གསེར་དང་། དངུལ་ལ་སོགས་པ་རྦི་པོ་ཆེ་སྣ་བདུན་དང་། བྲན་པོ་བྲན་མོ་དང་། ཤིང་རྟ་དང་། བཞོན་པ་དང་། འཚོ་བའི་ཡོ་བྱད་རྣམས་ཡོངས་སུ་ཚོལ་བ་ན་གལ་ཏེ་ཡིད་དང་མཐུན་པར་མ་གྱུར་ནའང་སྡུག་བསྔལ་སྐྱེད་པར་བྱེད་ལ། གལ་ཏེ་ལོངས་སྤྱོད་ཐོབ་པར་གྱུར་ནའང་སེར་སྣས་འཕངས་ཤིང་རྟག་ཏུ་བསྲུང་བ་དང་། གལ་ཏེ་སྟོར་ཅིང་ཆུད་ཟོས་པར་གྱུར་ནའང་སྡུག་བསྔལ་ཆེན་པོ་སྐྱེད་པར་བྱེད་དོ།། དགའ་བོ་མདོར་ན་ཉེ་བར་ལེན་པའི་ཕུང་པོ་ལྔའི་ལུས་འདི་ནི་འགྲོ་བ་དང་། སྡོད་པ་དང་། འདུག་པ་དང་། ལ་བའི་སྤྱོད་ལམ་ཐམས་ཅད་སྡུག་བསྔལ་མ་ཡིན་པ་གང་ཡང་མེད་པས་གལ་ཏེ་ཡུན་རིང་འགྲོ་ཞིང་སྐད་ཅིག་ཙམ་དུའང་ངལ་བསོར་མེད་པར་གྱུར་ནའང་སྡུག་བསྔལ་བར་འགྱུར་ལ། སྡོད་པ་དང་། འདུག་པ་དང་། ཉལ་བ་དེ་དག་སོ་སོ་ནས་ཡུན་རིང་དུ་གྱུར་ནའང་ཐམས་ཅད་སྡུག་བསྔལ་བར་འགྱུར་བས། གལ་ཏེ་ཡུན་རིང་དུ་སོང་སོང་བ་ལས་སྐད་ཅིག་ཙམ་དུ་འདུག་ཏུ་ཡོད་པར་གྱུར་ན། བདེ་བའི་འདུ་ཤེས་སྐྱེད་པར་བྱེད་ཀྱང་དེ་ཡང་དག་པར་བདེ་བར་བྱེད་པ་མ་ཡིན་ནོ།། གལ་ཏེ་ཡུན་རིང་དུ་འགྲེང་བ་ལས་སྐད་ཅིག་ཙམ་དུ་འདུག་པ་དང་། གལ་ཏེ་ཡུན་རིང་དུ་འདུག་པ་ལས་སྐད་ཅིག་ཙམ་དུ་ཉལ་གར་གྱུར་པ་ལོ་ཡང་དག་པ་མ་ཡིན་པས་བདེ་བའི་འདུ་ཤེས་སྐྱེད་པར་བྱེད་ཀྱང་དེ་ཡང་དག་པར་བདེ་བ་མ་ཡིན་པས། དེའི་ཕྱིར་ཆེ་བར་ལེན་པའི་ཕུང་པོ་ལྔའི་ལུས་འདི་ནི་ཐམས་ཅད་ཀྱང་སྡུག་བསྔལ་ཡིན་པར་རིག་པར་བྱའོ།། གང་ལ་ལ་ཞིག་གིས་བདག་གི་དོན་དང་། གཞན་གྱི་དོན་དང། དང་གཞན་བྱ་ངན་ཏུ་བྱོར་དེ་གསུའི་སྡུག་སྩལ་རྣམས་ལ་འོང་སྨྲ་ས་སྐྱོབསྲེས་ནས། ཁྱིས་ནས་ཆོས་མེད་པ་རབ་ཏུ་བྱུང་སྟེ།། བང་དག་པར་སློབ་པར་བྱེདན། རླུ་ལས་འདས་པའི་རྣམ་པར་གྲོལ་བའི་ཆོས་ལས་ཡོངས་སུ་ཉམས་པར་མི་འགྱུར་བ་གང་ལ་ལ་ཞིག་གོས་དང་། མལ་ཆ་དང་། ན་བའི་གསོས་སྨན་དང་། མོ་བྱད་རྣམས་ཀྱིས་དེ་ལ་རིམ་གྲོ་བྱེད་པ་དེ་དག་ཀྱང་རྣམ་པར་སྨིན་པ་ཆེན་པོའི་མཐུ་དང་གྲགས་པ་ཐོབ་པར་འགྱུར་རོ། ། བཅོམ་ལྡན་འདས་ཀྱིས་བཀའ་སྩལ་པ། དགའ་བོ་འདི་ཇི་སྙམ་དུ་སེམས།། གཟུགས་གང་ཡིན་བདེ་ཅི་རྟག་པ་ཞིག་ཡིན་ནམ། འོན་ཏེ་མི་རྟག་པ་ཞིག་ཡིན། བཅོམ་ལྡན་འདས་ལ། ཚེ་དང་ལྡན་པ་དགའ་བོས་གསོལ་པ། བཅོམ་ལྡན་འདས་གཟུགས་དེ་ནི་མི་རྟག་པ་ལ་སོགས་སོ།། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་མི་རྟག་པ་ཡིན་ནམ། དེ་སྡུག་བསྔལ་བ་ཞིག་ཡིན་ནམ།། འོན་ཏེ་སྡུག་བསྔལ་མེད་པ་ཞིག་ཡིན།། དགའ་བོས་གསོལ་པ། གཟུགས་གང་ལགས་པ་དེ་ནི་སྡུག་བསྔལ་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། གང་མི་རྟག་ཅིང་སྡུག་བསྔལ་བ་དེ་ནི་རྣམ་པར་འཇིག་པའི་ཆོས་ཅན་ཡིན་ན་ནི། འཕགས་པའི་ཉན་ཐོས་མང་དུ་ཐོས་པ་དང་ལྡན་པ་དེ་ལྟ་བུའི་བསྟན་པ་ཐོས་པར་གྱུར་ནའང་། ལུས་འདི་ནི་འདི་ལྟ་བུའི་གཟུགས་ཅན་ནོ་ཞེས་འཛིན་ཅིང་དེ་ལ་བདག་དང་། བདག་གིར་འཛིན་པར་བྱེད་དམ། བཅོམ་ལྡན་འདས་དེ་ནི་མ་ལགས་ཏེ། གཟུགས་ལ་འདག་ཅེས་བགྱི་བའང་མ་མཆིས་ལ། བདག་ནི་ཞེས་བགྱི་བའང་མ་མཆིས་པས་སོ།། གཞན་སང་དགའ་བོ་འང་ཇོ་སྙམ་དུ་སེམས། ཚོར་བ་དང་། འདུ་ཤེསས་དང་། འདུ་བྱེད་དང་། རྣམ་པར་ཤེས་པ་གང་ཡིན་པ་དེ་དག་ཅི་རྟག་པ་ཞིག་ཡིན་ནམ། འོན་ཏེ་མི་རྟག་པ་ཞིག་ཡིན། བཅོམ་ལྡན་འདས་ལ། ཚེ་དང་ལྡན་པ་དགའ་བོས་གསོལ་པ། བཅོམ་ལྡན་འདས་དེ་དག་ཐམས་ཅད་ནི་མི་རྟག་པ་ལགས་སོ།། བཅོམ་ལྡན་འདས་ཀྱིས་བཀའ་སྩལ་པ། གལ་ཏེ་མི་རྟག་པ་ཡིན་ན། ཅི་སྡུག་བསྔལ་བ་ཞིག་ཡིན་ནམ། འོན་ཏེ་སྡུག་བསྔལ་མེད་པ་ཞིག་ཡིན། དགའ་བོས་གསོལ་པ། འདི་ལྟར་ཕུང་པོ་བཞི་པོ་དེ་དག་ནི་སྡུག་བསྔལ་བ་ཞེས་བགྱི་བ་ལགས་སོ། ། བཅོམ་ལྡན་འདས་ཀྱིས་བཀའ་སྩལ་པ། གང་མི་རྟག་ཅིང་སྡུག་བསྔལ་བ་དེ་ནི་རྣམ་པར་འཇིག་པའི་ཆོས་ཅན་ཡིན་ན།། འཕགས་པའི་ཉན་ཐོས་མང་དུ་ཐོས་པ་དང་ལྡན་པ་གང་དེ་ལྟ་བུའི་བསྟན་པ་ཐོས་པར་གྱུར་ནའང་། ལུས་འདིའི་ཕུང་པོ་བཞི་པོ་དག་ལ་བདག་དང་བདག་གིར་འཛིན་པར་བྱེད་དམ། བཅོམ་ལྡན་འདས་དེ་ནི་མ་ལགས་ཏེ། ཕུང་པོ་བཞི་པོ་དག་ལ་ཡང་དག་པར་བདག་ཅེས་བགྱི་བའང་མ་མཆིས་ལ། བདག་གི་ཞེས་འགྱི་བའང་མ་མཆིས་པས་སོ།། གཞན་ཡང་དགའ་བོ་འདི་ལྟར་བདག་ཅེས་བྱ་བ་དེ་ནི་འདས་པ་དང་ད་ལྟར་བྱུང་བ་དང་། མ་འོངས་པ་དང་། ནང་དང་། ཕྱི་རོལ་ནའང་ཡོད་པ་མ་ཡིན་ལ། རགས་པ་དང་། ཕྲ་བ་དང་། བཟང་པོ་དང་། ངན་པ་དང་། ཉེ་བ་དང་། རིང་བ་མ་ཡིན་པས་ཆོས་དེ་དག་ཐམས་ཅད་ནི་བདག་དང་བདག་གི་བ་མ་ཡིན་ནོ། ། དེ་ལྟ་བས་ན་དགའ་བོ་འདི་ལྟར་ཡང་དག་པར་ཤེས་པས་ཆོས་རྣམས་ལ་བདག་མེད་པར་སོ་སོར་བརྟག་པར་རིག་པར་བྱའོ། ། འཕགས་པའི་ཉན་ཐོས་མང་དུ་ཐོས་པ་དང་ལྡན་པ་གང་དེ་ལྟར་སོ་སོར་བརྟགས་ནས་ཡོངས་སུ་སྐྱོ་བ་སྐྱེད་པར་བྱེད་ན། རྣམ་པར་གྲོལ་ཞིང་མཐར་ཡོངས་སུ་མྱ་ངན་ལས་འདས་པ་ཐོབ་པར་འགྱུར་ཏེ། དེ་ལྟར་ཡང་དག་པར་བསླབས་ནས་ཆོས་འདི་མངོན་དུ་གྱུར་པའི་ཚེ། སྐྱེ་བའི་ཚེ་ནི་ཟད་ཅིང་ཚངས་པར་སྤྱོད་པ་ཡང་དག་པར་སྤྱད་པས། བྱ་བ་བྱས་ནས་ཡང་སྲིད་པ་ཕྱི་མ་ལེན་པར་མི་འགྱུར་རོ། ། བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་འདི་བཀའ་སྩལ་པ་ན། ཚེ་དང་ལྡན་པ་དགའ་བོ་ནི་རྡུལ་སྤངས་ཤིང་དྲི་མ་དང་བྲལ་བས་ཆོས་མིག་རྣམ་པར་དག་པ་ཐོབ་པར་གྱུར་ཏོ། ། དགེ་སློང་ལྔ་བརྒྱ་པོ་དེ་དག་ནི་ཆོས་རྣམས་ལ་ལེན་པ་མེད་པར་ཟག་པ་ཟད་ནས་སེམས་རྣམ་པར་གྲོལ་བར་གྱུར་ཏོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། འཁོར་མང་པོ་རྣམས་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དཀོན་མཆོག་བརྩེགས་པ་ཆེན་པོའི་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། ཚེ་དང་ལྡན་པ་དགའ་བོ་མངལ་དུ་འཇུག་པར་བསྟན་པའི་འདུས་པ་སྟེ། འདུས་པ་བཅུ་གསུམ་པ་རྫོགས་སོ།། ལོ་ཙབ་དནས།

CLOSE WINDOW