| Wylie | e-texts produced with ocr Programm |
། ། རྒྱ་གར་སྐད་དུ། ཨཱརྱ་པྲ་བྷ་སྲ་དྷ་ན་མ་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ། འཕགས་པ་འོད་ཟེར་བསྒྲུབ་པ་ཞེས་བྱ་བ་ཐེག་པ་ཆེན་པོའི་མདོ། ། །། བམ་པོ་དང་པོ།། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ། དགེ་སློང་གི་དགེ་འདུན་ཆེན་པོ་ཐམས་ཅད་ཀྱང་རང་དབང་ཆེན་པོ་ཐོབ་པ་ལྔ་བརྒྱ་དང་། གཞན་ཡང་ཚེ་གཅིག་གིས་ཐོགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ་ཁྲག་ཁྲིག་ཕྲག་བརྒྱད་ཅུ་དང་། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་འཇམ་དཔལ་གཞོན་ནུར་གྱུར་པ་ལ་སོགས་པ་ཁྲག་ཁྲིག་ཕྲག་བཞི་བཅུ་དང་ཐབས་ཅིག་ཏུ་བཞུགས་ཏེ། དེའི་ཚེ་འཁོར་འདུས་པ་དེ་ཉིད་དུ་ཟླ་འོད་གཞོན་ནུར་གྱུར་པ་ཞེས་བྱ་བ་ཞིག་འདུས་པར་གྱུར་པ་དེ་འདུག་པའི་སྟན་ལས་ལངས་ནས། བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། གུས་པས་ཐལ་མོ་སྦྱར་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པས་སྔོན་འཕྲིན་ལས་ཅི་ཞིག་མཛད་ན།། འདི་ལྟར་རྣམ་པར་ངེས་པའི་འོད་ཟེར་དང་། ཡོངས་སུ་སྡུད་པའི་འོད་ཟེར་དང་། ཀུན་ནས་སློང་བའི་འོད་ཟེར་དང་། རབ་ཏུ་སྨོན་པའི་འོད་ཟེར་དང་། ཁ་དོག་སྣ་ཚོགས་ཀྱི་འོད་ཟེར་དང་། ཁ་དོག་འདྲེས་པ་མ་མཆིས་པའི་འོད་ཟེར་དང་། རྒྱ་ཆུང་ངུའི་འོད་ཟེར་དང་། རྒྱ་ཆེན་པོའི་འོད་ཟེར་དང་། རྣམ་པར་དག་པའི་འོད་ཟེར་དང་། ཤིན་དུ་རྣམ་པར་དག་པའི་འོད་ཟེར་དང་། དྲི་མ་མ་མཆིས་པའི་འོད་ཟེར་དང་། ཤིན་ཏུ་དྲི་མ་མ་མཆིས་པའི་འོད་ཟེར་དང་། དྲི་མ་དང་བྲལ་བའི་འོད་ཟེར་དང་། རིམ་གྱིས་འཕེལ་བའི་འོད་ཟེར་དང་། གསལ་བའི་འོད་ཟེར་དང་། ཤིན་ཏུ་གསལ་བའི་འོད་ཟེར་དང་། མཐའ་མ་མཆིས་པའི་འོད་ཟེར་དང་། ཤིན་ཏུ་མཐའ་མ་མཆིས་པའི་འོད་ཟེར་དང་། ཚད་མ་མཆིས་པའི་འོད་ཟེར་དང་། ཤིན་ཏུ་ཚད་མ་མཆིས་པའི་འོད་ཟེར་དང་། གྲངས་ཀྱི་ཚད་མ་མཆིས་པའི་འོད་ཟེར་དང་། ཤིན་ཏུ་གྲངས་ཀྱི་ཚད་མ་མཆིས་པའི་འོད་ཟེར་དང་། མྱུར་བའི་འོད་ཟེར་དང་། ཤིན་ཏུ་མྱུར་བའི་འོད་ཟེར་དང་། གནས་པ་མ་མཆིས་པའི་འོད་ཟེར་དང་། ཤིན་ཏུ་གནས་པ་མ་མཆིས་པའི་འོད་ཟེར་དང་། རབ་ཏུ་འབར་བའི་འོད་ཟེར་དང་། སྣང་བར་བགྱིད་པའི་འོད་ཟེར་དང་། མོས་པར་བགྱིད་པའི་འོད་ཟེར་དང་། ཕ་རོལ་ཏུ་ཕྱིན་པར་བགྱིང་པའི་འོད་ཟེར་དང་། ཐོགས་པ་མ་མཆིས་པའི་འོད་ཟེར་དང་། གཡོ་བ་མ་མཆིས་པའི་འོད་ཟེར་དང་། དྲང་པོའི་འོད་ཟེར་དང་། དཔག་ཏུ་མ་མཆིས་པ་ལ་གནས་པའི་འོད་ཟེར་དང་། གཟུགས་ཀྱི་མཚན་གྱི་འོད་ཟེར་དང་། གཟུགས་ཀྱི་མཚན་སྣ་ཚོགས་ཀྱི་འོད་ཟེར་དང་། གཟུགས་ཀྱི་མཚན་ཚད་མ་མཆིས་པའི་འོད་ཟེར་དང་། ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོའི་མཚན་ཉིད་ཀྱི་འོད་ཟེར་དང་། ཁ་དོག་ལེ་བརྒན་གྱི་མཚན་ཉིད་ཀྱི་འོད་ཟེར་དང་། ཆུ་ཤེལ་གྱི་ཁ་དོག་གི་མཚན་ཉིད་ཀྱི་འོད་ཟེར་དང་། ནམ་མཁའི་ཁ་དོག་གི་མཚན་ཉིད་ཀྱི་འོད་ཟེར་དང་། འདི་ལྟ་བུ་ལ་སོགས་པ་རྣམ་པ་སྣ་ཚོགས་ཀྱི་འོད་ཟེར་རེ་རེ་ཀུན་ཀྱང་། ཁ་དོག་རྣམ་པ་ལྔའི་འོད་ཟེར་འདྲེས་པར་གྱུར་པ་སྟོན་པར་མཛད་པ་ནས། ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོའི་དངོས་པོ་རེ་རེ་ཀུན་ཀྱང་འོད་ཟེར་ཁ་དོག་རྣམ་པ་སྣ་ཚོགས་ཚད་མ་མཆིས་པ་དཔག་ཏུ་མ་མཆིས་པ་དག་དང་འདྲེས་པར་གྱུར་པ་རབ་ཏུ་སྟོན་པར་མཛད་པའི་བར་དུ་བརྙེས་པར་གྱུར་ལགས། ། དེ་ནས་བཅོམ་ལྡན་འདས་ཀྱིས། ཟླ་འོད་གཞོན་ནུར་གྱུར་པ་ལ་ཚིགས་སུ་བཅད་དེ་བཀའ་སྩལ་པ། ང་ནི་བསམ་གྱིས་མི་ཁྱབ་པའི།། དགེ་བའི་ལས་ཀྱི་རྒྱུ་རྐྱེན་གྱིས། ། རྨོངས་པ་རྣམས་ནི་རབ་སྤངས་པས།། འོད་ཟེར་སྣ་ཚོགས་གྲུབ་པ་ཡིན།། གཞན་ཡང་སྤྱོད་པ་སྣ་ཚོགས་ཀྱིས།། སངས་རྒྱས་ལམ་ལ་རབ་གནས་ཤིང་།། སྟོང་པ་བྱེད་མེད་ཤེས་རབ་ཀྱིས། ། འདྲེས་པའི་འོད་ཟེར་བསྟན་པ་ཡིན།། ཇི་ལྟར་ཕྱི་རོལ་ཆོས་དག་ལ།། མཚན་ཉིད་བྱེ་བྲག་སྣ་ཚོགས་སྣང་།། དེ་ནི་སྟོང་ཞིང་བདག་ཀྱང་མེད།། བྱེད་པ་མེད་ཅིང་སེམས་ཡིད་མེད། ། གཞན་ཡང་ཇི་ལྟར་རང་གི་ལུས།། སྟོང་ཞིང་བདག་མེད་བྱེད་མེད་ཀྱང་།། དེ་ལས་རྣམ་པ་སྣ་ཚོགས་ཀྱིས།། སྒྲ་སྐད་དག་ནི་རབ་དུ་སྟོན།། དེ་ལྟར་བྱེད་མེད་དབང་གིས་ན། ཁ་དོག་དཔག་མེད་འོད་བསྟན་ནས།། མོས་པ་དག་ནི་ཇི་བཞིན་དུ།། རེ་བ་དག་ནི་སྐོང་བར་མཛད།། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་གཉིས་བསྐྱེད་ནས།། སོ་སོར་རབ་འབྲིང་ཐ་མ་ཡི། ། བྱེ་བྲག་ཡོད་པ་རབ་ཏུ་སྟོན།། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་གསུམ་བསྐྱེད་ནས།། སོ་སོར་རབ་འབྲིང་ཐ་མ་ཡི།། བྱེ་བྲག་ཡོད་པ་རབ་ཏུ་སྟོན། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་བཞི་བསྐྱེད་ནས།། སོ་སོར་རབ་འབྲིང་ཐ་མ་ཡི།། བྱེ་བྲག་ཡོད་པ་རབ་ཏུ་སྟོན།། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་ལྔ་འབྱུང་བ། ། སོ་སོར་རབ་འབྲིང་ཐ་མ་ཡང་།། ལས་གཙང་ལས་ནི་སྐྱེས་པ་ཡིན།། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་དྲུག་འབྱུང་བ།། སོ་སོར་རབ་འབྲིང་ཐ་མ་ཡང་། ། ཐབས་མཁས་ལས་ནི་སྐྱེས་པ་ཡིན།། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་བདུན་འབྱུང་བ།། སོ་སོར་རབ་འབྲིང་ཐ་མ་ཡང་།། ལས་དགེ་ལས་ནི་སྐྱེས་པ་ཡིན།། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་བརྒྱད་འབྱུང་བ།། སོ་སོར་རབ་འབྲིང་ཐ་མ་ཡང་།། དགེ་བའི་ཆོས་ལས་སྐྱེས་པ་ཡིན།། རེས་འགའ་འོད་ཟེར་གཅིག་ལས་ནི། ། ཁ་དོག་རྣམ་པ་དགུ་འབྱུང་བ།། སོ་སོར་རབ་འབྲིང་ཐ་མ་ཡང་།། ཚོགས་དག་ལས་ནི་སྐྱེས་པ་ཡིན།། རེས་འགའ་འོད་ཟེར་གཅིག་ལས་ནི།། ཁ་དོག་རྣམ་པ་བཅུ་འབྱུང་བ། ། སོ་སོར་རབ་འབྲིང་ཐ་མ་ཡང་།། སྦྱིན་པ་ལས་ནི་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་ཉི་ཤུ་གང་འབྱུང་བ།། སོ་སོར་རབ་འབྲིང་ཐ་མ་ཡང་། ། ཚུལ་ཁྲིམས་བསྲུངས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་སུམ་ཅུ་གང་འབྱུང་བ།། སོ་སོར་རབ་འབྲིང་ཐ་མ་ཡང་།། བཟོད་པ་ལས་ནི་སྐྱེས་པ་ཡིན།། ། རེས་འགའ་དངོས་པོ་གཅིག་ལས་ནི།། ཁ་དོག་བཞི་བཅུ་གང་འབྱུང་བ།། སོ་སོར་རབ་འབྲིང་ཐ་མ་ཡང་།། བརྩོན་འགྲུས་ལས་ནི་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག། ལྔ་བཅུ་གང་འབྱུང་བ།། སོ་སོར་རབ་འབྲིང་ཐ་མ་ཡང་།། བསམ་གཏན་ལས་ནི་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་དྲུག་ཅུ་གང་འབྱུང་བ།། སོ་སོར་རབ་འབྲིང་ཐ་མ་ཡང་། ། ཤེས་རབ་ལས་ནི་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བདུན་ཅུ་གང་འབྱུང་བ།། སོ་སོར་རབ་འབྲིང་ཐ་མ་ཡང་།། བྱམས་སེམས་ལས་ནི་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བརྒྱད་ཅུ་གང་འབྱུང་བ།། སོ་སོར་རབ་འབྲིང་ཐ་མ་ཡང་།། སྙིང་རྗེའི་སེམས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་དགུ་བཅུ་གང་འབྱུང་བ།། སོ་སོར་རབ་འབྲིང་ཐ་མ་ཡང་།། དགའ་བའོ་སེམས་ལས་སྐྱེས་པ་ཡིན།། རེས་དགའ་དངོས་པོ་གཅིག་ལས་ནི།། ཁ་དོག་རྣམ་བརྒྱ་གང་འབྱུང་བ།། སོ་སོར་རབ་འབྲིང་ཐ་མ་ཡང་།། གཏང་སྙོམས་སེམས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་སྟོང་ནི་གང་འབྱུང་བ།། སོ་སོར་རབ་འབྲིང་ཐ་མ་ཡང་། ། ཡོན་ཏན་སྟོན་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་ཁྲི་ནི་གང་འབྱུང་བ།། སོ་སོར་རབ་འབྲིང་ཐ་མ་ཡང་།། བསོད་ནམས་ཚོགས་ལས་སྐྱེས་པ་ཡིན། ། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་གང་སྟོན་པ།། སོ་སོར་རབ་འབྲིང་ཐ་མ་ཡང་།། ཡིད་ཆེས་པ་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་གཉིས་སྟོན་པ།། སོ་སོར་རབ་འབྲིང་ཐ་མ་ཡང་།། རྗེས་སུ་ཡི་རང་ལས་སྐྱེས་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་གསུམ་སྟོན་པ།། སོ་སོར་རབ་འབྲིང་ཐ་མ་ཡང་། ། ཤིན་ཏུ་སྦྱངས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་བཞི་སྟོན་པ།། སོ་སོར་རབ་འབྲིང་ཐ་མ་ཡང་།། སངས་རྒྱས་གུས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་ལྔ་སྟོན་པ།། སོ་སོར་རབ་འབྲིང་ཐ་མ་ཡང་།། ཆོས་ལ་གུས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི། ། ཁ་དོག་བྱེ་བ་དྲུག་སྟོན་པ།། སོ་སོར་རབ་འབྲིང་ཐ་མ་ཡང་།། དགེ་འདུན་གུས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་བདུན་སྟོན་པ།། སོ་སོར་རབ་འབྲིང་ཐ་མ་ཡང་།། ཚུལ་ཁྲིམས་གུས་ལས་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་བརྒྱད་སྟོན་པ།། སོ་སོར་རབ་འབྲིང་ཐ་མ་ཡང་།། ཏིང་འཛིན་གུས་ལས་སྐྱེས་པ་ཡིན། ། རེས་འགའ་དངོས་པོ་གཅིག་ལས་ནི།། ཁ་དོག་བྱེ་བ་དགུ་སྟོན་པ།། སོ་སོར་རབ་འབྲིང་ཐ་མ་ཡང་།། ཀུན་བརྩེ་ལས་ནི་སྐྱེས་པ་ཡིན།། རེས་འགའ་དངོས་པོ་གཅིག་ལས་ནི། ། ཁ་དོག་བྱེ་བ་བཅུ་སྟོན་པ།། སོ་སོར་རབ་འབྲིང་ཐ་མ་ཡང་།། བག་ཡོད་ལས་ནི་སྐྱེས་པ་ཡིན།། གཞན་ཡང་སྤུ་ཁུང་གཅིག་ལས་ནི།། འོད་ཟེར་མང་པོ་གང་སྟོན་པ།། ། འོད་ཟེར་སྣ་ཚོགས་མིང་དེ་དག། དེང་འདིར་ཁྱོད་ལ་བཤད་པར་བྱ།། ང་ལ་འོད་ཟེར་གཅིག་ཡོད་དེ།། དེ་མིང་སྤྲིན་གཙང་སྣང་ཞེས་བྱ།། འོད་ཟེར་དེ་ནི་དགེ་བའི་རྩ།། དཔག་མེད་བསགས་ལས་སྐྱེས་པ་ཡིན། ། འདི་ལྟར་འདས་པའི་དུས་ཀྱི་ཚེ།། སེམས་ཅན་རྣམ་པ་ཇི་སྙེད་པ།། ནད་རྣམས་སྣ་ཚོགས་བཏབ་པ་ལས།། སྙིང་བརྩེའི་སེམས་ནི་རབ་བསྐྱེད་ནས།། སྨན་ནི་མང་པོར་རབ་བཏང་ཞིང་། ། དེ་དག་སོས་པར་བྱས་པ་ཡི།། རྒྱུ་དང་རྐྱེན་ནི་འདི་ཡི་ཕྱིར།། དེ་འདྲའི་འོད་ཟེར་ཐོབ་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་མིག་ཅེས་བྱ།། མར་མེས་སངས་རྒྱས་མཆོད་པས་ན། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་རྣ་ཞེས་བྱ།། སྒྲ་དབྱངས་དག་གིས་མཆོད་བྱས་པས།། དེ་ཕྱིར་དེ་ལས་སྐྱེས་པ་ཡིན། དང་ལ་འོད་ཟེར་ཡང་ཡོད་དེ།། དེ་མིང་རྣམ་དག་སྔ་ཞེས་བྱ།། སྤོས་ཆུ་དག་གིས་མཆོད་བྱས་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་ལྕེ་ཞེས་བྱ། ། རོ་མཆོག་དག་གིས་མཆོད་བྱས་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་ལུས་ཤེས་བྱ།། འདི་ལྟར་གོས་ཀྱིས་མཆོར་བྱས་པས། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་སེམས་ཤེས་བྱ།། རྟག་ཏུ་སངས་རྒྱས་ཡིད་ཆེས་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། དེ་མིང་རྣམ་དག་གཟུགས་ཤེས་བྱ།། སངས་རྒྱས་གཟུགས་ནི་བྲིས་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་སྒྲ་ཞེས་བྱ།། རྟག་ཏུ་ཆོས་ལ་བསྔགས་པས་ན། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་དྲི་ཞེས་བྱ།། རྟག་ཏུ་དགེ་འདུན་གུས་པས་ན།། དེ་ཕྱིར་དེ་ལས་སྐྱེས་པ་ཡིན། ། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་རོ་ཞེས་བྱ།། ཡིད་བཞིན་དུ་ནི་སྦྱིན་བཏང་བས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་རེག་ཅེས་བྱ། ། བྱུག་སྤོས་དག་གིས་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་ཆོས་ཤེས་བྱ།། ཆོས་རྣམས་ཡོངས་སུ་བཟུང་བས་ན། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དགས་ཞེས་བྱ།། སངས་རྒྱས་དགེ་འདུན་ས་ཕྱགས་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་ཆུ་ཞེས་བྱ།། ཆུ་མིག་ཁྲོན་པས་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་མེ་ཞེས་བྱ།། མེ་འཛིན་མཆོད་ཅིང་སྦྱིན་བཏང་བས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་རླུང་ཞེས་བྱ།། རླུང་ཡབ་ཐོགས་ནས་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན། ། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་ཕུང་ཞེས་བྱ།། ལུས་ཀྱིས་སངས་རྒྱས་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། ། དེ་མིང་རྣམ་དག་ཁམས་ཤེས་བྱ།། རྟག་ཏུ་བྱམས་པའི་སེམས་བསྒོམ་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་བདེན་ཞེས་བྱ།། རྟག་ཏུ་བརྫུན་། ནི་སྤངས་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་ཞི་ཞེས་བྱ།། རྟག་ཏུ་སྦྱིན་པ་བཏང་བས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། དེ་མིང་རྣམ་དག་སྒྲ་ཞེས་བྱ།། སངས་རྒྱས་རྣམས་ཀྱི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དོ།། དེ་མིང་རྣམ་དག་དྲན་ཞེས་བྱ། ། ཏིང་འཛིན་བསྔགས་པ་བརྗོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་སྤོབས་ཤེས་བྱ།། ཀུན་འཛིན་བསྔགས་པ་བརྗོད། པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་མཐུན་ཞེས་བྱ་བ་ཡིན།། རྩོད་པ་དག་ནི་བསྡུམས་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། དེ་མིང་དོན་རབ་བསྟན་ཅེས་བྱ།། སྟོང་ཉིད་རབ་ཏུ་རྟོགས་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་ཁ་དོག་སྔོ་ཞེས་བྱ།། པདྨ་སྔོན་པོས་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་ཁ་དོག་སར་ཞེས་བྱ།། ཙམ་པ་ཀས་ནི་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན། ། དང་ལ་འོད་ཟེར་ཡང་ཡོད་དེ།། དེ་མིང་ཁ་དོག་དམར་ཞེས་བྱ།། མུ་ཏིག་དག་གིས་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། དེ་མིང་ཁ་དོག་དཀར་ཞེས་བྱ།། གསེར་གྱི་གདུགས་ཀྱིས་མཆོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་ཡོན་ཏན་མཆོག་ཅེས་བྱ།། ཚོན་སྣ་མང་པོས་བརྒྱན་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་ཀླུ་ཡི་གཟི་ཞེས་བྱ།། ཀླུ་ཡི་བ་དན་གྱིས་མཆོད་པས།། དེ་ཕྱིར་དེ་ལས་སྐྱེས་པ་ཡིན། ། ང་ལ་འོད་ཟེར་ཡང་ཡོད་དེ།། དེ་མིང་གླང་པོའི་གཟི་ཞེས་བྱ།། གླང་པོའི་བ་དན་གྱིས་མཆོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། དེ་མིང་སེང་གེ་རྒྱལ་ཞེས་བྱ།། སེང་གེ་བ་དན་གྱིས་མཆོད་པས།། དེ་ཕྱིར་དེ་ལས་སྐྱེས་པ་ཡིན།། དེ་ལ་འོད་ཟེར་ཡང་ཡོད་དེ།། དེ་མིང་ཁྱུ་མཆོག་རྒྱལ་ཞེས་བྱ།། ཁྱུ་མཆོག་པ་དན་གྱིས་མཆོད་པས། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་རྣམ་དག་ཟླ་བ་ཡིན།། སངས་རྒྱས་མཆོད་རྟེན་ཕྱགས་པས་ན།། དེ་ཕྱིར་དེ་ལས་སྐྱེས་པ་ཡིན། ། ང་ལ་འོད་ཟེར་ཡང་ཡོད་དེ།། དེ་མིང་ཀླུ་འདུལ་ཞེས་པའོ།། དར་གྱི་ལྔ་ལྡི་ཕུལ་བས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། ། དེ་མིང་གནོད་སྦྱིན་འདུལ་ཞེས་བྱ།། སོ་སོར་ལེགས་པར་བརྟགས་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་བུད་མེད་རྟོགས་ཤེས་བྱ།། བུད་མེད་མཚན་མ་སྤངས་པས་ན། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་སྐྱེས་པ་རྟོགས་ཤེས་བྱ།། སྐྱེས་པའི་མཚན་མ་སྤངས་པས་ན།། དེ་ཕྱིར་དེ་ལས་སྐྱེས་པ་ཡིན། ། ང་ལ་འོད་ཟེར་ཡང་ཡོད་དེ།། དེ་མིང་རྡོ་རྗེ་སྟོབས་ཤེས་བྱ།། ལས་ཀྱི་ཤེས་པ་དག་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་སྟོང་པ་སྟོན་ཞེས་བྱ། ། འཇིག་རྟེན་རྣམ་སྨིན་སྟོན་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་ཡང་དག་རྟོགས་ཤེས་བྱ།། ཕྱིན་ཅི་ལོག་བཞི་སྤངས་པས་ན། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། སངས་རྒྱས་གསུང་ནི་སྟོན་ཞེས་བྱ།། ཆོས་དབྱིངས་བསྔགས་པ་བརྗོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། སྐྱོན་རྣམས་སྤངས་པ་ཞེས་བྱའོ།། མོས་པའི་བསྔགས་པ་བརྗོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། བཀོད་པ་ཀུན་ཏུ་སྣང་ཞེས་བྱ། ། མར་མེ་ཕུལ་བའི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་སྲེད་པ་སྤངས་ཤེས་བྱ།། ཏིང་འཛིན་ཤེས་རབ་བསྔགས་བརྗོད་པས། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་བག་ཆགས་སྤངས་ཤེས་བྱ།། སྔོན་མཐའ་ཤེས་པ་སྤངས་པས་ན། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་ཆགས་པ་སྤངས་ཤེས་བྱ།། མི་སྐྱེ་ཡེ་ཤེས་བསྔགས་པས་ནས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། འགྲོ་བ་རྣམས་ནི་སྤངས་ཤེས་བྱ།། ཟག་ཟད་ཡེ་ཤེས་བསྔགས་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་གནས་སྤངས་ཞེས་བྱ་སྟེ། ། སྡུག་བསྔལ་ཤེས་པ་བསྔགས་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། སངས་རྒྱས་ཆོ་འཕྲུལ་ཞེས་བྱའོ།། རྫུ་འཕྲུལ་མཐུ་ཡི་བསྔག་བརྗོད་པས། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་གཟུགས་མང་སྟོན་ཅེས་བྱ།། རྫུ་འཕྲུལ་རྐང་གི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དགེ་བའི་གྲོགས་ལ་མོས་ཤེས་བྱ།། རྟོགས་པའི་རང་བཞིན་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། མིག་གི་སྔོན་མཐའ་ཞེས་བྱའོ། ། མིག་གི་སྔོན་མཐའ་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། མིག་གི་མཐའ་ཟད་ཅེས་བྱའོ།། མིག་ཟད་བསྔགས་པ་བརྗོད་པས་ན། ། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་སྲིད་པའི་མཐའ་ཞེས་བྱ།། སྲིད་མེད་བསྔགས་པ་བརྗོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། དེ་མིང་འཇིགས་པ་མེད་ཅེས་བྱ།། འགོག་པ་ཉིད་ཀྱི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་མཐའ་མེད་ཅེས་བྱའོ། ། མཐའ་མེད་བསྔགས་པ་བརྗོད་པས་ན།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་མཚན་མ་མེད་ཅེས་བྱ།། འདུས་མ་བྱས་ཀྱིས་བསྔགས་བརྗོད་པས། དེ་ཕྱིར་དེ་ལ་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་འགྱུར་བ་མེད་ཅེས་བྱ།། ཁྱད་པར་མེད་པའི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ། ། དེ་མིང་འཇུག་པ་མེད་ཅེས་བྱ།། ཞེན་པ་མེད་པའི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་འབྱུང་བ་མེད་ཅེས་བྱ།། སྐྱེ་བ་མེད་པའི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན།། ང་ལ་འོད་ཟེར་ཡང་ཡོད་དེ།། དེ་མིང་སྐྱེ་བ་མེད་ཅེས་བྱ།། འབྱུང་བ་མེད་པའི་བསྔགས་བརྗོད་པས།། དེ་ཕྱིར་དེ་ལས་སྐྱེས་པ་ཡིན། ། ང་ལ་འོད་ཟེར་བསྟན་མེད་ཅེས་བྱ་ཡོད།། སྐྱེ་དགུ་རྣམས་ནི་ཡོངས་སུ་སྨིན་པར་བྱེད།། ང་ལ་འོད་ཟེར་ཆོས་ཉིད་ཅེས་བྱ་ཡོད།། སངས་རྒྱས་ཞིང་ནི་བྱེ་བ་གཡོ་བར་བྱེད། ། ང་ལ་འོད་ཟེར་བདུད་འདུལ་ཞེས་བྱ་ཡོད།། འོད་ཟེར་དེ་ཡི་གཟིས་ནི་བདུད་སྐྲག་བྱེད།། ང་ལ་འོད་ཟེར་བསོད་ནམས་རྒྱལ་མཚན་ཡོད།། དེ་ཡི་མིང་འཛིན་དག་ནི་གནོད་པ་སྤོང་། ། ང་ལ་འོད་ཟེར་སྟོབས་ལྡན་རྒྱལ་མཚན་ཡོད།། དེ་ཡི་མིང་འཛིན་དག་ནི་དགྲ་རབ་སྤོང་།། ང་ལ་འོད་ཟེར་རབ་ཞི་རྒྱལ་མཚན་ཡོད།། དེ་ཡི་མིང་འཛིན་དག་ནི་འདོད་ཆགས་སྤོང་། ། ང་ལ་འོད་ཟེར་བསམ་གཏན་རྒྱལ་མཚན་ཡོད།། དེ་ཡི་མིང་འཛིན་དག་ནི་ལོག་སྤྱོད་སྤོང་།། ང་ལ་འོད་ཟེར་གྲགས་པའི་རྒྱལ་མཚན་ཡོད།། དེ་ཡི་མིང་འཛིན་དག་ནི་གྲགས་པ་འཐོབ། ། ང་ལ་འོད་ཟེར་ཡིད་དགའ་རྒྱལ་མཚན་ཡོད།། དེ་ཡི་མིང་འཛིན་དག་ནི་མྱ་ངན་མེད།། ང་ལ་འོད་ཟེར་སྡོམ་གཙམ་རྒྱལ་མཚན་ཡོད།། དེ་ཡི་མིང་འཛིན་ཚུལ་ཁྲིམས་འཆལ་པ་སྤོང་། ། ང་ལ་འོད་ཟེར་སྤོས་མཆོག་རྒྱལ་མཚན་ཡོད།། དེ་ཡི་མིང་འཛིན་མི་གཙང་མེད་པར་འགྱུར།། ང་ལ་འོད་ཟེར་ཆོས་ཟབ་ཅེས་བྱ་ཡོད།། དེ་ཡི་མིང་འཛིན་ཐེ་ཙོམ་མེད་བར་འགྱུར། ། ང་ལ་འོད་ཟེར་གནས་པ་མེད་པ་ཡོད།། དེ་ཡི་མིང་འཛིན་སྲིད་པ་སྤོང་བར་འགྱུར།། ང་ལ་འོད་ཟེར་རྟོག་བྲལ་ཞེས་བྱ་ཡོད།། དེ་ཡི་མིང་འཛིན་འཛིན་པ་མེད་པར་འགྱུར།། ང་ལ་འོད་ཟེར་རི་རབ་ཅེས་བྱ་ཡོད།། དེ་ཡི་མིང་འཛིན་གཡོ་བ་མེད་པར་འགྱུར།། ང་ལ་འོད་ཟེར་གསང་བའི་སྤྱོད་པ་ཡོད།། དེ་ཡི་མིང་འཛིན་མངོན་པར་ཞེན་པ་མེད།། ང་ལ་འོད་ཟེར་རྣམ་གྲོལ་སྤྱོད་པ་ཡོད། ། དེ་ལ་མིང་འཛིན་འཆིང་བ་མེད་པར་འགྱུར།། ང་ལ་འོད་ཟེར་ལེགས་འདུལ་ཞེས་བྱ་ཡོད།། དེ་ཡི་མིང་འཛིན་མཉེན་དེས་འཐོབ་པར་འགྱུར།། ང་ལ་འོད་ཟེར་མི་གཡོ་ཞེས་བྱ་ཡོད། ། དེ་ཡི་མིང་འཛིན་འདོད་ཆགས་ཞེ་ན་སྤོང་འགྱུར།། ང་ལ་འོད་ཟེར་རབ་འདུལ་ཞེས་བྱ་ཡོད།། དེ་ཡི་མིང་འཛིན་ཚུལ་ཁྲིམས་རྫོགས་པར་འགྱུར།། ང་ལ་འོད་ཟེར་དགེ་མང་སྤྱོད་པ་ཡོད། ། དེ་ཡི་མིང་འཛིན་གོས་པ་མེད་པར་འགྱུར།། ང་ལ་འོད་ཟེར་ཕན་མང་བྱེད་པ་ཡོད།། གང་གིས་མིང་ཐོས་ཉེས་པ་རྣམ་སྤོང་འགྱུར།། ང་ལ་འོད་ཟེར་མཆོག་ཤེས་མཐོང་བ་ཡོད། ། གང་གིས་མིང་ཐོས་རྨོངས་པ་མེད་པར་འགྱུར།། ང་ལ་འོད་ཟེར་ཕན་ཚོལ་ཞེས་བྱ་ཡོད།། གང་གིས་མིང་ཐོས་ཞེ་སྡང་མེད་པར་འགྱུར།། ང་ལ་འོད་ཟེར་དགའ་སེམས་བྱེད་པ་ཡོད།། གང་གིས་མིང་ཐོས་བདེ་བ་ཐོབ་པར་འགྱུར།། ང་ལ་འོད་ཟེར་གདུང་བ་མེད་པ་ཡོད།། གང་གིས་མིང་འཛིན་སྟོང་ཉིད་རྟོགས་པར་འགྱུར།། ང་ལ་འོད་ཟེར་ངོ་བོ་ཉིད་མེད་ཡོད།། གང་གིས་མིང་འཛིན་སྤྲོས་ལས་འདའ་བར་འགྱུར། ། ང་ལ་འོད་ཟེར་རྟེན་པ་མེད་པ་ཡོད།། གང་གིས་མིང་འཛིན་གཡོ་བ་མེད་པར་འགྱུར།། ང་ལ་འོད་ཟེར་རྨོངས་དང་བྲལ་བ་ཡོད།། གང་གིས་མིང་འཛིན་སོམ་ཉི་མེད་པར་འགྱུར། ། ང་ལ་འོད་ཟེར་གནས་མེད་ཅེས་བྱ་ཡོད།། གང་གིས་མིང་འཛིན་གཏི་མུག་མུན་པ་སྤོང་།། ང་ལ་འོད་ཟེར་ནང་ལུས་སྐྱེ་བ་ཡོད།། གང་གིས་མིང་འཛིན་དེ་ནི་ལེན་མི་འགྱུར། ། ང་ལ་འོད་ཟེར་འཛིན་མེད་ཅེས་བྱ་ཡོད།། གང་གིས་མིང་འཛིན་ཡི་གེ་ཚིག་འབྲུ་སྤོང་།། ང་ལ་འོད་ཟེར་རྨོངས་པ་མེད་པ་ཡོད།། གང་གིས་མིང་འཛིན་བརྗོད་དང་བྲལ་བར་འགྱུར། ། ང་ལ་འོད་ཟེར་འགྲོ་མེད་ཅེས་བྱ་ཡོད།། གང་གིས་མིང་འཛིན་མ་འོངས་ཤེས་པར་འགྱུར།། ང་ལ་འོད་ཟེར་ཀུན་མཐའ་ཞེས་བྱ་ཡོད།། གང་གིས་མིང་འཛིན་འདས་པ་ཤེས་པར་འགྱུར། ། ང་ལ་འོད་ཟེར་མཚུངས་མེད་ཅེས་བྱ་ཡོད།། གང་གིས་མིང་འཛིན་ཟག་མེད་རྟོགས་པར་འགྱུར།། ང་ལ་འོད་ཟེར་འཕགས་ཐོབ་ཅེས་བྱ། ཡོད།། གང་གིས་མིང་འཛིན་མཆོག་གྱུར་ཤེས་པར་འགྱུར།། ང་ལ་འོད་ཟེར་དྲི་མ་མེད་པ་ཡོད།། གང་གིས་མིང་འཛིན་མངོན་པར་ཞེན་པ་སྤོང་།། ང་ལ་འོད་ཟེར་རྡུལ་སྤོང་ཞེས་བྱ་ཡོད། ། གང་གིས་མིང་འཛིན་མུན་པ་མེད་པར་འགྱུར།། ང་ལ་འོད་ཟེར་སྲེད་པ་མེད་པ་ཡོད།། གང་གིས་མིང་འཛིན་རྟེན་དག་སྤོང་བར་འགྱུར།། ང་ལ་འོད་ཟེར་མཆོག་རྒྱལ་ཞེས་བྱ་ཡོད། ། གང་གིས་མིང་འཛིན་ཕ་རོལ་སྨྲ་བ་གནོན།། ང་ལ་འོད་ཟེར་དར་ལ་བབ་པ་ཡོད།། གང་གིས་མིང་འཛིན་སྤྱོད་པ་དྲུག་འགྲུབ་འགྱུར།། ང་ལ་འོད་ཟེར་མཆོག་བཙུན་ཞེས་བྱ་ཡོད། ། གང་གིས་མིང་འཛིན་ཤེས་པ་ཐོགས་མེད་འགྱུར།། ང་ལ་འོད་ཟེར་མྱུར་བ་ཞེས་བྱ་ཡོད།། གང་གིས་མིང་འཛིན་དགེ་སློང་མཆོག་འགྲུབ་འགྱུར།། ང་ལ་འོད་ཟེར་མཚན་ལྡན་ཞེས་བྱ་ཡོད། ། གང་གིས་མིང་འཛིན་ཆོས་ཟབ་རྟོགས་པར་འགྱུར།། ང་ལ་འོད་ཟེར་མཚན་མ་མེད་པ་ཡོད།། གང་གིས་མིང་འཛིན་ང་རྒྱལ་སྤོང་བར་འགྱུར།། ང་ལ་འོད་ཟེར་སྐྱེ་མེད་ཅེས་བྱ་ཡོད། ། གང་གིས་མིང་འཛིན་ཐོབ་མེད་རྙེད་པར་འགྱུར།། ང་ལ་འོད་ཟེར་སངས་རྒྱས་དྲན་པ་ཡོད།། དེ་བཞིན་གཤེགས་པ་རྣམས་ཀྱིས་རབ་ཏུ་བསྔགས།། སངས་རྒྱས་མང་ལ་སྤྱོད་པ་རྣམ་བསྒྲུབས་པས། ། འདི་ལྟ་བུ་ཡི་འོད་ཟེར་གྲུབ་པ་ཡིན།། སངས་རྒྱས་སྐུ་ལས་བྱུང་བའི་འོད་ཟེར་རྣམས།། རྡུལ་ཕྲན་གྲངས་ནི་བརྒྱ་སྟོང་བྱེ་སྙེད་མངའ།། དེ་བཞིན་ཞིང་ནི་ཚད་མེད་བྱེ་སྙེད་མངའ། ། དེ་ཡི་གྲངས་ནི་རྒྱ་མཚོའི་བྱེ་སྙེད་མངའ།། རྡུལ་དེ་ཉིད་ཀྱི་འོད་ཟེར་རྣམས་ཀྱང་ནི།། སོ་སོ་ལ་ཡང་འཁོར་ནི་མང་པོ་ཡོད།། འོད་ཟེར་དེས་ནི་སངས་རྒྱས་མེད་ཞིང་དུ། ། དེ་བཞིན་གཤེགས་པའི་རྣམ་དག་སྐུར་སྤྲུལ་ནས།། ཤིན་ཏུ་ཟབ་མོའི་ཆོས་ནི་སྟོན་མཛད་པས།། སེམས་ཅན་བཟོད་ལ་རབ་ཏུ་དགོངས་པར་མཛད།། ང་ལ་འོད་ཟེར་སངས་རྒྱས་ཞེས་བྱ་ཡོད། ། སེམས་ཅན་སངས་རྒྱས་ལམ་ལ་གནས་པར་མཛད།། ང་ལ་འོད་ཟེར་ཆོས་ཤེས་བྱ་བ་ཡོད།། ཤིན་དུ་རྣམ་དག་གསལ་བྱེད་དྲི་མ་མེད།། ང་ལ་འོད་ཟེར་དགེ་འདུན་ཞེས་བྱ་ཡོད། ། དེ་བཞིན་གཤེགས་པ་རྣམས་ཀྱིས་རབ་ཏུ་བསྔགས།། ང་ལ་འོད་ཟེར་རྣམ་དག་ཅེས་བྱ་ཡོད།། འོད་ཟེར་དེ་ནི་ཁྱད་འཕགས་རྙེད་པར་དཀའ།། ང་ལ་འོད་ཟེར་པདྨ་ཞེས་བྱ་ཡོད། ། སེམས་ཅན་ཕན་འདོགས་ཡོངས་སུ་སྨིན་པར་བྱེད།། ང་ལ་འོད་ཟེར་ཚངས་པ་ཞེས་བྱ་ཡོད།། ཁ་ཅིག་བརྒྱ་བྱིན་ཡང་ན་ལྷ་ཞེས་བྱ།། ཟླ་བ་ཀླུ་དང་གནོད་སྦྱིན་ཞེས་ཀྱང་བྱ། ། ལྷ་མ་ཡིན་དང་ནམ་མཁའ་ལྡིང་ཞེས་བྱ།། ཁ་ཅིག་རྒྱལ་པོ་བུད་མེད་ཅེས་ཀྱང་བྱ།། ཁ་ཅིག་བུ་མོ་ཁ་ཅིག་ཁྱེའུ་ཞེས་ཀྱང་བྱ།། དེ་ལྟར་འོད་ཟེར་སྣ་ཚོགས་མང་པོ་རྣམས། ། སོ་སོར་དགེ་ཆོས་དག་གིས་སྐལ་མཚུངས་འདུལ།། འཁོར་ནི་ཚད་མེད་བྱེ་བ་སྙེད་དག་ཀྱང་།། ཐམས་ཅད་བྱང་ཆུབ་ཡོངས་སུ་སྨིན་པར་བྱེད།། ང་ལ་འོད་ཟེར་ཤེས་རབ་ཅེས་བྱ་ཡོད། ། ཁ་ཅིག་ཚུལ་ཁྲིམས་ཁ་ཅིག་མིང་བྱམས་པ།། ཁ་ཅིག་སྙིང་རྗེ་དགའ་དང་སྒྲོན་ཞེས་བྱ།། ཁ་ཅིག་བྱུག་སྤོས་ཁ་ཅིག་རོལ་མོ་སྒྲ།། འདི་ལྟ་བུ་ལ་སོགས་པའི་འོད་ཟེར་རྣམས། ། སྔོན་གྱི་སྤྱོད་པའི་རྗེས་སུ་འཐུན་པར་ནི།། སྐྱེ་དགུའི་རྣམ་པ་ཚད་མེད་ཡོངས་བསྡུས་པས།། དེས་ན་འོད་ཟེར་འདི་དག་རྫོགས་པ་ཡིན།། ང་ལ་འོད་ཟེར་གཙོ་བོ་ཞེས་བྱ་ཡོད།། དེ་བཞིན་གཤེགས་པ་རྣམས་ཀྱིས་རབ་ཏུ་བསྔགས།། སངས་རྒྱས་བསྟན་པ་རྣམས་ལ་རྟག་གུས་པས།། དེས་ན་འོད་ཟེར་འདི་ནི་རྫོགས་པ་ཡིན།། སངས་རྒྱས་སྤྱན་གྱིས་སེམས་ཅན་གྲངས་གཟིགས་ནས། ། སྤུ་ཁུང་ཀུན་ནས་འོད་ཟེར་སྣ་ཚོགས་གཏོང་།། འོད་ཟེར་མང་པོ་དེ་དག་རེ་རེ་ཡང་།། སོ་སོར་འཁོར་མང་དག་གིས་རབ་ཏུ་བསྐོར།། སེམས་ཅན་རྣམས་ཀྱིས་མོས་པ་ཇི་བཞིན་དུ། ། སངས་རྒྱས་འོད་ཟེར་གཏོང་ཞིང་སྨིརན་པར་མཛད།། གང་གིས་འོད་ཟེར་བསྟན་པ་འང་ཐོས་ནས།། རབ་ཏུ་དགའ་ཞིང་མོས་པར་གང་བྱེད་པ།། དེ་སྔོན་སངས་རྒྱས་མངས་ངག་ལས་ནི། ། མདོ་སྡེ་འདིནི་ཐོས་པར་གྱུར་པ་ཡིན།། ང་ལ་འོད་ཟེར་ཁྱད་པར་འཕགས་པ་ཡོད།། འཁོར་ནི་བྱེ་བ་བརྒྱད་ཅུ་གྲངས་སྙེད་ཡོད།། སྔོན་གྱི་སངས་རྒྱས་དག་ལ་ཚིགས་བཅད་གཅིག། བསྔགས་པས་དེ་ཕྱིར་འོད་ཟེར་འདི་འགྲུབ་བོ།། ང་ལ་འོད་ཟེར་མྱ་ངན་མེད་པ་ཡོད།། འཁོར་ནི་ཁྲག་ཁྲིག་བརྒྱད་ཅུ་སྙེང་ཡོད་དེ།། དེ་བཞིན་གཤེགས་པའི་བསྟན་པ་གཅིག་བཟུང་བས། ། དེ་ཕྱིར་འོད་ཟེར་འདི་ནི་གྲུབ་པ་ཡིན།། ང་ལ་འོད་ཟེར་རྣམ་དག་མཆོག་ཡོད་དེ།། འཁོར་ནི་བྱེ་བ་བརྒྱད་ཅུ་གྲངས་སྙེད་ཡོད།། ཏིང་འཛིརན་གཅིག་ནི་ཡོངས་སུ་བཟུང་བས་ན།། དེ་ཕྱིར་འོད་ཟེར་འདི་ནི་གྲུབ་པ་ཡིན།། འདས་པའི་དུས་ཀྱི་སངས་རྒྱས་མཚན།། ཁྱད་པར་འཕགས་པ་ཞེས་བྱ་བྱུང་།། སངས་རྒྱས་དེ་ནི་འཇིག་རྟེན་ན།། སྐུ་ཚེ་ཚད་ནི་མེད་པར་བཞུགས།། དང་པོ་མངོན་པར་སངས་རྒྱས་ཚེ།། ཆོས་བསྟན་འཁོར་དུ་འདུས་པ་ཡི།། གྲངས་ནི་ཁྲག་ཁྲིག་བརྒྱད་ཅུ་སྙེད།། དེ་ཉིད་དུ་ནི་འདུས་པར་འགྱུར།། དེ་ཡི་ཚེར་འཛེམ་བུ་ཡི།། གླིང་ཆེན་དག་ནི་འདི་དག་ཏུ། ། ཡུལ་གྱི་རྒྱལ་པོ་དེ་ཡི་མིང་།། སྦལ་མོས་ཤེས་བྱ་བ་བྱུང་།། རྒྱལ་པོ་ཆེན་པོ་དེ་ལ་ནི།། བུ་བོ་དག་ནི་ལྔ་བརྒྱ་ཡོད།། བྱང་བཞིན་དག་ནི་སྡུག་མཛེས་པས།། མཐོང་བ་དག་ནི་དགའ་བར་འགྱུར། ། དེ་ཡི་ཚེ་ན་རྒྱལ་པོའི་ཡབ།། གཟི་བྱིན་རང་དབང་རབ་ལྡན་ཞིང་།། དཀོན་མཆོག་དག་ནི་གསུམ་པོ་ལ།། ཤིན་ཏུ་དང་བ་སྐྱེས་པར་གྱུར། ། རྒྱལ་པོ་དེ་ལ་སྐྱེད་མོས་ཚལ།། མཆོག་ཏུ་གྱུར་པ་ཇི་སྙེད་པ།། དེ་དག་ཐམས་ཅད་གུས་པས་ནི།། བཅོམ་ལྡན་དེ་ལ་རབ་ཏུ་ཕུལ།། སྐྱེད་མོས་ཚལ་ནི་དེ་དག་ཏུ།། འཆག་ས་དག་ནི་ཇི་སྙེད་པ།། དེ་དག་ཐམས་ཅད་ཀུན་ཏུ་ནི།། ལྗོན་ཤིང་ཙམ་པ་ཀ་དག་དང་།། ལྗོན་ཤིང་ནྱ་གྲོ་དྷ་དག་དང་།། ལྗོན་ཤིང་ཀེང་ཤུ་ཀ་དང་ནི།། ལྗོན་ཤིང་ཨུ་དུམ་ཝ་ར་དང་།། ལྗོན་ཤིང་པ་ལ་ས་ཏྲ་དང་།། ལྗོན་ཤིང་ཤི་རི་ཤ་དག་དང་།། ལྗོན་ཤིང་མྱ་ངན་འཚང་ལ་སོགས།། དེ་དག་གྲངས་ནི་སོ་སོར་ཡང་།། བྱེ་བ་ཕྲག་ནི་བརྒྱད་ཅུ་ཡོད།། ལྗོན་ཤིང་མང་པོ་དེ་དག་ཀྱང་། ། དབྱར་དང་དགུན་ནི་འདྲ་བར་ཡང་།། མེ་ཏོག་འབྲས་བུ་ཡལ་ག་དག། ཁ་དོག་དག་ནི་གསལ་ཞིང་རྒྱས།། དྲི་མཆོག་དམ་པ་རབ་འབྱུང་ཞིང་།། དེ་བཞིན་གཤེགས་པའི་སྐུ་ལ་འཐུལ། ། དེ་སློང་དག་ནི་ཇི་སྙེད་པ།། ལུས་ཀྱི་ཁ་དོག་གསེར་དང་འདྲ།། དེ་དག་ཐམས་ཅད་ཀུན་ཀྱང་ནི།། ལྗོན་ཤིང་དག་ནི་དེ་དྲུང་དུ།། འདུག་ནས་རབ་ཏུ་བརྩོན་པས་ན།། གཟུངས་ནི་རབ་ཏུ་ཐོབ་པར་འགྱུར།། དེ་ཚེ་དེ་བཞིན་གཤེགས་པ་དེ།། རྒྱལ་པོ་ཡབ་དང་སྲས་རྣམས་དང་།། གཞན་ཡང་འཁོར་ནི་མང་པོ་ལ།། ཤིན་ཏུ་ཐུགས་ནི་བརྩེ་བའི་ཕྱིར།། རྣམ་པར་ངེས་པའི་འོད་ཟེར་མདོ། ། དེ་དག་ལ་ནི་རབ་ཏུ་བསྟན།། རྒྱལ་པོ་དེས་ནི་ཐོས་གྱུར་ནས།། སེམས་ནི་རབ་ཏུ་དགའ་བར་འགྱུར།། ཚིགས་སུ་བཅད་པ་ཚད་མེད་པས།། དེ་བཞིན་གཤེགས་བའི་བསྔགས་པ་བརྗོད། ། གཞན་ཡང་རྒྱལ་པོ་ཆེན་པོ་དེས།། རིན་པོ་ཆེ་ཡི་གདུགས་དམ་པ།། བྱེ་བ་ཕྲག་ནི་བརྒྱད་ཅུ་སྙེད།། བཅོམ་ལྡན་དེ་ལ་རབ་ཏུ་ཕུལ།། རིན་ཆེན་གདུགས་ནི་རེ་རེ་ལ། ། ཡིད་བཞིན་ནོར་བུའི་དྲ་བ་དག། མཐའ་མ་འཁོར་བར་རབ་ཏུ་བརྒྱན།། ཡིད་བཞིན་ནོར་བུ་རིན་པོ་ཆེ།། དེ་དག་རེ་རེའི་རིན་ཏང་ཡང་།། འཛམ་བུའི་གསེར་ནི་བཙོ་མ་དག། སྲང་ནི་བྱེ་བ་བརྒྱད་ཅུ་རི། ། རིན་ཆེན་གདུགས་ནི་རེ་རེ་ཡང་།། ཡིད་བཞིན་ནོར་བུ་རིན་པོ་ཆེ།། བྱེ་བ་ཕྲག་ནི་བརྒྱད་ཅུ་སྙེད།། འཕྲེང་བ་དག་ཏུ་བྱས་པར་གྱུར།། ཡིད་བཞིན་རིན་ཆེན་དེ་དག་ཀྱང་།། ཁ་དོག་དག་ནི་རབ་གསལ་བས། ། ཉིན་མཚན་དག་ནི་མེད་པར་ཡང་།། རྟག་ཏུ་འོད་ཟེར་རབ་ཏུ་གཏོང་།། འོད་ཟེར་དེ་དག་རེ་རེས་ཀྱང་།། དཔག་ཚད་བརྒྱ་ནི་སྣང་བར་བྱེད།། འོད་ཟེར་དེ་དག་རབ་གསལ་བས། ། ཉི་ཟླ་དག་ནི་ཟིལ་གྱིས་གནོད།། གཞན་ཡང་རིན་ཆེན་གདུགས་དེ་དག། སེང་གེ་རིན་ཆེན་ཆུན་འཕྱང་ནི།། བྱེ་བ་ཕྲག་ནི་བརྒྱད་ཅུ་དང་།། གསེར་སྐུད་རིན་ཆེན་འཕྲེང་བ་ཡང་།། བྱེ་བ་ཕྲག་ནི་བརྒྱད་ཅུ་དག། ངོས་བཞི་དག་ནི་རབ་ཏུ་བརྒྱན།། གཞན་ཡང་རིན་ཆེན་དམ་པ་ནི།། འདི་ལྟར་རྣམ་པ་སྣ་ཚོགས་ཀྱིས།། མུ་ཏིག་རིན་ཆེན་དྲ་བ་དག། སྤེལ་མ་དག་ཏུ་རྣམ་པར་བརྒྱན།། འདི་ལྟ་བུ་ཡི་གདུགས་དག་གིས།། སྐྱེད་མོས་ཚལ་ནི་ཀུན་ཏུ་གཡོགས།། དེ་ཡི་སྟེང་དུ་གཞན་ཡང་ནི།། པདྨ་སུ་མ་ནཱ་དང་ནི།། པདྨ་ཨ་ཏི་མུག་ཏ་ཀ། བཏང་ཟུང་ཞེས་ནི་བྱ་བ་དང་། ། པདྨ་ཨུ་དུམ་ཝ་ར་དང་།། པདྨ་སྔོན་པོ་ལ་སོགས་དང་།། དེ་བཞིན་རྣམ་པ་སྣ་ཚོགས་ཀྱི།། པདྨའི་གདུགས་ནི་ཚད་མེད་པ།། རེ་རེ་ཐམས་ཅད་ཀུན་ཀྱང་ནི།། རིན་ཆེན་དྲ་བ་འཚམ་པར་བྱས།། གཞན་ཡང་གསེར་གྱི་སྐུད་པ་ལས།། བྱས་པའི་གོས་དག་གིས་ཀྱང་ནི།། བླ་རེ་དག་ཏུ་རབ་བྱས་ནས།། དེ་ཡི་སྟེང་དུ་ཁྱབ་པར་གཡོགས།། གཞན་ཡང་ཙན་དན་རིན་ཆེན་ཁྲོ། ། གསེར་དག་ལས་ནི་རྐང་བྱས་པ།། དེ་ཡི་གྲངས་ཀྱང་བྱེ་བ་ཕྲག། བརྒྱད་ཅུ་སྙེད་ནི་རབ་ཏུ་བཤམས།། རིན་ཆེན་ཁྲི་ནི་དེ་དག་ལ།། ཟབ་དར་དག་ལས་བྱས་པ་ཡི། སྟན་ནི་བྱེ་བ་ཕྲག་བརྒྱད་ཅུ།། དེ་ཡི་སྟེང་དུ་རབ་བརྒྱན་ནོ།། དེ་ཡི་ཚེ་ན་སེམས་ཅན་གྱི།། རྣམ་པ་དག་ནི་ཇི་སྙེད་པ།། སྲིད་པའི་རྩེ་མོ་མན་ཆད་ཀྱང་།། ཐམས་ཅད་དེར་ནི་འདུས་གྱུར་ནས། ། དེ་བཞིན་གཤེགས་པ་དེ་ལས་ནི།། མདོ་སྡེ་འདི་ནི་རབ་ཏུ་མཉན།། ལྷ་དང་ཀླུ་དང་གནོད་སྦྱིན་དང་།། དྲི་བ་ཡི་ནི་རྒྱལ་པོ་དང་།། ལྟོ་འཕྱེ་ཆེན་པོ་ལྷ་མ་ཡིན།། དེ་དག་མདོ་སྡེ་འདི་ཐོས་ནས། ། རབ་ཏུ་དགའ་བའི་སེམས་སྐྱེས་པས།། ཚིགས་སུ་བཅད་པ་བརྒྱ་སྟོང་གིས།། དེ་བཞིན་གཤེགས་པའི་བསྔགས་བརྗོད་ནས།། དེ་དག་ཐམས་ཅད་ཀུན་གྱིས་ཀྱང་།། བྱང་ཆུབ་ཆེན་པོར་སྨོན་ལམ་བཏབ།། ལྷ་དང་ཀླུ་དང་ལྷ་མ་ཡིན།། དེ་ལ་སོགས་པ་ཐམས་ཅད་ཀྱང་།། ཡོངས་སུ་དང་བའི་སེམས་ཀྱིས་ནི།། མེ་ཏོག་མནྡ་ར་བ་དང་།། མུ་ཏིག་རིན་ཆེན་ལ་སོགས་པའི། ། ཆར་ཕབ་མཆོད་པ་རབ་ཏུ་བྱས།། དེ་ཡི་ཚེ་ན་གཞན་ཡང་ནི།། ལྷ་ཆེན་མཐུ་དང་གཟི་ལྡན་པ།། བྱེ་བ་ཕྲག་ནི་བརྒྱད་ཅུ་སྙེད།། མདོ་སྡེ་འདི་ནི་ཐོས་པས་ན།། རབ་ཏུ་དགའ་བའི་སེམས་བསྐྱེད་ནས། ། བྱང་ཆུབ་ཆེན་པོར་སྨོན་ལམ་བཏབ།། མ་འོངས་པ་ཡི་དུས་ཀྱི་ཚེ།། འོད་ཟེར་འདི་འདྲ་ཐོབ་པར་ཤོག། དེ་བཞིན་གཤེགས་པས་དེ་ཡི་ཚེ།། དེ་ཡི་བསམ་པ་ཐུགས་ཆུད་པས། ། མ་འོངས་སངས་རྒྱས་འགྲུབ་འགྱུར་ཞེས།། བྱང་ཆུབ་ཏུ་ནི་ལུང་ཡང་བསྟན།། དེ་ཡི་ཚེ་ན་གཞན་ཡང་ནི།། བརྒྱ་བྱིན་ལྷ་ཡི་དབང་པོ་དང་།། ཚངས་པ་འཁོར་དང་བཅས་པ་ཡང་། ། བྱེ་བ་ཕྲག་ནི་བརྒྱད་ཅུ་སྙེད།། འོད་ཟེར་རབ་ཏུ་སྟོན་པ་ཡི།། མདོ་སྡེ་འདི་ནི་ཐོས་པས་ན།། རབ་ཏུ་དགའ་བའི་སེམས་བསྐྱེད་ནས།། བྱང་ཆུབ་ཏུ་ནི་སེམས་ཀྱང་བསྐྱེད། ། མ་འོངས་སངས་རྒྱས་འགྲུབ་འགྱུར་ཞེས།། བྱང་ཆུབ་ཏུ་ནི་ལུང་ཡང་བསྟན།། དེ་ཡི་ཚེ་ན་གཞན་ཡང་ནི།། ཀླུ་ནི་བྱེ་བ་ཁྲག་ཁྲིག་ཕྲག། བརྒྱད་ཅུ་སྙེད་ནི་འདུས་པ་དག། མདོ་སྡེ་འདི་ནི་ཐོས་པས་ན། ། བྱང་ཆུབ་ཏུ་ནི་སེམས་བསྐྱེད་པས།། ལུང་བསྟན་པ་ཡང་ཐོབ་པར་གྱུར།། དེ་ཡི་ཚེན་གཞན་ཡང་ནི།། གསེར་འདབ་རྒྱལ་པོ་བྱེ་བ་ཕྲག། བརྒྱད་ཅུ་སྟེང་ནི་འདུས་པ་དག་མདོ་སྡེ་འདི་ནི་ཐོས་པས་ན། ། སྡོམ་པ་ལྔ་ནི་རབ་བསྲུངས་ཏེ།། ལུང་བསྟན་པ་ཡང་ཐོབ་པར་འགྱུར།། དེ་ཡི་ཚེན་གཞན་ཡང་ནི།། དྲི་ཟའི་རྒྱལ་པོ་བྱེ་བ་ཕྲག། བརྒྱད་ཅུ་སྙེད་ནི་འདུས་པ་དག། མདོ་སྡེ་འདི་ནི་ཐོས་པས་ན།། རོལ་མོ་བརྒྱ་སྟོང་རྣམས་བྱས་ཏེ།། སྒྲ་སྙན་ངག་ནི་རབ་ཕྱུང་ནས།། བཅོམ་ལྡན་དེ་ལ་མཆོད་བྱས་པས།། ལུང་བསྟན་པ་ཡང་ཐོབ་པར་གྱུར། ། དེ་ཡི་ཚེ་ན་གཞན་ཡང་ནི།། གནོད་སྦྱིན་རྒྱལ་པོ་ཁྲག་ཁྲིག་སྙེད།། མདོ་སྡེ་འདི་ནི་ཐོས་པས་ན།། སངས་རྒྱས་ཡེ་ཤེས་དག་ལ་ནི།། ཤིན་ཏུ་དད་པ་སྐྱེས་པར་གྱུར།། དེ་དག་ཐམས་ཅད་ཀུན་གྱིས་ཀྱང་། ། བྱང་ཆུབ་ལུང་བསྟན་ཐོབ་པར་གྱུར།། ཟླ་འོད་འདི་ལྟར་ཤེས་པར་གྱིས།། དེ་ཚེ་རྒྱལ་པོ་སྒྲ་མོས་པས།། མཆོད་པ་རྣམ་པ་སྣ་ཚོགས་ཀྱིས།། བཅོམ་ལྡན་དེ་ལ་མཆོད་བྱས་པ། ། གཞན་ཡིན་སྙམ་དུ་མི་བལྟ་སྟེ།། དེ་ནི་ཁྱོད་བདག་ཉིད་ཡིན་ནོ།། ཁྱོད་ནི་སྔོན་འདས་དུས་ཀྱི་ཚེ།། མདོ་སྡེ་འདི་ནི་ཐོས་པའི་རྒྱུས།། དེ་ལྟ་བས་ན་དེང་འདིར་ཡང་།། འདི་ཉིད་སླར་ཡང་ཞུས་པ་ཡིན།། ང་ནི་མྱ་ངན་འདས་པའི་འོག། གང་ཡང་རུང་བ་སུ་ཞིག་གིས།། དམ་པའི་ཆོས་ཀྱི་འཁོར་ལོ་དག། རྣམ་པར་འཇིག་པའི་དུས་ཀྱི་ཚེ།། ཆོས་ཀྱི་བསྟན་པ་འདི་དག་ལ། ། དང་བའི་སེམས་ནི་གང་སྐྱེས་པ།། འདི་ལྟ་བུ་ཡི་མདོ་སྡེ་དག། རྒྱ་ཆེར་ཡང་དག་སྟོན་པར་ནུས།། མ་འོངས་མདོ་སྡེ་འདི་ནི་གང་སྟོན་པ།། དེས་ནི་ང་ཡི་ཆོས་འཛིན་སྲུང་བར་བྱེད།། དེ་ནི་འགྲོར་མང་དེད་པའི་དེད་དཔོན་འདྲ།། རིན་ཆེན་གཏེར་འཛིན་སྲུང་བ་ཞེས་ཀྱང་བྱ།། མ་འོངས་དུས་ཚེ་མདོ་འདི་གང་ཐོས་ནས།། སྐད་ཅིག་ཙམ་དུ་མོས་པ་སྐྱེད་བྱེད་པ།། དེ་ནི་སངས་རྒྱས་བྱིན་གྱིས་བརླབས་པ་ཡིན། ། འཇམ་དཔལ་བྱིན་གྱིས་བརླབས་པར་རིག་པར་བྱ།། དེས་ནི་སངས་རྒྱས་མང་པོ་མཐོང་འགྱུར་བས།། གསང་བའི་ཆོས་གཏད་ཤེས་རབ་རྣོ་བར་འགྱུར།། གང་དག་སེམས་དྲང་མཉེན་ལ་རབ་དེས་ཤིང་། ། རྟག་ཏུ་སངས་རྒྱས་རིམ་གྲོ་བྱེད་ལ་བརྩོན།། བདག་མེད་སྒོམ་ཞིང་བྱམས་དང་བཟོད་སྐྱེད་པ།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་རྟག་ཏུ་མི་དགེ་སེམས་འཆང་ཞིང་། ། རྙེད་ལ་གདུ་ཞིང་ཆོག་མི་ཤེས་པ་དང་།། རབ་དབེན་རྣམས་ལ་མོས་པར་མི་འགྱུར་བ།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་དེ་བཞིན་གཤེགས་པ་རྣམས་མཆོད་དང་། ། དམ་ཆོས་ཟབ་མོ་ལེགས་པར་རྟོགས་པ་དང་།། སངས་རྒྱས་ཡང་དག་ཡེ་ཤེས་ཡིད་ཆེས་པ།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག། སེམས་གཡེང་དང་བའི་སེམས་མེད་ཅིང་།། རྟག་ཏུ་སྲོག་གཅོད་གདུལ་བར་རབ་དཀའ་དང་།། འདོད་པའི་ཡུལ་རྣམས་ཀྱི་ནི་བྲན་བྱེད་པ།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག། རྟག་ཏུ་དགོན་གནས་རབ་མོས་ཤིང་།། གཅིག་པུ་དབེན་པར་འདུག་ཅིང་སེམས་ཞི་དང་།། རྙེད་དང་གཉེན་ལ་མངོན་པར་ཞེན་མེད་པ།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་གྲོགས་ངན་དག་གི་རྗེས་འབྲང་ཞིང་། ། བདག་དང་གཞན་གྱི་དགེ་བ་འཇིག་བྱེད་དང་།། ཚུལ་ཁྲིམས་ཏིང་འཛིན་དག་ནི་ཆེར་ཉམས་པ།། དེས་ནི་མདོ་སྡེ་འདི་ལ་མོས་མི་འགྱུར། ། གང་ཞིག་ཡིད་མོས་ཤིན་ཏུ་རྣམ་དག་ཅིང་།། རྟག་ཏུ་ཤེས་རབ་ཆོས་རྣམས་རབ་འབྱེད་དང་།། དགེ་བའི་བཤེས་དག་གིས་ནི་རབ་བསྲུངས་པ།། དེས་ནི་མདོ་སྡེ་འདི་ལ་མོས་པར་འགྱུར། ། གང་ཞིག་གཉེན་གྱི་ཁྱིམ་ལ་རབ་ཆག་ཤིང་།། མེ་ཏོག་འབྲས་བུ་བྱིན་ནས་དགའ་བྱེད་དང་།། སེམས་ལ་དྲང་པོ་མེད་ཅིང་སྒྱུ་འཆང་བ།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་རྟག་ཏུ་སངས་རྒྱས་དྲིན་དྲན་ཞིང་།། དགེ་བའི་རྩ་བ་མཆོག་ལ་མོས་པ་དང་།། བྱང་ཆུབ་བསྔོ་ཞིང་གཡོ་སྒྱུ་མེད་གྱུར་པ།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་ཆུང་མོ་བུ་མོ་སྲེད་ཆགས་ཤིང་། ། གོས་མཆོག་སྣ་ཚོགས་དག་གིས་རབ་བརྒྱན་ནས།། རྟག་ཏུ་དེ་དང་ལྷན་ཅིག་རྩེ་སྨོན་པ།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་སེམས་ཟ་བ་གནས་པབ་མེད་གྱུར་ཅིང་། ། འདོད་པའི་ཡུལ་གྱིས་གོས་པ་མེད་པ་དང་།། ཟས་སྐོམ་དག་གིས་གཡོ་སྒྱུ་མི་སྐྱེད་པ།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་སྐྱེ་དགུ་རྣམས་ལ་འདི་སྐད་དུ། ། འདོད་ཆགས་སྤྱད་ཀྱང་ཉེས་མེད་གང་ཟེར་བ།། དུས་གསུམ་སངས་རྒྱས་རྣམས་ལ་སྐུར་པ་ཡིན།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་ཡིད་ཆེས་རྟག་ཏུ་རབ་བརྟན་ཞིང་། ། ནན་ཏན་བསྐྱེད་ནས་ཆོས་རྣམས་ཚོལ་བ་ལ།། སྐྱོ་བ་མེད་ཅིང་བརྙས་པར་མི་བྱེད་པ།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་ཆུང་མ་བུ་མོ་མངོན་ཞེན་ཅིང་།། རྟག་ཏུ་འདོད་པའི་ཡུལ་ནི་རྗེས་དྲན་དང་། ། ཤེས་རབ་མི་སྒོམ་རྒྱ་ཆེར་ཕན་མི་འདོགས།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་རི་དང་ནགས་ཁྲོད་རབ་གནས་ཤིང་།། ཤེས་རབ་བསྒོམས་ནས་ཤིན་ཏུ་དག་འགྱུར་དང་། ། འཚོ་བའི་ཡོད་བྱེད་དག་ལ་འདོད་མེད་པ།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་གི་སྔོན་དང་ཕྱི་མའི་མཐའ།། རྟག་ཏུ་རྨོངས་ནས་མི་རྟོགས་གང་ཡིན་པ། ། དེ་ནི་གཏི་མུག་བདུད་ཀྱིས་བཅིངས་པས་ན།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་གི་སྔོན་དང་ཕྱི་མའི་མཐའ།། རྟག་ཏུ་རྟོགས་ཤིང་རྨོངས་པ་མེད་གྱུར་པ། ། དེ་ནི་བདུད་ཀྱིས་བཅིངས་ལས་གྲོལ་བས་ན།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་མཐའ་ཡོད་དང་མེད་པ་ལ།། རྟག་ཏུ་རྨོངས་ནས་ཁོང་དུ་མ་ཆུད་པ། ། དེ་ནི་གཏི་མུག་བདུད་ཀྱིས་བཅིངས་པས་ན།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་མཐའ་ཡོད་དང་མེད་པ་དག། རྟག་ཏུ་རྟོགས་ཤིང་རྨོངས་པ་མེད་གྱུར་པ། ། དེ་ནི་བདུད་ཀྱིས་བཅིངས་ལས་གྲོལ་བས་ན།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་གནས་འཇིག་པའི་མཚན་ཉིད་ལ།། རྟག་ཏུ་རྨོངས་ཤིང་ཁོང་དུ་མི་ཆུད་པ།། དེ་ནི་གཏི་མུག་བདུད་ཀྱིས་བཅིངས་པས་ན།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་གནས་འཇིག་པའི་མཚན་ཉིད་དག། རྟག་ཏུ་ཁོང་དུ་རུད་ཅིང་རྨོངས་མེད་པ། ། དེ་ནི་བདུད་ཀྱིས་བཅིངས་ལས་གྲོལ་བས་ན།། དེས་ནི་མདོ་སྡེ་འདི་ལ་མོས་པར་འགྱུར།། རྣ་བ་སྣ་དང་ལྕེ་ལུས་ཡིད་དག་དང་།། གཟུགས་སྒྲ་དྲི་རོ་རེག་བྱ་ཆོས་རྣམས་དང་། ནས་ཆུ་མེ་རླུང་ངོ་བོ་ཉིད་དག་དང་།། དངོས་པོ་སེམས་ཅན་སྡུག་བསྔལ་ཕུང་པོ་དང་།། ཁམས་དང་འཇིག་རྟེན་སྐྱེ་སྒྲ་མིང་བདེན་དང་།། འདོད་ཆགས་ཞེ་སྡང་གཏི་མུག་ང་རྒྱལ་སྲེད།། འཆབ་རྒྱགས་སེར་སྣ་ཕྲག་དོག་གཡོ་སྒྱུ་དང་།། ཁྲོ་སོགས་པར་ཡང་དེ་བཞིན་རིག་པར་གྱིས།། གང་ཞིག་མིག་ཟད་མཐའ་ནི་དེ་དག་ལ།། རྟག་ཏུ་རྨོངས་ཤིང་ཁོང་དུ་མི་ཆུད་པ།། དེ་ནི་སྐྱེ་བོའི་སྤྱོད་པར་ལྷུང་བས་ན། ། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་ཟད་མཐའ་ནི་དེ་དག་ལ།། རྟག་པར་ཁོང་དུ་ཆུད་ཅིང་རྨོངས་མེད་པ།། དེ་ནི་སྐྱེ་བོའི་སྤྱོད་དང་བྲལ་བས་ན། ། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་གི་འཇིག་པ་དེ་དག་ལ།། རྟག་ཏུ་རྨོངས་ཤིང་ཁོང་དུ་མ་ཆུད་པ།། དེ་ནི་སྐྱེ་བའི་སྤྱོད་པར་ལྷུང་བས་ན།། དེས་ནི་མདོ་སྡེ་འདི་ལ་མོས་མི་འགྱུར། ། གང་ཞིག་མིག་གི་འཇིག་པ་དེ་དག་ལ།། རྟག་པར་ཁོང་དུ་ཆུད་ཅིང་རྨོངས་མེད་པ།། དེ་ནི་སྐྱེ་བོའི་སྤྱོད་དང་བྲལ་བས་ན།། དེས་ནི་མདོ་སྡེ་འདི་ལ་མོས་པར་འགྱུར།། མིག་ནི་སྐྱེ་བའི་མཐའ་དག་ལ།། རྟེན་ཅིང་གནས་པ་མེད་པ་དང་།། མིག་ནི་རབ་ཏུ་དབེན་པ་ལ།། གཡོ་བའི་བསམ་པ་མེད་གྱུར་པ།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན། ། མིག་ནི་སྐྱེ་བའི་མཐའ་དག་ལ།། རྣམ་པར་རྟོག་པ་མེད་པ་དང་།། མིག་གི་མཐའ་ནི་གང་ཡིན་པ།། དེ་ལ་ཡིད་ཀྱི་རྟོག་མེད་དང་།། མིག་ནི་རྣམ་པར་འཇིག་པ་ལ།། བརྟན་པར་བྱ་བ་མེད་གྱུར་པ། ། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། མིག་ནི་མེད་པར་གྱུར་པ་ལ།། མངོན་པར་ཞེན་པ་མེད་པ་དང་།། མིག་ནི་སྐྱེ་བ་མེད་པ་ལ།། ། ཡོངས་སུ་སྡུད་པ་མེད་པ་དང་།། མིག་ནི་རབ་ཏུ་ཞི་བ་ལ།། འཛིན་པ་དག་ནི་མེད་གྱུར་པ།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་གྱུར་པ་ཡིན།། མིག་ནི་ཟད་པར་ཤེས་བའི་ཕྱིར། ། མཚན་རྣམས་མངོན་པར་བསྒྲུབ་པ་དང་།། མིག་གི་མཐའ་ནི་ཤེས་པའི་ཕྱིར།། དབང་པོ་དག་ནི་ངེས་གྱུར་དང་།། མིག་ནི་སྐྱེ་བ་ཤེས་པའི་ཕྱིར།། དབང་པོ་རང་དབང་ཐོབ་གྱུར་པ། ། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་གྱུར་པ་ཡིན།། མིག་ནི་མེད་པར་རྟོགས་གྱུར་ནས།། གཟུགས་ནི་ཁོང་དུ་ཆུད་པ་དང་།། མིག་ནི་འཇིག་པར་རབ་ཤེས་ནས། ། ཆོས་ལ་སོ་སོར་རྟོག་པ་དང་།། མིག་ནི་སྐྱེ་མེད་ཤེས་གྱུར་ནས།། ལམ་ནི་སྒྲུབ་པར་གང་བྱེད་པ།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་ཟང་ངོ་བོ་མ་རྟོགས་པ།། དེས་ནི་མི་གནས་ཚུལ་ཁྲིམས་བསྒྲུབ་མི་ནུས།། མི་གནས་ཚུལ་ཁྲིམས་མངོན་པར་མི་སྒྲུབ་པ། ། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་ཟད་ངོ་བོ་རབ་རྟོགས་པས།། དེས་ནི་མི་གནས་ཚུལ་ཁྲིམས་བསྒྲུབ་པར་ནུས།། མི་གནས་ཚུལ་ཁྲིམས་མངོན་པར་བསྒྲུབ་པས་ན། ། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་ཟད་ངོ་བོ་མ་རྟོགས་པ།། དེས་ནི་ཟག་མེད་ཚུལ་ཁྲིམས་བསྒྲུབ་མི་ནུས།། ཟག་མེད་ཚུལ་ཁྲིམས་མངོན་པར་མི་སྒྲུབ་པས། ། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་ཟད་ངོ་བོ་རབ་རྟོགས་པ།། དེས་ནི་ཟག་མེད་ཚུལ་ཁྲིམས་བསྒྲུབ་པར་ནུས།། ཟག་མེད་ཚུལ་ཁྲིམས་མངོན་པར་བསྒྲུབ་པས་ན། ། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་ཟད་ངོ་བོ་མ་རྟོགས་པ།། དེས་ནི་ཟག་མེད་ཤེས་རབ་བསྒྲུབ་མི་ནུས།། ཟག་མེད་ཤེས་རབ་མངོན་པར་མི་སྒྲིབ་པས། ། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་ཟད་ངོ་བོ་རབ་རྟོགས་པ།། དེས་ནི་ཟག་མེད་ཤེས་རབ་བསྒྲུབ་པར་ནུས།། ཟག་མེད་ཤེས་རབ་མངོན་པར་བསྒྲུབ་པས་ན། ། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་ཟད་ངོ་བོ་མ་རྟོགས་པ།། མིག་སྟོང་ཉིད་ལ་རྟག་ཏུ་རྨོངས་པར་འགྱུར།། དེས་ནི་ཀུན་འཛིན་ཡེ་ཤེས་མི་སྐྱེད་པས། ། མདོ་སྡེ་འདི་ལ་རབ་ཏུ་མོས་མི་འགྱུར།། གང་ཞིག་མིག་ཟད་ངོ་བོ་རབ་རྟོགས་པ།། མིག་སྟོང་ཉིད་ནི་རྟག་པར་རྟོགས་པར་འགྱུར།། དེས་ནི་ཀུན་འཛིན་ཡེ་ཤེས་རབ་སྐྱེད་པས།། མདོ་སྡེ་འདི་ལ་རབ་ཏུ་མོས་པར་འགྱུར། ། གང་ཞིག་མིག་ཟད་ངོ་བོ་རབ་རྟོགས་པ།། དེས་ནི་ཀུན་འཛིན་ཡེ་ཤེས་རབ་བསྒྲུབ་ན།། བླ་མེད་མ་ཆགས་ཡེ་ཤེས་རབ་བསྒྲུབ་པས།། མདོ་སྡེ་འདི་ལ་རབ་ཏུ་མོས་པར་འགྱུར། ། གང་ཞིག་མདོ་སྡེ་འདི་ལ་མ་མོས་པ།། མིག་ཟད་ངོ་བོ་ཉིད་ལ་རྟག་ཏུ་རྨོངས།། དེ་ནི་ཏིང་འཛིན་རྣམས་ལས་ཉམས་པས་ན།། བླ་མེད་ཡེ་ཤེས་ཐོབ་པར་ཤིན་ཏུ་དཀའ། ། གང་ཞིག་མདོ་སྡེ་འདི་ལ་རབ་མོས་ཤིང་།། མིག་ཟད་ངོ་བོ་ཉིད་ནི་མངོན་རྟོགས་པ།། དེས་ནི་ཏིང་འཛིན་མངོན་པར་བསྒྲུབ་པས་ན།། བླ་མེད་ཡེ་ཤེས་མངོན་བྱེད་དཀའ་བ་མེད། ། གང་ཞིག་མིག་ཟད་ངོ་བོ་ཉིད་རྟོགས་ཤིང་།། བདག་མེད་མཚན་ཉིད་རབ་ཏུ་ཤེས་པས་ནི།། དེས་ནི་རྟག་ཏུ་ཆོས་འདི་ཐོས་པས་ན།། མངོན་པར་ཡིད་ཆེས་ཐེ་ཙོམ་མེད་པ་འཐོབ།། གང་ཞིག་མིག་ཟད་ངོ་བོ་ཉིད་སེམས་ཤིང་།། ཉིན་མཚན་རབ་བརྩོན་ལེ་ལོ་མེད་པར་ནི།། དེས་ནི་ཀུན་འཛིན་སྤོབས་པས་མངོན་བསྒྲུབས་ནས།། མདོ་སྡེ་འདི་ནི་རྟག་ཏུ་སྟོན་པར་འགྱུར།། གང་ཞིག་མདོ་སྡེ་འདི་ནི་སེམས་བྱེད་པ།། འོད་ཟེར་འབྱིན་པའི་ཡེ་ཤེས་རྫོགས་པར་འགྱུར།། དེས་ནི་དེ་བཞིན་གཤེགས་པ་རབ་སྟོན་ཅིང་།། མི་སྟོང་ཉིད་ནི་རབ་ཏུ་རྟོགས་པར་འགྱུར།། གང་གིས་མཆོད་རྟེན་བརྒྱ་སྟོང་རབ་བྱས་ཤིང་།། སངས་རྒྱས་ཐམས་ཅད་ལ་ནི་མཆོད་པ་བས།། གང་ཞིག་མདོ་སྡེ་འདི་ནི་སེམས་བྱེད་ན།། འདི་ཡི་ཡོན་ཏན་དེ་བས་ཁྱད་པར་འཕགས། ། གང་གིས་རོལ་མོ་བརྒྱ་སྟོང་རབ་བྱས་ནས།། དེ་བཞིན་གཤེགས་པའི་རིང་བསྲེལ་མཆོད་པ་བས།། གང་ཞིག་མདོ་སྡེ་འདི་ནི་ཐོས་གྱུར་ན།། འདི་ཡི་ཡོན་ཏན་དེ་བས་ཁྱད་པར་འཕགས། ། སངས་རྒྱས་སྤུན་གྱིས་གཟིགས་པའི་སེམས་ཅན་རྣམས།། བསྐལ་པ་དག་ནི་བྱེ་བ་ཚད་མེད་པར།། དེ་བཞིན་གཤེགས་དང་མཚུངས་པར་མཆོད་པ་བས།། མདོ་སྡེ་འདི་བཟུང་བསོད་ནམས་ཁྱད་པར་འཕགས།། གང་གིས་མདོ་སྡེ་འདི་ལས་ཚིག་བཞི་པའི།། ཚིགས་བཅད་གཅིག་ཙམ་འཛིན་ཅིང་སྟོན་བྱེད་ན།། དེ་ལ་རྒྱལ་བ་ཐུགས་རྗེ་ཆེན་བོ་ཡིན། ། གཙོ་ལྟར་གུས་པ་རབ་ཏུ་བསྐྱེད་པར་བྱ།། ང་ནི་འདས་པའི་བསྐལ་པ་བརྒྱ་སྟོང་དུ།། སྲིད་པ་གསུམ་དུ་འཁོར་བར་གྱུར་པའི་ཚེ།། སངས་རྒྱས་དག་ནི་ཚད་མེད་པ་རྣམས་ལ།། མདོ་སྡེ་འདི་ཡི་ཕྱིར་ནི་རིམ་གྲོ་བྱས།། རེས་འགའ་མར་མེ་བརྒྱ་སྟོང་ཚད་མེད་པ།། སྙིང་པོ་རེ་རེའི་ཚད་ཀྱང་དཔག་ཚད་ཙམ།། སྤར་ནས་མདོ་སྡེ་འདི་ལ་རབ་དབང་དག། འཐོབ་པར་བྱ་ཕྱིར་འདྲེན་པ་རྣམས་ལ་མཆོད། ། རེས་འགའ་མེ་ཏོག་ཙམ་པ་ཀ་དང་ནི།། སུ་མ་ན་དང་མྱ་ངན་མེད་པ་ཡི།། འཕྲེང་བ་རྒྱལ་མཚན་གདུགས་ནི་སྣ་ཚོགས་ཀྱིས།། དེ་བཞིན་གཤེགས་པའི་མཆོད་རྟེན་མཆོད་པ་བྱས། ། ང་སྔོན་འཁོར་བར་འཁོར་བར་གྱུར་པའི་ཚེ།། སློང་དུ་འོངས་པ་དག་ལ་སྦྱིན་བཏང་སྟེ།། རེས་འགའ་མེ་ཏོག་འབྲས་བུ་དག་ཀྱང་བཏང་།། རེས་འགའ་ཟམ་པ་ཁྲོན་པ་ཆུ་མིག་བཏང་། ། རེས་འགའ་གླང་པོ་ཆེ་དང་བཞོན་པ་དང་།། རེས་འགའ་རིན་ཆེན་རྟ་ངང་ཆུང་མ་བཏང་།། རེས་འགའ་གསེར་གྱི་ཁྲི་དང་རིན་ཆེན་གུར།། རེས་འགའ་སེ་མོ་དོ་དང་འཕྲེང་བ་བཏང་། ། དེ་བཞིན་བསྐལ་པ་བརྒྱ་སྟོང་རྫོགས་པར་ནི།། མདོ་སྡེ་འདི་ཕྱིར་སེམས་ལ་སེར་སྣ་མེད།། ། བམ་པོ་གཉིས་པ།། ང་སྔོན་མདོ་སྡེ་འདི་ཡི་ཕྱིར། ། ཚུལ་ཁྲིམས་ཡོངས་སུ་དག་པ་བསྲུངས།། ཏིང་འཛིན་ཤེས་རབ་རྟག་ཏུ་བསྒོམ།། སེམས་ཅན་རྣམས་ལ་སྦྱིན་པ་བཏང་།། ང་སྔོན་མདོ་སྡེ་འདི་ཡི་ཕྱིར།། གཏུམ་པོ་དག་གིས་རྒྱད་བཀག་ཀྱང་། ། དེ་ཚེ་ང་ནི་སྙིང་བརྩེ་བས།། དེ་ལ་གནོད་པ་ཡོང་མ་བྱས།། ང་སྔོན་མདོ་སྡེ་འདི་ཡི་ཕྱིར།། སློང་དུ་འོངས་པ་དག་ལ་ནི།། ཇི་ལྟར་མོས་བཞིན་རབ་བཏང་བས། ། ཐམས་ཅད་རབ་ཏུ་དགའ་བར་བྱས།། ང་སྔོན་མདོ་སྡེ་འདི་ཡི་ཕྱིར།། གཞལ་མེད་ཁང་ཆེན་རྣམས་ལ་ནི།། རིན་ཆེན་དྲ་བས་རབ་བརྒྱན་ནས།། སངས་རྒྱས་རྣམས་ལ་ཡོངས་སུ་ཕུལ། ། ང་སྔོན་མདོ་སྡེ་འདི་ཡི་ཕྱིར།། རིན་ཆེན་རྣམ་པ་སྣ་ཚོགས་དང་།། ཡིད་བཞིན་ནོར་བུ་རིན་པོ་ཆེས།། སངས་རྒྱས་རྣམས་ལ་མཆོད་པ་བྱས།། ང་སྔོན་མདོ་སྡེ་འདི་ཡི་ཕྱིར།། དྲིན་ཡོད་རྣམས་ནི་རྟག་དྲན་པས། ། ཐ་ན་ཚིག་བཤད་གཅིག་མཉན་པ།། དེ་ལ་ཡང་ནི་བཀུར་སྟི་བྱས།། ང་སྔོན་མདོ་སྡེ་འདི་ཡི་ཕྱིར།། ཚུལ་ཁྲིམས་ལྡན་ལ་རབ་བཀུར་བས། ། ཐ་ན་འཆག་པའི་ཚེ་ན་ཡང་།། དེ་ལ་རྟག་ཏུ་གུས་པ་བསྐྱེད།། ང་སྔོན་མདོ་སྡེ་འདི་ཡི་ཕྱིར།། འཁོར་བ་དག་ན་འཁོར་བའི་ཚེ།། དྲིན་ནི་ཅུང་ཟད་ཡོད་ལ་ཡང་།། དེ་ལ་རྟག་ཏུ་དྲིན་དུ་གཟོས། ། ང་སྔོན་མདོ་སྡེ་འདི་ཡི་ཕྱིར།། རྙེད་པ་མ་བཙལ་ཆོས་མ་སྐུར།། ཉེ་བ་ཤེས་སེམས་ཅན་རྣམས་ལ་ནི།། སྙིང་བརྩེ་དག་ནི་རབ་ཏུ་བསྐྱེད།། ང་སྔོན་མདོ་སྡེ་འདི་ཡི་ཕྱིར།། མང་ཐོས་ལེགས་བཤད་ལྡན་པས་ན། ། ཆོས་ལ་མངོན་པར་ཞེན་བྱེད་ཅིང་།། བཤེས་པའི་ཁྱིམ་ལ་སེར་སྣ་མེད།། ང་སྔོན་མདོ་སྡེ་འདི་ཡི་ཕྱིར།། མི་དགེའི་སེམས་ནི་སྐྱེས་གྱུར་ན།། མྱུར་བ་ཉིད་དུ་རབ་བཤགས་པས། ། འཕེལ་བར་ཡང་ནི་ཡོང་མ་བྱས།། ང་སྔོན་མདོ་སྡེ་འདི་ཡི་ཕྱིར།། རྒྱལ་པོའི་བུར་ནི་གྱུར་པ་ན།། རིན་པོ་ཆེ་དང་བྱུག་སྤོས་དང་།། སྤོས་ཀྱིས་ཕྱེ་མ་ཇི་སྙེད་པ།། དང་།། བའི་སེམས་ནི་ངས་བསྐྱེད་ནས།། སངས་རྒྱས་རྣམས་ལ་བསྔོས་ཤིང་ཕུལ།། ང་སྔོན་མདོ་སྡེ་འདི་ཡི་ཕྱིར།། ཁྲི་མོན་བཙོན་ལ་སྙིང་བརྩེ་བས།། སྡུག་བསྔལ་སྣ་ཚོགས་གང་མྱོང་བ།། ལུས་ཀྱི་བསྦྱིན་པར་དང་དུ་བླངས།། ང་སྔོན་མདོ་སྡེ་འདི་ཡི་ཕྱིར།། འདོད་པའི་ཡོན་ཏན་ལྔ་སྤངས་ནས།། རྟག་ཏུ་དུས་དྲུག་དག་གི་ཚེ།། སྡོམ་པ་དག་ནི་རབ་ཏུ་བླངས།། ང་སྔོན་མདོ་སྡེ་འདི་ཡི་ཕྱིར། ། རྟག་ཏུ་བཟོད་པ་རབ་བསྒོམ་པས།། ཐ་ན་ཆུང་མ་དག་ལ་ཡང་།། འདོད་པའི་སེར་སྣ་ཡོངས་མ་བསྐྱེད།། ང་སྔོན་མདོ་སྡེ་འདི་ཡི་ཕྱིར།། དབུལ་འཕོངས་དག་ནི་ཐམས་ཅད་ཀུན། ། བདེ་བ་དག་ནི་ཐོབ་བྱའི་ཕྱིར།། ནོར་དགས་གིས་ནི་ཕྱུག་པོར་བྱས།། ང་སྔོན་མདོ་སྡེ་འདི་ཡི་ཕྱིར།། དགེ་སློང་དང་ནི་བྲམ་ཟེ་དང་།། སྐྱེ་དགུ་རྣམ་པ་སྣ་ཚོགས་ཀུན།། ཐམས་ཅད་དག་ནི་རབ་ཏུ་བསྡུས། ། ང་སྔོན་མདོ་སྡེ་འདི་ཡི་ཕྱིར།། ཐམས་ཅད་ཀུན་ལ་ཕན་གདགས་ཕྱིར།། རྟག་ཏུ་སྦྱིན་བདག་ཆེར་བྱས་ནས།། སློང་བ་དག་ལ་ཡོངས་སུ་བཏང་།། རེས་འགའ་མེ་ཏོག་འབྲས་བུ་དག། གཞན་དག་གཅོད་དུ་མཽ་གཞུག་པར།། སེམས་ཅན་རྣམས་ལ་ཡོངས་བཏང་ཞིང་།། ཡིད་བཞིན་དུ་ནི་ཚིམ་པར་བྱས།། ང་སྔོན་སྦྱིན་པ་བཏང་བའི་ཚེ།། སེམས་ནི་རྟག་ཏུ་སྙོམས་པས་ན། ། ཚུལ་ཁྲིམས་ཡོན་ཏན་ལྡན་པ་དང་།། ཚུལ་ཁྲིམས་འཆལ་དང་ངོ་ཚ་མེད།། རྫུ་འཕྲུལ་ཆེན་པོ་ཐོབ་པས་ན།། སོ་སོའི་སྐྱེ་བོའི་བར་དག་ལ།། ངོ་མཚར་བསམ་པའི་སེམས་བསྐྱེད་ནས། ། གུས་པས་ཀུན་ལ་སྦྱིན་པ་བཏང་།། ང་སྔོན་སྦྱིན་པ་བཏང་བའི་ཚེ།། སེམས་ལ་མཐོ་དམན་མེད་པས་ན།། སྡུག་བསྔལ་འགྲོ་བ་མི་ཚོལ་ཞིང་།། མདོ་སྡེ་འདི་ལ་རྩེ་གཅིག་མོས། ། རེས་འགའ་ཡུལ་ཁམས་དག་ཏུ་ནི།། ཕྱིར་རྒོལ་ཐམས་ཅད་མེད་བྱས་ཤིང་།། ཀླུ་རྣམས་ཀུན་ནི་རབ་བཏུལ་ནས།། དུས་བཞིན་ཆར་ནི་རབ་ཏུ་ཕབ།། ཟླ་འོད་ཁྱོད་ཀྱིས་ཤེས་པར་གྱིས།། #ངས་ནི་ཚེ་རབས་དཔག་མེད་ནས།། མདོ་སྡེ་འདི་ནི་གཉེར་བའི་ཕྱིར།། དཀའ་བ་རྣམས་ནི་རབ་ཏུ་སྤྱད།། བསྐུལ་པ་བརྒྱ་སྟོང་སྙེད་དུ་ནི།། བརྗོད་ཀྱང་མཐར་ཐུག་མི་འགྱུར་རོ། ། ཡིད་ཆེས་པ་ལ་ཁྱོད་གནས་ནས།། མ་འོངས་ཐ་མ་དུས་ཀྱི་ཆེ།། ཡང་དག་དྲན་པའི་སེམས་བསྐྱེད་ལ།། མདོ་སྡེ་འདི་ནི་བཤད་པར་གྱིས།། ངས་ནི་སངས་རྒྱས་སྤྱན་དག་གིས། ། མ་འོངས་དུས་ནི་གསལ་གཟིགས་པས།། སྤྱོད་པ་སྣ་ཚོགས་ཇི་ལྟ་བ།། ཐམས་ཅད་རབ་ཏུ་མཁྱེན་པ་ཡིན།། དགེ་སློང་དག་ནི་གང་ཞིག་གིས།། བླ་མེད་ཡེ་ཤེས་བཙལ་བའི་ཕྱིར། ། ཤིན་ཏུ་དང་བའི་སེམས་ཀྱིས་ནི།། མདོ་སྡེ་འདི་ནི་གང་སྟོན་པ།། གང་ཟག་དེ་དང་ཕྱོགས་རྣམས་ཀྱང་།། ཐམས་ཅད་མ་ལུས་ཐུགས་སུ་ཆུད།། མ་འོངས་ཐ་མ་དུས་ཀྱི་ཚེ།། ། མདོ་འདི་ཐོས་ནས་གང་མོས་པ།། བསམ་པ་དང་ནི་ཐབས་རྣམས་ཀྱང་།། ཐམས་ཅད་མ་ལུས་ཐུགས་སུ་ཆུད།། དམན་པ་དག་ནི་གང་ཞིག་གིས།། མདོ་སྡེ་འདི་ནི་མ་ཐོས་པས།། ཆོས་བསྟན་པ་ལ་སྐུར་འདེབས་པ། ། ཐམས་ཅད་མ་ལུས་ཐུགས་སུ་ཆུད།། དགེ་སློང་རྣམས་ནི་གང་ཞིག་དང་།། དགེ་སློང་མ་ནི་གང་ཞིག་གིས།། མདོ་སྡེ་འདི་ནི་ཐོས་གྱུར་ནས།། ཤིན་ཏུ་གདུང་བས་དུ་བྱེད་པ། ། དེ་ཀུན་ངས་ནི་ལུང་བསྟན་ནས།། རྒྱལ་བ་གཙོ་བོ་མཐོང་བར་འགྱུར།། ཟླ་འོད་ཁྱོད་ཀྱིས་ཤེས་པར་གྱིས།། སངས་རྒྱས་རྫུ་འཕྲུལ་སྟོབས་ཀྱིས་ནི།། གང་དག་ཡིད་ནི་དག་པ་དང་། ། གང་དག་གི་ནི་མ་དག་དང་།། ཐ་ན་མོས་པ་གང་ཡིན་པ།། ཐམས་ཅད་མ་ལུས་ཐུགས་སུ་ཆུད།། སེམས་ཅན་དག་ནི་གང་ཞིག་གིས།། རབ་ཞི་དབེན་ལ་རྟག་མོས་ཤིང་།། ཏིང་འཛིན་རྣམས་ལ་རབ་གནས་ནས། ། འཁོར་བ་དག་ལ་མ་ཆགས་པས།། ཐ་ན་བག་ཆགས་རྣམས་ཀྱང་ནི།། གཏན་ནས་རབ་ཏུ་གང་སྤངས་དང་།། དེ་ལ་སོགས་པའི་ཡོན་ཏན་རྣམས།། ཐམས་ཅད་མ་ལུས་ཐུགས་སུ་ཆུད། ། སེམས་ཅན་དག་ནི་གང་ཞིག་གིས།། མི་བདེན་ཆོས་ལ་ཞེན་པ་དང་།། སེམས་ཅན་དག་ནི་གང་ཞིག་གིས།། སངས་རྒྱས་ལ་ནི་རབ་མོས་པ།། མ་འོངས་དངོས་པོའི་འདི་ལྟ་བུ། ། ཐམས་ཅད་མ་ལུས་ཐུགས་སུ་ཆུད།། སེམས་ཅན་དག་ནི་གང་ཞིག་གིས།། འཇིག་རྟེན་བདེ་ལ་རབ་ཆགས་པས།། སངས་རྒྱས་བྱང་ཆུབ་ས་བོན་དག། ལེགས་པ་ཉིད་དུ་མི་སྐྱེད་པ། ། རྒྱུ་དང་རྐྱེན་ནི་དེ་ཡི་ཕྱིར།། སྦྱོར་བ་རྣམས་ནི་ཉམས་པར་འགྱུར།། སུ་ཡང་རུང་བ་གང་ཞིག་གིས།། བྱང་ཆུབ་ས་བོན་རྟོགས་གྱུར་ན།། གང་ཟག་དེ་ཡིས་ངེས་པར་ནི།། རྣམ་དག་འོད་ཟེར་དཔག་མེད་ཐོབ། ། ཟླ་འོད་ཁྱོད་ཀྱིས་འདི་ལྟ་བུར།། འོད་ཟེར་འདི་ལ་སོགས་པ་ཡི།། རྒྱུ་དང་རྐྱེན་ནི་རེ་རེ་ཀུན།། སོ་སོ་ཐ་དད་ཉིད་དུ་ལྟོས།། ཁྱོད་ཀྱིས་ཤེས་རབ་སྟོབས་ཀྱིས་ནི།། ཐམས་ཅད་དེ་ལྟར་རིག་པར་གྱིས།། གང་ཞིག་མི་དགེ་གྲོགས་སྤངས་ཏེ།། དགེ་བའི་བཤེས་གཉེན་ལ་བརྟེན་ནས།། ཚུལ་ཁྲིམས་རྣམ་དག་གང་སྲུང་བ།། སངས་རྒྱས་འོད་ཟེར་བསྒྲུབ་པ་འགྱུར། ། ཁྱོད་ཀྱིས་དབང་པོ་རབ་བསྲུངས་ལ།། ངོ་ཚ་ཁྲེལ་མེད་རབ་ཏུ་སྤོངས།། དགེ་བའི་ཆོས་ནི་རབ་བསྒོམས་ལ།། སེམས་ཅན་རྣམས་ནི་སྲུང་བར་གྱིས། ཁྱོད་ཀྱིས་རྩོན་པ་རབ་སྤོངས་ལ།། སྟོང་ཉིད་དག་ནི་རྟོགས་པར་གྱིས།། རྙེད་པ་དག་ལ་མ་གདུ་བར།། མང་ཐོས་ལེགས་བཤད་ལྡན་པར་གྱིས།། ཁྱོད་ཀྱིས་རྙེད་པ་དག་ལ་ནི།། མི་གཙང་ལྟ་བུར་བལྟ་བར་གྱིས། ། རྙེད་པའི་དྲི་མ་དག་གིས་ནི།། རྣམ་དག་སེམས་ནི་སྦགས་མ་བྱེད།། རྣམ་པར་གྲོལ་བ་བཙལ་བར་བྱོས།། བླ་མེད་རྙེད་པ་ཐོབ་པར་འགྱུར།། ཁྱོད་ཀྱིས་སངས་རྒྱས་ལམ་བསྒྲུབས་ལ།། སངས་རྒྱས་ཆོས་ཉིད་འདྲ་བར་ལྟོས།། ཆོས་ཀྱི་སྒྲེན་ཆེན་རྟག་སྦར་ལ།། འཇིག་རྟེན་ཀུན་ནི་སྣང་བར་གྱིས།། ཁྱོད་ཀྱི་སེམས་ནི་རི་རྒྱལ་ལྟར། ། མི་གཡོ་ཉིད་དུ་རབ་ཏུ་བྱོས།། ཁ་ངན་དང་ནི་རྡེག་པ་ཡང་།། ཐམས་ཅད་བཟོད་པ་དང་དུ་ལོང་།། ཁྱོད་ནི་སེམས་ཅན་རྣམས་ཀྱི་ཕྱིར།། དགེ་བ་ཤེས་ཡང་དག་རབ་ཏུ་བྱོས།། དམན་པའི་སེམས་ནི་ཡོངས་སྤོངས་ལ།། རྣམ་དག་ལས་ནི་རྟག་ཏུ་སྒྲུབས།། ཁྱོད་ཀྱི་སེམས་ནི་བརྟན་བྱོས་ལ།། བླ་མེད་ཆོས་ནི་རབ་ཏུ་སྟོན།། མདོ་སྡེ་དམ་པ་འདི་ལྟ་བུ།། བརྩེ་བ་ཅན་ལ་སྦྱིན་པར་གྱིས། ། བླ་མེད་ཡེ་ཤེས་གང་ཚོལ་བ།། འཁོར་བ་དག་ལ་འཇིགས་མ་བྱེད།། དེས་ན་སྡིག་པ་རྣམ་སྤངས་ནས།། ཕན་ཡོན་མཆོག་ནི་ཐོབ་པར་འགྱུར།། དཔེར་ན་བློ་དང་ལྡན་པ་དག། མེ་ལ་སྤྱོད་པ་མཁས་པ་གང་།། རོ་རྣམས་སྣ་ཚོགས་སྦྱིན་བྱེད་ཀྱང་།། མེས་ནི་སྲེག་པར་ཡོང་མི་འགྱུར།། གང་ཞིག་བློ་དང་མི་ལྡན་པ།། ཐབས་དག་ལ་ནི་མི་མཁས་པས།། མེ་ཁྱེར་ལག་མཐིལ་གང་བཞག་པ། ། མེས་ནི་རབ་ཏུ་སྲེག་པར་འགྱུར།། ཇི་ལྟར་མི་ཞིག་དུག་དག་གིས།། སེམས་ནི་འཁྲུགས་ནས་མྱོས་པ་གང་།། མེ་ལ་རབ་ཏུ་བསྲོས་ན་ནི།། དེ་ཡི་རྒྱུ་ཡིས་སོས་པར་འགྱུར། ། ཟླ་འོད་ཁྱོད་ཀྱིས་ཤེས་པར་གྱིས།། བློ་ལྡན་པ་ཡང་དེ་བཞིན་དུ།། ཡིད་རྟེན་ཡིད་ནི་སྟོང་པར་རིག། དེ་ཕྱིར་འཁོར་བར་གནས་ཀྱང་ནི།། མིག་རྟེན་མིག་ནི་སྟོང་རིག་པས།། མིག་ལ་མངོན་པར་ཞེན་པ་མེད།། གལ་ཏེ་དེ་ལྟར་རབ་ཤེས་ན།། མིག་ལ་གནས་ཀྱང་ཉོན་མོངས་མེད།། གལ་ཏེ་མིག་ཉིད་སྟོང་རིག་ན།། ཡང་དག་ཡེ་ཤེས་བསྒྲུབ་པར་འགྱུར།། ཡང་དག་ཡེ་ཤེས་ཐོབ་པའི་ཕྱིར། ། འོད་ཟེར་དག་ནི་འབྱུང་བར་འགྱུར།། གལ་ཏེ་མིག་ཉིད་སྟོང་རིག་ན།། འདོད་ཆགས་དག་ནི་གཏན་ནས་སྤོང་།། འདོད་ཆགས་དག་ནི་མེད་པའི་ཕྱིར།། འོད་ཟེར་དག་ནི། འབྱུང་བར་འགྱུར།། དེ་བཞིན་ཞེ་སྡང་གཏི་མུག་དང་།། ངར་འཛིན་འཆབ་དང་ཁྲོ་བ་དང་།། སེར་སྣ་ཕྲག་དོག་ངོ་ཚ་མེད།། མི་བཟད་སེམས་ནི་མཐོ་བ་དང་།། རྒྱགས་དང་མངོན་པའི་ང་རྒྱལ་དང་། གཡོ་སྒྱུ་དང་ནི་བག་མེད་དང་།། གྱ་གྱུ་ལ་སོགས་རབ་ཏུ་ཡང་།། ཐམས་ཅད་འདོད་ཆགས་བཞིན་དུ་བཤད།། ཡང་དག་ཡེ་ཤེས་ཐོབ་གྱུར་ན།། མིག་ནི་ཞི་བ་ཉིད་དུ་རྟོགས།། ཞི་བ་@ཉིད་དུ་རྟོགས་པའི་ཕྱིར། ། འོད་ཟེར་དག་ནི་འབྱུང་བར་འགྱུར།། ཡང་དག་ཡེ་ཤེས་ཐོབ་གྱུར་ན།། སངས་རྒྱས་ཚུལ་ལ་རབ་ཏུ་གནས།། ཚུལ་ལ་རབ་ཏུ་གནས་པའི་ཕྱིར། ། འོད་ཟེར་དག་ནི་འབྱུང་བར་འགྱུར།། ཡང་དག་ཡེ་ཤེས་ཐོབ་གྱུར་ན།། སངས་རྒྱས་ཐབས་ལ་གནས་པར་འགྱུར།། ཐབས་ལ་རབ་ཏུ་གནས་པའི་ཕྱིར།། འོད་ཟེར་དག་ནི་འབྱུང་བར་འགྱུར། ། ཡང་དག་ཡེ་ཤེས་མ་བསྒྲུབས་པར།། སྒྲིབ་པ་དག་ནི་གཏན་སྤོངས་ཤིང་།། འོད་ཟེར་འབྱུང་བ་བསྒྲུབ་པར་ནི།། ངས་སྔོན་མ་ཐོས་མ་ཐོང་ངོ་།། ཡང་དག་ཡེ་ཤེས་རབ་བསྒྲུབས་ནས། ། སྒྲིབ་པའི་གནོད་པ་གཏན་སྤོང་ཞིང་།། སྤྱོད་པ་འདི་རྗེས་གང་འབྲང་བ།། འོད་ཟེར་འགྱེད་པ་ཐོབ་པར་འགྱུར།། རྒྱལ་བའི་སྤྱོད་པ་ཡོངས་ཚོལ་ཞིང་།། མདོ་སྡེ་འདི་ལ་བསླབ་བྱས་ནས། ། དེ་བཞིན་གཤེགས་ལ་གང་མཆོད་པ།། ཡང་དག་ཡེ་ཤེས་ཐབས་ཐོབ་འགྱུར།། ཡང་དག་ཡེ་ཤེས་གང་བསྒྲུབས་པ།། སངས་རྒྱས་རྣམས་ལ་མཆོད་པར་གྱིས།། འོད་ཟེར་འགྱེད་པ་རྫོགས་པར་འགྱུར། ། ལག་མཐིལ་འབྲས་བུ་ཇི་བཞིན་ནོ།། མིག་ལ་བདག་མེད་གང་རྨོངས་པ།། དགེ་སྦྱོང་ཆོས་ནི་ཉམས་པར་འགྱུར།། གང་ཟག་དེ་ཡིས་དེ་ལྟ་བུའི།། འོད་ཟེར། འགྱེད་པ་ཐོབ་མི་འགྱུར།། མིག་ལ་བདག་མེད་གང་རྟོགས་པ།། དགེ་སྦྱོང་ཆོས་ནི་བསྒྲུབ་པར་འགྱུར།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་པར་འགྱུར།། མིག་གི་མཐའ་ནག་དོགས་པ། ། རྣབསྐྱེ་བའི་མཐ་ས་གས།། བསྐྱེ་བའི་མཐ་རྟོགས་པས།། དགེ་སྦྱོང་ན་ས།། གལ་རྟོམག་གང་ད། ཡོ་ས། བ་ས་དུ་ང། ཡོང་སུ་ཤེས་པ་མ་གྱུ་དེའིས་དེ་ལྔ་བུའི། འོད་པར་བྱེད་པོ་འཇུག་གས་ཏེ་ག་ཉྀད། ཐ་ན་ཡོ་སུ་ཤེས་འགྱུ་།། ལོག་བའི་ཐའ་ཀྱང་། འོ་སུ་ཤེས་པ་ཉིད་དུ་གྱུར་གང་དག་དེ་འི་དེ། ཁྲིའི་འདི་ཟེར་བྱེད་བརྗོབ་པར་ཡུལ་། གལ་མིམ་ནོ་ས་ཉིད། མ་ལེགས་པར་མ་ཤེས་ན། ། མིག་ནི་སྐྱེ་བའི་མཐའ་དག་ཀྱང་།། ལེགས་པ་ཉིད་དུ་མི་ཤེས་པས།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་མི་འགྱུར།། གལ་ཏེ་མིག་གི་ངོ་བོ་ཉིད། ། མཐའ་ནི་ལེགས་པར་ཤེས་གྱུར་ན།། མིག་ནི་སྐྱེ་བའི་མཐའ་དག་ཀྱང་།། ལེགས་པ་ཉིད་དུ་ཤེས་འགྱུར་བས།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་པར་འགྱུར། ། གལ་ཏེ་མིག་གི་ངོ་བོ་ཉིད།། མཐའ་ནི་མངོན་སུམ་མ་ཤེས་ན།། མིག་ནི་སྐྱེ་བའི་མཐའ་དག་ཀྱང་།། མངོན་སུམ་ཉིད་དུ་མི་ཤེས་པས།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་མི་འགྱུར། ། གལ་ཏེ་མིག་གི་ངོ་བོ་ཉིད།། མིག་ནི་སྐྱེ་བའི་མཐའ་དག་ཀྱང་།། མཐའ་ནི་མངོན་སུམ་ཤེས་འགྱུར་ན།། མངོན་སུམ་ཉིད་དུ་རབ་ཤེས་པས།། གང་ཟག་དེ་ཡིས་དེ་ལྟ་བུའི། ། འོད་ཟེར་འགྱེད་པ་ཐོབ་པར་འགྱུར།། གལ་ཏེ་མིག་གི་ངོ་བོ་ཉིད།། མཐའ་ནི་ལེགས་པར་མ་ཤེས་ན།། མིག་ནི་སྐྱེ་བའི་མཐའ་དག་ཀྱང་།། ཡོངས་སུ་ཤེས་པར་མི་འགྱུར་བས།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་མི་འགྱུར།། གལ་ཏེ་མིག་གི་ངོ་བོ་ཉིད།། མཐའ་ནི་ལེགས་པར་ཤེས་གྱུར་ན།། མིག་ནི་སྐྱེ་བའི་མཐའ་དག་ཀྱང་། ། མངོན་སུམ་ཉིད་དུ་ཤེས་འགྱུར་བས།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་པར་འགྱུར།། གལ་ཏེ་མིག་གི་ངོ་བོ་ཉིད།། རྣམ་དག་ལེགས་པར་མ་ཤེས་ན།། རྣ་བའི་ངོ་བོ་རྣམ་དག་པ།། ལེགས་པ་ཉིད་དུ་མི་ཤེས་པས།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་མི་འགྱུར།། གལ་ཏེ་མིག་གི་ངོ་བོ་ཉིད།། རྣམ་དག་ལེགས་པར་ཤེས་གྱུར་ན། ། རྣ་བའི་ངོ་བོ་རྣམ་དག་པ།། ལེགས་པ་ཉིད་དུ་རྟོགས་འགྱུར་བས།། གང་ཟག་དེ་ཡིས་དེ་ལྟ་བུའི།། འོད་ཟེར་འགྱེད་པ་ཐོབ་པར་འགྱུར།། དེ་བཞིན་སྣ་དང་ལྕེ་དང་ལུས། ཡིད་དང་གཟུགས་སྒྲ་དྲི་རོ་དང་།། རེག་བྱ་ཆོས་དང་ས་ཆུ་དང་།། མེ་རླུང་དག་གིས་དངོས་པོ་དང་།། འཇིག་རྟེན་སྡུག་བསྔལ་ཕུང་པོ་དང་།། ཁམས་དང་འཇིག་རྟེན་སྐྱེ་མཆེད་དང་།། སྒྲ་དང་མིང་ལ་སོགས་པ་ཡང་། ། ཐམས་ཅད་དེ་བཞིན་རིག་པར་གྱིས།། དེ་ནས་བཅོམ་ལྡན་འདས་ཀྱིས།། ཟླ་འོད་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་སེམས་ཅན་གང་ཐེག་པ་ཆེན་པོ་ལ་ཡང་དག་པར་གཞོལ་ཞིང་། ། འོད་ཟེར་འགྱེད་པ་དེ་ལྟ་བུ་ཡོངས་སུ་རྫོགས་པར་བྱ་བར་འདོད་པ་དེས་དགེ་བའི་རྩ་བའི་ཚོགས་རྣམ་པ་བརྒྱད་ཅུ་པོ་འདི་དག་མངོན་པར་བསྒྲུབ་པར་བྱའོ། ། རྣམ་པ་བརྒྱད་ཅུ་གང་ཞེ་ན། འདི་ལྟ་སྟེ། སེམས་ཅན་ཡོངས་སུ་སྲུང་ཞིང་རྗེས་སུ་དྲན་པ་དང་། གནོད་སེམས་མེད་པ་དང་། ཚུལ་ཁྲིམས་ཡོངས་སུ་དག་པ་སྲུང་ཞིང་ཉམས་པར་མི་བྱེད་པ་དང་། སེམས་ཤིན་ཏུ་མཉམ་པ་དང་། གཡོ་སྒྱུ་མེད་པ་དང་། སེར་སྣ་མེད་པ་དང་། ཕྲག་དོག་མེད་པ་དང་། འདོད་ཆགས་ཀྱི་བསམ་པ་མེད་པ་དང་།། བསླུ་བའི་བསམ་པ་མེད་པ་དང་། ཐེག་པ་ཆེན་པོ་མདོ་སྡེ་དམ་པ་དག་མངོན་པར་ཡིད་ཆེས་པ་དང་། དབང་ཕྱུག་དང་རྒྱགས་པ་ལ་ཞེན་ཅིང་སྲེད་པ་མེད་པ་དང་། བཟོད་པའི་སྟོབས་ཕུན་སུམ་ཚོགས་པ་དང་། སྨོན་ལམ་ལས་ཕྱིར་མི་ལྡོག་པ་དང་། བསམ་པ་ཤིན་ཏུ་རྣམ་པར་དག་པར་གྱུར་པ་དང་། དགོན་པ་ན་གནས་པ་དང་། འཁོར་རྣམས་ལ་མི་རྟེན་པ་དང་། རྙེད་པ་ལ་མི་རྟེན་པ་དང་། གྲགས་པ་ལ་མི་རྟེན་པ་དང་། བསམ་གཏན་རྣམས་ལ་རབ་ཏུ་གནས་པ་དང་། འོད་ཟེར་གྱི་ཏིང་ངེ་འཛིན་རབ་ཏུ་སྟོན་པ་དང་། ཚུལ་ཁྲིམས་དང་ལྡན་པ་དག་ལ་སྒྲ་མེད་པར་རི་མི་གྲོ་བྱེད་པ་དང་། ཚངས་པ་མཚུངས་པར་སྤྱོད་པ་དག་ལ་མཆོག་གི་བསམ་པ་སྐྱེད་པ་དང་། ཆོས་ལ་གུས་པའི་ཕྱིར་མཁན་པོ་དང་སློབ་དཔོན་ལ་ཤིན་ཏུ་བཀུར་བ་དང་། མདོ་སྡེ་འདིའི་དོན་རབ་ཏུ་རྟོགས་པ་དང་། ཡང་དག་པར་བསྟན་པ་ལ་རབ་ཏུ་མཁས་པ་དང་། ཚིག་སྨྲས་པ་རྣམས་ལ་མི་བདེན་པ་མེད་པ་དང་། ཡང་དག་པའི་བསམ་པ་ལ་གནས་པ་དང་། དགེ་བའི་རྩ་བ་བསྐྱེད་པ་ལ་བརྩོན་པ་དང་། རྟག་ཏུ་སྦྱིན་པ་གཏང་བ་དང་། བདུད་ཀྱི་ལས་རབ་ཏུ་རྟོགས་པ་དང་། དབང་པོ་རྣམས་དམ་དུ་བསྲུང་བ་དང་། ཚིག་རབ་ཏུ་བརྟགས་པ་དང་། དོན་དམ་པའི་བདེན་ལ་མཁས་པ་དང་། ས་རྣམས་ཀྱི་རང་གི་མཚན་ཉིད་རབ་ཏུ་རྟོགས་པ་དང་། གཟུངས་ཟད་མི་ཤེས་པ་ཡོངས་སུ་ཚོལ་བ་དང་། ལུས་དང་སྲོག་ལ་འཕངས་པ་མེད་པ་དང་། འཁོར་བཞི་པོ་དག་ལ་རྗེས་སུ་སྟོན་པར་བྱེད་པ་དང་། འཇིག་རྟེན་པའི་བསམ་པ་ཡོངས་སུ་བཅད་པ་དང་། འཇིག་རྟེན་ཕྱི་མའི་ཆོས་མེད་དོ་ཞེས་ཟེར་བའི་ལོག་པར་ལྟ་བ་རྣམས་སྤངས་པ་དང་། ད་དུང་མ་བསླབས་པ་དག་ལ་གྱ་གྱུའི་མཚན་མ་མི་སྟོན་པ་དང་། གང་བསླབ་པར་གྱུར་པ་དག་ལ་ཅི་ནུས་ཀྱིས་རྣམ་པར་ཕྱེ་ནས་རབ་ཏུ་སྟོན་པ་དང་། གླུ་དང་རོལ་མོའི་སྒྲ་དག་གི་བསྔགས་པ་མི་བརྗོད་པ་དང་། རྒྱན་དང་འཚོ་བའི་ཡོ་བྱད་ཀྱི་བསྔགས་པ་མི་བརྗོད་པ་དང་། བདེན་པ་རྣམས་ལ་ཡང་དག་པར་ཞུགས་པ་དང་། མང་དུ་ཐོས་པ་ཕུན་སུམ་ཚོགས་པ་དང་། གཉིད་རབ་ཏུ་སྤངས་པ་དང་། ཡང་དག་པའི་ཆོས་ཡོངས་སུ་ཚོལ་བ་ལ་རབ་ཏུ་བརྩོན་པ་དང་། སངས་རྒྱས་ལ་གུས་པ་དང་། བྱང་ཆུབ་ཏུ་སེམས་བསྐྱེད་པ་དང་། འཇིག་རྟེན་པའི་ལས་ཡོངས་སུ་སྤངས་པ་དང་། བསླབ་པའི་གནས་རྣམས་ལ་ཡང་དག་པར་བརྩོན་པ་དང་། ཆོས་ལ་སྲེད་པའི་ཕྱིར་གྲོགས་ཁྱད་པར་ཅན་ལ་རྟེན་པར་བྱེད་པ་དང་། དགེ་བའི་རྩ་བ་རྣམས་ཡོངས་སུ་ཚོལ་བ་ལ་སྐྱོ་བ་མེད་པ་དང་། རབ་ཏུ་འབྱུང་བ་ལ་ཤིན་ཏུ་མོས་པ་དང་། སངས་རྒྱས་ཀྱི། ཆོས་སྲུང་ཞིང་ཡོངས་སུ་འཛིན་པར་བྱེད་པ་དང་། སྡིག་པའི་ལས་མི་སློང་བ་དང་། བསྟན་པ་རྣམས་ལ་ཐེ་ཚོམ་མེད་པ་དང་། དཔེས་སྟོན་པ་ལ་རབ་ཏུ་མཁས་པ་དང་། གསང་བ་རྣམས་རྣམ་པར་ཕྱེ་ནས་སྟོན་པར་བྱེད་པ་དང་། བྱང་ཆུབ་ཆེན་པོ་ཡོངས་སུ་ཚོལ་བ་ལ་ངལ་བ་མེད་པ་དང་། མདོ་སྡེ་ཡང་དག་པར་གཟུང་བ་རྣམས་རྗོད་པར་བྱེད་པ་དང་། རང་གི་བསླབ་པ་མི་སྤོང་བ་དང་། ཕ་རོལ་གྱི་སྨྲ་བ་རྣམས་ཚར་གཅོད་པ་དང་། ངེས་པར་འབྱུང་བའི་ལམ་ཡོངས་སུ་ཚོལ་བ་དང་། སྤྱོད་པ་ཚད་མེད་པ་རྣམས་མངོན་པར་བསྒྲུབ་པ་དང་། ཆོས་ཀྱི་ཡེ་ཤེས་དེ་དག་ལས་སེམས་ངེས་པར་གྱུར་པ་དང་། རྒྱུ་དང་འབྲས་བུ་གསལ་བར་མཐོང་ཞིང་འཁོར་བའི་རྒྱུན་མི་གཅོད་པ་དང་། སྲིད་པ་གསུམ་པོ་དག་ལ་ཆགས་པ་མེད་པ་དང་། མངོན་པའི་ང་རྒྱལ་སྤངས་པ་དང་། མངོན་པར་ཡིད་ཆེས་པ་དག་ལ་གཉེན་པོ་རྣམ་པར་གཞག་ནས་སྟོན་པར་བྱེད་པ་དང་། མ་འོངས་པའི་འབྲས་བུ་རྣམ་པར་སྨིན་པའི་བྱེ་བྲག་རྟོགས་པར་ཁོང་དུ་ཆུད་པ་དང་། སྔོན་གྱི་མཐའ་ཡོངས་སུ་ཤེས་པ་དང་། གཞན་གྱི་དྲིང་ལ་མི་ལྟོས་པ་དང་། ཡོངས་སུ་སྤོང་བའི་སྤྱོད་པ་དག་ལ་བརྩོན་འགྲུས་ཀྱིས་གྲུབ་པར་བྱེད་པ་དང་། སངས་རྒྱས་ཀྱི་མཚན་དང་དཔེ་བྱད་ཀྱི་བཀོད་པ་དག་ཕུན་སུམ་ཚོགས་པར་བྱེད་པ་གང་ཡིན་པ་འདི་ནི་རྣམ་པ་བརྒྱད་ཅུ་ཞེས་བྱའོ། ། གཞན་ཡང་ཟླ་འོད་གཞོན་ནུ་ཆོས་བརྒྱད་ཅུ་པོ་འདི་དག་ནི་ཆོས་ལྔའི་ནང་དུ་འཇུག་པར་འགྱུར་རོ།། ཆོས་ལྔ་གང་ཞེ་ན། འདི་ལྟ་སྟེ། འཁོར་བ་ཤེས་པ་དང་། མྱ་ངན་ལས་འདས་པ་ཤེས་པ་དང་། ཉོན་མོངས་པ་ཟད་པ་ཤེས་པ་དང་། མཆོག་ཏུ་གྱུར་པ་ཤེས་པ་དང་། བསོད་ནམས་ཀྱི་འབྲས་བུ་ཤེས་པ་གང་ཡིན་པའོ།། གཞན་ཡང་ཟླ་འོད་གཞོན་ནུ་ཆོས་ལྔ་པོ་དེ་དག་ནི་ཆོས་གཉིས་ཀྱི་ནང་དུ་འཇུག་པར་འགྱུར་རོ།། གཉིས་གང་ཞེ་ན། འདི་ལྟ་སྟེ། སེམས་ཡོངས་སུ་དག་པས་རབ་ཏུ་བརྒྱན་པ་དང་། གཟུགས་ཡོད་སུ་དག་པས་རབ་ཏུ་བརྒྱན་པ་གང་ཡིན་པའོ། ། གཞན་ཡང་ཟླ་འོད་གཞོན་ནུ་ཆོས་གཉིས་པོ་དེ་དག་ནི་ཆོས་གཅིག་གི་ནང་དུ་འཇུག་པར་འགྱུར་རོ།། གཅིག་གང་ཞེ་ན། འདི་ལྟ་སྟེ། བཞིན་གཤེགས་པ་རྣམས་ཀྱི་ཐོགས་པ་མི་མངའ་བའི་རྣམ་པར་གྲོལ་བ་མངོན་པར་གྲུབ་པ་གང་ཡིན་པའོ།། གཞན་ཡང་ཟླ་འོད་གཞོན་ནུ་ཡང་ཆོས་རྣམ་པ་བརྒྱད་ཅུ་ཡོད་དེ། དེ་དག་གིས་དེ་བཞིན་གཤེགས་པ་རྣམས་ཀྱི་ཐོགས་པ་མི་མངའ་བའི་རྣམ་པར་གྲོལ་བ་ལེགས་པར་ཡོངས་སུ་རྫོགས་པར་བྱེད་དོ། ། རྣམ་པ་བརྒྱད་ཅུ་གང་ཞེ་ན། འདི་ལྟ་སྟེ། སྦྱིན་པའི་ཚོགས་དང་། ཤེས་རབ་རྒྱ་ཆེན་པོར་གྱུར་པ་དང་། ཚུལ་ཁྲིམས་རྣམ་པར་དག་པ་ཡོངས་སུ་སྒྲུབ་པ་དང་། ཉོན་མོངས་པའི་གདུང་བ་དང་བྲལ་བ་དང་། ང་རྒྱལ་རབ་ཏུ་བཅོམ་པ་དང་། ཚིག་མཉེན་པ་དང་། དངོས་པོ་སྣ་ཚོགས་རབ་ཏུ་ཤེས་པ་དང་། དགེ་བའི་གྲོགས་པོ་ཡོངས་སུ་ཤེས་པ་དང་། ཐེག་པ་ཆེན་པོ་ལ་ཡང་དག་པར་གཞོལ་བ་དང་། བརྩོན་འགྲུས་ཀྱི་གོ་ཆ་བགོས་པ་དང་། སྤྱོད་ལམ་གྱིས་སེམས་ཅན་འདུལ་བ་དང་། ཉོན་མོངས་པར་ལྷུང་བ་རྣམས་ཀྱི་ཐེ་ཙོམ་རབ་ཏུ་གཅོད་པ་དང་། མི་དགེ་བ་རྣམས་ལ་སྨོད་ཅིང་ཆོས་དཀར་པོ་རྣམས་མངོན་པར་སྒྲུབ་པ་དང་། མི་དགེ་བའི་གྲོགས་པོ་དང་མི་འགྲོགས་པ་དང་། དགེ་བའི་རྩ་བ་རྣམས་བསྐྱེད་པ་ལ་ཡོངས་སུ་སྐྱོ་བ་མེད་པ་དང་། བྱང་ཆུབ་ཏུ་སེམས་བསྐྱེད་པ་དང་། བརྩོན་འགྲུས་རབ་ཏུ་རྩོམ་པ་དང་། བདུད་ཀྱི་དངོས་པོ་རབ་ཏུ་རྟོགས་པ་དང་། བདེན་པ་རྣམས་མངོན་དུ་གྱུར་པ་དང་། ཡང་དག་པ་ཁོ་ནར་མཆོད་པ་བྱེད་པ་དང་། ཐེ་ཚོམ་ཡོངས་སུ་གཅོད་པ་དང་།། སེམས་ཀྱིས་རྟག་ཏུ་སེམས་ཅན་ཡོངས་སུ་བཟླ་བར་སེམས་པ་དང་། སྲིད་པ་རྣམས་ལ་མངོན་པར་ཞེན་པ་མེད་པ་དང་། སེམས་རྒྱ་ཆེན་པོ་ཡོངས་སུ་བསྐྱེད་པ་དང་། སེམས་ཅན་མི་དགེ་བ་རྣམས་ལ་ཉེས་དམིགས་ཡང་དག་པར་སྟོན་པ་དང་། འདོད་ཆགས་དང་། ཞེ་སྡང་དང་། གཏི་མུག་རབ་ཏུ་སྤོང་བ་དང་། འདོད་པའི་ཕན་པ་ཡོངས་སུ་མི་ཚོལ་བ་དང་། སེམས་ཅན་ཡོངས་སུ་སྨིན་པར་བྱེད་པ་དང་། དེ་བཞིན་གཤེགས་པའི་མཆོད་རྟེན་འཆོས་པ་དང་། འཕགས་པ་རྣམས་ལ་གུས་པ་བསྐྱེད་པ་དང་། ཐེག་པ་ཆེན་པོ་ལ་གནས་པ་དག་ལ་རྟེན་ཅིང་རིམ་གྲོ་བྱེད་པ་དང་། ཐེག་པ་དམན་པ་དག་གི་བསྔགས་པ་མི་བརྗོད་པ་དང་། ཉན་ཐོས་ཀྱི་ཐེག་པ་པ་དག་ཐག་རིང་དུ་སྤོང་བ་དང་། ཕྱིར་རྒོལ་བ་རྣམས་ཚར་གཅོད་པ་དང་། སངས་རྒྱས་བཅོམ་ལྡན་འདས་རྣམས་ལ་མཆོད་པ་རྒྱ་ཆེན་པོ་བཤམས་ནས་ཁྱད་པར་དུ་འཕགས་པའི་སེམས་ཀྱིས་དབུལ་བར་བྱེད་པ་དང་། ཐོགས་པ་མེད་པའི་ཡེ་ཤེས་ཐོབ་པ་དང་། སྤོབས་པ་ཕུན་སུམ་ཚོགས་པ་དང་། དཔེ་སྣ་ཚོགས་ཀྱིས་ཡང་དག་པའི་ཆོས་རབ་ཏུ་སྟོན་པར་བྱེད་པ་དང་། སྟོང་པའི་ངོ་བོ་ཉིད་དང་འགལ་བར་མི་བྱེད་པ་དང་། ཆོས་ཡོངས་སུ་ཚོལ་བ་ལེ་ལོ་མེད་པ་དང་། དོན་ཟབ་མོ་ཡང་དག་པར་སྟོན་པ་དང་། གཟུངས་ཆེན་པོ་དང་ལྡན་པ་དང་། ཆོས་ཡང་དག་པར་སྟོན་པར་བྱེད་ཀྱང་མངོན་པར་ཞེན་པ་མེད་པ་དང་། ཆོས་རྒྱ་ཆེར་སྤེལ་བར་བྱེད་པ་དང་། ཡོངས་སུ་འདྲེན་པ་ལ་ཆོག་ཤེས་པ་མེད་པ་དང་། སྤྱོད་པ་རྣམས་ཡོངས་སུ་རྫོགས་པ་དང་། གཟི་བྱིན་ཆེན་པོ་དང་ལྡན་པ་དང་། སྤོབས་པ་ཐོགས་པ་མེད་པ་དང་། མང་དུ་ཐོས་པ་ཕུན་སུམ་ཚོགས་པ་དང་། མི་དགེ་བ་རྣམས་ཀྱི་བསྔགས་པ་མི་བརྗོད་པ་དང་། དགེ་བའི་ལས་ཡང་དག་པར་སྒྲུབ་པ་དང་། ཕུང་པོ་རྣམས་ཁོང་དུ་ཆུད་པ་དང་། ལྟ་བ་རྣམས་རབ་ཏུ་སྤངས་པ་དང་། རྒྱུའི་ངོ་བོ་ཉིད་རབ་ཏུ་རྟོགས་པ་དང་། སྡོད་ཡུལ་ལས་ཡང་དག་པར་འདས་པ་དང་། སྤྱོད་ཡུལ་མ་ཡིན་པ་ཡོངས་སུ་སྤངས་པ་དང་། ཡོངས་སུ་དང་བ་སྐྱེད་པ་དང་། ཡང་དག་པའི་ལམ་ལ་གནས་པ་དང་། ཐེག་པ་ཆེན་པོ་ལ་རབ་ཏུ་དགའ་བ་དང་། མཉམ་པ་ཉིད་དུ་ཡོངས་སུ་སྡུད་པར་བྱེད་པ་དང་། བདག་མེད་པ་ལ་མངོན་པར་མ་ཆགས་པ་དང་། འཁོར་བ་ལ་ཡོངས་སུ་སྐྱོ་བ་མེད་པ་དང་། མྱ་ངན་ལས་འདས་པ་ཡོངས་སུ་ཚོལ་བ་ལ་མོས་པ་དང་། འདོད་པ་ཆུང་བའི་ཕྱིར་དགོན་པ་ན་གནས་པ་དང་། རྟག་ཏུ་བསོད་སྙོམས་སློང་ཞིང་ལེ་ལོ་མེད་པར་གྱུར་པ་དང་། ཇི་ཙམ་རྙེད་པ་དེ་ཙམ་གྱིས་ཆོག་པར་འཛིན་པ་དང་། ངོ་ཚ་མེད་པ་དང་ཁྲེལ་མེད་པ་སྤངས་པ་དང་། སངས་རྒྱས་རྣམས་ལ་བསྙེན་པར་བྱེད་པ་དང་། དགེ་བའི་གྲོགས་པོ་དང་ལྷན་ཅིག་གནས་པ་དང་། བདག་གི་ཟླ་མ་ཡིན་པ་རྣམས་རབ་ཏུ་སྤོང་བ་དང་། སོ་སོའི་སྐྱེ་བོ་རྣམས་ལ་སྙིང་བརྩེ་བ་དང་། སེམས་ཅན་གྱི་སྤྱོད་པ་དང་འཐུན་པར་བྱེད་པ་དང་། སངས།། རྒྱས་ལ་ཤིན་ཏུ་དང་བ་དང་། སྣོད་མ་ཡིན་པ་ཡོངས་སུ་སྤོང་བ་དང་། མི་མཐུན་པ་རྣམས་ལ་ཚིག་སྦྱིན་པར་མི་བྱེད་པ་དང་། གསོལ་བ་མི་འདེབས་པ་དག་ལ་ཡང་དག་པར་སྟོན་པར་མི་བྱེད་པ་དང་། གསོལ་བ་འདེབས་པ་ཞིག་འོངས་ན་ཅི་རིགས་པར་སྟོན་པར་བྱེད་པ་དང་། ཟས་ལ་སྙོམས་པར་གྱུར་པ་དང་། རྟག་ཏུ་གཏོང་ཞིང་མཉམ་པ་ཉིད་དུ་གཏོང་བ་དང་། སྒོ་ཆེན་པོ་ཕྱེ་ནས་གཏོང་བར་བྱེད་པ་གང་ཡིན་པ་དེ་དག་ནི་ཟླ་འོད་གཞོན་ནུ་ཆོས་རྣམ་པ་བརྒྱད་ཅུ་ཞེས་བྱ་སྟེ། འདི་དག་གིས་དེ་བཞིན་གཤེགས་པ་རྣམས་ཀྱི་ཐོགས་པ་མི་མངའ་བའི་རྣམ་པར་གྲོལ་བ་ཐོབ་པར་བྱེད་དོ།། དེའི་ཚེ་ཟླ་འོད་གཞོན་ནུར་གྱུར་པ་ཆོས་དེ་ལྟ་བུ་ཐོས་པས་རབ་ཏུ་དགའ་བར་གྱུར་ནས། བཅོམ་ལྡན་འདས་ཀྱི་སྤྱན་སྔར་ཚིགས་སུ་བཅད་དེ་མངོན་པར་བསྟོད་པ། དེ་བཞིན་གཤེགས་པས་མིག་ཟད་མཐའ་མཁྱེན་པས་དེ་སླད་རྣམས་དག་ཡེ་ཤེས་སྟོན་མཛད་ལགས། ། རྣམ་དག་ཡེ་ཤེས་སྟོན་པར་མཛད་པས་ནི།། རྣམ་དག་འོད་ཟེར་ཕུན་སུམ་ཚོགས་པ་ལགས།། དེ་བཞིན་གཤེགས་པས་མིག་བདག་མེད་མཁྱེན་པས། ། དེ་སླད་རྣམ་དག་དབྱངས་ནི་སྟོན་མཛད་ལགས།། རྣམ་དག་དབྱངས་ནི་སྟོན་པར་མཛད་པས་ན།། ཚངས་དབྱངས་མཚན་ཉིད་ཕུན་སུམ་ཚོགས་པ་ལགས།། བཅོམ་ལྡན་སྔོན་རི་སེམས་ཅན་ཕན་བཏགས་པས། ། དེ་སྐད་རྣམ་དག་གསུང་ནི་རྫོགས་པ་ལགས།། རྣམ་དག་གསུང་ནི་ཡོངས་སུ་རྫོགས་པས་ན།། འཇིག་རྟེན་ཚད་མེད་རྣམས་ལ་ཕན་འདོགས་མཛད།། དེ་བཞིན་གཤེགས་པས་མིག་ཉིད་སྟོང་མཁྱེན་པས།། དེ་སླད་ཀུན་འཛིན་མཁྱེན་པ་རྫོགས་པ་ལགས།། ཀུན་འཛིན་མཁྱེན་པ་ཡོངས་སུ་རྫོགས་པས་ན།། དེ་བཞིན་གཤེགས་པའི་འོད་ཟེར་དཔག་མེད་སྟོན། ། དེ་བཞིན་གཤེགས་པས་མིག་གི་ཁྱད་པར་མཁྱེན།། མིག་གི་ཁྱད་པར་དག་ཀྱང་མཐའ་མ་མཆིས།། མཁྱེན་པའི་མིང་ནི་དཔག་ཏུ་མ་མཆིས་པས།། དེ་བཞིན་གཤེགས་པའི་འོད་ཟེར་དཔག་མེད་སྟོན།། སངས་རྒྱས་ཡི་གེ་ཁྱད་པར་སྒོ་མཁྱེན་པས།། མིག་སྟོང་ཡི་གེ་བྲལ་བར་རབ་ཏུ་མཁྱེན།། མིག་སྟོང་ཡི་གེ་བྲལ་བར་མཁྱེན་པས་ན།། དེ་བཞིན་གཤེགས་པའི་འོད་ཟེར་དཔག་མེད་སྟོན།། གང་ཞིག་མིག་ལ་བདག་མེད་རབ་སེམས་པ། ། སངས་རྒྱས་གསུང་ནི་བདེན་པ་ཉིད་དུ་རྟོགས།། སངས་རྒྱས་གསུང་ནི་བདེན་པར་རྟོགས་པས་ན།། དེ་བཞིན་གཤེགས་པའི་འོད་ཟེར་ངེས་པ་སྟོན།། བཅོམ་ལྡན་རྫུ་འཕྲུལ་མཆོག་ནི། ཡོངས་རྫོགས་པས།། མིག་གི་འཇིག་པ་དཔག་མེད་ཐུགས་སུ་ཆུད།། མིག་གི་འཇིག་པ་རབ་ཏུ་མཁྱེན་པས་ན།། འཇིག་རྟེན་ཐམས་ཅད་ལ་ནི་ཕན་འདོགས་མཛད།། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། ། མིག་གི་སྐྱེ་བ་དཔག་མེད་རབ་ཏུ་མཁྱེན།། ཇི་ལྟར་བཅོམ་ལྡན་མིག་གི་སྐྱེ་མཁྱེན་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། དེ་བཞིན་རྣ་བ་སྣ་དང་ལྕེ་ལུས་ཡིད།། གཟུགས་སྒྲ་དྲི་རོ་རེག་བྱ། དག་དང་ཆོས།། འཇིག་རྟེན་སྐྱེད་དང་སྒྲ་དང་མིང་ལ་སོགས།། ཐམས་ཅད་ལ་ཡང་དེ་བཞིན་རབ་ཏུ་མཁྱེན།། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། སྦྱིན་པའི་ཕ་རོལ་བྱོན་པ་ཕུན་སུམ་ཚོགས།། ཇི་ལྟར་བཅོམ་ལྡན་སྦྱིན་པའི་ཕ་རོལ་བྱོན། ། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། ཚུལ་ཁྲིམས་རྣམ་དག་ཕ་རོལ་བྱོན་དང་ལྡན།། ཇི་ལྟར་བཅོམ་ལྡན་ཚུལ་ཁྲིམས་ཕ་རོལ་བྱོན། ། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། བཟོད་པའི་ཕ་རོལ་བྱོན་པ་ཕུན་སུམ་ཚོགས།། ཇི་ལྟར་བཅོམ་ལྡན་བཟོད་པའི་ཕ་རོལ་བྱོན།། བདག། ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། བརྩོན་འགྲུས་ཕ་རོལ་བྱོན་པ་ཕུན་སུམ་ཚོགས།། ཇི་ལྟར་བཅོམ་ལྡན་བརྩོན་འགྲུས་ཕ་རོལ་བྱོན།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། བསམ་གཏན་ཕ་རོལ་བྱོན་པ་ཕུན་སུམ་ཚོགས།། ཇི་ལྟར་བཅོམ་ལྡན་བསམ་གཏན་ཕ་རོལ་བྱོན།། བདག་ཀྱང་རིང་པོར་མི་ཐོགས་དེ་བཞིན་ཤོ་ག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། ཤེས་རབ་ཕ་རོལ་བྱོན་པ་ཕུན་སུམ་ཚོགས།། ཇི་ལྟར་བཅོམ་ལྡན་ཤེས་རབ་ཕ་རོལ་བྱོན།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། ། ཆོས་སྐུའི་ཕ་རོལ་བྱོན་པ་ཕུན་སུམ་ཚོགས།། ཇི་ལྟར་བཅོམ་ལྡན་ཆོས་སྐུའི་ཕ་རོལ་བྱོན།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། ། རྣམ་དག་གཟུགས་ནི་དཔག་མེད་ཕུན་སུམ་ཚོགས།། ཇི་ལྟར་བཅོམ་ལྡན་རྣམ་དག་གཟུགས་ལྡན་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས། རྗེ་ཆེན་པོ་རྐང་གཉིས་མཆོག་གྱུར་པ།། རྣམ་དག་ཡིད་ནི་དཔག་མེད་ཕུན་སུམ་ཚོགས།། ཇི་ལྟར་བཅོམ་ལྡན་ཡིད་ནི་ཡིད་ལྡན་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། ། ཡོན་ཏན་མཆོག་ནི་དཔག་མེད་ཕུན་སུམ་ཚོགས།། ཇི་ལྟར་བཅོམ་ལྡན་ཡོན་ཏན་མཆོག་ལྡན་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། ། གཟུགས་ཀྱི་མཚན་ནི་དཔག་མེད་ཕུན་སུམ་ཚོགས།། ཇི་ལྟར་བཅོམ་ལྡན་གཟུགས་ཀྱི་མཚན་ལྡན་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། ། རྣམ་དག་སྒྲ་ནི་དཔག་མེད་ཕུན་སུམ་ཚོགས།། ཇི་ལྟར་བཅོམ་ལྡན་རྣམ་དག་སྒྲ་ལྡན་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། ། རྫུ་འཕྲུལ་ཆེན་པོ་དཔག་མེད་ཕུན་སུམ་ཚོགས།། ཇི་ལྟར་བཅོམ་ལྡན་རྫུ་འཕྲུལ་ཆེ་ལྡན་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། སེམས་ཅན་གདུལ་སླང་སྲིད་པ་གསུམ་ན་བཞུགས།། ཇི་ལྟར་བཅོམ་ལྡན་སེམས་ཅན་འདུལ་མཛད་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ། འཁོར་བའི་སྤྱོད་པ་དཔག་མེད་དག་ལས་འདས།། ཇི་ལྟར་བཅོམ་ལྡན་འཁོར་བའི་སྤྱོད་འདས་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། འདོད་ཆགས་སྤྱོད་པ་དཔག་མེད་དག་ལས་འདས། ། ཇི་ལྟར་བཅོམ་ལྡན་འདོད་ཆགས་སྤྱོད་འདས་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། ཞེ་སྡང་སྤྱོད་པ་དཔག་མེད་དག་ལས་འདས། ། ཇི་ལྟར་བཅོམ་ལྡན་ཞེ་སྡང་སྤྱོད་འདས་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། གཏི་མུག་སྤྱོད་པ་དཔག་མེད་དག་ལས་འདས། ། ཇི་ལྟར་བཅོམ་ལྡན་གཏི་མུག་སྤྱོད་འདས་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། འདོད་ཆགས་ཞེ་སྡང་སྤྱོད་པ་དཔག་མེད་འདས།། ཇི་ལྟར་བཅོམ་ལྡན་འདོད་སྡང་སྤྱོད་འདས་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། ཞེ་སྡང་གཏི་མུག་སྤྱོད་པ་དཔག་མེད་འདས། ། ཇི་ལྟར་བཅོམ་ལྡན་སྡང་རྨོངས་སྤྱོད་འདས་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། འདོད་ཆགས་གཏི་མུག་སྤྱོད་པ་དཔག་མེད་འདས།། ཇི་ལྟར་བཅོམ་ལྡན་འདོད་རྨོངས་སྤྱོད་འདས་པ།། བདག་ཀྱང་རིང་པོར་མི་ཐོགས་དེ་བཞིན་ཤོག། ཐུགས་རྗེ་ཆེན་པོ་རྐང་གཉིས་མཆོག་གྱུར་པ།། ནམཉམ་སྤྱོད་པ་དཔག་མེད་ཡང་དག་འདས།། ཇི་ལྟར་བཅོམ་ལྡན་ནམ་ཉམ་སྤྱོད་འདས་པ།། བདག་ཀྱང་རིང་པོར་མ་ཐགས་དེ་པ་ཤོག། འཛིན་པ་འདོད་ཆགས་དས་ཡོངས་འདས་པས། ། འཇིག་རྟེན་ཀུན་ལ་ཤིན་ཏུ་ཕན་འདོགས་མཛད།། ཇི་ལྟར་བཅོམ་ལྡན་འཇིག་རྟེན་ལན་འདོགས་པ།། བདག་ཀྱང་དེ་འདྲའི་ཡེ་ཤེས་གྲུབ་པར་ཤོག། འདྲེན་པ་ཞེ་སྡང་དག་ལས་ཡོད་འདས་པས། ། འཇིག་རྟེན་ཀུན་ལ་ཤིན་ཏུ་ཕན་འདོགས་མཛད།། ཇི་ལྟར་བཅོམ་ལྡན་འཇིག་རྟེན་ཕན་འདོགས་པ།། བདག་ཀྱང་དེ་འདྲའི་ཡེ་ཤེས་གྲུབ་པར་ཤོག། འདྲེན་པ་གཏི་མུག་སྤྱོད་ལས་ཡོངས་འདས་པ། ། འཇིག་རྟེན་ཀུན་ལ་ཤིན་ཏུ་ཕན་འདོགས་མཛད།། ཇི་ལྟར་བཅོམ་ལྡན་འཇིག་རྟེན་ཕན་འདོགས་པས།། བདག་ཀྱང་དེ་འདྲའི་ཡེ་ཤེས་གྲུབ་པར་ཤོག། འདྲེན་པ་འདོད་ཆགས་ཞེ་སྡང་སྤྱོད་འདས་པ། ། འཇིག་རྟེན་ཀུན་ལ་ཤིན་ཏུ་ཕན་འདོགས་མཛད།། ཇི་ལྟར་བཅོམ་ལྡན་འཇིག་རྟེན་ཕན་འདོགས་པ།། བདག་ཀྱང་དེ་འདྲའི་ཡེ་ཤེས་གྲུབ་པར་ཤོག། འདྲེན་པ་ཞེ་སྡང་གཏི་མུག་སྤྱོད་འདས་པ། ། འཇིག་རྟེན་ཀུན་ལ་ཤིན་ཏུ་ཕན་འདོགས་མཛད།། ཇི་ལྟར་བཅོམ་ལྡན་འཇིག་རྟེན་པན་འདོགས་པ།། བདག་ཀྱང་དེ་འདྲའི་ཡེ་ཤེས་གྲུབ་པར་ཤོག། འདྲེན་པ་འདོད་ཆགས་གཏི་མུག་སྤྱོད་འདས་པ། ། འཇིག་རྟེན་ཀུན་ལ་ཤིན་ཏུ་ཕན་འདོགས་མཛད།། ཇི་ལྟར་བཅོམ་ལྡན་འཇིག་རྟེན་ཕན་འདོགས་པ།། བདག་ཀྱང་དེ་འདྲའི་ཡེ་ཤེས་གྲུབ་པར་ཤོག། འདྲེན་པ་དུག་གསུམ་ཆ་མཉམ་སྤྱོད་འདས་པ། ། འཇིག་རྟེན་ཀུན་ལ་ཤིན་ཏུ་ཕན་འདོགས་མཛད།། ཇི་ལྟར་བཅོམ་ལྡན་འཇིག་རྟེན་ཕན་འདོགས་པ།། བདག་ཀྱང་དེ་འདྲའི་ཡེ་ཤེས་གྲུབ་པར་ཤོག། དེ་བཞིན་གཤེགས་པས་མཁྱེན་པ་མཆོག་ལྡན་པས། ། ལྷ་ཚོགས་མང་པོ་ཐམས་ཅད་འདུལ་བར་མཛད།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ལྷ་མི་ཁ་ལོ་སྒྱུར་བའི་སྟོན་པར་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས།། ཀླུ་ཚོགས་མང་པོ་ཐམས་ཅད་འདུལ་བར་མཛད། ། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ལྷ་མི་ཁ་ལོ་སྒྱུར་བའི་སྟོན་པར་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས།། གནོད་སྦྱིན་མང་པོ་ཐམས་ཅད་འདུལ་བར་མཛད། ། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ལྷ་མི་ཁ་ལོ་སྒྱུར་བའི་སྟོན་པར་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས།། དྲི་ཟ་ཐམས་ཅད་རབ་ཏུ་འདུལ་མཛད་ཅིང་།། དེ་བཞིན་གྲུལ་བུམ་དཔག་ཏུ་མ་མ་དྲིས་པ།། འཁོར་བཅས་ཇི་སྙེད་རབ་ཏུ་འདུལ་བར་མཛད།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ལྷ་མི་ལ་ལོ་སྒྱུར་བའི་སྟོན་པར་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། ཆོས་རྣམས་ཡང་དག་དོན་ནི་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ཡང་དག་དེ་ལ་ཐེ་ཙོམ་མ་མཆིས་ཤོག། དེ་བཞིན་གཤེགས་པས་སྡུག་བསྔལ་ཟད་མཐའ་མཁྱེན། ། སྐྱེ་དགུ་ཐམས་ཅད་ལ་ནི་ཕན་འདོགས་མཛད།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། སྡུག་བསྔལ་ཟད་ལ་ཐེ་ཙོམ་མ་མཆིས་ཤོག། དེ་བཞིན་གཤེགས་པས་རྒྱུ་ཟད་མཐའ་མཁྱེན་པས། ། སྐྱེ་དགུ་ཐམས་ཅད་ལ་ནི་ཕན་འདོགས་མཛད།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། རྒྱུ་བད་དེ་ལ་ཐེ་ཙོམ་མ་མཆིས་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། འཇིག་རྟེན་སྤྱོད་པ་དག་ནི་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་སྤྱོད་ལ་ཐེ་ཙོམ་མ་མཆིས་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། འཇིག་རྟེན་གནས་དང་གནས་མེད་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། འཇིག་རྟེན་ལས་དང་འབྲས་བུ་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། འཇིག་རྟེན་རང་བཞིན་སྣ་ཚོགས་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། ཐམས་ཅད་ཀུན་ཏུ་འགྲོ་བའི་སྤྱོད་པ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། འཇིག་རྟེན་མོས་པ་སྣ་ཚོགས་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། དབང་པོ་རྣམས་ཀྱི་རང་བཞིན་ཐམས་ཅད་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། བསམ་གཏན་སྤྱོད་པ་དག་ནི་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། རྣམ་པར་ཐར་པའི་སྤྱོད་པ་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། ཆ་མཉམ་སྤྱོད་པ་དག་ནི་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས།། སྙོམས་འཇུག་སྤྱོད་པ་དག་ནི་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་འཁོར་བ་རབ་མཁྱེན་པས།། འཁོར་བ་ཉོན་མོངས་རྒྱུ་ལས་སྐྱེས་པར་མཁྱེན། ། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་ཐམས་ཅད་རབ་མཁྱེན་པས།། འཇིག་རྟེན་པ་ན་འདོགས་དཔེ་ཟླ་ཡོད་མ་མཆིས། ། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་ཏིང་འཛིན་རབ་གནས་པས།། ཁྱད་པར་ཐབས་ཀྱི་ཡེ་ཤེས་སྐྱེད་པར་མཛད། ། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོན་ལྡན་པས། ། སྔོན་གྱི་གནས་ཀྱི་སྤྱོད་པ་དཔག་མེད་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། འཆི་འཕོ་སྐྱེ་བ་དཔག་མེད་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། ཉོན་མོངས་ཟད་པ་ཐམས་ཅད་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། བླ་མེད་བྱང་ཆུབ་ཡང་དག་མངོན་སངས་རྒྱས།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱི་ད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། ཉོན་མོངས་བག་ཆགས་དག་ནི་རབ་ཏུ་སྤངས།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་མཁྱེན་པ་མཆོག་ལྡན་པས། ། འཁོར་བ་ངེས་འབྱུང་ཆོས་ནི་རབ་ཏུ་སྟོན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་སཔས་ཆོས་དོན་རབ་མཁྱེན་པས། ། སེམས་ཅན་དཔག་མེད་རྣམས་ལ་གོ་བར་མཛད།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པས་ཆོས་ཉིད་སྒྱུ་མ་དང་། ། རྨི་ལམ་སྨིག་རྒྱུ་ལྟ་བུར་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱི་ད་ཤོག། དེ་བཞིན་གཤེགས་པས་འཇིག་རྟེན་ཐམས་ཅད་ཀྱི། ། ཡི་གེ་དག་དང་བརྗོད་པ་རབ་ཏུ་མཁྱེན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་སྤོབས་པ་མཆོག་ལྡན་པས། ། དམ་ཆོས་ཟབ་མོ་དག་ནི་སྟོན་པར་མཛད།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་སྐུ་གསུང་ཐུགས་འདུལ་བས། ། ཐམས་ཅད་ཡེ་ཤེས་རྗེས་སུ་འབྲང་བར་མཛད།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པ་དུས་གསུམ་རབ་མཁྱེར་པས། ། འཛིན་དང་ཆགས་པ་མི་མངའ་ཐོགས་མི་མངའ།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཇིག་རྟེན་ཐམས་ཅད་ལ་ནི་ཕན་བགྱིད་ཤོག། དེ་བཞིན་གཤེགས་པས་ཚུལ་ཁྲིམས་ཏིང་འཛིན་དང་། ཤེས་རབ་བསྒྲུབས་པས་དེ་ལས་ལྡོག་མི་འགྱུར།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ཁམས་གསུམ་ཐུགས་རྗེ་ཆེན་པོའི་གཙོར་གྱུར་ཅིག། དེ་བཞིན་གཤེགས་པས་རྣམ་གྲོལ་རབ་བསྒྲུབ་པས། ། རྣམ་གྲོལ་མཁྱེན་དང་གཟིགས་པ་ལྡོག་མི་མངའ།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ཁམས་གསུམ་ཐུགས་རྗེ་ཆེན་པོའི་གཙོར་གྱུར་ཅིག། དེ་བཞིན་གཤེགས་པས་ཞེ་གནས་ལྷག་མཐོང་བསྒྲུབས།། ལྷ་མི་འཇིག་རྟེན་དག་ར་མཚུངས་མ་མཆིས།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ཁམས་གསུམ་ཐུགས་རྗེ་ཆེན་པོའི་གཙོར་གྱུར་ཅིག། དེ་བཞིན་གཤེགས་པ་མཁྱེན་པ་མཆོག་ལྡན་པས།། འཇིག་རྟེན་ཆོས་རྣམས་ལ་ནི་ཞེན་མི་མངའ།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། ཁམས་གསུམ་ཐུགས་རྗེ་ཆེན་པོའི་གཙོར་གྱུར་ཅིག། དེ་བཞིན་གཤེགས་པ་འཇིག་རྟེན་མཁྱེན་ལྡན་པས།། འགྲོ་བ་སྣ་ཚོགས་དག་ནི་གསལ་བར་གཟིགས།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འགྲོ་བ་དེ་ལ་ཐེ་ཚོམ་མ་མཆིས་ཤོག་དེ་བཞིན་གཤེགས་པ་སྐྱེ་ཟད་མཐའ་མཁྱེན་པས། ། དེ་སླད་དེ་ལ་རྨོངས་པ་ཡོངས་མི་མངའ།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། སྐྱེ་ཟད་ཉིད་ལ་ཐེ་ཙོམ་མ་མཆིས་ཤོག། དེ་བཞིན་གཤེགས་པ་རབ་ཞི་མཐའ་མཁྱེན་པས། ། དེ་སླད་དེ་ལ་རྨོངས་པ་ཡོངས་མི་མངའ།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། རབ་ཞི་དེ་ལ་ཐེ་ཚོམ་མ་མཆིས་ཤོག། དེ་བཞིན་གཤེགས་པ་འཁོར་བའི་མཐའ་མཁྱེན་པས། ། དེ་སླད་དེ་ལ་རྨོངས་པ་ཡོངས་མི་མངའ།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། འཁོར་བ་དེ་ལ་ཐེ་ཚོམ་མ་མཆིས་ཤོག། དེ་བཞིན་གཤེགས་པས་སྔོན་དང་ཕྱི་མཐའ་མཁྱེན།། དེ་སླད་སློབ་དཔོན་མ་མཆིས་མཁྱེན་དང་ལྡན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། སྔ་ཕྱིའི་མཐའ་ལ་ཐེ་ཙོམ་མ་མཆིས་ཤོག། དེ་བཞིན་གཤེགས་པས་སྐྱོན་ཟློག་མཐའ་རབ་མཁྱེན། སླད་སློབ་དཔོན་མ་མཆིས་མཁྱེན་དང་ལྡན།། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། སྐྱོན་ཟློག་དེ་ལ་ཐེ་ཚོམ་མ་མཆིས་ཤོག། དེ་བཞིན་གཤེགས་པས་སྔོན་དང་ཕྱི་མཐའ་མཁྱེན།། མིག་གི་རྟག་ཆད་དག་ལ་འཛིན་མི་མངའ། ། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། སྔ་ཕྱི་མཐའ་ལ་ཐེ་ཚོམ་མ་མཆིས་ཤོག། དེ་བཞིན་གཤེགས་པས་སྐྱེ་ཟད་མཐའ་མཁྱེན་པས།། མིག་གི་རྟག་ཆད་དག་ལ་འཛིན་མི་མངའ། ། བདག་ཀྱང་དེ་འདྲའི་ཡེ་ཤེས་གྲུབ་གྱུར་ནས།། སྐྱེ་ཟད་ཉིད་ལ་ཐེ་ཚོམ་མ་མཆིས་ཤོག། གང་ཞིག་སྔོན་དང་ཕྱི་མཐའ་མ་རྟོགས་པས།། དེས་ནི་འདོད་པ་དག་ལ་ཞེན་པ་སྐྱེད།། དེ་བཞིན་གཤེགས་པས་དེ་ནི་རབ་མཁྱེན་པས། ། དེ་སླད་འདོད་པ་དག་ལ་ཞེ་ན་མི་མངའ།། གང་ཞིག་ཡོད་མེད་མཐའ་ནི་མ་རྟོགས་པ།། དེས་ནི་འདོད་པ་དག་ལ་ཞེན་པ་སྐྱེད།། དེ་བཞིན་གཤེགས་པས་དེ་ནི། རབ་མཁྱེན་པས།། དེ་སླད་འདོད་པ་དག་ལ་ཞེན་མི་མངའ།། གང་ཞིག་ཟད་དང་མ་ཟད་མ་རྟོགས་པ།། དེས་ནི་འདོད་པ་དག་ལ་ཞེན་པ་སྐྱེད།། དེ་བཞིན་གཤེགས་པས་དེ་ནི་རབ་མཁྱེན་པས།། དེ་སླད་འདོད་པ་དག་ལ་ཞེན་མི་མངའ།། གང་ཞིག་འཇུག་དང་མི་འཇུག་མ་རྟོགས་པ།། དེས་ནི་འདོད་པ་དག་ལ་ཞེན་པ་སྐྱེད།། དེ་བཞིན་གཤེགས་པས་དེ་ནི་རབ་མཁྱེན་ནས།། དེ་སླད་འདོད་པ་དག་ལ་ཞེན་མི་མངའ། ། ཞེ་སྡང་གཏི་མུག་ཁོང་ཁྲོ་འཆལ་པ་དང་།། གཡོ་སྒྱུ་ཕྲག་དོག་ང་རྒྱལ་ཁེངས་པ་དང་།། སྦྱིན་དང་ཚུལ་ཁྲིམས་བཟོད་དང་བརྩོན་འགྲུས་དང་།། བསམ་གཏན་ཤེས་རབ་དག་ཀྱང་དེ་བཞིན་ནོ། ། དེ་ནས་བཅོམ་ལྡན་འདས་ཀྱིས།། ཟླ་འདི་གཞོན་ནུར་གྱུར་པའི་སེམས་ཀྱིས་རྟོག་པ་ཐུགས་ཀྱིས་མཁྱེན་ནས་འཛུམ་པ་མཛད་དེ། འོད་ཟེར་གསེར་གྱི་ཁ་དོག་ལྟ་བུ་རབ་ཏུ་བཀྱེའོ། ། འོད་ཟེར་དེས་ཀྱང་སངས་རྒྱས་ཀྱི་ཞིང་ཚད་མེད་པ་དཔག་ཏུ་མེད་པ་རྣམས་སྣང་བར་བྱས་ཏེ། འཇིག་རྟེན་གྱི་ཁམས་དེ་དག་ཏུ་ཕན་པ་དག་བྱས་ནས། བཅོམ་ལྡན་འདས་ལ་ལན་གསུམ་བསྐོར་བ་བྱས་ཏེ། དེ་བཞིན་གཤེགས་པའི་གཙུག་ཏོར་ཉིད་དུ་ཐིམ་པར་གྱུར་ཏོ།། དེ་ནས་དེའི་ཚེ་བྱང་ཆུབ་སེམས་དཔའ་བྱམས་པ་འདུག་པའི་སྟན་ལས་ལངས་ནས། བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། གུས་པས་ཐལ་མོ་སྦྱར་ནས་ཚིགས་སུ་བཅད་པ་འདི་དག་གིས་མངོན་པར་བསྟོད་དེ། བཅོམ་ལྡན་འདས་ལ་ཞུ་བ་ཞུས་པ།། འབྲུག་དང་སེང་གེའི་སྒྲ་སྒྲོགས་ཤིང་།། ཀ་ལ་བིང་ཀའི་སྒྲ་ཕྱུང་ནས།། ཆོས་རྔ་ཆེན་པོའི་སྒྲ་འབྱིན་པ། ། ཅི་ཡི་སླད་དུ་འཛུམ་པ་མཛད།། ཉི་མ་སྟོང་པས་ཁྱད་པར་འཕགས།། རྣམ་དག་སྤ་རབ་དག་དང་ལྡན།། ཡོན་ཏན་ངོ་མཚར་རབ་མངའ་བ།། ཅི་སླད་འོད་ཟེར་བཀྱེ་བ་མཛད།། སྦྱིན་དང་ཚུལ་ཁྲིམས་བཟོད་བརྩོན་འགྲུས། ། བསམ་གཏན་ཤེས་རབ་རབ་བརྒྱན་པས།། ཐམས་ཅད་དག་ནི་ཡོངས་རྫོགས་པ།། ཅི་སྐད་འོད་ཟེར་བཀྱེ་བ་མཛད།། དེ་བཞིན་གཤེགས་པ་དབྱངས་མཉེས་པས།། ངག་རྩུབ་རྣམས་ནི་རྟག་ཏུ་སྤངས།། སེམས་ཅན་ནད་ནི་ལེགས་གསོ་བ།། ཅི་སླད་འོད་ཟེར་བཀྱེ་བར་མཛད།། ཐུགས་རྗེ་ཆེན་པོ་རྐང་གཉིས་གཙོ།། མིག་ནི་རྟག་ཏུ་སྟོང་དབེན་མཁྱེན།། རྣམ་དག་ཚངས་པའི་དབངས་མངའ་བས། ། སེམས་ཅན་རྣམས་ལ་ཆོས་སྟོན་མཛད།། རྣ་བ་སྣ་ལྡེ་ལུས་དང་ཡིད།། སྒྲ་དང་མིང་ལ་སོགས་པ་ནས།། ཀུན་འབྱུང་འགོག་པ་ལམ་དག་དང་།། ཡེ་ཤེས་བཟོད་པ་རབ་དེ་བཞིན། ། ཐུགས་རྗེ་ཆེན་པོ་རྐང་གཉིས་གཙོ།། མིག་ཟད་སྐྱེ་བའི་མཐའ་དག་དང་།། རབ་ཞི་དང་ནི་འཁོར་བ་དག། ཐམས་ཅད་སྟོང་དབེན་ཉིད་དུ་མཁྱེན།། རྣ་བ་སྣ་ལྕེ་ལུས་དང་ཡིད། ། གཟུགས་སྒྲ་དྲི་རོ་རེག་བྱ་ནས།། སྒྲ་དང་མིང་ལ་སོགས་པའི་བར།། ཐམས་ཅད་ཀྱང་ནི་དེ་བཞིན་ནོ།། གཞན་ཡང་རྟེན་ཅིང་འབྲེལ་འབྱུང་ཆོས།། ཆད་དང་རྟག་པ་ཡོངས་བྲལ་ནས།། བདག་དང་གཞན་གྱིས་བྱས་མིན་པས།། རྐྱེན་མང་ལས་བྱུང་ཉིད་དུ་གསུང་།། རེས་འགའ་རྣམ་གྲངས་སྣ་ཚོགས་ཀྱིས།། སྡུག་བསྔལ་གཞི་ནི་སྟོན་པར་མཛད།། རེས་འགའ་དོན་ནི་སྣ་ཚོགས་ཀྱིས། ། སངས་རྒྱས་འོད་ཟེར་བསྔགས་པར་མཛད།། རེས་འགའ་ཚིག་ནི་ཚད་མེད་ཀྱིས།། རབ་དབེན་ཆོས་ནི་སྟོན་མཛད་ཅིང་།། གང་ཟག་སྲོག་དང་བདག་མེད་དང་།། སེམས་ཅན་མེད་པ་ཉིད་དུ་སྟོན། ། འདས་པའི་སངས་རྒྱས་ཚད་མེད་ཀྱང་།། བསམ་གྱིས་མི་ཁྱབ་པ་དག་གིས།། ཚིགས་སུ་བཅད་པ་བརྒྱ་སྟོང་གིས།། དེ་འདྲའི་རྒྱས་ན་སྟོན་པར་མཛད། ། དེ་བཞིན་གཤེགས་པས་ཡོན་ཏན་ནོས།། ཡང་དག་ཉིད་ནི་སྟོན་མཛད་ཀྱང་།། བརྗོད་དང་བརྗོད་བྱ་མི་མངའ་བས།། བརྗོད་མཛད་ཆོས་ཀྱང་ཡོང་མི་མངའ།། བཅོམ་ལྡན་ཡང་དག་ཆོས་གསུང་ཞིང་། ། སྐྱེ་དགུ་རྣམས་ནི་གོ་མཛད་པས།། ལྷ་རྣམས་དང་ནི་གནོད་སྦྱིན་དག། གང་ཐོས་དེ་དག་རྟོགས་པར་འགྱུར།། ལྷ་མ་ཡིན་ནི་ཐམས་ཅད་ཀྱང་།། མོས་པ་དག་ནི་རྣམ་པར་དག། མི་ནི་མང་པོ་ཚད་མེད་ཀྱང་།། ཐེ་ཚོམ་དྲ་བ་ཆད་པར་འགྱུར།། འདོད་ཆགས་རང་བཞིན་རབ་ཏུ་རྟོགས།། ཞེ་སྡང་གཏི་མུག་རྣམ་པར་བཤིག། སྲེང་དང་ང་རྒྱལ་མ་རིཀ་དང་།། གཡོ་སྒྱུ་ཕྲག་དོག་སྤྲོས་པ་ནས།། སྡུག་བསྔལ་ཕུང་པོ་ལ་སོགས་པར།། ཐམས་ཅད་ཀྱང་ནི་ཡོངས་སུ་སྤངས།། འདི་ལ་སོགས་པའི་ཚིག་གི་དོན།། མཐར་ནི་ཀུན་ཀྱང་རྣམ་པར་དག། དེ་བཞིན་གཤེགས་པས་ཆོས་གཅིག་ལ། ། སྣ་ཚོགས་མིང་ནི་རབ་མཁྱེན་པས།། གྲངས་ནི་བརྒྱ་སྟོང་མང་པོ་རྣམས།། བསམ་གྱིས་མི་ཁྱབ་རབ་ཏུ་སྟོན།། སངས་རྒྱས་ཚད་མེད་མང་པོ་ལས།། དེ་འདྲའི་ཆོས་ནི་ལེགས་བསླབས་པས།། ཆོས་ཀྱི་དངོས་པོ་གཅིག་ལ་ཡང་།། བརྗོད་པ་ཐུག་པ་མེད་པ་སྟོན།། དེ་བཞིན་གཤེགས་པས་ཆོས་རྣམས་ཀྱི།། རྣམ་གྲངས་སྣ་ཚོགས་རབ་མཁྱེན་པས། ། མིང་ཚིག་དང་པོ་བར་མ་དང་།། མཐའ་མ་རྣམ་འབྱེད་རབ་ཏུ་མཁྱེན།། ཐ་དད་ཚིག་ནི་སྣ་ཚོགས་དག། ཐམས་ཅད་རབ་ཏུ་བསླབས་པས་ན།། དོན་མཆོག་དག་ན་གྱི་ནོམ་པ། སྟོན་པ་དག་ལ་རབ་ཏུ་མཁྱེན།། དེ་འདྲའི་དབྱངས་ནི་རྣམ་དག་པ།། རྒྱུ་རྐྱེན་ཚོགས་པ་ལས་བྱུང་བས།། ལྕེ་འབབ་ཞིག་ལ་རྟེན་པ་ནས།། ལུས་སེམས་པར་ལ་རྟེན་པའང་མིན།། ས་ནི་རྣམ་པ་དྲུག། ཏུ་གཡོས།། ཕྱོགས་བཅུའི་འཁོར་ནི་ཡོངས་འདུས་ནས།། ཐལ་སྦྱར་བཅོམ་ལྡན་ཞལ་ལྟ་ན།། ཐེ་ཙོམ་དག་ནི་བསལ་དུ་གསོལ།། དེ་བཞིན་གཤེགས་པས་མིག་ཟད་དང་།། སྐྱེ་མཐའ་དག་ནི་རང་བཞིན་གྱིས། ། རྟག་ཏུ་སྟོང་ཞིང་དབེན་པ་དང་།། འགྲོ་འོང་མེད་པར་རབ་ཏུ་མཁྱེན།། བཞུགས་དང་གནས་ནི་མི་མངའ་བས།། ཡང་དག་མཐའ་ལ་རབ་ཏུ་བཞུགས།། བཅོམ་ལྡན་སྤུན་ནི་ཐོགས་མི་མངའ། ། དེ་སླད་དེང་བདག་ཞུ་བ་ལགས།། དེ་བཞིན་གཤེགས་པས་མིག་ཉིད་ཀྱི།། སྔོན་དང་ཕྱི་མའི་མཐའ་དག་ཀྱང་།། ཟད་དང་མ་ཟད་འཁོར་བ་ནི།། རང་བཞིན་སྟོང་དབེན་རབ་མཁྱེན་པས། ། ཆོས་ཀྱི་དོན་རྣམས་རབ་ཕྱེ་ནས།། འཇིག་རྟེན་རྣམས་ནི་དགའ་བར་མཛད།། ཐུབ་པ་དབྱངས་སྙན་རབ་མངའ་བས།། ཅི་སླད་འཛུམ་པ་སྟོན་པར་མཛད།། བཅོམ་ལྡན་སྔོན་དང་ཕྱི་མཐའ་དང་། ། མིག་ཉིད་སྟོང་དབེན་རབ་མཁྱེན་ཅིང་།། རྣམ་རྟོག་ཚིག་དང་བྲལ་ལགས་ན།། ཅི་སླད་འཛུམ་པ་སྟོན་པར་མཛད།། བཅོམ་ལྡན་མིང་ནི་དཔག་མེད་དང་།། པ་སྣ་ཚོགས་རང་བཞིན་གྱིས།། རྟག་ཏུ་སྟོང་དབེན་མཁྱེན་ལགས་ན།། ཅི་སླད་འཛུམ་པ་སྟོན་པར་མཛད།། བཅོམ་ལྡན་ཟད་དང་སྐྱེ་མཐའ་དང་།། མིག་ཉིད་སྟོང་དབེན་རབ་མཁྱེན་ཅིང་། ། ཉོན་མོངས་རྣམས་ནི་ཡོངས་སྤངས་པས།། སངས་རྒྱས་བྱང་ཆུབ་མཁྱེན་པ་བརྙེས།། གྲགས་པ་མཆོག་ནི་ཕུན་ཚོགས་པ།། ཅི་སླད་འཛུམ་པ་སྟོན་པར་མཛད།། བཅོམ་ལྡན་ཡུན་རིང་བསྒོམ་བསླབས་པས། ། བསམ་གྱིས་མི་ཁྱབ་སྟོན་པར་མཛད།། མོག་ཉིད་སྟོང་པ་ཉིད་དུ་མཁྱེན།། དྲི་བྲལ་རྟག་ཏུ་རྣམ་པར་དག། སེམས་ཀྱི་སྤྱོད་པ་ཚད་མེད་རྣམས།། དགོངས་པ་གཅིག་གི་ཐམས་ཅད་མཁྱེན། ། འོད་ཟེར་འཇིག་རྟེན་སྣང་མཛད་པ།། འདི་ནི་གང་གི་སྔ་རྟགས་ལགས།། དྲང་སྲོང་ཆེན་པོ་མངོན་སངས་རྒྱས།། རྐང་གཉིས་གཙོ་བོ་ཁྱད་པར་འཕགས།། ཉོན་མོངས་དག་ནི་རབ་བསལ་བས། ། ཐུགས་ནི་རྟག་ཏུ་ཞི་ཞིང་དབེན།། དེ་བཞིན་གཤེགས་པ་མཁྱེན་མཆོག་གིས།། མིག་ཟད་མཐའ་ནི་རབ་ཏུ་རྟོགས།། རྒྱུ་དང་རྐྱེན་ནི་གང་གི་སླད།། དེང་འདིར་འཛུམ་པ་སྟོན་པར་མཛད། ། རྣ་བ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི།། སྒྲ་དང་མིང་ལ་སོགས་པའི་བར།། ཐམས་ཅད་ཀྱང་ནི་དེ་བཞིན་ནོ།། བཅོམ་ལྡན་མིག་ལ་བདག་མེད་མཁྱེན།། རྣ་བ་མི་རྟག་ཉིད་དུ་རྟོགས། ། སྣ་ཉིད་སྟོང་པར་རབ་མཁྱེན་ན།། ཅི་སླད་འཛུམ་པ་སྟོན་པར་མཛད།། བཅོམ་ལྡན་ལྕེ་ལ་བདག་མེད་མཁྱེན།། ལུས་ཀྱང་མི་རྟག་ཉིད་དུ་རྟོགས།། སེམས་ཉིད་སྟོང་པར་རབ་མཁྱེན་ན། ། ཅི་སྲད་འཛུམ་པ་སྟོན་པར་མཛད།། བཅོམ་ལྡན་གཟུགས་ལ་བདག་མེད་མཁྱེན།། སྒྲ་ཡང་མི་རྟག་ཉིད་དུ་རྟོགས།། དྲི་ཉིད་སྟོང་པར་རབ་མཁྱེར་ན།། ཅི་སླད་འཛུབ་པ་སྟོན་པར་མཛད། ། བཅོམ་ལྡན་རོལ་བདག་མེད་མཁྱེན།། རེག་བྱ་མི་རྟག་ཉིད་དུ་རྟོགས།། ཆོས་ཉིད་སྟོང་པར་རབ་མཁྱེན་ན།། ཅི་སྡད་འཛུམ་པ་སྟོན་པར་མཛད།། བཅོམ་ལྡན་ས་ལ་བདག་མེད་མཁྱེན། ཆུ་ཡང་མི་རྟག་ཉིད་དུ་རྟོག། མེ་ཉིད་སྟོང་པར་རབ་མཁྱེན་ན།། ཅི་སླད་འཛུམ་པ་སྟོན་པར་མཛད།། བཅོམ་ལྡན་རླུང་ལ་བདག་མེད་མཁྱེན།། ངོ་བོ་མི་རྟག་ཉིད་དུ་རྟོགས།། དངོས་ཉིད་སྟོང་པར་རབ་མཁྱེན་ནས། ། ཅི་སླད་འཛུམ་པ་སྟོན་པར་མཛད།། བཅོམ་ལྡན་འཇིག་རྟེན་བདག་མེད་མཁྱེན།། སྡུག་བསྔལ་མི་རྟག་ཉིད་དུ་རྟོགས།། ཕུང་པོ་སྟོང་པར་རབ་མཁྱེན་མ།། ཅི་སླད་འཛུམ་པ་སྟོན་པར་མཛད། ། བཅོམ་ལྡན་ཁམས་ལ་བདག་མེད་མཁྱེན།། འཇིག་རྟེན་མི་རྟག་ཉིད་དུ་རྟོགས།། སྐྱེ་ཉིད་སྟོང་པར་རབ་མཁྱེན་ན།། ཅི་སླད་འཛུམ་པ་སྟོན་པར་མཛད།། བཅོམ་ལྡན་སྦ་ལ་བདག་མེད་མཁྱེན། ། མིང་ཡང་མི་རྟག་ཉིད་དུ་རྟོགས།། ལམ་ཉིད་སྟོང་པར་རབ་མཁྱེན་ན།། ཅི་སྐད་འཛུམ་པ་སྟོན་པར་མཛད།། བཅོམ་ལྡན་ཡེ་ཤེས་བདག་མེད་མཁྱེན།། རབ་དབེན་མི་རྟག་ཉིད་དུ་རྟོགས། ། སེམས་ཅན་སྟོང་པར་རབ་མཁྱེན་ན།། ཅི་སླད་འཛུམ་པ་སྟོན་པར་མཛད།། བཅོམ་ལྡན་རང་བཞིན་རང་བཞིན་མེད།། བདག་དང་བདག་མེད་པ་ཡང་མཁྱེན།། མོས་པ་སྟོན་པར་རབ་མཁྱེན་ན། ། ཅི་སླད་འཛུམ་པ་སྟོན་པར་མཛད།། འཁོར་བ་བདག་མེད་ཉིད་དུ་གཟིགས།། རྟག་དང་མི་རྟག་པ་ཡང་མཁྱེན།། མྱ་ངན་འདས་པ་སྟོང་མཁྱེན་ན།། སྣསྨད་འཛུམ་པ་སྟོན་པ་སྟོན་པར་མཛད།། དེ་བཞིན་གཤེགས་པ་ཐུགས་རྣམས་གྲོལ།། གྲགས་པ་ཁམས་གསུམ་ཀུན་ཏུ་གང་།། བརྒྱ་བྱིན་མོ་ཡི་དབང་པོ་དང་།། ཀླུ་རྣམས་ལ་སོགས་ཀུན་གྱིས་མཆོད། ། དེ་བཞིན་གཤེགས་པས་མིག་ཟད་དང་།། སྐྱེ་མཐའ་རབ་དབེན་མཁྱེན་ལགས་ན།། ཅི་སླད་འཛུམ་པ་སྟོན་པར་མཛད།། སངས་རྒྱས་སྲས་ནི་ཚད་མེད་པ།། འཁོར་འདིར་ཐམས་ཅད་རབ་ཏུ་འདུས། ། སངས་རྒྱས་གསུང་ལས་སྐྱེས་པ་དང་།། ཆོས་ལས་སྤྲུལ་ཏེ་གང་བྱུང་བ།། ཐམས་ཅད་བཅོམ་ལྡན་སྤྱན་སྔར་མཆིས།། གུས་པས་ཐལ་མོ་རབ་སྦྱར་ལགས། ། འཁོར་འདུས་དེ་དག་སླད་དུ་ནི།། འོད་ཟེར་རྒྱུ་རྐྱེན་འདི་འུ་ལགས།། དེ་ཟེཞིན་གཤེགས་པས་མིག་ཉིད་ནི།། སྟོང་ཞིང་བདག་མེད་མཁྱེན་པས་ན།། ཁྱིམ་ན་གནས་པོའི་རྣལ་འབྱོར་པ། ། ཐམས་ཅད་ལས་ནི་ཡང་དག་འདས།། དེ་བཞིན་གཤེགས་པས་ཆོས་རྣམས་ནི།། བྱེ་བྲག་མེད་ཅིང་མཉམ་མཁྱེན་པ།། བཅོམ་ལྡན་དགོངས་པས་རབ་མཁྱེན་གྱི།། རྫུ་འཕྲུལ་དག་གིས་གཟིགས་མ་ཡིད།། བཅོམ་ལྡན་མིག་ལ་བདག་མེད་མཁྱེན།། ངོ་བོ་ཉིད་སྟོང་འགྲོ་འོང་མེད།། རྣམ་དག་མཁྱེན་པ་ཚད་མ་མཆིས།། ཅི་སླད་འཛུམ་པ་སྟོན་པར་མཛད།། ། བམ་པོ་གསུམ་པ།། དེ་བཞིན་གཤེགས་པ་སྐྱེ་མཐའ་རབ་ཟད་པ།། ཐུགས་རྗེ་ཆེན་པོས་འཇིག་རྟེན་ཀུན་སྐྱོབ་མཛད།། ཆོས་རྗེ་མཆོག་གྱུར་མི་ཡི་གཙོར་གྱུར་པ། ། ཅི་སླད་འཛུམ་པ་བསྟན་མཛད་བཤད་དུ་གསོལ།། བྱང་ཆུབ་སེམས་དཔའ་ཆེན་པོ་ཚད་མ་མཆིས།། གཞན་ཡང་ལྷ་ཚོགས་གཟི་བྱིན་ཆེ་བ་རྣམས།། མཁའ་ལ་གདུགས་ནི་དམ་པ་དག་ཀྱང་ཐོགས། ། ས་ཆེན་འདི་ནི་རབ་ཏུ་གཡོས་པར་འགྱུར།། གང་ཞིག་སྔོན་ནི་དེ་བཞིན་གཤེགས་པ་ལས།། ཡུན་རིང་དགེ་བའི་ཆོས་ནི་གང་བསྒྲུབས་པ།། མཉབ་པར་དགའ་མཛད་ཐུགས་རྗེ་ཆེན་པོའི་གཙོ། ། ཅི་སླད་འཛུམ་པ་བསྟན་མཛད་བཤད་དུ་གསོལ།། གང་ཞིག་སྔོན་ནི་སངས་རྒྱས་རབ་མཆོད་ནས།། ཆོས་འདི་ཐོས་ནས་དགའ་བ་རབ་སྐྱེས་ནས།། འདྲེན་པ་རབ་མཆོག་མི་ལི་གཙོར་གྱུར་པ། ། ཅིསྲ་འཛུམ་པ་བསྟན་མཛད་བ་ཤད་དུ་གསོལ།། བཅོམ་ལྡན་གསུང་ནི་མང་པོ་དགའ་མཛད་པས།། བྱ་རྒྱལ་དང་བཞིན་ཏུ་དབྱངས་ན།། སྒྲ་སྙ་མེད་རང་གི་དང་གིས་འབྱུང་། ། ཙཾ་སླད་འོད་ཟེར་འདི་བགྱི་བཤད་དུ་གསོལ།། ཚིགས་བཤད་བྱེ་འཚད་མ་མཆིས་པ་ཡི།། རྗེས་འཐུན་གསུང་གི་བསྔགས་པ་བརྗོད་འགྱུར་ཞིང་།། @#་ཡི་སྭ་སྐད་མཆོག་ལྡན་པ། ། ཅི་སྲང་འོད་ཟེར་བཀྱེ་བ་བཤད་དུ་གསོལ།། འབྲུག་སྦ་ཟབ་མོས་ཆོས་ནི་བསྟན་པའི་སྲས།། འཇིག་རྟེན་བརྒྱ་སྟོང་དཔག་མེད་གྲགས་གྱུར་པ།། ཐུགས་རྗེས་ཚིག་རྩུབ་ཡང་ན་འཇབ་སྟོན་པ། ། ཅི་སླད་འོད་ཟེར་གསེར་གྱི་ཁ་དོག་བཀྱེ།། སྐྱེ་དང་མི་སྐྱེ་ཟད་དང་མི་ཟད་མཁྱེན།། མིག་ཉིད་བྲལ་ཞིང་འགྲོ་འོང་མེད་པར་རྟོགས།། འཇིག་རྟེན་སྣང་མཛད་བདུད་རྩིའི་མཆོག་གྱུར་པ། ། ཅི་སླད་འོད་ཟེར་གསེར་གྱི་ཁ་དོག་བཀྱེ།། མིག་གི་འབྱུང་བ་རྟག་ཏུ་སྟོང་དབེན་དང་།། འགྲོ་འོང་མ་མཆིས་གནས་པ་མ་མཆིས་དང་།། སྨིག་རྒྱུ་ཆུ་བུར་ལྟ་བུར་རབ་མཁྱེན་པ། ། རྒྱུ་རྐྱེན་གང་གི་སླད་དུ་འཛུམ་བསྟན་ལགས།། དེ་བཞིན་རྣ་བ་སྣ་ལྕེ་ལུས་དང་ཡིད།། གཟུགས་སྒྲ་དྲི་རོ་རེག་བྱ་ཆོས་རྣམས་ནས།། སྒྲ་དང་མིང་ལ་སོགས་པའི་བར་དུ་ཡང་། ། ཐམས་ཅད་དེ་བཞིན་དུ་ནི་རིག་པར་བགྱི།། རྡོ་རྗེ་རྟག་པའི་སྐུ་དང་མི་འཇིག་སུ།། མཚན་མཆོག་བརྒྱ་སྟོང་དག་ནི་ཕུན་སུམ་ཚོགས།། སྲུ་ལ་འཁྲུལ་འཁོར་མི་མངའ་གཡོ་མཛད་པ། ། རྒྱུ་རྐྱེན་གང་སླད་འཛུམ་མཛད་བཤད་དུ་གསོལ།། བྱིན་པ་ཟླུམ་ཞིང་ཞབས་ཀྱི་རྟིང་པ་རིང་།། ཕྱག་གི་མཚན་མ་མི་གདའ་སེང་གེ་འདྲ།། ལྟེ་བ་ཤིན་ཏུ་ཟབ་ཅིང་རྐེད་རྒྱས་པ། ། རྒྱུ་རྐྱེན་གང་སླད་འཛུམ་མཛད་བཤད་དུ་གསོལ།། གསེར་སྐུ་རྣམ་དག་རྡུལ་དང་དྲི་མ་སྤངས།། བ་སྤུ་རེ་རེ་ཁ་དོག་མཐོན་མཐིང་ལྡན།། གཡས་སུ་འཁྱིལ་ཅིང་སྤོས་ཀྱི་ངད་ལྡང་བ།། རྒྱུ་རྐྱེན་གང་སླད་འཛུམ་མཛད་བཤད་དུ་གསོལ།། སྐུ་མཆོག་དམ་པ་ཡོངས་རྫོགས་རྟག་གནས་པ།། དཔེར་ན་ནྱ་གྲོ་དྷ་ཡི་ཤིང་རྒྱལ་བཞིན།། ཡོན་ཏན་ཐམས་ཅད་ཀྱིས་ནི་རབ་ཏུ་བརྒྱན།། གསུང་དབྱངས་དག་གིས་འཁོར་ནི་དགའ་བར་མཛད། ། དཔུང་པ་ཟླུབ་ཞིང་ཕྲག་པ་སྡུག་ལ་མཛེས།། གཙུག་ཏོར་ཡོངས་རྫོགས་གཡས་སུ་འཁྱིལ་བར་གདའ།། ཞིང་ནི་བརྒྱ་སྟོང་དཔག་མེད་རྒྱུ་བར་མཛད།། སེམས་ཅན་ལོག་དང་ཡང་དག་ལམ་སྟོན་མཛད།། ཚེམས་དཀར་དྲི་མི་མངའ་བས་དུང་དང་འདྲ།། ལྗགས་མཚན་སྲིད་རིང་ཞལ་ནི་ཀུན་ཏུ་ཁེབས།། འགྲམ་པ་སེང་གེ་འདྲ་ཞིང་ཤངས་ཀྱང་མཐོ།། ཐམས་ཅད་ཐབས་དང་རྣམ་དག་ཐུགས་ལས་སྐྱེས།། ཨུཏྤ་ལ་ཡི་བསུང་ནི་ཞལ་ནས་འབྱུང་།། ཙན་དན་དྲི་དག་སྐུ་ནི་ཀུན་ཏུ་ཁྱབ།། སྔོན་ནི་བྱམས་པ་རྒྱ་ཆེར་བསྒོམས་པས་ན།། རྣམ་དག་མོས་པ་རྟག་ཏུ་རྒྱུན་མི་འཆད། ། དེ་བཞིན་གཤེགས་པའི་ཞབས་མཐིལ་ཤིན་ཏུ་མཉམ།། ས་ལ་རེག་ཀྱང་རྡུལ་ནི་གོས་མི་འགྱུར།། གོམ་པ་སེང་གེ་གླང་པོ་ཆེ་འདྲ་བས།། འཇིག་རྟེན་ཐམས་ཅད་ལས་ནི་ཡང་དག་འདས། ། འཁོར་ལོ་རྩིབས་སྟོང་མཚན་གྱིས་མཛེས་པར་བརྒྱན།། ཁྱད་འཕགས་འོད་ཟེར་དག་ནི་རབ་ཏུ་གསལ།། དགེ་བ་དག་གིས་སྐྱེ་དགུ་པ་ན་འདོགས་པས།། གང་གིས་མཐོང་བ་དང་བ་རབ་ཏུ་སྐྱེ། ། སོར་གཅིག་འོད་ཟེར་བརྒྱ་སྟོང་རབ་བཀྱེ་ནས།། སངས་རྒྱས་ཞིང་ནི་དཔག་མེད་སྣང་བར་མཛད།། སྔོན་ནི་དགེ་སྦྱོང་མང་པོར་རབ་བསྒྲུབས་པས།། མཚན་གྱིས་དཀོད་པ་སྣ་ཚོགས་འདི་བརྙེས་ལགས། ། གཟུགས་སྐུ་ཡོངས་རྫོགས་དཔེ་ཟླ་ཡོངས་མ་མཆིས།། ཞལ་མཚན་རབ་མཛེས་ཤིན་ཏུ་ཁྱད་པར་འཕགས།། རྫུ་འཕྲུལ་དག་གིས་འཇིག་རྟེན་ཕན་འདོགས་པ།། ཅི་སྐད་འཛུམ་པ་བསྟན་མཛད་བཤད་དུ་གསོལ། ། བྱིན་པ་རི་དགས་ཨེ་ནྱ་ལ་དང་འདྲ།། སྐུ་དབྱིབས་མི་དགུ་སེང་གེ་ཇི་ལྟ་བཞིན།། འཇིག་རྟེན་བྱུང་ནས་འཇིག་རྟེན་སྣང་མཛ་པ། ཅི་སླད་འཛུམ་པ་བསྟན་མཛད་བཤད་དུ་གསོལ།། ཅང་ཤེས་བཞིན་དུ་མཚན་སྦས་རྡུལ་མི་མངའ།། ཕྱག་མཐིལ་མཉམ་རྒྱས་ཕྱག་ནི་པུས་མོ་འདས།། མི་ཡི་སེང་གེ་ངོ་མཚར་ཁྱད་པར་འཕག་ཅི་སླད་འཛུམ་པ་བསྟན་མཛད་བཤད་དུ་གསོལ། ། སྐུ་ལས་འོད་ཟེར་དཔག་མེད་རབ་འགྱེད་ཅིང་།། ཁ་དོག་གྱ་ནོམ་རབ་ཞི་རྟག་གསལ་བ།། རྣམ་དག་ཐུགས་ནི་རྟག་ཏུ་རྒྱུན་མི་འཆད།། མདོ་སྡེ་ཚད་མེད་པ་དག་སྟོན་པར་མཛད། ། རྟག་དང་ཆད་པ་དག་ལ་གནས་པ་ཡིས།། དེ་འདྲའི་ཆོས་ནི་བསྒྲུབ་པར་འགྱུར་མ་ལགས།། གང་གིས་མཐར་ལྷ་རྣམས་ནི་རབ་སྤངས་ན།། བཅོམ་ལྡན་རྣམ་དག་སྐུའི་མྱུར་ཐོབ་འགྱུར། ། ལྷ་རྔ་འབྲུག་སྒྲ་གསུང་ནི་ཀུན་གྲགས་ཤིང་།། ཀ་ལན་ཏ་ཀའི་དབྱངས་སྙན་རབ་ཏུ་གསལ།། ལྷ་ཡི་གླུ་སྒྲ་བརྒྱ་སྟོང་མང་ལྡན་པ།། ཅི་སླད་འོད་ཟེར་བཀྱེ་བ་བཤད་དུ་གསོལ། འདིར་པས་གསུང་གཅིག་ཏུ་ནི་ཆོས་བསྟན་པས། ། འཆལ་པའི་ཚུལ་ཁྲིམས་ཅད་དག་རྒྱུན་ཡང་བཅད།། དེ་བཞིན་གཤེགས་པས་དབྱིངས་རབ་གང་གསུངས་པ།། དེ་ཀུན་ཟབ་ཅིང་ངོ་མཚར་ཆོས་ལགས་སོ།། ཁྱུ་མཆོག་སྨིན་མཚམས་འོད་ཟེར་རབ་བཀྱེ་བས།། སངས་རྒྱས་ཞིང་ནི་བརྒྱ་སྟོང་གསལ་བར་མཛད།། སྤྱན་མཆོག་དག་ནི་ཁ་དོག་མཐོན་མཐིང་འདྲ།། བཙུག་ཏོར་མཚན་ནི་མཁའ་ཡི་ལྷས་མི་མཐོང་།། ཚེམས་དཀར་གཏམས་པ་བཞི་བཅུ་དག་དང་ལྡན།། དཔེར་ན་རིན་ཆེན་ཆུ་ཤེལ་དག་དང་མཚུངས།། དགེ་བའི་འཕྲིན་ལས་ཚད་མེད་དག་ལས་སྐྱེས།། ཅི་སླད་འཛུམ་པ་བསྟན་མཛད་བཤད་དུ་གསོལ།། དེ་བཞིན་གཤེགས་པ་ཡོན་ཏན་རྫོགས་པའི་སྐུ།། ཁ་དོག་དམ་པ་དཔག་མེད་ཕུན་ཚོགས་ཤིང་།། འོད་ཟེར་རྣམ་དག་ངོ་མཚར་རབ་བཀྱེ་བ།། ཅི་སླད་འཛུམ་པ་བསྟན་མཛད་བཤད་དུ་གསོལ།། ཐུགས་རྗེ་ཆེན་པོ་མཆོག་རྒྱལ་རྐང་གཉིས་གཙོ། ། སེམས་ཅན་ཡང་དག་བསམ་པ་ཐུགས་སུ་ཆུད།། ཐོགས་པ་མ་མཆིས་སྤོབས་པ་མཆོག་བརྙེས་པ།། ཅི་སླད་འཛུམ་པ་བསྟན་མཛད་བཤད་དུ་གསོལ།། དེ་བཞིན་གཤེགས་པས་ཕ་རོལ་རབ་བྱོན་པས།། རིག་པ་གསུམ་དང་མངོན་ཤེས་དྲུག་ཕུན་ཚོགས།། རྣམ་དག་འོད་ཟེར་དཔག་མེད་སྟོན་མཛད་པ།། ཅི་སླད་འཛུམ་པ་བསྟན་མཛད་བཤད་དུ་གསོལ། ། བཅོམ་ལྡན་སྔོན་ནི་བསྐལ་པ་དཔག་མེད་སྙེད།། བཅོམ་ལྡན་བརྒྱ་སྟོང་སྙེད་ལ་མཆོད་པ་མཛད།། དེ་འདྲའི་རྒྱུ་འབྲས་འཆ་བ་ནི་མི་འཚལ་བ།། ཅི་སླད་འཛུམ་པ་བསྟན་མཛད་བཤད་དུ་གསོལ། ། བཅོམ་ལྡན་སྔོན་ནི་བསྐལ་པ་དཔག་མེད་སྙེད།། ཏིང་འཛིན་མཆོག་རྣམས་ལ་ནི་རབ་བཞུགས་པས།། མིག་གི་སྐྱེ་མཐའ་ཟད་པའི་མཐའ་མཁྱེན་ན།། ཅི་སླད་འཛུམ་པ་བསྟན་མཛད་བཤད་དུ་གསོལ། ། འདས་པ་དང་ནི་མ་འོངས་ད་ལྟར་དུས།། འདྲེན་པས་དེ་དག་ཀུན་ནི་རབ་ཏུ་མཁྱེན།། རྣམ་དག་མཁྱེན་པ་ཐོགས་མེད་བསམ་མི་ཁྱབ།། ཅི་སླད་འཛུམ་པ་བསྟན་མཛད་བཤད་དུ་གསོལ། དེ་ནས་བཅོམ་ལྡན་འདས་ཀྱིས་འཁོར་མང་པོའི་མདུན་དུ་ཕྱག་གསེར་གྱི་ཁ་དོག་ལྟ་བུ་བརྐྱང་སྟེ།། ཟླ་འོད་གཞོན་ནུར་གྱུར་པའི་སྤྱི་བོ་ལ་བཞག་ནས་ཚིགས་སུ་བཅད་དེ་བཀའ་སྩལ་པ། ། གཞོན་ནུ་ཤིན་ཏུ་ལེགས་པར་ཉོན།། ངས་ནི་དེང་འདིར་བྱང་ཆུབ་ཆོས།། འོད་ཟེར་རབ་ཏུ་སྟོན་པའི་མདོ།། ཁྱོད་ལ་ཤིན་ཏུ་ཡོངས་གཏད་ཀྱིས། ། མ་འོངས་ཐ་མ་དུས་ངན་ཚེ།། ཆོས་འདི་རྣམ་པར་འཇིག་པ་ན།། ཁྱོད་ཀྱིས་སེམས་ཅན་རྣམས་ལ་ནི།། རབ་ཏུ་ཕྱེ་ནས་བཤད་པར་གྱིས།། ངས་ནི་སངས་རྒྱས་སྤྱན་དག་གིས།། མ་འོངས་ཐ་མ་དུས་ཀྱི་ཚེ།། ཤིན་ཏུ་ཟབ་ཅིང་གྱ་ནོམ་པའི།། མདོ་སྡེ་དམ་པ་འདི་དག་ལ།། གང་མོས་གང་ནི་མི་མོས་པ།། ཐམས་ཅད་ཀུན་ཀྱང་གཟིགས་ཤིང་མཁྱེན།། སེམས་ཅན་དག་ནི་གང་ཞིག་གིས། ། བྱང་ཆུབ་ལམ་འདི་རབ་ཚོལ་བ།། རྟག་ཏུ་སངས་རྒྱས་རྗེས་དྲན་ཞིང་།། མདོ་སྡེ་འདི་ནི་གཟུང་བར་བགྱི།། གང་ཞིག་དད་པ་རབ་འཇིག་ཅིང་།། འདུ་འདྲི་ལ་ནི་མོས་གྱུར་དང་། ། ཉིན་མཚན་གཉིས་ལ་གང་དགའ་བ།། མདོ་སྡེ་འདི་ལ་མོས་མི་འགྱུར།། ང་ཡི་བསྟན་པ་དག་ལ་ནི།། རབ་ཏུ་བྱུང་བར་གྱུར་ནས་ཀྱང་།། མྱ་ངན་འདས་པའི་ཆོས་དག་ལ། ། མོས་པ་དག་ནི་མི་སྐྱེ་བ།། སྐྱེས་བུ་བླུན་པོ་དེ་དག་ནི།། དད་པས་བྱིན་པ་ཆུད་གསོན་འགྱུར།། འདུས་བྱས་རྣམས་ཀྱི་ཆོས་དག་ལ།། ཉེས་དམིགས་མང་བར་ཐོས་ནས་ནི།། འཇིག་རྟེན་དག་ལ་མངོན་ཞེན་ནས།། འཇིགས་པ་དག་ནི་མི་སྐྱེ་བ།། སྐྱེས་བུ་བླུན་པོ་དེ་དག་ནི།། མཁས་པ་རྣམས་ཀྱིས་སྨོད་པར་འགྱུར།། ཆོས་གོས་དག་ནི་བགོས་གྱུར་ཀྱང་།། དེ་ལ་ཤེས་རབ་ཅི་ཡང་མེད། ། ཐུབ་པས་ལེགས་པར་གསུངས་པ་ཡི།། ཡང་དག་དགའ་ནི་གང་ཡིན་པ།། ཤེས་པ་མེད་པས་ཐོས་གྱུར་ན།། ཡིད་ཆེས་ལེན་པར་མི་འགྱུར་ཏེ།། སྐྱེས་བུ་བླུན་པོ་དེ་དག་དང་།། ། ལྷན་ཅིག་གནས་པར་མི་བྱའོ།། ཁྱད་པར་འཕགས་པའི་ཆོས་འདི་དག། གལ་ཏེ་ཐོས་པར་གྱུར་ནས་ཀྱང་།། རབ་ཏུ་དགའ་ཞིང་མོས་པ་ཡི།། སེམས་ཀྱང་སྐྱེ་བར་མི་འགྱུར་བ།། དེ་འདྲའི་གང་ཟག་དག་ལ་ནི། ། ངས་ནི་རབ་ཏུ་སྨོད་པར་བྱེད།། མི་ལུས་ཐོབ་པར་གྱུར་མོད་ཀྱི།། དེ་ནི་དོན་མེད་ཆུད་ཟོས་ཡིན།། གལ་ཏེ་ཤིན་ཏུ་ཟབ་པའི་ཆོས།། འདི་དག་ཐོས་པར་གྱུར་ནས་ནི།། རབ་ཏུ་དགའ་ཞིང་མོས་པ་ཡི།། སེམས་ནི་རབ་ཏུ་སྐྱེ་འགྱུར་བ།། དེ་འདྲའི་གང་ཟག་དེ་དག་ནི།། སྔོན་ཆད་སངས་རྒྱས་ཕྲད་པས་ན།། གདོན་མི་ཟ་བ་ཁོ་ནར་ནི།། བླ་མེད་བྱང་ཆུབ་ཐོབ་པར་འགྱུར། ། སྐྱེས་བུ་བླུན་པོ་གང་དག་གཅིག། ལྟ་བ་ངན་པས་རབ་རྨས་ནས།། ཤེས་རབ་སྲོག་ནི་གཅོད་བྱེད་པ།། བྱང་ཆུབ་ཡོངས་སུ་སྤོང་བར་འགྱུར།། དེ་ལྟ་བས་ན་མི་དགེ་བའི།། བཤེས་གཉེན་དག་ནི་རབ་སྤངས་ནས།། བློ་ལྡན་མཁས་པ་དག་ལ་ནི།། བརྟེན་ཅིང་གུས་པ་བསྐྱེད་པར་བྱ།། འཇིག་རྟེན་དག་ནི་ཐམས་ཅད་ན།། ཉེས་དམིགས་ཚད་མེད་གང་ཡོད་པ།། སེམས་ཅན་ངན་སོང་གསུམ་པོར་ནི། ། རྟག་ཏུ་བྱིང་བར་གང་བཞེད་པ།། ཐམས་ཅད་གཏི་མུག་རྨོངས་པ་ཡི།། རྒྱུ་དང་རྐྱེན་ལས་བྱུང་བས་ན།། ཉོན་མོངས་རྗེས་སུ་འཇུག་བྱེད་ཅིང་། ། རང་དབང་དག་ནི་ཐོབ་མི་འགྱུར།། ཡང་དག་ཆོས་ནི་སྤོང་བྱེད་ཅིང་།། ཆོས་མ་ཡིན་པ་སྤྱོད་པར་བྱེད།། དེ་ལྟ་བས་ན་རྨོངས་པ་ཡི།། སྐྱེས་བུ་དམན་པ་སྤང་བར་བྱ།། ཇི་ལྟར་ཁ་ལ་སྐུར་བ་ཡིས། ། རང་གིས་སྲོག་ཤིང་བཅག་པ་བཞིན།། མི་དགེ་ལས་ནི་བྱས་པས་ན།། སེམས་ཅན་དམྱལ་བར་སྐྱེས་པར་འགྱུར།། ཁ་ནས་ཚིག་ངན་ཕྱུང་ནས་ནི།། རྟག་ཏུ་བདག་ལ་གནོད་བྱེད་པ། ། ཇི་ལྟར་སྟ་རེ་རྣོ་ཐོགས་ནས།། རང་གི་ལུས་ནི་གཅོད་བྱེད་འདྲ།། ཆོས་རྣམས་རྒྱུ་དང་རྐྱེན་དག་གིས།། བྱས་པའི་ལས་ཀྱི་རྗེས་སུ་ནི།། རྣམ་སྨིན་མྱོང་བ་སྐྱབས་མེད་པར།། དེ་ལྟར་ཁོང་དུ་མ་ཆུད་པས། ། འཇིག་རྟེན་དྲང་སྲོང་ལ་བརྟེན་ནས།། དགེ་བའི་གྲོགས་པོ་ཡི་སྙམ་སེམས།། དེ་ནས་རང་ཉིད་འདི་སྙམ་དུ།། སྟོང་པ་ཉིད་ནི་གང་སྒོམ་པ།། འདུས་མ་བྱས་ནི་རྟོགས་སྙམ་ནས། ། ཆད་པར་ལྟ་བ་སྐྱེད་པར་བྱེད།། ལུས་ནི་སྣོད་ཆག་པ་དང་འདྲ།། སེམས་ཀྱང་རྗེས་སུ་འགག་འགྱུར་ཞེས།། ཕལ་ཆེར་བཀྱལ་པའི་ཚིག་དག་ལ།། མོངས་པ་ཉིད་དུ་རབ་འགྱུར་ཞིང་། འདི་ལ་མངོན་པར་ཞེན་པས་ན།། ཕན་པའི་དོན་ནི་ཅི་ཡང་མེད།། གལ་ཏེ་སྦྲུལ་ནི་གདུག་པ་ཡིས།། གནོད་པ་དག་ནི་རབ་བྱས་ཀྱང་།། ནམ་ཡང་སྐྱེ་དགུ་མང་པོ་རྣམས།། ངན་འགྲོ་དག་ཏུ་ལྷུང་མི་བྱེད། ། བླུན་པོ་གང་ཞིག་ཆོས་སྟོན་པ།། དགེ་བའི་རྩ་བ་འཇིག་བྱེད་པས།། སྐྱེ་དགུ་མང་པོ་ཚད་མེད་སྙེད།། སེམས་ཅན་དམྱལ་བར་ལྟུང་བར་བྱེད།། ཁྱེད་ལ་སོགས་པ་འཁོར་འདུས་པ། ། འདི་ལྟ་བུར་ནི་ལྟ་བར་གྱིས།། དེང་འདིར་ང་ཡི་སྤྱན་སྔར་ནི།། ཟླ་འོད་གཞོན་ནུ་གང་འདུག་པ།། འདིས་ནི་སྔོན་ཆད་འདས་པ་ཡི།། སངས་རྒྱས་དག་ནི་བཅོམ་ལྡན་འདས།། ཚད་མེད་གངྒཱའི་ཀླུང་ཇི་སྙེད།། མཆོད་པ་རིམ་གྲོ་རབ་བྱས་ཤིང་།། ཤིན་ཏུ་བརྟན་པར་ཡོངས་བསྒོམས་ནས།། བླ་མེད་ཡེ་ཤེས་བཙལ་བས་ན།། སྲིད་པ་དག་ནི་ཐམས་ཅད་ལ།། སེམས་ཀྱིས་གནས་པ་ཅི་ཡང་མེད། ། མིག་གི་སྐྱེ་མཐའ་གཏན་དུ་ནི།། རྣམ་པར་དག་པར་ཤེས་པས་ན།། སྤྲོས་པ་དག་ནི་ཡོངས་སྤངས་ནས།། མངོན་པར་ཞེན་པ་ཅི་ཡང་མེད།། སེམས་ཅན་དག་ནི་ཚད་མེད་ལ། ། ཕན་པ་དག་ནི་བྱ་བའི་ཕྱིར།། བླ་མེད་འོད་ཟེར་སྟོན་པ་ཡི།། མདོ་སྡེ་དག་ནི་སྟོན་པར་བྱེད།། སྐྱེས་བུ་བླུན་པོ་གང་ཡིན་པ།། ཆོས་འདི་སློབ་པར་མི་ནུས་པས།། རྣལ་འབྱོར་སྒོམ་པ་དག་ལ་ནི། ། སྐྱོན་ཉིད་དུ་ཡང་ལྟ་བར་བྱེད།། དེ་ལྟ་བས་ན་བླུན་པོ་དག། ཐག་རིང་པོར་ནི་ཡོངས་སྤངས་ནས།། དེ་དག་ལ་ནི་བརྟེན་མི་བྱེད།། དེ་ཡི་ཆོས་ཀྱང་མི་བསླབ་བོ།། སྐྱེས། བུ་བླུན་པོ་གང་ཡིན་པ།། རྩོད་པའི་སྨྲལ་མོས་པས་ན།། རྩོད་སྨྲ་མེད་པའི་སྤྱོད་པ་ལ།། ནན་ཏན་བསྒྲུབ་པར་མི་ནུས་པས།། སྐྱེས་བུ་དེ་དག་རྣམས་ལ་ནི།། ཚུལ་བཞིན་སེམས་ནི་ཅི་ཡང་མེད། ། དེ་ལྟ་བས་ན་དེ་དག་ལ།། བསྙེན་བཀུར་མི་བྱ་བསྔགས་མི་བརྗོད།། སྐྱེས་བུ་བླུན་པོ་གང་ཡིན་པ།། ལེ་ལོ་སྙོམས་ལས་ལ་གནས་པས།། རྟག་ཏུ་ལུས་དང་ངག་ཡིད་ཀྱི། ། མི་དགེའི་ལས་ནི་སྤྱད་པས་ན།། དེ་ལ་ཚུལ་ཁྲིམས་དག་པ་དང་།། ཤེས་རབ་མང་ཐོས་ཅི་འདྲ་ཡང་།། རྟག་པར་འདོད་པའི་ཡུལ་སེམས་ཤིང་།། འདུ་འཛི་དག་ལ་མོས་པར་བྱེད། ། ཁྱེད་ཀྱིས་འདི་ལྟར་བླུན་པོ་དེ།། རིགས་དང་རུས་དང་ལུས་ཀྱང་ནི།། དམན་པ་ཡིན་པར་རབ་ཏུ་ལྟོས།། ཁོང་ཁྲོ་བཀའ་བློ་མི་བདེ་ཞིང་།། བྱད་བཞིན་དག་ནི་མི་སྡུག་ལ།། གལ་ཏེ། དགེ་བའི་གནས་སྐྱེས་ཀྱང་།། ལུས་ནི་རྟག་ཏུ་མ་རབས་འགྱུར།། བདག་ཏུ་འདུ་ཤེས་ལ་ཞེན་པས།། ཡང་དག་དོན་ལ་རྨོངས་པར་འགྱུར།། བློ་གྲོས་དག་དང་མི་ལྡན་པས།། ཚིག་གི་བྱེ་བྲག་འབྱེད་མི་ནུས། ། རང་བཞིན་སྟོང་པའི་ཆོས་ཐོས་ཀྱང་།། དེ་ལ་མོས་པ་སྐྱེ་མི་འགྱུར།། དེ་བཞིན་གཤེགས་པ་བཅོམ་ལྡན་འདས།། ཡུན་རིང་པོ་ནས་འཇིག་རྟེན་པའི།། ཚིག་གི་སྨོས་པ་གང་ཡིན་པ། ། ཐམས་ཅད་རབ་ཏུ་སྤངས་པ་ཡིན།། སོ་སོའི་སྐྱེ་བོས་འདི་དག་ལ།། ཤིན་ཏུ་ཞེན་ཅིང་ཆགས་པས་ན།། ཇི་སྲིད་འཚེ་ཡི་བར་དུ་ཡང་།། རྟོགས་ཤིང་ཁོང་དུ་ཆུད་མི་འགྱུར།། ཚུལ་ཁྲིམས་བསྔགས་པ་རྗོད་བྱེད་ཀྱང་།། ཚངས་པར་སྤྱོད་པ་སྒྲུབ་མི་བྱེད།། ཁ་ནས་ཆོས་ནི་སྟོན་བྱེད་ཀྱང་།། ལུས་ཀྱིས་ཆོས་མིན་སྤྱོད་པར་བྱེད།། རང་གིས་འདུལ་བ་སྟོན་བྱེད་ཀྱང་།། རྟག་ཏུ་འདུལ་མིན་སྤྱོད་པར་བྱེད། ། སངས་རྒྱས་སློབ་མ་དག་ལ་ནི།། ཁ་དོག་བསྒྱུར་བའི་གོས་གྱོན་གསུངས།། འཆལ་པའི་ཚུལ་ཁྲིམས་ཅན་དག་གིས།། གོས་འདི་རབ་ཏུ་བགོས་གྱུར་ཀྱང་།། ང་རྒྱལ་དང་ནི་བག་མེད་པའི། ། སེམས་ནི་རབ་ཏུ་འཕེལ་བར་བྱེད།། དད་པས་བྱིན་པ་ཅི་ཟོས་པ།། ཐུ་ལུམ་འབར་བ་མིང་པ་འདྲ།། དེ་ལྟར་ཁྱིམ་གྱི་གནས་སྤངས་ནས།། འདོད་པ་ལྔ་ཡི་བདེ་བའང་མེད། ། གཞན་ཡང་སངས་རྒྱས་ཆོས་དག་ལ།། མཆོག་གི་བདེ་བ་མ་ཐོབ་ནས།། སྤྱོད་པ་འདྲེན་མ་མོས་བྱེད་པས།། མཐའ་གཉིས་དག་ནི་སྤོང་མི་འགྱུར།། ཡིད་ཀྱི་མོས་པ་ཇི་སྙེད་པ།། ཐམས་ཅད་ཀྱང་ནི་ངག་མི་འགྱུར།། དེ་འདྲའི་གང་ཟག་བླུན་པོ་ནི།། འཁོར་མང་ནང་དུ་གནས་གྱུར་ཀྱང་།། དཔེར་ན་ཇི་ལྟར་ཝ་སྐྱེས་དག། སེང་གེའི་ཁྲུར་ནི་ཞུགས་པ་བཞིན།། དེ་ལྟར་རབ་ཏུ་ཞི་བ་ཡི། ། ཆོས་ནི་ཡང་དག་བསྟན་བྱས་ཀྱང་།། དེ་ཁོ་ན་དང་སྟོང་པའི་དོན།། རྟོགས་ཤིང་ཁོང་དུ་མ་ཆུད་པས།། འཁོར་མང་དག་ལ་བསྟན་བསྔགས་ཀྱང་།། ཁེངས་པའི་སེམས་ནི་སྐྱེད་པར་བྱེད། ། སྟོན་པ་ཆེན་པོ་མི་དྲན་པས།། ངོ་ཚ་དམན་པའི་སེམས་ཀྱང་མེད།། མི་གཙང་དངོས་པོ་ལེན་བྱེད་ཀྱང་།། ཡིད་བཞིན་ནོར་བུ་ཐོབ་པ་བཞིན།། ཤིན་ཏུ་དགའ་བས་འཛིན་བྱེད་པས། སེམས་ཀྱིས་ཅུང་ཟད་གཏོང་མི་བྱེད།། འདི་ལྟ་བུ་ཡི་མ་རབས་དག། ཁྱིམ་ནས་རབ་ཏུ་བྱུང་ནས་ནི།། སྤྱོད་ལམ་དག་ཀྱང་སྲུང་བ་དང་།། ཆོས་གོས་ལྷུང་བཟེད་འཛིན་བྱེད་ཀྱང་།། ཆ་བྱད་ཙམ་དང་ལྡན་པས་ན།། ཡང་དག་ཤེས་རབ་ཅི་ཡང་མེད།། ཁ་སྤུ་དག་ནི་བྲེགས་གྱུར་ཀྱང་།། སྡིག་པའི་སེམས་ནི་མི་སྤོང་ཞིང་།། དགེ་སྦྱོང་མ་ཡིན་པ་ཡི་ཆོས།། ལོག་ལྟ་དག་ཏུ་ལྷུང་འགྱུར་ན།། རབ་དབེན་མྱ་ངན་འདས་པའི་ལམ།། དེ་དག་རབ་ཏུ་ཉམས་པར་འགྱུར།། དགེ་སྦྱོང་མངོན་དུ་བྱ་བ་ཡིན།། འབྲས་བུ་དག་ཀྱང་འཐོབ་མི་འགྱུར།། མ་རིག་ཉོན་མོངས་རྣམས་ཀྱང་ནི། ། རྡུལ་ཙམ་ཉམས་པར་མི་འགྱུར་རོ།། གྲོང་ཁྱེར་དག་ཏུ་རྣམ་རྒྱུ་ཞིང་།། རང་ཉིད་དབེན་པའི་བསྔགས་བརྗོད་ཀྱང་།། སྐྱེས་བུ་བླུན་པོ་བློ་མེད་པས།། ཡང་དག་བགྲོད་པ་ཤེས་མི་འགྱུར། ། སེམས་ཀྱི་འདུན་པ་ཅི་ཡོད་པ།། དེ་དག་ཐམས་ཅད་མི་དགེ་ཡིན།། རྙེད་པ་འདོད་པ་རྒྱུ་ཡི་ཕྱིར།། དགོན་པ་དག་ན་གནས་བྱེད་ཀྱི།། མྱ་ངན་འདས་པའི་ཡང་དག་རྒྱུ།། བསྒྲུབ་པའི་ཕྱིར་ནི་མ་ཡིན་ནོ།། རྨུགས་དང་གཉིད་ལ་རབ་ཏུ་དགའ།། ལུས་ནི་ཇི་ལྟར་བདེ་སྙམ་ནས།། རྟག་ཏུ་དེ་ལྟའི་དངོས་པོ་དག། བསྒྲུབ་པ་ལ་ནི་མོས་པར་བྱེད།། དགོན་པའི་གནས་ནི་དེ་དག་ཏུ། ། ལོ་ནི་མང་པོར་གནས་བྱེད་ཀྱང་།། ཕྱིན་ལོག་ལྟ་བར་གྱུར་པའི་ཕྱིར།། མྱ་ངན་འདས་ལམ་སྟོར་བས་ན།། ནམས་ཀྱང་དགེ་སྦྱོང་ལམ་དག་གི། འབྲས་བུ་དག་ནི་ཐོབ་མི་འགྱུར།། ཡང་དག་ལྟ་བ་རབ་ཉམས་ཤིང་།། ཚུལ་ཁྲིམས་དག་དང་འགལ་བྱས་པས།། གོས་བཟང་དག་གིས་ལུས་བརྒྱན་པར།། དེ་ལ་ཤིན་ཏུ་སྲེད་པར་འགྱུར།། འདོད་པའི་བདེ་བ་རྣམས་ལ་ནི།། རྟུག་ཏུ་སྲེད་པ་སྐྱེད་པར་བྱེད།། གལ་ཏེ་གྲོང་ཁྱེར་ཞུགས་ན་ཡང་།། ང་རྒྱལ་མཚན་མ་སྟོན་བྱེད་ཅིང་།། ལུས་ཀྱི་ལས་ནི་མི་སྲུང་བས།། སྤྱོད་ལམ་དག་ལ་གནས་མི་བྱེད།། རེས་འགའ་གྲོང། ཁྱེར་ཞུགས་ནས་ནི།། རྒྱུ་ཚེ་རང་ཉིད་འདི་སྐད་དུ།། དགོན་པའི་གནས་ནི་དེ་དག་ཏུ།། རཾ་ཕུག་དག་ནི་གང་ཡོད་པ།། ཁྱེད་རྣམས་འདི་ལྟར་ཤེས་པར་གྱིས།། དེ་ནི་བདག་གི་གནས་ཡིན་ཏེ།། མཐོ་དམན་རན་པར་ལྟ་བ་དང་།། འགྲོ་གོམ་ཚུལ་ལ་གནས་སོ་ཞེས།། ཐ་དད་མཚན་མའི་ཆོག་བརྗོད་དེ།། དགྲ་བཅོམ་པ་ཡི་རྟགས་བསྟན་པས།། ཁྱིམ་པ་དག་ནི་ཇི་སྙེད་པ།། ཕན་ཚུན་དུ་ནི་འདི་སྐད་དུ། ། དགོན་པའི་དགེ་སློང་གང་ཡིན་པ།། ཡང་དག་འཕགས་པ་ཡིན་ཞེས་ཟེར།། རེས་འགའ་དགོན་པ་དེ་དག་ན།། གནས་པར་གྱུར་པ་དེ་ཡི་ཚེ།། གལ་ཏེ་གཞན་དག་འོངས་གྱུར་ན།། ། འདི་ལྟ་བུར་ནི་སྟོན་པར་བྱེད།། བདག་ནི་དགོན་གནས་འདི་དག་ཏུ།། ཉིན་མཚན་འཆག་པར་བྱེད་ཅེའམ།། ཡང་ན་རྩཝ་འཇམ་བཏིང་ནས་ནི།། འདིར་ནི་འདུག་པར་བྱེད་ཅེས་ཟེར།། རེས་འགའ་གྲོང་ཁྱེར་ཞུགས་གྱུར་ནས། ། ཁྱིམ་པའི་དེར་ནི་ཕྱིན་པའི་ཚེ།། གཡོ་སྒྱུ་ནན་ཏན་འདི་སྐད་དུ།། བདེ་འམ་ཞེས་ནི་འདྲི་བར་བྱེད།། འཇིག་རྟེན་པ་ཡི་འདུ་འཛིའི་གཏམ།། རྒྱལ་པོ་ཆོམ་རྐུན་ལ་སོགས་པའི། ། སྣ་ཚོགས་དག་ནི་རྗོད་པར་བྱེད།། རེས་འགའ་འཆགས་པའི་སེམས་དག་གིས།། བུད་མེད་རྣམས་ཀྱི་མདུན་དག་ཏུ།། ཐབས་ནི་རྣམ་པ་སྣ་ཚོགས་ཀྱིས།། རང་གི་ཡོན་ཏན་རྗོད་པར། བྱེད།། བདག་ནི་འཇིག་རྟེན་ཐམས་ཅད་ཀྱང་།། བསོད་ནམས་ཞིང་ནི་ཆེན་པོ་བྱེད།། བདག་ནི་རྒྱལ་ཐབས་རབ་སྤངས་ནས།། རབ་ཏུ་བྱུང་ནས་ལམ་སྒོམ་ཡིན།། བཙུན་མོ་དང་ནི་སྲས་རྣམས་ཀྱང་།། མཐོ་རིས་སྐྱེས་པར་གྱུར་ཅེས་ཟེར།། དེ་དག་དེ་སྐད་ཐོས་ནས་ནི།། ཤིན་ཏུ་གུས་པ་རབ་བསྐྱེད་དེ།། གོས་ཟས་དང་ནི་བཏུང་བ་དག། སྣ་ཚོགས་སྦྱར་ནས་མཆོད་པར་བྱེད། ། བཙུན་པས་ཐུགས་རྗེར་རབ་དགོངས་ཤིང་།། བདག་ཅག་ཐད་དུ་ཡང་གཤེགས་ཟེར།། རོ་ཞིམ་དག་ལ་ཞེན་ཆགས་ཤིང་།། ཉེས་དམིགས་རྣམས་ནི་མི་ཤེས་པས།། བདུད་ཀྱིས་གླགས་ཀྱང་རྙེད་གྱུར་ནས།། རུས་སྦལ་རྒྱ་མོས་ཟིན་པ་འདྲ།། དགོན་པར་གནས་པ་དག་ལ་ཡང་།། རྙེད་པ་དག་གིས་སྙེམས་པར་བྱེད།། དགེ་སློང་བརྩོན་འགྲུས་ཅན་དག་ལ།། བརྙས་ཤིང་སྐུར་པ་འདེབས་པར་བྱེད།། རྙེད་དང་གྲགས་པས་སེམས་རྨོངས་པས།། ཡང་ནས་ཡང་དུ་ཞེན་པ་སྐྱེད།། ལུས་ནི་ཡོངས་སུ་གསོ་བའི་ཕྱིར།། རྟག་ཏུ་གཡོ་སྒྱུ་སྤྱོད་པས་ན།། ལུས་དང་ངག་གི་མི་དགེའི་ལས། ། ཡང་ནས་ཡང་དུ་འཕེལ་བར་བྱེད།། གལ་ཏེ་སྦྱིན་བདག་དད་པ་ཡིས།། དང་བའི་སེམས་ཀྱིས་མཆོད་ན་ཡང་།། ལེ་ལོ་སྙོམ་ལས་དབང་གིས་ནི།། དེ་ཡི་བསོད་ནམས་འབྲི་བར་བྱེད། ། སྐྱེས་བུ་བླུན་པོ་དེ་དག་ནི།། རྟག་ཏུ་མི་དགེ་འདོད་སྐྱེད་པས།། སྟོང་པ་ཉིད་ཀྱི་ཆོས་འདི་ལ།། རྗེས་འཐུན་བཟོད་སེམས་འཐོབ་མི་འགྱུར།། གང་དག་ང་ཡི་བསྟན་པ་ལས། ཉེས་དམིགས་དེ་དག་རབ་སྤངས་ནས།། ནན་ཏན་བག་ཡོད་གྲུབ་བྱེད་ན།། ཆོས་འདི་ཐོས་པར་དཀའ་མི་འགྱུར།། རྙེད་པ་དང་ནི་མི་རྙེད་དང་།། བསྟོད་སྨད་སྡུག་བསྔལ་བདེ་ལ།། སོགས།། འཇིག་རྟེན་ཆོས་ཀྱིས་མི་གཡོས་པ།། ཆོས་འདི་ཐོས་པ་དཀའ་མི་འགྱུར།། ལུས་ལ་མི་གཙང་འདུ་ཤེས་དང་།། ཕུང་པོ་རྨ་ཡི་འདུ་ཤེས་དང་།། ཟས་ནི་རྨ་བསྐུས་འདུ་ཤེས་ན། ད་ཆོས་འདི་ཐོས་པ་དཀའ་མི་འགྱུར།། གོས་གཙང་དག་ནི་ཐོབ་གྱུར་ཀྱང་།། དྲེགས་པ་དག་ནི་མི་སྐྱེད་ཅིང་།། ངོ་ཚ་དག་ཕྱིར་གོས་གྱོན་པ།། ཆོས་འདི་ཐོབ་པ་དཀའ་མི་འགྱུར།། གཟུགས་དང་སྟོབས་ནི་མི་སྙེམས་ཤིང་།། ཟས་ལ་ཆགས་པ་མེད་པ་དང་།། སྲོག་གནས་ཕྱིར་ནི་གང་ཟ་བ།། ཆོས་འདི་ཐོབ་པ་དཀའ་མི་འགྱུར།། སྲིད་པ་འདི་ནི་སྟོན་ཤེས་ནས།། འདོད་པ་དག་ལ་བླང་དོར་མེད། ། རྟག་ཏུ་སྟོང་དབེན་གང་སྤྱོད་པ།། ཆོས་འདི་ཐོབ་པར་དཀའ་མི་འགྱུར།། དཔག་ཚད་གཅིག་འདས་རི་ཁྲོད་དུ།། གཅིག་པུ་འདུག་ནས་མཉམ་གཞག་ཅིང་།། འདུས་བྱས་བདག་མེད་གང་རྟོགས་པ། ། ཆོས་འདི་འཐོབ་པར་དཀའ་མི་འགྱུར།། མིག་ཟད་སྐྱེ་བའི་མཐའ་དག་དང་།། མིག་འཇུག་མཚན་ཉིད་རྟོགས་བྱེད་ཅིང་།། མིག་གཙང་ལམ་ནི་རབ་བསྒྲུབ་པ།། ཆོས་འདི་ཐོས་པར་དཀའ་མི་འགྱུར།། རྣ་བ་སཱ་ལྕེ་ལུས་དང་ཡིད།། གཟུགས་སྔ་དྲི་རོ་རེག་བྱ་ནས།། སྒྲ་དང་མིང་གི་བར་དུ་ཡང་།། ཐམས་ཅད་ཀུན་ཡང་དེ་བཞིན་ནོ།། དེ་བཞིན་མ་འོངས་དུས་ཚེ། དགེ་སློང་དག་ནི་ཚད་མེད་སྙེད།། བརྩོན་པ་དང་ནི་ལེ་ལོ་ཅན།། ཐམས་ཅད་དེ་བཞིན་ཤེས་པར་གྱིས།། དགེ་དང་མི་དགེ་གྲོགས་པོ་དག། བསྒྲུབ་པ་དང་ནི་མི་བསྒྲུབ་པ། ། ཡིད་ཆེས་པ་དང་ཡིད་མི་ཆེས།། ཐམས་ཅད་དེ་བཞིན་ཤེས་པར་གྱིས།། དགེ་དང་མི་དགེ་གྲོགས་པོ་དག། མིག་ཟད་ལམ་ནི་གང་ཡིན་པ།། བསྒྲུབ་པ་དང་ནི་མི་བསྒྲུབ་པ།། ཐམས་ཅད་དེ་བཞིན་ཤེས་པར་གྱིས། ། གང་ཞིག་བྱང་ཆུབ་རབ་མོས་ཤིང་།། ཟླ་གཅིག་གཉིས་གསུམ་འདས་ནས་ནི།། དུས་གཞན་ཕྱིར་ནི་གང་ལྡོག་པ།། ཐམས་ཅད་དེ་བཞིན་ཤེས་པར་གྱིས།། གང་ཞིག་ཆོས་འདི་ཐོས་གྱུར་ནས།། མོས་པའི་སེམས་ནི་གང་བསྐྱེད་པ།། གལ་ཏེ་ཉམས་པར་གྱུར་ན་ཡང་།། སླར་ནི་དང་བ་ཐོབ་པ་འགྱུར།། གང་ཞིག་ཆོས་འདི་ཐོས་གྱུར་ནས།། བག་མེད་སྤོང་བར་མི་བྱེད་པ། ། མདོ་འདི་སངས་རྒྱས་བཀའ་མ་ཡིན།། དེ་སྙམས་དུ་ནི་སེམས་པར་འགྱུར།། གང་ཞིག་ཆོས་འདི་ཐོས་གྱུར་ནས།། བདུད་ཀྱིས་ཡོངས་སུ་གང་བཟུང་བ།། དང་པོ་དད་པ་སྐྱེས་གྱུར་ཀྱང་། ། ཕྱིས་ནི་རབ་ཏུ་སྤོང་བར་འགྱུར།། གང་ཞིག་ཆོས་ལ་མ་མོས་པ།། མི་བདེན་གྲགས་དང་རྙེད་པ་ཚོལ།། གྲོང་ཁྱེར་གྲོང་རྡལ་རབ་རྒྱུ་ཞིང་།། གཟུངས་རྣམས་དང་ནི་ཏིང་འཛིན་དང་། ། ཀུན་འཛིན་འོད་ཟེར་བསྔགས་བརྗོད་ཀྱང་།། དེ་ཡིས་ཡང་ངག་རྟོགས་མི་འགྱུར།། འདོད་པ་ལྔ་པོས་བཅིངས་པ་དང་།། འཇིག་རྟེན་ལས་ནི་འདོད་ཚོལ་བ།། བརྗོད་པ་དང་ནི་རྟོག་བྱེད་པས། ། སྟོང་ཉིད་སྒོམ་ལ་སྐུར་པ་འདེབས།། དྲན་དང་ཤེས་རབ་སེམས་མེད་པས།། ཚེ་ཟད་བར་དུ་དོན་མེད་འདས།། བླུན་པོས་སྟོང་པའི་ཆོས་སྤོང་བ།། དེ་ནི་ཚུལ་ཁྲིམས་བགེགས་བྱས་པས། ། མནར་མེད་དག་ཏུ་ལྷུང་བར་འགྱུར།། ནམས་ཀྱང་མཐོ་རིས་ཡོང་མི་སྐྱེ།། གང་གིས་སྐད་ཅིག་གཅིག་ལ་ནི།། མཆོད་རྟེན་སྟོང་ནི་བྱས་པ་བས།། གང་གིས་མདོ་སྡེ་འདི་ཐོས་ནས། ། ཚིག་བཞི་ཚོགས་བཅད་གཅིག་འཛིན་འཕགས།། མེ་ཏོག་འཕྲེང་བ་བརྒྱ་སྟོང་དག། སངས་རྒྱས་མཆོད་རྟེན་མཆོད་པ་བས།། གང་གིས་མདོ་སྡེ་འདི་ཐོས་ནས།། ཚིག་བཞི་ཚིགས་ཅད་སེམས་པ་འཕགས། ། གང་གིས་རིན་ཆེན་མཆོད་རྟེན་དག། གངྒཱའི་བྱེ་སྙེད་བྱས་པ་བས།། གང་གིས་ཐ་ན་སྐད་ཅིག་ཙམ།། མདོ་སྡེ་འདི་སེམས་ཁྱད་པར་འཕགས།། སངས་རྒྱས་ཞིང་ནི་འབུམ་ཕྲག་བརྒྱ། ། མེ་ཏོག་གཏོར་ནས་མཆོད་པ་བས།། གང་གིས་ཐ་ན་སྐད་ཅིག་ཙམ།། མདོ་སྡེ་འདི་སེམས་ཁྱད་པར་འཕགས།། ཆོས་གོས་འབུམ་ཕྲག་རྒྱ་མང་པོ།། སངས་རྒྱས་རྣམས་ལ་ཕུལ་བ་བས། ། གང་གིས་ཐ་ན་སྐད་ཅིག་ཙམ།། མདོ་སྡེ་འདི་སེམས་ཁྱད་པར་འཕགས།། སངས་རྒྱས་སྤྱན་ནི་རྣམ་དག་འཕགས།། མི་མཁྱེན་མི་གཟིགས་གང་ཡང་མེད།། གང་གིས་མདོ་སྡེ་འདི་མོས་ན།། སངས་རྒྱས་སྤྱན་ནི་ཐོབ་པར་འགྱུར།། འདས་པའི་བསྐལ་པ་གྲངས་མེད་དེ།། སངས་རྒྱས་མར་མེ་མཛད་པ་བྱུང་།། ང་ནི་བྲམ་ཟེ་ཁྱེའུ་གྱུར་ཚེ།། མེ་ཏོག་ཐོགས་ནས་མཆོད་པ་བྱས། ། ཤཱཀྱ་ཐུབ་པ་ཞེས་བྱ་བ།། བྱང་ཆུབ་སྙིང་པོ་ལ་འདུག་ནས།། མདོ་སྡེ་འདི་ནི་སྟོན་འགྱུར་ཞེས།། ང་ལ་བྱང་ཆུབ་ལུང་ཡང་བསྟན།། ཁྱོད་ནི་དེ་ཚེ་གཞོན་ནུར་གྱུར། ། ང་ལུང་བསྟན་པ་ཐོས་གྱུར་ནས།། དགའ་ཞིང་དང་བའི་སེམས་བསྐྱེད་དེ།། ཐལ་མོ་སྦྱར་ནས་འདི་སྐད་དུ།། གལ་ཏེ་བྲམ་ཟེ་ཁྱེའུ་འདི་ནི།། མངོན་པར་རྫོགས་པར་སངས་རྒྱས་ཆེ། ། བདག་ནི་དེ་ཡི་གྲོགས་གྱུར་ནས།། མྱ་ངན་འདས་པའི་འོག་ཏུ་ཡང་།། ཆོས་ཀྱི་སྡེ་སྣོད་རབ་འཛིན་ཅིང་།། སྲུང་བར་ཤོག་ཅེས་སྨོན་ལམ་བཏབ།། སངས་རྒྱས་མར་མེ་མཛད་དེ་ཡིས། ། འོད་ཟེར་སྟོན་པའི་མདོ་འདི་ནི།། ཇི་སྐད་གསུངས་བཞིན་དེ་ཡི་ཚེ།། བྲམ་ཟེ་ཁྱེའུ་དང་གཞོན་ནུ་གཉིས།། ལེགས་པར་མཉན་ཅིང་ཡོངས་སུ་བཟུང་།། ང་སྔོན་འདས་པའི་དུས་ཀྱི་ཚེ། ། མེ་ཏོག་ཨུཏྤ་ལ་དག་གིས།། སངས་རྒྱས་དེ་ལ་མཆོད་པ་བྱས།། དེ་ཚེ་ཁྱོད་ཀྱང་དེར་འདུག་སྟེ།། འདི་སྐད་དུ་ནི་སྨོན་ལམ་བཏབ།། ང་ཡི་བསྟན་པ་ཐ་མ་ལ།། མདོ་སྡེ་འདི་ནི་རབ་གཟུང་ནས། ། རྒྱ་ཆེར་སྟོན་པར་ཤོག་ཅེས་སྨྲས།། གང་གིས་ཆོས་འདི་ཐོས་གྱུར་ནས།། ཞེ་སྡང་སེམས་ནི་མི་སྐྱེད་པར།། གཟུང་འཛིན་ཀློག་ཅིང་གང་འདོན་པ།། དེ་ནི་སྐྱེས་བུ་དམ་པ་ཡིན། ། ཁྱོད་ཀྱིས་མ་འོངས་དུས་ཀྱི་ཚེ།། ཐོས་དཀའི་ཆོས་འདི་རབ་གཟུང་ནས།། སེམས་ཅན་དག་ལ་དོན་གྱི་ཚུལ།། རྒྱ་ཆེར་དབྱེ་ཞིང་བསྟན་པར་བྱ།། ངས་ཀྱང་འདས་པའི་དུས་ཀྱི་ཚེ། ཡང་དག་ཆོས་ནི་ནུབ་པ་ན།། འོད་ཟེར་སྟོན་པའི་མདོ་འདི་ནི།། སེམས་ཅན་དག་ལ་རྒྱ་ཆེར་བསྟན།། བླུན་པོས་ནན་ཏན་མི་སྒྲུབ་པས།། འདི་ལ་སྐུར་པ་འདེབས་པར་བྱེད།། ངས་ནི་དེ་སྐད་ཐོས་གྱུར། ཀྱང་།། ཞེ་སྡང་དག་ནི་སྐྱེད་མི་བྱེད།། ངས་ནི་རྟག་ཏུ་བཟོད་བསྒོམ་ནས།། འཇིག་རྟེན་རྣམས་ལ་ཕན་འདོགས་བྱེད།། བཟོད་པའི་སྟོབས་ནི་རྫོགས་པས་ན།། མཚན་དང་དཔེ་བྱད་དག་གིས་བརྒྱན། ། གཞོན་ནུ་ཁྱོད་ཀྱིས་སངས་རྒྱས་སྐུ།། གྱ་ནོམ་ཡོངས་སུ་རྫོགས་འགྱུར་ཞིང་།། གསེར་གྱི་ཁ་དོག་རྣམ་དག་འཕགས།། བཟོད་པའི་སྟོབས་ལས་བྱུང་བར་ལྟོས།། ང་ཡི་ཞབས་ནི་ས་རག་ནས། ། ཞིང་ནི་ཚད་མེད་གཡོ་བྱེད་ཀྱང་།། སེམས་ཅན་རྣམས་ནི་མི་ལྟུང་བ།། ཐམས་ཅད་བཟོད་པའི་སྟོབས་ལས་སྐྱེས།། ང་ཡི་སྤུ་ཁུང་གཅིག་ནས་ནི།། འོད་ཟེར་བརྒྱ་སྟོང་རབ་བཀྱེ་ནས། ཐམས་ཅད་གསལ་བར་གང་བྱེད་པ།། ཐམས་ཅད་བཟོད་མཆོག་སྟོབས་ལས་བྱུང་།། སྲིན་པོ་ཤིན་ཏུ་འཇིགས་པའི་གཟུགས།། སྲོག་ཆགས་གཟི་བྱིན་འཕྲོག་བྱེད་པ།། ང་ལ་རྟག་ཏུ་གུས་པ་ཡང་། ། ཐམས་ཅད་བཟོད་མཆོག་སྟོབས་ལས་བྱུང་།། ང་ཡི་འཁོར་ནི་ཇི་སྙེད་པ།། སེམས་ནི་རབ་ཏུ་དུལ་གྱུར་ནས།། དེ་བཞིན་གཤེགས་ལ་གུས་པ་ཡང་།། ཐམས་ཅད་བཟོད་མཆོག་སྟོབས་ལས་བྱུང་། ། རོལ་མོའི་སྒྲ་ནི་བརྒྱ་སྟོང་དག། འཁོར་འདུས་ཆེན་པོའི་ནང་དག་ཏུ།། སངས་རྒྱས་ཡོན་ཏན་བསྔགས་བརྗོད་པ།། ཐམས་ཅད་བཟོད་མཆོག་སྟོབས་ལས་བྱུང་། ཀླུ་ཡི་རྒྱལ་པོ་བརྒྱ་སྟོང་དག། རབ་ཏུ་གདུག་ཅིང་འཇིགས་རུང་བ།། སངས་རྒྱས་མཐོང་ན་དགའ་བ་ཡང་།། ཐམས་ཅད་བཟོད་མཆོག་སྟོབས་ལས་བྱུང་།། སྲིན་པོ་གནོད་སྦྱིན་ལ་སོགས་པས།། མེ་ཏོག་འཕྲེང་བ་བརྒྱ་སྟོང་ཐོགས།། འོངས་ནས་ང་ལ་མཆོད་བྱེད་པ།། ཐམས་ཅད་བཟོད་མཆོག་སྟོབས་ལས་བྱུང་།། ཞིང་ནི་བརྒྱ་སྟོང་ཚད་མེད་པར། ། བཞུགས་པའི་དེ་བཞིན་གཤེགས་པ་རྣམས།། ང་ཡི་ཡོན་ཏན་བསྔགས་པ་ཡང་།། ཐམས་ཅད་བཟོད་མཆོག་སྟོབས་ལས་བྱུང་།། ལྟོ་འཕྱེ་དང་ནི་ལུས་སྲུལ་པོ།། བརྒྱ་སྟོང་དག་ནི་འདུས་གྱུར་ནས། ། མེ་ཏོག་གཏོར་ནས་ང་མཆོད་པ།། ཐམས་ཅད་བཟོད་མཆོག་སྟོབས་ལས་བྱུང་།། གནོད་སྦྱིན་རྒྱལ་པོ་ལ་སོགས་པ།། བྱེ་བ་བརྒྱ་ཕྲག་དྲུག་ཅུ་རྣམས།། འོངས་ནས་ང་ལ་གང་མཆོད་པ། ། ཐམས་ཅད་བཟོད་མཆོག་སྟོབས་ལས་བྱུང་།། གཞན་ཡང་ཀླུ་ཡི་རྒྱལ་པོ་ནི།། མ་ན་བ་ག་ལ་སོགས་པས།། མུ་ཏིག་དམར་པོས་ང་མཆོད་པ།། ཐམས་ཅད་བབཟོད་མཆོག་སྟོབས་ལས་བྱུང་། ། དུ་མུ་རུ་དང་ཤི་ཁྱི་བའི།། བརྒྱ་སྟོང་སྙེད་ནི་འདུས་གྱུར་ནས།། རོལ་མོ་དག་གིས་ང་མཆོད་པ།། ཐམས་ཅད་བཟོད་མཆོག་སྟོབས་ལས་བྱུང་།། ལྟོ་འཕྱེ་དང་ནི་ལུས་སྲུལ་པོ། ། བརྒྱ་སྟོང་སྙེད་ནི་འདུས་གྱུར་ནས།། མེ་ཏོག་སྤོས་ཀྱིས་ང་མཆོད་པ།། ཐམས་ཅད་བཟོད་མཆོག་སྟོབས་ལས་བྱུང་།། ས་ཆེན་འཛིན་པ་ཀླུ་ཡི་རྒྱལ།། ལུས་ཕྱེད་དག་ནི་རབ་བསྟན་ནས། ། ཐལ་སྦྱར་ང་ལ་གུས་པ་ཡང་།། ཐམས་ཅད་བཟོད་མཆོག་སྟོབས་ལས་བྱུང་།། ལུས་ཕྱེད་སྒྲ་གཅན་འཛིན་ལ་སོགས།། བྱེ་བ་ཕྲག་ནི་བརྒྱ་སྟོང་སྙེད།། དང་བའི་སེམས་ཀྱིས་ང་མཆོད་པ། ། ཐམས་ཅད་བཟོད་མཆོག་སྟོབས་ལས་བྱུང་།། གཞོན་ནུ་ཁྱོད་ཀྱིས་འདི་ལྟར་ལྟོས།། སངས་རྒྱས་འོད་ཟེར་གང་རེག་པ།། སྡུག་བསྔལ་བྲལ་ནས་བདེ་ཐོབ་པ། ཐམས་ཅད་བཟོད་མཆོག་སྟོབས་ལས་བྱུང་།། ས་མ་མུ་ཏྲ་དང་རླུང་གི་ལྷ།། བརྒྱ་སྟོང་ནམ་མཁའ་གང་བར་ནི།། སྤོས་ཀྱི་ཆར་པབང་མཆོད་པ།། ཐམས་ཅད་བཟོད་མཆོག་སྟོབས་ལས་བྱུང་། ། ལྷ་ཡི་འཁོར་ནི་བརྒྱ་སྟོང་དག། ལྷ་ཡི་མེ་ཏོག་གཏོར་མཆོད་དེ།། སྲེད་སྤངས་སངས་རྒྱས་སྟོན་བྱེད་པ།། ཐམས་ཅད་བཟོད་མཆོག་སྟོབས་ལས་བྱུང་།། ཁྱོད་ཀྱིས་སངས་རྒྱས་རྫུ་འཕྲུལ་དང་། ། སྦྱིན་དང་ཚུལ་ཁྲིམས་སྒྲ་བསྒྲག་ནས།། ཐམས་ཅད་ཀུན་ཏུ་ཐོས་མཛད་པ།། བཟོད་མཆོག་སྟོབས་ལས་བྱུང་བར་ལྟོས།། ཕུང་པོ་ཁམས་ཀྱི་སྒྲ་དག་དང་།། བདེད་པ་བཞི་ཡི་སྒྲ་དག། གིས། ཐམས་ཅད་ཀུན་ཏུ་གོ་མཛད་པ།། ཐམས་ཅད་བཟོད་མཆོག་སྟོབས་ལས་བྱུང་།། ང་ཡི་རྫུ་འཕྲུལ་སྟོབས་ཀྱིས་ནི།། མཁའ་ལ་མིག་ཟད་མཐའ་དག་དང་།། རབའི་སྒྲ་ནི་ཐོས་གྱུར་ཏེ། ། སྐྱེ་བའི་མཐའ་ཡང་དེ་བཞིན་ནོ།། ང་ཡི་རྫུ་འཕྲུལ་སྟོབས་ཀྱིས་ནི།། མཁའ་ལས་མིག་ནི་རྒྱུ་དང་རྐྱེན།། དེ་ལས་སྐྱེ་ཡང་འགྲོ་འོང་མེད།། དེ་སྐད་དུ་ནི་ཐོས་པར་འགྱུར།། ཡི་རྫུ་འཕྲུལ་སྟོབས་ཀྱིས་ནི།། མཁའ་ལས་མིག་ཞི་རྟོགས་བྱེད་ན།། སངས་རྒྱས་རྣམས་ཀྱང་དེ་ལས་སྐྱེས།། དེ་སྐད་དུ་ནི་ཐོས་པར་འགྱུར།། ང་ཡི་རྫུ་འཕྲུལ་སྟོབས་ཀྱིས་ནི། ། མཁའ་ལས་མིག་ཟད་མཐའ་ཞི་བས།། སངས་རྒྱས་རྣམས་ནི་དེ་ལས་སྐྱེས།། དེ་སྐད་དུ་ནི་ཐོས་པར་འགྱུར།། ང་ཡི་རྫུ་འཕྲུལ་སྟོབས་ཀྱིས་ནི།། མཁའ་ལས་མིག་མཐའ་རབ་ཞི་བས། ། སངས་རྒྱས་རྣམས་ནི་དེ་ལས་སྐྱེས།། དེ་སྐད་དུ་ནི་ཐོས་པར་འགྱུར།། ང་ཡི་རྫུ་འཕྲུལ་སྟོབས་ཀྱིས་ནི།། མཁའ་ལས་མིག་སྐྱེ་མཐའ་ཞི་བས།། སངས་རྒྱས་རྣམས་ནི་དེ་ལས་སྐྱེས། ། དེ་སྐད་དུ་ནི་ཐོས་པར་འགྱུར།། ང་ཡི་རྫུ་འཕྲུལ་སྟོབས་ཀྱིས་ནི།། མཁའ་ལས་མིག་འཇུག་རབ་ཞིན།། སངས་རྒྱས་རྣམས་ནི་དེ་ལས་སྐྱེས།། དེ་སྐད་དུ་ནི་ཐོས་པར་འགྱུར། ། ང་ཡི་རྫུ་འཕྲུལ་སྟོབས་ཀྱིས་ནི།། མཁའ་ལས་མིག་མི་སྐྱེ་ཞི་བས།། སངས་རྒྱས་རྣམས་ནི་དེ་ལས་སྐྱེས།། དེ་སྐད་དུ་ནི་ཐོས་པར་འགྱུར།། ང་ཡི་རྫུ་འཕྲུལ་སྟོབས་ཀྱིས་ནི།། མཁའ་ལས་མིག་དབེན་རབ་ཞི་བས།། སངས་རྒྱས་རྣམས་ནི་དེ་ལས་སྐྱེས།། དེ་སྐད་དུ་ནི་ཐོས་པར་འགྱུར།། རྣ་བ་སྣ་ལྕེ་ལུས་དང་ཡིད།། གཟུགས་སྒྲ་དྲི་རོ་རེག་བྱས་ནས།། སྒྲ་དང་མིང་ལ་སོགས་པའི་བར། ། ཐམས་ཅད་ཀུན་ཀྱང་དེ་བཞིན་ནོ།། འདོད་སྡང་གཏི་མུག་ཁོང་ཁྲོ་དང་།། འཆ་བ་དང་ཕྲག་དོག་གཡོ་སྒྱུ་དང་།། ཁེངས་དང་ང་རྒྱལ་ལ་སོགས་པ།། རྒྱ་ཆེར་བཤད་པ་པའང་དེ་བཞིན་ནོ། ། དེ་ནས་ཟླ་འོད་གཞོན་ནུར་གྱུར་པ་དེ་ལྟ་བུའི་ཆོས་ཁྱད་པར་དུ་འཕགས་པ་ཐོས་པས་རབ་ཏུ་དགའ་བར་གྱུར་ནས་ཐལ་མོ་སྦྱར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་སང་གི་གདུགས་ལ་བདག་དེ་བཞིན་གཤེགས་པ་དང་འཁོར་མང་པོ་དང་བཅས་པས་གདུགས་ཚོད་ལ་སྤྱན་འདྲེན་ན་ཐུགས་བརྩེ་བར་དགོངས་ཏེ། བདག་གིས་སྦྱར་བའི་གདུགས་ཚོད་གསོལ་བར་ཅིག་ནང་། དེ་སྐད་ཅེས་གསོལ་པ་དང་། དེ་ནས་བཅོམ་ལྡན་འདས་ཀྱིས་གཞོན་ནུ་དེའི་བསམ་པ་རྣམ་པར་དག་པ་དང་། སེམས་ཅན་ཚད་མེད་པ་རྣམས་ལའང་ཕན་པ་མཛད་པར་འགྱུར་བར་ཐུགས་ཀྱིས་མཁྱེན་ནས། ཐུགས་བརྩེ་བར་དགོངས་ཏེ་ཅང་མི་གསུང་བར་གནང་ངོ་།། དེ་ནས་ཟླ་འོད་གཞོན་ནུར་གྱུར་པ་སྟན་ལས་ལངས་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ཏེ། ལན་གསུམ་བསྐོར་བ་བྱས་ནས་རབ་ཏུ་དགའ་བས་རང་གི་ཁྱིམ་དུ་སོང་སྟེ། རང་གི་འཁོར་དང་བཅས་པ་དང་། ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། ལྟོ་འཕྱེ་ཆེན་པོ་ལ་སོགས་པས་རྒྱལ་པོའི་ཁབ་གྲོང་ཁྱེར་ཆེན་པོའི་བཞི་མདོར་དར་གྱི་ལྡིང་ཁང་བྲེས་ཏེ། ལྡིང་ཁང་དེའང་ཤིན་ཏུ་མཐོ་ཞིང་རྒྱ་ཆེ་ལ་ཐམས་ཅད་ཀུན་ཏུ་ཁྱབ་པ། གསེར་གྱི་ཙོང་ཙོང་དྲ་བར་བྲེས་པ། ནོར་བུ་རིན་པོ་ཆེའི་འཕྲེང་བ་སྦྱངས་པ། སེང་གེའི་བ་དན་དང་། གསེར་གྱི་འཕྲེང་བ་ལ་ལུ་གུ་རྒྱུད་ཅན་འབུམ་ཕྲག་བརྒྱ་སྟོང་སྣ་ཚོགས་ཀྱིས་བརྒྱན་པ། གཞན་ཡང་རིན་པོ་ཆེའི་མེ་ཏོག་ཁ་དོག་ཁྱད་པར་དུ་འཕགས་པའི་འཕྲེང་བའི་ཕུང་པོ་དང་གཅལ་དུ་བཀྲམ་མོ། ། མེ་ཏོག་ཙམ་པ་ཀ་དང་། ཨ་ཏི་མུག་ཏལ་སོགས་པ་རྣམ་པ་སྣ་ཚོགས་ཀྱི་འཕྲེང་བ་ཚད་མེད་གྲངས་མེད་པའང་རིན་པོ་ཆེའི་ལྡིང་ཁང་གི་ནང་ཐམས་ཅད་དང་འཁོར་འདུས་པ་ཐམས་ཅད་ཀུན་ཏུ་ཁྱབ་པར་སྤངས་ཤིང་རྒྱན་དུ་བྲེས་སོ། ། གཞན་ཡང་དེའི་ནང་དུ་ཁྲི་སྟན་རྣམས་བཤམས་ནས།། རིན་པོ་ཆེའི་སྤོས་བྱི་ལི་ཀ་དང་། དུ་མ་ཙ་དང་། ཙན་དན་དང་། གུར་ཀུམ་རྣམ་པར་དག་ཅིང་ཡིད་དགའ་བར་བྱེད་པ་སྣ་ཚོགས་བསྲེགས་སོ།། དེ་བཞིན་དུ་སྦྱར་སྤོས་མཆོག་དམ་པ་སྣ་ཚོགས་ཀྱང་མཆོད་པའི་ཡོ་བྱད་དུ་སྦྱར་རོ། ། གཞན་ཡང་སྤོས་ཆུས་ལམ་སྲང་རྣམས་ཀུན་ཏུ་ཁྱབ་པར་ཆག་ཆག་བཏབ་བོ།། ས་གཞི་ཀུན་ཏུ་མེ་ཏོག་སྣ་ཚོགས་གཅལ་དུ་བཀྲམ་མོ།། དེའི་ཚེ་ལྷའི་བུ་མོ་དང་། ལྷ་མ་ཡིན་གྱི་བུ་མོ་དང་། སྒྲ་གཅན་ཟིན་གྱི་བུ་མོ་གྲངས་མེད་ཚད་མེད་པའང་རབ་ཏུ་དགའ་བའི་སེམས་བསྐྱེད་ནས། བྱང་ཆུབ་ཀྱི་རྒྱུ་མངོན་པར་བསྒྲུབ་པར་འདོད་པའི་ཕྱིར།། དེར་འོངས་ནས་གྲོང་ཁྱེར་ཆེན་པོ་ཁྱད་པར་དུ་འཕགས་པ་དེ་རབ་ཏུ་བརྒྱན་ནོ། ། དེ་ནས་ཟླ་འོད་གཞོན་ནུར་གྱུར་པ་གྲོང་ཁྱེར་དེ་ཀུན་ཏུ་ཁྱབ་པར་བརྒྱན་ཅིང་ཡོངས་སུ་དག་པ་དང་། གདུགས་ཚོད་ལ་བབ་པར་རིག་ནས། བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་སེམས་ཅན་རྣམས་ལ་སྨན་པར་མཛད་པའི་སླད་དུ་གྲོང་ཁྱེར་ཆེན་པོར་གཤེགས་སུ་གསོལ། དེ་ནས་བཅོམ་ལྡན་འདས་འཁོར་མང་པོ་དང་ཐབས་ཅིག་ཏུ་གྲོང་ཁྱེར་དུ་གཤེགས་ནས་སྒོའི་ཐེམ་པ་ལ་ཞབས་གཞག་མ་ཐག་ཏུ་གྲོང་ཁྱེར་ཆེན་པོ་དེའི་ས་ཆེན་པོའང་རབ་ཏུ་གཡོས་པར་གྱུར། ཕྱོགས་བཅུའི་འཇིག་རྟེན་གྱི་ཁམས་འབུམ་ཕྲག་བརྒྱ་སྟོང་ཚད་མེད། པའང་རབ་ཏུ་གཡོས་པར་གྱུར་ཏེ། དེའི་ཚེ་ལོང་བ་དག་ནི་གཟུགས་མཐོང་བར་གྱུར། སྡུག་བསྔལ་བ་རྣམས་ནི་བདེ་བ་ཐོབ་པར་གྱུར། འོན་པ་རྣམས་ནི་སྒྲ་ཐོས་པར་གྱུར། བྱང་བཞིན་མི་སྡུག་པ་རྣམ་ནི་བྱད་བཞིན་བཟང་པོ་ཐོབ་པར་གྱུར། ནོར་མེད་པ་རྣམས་ནི་ནོར་དང་ལྡན་པར་གྱུར། བུ་མེད་པ་རྣམས་ནི་བུ་ཡོད་པར་གྱུར། གོས་མེད་པ་རྣམས་ནི་གོས་ཐོབ་པར་གྱུར། རིན་པོ་ཆེ་མེད་པ་རྣམས་ནི་རིན་པོ་ཆེ་ཐོབ་པར་གྱུར། ཉེ་བཤེས་མེད་པ་རྣམས་ནི་ཉེ་བ་ཤེས་དང་ལྡན་པ་གྱུར། ལུས་ཀྱི་རྒྱན་ཐམས་ཅད་ཀྱིས་འཕོངས་པ་རྣམས་ནི་ལུས་ཀྱི་རྒྱན་ཐམས་ཅད་དང་ལྡན་པར་གྱུར་ཏོ།། གཞན་ཡང་ངང་པ་དང་། ཁྲུང་ཁྲུང་དང་། ནེ་ཙོ་དང་། རྨ་བྱ་དང་། ཀ་རི་ཀ་ལ་སོགས་པ་བྱའི་ཚོགས་མང་པོ་རྣམས་དེ་བཞིན་གཤེགས་པ་མཐོང་བ་དང་། རབ་ཏུ་དགའ་བའི་སེམས་ནི་བསྐྱེད་ནས། སྒྲ་སྙན་ཅིང་ཡིད་དུ་འོང་བ་མཆོག་དམ་པ་བྱུང་སྟེ། གང་གིས་སྒྲ་དེ་དག་ཐོས་པའང་ཡིད་ཤིན་ཏུ་བདེ་བར་གྱུར་ཏོ།། གཞན་ཡང་དེ་བཞིན་གཤེགས་པས་རྫུ་འཕྲུལ་གྱི་སྟོབས་ཀྱིས་ཙམ་པ་ཀའི་ལྗོན་ཤིང་ཚད་མེད་པ་སྙེད་མངོན་པར་སྤྲུལ་ནས། སེམས་ཅན་བརྒྱ་སྟོང་མང་པོ་རྣམས་མེ་ཏོག་ཡོངས་སུ་དག་པ་དེ་དག་དང་། གཞན་ཡང་སྤོས་མཆོག་དམ་པ་ཐོགས་ནས། བཅོམ་ལྡན་འདས་ལ་མངོན་པར་གཏོར་ཏེ་མཆོད་པ་བྱས་སོ། ། གཞན་ཡང་ལྷ་མ་ཡིན་གྱི་བུ་མོ་དབང་ཕྱུག་ཐོབ་པ་བརྒྱ་སྟོང་དུམ་མུ་ཏིག་དཔར་པོ་དང་། ཙན་ངན་གྱི་སྐྱེ་མཐོགས་ནས་དེ་བཞིན་གཤེགས་པ་ལ་ར་དཀའ་བས་མངོན་པར་གཏོར་རོ། ། ལྷ་མ་ཡིན་མང་པོ་དང་གཞན་ཡང་ལྷ་མང་པོ་རྣམས་རིན་པོ་ཆེའི་གདུགས་གསེར་དང་དངུལ་གྱིས་རབ་ཏུ་བརྒྱན་པ་ཐོགས་ནས་བར་སྣང་ལ་འདུག་སྟེ། དེ་བཞིན་གཤེགས་པའི་སྟེང་དུ་ཁེབས་པར་གཡོགས་སོ། ། གཞན་ཡང་བཅོམ་ལྡན་འདས་ཀྱིས་རྫུ་འཕྲུལ་གྱི་སྟོབས་ཀྱིས་ཙན་དན་གྱི་ལྗོན་ཤིང་དང་། གསེར་གྱི་ལྗོན་ཤིང་དང་། རིན་པོ་ཆེའི་སྣོད་རང་གོས་ལ་སོགས་པའི་ལྗོན་ཤིང་བརྒྱ་སྟོང་ཚད་མེད་དཔག་ཏུ་མེད་པ་རིན་པོ་ཆེ་རྣམས་ཀྱིས་བརྒྱན་པ། མེ་ཏོག་དང་ལོ་མ་ཕུན་སུམ་ཚོགས་ཤིང་རྒྱས་པ། སེམས་ཅན་ཚད་མེད་པའི་བསོད་ནམས་ཀྱི་རྣམ་པར་སྨིན་པའི་འབྲས་བུ་ཐུན་མོང་དུ་མངོན་པར་གྲུབ་པ། རླུང་གི་ངད་ལངས་པ་ཙམ་གྱིས་སྤོས་མཆོག་དམ་པའི་དྲིས་སངས་རྒྱས་ཀྱི་ཞིང་ཚད་མེད་པ་རྣམས་ཀུན་ཏུ་ཁྱབ་པར་གང་བ་མངོན་པར་སྤྲུལ་ཏོ། ། སེམས་ཅན་བརྒྱ་སྟོང་ཚད་མེད་པ་རྣམས་ཀྱིས་ཀྱང་དུས་གཅིག་ཏུ་མེ་ཏོག་ཐོགས་ནས། བཅོམ་ལྡན་འདས་ལ་མངོན་པར་གཏོར་ཏོ།། དེ་བཞིན་དུ་སེམས་ཅན་དང་སེམས་ཅན་མ་ཡིན་པ་ཚད་མེད་པ་རྣམས་ཀྱང་དེ་བཞིན་གཤེགས་པའི་རྫུ་འཕྲུལ་གྱི་སྟོབས་ཀྱིས་མངོན་པར་སྤྲུལ་པ་ཤད། གང་དག་ཅི་དང་ཅི་སྨོན་པར་བྱེད་པ་དེ་དག་ཀྱང་རྫུ་འཕྲུལ་གྱི་དབང་གིས་དེ་དག་གི་བསམ་པ་ཇི་ལྟ་བ་བཞིན་དུ་རེ་བ་ཡོངས་སུ་རྫོགས་པར་གྱུར་ཏོ། ། བཅོམ་ལྡན་འདས་གྲོང་ཁྱེར་དུ་གཤེགས་པའི་ཚེ། འཁོར་འདུས་པ་ཐམས་ཅད་ནམ་མཁའ་ལས་ཁྱད་པར་དུ་འཕགས་པའི་སྒྲས། བསམ་གྱིས་མི་ཁྱབ་པར་ཡང་དག་པར་སྟོན་པའི་སྒྲ་ཐོས་པར་གྱུར་ཀྱང་། དེ་གང་ནས་བྱུང་བ་ཤེས་པར་ཡང་མ་གྱུར་ལ། ཚིགས་སུ་བཅད་པ་བརྒྱ་སྟོང་དུ་མས་ཀྱང་ཆོས་རྣམས་ཡང་དག་པར་བསྟན་པར་གྱུར་ཏོ། ། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། འདོད་ཆགས་ཟད་མཐའ་སྟོང་དབེན་གང་རྟོགས་པ།། ཡང་དག་ཉིད་རྟོགས་བྱང་ནུཆུབ་ཐོབ་པར་འགྱུར། ། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། འདོད་ཆགས་སྐྱེ་མཐའ་སྟོང་དབེན་གང་རྟོགས་པ།། ཡང་དག་ཉིད་རྟོགས་བྱང་ཆུབ་ཐོབ་པར་འགྱུར། ། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། འདོད་ཆགས་མཐའ་ནི་སྟོང་དབེན་གང་རྟོགས་པ། ཡང་དག་ཉིད་རྟོགས་བྱང་ཆུབ་ཐོབ་པར་འགྱུར།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། འདོད་ཆགས་རབ་ནི་སྟོང་དབེན་གང་རྟོགས་པ། ། ཡང་དག་ཉིད་རྟོགས་བྱང་ཆུབ་ཐོབ་པར་འགྱུར།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། འདོད་ཆགས་འཇུག་པ་སྟོང་དབེན་གང་རྟོགས་པ། ། ཡང་དག་ཉིད་རྟོགས་བྱང་ཆུབ་ཐོབ་པར་འགྱུར།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར། ། འདོད་ཆགས་མེད་ཅིང་སྟོང་དབེན་གང་རྟོགས་པ།། ཡང་དག་ཉིད་རྟོགས་བྱང་ཆུབ་ཐོབ་པར་འགྱུར།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར། ། འདོད་ཆགས་སྐྱེ་མེད་སྟོང་དབེན་གང་རྟོགས་པ།། ཡང་དག་ཉིད་རྟོགས་བྱང་ཆུབ་ཐོབ་པར་འགྱུར།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར། ། འདོད་ཆགས་རབ་འགོག་སྟོང་དབེན་གང་རྟོགས་པ།། ཡང་དག་ཉིད་རྟོགས་བྱང་ཆུབ་ཐོབ་པར་འགྱུར།། ཞེ་སྡང་གཏི་མུག་ཁོང་ཁྲོ་འཆབ་སེར་སྣ།། གཡོ་སྒྱུ་ཁེངས་དང་ང་རྒྱལ་མྱ་ངན་དང་།། སྡུག་བསྔལ་ཀུན་འབྱུང་འགོག་པ་ལམ་སེམས་ཅན།། ཁྱེའུ་དང་བུ་མོ་བུད་མེད་དག་དང་ནི།། སྐྱེས་པ་གསོ་བ་དག་དང་དབང་པོ་དྲུག། ཡུལ་དྲུག་འབྱུང་ཆེན་བཞི་ཡི་དངོས་པོ་དང་། ། འཇིག་རྟེན་སྡུག་བསྔལ་ཕུང་པོ་ཁམས་རྣམས་དང་།། འཇིག་རྟེན་སྐྱེ་སྒྲ་མིང་སོགས་ཀྱང་དེ་བཞིན།། ཆོས་རྗེ་དམ་པའི་ཆོས་ནི་བསྟན་པས་ན།། སེམས་ཅན་ཐམས་ཅད་རབ་ཏུ་དགའ་བར་འགྱུར། ། ལྷ་ཡི་འཇིག་རྟེན་ཀུན་ཀྱང་ཐོས་གྱུར་ན།། དེ་བཞིན་གཤེགས་པའི་ཐེག་པ་ལ་གནས་པར་མོས།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ། མཁའ་ལས་སྨན་འདི་སྐད་དགྲགས་པར་གྱུར།། བཅོམ་ལྡན་སྦྱིན་སྟོབས་དག་ལར་བམོས་པས།། རྒྱན་པའི་སྟོབས་ཀྱིས་བྱང་ཆུབ་བརྙེས་པར་གྱུར།། བཅོམ་ལྡན་འདས་ནི་གྲོང་ཁྱེར་ཞུགས་ཨུ0f7f། ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། བཅོམ་ལྡན་ཚུལ་ཁྲིམས་རྣམ་དག་རབ་མོས་པས།། ཚུལ་ཁྲིམས་རྣམ་དག་སྟོབས་ཀྱིས་བྱང་ཆུབ་བརྙེས།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ། ། མཁའ་ལས་སྒྲ་ནི་འདི་སྐད་གྲགས་པར་གྱུར།། བཅོམ་ལྡན་བཟོད་པ་དག་ལ་རབ་མོས་པས།། བཟོད་པའི་སྟོབས་ཀྱིས་བྱང་ཆུབ་བརྙེས་པར་གྱུར།། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ། ། མཁའ་ལས་སྒྲ་ནི་འདི་སྐུད་གྲགས་པར་གྱུར།། བཅོམ་ལྡན་བརྩོན་འགྲུས་ངག་ལ་རབ་མོས་པས།། བརྩོན་འགྲུས་སྟོབས་ཀྱིས་བྱང་ཆུབ་བརྙེས་པར་གྱུར། ། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། བཅོམ་ལྡན་བསམ་གཏན་དག་ལ་རབ་མོས་པས།། བསམ་གཏན་སྟོབས་ཀྱིས་བྱང་ཆུབ་བརྙེས་པར་གྱུར། ། བཅོམ་ལྡན་འདས་ནི་གྲོང་ཁྱེར་ཞུགས་པའི་ཚེ།། མཁའ་ལས་སྒྲ་ནི་འདི་སྐད་གྲགས་པར་གྱུར།། བཅོམ་ལྡན་ཤེས་རབ་དག་ལ་རབ་མོས་པས།། ཤེས་རབ་སྟོབས་ཀྱིས་བྱང་ཆུབ་བརྙེས་པར་གྱུར།། རྫུ་འཕྲུལ་སྟོབས་ཀྱིས་མངོན་ཤེས་ཡོན་ཏན་གནས།། ཐབས་དང་གཟུགས་ཀྱི་སྟོབས་དང་གྲགས་པའི་སྟོབས།། ལས་དང་རྟེན་བྱུང་ཡན་ལག་དང་དང་ཐོས། ། གཏོང་དང་འཐུན་པའི་སྟོབས་དང་རབ་ནི་སྟོབས།། རབ་དུལ་ཡང་དག་མཐའ་དང་བདེན་མཁས་སྟོབས།། འཇིགས་དང་དགའ་དང་ཕན་འདོགས་ལ་མོས་དང་། ། བྱམས་དང་སྙིང་རྗེ་དགའ་སྙོམས་བཟོད་འཚེ་མེད།། སྟོང་དང་མཚན་མ་མེད་སོགས་ཀྱང་དེ་བཞིན།། སྟོབས་བཅུ་འཕགས་པའི་མངའ་བདག་ལྷ་ཡི་གཙོ།། ཡོན་ཏན་གྲགས་པ་དཔེ་ཟླ་མ་མཆིས་པ། ། གྲོང་ཁྱེར་མཆོག་གཤེགས་ཞབས་ནི་བཞག་པའི་ཚེ།། སེམས་ཅན་རྣམས་ལ་རྒྱ་ཆེར་ཕན་པ་མཛད།། སྔོན་ཆད་སྲིད་གསུམ་ལས་དགེ་རབ་བསྒྲུབས་པས།། ལྷ་ཡི་དགེ་བ་སྣ་ཚོགས་འཕེལ་བར་མཛད། ། འཇིག་རྟེན་ཐམས་ཅད་ཀུན་གྱིས་རབ་ཏུ་བཀུར།། ང་ཡི་བསྟན་པ་འདི་ཐོས་ཐམས་ཅད་དགའ།། བཅོམ་ལྡན་གྲོང་ཁྱེར་གཤེགས་ནས་ཞབས་བཞག་ཚེ།། གྲོང་ཁྱེར་ས་ཆེན་དག་ནི་རབ་ཏུ་གཡོས།། བཅོམ་ལྡན་རྣམ་དག་འོད་ཟེར་མཐོང་བས་ན།། ངོ་མཚར་མི་འཛིན་མི་དགའ་གང་ཡང་མེད།། བཅོམ་ལྡན་གྲོང་གཤེགས་ཕན་པ་ཆེར་མཛད་པས།། ལྷ་མོའི་འཁོར་རྣམས་སེམས་ནི་དགའ་བར་གྱུར།། ས་དང་མཁའ་འགྲོ་དག་གིས་སྲིད་གསུམ་ན།། བཅོམ་ལྡན་ཤིན་ཏུ་བདེ་ཞེས་བསྔགས་པར་གྱུར།། བཅོམ་ལྡན་ཞབས་ཀྱི་འཁོར་ལོས་གཞག་ཚེ། ། རྣམ་དག་འོད་ཟེར་ཀུན་གསལ་ངོ་མཚར་གྱུར།། རྟ་ནི་ཅང་ཤེས་གྲོང་ཁྱེར་སྒྲ་སྙ་ཕྱུང་།། བྱ་ཚོགས་དག་ཀྱང་མཁའ་ལས་རབ་ཏུ་དགའ།། གཞན་ཡང་རབ་དང་བུད་མེད་མང་པོ་ཡི། ། ལག་དང་རྐང་གི་གདུབ་ཀོར་འཕྲེང་བ་དང་།། དེ་བཞིན་རིན་ཆེན་རྒྱན་ནི་སྣ་ཚོགས་ལས།། མ་དཀྲོལ་བར་ཡང་རང་ཉིད་སྒྲ་སྙན་བྱུང་།། སོ་སོར་ཕན་ཚུན་དགའ་བའི་གཏམ་བརྗོད་ཅིང་།། སྐད་འཐུན་བཀྲ་ཤིས་མཆོག་གིས་བསྔགས་པ་བརྗོད།། འོ་ན་ལོང་དབང་པོ་མ་ཚང་དབང་པོ་ཐོབ།། ཐམས་ཅད་བཅོམ་ལྡན་ཁྱད་འཕགས་འབྲས་བུ་དབང་།། བཅོམ་ལྡན་གྲོང་ཁྱེར་གཤེགས་ཚེ་ཀུན་དགའ་བས། ། ལྷ་མིས་མེ་ཏོག་མངོན་གཏོར་མཆོད་པ་བྱས།། མཁའ་ལས་ཀུན་ཏུ་སྒྲ་སྙན་བྱུང་བས་ན།། ལྷ་ཚོགས་ཚད་མེད་རབ་ཏུ་དགའ་བར་གྱུར།། གཞན་ཡང་སེམས་ཅན་དྲན་པ་ཉམས་པ་དག། མྱོས་འཁྲུགས་རབ་ཞི་ཕན་ཚུན་གཏམ་སྙན་བརྗོད།། བུ་ད་མེད་གང་སྦྲུམ་མྱ་ངན་འཇིགས་གྱུར་པ།། འོད་ཟེར་བྱིན་གྱིས་བདེ་བ་ཐོབ་པར་གྱུར།། སྐྱེས་པ་བུད་མེད་ངོ་ཚ་ཁྲེལ་བཅས་ལ། ། དྲི་མ་སྤངས་པའི་ཆོས་དག་རབ་བཤད་པས།། ཐམས་ཅད་དགའ་ནས་དགེ་བའི་སེམས་བསྐྱེད་དེ།། ཐུབ་མཆོག་ཞ་བ་ལ་སྤྱི་བཏུང་ཕྱག་བྱས་ནས།། ཁ་ཅིག་བཅོམ་ལྡན་བླ་མེད་ལམ་རབ་ཚོལ། ། ཁ་ཅིག་བྱང་ཆུབ་སེམས་དཔའ་ཉན་ཐོས་ཚོལ།། བཅོམ་ལྡན་གྲོང་ཁྱེར་མཆོག་ཏུ་གཤེགས་པས་ན།། བཅོམ་ལྡན་ཞལ་དུ་ལྟ་ཞིང་རང་ཉིད་དགའ།། བཅོམ་ལྡན་མཁྱེན་པས་ས་སྤྱོད་རྟོགས་པས། ། འཇིག་རྟེན་རྗེས་འཐུན་ཕན་པ་རབ་ཏུ་མཛད།། ཆོས་ཀྱིས་ནོར་མཆོག་བྱང་ཆུབ་སེམས་དཔའ་བྱིན།། རིན་ཆེན་མཆོག་ནི་སེམས་ཅན་རྣམས་ལ་བཏང་།། བཅོམ་ལྡན་གྲོང་ཁྱེར་གཤེགས་པའི་ཚེ། ། མཁའ་ལས་སྒྲ་ནི་འདི་སྐད་བྱུང་།། གང་ནི་མིག་པད་མཐའ་སྲེད་པ།། སངས་རྒྱས་ལ་ནི་གུས་པ་ཡིན།། བཅོམ་ལྡན་གྲོང་ཁྱེར་གཤེགས་པའི་ཚེ། མཁའ་ལས་སྒྲ་ནི་འདི་སྐད་བྱུང་།། གང་ཞིག་མིག་སྐྱེ་མཐའ་སྲེད་པ།། སངས་རྒྱས་ལ་ནི་གུས་པ་ཡིན།། གང་ཞིག་མིག་ཟད་མཐའ་སྲེད་པ།། སངས་རྒྱས་ཡིད་ཆེས་མི་འཇིགས་འཐོབ།། མིག་ཟད་མཐར་ནི་ལྟེ་བས་ན། ། ཤིན་ཏུ་དད་པ་རྒྱུན་མི་འཆད།། གང་ཞིག་མིག་ཟད་མཐའ་སྲེད་པ།། ཆོས་ལ་ཡིད་ཆེས་མི་འཇིགས་འཐོབ།། མིག་ཟད་མཐར་ནི་ལྟ་བས་ན།། ཤིན་ཏུ་དང་བ་རྒྱུན་མི་འཆད། ། གང་ཞིག་མིག་གཟད་མཐའ་སྲེད་པ།། དགེ་འདུན་ཡིད་ཆེས་མི་འཇིགས་འཐོབ།། མིག་ཟད་མཐར་ནི་ལྟ་བས་ན།། ཤིན་ཏུ་དང་བ་རྒྱུན་མི་འཆད།། གང་ཞིག་མིག་ཟད་མཐའ་སྲེད་པ།། ཚུལ་ཁྲིམས་འཛིན་མེད་ཐོབ་པར་འགྱུར།། མིག་ཟད་མཐར་ནི་ལྟ་བས་ན།། ཤིན་ཏུ་དང་བ་རྒྱུན་མི་འཆད།། གང་ཞིག་མིག་ཟད་མཐའ་སྲེད་པ།། ངན་འགྲོའི་འདོད་ཆགས་སྤོང་བར་འགྱུར།། མིག་ཟད་མཐར་ནི་ལྟ་བས་ན།། འདོད་ཆགས་རྒྱུན་ནི་སྤོང་བར་བྱེད།། གང་ཞིག་མིག་ཟད་མཐར་སྲེད་པ།། ངན་འགྲོའི་ཞེ་སྡང་སྤོང་བར་འགྱུར།། མིག་ཟད་མཐར་ནི་ལྟ་བས་ན།། ཞེ་སྡང་རྒྱུན་ནི་སྤོང་བར་བྱེད། ། གང་ཞིག་མིག་ཟད་མཐར་སྲེད་པ།། ངན་འགྲོའི་གཏི་མུག་སྤོང་བར་འགྱུར།། མིག་ཟད་མཐར་ནི་ལྟ་བས་ན།། གཏི་མུག་རྒྱུན་ནི་སྟོང་པར་བྱེད།། གང་ཞིག་མིག་ཟད་མཐར་སྲེད་པ། ། བྱང་ཆུབ་ཡེ་ཤེས་དག་ལ་གནས།། མིག་ཟད་མཐར་ནི་ལྟ་བས་ན།། བྱང་ཆུབ་ཡེ་ཤེས་རྒྱུན་མི་འཆད།། མིག་སྐྱེ་མཐའ་དང་མིག་མི་མཐའ།། འཇུག་པ་དང་ནི་རབ་དབེན་དང་། ། ཡོད་པ་ཉིད་དུ་མི་འགྱུར་དང་།། མི་སྐྱེ་རབ་ཏུ་ཞི་བ་དང་།། འདི་ལ་སོགས་པའི་སྒོ་རྣམས་ཀྱང་།། ཐམས་ཅད་མིག་ཟད་འདྲ་བར་བསྟན།། གང་ཞིག་མིག་ཟུད་མཐར་སྲེད་པ། ། དེ་ནི་རྟག་ཏུ་ཐེ་ཙོམ་མེད།། དེ་ལྟར་ཐེ་ཚོམ་མེད་པའི་ཕྱིར།། སངས་རྒྱས་རྫུ་འཕྲུལ་འཐོབ་པར་འགྱུར།། གང་ཞིག་མིག་སྐྱེ་མཐའ་སྲེད་པ།། དེ་ནི་རྟག་ཏུ་ཐེ་ཚོམ་མེད། ། དེ་ལྟར་ཐེ་ཚོམ་མེད་པའི་ཕྱིར།། སངས་རྒྱས་རྫུ་འཕྲུལ་འཐོབ་པར་འགྱུར།། གང་ཞིག་མིག་ནི་མཐའ་སྲེད་པ།། དེ་ནི་རྟག་ཏུ་ཐེ་ཚོམ་མེད།། དེ་ལྟར་ཐེ་ཚོམ་མེད་པའི་ཕྱིར། ། སངས་རྒྱས་རྫུ་འཕྲུལ་འཐོབ་པར་འགྱུར།། གང་ཞིག་མིག་གི་འཇུག་སྲེད་པ།། དེ་ནི་རྟག་ཏུ་ཐེ་ཚོམ་མེད།། དེ་ལྟར་ཐེ་ཚོམ་མེད་པའི་ཕྱིར།། སངས་རྒྱས་རྫུ་འཕྲུལ་འཐོབ་པར་འགྱུར། ། གང་ཞིག་མིག་དབེན་རབ་སྲེད་པ།། དེ་ནི་རྟག་ཏུ་ཐེ་ཚོམ་མེད།། དེ་ལྟར་ཐེ་ཚོམ་མེད་པའི་ཕྱིར།། སངས་རྒྱས་རྫུ་འཕྲུལ་འཐོབ་པར་འགྱུར།། གང་ཞིག་མིག་མི་སྐྱེ་སྲེད་པ། ། དེ་ནི་རྟག་ཏུ་ཐེ་ཚོམ་མེད།། དེ་ལྟར་ཐེ་ཚོམ་མེད་པའི་ཕྱིར།། སངས་རྒྱས་རྫུ་འཕྲུལ་ཐོབ་པར་འགྱུར།། གང་ཞིག་མིག་མེད་ལ་སྲེད་པ།། དེ་ནི་རྟག་ཏུ་ཐེ་ཚོམ་མེད།། དེ་ལྟར་ཐེ་ཚོམ་མེད་པའི་ཕྱིར།། སངས་རྒྱས་རྫུ་འཕྲུལ་འཐོབ་པར་འགྱུར།། གང་ཞིག་མིག་ཞིག་ལ་སྲེད་པ།། དེ་ནི་རྟག་ཏུ་ཐེ་ཚོམ་མེད།། དེ་ལྟར་ཐེ་ཚོམ་མེད་བའི་ཕྱྀར། ། སངས་རྒྱས་རྫུ་འཕྲུལ་འཐོབ་པར་འགྱུར།། ན་བཅཝ་ལྕེ་སུས་དང་ཡང་།། གཟུགས་སྐུ་རྡོ་རོ་རིག་བྱནས།། གྲཝ་དང་མིང་གི་བར་དུ་ཡང་།། ཐམས་ཅད་དེ་བཞི་སྦྱར་བ་ཨུ0f7f། མིག་སྐྱེད་དཔའ་མེད་གང་སྐྱེད་པ།། ཡེ་ཤེས་དཔག་མེད་སྐྱེད་པར་བྱེད།། ཡེ་ཤེས་དཔག་ཏུ་མེད་པའི་ཕྱིར།། ཆོས་འདི་བསྟན་པའང་དེ་བཞིན་ནོ།། མིག་ཟད་དཔག་མེད་གང་ཤེས་པ།། མིག་ལ་སྒྲིབ་པ་མེད་པར་འགྱུར།། དེ་ལྟར་སྒྲིབ་པ་མེད་པའི་ཕྱིར།། སངས་རྒྱས་མཁྱེན་པ་ཐོགས་མེད་ཐོབ།། རྣ་བ་སྣ་ལྕེ་ལུས་དང་ཡིད།། གཟུགས་སྒྲ་དྲི་རོ་རེག་བྱ་ནས།། སྒྲ་དང་མིང་གི་བར་དུ་ཡང་། ། ཐམས་ཅད་དེ་བཞིན་སྦྱར་བར་བྱ།། བཅོམ་ལྡན་གྲོང་ཁྱེར་གཤེགས་པའི་ཚེ།། སེམས་ཅན་དག་ནི་བརྒྱ་སྟོང་སྙེད།། མཁའ་ལས་ཆོས་བཤད་སྒྲ་ཐོས་པ།། སངས་རྒྱས་ཡོན་ཏན་ཐེ་ཙོམ་མེད། ། ཁ་ཅིག་འདོད་ཆགས་སེམས་བྱུང་ཡང་།། སངས་རྒྱས་ཡེ་ཤེས་འཇིགས་མི་བྱེད།། གང་ཞིག་འདོད་ཆགས་སེམས་བྱུང་ཡང་།། སངས་རྒྱས་ཡོན་ཏན་སྐོར་མི་འགྱུར། ། ཁ་ཅིག་འདོད་ཆགས་སེམས་བྱུང་ཡང་།། བླ་མེད་ཡེ་ཤེས་ཚོལ་བྱེད་ཅིང་།། མ་འདྲེས་ཆོས་ནི་སྒྲུབ་པ་དང་།། ཉན་ཐོས་ཐེག་པ་མོས་མི་བྱེད།། བྱིས་པ་བསམ་གཏན་སྒོམ་བྱེད་ཀྱང་། ། བསམ་གཏན་བདེ་ལ་མོས་པས་ན།། མངོན་པའི་ང་རྒྱལ་རབ་བསྐྱེད་ནས།། དགེ་སྦྱོང་འབྲས་བུ་ཐོབ་སྙམ་སེམས།། བྱིས་པ་བསམ་གཏན་སྒོམ་བྱེད་ཀྱང་།། མིག་ཟད་མཐའ་ཡེ་ཤེས་མེད་ན། ། བསྐལ་པ་བརྒྱ་སྟོང་སྒོམ་བྱེད་ཀྱང་།། དེ་ལ་རྣམ་གྲོལ་ཅི་ཡང་མེད།། སྐྱེ་བ་ལེན་པ་ཐམས་ཅད་ནི།། དེ་ལ་ཞེན་ཆགས་སྐྱེད་པར་བྱེད།། གལ་ཏེ་སྐྱེ་ཉིད་སྟོང་རིག་ན། ། མཐོང་བ་རྣམས་ནི་རྣམ་དག་འགྱུར།། གང་ཞིག་བསམ་གཏན་བཞི་བསྒྲུབས་ཀྱང་།། མིག་ཟད་མཐའ་ཤེས་མེད་གྱུར་ན།། བསྐལ་པ་བརྒྱ་སྟོང་ལོན་ཀྱང་ནི།། བསམ་གཏན་ཡོངས་སུ་དག་མི་འགྱུར། ། གང་ཞིག་ཉེར་བསྡོགས་ཐོབ་གྱུར་ཀྱང་།། ཟད་མཐའ་ཤེས་པ་འཐོབ་མི་འགྱུར།། ཟད་པ་ཐོབ་པ་མ་ཤེས་ཕྱིར།། ཟག་པ་ཐོབ་ལ་རྟག་ཏུ་སྤྱོད།། གང་ཞིག་འདུ་ཤེས་ཞེན་བྱེད་པ། ། འདུ་ཤེས་ཟད་མཐའི་ཤེས་པ་མེད།། འདུ་ཤེས་ཟད་པ་མ་ཤེས་ཕྱིར།། རྟག་ཏུ་འདུ་ཤེས་ཟག་ལ་སྤྱོད།། གང་ཞིག་འཇིག་རྟེན་ཞེན་ཆགས་པ།། འཇིག་རྟེན་ཟད་མཐའ་ཤེས་པ་མེད། ། འཇིག་རྟེན་ཟད་མཐའ་མ་ཤེས་ཕྱིར།། རྟག་ཏུ་འཇིག་རྟེན་ཟག་ལ་སྤྱོད།། གང་ཞིག་ཟག་བཅོས་སེམས་ལ་གནས།། སེམས་ཟད་མཐའ་ཡི་ཤེས་པ་མེད། ། སེམས་ཟད་པ་ནི་མ་ཤེས་ཕྱིར།། རྟག་ཏུ་སེམས་ནི་ཟག་ལ་སྤྱོད།། གང་ཞིག་ཟག་བཅས་ཆོས་ལ་གནས།། ཆོས་ཟད་མཐའ་མི་ཤེས་པ་མེད།། ཆོས་ཟད་པ་ནི་མ་ཤེས་ཕྱིར། ། རྟག་ཏུ་ཟག་བཅས་ཆོས་ལ་སྤྱོད།། སྦྱངས་པའི་ཆོས་ལ་གནས་གྱུར་ཀྱང་།། མིག་ཟད་མཐའ་ཡི་ཤེས་མེད་ན།། མིག་ཟད་པ་ནི་མ་ཤེས་ཕྱིར།། ཡང་དག་སྦྱངས་ལ་གནས་པ་མིན།། ཁ་དོག་བསྒྱུར་བའི་གོས་བགོས་ཀྱང་།། མིག་ཟད་མཐའ་ཡི་ཤེས་མེད་ན།། མིག་ཟད་མཐའ་ནི་མ་ཤེས་ཕྱིར།། ཡང་དག་ཆོས་གོས་བགོས་མ་ཡིན།། ཡ་རབས་རིགས་སུ་སྐྱེས་གྱུར་ཀྱང་།། མིག་ཟད་མཐའ་ཡེ་ཤེས་མེད་ན།། མིག་ཟད་པ་ནི་མ་ཤེས་ཕྱིར།། དེ་ནི་དག་པའི་རིགས་མ་ཡིན།། འཁོར་མང་དག་ནི་བདོག་གྱུར་ཀྱང་།། མིག་ཟད་མཐའ་ཡི་ཤེས་མེད་ན། ། མྱུར་དུ་ངན་འགྲོར་ལྟུང་འགྱུར་ཏེ།། འཁོར་བ་དག་ནི་སྐྱོ་བ་མི་ནུས།། སྒྲ་ཡི་རིག་པ་མཁས་གྱུར་ཀྱང་།། མིག་ཟད་མཐའ་ཡེ་ཤེས་མེད་ན།། མིག་ཟད་པ་ནི་མ་ཤེས་ཕྱིར། ། སྒྲ་ཡི་རིག་པ་རྟོགས་མ་ཡིན།། བཟོ་རྣམས་ལ་ནི་མཁས་གྱུར་ཀྱང་།། མིག་ཟད་མཐའ་ཡེ་ཤེས་མེད་ན།། མིག་ཟད་པ་ནི་མ་ཤེས་ཕྱིར།། དེ་ནི་བཟོ་ལ་མཁས་པ་མིན། ། འདྲི་བ་མང་ལ་མཁས་གྱུར་ཅིང་།། ཡི་གེ་གཅིག་གིས་རྣམ་འབྱེད་ཀྱང་།། མིག་ཟད་མཐའ་ཡི་ཤེས་མེད་ན།། དེ་ནི་དོན་འཐུན་བཤད་མ་ཡིན།། མཁས་པའི་རྗེས་སུ་སློབ་བྱེད་ཀྱང་། ། གསང་དང་གསང་མིན་མི་ཤེས་ཤིང་།། མིག་ཟད་མཐའ་ཡི་ཤེས་མེད་ན།། ཆོས་ནི་རྟོགས་པར་མི་འགྱུར་རོ།། བརྗོད་པ་སྣ་ཚོགས་རྒྱང་འཕན་དང་།། ཆོས་རྣམས་རབ་ཏུ་ཤེས་གྱུར་ཀྱང་། ། མིག་ཟད་མཐའ་ཡི་ཤེས་མེད་ན།། འཁྲི་ཤིང་སྟུག་པོར་ལྟུང་བ་འདྲ།། སྒྲ་ཡི་རིག་པ་མཁས་གྱུར་ཅིང་།། དགེ་དང་མི་དགེའི་རྟགས་སྟོན་དང་།། ཚིག་འབྲུའི་ཡི་གེ་སྒྲ་སྐད་དང་། ། ཀློག་དང་འདོན་པའི་མཐར་ཐུག་ཀྱང་།། མིག་ཟད་མཐའ་ནི་མ་ཤེས་ན།། དེ་དག་རྣམས་ནི་ཤེས་མེད་ཡིན།། བུད་མེད་དག་གི་མཚན་མ་དང་།། ཚིག་མཁན་རྨོངས་པར་བྱེད་པ་དང་། ལུས་མཉེས་ངལ་སོས་ཆོས་རྣམས་དང་།། མཁྱུད་དཔྱད་དག་ལ་མཁས་གྱུར་ཀྱང་།། མིག་ཟད་མཐའ་ནི་མ་ཤེས་ན།། དེ་དག་རྣམས་ནི་ཤེས་མེད་ཡིན།། གཞུང་ལུགས་བརྒྱ་མང་སྟོན་བྱེད་ཅིང་། ། ཡི་གེ་འབྲུ་གཅིག་མི་བརྗེད་ཀྱང་།། མིག་ཟད་མཐའ་ནི་མ་ཤེས་ན།། བཤད་པ་དེ་ནི་དོན་མེད་ཡིན།། དེ་བཞིན་མིག་སྐྱེ་མཐའ་དག་དང་།། མིག་མཐའ་དང་ནི་འཇུག་པ་ནས།། རབ་ཏུ་ཞི་བའི་བར་དུ་ཡང་།། དེ་བཞིན་དུ་ནི་རིག་པར་གྱིས།། རྣ་བ་སྣ་ལྕེ་ལུས་དང་ཡིད།། གཟུགས་སྒྲ་དྲི་རོ་རེག་བྱ་ནས།། སྒྲ་དང་མིང་གི་བར་དུ་ཡང་།། ཐམས་ཅད་དེ་བཞིན་སྦྱར་བར། བྱ།། སྒྲ་ཡི་རིག་པ་ཀློག་འདོན་ཅིང་།། དེ་ཡི་དོན་ནི་རྟོག་གྱུར་ཀྱང་།། མིག་ཟད་མཐའ་ནི་མ་ཤེས་ན།། དེ་ནི་ནམས་ཀྱང་དམན་པ་ཡིན།། སྤང་གཞིག་དག་ནི་འདོན་བྱེད་ཅིང་།། གསང་སྔགས་དག་ནི་རྟོགས་གྱུར་ཀྱང་།། མིག་ཟད་མཐའ་རྣམ་ཤེས་ན།། དེ་ནི་རྣམས་ཀྱང་དམན་པ་ཡིན།། དེ་བཞིན་མིག་སྐྱེ་མཐའ་དག་དང་།། མིག་གི་མཐའ་དང་འཇུག་པ་ནས།། ཏུ་ཞི་བའི་བར་དུ་ཡང་།། དེ་བཞིན་དུ་ནི་རིག་པར་གྱིས།། རྣ་བ་སཱ་ལྡེ་ལུས་དང་ཡིད།། གཟུགས་སྒྲ་དྲི་རོ་རེག་བྱ་ནས།། སྒྲ་དང་མིང་གི་བར་དུ་ཡང་།། ཐམས་ཅད་དེ་བཞིན་སྦྱར་བར་བྱའོ། ། །། བམ་པོ་བཞི་པ།། བཅོམ་ལྡན་གྲོང་ཁྱེར་གཤེགས་པའི་ཚེ།། སེམས་ཅན་དག་ནི་ཚད་མེད་སྙེད།། མཁའ་ལས་ཆོས་བསྟན་སྒྲ་ཐོས་པས། ། མིག་ཟད་མཐའ་ནི་ཤེས་པ་ཐོབ།། བཅོམ་ལྡན་གྲོང་ཁྱེར་གཤེགས་པའི་ཚེ།། སེམས་ཅན་དག་ནི་ཚད་མེད་སྙེད།། མཁའ་ལས་ཆོས་བསྟན་སྒྲ་ཐོས་པས། མིག་གི་རང་བཞིན་རྟོགས་པར་འགྱུར།། སྟོང་དང་བདག་མེད་རབ་རྟོགས་པས།། ཐམས་ཅད་རྣམ་དག་མིག་ཐོབ་འགྱུར།། རྣ་བ་སྣ་ལྕེ་ལུས་དང་ཡིད།། གཟུགས་སྒྲ་དྲི་རོ། རེག་བྱ་ནས།། སྒྲ་དང་མིང་གི་བར་དུ་ཡང་།། ཐམས་ཅད་དེ་བཞིན་སྦྱར་བར་བྱ།། འདོད་སྡང་གཏི་མུག་ཁོང་ཁྲོ་དང་།། ང་རྒྱལ་ཁེངས་དང་གཡོ་སྒྱུ་ནས།། བག་མེད་པ་ཡི་བར་དུ་ཡང་། དེ་བཞིན་དུ་ནི་རིག་པར་གྱིས།། བཅོམ་ལྡན་གྲོང་ཁྱེར་གཤེགས་པའི་ཚེ།། སེམས་ཅན་དག་ནི་ཚད་མེད་སྙེད།། སྟེང་གི་ནམ་མཁའ་དག་ལས་ནི།། སངས་རྒྱས་མཚན་ནི་སྔ་ཚོགས་ཐོས། ། ཁ་ཅིག་འདོད་ཆགས་འཇིགས་པ་ཡི།། དཔེ་ཟླ་མེད་པའི་མིང་ཡང་ཐོས།། ཁ་ཅིག་ཞེ་སྡང་འཇིགས་བྱེད་ཅིང་།། འཇིག་རྟེན་ཕན་འདོགས་མིང་དག་ཐོས།། ཁ་ཅིག་གཏི་མུག་རབ་རྟོགས་ཤིང་། ། ང་རྒྱལ་འདུལ་བའི་མིང་ཡང་ཐོས།། ཁ་ཅིག་འཇིག་རྟེན་དག་ལ་ནི།། རབ་ཞི་སྟོན་པའི་འདྲིན་མིང་ཐོས།། ཁ་ཅིག་ཤེས་རབ་དག་བསྟན་ནས།། འཇིག་རྟེན་ཕན་འདོགས་མིང་དག་ཐོས། ། ཁ་ཅིག་ཐབས་དག་རབ་བསྟན་ནས།། སེམས་ཅན་ཕན་འདོགས་མིང་དག་ཐོས།། ཁ་ཅིག་བདུད་ནི་རབ་བཏུལ་ཡང་།། ཁོ་ན་འཛིན་མེད་པའི་མིང་དག་ཐོས། ། ཁ་ཅིག་གསུང་རབ་ཆོས་དག་གིས།། རྣམ་གྲོལ་བསྟན་པའི་མིང་དག་ཐོས།། ཁ་ཅིག་སེམས་ཅན་སྡུག་བསྔལ་བ།། རྒྱ་ཆེར་སྒྲོལ་བའི་མིང་དག་ཐོས།། ཁ་ཅིག་མི་ཡི་གཙོ་བོ་ཡིས། ། འཇིག་རྟེན་སྒྲོལ་བའི་མིང་དག་ཐོས།། མིང་ནི་དེ་དག་ཐོས་གྱུར་ནས།། ཐམས་ཅད་རྣམ་དག་མིང་ཐོབ་གྱུར།། ནམ་མཁའ་དང་ནི་རྒྱ་མཚོའི་ཆུ།། རི་རབ་ལྷུན་པོའི་བར་དུ་ཡང་། ། ཐམས་ཅད་གཞལ་དུ་རུང་སྲིད་ཀྱི།། སངས་རྒྱས་མཁྱེན་པ་ཐུག་མི་འགྱུར།། གང་ཞིག་མིག་ཟད་ངེས་པ་ཐོབ་གྱུར་ན།། ཆོས་སྐུ་མངོན་པར་གྲུབ་པ་དཀའ་མི་འགྱུར། ། གང་ཞིག་ཆོས་སྐུ་མཆོག་ནི་གྲུབ་གྱུར་ན།། ཀུན་འཛིན་ཡེ་ཤེས་དཔག་མེད་ཐོབ་པར་འགྱུར།། གང་ཞིག་ཀུན་འཛིན་ཡེ་ཤེས་དཔག་མེད་ཐོབ།། དེས་ན་མདོ་སྡེ་དཔག་མེང་གོ་བར་འགྱུར། ། གང་ཞིག་མདོ་སྡེ་དཔག་མེད་གོ་གྱུར་པ།། སངས་རྒྱས་རྫུ་འཕྲུལ་འཐོབ་པར་དཀའ་མི་འགྱུར།། གང་ཞིག་མིག་སྐྱེ་ངེས་པ་ཐོབ་གྱུར་ན། ཆོས་སྐུ་མངོན་པར་འགྲུབ་པ་དཀའ་མི་འགྱུར།། གང་ཞིག་ཆོས་སྐུ་མཆོག་ནི་གྲུབ་གྱུར་ན།། ཀུན་འཛིན་ཡེ་ཤེས་དཔག་མེད་ཐོབ་པར་འགྱུར།། གང་ཞིག་ཀུན་འཛིན་ཡེ་ཤེས་དཔག་མེད་ཐོབ། ། དེས་ནི་མདོ་སྡེ་དཔག་མེད་གོ་བར་འགྱུར།། གང་ཞིག་མདོ་སྡེ་དཔག་མེད་གོ་གྱུར་པ།། སངས་རྒྱས་རྫུ་འཕྲུལ་ཐོབ་པ་དཀའ་མི་འགྱུར།། དེ་བཞིན་རྣ་བ་སྣ་ལྕེ་ལུས་དང་ཡིད། ། གཟུགས་སྒྲ་དྲི་རོ་རེག་བྱའི་ཆོས་དག་ནས།། སྒྲ་རྣམས་དང་ནི་མིང་གི་བར་དུ་ཡང་།། ཐམས་ཅད་དེ་བཞིན་དུ་ནི་སྦྱར་བར་བྱ།། དེ་ཚེ་ས་ཆེན་དག་ནི་རབ་ཏུ་གཡོས། ། རྒྱ་མཚོ་རི་རྣམས་ཀྱང་ནི་དེ་བཞིན་ནོ།། ལྷ་མ་ཡིན་དང་ལྷ་ནི་མང་པོ་རྣམས།། ཐམས་ཅད་རབ་ཏུ་དགའ་བ་སྐྱེད་པར་བྱེད།། བདུད་དང་བདུད་དཔུང་གཡོ་སྒྱུ་རབ་བཅོམ་ནས།། ཐམས་ཅད་སངས་རྒྱས་བཀོད་པ་བསྒྲུབ་པར་མོས།། ལྷ་རྣམས་སོ་སོར་གཞལ་མེད་ཁང་ཞུགས་ནས།། ཕན་ཚུན་དགོའ་བའི་གཏམ་ནི་འདི་སྐད་སྨྲས།། འདྲེན་པོ་དེང་ནི་འཇིག་རྟེན་བྱུང་བས་ན། ། ལྷ་མི་ཐམས་ཅད་ལ་ནི་ཕན་པ་མཛད།། ས་བླའི་ལྷ་འཁོར་གཞལ་མེད་ཁང་གནས་ནས།། དང་བའི་སེམས་ཀྱིས་དགའ་ནས་འདི་སྐད་དུ།། འདྲེན་པ་འཇིག་རྟེན་དེང་བྱུང་ཤིན་ཏུ་ལེགས། ། འཇིག་རྟེན་ཀུན་བདེ་རྒྱུ་ནི་རབ་ཏུ་མཛད།། མཁའ་ལ་སྤྱོད་པའི་ལྷ་རྣམས་དེ་ཐོས་ནས།། ཐམས་ཅད་དགའ་ནས་རབ་ཏུ་དང་བ་སྐྱེས།། ཁྱད་འཕགས་སྒྲ་སྙན་སངས་རྒྱས་བསྔགས་བརྗོད་ནས། ། འདྲེན་པ་བྱུང་བས་འཇིག་རྟེན་ཕན་མཛད་ཟེར།། རྒྱལ་ཆེན་རིས་བཞིའི་ལྷ་ནི་དེ་ཐོས་ནས།། ཐམས་ཅད་དགའ་ནས་ཤིན་ཏུ་དང་བ་སྐྱེས།། ཁྱད་འཕགས་སྒྲ་སྙན་སངས་རྒྱས་བསྔགས་བརྗོད་ནས། ། འདྲེན་པ་བྱུང་བས་འཇིག་རྟེན་ཕན་མཛད་ཟེར།། སུམ་ཅུ་རྩ་གསུམ་ལྷ་ནི་དེ་ཐོས་ནས།། ཐམས་ཅད་དགའ་ནས་ཤིན་ཏུ་དང་བ་སྐྱེས།། ཁྱད་འཕགས་སྒྲ་སྙན་སངས་རྒྱས་བསྔགས་བརྗོད་ནས།། འདྲེན་པ་བྱུང་བས་འཇིག་རྟེན་ཕན་མཛད་ཟེར།། འཐབ་བྲལ་ལྷ་དག་དེ་སྐད་ཐོས་ནས་ནི།། ཐམས་ཅད་དགའ་ནས་ཤིན་ཏུ་དང་བསྐྱེས། ། ཁྱད་འཕགས་སྒྲ་སྙན་སངས་རྒྱས་བསྔགས་བརྗོད་ནས།། འདྲེན་པ་བྱུང་བས་འཇིག་རྟེན་ཕན་མཛད་ཟེར།། བདག་ཅག་བྱང་ཆུབ་སེམས་ནི་རབ་བསྐྱེད་ནས།། བཅོམ་ལྡན་བླ་མེད་མཁྱེན་པ་ཉེ་བར་བགྱི། ། ལྷ་མི་གཙོ་མཆོག་ལ་ནི་བརྟེན་ནས་སུ།། སེམས་ཅན་ཐམས་ཅད་སྒྲོལ་བར་བགྱིད་ཅེས་ཟེར།། དགའ་ལྡན་ལྷ་རྣམས་དེ་སྐད་ཐོས་ནས་ཀྱང་།། ཐམས་ཅད་དགའ་ནས་ཤིན་ཏུ་དང་བསྐྱེས། ཁྱད་འཕགས་སྒྲ་སྙན་སངས་རྒྱས་བསྔགས་བརྗོད་ནས།། འདྲེན་པ་བྱུང་བས་འཇིག་རྟེན་ཕན་མཛད་ཟེར།། བཅོམ་ལྡན་འདས་པའི་བསྒྲལ་པ་བྱེ་བར་ནི།། སྤྱོད་མཆོག་ཁྱད་འཕགས་དཔག་མེད་མངོན་བསྒྲུབས་ནས།། སེམས་ཅན་སྡུག་བསྔལ་བ་ལ་བདེ་ལམ་བསྟན།། འཁོར་བ་བསྒྲལ་ནས་མྱ་ངན་འདས་ལ་བཀོད།། འཕྲུལ་དགའི་ལྷ་རྣམས་དེ་སྐང་ཐོས་ནས་ནི། ། ཐམས་ཅད་དགའ་ནས་ཤིན་ཏུ་དང་བསྐྱེད།། ཁྱད་འཕགས་སྒྲ་སྐ་སངས་རྒྱས་བསྔགས་བརྗོད་ནས།། འདྲེར་བཟུང་བས་འཇིག་རྟེན་པཕན་མཛད་ཟེར། ། གཞན་འཕྲུལ་དབང་བྱེད་ལྷ་ནི་དེ་ཐོས་ནས།། ཐམས་ཅད་དགའ་ནས་རབ་ཏུ་དང་བ་སྐྱེས།། ཁྱད་འཕགས་སྒྲ་སྙན་སངས་རྒྱས་བསྔགས་བརྗོད་ནས།། འདྲན་པ་བྱུང་བས་འཇིག་རྟེན་པན་མཛད་ཟེར། ། དེ་བཞིན་གཤེགས་པ་སྐྱེ་ཤི་འདས་པས་ན།། བདུད་དང་མུ་སྟེགས་མང་པོ་ཕམ་པར་མཛད།། བླ་མེད་བྱང་ཆུབ་དག་ནི་ཡོངས་རྫོགས་ནས། སྐྱེ་དགུ་དངས་ནས་ཕ་རོལ་འཇོག་ཅེས་ཟེར།། ཚངས་རིས་ལྷ་རྣམས་དེ་སྐད་ཐོས་ནས་ཀྱང་།། ཐམས་ཅད་དགའ་ནས་ཤིན་ཏུ་དང་བ་སྐྱེས།། ཁྱད་འཕགས་སྒྲ་སྙན་སངས་རྒྱས་བསྔགས་བརྗོད་ནས། ། འདྲེན་པ་བྱུང་བས་འཇིག་རྟེན་ཕན་མཛད་ཟེར།། དེ་བཞིན་གཅིག་ནས་གཅིག་ཏུ་སྒྲ་ཐོས་པས།། ཚངས་པའི་འཁོར་རྣམས་དགའ་ནས་འདི་སྐད་དུ། འདྲེན་པ་བྱུང་བས་འཇིག་རྟེན་ཕན་པ་མཛད།། བདུད་དཔུང་འཇིགས་སྐྲག་མྱ་ངན་བྱེད་ཅེས་ཟེར།། སྲིད་པའི་རྩེ་མོའི་ལྷ་ཡི་བར་དུ་ཡང་།། སངས་རྒྱས་བྱུང་ནས་འཇིག་རྟེན་པན་མཛད་ཐོས། ། དེ་བཞིན་སྒྲ་ནི་ཀུན་ཏུ་གྲགས་པས་ན།། ལྷ་མ་ཡིན་དག་འགྲིམས་ཤིང་ལྷ་རྣམས་འཕེལ།། བདུད་ཀྱི་ཁང་པ་དག་ནི་ཡོངས་སྟོངས་ཤིང་།། ལྷ་རྣམས་འཁོར་ནི་རབ་ཏུ་རྒྱས་པར་གྱུར། ། མི་འཇིགས་སྟོབས་ཀྱིས་ལོག་ཚོགས་རབ་བཏུལ་ནས།། བྱང་ཆུབ་ཆེན་པོ་མཆོག་ནི་མྱུར་དུ་བརྙེས།། དེ་བཞིན་སྐད་ཅིག་ཡུད་ཙམ་ལྷ་རྣམས་ཀྱིས།། བཅོམ་ལར་བྱུང་ནས་ཕན་མཛད་ཐོས་གྱུར་ནས། ། འཇིག་རྟེན་འདྲེན་པར་མཛད་པ་ཤིན་ཏུ་ལེགས།། རྣམ་དག་མིག་ནི་སེམས་ཅན་བྱིན་ཞེས་ཟེར། བཅོམ་ལྡན་གྲོང་ཁྱེར་གཤེགས་པའི་ཚེ།། འདོད་པས་ཡོངས་སུ་གདུངས་པ་རྣམས། ། མི་གཙང་བསྒོམས་པ་བཤད་ཐོས་པས།། འདོད་ཆགས་ཞི་སྟེ་མ་ལུས་སྤངས།། བཅོམ་ལྡན་གྲོང་ཁྱེར་གཤེགས་པའི་ཚེ།། ཞེ་སྡང་ངག་གིས་གདུངས་པ་རྣམས། ། བྱམས་པ་བསྟན་པའི་ཆོས་ཐོས་པས།། ཞེ་སྡང་ཞི་སྟེ་མ་ལུས་སྤངས།། བཅོམ་ལྡན་གྲོང་ཁྱེར་གཤེགས་པའི་ཚེ།། གཏི་མུག་དག་གིས་གདུངས་པ་རྣམས།། ཤེས་རབ་ཆོས་ནི་བསྟན་ཐོས་པས།། གཏི་མུག་ཞི་སྟེ་མ་ལུས་སྤངས།། བཅོམ་ལྡན་གྲོང་ཁྱེར་གཤེགས་པའི་ཚེ།། ང་རྒྱལ་དག་གིས་གདུངས་པ་རྣམས།། ང་རྒྱལ་སྤངས་པའི་ཆོས་ཐོས་པས། ། ང་རྒྱལ་ཞི་སྟེ་མ་ལུས་སྤངས།། བཅོམ་ལྡན་གྲོང་ཁྱེར་གཤེགས་པའི་ཚེ།། ཕྲག་དོག་དག་གིས་གདུངས་པ་རྣམས།། བྲག་དོག་སྤངས་པའི་ཆོས་ཐོས་པས།། ཕྲག་དོག་ནི་སྟེ་མ་ལུས་སྤངས། ། བཅོམ་ལྡན་གྲོང་ཁྱེར་གཤེགས་པའི་ཚེ།། ཁོང་ཁྲོ་དག་གིས་གདུངས་པ་རྣམས།། ཁོང་ཁྲོ་སྤངས་པའི་ཆོས་ཐོས་པས། ཁོང་ཁྲོ་ཞི་སྟེ་མ་ལུས་སྤངས། བཅོམ་ལྡན་གྲོང་ཁྱེར་གཤེགས་པའི་ཚེ།། སེར་སྣ་དག་གིས་གདུངས་པ་རྣམས།། སེར་སྣ་སྤངས་པའི་ཆོས་ཐོས་པས།། སེར་སྣ་ནི་སྟེ་མ་ལུས་སྤངས། གང་ཞིག་དུལ་བའི་སྤྱོད་སྒྲུབ་པ།། དཔག་མེད་ཆོས་ནི་འདི་ཐོས་པས།། མང་དུ་ཐོས་པའི་གཙོར་ཞུགས་ནས།། ཀུན་འཛིན་སྒོ་ནི་སྒྲུབ་པར་བྱེད།། གཞན་ཡང་མཁའ་ལས་སྒྱུ་ཐོས་པས། ། མེ་ཏོག་དག་གིས་སངས་རྒྱས་མཆོད།། ཡོན་ཏན་ཁྱད་པར་འཕགས་བསྒྲུབ་ཅིང་།། སྙིང་རྗེ་ཆེན་པོའི་རྫུ་འཕྲུལ་སྟོན།། གཞན་ཡང་མཁའ་ལས་སྦ་ཐོས་ན།། བཅོམ་ལྡན་སྐུ་དང་སྐྱེ་གནས་དང་། ། གདུང་བརྒྱུད་དང་ནི་གསུང་སྒྲ་རྣམས།། ཁྱད་པར་འཕགས་པའི་བསྔགས་པ་བརྗོད།། སེམས་ཅན་འགྲོ་བ་ཇི་ལྟ་བར།། རྫུ་འཕྲུལ་དག་ཀྱང་ཅི་རིགས་བཤད། ། མིག་དང་རྣ་བ་སྣ་ལྡེ་ལུས།། གཟུགས་དང་སྒྲ་ལ་སོགས་པ་དང་།། བསྐུམ་པ་དང་ནི་བརྐྱང་བ་དང་།། སྟོན་པར་མཛད་པ་ཁྱད་པར་འཕགས།། བཅོམ་ལྡན་འཇིག་རྟེན་འདས་པས་ན། ། འཇིག་རྟེན་སྒྲོན་མ་རབ་མཛད་ཅིང་།། གཟུགས་ནི་མང་པོ་སྟོན་པ་ཡང་།། ཐམས་ཅད་སངས་རྒྱས་རྫུ་འཕྲུལ་ཡིན།། སྣོད་དང་སྣོད་མིན་དེ་རྗེས་སུ།། མི་མཐུན་ཆོས་ནི་སྟོན་མཛད་པས། ། སེམས་ཅན་ཚེ་རབས་ཚད་མེད་ནས།། སངས་རྒྱས་མཆོད་པ་མ་བྱས་ཤིང་།། དམུ་རྒོད་གདུལ་བར་དཀའ་བ་ལ།། སེམས་ཅན་དམྱལ་བ་བཤད་པར་མཛད། ། གང་ཞིག་ལས་ལམ་རྨོངས་གྱུར་ཅིང་།། སྦྲུ་ལ་བརྟེན་ནས་སྤོས་དགའ་བ།། བཅོམ་ལྡན་དེ་དག་ལྟ་བ་དང་།། སྤྲོས་བཞི་པའི་སྒྲ་ཐོས་མཛད།། གཞན་ཡང་མཁའ་ལས་ངོ་བོ་ཉིད། ། ངེས་པ་ཉིད་དུ་སྦྱོང་པ་དང་།། འགྲོ་འོང་མེད་ཅིང་མཚན་མེད་དང་།། ཅི་ཡང་མེད་པའི་སྒྲ་ཡང་ཐོས།། གཞན་ཡང་སེམས་ཅན་བརྒྱ་སྟོད་དག། མཁའ་ལས་ཤ་དང་ཤེས་རབ་སྤྱན། ། དེ་བཞིན་ཆོས་ཀྱི་སྤྱན་པར་དུ།། ཡང་དག་སྟོན་པའི་སྒྲ་ཡང་ཐོས།། བཅོམ་ལྡན་རྫུ་འཕྲུལ་སྟོབས་ཀྱིས་ནི།། ཚུལ་ཁྲིམས་ཏིང་འཛིན་ཤེས་རབ་སྒྲ།། རྣམ་གྲོལ་རྣམ་གྲོལ་མཐོང་བའི་སྒྲ།། སྟོན་པ་དག་ཀྱང་ཐོས་པར་གྱུར།། སེམས་ཅན་དག་ནི་ཇི་སྙེད་པ།། ཇི་བཞིན་རྫུ་འཕྲུལ་རབ་བསྟན་ནས།། ཇི་ལྟར་རྗེས་འཐུན་སྒྲ་སྐད་ཀྱིས།། ཡང་ངདག་ཆོས་ནི་བསྟན་པར་མཛད། ། སེམས་ཅན་ལ་ལ་གང་ཞིག་གིས།། སྦྱིན་དང་ཚུལ་ཁྲིམས་བཟོད་བསྒྲུབ་མོས།། རྫུ་འཕྲུལ་མོས་པ་ཇི་ལྟ་བཞིན།། སྦྱིན་དང་ཚུལ་ཁྲིམས་བཟོད་སྒྲ་སྟོན། བཅོམ་ལྡན་རྫུ་འཕྲུལ་སྟོབས་ཀྱིས་ནི།། སེམས་ཅན་དབང་པོ་ཇི་ལྟ་བཞིན།། རྒྱ་ཆེར་ཡང་དག་འབྱེད་མཛད་པས།། ལེན་འཛིན་སྟོན་ལ་འགོད་པར་མཛད།། བཅོམ་ལྡན་རྫུ་འཕྲུལ་སྟོབ་ཀྱིས་ནི། ། ཕུང་པོ་ཁམས་དང་སྐྱེ་མཆེད་ཀྱིས།། བཅིངས་དང་གྲོལ་དང་ཉེ་རིང་དང་།། ས་ཡི་གནས་སྐབས་བྱེ་བྲག་གིས།། མཚན་ཉིད་སྟོན་པ་ཐོས་པར་འགྱུར།། གཞན་ཡང་ས་དང་ཡེ་ཤེས་ཀྱི། ། འོད་ཟེར་ཚད་མེད་སྟོན་པ་དང་།། ཉོན་མོངས་བག་ཆགས་སྤངས་པ་དང་།། སྤངས་མིན་སྟོན་པ་ཐོས་པར་གྱུར།། བཅོམ་ལྡན་རྫུ་འཕྲུལ། སྟོབས་ཀྱིས་ནི།། ལྷ་དང་མི་ཡི་ངོ་བོ་ཉིད།། ལས་དང་འབྲས་བུ་མི་མཚུངས་པས།། སྐྱེ་ལེན་ཐ་དད་ཐོས་པར་གྱུར།། རེས་འགའ་བུད་མེད་མདུན་དག་ཏུ།། བུད་མེད་བརྒྱན་པའི་ལུས་སྤྲུལ་ནས། ། མཁའ་ལས་སྐྱོ་སྟོན་སྒྲ་ཐོས་པས།། གང་ཐོས་འདོད་ཆགས་སེལ་མཛད་པས།། ཤཱ་རིའི་བུ་ནི་ཇི་ལྟ་བཞིན།། ཤིན་ཏུ་དང་བ་སྐྱེས་པར་གྱུར།། ཐུགས་རྗེས་མོས་པ་ཇི་བཞིན་དུ། ། བླ་མེ་དེ་ཆོས་ནི་སྟོན་པར་མཛད།། མོའུ་འགལ་དང་ནི་འོད་སྲུངས་དང་།། ཀ་པི་ན་དང་ཀུན་དགའ་དང་།། འོད་སྲུངས་ཆེན་པོ་དག་དང་ནི།། ཀུན་ཤེས་ཀོའུ་དི་རྒྱལ་སོགས། ། དེ་དག་མོས་པ་ཇི་བཞིན་དུ།། ཉན་ཐོས་ཆོས་སྟོན་ཐོས་པར་གྱུར།། ལྷ་རྣམས་དང་ནི་ལྷ་མ་ཡིན།། གནོད་སྦྱིན་དག་ནི་མང་པོ་དང་།། བེ་རོ་ཀ་ནི་འཁོར་བཅས་དང་། གྲུལ་བུམ་དག་ནི་ཚད་མེད་རྣམས།། བཅོམ་ལྡན་རྫུ་འཕྲུལ་སྟོབས་ཀྱིས་ནི།། གཟུངས་སྔགས་སྒྲ་ནི་ཐོས་པར་གྱུར།། ཨིཾ་དེ་སཽ། བི་དི་སི། ཨི་ར་སུ་ཨི་ར། ཨོ་ན་སི་མ་ན་སི། ཨུ་ཁྱི། ཨ་ནོ་ཁྱི། ཨ་ཁྱི་ཚལ་མང་ནང་ཡེ། ད་ར་ནི་ཤྭ་ནི་མི། ཏ་ཀ་ནི། ཨི་མི་མན་ཏྲ། ནི་ཧ་ར། ཨ་བུ་རེ། བུད་དྷེ། ནི་རེ། ཨ་ཁི་ཙ་ར། བི་ཡ་ཀི་རི་ཡ་ཏེ་ཨ་ཀི་ཚ་ར་བ་ར་མི་ཏེ། ཀ་ལ་བ་ཧི་ནི། སརྦོ་བིང་ཤ་ནི་ར་དྷྭེ་པོ་ན། པ་ར་ཤ་སད་དེ། ཤ་ས་ཏ། པ་ར་ཤ་སད་ཏ། ཏ་ར་སད་ཏ། བྷུ་མི། ཨ་མ་བྷ་ར་ཨམ་བྷ་ར། ལི་ལི་བྷ་ན། ཤི་ཙིང་ཏ། བི་བ་མི་ཏ། ཙིད་ཏ་ཨ་ནན་ཏ། ཨོ་བེ་ར་ཧ་བ་མི་ཏ་བྷུ་མི། ན་ན་མ་ཀ་ནི་ཨ་ཀ་ནི་བི་བྷ་མིང་ཏ། ཤ་རི་བི་ཤྭཱ། ཨ་མ་ལ་ནི་མ་ལ། བུ་ལི་ཏེ་ན་ར་ཤི་ཙ། ཧ་ཧ་རི། མ་མ་ལི། བྷ་ར་ནིཏི་ཤྭཱ། ཙཀྲཱ་ནི་ར་ཧ་ར། ཨུཏྟི་རི་ཏ་ཙ་བ་ཙི། ཨ་ན་ཏ་རི། ཀུ་ཏ་རི། ཀེ་དུ་སུ་ཀེ་དུ། སུ་བ་རི། ཀ་ར་ནི། ཀུ་སུ་མ་ནི་ཡེ། ཀྲ་ཀ་རི། ཀ་ཁཱ་རི། ཨུ་པ་ལ་མུ་རི། ཏིཤྩ། ད་ར་ནི། ན་ག་ནིར་ཧ་རེ། པ་ར་ལང་ཏེ། ཨ་ཏེ་པ་ར་ཡ་ཏེ། ཨ་ན་ཏ་ར་བྷ་ན་དྷེ། ཨན་ཏ་ར་བྷ་ཏི་ཤི་ཙ། ཧ་སི་རི། མ་ཁ་ལི། ཨི་ནེ་སམ་བྷ་རེ། ཏི་ཤྩ་སིཏྐ་ར་ནི། ཀུ་བྷུ་ལོ་ཙ་ཏེ། གཞན་ཡང་རྒྱལ་པོ་རྣམ་ཐོས་བུ། ། ཡུལ་འཁོར་སྲུང་ནི་ལ་སོགས་པས།། ཁྱད་འཕགས་སྒྲ་ནི་གྲངས་མེད་ཀྱི།། བདེན་པའི་སྔགས་ཚིག་རབ་ཏུ་སྨྲས། ཚད་མེད་སྨྲ་ནི་དེ་དག་ཀྱང་།། བདེ་གཤེགས་རྫུ་འཕྲུལ་དབང་གིས་བྱུང་། ། རྫུ་འཕྲུལ་དག་ནི་ཚད་མེད་པས།། བསྟན་པ་དག་ཀྱང་ཚད་མེད་དོ།། རེས་འགའ་སངས་རྒྱས་མེད་ཞིང་དུ།། རྫུ་འཕྲུལ་རོལ་པའི་སྟོབས་དག་གིས། ། འཁོར་སྐོར་སངས་རྒྱས་སུ་སྟོན་པས།། ད་ལྟར་མཐོང་བ་ཇི་བཞིན་ནོ།། བསམ་གྱིས་མི་ཁྱབ་ཞིང་དག་ཏུ།། སྤྲུལ་པ་ཚད་མེད་སྔོར་མཛད་པས།། བསྐམས་ནས་གོམ་བདུན་གཤེགས་དང་། ། རྒྱལ་སྲིད་སྤངས་ནས་རབ་བྱུང་དང་།། བྱང་ཆུབ་སྙིང་པོར་སངས་རྒྱས་ནས།། བརྙེས་པའི་ཆོས་དག་རབ་དགོངས་ཏེ།། ཆོས་ཀྱི་འཁོར་ལོ་སྐོར་མཛད་དང་། ། མྱ་ངན་འདས་པ་སྟོན་པར་མཛད།། རྫུ་འཕྲུལ་གྱི་ནི་སྟོབས་ངག་གིས།། སྣ་ཚོགས་ཆོས་ནི་སྟོན་མཛད་པས།། སེམས་ཅན་དག་ནི་ཚད་མེད་རྣམས།། ཁྱད་འཕགས་ཡེ་ཤེས་གྲུབ་པར་མཛད། ། དེ་ཚེ་ཐུགས་རྗེ་ཆེན་པོ་ཡིས།། ཚངས་པའི་འཁོར་གྱིས་ཡོངས་བསྐོར་ནས།། བྱམས་ཆོས་བསྒོམ་པ་བཤང་བསྟན་པས།། བྱམས་པའི་སེམས་ནི་འཕེལ་བར་མཛད། ། དེ་ཚེ་ཐུགས་རྗེ་ཆེན་པོ་ཡིས།། ལྷ་རྣམས་ཀྱིས་ནི་ཡོངས་བསྐོར་ནས།། བསྡུ་བའི་དངོས་བཞི་བཤད་བསྟན་པས།། བསྡུ་བའི་སྤྱོད་བཞི་འཕེལ་བར་མཛད།། དེ་ཚེ་ཐུགས་རྗེ་ཆེན་པོ་ཡིས། ། ཀླུ་རྣམས་ཀྱིས་ནི་ཡོངས་བསྐོར་ནས།། ཞེ་སྡང་ཉེས་དམིགས་བཤད་བསྟན་པས།། ཞེ་སྡང་སེམས་ནི་སྤངས་པར་འགྱུར།། དེ་ཚེ་ཐུགས་རྗེ་ཆེན་པོ་ཡིས།། ། གནོད་སྦྱིན་རྣམས་ཀྱིས་ཡོངས་བསྐོར་ནས།། རྣམ་འཚེ་ཉེས་དམིགས་བཤད་བསྟན་པས།། རྣམ་འཚོ་སེམས་ནི་སྤངས་པར་འགྱུར།། དེ་ཚེ་ཐུགས་རྗེ་ཆེན་པོ་ཡིས།། ལྷ་མ་ཡིན་གྱིས་ཡོངས་བསྐོར་ནས། ། འཐབ་པའི་ཉེས་དམིགས་བཤད་བསྟན་ཏེ།། བཟོད་པ་བསྒོམ་པའི་བསྔགས་པ་བརྗོད།། དེ་ཚེ་ཐུགས་རྗེ་ཆེན་པོ་ཡིས།། ནམ་མཁའ་ལྡིང་གིས་ཡོངས་བསྐོར་ནས།། འགལ་བྱས་ཉེས་དམིགས་བཤད་བསྟན་ཏེ།། འདུམ་པའི་སེམས་ཀྱིས་བསྔགས་པ་མཛད།། དེ་ཚེ་ཐུགས་རྗེ་ཆེན་པོ་ཡིས།། དྲི་ཟའི་འཁོར་གྱིས་ཡོངས་བསྐོར་ནས།། དགའ་བའི་ཚིག་ནི་དཔག་མེད་ཀྱིས། ། དེ་བཞིན་གཤེགས་པའི་བསྔགས་བརྗོད་བསྟན།། དེ་ཚེ་ཐུགས་རྗེ་ཆེན་པོ་ཡིས།། ལྟོ་འཕྱེ་འཁོར་གྱིས་ཡོངས་བསྐོར་ནས།། མུ་སྟེགས་ཆོས་ལ་སྨོད་མཛད་ཅིང་།། བཅོམ་ལྡན་གསུང་རབ་བསྔགས་བརྗོད་བསྟན།། དེ་ཚེ་ཐུགས་རྗེ་ཆེན་པོ་ཡིས།། འདྲེ་སྲིར་འཁོར་གྱིས་ཡོངས་བསྐོར་ནས།། དེ་བཞིན་གཤེགས་པའི་ཡོན་ཏན་མཆོག། རྒྱ་ཆེར་བསྔགས་པ་བརྗོད་པར་མཛད། ། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད།། མིག་ཟད་མཐའ་བསྟན་ཐོས་པས་ན།། མཐར་ཕྱིར་ངོར་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད།། མིག་སྐྱེ་མཐའ་ནི་བསྟན་ཐོས་པས།། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེར་པོས་འཕྲུལ་བསྟན་པས། ། སེམས་ཅན་དག་ནི་བརྒྱ་སྟོང་སྙེད།། མིག་གི་མཐའ་ནི་བསྟན་ཐོས་པས།། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟར་པས།། སེམས་ཅན་དག་ནི་བརྒྱ་སྟོང་སྙེད། ། མིག་འཇུག་བསྟན་པ་ཐོས་གྱུར་ནས།། མཐར་བྱིན་དོན་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད། ། མིག་དབེན་བསྟན་པས་ཐོས་པས་ན།། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་སྟོང་སྙེད། ། མིག་ལ་སྐྱེ་མེད་བསྟན་ཐོས་པས།། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད།། མིག་མེད་བསྟན་པ་ཐོས་པས་ན། ། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད།། མིག་ནི་ཉེར་ཞི་བསྟན་ཐོས་པས།། མཐར་ཕྱིན་དོན་ནི་རྟོགས་པར་གྱུར། ། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད།། མིག་ལ་བདག་མེད་བསྟན་ཐོས་པས།། མཐར་ཕྱིན་དོན་ནི་རྟོགས་པར་གྱུར། ། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད།། མིག་ལ་གང་ཟག་མེད་ཐོས་པས།། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེན་བོས་འཕྲུལ་བསྟན་པས། ། སེམས་ཅན་དག་ནི་བརྒྱ་སྟོང་སྙེད།། མིག་ལ་སེམས་ཅན་མེད་ཐོས་པས།། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟན་པས། སེམས་ཅན་དག་ནི་བརྒྱ་སྟོང་སྙེད།། མིག་ལ་སྲོག་མེད་ཐོས་པས་ན།། མཐར་ཕྱིན་དོན་ནི་རྟོགས་པར་གྱུར།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་དག་ནི་བརྒྱ་སྟོང་སྙེད། ། མག་ལ་གསོ་བ་མེད་ཐོས་པས།། མཐར་ཕྱིན་དོན་ནི་རྟོགས་པར་འགྱུར།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་རྣམས་ལ་རྒྱ་ཆེར་ནི།། འཇིག་རྟེན་ཤེས་པ་རབ་སྨད་དེ། ། ཞེན་པ་མི་སྐྱེད་ཉིད་དུ་མཛད།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་རྣམས་ལ་རྒྱ་ཆེར་ནི།། འཇིག་རྟེན་རྙེད་པ་རབ་སྨད་དེ།། འདུས་མ་བྱས་ཀྱི་བསྔགས་བརྗོད་མཛད།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་རྣམས་ལ་རྒྱ་ཆེར་ནི།། ཟག་བཅས་ཤེས་པ་རབ་སྨད་དེ།། ཟག་མེད་ཤེས་རབ་བསྔགས་པར་མཛད། ། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་རྣམས་ལ་རྒྱ་ཆེར་ནི།། འཇིག་རྟེན་བསམ་གཏན་རབ་སྨད་དེ།། འཇིག་རྟེན་འདས་པའི་ཏིང་འཛིན་བསྔགས། ། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། ཟག་བཅས་ཚུལ་ཁྲིམས་རབ་སྨད་དེ།། ཟག་མེད་བསླབ་གནས་བསྔགས་པར་མཛད།། ཐུགས་རྗེ་ཆེན་པོས་འཕྲུལ་བསྟན་པས།། སེམས་ཅན་རྣམས་ལ་རྒྱ་ཆེར་ནི།། སེམས་རྒྱ་ཆུང་ངུའི་སྐྱོན་བརྗོད་དེ།། སེམས་རྒྱ་ཆེན་པོའི་ཡོན་ཏན་བསྔགས།། ཐུགས་རྗེ་ཆེན་པོས་འཕྲུལ་བསྟན་ནས། ། ལུས་ཀྱི་ཚུལ་ཁྲིམས་སེམས་ཤེས་རབ།། ཟག་མེད་རྟེན་པ་མེད་པ་ཡི།། བསྔགས་པ་དག་ནི་བརྗོད་པར་མཛད།། ཐུགས་རྗེ་ཆེན་པོས་འཕྲུལ་བསྟན་ནས།། སྡུག་བསྔ་། འགོག་པའི་ལམ་བསྔགས་ཤིང་།། སྤོས་ལ་དགའ་ཞིང་ཞེད་པ་དག། སངས་རྒྱས་སྨད་པར་རབ་ཏུ་བསྟན།། ཐུགས་རྗེ་ཆེན་པོས་འཕྲུལ་བསྟན་ནས།། ཅན་རྣམས་ལ་རྒྱ་ཆེར་ནི།། མིག་ཆད་སྐྱོན་ནི་རབ་འབྱེད་ཅིང་།། རབ་ཞི་མཚན་ཉིད་བསྟན་པར་བྱེད།། རྣ་བ་སྣ་ལྕེ་ལུས་དང་ཡིད།། གཟུགས་སྒྲ་དྲི་རོ་རེག་བྱ་ནས།། སྒྲ་དང་མིང་གི་བར་དུ་ཡང་། ། ཐམས་ཅད་དེ་བཞིན་སྦྱར་བར་བྱ།། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། དར་ལ་བབ་ཅིང་གཞོན་པ་ལ།། ཉེས་དམིགས་དཔག་མེད་ཡོད་པར་བསྟན། ། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། ཚེ་རིགས་དག་གིས་བསྙེམས་པ་ལ།། ཉེས་དམིགས་དཔག་མེད་ཡོད་པར་བསྟན། ། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། ལོངས་སྤྱོད་བག་མེད་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན།། ཐུགས་རྗེ་ཆེན་པོས་འཕྲུལ་བསྟན་ནས། ། སེམས་ཅན་རྣམས་ལ་རྒྱ་ཆེར་ནི།། རང་དབང་བག་མེད་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན།། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། གཟུགས་ཀྱིས་བག་མེད་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན།། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་ན་ཆེར་ནི། ། བུད་མེད་པག་མེད་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན།། ཐུགས་རྗེ་ཆེན་པོའི་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། གོས་ཀྱིས་བག་མེད་གྱུར་པ་ལ། ། ཉེས་དམིགས་དཔག་མེད་ཡོད་པར་བསྟན།། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། ཆང་གིས་བག་མེད་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན། ། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། རྒྱལ་པོ་བག་མེད་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན། ། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་རྣམས་ལ་རྒྱ་ཆེར་ནི།། ཚུལ་ཁྲིམས་བསྙེམས་པར་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན།། ཐུགས་རྗེ་ཆེན་པོས་འཕྲུལ་བསྟན་ནས། ། སེམས་ཅན་རྣམས་ལ་རྒྱ་ཆེར་ནི།། ཤེས་རབ་བསྙེམས་པར་གྱུར་པ་ལ།། ཉེས་དམིགས་དཔག་མེད་ཡོད་པར་བསྟན།། དེ་བཞིན་རྟོགས་དང་རྫུ་འཕྲུལ་དང་། བསམ་གཏན་མཁས་པའི་ང་རྒྱལ་དང་།། ནོར་དང་བཤད་དང་རིགས་དང་འཁོར།། རོལ་མོ་གླུ་དང་ལྕེ་རྐྱང་དང་།། གྲགས་པ་ཕུན་ཚོགས་བསྔགས་པ་དང་།། བཀུར་སྟི་དང་ནི་རྙེད་པ་དང་། མཛེས་དང་གཡོ་སྒྱུ་ང་རྒྱལ་དང་།། ངོ་ཚ་མེད་དང་ཁྲེལ་མེད་དང་།། ཁེངས་དང་ཕུན་ཚོགས་ང་རྒྱལ་དང་།། བག་མེད་འདོད་ཆགས་དེ་བཞིན་ནོ།། ཐུགས་རྗེ་ཆེན་པོས་འཕྲུལ་བསྟན་ནས། ། སེམས་ཅན་གང་ཞིག་སེམས་དང་ཡིད།། དམན་པར་གྱུར་པ་དེ་དག་ལ།། ཁྱད་པར་འཕགས་པའི་འདུ་ཤེས་བསྟན།། ཐུགས་རྗེ་ཆེན་པོས་འཕྲུལ་བསྟན་ནས། སེམས་ཅན་གང་ཞིག་རང་ཞུམ་ཞིང་།། རྩོལ་བར་མི་བྱེད་དེ་དག་ལ།། བརྩོན་འགྲུས་སྟོབས་ནི་སྟོན་པར་མཛད།། ཐུགས་རྗེ་ཆེན་པོས་འཕྲུལ་བསྟན་ནས།། སེམས་ཅན་གང་ཞིག་ནོར་རྣམས་ལ། ། ཆགས་པར་གྱུར་པ་དེ་དག་ལ།། ཆོག་ཤེས་ཆོས་ནི་སྟོན་པར་མཛད།། གཞན་ཡང་སྤོས་ཀྱི་དྲི་གཙང་ཁང་།། མེ་ཏོག་དག་གི་གཞལ་མེད་ཁང་།། ཁང་པ་བརྩེགས་མ་མཆོག་སྤྲུལ་ནས། ། སྤྲུལ་པའི་སངས་རྒྱས་བཞུགས་པར་བསྟན།། གཞན་ཡང་ལྷ་ཡི་བུ་མོ་རྣམས།། མེ་ཏོག་ཙམ་པའི་ཁང་པ་ན།། གནས་པ་ལུས་ཕྱེད་བསྟན་སྤྲུལ་ནས།། མེ་ཏོག་འཕྲེང་ཐོགས་མཆོད་བྱེད་བི་སྟན། ། གཞན་ཡང་ལྷ་མིན་བུ་མོ་དག། མེ་ཏོག་མ་ལིའི་ཁང་པ་ན།། གནས་པ་ལུས་ཕྱེད་བསྟན་སྤྲུལ་ནས།། མེ་ཏོག་འཕྲེང་ཐོགས་མཆོད་བྱེད་བསྟན།། གཞན་ཡང་ལྷ་ཡི་བུ་རྣམས་དག། པདྨ་སྔོན་པོའི་ཁང་པ་ན།། གནས་པ་ལུས་ཕྱེད་བསྟན་སྤྲུལ་ནས།། སངས་རྒྱས་ཡོན་ཏན་བསྔགས་པ་བསྟན།། གཞན་ཡང་ཚངས་པ་རྣམས་ཀྱི་ལྷ།། གསེར་གྱི་གཞལ་མེད་ཁང་པན། ། གནས་པ་ལུས་ཀུན་བསྟན་སྤྲུལ་ནས།། སྒྲ་སྙན་སངས་རྒྱས་བསྔགས་པ་བསྟན།། གཞན་ཡང་ལྷ་ཡི་བུ་མོ་དག། སྣ་ཚོགས་རྒྱན་གྱིས་ལུས་བརྒྱན་ཅིང་།། རྒྱན་ནི་ཕན་ཚུན་རེག་པ་ལས། སྒྲ་སྙན་དགུ་ནི་རབ་བྱུང་ནས།། འདུས་བྱས་རྣམས་ཀྱི་ཆོས་དག་ནི།། འགྱུར་ཞིང་མི་བརྟན་ཡིན་ན་ཡང་།། བྱིས་པ་མི་བདེན་རྟོགས་པ་ཡིས།། ཡང་དག་ཇི་བཞིན་མི་ཤེས་ཟེར།། རྒྱན་གྱི་སྒྲ་ནི་དེ་དག་ཀྱང་།། ལུས་དང་སེམས་ལས་བྱུང་མ་ཡིན།། འགྲོ་བ་མེད་ཅིང་འོང་བ་མེད།། ཕྱོགས་ཀྱང་ཡོད་པ་མ་ཡིན་ཏེ།། གཟུགས་དང་སེམས་ཀྱི་བར་དུ་ཡང་།། ཐམས་ཅད་དེ་བཞིན་སྦྱར་བར་བྱ།། བྱིས་པ་རྣམས་ཀྱིས་མི་སེམས་པས། ། འདི་ལ་ཐེ་ཚོམ་སྐྱེ་བར་འགྱུར།། རྒྱན་གྱི་རྣམ་པ་དེ་དག་ལས།། སྒྲ་སྙན་བྱུང་བ་དེ་ཡིས་ནི།། སངས་རྒྱས་ཞིང་ཀུན་གྲགས་པས་ན།། སེམས་ཅན་ཚད་མེད་གྲོལ་བར་གྱུར། ། དེ་ལྟ་བས་ན་ཁྱེད་རྣམས་ཀྱིས།། འདྲེན་པའི་རང་བྱུང་ཡེ་ཤེས་དང་།། ཡོན་ཏན་དཔག་མེད་སྐུ་དག་ནི།། སྲིད་པའི་སྤྲོས་ལས་འདས་པ་དང་།། རབ་དབེན་སྐྱོན་ནི་མེད་པ་དང་།། ། ལྟ་བྲལ་སེམས་ནི་རབ་སྦྱངས་དང་།། མཚན་དང་དཔེ་བྱད་བརྒྱན་པ་དང་།། སྐུ་དང་ཐུགས་ནི་དག་པར་ལྟོས།། ཁྱེད་ཀྱིས་བཅོམ་ལྡན་གྲོང་གཤེགས་ཚེ།། གོམ་པ་དག་ནི་སེང་གེ་འདྲ།། གཤེགས་སྟངས་ངང་པ་གླང་ཆེན་འདྲ། ། སེམས་ཅན་རེ་བསྐོང་བར་མཛད།། བསོད་ནམས་ཁྱད་འཕགས་ཡོངས་སུ་རྫོགས།། ཡང་དག་མཚན་གྱིས་རབ་ཏུ་བརྒྱན།། སེམས་ཅན་དག་ནི་ཐམས་ཅད་ཀུན། ། ལྟ་བས་མི་ངོམས་ཉིད་དུ་ལྟོས།། ཁྱེད་ཀྱིས་རྐང་གཉིས་གཙོ་བོའི་མཆོག། ཐུགས་རྗེ་ཆེན་པོ་ལྡན་པས་ན།། དངོས་པོ་ཆུང་ངུས་མཆོད་བྱས་ཀྱང་།། ཡོན་ཏན་ཚད་མེད་འཐོབ་མཛད་པས། ། སེམས་ཅན་དག་ནི་མང་པོ་རྣམས།། བསྐལ་པ་བརྒྱ་སྟོང་མང་པོར་ནི།། མྱ་ངན་འདས་པ་འཐོབ་པར་དུ།། རྣམ་སྨིན་ཐུག་པ་མེད་པར་ལྟོས།། བྱེད་ཀྱིས་རྐང་གཉིས་གཙོ་མཆོག་ནི། ། ཟག་མེད་ཚུལ་ཁྲིམས་རྫོགས་པས་ན།། སེམས་ཅན་དག་ནི་མང་པོ་རྣམས།། གུས་པས་སྤྱི་བོས་ཕྱག་བྱེད་དང་།། ལྷ་ཡི་འཁོར་ནི་མང་པོ་རྣམས།། སོ་སོར་གཞལ་མེད་ཁང་སྤངས་ནས། ། རྩེ་བ་དག་ལ་ཆགས་མེད་པར།། འདྲེན་པ་ལ་ནི་སྟེན་བྱེད་ལྟོས།། ཁྱེད་ཀྱིས་བདུད་དང་བདུད་ཀྱི་འཁོར།། བཅོམ་ལྡན་འདས་ལ་དད་བསྐྱེད་ནས།། གསེར་གྱི་རླུང་ཡབ་དག་ཐོགས་ཏེ། ། གཡས་གཡོན་དུ་ནི་འཁོད་པ་དང་།། བདུད་ཀྱི་བུ་ནི་ལྔ་བརྒྱ་ཡིས།། ལྷ་ཡི་མེ་ཏོག་ཡིད་འོང་བས།། དེ་བཞིན་གཤེགས་ལ་མངོན་གཏོར་ནས།། བླ་མེད་ཡེ་ཤེས་ཚོལ་ལ་ལྟོས། ། འདས་པའི་སངས་རྒྱས་རྣམས་ལ་ནི།། བསྔགས་པ་བརྗོད་ཅིང་མཆོད་པས་ན།། དེང་ཅི་བཅོམ་ལྡན་ཕྲད་གྱུར་ནས།། སོ་སོར་དགའ་བར་གྱུར་པ་ཡིན།། སྤོབས་པ་དག་ནི་ཚད་མེད་ཀྱིས། ། དེ་བཞིན་གཤེགས་པའི་བསྔགས་པ་བརྗོད།། དེ་ཡི་ཚེ་ན་བདུད་ཀྱི་བུ།། སྲེད་པ་སྤངས་པ་ཞེས་བྱ་བ།། ཐོག་མར་བཅོམ་ལྡན་བསྔགས་བརྗོད་ནས།། མིག་ཟད་མཐའ་ནི་ཤེས་པར་གྱུར། ། མིག་གི་སྐྱེ་མཐའ་ཤེས་པས་ན།། རབ་ཞི་མཚན་ཉིད་རབ་ཏུ་རྟོགས།། གཞན་ཡང་མིག་ཟད་ལ་སོགས་པའི།། མིང་དོན་ཚིག་ནི་དཔག་མེད་རྟོགས།། དེས་ན་ཚིག་མཁས་དག་གིས་ནི། ། སེམས་ཅན་རྣམས་ལ་ཡང་དག་བསྟན།། མིང་དང་དོན་རྣམས་ལ་ཡང་ནི།། ཞེན་དང་ཐེ་ཚོམ་མེད་པས་ན།། འགྲོ་འོང་མེད་པར་རབ་རྟོགས་ཤིང་།། བླང་དོར་མེད་པ་ཉིད་དུ་གྱུར།། རང་བཞིན་དག་ནི་སྟོང་དབེན་པས། ། ཡི་གེ་རྣམས་ནི་སྤངས་པ་དང་།། ལེན་དང་གཟུང་དང་ཀློག་པ་དང་།། ཁ་ཏོན་འདོན་ཅིང་སྒྲུབ་བྱེད་རྟོགས།། འདས་པའི་དེ་བཞིན་གཤེགས་པ་རྣམས།། སྔོན་ཡང་རབ་ཏུ་ཕྱེ་སྟེ་བསྟན།། བཏགས་པའི་མིང་ཙམ་ཡིན་པས་ན།། ཡང་དག་བརྗོད་དུ་ཅི་ཡང་མེད།། རང་བཞིན་སྟོབ་པ་དེ་དག་ནི།། ཕུང་པོ་ཁམས་དང་སྐྱེ་མཆེད་འདས།། བརྫུན་པ་མེད་ཅིང་བདེན་པའང་མེད། ། གནས་དང་གནས་པ་ཡོད་པ་མིན།། ཚིག་གིས་སྨྲ་བའི་ལམ་ཆད་ཅིང་།། སེམས་ཀྱི་སྤྱོད་པའང་རབ་ཏུ་ཞི།། སྐྱེ་བོའི་མཚན་མ་ཞེན་པའི་ཕྱིར།། བཅོམ་ལྡན་གྲོང་ཁྱེར་གཤེགས་པ་མཐོང་། ། བཅོམ་ལྡན་མཚན་མ་ཡོངས་སྤངས་ཀྱང་།། བྱིས་པ་ཡང་དག་མ་ཡིན་རྟོགས།། བཅོམ་ལྡན་གྲོང་ཁྱེར་གཤེགས་པའི་ཚེ།། གང་ཞིག་དགའ་བ་སྐྱེ་འགྱུར་བ། ། དེ་ནི་མཚན་མར་རྟོག་པ་སྟེ།། མྱ་ངན་གདུང་དང་བཅས་པར་འགྱུར།། གང་ཞིག་མཚན་མའི་རྟོག་སྤངས་པ།། གྲོང་ཁྱེར་གཤེགས་པ་མཐོང་མི་འགྱུར།། གཤེགས་ཤིང་བསྐྱོད་པའི་མཚན་མ་ལ། ། རྣམ་རྟོག་མེད་པའི་ཤེས་རབ་འཐོབ།། གང་གིས་མཚན་མར་སངས་རྒྱས་མཐོང་།། དེས་ན་གྲོང་ཁྱེར་གཤེགས་པ་མཐོང་།། སྐྱེ་ཞིང་འཁོར་བའི་ཆོས་དག་ལ། རྣམ་པར་རྟོག་པ་སྐྱེད་པར་བྱེད།། གང་གིས་སངས་རྒྱས་མཚན་མར་མཐོང་།། དགའ་བ་དག་ནི་སྐྱེ་འགྱུར་བ།། དེ་ནི་བདུད་ཀྱི་སྤྱོད་ལ་གནས།། བདུད་ཀྱི་སྤྱོད་ཡུལ་སྡང་བ་ཡིན། ། གང་གིས་སངས་རྒྱས་མཚན་མར་མཐོང་།། དེ་ནི་འགྱུར་བ་མཐོང་བ་ཡིན།། དེ་ནི་མྱ་ངན་གདུངས་བཅས་པས།། མཁས་པས་སྙིང་བརྩེར་བྱ་བ་ཡིན།། ཆོས་ལ་ཐོབ་པར་གང་ལྟ་བ། ། དེ་ལ་ཆོས་སྟོར་མྱ་ངན་ཡོད།། སངས་རྒྱས་མཐོང་བ་སྐྱེས་པ་ལ།། མྱ་ངན་འདས་པའི་སྡུག་བསྔལ་ཡོད།། བསྐལ་པ་མང་པོར་གང་བསྒོམ་པ།། མཚན་མ་ཐམས་ཅད་རྟོགས་པས་ན། ། གྲོང་ཁྱེར་གཤེགས་པར་མི་རྟོག་ཅིང་།། མྱ་ངན་འདའ་བའི་འདུ་ཤེས་མེད།། སེམས་ཀྱི་མཚན་ཉིད་སྟོང་རྟོགས་པ།། སངས་རྒྱས་སྤྱོད་ལ་གནས་པས་ན།། གྲོང་ཁྱེར་གཤེགས་པར་མི་རྟོག་ཅིང་། ། མྱ་ངན་འདའ་བའི་འདུ་ཤེས་མེད།། གང་གིས་དེ་ལྟར་རབ་ཤེས་པ།། སངས་རྒྱས་རྣམས་ནི་མཐོང་འགྱུར་ཞིང་།། ངོ་བོ་ཉིད་ཀྱང་སྟོང་རྟོགས་པ།། མཐར་ནི་སྐྱེ་འགག་ཅི་ཡང་མེད།། བཅོམ་ལྡན་བསྐལ་པ་དཔག་མེད་ནས།། དཀའ་བ་རྣམས་ནི་རབ་སྤྱད་ནས།། ངོ་བོ་ཉིད་ནི་སྟོང་མཁྱེན་ན།། བྱིས་པ་རྣམས་ཀྱིས་མི་རྟོགས་སོ།། བཅོམ་ལྡན་གྲོང་ཁྱེར་གཤེགས་པའི་ཚེ།། འཁོར་ནི་བརྒྱ་སྟོང་མང་གིས་བསྐོར།། མི་དང་མི་མ་ཡིན་ལ་སོགས།། དང་བའི་སེམས་ཀྱིས་མཆོད་པ་བས།། གང་གིས་སྐད་ཅིག་ཙམ་དུ་ནི།། མིག་པདམ་ཐའ་ནི་རབ་སེམས་ཤིང་།། མཚན་མ་རྣམས་ན་སྟོང་རྟོགས་ན།། འརྡ་ཡབ་སོད་ནམས་དེ་བས་འཕགས།། བཟང་བ་དང་ནི་གྲངས་ཀྱི།། རྒྱུ་ཙམ་དུ་ཡང་མི་བཟོད་དོ།། དེ་བཞིན་མིག་གི་སྐྱེ་མཐའ་དང་། ། མིག་གི་མཐའ་དང་འཇུག་པ་ནས།། རབ་ཏུ་ཞི་བའི་བར་དུ་ཡང་།། དེ་བཞིན་དུ་ནི་རིག་པར་བྱ།། རྣ་བ་སྣ་ལྕེ་ལུས་དང་ཡོད།། གཟུགས་སྒྲ་དྲི་རོ་རེག་བྱ་ནས། ། སྒྲ་དང་མིང་གི་བར་དུ་ཡང་།། ཐམས་ཅད་དེ་བཞིན་སྦྱར་བར་བྱ།། དེ་ནས་དེ་ཚེ་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ།། ཞབས་ནི་ས་ལ་རེག་ཙམ་གྱིས།། ས་ནི་ཀུན་ཏུ་རབ་ཏུ་གཡོས།། རི་རྣམས་གང་ཡིན་དེ་དག་ཀྱང་།། ཐམས་ཅད་བཅོམ་ལྡན་འདས་ལ་ཕྱོགས།། ལྷ་དང་མི་ནི་ཆོས་ཀྱི་ཕྱིར།། ཐམས་ཅད་འོངས་ནས་གུས་མཆོད་བྱས།། དེ་ནས་དེ་ཚེ་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ།། ལྷ་ཡི་དབང་པོ་མི་ཡི་རྒྱལ།། ལྷ་མ་ཡིན་ནི་མང་པོ་དང་།། གནོད་སྦྱིན་དག་ནི་མང་པོ་རྣམས།། རང་གི་གྲོང་ཁྱེར་སྤངས་ནས་ནི། ། བཅོམ་ལྡན་སྤྱན་སྔར་འདུས་གྱུར་ཏེ།། རབ་ཏུ་དགའ་བས་མཆོད་པ་བྱས།། དེ་ནས་དེ་ཚེ་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ།། གཞན་ཡང་རྣམ་པ་ཐ་དད་པའི། ། བྱ་ཡི་ཚོགས་ནི་ཚད་མེད་པ།། ནེ་ཙོ་དང་ནི་རྨ་བྱ་དང་།། ཀ་ལ་བིང་ཀ་བྱ་ཡི་རྣམས།། བཅོམ་ལྡན་དེ་བཞིན་གཤེགས་པ་ཡི།། ཡོན་ཏན་མཆོག་ནི་མཐོང་བས་ན།། ཐམས་ཅད་ནམ་མཁའ་དག་ལ་ནི།། རབ་ཏུ་དགའ་བས་རྣམ་པར་རྩེ།། ཐམས་ཅད་རྣམ་པ་སྣ་ཚོགས་ཀྱི།། སྒྲ་སྙན་དག་ནི་རབ་ཏུ་བྱུང་།། དེ་ནས་དེ་ཚེ་བཅོམ་ལྡན་འདས། ། གྲོང་ཁྱེར་དུ་ནི་གཤེགས་པའི་ཚེ།། བཅོམ་ལྡན་འདས་ཀྱི་ཡོན་ཏན་དང་།། རྫུ་འཕྲུལ་གྱིས་ནི་སྟོབས་དག་གིས།། སེམས་ཅན་ཚད་མེད་བརྒྱ་སྟོང་སྙེད།། མདོངས་པ་དག་ནི་མཐོང་བར་གྱུར། ། འོན་པ་རྣམས་ནི་ཐོས་པར་གྱུར།། དབང་པོ་མ་ཚང་གང་ཡིན་པ།། ཐམས་ཅད་དབང་པོ་ཚང་བར་གྱུར།། སྡུག་བསྔལ་ལ་ནི་གནས་པ་དག། ཐམས་ཅད་བདེ་བ་ཐོབ་པར་གྱུར། ། དེ་ནས་དེ་ཚེ་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ།། ནམ་མཁའ་བར་སྣང་དག་ལས་ནི།། འདི་སྐད་སྨྲ་བ་ཐོས་པར་གྱུར།། གང་གིས་མཚན་མ་རྣམས་ཀྱིས་ནི། ། དེ་བཞིན་གཤེགས་པ་རྟོག་བྱེད་པ།། དེ་ཡིས་བཅོམ་ལྡན་འདས་ལ་ནི།། མཆོད་པ་བྱ་ཞེས་བརྗོད་མི་བྱ།། མིག་ཟད་མཐའ་ཡི་ངོ་བོ་ཉིད།། རྟོགས་པར་ཡང་ནི་མི་འགྱུར་རོ། ། མཚན་མ་རྣམས་ནི་གང་སྤངས་པ།། ཡོན་ཏན་གཞི་ནི་བསགས་པས་ན།། མིག་ཟད་མཐའ་ཡི་ངོ་བོ་ཉིད།། རབ་ཏུ་རྟོགས་པར་ཡང་འགྱུར་རོ།། འདི་ལྟར་མིག་ནི་ཟད་པའི་མཐའ། ། རབ་ཏུ་རྟོགས་པར་གྱུར་པའི་ཕྱིར།། སངས་རྒྱས་རྣམས་ཀྱི་ཡོན་ཏན་ཡང་།། རབ་ཏུ་རྟོགས་པར་ཁོང་དུ་ཆུད།། མིག་ནི་ཟད་པའི་མཐའ་དག་ལ།། མི་འཛིན་སྦེད་པ་མེད་པ་དང་།། གང་ཞིག་མིག་གི་རབ་དབེན་དེ་དག་ལ།། རྟག་ཏུ་རྨོངས་ཤིང་ཁོང་དུ་མ་ཆུད་པ།། དེ་ནི་སྐྱེ་བོའི་སྤྱོད་པར་ལྷུང་བས་ན།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་གི་རབ་དབེན་དེ་དག་ལ། ། རྟག་པར་ཁོང་དུ་ཆུད་ཅིང་རྨོངས་མེད་པ།། དེ་ནི་སྐྱེ་བོའི་སྤྱོད་དང་བྲལ་བས་ན།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་གི་འགྲོ་འོང་མེད་པ་ལ།། རྟག་ཏུ་རྨོངས་ཤིང་ཁོང་དུ་མ་ཆུད་པ། ། དེ་ནི་སྐྱེ་བོའི་སྤྱོད་པར་ལྷུང་བས་ན།། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་གི་འགྲོ་འོད་མེད་པ་དག། རྟག་པར་ཁོང་དུ་ཆུད་ཅིང་རྨོངས་མེད་པ། ། དེ་ནི་སྐྱེ་བོའི་སྤྱོད་དང་བྲལ་བས་ན།། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་ལ་བདག་མེད་མ་རྟོགས་ནས།། མིག་ཟད་ངོ་བོ་ཉིད་ལ་རྟག་རྨོངས་པ།། དེ་ནི་སྐྱེ་བོ་སྤྱོད་པར་ལྷུང་བས་ན། ། དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་ལ་བདག་མེད་རབ་རྟོགས་ནས།། མིག་ཟད་ངོ་བོ་རྟག་ཏུ་རྟོགས་གྱུར་པས།། དེ་ནི་སྐྱེ་བོའི་སྤྱོད་དང་བྲལ་བས་ན། ། དེས་ནི་མདོ་སྡེ་འདི་ལ་མོས་པར་འགྱུར།། གང་ཞིག་མིག་ལ་བདག་མེད་མ་རྟོགས་ནས།། བཟོད་པའི་གནས་ལ་རྟག་ཏུ་རྨོངས་གྱུར་པ།། དེ་ནི་སྐྱེ་བོའི་སྤྱོད་པར་ལྷུང་བས་ན། ད་དེས་ནི་མདོ་སྡེ་འདི་ལ་མོས་མི་འགྱུར།། གང་ཞིག་མིག་ལ་བདག་མེད་རབ་རྟོགས་ནས།། བཟོད་པའི་གནས་ནི་རྟག་ཏུ་རྟོགས་གྱུར་པ།། དེ་ནི་སྐྱེ་བོའི་སྤྱོད་དང་བྲལ་བས་ན།། མིག་ཟད་མཐའ་ནི་གང་ཡིན་པ།། ཡང་དག་ཇི་བཞིན་རྟོགས་པའི་ཕྱིར།། ལུས་ཀྱི་བྱེ་བྲག་ཐ་དད་པ།། དེ་ཡང་རབ་ཏུ་རྟོགས་པར་འགྱུར།། ལས་ཀྱི་བྱེ་བྲགས་ད་པ། ། རབ་ཏུ་རྟོགས་པར་གྱུར་པའི་ཕྱིར།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། མིག་སྐྱེ་མཐའ་ནི་གང་ཡིན་པ།། ཡང་དག་ཇི་བཞིན་རྟོགས་པའི་ཕྱིར། ། སྡུག་བསྔལ་བྱེ་བྲག་ཐ་དད་པ།། དེ་ཡང་རབ་ཏུ་རྟོགས་པར་འགྱུར།། སྡུག་བསྔལ་བྱེ་བྲག་ཐ་དད་པ།། རབ་ཏུ་རྟོགས་པར་གྱུར་པའི་ཕྱིར།། དེས་ནི་དེ་བཞིན་གཤེགས་པ་རྣམས། ། མཐོང་བ་ཉིད་དུ་འགྱུར་བ་ཡིན།། མིག་གི་འཇིག་པ་གང་ཡིན་པ།། ཡང་དག་ཇི་བཞིན་རྟོགས་པའི་ཕྱིར།། སྡུག་བསྔལ་འཇིག་པ་གང་ཡིན་པ།། དེ་ཡང་རབ་ཏུ་རྟོགས་པར་འགྱུར། ། སྡུག་བསྔལ་འཇིག་པ་གང་ཡིན་པ།། རབ་ཏུ་རྟོགས་པར་གྱུར་པའི་ཕྱིར།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། མིག་གི་མེད་པ་གང་ཡིན་པ། ། ཡང་དག་ཇི་བཞིན་རྟོགས་པའི་ཕྱིར།། མཚན་མ་སྤངས་པ་གང་ཡིན་པ།། དེ་ཡང་རབ་ཏུ་རྟོགས་པར་འགྱུར།། མཚན་མ་སྤངས་པ་གང་ཡིན་པ།། རབ་ཏུ་རྟོགས་པར་གྱུར་པའི་ཕྱིར། ། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། མིག་གི་སྐྱེ་མེད་གང་ཡིན་པ།། ཡང་དག་ཇི་བཞིན་རྟོགས་པའི་ཕྱིར།། བག་ཆགས་སྤངས་པ་གང་ཡིན་པ། ། དེ་ཡང་རབ་ཏུ་རྟོགས་པར་འགྱུར།། བག་ཆགས་སྤངས་པ་གང་ཡིན་པ།། རབ་ཏུ་རྟོགས་པར་གྱུར་པའི་ཕྱིར།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། གཞན་ཡང་མིག་གི་མི་རྟོག་ཉིད།། ཡང་དག་ཇི་བཞིན་རྟོགས་པའི་ཕྱིར།། སྒྲིབ་པ་སྤངས་པ་གང་ཡིན་པ།། དེ་ཡང་རབ་ཏུ་རྟོགས་པར་འགྱུར།། སྒྲིབ་པ་སྤངས་པ་གང་ཡིན་པ།། རབ་ཏུ་རྟོགས་པར་གྱུར་པའི་ཕྱིར། ། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། གཞན་ཡང་མིག་ལ་ཡི་གེ་མེད།། ཡང་དག་ཇི་བཞིན་རྟོགས་པའི་ཕྱིར།། སངས་རྒྱས་ཡེ་ཤེས་སྟོབས་དག་ཀྱང་། ། རབ་ཏུ་རྟོགས་པར་འགྱུར་བ་ཡིན།། སངས་རྒྱས་ཡེ་ཤེས་སྟོབས་དག་ནི།། རབ་ཏུ་རྟོགས་པར་གྱུར་པའི་ཕྱིར།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན། ། གཞན་ཡང་མིག་གི་མི་འོང་ཉིད།། ཡང་དག་ཇི་བཞིན་རྟོགས་པའི་ཕྱིར།། འདོད་རྣམས་སྤངས་པ་གང་ཡིན་པ།། དེ་ཡང་རབ་ཏུ་རྟོགས་པར་འགྱུར།། འདོད་རྣམས་སྤངས་པ་གང་ཡིན་པ། ། རབ་ཏུ་རྟོགས་པར་གྱུར་པའི་ཕྱིར།། དེས་ནི་དེ་བཞིན་གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། གཞན་ཡང་བསམ་གཏན་བསྒོམ་པ་དག། ཡང་དག་ཇི་བཞིན་རྟོགས་པའི་ཕྱིར། ། ཉོན་མོངས་སྤངས་པ་གང་ཡིན་པ།། དེ་ཡང་རབ་ཏུ་རྟོགས་པར་འགྱུར།། ཉོན་མོངས་སྤངས་པ་གང་ཡིན་པ།། རབ་ཏུ་རྟོགས་པར་གྱུར་པའི་ཕྱིར།། དེས་ནི་དེ་བཞིན།། གཤེགས་པ་རྣམས།། མཐོང་བ་ཉིད་དུ་འགྱུར་བ་ཡིན།། གང་ཟག་དེས་ནི་དེ་བཞིན་དུ།། མིག་ནི་སྔོན་མཐའ་ཤེས་པ་དང་།། མིག་གི་མི་གནས་ཤེས་པ་དང་། མིག་མི་སྐྱེ་བའི་ཤེས་པ་དང་།། སངས་རྒྱས་རྫུ་འཕྲུལ་ཤེས་པ་དང་།། མིག་གི་དམན་པ་ཤེས་པ་དང་།། མིག་ནི་ཁྱད་པར་འཕགས་ཤེས་དང་།། ཡེ་ཤེས་དབེན་པ་ཤེས་པ་དང་།། རྣམ་དག་ཡེ་ཤེས་ཤེས་པ་དང་། ། ཚུལ་ཁྲིམས་རྣམ་དག་ཤེས་པ་དང་།། ལུས་ཀྱི་སྡོམ་པའི་ཤེས་པ་དང་།། རྣམ་དག་སྒྲ་ཡི་ཤེས་པ་དང་།། ངག་གི་སྡོམ་པའི་ཤེས་པ་དང་།། རྣམ་དག་སེམས་ཀྱི་ཤེས་པ་དང་། ། གནས་ཀྱི་བྱེ་བྲག་ཤེས་པ་དང་།། སེམས་ཀྱི་ཆོས་ཀྱི་ཤེས་པ་དང་།། སེམས་སྐྱོན་ཤེས་པའི་ཤེས་པ་དང་།། རྣམ་དག་ལས་ཀྱི་ཤེས་པ་དང་།། སེམས་ཀྱི་སྡོམ་པའི་ཤེས་པ་དང་།། ཉེས་དམིགས་ཤེས་པའི་ཤེས་པ་དང་།། རྣམ་དག་སྒྲ་ཡི་ཤེས་པ་དང་།། ཕུང་པོ་བྱེ་བྲག་ཤེས་པ་དང་།། ཕུང་པོ་རྒྱུ་རྐྱེན་ཤེས་པ་དང་།། མིག་ནི་ཡོངས་ཤེས་ཤེས་པ་དང་།། སྡུག་བསྔལ་འབྱུང་གནས་ཤེས་པ་དང་། ། ཟག་མེད་ཚུལ་ཁྲིམས་ཤེས་པ་དང་།། ཚུལ་ཁྲིམས་རྒྱུ་རྐྱེན་ཤེས་པ་དང་།། སྡུག་བསྔལ་རྒྱུ་རྐྱེན་ཤེས་པ་དང་།། སྡུག་བསྔལ་ཟད་པའི་རྒྱུ་ཤེས་དང་།། འདུས་བྱས་རྣམས་ཀྱི་ཤེས་པ་དང་། ། ཟག་མིག་ཟད་པའི་ཤེས་པ་དག། ཡོངས་སུ་རྫོགས་པར་བྱེད་པ་ཡིན།། གཞན་ཡང་རྒྱུ་རྐྱེན་བཅུ་གཉིས་ཀྱི།། སྤྱོད་དང་བཅས་པའི་ཤེས་པ་དང་།། སྤྱོད་པ་མེད་པའི་ཤེས་པ་དང་། ། མཚན་མ་བཅས་དང་མཚན་མ་མེད།། འདུས་བྱས་དང་ནི་འདུས་མ་བྱས།། རྣམ་པར་གཞག་དང་ཡོངས་སྡུད་དང་།། བདག་དང་གཞན་གྱི་སེམས་ཤེས་པ།། ཡང་དག་ཇི་བཞིན་ཤེས་པ་ཡིན། ། གཞན་ཡང་མིག་ཟད་སྐྱེ་མཐའ་དང་།། མིག་གི་མཐའ་དང་རབ་དབེན་དང་།། འཇུག་པ་དང་ནི་མེད་པ་དང་།། མི་སྐྱེ་བ་དང་ཉེར་ཞི་ཉིད།། ཡང་དག་ཇི་བཞིན་ཤེས་པས་ན། ། སེམས་ཅན་དག་ནི་མང་པོ་རྣམས།། རྣམ་པར་དག་པའི་ཡེ་ཤེས་དང་།། མཐུ་དང་བཅས་པའི་ཡེ་ཤེས་དང་།། བརྩོན་འགྲུས་ཡེ་ཤེས་འཐོབ་པར་བྱེད།། གཞན་ཡང་གཅིག་དང་ཐ་དད་ཤེས། ། སེམས་ཅན་དག་ནི་ཐམས་ཅད་ཀྱི།། མོས་པའི་ཤེས་པ་གང་ཡིན་པ།། ཡང་དག་ཇི་བཞིན་ཤེས་པ་ཡིན།། གཞན་ཡང་སེམས་ཅན་ཐམས་ཅད་ཀྱི།། མོས་པ་ཁྱད་པར་འཕགས་པ་དང་། ། རྣམ་དག་སེམས་ཀྱི་ཤེས་པ་དང་།། ལས་དང་རྣམ་སྨིན་ཤེས་པ་དང་།། དབང་པོ་ཁམས་ཀྱི་ཤེས་པ་དང་།། སེམས་ནི་འགྱུར་བ་ཤེས་པ་དང་།། ཤེས་རབ་མོས་པའི་ཤེས་པ་དང་། ། ཤིན་ཏུ་རྣམ་གྲོལ་ཤེས་པ་དང་།། སྤོབས་མཆོག་གི་ནི་ཤེས་པ་དག། ཡང་དག་ཇི་བཞིན་ཤེས་པ་ཡིན།། གཞན་ཡང་སེམས་ཅན་མ་རུངས་དང་།། ཆོས་ལ་མོས་པ་མེད་གྱུར་པ།། ཡང་དག་ཇི་བཞིན་ཤེས་པས་ན།། མོས་པའི་ཤེས་པ་སྐྱེད་པར་བྱེད།། གཞན་ཡང་དོན་གྱི་ཚུལ་དག་ནི།། ཡང་དག་ཇི་བཞིན་ཤེས་པས་ན།། ལེ་ལོ་མེད་པའི་ཤེས་པ་དག། དུས་ཤེས་སྒྲུབ་པར་བྱེད་པ་ཡིན། ། གཞན་ཡང་རྫུ་འཕྲུལ་སྟོབས་དག་གིས།། ཆོས་རྣམས་རབ་ཏུ་འབྱེད་པ་དང་།། ཐོགས་པ་མེད་པའི་ཡེ་ཤེས་དག། ཡང་དག་ཇི་བཞིན་ཤེས་པ་ཡིན། གཞན་ཡང་རྒྱ་ཆེན་དོན་དག་དང་།། ཚིག་གི་བསྟན་པ་གང་ཡིན་པ།། རྗེས་སུ་ཤེས་པའི་ཤེས་པ་དག། ཡང་དག་ཇི་བཞིན་ཤེས་པ་ཡིན།། གཞན་ཡང་གྲོགས་བཟང་འཐུན་གནས་དང་།། གོས་དང་ཟས་དང་བཏུང་བ་དག། ཚོད་འཛིན་པ་ཡི་ཤེས་པ་རྣམས།། ཡང་དག་ཇི་བཞིན་ཤེས་པ་ཡིན།། གཞན་ཡང་བྱ་བ་མེད་པ་ཡི།། གཟུངས་ཀྱི་ཆོས་ནི་གང་ཡིན་པ།། ནན་ཏན་བསྒྲུབ་པའི་ཤེས་པ་དག། ཡང་དག་ཇི་བཞིན་ཤེས་པ་ཡིན།། གཞན་ཡང་ལུས་སེམས་སྐྱོན་མེད་ཅིང་།། སྒྲོ་འདོགས་སྐུར་འདེབས་ཡོངས་སྤངས་ནས།། བླ་མེད་ཡེ་ཤེས་གང་ཚོལ་བ།། ཡང་དག་ཇི་བཞིན་ཤེས་པ་ཡིན། ། གཞན་ཡང་རྫུ་འཕྲུལ་སྟོབས་ངག་གིས།། ནམ་མཁའ་བར་སྣང་དག་ལས་ནི།། སྤྲུལ་པའི་སྐུ་ནི་རབ་བསྟན་ནས།། སེམས་ཅན་དག་ནི་བརྒྱ་སྟོང་སྙེད།། ཡོངས་སུ་སྨིན་པར་མཛད་པས་ན། ། ཐམས་ཅད་རབ་ཏུ་དགར་གྱུར་ནས།། དང་བ་སྐྱེས་པའི་ཤེས་པ་དང་།། དེ་བཞིན་གཤེགས་པ་རྣམས་ལ་ཡང་།། མོས་ཤིང་གུས་པའི་ཤེས་པ་དང་།། འདོད་ཆགས་སྤངས་པའི་ཆོས་དག་དང་། ། རབ་མོས་བསྒྲུབ་པའི་ཤེས་པ་དང་།། འཕགས་པའི་དགེ་འདུན་ཚོགས་ལ་ཡང་།། མཆོད་པར་མོས་པའི་ཤེས་པ་དང་།། བྱང་ཆུབ་ཆེན་པོ་རག་ལ་ཡང་། རབ་མོས་བསྔོ་བའི་ཤེས་པ་དང་།། གཟུངས་རྣམས་ཀྱི་ནི་སྒོ་དག་ལ།། རབ་མོས་སྟོན་པའི་ཤེས་པ་དང་།། མོས་པ་རྣམས་ནི་གང་ཡིན་པ།། སོ་སོར་རབ་རྟོགས་ཤེས་པ་དང་།། འཕགས་པའི་ཏིང་འཛིན་གང་ཡིན་པ། ། ལེགས་པར་རྟོགས་པའི་ཤེས་པ་དང་།། བསྲུང་དང་རྗེས་སུ་དྲན་རྣམས་ལ།། ངེས་པར་འབྱེད་པའི་ཤེས་པ་དང་།། དཔག་ཏུ་མེད་པའི་སེམས་དག་ལ།། ལེགས་པར་འཇུག་པའི་ཤེས་པ་དང་། ། ཚིགས་སུ་བཅད་པ་ཚད་མེད་རྣམས།། ཡང་དག་སྟོན་པའི་ཤེས་པ་དང་།། འདོད་པའི་མཚམས་སྦྱོར་གང་ཡིན་པ།། རྟོགས་ཤིང་གོ་བའི་ཤེས་པ་དང་།། འགྲོ་བ་དམན་པ་དེ་དག་ཏུ། ། ལྟུང་བར་མི་འགྱུར་ཤེས་པ་དང་།། མི་དགེ་བ་ཤེས་གཉེན་གང་ཡིན་པ།། ཡོངས་སུ་སྤོང་བྱེད་ཤེས་པ་དང་།། དགེ་བའི་བཤེས་གཉེན་གང་ཡིན་པ།། སྟེན་པར་བྱེད་པའི་ཤེས་པ་དང་། འདྲི་ཞིང་ལན་ལྡོན་གང་ཡིན་པ།། རབ་ཏུ་རྣམ་འབྱེད་ཤེས་པ་དང་།། གནས་དང་གནས་མིན་གང་ཡིན་པ།། ལེགས་པར་རྟོགས་པའི་ཤེས་པ་དང་།། ས་དང་ས་མིན་གང་ཡིན་པ།། ལེགས་པར་རྟོགས་པའི་ཤེས་པ་དང་། ། རབ་འབྲིང་ཐ་མ་གང་ཡིན་པ།། རྣམ་པར་འབྱེད་པའི་ཤེས་པ་དང་།། འདུས་བྱས་ཤེས་པ་གང་ཡིན་པ།། འདུས་མ་བྱས་ཀྱི་ཤེས་པ་དང་།། དངོས་པོ་དང་ནི་རྫས་ཀྱི་ཤེས། ། དངོས་དང་དངོས་མིན་ཤེས་པ་དང་།། ཡོངས་སུ་སྡུད་བྱེད་ཤེས་པ་དང་།། ཡོངས་སུ་སྡུད་མིན་ཤེས་པ་དང་།། མངོན་པར་བསྒྲུབ་པའི་ཤེས་པ་དང་།། ཡང་དག་བསྒྲུབ་མིན་ཤེས་པ་དང་།། མིག་དང་མིག་མིན་ཤེས་པ་དང་། ། མིག་དང་ལྷན་ཅིག་ཤེས་པ་དང་།། མིག་གི་བྱེ་བྲག་ཤེས་པ་དང་།། མིག་གི་རང་བཞིན་ཤེས་པ་དང་།། ཡང་དག་ཇི་བཞིན་ཤེས་པ་ཡིན། རྣ་བ་སྣ་ལྕེ་ལུས་དང་ཡིད།། སྒྲ་དང་མིང་ལ་སོགས་པའི་བར།། ཆོས་ནི་རྣམ་པ་ཉི་ཤུ་ལྔ།། ཐམས་ཅད་དེ་བཞིན་སྦྱར་བར་བྱ།། གང་ཞིག་མིག་གི་རྒྱུ་རྐྱེན་ཉིད།། ཡང་དག་སྟོང་ཞིང་དབེན་པ་དང་།། མཐར་ནི་བདག་ཡོད་མ་ཡིན་པར།། སེམས་པར་བྱེད་པ་གང་ཡིན་པ།། གང་ཟག་དེ་ནི་དེ་བཞིན་དུ།། ཡང་དག་ངེས་པ་ཁོ་ནར་ནི།། སེམས་ཀྱི་ཏིང་འཛིན་གང་ཡིན་པ།། ཡོངས་སུ་རྫོགས་པར་བྱེད་པར་འགྱུར། ། གང་ཞིག་མིག་ནི་རྟེན་འབྲེལ་དང་།། མིག་མི་རྟག་པའི་མཚན་ཉིད་དག། ངེས་པ་ཉིད་དུ་རྟོགས་གྱུར་ནས།། སེམས་པར་བྱེད་པ་གང་ཡིན་པ།། གང་ཟག་དེས་ནི་དེ་བཞིན་དུ།། མིག་གི་རྒྱུ་རྐྱེན་གང་ཡིན་དང་།། མཐར་ནི་ཡོད་པ་མ་ཡིན་པ།། ཡང་དག་ཇི་བཞིན་རྟོགས་པར་འགྱུར།། རྣ་བ་སྣ་ལྕེ་ལུས་དང་ཡིད།། སྒྲ་དང་མིང་ལ་སོགས་པའི་བར།། ཆོས་ནི་རྣམ་པ་ཉི་ཤུ་ལྔ།། ཐམས་ཅད་དེ་བཞིན་སྦྱར་བར་བྱ།། དེ་ཡི་ཚེ་ན་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ།། ཞབས་ནི་ས་ལ་རེག་ཙམ་གྱིས།། དངོས་པོ་ངོ་མཚར་རབ་བསྟན་པ།། དེང་འདིར་བདག་གིས་མདོར་བསྡུས་ནས། ། ཡོན་ཏན་ཕྱོགས་ནི་ཅུང་ཟད་ཅིག། སེམས་ཅན་དགའ་བ་སྐྱེད་པའི་ཕྱིར།། ཡང་དག་པར་ནི་བསྟན་པར་བྱ།། དེ་ཚེ་ལྷ་མིན་འདྲེན་པ་ཡིས།། སྤུ་ཡི་ཁུང་བུ་གཅིག་ནས་ནི། ། འོད་ཟེར་བརྒྱ་སྟོང་ཚད་མེད་སྙེད།། རབ་ཏུ་བཀྱེ་བར་གྱུར་པས་ན།། འོད་ཟེར་དག་ནི་རེ་རེས་ཀྱང་།། ཞིང་ནི་ཚད་མེད་གསལ་མཛད་ནས།། སེམས་ཅན་མང་པོ་ཀུན་གྱི་ཕྱིར།། སངས་རྒྱས་མཛད་པ་རབ་ཏུ་མཛད། ། གང་ཞིག་འདས་པའི་དུས་སུ་ནི།། སངས་རྒྱས་རྣམས་ལ་མཆོད་པ་དང་།། ཡུན་རིང་སྦྱིན་དང་ཚུལ་ཁྲིམས་དག། མངོན་པར་བསྒྲུབས་པ་གང་ཡིན་པ།། དེ་ལྟ་བུ་ཡི་གང་ཟག་དག། དེས་ནི་ཇི་སྐད་བསྟན་པ་ཡི།། རྫུ་འཕྲུལ་དངོས་པོ་ཐོས་གྱུར་ན།། རབ་ཏུ་དགའ་ཞིང་མོས་པར་འགྱུར།། གང་ཞིག་སངས་རྒྱས་རྫུ་འཕྲུལ་རྣམས།། ཉན་ཐོས་དང་ནི་རང་རྒྱལ་གྱིས། ། སྤྱོད་ཡུ་ལ་མིན་པར་རབ་ཤེས་ནས།། དེ་ལྟ་བུ་ཡི་གང་ཟག་དག། དེས་ནི་ཇི་སྐད་བསྐད་པ་ཡིས།། རྫུ་འཕྲུལ་དག་ནི་ཐོས་གྱུས་ན།། མོས་པ་དག་ནི་སྐྱེ་འགྱུར་ཞིང་།། ངོ་མཚར་འཛིན་པའི་སེམས་ཀྱང་སྐྱེད།། ལྷ་དང་མི་ནི་འདྲེན་པ་ཡིས།། བསམ་གྱིས་མི་ཁྱབ་མཐུ་དག་གིས།། དེ་ལྟ་བུ་ལ་སོགས་པ་ཡི།། རྫུ་འཕྲུལ་སྣ་ཚོགས་རབ་བསྟན་པས།། སེམས་ཅན་དག་ནི་བརྒྱ་སྟོང་དང་། ། ཚད་མེད་གྲངས་མེད་པ་རྣམས་ཀྱིས།། དེ་བཞིན་གཤེགས་པ་རྣམས་ལ་ནི།། བརྟེན་ཅིང་རིམ་གྲོ་མཆོད་པ་བྱས།། ལྷ་དང་མི་ནི་འདྲེན་པ་ཡིས།། བསམ་གྱིས་མི་ཁྱབ་མཐུ་དག་གིས། ། མདོ་སྡེ་དག་ནི་བརྒྱ་སྟོང་དང་།། ཚད་མེད་གྲངས་མེད་རབ་བཤད་པས།། སེམས་ཅན་དག་ནི་མང་པོ་རྣམས།། བསྟན་པ་དེ་ནི་ཐོས་པས་ན།། ཐམས་ཅད་དང་བས་རབ་བླང་ཏེ། ། སེམས་ནི་རབ་ཏུ་དགའ་བར་གྱུར།། དེ་ཡི་ཚེ་ན་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ།། རྫུ་འཕྲུལ་གྱི་ནི་མཐུ་དག་གིས།། ནམ་མཁའ་ལས་ནི་འདི་སྐད་དུ། ། མིག་ཟད་མཐའ་ནི་ཤེས་པ་ནས།། མིག་ནི་ཉེ་བར་ཞི་བ་དང་།། མིག་ཉིད་རྒྱུ་ཡི་བར་དུ་ཡང་།། འགྲོ་བ་མེད་ཅིང་འོང་མེད་དང་།། མཐའ་ནི་སྟོང་དབེན་ཤེས་པར་གྱིས།། དེ་སྐད་དུ་ནི་ཐོས་པར་གྱུར། ། རྣ་བ་སྣ་ལྕེ་ལུས་དང་ཡིད།། སྒྲ་དང་མིང་ལ་སོགས་པའི་བར།། ཆོས་ནི་རྣམ་པ་ཉི་ཤུ་ལྔ།། ཐམས་ཅད་དེ་བཞིན་སྦྱར་བར་བྱ།། དེ་ཡི་ཚེ་ནི་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ། ། ནམ་མཁའ་བར་སྣང་དག་ལས་ནི།། སྒྲ་སྙན་དམ་པ་མཆོག་བྱུང་ནས།། དེ་བཞིན་གཤེགས་པའི་མཚན་སྣ་ཚོགས།། བསྔགས་པ་བརྗོད་པར་གྱུར་པས་ན།། འཁོར་ནི་འདུས་པ་ཆེན་པོ་རྣམས། ། ཐམས་ཅད་དད་མོས་སེམས་ཀྱང་སྐྱེས།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་བདུད་དང་བདུད་དཔུང་དག། ཕམ་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ལོག་པར་ལྟ་བའི་ཚོགས་ཐམས་ཅད།། རབ་ཏུ་འདུལ་བར་ནུས་ཤེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ། ། མཚན་ནི་འདོད་ཆགས་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། འདོད་པའི་འདོད་ཆགས་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར། ། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ཞེ་སྡང་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི། ། ཞེ་སྡང་དག་ནི་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་གཏི་མུག་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། གཏི་མུག་དག་ནི་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི། ། མི་ཡི་སེང་གེ་གང་ཡིན་པ།། མཚན་ནི་ང་རྒྱལ་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ང་རྒྱལ་དག་ནི་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ཁོང་ཁྲོ་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན། ། ཐོས་པར་གྱུར་པ་དེ་དག་ནི།། ཁོང་ཁྲོ་དག་ནི་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ཕྲག་དོག་གཞོམ་པ་དང་། ། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་མི་མཚན།། ཐོས་པར་གྱུར་པ་དེ་དག་ནི།། ཕྲག་དོག་དག་ནི་གང་ཡིན་པ།། ཐམས་ཅད་སྤོང་བར་གྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི། ། མི་ཡི་སེང་གེ་གང་ཡིན་པ།། མཚན་ནི་མི་བདེན་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི། ། མི་བདེན་དག་ནི་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ལྷ་རྣམས་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ། ། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ལྟ་བ་དག་ནི་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ། ། མཚན་ནི་སྤྲོས་པ་གཞོམ་པ་དང་།། ཞི་མཛད་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། སྤྲོས་པ་དག་ནི་གང་ཡིན་པ།། ཐམས་ཅད་སྤོང་བར་འགྱུར་ཞེས་ཟེར། ། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ཡང་དག་པ་ཡི་ཆོས།། རྣམ་དག་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། རྣམ་དག་ཆོས་ནི་གང་ཡིན་པ།། རབ་ཏུ་རྟོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ལས་རྣམས་རྟོགས་པ་ཡི།། ཆོས་ཀྱི་རྒྱལ་ཞེས་བྱ་བ་ཡིན། ། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ལས་རྣམས་ཐམས་ཅད་གང་ཡིན་པ།། རབ་ཏུ་རྟོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་རྫུ་འཕྲུལ་ཕུན་ཚོགས་པའི།། ཆོས་ཀྱི་རྒྱལ་ཞེས་བྱ་བ་ཡིན།། གང་གིས་འདི་ལྟ་བུ་ཡི་མཚན།། ཟོས་པར་གྱུར་པ་དེ་དག་ནི།། རྫུ་འཕྲུལ་ཡོན་ཏན་གང་ཡིན་པ།། ཡོངས་སུ་རྫོགས་པར་འགྱུར་ཞེས་ཟེར། ། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ཕ་རོལ་ཕྱིན་པ་རྣམས།། ཕུན་ཚོགས་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། ། ཐོས་པར་གྱུར་པ་དེ་དག་ནི།། ཕ་རོལ་ཕྱིན་དྲུག་གང་ཡིན་པ།། ཡོངས་སུ་རྫོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་འདུ་བྱེད་གང་ཡིན་པ། ། རབ་རྟོགས་ཆོས་ཀྱི་རྒྱལ་ཞེས་བྱ།། གང་གིས་འདི་ལྟ་བུ་ཡི་མཚན།། འཛིན་པར་བྱེད་པ་དེ་དག་ནི།། འདུ་བྱེད་དག་ནི་ཐམས་ཅད་ཀུན།། རབ་ཏུ་རྟོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི། ། མི་ཡི་སེང་གེ་གང་ཡིན་པ།། མཚན་ནི་རྣམ་པར་དག་པ་ཡི།། འོད་ཟེར་ཀུན་འཛིན་བསྐྱེད་ཅེས་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ཁྱད་པར་འཕགས་པའི་སྐྱེ་ལེན་དག། ཡོངས་སུ་རྫོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་ཁ་དོག་དག་པ་ཡི།། འོད་ཟེར་ཀུན་འཛིན་ཞེས་ཀྱང་བྱ། ། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ཁྱད་པར་འཕགས་པའི་གཟུགས་དམ་པར།། ཡོངས་སུ་རྫོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སང་གེ་གང་ཡིན་པ། ། མཚན་ནི་སྐུ་ཉིད་དག་པ་ཡི།། འོད་ཟེར་ཀུནར་འཛིན་ཞེས་ཀྱང་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ཁྱད་པར་འཕགས་པའི་གཟུགས་སྐྲ་དག། ཡོངས་སུ་རྫོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་གདུང་ཉིད་དག་པ་ཡི།། འོད་ཟེར་ཀུན་འཛིན་ཞེས་ཀྱང་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། ཁྱད་པར་འཕག་པའི་རུས་རིགས་རྣམས།། ཡོངས་སུ་རྫོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ། ། མཚན་ནི་རྒྱ་ཆེར་གྲགས་པ་ཡི།། འོད་ཟེར་ཀུན་འཛིན་ཞེས་ཀྱང་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། རྒྱ་ཆེར་གྲགས་པའི་གྲགས་པ་རྣམས།། ཡོངས་སུ་རྫོགས་པར་འགྱུར་ཞེས་ཟེར། ། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་སྦྱིན་པ་གཏོང་བ་དང་།། ཚུལ་ཁྲིམས་ཅན་དང་བཟོད་སྒོམ་དང་།། བརྩོན་འགྲུས་བརྩམས་དང་བསམ་གཏན་དང་། ། ཤེས་རབ་ཀུན་འཛིན་ཞེས་ཀྱང་བྱ།། གང་གིས་འདི་ལྟ་བུ་ཡི་མཚན།། ཐོས་པར་གྱུར་པ་དེ་དག་ནི།། སྦྱིན་པ་དང་ནི་ཚུལ་ཁྲིམས་ནས།། ཤེས་རབ་ཕ་རོལ་ཕྱིན་པ་དང་། གཟུངས་ཀྱི་སྒོ་ནི་གང་ཡིན་པ།། ཡོངས་སུ་རྫོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་སྟོང་པ་ཉིད་རྫོགས་པའི།། ཆོས་ཀྱི་རྗེ་ཞེས་བྱ། བ་ཡིན།། གང་གིས་འདི་ལྟ་བུ་ཡི་མཚན།། འཛིན་པར་བྱེད་པ་དེ་དག་ནི།། ཆོས་རྣམས་སྟོང་པའི་དོན་དག་ཀྱང་།། ཡང་དག་རྟོགས་པར་འགྱུར་ཞེས་ཟེར།། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ། ། མཚན་ནི་བདག་མེད་རྫོགས་པ་ཡི།། ཆོས་ཀྱི་རྗེ་ཞེས་བྱ་བ་ཡིན།། གང་གིས་འདི་ལྟ་བུ་ཡི་མཚན།། འཛིན་པར་བྱེད་པ་དེ་དག་ནི།། སྐྱེ་འགག་མེད་དོན་གང་ཡིན་པ།། ཡང་དག་སྟོན་པར་འགྱུར་ཞེས་ཟེར། ། ད་ལྟར་འཇིག་རྟེན་བཞུགས་པ་ཡི།། མི་ཡི་སེང་གེ་གང་ཡིན་པ།། མཚན་ནི་སྤྱན་ཉིད་དག་པ་ཡི།། ཀུན་འཛིནི་ཆོས་ཀྱི་རྗེ་ཞེས་བྱ།། གང་གིས་འདི་ལྟ་བུ་ཡི་མཚན།། འཛིན་པར་བྱེད། པ་དེ་དག་ནི།། མིག་ཟད་མཐའ་དོན་གང་ཡིན་པ།། ཡང་དག་སྟོན་པར་འགྱུར་ཞེས་ཟེར།། རྣ་བ་སྣ་ལྕེ་ལུས་དང་ཡིད།། སྒྲ་དང་མིང་ལ་སོགས་པའི་བར།། ཆོས་ནི་ཉི་ཤུ་རྩ་ལྔ་དང་།། མེ་ཏོག་འཕྲེང་བ་སྤོས་དག་དང་། ། མར་མེ་བདུག་དང་གོས་རྣམས་ཀྱང་།། ཐམས་ཅད་དེ་བཞིན་སྦྱར་བར་བྱ།། ། བམ་པོ་ལྔ་པ་སྟེ་ཐ་མའོ།། དེ་ཡི་ཚེ་ན་བཅོམ་ལྡན་འདས།། གྲོང་ཁྱེར་དུ་ནི་གཤེགས་པའི་ཚེ།། བསམ་གྱིས་མི་ཁྱབ་པ་དག་གི། རྫུ་འཕྲུལ་གྱི་ནི་སྟོབས་རྣམས་ཀྱིས།། ནམ་མཁའ་བར་སྣང་དག་ལས་ནི།། སྒྲ་སྙན་དམ་པ་རབ་བྱུང་སྟེ།། གཟུངས་ཀྱི་སྤྱོད་པ་སྣ་ཚོགས་དག། ཡང་དག་པར་ནི་བསྟན་པས་ན།། འཁོར་ནི་འདུས་པ་ཆེན་པོ་རྣམས།། འདི་ལྟ་བུ་ཡི་ཆོག་ཐོས་ཏེ།། གཟུངས་ནི་གང་ཡིན་འདི་དག་གིས།། མིག་གི་ཟད་མཐའ་གང་ཡིན་དང་།། སྐྱེ་མཐའ་དང་ནི་མཐའ་རྣམས་དང་། ། རབ་དབེན་དང་ནི་འཇུག་པ་ནས།། ཉེ་བར་ཞི་བའི་བར་རྣམས་ཀྱི།། ཆོས་རྣམས་གང་ཡིན་དེ་དག་གི། མཐར་ཕྱིན་ནས་ནི་གང་ཡིན་པ།། ཐམས་ཅད་རབ་ཏུ་རྟོགས་པར་བྱེད། ། སྦྱིན་པའི་སྟོབས་ནི་གང་དག་གིས།། མཐར་ནི་གང་དག་སྡུད་པ་དང་།། ཚུལ་ཁྲིམས་སྟོབས་ནི་གང་དག་གིས།། མཐར་ནི་གང་དག་འགྲུབ་པ་དང་།། བཟོད་པའི་སྟོབས་ནི་གང་དག་གིས། ། མཐར་ནི་གང་དག་བཀོད་པ་དང་།། བརྩོན་འགྲུས་སྟོབས་ནི་གང་དག་གིས།། མཐར་ནི་གང་དག་སློང་བ་དང་།། བསམ་གཏན་སྟོབས་ནི་གང་དག་གིས།། མཐར་ནི་གང་དག་སྒོམ་པ་དང་།། ཤེས་རབ་སྟོབས་ནི་གང་དག་གིས།། མཐར་ནི་གང་དག་སྟོན་པ་དང་།། ཡི་གེ་རྣམས་དང་བརྗོད་པ་དང་།། སྒྲ་སྐད་རྣམས་ནི་སྤངས་པ་ནས།། གཟུགས་དང་སེམས་ཀྱི་བར་དུ་ཡང་།། མཐར་ནི་རྣམ་དག་ཉིད་དུ་རྟོགས། ། ཟག་དང་བཅས་དང་ཟག་མེད་དང་།། དོན་རྣམས་དང་ནི་ཕན་པ་དག། ཐམས་ཅད་སྟོང་ཞིང་དབེན་པ་དང་།། མཐར་ནི་རྣམ་དག་ཉིད་དུ་རྟོགས།། སྲིད་པ་དག་ནི་ཐམས་ཅད་ལ།། རྟེན་ཅིང་གནས་པར་མི་བྱེད་དང་། ། གཟུངས་དང་ཏིང་འཛིན་དག་ལ་ནི།། རབ་ཏུ་དབེན་པར་གནས་པར་བྱེད།། འགྲོ་བ་མེད་ཅིང་འོང་མེད་དང་།། དགེ་བ་མ་ཡིན་མི་དགེ་མིན།། ལུང་དུ་མི་སྟོན་པ་ཡང་མིན།། བདག་དང་གཞན་ལ་ཕན་འདོགས་པའི།། དེ་ལྟ་བུ་ཡི་མཚན་མ་རྣམས།། ཐམས་ཅད་ཡོངས་སུ་དག་པས་ན།། དབང་ཕྱུག་ཡོན་ཏན་དག་ལ་ཡང་།། གནས་པར་ཡང་ནི་མི་བྱེད་དོ།། ཉན་ཐོས་དང་ནི་སྐྱེ་བོ་དང་། ། སངས་རྒྱས་རྣམས་ཀྱི་ཆོས་ལ་ཡང་།། གནས་པར་ཡང་ནི་མི་བྱེད་དོ།། མིག་ནི་ཟད་པའི་མཐའ་དག་དང་།། སྐྱེ་མཐའ་དང་ནི་མཐའ་རྣམས་རས།། ཉེ་བར་ནི་བའི་བར་རླབས་ཀྱི།། སྟོང་དག་ནི་གང་ཡིན་པ། ། ཐམས་ཅད་ཡོངས་སུ་ཞི་བར་བྱེད།། སྐྱེ་བ་དང་ནི་མི་སྐྱེ་དང་།། སྡུག་བསྔལ་དང་ནི་བདེ་བ་དང་།། བསྟོད་པ་དང་ནི་སྨད་པ་དང་།། ཐམས་ཅད་ཡོངས་སུ་སྤོང་ཞེས་ཟེར།། མཐར་ཕྱིར་སྣང་བ་གང་ཡིན་དང་། ། སྟོང་པའི་གཟུངས་ནི་གང་ཡིན་པ།། ཐམས་ཅད་རབ་ཏུ་གང་རྟོགས་པ།། འདི་ཉིད་སངས་རྒྱས་སྤྱོད་ཡུལ་ལ།། རབ་ཏུ་གནས་པར་བྱེད་པ་ཡིན།། འདི་ཉིད་སངས་རྒྱས་རོལ་པ་ཡི། ། གནས་ལ་རབ་ཏུ་གནས་པ་ཡིན།། འདི་ཉིད་སངས་རྒྱས་རྫུ་འཕྲུལ་ལ།། རབ་ཏུ་གནས་པར་གྱུར་པ་ཡིན།། འདི་ཉིད་སངས་རྒྱས་མཁྱེན་པ་ལ།། རབ་ཏུ་གནས་པར་གྱུར་པ་ཡིན།། མིག་ཟད་མཐའ་ཡི་སྟོབས་དག་ལ། ། དེ་བཞིན་དུ་ནི་གནས་པ་དང་།། མིག་སྐྱེ་མཐའ་ཡི་སྟོབས་དག་ལ།། དེ་བཞིན་དུ་ནི་གནས་པ་དང་།། མིག་གི་མཐའ་ཡི་སྟོབས་དག་ལ།། དེ་བཞིན་དུ་ནི་གནས་པ་ནས།། ཉེ་བར་ཞི་བའི་སྟོབས་ཀྱི་བར། ། དེ་ལ་རབ་ཏུ་གནས་པ་དང་།། རྣ་བ་སྣ་ལྕེ་ལུས་དང་ཡིད།། སྒྲ་དང་མིང་ལ་སོགས་པའི་བར།། ཆོས་ནི་རྣམ་པ་ཉི་ཤུ་ལྔ།། ཐམས་ཅད་དེ་བཞིན་སྦྱར་ཞེས་ཟེར།། གཟུངས་ནི་གང་ཡིན་འདི་དག་གིས། ། དེ་བཞིན་གཤེགས་པ་རྣམས་ཀྱི་སྟོབས།། ཁྱད་པར་འཕགས་པ་གང་ཡིན་པ།། ཡོངས་སུ་རྫོགས་པར་བྱེད་ཅེས་ཟེར།། གཟུངས་ནི་གང་ཡིན་འདི་དག་གིས།། གཟི་བྱིན་མཐུ་སྟོབས་དེ་ལྟ་བུ། ། ཡོངས་སུ་རྫོགས་པར་བྱས་ནས་ནི།། དེ་བཞིན་གཤེགས་པ་ཐམས་ཅད་ཀྱི།། གནས་ཀུན་ལ་ནི་འཇུག་པ་དང་།། དེ་བཞིན་གཤེགས་པ་ཐམས་ཅད་ཀྱི།། སྤྱོད་ཡུལ་ཀུན་ལ་གནས་གྱུར་པས། ། འཇིག་རྟེན་པ་ནི་ཐམས་ཅད་ཀུན།། ལྷ་མ་ཡིན་གྱི་ཚོགས་དག་ལ།། བརྟན་པར་འཛིན་པའི་སེམས་སྤངས་ནས།། ཚངས་པའི་སྤྱོད་ལ་གནས་པར་བྱེད།། གནོད་སྦྱིན་བརྒྱ་སྟོང་ཚད་མེད་དང་། ། གྲུལ་བུམ་དག་ནི་ཚད་མེད་རྣམས།། དེ་དག་ཐམས་ཅད་ཀུན་ཀྱང་ནི།། རབ་ཏུ་དགའ་བ་སྐྱེད་པར་བྱེད།། དྲི་ཟའི་འཁོར་ནི་གང་ཡིན་དང་།། སྲིན་པོའི་འཁོར་ནི་གང་ཡིན་པ།། ཚད་མེད་གྲངས་མེད་དེ་དག་ཀྱང་། ། རབ་ཏུ་དུལ་ལ་དགའ་བར་བྱེད།། གལ་ཏེ་ཚངས་པའི་འཁོར་རྣམས་ཀྱིས།། སྒྲ་སྙན་དག་ནི་དམ་པ་ཡིས།། ཚིག་དང་དོན་ནི་རྗོད་བྱེད་ཀྱང་།། ཡང་དག་བསྟན་པར་མི་ནུས་ཏེ།། སེམས་ལས་བྱུང་བའི་ཆོས་རྣམས་ཀྱིས། ། དཔག་པར་བྱ་བ་མ་ཡིན་དང་།། སེམས་ལས་བྱུང་བའི་ཆོས་རྣམས་ཀྱིས།། གཟུང་བར་བྱ་བ་མིན་ཞེས་ཟེར།། གཟུངས་ནི་གང་ཡིན་འདི་དག་ནི།། མིག་གིས་དམིགས་པར་བྱ་བ་མིན། ། གཟུངས་ནི་གང་ཡིན་འདི་དག་ནི།། ལུས་ཀྱི་བར་གྱིས་དམིགས་བྱ་མིན།། གཟུངས་ནི་གང་ཡིན་འདི་དག་ནི།། མིག་གིས་དམིགས་པར་བྱ་བ་མིན།། མིག་གི་སྤྱོད་ཡུལ་བར་གྱིས་ཀྱང་།། དམིགས་པ་བྱ་བ་མ་ཡིན་ཏེ།། རྣ་བ་སྣ་ལྕེ་ལུས་ནས་ནི།། སྒྲ་དང་མིང་ལ་སོགས་པའི་བར།། ཆོས་ནི་རྣམ་པ་ཉི་ཤུ་ལྔ།། ཐམས་ཅད་དེ་བཞིན་སྦྱར་ཞེས་ཟེར།། གཞན་ཡང་མིག་གོ་ཟད་མཐའ་དང་།། མིག་རྣམས་ཀྱི་ནི་སྐྱེ་མཐའ་དང་།། མིག་གི་མཐའ་དང་འཇུག་པ་ནས།། ཉེ་བར་ཞི་བའི་བར་དག་ལ།། བདག་དང་སྐྱེས་བུ་མེད་པ་དང་།། སེམས་ཅད་དང་ནི་སྲོག་མེད་དང་།། དེ་བཞིར་གང་ཟག་མེད་པ་དང་། ། མཚན་མ་མེད་ཅིང་བྱེད་མེད་དང་།། འགྲོ་བ་མེད་ཅིང་འོང་མེད་དང་།། འདི་ལྟ་བུ་ལ་སོགས་པའི་མཚན།། ཐམས་ཅད་རྟོགས་པར་འགྱུར་ཞེས་ཟེར།། གཞན་ཡང་འདི་སྐད་ཆོས་ཉིད་ཀྱི། མིག་ནི་རྟོགས་པར་འགྱུར་ཞེས་ཟེར།། གཞན་ཡང་འདི་སྐད་ཆོས་རྣམས་ལགས།། གྲུབ་པའི་མིག་ནི་གང་ཡིན་པ།། ཡེ་ཤེས་མིག་དང་ཤེས་རབ་མིག། ཚངས་པའི་མིག་དང་ལྷ་ཡི་མིག། ཚངས་པར་སྐྱེས་ནས་ཐོབ་མིག་དང་།། ལྷར་ནི་སྐྱེས་ནས་ཐོབ་མིག་དང་།། ཚངས་པའི་རྣམ་སྨིན་མིག་དག་དང་།། ལྷ་ཡི་རྣམ་སྨིན་མིག་དག་དང་།། ཚངས་པའི་རྒྱུ་ལས་སྐྱེས་མིག། དང་། དལྷ་ཡི་རྒྱུ་ལས་སྐྱེས་མིག་དང་།། ལྷ་ཡི་རྫུ་འཕྲུལ་མིག་དག་དང་།། ལྷ་ཡི་བརྩོན་འགྲུས་དག་གི་མིག། དམན་པར་སྐྱེས་པའི་མིག་དག་དང་།། ཁྱད་འཕགས་སྐྱེས་པའི་མིག་དག་དང་། གཤིན་རྗེའི་འཇིག་རྟེན་གང་ཡིན་པ།། ཡོངས་སུ་སྤངས་པའི་མིག་དག་དང་།། ཀླུ་དང་གནོད་སྦྱིན་མིག་དག་དང་།། གྲུལ་བུམ་གྱི་ནི་མིག་དག་དང་།། ཡོངས་སུ་གདུང་བཅས་མིག་དག་དང་། ། ཡོངས་སུ་གདུང་མིན་མིག་དག་དང་།། རྣམ་པར་དག་པའི་མིག་དག་དང་།། རྣམ་པར་དག་མིན་མིག་དག་དང་།། མཆུར་རིང་ཞེང་ཆུང་མིག་དག་དང་།། ཉན་ཐོས་ཐེག་པ་པ་ཡི་མིག། བསམ་གཏན་པ་ཡི་མིག་དག་དང་། ། ཏིང་ངེ་འཛིན་གྱི་མིག་དག་དང་།། སྤྱོད་ཡུལ་ལས་བྱུང་མིག་དག་དང་།། འདུ་ཤེས་ལས་བྱུང་མིག་དག་དང་།། འདོད་ཆགས་ལས་བྱུང་མིག་དག་དང་། འདོད་ཆགས་བྲལ་བའི་མིག་དག་དང་།། རྒྱུ་ལས་བྱུང་བའི་མིག་དག་དང་།། རྒྱུ་མིན་ལས་བྱུང་མིག་དག་དང་།། མཚུངས་པར་ལྡན་པའི་མིག་ངག་དང་།། མཚུངས་པར་ལྡན་མིན་མིག་དག་དང་། སྒོ་བརྟེན་ལས་བྱུང་མིག་དག་དང་།། སྒོ་ལས་བྱུང་མིན་མིག་དག་དང་།། རྒྱུ་རྐྱེན་ལས་བྱུང་མིག་དག་དང་།། རྒྱུ་སྒོ་ལས་སྐྱེས་མིག་དག་དང་།། ཤ་ལས་གྲུབ་མིན་མིག་དག་དང་།། ཡེ་ཤེས་རྣམ་པར་དག་མིག་དང་། ། ཡོད་པ་མིན་པའི་མིག་དག་དང་།། དམིགས་མེད་མིག་ནི་གང་ཡིན་པ།། ཐམས་ཅད་རྟོགས་པར་བྱེད་ཅེས་ཟེར།། རྣ་བ་སྣ་ལྕེ་ལུས་དང་ཡིད།། སྒྲ་དང་མིང་ལ་སོགས་པའི་བར། ། ཆོས་ནི་རྣམ་པ་ཉི་ཤུ་ལྔ།། ཐམས་ཅད་དེ་བཞིན་སྦྱར་ཞེས་ཟེར།། དེ་ཡི་ཚེ་ན་བཅོམ་ལྡན་འདས།། ནམ་མཁའ་བར་སྣང་དག་ལས་ནི།། གཞན་ཡང་དཔག་ཏུ་མེད་པ་ཡི།། སྒྲ་སྙན་དམ་པ་མཆོག་བྱུང་ནས། ། ཁྱད་པར་འཕགས་པ་གཟུངས་ཀྱི་ཆོས།། འདི་སྐད་དུ་ནི་བཀའ་སྩལ་ཏེ།། འདི་ཡང་དེ་བཞིན་གཤེགས་པ་ཡིས།། རྫུ་འཕྲུལ་དག་ནི་སྤྲུལ་པ་ཡིན།། འདི་ལྟ་སྟེ། སི་ལེ། མ་མ་ལེ། སིད་དྷི། ཨེ་ནེ། སི་ནེ། ཀུ་ལུ་ནི་ཡུ། ཀུ་ལུ་ནི་ཡུ། ཀུ་ལེ། མ་ལེ། ཀུ་ནོ་ཏི། ཨ་ལ་ཤེ། ཨ་སི་ལེ། སི་སི་ལེ་ཏེ། སུ་ལི་ཏེ། སི་ལེ་སི་ལེ། ཁྱི་བི་ལེ། ཨ་བི་ལེ། སུ་ཏེ་ཙ་ན། དྷ་ནི་མ་ནཾ། ཀ་ནི། ཀཱ་ལི་ཏེ། སུ་ཀ་9། པྲ་ལ་ཤན་ང་ནཱི། ཨ་ནྡྲ་མ་ས་ཀྱེ། ཟི་ལོ་མེ། སུ་བྷ་ན་རེ་ཤྩེ། ཨ་ཤི་རི་ལེ། སར་མ་པར་ཕུནྡ་ཏེ། བ་ར་བི་ཧྞ། དྷ་ར་ནི། དྷི་ཤཱུ་ཙི་ཧ། སུ་དྷེ། ཨ་རྦཱ་ན། བྷུ་པོག་ས་ནང། ཀུང་བ་ནེ། བྷཱ་ས་བྷ་ནང་། པན་རི། དྷུ་རི་ཡ། ནི་བ་རི། ཀ་ནོ་ནི། མ་ནང་བྷྱ། སུ་རུ་ཙི་ཏ། བ་ན། ཨ་ཚ་ར། ཨ་བྷི་ལ་བྷཱིརྱ། པྲ་ཏི་ཤྨ་ཧ། དྷཱ་ར་ནཾ། ཨ་སི་ཏེ། ལོ་ནི་བི། གཟུངས་རྣམས་གང་ཡིན་འདི་དག་ནི། ། སངས་རྒྱས་རྣམས་ཀྱིས་རབ་ཏུ་བརྙེས།། མཐུ་ཆེན་དག་ནི་ཕུན་སུམ་ཚོགས།། ཤེས་རབ་དག་ནི་ཚད་ཀྱང་མེད།། འཛིན་པ་དག་ནི་ཡོངས་སུ་སྤོང་།། དྲན་པ་དག་ནི། དག་པར་བྱེད།། གཟུགས་མེད་འགྲོ་དང་འོང་བ་མེད།། ཕྱོགས་དང་ཕྱོགས་མཚམས་ཡོད་པ་མིན།། མཚན་མ་མེད་ཅིང་བརྗོད་དང་བྲལ།། སྤྲོས་པ་དག་ལས་ཡང་དག་འདས།། བྱང་ཆུབ་སེམས། དཔས་སྒྲུབ་བྱེད་ན།། མཐར་ནི་བསིལ་བ་འཐོབ་པར་འགྱུར།། ཚིགས་སུ་བཅད་པ་བྱེ་བ་ཕྲག། བརྒྱ་སྟོང་མང་པོ་དག་གིས་ནི།། ཚིག་གཅིག་ཙམ་ནི་རབ་བསྟན་ཀྱང་།། མཐའ་ནི་དམིགས་པར་ཡོང་མི་ནུས། ། འཕགས་པ་མང་པོས་རབ་ཏུ་བསྔགས།། རྣམ་པར་དག་ཅིང་ཞེན་པ་མེད།། འཁོར་འདུས་མང་པོ་ཐམས་ཅད་ཀྱིས།། ཤིན་ཏུ་གུས་པ་སྐྱེད་པར་བྱེད།། གཟུངས་ནི་གང་ཡིན་འདི་དག་གིས།། དགེ་པའི་ཆོས་ཀྱི་མཐུ་སྟོབས་ཀྱིས། ། ཉོན་མོངས་རབ་བཅོམ་ཉེར་ཞི་ནས།། ཁྱད་འཕགས་ཕན་ཡོན་ཐོབ་པར་བྱེད།། ཡོན་ཏན་དང་ནི་ཤེས་རབ་དག། ཤིན་ཏུ་རྒྱ་ཆེ་རྒྱ་མཚོ་འདྲ།། བཟོད་པ་དག་ནི་སྒྲུབ་པར་བྱེད།། སེམས་ནི་རབ་བདེ་གཡོ་མེད་འགྱུར།། བྱང་ཆུབ་སེམས་དཔས་རྟག་ཏུ་བསྒོམ།། མཁས་པ་དག་གིས་རབ་ཏུ་བསྔགས།། དབུལ་འཕོངས་དག་ནི་སྤོང་བྱེད་ཅིང་།། ནོར་དང་རིན་ཆེན་འཐོབ་པར་བྱེད། ། གཟུངས་ནི་གང་ཡིན་འདི་དག་གིས།། ཡོན་ཏན་རྣམས་ནི་འཕེལ་བར་བྱེད།། རྟག་ཏུ་སྟོང་ཉིད་ལ་སོགས་པའི།། བདེན་ཚིག་དག་གིས་རབ་ཏུ་བརྒྱན།། ཡི་གེ་དག་ནི་སྤངས་པས་ན།། སྟོང་པའི་ངོ་བོ་ཉིད་ཅེས་བྱ།། སེམས་དང་རྣམ་ཤེས་སྤངས་པས་ན།། ཆོས་ཀྱི་ངོ་བོ་ཉིད་ཅེས་བྱ།། གཟུངས་ནི་གང་ཡིན་འདི་དག་གིས།། དྲི་བྲལ་རྟག་ཏུ་རྣམ་དག་བྱེད།། ཡང་དག་ཡེ་ཤེས་ལ་གནས་ནས། ། ཕན་པ་སྣ་ཚོགས་སྟོན་པར་བྱེད།། སེམས་ཅན་དག་ནི་མང་པོ་རྣམས།། དགའ་ཞིང་དང་བསྐྱེད་པར་བྱེད།། གནོད་སྦྱིན་དག་ནི་ཚད་མེད་དང་།། གྲུལ་བུམ་འཁོར་ནི་གང་ཡིན་པ།། འདི་ལ་སོགས་པ་ཡི་དགས་རྒྱལ། ། དགའ་བ་ཆེན་པོ་སྐྱེད་ཅེས་ཟེར།། གཟུངས་སྔགས་གང་ཡིན་འདི་དག་ནི།། རབ་ཏུ་ཞི་ཞིང་སྤྲོས་པ་མེད།། སེམས་ཅན་དག་ལ་བྱམས་པས་ན།། ཀུན་ལ་བདེ་བ་སྦྱིན་པར་བྱེད།། བསྐལ་པ་མང་པོ་བརྒྱ་སྟོང་དུ།། འགྲོ་བ་རྣམས་སུ་རྟག་གནས་ཤིང་།། ཕན་པ་ཚད་མེད་རབ་བྱེད་ཀྱང་།། རྣམ་པར་དག་ཅིང་གོས་པ་མེད།། ཚིགས་སུ་བཅད་པ་བརྒྱ་སྐྱོང་གིས།། བདུད་རྩིའི་ཆོས་ནི་རབ་བསྟན་ནས། ། སེམས་ཅན་དག་ནི་ཆེད་མེད་རྣམས།། དགའ་བ་ཆེན་པོ་སྐྱེད་པར་བྱེད།། སྔོན་གྱི་སངས་རྒྱས་ཚད་མེད་རྣམས།། ཤིན་ཏུ་རྣམ་དག་མོས་པ་ཡིས།། གཟུངས་འདི་ལ་ནི་བརྟེན་ནས་སུ།། རྟག་ཏུ་ཆོས་ཉིད་རྟོགས་པར་བྱེད། ། ཚངས་དང་བརྒྱ་བྱིན་ལྷ་རྣམས་དང་།། ཀླུ་ཡི་རྒྱལ་པོ་ལྷ་མ་ཡིན།། གཟུངས་འདི་ཐོས་པར་གྱུར་ནས་ཀྱང་།། སེམས་ཀྱི་དགའ་བ་སྐྱེད་ཅེས་ཟེར།། གཟུངས་སྔགས་གང་ཡིན་འདི་དག་རྣམས།། གང་དུ་གནས་པའི་ཡུལ་དེར་ནི། ། རྟག་ཏུ་གནོད་དང་འཁྲུག་པ་དང་།། ནད་དང་སྡུག་བསྔལ་མྱ་ངན་མེད།། སེམས་ཅན་དག་ནི་ཐམས་ཅད་ཀུར།། སོ་སོར་དགའ་བའི་སེམས་བསྐྱེད་ནས།། གཟུངས་འདི་རྟག་ཏུ་བདག་ཅག་གིས། ། སེམས་ལ་གནས་པར་སྨོན་ལམ་འདེབས།། གཟུངས་སྔགས་གང་ཡིན་འདི་དག་ནི།། ལུས་དང་སེམས་དང་དཀན་དག་དང་།། ཁ་མཆུ་དག་ལ་གནས་གྱུར་ན།། ཡོན་ཏན་དཔག་མེ་ད་སྐྱེད་པར་བྱེད། ། གལ་ཏེ་རྟག་ཏུ་འཛིན་བྱེད་ན།། ཡོན་ཏན་ཚད་མེད་ཐོབ་གྱུར་ནས།། སེམས་ཅན་མང་ལ་ཕན་འདོགས་ཤིང་།། ཐམས་ཅད་དགའ་བ་ཐོབ་ཅེས་ཟེར།། གཟུངས་སྔགས་གང་ཡིན་འདི་དག་གིས།། སྡིག་པ་རྣམས་ནི་རབ་སྤོང་ཞིང་།། དམ་ཆོས་དག་ནི་སྟོན་བྱེད་པས།། ཐུག་པ་མེད་པའི་སྤོབས་པ་ཐོབ།། སེམས་ཅན་དག་ནི་བརྒྱ་སྟོང་རྣམས།། ཐེ་ཙོམ་དག་ནི་རབ་བསལ་ནས།། ང་རྒྱལ་རྣམས་ནི་རབ་བཅོམ་སྟེ། ། ཡོན་ཏན་དཔག་མེད་འཐོབ་ཅེས་ཟེར།། ཤིན་ཏུ་ཟབ་ཅིང་གསང་བའི་ཆོས།། གཟུངས་སྔགས་གང་ཡིན་འདི་དག་ནི།། མཁས་པས་རྟག་ཏུ་སེམས་བྱེད་ཅིང་།། ནན་ཏན་གྱིས་ནི་སྒྲུབ་པར་བྱེད།། ཤེས་རབ་གོ་ཆ་རབ་བགོས་ནས།། ཉོན་མོངས་རབ་ཏུ་འཇོམ་པར་བྱེད།། ཡོན་ཏན་སེམས་ནི་འཕེལ་བྱེད་པས།། རབ་ཏུ་མོས་ཤིང་སྐྱོ་བ་མེད།། གཟུངས་སྔགས་གང་ཡིན་འདི་དག་ནི།། གྲགས་པ་ཆེན་པོ་ཕུན་ཚོགས་པས། ། ཟད་པ་དང་ནི་མི་ཟད་དང་།། སྐྱེ་དང་མི་སྐྱེ་མཐའ་རབ་རྟོགས།། འདི་འདྲའི་ཤེས་རབ་སྣ་ཚོགས་ཀྱིས།། བདག་ཉིད་རབ་ཏུ་བརྒྱན་པས་ན།། དེ་བཞིན་གཤེགས་པ་བརྒྱ་སྟོང་རྣམས། ། ཤིན་ཏུ་གུས་ཤིང་མཆོད་པ་མཛད།། དེ་འདྲའི་གཟུངས་ནི་གང་ཡིན་པ།། རིག་པ་དག་གི་རྐང་གཉིས་བྱེད།། ཏིང་འཛིན་མཆོག་ལ་རབ་གནས་ནས།། བྱང་ཆུབ་ལམ་ལ་གཞོལ་བར་བྱེད། ། ཞི་གནས་ལྷག་མཐོང་རྗེས་འབྲང་ཞིང་།། ཟག་མེད་ཤེས་རབ་རྟོགས་པར་བྱེད།། རབ་དང་དབང་པོ་སྟོབས་ཀྱིས་ནི།། ལག་གཉིས་ཡོངས་སུ་གྲུབ་པར་བྱེད།། བརྩོན་འགྲུས་དང་ནི་བཟོད་པ་ཡིས།། ནུ་མ་གཉིས་ནི་གྲུབ་པར་བྱེད།། ཤེས་རབ་ཕ་རོལ་ཕྱིན་པས་ནི།། སྤྱི་གཙུག་མཚན་ཉིད་རབ་ཏུ་བྱེད།། མདོ་སྡེ་དག་གིས་སྐུད་བྱས་ནས།། སོ་སོར་རིག་བཞི་འཕྲེང་བར་བརྒྱུས།། སྔོན་ནི་མངོན་པར་བསྒྲུབས་པ་ཡི། ། ཡོན་ཏན་རྣམ་པ་སྣ་ཚོགས་དང་།། དཔེ་ནི་ཚད་མེད་ཇི་སྙེད་པ།། ཐམས་ཅད་རབ་ཏུ་བརྒྱན་ཅེས་ཟེར།། གཟུངས་སྔགས་གང་ཡིན་འདི་དག་ནི།། ཡོན་ཏན་ཚད་མེད་ཕུན་ཚོགས་པས།། མིག་གི་སྔོན་དང་ཕྱི་མཐའ་དང་།། ཟད་དང་མི་ཟད་མཐའ་དག་དང་།། སྐྱེ་བ་དང་ནི་མི་སྐྱེ་དང་།། མཐའ་དང་མཐའ་མིན་གང་ཡིན་དང་།། དབེན་པ་དང་ནི་མི་དབྱེན་དང་།། འཇུག་པ་དང་ནི་འཇུག་མིན་དང་།། ཅི་ཡང་མེད་དང་མི་འབྱུང་དང་།། ཉེར་ཞི་དང་ནི་བདག་མེད་དང་།། གང་ཟག་མེད་དང་སྲོག་མེད་དང་།། སེམས་ཅན་མེད་པའི་བར་དག་དང་།། འདི་ལ་སོགས་པའི་ཚད་མེད་སྒོ།། ཐམས་ཅད་རབ་ཏུ་རྟོགས་པར་འགྱུར། ། རྣ་བ་སཱ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི།། འཇིག་རྟེན་སྐྱེ་བའི་མིང་བར་དུ།། ཐམས་ཅད་དེ་བཞིན་སྦྱར་ཞེས་ཟེར།། གོང་དུ་བསྔགས་པ་བརྗོད་པ་ཡི།། གཟུངས་མཆོག་དབ་པ་གང་ཡིན་པ། ། རབ་དབེན་ཡོན་ཏན་མཆོག་ལྡན་ཞིང་།། སངས་རྒྱས་སྤྱོད་ཡུལ་ཡིན་པས་ན།། གཟུངས་དོན་ཡང་དག་གང་ཡིན་པ།། ཡི་གེས་བརྗོད་བྱ་མ་ཡིན་ཡང་།། འཇིག་རྟེན་པ་ཡི་རྗེས་སུ་ཡང་།། བཏ། པའི་མིང་གིས་བརྗོད་པ་ཡིན།། དེ་ནས་བཅོམ་ལྡན་འདས་འཁོར་མང་པོ་དང་ཐབས་ཅིག་ཏུ་ཟླ་འོད་གཞོན་ནུའི་ཁྱིམ་དུ་བྱོན་པ་དང་། གདན་བཤམས་པ་ལ་རབ་ཏུ་བཞུགས་སོ།། དེའི་ཟླ་འོད་གཞོན་ནུར་གྱུར་པས་བཅོམ་ལྡན་འདས་ག་ངན་ལ་བཞུགས་པར་རིག་ནས། བདག་ཉིད་མཆོད་པའི་ཡོ་བྱད་མཆོག་དམ་པ་ཐོགས་ནས། དེ་བཞིན་གཤེགས་པ་དང་འཁོར་འདུས་པ་ཆེན་པོ་རྣམས་ལ་རབ་ཏུ་ཕུལ་ཏེ། མཆོད་པ་དེའང་བསམ་གཏན་དང་། ཏིང་ངེ་འཛིན་དང་། བསམ་གཏན་གྱི་ཡོན་ཏན་ཁྱད་པར་དུ་འཕགས་པའི་དགེ་བའི་རྩ་བ་དང་། བསམ་གྱིས་མི་ཁྱབ་པའི་མཐུ་ལས་མངོན་པར་གྲུབ་པ་ཤ་སྟག་གོ། ། དེ་ལྟར་མཆོད་པ་ཕུལ་བའང་བདག་འབའ་ཞིག་གི་ཕྱིར་མ་ཡིན་གྱི། སེམས་ཅན་ཚད་མེད་པ་ཐམས་ཅད་བླ་ན་མེད་པའི་བྱང་ཆུབ་ལ་གཞོལ་ཞིང་ཕན་ཡོན་ཆེན་པོ་འཐོབ་པར་བྱ་བའི་ཕྱིར་མཆོད་ཅིང་ཕུལ་བས་ན། མཆོད་པ་དེས་ཀུན་ཏུ་ཁྱབ་ཅིང་ཐམས་ཅད་རབ་ཏུ་ཚིམ་པར་གྱུར་ཏོ།། དེ་ནས་བཅོམ་ལྡན་འདས་གདུགས་ཚོད་གསོལ་བའི་འོག་ཏུ་འཁོར་འདུས་པ་མང་པོའི་མདུན་དུ་ཟླ་འོད་གཞོན་ནུར་གྱུར་པ་ལ་འདི་སྐད་ཅེས་བཀའ་སྩལ་ཏོ། ། གཞོན་དུ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་ཐེག་པ་ཆེན་པོ་ལ་གནས་ནས། སྦྱིན་པའི་ཚིག་མངོན་པར་སྒྲུབ་པར་བྱེད་ན། ཡོན་ཏན་ཁྱད་པར་དུ་འཕགས་པ་རྣམ་པ་བརྒྱད་ཅུ་དང་ལྡན་པར་འགྱུར་རོ།། རྣམ་པ་བརྒྱད་ཅུ་གང་ཞེ་ན། འདི་ལྟ་སྟེ། སེམས་ཅན་ཡོངས་སུ་སྨིན་པར་བྱེད་ཅིང་ཚིག་སྙན་པས་ཡོངས་སུ་སྡུད་པར་བྱེད་པ་དང་། མཚན་གྱ་ནོམ་པ་ཡོངས་སུ་རྫོགས་པ་དང་། དབང་པོ་རྣམས་མ་ཚང་བ་མེད་པ་དང་། འཁོར་བ་སྤངས་ནས་མྱ་ངན་ལས་འདས་པ་མངོན་དུ་བྱེད་པ་དང་། ཉོན་མོངས་པ་རྣམས་ཟད་ནས་དབང་ཕྱུག་མཆོག་འཐོབ་པ་དང་། ཡོན་ཏན་ཕུན་སུམ་ཚོགས་ཤིང་སངས་རྒྱས་ཀྱི་ཞིང་རབ་ཏུ་བརྒྱན་པ་དང་། འཁོར་རྣམ་པར་དག་པ་དང་། གཟི་བྱིན་ཆེན་པོ་དང་ལྡན་པ་དང་། ཤེས་རབ་ཕུན་སུམ་ཚོགས་པ་དང་། སྤྱོད་པ་ཁྱད་པར་དུ་འཕགས་པ་མཆོག་མངོན་པར་སྒྲུབ་པ་དང་། སྤྱོད་པ་བླ་ན་མེད་ཅིང་མཚུངས་པ་མེད་པ་ཡོངས་སུ་རྫོགས་པ་དང་། བག་ཆགས་ཡང་དག་པར་བཅོམ་ནས་དེ་བཞིན་གཤེགས་པའི་ཐམས་ཅད་མཁྱེན་པའི་སྤྱོད་པ་འཕེལ་བར་བྱེད་པ་དང་། སྐུ་དང་རིང་བསྲེལ་འཇིག་རྟེན་ཐམས་ཅད་དང་། ཉན་ཐོས་དང་། རང་སངས་རྒྱས་རྣམས་ཀྱིས་མཆོད་པར་འགྱུར་བ་དང་། མ་རུངས་པ་རྣམས་རབ་ཏུ་བཏུལ་བས་མིའི་རྒྱལ་པོ་དང་། ལྷ་དང་། ཀླུ་དང་། གནོད་སྦྱིན་དང་། ལྷ་མ་ཡིན་དང་། ནམ་མཁའ་ལིང་གི་རྒྱལ་པོ་དང་། ཚངས་པའི་རྒྱལ་པོ་རྣམས་ཡོངས་སུ་དང་བསྐྱེ་བར་འགྱུར་བ་དང་། མཐུ་ཆེན་པོ་དང་ལྡན་པ་དང་། མདོའི་སྡེ་དང་། ཚིགས་སུ་བཅང་བ་དང་། ལུང་དུ་བསྟན་པ་དང་། ཆེད་དུ་བརྗོད་པ་དང་། དབྱངས་ཀྱིས་བསྙད་པ་དང་། རྟོགས་པ་བརྗོད་པ་དང་། གླེང་གཞི་དང་། དེ་ལྟ་བུ་བྱུང་བ་དང་། སྐྱེས་པའི་རབས་དང་། ཤིན་དུ་རྒྱས་པ་དང་། རྨད་དུ་བྱུང་བ་དང་། གཏན་པ་ཕབ་པར་བསྟན་པའི་སྡེའི་བར་དུ་ལེ་པ་དང་། འཛིན་པ་དང་། ཡང་དག་པར་སྟོན་པར་འགྱུར་བ་དང་། སེམས་ལ་ལེ་ལོ་མེད་པ་དང་། ཆོས་ལ་སེར་སྣ་མེད་པ་དང་། སངས་རྒྱས་ཀྱི་ལམ་ལ་ཡང་དག་པར་གནས་པ་དང་། འཇིག་རྟེན་ན་མཆོག་ཏུ་གྱུར་ཅིང་མིང་དང་གཟུགས་ཡོངས་སུ་དག་པར་འགྱུར་བ་དང་། ཆོས་ཀྱི་སྐུ་མངོན་དུ་བྱེད་པར་འགྱུར་བ་དང་། མི་འཇིགས་པ་འཐོབ་པར་འགྱུར་བ་དང་། བསོད་ནམས་ཕུན་སུམ་ཚོགས་པར་འགྱུར་བ་དང་། མུ་སྟེགས་ཅན་རྣམས་ཟིལ་གྱིས་གནོན་པ་དང་། སྐྱེས་བུ་དམ་པའི་ཆོས་ཕུན་སུམ་ཚོགས་པ་དང་། སྡིག་པ་ཅན་གྱི་སྤྱོད་པ་སྤོང་བར་འགྱུར་བ་དང་། བསོད་ནམས་དང་ཡེ་ཤེས་ཀྱི་རྒྱུ་ལ་མངོན་པར་ཡིད་ཆེས་པ་དང་། སངས་རྒྱས་ཀྱི་ཆོས་ཀྱི་སྡུ་མས་བྱེད་པ་དང་། བདུད་མང་པོ་ཕམ་པར་བྱེད་པ་དང་། སངས་རྒྱས་ཀྱི་ས་གསུངས་པའི་ཆོས་བདེན་པ་དག་ལ་ཐེ་ཚོམ་དང་ནེམ་ནུར་མེད་པ་དང་། འདོད་པ་ངན་པ་རྣམས་རབ་ཏུ་བཅོམ་པ་དང་། གཟི་བྱིན་ཆེན་པོ་དང་ལྡན་པ་དང་། བྱང་ཆུབ་སེམས་དཔའི་སྤྱོད་པ་མངོན་པར་བསྒྲུབས་པས་རྫུ་འཕྲུལ་ཁྱད་པར་དུ་འཕགས་པ་འཐོབ་པར་འགྱུར་བ་དང་། སྐྱེ་ཤི་སྤོང་བར་འགྱུར་བ་དང་། སེམས་ཅན་ཡོངས་སུ་སྨིན་པར་བྱེད་པ་དང་། སྤྱོད་པ་དཔག་ཏུ་མེད་པའི་བསྔགས་པ་བརྗོད་པ་དང་། ཡོན་ཏན་རྣམས་ཡོངས་སུ་སྡུད་པར་འགྱུར་བ་དང་། སེམས་ཅན་རྣམས་ལ་སྤྲོ་བ་བསྐྱེད་པ་དང་། ཆོས་ཀྱི་དགའ་བ་ལ་ཡོངས་སུ་སྤྱོད་པར་འགྱུར་བ་དང་། སྦྱིན་པ་གཏོང་བ་མངོན་པར་བསྒྲུབ་པར་འགྱུར་བ་དང་། ཡེ་ཤེས་ཆེན་པོའི་སྒོར་འཇུག་པར་འགྱུར་བ་དང་། དྲོ་བར་གྱུར་པའི་ཆོས་ལ་གནས་པར་འགྱུར་བ་དང་།། རིགས་ངེས་པ་ཉིད་དུ་འགྱུར་བ་དང་། ཆོས་ཀྱི་བཟོད་པ་བསྒྲུབ་པར་འགྱུར་བ་དང་། སངས་རྒྱས་ཀྱི་ལམ་ལ་བདེ་བར་གནས་པ་གང་ཡིན་པའོ། ། གཞོན་ནུ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ཞིག་སྦྱིན་པའི་ཚོགས་མངོན་པར་སྒྲུབ་པར་བྱེ་ད་ན། ཡོན་ཏན་ཁྱད་པར་དུ་འཕགས་པ་རྣམ་པ་བརྒྱད་ཅུ་པོ་འདི་དག་ཕུ་ན་སུམ་ཚོགས་ཤིང་ཡོངས་སུ་རྫོགས་པར་འགྱུར་རོ། ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་དེ་བཀའ་སྩལ་པ། བྱང་ཆུབ་སེམས་དཔའ་བློ་ཆེན་གང་།། སྦྱིན་པའི་ཚོགས་དང་ལྡན་པ་ལ། ཕན་ཡོན་མཆོག་ནི་བརྒྱད་ཅུ་ཡོད།། ངས་མདོར་བསྡུས་ཏེ་བསྟན་པ་ཡིན།། གཞན་ཡང་དཔག་མེད་བསམ་དཀའ་ཡི།། ཡོན་ཏན་དག་ནི་གང་ཡིན་པ།། ཐམས་ཅད་སྦྱིན་པ་ལས་སྐྱེ་སྟེ།། དེང་འདིར་ཅུང་ཟད་བསྟན་པར་བྱ། ། ཁྱོད་ཀྱིས་འཁོར་འདུས་མང་པོ་ལ།། མཉམ་པའི་སེམས་ཀྱིས་གང་མཆོད་པ།། སྦྱིན་པའི་ཚོགས་ནི་དེ་དག་ལ།། མཁས་པ་རྣམས་ཀྱིས་བསྒྲུབ་པར་བྱ།། སྦྱིན་པ་འདི་ཡིས་བསགྲས་པ་ཡི། ། བསོད་ནམས་ཕུང་པོ་བསམ་མི་ཁྱབ།། མཚན་དང་དཔེ་བྱད་ལུས་བརྒྱན་པ།། ཐམས་ཅད་ཡོངས་སུ་རྫོགས་པར་འགྱུར།། སྐྱེ་གནས་དང་ནི་རུས་རིགས་དང་།། ཡུལ་རྣམས་དང་ནི་ཁྱིམ་དག་དང་།། གྲགས་པ་དང་ནི་གཟུགས་དང་སེམས།། ཐམས་ཅད་ཡོངས་སུ་དག་པར་འགྱུར།། ལྷ་རྣམས་རྫུ་འཕྲུལ་དངོས་པོ་དག། གཞལ་མེད་ཁང་དང་ལྷ་མོ་དང་།། རྣམ་དག་ཐོགས་མེད་སྤོབས་པ་ཡང་།། སྦྱིན་བ་ལས་ནི་བྱུང་བ་ཡིན། ། སྦྱིན་པའི་ཚོགས་མཆོག་གང་ཡིན་པ།། སངས་རྒྱས་རྣམས་ཀྱིས་འདི་སྐད་དུ།། འདི་ནི་དང་པོར་བྱང་ཆུབ་རྣམས།། གནས་པའི་གཞི་ཞེས་བསྔགས་པར་མཛད།། བྱང་ཆུབ་སེམས་དཔའ་བརྩོན་འགྲུས་ཅན། ། སྦྱིན་ལ་ཐེ་ཚོམ་མེད་པ་དག། ངེས་པའི་སེམས་ལ་རབ་གནས་ནས།། སྦྱིན་པ་ནན་ཏན་སྒྲུབ་པར་གྱིས།། སྦྱིན་པའི་སེམས་ནི་གང་དག་གིས།། བསོད་ནམས་མཆོག་ནི་རྫོགས་བྱེད་པ། ། བྱང་ཆུབ་སེམས་དཔས་སྒྲུབ་བྱེད་ན།། སངས་རྒྱས་བྱང་ཆུབ་འཐོབ་པར་འགྱུར།། སྦྱིན་པའི་མཐུ་ཡི་སྟོབས་ཀྱིས་ནི།། རྫུ་འཕྲུལ་མཆོག་ནི་རྫོགས་བྱེད་པས།། ཞིང་ནི་བྱེ་བ་བསྐུལ་བྱས་ཀྱང་། ། སེམས་ཅན་རྣམས་ལ་གནོད་མི་འགྱུར།། སྦྱིན་པ་བཏང་བའི་དབང་གིས་ན།། རྣམ་དགེ་ཚུལ་ཁྲིམས་མང་ཐོས་དང་།། ཡང་དག་ཡིད་ཆེས་བརྩོན་འགྲུས་དང་།། ཏིང་འཛིན་ཟག་མེད་ཤེས་རབ་འདྲེན། ། སྦྱིན་པ་བཏང་བའི་དབང་གིས་ན།། དབང་པོ་སྟོབས་དང་ཡན་ལག་དང་།། ཡང་དག་སྤོང་དང་རྫུ་འཕྲུལ་རྐང་།། བག་ཆགས་སྤོང་བ་འདྲེན་པར་བྱེད།། སྦྱིན་པ་བཏང་བའི་དབང་གིས་ན། རྣམ་དག་སྒྲ་སྙན་དག་གིས་ནི།། ཞིང་ནི་བྱེ་བ་བརྒྱ་ཕྲག་ཏུ།། དཔག་མེད་ཆོས་སྟོན་འདྲེན་པར་བྱེད།། ཡོངས་སུ་དང་བས་སྦྱིན་བཏང་བས།། རྫུ་འཕྲུལ་རྣམས་ནི་ཡོངས་སུ་འཐོབ། ། རྫུ་འཕྲུལ་ཡོངས་སུ་རྫོགས་བྱའི་ཕྱིར།། ནན་ཏན་སྦྱིན་པ་བཏང་བར་གྱིས།། ལྷ་མི་མང་པོ་ཚད་མེད་རྣམས།། ལྷ་མ་ཡིན་དང་ཀླུ་རྣམས་དང་།། གནོད་སྦྱིན་བརྒྱ་སྟོང་མང་པོ་དང་།། འཁོར་རྣམས་ཀྱིས་ནི་ཡོངས་བསྐོར་ནས། ། གཞལ་མེད་ཁང་མཆོག་རབ་བཞུགས་ཏེ།། རང་དབང་དག་གིས་རྩེ་བྱེད་པ།། འདི་ལ་སོགས་པའི་རྒྱལ་པོ་རྣམས།། སྦྱིན་ལ་བརྩོན་པ་མཐོང་གྱུར་ན།། ཐམས་ཅད་ལངས་ནས་བསུ་ནས་ནི། ། སྟན་བཏིང་མཆོད་པ་དག་ཀྱང་བྱེད།། སྦྱིན་གཏོང་གང་ཟག་གང་ཡིན་པ།། གཟི་བྱིན་ཆེན་པོ་ཕུན་ཚོགས་ཤིང་།། རྫུ་འཕྲུལ་སྟོབས་ལ་དབང་ཐོབ་པས།། ལྷ་རྒྱལ་རྣམས་ནི་སྡུད་པར་བྱེད། གྲུ་ལ་བུ་མ་དང་ནི་གནོད་སྦྱིན་རྣམས།། ཐམས་ཅད་སྐྱབས་སུ་འགྲོ་བར་འགྱུར།། དྲི་ཟ་འཁོར་བཅས་རྣམས་ཀྱིས་ཀྱང་།། རོལ་མོ་དག་གིས་མཆོད་པར་བྱེད།། ཆོམ་རྐུན་དག་གིས་བྱམས། སེམས་སྐྱེད།། མ་རུངས་པ་རྣམས་རིང་དུ་འགྲོ།། ནོར་རྣམས་ཉམས་པར་མི་འགྱུར་ཏེ།། བང་མཛོད་དག་ནི་གང་བར་འགྱུར།། སྦྱིན་པ་ཡོངས་སུ་བཏང་བའི་ཕྱིར།། ཚོགས་མཆོག་དག་ནི་རྫོགས་པར་འགྱུར། ། སངས་རྒྱས་ཡེ་ཤེས་ཐུག་བར་དུ།། མུ་སྟེགས་ཆོས་ནི་སྤྱོད་མི་བྱེད།། དེ་ལ་ན་བ་ཡོང་མེད་དེ།། གཟུགས་རྣམས་ཡོངས་སུ་སྲུང་བར་བྱེད།། ཁྱད་པར་འཕགས་པའི་སྟོབས་རྣམས་ཀྱང་།། སྦྱིན་པ་ལས་ནི་བྱུང་བ་ཡིན། ། དེ་ལྟར་སྦྱིན་པ་གང་གཏོང་བ།། བྱང་ཆུབ་ལ་མ་ནི་སྒྲུབ་པར་བྱེད།། མི་དགེ་བ་ཤེས་གཉེན་ཕྲང་མི་འགྱུར།། སྤྱོད་འཐུན་གྲོགས་པོ་འཐོབ་པར་འགྱུར།། གཞན་ཡང་བྱང་ཆུབ་སེམས་དཔའ་རྣམས། ། སྦྱིན་པའི་ཚོ་གས་ནི་སོགས་བྱེད་པ།། བསམ་གྱིས་མི་ཁྱབ་གཟུངས་དག་དང་།། ཤེས་རབ་ཡོངས་སུ་རྫོགས་བྱེད་པས།། ཚིགས་སུ་བཅད་པ་ཚད་མེད་ཀྱིས།། ཀུན་འཛིན་ཡང་ངག་སྟོན་པར་བྱེད། ། ཐམས་ཅད་ལ་ནི་ཐོགས་མེད་པས།། ངོ་བོ་ཉིད་དོན་སྟོར་མི་འགྱུར།། བྱང་ཆུབ་སེམས་ནི་རྒྱ་ཆེ་ལ།། མོས་པའི་སེམས་ནི་བརྟན་པར་འགྱུར།། ཚུལ་ཁྲིམས་དག་པ་ཕུན་ཚོགས་ཤིང་། ། བདུད་ཀྱི་ལས་རྣམས་སྤོང་བར་བྱེད།། འདོད་པ་ལྔ་ལ་ཞེན་མེད་ཅིང་།། རྩེ་གཅིག་ཡང་དག་དྲན་པ་ཚོལ།། སེམས་ལ་རྟག་ཏུ་རྨོངས་མེད་པས།། འདོད་པ་དག་ལ་སྲིད་མི་སྐྱེད།། ཞེ་སྡང་ཉོན་མོངས་གང་ཡིན་པ། ། ཡང་དག་ཇི་བཞིན་རབ་ཏུ་རྟོགས།། སྤྱོད་ཡུལ་དག་ནི་ཐམས་ཅད་ལ།། ཞེན་པ་མེད་ཅིང་རྨོངས་པ་མེད།། གང་ཟག་དེས་ནི་ཉོན་མོངས་རྣམས།། ལེགས་པ་ཉིད་དུ་རྟོགས་པར་འགྱུར། ། རྒྱུ་དང་རྐྱེན་ནི་འདུས་པ་ལས།། ཉེས་དམིགས་རྣམས་ནི་སྐྱེ་བ་ནས།། སངས་རྒྱས་ཆོས་ཀྱི་བར་དག་གིས།། རྒྱུ་དང་རྒྱུ་ཡི་རྒྱུ་ཉིད་དང་།། དེ་བཞིན་རྒྱུ་ཡི་བྱ་བ་རྣམས།། ཐམས་ཅད་རབ་ཏུ་རྟོགས་པར་འགྱུར།། དེས་ནི་མིག་ཟང་མཐའ་ཡི་རྒྱུ།། གང་ཡིན་རབ་ཏུ་རྟོགས་པས་ན།། རྨོངས་པ་རྣམས་ནི་ཡོངས་སྤངས་ནིས།། མིག་ལ་མངོན་པར་ཞོན་མི་འགྱུར།། དེས་ནི་མིག་གི་སྐྱེ་མཐའ་དང་།། མཐུའ་དང་རབ་ཏུ་དབེན་པ་དང་།། འཇུག་པ་དང་ནི་མེད་པ་དང་།། མི་སྐྱེ་བ་ནས་ཉེར་ནིའི་བར།། འདི་ལ་སོགས་པའི་རྒྱུ་ཉིད་ཀྱང་། ། རབ་ཏུ་རྟོགས་པར་གྱུར་པས་ན།། རྨོངས་པ་རྣམས་ནི་ཡོངས་སྤངས་ནས།། མིག་ལ་མངོན་པར་ཞེན་མི་འགྱུར།། དེས་ནི་མིག་གི་སྔོན་མཐའ་ཡི།། བརྗོད་པ་འཇིག་རྟེན་རྗེས་སུ་ནི། ། བཏགས་པ་ཡིན་པས་དེ་ལ་ནི།། ཡང་དག་ཅི་ཡང་མེད་པར་རྟོགས།། དེས་ནི་མིག་གི་ཕྱི་མཐའ་ཡི།། བརྗོད་པ་འཇིག་རྟེན་རྗེས་སུ་ནི།། བཏགས་པ་ཡིན་པས་དེ་ལ་ནི།། ཡང་དག་ཅི་ཡང་མེད་པར་རྟོགས།། དེས་ནི་མིག་གི་སྐྱེ་མཐའ་དང་།། མཐའ་དང་རབ་དབེན་འཇུག་པ་དང་།། ཅི་ཡང་མེད་དང་སྐྱེ་མེད་ནས།། ཉེ་བར་ཞི་བའི་བར་དག་དང་།། འདི་ལ་སོགས་པའི་བརྗོད་པ་རྣམས། ། འཇིག་རྟེན་རྗེས་སུ་བཏགས་པས་ན།། དེ་ལ་ཡང་དག་མེད་པར་ནི།། རབ་ཏུ་རྟོགས་པར་འགྱུར་བ་ཡིན།། དེས་ནི་མིག་གི་སྔོན་མཐའ་ཡི།། བརྗོད་པ་རྒྱུ་རྐྱེན་འདུས་པ་ལས། ། བྱུང་བ་ཉིད་དུ་རྟོགས་པས་ན།། དེ་ལ་ཞེན་པ་ཅི་ཡང་མེད།། དེས་ནི་མིག་གི་ཕྱི་མཐའ་ཡི།། བརྗོད་པ་རྒྱུ་རྐྱེན་འདུས་པ་ལས།། བྱུང་བ་ཉིད་དུ་རྟོགས་པས་ན། དེ་ལ་ཞེན་པ་ཅི་ཡང་མེད།། དེས་ནི་མིག་གི་སྐྱེ་མཐའ་དང་།། མཐའ་དང་རབ་དབེན་འཇུག་པ་དང་།། ཅི་ཡང་མེད་དང་སྐྱེ་མེད་ནས།། ཉེ་བར་ཞི་བའི་བར་དག་དང་།། འདི་ལ་སོགས་པའི་དགེ་བ་རྣམས། ། རྒྱུ་དང་རྐྱེན་ནི་འདུས་པ་ལས།། འབྱུང་བ་ཉིད་དུ་རྟོགས་པས་ན།། དེ་ལ་ཞེན་པ་ཅི་ཡང་མེད།། དེས་ནི་མིག་གི་སྔོན་མཐའ་ཡི།། བརྗོད་པ་རང་བཞིན་བསྟན་མེད་པར། ། རབ་ཏུ་རྟོགས་པར་གྱུར་པས་ན།། དེ་ལ་ཞེན་པ་ཅི་ཡང་མེད།། དེས་ནི་མིག་གི་བྱི་མཐའ་ཡི།། བརྗོད་པ་རང་བཞིན་བསྟན་མེད་པར།། རབ་ཏུ་རྟོགས་པར་གྱུར་པས་ན།། དེ་ལ་ཞེན་པ་ཅི་ཡང་མེད། ། དེས་ནི་མིག་གི་སྐྱེ་མཐའ་དང་།། མཐའ་དང་རབ་དབེན་འཇུག་པ་དང་།། ཅི་ཡང་མེད་དང་སྐྱེ་མེད་ནས།། ཉེ་བར་ཞི་བའི་བར་དག་དང་།། འདི་ལ་སོགས་པའི་བརྗོད་པ་རྣམས། ། རང་བཞིན་གྱིས་ནི་བསྟན་མེད་པར།། རབ་ཏུ་རྟོགས་པར་གྱུར་པས་ན།། དེ་ལ་ཞེན་པ་ཅི་ཡང་མེད།། རྣ་བ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི། ། འཇིག་རྟེན་སྐྱེ་བའི་མིང་གི་བར།། ཐམས་ཅད་དེ་བཞིན་སྦྱར་བར་བྱ།། དེས་ནི་འདོད་ཆགས་སངས་རྒྱས་ལམ།། རང་བཞིན་དབྱེར་མེད་མིན་པར་ནི།། རབ་ཏུ་རྟོགས་པར་གྱུར་པས་ན། ། འདོད་ཆགས་ལ་ནི་ཞེན་པ་མེད།། སངས་རྒྱས་ལམ་ནོ་ཐམས་ཅད་ཀུན།། ཉོན་མོངས་ལས་ནི་བཙལ་བར་བྱ།། རང་བཞིན་དབྱེར་མེད་རབ་ཤེས་ན།། ཀུན་འཛིན་སྒོར་ནི་ཞུགས་པ་ཡིན། ། འདོད་ཆགས་ཀུན་འཛིན་ཡིན་པ་དང་།། ཀུན་འཛིན་འདོད་ཆགས་ཡིན་སྟོན་ཅིང་།། རང་བཞིན་དབྱེར་མེད་རབ་ཤེས་ན།། ཀུན་འཛིན་སྒོ་ནི་སློབ་པ་ཡིན།། ། དེ་བཞིན་འདོད་ཆགས་གང་མཆོད་པ།། དེ་ནི་སངས་རྒྱས་མཆོད་པ་ཡིན།། སངས་རྒྱས་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེས་ནི་ཞེ་སྔངས་ས་རྒྱས་ལམ། ། རང་བཞིན་དབྱེར་མེད་ཡིན་པར་ནི།། རབ་ཏུ་རྟོགས་པར་གྱུར་པས་ན།། ཞེ་སྡང་ལ་ནི་ཞེན་པ་མེད།། ཞེ་སྡང་ཀུན་འཛིན་ཡིན་པ་དང་།། ཀུན་འཛིན་ཞེ་སྡང་ཡིན་སྟོན་ཅིང་།། རང་བཞིན་དབྱེར་མེད་རབ་ཤེས་ན།། ཀུན་འཛིན་སྒོ་ནི་སློབ་པ་ཡིན།། དེ་བཞིན་ཞེ་སྡང་གང་མཆོད་པ།། དེ་ནི་སངས་རྒྱས་མཆོད་པ་ཡིན།། སངས་རྒྱས་ལ་ནི་མཆོད་པའི་ཕྱིར།། ཀུན་འཛིན་སྒྲོ་ནི་རྫོགས་པར་འགྱུར། ། དེས་ནི་གཏི་མུག་སངས་རྒྱས་ལམ།། རང་བཞིན་དབྱེར་མེད་ཡིན་པར་ནི།། རབ་ཏུ་རྟོགས་པར་གྱུར་པས་ན།། གཏི་མུག་ལ་ནི་ཞེན་པ་མེད།། ག་ལ་ཏེ་གཏི་མུག་ཉིད་ཀྱི་མཐའ། ། ཡང་དག་ཇི་བཞིན་རྟོགས་གྱུར་ན།། དེས་ནི་སངས་རྒྱས་ལམ་སྒྲུབ་པས།། ཀུན་འཛིན་སྒོ་ནི་རྫོགས་པར་འགྱུར།། གཏི་མུག་ཀུན་འཛིན་ཡིན་པ་དང་།། ཀུན་འཛིན་གཏི་མུག་ཡིན་སྟོན་ཅིང་། ། རང་བཞིན་དབྱེར་མེད་རབ་ཤེས་ནས།། ཀུན་འཛིན་སྒོ་ནི་སློབ་པ་ཡིན།། དེ་བཞིན་གཏི་མུག་གང་མཆོད་པ།། དེ་བ་སངས་རྒྱས་མཆོད་པ་ཡིན།། སངས་རྒྱས་ལ་ནི་མཆོད་པའི་ཕྱིར། ། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པའི།། དེ་ནི་ཆོས་ལ་མཆོད་པ་ཡིན།། ཆོས་ལ་མཆོད་པ་བྱས་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར། ། དེ་བཞིན་གཏི་མུག་གང་མཆོད་པ།། དེ་ནི་དགེ་འདུན་མཆོད་པ་ཡིན།། དགེ་འདུན་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ། ། དེ་ནི་ཚུལ་ཁྲིམས་མཆོད་པ་ཡིན།། ཚུལ་ཁྲིམས་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ། བརྩོན་འགྲུས་ལ་ནི་མཆོད་པ་ཡིན།། བརྩོན་འགྲུས་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། བསྔགས་པ་བརྗོད་ཅིང་མཆོད་པ་ཡིན།། བསྔགས་པ་བརྗོད་ཅིང་མཆོད་པའི་ཕྱིར། ། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། སངས་རྒྱས་ཆོས་ལ་མཆོད་པ་ཡིན།། སངས་རྒྱས་ཆོས་ལ་མཆོད་པའི་ཕྱིར།། ཀུན་འཛིན་སྒོ། ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། ཆོས་ཉིད་ལ་ནི་མཆོད་པ་ཡིན།། ཆོས་ཉིད་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་བྱེད།། དེ་བཞིན་གཏི་མུག་གང་མཆོད་པ། ། དེ་བཞིན་ཉིད་ལ་མཆོད་པ་ཡིན།། དེ་བཞིན་ཉིད་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། སྐྱེ་བ་མེད་ལ་མཆོད་པ་ཡིན། ། སྐྱེ་བ་མེད་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། འགག་པ་མེད་ལ་མཆོད་པ་ཡིན།། འགག་པ་མེད་ལ་མཆོད་པའི་ཕྱིར། ། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། ཟག་པ་མེད་ལ་མཆོད་པ་ཡིན།། ཟག་པ་མེད་ལ་མཆོད་པའི་ཕྱིར། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། ཅི་ཡང་མེད་ལ་མཆོད་པ་ཡིན།། ཅི་ཡང་མེད་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། དཔག་ཏུ་མེད་ལ་མཆོད་པ་ཡིན།། དཔག་ཏུ་མེད་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། སྲིད་པ་གསུམ་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། རབ་དབེན་ལ་ནི་མཆོད་པ་ཡིན།། རབ་དབེན་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། འཁོར་བར་འཇུག་ལ་མཆོད་པ་ཡིན།། འཁོར་བར་འཇུག་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར། ། དེ་བཞིན་གཏི་མུག་གང་མཆོད་པ།། འཇུག་པ་མེད་ལ་མཆོད་པ་ཡིན།། འཇུག་པ་མེད་ལ་མཆོད་པའི་ཕྱིར།། ཀུན་འཛིན་སྒྲོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ། ། ཡོད་པ་མིན་ལ་མཆོད་པ་ཡིན།། ཡོད་པ་མིན་པ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། བྱུང་བ་མེད་ལ་མཆོད་པ་ཡིན། ། བྱུང་བ་མེད་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། ཉེ་བར་ཞི་ལ་མཆོད་པ་ཡིན།། ཉེ་བར་ཞི་ལ་མཆོད་པའི་ཕྱིར། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། འོང་བ་མེད་ལ་མཆོད་པ་ཡིན།། འོང་བ་མེད་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར། ། དེ་བཞིན་གཏི་མུག་གང་མཆོད་པ།། འགྲོ་བ་མེད་ལ་མཆོད་པ་ཡིན།། འགྲོ་བ་མེད་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ། ། འདུས་བྱས་ལ་ནི་མཆོད་པ་ཡིན།། འདུས་བྱས་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་ག་ཏི་མུག་གང་མཆོད་པ།། སྡུག་བསྔལ་ལ་སོགས་མཆོད་པ་ཡིན། ། སྡུག་བསྔལ་ལ་སོགས་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། སྡུག་བསྔལ་ཤེས་ལ་མཆོད་པ་ཡིན། ། སྡུག་བསྔལ་ཤེས་ལ་མཆོད་པའི་ཕྱིར། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། ཀུན་འབྱུང་ཤེས་ལ་མཆོད་པ་ཡིན།། ཀུན་འབྱུང་ཤེས་ལ་མཆོད་པའི་ཕྱིར། ། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། འགོག་པ་ཤེས་ལ་མཆོད་པ་ཡིན།། འགོག་པཤེས་ལ་མཆོད་པའི་ཕྱིར།། ཀུན་འཛིན་སྒྲོན་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། ལམ་ཤེས་ལ་ནི་མཆོད་པ་ཡིན།། ལམ་ཤེས་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར། ། དེ་བཞིན་གཏི་མུག་གང་མཆོད་པ།། ཆོས་ཤེས་ལ་ནི་མཆོད་པ་ཡིན།། ཆོས་ཤེས་ལ་ནི་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ། ། རྗེས་ལ་ཤེས་ལ་མཆོད་པ་ཡིན།། རྗེས་ལ་ཤེས་ལ་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། སྐྱེ་མེ་ད་ཡེ་ཤེས་མཆོད་པ་ཡིན།། སྐྱེ་མེད་ཡེ་ཤེས་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་གཏི་མུག་གང་མཆོད་པ།། ཟད་པའི་ཡེ་ཤེས་མཆོད་པ་ཡིན།། ཟེད་པའི་ཡེ་ཤེས་མཆོད་པའི་ཕྱིར།། ཀུན་འཛིན་སྒོ་ནི་རྫོགས་པར་འགྱུར།། དེ་བཞིན་ཡང་དག་སྤོང་བ་དང་།། དྲན་པ་ཉེར་གཞག་རྫུ་འཕྲུལ་རྐང་།། དབང་པོ་ལྔ་དང་སྟོབས་ལྔ་དང་། བྱང་ཆུབ་ཡན་ལག་བདུན་པོ་དང་།། ཡན་ལག་བརྒྱད་པའི་ལམ་དག་དང་།། ཞི་གནས་ལྷག་མཐོང་ལ་སོགས་པ།། ཆོས་ནི་རྣམ་པ་དགུ་པོ་རྣམས།། ཐམས་ཅད་དེ་བཞིན་སྦྱར་བར་བྱ།། དེ་ནས་བཅོམ་ལྡན་འདས་ཀྱིས། ཟླ་འོད་གཞོན་ནུར་གྱུར་པ་ལ་བཀའ་སྩལ་པ། རིགས་ཀྱི་བུ་སེམས་ཅན་གང་ལ་ལ་ཞིག་ཐེག་པ་ཆེན་པོ་ལ་གནས་ནས། གོང་དུ་ཇི་སྐད་བསྟན་པའོ་གཟུངས་མངོན་པར་འགྲུབ་པར་འདོད་པས། གང་ཟག་རྣམ་པ་བརྒྱད་ཅུ་ཡོངས་སུ་སྤང་བར་བྱའོ།། རྣམ་པ་བརྒྱད་ཅུ་གང་ཞེ་ན། འདི་ལྟ་སྟེ། ཕ་བསད་བ་དང་། མ་བསད་པ་དང་། དགྲ་བཅོམ་པ་བསད་པ་དང་། གནོད་སེམས་ཀྱིས་དེ་བཞིན་གཤེགས་པའི་སྐུ་མཚལ་ཕྱུང་བ་དང་། དགེ་འདུན་འཐུན་པ་བཤིག་པ་དང་། རྐུན་བུར་རབ་ཏུ་བྱུང་བ་དང་། དབང་པོ་མ་ཚང་བ་དང་།། དབང་པོ་གཉིས་དང་ལྡན་པ་དང་། ལོག་པར་ལྟ་བ་དང་། ལོག་པར་སེམས་པ་དང་། ལོག་པར་སྨྲ་བ་དང་། ལོག་པའི་ལས་ཅན་དང་། ལོག་པར་འཚོ་བ་དང་། ལོག་པར་བརྩོན་པ་དང་། ལོག་པའི་དྲན་པ་ཅན་དང་། ལོག་པའི་ཏིང་ངེ་འཛིན་ལ་གནས་པ་དང་། གནས་མི་ཤེས་པ་དང་། དུས་མི་ཤེས་པ་དང་། ཚོད་མི་ཤེས་པ་དང་། ལམ་མི་ཤེས་པ་དང་། ཚད་མི་ཤེས་པ་དང་། རབདག་དང་གཞན་མི་ཤེས་པ་དང་། སངས་རྒྱས་དང་། ཆོས་དང་། དགེ་འདུན་དང་། བསླབ་པའི་གནས་རྣམས་ལ་གུས་པ་མེད་པ་དང་། བག་ཡོད་པ་དང་སྤྱོད་ཡུལ་ཁྱད་པར་དུ་འཕགས་པ་དག་ལ་བཙུན་པར་མི་འཛིན་པ་དང་། ཆོས་མི་ཤེས་པ་དང་། འདུལ་བ་མི་ཤེས་པ་དང་། བསླབ་པའི་གནས་མི་ཤེས་པ་དང་། ཁ་ན་མ་ཐོ་བ་ལྕི་བ་དང་ཡང་བ་མི་ཤེས་པ་དང་། ཚུལ་ཁྲིམས་ཉམས་པ་དང་རལ་བ་མི་ཤེས་པ་དང་། གཞན་ཡང་སྤྱོད་པ་ཤིན་ཏུ་ཕྲ་བ་དང་རགས་པ་མི་ཤེས་པ་དང་། ལས་མ་འོངས་པ་དང་ད་ལྟར་བྱུང་བ་མི་ཤེས་པ་དང་། དངོས་པོ་དམན་པ་རྣམས་མི་ཤེས་པ་དང་། ཉན་ཐོས་ཀྱི་ཐེག་པའི་བསྔགས་པ་བརྗོད་ཅིང་དེ་བཞིན་གཤེགས་པའི་ཆོས་ལ་སྐུར་བ་འདེབས་པ་དང་། རང་སངས་རྒྱས་ཀྱི་ཐེག་པ་བསྒྲུབ་པར་བསྐུལ་བདང་། བླ་ན་མེད་པའི་ལམ་ཡང་དག་པ་ལ་སྐྱོ་ཞིང་སྤོང་བར་བྱེད་པ་དང་། ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། སྤྱོད་ལམ་ཉམས་པ་དང་། ལམ་མ་ཡིན་པ་སྤྱོད་པ་དང་།། བདག་ཡོད་པར་སྨྲ་བ་དང་། སེམས་ཅན་ཡོད་པར་སྨྲ་བ་དང་། སྲོག་ཡོད་པར་སྨྲ་བ་དང་། གང་ཟག་ཡོད་པར་སྨྲ་བ་དང་། བསམ་པ་ཤིན་ཏུ་དམན་ཞིང་འདོད་ཆགས་དང་། ཞེ་སྡང་དང་། གཏི་མུག་སྐྱེད་པར་བྱེད་པ་དང་། ཆད་པར་ལྟ་བ་དང་། རྟག་པར་ལྟ་བ་དང་། སྟོང་ཞིང་རྒྱུ་མེད་པར་ལྟ་བ་དང་། ཡོད་པ་མི་མཐོང་བ་དང་། མེད་པ་མི་མཐོང་བ་དང་། ལས་མི་མཐོང་བ་དང་། བརྩོན་འགྲུས་མི་མཐོང་བ་དང་། ལས་མི་ཤེས་པ་དང་། ལས་ཀྱི་རྒྱུ་མི་ཤེས་པ་དང་། རྣམ་པར་སྨིན་པ་མི་ཤེས་པ་དང་། རྣམ་པར་སྨིན་པའི་རྒྱུ་མི་ཤེས་པ་དང་། དབང་པོ་རྣམས་མི་ཤེས་པ་དང་། དབང་པོ་རྣམས་ཀྱི་རྒྱུ་མི་ཤེས་པ་དང་། ཁམས་མི་ཤེས་པ་དང་། ཁམས་ཀྱི་རྒྱུ་མི་ཤེས་པ་དང་། རྣམ་པར་གྲོལ་བ་མི་ཤེས་པ་དང་། རྣམ་པར་གྲོལ་བའི་རྒྱུ་མི་ཤེས་པ་དང་། ལམ་མི་ཤེས་པ་དང་། ལམ་གྱི་རྒྱུ་མི་ཤེས་པ་དང་། ཉོན་མོང། པ་མི་ཤེས་པ་དང་། ཉོན་མོངས་པའི་རྒྱུ་མི་ཤེས་པ་དང་། གཏོང་བ་མི་ཤེས་པ་དང་། གཏོང་བའི་རྒྱུ་མི་ཤེས་པ་དང་། སྔོན་གྱི་མཐའ་དང་ཕྱི་མའི་མཐའ་མི་ཤེས་པ་དང་། སྔོན་གྱི་མཐའ་དང་ཕྱི་མའི་མཐའ་མི་རྒྱུ་མི་ཤེས་པ་དང་། སྐྱེ་ཤཱ་མི་ཤེས་པ་དང་། སྐྱེ་ཤིའི་རྒྱུ་མི་ཤེས་པ་དང་། ཟག་པ་དང་བཅས་པ་མི་ཤེས་པ་དང་། ཟག་པ་དང་བཅས་པའི་རྒྱུ་མི་ཤེས་པ་དང་། ཟད་པ་དང་ཟད་པ་མ་ཡིན་པ་མི་ཤེས་པ་དང་ཡོད་པ་དང་ཡོད་པ་མ་ཡིན་པ་མི་ཤེས་པ་དང་། མཐའ་དང་མཐའ་མ་ཡིན་པ་མི་ཤེས་པ་དང་། དབེན་པ་དང་དབེན་པ་མ་ཡིན་པ་མི་ཤེས་པ་དང་། འཇུག་པ་དང་འཇུག་པ་མ་ཡིན་པ་མི་ཤེས་པ་དང་། ངོ་བོཔོ་ཉིད་དང་ངོ་བོ་ཉིད་མ་ཡིན་པ་མི་ཤེས་པ་དང་། སྐྱེ་བ་དང་སྐྱེ་བ་མ་ཡིན་པ་མི་ཤེས་པ་དང་། འགོག་པ་དང་འགོག་པ་མ་ཡིན་པ་མི་ཤེས་པ་གང་ཡིན་པ་སྟེ། གཞོན་ནུ་རིགས་ཀྱི་བུ་འམ། རིགས་ཀྱི་བུ་གང་ལ་ལ་ཞིག་གོང་དུ་ཇི་སྐད་བསྟན་པའི་གཟུངས་མངོན་པར་བསྒྲུབ་པར་འདོད་པས་ཆོས་མ་ཡིན་པ་སྤྱོད་པའི་གང་ཟག་བརྒྱད་ཅུ་པོ་འདི་དག་ཡོངས་སུ་སྤང་བར་བྱའོ། ། དེ་ནས་བཅོམ་ལྡན་འདས་ཀྱིས་ཡང་ཚིགས་སུ་བཅད་དེ་བཀའ་སྩལ་པ། གང་ཞིག་མིག་གི་སྐྱེ་མཐའ་དང་།། ཟད་མཐའ་དག་ནི་མི་རྟོགས་པ།། དེ་ནི་ཀུན་འཛིན་ལ་རྨོངས་པས།། མཁས་པས་ཡོངས་སུ་སྤང་བར་བྱ།། གང་ཞིག་མིག་ལ་བདག་མེད་དང་།། སེམས་ཅན་མེད་པར་རྟོགས་གྱུར་པ།། དེ་ནི་ཀུན་འཛིན་ལ་གནས་པས།། མཁས་པས་ཡོངས་སུ་བསྟེན་པར་བྱ།། གང་ཞིག་མིག་ནི་སྐྱེ་ཟད་དང་།། ཡི་གེ་སྤངས། པར་རྟོགས་གྱུར་པ།། དེ་ནི་ཀུན་འཛིན་ལ་གནས་པས།། མཁས་པས་ཡོངས་སུ་བསྟེན་པར་བྱ།། གང་ཞིག་མིག་ནི་དབེན་པ་དང་།། གནས་པ་མེད་པར་རྟོགས་གྱུར་པ།། དེ་ནི་ཀུན་འཛིན་ལ་གནས་པས། ། མཁས་པས་ཡོངས་སུ་བསྟེན་པར་བྱ།། གང་ཞིག་མིག་གི་རང་བཞིན་ཉིད།། གནས་པ་མེད་པར་རྟོགས་གྱུར་པ།། དེ་ནི་ཀུན་འཛིན་ལ་གནས་པས།། མཁས་པས་ཡོངས་སུ་བསྟེན་པར་བྱ། ། གང་ཞིག་མིག་ལ་འཇུག་མེད་དང་།། གཟུགས་ལ་ཚན་ཉིད་མེད་རྟོགས་པ།། དེ་ནི་ཀུན་འཛིན་ལ་གནས་པས།། མཁས་པས་ཡོངས་སུ་བསྟེན་པར་བྱ།། གང་ཞིག་མིག་ལ་སྐྱེ་མེད་དང་རང་བཞིན་ཞི་བར་རྟོགས་གྱུར་པ། ། དེ་ནི་ཀུན་འཛིན་ལ་གནས་པས།། མཁས་པས་ཡོངས་སུ་བསྟེན་པར་བྱ།། གང་ཞིག་མིག་གི་རང་བཞིན་གྱིས།། མིག་གི་མཚན་ཉིད་སྤངས་པས་ན།། སངས་རྒྱས་རྣམས་ཀྱི་བསྔགས་པ་དང་།། བསྟན་དུ་མེད་པར་རྟོགས་གྱུར་པ།། དེ་ནི་ཀུན་འཛིན་ལ་གནས་པས།། མཁས་པས་ཡོངས་སུ་བསྟེན་པར་བྱ།། གང་ཞིག་མིག་གི་རང་བཞིན་གྱིས།། མིག་གི་མཚན། ཉིད་སྤངས་པས་ན།། སུ་ཡང་སེམས་ཤིང་འཛིན་པ་དང་།། བཤད་དུ་མེད་པར་རྟོགས་གྱུར་པ།། དེ་ནི་ཀུན་འཛིན་ལ་གནས་པས།། མཁས་པས་ཡོངས་སུ་བསྟེན་པར་བྱ།། དེ་བཞིན་གཟུངས་ཀྱི་ངོ་བོ་ཉིད།། ཡི་གེ་བརྗོད། བྱ་མ་ཡིན་པས།། ཕྱོགས་ཀྱང་ཡོད་པ་མ་ཡིན་ལ།། སེམས་ཀྱིས་ཀྱང་ནི་ཕྱིན་མི་འགྱུར།། ཆོས་དེ་ལ་ནི་དགའ་བ་མེད།། ཞེ་སྡང་ལ་ཡང་གནས་པ་མིན།། རི་རྒྱལ་བཞིན་དུ་མི་གཡོ་བས།། རྗོད་པར་བྱེད་ཀྱང་དམིགས་སུ་མེད་ཀུན་འཛིན་ཡང་དག་ཡོད་མ་ཡིན། ། བདག་ཀྱང་ཡོད་པ་མ་ཡིན་ཏེ།། གལ་ཏེ་བདག་གི་རང་བཞིན་སྟོང་།། ཀུན་འཛིན་ཡང་ནི་ཡོད་མི་འགྱུར།། ཀུན་འཛིན་རང་བཞིན་སྟོང་ཡིན་ན།། བྱིས་པས་ཡོད་པར་རབ་ཏུ་བརྟགས། ། ཡང་དག་མ་ཡིན་བཏགས་པས་ན།། མ་ཐོས་པར་ཡང་མྱ་ངན་སྐྱེད།། གང་ཞིག་འདོད་དང་ཀུན་འཛིན་དག། སྟོང་པ་ཉིད་དུ་རྣམ་རྟོག་པ།། རྟོག་པ་གཉིས་པོ་དེ་དག་ཀྱང་།། མཐར་ནི་གང་ཡང་དམིགས་མི་འགྱུར།། གལ་ཏེ་སྟོང་ཉིད་སྟོང་རྟོགས་ན།། ཀུན་འཛིན་དག་ཀྱང་ཡོད་མི་འགྱུར།། བྱང་ཆུབ་ཡན་ལག་པར་དག་དང་།། ཏིང་འཛིན་དག་ཀྱང་སྟོན་པ་ཡིན།། གང་ཞིག་ཀུན་འཛིན་སྟོང་ཉིད་དང་།། ཏིང་འཛིན་དག་གི་བར་དག་ཀྱང་།། རབ་ཏུ་རྟོགས་པར་གྱུར་ན་ནི། ། མིག་ཀྱང་རབ་ཏུ་རྟོགས་པར་འགྱུར།། གང་ཞིག་མིག་ན་ཟད་པའི་མཐའ།། ཡང་དག་ཇི་བཞིན་རབ་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་ནི་སྐྱེ་བའི་མཐའ། ། ཡང་དག་ཇི་བཞིན་རབ་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི་མཐའ་ཡི་རྣམས།། ཡང་དག་ཇི་བཞིན་རབ་རྟོགས་ན།། ཀུན་འཛིན་ནི་གང་ཡིན་པ། ། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་ནི་རབ་དབེན་པ།། ཡང་དག་ཇི་བཞིན་རབ་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི་འཇུག་པ་དག། ཡང་དག་ཇི་བཞིན་རབ་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་ནི་ཡོད་མིན་པ།། ཡང་དག་ཇི་བཞིན་རབ་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད། ། གང་ཞིག་མིག་ནི་ཉེར་ཞི་བ།། ཡང་དག་ཇི་བཞིན་རབ་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་ནི་འགྱུར་བ་ཡི།། ཟད་མཐའ་@། ཡང་དག་བཞིན་རྟོགས་ན།། ཀུན་འཛིན་སྒོ་གང་ཡིན་པ།། མམ་ན་ཡོངས་སུ་རྫོགས་པར་བྱེད།། གང་ནིག་མིག་གི་འགྱུར་བ་ཡི།། སྐྱེ་མཐའ་ཡང་དག་བཞིན་རྟོགས་ན།། ཀུན་འཛིན་ན་གང་ཡིན་པ། ། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི་འགྱུར་བ་ཡི།། མཐའ་ནི་ཡང་དག་བཞིན་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི། འགྱུར་བ་ཡི།། རབ་དབེན་ཡང་དག་བཞིན་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི་འགྱུར་བ་ཡི།། འཇུག་པ་ཡང་དག་བཞིན་རྟོགས་ན།། ཀུན་འཛིན་སྒོ་ནི་གང་ཡིན་པ། ། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི་འགྱུར་བ་ཡི།། མེད་པ་ཡང་དག་བཞིན་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི་འགྱུར་བ་དག། སྐྱེ་མེད་ཡང་དག་བཞིན་རྟོགས་ན།། ཀུན་འཛིན་སྒོ་ནི་གང་ཡིན་པ།། མཐར་ནི་ཡོངས་སུ་རྫོགས་པར་བྱེད།། གང་ཞིག་མིག་གི་འགྱུར་བ་ཡི།། ཉེར་ཞི་ཡང་དག་བཞིན་རྟོགས་ན།། ཀུན་འཛིན་སྒོ་ནི་གང་ཡིན་པ། ། མཐར་ནི་ཡོངས་སུ་རྫོགས་པར་བྱེད།། རྣ་བ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི།། འཇིག་རྟེན་སྐྱེ་བའི་མིང་གི་བར།། ཐམས་ཅད་དེ་བཞིན་སྦྱར་བར་བྱ།། གང་ཞིག་མིག་གི་སྔོན་མཐའ་ལ། ། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་ཡང་མཐའ་ལ།། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ། ། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་སྐྱེ་མཐའ་ལ།། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་མཐའ་དག་ལ། ། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་ཉེར་ཞི་ལ།། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ། ། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་འཇུག་པ་ལ།། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་མེད་པ་ལ།། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་སྐྱེ་མེད་ལ།། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་ཉེར་ཞི་ལ།། འགྱུར་དང་ཐ་དད་མཚན་ཉིད་མེད།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། རྣ་བ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི། ། འཇིག་རྟེན་སྐྱེ་བའི་མིང་གི་བར།། ཐམས་ཅད་དེ་བཞིན་སྦྱར་བར་བྱ།། འདོད་སྡང་གཏི་མུག་ང་རྒྱལ་ཆེ།། ཕྲག་དོག་གཡོ་སྒྱུ་སེར་སྣ་དང་།། ཉེས་དམིགས་དྲི་མ་ཟུག་རྔུ་དང་།། ཆུ་བོ་དཀར་ནག་ལས་རྣམས་དང་།། སྐྱེ་བ་མེད་དང་འགག་མེད་དང་།། འགྲོ་བ་མེད་དང་འོང་མེད་དང་།། མི་གཡོ་ཐ་དད་མི་འགྱུར་དང་།། བྱས་མིན་སྤྱོད་པ་མ་ཡིན་དང་།། སྣང་མིན་མུན་པ་མ་ཡིན་དང་།། འཇུག་མིན་ཆུ་བོ་སྤངས་པ་དང་། ། ཟག་པ་མེད་དང་གནས་མེད་དང་།། འགྲོ་མིན་མི་འགྲོ་མ་ཡིན་དང་།། ཡི་གེ་མ་ཡིན་དམིགས་མིན་དང་།། བྱུང་བ་མ་ཡིན་འཇུག་མིན་དང་།། ཡང་དག་མ་ཡིན་རྣམ་རྟོག་སོགས། ། སྒོ་ནི་དྲུག་ཅུ་རྩ་གཉིས་རྣམས།། སོ་སོའི་དོན་དང་ཅི་རིགས་པར།། ཐམས་ཅད་དེ་བཞིན་སྦྱར་བར་བྱ།། གང་ཞིག་མིག་གི་སྔོན་མཐའ་ཡི།། རབ་དང་མཐའ་མའི་བར་ཤེས་ཤིང་། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་ཟད་མཐའ་ཡི།། རབ་དང་མཐའ་མའི་བར་ཤེས་ཤིང་།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན། ། གང་ཞིག་མིག་གི་སྐྱེ་མཐའ་ཡི།། རབ་དང་མཐའ་མའི་བར་ཤེས་ཤིང་།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་མཐའ་དག་གི། རབ་དང་མཐའ་མའི་བར་ཤྲེ་ཤིང་། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་ནི་རབ་དབེན་པའི།། རབ་དང་མཐའ་མའི་བར་ཤེས་ཤིང་།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་གི་འཇུག་པ་ཡི། ། རབ་དང་མཐའ་མའི་བར་ཤེས་ཤིང་།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་ནི་མེད་པ་ཡི།། རབ་དང་མཐའ་མའི་བར་ཤེས་ཤིང་།། ལེན་དང་རྣམ་རྟོག་མེད་གྱུར་པ། ། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་ནི་མི་སྐྱེ་ཡི།། རབ་དང་མཐའ་མའི་བར་ཤེས་ཤིང་།། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། གང་ཞིག་མིག་ནི་ཉེར་ཞི་བའི།། རབ་དང་མཐའ་མའི་བར་ཤེས་ཤིང་། ། ལེན་དང་རྣམ་རྟོག་མེད་གྱུར་པ།། ཀུན་འཛིན་སྒོ་ལ་གནས་པ་ཡིན།། རྣ་བ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི།། འཇིག་རྟེན་སྐྱེ་བའི་མིང་གི་བར།། ཐམས་ཅད་དེ་བཞིན་སྦྱར་བར་བྱ། ། ས་ལ་གྱུར་པ་མེད་པ་ཡིན།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། ས་ནི་མོ་སྐྱེ་འདུ་ཤེས་ཤིང་།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ། ། ཀུན་འཛིན་སྒོ་ནི་རྫོགས་པར་བྱེད།། ས་ནི་འགག་མེད་འདུ་ཤེས་ཤིང་།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོག་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། ས་ལ་འཇུག་པར་འདུ་ཤེས་ཤིང་། ། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། ས་ལ་ངེས་འབྱུང་འདུ་ཤེས་ཤིང་།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོག་གྱུར་པ། ། ཀུན་འཛིན་སྒོ་ནི་རྫོགས་པར་བྱེད།། ས་ལ་སྨོན་མེད་འདུ་ཤེས་ཤིང་།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། ས་ལ་གནས་མེད་འདུ་ཤེས་ཤིང་། ། འགྲོ་བ་མེད་དང་འོང་མེད་དང་།། མཐའ་མེད་དང་ནི་ཟད་མེད་དང་།། མཚུངས་པར་ལྡན་དང་མཚུངས་མིན་ལྡན།། མིང་དང་ཡི་གེའི་བརྟགས་བྲལ་དང་།། སོ་སོར་བརྟགས་དང་འཇུག་པ་དང་། གཉེན་པོ་མི་མཐུན་ཕྱོགས་མེད་དང་།། བརྗོད་དུ་མེད་ཅིང་བསྟན་མེད་དང་།། རབ་དབེན་གནས་པ་མེད་པ་དང་།། དྲན་པ་ཉེར་གཞག་ཡང་དག་སྤོང་།། རྫུ་འཕྲུལ་རྐང་དང་དབང་པོ་སྟོབས།། བྱང་ཆུབ་ཡན་ལག་མི་འཇིགས་ལམ། ། དེ་ལྟར་ས་ཡི་ཆོས་རྣམས་ལ།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། གལ་ཏེ་བདག་ལ་འཇུག་མེད་པས།། ། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། གལ་ཏེ་བདག་ལ་འབྱུང་མེད་པས།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད། ། གལ་ཏེ་བདག་ལ་མཚན་མེད་པས།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། གལ་ཏེ་བདག་ལ་སྨོན་མེད་པས།། ལེན་དང་རྣམ་རྟོག་མེད་པར་ནི། ། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། གལ་ཏེ་བདག་ལ་གནས་མེད་པས།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད། ། གལ་ཏེ་བདག་ལ་སྐྱེ་མེད་པས།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། གལ་ཏེ་བདག་ལ་འགག་མེད་པས།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ། ། ཀུན་འཛིན་སྒོ་ནི་རྫོགས་པར་བྱེད།། གལ་ཏེ་བདག་ལ་ཡིག་མེད་པས།། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། གལ་ཏེ་བདག་ནི་ཡིག་བྲལ་བས། ། ལེན་དང་རྣམ་རྟོག་མེད་པར་ནི།། དེ་ལྟར་གང་ཞིག་རྟོགས་གྱུར་པ།། ཀུན་འཛིན་སྒོ་ནི་རྫོགས་པར་བྱེད།། མིག་གི་སྔོན་དང་ཕྱི་མཐའ་དག། རྟག་ཆད་དག་ནི་སྤངས་པ་དང་།། རྒྱུ་རྐྱེན་རང་བཞིན་སྟོན་པར་ནི། ། འདྲེན་པས་ཐབས་ཀྱིས་བསྟན་རིག་བྱོས།། གལ་ཏེ་ཆོས་ནི་སྟོན་པའི་ཚེ།། མིག་གི་མཚན་ཉིད་རྟོག་བྱེད་ན།། དེ་ནི་མི་བདེན་རྟོགས་ཡིན་པས།། ཡང་དག་ཆོས་བསྟན་ཞེས་མི་བྱ།། གལ་ཏེ་ཆོས་ནི་སེམས་པའི་ཚེ། མིག་གི་མཚན་ཉིད་རྟོག་བྱེད་ན།། དེ་ནི་མི་བདེན་རྟོག་ཡིན་པས།། ཆོས་སེམས་པ་ཞེས་མི་བྱའོ།། གལ་ཏེ་ཆོས་ནི་སྒོམ་པའི་ཚེ།། མིག་གི་མཚན་ཉིད་རྟོག་བྱེད་ན།། དེ་ནི་མི་བདེན་རྟོག་ཡིན་པས།། ཆོས་སྒོམ་པ་ཞེས་མི་བྱའོ། ། གང་ཞིག་མིག་གི་སྟོང་ཉིད་རྟོགས།། བྱང་ཆུབ་གཞོལ་བར་མི་བྱེད་ན།། སངས་རྒྱས་གང་ཟག་དེ་དག་ལ།། རྟག་ཏུ་མངོན་སུམ་ཆོས་སྟོན་མཛད།། གལ་ཏེ་མིག་ནི་མ་རྟོགས་ན།། གཟུགས་ཀྱང་རྟོགས། པར་མི་འགྱུར་ལ།། གལ་ཏེ་མིག་ནི་རྟོགས་གྱུར་ན།། གཟུགས་ཀྱང་རབ་ཏུ་རྟོགས་པར་འགྱུར།། གལ་ཏེ་མིག་ནི་རྟོགས་གྱུར་ན།། གཟུགས་ཀྱང་རབ་ཏུ་རྟོགས་གྱུར་ལ།། གལ་ཏེ་གཟུགས་ནི་རྟོགས་གྱུར་ན།། མིག་ཀྱང་རབ་ཏུ་རྟོགས་པར་གྱུར། ། རྣ་བ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི།། འཇིག་རྟེན་སྐྱེ་བའི་མིང་གི་བར།། ཐམས་ཅད་དེ་བཞིན་སྦྱར་བར་བྱ།། གལ་ཏེ་ཆོས་ནི་སྟོན་པའི་ཚེ།། རྒྱུ་ཡི་མཚན་ཉིད་རྟོག་བྱེད་ན། ། དེ་ནི་མི་བདེན་རྟོག་ཡིན་པས།། ཆོས་སྟོན་པ་ཞེས་མི་བྱའོ།། གལ་ཏེ་ཆོས་ནི་སྟོན་པའི་ཚེ།། རབ་དབེན་མཚན་ཉིད་རྟོག་བྱེད་ན།། དེ་ནི་མི་བདེན་རྟོག་ཡིན་པས།། ཆོས་སྟོན་པ་ཞེས་མི་བྱའོ།། གལ་ཏེ་ཆོས་ནི་སྟོན་པའི་ཚེ། ། ལམ་གྱི་མཚན་ཉིད་རྟོག་བྱེད་ན།། དེ་ནི་མི་བདེན་རྟོག་ཡིན་པས།། ཆོས་སྟོན་པ་ཞེས་མི་བྱའོ།། གལ་ཏེ་ཆོས་ནི་སྟོན་པའི་ཚེ།། སྟོང་པའི་མཚན་ཉིད་རྟོག་བྱེད་ན།། དེ་ནི་མི་བདེན་རྟོག་ཡིན་པས།། ཆོས་སྟོན་པ་ཞེས་མི་བྱའོ།། གལ་ཏེ་ཆོས་ནི་སྟོན་པའི་ཚེ།། བསགས་པ་དག་ཏུ་རྟོག་བྱེད་ན།། དེ་ནི་མི་བདེན་རྟོག་ཡིན་པས།། ཆོས་སྟོན་པ་ཞེས་མི་བྱའོ།། གལ། ཏེ་ཆོས་ནི་སྟོན་པའི་ཚེ།། རྫས་ཀྱི་དངོས་པོར་རྟོགས་བྱེད་ན།། དེ་ནི་མི་བདེན་རྟོག་ཡིན་པས།། ཆོས་སྟོན་པ་ཞེས་མི་བྱའོ།། གལ་ཏེ་ཆོས་ནི་སྟོན་པའི་ཚེ།། མིག་གི་འཛིན་པར་རྟོག་བྱེད་ན།། དེ་ནི་མི་བདེན་རྟོག་ཡིན་པས། ། ཆོས་སྟོན་པ་ཞེས་མི་བྱའོ།། མིག་ནི་ཤེས་པར་མ་གྱུར་ན།། འདོད་ཆགས་དག་ནི་སྐྱེ་བར་འགྱུར།། གལ་ཏེ་མིག་ནི་ཤེས་གྱུར་ན།། འདོད་ཆགས་དག་ནི་སྐྱེ་མི་འགྱུར།། རྣབ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བཞི།། འཇིག་རྟེན་སྐྱེ་བའི་མིང་གི་བར།། ཐམས་ཅད་དེ་བཞིན་སྦྱར་བར་བྱ།། གལ་ཏེ་ཆོས་ནི་བསྟན་པའི་ཚེ།། ཁམས་ནི་སྣ་ཚོགས་རྟོག་བྱེད་ན། ། དེ་ནི་མི་བདེན་རྟོགས་ཡིན་པས།། ཆོས་སྟོན་པ་ཞེས་མི་བྱའོ།། ཡི་དམ་དག་ནི་མི་ཉམས་ཤིང་།། ངོ་བོ་ཉིད་སྟོང་རྟོགས་པ་དང་།། ཏིང་འཛིན་སྒོ་རྣམས་ཐོབ་གྱུར་པ།། དེས་ནི་ཆོས་ལེགས་སྟོན་པར་འགྱུར། ། ཡི་དམ་དག་ནི་མི་ཉམས་ཤིང་།། མིག་ལ་རྟོགས་པ་སྤངས་པ་ནི།། རྣམ་རྟོག་མེད་པར་གྱུར་པའི་ཕྱིར།། དེས་ནི་ཆོས་ལེགས་སྟོན་པར་འགྱུར།། མིག་ཉིད་སྟོང་པར་མ་ཤེས་ན། ། མིག་གི་རང་བཞིན་དག་ལ་རྨོངས།། འདི་ལྟར་ཁོང་དུ་མ་ཆུད་ཕྱིར།། དེས་ནི་ཆོས་རྣམས་བསྟན་མི་བྱ།། གལ་ཏེ་མིག་ཉིད་སྟོང་ཤེས་ན།། མིག་གི་རང་བཞིན་ཤེས་པར་འགྱུར། ། འདི་ལྟར་རབ་ཏུ་ཤེས་པའི་ཕྱིར།། དེས་ནི་ཆོས་རབ་བསྟན་པར་བྱ།། མིག་ཉིད་སྟོང་པར་མ་ཤེས་ན།། ཚིག་གི་རང་བཞིན་དག་ལ་རྨོངས།། འདི་ལྟར་ཁོང་དུ་མ་ཆུད་ཕྱིར། དདེས་ནི་ཆོས་རྣམས་བསྟན་མི་བྱ།། གལ་ཏེ་མིག་ཉིད་སྟོང་ཤེས་ན།། ཚིག་གི་རང་བཞིན་ཤེས་པར་འགྱུར།། འདི་ལྟར་རབ་ཏུ་ཤེས་པའི་ཕྱིར།། དེས་ནི་ཆོས་རབ་བསྟན་པར་བྱ།། མིག་ཉིད་སྟོང་པར་མ་ཤེས་ན།། ཡི་གེའི་རང་བཞིན་དག་ལ་རྨོངས།། འདི་ལྟར་ཁོང་དུ་མ་ཆུད་ཕྱིར།། དེས་ནི་ཆོས་རྣམས་བསྟན་མི་བྱ།། གལ་ཏེ་མིག་ཉིད་སྟོང་ཤེས་ན།། ཡི་གེའི་རང་བཞིན་ཤེས་པར་འགྱུར། ། འདི་ལྟར་རབ་ཏུ་ཤེས་པའི་ཕྱིར།། དེས་ནི་ཆོས་རབ་བསྟན་པར་བྱ།། མིག་ཉིད་སྟོང་པར་མ་ཤེས་ན།། མིག་གི་རང་བཞིན་དག་ལ་རྨོངས།། འདི་ལྟར་ཁོང་དུ་མ་ཆུད་ཕྱིར། ། དེས་ནི་ཆོས་རྣམས་བསྟན་མི་བྱ།། གལ་ཏེ་མིག་ཉིད་སྟོང་ཤེས་ན།། མིག་གི་རང་བཞིན་ཤེས་པར་འགྱུར།། འདི་ལྟར་རབ་ཏུ་ཤེས་པའི་ཕྱིར།། དེས་ནི་ཆོས་རབ་བསྟན་པར་བྱ། མིག་ཉིད་སྟོང་པར་མ་ཤེས་ན།། གཟུགས་ཀྱི་རང་བཞིན་དག་ལ་རྨོངས།། འདི་ལྟར་ཁོང་དུ་མ་ཆུད་ཕྱིར།། དེས་ནི་ཆོས་རྣམས་བསྟན་མི་བྱ།། གལ་ཏེ་མིག་ཉིད་སྟོང་ཤེས་ན།། གཟུགས་ཀྱི་རང་བཞིན་ཤེས་པར་འགྱུར། ། འདི་ལྟར་རབ་ཏུ་ཤེས་པའི་ཕྱིར།། དེས་ནི་ཆོས་རབ་བསྟན་པར་བྱ།། མིག་ཉིད་སྟོང་པར་མ་ཤེས་ན།། འཇིག་རྟེན་མཚན་གནས་རྟོག་བྱེད་པས།། རྗེས་སུ་འཐུན་པ་འོ། @##ནར་ནི།། སེམས་ཅན་རྣམས་ནི་གདུལ་མི་ནུས།། མིག་གི་ཡོད་མེད་མ་རྟོགས་པར།། འཁོར་གྱི་ནང་དུ་ཆོས་སྟོན་པ།། དེ་ནི་རྙེད་ལ་གདུབས་ན།། ཐམས་ཅད་ཡིད་ཆེས་ལེན་མི་བྱེད། ། མིག་གི་ཡོད་མེད་རྟོགས་གྱུར་ན།། འཁོར་གྱི་ནང་དུ་ཆོས་སྟོན་པས།། དེས་ནི་མངོན་ཞེན་མེད་པས་ན།། ཐམས་ཅད་ཡིད་ཆེས་ལེན་པར་བྱེད།། མིག་ནི་སྟོང་པར་མ་རྟོགས་པར།། ཆོས་ཀྱི་སྟན་ལ་འདུག་ནས་ནི། ། དཔེ་མང་དག་གིས་རབ་བསྟན་ཀྱང་།། ཐམས་ཅད་ཡིད་ཆེས་ལེན་མི་བྱེད།། གལ་ཏེ་མིག་ཉིད་སྟོང་ཤེས་ན།། ཆོས་ཀྱི་སྟན་ལ་འདུག་ནས་ནི།། དཔེ་རྣམས་ཀྱིས་ནི་སྟོན་བྱེད་ན།། ཐམས་ཅད་ཡིད་ཆེས་ལེན་པར་བྱེད། ། རྣ་བ་སྣ་ལྕེ་ལུས་དང་ཡིད།། ཡུལ་དྲུག་དང་ནི་འབྱུང་ཆེན་བའོ།། འཇིག་རྟེན་སྐྱེ་བའི་མིང་གི་བར།། ཐམས་ཅད་དེ་བཞིན་སྦྱར་བར་བྱ།། བཅོམ་ལྡན་འདས་ཀྱིས། དེ་སྐད་ཅེས་བཀའ་སྩལ་ནས། ཟླ་འོད་གཞོན་ནུར་གྱུར་པ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་འཁོར་འདུས་པ་ཆེན་པོ་ཐམས་ཅད་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། ། འཕགས་པ་དཀོན་མཆོག་བརྩེགས་པ་ཆེན་པོ་ཆོས་ཀྱི་རྣམ་གྲངས་ལེའུ་སྟོང་ཕྲག་བརྒྱ་པ་ལས། འོད་ཟེར་རབ་ཏུ་བཀྱེ་བའི་ལེའུ་སྟེ་འདུས་བ་བཅུ་གཅིག་པ་རྫོགས་སོ།
CLOSE WINDOW