Wylie

e-texts based on the ACIP/ALL Input

། །།རྒྱ་གར་སྐད་དུ། ཥ་ཌཾ་ག་སཱ་ར་ཎཾ། བོད་སྐད་དུ། སྐྱབས་འགྲོ་ཡན་ལག་དྲུག་པ། །དཀོན་མཆོག་གསུམ་ལ་ཕྱག་འཚལ་ལོ། །སྐྱབས་འགྲོ་ཡན་ལག་དྲུག་པ་བཤད། །ཅིས་འགྲོ་དགོས་དང་ཡུལ་དུས་དང། །ཕན ཡོན་བསླབ་བྱ་བླང་བ་རྣམས། །རྩ་བ་སྡོམ་དུ་བཤད་པ་ཡིན། །འཇིག་དང་ཡོན་ཏན་དྲན་པས་འགྲོ་།གནས་གསུམ་བརྟན་པའི་ཡུལ་དེ་ལ། །འདི་ནས་བྱང་ཆུབ་ཐོབ་པར་རོ། །མུ་སྟེགས་སྤྱོད་ལས་ལོག་པ་ཡིན། །གསུམ་དུ་མི་སྐྱེ་རྟེན་དུ འགྱུར། །བར་ཆད་མེད་པས་ནད་ཉུང་རིང། །འབྱང་ཞིང་སོག་པའི་ཕན་ཡོན་ནོ། །སྐྱབས་གསུམ་དང་པོའི་བསླབ་བྱ་ནི། །གནོད་སྦྱིན་མི་བསྟེན་ཕྱག་མི་བཙེལ། །གཉིས་པ་སེམས་ཅན་ཐམས་ཅད་ལ། །འཚེ་བ་སྤང་ཞིང་བརྩེ་བར་བྱ།། གསུམ་པ་བདག་དང་གཞན་གྱི་ཡུལ། །སྡིག་པ་ཅན་དང་འགྲོགས་པ་མིན། །སྐུ་གཟུགས་ཚིགས་སུ་བཅད་པ་དང། །ལྷན་བ་སེར་པོ་བཏབ་པ་ལ། །དད་མོས་སྒོ་ནས་སྟོན་པར་བརྟག་།ཞལ་ནས་གསུངས་པ་མཛའ་དག་ལ། །སྐུར་པ མི་གདབ་སྤྱི་བོར་བླང། །གང་ཟག་དག་དང་མ་དག་ལ། །དམ་པར་བལྟ་བར་བྱ་བ་ཡིན། །ལུས་སྲོག་ཕྱིར་ཡང་གསུམ་མི་སྤང། །དུས་འདིར་རྐྱེན་རྣམས་ཅི་བྱུང་ཡང། །མགོན་སྐྱབས་གཞན་དུ་བཙལ་བ་མིན། །ཆེ་བའི་ཡོན་ཏན ཟས་དག་གིས། །རྟག་ཏུ་དྲན་ཅིང་མཆོད་པ་ཡིན། །རྒྱུན་གྱི་སྐྱབས་འགྲོ་བརྗོད་བྱ་བ། །དུས་དྲུག་རྒྱུན་གྱི་བསྐུལ་མ་ཡིན། །བླང་བ་དང་པོར་ཤེས་བྱ་བ། །འཇིགས་པ་བྱུང་ཚེ་སྐུལ་མ་ཡིན། །རྒྱུད་ལ་ཤེས་བྱ་མང་མཆིས ཀྱང། །རྒྱལ་བློ་ན་ཡིད་ཆེས་མ་གྱུར་པས། །སྐྱབས་འགྲོའི་ཆོ་ག་བདག་གིས་བཤད། །ལེགས་པར་བྲིས་ཤིག་ཀུ་མཱ་ར། །བསོད་ནམས་འགྲོ་བ་ཡོངས་ལ་བསྔོ། །སྐྱབས་འགྲོ་ཡན་ལག་དྲུག་པ་སློབ་དཔོན་བི་མ་ལས་མཛད་པ་རྫོགས་སོ།། །། རྒྱ་གར་སྐད་དུ།

CLOSE WINDOW