Wylie

e-texts based on the ACIP/ALL Input

སུ་ག་ཏ་མ་ཧོ་བི་བྷཾ་ག་ཀཱ་རི་ཀཱ། བོད་སྐད་དུ། བདེ་བར་གཤེགས་པའི་གཞུང་རྣམ་པར་འབྱེད་པའི་ཚིག་ལེའུར་བྱས་པ། འཇམ་དཔལ་གཞོན་ནུར་གྱུར་བ་ལ་ཕྱག་འཚལ་ལོ། །འདུས་མ་བྱས་གསུམ་རྟག་པ་སྟེ། །ནམ་མཁའ་དང་ནི་འགོག པ་གཉིས། །འདུས་བྱས་ཐམས་ཅད་སྐད་ཅིག་མ། །བདག་མེད་བྱེད་པ་པོ་ཡོད་མིན། །རྣམ་པར་ཤེས་པ་དབང་སྐྱེས་བློས། །མངོན་སུམ་དུ་ནི་ཕྲ་བསགས་རིག་།ཁ་ཕྱེ་བྱེ་བྲག་སྨྲ་བ་ཡི། །གཞུང་འདི་ཡིན་པར་མཁས་རྣམས་བཞེད། །རང་གི་རྣམ་པར ཤེས་པ་རིག་། དབང་པོའི་ཡུལ་དུ་སྣང་བ་ཡིན། །ནམ་མཁའ་མོ་བཤམ་བུ་དང་མཚུངས། །འགོག་པ་གཉིས་ཀྱང་ནམ་མཁའ་བཞིན། །སེམས་དང་མི་ལྡན་འདུ་བྱེད་མེད། །དུས་གསུམ་དུ་ནི་རྗེས་འཇུག་མེད། །ཐོགས་བཅས་གཟུགས་མིན་ཡོད་མ་ཡིན།། མདོ་སྡེ་བ་ཡིན་མཁས་ཞེས་བྱ། །ཆ་ཤས་ཞེས་བྱར་ཡོད་མིན་ཕྱིར། །ཕྲ་རབ་རྡུལ་ཡང་ཡོད་མ་ཡིན། །སྣང་བ་དམིགས་སུ་ཡོད་མིན་ཏེ། །རྨི་ལམ་ཉམས་སུ་མྱོང་བ་བཞིན། །གཟུང་དང་འཛིན་པ་ལས་གྲོལ་བའི། །ཤེས་པ་དམ་པའི་དོན་དུ ཡོད། །རྣལ་འབྱོར་སྤྱོད་གཞུང་རྒྱ་མཚོ་ཡི། །ཕ་རོལ་ཕྱིན་རྣམས་དེ་སྐད་སྨྲ། །རྣམ་ཤེས་དོན་དམ་ཡིན་པ་རུ། །དེ་ཡང་མཁས་རྣམས་མི་བཞེད་དེ། །གཅིག་དང་དུ་མའི་རང་བཞིན་བྲལ། །དངོས་མེད་ནམ་མཁའ་ཨི་པདྨ་བཞིན། །ཡོད་མིན་མེད་མིན་ཡོད་མེད མིན། །གཉིས་ཀྱི་བདག་ཉིད་དུ་ཡང་མེད། །མཛའ་བཞི་དག་ལས་དེས་གྲོལ་བ། །དབུ་མ་དེ་ཉིད་མཁས་པ་འདོད། །བདེ་བར་གཤེགས་པའི་གཞུང་རྣམ་པར་འབྱེད་པའི་ཚིག་ལེའུར་བྱས་པ། བྷཾ་ག་ལར་འཁྲུངས་པའི་མཁས་པ་ཆེན་པོ་ཇཻ་ཏཱ རིས་མཛད་པ་རྫོགས་སོ། ། །།པཎྜི་ཏ་ཤཱནྟི་བྷ་དྲཱ་དང། དགེ་སློང་ཤཱཀྱ་འོད་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།རྒྱ་གར་སྐད་དུ། སཔཏ་གུ་ཎ་བ་ར་ན་ནཱ་ཀཱ་ཐཱ། བོད་སྐད་དུ། ཡོན་ཏན་བདུན་བསྟན་པའི་གཏམ། །དཀོན མཆོག་གསུམ་ལ་ཕྱག་འཚལ་ལོ།

CLOSE WINDOW