Wylie

e-texts based on the ACIP/ALL Input

353བ པ་དང། དུས་མ་ཡིན་པ་དང། ཡན་ལག་མ་ཡིན་པ་དང། བགྲོད་པར་བྱ་བ་མ་ཡིན་པའོ། །དེ་ལ་ཡུལ་མ་ཡིན་པ་ཞེས་བྱ་བ་ནི། དམ་པའི་ཆོས་དང། སྐུ་གཟུགས་ལ་སོགས་པ་དང་བྱང་ཆུབ་སེམས་དཔའ་ཨི་གནས་དང། སློབ་དཔོན་དང། མཁན པོ་དང། སྦྱིན་གནས་དང། ཕ་མ་ལ་སོགས་པ་དང། བླ་མ་དང་ཉེ་བར་གྱུར་པའོ། །དུས་མ་ཡིན་པ་ཞེས་བྱ་བ་ནི་ཉིན་བར་དང། ཟླ་མཚན་དང་ལྡན་པ་དང། སྦྲུམ་མ་དང། བུ་ཆུང་འཚོ་པ་དང། མི་འདོད་པ་དང། སྡུག་བསྔལ་བ་དང། ཡིད་མི་བདེ་བས་ཉེ་བར་གདུངས་པ་དང། བརྙེན་གནས་ཡན་ལག་བརྒྱད་ལ་གནས་པའོ། །ཡན་ལག་མ་ཡིན་པ་ཞེས་བྱ་བ་ནི། ཁ་དང་བཤད་པའི་ལམ་དང་ཁྱེའུ་དང་བུ་མོའི་མདུན་དང་རྒྱབ་ཀྱི་བུག་པ་དང། རང་གི་ལག་པའོ། །འགྲོད པར་བྱ་བ་མ་ཡིན་པ་ནི། གཞན་གྱི་བུད་མེད་ཐམས་ཅད་དང། ཆོས་དང་རྒྱལ་མཆན་དང་རིགས་ཀྱིས་སྲུངས་བ་དང། རྒྱལ་པོས་བསྲུངས་པ་དང། གཞན་གྱིས་བླངས་པའི་སྨད་འཚོད་མ་དང། གཉེན་འབྲེལ་ཅན་དང། བྱོལ་སོང་ངོ། །དེ་ལྟར་རང གི་ཆུང་མ་ལ་བརྟེན་ནས་འདོད་པས་ལོག་པར་གཡེམ་པར་འགྱུར་རོ། །དེ་ལ་བརྫུན་དུ་སྨྲ་བ་ཞེས་བྱ་བ་ནི། དངོས་པོར་ཡང་མ་གྱུར་པ་དང། དངོས་པོའི་གནས་སྐབས་ལས་ཉམས་པར་གྱུར་པ་དང། ལོག་པར་འདུ་ཤེས་པར་གྱུར་པ་དང། ལོག པའི་ཐབས་ཀྱང་ཉེ་པར་གནས་པར་གྱུར་པ་དང། དེའི་ཐབས་ཀྱང་བྱེད་པ་དང་།རྫུན་གྱི་ཚིག་ཀྱང་སྨྲས་པ་སྟེ་།ཡན་ལག་ལྔ་པོ་འདི་དག་དང་ལྡན་ན་རྫུན་དུ་སྨྲ་བར་འགྱུར་རོ། །ཕྲ་མ་ཞེས་བྱ་བ་ནི་ཉོན་མོངས་པའི་སེམས་ཀྱིས་གཞན་འབྱེད་པཱི ཚིག་གོ། ཚིག་རྩུབ་པོ་ཞེས་བྱ་བ་ནི། ཕ་རོལ་གྱི་གནད་ལ་ཕོག་པའི་སྡང་ཚིག་གི་།ཚིག་འཁྱལ་པ་ཞེས་བྱ་བ་ནི་།འདོད་པ་དང་ཉེ་བར་ལྡན་པས་སམ། ཆགས་པ་དང་ཉེ་བར་ལྡན་པས་སྨྲ་བར་བྱ་བ་མ་ཡིན་པ་སྨྲ་བའོ། །བརྣབ་སེམས་ཞེས བྱ་བ་ནི། ཕ་རོལ་ཀྱི་རྫས་དང་དབང་ཕྱག་དང་ལོང་སྤྱོད་རྣམས་ལ་ཆགས་པའི་སེམས་མི་བཟད་པའོ། །གནོད་སེམས་ཞེས་བྱ་བ་ནི། སེམས་ཅན་ལ་རྣམ་པར་སྡང་བ་དང། །སེམས་ཅན་འདི་དག་གསད་དོ། །བཅིང་ངོ། །བརྡེག་གོ། བཏག་གོ་ཞེས་སེམས་པའོ། །ལོག་པར་ལྟ་བ་ཞེས་བྱ་བ་ནི་མ་སྦྱིན་པ་མེད། སྦྱིན་སྲེག་མེད། འཇིག་རྟེན་འདི་མེད། འཇིག་རྟེན་ཕ་རོལ་མེད། དགེ་སྦྱོང་མེད། བྲམ་ཟེ་མེད། ལྷ་མེད། སངས་རྒྱས་བཅོམ་ལྡན་འདས་མེད་།དགྲ་བཅོམ་པ མེད། རང་སངས་རྒྱས་མེད། །ལེགས་པར་སྤྱད་པ་མེད། ཉེས་པར་སྤྱད་པ་མེད། ལེགས་པར་བྱས་པ་དང་ཉེས་པར་བྱས་པའི་ལས་རྣམས་ཀྱི་འབྲས་བུ་རྣམ་པར་སྨིན་པ་མེད་ཅེས་པའོ། །བཅོམ་ལྡན་འདས་ཀྱིས་བཀའ་སྩལ་བ། འཕགས་པ དམ་པའི་ཆོས་དྲན་པ་ཉེ་བར་གཞག་པ་ཞེས་བྱ་བ་དང། ཐེག་པ་ཆེན་པོའི་མདོ་ལས་འབྱུང་བ་མི་དགེ་བ་བཅུའི་ལས་ཀྱི་ལམ་འདི་ནི་དམྱལ་བ་ཆེན་པོའི་རྒྱུན་ཡིན་ཏེ། མི་དགེ་བ་བཅུའི་ལས་ཀྱི་ལམ་བསྟེན་པས་སེམས་ཅན་དམྱལ་བར ལྟུང་བར་འགྱུར་རོ། །མི་དགེ་བ་བཅུའི་ལས་ཀྱི་ལམ་བསྟན་པ། སློབ་དཔོན་ཆེན་པོ་དཔལ་མར་མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ་རྫོགས་སོ།། །།རྒྱ་གར་གྱི་མཁན་པོ་དེ་ཉིད་དང། ཞུ་ཆེན་གྱི་ལོ་ཙཱ་བ་དགེ་སློང ཚུལ་ཁྲིམས་རྒྱལ་བས་བསྒྱུར་ཅིང་ཞུས་ཏེ་གཏན་ལ་ཕབ་པ། ། །།ལས་རྣམ་པར་འབྱེད་པ་ཞེས་བྱ་བ་བཞུགས།། །།*། །རྒྱ་གར་སྐད་དུ་།ཀརྨ་བི་ཏ་ནཱ་མ། བོད་སྐད་དུ། ལས་རྣམ་པར་འབྱེད་པ་ཞེས་བྱ བ།

CLOSE WINDOW