Wylie

e-texts based on the ACIP/ALL Input

།ཉེ་སྙིང་པོ།། །།རྒྱ་གར་སྐད་དུ། སིདྷ་ནཱ་དཱ་སཱ་དན། བོད་སྐད་དུ། སེང་གེའི་སྒྲའི་སྒྲུབ་ཐབས། འཇིག་རྟེན་མགོན་པོ་ལ་ཕྱག་འཚལ་ལོ། །གང་ཞིག་སྔགས་ཤེས་པའི་སྔགས་པ་དེས། །བརྫུན་རྣམ་པ་ཐམས་ཅད་སྤང བར་བྱའོ། །དང་པོར་དུས་བཞིན་ཁ་དག་པར་བཀྲུས་ཏེ། ཤིན་ཏུ་གནས་དབེན་པར་བྲིས་སྐུ་ལ་སོགས་པའི་ཐད་དུ་དཀྱིལ་འཁོར་བྱས་ཏེ། མཆོད་པ་མང་པོ་ཕུལ་བ་བསྟན་བདེ་བ་ལ་ལ་འདུག་སྟེ། ཚད་མེད་པ་བཞི་བསྒོམ་མོ། །དེ་ནས་བདག་གི་སྙིང་གར་ཙམ་ལས་ཟླ བར་གྱུར་བའི་ཧྲི་ཡིག་དཀར་པོ་བསམས་པའི་འོད་ཀྱིས་ནམ་མཁའ་ལ་བླ་མ་དང་སངས་རྒྱས་དང་བྱང་ཆུབ་སེམས་དཔའ་གསལ་བར་སྣང་བར་བྱས་ལ། ཡང་དེའི་འོད་འཕྲོས་པ་ལས་བྱུང་བའི་མཆོད་པའི་སྤྲིན་གྱིས་མཆོད་ལ་ཕྱག་བྱས་ཏེ། སྡིག པ་བཤགས་ཤིང་རྗེས་སུ་ཡི་རང་ནས། དཀོན་མཆོག་གསུམ་ལ་སྐྱབས་སུ་གསོལ་ཏེ། རྒྱལ་བའི་ལམ་ལ་གནས་པས་བྱང་ཆུབ་ཏུ་སེམས་བསྐྱེད་དེ། འོད་སླར་འདུས་པ་ཐམས་ཅད་སྟོང་པ་ཉིད་དུ་བསྒོམས་ཏེ། ཨོཾ་སྭ་བྷ་བ་ཤུདྡྷ་སརྦ་དྷརྨ་སྭ་བྷ་བ་ཤུདྡྷ་ཧཾ། ཨོཾ་ཤཱུ་ནྱ ཏཱ་ཛྙཱ་ན་བཛྲ་སྭ་བྷ་བ་ཨཱཏྨ་ཀོཧཾ་ཞེས་བརྗོད་དོ། །དེ་ནས་མྱུར་དུ་པཾ་ལས་པདྨ་དམར་པོར་ཨ་ལས་གྱུར་བའི་སེང་གེའི་གདན་གྱི་སྟེང་དུ་ཙམ་ལས་བྱུང་བའི་ཟླ་བའི་དཀྱིལ་འཁོར་དུ་ཧྲི་ལས་སེང་གེའི་སྒྲ་ཞལ་གཅིག་ཕྱག་གཉིས་སྐུ་མདོག་དཀར་པོ་དབུ་སྐྲའི ཅོད་པན་ཅན། སྣང་བ་མཛའ་ཡས་ཀྱིས་དབུ་རྒྱན་ཅན་སྤྱན་གསུམ་པ། ཕྱེད་སྐྱིལ་དུ་རྒྱལ་པོ་ཆེན་པོ་ཆེན་པོའི་བཞུགས་སྟང་སུ་བཞུགས་པ། ཕྱག་གཡོན་གྱི་ཕྱག་མཐིལ་ས་ལ་སྦྱར་བའི་མཐེབ་མཛུབ་ཀྱིས་རལ་གྲིས་མཚན་པའི་པདྨ་བཟང་པོའི་ཡུ? བ་འཛིན་པ། དེའི་ངོས་སུ་གཞན་ཡང་བྷན་དྷ་དཀར་པོ་ཛྲི་ཞིམ་པའི་མེ་ཏོག་སྣ་ཚོགས་ཀྱིས་བཀད་བའི་པདྨའི་ཡུ་བ་ཅན་ཡོད་པ་དང། ཕྱག་གཡས་པ་པུས་མོ་ལ་བརྟེན་ཏེ་བརྐྱང་བ་ལ་རྟེན་པར་ཏི་ཤུལ་སྦྲུལ་དཀར་པོས་བཀྲིས་པ་ཡོད་ཅིང། བསམ་གཏན་མཛའ་ བའི་ཚུལ་ཅན་དབུའི་ཐད་ཀ་ནས་རིགས་ལྔའི་སངས་རྒྱས་འཕྲོ་བ་བསྒོམས་ལ། སྙིང་གའི་ཟླ་བའི་ཧྲི་བསམས་པ་ཛ་ཨོཾ་ཨཱགནས་དབེན་པར་བདེ་བའི་སྟན་ལ་སྔགས་པ་འདུག་སྟེ།

CLOSE WINDOW