Wylie

e-texts based on the ACIP/ALL Input

། །།རྒྱ་གར་སྐད་དུ། ཀལ་པོཀྟ་མཱ་རཱི་ཙཡཻ་སཱ་དྷ་ནཾ། བོད་སྐད་དུ། རྟོག་པ་ལས་གསུངས་པའི་འོད་ཟེར་ཅན་གྱི་སྒྲུབ་ཐབས། འཕགས་མ་འོད་ཟེར་ཅན་ལ ཕྱག་འཚལ་ལོ། །རྣམ་པར་སྣང་མཛད་རིགས་བྱུང་པའི། །འོད་ཟེར་ཅན་ལ་ཡང་དག་འདུས། །རྟོག་པ་ལས་གསུངས་ཆོ་ག་ཡིས། །དེ་ཡི་སྒྲུབ་ཐབས་རིམ་པ་བཤད། །དེ་ལ་རེ་ཤིག་དཔལ་འོད་ཟེར་ཅན་གྱི་དཀྱིལ་འཁོར དུ་དབང་བསྐུར་བའི་སྔགས་པས་རང་གི་དམ་ཚིག་དང་སྡོམ་པ་ཡོངས་སུ་བསྐྱང་ཞིང་དག་པའི་སེམས་ཀྱིས་སེམས་ཅན་ཐམས་ཅད་གདོན་པའི་བསམ་པས། ཨོཾ་ཕཊ་ཅེས་བརྗོད་པའི་ཁུ་ཚུར་གྱིས་སྙིང་ཀ་དང། མཛོད་སྤུ་དང། མགོ་བོ་རྣམས་སུ་? ནས་ཞལ་བསད་པ་ལ་སོགས་པ་བྱས་ནས་ལྷའི་ཁང་པར་རབ་ཏུ་ཞུགས་ཏེ། བྲིས་སྐུ་ལ་སོགས་པ་བཅོམ་ལྡན་འདས་མའི་སྐུ་བཀྲམ་ནས་འོད་ཟེར་ཅན་གྱི་སྔགས་ཡོངས་སུ་བཟླས་པའི་དྲིའི་ཆུས་བགེགས་བསྐྲད་ནས་དེ་བཞིན་དུ་ཉེར་སྤྱོད་ལྔ ལ་སོགས་པ་རབ་ཏུ་སྦྱར་ཏེ། དེ་ལ་བགེགས་སྐྲོད་པའི་སྔགས་ནི་འདིའོ། ཨོཾ་མཱ་རཱི་ཙཡཻ་སརྦ་བིགྷ་ནུད་སཱ་ར་ཡ་ཧཱུཾ་ཕཊ། དེ་ནས་རང་གི་སྙིང་གའི་དང་པོའི་ཡི་གེས་མཚན་པའི་ཟླ་བའི་དཀྱིལ་འཁོར་དང་ཉི་མའི་དཀྱིལ་འཁོར་ལ་ཨཾ་བསམས་ནས། དེའི སྟེང་དུ་དང་པོའི་བཅུ་གསུམ་བའི་ས་བོན་ལ་ཟླ་ཕྱེད་དང་ཐིག་ལེས་བརྒྱན་པ་ལ་ཚ་ཞིང་འོད་ཟེར་ཅན་གྱི་འོད་དང་ལྡན་པ། དེ་ལ་འོད་ཟེར་སྣ་ཚོགས་འཕྲོས་ཏེ་འོད་ཟེར་རྣམས་རྫོགས་པ་ལས་བཅོམ་ལྡན་འདས་མའི་སྐུ་དང་བླ་མ། དང་སངས་རྒྱས་དང་བྱང་ཆུབ་སེམས་དཔའ་རྣམས་ཀྱང་དམིགས་ནས་མཆོད་ཅིང་ཕྱག་འཚལ་ནས་སྔགས་འདིའོ། །ོཾ་མཱ་རཱི་ཙཡཻ་པུཥཔཾ་པྲ་ཏིཙྪ་སྭཱཧཱ། །ོཾ་མཱ་རཱི་ཙཡཻ་ཧཱུ་བཾ་པྲ་ཏིཙྪ་སྭཱཧཱ། ཨོཾ་མཱ་རཱི་ཙཡཻ་སྭ་ཧེ་ཏྱར་གྷཾ་བ་རི་ཛ་སྱ། ཨོཾ་མཱ་རིའི་ཙཡཻ རྒྷཾ་པྲ་ཏཱིཙྪ་སྭཱཧཱ། དངོས་པོ་མེད་ན་བསམ་གཏན་གྱིས་ཀྱང་ངོ། །དེ་ནས་དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང། །སངས་རྒྱས་བྱང་ཆུབ་ཡིད་ཀྱིས་བཟུང། ། སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་ནི་རབ་སྒྲུབ་ཕྱིར། །བྱང་ཆུབ་སེམས་ནི་བདག་གིས་བསྐྱོད། །བྱང་ཆུབ་མཆོག་ཏུ་སེམས་བསྐྱེད་ནས། །སེམས་ཅན་ཐམས་ཅད་མགྲོན་དུ་གཉེར། །བྱང་ཆུབ་སྤྱོད་མཆོག སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་ཤོག་།ཅེས་པ་ལན་གསུམ་བརྗོད་ནས་སྨོན་ལམ་སྔོན་དུ་འགྲོ་བས་བདག་མེད་པ་བསྒོམ་པར་བྱ་སྟེ། སྔགས་འདིས་ཨོཾ་ཤུ་ནྱ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ་ཧཾ་ཞེས་བརྗོད་ནས་སྨོན་ལམ་སྔོན་དུ་འགྲོ་བས་བདག མེད་པ་ས་བོན་སྒྱུ་མའི་དཔེ་རྣམས་བསམས་ཏེ། ཁམས་གསུམ་མ་ལུས་པ་ཡང་བལྟས་པ་དང་རག་པ་ཐམས་ཅད་ཀྱང་དཔེར་ན་སྒྱུ་མ་ལྟ་བུའོ། །དམིགས་པ་མེད་པས་དེ་བཞིན་དུ་འགྲོ་བ་གནས་པ་ཐམས་ཅད་ཀྱང་སོ་སོར་སྣང་བ་ཙམ་དུ་རྟོགས པས། དེ་ནས་ཐོག་མ་མེད་པའི་དུས་ཀྱི་རྣམ་པ་མ་ཡིན་པའི་རྣམ་པར་རྟོག་པའི་ས་བོན་སྤངས་ནས་རང་བཞིན་དག་པ་ཞེས་ལྷག་པར་གྲོལ་བར་བྱའོ། །ོཾ་སྭ་བྷཱ་བ་ཤུདྡྷད་ཨུ་གསུངས་པའི་ས་བོན་རྫོགས་པ་ལས་ཟླ་བའི་སྟེང་དུ་ཨོཾ་ཡིག་དེ་ཐམས་ཅད་ཡོངས་སུ་གྱུར་པ་ལས་དཔལ་ལྡན་མགོན་པོ་རྣམ་པར་སྣང་མཛད་པདྨའི་སྙིང་པོ་དང་སེང་གེའི་གདན་གྱི་སྟེང་ན་རྡོ་རྗེ་སྐྱིལ་ཀྲུང་གིས་བཞུགས་པ་གསེར་གྱི་མདོག ལྟ་བུ་བྱང་ཆུབ་མཆོག་གི་ཕྱག་རྒྱ་ཏིང་ངེ་འཛིན་ལ་སྙོམས་པར་ཞུགས་པ་རལ་པའི་ཅོད་པན་ཅན་ཞི་ཞིང་རྒྱན་ཐམས་ཅད་ཀྱིས་བརྒྱན་པ་བསམ་པར་བྱའོ། །དེ་ནས་རང་གི་སྙིང་ཁར་ཟླ་བའི་དཀྱིལ་འཁོར་གྱི་སྟེང་དུ་ཡི་གེ་ཉི་ཤུ་རྩ་ལྔ་མཆོག གི་སྙིང་པོ་དང་པོའི་གཉིས་དང་ཡང་དག་པར་ལྡན་པ་ཟླ་བ་ཕྱེད་པ་ཐིག་ལེས་བརྒྱན་པ་བསྒོམ་པར་བྱའོ། །དེ་ལས་སྐྱེས་པའི་མྱ་ངན་མེད་པའི་ཤིང། དེའི་སྟེང་དུ་ཟླ་བ་ལ་གནས་པའི་མཱཾ་ཡིག་བསམས་ནས། དེ་ཐམས་ཅད་ཡོངས་སུ་གྱུར་བ་ལས བདག་ཉིད་འོད་ཟེར་ཅན་གྱི་སྐུར་བསྒོམ་པར་བྱའོ། །བདག་ཉིད་བཅོམ་ལྡན་འདས་མ་འོད་ཟེར་ཅན་ཞེས་སྐུ་མདོག་ཤིན་ཏུ་སེར་བ་འཛམྦུ་ནཱ་དའི་འོད་ལྟ་བུར་འབར་བ་མཆོད་རྟེན་གྱི་ནང་ན་གནས་པ། ན་བཟའ་དམར་པོ མནབས་པ། ཕུ་ཐུང་དམར་པོའི་སྟོད་གཡོགས་ཅན་ཕྲེང་བ་སྣ་ཚོགས་པ་དང་རྒྱན་ཐམས་ཅད་ཀྱིས་བརྒྱན་པ། རྣ་བརྒྱན་གྱི་ཚོགས་དང། རྐེད་པ་ལ་དྲིལ་བུ་གཡེང་གའི་དྲ་བ་དང། རྐང་གདུབ་དང་ལྡན་པ། ཕྱག་བརྒྱད་པ། ཞལ གསུམ་པ། སྤྱན་གསུམ་པ། འབར་ཞིང་འོད་ཟེར་གྱི་འཕྲོ་བ། བན་དྷུ་ཛ་བའི་མེ་ཏོག་དང་མཚུངས་པ། རྣམ་པར་སྣང་མཛད་ཀྱིས་དབུ་བརྒྱན་པ། མྱ་ངན་མེད་པའི་ཕྲེང་བས་དབུ་བརྒྱན་པ། ཕྱག་གཡོན་པ་རྣམས་ཀྱིས་ཞགས པ་དང། སྐུད་པ་དང། མྱ་ངན་མེད་པའི་ཤིང་དང་གཞུ་བསྣམས་པ། གཡས་པ་རྣམས་ཀྱིས་རྡོ་རྗེ་རྒྱས་པ་དང། ཁབ་དང། ལྕགས་ཀྱུ་དང་མདའ་བསྣམས་པ། ཞབ་དང་པོ་ཞི་ཞིང་འཛུམ་པའི་ཞལ་ཤིན་ཏུ་སེར་བ་གསེར་གྱི་མདོག་ལྟ་བུ། སྤྱན རྒྱས་པ་སིན་དྷུ་རས་བརྒྱན་པ། སྒེག་པའི་ཉམས་ཀྱིས་བརྗིད་པའོ། །ཞལ་གཡོན་པ་ནི་ཕག་ཞལ་ཁྲོ་བ་དང་བཅས་ཤིང་མི་སྡུག་པ་གཙིགས་ཤིང་འཇིགས་པ་ཨཻནྡྲ་ནཱི་ལའི་འོད་ལྟ་བུ་ཉི་མ་བཅུ་གཉིས་ཀྱི་འོད་དང་མཚུངས་པ། ཤིན ཏུ་ཁྲོ་གཉེར་གཙིགས་ཤིང་འཇིགས་པར་བྱེད་པ། ཞལ་གཡས་པ་ཤིན་ཏུ་དམར་བ་མཛེས་ཤིང་འོད་ཟེར་འབར་བ། མྱ་ངན་མེད་པའི་ཤིང་གི་འོག་ན་གནས་པ། མེ་ཏོག་གི་ཕྲེང་བ་གཅལ་དུ་བཀྲམ་པ་དེའི་སྤྱི་བོར་རྣམ་པར་སྣང་མཛད ཀྱིས་མགོན་དུ་གྱུར་པ་མངོན་དུ་གསུངས་པའི་སྐུ་མདོག་དང་ཕྱག་རྒྱ་དང་ལྡན་པ། འོག་ཏུ་ཕག་བདུན་གྱི་ཤིང་རྟའི་སྟེང་དུ་གཡོན་བརྐྱང་གིས་བཞུགས་པ། ལང་ཚོ་གཞོན་ནུར་གནས་པ། ཤིང་རྟ་འདྲེན་པའི་ཕག་གི་འོག་ཏུ་ཡཾ ལས་བྱུང་བའི་རླུང་གི་དཀྱིལ་འཁོར་ལ་ཧཾ་ཡིག་ཡོངས་སུ་གྱུར་པ་ལས་སྒྲ་ཅན་ལག་པ་དག་གིས་ཟླ་བ་ཉི་མ་དག་འཛིན་པ། ཉིན་མོ་སྣང་བར་བྱེད་ཅིང་མཚན་མོ་ཟླ་བ་དང་མཚུངས་པ་ལྷ་མོ་བཞིས་ཡོངས་སུ་བསྐོར་བར་བསམ་པར་བྱའོ། ། ད་ཨེ་ལ་ཤར་དོ་ཨོཾ་མཱ་རཱི་ཙཡཻ་བཏ་ཏཱ་ལི་བ་དཱ་ལི་བཱ་ར་ལི་བ་ར་ཧ་མུ་ཁི་སིདྡྷི་མཱ་ཀརཥ་ཡ་ཛམྱ་ངན་མེད་པའི་ཤིང་བསྣམས་པ། གཡས་པ་རྡོ་རྗེའི་ལྕགས་ཀྱུ་དང། ཁབ་བསྣམས་པ། རྒྱན་ཐམས་ཅད་ཀྱིས་བརྒྱན་པའོ། །རྟོག་པ་ལས་གསུངས་པའི་ཆོ་གས་མངོན་པར་འདོད་པའི་དངོས་གྲུབ་འགུགས་བར་བྱེད་པས་བསམ པར་བྱའོ། །ོཾ་མཱ་རཱི་ཙཡཻ་བཏ་ཏཱ་ལི་བ་དཱ་ལི་བ་རཱ་ལི་བ་ར་ཧ་མུ་ཥི་སརྦ་དུཥྚ་པྲ་དུཥྚ་ནཱཾ་མུ་ཁ་བནདྷ་ཧཱུཾ་སྭཱཧཱ། ལྷ་མོ་བ་དྷ་ལི་སྔོན་དུ་གསུངས་པའི་གོས་དང་རྒྱན་དང་སྐུ་མདོག་ལྟ་བུ་ཕྱག་གཡོན་པ་ཞགས་པ་དང། རྡོ་རྗེ་བསྣམས་པ། གཡས་ན ཡལ་ག་དང་ཁབ་བསྣམས་པས། གདུགས་པ་ཅན་རྣམས་ཀྱི་ཁ་མིག་འཚེམ་པར་བྱེད་པ་ལྷོ་རུ་བསམ་པར་བྱའོ། །ོཾ་མཱ་རཱི་ཙཡཻ་བཏྟཱ་ལི་བ་དཱ་ལི་བ་ར་ལི་བ་ར་ཧ་མུ་ཁཾ་སརྦ་དུཥྚ་ནཾ་སྟཾ་བྷ་ཡ་བཾ་སྭཱཧཱ། ཞེས་པས་ལྷ་མོ་བཱ་ར་ལི་དེ བཞིན་དུ་གོས་དང་རྒྱན་དང་ཁ་དོག་དང། འོན་ཀྱང་ཕྱག་གཡས་ན་རྡོ་རྗེ་དང། ཁབ་བསྣམས་པ། གཡོན་ན་ཞགས་པ་དང། མྱ་ངན་མེད་པའི་ཤིང་བསྣམས་པ། གདུག་པ་ཅན་རྣམས་རེངས་པར་བྱེད་པ་ནུབ་ཏུ་དགོད་པར་བྱའོ།། ་ཨོཾ་མཱ་རཱི་ཙཡཻ་བ་ཏཱ་ལི་བ་དཱ་ལི་བ་རཱ་ལི་བ་ར་ཧ་མུ་ཁི་སརྦ་སྭཏྭཱ་ན་མེ་བ་ཤ་མ་ན་ཡ་ཧོཔ། གཡོན་ན་མྱ་ངན་མེད་པའི་ཤིང་དང། གཞུ་བསྣམས་པ་སེམས་ཅན་ཐམས་ཅད་རྗེས་སུ་ཆགས་པར་བྱེད་པ་ཅན་བྱང་ཕྱོགས་སུ་བལྟ་བར་བྱའོ། །དེ་ནས་ལྕགས་ཀྱུ་ལ་སོགས་པའི་ཕྱག་རྒྱ་རྣམས་དང། དེའི་སྔགས ཀྱིས་ཀྱང་དགུག་པ་ལ་སོགས་པ་བྱའོ། །ཡེ་ཤེས་སེམས་དཔའ་དགུག་པ་དང། རབ་ཏུ་གཞུག་པ་དང། བཅིང་བ་དང། དབང་དུ་བྱ་བས་བསྒྲུབ་པར་བྱའོ། །མཛུབ་མོ་ལྕགས་ཀྱུ་བཅིངས་ལ། མཐེ་ཆུང་ལྕགས་ཀྱུ་ཆེན་པོ། ཚིགས་མང་པོའི་རྩེ་མོ་དག་ལྕགས་སྒྲོགས་རྒྱབ་ཏུ་བཙིར་བ་ལ་སོགས་པས། ཨོཾ་བཛྲ་ཨཾ་ཀུ་ཤ་ཛདེ་ནས་ཨོཾ་བཛྲ་པཱ་ཤ་ཧཱུཾ་འདིས་གཞུག་པར་བྱའོ། །ོཾ་བཛྲ་སཕོ་ཊ་བཾ་འདིས་བཅིང་བར་བྱའོ། །ོཾ་བཛྲ་ཨཱ་བེ་ཤ་ཧོརྒྱ་ནི། ལག་པ་གཉིས་པོ་མཉམ་བྱས་ནས། །ཐལ་མོའི་རྣམ་པར་བསྲེས་བྱས་ཏེ། །མཐེབ་ཆེན་དང་ནི་མིང་མེད་ཀྱི། །རྩེ་མོ་གཉིས་པོ་བྱེ་བ་ཡིས། །གུང་མོའི་སོར་མོ་ཡང་དག་འཁྱུད། །འཁྱིལ་བའི་རྣམ་པར་བཅིངས་པ་དག། སྐྱིལ་ཀྲུང་སྟེང དུ་ཉེར་བཞག་ནས། །ལྟེ་བའི་ཕྱོགས་སུ་དགོད་པར་བྱ། །རབ་མཆོག་ཕྱག་རྒྱ་འདི་ཡིས་ནི། །ལས་རྣམས་ཀུན་ལ་ལེགས་པར་སྦྱོར། །དེ་ནས་དབང་བསྐུར་བ་བླང་བར་བྱ་སྟེ། །ཕྱག་རྒྱ་ཆེན་པོ་ནི་མཐེབ་ཆེན་སེམས་དཔའ་ཨི་སྐྱིལ་ཀྲུང་བཀུག་ནས མཛུབ་མོའི་རྩེ་མོ་བཟུང་སྟེ། འདིའི་གུང་མོ་ཨོཾ་ཡིག་ལྷག་མ་རྡོ་རྗེ་ཐལ་མོ་སྦྱར་བ་སྤྱི་བོར་བཀོད་ནས་ཨོཾ་བྷུརྒྱས་བཞུགས་པ། སྤྱི་བོར་ཨོཾ་བསམས་ནས་བསྒོམས་པས་ངལ་ན་སྔགས་བཟླས་པར་བྱའོ། །རང་གི་སྙིང་གར་ཟླ་བ་ལ་གནས་པའི་སྔགས་འབར་ཞིང་འབར་བ་དང་ལྡན་པའོ། །ོཾ་མཱ་རཱི་ཙཡཻ་མཾ་སྭཱཧཱ། ཞེས་བལྟས་པ་བཟླས་པ་བྱའོ། །ཇི་ལྟར་ནུས པའི་བསྒོམ་པ་སྔོན་དུ་འགྲོ་བས་ལྷ་མོ་ཐམས་ཅད་ཡང་དག་པར་རྒྱལ་བར་བལྟ་ཞིང་སྔགས་བཟླས་པར་བྱའོ། །ཕྱི་ནས་ཆད་ལྷག་བསྐང་བའི་ཆོ་ག་ཡི་གེ་བརྒྱ་པས་བསྐང་བར་བྱའོ། །ོཾ་བཛྲ་སཏྭ་ས་མ་ཡ་མ་ནུ་པཱ་ལ་ཡ། བཛྲ་སཏྭ་ཏེ་ནོ་པ་ཏིཥྛ་དྲི་ཌཧོ མེ་བྷ་བ་སུ་ཏོ་ཥྱོ་མེ་བྷ་བ་སུ་པོ་ཥྱོ་མེ་བྷ་བ། ཨ་ནུ་རཀྟོ་མེ་བྷ་བ། སརྦ་སིདྡྷི་མེ་པྲ་ཡཙྪ་སརྦ་ཀརྨ་སུ་ཙ་མེ་ཙིཏཾ་ཤྲི་ཡག་ཤེགས་སུ་གསོལ་ཞིང་དགེ་བ་ཡོངས་སུ་བསྔོ་ཞིང་མངོན་པར་འདོད་པའི་དངོས་གྲུབ་ཅེས་ཏེ་རང་གི་ཕྱག་རྒྱ་སྤྱི་བོར་དཀྲོལ་ནས་ཨོཾ་མཱ་རཱི་ཙཡཻ་མུཅད་དུ་རབ་ཏུ་བརྟག་པར་བྱའོ། །དེའི་ཕྱིར་རིམ་པ་འདིས་ལུས་ངག་ཡིད་གསུམ་བསྲུང་བར་བྱས་ནས། ཅི་བདེར་གནས་པར་བྱའོ། །འཕགས་མའི་སྒྲུབ་ཐབས་བྱས་པ་ཡིས། །དགེ་བ་གང་བསགས་གང་དེ་ཡིས། །ཡེ་ཤེས་དྲི་མེད་འོད་ཟེར་ཅན། སྐྱེ་བོས་གོ་འཕང་ཐོབ་པར་ཤོག། ཨོཾ་ཁ་ཁ་ཁཱ་ཧི་ཁཱ་ཧི་གྲིཧྞ་གྲིཧྞ་ཏུ་སརྦ་བྷུ་ཏི་ཀཱི་བ་ལིཾ་མ་མ་ཤནྟིཾ་ཀུ་རུ་བནདྷུ་སྭཱཧཱ་ཞེས་པའི་སྔགས་ཀྱིས་གཏོར་མ་དབུལ་ལོ། །རྟོག་པ་ལས་གསུངས་པའི་འོད་ཟེར་ཅན་གྱི་སྒྲུབ་ཐབས་རྫོགས་སོ།། །། པཎྜི་ཏ་སློབ་དཔོན་སྙིང་པོ་ཞབས་ཀྱིས་མཛད་པའོ། ། །།རྒྱ་གར་སྐད་དུ། མཱ་རཱི་ཙཡཻ་སཱ་དྷ་ནཾ། བོད་སྐད་དུ། འོད་ཟེར་ཅན་གྱི་སྒྲུབ་ཐབས། འཕགས་མ་འོད་ཟེར་ཅན་ལ་ཕྱག་འཚལ་ལོ། །དང་པོ་ཉི་མའི་དཀྱིལ་འཁོར་གྱི་སྟེང་དུ་དང་པོའི་བཅུ གསུམ་པའི་ས་བོན་ཟླ་ཕྱེད་དང་ཐིག་ལེས་ཉེ་བར་བརྒྱན་པ་དེ་ལས་སྐྱེས་པའི་འོད་ཟེར་ཅན་སྐུ་མདོག་དམར་མོ་འོད་ཅན་ཞལ་དྲུག་པ་དང་པོ་དམར་པོ།

CLOSE WINDOW