CLOSE WINDOW

N3005: རྟ་མགྲིན་གྱི་སྒྲུབ་པའི་ཐབས
Wyliee-texts based on the ACIP/ALL Input

། །།རྒྱ་གར་སྐད་དུ། ཧ་ཡ་གྲཱི་བ་སཱ་དྷ་ནཾ། བོད་སྐད་དུ། རྟ་མགྲིན་གྱི་སྒྲུབ་པའི་ཐབས། དཔལ་རྟ་མགྲིན་ལ་ཕྱག་འཚལ་ལོ། །སྔོན་དུ་བསྟན་པའི་ཆོ་གས་སྣ་ཚོགས་པདྨ་དང་ཉི་མ་ལ་ཧཱུཾ་དམར་པོའི་ཡེ ཤེས་ལས། ཡོངས་སུ་རྫོགས་པའི་འཕགས་པ་རྟ་མགྲིན་མདོག་དམར་བ། ཞལ་གསུམ་པ། ཕྱག་བརྒྱད་པ། ཞལ་སོ་སོ་ལ་སྤྱན་གསུམ་གསུམ་མོ། །སྔོན་པོ་དང། དཀར་པོ་ནི་གཡས་དང་གཅིག་ཤོས་ཀྱི་ཞལ་ལོ། །སྦྲུལ་རྒྱན་ཅན་འགྱིད བག་གིས་གནོན་ཅིང་གནས་པ། ཁྲོ་བོའི་ལྟ་སྟངས་ཀྱིས་གཟིགས་པ། ཞལ་དང་པོ་བཞད་པ། གཡས་པའི་ཞལ་ལྗགས་འགྲིལ་བ། མཆེ་བ་གཉིས་ཀྱིས་མ་མཆུ་བརྩིར་བ། གཡོན་པའི་ཞལ་ལོ། །སྟག་གི་པགས་པའི་ཤམ་ཐབས། ཅན་ནོ། །རྡོ་རྗེ་དང། དབྱུག་པ་དང། བྱེད་པའི་ཕྱག་རྒྱ་དང། མདའའཕྱར་བ་ནི་གཡས་པའི་ཕྱག་བཞི་ནའོ། །སྡིགས་མཛུབ་དང་རང་གི་ནུ་མ་བཟུང་བ་ནི། པདྨ་དང་གཞུ་འཕྱར་བ་ནི་གཡོན་གྱི་ཕྱག་བཞི་ནའོ། །མི་བསྐྱོད པས་མནན་པའི་དབུ་རྒྱན་ཅན་བསམ་པར་བྱའོ། །ཞེས་བྱ་བ་ནི་རྟ་མཆོག་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །སྔགས་ཀྱི་བཟླས་པ་ནི། ཨོཾ་ཧ་ཡ་གྲཱི་པ་སྭཱཧཱ། །རྟ་མགྲིན་གྱི་སྒྲུབ་ཐབས་རྫོགས་སོ།། །།པཎྜི་ཏ་དོན་ཡོད རྡོ་རྗེ་དང། ཁམས་པ་ལོཙྪ་བ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། དྲི་བྷུ་ཛ་ཧེ་རཱུ་ཀ་སཱ་དྷ་ནཾ། བོད་སྐད་དུ། ཞལ་གཅིག་ཕྱག་གཉིས་པའི་ཧེ་རུ་ཀའི་སྒྲུབ་ཐབས། དཔལ་ཧེ་རུ་ཀ་ལ་ཕྱག་འཚལ་ལོ། །གྲོགས་མེད་དགའ་བའི ཡིད་ཀྱིས་ནི།

CLOSE WINDOW