Wylie

e-texts based on the ACIP/ALL Input

ཁམས་པ་ལོཙྪ་བ་དགེ་སློང་བ་རིས་བསྒྱུར་བའོ།། །།རྒྱ་གར་སྐད་དུ། མ་ཧཱ་བ་ལ་སཱ་དྷ་ནཾ། བོད་སྐད་དུ། སྟོབས་པོ་ཆེའི་སྒྲུབ་ཐབས། བཅོམ་ལྡན་འདས་སྟོབས་པོ་ཆེ་ལ་ཕྱག་འཚལ་ལོ། །སྔོན་དུ བསྟན་པའི་ཆོ་གས་སྟོང་པ་ཉིད་དུ་བསྒོམས་པའི་རྗེས་སུ། པདྨ་དཀར་པོ་དང། ཉི་མ་ལ་ཧཱུཾ་ལས་སྲིད་པའི་སྟོབས་པོ་ཆེ་ཞལ་གཅིག་ཕྱག་བཞི་པ། ཡན་ལག་ཐམས་ཅད་དམར་པོ། སྐྲ་ཁམ་པ་གྱེན་དུ འགྲེང་བ། སྦྲུལ་གྱིས་བཅིངས་པ། ཕྱག་གཡས་ཀྱི་དང་པོ་ན་དབྱུག་པ་དཀར་པོ་བསྣམས་པ། གཡས་ཀྱི་གཉིས་པ་ན་རྔ་ཡབ་དཀར་པོ་བསྣམས་པ། ཕྱག་གཡོན་གྱི་དང་པོ་ན་ཕྱག་འཚལ་བའི་ཚུལ་དུ་བྱེད་པའི་ཕྱག་གོ་། གཡོན་གྱི་ཕྱག་གཉིས་པ་ན་སྡིགས་མཛུབ་དང་བཅས་པའི་ཞགས་པའོ། །སྟག་གི་པགས་པའི་ཤམ་ཐབས་ཅན། སྦྲུལ་གྱི་རྒྱན་སྣ་ཚོགས་ཀྱིས་མཛེས་པ། གཡོན་བརྐྱང་བའི་ཞབས་ཅན། ཞལ་མཆེ་བ་གཙིགས་པ་ཉི མའི་དཀྱིལ་འཁོར་འོད་ཀྱི་ཕྲེང་བ་དང་ལྡན་པ། དམ་ཚིག་སེམས་དཔར་བདག་ཉིད་རྫོགས་པར་བྱས་ལ། ཡེ་ཤེས་སེམས་དཔའ་དང་གཅིག་ཏུ་བྱས་ལ། འོད་དཔག་མེད་པས་དབུ་རྒྱན་དང་བསམ་པར་བྱའོ། །དེ་ནས སྔགས་བཟླས་པར་བྱའོ། །འདི་ལྟ་སྟེ། ཨོཾ་མ་ཧཱ་བ་ལ་སྭཱཧཱ། ཞེས་བྱའོ། །སྟོབས་པོ་ཆེའི་སྒྲུབ་ཐབས་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང། ཁམས་པ་ལོཙྪ་བ་དགེ་སློང་བ་རིས་བསྒྱུར་ཅིང་ཞུས་སོ།། །། རྒྱ་གར་སྐད་དུ།

CLOSE WINDOW