Wylie

e-texts based on the ACIP/ALL Input

།ཕྱི་ནས་སྔགས་བཟླས་བར་བྱ་སྟེ། །ོཾ་བྷྲི་སྭཱཧཱ། ཁྲོ་གཉེར་ཅན་གྱི་སྒྲུབ་ཐབས་རྫོགས་སོ།། །།པཎྜི་ཏ་དོན་ཡོད་རྡོ་རྗེ་དང། ཁམས་པ་ལོཙྪ་བ་དགེ་སློང་བ་རིས་བསྒྱུར་ཅིང་ཞུས་པའོ། །།རྒྱ་གར་སྐད་དུ། མཻ་ཏྲེ་ཡ་སཱ་ཧ་ནཾ། བོད་སྐད་དུ། བྱམས་པའི་སྒྲུབ་པའི་ཐབས། རྒྱལ་བ་བྱམས་པ་ལ་ཕྱག་འཚལ་ལོ། །སྔོན་དུ་བསྟན་པ་ཐམས་ཅད་ཉིད་བྱམས་ལ་ཏེ། འོན་ཀྱང་མེཾ་གི་ཡི་གེ་ཡོངས་སུ་རྫོགས་པ་ཡི། ཐུབ་པ་སྐྱེས་མཆོག་བྱམས་པ་ནི། ཞལ་གསུམ་ཕྱག་གསུམ་གྱིས་བརྒྱན་པ། དེ་ཡི འོག་ཏུ་པདྨ་སྟེ། སེམས་དཔའ་ཨི་སྐྱིལ་ཀྲུང་གིས་བཞུགས་པ། ཕྱག་བཞི་དག་གིས་རྣམ་པར་མཛེས། །ཆོས་སྟོན་པ་ཡི་ཕྱག་རྒྱ་ཡིས། ཕྱག་གཉིས་དག་ནི་རྣ་བར་བརྒྱན། །གཡས་པའི་ཕྱག་ནི་གཉིས་པ་ནི། མཆོག་སྦྱིན་སེམས་ཅན་སྐྱོང་བའོ། །གཡོན་ན་ལྷ་རྫས ཡལ་ཀ་ནི། ཀླུ་ཤིང་མེ་ཏོག་བཅས་པའོ། །སངས་རྒྱས་སྤྲིན་ནི་རབ་སྒྲོ་ཞིང། །བྱང་ཆུབ་སེམས་དཔའ་དེ་བཞིན་འབར། །ཟླ་བའི་གདན་དང་དཀྱིལ་འཁོར་ཡང། །དངོས་གྲུབ་མགོན་པོ་བསྒོམ་པར་བྱའོ། །དེ་ནས་ཕྱག་རྒྱ་བཅིངས་བྱས་ལ། །མཉམ་པར་བཞག པས་སྔགས་བཟླས་བྱ། །ལག་གཉིས་སོ་སོ་དག་ཏུ་བྱ། །ཁུ་ཚུར་བཅིངས་ཏེ་བསྡིགས་འཛུབ་གཉིས། མཐེ་བོའི་དབུས་སུ་གཞག་བྱ་སྟེ། །མེ་ཏོག་སྣ་ཚོགས་མཆོད་པར་བྱ། ཕྱག་རྒྱ་བཅའ་བ་བྱའོ། །ོཾ་མཻ་མ?་ཏྲེ་ཡ་སྭཱཧཱ། བྱམས པའི་སྒྲུབ་ཐབས་རྫོགས་སོ། ། །།པཎྜི་ཏ་དོན་ཡོད་རྡོ་རྗེ་དང། ཁམས་པ་ལོཙྪ་བ་དགེ་སློང་བ་རིས་བསྒྱུར་ཅིང་ཞུས་སོ།། །།རྒྱ་གར་སྐད་དུ། པྲཛྙཱ་པ་ར་མ་ར་སཱ་དྷ་ནཾ། བོད་སྐད་དུ། ཤེས་རབ་ཀྱི་ཕ་རོལ་ཏུ་ཕྱིན་མའི་སྒྲུབ་ཐབས། །ཤེས རབ་ཀྱི་ཕ་རོལ་ཏུ་ཕྱིན་མ་ལ་ཕྱག་འཚལ་ལོ།

CLOSE WINDOW