Wylie

e-texts based on the ACIP/ALL Input

།མངོན་དགའ་དྲག་པོས་རྟག་གོམས་པ། །སྨོན་ལམ་ལྷན་ཅིག། དྲ་སྲོང་མཐུས། །སྐར་མངའ་ལྟ་བུར་ཐོགས་པ་མེད། །སྐྱེ་བ་བསྡམས་པའི་ཆོ་ག་རྫོགས་སོ།། །།འཕགས་པ་སྤྱན་རས་གཟིགས་དབང ཕྱུག་ལ་ཕྱག་འཚལ་ལོ། །སྒྲུབ་པོ་གང་ཞིག་འཆི་བ་དང་འཆི་བ་མ་ཡིན་ལྷས་གང་དག། གང་ཚེ་སྔོན་དུ་གྱུར་པ་ན། །མགོན་པོའི་བླུ་བ་འདིར་བཤད་དོ། །འཇིག་རྟེན་གཡེང་བ་མ་ལུས་ལས། །རྣམ་དབེན་ངལ་བ་བསྒྲུབས་ནས་ནི། །མཆོག་གསུམ་སྐྱབས་འགྲོ ནས་བརྩམས་ཏེ། །ཅི་རིགས་ཆོས་སྤྱོད་བརྩམ་པར་བྱ། །ལོངས་སྤྱོད་བཤེས་དང་ལུས་ཉིད་དང། །བྱང་ཆུབ་ཕྱོགས་ཀྱི་མངོན་པར་ཞེན། །རྣམ་བཅུ་རྣམ་གསུམ་སྤང་ནས་ནི། །བལྟོས་པ་ཐམས་ཅད་རྣམ་པར་དོར། །མི་རྟག་སྡུག་བསྔལ་བདག་མེད་དང། །སྟོང པ་ཉིད་ཀྱི་རྣམ་ཐར་གྱི། །འཁོར་བའི་གནས་ལ་ཡིད་ཕྱུང་ཞིང། །མྱ་ངན་འདས་ལ་མངོན་པར་དགའ་། །དེ་ནས་བསྐྱེད་པའི་རིམ་པའི་རྣལ་འབྱོར་ལ་བརྩོན་པར་བྱ་སྟེ། །བ་ལྟོ་ཕྱོགས་སུ་བལྟས་ལ། འཕགས་པ་སྤྱན་རས་གཟིགས་དབང་ཕྱུག་ཡིད་ལ་བྱེད་པ་དང། །མ བྲལ་བས་མིག་མི་འཛུམ་པར་མདུན་གྱི་ནམ་མཁའ་ལ་རྒྱལ་བ་ལྷ་ཉི་ཤུ་རྩ་ལྔའི་དཀྱིལ་འཁོར་མངོན་པར་བསམ་པར་བྱའོ། །གལ་ཏེ་སྤྲོས་པར་ནུས་ན་ནི་སྐུ་གསུང་ཐུགས་ཡེ་ཤེས་ཕྲིན་ལས་མཛད་པ་དམ་ཚིག་རྣམ་པ་བདུན་གྱི་དཀྱིལ་འཁོར་བདག ན་ཡིད་ཀྱི་སྙིང་ཀ་རླུང་སེམས་ཀྱི་ངོ་བོ་ཧྲཱིདམིགས་ལ། མངོན་པར་ཆགས་དང་ཡོངས་སུ་སྡང། །རབ་ཏུ་མི་ཤེས་གཞི་གསུམ་གྱི། །དབང་གི་ལས་གང་མངོན་གྱུར་གང། །དེ་འདིར་མགོན་པོ་གསུམ་དུ་མོས། །དབུས་སུ་མཐིང་ག་རྡོ་རྗེ་ཅན། །གཡས་སུ་དམར་མཛེས་རལ་གྲི་འཛིན། གཡོན་དུ་དཀར་གསལ་ཞགས་བསྣམས་པ། །ཐམས་ཅད་གཡོན་དུ་པདམོ་མཚན། །རྒྱ་ཆེན་ཕོ་བྲང་ལྷར་བཅས་པ། །སྐད་ཅིག་གིས་ནི་ལྷ་གསུམ་འདིར། །བསྡུས་ལ་རིམ་པ་ཇི་བཞིན་དུ། །འགྲོ་བའི་འཆི་བདག་སྔར་བླུ་བྱ། །གང་ཕྱིར་འཆི་བར་བྱེད་པའི་རྒྱུ།། ཉོན་མོངས་གསུམ་ཡིན་དེ་ཡི་རྐྱེན། །ལས་ཕྱིར་དེ་ཡི་མི་མཐུན་ཕྱོགས། །སྟོབས་ཆེན་སྤྱན་རས་གཟིགས་དབང་བརྟན། །དེ་བས་འཆི་བ་ཟློག་འདོད་པས། །སྐུ་དང་དེ་ཡི་ཉེར་བསྟན་དང། །བསམ་པའི་ཐུགས་རྗེ་ཆེ་ཞེས་པ། །རྣམ་གསུམ་རིམ་གྱིས་བསྒོམ་པར བྱ། །ཆོ་ག་འདི་ཡིས་འགྲོ་རྣམས་ཀྱི། །སྙིང་གི་བུམ་པ་ཆགས་སྡང་བཅས། །བསལ་ཞིང་དེ་ཡི་སྦྱོར་བ་དང། །ཡན་ལག་རྣམ་པར་གཞིག་པའང་འབད། །འདི་ཡི་འགྲུབ་པ་རྣམ་པ་བཞི། །མ་ལུས་འཆི་བ་བདག་ལེན་དང། །དེ་དག་འཆི་བ་ཟློག་ཉིད་དང། །སྨན མཆོག་སྦྱོར་བ་ཉིད་དང་ནི། །འཆི་བ་མེད་དང་བརྩེ་ཆེན་གྱི། །ལྟོས་འདོར་ཁྱད་པར་ངེས་པའོ། །གལ་ཏེ་འབྱོར་ལྡན་སྐྱེ་བ་འགའ་། །ནུས་ན་དཀྱིལ་འཁོར་ཆེན་པོ་ཡི། །ཆོ་ག་ཆོ་ག་ཇི་བཞིན་དུ། །མཁས་པས་འབད་དེ་བསྒྲུབ་པར་བྱ། །ཇི་སྲིད་འཆི་བདག་སྒྲ་གཅན་ལ རྣལ་འབྱོར་ཚེ་ཡི་ཟླ་བ་ཉ། །གྲོལ་འགྱུར་དེ་ཚེ་རྨི་ལམ་དུ། །གསུང་གི་དབུགས་འབྱིན་ཐོབ་པར་འགྱུར། །དེ་ནས་དགའ་སྟོན་ཚོགས་བསགས་ཕྱིར། །དཔག་མེད་མཆོད་པའི་རྒྱ་མཚོ་ཡིས། །ཕྱི་ནང་གསང་དང་ཡང་དག་གིས། །སྤྱན་རས་གཟིགས་དབང་མཆོད་པར བྱ། །འཆི་བ་སླུ་བའི་གདམས་པ་རྫོགས་སོ།། །།དཔལ་སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །སྔགས་པ་བདེ་ཆེན་གྲོང་འཇུག་པས། །བཅོ་བརྒྱད་ཨེ་དབྱིངས་ཕྱག་རྒྱ་བཅའ་། །གཡོ་བ་མི་གཡོ་བཟུང་ནས་ནི། །ལྷག་པའི་ལྷ་ཡི་རྣལ འབྱོར་བྱ།

CLOSE WINDOW