Wylie

e-texts based on the ACIP/ALL Input

ལོཙྪ་བ་དགེ་སློང་རྡོ་རྗེ་གྲགས་ཀྱིས་བསྒྱུར་བའོ།། །།རྒྱ་གར་སྐད་དུ། ཙྪུ་ཙྪུནད་ར་ཀལྤ། བོད་སྐད་དུ། ཙྪུ་ཙྪུནད་པའི་རྟོག་པ། བཅོམ་ལྡན་འདས་གཤིན་རྗེའི་གཤེད་ལ་ཕྱག་འཚལ་ལོ།། དེ་ནས་ཙྪུ་ཙྪུནད་རའི་ཆོ་ག་ཞིབ་མོ་བཤད་པར་བྱ་སྟེ། ཨོཾ་རུ་དྲོ་ཡ་མ་ཧེ་ཤྭ་ར་ཡ་ག་བྲི་ཤཱ་ལ་ཡ། ལོ་ག་སིདྡྷི་མེ། ད་དཱ་ཧི་མ་སྭཱཧཱ། ཧཱུཾ་ཧཱུཾ་ཧདྲི་དང་མེ་ཏོག་དང་བདུག་སྤོས་ཕུལ་ནས་གཏོར་མ་བཏང་སྟེ། །སྟོང་ཕྲག་བརྒྱད་བཟླས་ན། །འགྲུབ་པར་འགྱུར་རོ། །དེ་ནས་ལས་སུ་གྱུར་པ་ནི་ཙྪུ་ཙྪུནད་ར་ཤི་བ་བླངས་ལ། །པགས་པ་དང་རུས་པ་དང་ཤ་དང་སྤུ་རྣམས་ཕྱེ་མར་བཏགས་ཏེ། སྟོང་ཕྲག གཉིས་བཟླས་ནས་ཕྱེ་མ་དེ་དབྲལ་བ་ལ་བསྐུམ་ན་བདག་ཉིད་དགྲ་ཡིས་མི་མཐོང་ངོ། །ོཾ་མ་མ་ཧུ་ཡ་ཏི། ཕྱེ་མ་དེས་ལག་པ་ལ་བསྐུས་ནས་གང་ལ་རེག་པ་དེ་དེ་བར་དུ་འགྱུར་རོ། །ཕྱེ་མ་དེ་ཉིད་རྐང་པ་ལ་བསྐུས་ན་དཔག་ཚད་བརྒྱ་སྟོང་དུ་ཕྱན་ནས་ལྡོག གོ། །ཕྱེ་མ་དེ་ཉིད་ཀྱིས་དགྲའི་སྒོ་ལོགས་ལ་བསྐུས་ནས་ཁྱིམ་གྱི་སྒོར་སྟོང་ཕྲག་བརྒྱད་བཟླས་ན་སྤྲོད་པར་བྱེད་དོ། །ཕྱེ་མ་དེ་དང་དུར་ཁྲོད་ཀྱིས་ས་དགྲ་བོའི་སྒོ་རྩར་བཅད་ཅིང་སྦས་ན་དགྲ་པོའི་རིགས་རྣམས་འཇོམས་པར་འགྱུར་རོ། །ཡང་ན་དགྲ་པོའི རིགས་སྐྲད་པར་འདོད་ན། ཙྪུ་ཙྪུནད་རའི་པགས་པ་བླངས་ལ་སྟོང་ཕྲག་བརྒྱད་ཡོངས་སུ་བཟླས་ནས་གཅིན་ཤུལ་གྱི་སས་བཀང་ནས་སྐུད་པ་སྔོན་པོས་བཅིངས་ཏེ་ནམ་མཁར་བཏགས་ན་གཅིན་འགག་པར་འགྱུར་རོ། །བཀྲོལ་ན་ཐར་རོ། །ཙྪུ་ཙྪུནད་རའི པགས་པ་ཕྱེ་མར་བཏགས་ནས་ལྷ་ཆེན་པོའི་མདུན་དུ་སྟོང་ཕྲག་བརྒྱད་བཟླས་ལ། །ཡང་དྲི་དང་མེ་ཏོག་དང་བདུག་སྤོས་དང། གཏོར་མ་བཏང་སྟེ། སླར་ཡང་སྟོང་ཕྲག་བརྒྱད་བཟླས་ན་དེ་ནས་འགྲུབ་པར་འགྱུར་རོ། །ཕྱེ་མ་དེ་སྣའི་རྩེ་མོར་བསྐུས་ན་སྐྱེ འགྲོ་ཐམས་ཅད་སྡུག་པར་འགྱུར་རོ། །མགོ་བོར་གཞག་ན་དགྲ་ཐམས་ཅད་དང་འགྱེད་པའི་ལན་ཐེབས་པར་འགྱུར་རོ། །ཕྱེ་མ་དེ་ཉིད་རང་གི་སྙིང་གར་བསྐུས་ནས་གལ་ཏེ་དགྲ་ལ་བསྟན་ན་སྙིང་ངན་པར་འགྱུར། །སཱ་ལུའི་ཕྱེ་མ ལ་གཟུགས་བྱས་ནས་ཕྱེ་མ་དེས་བསྐུས་ན་དགྲ་པོ་དེ་རེངས་པར་འགྱུར་རོ། །ས་ལུའི་ཕྱེ་མ་ལ་གཟུགས་བྱས་ཏེ་ཕྱེ་མ་དེ་བསྐུས་ན་མཛེས་ཐེབས་པར་འགྱུར་རོ། །དུར་ཁྲོད་གྱི་ཐལ་བ་དང་བཅས་པས་དགྲའི་ཚོགས་ལ་གཏོར་ན་གང་གིས མནན་པ་དང་མཐོང་བ་དེ་དག་ནད་ཀྱིས་ཐེབས་པར་འགྱུར་རོ། །ཕྱེ་མ་དེ་ལ་ལན་སྟོང་བཟླས་ནས་གང་གང་གི་མགོ་པོར་བླུགས་པ་དེ་དབང་དུ་འགྱུར་རོ། །ཕྱེ་མ་དེ་ཐོད་པ་དང་ལྷན་ཅིག་ཏུ་སྒོ་གླེགས་སུ་བཞག་ན་དགྲ་བོ་དབྱེ་བར་འགྱུར་རོ། །ཕྱེ མ་དེ་བུད་མེད་ཀྱི་ལག་པ་ལ་བསྐུས་ན་བུད་མེད་དེ་འཆི་བར་འགྱུར་རོ། །ཕྱེ་མ་དེ་གང་གི་སྒོར་སྦས་ན་སྐྲོད་པར་འགྱུར་རོ། །ཕྱེ་མ་དེ་དང་ཤ་ཆེན་པོ་བསྲེས་ནས་གང་གིས་བཏུང་བར་བྱིན་ན། ཉི་མ་བདུན་ན་འཆིའོ། །ཕྱེ་མ་དེ་དག་བཤད་པ་དང བསྲེས་ནས་དགྲ་ལ་བྱིན་ན། །དགྲ་བོ་བཀྲེས་པ་དང། གཞང་འབྲུམ་དང་ཚད་པས་ཐེབས་ནས་ཕྱི་ནས་ནི་རང་ཉིད་དགའ་བར་འགྱུར་རོ། །ཙྪུ་ཙྪུནད་རའི་རུས་པ་བླངས་ནས་གང་གི་ཁྱིམ་དུ་སྦས་ན་འཆིའོ། །ཙྪུ་ཙྪུནད་རའི་ཤ་དང་ཉའི་ཞག་དང བཅས་པས་ལྷ་ལ་མཆོད་པ་བྱས་ནས། །དུར་ཁྲོད་དུ་ཐོད་པའི་སྟེང་དུ་འདུག་ལ་ཐོད་པ་བཟུང་ལ་བཟླས་པ་བྱ་སྟེ། ཡང་དུར་ཁྲོད་ཀྱི་ཐལ་བ་ལ་ལན་སྟོང་དུ་བླུགས་ཤིང་སྦྱིན་སྲེགས་བྱས་ན་འགྲུབ་པར་འགྱུར་ཏེ། ཕྱེ་མ་དེ་ཚ་བ་གསུམ དང་བསྲེས་བས་ལས་སུ་འགྱུར་བ་ནི། གང་གི་ཁྱིམ་དུ་བཞག་ན་དེ་ལ་མེའི་ཚ་བ་འབྱུང་བར་འགྱུར་བ་ནི། གང་གི་ཁྱིམ་དུ་བཞག་ན་དེ་ལ་མེའི་ཚ་བ་འབྱུང་བར་འགྱུར་རོ། །ཕྱེ་མ་དེ་སྐེ་ཚེ་དང་བསྲེས་པས་ཀྱང་ལས་དེ་ཉིད་དུ་འགྲུབ པར་འགྱུར་རོ། །ཕྱི་མ་དེ་དང་དུར་ཁྲོད་ཀྱིས་ལ་གཟུགས་བྱས་ཏེ་སྒོ་རྩར་སྦས་ན་འཕྲལ་ནས་འཕྲལ་དུ་ན་ཚ་དང་གསོད་པར་འགྱུར་རོ། །ཕྱེ་མ་དེ་དང་ལམ་ཚར་བསྲེས་ནས་གང་ལ་བརྡེགས་པ་དེ་དབང་དུ་འགྱུར་རོ། །ཕྱེ་མ་དེ་ཡུངས་ཀར་དང་བསྲེས ནས་རྒྱལ་པོའི་སྒོ་ལ་གཏོར་ན། །རྒྱལ་པོ་དེ་དབང་དུ་འགྱུར་རོ། །གང་གིས་མནན་པ་དེ་དག་ཐམས་ཅད་ཀྱང་དབང་དུ་འགྱུར་རོ། །ཁམ་ཕོར་སོ་མ་བཏང་བ་ལ་ཕ་ཝང་བྲུན་གྱིས་བྱུགས་ལ། དགའ་ཨི་དྲི་ཆེན་དྲི་ཆུ་དྲོད་མ་ཡལ་བ་ལ་བཀབ་ན། དྲི་ཆེན་དྲི་ཆུ་འགག་གོ་ཕྱུང་ནས་སླར་འཚོའོ། །ཙྪུ་ཙྪུནད་རའི་རྟོག་པ་རྫོགས་སོ།། །།བྷ་རོ་ཕྱག་རྡུམ་གྱི་ཕྱག་དཔེ་ལས། བ་རྡོ་རྗེ་གྲགས་ཀྱིས་ཕྱིས་བསྒྱུར་བའོ།། །།རྡོ་རྗེ་འཇིགས་བྱེད་ཆེན་པོའི་སྦྱིན་སྲེག་གི་ཆོ་ག་ཞེས བྱ་བ་བཞུགས་སོ། ། །།རྒྱ་གར་སྐད་དུ། མཧཱ་བཛྲ་བྷཻ་ར་བ་ཧོ་མ་བི་དྷི་ནཱ་མ། བོད་སྐད་དུ། རྡོ་རྗེ་འཇིགས་བྱེད་ཆེན་པོའི་སྦྱིན་སྲེག་གི་ཆོ་ག་ཞེས་བྱ་བ། དཔལ་རྡོ་རྗེ་འཇིགས་བྱེད་ལ་ཕྱག་འཚལ་ལོ། །བགེགས་རྣམས་མ་ལུས འཇོམས་མཛད་པའི།

CLOSE WINDOW