Wylie

e-texts based on the ACIP/ALL Input

།དཀའ་བ་རྣམ་དག་སྨོན་ལམ་སྟོབས་གྱུར་ཤོག། །།རྡོ་རྗེ་བདེ་རྒྱས་དབྱངས་ཅན་མའི་སྒྲུབ་ཐབས་ཞེས་བྱ་བ་རྫོགས་སོ།། །།རྒྱ་གར་སྐད་དུ། ཀརྨ་བཛྲ་ཎི་གཽ་རཱི་སཱ་དྷ་ནཾ་ནཱ་མ བོད་སྐད་དུ། །ལས་ཀྱི་རྡོ་རྗེ་གཽ་རཱིའི་སྒྲུབ་ཐབས་ཞེས་བྱ་བ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ། །བཏང་སྙོམས་རྣམ་པར་དག་པ་ཕྱག་རྒྱ་ཆེ། །ཡེ་ཤེས་ཕ་རོལ་ཕྱིན་མ་ལ་ཕྱག་འཚལ། བརྩོན་འགྲུས་ཐོགས་པ་མེད་པས་སེམས་ཅན་དོན། །འགྲུབ ཕྱིར་གཽ་རཱིའི་སྒྲུབ་ཐབས་བཤད་པར་བྱ། །ཁྲུས་དང་རྒྱན་དང་གོས་དང་བྱུག་པ་རྣམས། །ཕྱི་ནང་རྣམ་པར་དག་པ་ཤེས་པར་བྱ། །རང་གི་རྣལ་འབྱོར་དམ་པ་མཆོད་ནས་ཀྱང། །བདེ་པའི་འཁོར་ལོ་བདག་ལ་གཞུག་པར་བྱ། །ཚད་མེད་བཞི་ལ་རྣལ་འབྱོར་སེམས གནས་ནས། །ཆོས་ཀུན་སྙིང་པོ་འོད་གསལ་བར་བསྒོམ། །བདག་རྒྱུད་སྐུ་གསུང་ཐུགས་ཀྱི་ཡི་གེ་ནི། །རོ་གཅིག་ཐིག་ལེའི་ངོ་བོར་གྱུར་པ་ལས། །ཆད་པ་ཉི་མའི་སྟེང་གི་རྡོ་རྗེ་ཉིད། །འཕྲོས་པས་བསྲུང་པའི་འཁོར་ལོ་གསལ་བར་བྱ། །པདྨ་ཟླ་བའི་སྟེང་དུ་རུ་དག་ལས གྱུར་པས། །ཽད་པལ་རལ་གྲི་ལྗང་མདོག་གི། དཀྱིལ་ནས་འཕྲོས་ཤིང་འདུས་ནས་ང་རྒྱལ་བྱ། །ོཾ་བཛྲཱ་གཽ་རཱི་སྭ་བྷཝ་བ་ཨཱཏྨ་ཀོ་ཧཾ། གྱུར་པའི་སྐུ་ནི་མར་ཀཏ་ལྗང་མདོག་སྟེ། །གཡས་དང་གཡོན་པའི་ཞལ་ནི་དཀར་དང་དམར། །གྲི་གུག་རལ་གྲི་འཁོར་ལོ་ཐོད་པ་དང རིན་ཆེན་ཆུ་སྐྱེས་རྣམས་ཀྱིས་མཛེས་པའི་ཕྱག་། དབུ་སྐྲ་གྱེན་འགྲ་ཏ་ཐོད་པ་ལྔས་བརྒྱན་ཅིང། །ཚངས་པས་བྱིན་མགོ་བོ་ལྔ་བཅུས་སྤྱངས། །ཀླུ་དང་མར་ཀཏ་རུས་པའི་རྒྱན་འཇིགས་པས། །སྟག་ལྤགས་བསྣམས་པའི་ཞབས་ནི་གཡས་བརྐྱང་སྟེ། །གཟི་བརྗིད་མེ ཡི་དཀྱིལ་ན་ཚར་འབར་བའི། །སྐུ་གསུང་ཐུགས་དང་སྤྱན་སོགས་བྱིན་བརླབས་ལ། །ཡི་གེ་མཚན་མ་སྐུ་ནི་གང་འདོད་བརྩམ། །སྙིང་གའི་ས་བོན་འཕྲོས་པས་འཁོར་ལོ་བཟང། །གསོལ་བཏབ་རིག་པའི་སྐྱེས་བུ་མི་བསྐྱོད་པ། །རྗེས་སུ་མཐུན་པའི་ལྷ་ནི་སྤྱན དྲངས་ནས། །མཆོད་བསྟོད་མཉེས་པར་བྱས་ནས་རང་ལ་ཐིམ། །མཆོད་པའི་རྣམ་གྲངས་ནམ་མཁའ་རྒྱས་གདབ། །བྷ་གའི་རྣམ་འཕྲུལ་དག་གིས་ཅི་བདེར་མཆོད། །སྔགས་པ་རྡོ་རྗེ་དྲིལ་བུར་ལྡན་པ་ཡིས། །སྙན་པཱི་གླུ་དང་ལྡན་པས་མཆོད་པར་བྱ། །རྡོ་རྗེ་ལས ནི་ཀུན་གྲོལ་བ། །ཕྲག་དོག་རྡོ་རྗེ་དབྱེར་མེད་སྐུ། །ཐམས་ཅད་རྡོ་རྗེ་བཏང་སྙོམས་ཉིད། །རྡོ་རྗེ་ལས་མ་ཕྱག་འཚལ་བསྟོད། །ཡི་གེ་གསུམ་གྱིས་བྱིན་གྱིས་བརླབས་པའི་སྤྲས?། །རྒྱལ་བ་ཐམས་ཅད་མཆོད་ཕྱིར་མྱང་བ་དང། །སེམས ཅན་ཐམས་ཅད་རྡོ་རྗེའི་སྐུར་བྱས་ནས། །སྔགས་ཀྱི་འཁོར་ལོ་ཇི་ལྟར་འདོད་པས་བཟླས། །ོཾ་བཛྲ་ར་ཏི་ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། རྒྱལ་མཚན་གྱི་ཁམས་སུ་འོ་མ་སྒྲུབ། །ཐབས་ཀྱི་གཟུགས་ལས་རྟག་ཏུ་དང་འགྱུར་བས། །རྟག་པའི་རྒྱལ་པོ་གཤིན་རྗེ་གཤེད་ནས ལས། །མཐོང་བའི་སྒྲུབ་ཐབས་བདག་གིས་འདི་བྱས་པས། །འགྲོ་ཀུན་སྤྲོས་བྲལ་ཞི་བ་ལ་གནས་ཏེ། །སངས་རྒྱས་ཡེ་ཤེས་མངོན་དུ་རྟོགས་པར་ཤོག། །།རྡོ་རྗེ་ལས་གཽ་རཱིའི་སྒྲུབ་ཐབས་ཞེས་བྱ་བ་རྫོགས་སོ།། །། རྒྱ་གར་སྐད་དུ།

CLOSE WINDOW