Wylie

e-texts based on the ACIP/ALL Input

། །།རྒྱ་གར་སྐད་དུ། གུ་ཧཡ་ཛཾ་བྷ་ལ་སཱ་དྷ་ནཾ། བོད་སྐད་དུ། གསང་བའི་ཛཾ་བྷ་ལའི་སྒྲུབ་ཐབས། །འཕགས་པ་ཛི་བྷ་ལ་ལ་ཕྱག་འཚལ་ལོ། །དེ་ལ ཐོག་མར་རེ་ཞིག་སྔགས་པས་གདོང་གི་གཙང་སྦྲ་ལ་སོགས་པ་བྱས་ནས། །སྐྱེ་བོ་མེད་པའི་ས་ཕྱོགས་སུ་བདེ་བའི་སྟན་ལ་གནས་ཏེ། བདག་གིས་རྗེ་བཙུན་ཛཾ་བྷ་ལ་མཉེས་པར་བྱས་ལ་སེམས་ཅན་ཐམས་ཅད་མཆོག་གི་བདེ་བ ལ་སྦྱར་བར་བྱའོ་ཞེས་བྱང་ཆུབ་ཀྱི་སེམས་བསྐྱེད་ལ། རང་གི་སྙིང་གར་ཟླ་བའི་དཀྱིལ་འཁོར་ལ་ཛཾ་གི་ཡི་གེ་སེར་པོ་བལྟས་ཏེ། དེའི་འོད་ཀྱིས་བླ་མ་དང་སངས་རྒྱས་དང་བྱང་ཆུབ་སེམས་དཔའ་དང། རྗེ་བཙུན་ཛཾ་བྷ་ལ་མདུན་དུ བསམས་ལ་ཡང་དག་པར་མཆོད་དེ་ཕྱག་བྱས་ཏེ། སྡིག་པ་བཤགས་པ་ལ་སོགས་པ་བྱས་ཏེ། འཇིགས་པས་སྡིགས་པ་ཐམས་ཅད་བཤགས་པར་བྱ། །དགའ་བས་འགྲོ་བའི་དགེ་ལ་རྗེས་ཡི་རང། དཀོན་མཆོག་གསུམ་ལ སྐྱབས་སུ་མཆི། །རྫོགས་པའི་བྱང་ཆུབ་སེམས་ནི་རྣམ་པར་གཟུང། །དེའི་རྗེས་སུ་བྱམས་པ་དང་སྙིང་རྗེ་དང་དགའ་བ་དང་བཏང་སྙོམས་བསྒོམ་པར་བྱའོ། །ོཾ་ཤཱུ་ན་ཏཱ་ཛྙཱ་ན་བཛྲ་སྭ་བྷ་བ་ཨཱཏྨ་ཀོཧཾ་ཞེས་པའི་སྔགས་ནི་ཐམས་ཅད་སྟོང་པ་ཉིད དུ་བསྒོམ་པར་བྱའོ། །དེའི་རྗེས་སུ་སྨོན་ལམ་གྱི་ཤུགས་ཀྱིས་ནཾ་ཁཾ་བཾ་ལཾ་གི་ས་བོན་ལས་སྐྱེས་པའི་སྣ་ཚོགས་པདྨ་འདབ་མ་བརྒྱད་པའི་སྟེང་དུ་ཟླ་བ་ལ་ཛཾ་སེར་པོ་ལས་སྐྱེས་པའི་བཅོམ་ལྡན་འདས་ཛཾ་བྷ་ལ་བསྒོམ་པར་བྱ་སྟེ། རྒྱན་ཐམས ཅད་འཛིན་པ་གསེར་གྱི་ཁ་དོག་ཅན། ལྟོ་བ་འཕྱང་བ། གཡོན་པ་དང་གཡས་པའི་ཕྱག་དག་གིས་སྲེ་མོང་དང་ས་བོན་གང་བ་འཛིན་པ། རིན་ཆེན་འབྱུང་ལྡན་གྱི་གཅོད་པན་ཅན་ཨཽཏཔ་ལའི་ཕྲེང་པ་འཛིན་པའོ། །ཤར་ལ སོགས་པའི་འདབ་མ་རྣམས་སུ་ནོར་བུ་བཟང་པོ་དང། གང་བ་བཟང་པོ་དང། ནོར་སྦྱིན་དང། རྣམ་ཐོས་རྣམས་སོ། །མེ་ལ་སོགས་པའི་འདབ་མ་རྣམས་ལ་རྣ་རྒྱན་ཀོ་སླེབས་དང། རོལ་བ་འཁྱིལ་བ་དང། རྩེན་པའི་ཕྲེང་བ དང། གྲོང་གི་དབང་ཕྱུག་དང། དེ་བཞིན་དུ་སྤྱོད་པའི་དབང་ཕྱུག་སྟེ་བཤད་པའི་རིམ་པས་དེར་དེ་ལྟར་ནོར་རྒྱུན་མ་དང། ཟླ་མཛེས་མ་དང། སྦྱིན་མ་དང། ལེགས་སྦྱིན་མ་དང། འཕགས་མ་དང། ལེགས་བཟང་མ དང། སྤས་མ་དང། ལྷ་མོ་དང། དབྱངས་ཅན་མ་སྟེ། །གནོད་སྦྱིན་མོ་འདི་དག་རྣམ་བསམ་པར་བྱའོ། །ནོར་རྒྱུན་མ་དང་ཛཾ་བྷ་ལ་ལྷན་ཅིག་ཏུའོ། །གནོད་སྦྱིན་མ་ཐམས་ཅད་ནོར་རྒྱུན་མ་བཞིན་ནོ། །གནོད་སྦྱིན་ཐམས་ཅད་ཛཾ བྷ་ལ་བཞིན་ནོ། །འདི་ལྟར་བསམས་ཏེ་སྔགས་བཟླས་པར་བྱ་སྟེ། དེ་ལ་གནོད་སྦྱིན་རྣམས་ཀྱི་ནི། ཨོཾ་ཛཾ་བྷ་ལ་ཛ་ལེནྡྲཱ་ཡ་དྷ་ན་མེ་དེ་ཧི་དེ་ཧི་སྭཱ་ཧཱ། ཨོཾ་མ་ཎི་བྷ་དྲཱ་ཡ་སྭཱ་ཧཱ། ཨོཾ་པཱུརྞྞ་བྷ་དྲཱ་ཡ་སྭཱ་ཧཱ། ཨོཾ་དྷ་ན་དཱ་ཡ་སྭཱ་ཧཱ། ཨོཾ་བཻ ཤ་པ་ཎཱ་ཡ་སྭཱ་ཧཱ། ཨོཾ་བི་ཙ་ཀུཎྜ་ལི་ནེ་སྭཱ་ཧཱ། ཨོཾ་ཀི་ལི་མིའི་ནེ་ཡ་སྭཱ་ཧཱ། ཨོཾ་མུ་ཁེནྡྲ་ཡེ་སྭཱ་ཧཱ། ཨོཾ་ཙ་རེནྡྲཱ་ཡ་སྭཱ་ཧཱ། དེ་ནས་གནོད་སྦྱིན་མོ་རྣམས་ཀྱི་སྔགས་ནི། ཨོཾ་བ་སུ་དྷ་རི་ཎྱེ་སྭཱ་ཧཱ། ཨོཾ་ཙནྡྲ?་ཀནྟཡེ? སྭཱ་ཧཱ། ཨོཾ་དཏྟཡཻ་སྭཱ་ཧཱ། ཨོཾ་པྲ་དཏྟཡཻ་སྭཱ་ཧཱ། ཨོཾ་ཨཱ་རྱ་ཡཻ་སྭཱཧཱ། ཨོཾ་པཱུརྞྞ་བྷ་ཏྲཡཻ་སྭཱཧཱ། ཨོཾ་གུབ་ཏྱཻ་སྭཱཧཱ། ཨོཾ་དེ་པྱཻ་སྭཱཧཱ། ཨོཾ་ས་ར་སྭ་སྟྱཻ་སྭཱཧཱ། འདི་ལྟ་བུ་ཐུན་གསུམ་དུ་བཟླས་པས་ཆུ་ཁྱོར་བ་བརྒྱ་རྩ་བརྒྱད་སྟེར་བ་ལ་འཇིག རྟེན་གསུམ་གྱི་རྒྱལ་སྲིད་སྟེར་རོ། །ཐོ་རངས་བྱ་རོག་མི་གྲག་པར་ཆུའི་དབུས་སུ་བཟླས་ན་ནོར་མཛད་པ་མེད་ཅིང་འཕེལ་བར་འགྱུར་རོ། །དེ་ནས་གསེར་ལ་སོགས་པའི་འདབ་མ་ལ་ནོར་རྒྱུན་མ་དང། གནོད་སྦྱིན་མོ་ལྷན་ཅིག་པ་དང། འདབ་མ་གཉིས་པ་ལ་བཅོམ་ལྡན་འདས་ཛཾ་བྷ་ལ་ལ་གནོད་སྦྱིན་གྱིས་ཡོངས་སུ་བསྐོར་བ་བྲིས་ནས་མར་དང་སྦྲང་རྩི་དང་ཀ་རས་སྦྱར་ཏེ། རབ་གནས་ལེགས་པར་བྱས་ལ། མཉེས་པར་བྱས་ན་གྲུབ་པ་ཆེན་པོ་བརྒྱད་སྟེར་རོ། །ཞོ་དང་བུ་རམ དང་བཅས་པའི་ཟན་དང་ཤ་དང། ཆང་སྤངས་པའི་གཏོར་མ་བཟླས་པའི་སྔགས་ཀྱིས་རྒྱུན་ཏུ་སྦྱིན་ནོ། །སློབ་དཔོན་སངས་རྒྱས་ཡེ་ཤེས་ཞབས་ཀྱིས་མཛད་པ། གསང་བའི་ཛཾ་བྷ་ལའི་བསྒྲུབ་ཐབས་རྫོགས་སོ།། །།མཁས པ་ཆེན་པོ་ཛ་ཡ་སེ་ནའི་ཞལ་སྔ་ནས་དང། བཙུན་པ་དྷརྨཱ་ཡོན་ཏན་གྱིས་བསྒྱུར་བའོ།། །།རྒྱ་གར་སྐད་དུ། བསྟི་ར་ཛཾ་བྷ་ལ་སཱ་དྷ་ནཾ། བོད་སྐད་དུ། རྒྱ་ཆེ་བའི་ཛཾ་བྷ་ལའི་སྒྲུབ་པའི་ཐབས། །ནོར་གྱི་དབང་ཕྱུག་ལ ཕྱག་འཚལ་ལོ།

CLOSE WINDOW