Wylie

e-texts based on the ACIP/ALL Input

། །།ཁ་ཆེའི་མཁས་པ་བྷ་དྲ་བོ་དྷི་དང་ལོ་ཙ་བ་མར་པ་ཆོས་ཀྱི་དབང་ཕྱུག་གི་བསྒྱུར་བའོ།། །།རྒྱ་གར་སྐད་དུ། ཤྲཱི་ཙཀྲ་སཾ་བ་ར་ཨ་དྭེ་ཏོ་བྷཡཱ་ནོ་བ་དེ་ཤ་ཡོ་ག་ཙཏཌཱ་ལི། བོད་སྐད་དུ། དཔལ་འཁོར་ལོ་སྡོམ་པའི་གཉིས་སུ་མེད་པའི་བསམ་གཏན་གྱི་མན་ངག་རྣལ་འབྱོར་གྱི་གཏུམ་མོ། །དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །གང་ལ་དམིགས པས་སྲིད་བར་འཆིང་བ་ཡི། །གཟུང་དང་འཛིན་པའི་རྣམ་རྟོག་ཀུན་སྤྱོད་ཅིང། །རྣམ་པར་མི་རྟོག་ཡེ་ཤེས་མཆོག་འཆང?་བའི། །གཉིས་མེད་རྩ་ཡི་འཁོར་ལོ་ལ་ཕྱག་འཚལ། །གང་ཞིག་གོམས་པས་ས གསུམ་མ་ལུས་པའི། །རང་བཞིན་བདེ་བ་ཆེན་པོ་རྟོགས་འགྱུར་པའི། །རང་རིག་ཡེ་ཤེས་བདེ་ཆེན་གཅིག་པུ་བ། །གང་ལ་བརྟེན་ནས་རྟོགས་པའི་མན་ངག་བཤད། །སྲིད་པའི་བཙོན་རར?་གཟུང་འཛིན་འཆིང་བ་ཡི། །བཅིང བས་བཅིངས་སྡུག་མགོན་མེད་གྱུར་པ་ལ། །སྙིང་རྗེའི་རླན་གྱིས་ཉེ་བར་བསྒོས་པ་ཡི། །ཡང་དག་བྱང་ཆུབ་སེམས་ལྡན་དབང་བསྐུར་བས། །ཡིད་འོང་ཁད་པར་བདེ་བའི་སྟན་གནས་ཏེ། ལྷ་ཡི་བསམ་གཏན་མཆོག་ལ་རབ?་གཞོལ་བའི།། ལུས་གནས་ཐབས་དང་ཤེས་རབ་རང་བཞིན་ཅན། །སྤྱི་བོ་ལྟེ་བར་གནས་པའི་རྩ་འཁོར་ལོ། །གང་ལ་བཅུ་དྲུག་ཐོག་མར་ཡི་གེ་ཐིག་ལེར་ལྡན། །དྲོ་བའི་བཞི་པ་གཞོམ་མེད་རང་བཞིན་ཅན། ། བ་དྷུ་ཏཱི་ཀུན་ནས་སྤྲེལ་བའི?།། འཁོར་ལོའི་དབུས་གནས་བྱང་ཆུབ་ཡི་གེ་ཐིག་ལེ་ལ། །རྩེ་གཅིག་ཡིད་ཀྱིས་འབྱུང་དང་འཇུག་སྤངས་ཏེ། །དྲོད་དང་དུ་བ་འཐུལ་དང་འབར་བ་ལས། །རླུང་བྲལ་མར་མེ་འབར་བའི་རྩེ་ལྟ་བུ། །གློག་གི་འོད་ལྟར་ཀུན་ནས་གསལ བའི་གཟུགས། །གྱེན་འགྲོས་སྟེང་གི་འཁོར་ལོའི་དབུས་གནས་པའི། །གཞོམ་མེད་ས་བོན་ཧཱུཾ་ཡིག་བཞུ་བྱས་ཏེ། །གང་ལ་བརྟེན་ནས་ཡེ་ཤེས་སྐྱེ་བའི་མཆོག་།བྱང་ཆུབ་རང་བཞིན་འོ་མའི་རྒྱུན་འབབ་པས། །གང་དུ་ཐབས དང་ཤེས་རབ་འདྲེས་གྱུར་པ། །དེ་རུ་གཉིས་མེད་ཡེ་ཤེས་སྐྱེ་བར་འགྱུར། །རང་གིས་རང་རིག་པ་ཡི་ཡེ་ཤེས་མཆོག་།རྟོག་གེ་རྣམས་ཀྱིས་བརྟགས་པའི་ཡུལ་མིན་ཅིང། །བརྗོད་བྲལ་ཡེ་ཤེས་ལྐུགས་པའི་རྨི་ལམ་དང། ། ཅི་ལྟར་གཞོན་ནུ་མ་ཡི་དབང་པོ་གཉིས། །འདུས་ལ་མྱོང་བའི་བདེ་བ་ཅི་བཞིན་པ། །དེ་རུ་གཉིས་མེད་ཡེ་ཤེས་སྐྱེ་བར་འགྱུར། །གང་ཚེ་སྐྱེས་པའི་བདེ་བ་ཆེ་གོམས་པས། །དེ་ལས་གཞན་པའི་དངོས་པོ་མཐོང་མེད་ཅིང། །སྣ་ཚོགས་སྣང པའི་དངོས་འདི་མ་ལུས་པ། །རང་བཞིན་བདེ་བ་ཆེན་པོར་འཆར་པར་འགྱུར། །དེ་ཚེ་མིག་སོགས་དབང་བོའི་ཡུལ་སྣང་པའི། །གཟུགས་ལ་སོགས་བའི་དངོས་འདི་མ་ལུས་པ། །སྒྱུ་མ་སྨིག་རྒྱུ་དྲི་ཟའི་གྲོང་ཁྱེར་དང། །བར་མའི་སྲིད་དར? ཆུའི་ཟླ་བ་དང། །སྣང་བརྙན་སེང་གེ་ཟླ་བའི་གྲོང་བཞིན་དུ། །མ་ལུས་རང་བཞིན་གཅིག་པ་མཐོང་པར་འགྱུར། །དེ་ཚེ?་ཐེག་མེད་སྲིད་པའི་བཙོན་ང?་རུ། །བསགས་པའི་འཆིང་བ་མ་ལུས་ཀུན་བཅད་ནས། །གཉིས་མེད་ཡེ་ཤེས་བདེ བ་ཆེན་པོ་ཡི། །གོ་འཕང་བླ་ན་མེད་པ་ཐོབ་པར་འགྱུར། །དཔལ་འཁོར་ལོ་སྡོམ་པའི་གཉིས་སུ་མེད་པ། བསཾ་གཏན་གྱི་མན་ངག། རྣལ་འབྱོར་གྱིས?་ཏུ?་མོ། སློབ་དཔོན་ཆེན་པོ་དགེ་བའི་མགོན་པོས་མཛད་པ་རྫོགས་སོ།། །། བལ་པོའི་པཎྜི་ཏ་བཱ་གཱི་ཤྭ་ར་དང། ལོ་ཙ་བ་ཨཱ་ཙརྱ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ།། །། *། །ལོ་ཧི་བ་ཡི་མངོན་རྟོགས་འགྲེལ་པ་སྡོམ་པ་འབྱུང་བ་བཞུགས། །། *། །རྒྱ་གར་སྐད་དུ། ལུ་ཡི་པཱ་དཱ་བྷི་ས་མ་ཡ་བར་ཏི་སཾ་བ་རེ་དྱ་ནཱ་མ།

CLOSE WINDOW