Wylie

e-texts based on the ACIP/ALL Input

། །།རྒྱ་གར་སྐད་དུ། ཤྲཱི་ཙཀྲ་སམྦྷ་ར་ཏཏྟཝ་གརྦྷ་སཾ་གྲ་ཧ། བོད་སྐད་དུ། དཔལ་འཁོར་ལོ་སྡོམ་པའི་སྙིང་པོའི་དེ་ཁོ་ན་ཉིད་བསྡུས་པ། དཔལ་འཁོར་ལོ་སྡོམ་པ་ལ་ཕྱག་འཚལ ལོ། །གདོད་ནས་དག་ཅིང་གདོད་ནས་གྲོལ། །གདོད་ནས་ཞི་བའི་བདག་ཉིད་ཅན། །དངོས་པོ་ཀུན་གྱི་དེ་བཞིན་ཉིད། །གཟུང་འཛིན་བྲལ་ལ་ཕྱག་འཚལ་ལོ། །བལྟ་བར་དཀའ་ཞིང་རྟོགས་པར་དཀའ་། །བརྗོད་འདས་ཚིག་གིས་མཚོན་མིན པར། །རང་གིS་རིག་པའི་ཡེ་ཤེས་ནི། །གཉིས་མེད་གསལ་པའི་རང་བཞིན་ཅན། །གང་ཞིག་དྲི་མས་བསྒྲིབས་པའི་སེམས། །ཡུལ་དུ་སྣང་བའི་རྗེས་འཇུག་པ། །གཟུང་དང་འཛིན་པའི་རྟོག་པ་སྟེ། །ཆགས་སྡང་རྣམ་རྨོངས་ལས་ལ་ནི།། རྣམ་གཡེང་སྡུག་བསྔལ་དང་བཅས་པའི། །འཁོར་བ་མངོན་པར་འགྲུབ་པའོ། །གང་གིས་བླ་མའི་དྲིན་ཐོབ་ནས། །སེམས་ཀྱིས་དེ་ཉིད་རིག་པ་གང། །རི་དབང་རྩེ་ནས་ལྷུང་བ་ལྟར། །གྲོལ་བའི་ཐབས་ནི་བླ་ན་མེད། །གཞན་དུ་དཀའ་ཐུབ མི་བཟང་སོགས། །ལུས་ཉོན་མོངས་པར་བྱེད་པ་ཡིས། །ཐར་པའི་འབྲས་བུ་མི་རྙེད་པར། །སླར་ཞིང་རྣམ་པར་འཁོར་པར་འགྱུར། །གང་གི་སེམས་ཀྱི་དེ་ཉིད་རིག་།དེ་ལས་གཞན་དུ་གྲོལ་བའི་ཐབས། །བཟླས་དང་བསམ་གཏན་ལ སོགས་པ། །ཕ་རོལ་སྒྲོལ་བའི་བུ་བཞིན་འདོར། །དེ་བས་བཟླས་མེད་བསམ་གཏན་དང། །དཀའ་ཐུབ་མེད་ཅིང་སྦྱིན་སྲེག་མེད། །དཀྱིལ་འཁོར་དཀྱིལ་འཁོར་པ་མེད་པ། །རང་རིག་ཡེ་ཤེས་གཅིག་པུ་ཉིད། ། རྣམ་ཐར་བཞི་ཡི་རང་བཞིན་དང། །དུས་གསུམ་མཁྱེན་པའི་བདག་ཉིད་ཅན། །རྟེན་འབྲེལ་བཅུ་གཉིས་དག་པ་ཡིས། །ཞལ་ཕྱག་རྣམ་པའི་གཟུགས་ཅན་ཉིད། །ཐབས་དང་ཤེས་རབ་དབྱེར་མེད་སྐུ། །བྱང་ཆུབ་ཕྱོགས་ཆོས་སུམ་ཅུ་བདུན། གཅིག་བུའི་ཉམས་ནི་དུ་མའི་གར། །དཀྱིལ་འཁོར་འཁོར་ལོའི་རྣམ་པའོ། །གང་གིས་དེ་ཡོངས་ཤེས་པ་ཡིས། །རང་བཞིན་དེ་ནི་རྟོགས་འགྱུར་ན། །གཞན་དུ་སྤྲོས་པ་སྣ་ཚོགས་ཀྱང། །གྲོལ་བའི་རྒྱུ་ཉིད་ཁོ་ནའོ། །དེ་ཕྱིར་རང རིག་མཚོན་པ་ཡི། །ཐབས་ཀྱི་སྤྲོས་པ་སྣ་ཚོགས་པ། །གཾ་གཱ་རྒྱ་མཚོའི་རོ་བཞིན་དུ། །སྤྲོས་པ་མེད་པའི་རང་བཞིན་བྱེད། །དེ་བས་གང་གིས་ཐབས་རིག་པས། །བསམ་གཏན་ལ་ནི་མངོན་པར་གཞོལ། །གཟིངས་ལ་ལགས་པར སྦྱོར་བ་ལྟར། །སེམས་ཀྱི་དེ་ཉིད་མཐོང་པར་འགྱུར། །འདིར་ནི་ཕུང་པོ་ཁམས་རྣམས་དང། །སྐྱེ་མཆེད་དྲུག་ལས་རྣམ་གྲོལ་བ། །སྒྱུ་མའི་གཟུགས་ལ་ལེགས་གནས་པའི། །ཾ་པཾ་རྩ་ཡི་འཁོར་ལོ་ལ། །བཅུ་དྲུག་ཐོག་མར ཐིག་ལེར་བཅས། །དྲོ་བ་རྣམས་ཀྱི་བཞི་པ་ལ། །དབྱངས་ཀྱི་དྲུག་པ་དང་ལྡན་པ། །ཟླ་བྱེད་ཐིག་ལེས་རྣམ་པར་མཛེས། །དབྱངས་ཡིག་བཅུ་གསུམ་ཐིག་ལེས?་རྒྱན། ཡ་ཚོགས་བརྒྱད་པའི་མཛའ་གནས་པ། །གཞོན་མེད་པ་དེ་བ་?་མ་རང་བཞིན།། ནཱ་ད་ཐིག་ལེ་དང་བཅས་པའོ། །སྲོག་དང་རྩོལ་བ་ལེགས་བསྔམས་ཏེ། །སྤྲུལ་པར་རླུང་ལྔ་བཅིངས་པ་ཡིས། །དུ་བ་ལ་སོགས་རྟགས་མཐོང་ནས། །ཡེ་ཤེས་མེ་ནི་རྣམ་པར་འབར། །གློག་གི་འོད་དང་མཚུངས་པ་ཡི། །གསལ་བའི་གཟུགས ཅན་གྱེན་འགྲོ་བས། །སྟེང་ནས་བྱང་ཆུབ་སེམས་བླངས་ཏེ། །འོ་མའི་རྒྱུན་གྱིས་རྣམ་པར་འབབ། །ལྟེ་བར་གསང་བའི་སྙོམས་འཇུག་ལས། །ཡེ་ཤེས་སྐྱེས་གང་རང་བཞིན་ནི། །འདོད་ཆགས་མ་ཡིན་ཆགས་བྲལ་མིན། །དབུ་མར་ཡང་ནི་མི དམིགས་ཤིང། །ཆགས་དང་ཆགས་མེད་འདྲས་གྱུར་པའི། །ལྷན་སྐྱེས་ཡང་དག་བྱང་ཆུབ་ཉིད། །ཟླ་བ་ཉི་མའི་དབུས་གནས་མིག། །ནམ་མཁའ་སེམས་གཅིག་གྱུར་པ་ལས། །རླུང་རྣམས་མ་ལུས་དེར་བཅིངས་ཏེ། །ཡིད་ནི་རི་དབང་ལྟར གནས་བྱེད། །ཉིན་དང་མཚན་མོ་རྣམས་སྤངས་ཅིང། །འགྲོ་དང་འོང་པ་ལས་གྲོལ་པ། །དུས་གསུམ་མཉམ་པར་སྦྱོར་བའོ། །བསམ་གྱིས་མི་ཁྱབ་བདེ་བ་ཆེ། །རང་བཞིན་གཉུག་མ་ལྷན་ཅིག་སྐྱེས། །དངོས་པོ་ཀུན་གྱི་དེ ཁོ་ན། །སེམས་ཀྱི་དེ་ཉིད་མཐོང་བ་ངོ། །རང་བཞིན་གྱིས་ནི་རྣམ་དག་པ། །གཟུང་འཛིན་དྲི་བྲལ་མངོན་སངས་རྒྱས། །དམིགས་མེད་སྙིང་རྗེའི་བདག་ཉིད་ཅན། །འཁོར་བ་ཇི་སྲིད་གནས་ཀྱི་བར། །འགྱུར་བ་མེད་པའི་ངོ་བོས་བཞུཌ། རིན་ཆེན་སེམས་ལས་གཞན་གྱུར་པ། །འཁོར་མེད་མྱ་ངན་འདས་པ་མེད། །སེམས་ཀྱི་དེ་ཉིད་རིག་པ་ལ། །འཁོར་ཉིད་མྱ་ངན་འདས་པར་འགྱུར། །དཔལ་ལྡན་མགོན་པོ་སྤྱོད་འཆང་པའི། །དྲིན་གྱིས་རྟོགས་པ་དེ་ཉིད གང། །གཞུང་ལུགས་རྒྱ་མཚོའི་སྙིང་པོ་ཡིས། །འགྲོ་བའི་སྒྲིབ་ཤེས་སྒྲིབ་སེལ་ཤོག་།དཔལ་འཁོར་ལོ་སྡོམ་པའི་སྙིང་པོ་དེ་ཁོ་ན་ཉིད་བསྡུས་པ། སློབ་དཔོན་ཀུ་སུ་ལུ་བས་མཛད་པ་རྫོགས་སོ།། །། རྡོ་རྗེ་སློབ་དཔོན་ངག་གི་དབང་ཕྱུག་དང། ཨཱ་ཙརྱ་མར་པ་ཆོས་ཀྱི་དབང་ཕྱུག་གིས་བསྒྱུར་བའོ།། །།རྒྱ་གར་སྐད་དུ། ས་ཏ་ཛ་ཏཏྟཝ་ཨཱ་ལོ་ཀ་།བོད་སྐད་དུ། ལྷན་ཅིག་སྐྱེས་པའི་དེ་ཁོ་ན་ཉིད སྣང་བ།

CLOSE WINDOW