CLOSE WINDOW

H602: འཕགས་པ་ཡི་གེ་དྲུག་པའི་རིག་སྔགས
Wyliee-texts based on the ACIP/ALL Input

རྒྱ་གར་སྐད་དུ། ཨཱཪྱ་ཥ་ཊཱ་ཀྵ་ར་བིདྱཱ། བོད་སྐད་དུ། འཕགས་པ་ཡི་གེ་དྲུག་པ་ཞེས་བྱ་བའི་རིག་སྔགས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ|་|འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་མཉན་ཡོད་ན་བཞུགས་ཏེ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ|་ཀུན་དགའ་བོ། ཡི་གེ་དྲུག་པའི་རིག་སྔགས་གང་ཡང་དག་པར་རྫོགས་པའི་སངས་རྒྱས་དྲུག་དང་། འཇིག་རྟེན་སྐྱོང་བ་བཞི་དང་། གནོད་སྦྱིན་གྱི་སྡེ་དཔོན་ཆེན་པོ་ཉི་ཤུ་རྩ་བརྒྱད་ཀྱིས་བཤད་པ། ཡི་གེ་དྲུག་པའི་རིག་སྔགས་ཀྱི་རྒྱལ་མོ་འདི་ཀུན་དགའ་བོ་ཁྱོད་ཀྱིས་ཟུངས་ཤིག་།ཆོངས་ཤིག་།ཀུན་ཆུབ་པར་གྱིས་ཤིག། ཏདྱ་ཐཱ|་དནྟི་ལེ། ཀུནྟི་ལེ། དནྡ་མི་ཏི། མ་དྷུ་མ་ཏི། མ་རཎྜེ། ཀ་རཱིནྟེ། ཀོ་རཎྜེ། དྲཱ་བི་ཏི། ཀོ་ཤཱ་རི། ཚ་ཊ་ཛ། དུ་དུ་མ་ཏེ། ཀེ་ཏུ་མ་ཏི། ཙུ་དུ་ནྡྷེ། ཀོ་ཊ་དནྟེ། ཏུ་རུ་ཧུ་རེ། ཨེ་ན་ནི་གེ། ཧུ་ཏ་བ་ཧུ་ནི། ཀུན་དགའ་བོ། འདི་ནི། ཡི་གེ་དྲུག་པའི་རིག་སྔགས་སོ། །ཀླད་པ་ན་བ་དང་། མིག་ན་བ་དང་། རྣ་བ་ན་བ་དང་། སོ་ན་བ་དང་། སྣ་ན་བ་དང་། ལྕེ་ན་བ་དང་། སྙིང་ན་བ་དང་། ལྟོ་བ་ན་བ་དང་། རྒྱ་བ་ན་བ་དང་། རྩིབ་ལོགས་ན་བ་དང་། ཆུ་སོ་ན་བ་དང་། བྱིན་པ་ན་བ་དང་། རྐང་པ་ན་བ་དང་། ཡན་ལག་ན་བ་དང་། ཉིང་ལག་ན་བ་དང་། ཟས་མ་ཞུ་བ་དང་། སྦོས་པ་དང་། མངལ་དུ་ཐོགས་པ་དང་། རླུང་ལས་གྱུར་པ་དང་། མཁྲིས་པ་ལས་གྱུར་པ་དང་། བད་ཀན་ལས་གྱུར་པ་དང་། འདུས་པ་ལས་གྱུར་པ་དང་|་རིམས་དྲག་པོ་དང་། ཉིན་གཅིག་པ་དང་། ཉིན་གཉིས་པ་དང་། ཉིན་གསུམ་པ་དང་། ཉིན་བཞི་པ་དང་། རིམས་ཡུད་ཙམ་པ་དང་། ཉིན་མོའི་རིམས་དང་། མཚན་མོའི་རིམས་ཀྱིས་བཏབ་པ་ལ་ཡི་གེ་དྲུག་པའི་རིག་སྔགས་འདིས་བསྲུང་བ་དང་། ཡོངས་སུ་བསྐྱབ་པ་དང་། ཡོངས་སུ་བསྲུང་བ་དང་། ཡོངས་སུ་བསྐྱང་བ་དང་། ཞི་བ་དང་། བདེ་ལེགས་སུ་འགྱུར་བ་དང་། ཆད་པ་སྤང་བ་དང་། མཚོན་ཆ་སྤང་བ་དང་། དུག་གཞིལ་བ་དང་། ཆུས་གཏོར་བ་དང་། སྲད་བུས་བཅིངས་པ་བྱས་པ་ལས་གང་ཞིག་འགལ་དར་བྱེད་ན། དེའི་མགོ་ཨ་རྫ་ཀའི་དོག་པ་བཞིན་དུ་ཚལ་པ་བདུན་དུ་མི་འགས་པ་ནི། ཀུན་དགའ་བོ། ངས་ལྷ་དང་བཅས་པ་དང་། བདུད་དང་བཅས་པ་དང་། ཚངས་པ་དང་། དགེ་སྦྱོང་དང་། བྲམ་ཟེར་བཅས་པའི་སྐྱེ་རྒུ་དང་། ལྷ་དང་། མི་དང་། ལྷ་མ་ཡིན་དུ་བཅས་པའི་འཇིག་རྟེན་ན་མ་མཐོང་ངོ་། །ཏདྱ་ཐཱ། ཨཎྜ་རེ། པཎྜ་རེ། ཀ་ར་ཏེ། ཀེ་ཡུ་རེ། བྷུ་ཏཾ་ག་མེ། བྷུ་ཏ་གྲ་ཧེ། བྷུ་ཏ་པྲ་ཀྵི་ཏེ|་བྷུ་ཏ་ཡ་སྨྲ་ར་ཡ་ནི། པྲ་ཡ་བ་ཏི། ཏེ་ཛ་བ་ཏི། ཡ་ཤོ་ད་ཏི། གི་རི་ཎཾ་ནི། བདག་འཇིགས་པ་ཐམས་ཅད་དང་། གནོད་པ་ཐམས་ཅད་ལས་བདེ་ལེགས་སུ་གྱུར་ཅིག་སྭཱ་ཧཱ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་ཀུན་དགའ་བོ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རང་སྟེ་བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །འཕགས་པ་ཡི་གེ་དྲུག་པ་ཞེས་བྱ་བའི་རིགས་སྔགས་རྫོགས་སོ།། །།རྒྱ་གར་སྐད་དུ། ཨཱ་ཪྱ་ཀ་ན་ཀ་བ་ཏི་ནཱ་མ་དྷཱ་ར་ཎཱི། བོད་སྐད་དུ།

CLOSE WINDOW